Finalizohet me sukses operacioni policor i koduar “Cargo 2”, në vazhdën e operacioneve të njëpasnjëshme, kundër shitjes të lëndëve narkotike.
Specialistët e Seksionit të Hetimit të Narkotikëve, në vijim të operacioneve policore kundër veprimtarive kriminale në fushën e narkotikëve, pas një pune të mirëorganizuar organizuan dhe finalizuan me sukses operacionin policor të koduar “Cargo 2”.
Në kuadër të këtij operacioni u bë arrestimi në flagrancë i shtetasve:
– Elvi Meta, 26 vjeç, Igli Canaj, 33 vjeç dhe Alban Kopaçi, 32 vjeç, banues në Tiranë.
Në Unazë të Madhe, në afërsi të rrethrrotullimit të Tegut, shërbimet e Policisë kanë lokalizuar automjetin tip “Escalade” me drejtues shtetasin A. K. dhe pasagjerë shtetasit E. M, dhe I. C. Gjatë kontrollit në automjet është gjetur një pako me lëndë të dyshuar narkotike të llojit kokainë, me peshë 1 kg e 36.6 gramë.
Nga verifikimet e kryera ka rezultuar se këta shtetas, në bashkëpunim me njëri-tjetrin, siguronin lëndë të dyshuar narkotike të llojit kokainë dhe më pas furnizonin disa grupe shpërndarësish, në zona të ndryshme të Tiranës.
Gjatë kontrollit të banesës së shtetasit A. K, shërbimet e Policisë gjetën e sekuestruan në cilësinë e provës materiale 1 armë zjarri pistoletë, 1 armë gjahu, municion luftarak, 121 000 euro, 60 milion lekë, 5000 paund të cilat u sekuestruan në cilësinë e provës materiale sëbashku me lëndën narkotike, automjetin dhe 5 aparate celular.
Materialet proceduale i kaluan Prokurorisë, për veprime të mëtejshme./tch/
Një video që po qarkullon me shpejtësi në rrjete sociale ka tronditur ndjekësit, duke treguar momentin ekstrem kur një holandez zhytet në ujërat e ngrira të Siberisë, në një temperaturë prej -52 gradë Celsius.
Ngjarja ka ndodhur në Jakutsk, qytet i njohur si një nga vendet më të ftohta në botë.
Në pamje shihet i riu, i veshur vetëm me rroba banje, teksa futet në një vrimë të hapur në akull, mes kushteve ekstreme që vështirë se përballohen nga trupi i njeriut.
Menjëherë pas daljes nga uji, situata bëhet dramatike.
Brenda pak sekondash, trupi i tij fillon të zbardhet, ndërsa uji mbi lëkurë ngrin pothuajse menjëherë.
Mes dridhjeve dhe adrenalinës, ai dëgjohet duke kërkuar ndihmën e miqve, të cilët nxitojnë ta ndihmojnë të veshë diçka, pasi lëvizjet e tij fillojnë të ngurtësohen nga i ftohti ekstrem.
Termometri i shfaqur në fund të videos konfirmon temperaturën ekstreme prej minus 52 gradë Celsius.
Ekspertët paralajmërojnë se veprime të tilla janë tejet të rrezikshme, pasi mund të shkaktojnë hipotermi të menjëhershme apo dëmtime të përhershme të indeve nga ngrirja.
Megjithatë, për aventurierin holandez, kjo sfidë mbetet një nga përvojat më ekstreme të jetës së tij. /Telegrafi/
Natën e kaluar, Brikena u befasua nga vizita e veçantë e nënës së saj në shtëpinë e Big Brother VIP Albania.
Pas një përshëndetjeje të ngrohtë mes vajzës dhe nënës, Mateo doli nga shtëpia për t’u përballur me situatën dhe për të shprehur një mesazh të sinqertë.
Mateo: “Dua vetëm të të kërkoj falje nëse në çdo moment apo pjesë të lojës mund ta kem ofenduar, cënuar apo mërzitu Brikenën”.
BBVA/Screenshot
Nena e Brikenës: “Jo, asgjë, kjo është lojë”.
Mateo: “Për mua nuk është lojë, por nëse e kam shqetësuar për ndonjë moment, të kërkoj shumë falje”.
Nena e Brikenës: “Jo asgjë, je shumë djalë i mirë, respekt”.
