Ditën e djeshme, një ngjarje e rëndë është regjistruar dje në spitalin e Shkodrës. Burime zyrtare nga policia, bënë me dije se një 16-vjeçare ka humbur jetën në spital, ndërsa dyshohet se shkak është bërë një arrest kardiorespirator.

Sipas uniformave blu, dyshohet se 16-vjeçarja, ka humbur jetën për shkak të arrestit kardiorespirator.

Njoftimi:

“Dje, në Spitalin Rajonal Shkodër, një 16-vjeçare, ka humbur jetën.
Paraprakisht dyshohet për shkak të arrestit kardiorespirator. Grupi hetimor po kryen veprimet në drejtimin e Prokurorisë, për të përcaktuar shkakun e humbjes së jetës”, sqaron policia.

The post E rëndë në Shkodër/ 16-vjeçarja humb jetën në spital, dyshohet se… appeared first on Albeu.com.

Ditën e sotme, Gjykata e Durrësit, ka lënë në fuqi masën ‘arrest me burg’ për ish-drejtorin e Burgut të Durrësit, Indrit Cërloj, i cili u arrestua tre ditë më parë.

Gjykata e Durrësit caktoi ndaj tj më 16 janar masën e sigurisë ‘arrest në burg’ për Cërlojn, i cili akuzohet për shpërdorim detyre në rastin e arratisjes së Altin Ndocit. kjo masë u la në fuqi edhe sot.

Ndërkohë, masa ‘arrest shtëpie’ u la në fuqi dhe për mjeken Ylvete Sema, 65 vjeçe.

Pak ditë më parë, Ministri i Drejtësisë, Besfort Lamallari, firmosi shkarkimin e Indrit Cërloj nga drejtor i IEVP Durrës.

Vendimi erdhi një ditë pas arratisjes së të paraburgosurit Altin Ndoci, teksa ky i fundit ishte dërguar për kontroll mjekësor në spitalin e qytetit.

Pas kësaj ngjarje, u krye menjëherë pezullimin e nga detyra të të gjithë zinxhirit komandues të IEVP Durrës.

Nga verifikimet paraprake, rezulton se IEVP Durrës për shoqërimin e planifikuar nuk ka raportuar në Drejtorinë e Përgjithshme të Burgjeve as planifikimin dhe as realizimin e vizitës mjekësore, në kundërshtim me aktet nënligjore në fuqi.

Gjithashtu, rezulton se nuk janë respektuar procedurat standarde për shoqërimin e të paraburgosurve dhe të dënuarve.

Ndërkohë në pranga u vunë 8 persona:

Komisar Dezdemon Pazaj – Punonjës i Policisë së Burgjeve;

Komisar Violeta Uka – Punonjëse e Policisë së Burgjeve;

Kryeinspektor Dorjan Saraçi – Punonjës i Policisë së Burgjeve;

Inspektor Sali Ferrollari – Punonjës i Policisë së Burgjeve;

Inspektor Fatjon Braçi – Punonjës i Policisë së Burgjeve;

Inspektor Preng Marvataj – Punonjës i Policisë së Burgjeve;

Kryeinspektor Aranit Çela – Punonjës i Policisë së Burgjeve;

Kryeinfermier Aulon Quku – Punonjës i IEVP Durrës.

The post Arratisja e Altin Ndocit/ Gjykata lë në qeli ish-drejtorin e Burgut të Durrësit appeared first on Albeu.com.

Për herë të parë në Shqipëri, qeveria do të aplikojë çmime fiskale reference për shitblerjen e apartamenteve dhe ndërtesave në zonat rurale.

Ky ndryshim thelbësor, i cili pritet të miratohet së shpejti, do të rrisë bazën e taksueshme për pronat dhe do të eliminojë praktikën e mëparshme të çmimeve të reduktuara.

Fokusi kryesor është te fshatrat turistike përgjatë vijës bregdetare, ku vlerat e reja arrijnë nivele të paprecedenta.

GJIRI I LALËZIT DHE HAMALLAJ NË KRYE TË LISTËS

Zonat më të shtrenjta rurale në të gjithë vendin do të jenë Gjiri i Lalëzit dhe Hamallaj. Sipas propozimit, vija e parë e ndërtimit në këto dy fshatra do të ketë një çmim reference prej 190,000 lekë/m².

Pas vijës së parë: Çmimi bie në 90,000 lekë/m².

Zonat e tjera rurale të Durrësit: Do të kenë një çmim reference prej 67,500 lekë/m², i njëjtë me çmimin aktual të qytetit të Durrësit.

BREGDETI I JUGUT – Çmimet e reja nga Himara në Ksamil

Riviera shqiptare do të pësojë gjithashtu një rritje të ndjeshme të vlerave fiskale:

Himara: Fshatrat Dhërmi dhe Palasë do të kenë çmimin më të lartë në zonë, 140,000 lekë/m², ndërsa Vuno do të vlerësohet me 100,000 lekë/m² dhe Livadhi me 81,000 lekë/m².

Saranda: Fshati i Ksamilit dhe vija e parë bregdetare e qytetit të Sarandës do të kenë një çmim reference prej 100,000 lekë/m². Zonat e tjera rurale përreth, si Gjashta dhe Metoqi, do të vlerësohen me 56,000 lekë/m².

Vlora: Fshatrat Radhimë dhe Orikum do të jenë më të shtrenjtat në këtë bashki, me një çmim prej 90,000 lekë/m² për vijën e tyre bregdetare.

VERIU I SHQIPËRISË – Velipoja mban çmimin më të lartë

Në veri, çmimet më të larta do të jenë:

Velipojë (Shkodër): Vija bregdetare do të ketë një çmim reference prej 75,000 lekë/m².

Tale (Lezhë): Çmimi i propozuar është 70,000 lekë/m².

Si ndryshon sistemi i taksave dhe zonave kadastrale?

Ky projektvendim sjell dy ndryshime madhore në mënyrën se si llogariten taksat e pronës:

1. Fundi i Reduktimit 35%: Deri më tani, për mungesë të çmimeve specifike, zonat rurale përdornin çmimin e qytetit më të afërt, por me një ulje prej 35%. Kjo praktikë do të marrë fund dhe bashkitë do të detyrohen të aplikojnë vlerat e reja, më të larta.

2. Zgjerimi i Hartës Kadastrale: Për të mundësuar këtë vlerësim të detajuar, numri i zonave kadastrale në vend do të rritet nga 65 në 176. Kjo do të lejojë që edhe brenda një fshati të ketë çmime të ndryshme, duke reflektuar vlerën më të lartë të pronave pranë detit krahasuar me ato në brendësi.

Propozimi i plotë, bashkë me hartat digjitale, i është dërguar Këshillit të Ministrave për miratim. Pritet që çmimet e reja të hyjnë në fuqi nga 1 janari 2026, duke ndryshuar rrënjësisht tregun e pasurive të paluajtshme në zonat rurale të Shqipërisë./ Monitor

The post Fshatrat më të shtrenjtë/ Sa do jenë çmimet fiskale nga Gjiri i Lalëzit, Dhërmi, Ksamil në Velipojë appeared first on Albeu.com.

