Për analistin Frrok Çupi, PD është qenia më e rrezikshme, më e keqe që ka prodhuar Shqipëria politikisht dhe jo politikisht. Në studion e Neës Line në ABC, Cupi u shpreh se PD me Berishën në krye, ka bërë gjithë të zezat ndaj vendit.

“Ka bërë ndaj vendit të gjitha të zezat. Ka disa njerëz që bashkohen te një strumbulluar që quhet Berisha. Kjo situatë e krijuar, ku Berisha edhe një herë u kap në flagrancë nga Europa, sot ka mbledhur të tijët se ka frikë se do vijnë ta burgosin në zyrë, varet cdo u thotë se këta janë të tërë eunukë, i lëpihen. Ca nuk pret prej tyre, mund të nisin sërish me molotove në parlament, duan të mbulojnë krimin me krimin.” U shpreh ai, ndërsa komentoi edhe një herë sjelljen e kreut të PD, një ditë më parë në Parlamentin Europian.

“Sjellja e Berishës dje ne PE, në ato rrethana PE i tha mbylle gojën dhe ik se nuk njohim atë Shqipëri, po na sjell një fyerje të rëndë që nuk e pranojmë. Sot i dërguari i PE e tha shqip është tjetër gjë Shqipëria dhe tjetër gjë ky që hedh baltë në ekrane. Situata e PD ka vdekur, nuk e njeh një politikë normale kudo të jetë, madje as politika e Honolulusë,” -tha Çupi.

Analisti Frrok Çupi komentoi në studion e News Line, vendimin e KLGJ për mos nisur verifik ndaj gjyqtares Irena Gjoka, duke ia kaluar cështjes ILD-së. Çupi e konsideroi cështjen një shpifje të sajuar nga disa organizata ekstremiste të ndaluara në Greqi që në bashëkpunim me Berishën.

“Është një veprim procedurë, normal realisht duket i thjeshtë. KLGj nuk është organ hetimor, mendoni cfarë absurdi ka. Është një mish mash, një konfuzion që dëshmon se këto organe duhet të përparojnë ose të shpallim që nuk ka drejtësi.

Është një punë e sajuar një shpifje e ndërtuar me mjete gjasme ligjore, nga disa organizata ekstremiste të ndaluara në Greqi që në bashëkpunim me Berishën kanë ndërtuar një përrallë të rrezikshme ligjore. Nuk ka patur asgjë që konsiderohet ligjore në raport me këtë gjë. Dëshmon se këtu ka hyrë ai që ka hyrë me molotov, ai që po nxit Shqipërinë në Strasburg”,-u shpreh Çupi./abcnews.al 

Read More...

E habitshme, por nuk ia ka dalë kurrë këtu. Karlos Alkaraz mund të jetë numri 1 I botës në tenisin për meshkuj, mund të ketë fituar 6 Grand Sleme deri në moshën 22-vjeçare si askush tjetër në histori, por Melburni nuk i ka sjellë fat.

Gjithsesi, kampioni i madh spanjoll është tani vetëm një hap larg realizimit të ëndrrës, fitores së Grand Slemit të vetëm që I mungon, por jo pa një betejë të jashtëzakonshme ndaj gjermanit, Aleksandër Zverev.

Maratona zgjati 5 orë e 27 minuta, gjysmëfinalja më e gjatë në historinë e Australian Openit, dhe një nga ndeshjet më të gjata të luajtura ndonjëherë.

Alkaraz ia doli në pesë sete me rezultatin e ngushtë 6-4, 7-6, 6-7, 6-7, 7-5. Dueli në Arenën “Rod Lejvër” ishte fenomenal.

Spanjolli fitoi dy setet e para, ndonëse taj brejku në të dytin u duk se nuk do të përfundonte kurrë.

Më pas, Karlos ishte dy pikë larg suksesit në tre sete, por gjithçka u përmbys.

Zverev, një nga tenistët më të talentuar të brezit të tij, por edhe një ndër më nervozët e të paqendrueshmit, reagoi dhe barazoi sfidën.

Alkaraz pati ngërçe në setin e tretë dhe vuajti deri në fund, por ia doli, edhe pse gjermani me origjinë ruse shërbeu për fitoren e duelit në setin e pestë.

Rivali protestoi ashpër në momentin kur spanjolli mori ndihmë mjekësore duke pretenduar se ai u ndihmua, ndonëse në fund nuk mungoi përqafimi sportiv mes tyre.

