TIRANË, 10 shkurt /ATSH/ Drejtoria e Përgjithshme e Tatimeve njoftoi sot se aksioni i kontrollit në agjencitë imobiliare dhe ato të ndërtimit është përqendruar në Durrës dhe Lezhë.

DPT, në një videomesazh, thekson se nga kontrollet e kryera në zbatim të planit operacional në sektorin e ndërtimit ka identifikuar shkelje të rëndë në legjislacionin tatimor, praktika të qëllimshme që agjencitë imobiliare apo subjektet ndërtuese aplikojnë me qëllim shmangien e detyrimeve tatimore si dhe parregullsi në deklarim dhe dokumentimin e aktivitetit ekonomik.

Sipas DPT-së, në agjencitë imobiliare dhe ndërtuese në Lezhë dhe Durrës u konstatuan raste të përdorimit të dokumentacionit jotatimor dhe mospërputhje të theksuara mes të dhënave financiare të deklaruara dhe aktivitetit real ekonomik.

Drejtoria e Përgjithshme e Tatimeve informon se njësoj si në Tiranë, Vlorë, Sarandë edhe në Durrës dhe Lezhë janë identifikuar raste të evazionit fiskal në vlera të larta. Me qëllim uljen e detyrimeve tatimore, subjektet imobiliare dhe ndërtuese shesin apartamente dhe pasuri të tjera me çmime shumë herë më të larta se ato të deklaruara në kontratat noteriale dhe të raportuara pranë Administratës Tatimore në shkelje të plotë të ligjit.

Sipas DPT-së, hetimi vijon me analizimin e mëtejshëm të deklarimeve të subjekteve për të dokumentuar fshehjen e të ardhurave përmes të dhënave të siguruara nga njësitë kompjuterike të sekuestruara ku rezulton se janë kryer shitje në cash, bonuese të paguara në cash, si dhe praktika të tjera në kundërshtim me ligjin.

Në përfundim të hetimit, Drejtoria e Hetimit Tatimor do të referojë pranë prokurorive përkatëse materialet për çdo rast ku evidentohen elementë të veprës penale të evazionit fiskal.

Drejtoria e Tatimeve, thekson se kontrollet do të shtrihen në mbarë territorin e vendit në funksion të formalizimit të pagave dhe rritjes së pensioneve.

/e.i/r.e/a.f/

The post Tatimet kontrolle në Durrës e Lezhë, raste evazioni fiskal në vlera të larta monetare appeared first on Agjencia Telegrafike Shqiptare.

TIRANË, 9 shkurt/ATSH/ Administrata Tatimore ka hapur aplikimet për përfitimin e kompensimit të shpenzimeve për arsimimin e fëmijëve për të gjithë individët që kanë plotësuar deklaratën DIVA dhe kanë rezultuar me tatim të mbipaguar, pas zbritjes së shpenzimeve të lejuara me vlerë 48 mijë lekë, apo deri në 100 mijë lekë në vit.

Aplikimi kryhet nëpërmjet sistemit online “e-Filing” dhe, pas dorëzimit të kërkesës, shuma e kompensimit do të transferohet në llogaritë bankare të deklaruara nga përfituesit gjatë procesit të aplikimit.

Sipas Drejtorisë së Përgjithshme të Tatimeve, të gjithë individët që pas zbritjes së shpenzimeve për fëmijët kanë rezultuar me tatim të mbipaguar, mund të nisin procedurën e aplikimit për rimbursim duke dorëzuar deklaratën DIVA 2025 në llogarinë e tyre personale në “e-Filing”.

Gjatë aplikimit, kërkohet bashkëngjitja e dokumentacionit përkatës, përfshirë të dhënat e llogarisë bankare personale, certifikatën familjare si dhe dokumentet që vërtetojnë shpenzimet e kryera për arsimimin e fëmijëve. Këto dokumente përfshijnë kontratat me institucionet arsimore dhe faturat e pagesave, si dhe faturat për shpenzime të tjera arsimore, përfshirë edhe pagesat për kurse të gjuhëve të huaja.

Administrata Tatimore sqaron se kërkesa për rimbursim mund të refuzohet në rastet kur deklarata DIVA 2025 nuk rezulton me mbipagesë, kur dokumentacioni i paraqitur është i paplotë ose i pasaktë, si dhe kur shpenzimet nuk janë të ligjshme, ose nuk janë deklaruar në DIVA.

Procedura e aplikimit realizohet pas hyrjes në sistemin “e-Tax”, ku individët duhet të krijojnë një çështje të re si kërkesë për rimbursim, duke zgjedhur modulin “eFiling Im” dhe opsionin “Çështjet e mia”. Më pas përzgjidhet lloji i çështjes “Pyetje të përgjithshme”, ku hapet një format për paraqitjen e kërkesës për rimbursim të tatimit të mbipaguar, sipas vlerës së shfaqur në deklaratën DIVA.

Shuma e kompensimit që përfitohet ndryshon në varësi të të ardhurave vjetore dhe nivelit të shpenzimeve të zbritura, të cilat varen edhe nga numri i fëmijëve në ngarkim. Për individët me të ardhura vjetore deri në 1,2 milionë lekë, shpenzimet fikse për arsim mund të zbriten deri në vlerën maksimale prej 100 mijë lekësh.

Vlera e kompensimit llogaritet automatikisht nga sistemi “e-Tax” pas deklarimit të të ardhurave, edhe për ata individë që nuk kanë detyrimin ligjor për të bërë deklarimin.