Pas këtyre fjalëve, Mateo i zgjati dorën dhe u përshëndet me nënën e Brikenës, duke krijuar një nga momentet më të bukura dhe të komentuar në rrjetet sociale.
Fansat kanë lavdëruar jo vetëm sjelljen e matur të Mateos, por edhe qëndrimin e ngrohtë dhe të dashur të nënës së Brikenës. /Telegrafi/
Nga Agjencia për Ushqim dhe Veterinari kanë njoftuar se vitin e kaluar janë kryer mbi 125 mijë kontrolle në të gjithë territorin e Maqedonisë së Veriut, Mes tjerash nga AUV bëjnë të ditur se janë shqiptuar edhe gjoba në vlerë prej 618 mijë euro.
Theksi i kontrolleve u vendos në zbatimin dhe mirëmbajtjen e procedurave të Praktikës së Mirë Higjienike dhe Praktikës së Mirë Prodhuese, si dhe të sistemit HACCP për sigurinë ushqimore, në etiketimin e duhur të ushqimit, monitorimin e ushqimit nga prodhimi vendas dhe nga importi, si dhe në mbrojtjen shëndetësore dhe mirëqenien e kafshëve.
Njoftimi i plotë nga AUV:
Mbi 125 mijë kontrolle inspektuese nga fusha e sigurisë së ushqimit dhe ushqimit për kafshë, mbrojtjes shëndetësore dhe mirëqenies së kafshëve, u realizuan vitin e kaluar nga veterinerët zyrtarë dhe inspektorët e ushqimit të Agjencisë së Ushqimit dhe Veterinarisë. Krahas tregtisë së brendshme, objekt i kontrolleve ishin edhe prodhimi, shpërndarja, gastronomia, si dhe importi dhe eksporti. Theksi i kontrolleve u vendos në zbatimin dhe mirëmbajtjen e procedurave të Praktikës së Mirë Higjienike dhe Praktikës së Mirë Prodhuese, si dhe të sistemit HACCP për sigurinë ushqimore, në etiketimin e duhur të ushqimit, monitorimin e ushqimit nga prodhimi vendas dhe nga importi, si dhe në mbrojtjen shëndetësore dhe mirëqenien e kafshëve. Frekuenca e kontrolleve zyrtare u realizua në përputhje me kategorizimin e objekteve (operatorëve ushqimorë) sipas rrezikut, ku objektet e kategorizuara me rrezik të lartë u kontrolluan më shpesh sesa ato të kategorizuara si operatorë me rrezik të ulët. Në vitin 2025, nga numri i përgjithshëm, u realizuan gjithsej 47.200 kontrolle në tregtinë e brendshme, në kuadër të mbikëqyrjeve të rregullta dhe të jashtëzakonshme inspektuese, me ç’rast u lëshuan 5.406 vendime, u paraqitën 10 kallëzime për kundërvajtje, u shqiptuan 1.073 urdhër-pagesa për kundërvajtje me vlerë totale prej 618.010 eurosh në kundërvlerë në denarë. U paraqitën gjithashtu 8 kallëzime penale, të gjitha nga fusha e mbrojtjes shëndetësore dhe mirëqenies së kafshëve. Në kuadër të këtyre kontrolleve, u konfiskua dhe u asgjësua në mënyrë të sigurt ushqim i pasigurt (mish dhe produkte mishi, qumësht dhe produkte qumështi, fruta të thata, vezë, peshk, produkte ëmbëlsirash, si dhe pije alkoolike dhe joalkoolike) në një sasi totale prej 355.377 kilogramësh. Shuma totale e gjobave të shqiptuara në vitin 2025 arrin 618 mijë euro në kundërvlerë në denarë. Për më tepër, shërbimet inspektuese të Agjencisë realizuan 78.016 kontrolle të dërgesave të importit dhe të atyre që transitonin nëpër vend, me ushqim me origjinë shtazore dhe joshtazore, produkte dhe materiale që vijnë në kontakt me ushqimin, ushqim për kafshë dhe kafshë të gjalla. Si të pasigurta, u asgjësuan 8 dërgesa me ushqim me origjinë joshtazore në sasi prej 69.785 kilogramësh, ndërsa një dërgesë u kthye në vendin eksportues. Si të pasigurta, në kuadër të këtyre kontrolleve, u asgjësuan edhe tri dërgesa me ushqim me origjinë shtazore në një sasi totale prej 22.061 kilogramësh. Në të njëjtën periudhë kohore, si të pasigurta u kthyen 16 dërgesa me ushqim me origjinë shtazore.