Numri 1 I botës ka arritur tashmë 8 finale të Çmimeve të Mëdha.

Se çfarë e ardhmeje e pret kampionin e “Furive të Kuqe” mjafton të themi se Gjokoviç kishte fituar vetëm një Grand Slem 22 vjeç, Federer vetëm 3, ndërsa Nadal arriti deri në pesë.

Vetëm një vonesë, që shtyu vizitat mjekësore dhe firmën në kontratë. Nuk ishte një nisje e mirë, por që gjithsesi nuk e pengoi transferimin e Kristjan Asllanit te Besiktas.

Mesfushori i kombëtares së Shqipërisë zbriti nw aeroportin e Stambollit paraditen e sw premtes me disa orw vonesw, pasi avioni me të cilin do të udhëtonte nga Milano drejt Stambollit u shty për shkak të një avarie.

Ai u prit si njw yll i vwrtetw nga mediat e shumta dhe tifozwt, pwrpara se t’ui nwnshtrohej testeve mjekwsore.

Ndwrkohw, mediat turke kanë zbuluar detajet e marrwveshjes mbi bazën e huazimit.

Besiktas ka pranuar të paguajë të plotë pagën e futbollistit, e cila është e njëjtë me atë që arkëtonte te Torino.

Po ashtu, klubni turk ka të drejtën e blerjes së kartonit në fund të sezonit, por pa një klauzolë detyrimi.

Kjo do të thotë se në fund të këtij edicioni do të vendosë, nëse do të paguajë 13 milion euro, në të kundërt Kristjan Asllani duhet të rikthehet sërish tek Inter, që ka në pronësi kartonin e tij.

Në këtë mënyrë, topi është sërish në këmbët e mesfushorit kuqezi, që duhet të bindë Besiktas në gjysmën e dytë të sezonit.

Pas hapësirave të pakta tek Inter dhe aventurës zhgënjyese te Torino, Kristjan Asllani shpreson të luajë me vazhdimësi me skuadrën turke për të kthyer sërish karrirën e tij në shinat e duhura.

Lamallari: Vijon puna për reformën në drejtësi, me gjithë punën e mirë në këto vite. Për herë të parë në Shqipëri kur nuk mendohej se do kishim shembjen e pandëshkueshmërisë, kjo është bërë e mundur falë PS e bashkëpunimit ndërkombëtar. Me rëndësi të theksojmë drejtësinë transparente, dhe llogaridhënëse para qytetarëve. Bashkëpunim efektiv me pushtete të ndryshme që përkthehet në më shumë liri e të drejta për qytetarët që do të jenë të zbatueshme në përditshmëri.

Me rëndësi procesi për ndryshimin e politikës penale, është e rëndësishme të udhëhiqemi në frymë e përmbajtje nga standardet ndërkombëtare. Faza e parë e luftës kundër krimit dhe korrupsionit është shënuar me sukses, por jemi në një fazë të re, atë të standardeve.

Mos mjaftohemi vetëm nga lajmi i ditës. Ai që duhet lajm për dikë për dikë tjetër është cënim i një procesi ligjor, drejtësia duhet të flasë me standarde. Duhet të jemi koshient që 2027 mos përkojë vetëm me mbylljen e negociatave teknike, por të dëshmojmë se jemi dinjitoz në tryezën e Brukselit. Nuk duhet të presim të jemi vetëm subjekt i padrejtësisë. Kjo ka të bëjë me forcimin e shtetit të së drejtës, dhe me integritetin e institucioneve, një shërbim që u ofrohet qytetarëve.

Rama: Mua më vjen mirë që edhe nga këto dëgjesa cfarë kemi ne në dorë si qeveri, edhe sa i përket infrastrukturës që ka të bëjë me ujitjen, kullimin, ne do e bëjmë duke i rritur financimet por për tu bërë shumë më tepër të suksesshëm në territor jo vetëm në Shqipëri duhet që secili të informohet dhe të bëjë gati atë që duhet për të marrë më shumë financim dhe kjo nuk vjen nga buxheti por nga linja e kredisë, banka e zhvillimit, agrokrediti, fondet e BE dhe të gjitha këto duan projekt.  Po nuk tregove projekt, nuk merr dot lekët.

Bashkë me bashkitë duhet që të gjithë ata që kanë interes të krijojmë ndërmarrjet e përpunimit, ku bashkitë janë garante të financimeve për të marrë këto fonde. Nuk është e vështirë nëse fokusohemi te kjo. Duket e pamundur nëse presim që cfarë kemi nevojë të na e sjellë llokum shteti nga buxheti. Po të mos kishim sot një numër jo të vogl kompanish që e bëjnë këtë gjë, mund të thoshit ca po na tregon.