Gjatë natës, tre të rinj kanë mbetur të plagosur si pasojë e një aksidenti rrugor të ndodhur në Gjorm.

Sipas informacioneve , automjeti me të cilin ata po udhëtonin, ka devijuar nga rruga dhe është përplasur me barrierat anësore.

Dyshohet se drejtuesi i mjetit ka qenë nën efektin e alkoolit në momentin e aksidentit. Si pasojë e përplasjes, tre të rinjtë kanë pësuar lëndime dhe janë transportuar menjëherë drejt Spitalit të Traumës për ndihmë mjekësore.

Policia ka nisur hetimet për të zbardhur rrethanat e aksidentit.

The post Aksident në Laç/ Makina përplaset me barrierat anësore, tre të rinj nisen me urgjencë në spital appeared first on Albeu.com.

Drejtori i ri i komanduar i burgut të Durrësit, Edmond Llabani, ka pësuar hemorragji cerebrale. Ai është dërguar me urgjencë në QSUT.

Llabani u komandua vetëm pak ditë më parë, më 15 janar, si drejtues i burgut të Durrësit, pas shkarkimit dhe arrestimit të Indrit Cërrloj për shkak të arratisjes së Altin Ndocit.

Drejtori i Përgjithshëm i Burgjeve, Klevis Qose ndodhet i pranishëm në QSUT.

The post Drejtori i ri i komanduar i burgut të Durrësit, dërgohet me urgjencë në QSUT appeared first on Albeu.com.

Këtë të hënë, deputetët e Kuvendit të Shqipërisë, rikthehen në Kuvend për nisjen e sesionit të ri parlamentar, në orën 17:00.

Më herët gjatë ditës, në orën 11:00, do të mblidhet Konferenca së Kryetarëve, ku do të shqyrtohet kalendari dhe programi i punës për pesë javët e ardhshme.

Sipas Kuvendit, rendi i ditës në Konferencën e Kryetarëve është si vijon:

1. Shqyrtimi i projektprogramit të punës së Kuvendit për periudhën 19 janar 2026 – 27 shkurt 2026.

2. Shqyrtimi i projektkalendarit të punimeve të Kuvendit për periudhën 19 janar 2026 – 6 shkurt 2026.

3. Shqyrtimi i projektkalendarit të kontrollit parlamentar të Kuvendit (agjenda vjetore për kontrollin e mbikëqyrjen parlamentare për institucionet e pavarura dhe agjencitë ligjzbatuese), si dhe projektkalendari vjetor i kontrollit parlamentar (seanca dëgjimore dhe vizita monitoruese të komisioneve parlamentare).

4. Miratimi i projektplanit të Veprimit të Kuvendit për zbatimin e rekomandimeve të raportit të Komisionit Europian për Shqipërinë për vitin 2025.

Sipas agjendës së bërë publike në faqen e Parlamentit, seanca plenare do të hapë punimet me diskutime nga kryetarët e grupeve parlamentare, miratimin e procesverbalit të seancës së kaluar dhe njoftime të ndryshme, sipas rendit të ditës të miratuar nga Kryetari i Kuvendit Niko Peleshi.

The post Kuvendi i Shqipërisë rinis punën, deputetët mblidhen për herë të parë për 2026-ën, zbardhet rendi i ditës appeared first on Albeu.com.

Këtë të hënë, del para gjykatës ish-drejtori i Burgut të Durrësit, Indrit Cërloj, i cili u arrestua tre ditë më parë. Gjykata e Durrësit caktoi ndaj tj më 16 janar masën e sigurisë ‘arrest në burg’ për Cërlojn, i cili akuzohet për shpërdorim detyre në rastin e arratisjes së Altin Ndocit.

Ndërkohë, masa do të jepet edhe për mjeken Ylvete Sema, 65-vjeçe, ndaj të cilës Gjykata vendosi arrest shtëpie.

Pak ditë më parë, Ministri i Drejtësisë, Besfort Lamallari, firmosi shkarkimin e Indrit Cërloj nga drejtor i IEVP Durrës.

Vendimi erdhi një ditë pas arratisjes së të paraburgosurit Altin Ndoci, teksa ky i fundit ishte dërguar për kontroll mjekësor në spitalin e qytetit.

Pas kësaj ngjarje, u krye menjëherë pezullimin e nga detyra të të gjithë zinxhirit komandues të IEVP Durrës.

Nga verifikimet paraprake rezulton se IEVP Durrës, për shoqërimin e planifikuar nuk ka raportuar në Drejtorinë e Përgjithshme të Burgjeve as planifikimin dhe as realizimin e vizitës mjekësore, në kundërshtim me aktet nënligjore në fuqi.

Gjithashtu, rezulton se nuk janë respektuar procedurat standarde për shoqërimin e të paraburgosurve dhe të dënuarve.

Ndërkohë në pranga u vunë 8 persona:

Komisar Dezdemon Pazaj – Punonjës i Policisë së Burgjeve;

Komisar Violeta Uka – Punonjëse e Policisë së Burgjeve;

Kryeinspektor Dorjan Saraçi – Punonjës i Policisë së Burgjeve;

Inspektor Sali Ferrollari – Punonjës i Policisë së Burgjeve;

Inspektor Fatjon Braçi – Punonjës i Policisë së Burgjeve;

Inspektor Preng Marvataj – Punonjës i Policisë së Burgjeve;

Kryeinspektor Aranit Çela – Punonjës i Policisë së Burgjeve;

Kryeinfermier Aulon Quku – Punonjës i IEVP Durrës.

The post U arrestua pas arratisjes së Altin Ndocit, del sot para gjykatës ish-drejtori i Burgut të Durrësit Indrit Cërloj dhe mjekja appeared first on Albeu.com.

Ministri i Transportit i Spanjës, Oscar Puente, e ka cilësuar si “jashtëzakonisht të çuditshëm” e cilësoi , aksidentin hekurudhor që ndodhi ditën e djeshme, të dielën, në Andaluzí, i cili i mori jetën të paktën 39 personave.

Sipas të dhënave më të fundit të publikuara nga El Pais, 73 persona janë plagosur, shumë prej tyre në gjendje të rëndë, kur vagonët e fundit të një treni të kompanisë Iryo, që ishte nisur nga Malaga në Andaluzí (në jug të vendit) me destinacion Madridin, dolën nga shinat pranë zonës Adamuz.

Si pasojë, mbi ta u përplas një tren tjetër i kompanisë Renfe, që po lëvizte në drejtim të kundërt.

Duke iu referuar shkaqeve të mundshme të aksidentit, ministri spanjoll theksoi disa herë se ato mbeten ende të panjohura dhe se zbardhja e tyre do t’i besohet Komisionit për Hetimin e Aksidenteve Hekurudhore.