Loja e shumëpritur Forza Horizon 6 me bazë në Japoni po duket si diçka e veçantë.
Mes një mori përmbajtjesh të reja nga Playground Games - duke përfshirë një trailer të ri loje - më në fund po fillojmë të shohim se si do të duket loja.
Më emocionuese është se do të dalë më 19 maj 2026.
Që nga loja e parë Horizon nga viti 2012, e cila u zhvillua në Kolorado, fansat praktikisht kanë lutur për një botim në Japoni.
Për shumë njerëz, transferimi i lojës në Japoni ishte vendim i rëndësishëm.
Duke hulumtuar trailerin, ka shumë detaje interesante rreth Horizon 6.
Ndoshta më e rëndësishmja, Toyota GR GT e re do të veprojë si vetura kryesore e Horizon 6.
Së dyti, do të shfaqen disa lokacione nga bota reale.
Sa i përket veturave, duket kryesisht si Horizon 5. Megjithatë, në trailer ka shtesa të reja si një X100 Toyota Chaser, Daihatsu Copen dhe Honda Beat.
Në total, plot 550 vetura do ta zbukurojnë lojën.
Gjithashtu ka disa mekanika të reja loje për t'u eksploruar. Lojtarët do të kenë një luginë të tërë malore të quajtur "The Estate" për vete, të hapur për personalizim të pakufizuar.
Ndërsa zhvilluesit nuk ishin të qartë për mënyrën e saktë të lojës, duket se ju mund të vendosni ndërtesa, bimë dhe rrugë për të krijuar hartën tuaj. Lojtarë të tjerë gjithashtu mund të vizitojnë hartën që krijoni. /Telegrafi/
Honnold nuk ishte alpinisti i parë që u ngjit në rrokaqiell, por është i pari që e bëri këtë pa litar.
Alpinisti francez Alain Robert u ngjit në ndërtesë ditën e Krishtlindjeve në vitin 2004, si pjesë e hapjes madhështore të asaj që atëherë ishte ndërtesa më e lartë në botë. /Telegrafi/
Pak vende në SHBA e njohin të ftohtin më mirë se Alaska, dhe James Grant, pronar i Right Choice Automotive Repair në Fairbanks, ka parë pak nga ajo që temperaturat e ftohta mund t'u bëjnë automjeteve.
Për shembull, ngarja e një veture elektrike gjatë dimrit nuk është problemi, por moti i ftohtë ndikon në efikasitetin dhe performancën e saj.
Temperaturat e ulëta ngadalësojnë kiminë e baterisë, duke rezultuar në më pak energji për përshpejtim.
Duhet më shumë energji për ta mbajtur baterinë në një temperaturë efikase funksionimi dhe pak më shumë energji akoma për ta mbajtur kabinën ngrohtë.
E gjithë kjo rezulton në performancë më pak efikase.
Gjithashtu, ndërsa ajri në goma ftohet, ai tkurret dhe ka më pak presion. Andaj, kontrolloni presionin e gomave më shpesh se zakonisht.
Dimri është veçanërisht i vështirë për bateritë. Nëse vetura juaj nuk ndizet në të ftohtin ekstrem, një nga problemet më të mundshme është bateria.
Nëse nuk jetoni diku ku temperatura bie në 100 gradë nën zero, benzina në veturën tuaj nuk do të ngrijë. Megjithatë, lagështia në tubat e benzinës mund të bëhet e akullt dhe të bllokojë marrjen e karburantit, sipas Grant.
Nëse makina juaj ka ekrane LCD, si për shembull për infotainment, mund të vini re se ato bëhen pak të ngadalta kur vetura ka qenë në të ftohtë ekstrem. Në automjetet ku ky është një problem, nuk ka shumë që mund të bëni përveçse të prisni që ajo të ngrohet. /Telegrafi/
Kryeministri në detyrë i Kosovës, Albin Kurti, së bashku me deputeten Arbëreshë Kryeziu-Hyseni, ka takuar një grup krijuesish shqiptarë nga Mali i Zi, pjesëmarrës të edicionit IV të Festivalit Poetik të Prishtinës, që po mbahet nga 21 deri më 25 janar 2026 dhe organizohet nga ObserverKult.
Në takim u diskutua për bashkëpunimet kulturore dhe lidhjet që letërsia i mban të gjalla mes hapësirave shqiptare.