Ngritja e ndërrmarrjeve të vogla është një domosdoshmëri, është strategjike dhe duhet bërë tani për të mos patur asnjë problem për të qenë zot të cmimit në cdo kohë. Duke patur edhe prodhimin e freskët, edhe fabrikën për përpunim në mënyrë që asnjë gram e atij prodhimi të mos shkojë pa marrë të gjithë vlerën që meriton./abcnews.al

Rama: Ca do me thënë prit një herë se duhet të na mbroni. Unë besojs e shteti ka detyrë ti qëndrojë pranë këtij sektori, sepse është një sektor që ka brishtësinë e vet, dhe për të funksionuar si duhet të mbështetet, por nga ana tjetër për t’u rritur dhe forcuar ju duhet të mendoni si të mëdhenj. Do të thotë se këtu ka shembuj, sot këtu në këtë tërritor ka shembuj konkret suksesi. Ka ndërmarrje bujqësore të suksesshme.

Nuk funksionon qëndrimi vetëm, po të jesh vetëm dhe të qëndrosh në ngastrën tënde, mund të shkosh deri në pikën që të mbijetosh por jo të krijosh fitim dhe të rritesh. Po të bashkohesh me tjetrin ndryshon puna. Flasim për bashkimin në interes. Prodhimin secili e bën vetë, por ama ka një koordinim me tjetrin cfarë të prodhojmë që të shesim. Sic ndodh me vajin e ullirit duhet të ndodhë edhe me të tjerat. Finacimet janë.

Ata që duan të rriten duhet të agropërpunojnë, kush ka ambicie të rritet me shpejtësi. Ne nuk bëjmë përjashtim nga ndryshimet klimatike. Pavarësisht se jemi tipa të cuditshëm, kur e shohim jashtë na duket dicka që e sjell natyra, kur e shohim këtu na duket si dicka që e sjell qeveria. Po nga ana tjetër hapja me BE kërkon të nisim përgatitjet për atë që ndodh neser. Dhe shitja këtu ndalon nëse nuk plotësohen kushtet, sepse je pjesë e tregut të BE. Sigurisht kjo vjen pas një periudhe 15 vjecare. Po 15 vjet kalojnë shumë shpejt.

Read More...

Askush nuk duhet të habitet që Kina ka ekzekutuar me shpejtësi 11 anëtarët e një familjeje të krimit të organizuar nga Mianmari verilindor, të cilët u dënuan me vdekje në shtator, shkruan BBC.

Kina ekzekuton më shumë njerëz se kudo tjetër në botë, sipas grupeve të të drejtave të njeriut – shifra e saktë është sekret shtetëror. Zyrtarët shpesh ekzekutohen për korrupsion. Akuzat e bëra kundër familjes Ming ishin shumë më serioze.

Klanet Ming, Bau, Wei dhe Liu kanë dominuar qytetin e largët kufitar të Laukkaing në shtetin e varfër Shan të Mianmarit, që nga viti 2009.

Ata erdhën në pushtet pasi Gjenerali Min Aung Hlaing, udhëheqësi aktual i grushtit të shtetit në Mianmar, udhëhoqi një operacion ushtarak për të dëbuar MNDAA-në, ushtrinë etnike kryengritëse që kishte dominuar Laukkaing dhe zonën përreth tij që nga vitet 1980.

Katër familjet, siç u bënë të njohura, morën kontrollin dhe filluan të zhvendoseshin nga varësia e vjetër nga prodhimi i opiumit dhe metamfetaminës në një ekonomi të re të bazuar në kazino dhe, përfundimisht, në mashtrimet online.

Ata mbetën pranë ushtrisë së Myanmarit; në dhjetor 2021, pasi mori pushtetin me grusht shteti, Min Aung Hlaing nderoi Liu Zhengxiang, patriarkun e klanit Liu, në kryeqytetin Nay Pyi Taw dhe i dha atij një titull nderi për “kontribute të jashtëzakonshme në zhvillimin e shtetit”.

Konglomerati i tij Fully Light kishte biznese fitimprurëse në të gjithë Myanmarin. Anëtarë të tjerë të katër familjeve ishin kandidatë për partinë e mbështetur nga ushtria USDP.

Megjithatë, komplekset mashtruese që ata drejtonin në Laukkaing ishin brutale, shumë më tepër sesa komplekset mashtruese në pjesë të tjera të Azisë. Tortura ishte rutinë.