Njëkohësisht, ai shprehu habinë për rrethanat në të cilat ndodhi tragjedia, duke nënvizuar se treni i kompanisë Iryo ishte pothuajse i ri, vetëm katër vjeç.

Gjithashtu, Puente bëri të ditur se linja hekurudhore në fjalë ishte rinovuar plotësisht në maj të vitit 2025, në kuadër të një investimi prej 700 milionë eurosh, ndërsa vendi ku ndodhi aksidenti ndodhet në një segment të drejtë të linjës, pa kthesa.

“Bëhet fjalë për një aksident jashtëzakonisht të çuditshëm; të gjithë teknikët dhe ekspertët janë të shokuar”, deklaroi ai. Sipas ministrit, hetimi pritet të zgjasë të paktën një muaj, për shkak të kompleksitetit të çështjes.

“Komisioni është i pavarur dhe do të hedhë dritë mbi shkaqet, në mënyrë që të kuptojmë saktësisht se çfarë ndodhi”, përfundoi ai.

The post Aksidenti hekurudhor në Spanjë, shkon në 39 numri i viktimave, raportohet për mbi 70 të plagosur appeared first on Albeu.com.

Sot, 19 janar 2026, dollari amerikan, blihet me 82.6 lekë dhe shitet me 83.5 lekë.

Euro, blihet me 96.2 lekë dhe shitet 96.8 lekë.

Franga zvicerane, këmbehet në blerje me 102.8 lekë, ndërsa në shitje me 103.8 lekë.

Dollari kanadez, sot në blerje këmbehet me 59.3 lekë, ndërsa në shitje me 60.5 lekë.

Më poshtë, po sjellim të dhënat e këmbimin valutor, për të gjitha monedhat e huaja:

The post Këmbimi valutor/ Çfarë po ndodh sot me monedhat e huaja? Me sa po blihen dhe shiten dollari dhe euro appeared first on Albeu.com.

Pas tre viteve të vështira, ku aktiviteti u orientua kryesisht drejt mbijetesës dhe jo fitimit, industria e prodhimit të veshjeve dhe këpucëve po hyn në vitin 2026 me pritshmëri më pozitive, por ende jo të sigurta.

Industria e veshjeve dhe këpucëve në Shqipëri, po hyn në vitin 2026 në një nga momentet më kritike të ekzistencës së saj që prej tranzicionit.

Pas më shumë se dy dekadash si një nga motorët kryesorë të eksporteve dhe punësimit me pagë, fasoni po përballet me një kombinim faktorësh negativë, që po e çojnë sektorin drejt tkurrjes.

Prodhuesit paralajmërojnë se, nëse kushtet aktuale vijojnë, numri i fabrikave mund të përgjysmohet brenda tre deri në katër viteve të ardhshme.

Rënia e vazhdueshme e Euros, rritja e mëtejshme e pagës minimale, tkurrja e kërkesës nga tregjet europiane dhe kostot shtesë që priten nga procesi i anëtarësimit në Bashkimin Europian, po e vendosin fasonin shqiptar nën presion të dyfishtë.

Në të njëjtën kohë, konkurrenca nga platformat kineze të tregtisë online si “Temu” dhe “Shein” po godet prodhuesit europianë, duke reflektuar drejtpërdrejt edhe te porositë për Shqipërinë.

Pas tre viteve të vështira, ku aktiviteti u orientua kryesisht drejt mbijetesës dhe jo fitimit, industria e prodhimit të veshjeve dhe këpucëve po hyn në vitin 2026 me pritshmëri më pozitive, por ende jo të sigurta.

“Viti 2025 shihet si momenti kur fillojmë të kthehemi drejt fitimit, ndërsa në 2026 parashikojmë vijimin e përmirësimit të performancës financiare dhe operacionale”, – shprehet Eva Laro, e cila drejton një fabrikë këpucësh.

Ajo tha se kompania ka tashmë porosi të mbyllura deri në shtator të vitit 2026, një sinjal i rëndësishëm për stabilitetin e kërkesës dhe besimin e klientëve.

Fabrikat e vogla dhe të mesme do të ketë vështirësi dhe falimente, kurse fabrikat e mëdha, që kanë më shumë aftësi të përshtaten, pritet të rikthejnë fitimet më 2026.

Sektori përgjysmohet në periudhën afatmesme

Florian Zekja, biznesmen me përvojë në prodhimin e veshjeve për eksport, rendit disa faktorë që po e thellojnë krizën, të cilët pritet të kenë ndikim të drejtpërdrejtë edhe në vitin 2026.

Së pari, ai thekson se rënia e Euros po e nxjerr Shqipërinë jashtë konkurrencës rajonale, pasi çmimet nuk mund të rriten në një monedhë që vijon të zhvlerësohet.

Së dyti, pasiguria ekonomike në Europë, e përkeqësuar nga tensionet tregtare dhe politikat fiskale globale, po ndikon negativisht në shitjet e veshjeve dhe këpucëve të punës.

Së treti, rritja e kostove operative, nga transporti te qiratë dhe pagat, po e bën gjithnjë e më të vështirë menaxhimin e ndërmarrjeve fason.

Së fundi, situata gjeopolitike po ndikon drejtpërdrejt në industrinë e modës dhe në porositë për koleksionet e ardhshme.

Z. Zekja paralajmëron se anëtarësimi në BE do të sjellë kosto të reja të papërballueshme për një pjesë të madhe të fabrikave.

“Vetëm një certifikatë standardesh më kushton 20 mijë euro dhe nuk është e vetmja”, – thotë ai, duke parashikuar një tkurrje të fortë të sektorit që nga viti 2026.

Konsolidim dhe rritje për të mëdhenjtë, faliment për të voglat

Ajo parashikon se viti 2026 do të shënojë një ndarje të qartë mes fabrikave të mëdha dhe atyre të vogla.

Sipas saj, ndërmarrjet e mëdha presin rikthim gradual të rritjes në vitin 2026, të mbështetur nga përmirësimi i kërkesës në tregjet ndërkombëtare dhe nga investimet në produkte.

Ndërkohë, njësitë e vogla të prodhimit rrezikojnë falimentimin për shkak të rritjes së kostove, veçanërisht nga paga minimale dhe mungesa e fuqisë punëtore.

Megjithatë, rritja e kostove të punës, që në disa raste arrin deri në 25%, po krijon presion mbi çmimet dhe kapacitetet prodhuese.

“Klientët ankohen për çmimet dhe ekziston rreziku që presioni i kostove të ndikojë madhësinë e fabrikave në të ardhmen”, – thekson znj. Laro.

Florian Zekja, biznesmen me përvojë në prodhimin e veshjeve për eksport, e sheh vitin 2026 si një pikë kthese, ku shumë fabrika, sidomos të mesme dhe të vogla, do të detyrohen të dalin nga tregu. Ai rendit katër faktorë kryesorë që po e thellojnë krizën.