Kurti theksoi rëndësinë e festivalit në “forcimin e komunikimit përmes fjalës artistike, me theks të veçantë në prezantimin e letërsisë shqipe në Malin e Zi brenda programit të festivalit.”
Poezia shqipe nga Plava e Gucia, Ana e Malit dhe Kraja, Tuzi e Ulqini, sipas Kurtit përfaqëson “dëshmi e qëndrueshmërisë së gjuhës dhe e dinjitetit kulturor, një mënyrë për ta ruajtur kujtesën dhe për ta shtrirë praninë tonë shpirtërore ndër breza, duke e bërë vargun urë nga një vendbanim te tjetri, nga një kujtim te një e ardhme e përbashkët.”
Ky takim thekson përpjekjet për promovimin e kulturës dhe letërsisë shqipe dhe rolin e festivalit si një platformë për dialog dhe bashkëpunim ndërkufitar. /Telegrafi/
I ftuari i radhës në podcastin “Arena e Yjeve” ishte futbollisti i njohur kosovar, Lindon Emërllahu. Ky episod realizohet me mbështetjen e sponsorëve zyrtarë Golden Eagle, Air Munich dhe Exfis.
Emërllahu ka zbuluar prapaskenat e interesimit nga gjiganti bullgar Ludogorets, duke treguar se gjithçka nisi gjatë një ndeshjeje direkte mes dy skuadrave në garat evropiane.
“Ishim në ndeshje në Ludogorets. Gjatë lojës zhvilloja një lojë të mirë dhe trajneri që ishte në bankë e pyeste, mos gabohem, kështu ka qenë historia edhe me Korenicën, sepse Korenica ishte në krahun e djathtë dhe i binte afër bankës së trajnerit”, ka rrëfyer Emërllahu.
Sipastij, paraqitja në atë ndeshje bëri që stafi teknik i Ludogoretsit të interesohej drejtpërdrejt për të.
“E pyeste: kush është ky lojtar? Qysh me e marrë? Kur ka përfunduar loja, ka ardhur dhe ka folur me mua”.
Mesfushori kosovar tregoi se kontaktet vazhduan edhe pas ndeshjes, duke konfirmuar se kishte komunikim të drejtpërdrejtë për një transferim të mundshëm.
“Ka kontaktuar me mua. Pas lojës ma ka dhënë numrin, për t’u kontaktuar ia kam dhënë”, ka shtuar ai.
Megjithatë, Emërllahu shpjegoi se transferimi nuk u realizua menjëherë për shkak të angazhimeve në Evropë dhe rregullave të afatit kalimtar gjatë garave ndërkombëtare.
“Kur kemi folur për ta bërë transferimin, duhej t’i kryenim ndeshjet e Evropës, me e përfunduar Evropën, sepse ata vazhdonin. Na eliminuan neve dhe vazhduan, sepse gjatë Evropës nuk mund të bësh transfere”, ka thënë Emërllahu.
Episodin e plotë me futbollistin Lindon Emërllahu mund ta ndiqni në kanalin zyrtar të Telegrafit në YouTube./Telegrafi/
Prishtina dhe Drita duan ta nisin me trofe vitin 2026 dhe takohen në ndeshjen e parë zyrtare në Antalya të Turqisë.
Dy gjigantët kosovarë do të takohen në finalen e madhe të Superkupës së Kosovës, ku synohet trofeu.
Si kryeqytetasit ashtu edhe gjilanasit janë të uritur për fitore dhe një triumf eventual në këtë finale do të thotë një trofe plus në kabinetin e tyre të pasur.
Drita ka mungesa të mëdha në këtë takim, pasi nuk është në dispozicion kapiteni Rron Broja, por edhe lojtari i vitit në Kosovë, Arb Manaj shkaku i lëndimeve.
Tanimë dy trajnerët, Afrim Tovërlani dhe Zekirija Ramadani kanë publikuar emrat e futbollistëve që do të nisin këtë ndeshje nga minuta e parë.
Sistemi “Safe City” është çështje e sigurisë publike, e mbrojtjes së jetës së qytetarëve dhe e vendosjes së rendit në komunikacion. Kur flasim për “Safe City”, nuk flasim për kamera apo gjoba, por për jetë njerëzish. Flasim për rrugë më të sigurta, për familje që nuk duhet të humbasin më baballarë, fëmijë apo motra për shkak të papërgjegjshmërisë së dikujt tjetër, kështu deklarojnë nga koalicioni VLEN.