Dhjetëra mijëra punëtorë, kryesisht kinezë, u joshën atje me premtime për vende pune të paguara mirë, vetëm për t’u gjetur të burgosur në komplekse. Ata u detyruan të drejtonin mashtrime të hollësishme “kasaphanë derrash”, ku shumica e viktimave ishin gjithashtu kinezë. Ankesat nga viktimat dhe nga familjet e atyre që ishin bllokuar në kompleks u shumëfishuan në mediat sociale.

Kompleksi më famëkeq në Laukkaing quhej Villa Crouching Tiger, i drejtuar nga familja Ming. Në tetor 2023, gjatë asaj që besohet të ketë qenë një përpjekje arratisjeje, rojet vranë disa shtetas kinezë. Autoritetet kineze u ndien të detyruara të ndërmerrnin veprime.

Me bekimin e dukshëm të Kinës, MNDAA dhe aleatët e saj sulmuan dhe rimorën Laukkaing, si pjesë e ofensivës së tyre kundër ushtrisë së Myanmarit në luftën civile që po vazhdonte. MNDAA u zotua ta zhdukte plotësisht biznesin mashtrues.

Ata arrestuan krerët e katër familjeve dhe dorëzuan më shumë se 60 të afërm dhe bashkëpunëtorë të tyre në policinë kineze. Ming Xuechang, patriarku i familjes, ose udhëheqësi i luftës, vrau veten pasi u kap, thanë autoritetet.

Gjatë marrjes në pyetje nga policia kineze, një nga anëtarët e familjes raportohet se ka pranuar vrasjen e dikujt të zgjedhur rastësisht vetëm për të demonstruar forcën e tij.

Këto detaje janë publikuar nga Kina për të justifikuar trajtimin e saj të ashpër të familjeve. Pesë anëtarë të familjes Bau presin gjithashtu ekzekutimin, ndërsa gjyqet e familjeve Wei dhe Liu nuk kanë përfunduar ende.

Katër familjet janë kineze etnike dhe kishin lidhje të ngushta me autoritetet në anën kineze të kufirit në Yunnan. Abuzimet e tyre ishin shumë afër shtëpisë për Kinën, dhe veprimi kundër biznesit të mashtrimit në Laukkaing ka qenë më vendimtar deri më tani.

Kina gjithashtu ka bindur Tajlandën dhe Kamboxhian të ekstradojnë dy figura biznesi kineze të akuzuara për drejtimin e perandorive të mashtrimit, She Zhijiang, e cila ndërtoi një qytet të tërë në shtetin Karen të shkatërruar nga lufta në Myanmar, dhe Chen Zhi, i cili grumbulloi pasuri dhe pushtet me konglomeratin e tij Prince Group në Kamboxhia. Qeveria kineze gjithashtu ka sjellë dhjetëra mijëra qytetarë të saj që punonin në komplekse mashtrimi përsëri në Kinë për t’u përballur me gjyqin./abcnews.al

Presidenti i SHBA-së, Donald Trump, thotë se Vladimir Putin i Rusisë ka rënë dakord të mos sulmojë kryeqytetin e Ukrainës, Kievin, dhe pjesë të tjera të vendit për një javë për shkak të motit “jashtëzakonisht të ftohtë”.

Rusia nuk ka konfirmuar një marrëveshje, por Volodymyr Zelensky President i Ukrainës e mirëpriti këtë veprim.

Ndërsa Trump nuk specifikoi se kur do të fillonte pauza, gjatë natës së të premtes alarmet për sulme ajrore u dhanë vetëm në katër rajone ukrainase që janë afër vijës së frontit.

Temperaturat në Kiev pritej të binin nga e enjtja dhe të arrinin -24C gjatë ditëve të ardhshme. Në javët e fundit, Rusia ka intensifikuar sulmet ndaj infrastrukturës energjetike të Ukrainës, siç ka bërë gjatë periudhave të ftohta që nga fillimi i pushtimit në shkallë të plotë në vitin 2022.

Forcat Ajrore të Ukrainës thanë të premten se katër zonat ku u dëgjuan sirenat ishin shënjestruar nga 80 dronë rusë dhe një raketë balistike.

Duke folur në një takim të kabinetit të transmetuar në televizion në Uashington DC të enjten, presidenti amerikan tha: “Unë personalisht i kërkova Presidentit Putin të mos qëllonte në Kiev dhe qytete të ndryshme për një javë, dhe ai pranoi ta bënte këtë.”