Diferenca e tatimit vjetor të paguar ose tatimi i mbipaguar që rezulton nga rillogaritja, pas zbritjes së bazës së tatueshme prej 48 mijë lekësh në vit, pavarësisht nivelit të të ardhurave, apo 100 mijë lekësh për ata me të ardhura deri në 1,2 milionë lekë në vit, do të jepet si kompensim për shpenzimet e arsimit të fëmijëve, pas paraqitjes së kërkesës për aplikim.

Sistemi për plotësimin e DIVA u hap më 22 janar dhe afati për deklarim është deri më 31 mars. Afati për aplikimin për kompensim është deri në tre muaj pas plotësimit të deklaratës DIVA.

1 nga 8

/r.e/a.f/

The post Hapen aplikimet për kompensimin e shpenzimeve të arsimit të fëmijëve për individët me tatim të mbipaguar appeared first on Agjencia Telegrafike Shqiptare.

Administrata Tatimore informon se problematika e konstatuar ditët e fundit në aksesimin e Platformës Qendrore të Lëshimit të Faturave të Fiskalizuara është zgjidhur, dhe se platforma prej pasdites së sotme, 28 janar, është në shërbim të plotë dhe funksionon normalisht.

Megjithatë, për qëllime sqaruese dhe orientuese, si dhe duke marrë shkas nga vështirësitë e hasura ditët e fundit, Administrata Tatimore rikujton procedurat që tatimpaguesit duhet të ndjekin në rastet kur, për arsye objektive, hasen vështirësi në fiskalizimin e faturave, me synim garantimin e vijimësisë së aktivitetit dhe respektimin e detyrimeve ligjore.

Për këtë qëllim, të gjithë tatimpaguesit duhet të kenë në konsideratë sa vijon:

1. Tatimpaguesit, që përdorin software për lëshimin e faturave
Rreth 139.000 tatimpaguesit, që përdorin software për lëshimin e faturave, duhet të vijojnë normalisht me lëshimin e faturave përmes tij edhe në rastet kur konstatojnë se faturat nuk janë pajisur me kodin unik (NIVF). Në momentin që platforma rikthehet në shërbim të plotë, këta tatimpagues do të vijojnë me fiskalizimin e faturave të pafiskalizuara, duke u siguruar që për çdo faturë të lëshuar të gjenerohet kodi unik përkatës (NIVF).

2. Tatimpaguesit, që nuk disponojnë software fiskalizimi
Rreth 3000 tatimpaguesit, që nuk janë të pajisur me software, por përdorin Platformën Qendrore të Faturave për lëshimin e tyre mund të pajisen me software që i përshtatet aktivitetit të tyre ose t’i drejtohen me kërkesë Drejtorisë Rajonale Tatimore përkatëse për t’u pajisur me bllokun e veçantë të faturave, në përputhje me parashikimet e nenin 30 të ligjit nr. 87/2019. Blloku i veçantë i faturave përdoret edhe në rast të një defekti apo ndërprerje të plotë të punës së zgjidhjes software-ike. Faturat e lëshuara me bllokun e veçantë duhet të raportohen pranë Administratës Tatimore, brenda afateve ligjore të përcaktuara.

3. Fiskalizimi i faturave në lidhje me zhdoganimin e mallrave
Në rastet e zhdoganimeve, afati ligjor për kryerjen e fiskalizimit është 7 ditë nga data e daljes së mallit në qarkullim të lirë. Në rast se ky afat tejkalohet si rrjedhojë e vështirësive që mund të krijohen gjatë aksesimit të Platformës Qendrore të Lëshimit të Faturave të Fiskalizuara, Drejtoritë Rajonale Tatimore do të marrin në konsideratë situatat specifike, që kanë çuar në tejkalimin e afatit, rast pas rasti.

TIRANË, 29 janar/ATSH/ Administrata Tatimore bën të ditur se problematika e evidentuar ditët e fundit në përdorimin e Platformës Qendrore të Lëshimit të Faturave të Fiskalizuara është zgjidhur dhe se është plotësisht funksionale dhe në shërbim normal për të gjithë tatimpaguesit.

Duke marrë shkas nga vështirësitë e hasura gjatë kësaj periudhe, Administrata Tatimore rikujton procedurat që duhet të ndiqen në rastet kur, për arsye objektive, krijohen pengesa në procesin e fiskalizimit të faturave, me qëllim garantimin e vijimësisë së aktivitetit ekonomik dhe respektimin e detyrimeve ligjore.

Sipas DPT-së, rreth 139 mijë tatimpagues që përdorin software për lëshimin e faturave duhet të vijojnë normalisht lëshimin e tyre edhe në rastet kur faturat nuk pajisen menjëherë me kodin unik (NIVF).

Me rikthimin e plotë të platformës, këta tatimpagues janë të detyruar të fiskalizojnë faturat e pafiskalizuara, duke siguruar gjenerimin e kodit unik për secilën faturë të lëshuar.

Ndërkohë, rreth 3 mijë tatimpagues që nuk disponojnë software fiskalizimi dhe përdorin Platformën Qendrore të Faturave, mund të pajisen me një zgjidhje software-ike të përshtatshme për aktivitetin e tyre ose t’i drejtohen Drejtorisë Rajonale Tatimore përkatëse për t’u pajisur me bllokun e veçantë të faturave.