Ata shprehën se qëndrimi i BDI-së, dëshmon edhe një herë se kjo strukturë nuk ka asnjë lidhje me interesin e përgjithshëm publik.
"Për ta, çdo vendim është pazar, çdo proces është llogari e brendshme, dhe asgjë nuk udhëhiqet nga parimet apo nevoja reale e qytetarëve. Rasti i “Safe City” e zbulon hapur krizën e thellë të brendshme në BDI. Një ditë deklarojnë se “në parim janë pro”, ndërsa ditën tjetër e rrëzojnë të njëjtin qëndrim. Kjo dëshmon rrëmujë politike dhe mungesë totale kontrolli. Është e qartë se Ali Ahmeti nuk e kontrollon më as grupin e tij parlamentar. Anija e tyre politike po fundoset. Sapo u aktivizua klika e vjetër, me Sadulla Durakun në krye, çdo pretendim për reformë u shua. E ashtuquajtura “risi” e BDI-së u zhduk në momentin kur foli e kaluara e tyre. Kjo është arsyeja pse kjo parti nuk mund dhe nuk përfaqëson interesin e shqiptarëve sot. BDI mbetet peng i njerëzve dhe mendësisë të së kaluarës, një mendësi që ka prodhuar krizë pas krize. Kur bëhet fjalë për interesin e qytetarëve, zgjedhin bllokadën. Kur kërkohet përgjegjësi dhe vendimmarrje, zgjedhin kaosin e brendshëm. Kur kërkohet llogaridhënie, kthehen te logjika e pazareve. Refuzimi i tyre për të mbështetur “Safe City” nuk ka të bëjë me përmbajtjen e projektit, por me frikën nga rendi, ligji dhe transparenca. Sepse aty ku ka rregull, nuk ka hapësirë për ndërhyrje, ndikim dhe lojëra prapa perdeve siç janë mësuar çdoherë", thuhet në komunikatën e VLEN-it.
Ata shtojnë se qytetarët duhet ta dinë qartë se problemi nuk është “Safe City”, por sipas tyre problemi është BDI.
Tensionet mbi planet e presidentit të SHBA-së, Donald Trump, për të marrë kontrollin e Grenlandës kanë krijuar një pykë në lidhjen dikur të fortë midis MAGA-s dhe të djathtës ekstreme të Evropës, shkruan AP.
Përçarja duket se sinjalizon se vetëm përafrimi ideologjik mund të mos jetë i mjaftueshëm, për të zbutur shqetësimet midis nacionalistëve evropianë mbi ndërhyrjen e Trump jashtë vendit, transmeton Telegrafi.
Udhëheqësit e ekstremit të djathtë në Gjermani, Itali dhe Francë kanë kritikuar ashpër planet e Trump për Grenlandën. Edhe Nigel Farage, një aleat i hershëm i Trump dhe kreu i partisë nacionaliste Reform UK, i quajti lëvizjet e Trump për Grenlandën "një akt shumë armiqësor".
Gjatë një debati të martën në Parlamentin Evropian, ligjvënësit e ekstremit të djathtë zakonisht të përafruar me Trump mbështetën në mënyrë dërrmuese ndalimin e një pakti tregtar BE-SHBA për shkak të shqetësimit të tyre me kërcënimet e tij, duke i quajtur ato "shtrëngim" dhe "kërcënime për sovranitetin".
Partnerët transatlantikë të MAGA-s
Një divergjencë e tillë midis Trump dhe ndjekësve të tij evropianë erdhi si një surprizë. Partitë e ekstremit të djathtë erdhën në pushtet në vitin 2024 në të gjithë Bashkimin Evropian, duke tronditur fuqitë tradicionale në të 27 vendet e bllokut nga Spanja në Suedi. Grupimet e tyre politike tani mbajnë 26% të vendeve në Parlamentin Evropian, sipas Institutit Gjerman për Çështje Ndërkombëtare dhe të Sigurisë.
Më pak se një vit më parë, partitë e ekstremit të djathtë të Evropës u mblodhën në Madrid për të duartrokitur zgjedhjen e Trump nën sloganin "Ta bëjmë Evropën të Madhe Përsëri", ndërsa Elon Musk, përpara se të binte nga hiri i Trump, kishte mbështetur ndikuesit dhe figurat evropiane të ekstremit të djathtë në X, përfshirë partinë e djathtë radikale gjermane Alternativa për Gjermaninë.