Së pari, rënia e vazhdueshme e Euros po e nxjerr Shqipërinë jashtë konkurrencës rajonale. “Është e pamundur të rrisësh çmimet, kur monedha me të cilën faturon zhvlerësohet pa limit”, – thotë z. Zekja.

Së dyti, pasiguria ekonomike në Europë, e thelluar nga tensionet tregtare dhe politikat fiskale globale, po reflektohet në rënie të porosive, veçanërisht për veshjet dhe këpucët e punës.

Së treti, rritja e kostove operative – transporti, qiratë, pagat – po e bën menaxhimin e ndërmarrjeve gjithnjë e më të vështirë. Së katërti, situata gjeopolitike po ndikon drejtpërdrejt në industrinë e modës, duke ulur shitjet e koleksioneve të ardhshme.

Ai paralajmëron se anëtarësimi në BE do të sjellë një valë kostosh të reja, sidomos për certifikime dhe standarde. “Vetëm një certifikatë më kushton 20 mijë euro, por janë disa të tilla”, – thekson ai, duke parashikuar tkurrje të fortë të sektorit që nga viti 2026.

2026, mes stabilitetit dhe rrezikut

Ekspertët theksojnë se rritja e kostove të prodhimit dhe paga minimale po ndikojnë drejtpërdrejt konkurrueshmërinë, duke kërkuar politika të balancuara që mbështesin punonjësit, pa cenuar qëndrueshmërinë e biznesit.

Hapja e kapitujve të negociatave me BE-në, sipas z. Prençe, e bën jetike përfshirjen reale të industrisë në procesin vendimmarrës, pasi prodhuesit do të jenë zbatuesit praktikë të standardeve europiane.

Një tjetër sfidë madhore mbetet mungesa e likuiditetit për investime, që po ngadalëson automatizimin dhe modernizimin, si dhe kostot e larta të certifikimeve dhe promovimit ndërkombëtar.

Megjithatë, ai shprehet se viti 2026 mund të shënojë ritëm të qëndrueshëm rritjeje, i nxitur nga partneritete më të forta europiane, investime në teknologji dhe bashkëpunim strategjik mes qeverisë dhe industrisë.

Rritje nga klientët ekzistues dhe segmentet teknike

Rritja e pritshme për vitin 2026 po mbështetet si te klientët ekzistues, ashtu edhe tek ata të rinj, me fokus të qartë në produkte me vlerë të shtuar.

Segmentet kryesore ku po orientohet prodhimi janë materialet teknike për sektorë si ushtarake dhe hiking, ku kërkohen standarde të larta cilësie dhe inovacioni.

Një linjë më e vogël prodhimi po shërben si terren për inovacion dhe testim, duke ndihmuar kompaninë të rritet “hap pas hapi” dhe në mënyrë të kontrolluar. “Po rritemi gradualisht, pa e sforcuar strukturën” – thekson znj. Laro.

Sfida e fuqisë punëtore dhe presioni i kostove

Në aspektin e burimeve njerëzore, viti 2026 mbetet sfidues. Nevoja për aftësi të specializuara po rritet në të gjitha kategoritë, ndërsa rekrutimi nga jashtë vendit mbetet kompleks.

Furnizimi kryesor me fuqi punëtore vijon të jetë tregu i brendshëm, me numrin e punonjësve që ka ardhur në rritje, nga rreth 600 në 750 persona./Monitor

The post Rënia e euros nxjerr Shqipërinë jashtë konkurrencës rajonale/ Fasoneria, mes konsolidimit dhe presionit të kostove në 2026 appeared first on Albeu.com.

Këtë të hënë vendi ynë, do të ndikohet nga kushte atmosferike të qëndrueshme. Moti parashikohet i kthjellët në pjesën më të madhe të territorit, ndërsa vranësirat të pakta deri mesatare kryesisht në lindje e jug të vendit.

Era do të fryjë me drejtim Verilindje-Lindje, me shpejtësi mesatare 8 m/s, përgjatë vijës bregdetare në Veri dhe zonat luginore era me shpejtësi deri në 16 m/s.

Deti – Valëzimi forcës 2-3 ballë.

The post Kushte të qëndrueshme atmosferike/ Njihuni me parashikimin e motit 19 Janar 2026 appeared first on Albeu.com.

Dashi
Të lindur më: 21 Mars – 19 Prill
Në marrëdhëniet tuaja të dashurisë, mund të ndjeni një nevojë të fortë për të shprehur ndjenjat që keni mbajtur të fshehura. Kjo është një ditë e mirë për të qenë i sinqertë me partnerin ose për të bërë biseda të thella me dikë që ju intereson. Nëse jeni beqar, dikush i ri mund të shfaqet në horizont, kështu që mbani sytë hapur. Në punë, sfidat që keni hasur së fundmi do të fillojnë të zgjidhen, por kërkohet përqendrim maksimal. Mos injoroni shenjat e lodhjes, pasi trupi juaj ka nevojë për pushim. Financat do të jenë të qëndrueshme, por shmangni shpenzimet impulsive. Një këshillë e mirë financiare sot mund t’ju shpëtojë nga një shpenzim i panevojshëm në të ardhmen.

Demi
Të lindur më: 20 Prill – 20 Maj
Dashuria mund të kërkojë pak më shumë vëmendje sot, sidomos nëse keni pasur keqkuptime të vogla. Një bisedë e hapur dhe e qetë do të ndihmojë që të riktheni harmoninë në marrëdhënie. Për beqarët, mund të ketë një takim të papritur që do të zgjojë interesin tuaj. Në aspektin profesional, do të ndiheni më të motivuar për të ndjekur një ide të re, ndaj mos hezitoni ta ndani me kolegët. Kujdesuni për shëndetin, sidomos në lidhje me sistemin tuaj tretës. Buxheti mund të kërkojë rishikim, ndaj kontrolloni shpenzimet e fundit. Një lajm pozitiv financiar mund të vijë nga një burim që nuk e prisnit.

Binjakët
Të lindur më: 21 Maj – 20 Qershor
Në dashuri, dita sjell ndjenja të thella dhe dëshirë për afërsi me partnerin. Nëse ndjeni distancë, është koha të bëni një hap të parë drejt pajtimit. Beqarët mund të ndihen të pavendosur, por durimi do të shpërblehet së shpejti. Në punë, mund të përballeni me detyra të reja që kërkojnë kreativitet dhe përkushtim. Mos e lini stresin të ndikojë në mirëqenien tuaj, ndërmerrni hapa për t’u relaksuar. Financat mbeten në balancë, por është mirë të shmangni investimet e mëdha sot. Një këshillë nga dikush me përvojë mund t’ju ndihmojë të merrni vendimin e duhur.