Ukrainasit, tha ai, “pothuajse nuk e besuan, por ishin shumë të lumtur për këtë sepse po vuajnë keq”.

Më vonë të enjten, në një postim në mediat sociale, Zelensky tha se Trump kishte bërë një “deklaratë të rëndësishme” në lidhje me “mundësinë e ofrimit të sigurisë për Kievin dhe qytete të tjera ukrainase gjatë kësaj periudhe ekstreme dimri”./abcnews.al

Zv/kryeministrja, njëherësh ministre e Infrastrukturës dhe Energjisë ishte e pranishëm në takimin me fermerët për Skemën Kombëtare 2026. Balluku tha se buxheti 2026 është buxheti më i madh në histori për bujqësinë, blegtorinë dhe peshkimin

“Fryma në Divjakë dhe në Lushnje edhe kur kemi problematika apo dëme nga përmbytjet është komplet ndryshe.

Më është dashur të hy në serat tuaja, të marr mësime nga më të mirët këtu dhe të kuptoj që edhe tokat tuaja ranore e përballojnë më mirë përmbytjen.

Me rëndësi është të mirëkuptohemi, të mbështesim njëri tjetrin.

Qeveria e angazhuar maksimalisht në mbështetjen e fermerëve. Tek shihja 2025, mbi 600 mln lekë janë vënë në dispozicion të skema dhe janë ezauruar në 95% të tyre. Buxheti 2026 më i madh historik për bujqësinë, blegtorinë dhe peshkimin.” u shpreh Balluku./abcnews.al

Dollari i SHBA-së po vazhdon të humbasë vlerën kundrejt monedhave të tjera të rëndësishme duke ndjekur kësisoj tendencën e vitit 2025. Vitin e kaluar monedha e SHBA-së shënoi humbjen më të fuqishme që prej gati një dekade.

Minusi kundrejt një grupi monedhash të tjera më 2025 përbënte rreth 10 përqind. Që nga fillimi i vitit 2026 rënia ka qenë edhe me minus 2,6 përqind të tjera.

Humbja e vlerës së dollarit ka pasoja ndaj euros dhe monedhave të tjera. Monedha e përbashkët europiane për herë të parë që nga viti 2021 ka arritur vlerën 1,20 dollarë të SHBA-së. Edhe paundi britanik dhe yeni japonez janë rritur kundrejt dollarit në nivelet më të larta.

Disa ekonomistë dhe analistë i shpjegojnë humbjet e vazhdueshme të vlerës së dollarit me mungesën e besimit të investitorëve tek monedha e SHBA-së, sepse paparashikueshmëria e politikës së presidentit Donald Trump vazhdon të japë shkas për shqetësime.

Ka edhe një tjetër këndvështrim, sipas të cilit vet Trump dhe shumë pjestarë të ekipit të tij për ekonominë e dëshirojnë një humbje vlere të dollarit,me shpresën, që eksportet nga SHBA të jenë me çmime më të favorshme dhe në këtë mënyrë të rritet aftësia e konkurrencës.

Trump nuk është përpjekur ta hedhë poshtë këtë hamendësim. Përkundrazi, kur e pyetën këtë javë, nëse shqetësohet për dollarin e dobët, ai u përgjigj: “Jo, kështu është shumë mirë.”

Stephen Miran, ish-kryetar i shtabit të këshilltarëve ekonomik të Trumpit dhe tani anëtar i këshillit administrativ të Bankës së Rezervave të SHBA-së, Fed, në nëntor 2024 publikoi një “Udhëzues për ristrukturimin e sistemit global të tregtisë”. Doganat dhe zhvleftësimi i dollarit u paraqitën si instrumenta të rëndësishme, për ta ulur deficitin tregtar të SHBA-së.

Përse e prek kjo Europën?
Dobësimi i dollarit ka efekt jo vetëm ndaj ekonomisë së SHBA-së, por ka edhe pasoja për ekonominë e eurozonës dhe për euron. Monedha e përbashkët në 2025 ka fituar 13 përqind vlerë kundrejt dollarit – rritja më e fuqishme që nga viti 2017.

Forcimi i euros luan “një rol të rëndësishëm për rendimentin ekonomik, tregun e punës dhe gjendjen financiare të buxheteve” në BE, thotë Jack Allen-Reynolds, zëvendës-kryeekonomist për eurozonën në Capital Economics.