Ky bllok përdoret edhe në rast defekti apo ndërprerjeje të plotë të punës së software-it. Faturat e lëshuara në këtë mënyrë duhet të raportohen pranë Administratës Tatimore brenda afateve ligjore.

Për sa i përket fiskalizimit të faturave në proceset e zhdoganimit, Administrata Tatimore sqaron se afati ligjor është 7 ditë nga data e daljes së mallrave në qarkullim të lirë. Në rastet kur ky afat tejkalohet për shkak të vështirësive në aksesimin e platformës, Drejtoritë Rajonale Tatimore do të shqyrtojnë situatat konkrete rast pas rasti.

Administrata Tatimore u bën thirrje tatimpaguesve të ndjekin me kujdes udhëzimet e përcaktuara, në funksion të respektimit të legjislacionit në fuqi dhe mbarëvajtjes së aktivitetit të tyre ekonomik. /j.p/

The post Rikthehet në funksionim normal platforma e fiskalizimit appeared first on Agjencia Telegrafike Shqiptare.

TIRANË, 27 janar/ATSh/ Ministrja e Ekonomisë dhe Inovacionit, Delina Ibrahimaj u shpreh sot, se shërbimet digjitale që ka Shqipëria janë vlerësuar nga institucionet ndërkombëtare.

Në një replikë në Kuvend, me deputeten e PD-së, Jorida Tabaku, ministrja Ibrahimaj tha se të flasësh pa baza është kollaj.

“Ne jemi të tetët në Evropë për sa i përket ofrimit të shërbimeve digjitale. Ne jemi të 17-ët në botë për sa i përket ofrimit të shërbimeve digjitale. Veprat janë vepra, faktet janë fakte. Sistemet e ndërtuara kanë ardhur në ndihmë të gjithë qytetarëve shqiptarë që jetojnë në Shqipëri dhe jashtë Shqipërisë, sistemet e ngritura për ofrimin e shërbimeve të bizneseve kanë reduktuar kohë dhe para”, tha Ibrahimaj.

“Dhe të gjithë bizneset e kanë mbështetur digjitalizimin pasi në çdo rast ka reduktuar kohë, para, ka rritur eficiencën dhe ka reduktuar kontaktin mes biznesit dhe administratës”, vijoi ajo.

Ministrja Ibrahimaj konfirmoi faktin që përpara disa ditësh ka pasur një problematikë në ofrimin e shërbimeve për sa i përket Drejtorisë së Përgjithshme të Tatimeve.

Sipas Ibrahimajt, ky disfunksionalitet ka ardhur si pasojë e disa ndërhyrjeve në rrjetin e energjisë elektrike pa asnjë lidhje me sistemin e tatimeve.

“Ndërkohë që për disa biznese që mbeten pa shërbim, për ta është portali selfcare, i cili i ofron shërbim bizneseve të cilët deklarojnë 1 ose 2 fatura në muaj dhe koha për ta deklaruar është deri në 10 shkurt”, informoi ministrja.

“Pra, asnjë disfunksionalitet në ofrimin e shërbimeve, nuk ka ardhur. Të vërtetat janë aty, sistemet e ndërtuara janë aty dhe eficienca e ofrimit të shërbimeve është rritur me shumëfish herë”, përfundoi Ibrahimaj.

/e.i/j.p/

The post Ibrahimaj: Digjitalizimi ka reduktuar kontaktin mes biznesit dhe administratës tatimore appeared first on Agjencia Telegrafike Shqiptare.

TIRANË, 13 janar/ATSH/ Stafet e Administratës Tatimore të Shqipërisë dhe asaj të Kosovës zhvilluan një takim të përbashkët pune, ku u diskutuan çështje kyçe që lidhen me modernizimin e administrimit tatimor dhe forcimin e bashkëpunimit ndërinstitucional mes dy vendeve.

Gjatë takimit, vëmendja u përqendrua në tema si fiskalizimi, proceset e digjitalizimit, vlerësimi i riskut, hetimi tatimor, si dhe masat për luftën kundër evazionit fiskal.
Palët shkëmbyen përvoja dhe praktika më të mira të zbatuara në administratat përkatëse, me synimin për të rritur eficiencën e kontrolleve dhe përmirësuar shërbimet ndaj tatimpaguesve.

Përfaqësuesit e të dy administratave theksuan rëndësinë e bashkëpunimit të vazhdueshëm dhe të koordinuar, veçanërisht në kushtet e zhvillimeve të shpejta teknologjike dhe nevojës për përshtatje me standardet më të mira ndërkombëtare në fushën fiskale.

Ky shkëmbim praktikash dhe përvojash synon të kontribuojë në forcimin e kapaciteteve institucionale, garantimin e qëndrueshmërisë në mirëadministrimin tatimor dhe rritjen e transparencës.

Njëkohësisht, bashkëpunimi Shqipëri-Kosovë në fushën tatimore vlerësohet si një element i rëndësishëm në përmbushjen e objektivit madhor të qeverisë shqiptare për integrimin europian, si dhe në harmonizimin e politikave dhe procedurave fiskale me standardet e Bashkimit Europian.

Takimi u konsiderua një hap i rëndësishëm drejt thellimit të mëtejshëm të bashkëpunimit dypalësh dhe vijimit të reformave që synojnë një administratë tatimore moderne, efikase dhe të besueshme. /j.p/

1 nga 7

The post Shqipëri-Kosovë, bashkëpunim në administrimin tatimor appeared first on Agjencia Telegrafike Shqiptare.