Gaforrja
Të lindur më: 21 Qershor – 22 Korrik
Në jetën sentimentale, mund të ndjeni nevojën për të reflektuar mbi marrëdhënien tuaj aktuale. Komunikimi i hapur do të ndihmojë për të shmangur keqkuptimet. Për beqarët, mund të shfaqet një mundësi për të njohur dikë interesant në një rreth miqsh. Në punë, është momenti i duhur për të treguar aftësitë tuaja dhe për të marrë vlerësime. Shëndeti kërkon pak më shumë kujdes, sidomos në aspektin emocional. Lidhur me financat, do të ishte e mençur të planifikoni më mirë shpenzimet. Një projekt i ri mund të sjellë përfitime të vogla materiale.

Luani
Të lindur më: 23 Korrik – 22 Gusht
Në dashuri, lidhja juaj mund të forcohet përmes bisedave të sinqerta dhe ndarjes së ëndrrave të përbashkëta. Nëse jeni vetëm, mos hezitoni t’i përgjigjeni një ftesë që vjen papritur. Kjo ditë do të jetë pozitive edhe në ambientin e punës, ku do të përfitoni nga bashkëpunimet e reja. Kujdesuni për shëndetin tuaj mendor, pasi mund të ndiheni të mbingarkuar me detyra. Financat janë të qëndrueshme, por mos u joshni nga ofertat që duken shumë të mira për të qenë të vërteta. Mund të merrni një këshillë të vlefshme për menaxhimin e parave. Në përgjithësi, është një ditë për të marrë vendime të mençura.

Virgjëresha
Të lindur më: 23 Gusht – 22 Shtator
Sot do të ndjeni një dëshirë të fortë për të qenë më afër partnerit dhe për të rikthyer pasionin në marrëdhënie. Ata që janë beqarë mund të marrin një mesazh të papritur nga dikush që kanë menduar gjatë. Në fushën profesionale, do të përballeni me sfida që do t’ju kërkojnë të jeni të guximshëm dhe të vendosur. Mos e nënvlerësoni lodhjen, pasi trupi juaj ka nevojë për pushim të mjaftueshëm. Shpenzimet mund të rriten më shumë nga sa keni parashikuar, ndaj bëni kujdes. Një mundësi e re për të kursyer para mund të paraqitet në mbrëmje. Mos hezitoni të kërkoni ndihmë nëse ndiheni të pasigurt.

Peshorja
Të lindur më: 23 Shtator – 22 Tetor
Në dashuri, komunikimi është çelësi i një dite të qetë; përpiquni të shprehni ndjenjat tuaja pa u ndrojtur. Për beqarët, një mik i vjetër mund të shfaqet dhe të risjellë kujtime të bukura. Në punë, do të keni mundësi të shfaqni talentet tuaja në një projekt të rëndësishëm. Kujdesuni për shëndetin, sidomos nëse keni pasur shqetësime të vogla fizike. Financat kërkojnë më shumë vëmendje, sepse një shpenzim i papritur mund t’ju vërë në siklet. Planifikoni mirë buxhetin dhe mos merrni vendime të nxituara. Sot është dita për të qenë praktik dhe i matur.

Akrepi
Të lindur më: 23 Tetor – 21 Nëntor
Sot dashuria mund të kërkojë më shumë vëmendje, sidomos nëse keni lënë pas dore partnerin për shkak të angazhimeve të shumta. Një darkë ose një aktivitet i përbashkët mund të rikthejë harmoninë. Për beqarët, një njohje e re mund të fillojë nga një bisedë e thjeshtë. Në aspektin profesional, do të ndjeni nevojën për të rishikuar planet tuaja dhe për të vlerësuar prioritetet. Shëndeti është në nivel të mirë, por mos neglizhoni aktivitetin fizik. Financat janë të qëndrueshme, por është mirë të mbani një sy mbi shpenzimet e vogla që mund të grumbullohen. Një këshillë nga një familjar mund të jetë e vlefshme sot.

Shigjetari
Të lindur më: 22 Nëntor – 21 Dhjetor
Në dashuri, mund të përjetoni emocione të forta dhe ndjenja të thella që do t’ju afrojnë më shumë me partnerin. Për ata që janë vetëm, mund të lindë një interes i ri në një rreth social. Në fushën e punës, do të keni mundësi të merrni përgjegjësi të reja që do të rrisin vetëbesimin. Shëndeti është në gjendje të mirë, por mund të keni nevojë për më shumë pushim. Financat do të jenë në ekuilibër, por është e këshillueshme të shmangni huazimet ose investimet e rrezikshme sot. Një lajm i mirë mund të vijë nga një koleg ose mik i afërt. Ruani qetësinë dhe mos veproni me nxitim.

Bricjapi
Të lindur më: 22 Dhjetor – 19 Janar
Ditën e sotme, marrëdhëniet tuaja sentimentale do të jenë në fokus; përpiquni të jeni më të kujdesshëm me ndjenjat e partnerit. Beqarët mund të takojnë dikë interesant në një vend të papritur. Në punë, mund të përballeni me një situatë që kërkon diplomaci dhe aftësi të mira komunikimi. Shëndeti është i qëndrueshëm, por mos harroni të ushqeheni shëndetshëm. Në aspektin financiar, është dita ideale për të planifikuar buxhetin për javët në vijim. Mos u frikësoni nga ndryshimet, pasi ato mund të sjellin përfitime të reja. Një propozim i ri profesional mund të vlerësohet me kujdes.

Ujori
Të lindur më: 20 Janar – 18 Shkurt
Në dashuri, mund të ndjeni nevojën për më shumë liri dhe hapësirë personale; diskutoni hapur me partnerin për këtë. Ata që janë vetëm do të kenë mundësinë të njohin dikë që ndan të njëjtat interesa dhe pasione. Në punë, energjia juaj është e lartë dhe do të arrini rezultate të mira nëse përqendroheni. Kujdesuni për shëndetin, sidomos nëse keni pasur probleme me gjumin së fundmi. Në aspektin financiar, është kohë e përshtatshme për të nisur një kursim të ri ose për të rishikuar shpenzimet. Një investim i vogël sot mund të sjellë përfitime në të ardhmen. Mos lejoni që shqetësimet e vogla t’ju prishin humorin.

Peshqit
Të lindur më: 19 Shkurt – 20 Mars
Sot në dashuri, ka gjasa të përjetoni momente romantike dhe të veçanta me partnerin. Nëse jeni beqar, një takim i papritur mund të ndryshojë rrjedhën e ditës tuaj. Në aspektin profesional, përkushtimi dhe këmbëngulja do të vlerësohen nga eprorët. Shëndeti kërkon kujdes, veçanërisht nëse keni tendencë të stresoheni lehtë. Financat do të jenë të qëndrueshme, por është mirë të shmangni huazimet ose shpenzimet e mëdha. Një këshillë nga një mik mund të ndihmojë në menaxhimin më të mirë të buxhetit. Mos harroni të ndani kohë me familjen për të rikthyer balancën emocionale.