“Një euro më e fuqishme ul aftësinë konkurruese të eksporteve, gjë që dëmton prodhuesit në rajon”, thotë për DW Allen-Reynolds. “Nga ana tjetër importet janë më të lira, gjë çon në uljen e çmimeve për konsumatorët.”

Ricardo Amaro, kryeekonomist për eurozonën në Oxford Economic tërheq vëmendjen, se një rritje e mëtejshme e euros kundrejt dollarit mund të prekë gjithnjë e më shumë aftësinë e konkurrencës të sipërmarrjeve europiane, të cilat eksportojnë në SHBA.

Kjo vërtetë kompensohet nga çmimi i favorshëm i produkteve të SHBA-së në Europë, sipas Amaros. Por në përgjithësi kursi aktual i këmbimit, nëse mbetet kështu, do të kishte efekt negativ ndaj rritjes ekonomike në Europë.

“Sipas llogarive tona produkti bruto në vend i eurozonës sivjet do të ishte rreth 0,2 përqind më i ulët, nëse kursi i këmbimit euro-dollar mbetet në nivelin aktual (1,20 USD), në vend të normës 1,16 dollar, që ka shërbyer si pikë reference në marrëveshjen e tregtisë BE-SHBA në fund të korrikut”, thotë Amaro për DW.

A duhet të ndërhyjë BQE?
Rritja e euros kundrejt dollarit ka nxitur spekulimet, nëse është e nevojshme ndërhyrja e Bankës Qendrore Europiane.

Martin Kocher, guvernator i Bankës Qendrore të Austrisë e konsideron rritjen aktuale të euros si të “moderuar”. Nëse vlera e euros do të vazhdojë të rritet, duhet të ndërhyjë BQE-ja.

Qysh tani BQE përpiqet të influencojë pritshmëritë e tregut, kur përfaqësuesit e nivelit të lartë të BQE-së deklarojnë, se “po e vëzhgojnë situatën, dhe shprehin rezerva lidhur me zhvillimet e fundit”, thotë Ricardo Amaro. “Kjo shtron temën e uljes së interesave për të frenuar rritjen e euros.”

Edhe Jack Allen-Reynolds mendon, se nuk është e nevojshme ndërhyrja me nivelin aktual të ndryshimeve në kurset e këmbimit. Por ai beson, se ndryshime të mëtejshme mund ta venë në lëvizje BQE-në që gjatë vitit të ulë interesat.

Ndërsa Zsolt Darvas argumenton, se pasojat aktuale lidhur me inflacionin janë gati zero dhe asnjë sektor nuk është veçanërisht i ndjeshëm. “Kurset e këmbimit dekadat e fundit kanë pasur luhatje të fuqishme. Sipërmarrjet janë përgatitur për të përballuar luhatje edhe më të forta se këto që shohim aktualisht”, vlerëson Darvas./dw

Administrata Tatimore informon se problematika e konstatuar ditët e fundit në aksesimin e Platformës Qendrore të Lëshimit të Faturave të Fiskalizuara është zgjidhur, dhe se platforma prej pasdites së sotme, 28 janar, është në shërbim të plotë dhe funksionon normalisht.

Megjithatë, për qëllime sqaruese dhe orientuese, si dhe duke marrë shkas nga vështirësitë e hasura ditët e fundit, Administrata Tatimore rikujton procedurat që tatimpaguesit duhet të ndjekin në rastet kur, për arsye objektive, hasen vështirësi në fiskalizimin e faturave, me synim garantimin e vijimësisë së aktivitetit dhe respektimin e detyrimeve ligjore.

Për këtë qëllim, të gjithë tatimpaguesit duhet të kenë në konsideratë sa vijon:

1. Tatimpaguesit, që përdorin software për lëshimin e faturave
Rreth 139.000 tatimpaguesit, që përdorin software për lëshimin e faturave, duhet të vijojnë normalisht me lëshimin e faturave përmes tij edhe në rastet kur konstatojnë se faturat nuk janë pajisur me kodin unik (NIVF). Në momentin që platforma rikthehet në shërbim të plotë, këta tatimpagues do të vijojnë me fiskalizimin e faturave të pafiskalizuara, duke u siguruar që për çdo faturë të lëshuar të gjenerohet kodi unik përkatës (NIVF).