TIRANË, 13 janar/ATSH/ Të ardhurat e mbledhura në buxhetin e shtetit nga Administrata Tatimore, në vitin 2025 arritën 4,7 miliardë euro.

Referuar të dhënave nga Drejtoria e Përgjithshme e Tatimeve, këto të ardhura rezultuan 12% më të larta krahasuar me vitin 2024.

“Këto të ardhura janë tregues i qartë i miradministrimit tatimor, në funksion të financimit të investimeve publike dhe përmirësimit të shërbimeve për qytetarët”, bëri të ditur DPT. /j.p/

The post Të ardhurat nga Tatimet, 4,7 miliardë euro në 2025-ën appeared first on Agjencia Telegrafike Shqiptare.

TIRANË, 9 janar/ATSH/ Prindërit dhe kujdestarët ligjorë me të ardhura të ulëta dhe të mesme do të mund të përfitojnë këtë vit kompensim ushqimor dhe arsimor për fëmijët në ngarkim, përmes deklaratës vjetore të të ardhurave personale DIVA 2025.

Skema synon të lehtësojë barrën financiare të familjeve, duke ofruar zbritje nga baza tatimore për numrin e fëmijëve dhe shpenzimet e kryera për arsimimin e tyre.

Përfitimi u takon atyre deklarojnë në DIVA 2025 fëmijët në ngarkim dhe shpenzimet arsimore përkatëse, ndërsa kushti kryesor mbetet që të ardhurat e tatueshme vjetore të mos tejkalojnë 1,2 milionë lekë.

Sipas Drejtorisë së Përgjithshme të Tatimeve, për çdo fëmijë nën moshën 18 vjeç aplikohet një zbritje tatimore që korrespondon me shumën prej 48 mijë lekësh, ndërsa për shpenzimet arsimore të fëmijëve në ngarkim parashikohet një zbritje totale deri në 100 mijë lekë.

Kërkesa për përfitimin e këtij kompensimi bëhet vetëm një herë dhe paraqitet nga anëtari i familjes që ka të ardhurat më të larta vjetore, ndërkohë që autoritetet sqarojnë se e drejta për përfitim mbetet edhe në rastet kur individi nuk ka detyrim ligjor për të dorëzuar deklaratën DIVA 2025.

Procesi i rimbursimit realizohet përmes sistemit e-Filing, pas dorëzimit të deklaratës, kur nga përllogaritjet rezulton mbipagesë.

Më pas, aplikuesi duhet të paraqesë një kërkesë për rimbursim në modulin “Çështjet e mia- Pyetje e Përgjithshme”, duke bashkëlidhur dokumentet e nevojshme, përfshirë të dhënat e llogarisë bankare personale, certifikatën familjare dhe dokumentacionin justifikues për shpenzimet arsimore, si kontratat me institucionet përkatëse dhe faturat e pagesave, përfshirë edhe ato për kurset e gjuhëve të huaja.

1 nga 3

/r.e/

The post Prindërit me të ardhura deri në 1,2 milionë lekë përfitojnë kompensim për fëmijët përmes DIVA 2025 appeared first on Agjencia Telegrafike Shqiptare.

TIRANË, 22 dhjetor/ATSH/ Të ardhurat nga kontributet e sigurimeve shoqërore dhe shëndetësore kanë vijuar rritjen gjatë vitit 2025, duke forcuar qëndrueshmërinë financiare të skemës dhe garantimin e pensioneve dinjitoze për qytetarët.

Për periudhën 11-mujore të vitit 2025, të ardhurat e mbledhura nga kontributet arritën në rreth 158 miliardë lekë. Krahasuar me të njëjtën periudhë të vitit 2024, janë arkëtuar 15,6 miliardë lekë më shumë, ndërsa realizimi ka tejkaluar planin për këtë periudhë me rreth 500 milionë lekë.

Rritja e të ardhurave është mbështetur kryesisht nga rritja e pagave në administratën publike, e shoqëruar me zgjerimin e fondit të pagave në sektorin privat, si dhe nga masat e ndërmarra në kuadër të Strategjisë Afatmesme të të Ardhurave dhe Planit të Veprimit për vitin 2025, me fokus përmirësimin e administrimit tatimor.

Sipas listëpagesave të deklaruara në Administratën Tatimore për 9-mujorin e vitit 2025, rezultojnë rreth 751520 tatimpagues në listëpagesë, si dhe 12616 kontribues më shumë, ose 1,7% rritje krahasuar me të njëjtën periudhë të vitit 2024. Ndërkohë, numri i vendeve të punës arriti në rreth 761362, me 12457 vende pune më shumë, ose 1,7% rritje vjetore.

Në vijim, për vitin 2026 parashikohet që të ardhurat nga kontributet shoqërore dhe shëndetësore të arrijnë në rreth 196,9 miliardë lekë. Ky parashikim përfaqëson një rritje prej rreth 20,2 miliardë lekë krahasuar me të ardhurat sipas Aktit Normativ, ose rreth 11,4% më shumë.

Programimi i të ardhurave për vitin 2026 bazohet në parashikimet makroekonomike, si rritja e ekonomisë, si dhe në analizën e faktorëve që ndikojnë në zgjerimin e bazës së kontributeve. /j.p/

The post Rriten të ardhurat nga kontributet, 158 miliardë lekë në 11 muaj appeared first on Agjencia Telegrafike Shqiptare.