The post Horoskopi 19 Janar 2026, zbuloni parashikimin e yjeve për shenjën tuaj appeared first on Albeu.com.

Kristjan Asllani ka dy javë kohë për të vendosur se ku do të vazhdojë karrierën e tij, për të mos rrezikuar që të mbyllë që tani sezonin duke u kthyer në një spektaktor në pankinë apo tribunë në muajt në vijim.

Ai nuk bën pjesë as në planet e Torinos dhe as në planet e Interit ndaj duhet të gjejë një sistemim të ri, por deri tani, ka kthyer mbrapsht propozimet që i kanë ardhur. Një prej tyre kishte ardhur nga Franca, ku klubi i Paris FC, i cili ka si pronar një prej njerëzve më të pasur në botë, Bernard Arno. Klubi në fjalë, falë investimeve të familjes Arno dhe bashkëpunimit me kompaninë Red Bull, është ngjtiur në elitë dhe tani kërkon të bëjë hapin cilësor.

“Footmercato” raporton se pavarësisht refuzimit fillestar të Asllanit, klubi francez nuk është tërhequr. “Sipas burimeve tona, edhe drejtuesit e Interit janë në favor të një transferimi përfundimtar këtë dimër, për të ringjallur karrierën e futbollistit. Ndonëse një marrëveshje me transferim përfundimtar mbetet opsioni i preferuar, mund të merret në konsideratë edhe huazimi me të drejtë blerje për të lehtësuar marrëveshjen”, shpjegon portali francez i cili gjithashtu theksoi se përveç skuadrave italiane, për të interesohen edhe klube turke e gjermane.

Kësisoj, del në pah fakti se Paris FC është gati të shpenzojë për të blerë kartonin e futbollistit shqiptar dhe jo thjesht ta huazojë atë, duke e shtyrë Interin që të ketë një vëmendje më të madhe ndaj një marrëveshje të mundshme dhe të tentojë të bindë Asllanin të thotë “po”. Paris FC është në vitin e parë në Ligën 1 dhe si objektiv ka mbijetesën, por nëse vazhdon përforcimet cilësore, mund të kthehet në një të ardhme të afërt në një prej protagonistëve në këtë kampionat.

The post Miliarderët parisienë nuk heqin dorë nga Asllani, tundojnë Interin me një propozim të ri appeared first on Albeu.com.

Kryeministrja daneze, Mette Frederiksen, deklaroi se “Europa nuk do të lejojë të shantazhohet” pas kërcënimeve të presidentit amerikan Donald Trump për vendosjen e tarifave ndaj aleatëve që kundërshtojnë planet e tij për Groenlandën.

Trump kërcënoi se do të vendosë tarifa 10% mbi mallrat nga Danimarka, Norvegjia, Suedia, Franca, Gjermania, Mbretëria e Bashkuar, Holanda dhe Finlanda nëse pengohet përpjekja e tij për të marrë kontrollin e territorit autonom danez. Tarifat mund të rriten deri në 25% në mungesë të një marrëveshjeje.

Shtetet e kërcënuara me tarifa lëshuan një deklaratë të përbashkët, duke paralajmëruar për retorikën e dhe duke shprehur solidaritet me Danimarkën dhe popullin e Groenlandës.

Ato theksuan rëndësinë e forcimit të sigurisë në Arktik dhe gatishmërinë për dialog mbi sovranitetin dhe integritetin territorial.

Kryeministri britanik, Sir Keir Starmer, theksoi se siguria e Groenlandës është prioritet për të gjithë anëtarët e NATO-s dhe kritikoi tarifat ndaj aleatëve për mbrojtjen kolektive.

Groenlanda, e pasur me burime natyrore dhe vendndodhje strategjike, është thelbësore për sistemet e paralajmërimit të hershëm të sulmeve dhe monitorimin e rajonit. Demonstrata kundër planeve të Trump u mbajtën në Nuuk dhe disa qytete daneze, duke reflektuar shqetësimin e qytetarëve.

Sondazhet tregojnë se shumica e shtetasve groenlandez dhe amerikanëve janë kundër kontrollit amerikan mbi ishullin. Ndërkohë, liderë të BE-së dhe Kanadaja po diskutojnë forcimin e sigurisë në Arktik dhe koordinimin e përgjigjes ndaj kërcënimeve të SHBA-së, ndërsa Trump do të flasë të mërkurën në Forumit Ekonomik Botëror në Davos.

The post Kërcënimet e Trump për Groenlandën, kryeministrja daneze: Europa nuk do të lejojë të shantazhohet appeared first on Albeu.com.

Emisioni investigativ Italian “Le lene”, ka publikuar investigimin lidhur me “Call Center”-in qe operonte nga Tirana duke mashtruar shtetas nga vende të ndryshme, duke iu kërkuar të investonin shuma të ndryshme parash.

Grupi kriminal që u godit dy ditë më parë nga SPAK, ashtu siç edhe është bërë publik, ushtronte aktivitetin ne një nga kullat luksoze të Tiranës. “Le lene” kishte marrë informacione nga shtetas italianë për se iu ishin bërë mashtrime përmes telefonit dhe kishin humbur shuma të konsiderueshme.

“Le lene” raporton se arriti të infiltronte njeriun e tyre në grupin e “Call Center”-it, i cili arriti të zbulonte mekanizmin sesi funksiononte.

Një numër i konsiderueshëm personash që punonin për kompaninë mashtruese telefononin njerëz të ndryshëm duke i nxitur të investonin në platformë, me shuma që nisnin nga 250 euro dhe arrinin në 200 mijë euro.

Një nga këshillat që iu dha të infiltruarit të “Le lene” ishte se personat që telefonoheshin, nuk duhet të lejoheshin të fitonin më shumë se 30-50 euro në ditë që të nxiteshin për të investuar sërish.

Ndërkaq, një nga italianët e punësuar në “Call Center” i tregoi të infiltruarit të “Le lene” se ai vetë personalisht nga puna gjatë një muaji kishte arritur të fitonte 3500-10 000 euro në muaj.

Brenda mjediseve të “Call Center”-it raportohet se telefonave personalë iu bllokohej kamera, në mënyrë që askush të mos filmonte dhe fotografonte.

The post Mashtrimi me “Call Center-at” nga kullat e Tiranës, “Le Iene” zbulon si funksiononte skema përmes një të infiltruari: Kërkonin investime deri në 200 mijë euro! appeared first on Albeu.com.

Një krim brutal u zbulua në Itali, në rajonin Anguilar, ku një grua 40-vjeçare u gjet e vdekur pas dhjetë ditësh e zhdukur.

Sipas prokurorëve, Federica Torzullo u vra brenda shtëpisë së saj nga bashkëshorti i saj, Claudio Carlomanio. Gruaja kishte qenë e zhdukur për dhjetë ditë dhe autori i krimit kishte mohuar çdo përgjegjësi deri sot në mesditë.