Zëvendëspresidenti i SHBA-së, JD Vance u kritikua nga brenda Gjermanisë dhe në të gjithë Evropën pasi u takua me udhëheqësen e AfD-së, Alice Weidel gjatë zgjedhjeve në shkurt.
Partia, me të cilën partitë kryesore refuzojnë të bashkëpunojnë, e shqetësoi politikën gjermane duke dyfishuar praninë e saj në Bundestag për t'u bërë partia e dytë më e madhe e vendit.
Megjithatë, përçarjet e thella brenda vetë MAGA-s mbi qasjen e Trump ndaj çështjeve të jashtme kanë jehuar në Evropë, me veprimet e tij mbi Grenlandën, Venezuelën dhe Iranin që i kanë detyruar aleatët e tij politikë të favorizojnë bindjet e tyre ideologjike mbi respektin e tyre ndaj presidentit të SHBA-së.
Sovraniteti mbizotëron mbi vlerat e përbashkëta
Fronti Kombëtar i ekstremit të djathtë i Francës herë pas here ka mburrur afërsinë e tij ideologjike me Trump, veçanërisht në lidhje me imigracionin.
Një vit më parë, partia dërgoi një nga figurat e saj të larta, Louis Aliot, për të marrë pjesë në inaugurimin e Trump. Nga ana tjetër, Trump ka mbrojtur me vendosmëri udhëheqësen e partisë Marine Le Pen, duke e përshkruar dënimin e saj për përvetësim të fondeve të BE-së si një "gjueti shtrigash".
Jordan Bardella, presidenti 30-vjeçar i Fronti Kombëtar dhe eurodeputet, ka lavdëruar pikëpamjet nacionaliste të Trump, duke i thënë BBC muajin e kaluar se një "erë lirie, krenarie kombëtare" po frynte nëpër demokracitë perëndimore.
Megjithatë, ditët e fundit, Bardella është dukur se është distancuar nga administrata amerikane. Në fjalimin e tij të Vitit të Ri, ai kritikoi ndërhyrjen ushtarake amerikane në Venezuelë që synonte kapjen e Presidentit të atëhershëm Nicolás Maduro, duke e quajtur atë "ndërhyrje të huaj" të projektuar për t'i shërbyer "interesave ekonomike të kompanive amerikane të naftës".
Duke shkuar më tej, Bardella të martën denoncoi "shantazhin komercial" të Trump mbi Grenlandën.
"Nënshtrimi ynë do të ishte një gabim historik", tha Bardella.
Një tjetër aleat i Trump, kryeministrja italiane Giorgia Meloni, e përsëriti këtë ndjenjë. Në një intervistë në televizionin Rai të mërkurën, ajo tha se i tha Trump gjatë një telefonate se kërcënimi i tij me tarifa mbi Groenlandën ishte "një gabim".
Ngurrimi për të kritikuar krahun lindor të BE-së
Megjithatë, reagimet midis udhëheqësve të krahut të djathtë evropian nuk kanë qenë të njëtrajtshme. Kryeministri hungarez Viktor Orbán, i konsideruar gjerësisht si pionieri i markës së populizmit joliberal të Trump, ka qenë i kujdesshëm për të shmangur edhe kritikën më të vogël ndaj presidentit të SHBA-së.
Përballë asaj që ka të ngjarë të jetë zgjedhja më e vështirë e 16 viteve të tij në pushtet në prill, Orbán ka ndërtuar identitetin e tij politik rreth afinitetit të tij me Trump, duke u premtuar votuesve se marrëdhënia e tij e ngushtë me presidentin do të sjellë dividentë të mëdhenj.
Orbán ka këmbëngulur se Trump është shpresa e vetme e Evropës për paqe mes luftës në Ukrainë dhe një garant i sovranitetit kombëtar.
Orbán është përpjekur t’i paraqesë kërcënimet e Trumpit mbi Grenlandën dhe kapjen e Maduros si të dobishme për Hungarinë, ose si diçka që nuk i përket asaj.
“Është një çështje e brendshme. Është një çështje e NATO-s”, tha Orbán për planet e Trumpit për Grenlandën gjatë një konference për shtyp në fillim të këtij muaji, duke shtuar se çdo ndryshim i propozuar në sovranitetin e Grenlandës mund të diskutohet brenda NATO-s.