TIRANË, 19 nëntor/ATSH/ Administrata Tatimore ka arritur të mbledhë 405 miliardë lekë deri në mesin e muajit nëntor, duke ruajtur të njëjtin nivel të ardhurash me vitin e kaluar.

Sipas Drejtorisë së Përgjithshme të Tatimeve, ky tregues reflekton një performancë të qëndrueshme dhe efikase të sistemit fiskal.

“42 ditë para mbylljes së vitit, Administrata Tatimore arrin të realizojë të njëjtin nivel të të ardhurave si për vitin 2025, duke mbledhur 405 miliardë lekë”, bëri të ditur DPT.

Sipas DPT-së, ky rezultat vjen si pasojë e përmirësimeve në menaxhimin e administratës dhe kontrollin e të ardhurave, duke garantuar stabilitet dhe siguri në realizimin e objektivave buxhetore.

/r.e/

The post Administrata Tatimore arkëton 405 miliardë lekë appeared first on Agjencia Telegrafike Shqiptare.

TIRANË, 13 nëntor/ATSH/ Tregu i punës në Shqipëri po tregon shenja të forta formalizimi, me një rritje të ndjeshme të numrit të punonjësve të deklaruar.

Sipas të dhënave zyrtare, në shtator 2025 rezultojnë 24,225 punonjës më shumë të deklaruar krahasuar me të njëjtën periudhë të vitit 2024.

Rritja e punësimit të deklaruar është rezultat i drejtpërdrejtë i politikave të qeverisë për formalizimin e ekonomisë, që përfshijnë forcimin e kontrollit kundër punës në të zezë dhe nxitjen e bizneseve për deklarimin korrekt të marrëdhënieve të punës.

Reformat në administratën tatimore dhe zbatimi i platformave dixhitale për deklarimin online po ashtu kanë lehtësuar bashkëpunimin ndërmjet institucioneve dhe sektorit privat, duke garantuar më shumë transparencë dhe efikasitet në menaxhimin e të dhënave të punësimit. /j.p/

The post Formalizimi i tregut të punës, mbi 24 mijë punonjës më shumë të deklaruar në shtator appeared first on Agjencia Telegrafike Shqiptare.

TIRANË, 7 nëntor/ATSH/ Për herë të parë, numri i tatimpaguesve aktivë të regjistruar ka arritur në 141.682, një tregues i qartë i rritjes ekonomike dhe i punës për formalizimin e tregut dhe bizneseve në vend.

Administrata Tatimore bën të ditur se ka vijuar trendi pozitiv i mbledhjes së të ardhurave, si në krahasimin mujor, ashtu edhe në atë vjetor.

Gjatë muajit tetor 2025 janë mbledhur 37,9 miliardë lekë, ose 13,1% më shumë se në të njëjtin muaj të vitit të kaluar.

Ndërsa për periudhën janar-tetor, të ardhurat e mbledhura kapin shumën 379 miliardë lekë, duke shënuar një rritje prej 12,1% krahasuar me të njëjtën periudhë të vitit 2024./r.e/a.f/

The post DPT: Mbi 141 mijë tatimpagues aktivë të regjistruar appeared first on Agjencia Telegrafike Shqiptare.

TIRANË, 15 tetor/ATSH/ Administrata Tatimore po vijon përpjekjet për të zgjeruar bazën tatimore dhe për të forcuar kulturën e deklarimit korrekt mes tatimpaguesve.

Sipas të dhënave nga Drejtoria e Përgjithshme e Tatimeve, numri i tatimpaguesve të regjistruar për Tatimin në Burim është rritur me 7491 në gusht 2025, krahasuar me të njëjtin muaj të vitit 2024.

Kjo rritje reflekton jo vetëm ndërgjegjësimin e bizneseve, por edhe bashkëpunimin e tyre me strukturat tatimore në zbatimin e legjislacionit fiskal.

DPT ka prezantuar në fillim të këtij viti një format të ri të deklaratës për Tatimin në Burim.
Deklarata e re është ndërtuar në një formë më analitike, duke përfshirë të dhëna më të detajuara për çdo pagesë të kryer dhe për tatimin e mbajtur përkatës.

Ndryshimi kryesor që sjell ky format është se për çdo transaksion do të kërkohet specifikimi i llojit të të ardhurës, shuma bruto, tatimi i mbajtur dhe të dhënat e përfituesit të pagesës.

Në rastet kur pagesa i bëhet një jorezidenti, do të jetë e detyrueshme të shënohet edhe shteti i rezidencës dhe, nëse kërkohet, të bashkëngjitet certifikata përkatëse e rezidencës.

Tatimi në Burim aplikohet për disa kategori të ardhurash, siç janë dividendët, interesat, honoraret, qiratë dhe të ardhurat nga lojërat e fatit.

Subjektet që realizojnë pagesa të tilla kanë detyrimin ligjor të mbajnë tatimin në momentin e kryerjes së pagesës dhe ta transferojnë atë brenda afatit të përcaktuar.

Tatimi në burim për qiratë, të ardhurat nga lojërat e fatit, honoraret dhe interesat është 15%, ndërsa për dividendët është 8%.

Deklarimi dhe pagesa e këtij tatimi duhet të kryhen brenda datës 20 të muajit pasardhës të periudhës tatimore, përmes sistemit elektronik e-Filing.