2. Tatimpaguesit, që nuk disponojnë software fiskalizimi
Rreth 3000 tatimpaguesit, që nuk janë të pajisur me software, por përdorin Platformën Qendrore të Faturave për lëshimin e tyre mund të pajisen me software që i përshtatet aktivitetit të tyre ose t’i drejtohen me kërkesë Drejtorisë Rajonale Tatimore përkatëse për t’u pajisur me bllokun e veçantë të faturave, në përputhje me parashikimet e nenin 30 të ligjit nr. 87/2019. Blloku i veçantë i faturave përdoret edhe në rast të një defekti apo ndërprerje të plotë të punës së zgjidhjes software-ike. Faturat e lëshuara me bllokun e veçantë duhet të raportohen pranë Administratës Tatimore, brenda afateve ligjore të përcaktuara.

3. Fiskalizimi i faturave në lidhje me zhdoganimin e mallrave
Në rastet e zhdoganimeve, afati ligjor për kryerjen e fiskalizimit është 7 ditë nga data e daljes së mallit në qarkullim të lirë. Në rast se ky afat tejkalohet si rrjedhojë e vështirësive që mund të krijohen gjatë aksesimit të Platformës Qendrore të Lëshimit të Faturave të Fiskalizuara, Drejtoritë Rajonale Tatimore do të marrin në konsideratë situatat specifike, që kanë çuar në tejkalimin e afatit, rast pas rasti.

Disa ditë pas dhunës së ushtruar ndaj gazetarit të lajmeve rozë, Elton Tozaj këtë të enjte ka ndodhur një tjetër ngjarje. Tozaj ka denoncuar në polici se në derën e banesës ka gjetur një bidon me benzinë dhe një sasi të lëndës djegëse të përhapur në tokë.

Gjatë dëshmisë së tij para uniformave blu, Tozaj ka thënë se lënda djegëse i është vendosur në formë kërcënimi nga persona si të dyshuar të lidhur me boten e krimit, që ai pretendon se i ka denoncuar publikisht me emra.

Ngjarja ka ndodhur mëngjesin e të enjtes në një pallat në rrugën “Haxhi Deliu” në Tiranë, ndërkohë grupi hetimor vijon punën për zbardhjen e rrethanave të rastit.

Më 26 dhjetor të vitit të kaluar, gazetari Tozaj u dhunua në autostradën Tiranë-Durrës ndërsa nga dhuna i rrezikohej dhe shikimi./abcnews.al

Presidenti i Serbisë, Aleksandar Vuçiç, njoftoi të enjten se shërbimi i detyrueshëm ushtarak në vend do të hyjë në fuqi në dhjetor të këtij viti ose në mars të vitit 2027.

Vendimi për fillimin e shërbimit ushtarak, tha ai, varet nga gatishmëria e kapaciteteve dhe objekteve ushtarake.

“Ne do ta marrim këtë vendim së shpejti, brenda një ose dy muajve të ardhshëm, dhe do ta çojmë në Parlament dhe do të fillojmë regjistrimin e rekrutëve ushtarakë”, tha Vuçiq, pas një takimi me udhëheqësit ushtarakë mbi gjendjen dhe analizën e aftësive të Forcave të Armatosura Serbe për vitin 2025.

Shërbimi ushtarak do të zgjasë 75 ditë, sipas tij.

“Duhet t’i bëjmë gati të gjitha pajisjet. Kemi mjaftueshëm armë dhe çizme, por ka disa gjëra që nuk janë ende plotësisht gati”, tha ai.

Ai shtoi se nevojitet rinovimi i qendrave të rekrutimit, përmirësimi dhe rinovimi i klinikave dhe gjëra të tjera.

“Këto janë pyetje të rëndësishme sepse duam të jemi të përgatitur për këtë dhe që këta të rinj ta kalojnë shërbimin e tyre ushtarak në kushtet më të mira. Të fitojnë përgjegjësinë dhe seriozitetin e nevojshëm, si dhe një qëndrim ndaj patriotizmit”, tha Vuçiç.

Futja e shërbimit të detyrueshëm ushtarak duhet ta marrë pëlqimin e Kuvendit të Serbisë.

Përfaqësuesit e Qeverisë kanë njoftuar vazhdimisht kthimin e shërbimit ushtarak vitet e fundit.

Ideja u konkretizua në janar 2024. Pastaj Shtabi i Përgjithshëm i Ushtrisë Serbe nisi një iniciativë dhe i propozoi presidentit kthimin e shërbimit ushtarak.

Vuçiç më pas, në shtator të të njëjtit vit, nënshkroi një marrëveshje për ta kthyer shërbimin e detyrueshëm ushtarak në Serbi.

Që nga heqja e tij më 1 janar 2011, shërbimi ushtarak ka qenë vullnetar.