Pas një sërë hetimesh, karabinierët arritën të gjenin trupin e saj në një fushë pranë një kompanie bujqësore në pronësi të bashkëshortit të saj. Mediat italiane raportuan se karabinierët, gjatë hetimeve, panë dorën e një gruaje që dilte nga dheu dhe kuptuan se ndoshta ishte trupi i Torzullo-s.

Çifti jetonte në të njëjtën shtëpi, por sipas miqve, ata ishin të ndarë. Telefoni celular i viktimës pushoi së rëni dhjetë ditë më parë. Disa orë më vonë, fqinjët kishin parë bashkëshortin e 40-vjeçares duke larë një kamion që e përdorte për punë. Disa njolla gjaku u gjetën gjithashtu në një nga uniformat e autorit, ndërsa ditët e fundit, gjurmë gjaku ishin gjetur edhe në shtëpi e në vendin e tij të punës.

Claudio Carlomanio u burgos në qytetin e Civitavecchia-s.

“Ai donte të shkonte në stacionin e policisë herët a vonë, por nuk kishte kohë sepse e arrestuan më parë”, tha avokati i tij mbrojtës.

The post Tragjike në Itali, burri i merr jetën bashkëshortes dhe e varros pranë punës së tij, karabinierët gjejnë trupin pas 10 ditësh kërkime appeared first on Albeu.com.

Presidenti i Ugandës, Yoweri Museveni, është shpallur fitues i zgjedhjeve të së enjtes, duke zgjatur qeverisjen e tij prej katër dekadash për pesë vite të tjera.

Komisioni i zgjedhjeve njoftoi se Museveni mori 72% të votave, ndërsa kundërshtari i tij më i afërt, Bobi Ëine, arriti 25%. Ëine e ka dënuar rezultatin, duke e quajtur “të rremë” dhe duke hedhur akuza për manipulim të votave, pa dhënë detaje të mëtejshme. Autoritetet nuk kanë reaguar ndaj këtyre pretendimeve, ndërsa vëzhguesit e Bashkimit Afrikan thanë se nuk panë asnjë provë për manipulim të votave. Ëine ka bërë thirrje për protesta paqësore.

Museveni, 81 vjeç, erdhi në pushtet si udhëheqës rebel në vitin 1986 dhe që atëherë ka fituar shtatë zgjedhje. Procesi zgjedhor u shoqërua me dhunë, ndërsa Ëine, 43 vjeç, ish-yll pop, deklaron se të paktën 21 persona janë vrarë në vend gjatë ditëve të fundit. Autoritetet kanë konfirmuar shtatë viktima.

Qasja në internet ka qenë e bllokuar në vend që nga e martja, duke e bërë të vështirë verifikimin e informacionit. Autoritetet argumentojnë se kjo masë ishte e nevojshme për të parandaluar dezinformimin, mashtrimin dhe nxitjen e dhunës, një vendim që është dënuar nga zyra e të drejtave të njeriut e OKB-së si shumë shqetësues. Ëine ka kërkuar rikthimin e internetit.

Udhëheqësi i misionit të vëzhguesve të Bashkimit Afrikan, ish-presidenti nigerian Goodluck Jonathan, tha për gazetarët se “qeveria duhet të heqë bllokimin e internetit” afër periudhës zgjedhore. Ai gjithashtu dënoi raportet për intimidim, arrestime dhe rrëmbime, duke thënë se ato shkaktojnë frikë dhe dëmtojnë besimin e publikut në procesin zgjedhor.

Gjatë natës, partia e Ëine tha se ai ishte rrëmbyer nga shtëpia e tij në kryeqytetin Kampala, një pretendim që policia e ka mohuar. Më vonë, Ëine postoi një deklaratë në Facebook duke thënë se ia kishte dalë të shpëtonte nga një sulm natën e kaluar nga forcat e sigurisë dhe ishte fshehur. Ai më parë kishte thënë se ishte nën arrest shtëpie.

Kjo nuk është konfirmuar nga policia, por zëdhënësi Kituuma Rusoke tha se lëvizjet e Ëine ishin të kufizuara sepse shtëpia e tij ndodhej në një zonë “interesi të sigurisë”. “Ne kemi kontrolluar qasjen në zonat që janë pika të nxehta sigurie”, tha zëdhënësi policor për gazetën ‘Daily Monitor’ të Ugandës. “Nuk mund të lejojmë që disa vende të përdoren për grumbullime që shkaktojnë kaos”.

Ëine thotë se ai përfaqëson të rinjtë në një vend ku shumica e popullsisë është nën 30 vjeç. Gjatë fushatës, ai premtoi të luftojë korrupsionin dhe të zbatojë reforma të gjera, ndërsa Museveni argumentoi se ai është garantuesi i vetëm i stabilitetit në Ugandë, një vend me histori konflikti. Gjashtë kandidatët e tjerë nuk morën më shumë se 2% të votave. Pjesëmarrja në zgjedhje ishte 52.5%.

The post Presidenti i Ugandës nuk bie nga pushteti, 40 vite në pushtet dhe sërish fiton zgjedhjet appeared first on Albeu.com.

Shtetet anëtare të Bashkimit Evropian po shqyrtojnë disa opsione për t’iu përgjigjur kërcënimit të Donald Trump për vendosjen e tarifave, përfshirë edhe mundësinë e pezullimit të marrëveshjes tregtare me SHBA, raporton Bloomberg.

Reagimi i BE-së ishte në fokus të një takimi të thirrur të dielën në Bruksel nga presidenca e Qipros, ku ambasadorët e vendeve anëtare përpiqeshin të formulojnë një qëndrim të përbashkët ndaj kërcënimit të Trump.

Më vonë të dielën, u bë e ditur se Presidenti i Këshillit Evropian, António Costa, ka thirrur një Samit të Jashtëzakonshëm, me sfond zhvillimet rreth Groenlandës dhe kërcënimin për vendosjen e tarifave ndaj tetë vendeve, nga të cilat gjashtë janë anëtare të BE-së.

Një nga propozimet që po shqyrtohet është vendosja e tarifave kundërvëniese ndaj produkteve amerikane në vlerë 93 miliardë euro.

Po ashtu është diskutuar edhe përdorimi i Mjetit të fuqishëm kundër praktikave të detyruara (Anti-Coercion Instrument), një mekanizëm që fillimisht u krijua për të kundërshtuar taktikat intimiduese të Kinës dhe që lejon BE-në të vendosë tarifa dhe kufizime investimesh ndaj vendeve që shkelin rregullat.

Ky instrument ofron një gamë të gjerë mundësish, përfshirë tarifat, kufizime në tregtinë e shërbimeve, kufizime në të drejtat e pronësisë intelektuale që lidhen me tregtinë, si dhe kufizime në investimet e huaja direkte dhe kontratat publike.