Mospërmbushja e detyrimeve brenda afateve sjell pasoja ligjore, përfshirë gjoba dhe interesa për pagesa të vonuara, të cilat janë të përcaktuara në mënyrë të qartë në legjislacionin në fuqi.

Për mosdorëzim në kohë të deklaratës së tatimit në burim, sanksionet janë të ndara sipas dy niveleve: 5000 lekë për tatimpaguesit që nuk janë subjekte të tatimit mbi të ardhurat e korporatave. Kjo përfshin të vetëpunësuarit, entet jofitimprurëse dhe individët që veprojnë si qiramarrës apo pagues të honorareve. Dhe 10 000 lekë për tatimpaguesit që janë subjekte të regjistruara për tatimin mbi të ardhurat e korporatave.

/r.e/a.f/

The post DPT: Mbi 7400 tatimpagues të rinj të regjistruar në gusht për Tatimin në Burim appeared first on Agjencia Telegrafike Shqiptare.

TIRANË, 3 tetor/ATSH/ Bizneset debitore nuk do të njoftohen më për detyrimet tatimore të papaguara përmes postës fizike, por në mënyrë elektronike, përmes sistemit e-Filing.

Administrata Tatimore bën të ditur se, duke filluar nga data 15 korrik, njoftimet dhe kërkesat për pagesën e detyrimeve tatimore po gjenerohen automatikisht në sistemin elektronik e-Filing, të pajisura me vulë elektronike dhe me vlerë të plotë ligjore.

Sipas njoftimit zyrtar, pas përfundimit të afatit ligjor për mbledhjen me forcë të borxhit tatimor, çdo dokument i lidhur me detyrimet e pashlyera, të lindura nga vetëdeklarimet ose nga aktet e vlerësimit dhe kontrollit të administratës tatimore, gjenerohet në seksionin “e-Filing im”, nënseksioni “Dokumentet e mia”, në llogarinë elektronike të tatimpaguesit.

“Dokumenti përmban vulën elektronike të Drejtorisë Rajonale të Borxhit, në përputhje me rajonin përkatës, dhe ka vlerë të plotë ligjore. Si rrjedhojë, nuk do të dërgohet më fizikisht me postë”, thekson Administrata Tatimore.

Ky zhvillim vlerësohet si një hap drejt rritjes së transparencës dhe efikasitetit në komunikimin me bizneset, si dhe synon të garantojë informim në kohë reale për detyrimet tatimore, duke kërkuar reagim të menjëhershëm nga ana e tatimpaguesve për shlyerjen e tyre.

Administrata Tatimore thekson se përmes përmirësimit të shërbimeve elektronike synon të parandalojë masat ndëshkuese dhe të forcojë administrimin efikas të detyrimeve tatimore.

/r.e/

The post Bizneset debitore do të njoftohen online për borxhin tatimor appeared first on Agjencia Telegrafike Shqiptare.

TIRANË, 29 shtator/ATSH/ Arkivi Qendror Shtetëror i Filmit (AQSHF) dhe Universiteti Politeknik i Tiranës (UPT), nënshkruan sot protokoll bashkëpunimi dhe shpallën nisjen e një projekti të rëndësishëm për shpëtimin dhe ruajtjen e materialeve filmike të fondit të UPT-së, të cilat do të dalin për herë të parë në dritë.

Në takimin e organizuar për nisjen e këtij bashkëpunimi morën pjesë Akli Fundo, rektor i Universitetit Politeknik të Tiranës, Eljan Tanini, drejtor i Arkivit Qendror Shtetëror të Filmit
Prof. Gjergji Islami, Fakulteti i Arkitekturës dhe Urbanistikës (FAU), stafi teknik i Arkivit të Filmit.

Ky bashkëpunim synon ndërhyrjen emergjente për arkivimin dhe konservimin e një fondi të gjerë që përfshin filma 35mm dhe 16mm, mijëra fotografi historike, të cilat përbëjnë një pasuri të jashtëzakonshme për historinë e kinemasë dhe kujtesën vizuale shqiptare.

Materialet, të ruajtura ndër vite në kushte jo gjithmonë të përshtatshme teknike, gjenden aktualisht në rrezik degradimi, duke kërkuar ndërhyrje të menjëhershme për të shmangur humbjen e tyre të pakthyeshme.

Ky bashkëpunim ka gjithashtu për qëllim vendosjen e një kuadri bashkëpunimi ndërmjet AQSHF-së dhe UPT-së për ruajtjen, digjitalizimin, promovimin dhe shkëmbimin e materialeve filmike, fotografike, historike dhe kulturore që kanë lidhje me Universitetin Politeknik të Tiranës dhe filmimet me karakter edukativ e studimor, që janë kryer nga laboratori i fotografisë dhe filmit të Universitetit Politeknik të Tiranës.

Palët angazhohen të bashkëpunojnë në identifikimin dhe ruajtjen e materialeve audiovizive që disponon UPT; krijimin dhe ruajtjen e fondit të UPT në AQSHF; digjitalizimin e materialeve filmike të interesit të përbashkët; shkëmbimin e njohurive profesionale në fushën e arkivistikës dhe të përpunimit të materialeve arkivore; shkëmbim materialesh dhe shërbimesh, sipas nevojave që mund të kenë institucionet; promovimin e përbashkët të dokumentarëve shkencorë, historikë dhe filmave arkivorë me tematikë studimore e edukative; organizimin e aktiviteteve të përbashkëta shkencore, edukative, artistike, kulturore.