Kroacia fqinje votoi gjithashtu për ta kthyer shërbimin e detyrueshëm ushtarak në tetor 2025.

Ndër vendet që nuk e kanë hequr shërbimin e detyrueshëm ushtarak janë Zvicra, Norvegjia, Danimarka, Finlanda, Austria, Turqia, Estonia, Greqia, Qiproja, Ukraina, Rusia dhe Bjellorusia./rel

Read More...

Një shërr për motive të dobëta, ka degjeneruar në përdorim të thikës dhe në plagosjen e dy personave në Sarandë.

Ngjarja ka ndodhur mbrëmjen e djeshme në lagjen nr.4 të qytetit. Si pasojë e një konflikti mes shtetasve Enea Qorri dhe Arnest Gjoncaj, kanë mbetur të plagosur të dy personat. Mësohet se 27-vjecari Gjoncaj, banues në fshatin Gjashtë, është i goditur me thikë pas shpine dhe është nisur me urgjencë drejt Tiranës. Nga përplasja e dhunshme ka mbetur i plagosur edhe vetë Qorri. Ky i fundit rezulton me precedentë penalë.

Policia e Sarandës ka nisur hetimet për ngjarjen dhe po punon për zbardhjen dhe dokumentimin e plotë të saj, ndërsa është shpallur në kërkim, Florjan Gjoncaj.

Pasi dorëzuan në Kuvend propozimin për komisionin e posacëm për reforëm territorial, më qëllim vijimin e punës, kreu i grupit parlamentar të PS, Taulant Balla ka edhe një apel të fundit për PD.

“Mbledhja e radhës së komisionit të thirret ditën e hënë. Nëse opozita bojkton edhe mbledhjen e ditës së hënë, atëherë në seancë do vendosim mekanizmin cbllokues. Reforma do të bëhet doni apo sdoni ju.” -u shpreh Balla

Në ndryshimet që kanë propzuar, socialistët marrin shumicën e anëtarëve, nga 8 deputetë aktualisht, e cojnë në 9, çka prish barazinë mazhorancë-opozitë.

Në dokumentin që do të duhet të marr miratim në Parlament, citohet se: “Kmisioni i Posaçëm përbëhet nga 17 anëtarë, nga të cilët 9 janë janë përfaqësues të Grupit
Parlamentar të Partisë Socialiste dhe 6 përfaqësues të Grupit Parlamentar të Partisë Demokratike, 1 përfaqësues i Grupit Parlamentar Aleanca për Ndryshim dhe 1 përfaqësues i
Grupit Parlamentar i Partisë së Lirisë”

Ky komision aktualusht përbëhet nga 8 anëtarë, deputetët të Partisë Socialiste, 6 të PD, Edmond Haxhinasto i Partisë së Lirisë dhe Vangjel Dule, nga Grupit Parlamentar Aleanca për Ndryshim, pra barazi 8 me 8 mes maxhorancës dhe opozitës.

Me ndryshimet e reja, numri i socialistëve shkon në 9, duke formuar shumicën aty. Në dokument ka dhe një propozim të dytë. Luciano Boci nuk do të jetë bashkëkryetar, pra nuk ka të drejtë vetoje.

“Kryetari i komisionit është përfaqësues i Grupit Parlamentar të Partisë Socialiste dhe zëvendëskryetari është përfaqësues i Grupit Parlamentar të Partisë Demokratike”

Këto dy ndryshime bëjnë të mundur që puna në Komision të mos pengohet, për shkak të mosprezencës së deputetëve demokratë. Ata edhe aktualisht I kanë bojktouar dy komisionet e posacme, sipas porosisë së kryetarit Berisha.
Komisioni për reformën territoriale është ngritur më 27 tetor dhe janë njoftuar 4 mbledhje, nga të cilat demokratët kanë qenë vetëm në 1./abcnews.al

Një aksident automobilistik ka ndodhur mesditën e sotme në aksin rrugor Fier – Kallm pranë mbikalimit të autostradës ku një kamion i tonazhit të rëndë ka përfunduar në kanalin anësor të rrugës pasi drejtuesi i mjetit ka humbur kontrollin.

Drejtuesi dhe një pasagjer që e shoqëronte kanë arritur të dalin nga kamioni vetëm me demtime të lehta.

Në vendgjarje kanë mbërritur shërbimet zjarrfikese, autoambulanca policia dhe grupi hetimor të cilët po punojnë për zbardhjen e shkaqeve  të aksidentit