Madje, Emmanuel Macron propozoi të dielën që BE-ja të konsiderojë përdorimin e këtij mjeti, megjithëse Franca nuk e ka përdorur më parë.

Vitin e kaluar, BE-ja kishte miratuar tarifa kundër SHBA-së në vlerë 93 miliardë euro, por pezulloi zbatimin e tyre pas arritjes së një marrëveshjeje tregtare me Uashingtonin.

Eurodeputetët propozuan gjatë fundjavës që të pezullojnë miratimin e marrëveshjes tregtare, duke iu referuar veprimeve të fundit të Trump.

Më herët dje, Presidenti amerikan kërcënoi të vendosë tarifa 10% ndaj tetë vendeve evropiane (Britani, Francë, Gjermani, Danimarkë, Norvegji, Holandë, Suedi dhe Finlandë) nga 1 shkurti, si përgjigje për veprimet e tyre lidhur me Groenlandën. Në rast se nuk realizohej plotësisht blerja ose marrëveshja e Trump, tarifat do të rriteshin në 25% nga 1 qershori.

The post BE diskuton kundërmasa ndaj Trump për Groenlandën, Bloomberg: Në shqyrtim vendosja e tarifave ndaj mallrave amerikane dhe pezullimi i marrëveshjes tregtare appeared first on Albeu.com.

Sulmet me dronë kanë dëmtuar rrjetin elektrik në zonat jugore të Ukrainës që janë nën kontrollin e Rusisë, duke lënë pa energji elektrike qindra mijëra banorë.

Sipas zyrtarëve të emëruar nga Rusia në rajonin e Zaporizhzhias, mbi 200 mijë familje mbetën pa rrymë elektrike, ndërsa energjia u ndërpre në rreth 400 fshatra dhe qytete.

Në të njëjtën kohë, Rusia ka vijuar sulmet ndaj infrastrukturës energjetike të Ukrainës gjatë natës, duke shkaktuar të paktën dy viktima dhe disa të plagosur. Sulme u raportuan në disa rajone, përfshirë Odesën, Kharkivin dhe Dnipron.

Presidenti ukrainas Volodymyr Zelensky tha se riparimi i sistemit energjetik është i vështirë, por autoritetet po punojnë për ta rikthyer energjinë sa më shpejt të jetë e mundur. Ai shtoi se Rusia ka përdorur qindra dronë dhe raketa gjatë javës së fundit.

Zelensky gjithashtu u shpreh se nëse Rusia vazhdon të zvarrisë bisedimet për paqe, komuniteti ndërkombëtar duhet të rrisë mbështetjen për Ukrainën.

Ndërkohë, autoritetet ruse njoftuan se në territorin e Rusisë, tre persona, përfshirë dy fëmijë, u plagosën nga mbetjet e një droni ukrainas që ranë mbi një ndërtesë.

Sakaq, Agjencia Ndërkombëtare për Energjinë Atomike bëri të ditur se kanë nisur riparimet e linjës rezervë të energjisë për centralin bërthamor të Zaporizhzhias, nën një marrëveshje armëpushimi.

The post Ukraina sulmon me dronë zonat e pushtuara nga Rusia appeared first on Albeu.com.

Kriza klimatike ka nxjerrë në pah Grenlandën si një pikë kyçe gjeopolitike, pasi rritja e shpejtë e temperaturave në Arktik po hap perspektiva të reja për shfrytëzimin e burimeve natyrore dhe krijimin e rrugëve të reja tregtare.

Shkrirja graduale e akullnajave intensifikon konkurrencën midis fuqive të mëdha botërore për kontrollin e rajonit, me administratën Trump që vendos Grenlandën në qendër të strategjive të SHBA-së.

Shkrirja e akullit në Arktik, një fenomen që po ndodh katër herë më shpejt se në pjesën tjetër të Tokës, sjell në pah një sërë mundësish gjeopolitike dhe ekonomike. Sipas një analize të Washington Post, roli strategjik i Grenlandës, i kombinuar me burimet e papërfunduara natyrore si diamante, litium dhe bakër, e bëjnë rajonin jashtëzakonisht tërheqës për fuqitë e mëdha, të cilat synojnë të kontrollojnë rrugët tregtare në zhvillim dhe burimet natyrore.

Presidenti amerikan Donald Trump ka shprehur herë pas here dëshirën për të marrë nën pronësi Grenlandën, dhe kohët e fundit kjo ambicie është shfaqur më e fortë se kurrë, duke u bazuar në pozicionin strategjik dhe burimet natyrore të pasura të ishullit.

Megjithëse Trump e mohon lidhjen e kësaj dëshire me ndryshimet klimatike, realiteti mbetet, rritja e temperaturave në rajon e bën Grenlandën kritike për sigurinë kombëtare të SHBA-së.

Sipas Sherry Goodman, eksperte në Atlantic Council, “Pozicioni strategjik dhe qasja në burime të pashfrytëzuara e bëjnë Grenlandën edhe më tërheqëse për interesat amerikane”.

Rritja e trafikut detar dhe zhvillimi i rrugëve të reja tregtare sjellin sfida shtesë gjeopolitike. Rrugët tradicionale, si Deti i Veriut dhe Kanalet Perëndimore Detare, po bëhen më të qasshme, duke lejuar anijet tregtare të udhëtojnë më shpejt nga Evropa Veriore drejt Amerikës së Veriut, duke reduktuar ndjeshëm kohën e transportit.

Kina, për shembull, tashmë ka përfituar nga këto rrugë të reja detare, duke shkurtuar kohën e transportit të mallrave.

Rëndësia strategjike e Grenlandës lidhet gjithashtu me burimet e saj natyrore. Rajoni është i pasur me minerale si litiumi dhe bakri, të domosdoshme për teknologjinë moderne, nga telefonat celularë deri tek bateritë e automjeteve elektrike.

Rëndësia e ishullit po rritet ndërsa SHBA-ja synon të forcojë praninë strategjike në Arktik, dhe shkrirja e akullnajave e bën rajonin më të qasshëm për aktivitetet nxjerrëse dhe tregtare.

Ekspertët vënë në dukje se Arktiku po shndërrohet në një zonë të re të konflikteve gjeopolitike, ku ndryshimet klimatike ndikojnë në konkurrencën strategjike.

Siç thekson Joseph Maiert, drejtor i Qendrës për Sigurinë Energjitike dhe Ndryshimet Klimatike në CSIS, “Shkrirja e akullit në Arktik krijon një arenë krejt të re për konkurrencë ekonomike dhe strategjike”.

Edhe pse zhvillimet në Arktik mund të duken të ngadalta, dinamika e rajonit po ndryshon me ritme të shpejta.

The post Washington Post: Akulli në Groenlandë po shkrihet shpejt, hapen rrugë të reja detare! Rritet konkurrenca mes SHBA-së, Kinës dhe Rusisë për burimet natyrore appeared first on Albeu.com.