Ky partneritet ndërinstitucional shënon një hap të parë të rëndësishëm drejt krijimit të një platforme të qëndrueshme për ruajtjen dhe promovimin e trashëgimisë filmike kombëtare, duke e konsideruar atë jo vetëm si kujtim, por si dëshmi të gjallë të historisë sonë.

/j.p/

AQSHF dhe Universiteti Politeknik i Tiranës (UPT) protokoll bashkëpunimi, foto: Andrin Hoxha

1 nga 19

/k.s/

The post Nis projekti për shpëtimin e trashëgimisë filmike të Universitetit Politeknik të Tiranës appeared first on Agjencia Telegrafike Shqiptare.

TIRANË, 29 shtator/ATSH/ Administrata Tatimore u bën thirrje qytetarëve dhe tatimpaguesve të bashkëpunojnë në luftën kundër informalitetit dhe shmangies së taksave, duke lëshuar dhe kërkuar fatura të fiskalizuara për çdo transaksion.

Në një videomesazh informues, Tatimet shpjegojnë se, në zbatim të ligjit “Për faturimin dhe sistemin e monitorimit të qarkullimit”, çdo tatimpagues është i detyruar të lëshojë faturë të fiskalizuar për çdo shitje mallrash apo ofrim shërbimi.

Nga ana tjetër, qytetarët kanë detyrimin ligjor të kërkojnë dhe të pajisen me faturë tatimore për çdo blerje apo shërbim.

Administrata Tatimore shpjegon dallimin mes faturës së fiskalizuar dhe asaj jo fiskale. Fatura e fiskalizuar përmban elemente identifikimi që e bëjnë të verifikueshme dhe të regjistruar automatikisht në sistem të tillë si: Numri Identifikues i Veçantë i Faturës (NIVF), kod unik që lidh faturën me subjektin lëshues; Numri i Sigurisë së Lëshuesit të Faturës (NSLF), siguron identifikimin e saktë të lëshuesit; Kodi QR, mund të skanohet dhe verifikohet në kohë reale përmes sistemit të Administratës Tatimore.

Faturat pa këto elemente nuk janë të fiskalizuara dhe nuk garantojnë regjistrimin e transaksionit.

Ndërsa faturat jo fiskale nuk përmbajnë asnjë nga këto elemente dhe nuk garantojnë që transaksioni është i regjistruar, duke krijuar mundësi për shmangie tatimore.

Administrata Tatimore paralajmëron qytetarët se edhe nëse një faturë jo fiskale ngjan vizualisht me një të fiskalizuar, verifikimi i saj është i mundur vetëm përmes skanimit të kodit QR. Nëse ky kod mungon ose nuk funksionon, fatura nuk është e fiskalizuar.

“Marrja e faturës është e drejtë dhe detyrim ligjor dhe një mënyrë për të siguruar që të gjitha transaksionet ekonomike të jenë transparente dhe të deklaruara,” thekson Administrata Tatimore, duke shtuar se mosmarrja e faturës favorizon informalitetin dhe shmangien e detyrimeve tatimore, çka dëmton klimën e biznesit, ekonominë dhe interesin publik. /j.p/

The post Tatimet: Fatura e fiskalizuar, detyrim ligjor appeared first on Agjencia Telegrafike Shqiptare.

TIRANË, 24 shtator/ATSH/ Administrata Tatimore do të zbatojë deklaratën e re DIVA për vitin 2025, në përputhje me ndryshimet e fundit të ligjit “Për tatimin mbi të ardhurat”.

Një prej risive kryesore të kësaj deklarate është përfshirja e zbritjes prej 48,000 lekësh nga baza e tatueshme për çdo fëmijë nën 18 vjeç.

Referuar të dhënave nga Tatimet, vlera totale e parashikuar për rimbursim nga kjo skemë arrin në rreth 20 milionë euro.

Ligji i ri “Për tatimin mbi të ardhurat” përfshin edhe zbritjen e shpenzimeve për arsim deri në 100 mijë lekë në vit për individët me të ardhura më pak se 1,2 milionë lekë në vit.

Kjo skemë e re synon të mbështesë familjet shqiptare duke ulur barrën tatimore dhe duke njohur shpenzimet e nevojshme për edukimin e fëmijëve.

Deklaratat dhe dokumentet justifikuese si certifikatë familjare, kontratë shkollore, fatura pagesash, janë të domosdoshme për të përfituar nga këto zbritje.

Deklarata DIVA për vitin 2025 do të dorëzohet brenda datës 31 mars të vitit 2026, për të ardhurat e realizuara gjatë vitit 2025.

Me uljen e kufirit të detyrimit për deklarim të ardhurave personale nga 2 milionë lekë në 1,2 milionë lekë, numri i deklaruesve thuajse u dyfishua.

Nga të dhënat e Administratës Tatimore deri më 31 mars 2025, rreth 90% e individëve subjekt deklarimi për DIVA kanë dorëzuar deklaratën për vitin 2024. Nga 143 369 individë që duhet të deklaronin, deklaruan 127 381 individë.

Ndërsa deklaratën për vitin 2023 nga 73 850 individë që duhet të deklaronin e dorëzuan 65 910 individë. /j.p/

The post DIVA 2025, zbritje 48 mijë lekë zbritje për fëmijë, 20 milionë euro rimbursimi për familjet appeared first on Agjencia Telegrafike Shqiptare.

TIRANË, 18 shtator/ATSH/ Administrata Tatimore raportoi një rritje të dukshme të vetëfaturimit nga fermerët, një hap i rëndësishëm në procesin e formalizimit dhe përmirësimit të transparencës në sektorin e bujqësisë në Shqipëri.

Sipas të dhënave të fundit, vlera e faturimeve gjatë periudhës qershor-gusht, ka shënuar një rritje prej 86,5% krahasuar me të njëjtën periudhë të vitit të kaluar, duke arritur në 19 milionë euro.

Ky progres i rëndësishëm vjen si rezultat i një angazhimi në rritje nga ana e fermerëve për t’u regjistruar dhe për të përdorur sistemin e vetëfaturimit.

Sipas Administratës Tatimore, 57% e fermerëve tani janë të aktivizuar në këtë sistem, një rritje e ndjeshme që tregon se gjithnjë e më shumë fermerë po përmbushin detyrimet fiskale, duke kontribuar në krijimin e një mjedisi më të rregullt ekonomik.

Një element kyç i këtij procesi është përmirësimi i gjurmueshmërisë së produkteve ushqimore. Rritja e numrit të autofaturave është një hap i rëndësishëm për forcimin e zinxhirit ushqimor, duke ndihmuar në kontrollin më të madh mbi burimet dhe prodhimin e ushqimeve. Kjo kontribuon në rritjen e besueshmërisë dhe sigurisë së produkteve që arrijnë tek konsumatorët, si dhe në uljen e informalitetit.

“Shifrat tregojnë qartë se formalizimi i zinxhirit ushqimor po ecën me ritme të shpejta, duke rritur transparencën dhe forcuar bazat për një ekonomi më të konkurrueshme”, bën të ditur DPT.

/a.f//r.e/

The post Fermerët drejt formalizimit, 19 milionë euro fatura në periudhën qershor-korrik appeared first on Agjencia Telegrafike Shqiptare.

TIRANË, 14 shtator/ATSH/ Administrata Tatimore vijon kontrollet në kuadër të Planit të Turizmit, me qëllim sigurimin e një tregu të rregullt, të formalizuar dhe konkurrencë të ndershme.

Gjatë verifikimeve të kryera në qytetin e Beratit, u evidentua një restorant i paregjistruar me përgjegjësinë tatimore për Tatimin mbi Vlerën e Shtuar (TVSH).

“Taskforca në terren, pas kontrollit të kryer, konstatoi një sërë shkeljesh si: mall pa faturë, moslëshim fature, moslëshim autofature dhe administrim i blloqeve jotatimore”, bëri të ditur Drejtoria e Përgjithshme e Tatimeve (DPT).

Nga kontrolli, subjektit iu sekuestrua edhe pajisja kompjuterike, përmes së cilës u dokumentua fshehja e të ardhurave.

“Tatimpaguesi nuk kishte deklaruar në sistemin tatimor shumën prej 930 mijë euro të ardhura, të përfituara nga aktiviteti për periudhën 2019–2025, si dhe një sërë shkeljesh të tjera tatimore”, theksoi DPT.

Administrata Tatimore apelon bizneset që të respektojnë legjislacionin në fuqi dhe të përmbushin detyrimet tatimore, duke shmangur kështu masat ndëshkuese që burojnë nga moszbatimi i ligjit.

Kontrollet e Administratës Tatimore zhvillohen edhe në kuadër të Planit sektorial të Turizmit dhe masave për rritjen e pagesave të sigurimeve shoqërore, në funksion të rritjes së pensioneve.

Në këtë drejtim, Tatimet po analizojnë pagat e punonjësve të deklaruar në listëpagesa nga subjektet e sektorit të turizmit, duke i krahasuar me pagat referencë për pagën minimale të përcaktuar më herët për këtë sektor. /j.p/

The post 930 mijë euro të ardhura të fshehura,Tatimet kontroll restorantit në Berat appeared first on Agjencia Telegrafike Shqiptare.

TIRANË, 2 shtator/ATSH/ Në muajin gusht Administrata Tatimore ka zhvilluar kontrolle dhe monitorime të vazhdueshme në tregjet e produkteve bujqësore dhe blegtorale në të gjithë vendin, me qëllimin sigurimin që çdo produkt të shoqërohet me faturë tatimore dhe të garantojë transparencë për konsumatorët.

Sipas të dhënave nga Drejtoria e Përgjithshme e Tatimeve, gjatë këtij muaji janë mbajtur 10 tregje nën monitorim dhe janë kontrolluar 59 subjekte të ndryshme.

Gjatë këtyre inspektimeve janë identifikuar 17 tonë mallra që nuk ishin shoqëruar me faturë tatimore, një shkelje e rregullave që kërkojnë dokumentimin e çdo transaksioni për të siguruar pagesën e duhur të tatimeve.

Për pasojë, janë marrë gjithsej 112 masa administrative ndaj subjekteve që nuk kanë përmbushur kërkesat ligjore.

Administrata Tatimore i bën thirrje të gjithë bizneseve që operojnë në zinxhirin ushqimor të zbatojnë ligjin dhe të dokumentojnë çdo transaksion me faturë tatimore, për të shmangur ndëshkimet dhe për të kontribuar në një treg më të rregullt dhe transparent.

/a.f//r.e/

The post Tatimet monitorim tregjeve bujqësore e blegtorale, 112 masa administrative në gusht appeared first on Agjencia Telegrafike Shqiptare.