Pavarësisht mbështetjes së tij të palëkundur për sovranitetin kombëtar, Orbán vlerësoi gjithashtu veprimin e SHBA-së në Venezuelë, duke e quajtur vendin një “narko-shtet” dhe duke sugjeruar se rrëzimi i Maduros mund t’i sjellë dobi Hungarisë përmes çmimeve më të lira të naftës në tregjet botërore në të ardhmen.
Hezitimi i Hungarisë për t’iu kundërpërgjigjur veprimeve të Trumpit pasqyroi qëndrime të ngjashme midis udhëheqësve të ekstremit të djathtë në krahun lindor të BE-së.
Presidenti polak Karol Nawrocki, i parë si një aleat i Orbánit dhe Trumpit, tha në Davos këtë javë se tensionet mbi Grenlandën duhet të zgjidhen “në një mënyrë diplomatike” midis Uashingtonit dhe Kopenhagenit - jo një koalicioni më të gjerë evropian. Ai u bëri thirrje udhëheqësve të Evropës Perëndimore të zbusin kundërshtimet e tyre ndaj sjelljes së Trumpit.
Në Republikën Çeke fqinje, kryeministri dhe aleati i Trump, Andrej Babis, ka refuzuar të flasë kundër kërcënimeve të SHBA-së ndaj Grenlandës dhe ka paralajmëruar kundër BE-së që lejon që çështja të shkaktojë një konflikt me Trump.
Në Sllovaki, kryeministri Robert Fico ka heshtur mbi planet e Trump për Grenlandën, edhe pse u takua me presidentin në resortin e tij Mar-a-Lago javën e kaluar.
Megjithatë, rrëzimi i Maduros nga Trump e shtyu Ficon të "dënojë në mënyrë të prerë" veprimin, duke e quajtur atë një "rrëmbim" dhe "aventurën e fundit amerikane të naftës".
Përçarje ose përçarje përpara
Ideologjia që lidh MAGA-n dhe aleatët e saj evropianë mund t'i mbijetojë mosmarrëveshjeve të fundit duke dyfishuar ankesat e vjetra dhe të përbashkëta, tha Daniel Hegedüs, drejtor i Fondit Gjerman Marshall për Evropën Qendrore.
Ai vuri në dukje votat e fundit kundër udhëheqjes së Brukselit në Parlamentin Evropian nga ligjvënësit evropianë të ekstremit të djathtë mbi paktin e migracionit të BE-së dhe ndalimin e marrëveshjes masive tregtare me bllokun Mercosur të pesë vendeve të Amerikës së Jugut.
“Nëse Trump vazhdon në këtë mënyrë, duke paraqitur një kërcënim për sovranitetin e vendeve evropiane, atëherë sigurisht që kjo do ta përçajë të djathtën radikale evropiane”, tha ai.
“Nuk e dimë nëse kjo përçarje do të mbetet me ne apo nëse ata mund të bashkojnë përsëri forcat rreth çështjeve ku mund të bashkëpunojnë. Këto çështje mund të jenë mjaft të dëmshme për Bashkimin Evropian”, shtoi ai. /Telegrafi/
Trafiku në rrugët shtetërore po zhvillohet pa probleme, në rrugë kryesisht të lagura, informon LAMM.
Ekipet e NP "Rruga e Maqedonisë" janë të pajisura plotësisht, makineria dhe fuqia punëtore e nevojshme janë në dispozicion dhe pastrimi i borës po kryhet vazhdimisht në terren.
Në bashkëpunim me NP Rrugët Shtetërore dhe Ministrinë e Transportit, po kryhen aktivitete të koordinuara me qëllim sigurimin e rrjedhës së qetë dhe të sigurt të trafikut.
Përveç menaxhimit të kujdesshëm dhe të ndërgjegjshëm të automjeteve, rekomandohet përdorimi i detyrueshëm i pajisjeve dimërore, respektimi i sinjalistikës së vendosur të trafikut dhe shpejtësia e rregulluar sipas kushteve të rrugës. Rekomandohet gjithashtu informacion në kohë nga të gjitha qendrat e informacionit për kushtet dhe trafikun në rrugët shtetërore.
Aktivitetet e koordinuara të institucioneve kompetente vazhdojnë gjatë periudhës së ardhshme, me qëllim sigurimin e rrjedhës së qetë dhe të sigurt të trafikut.
Intensiteti i trafikut në rrugët jashtë zonave urbane është mesatar. Në pikat kufitare në anën e Maqedonisë së Veriut nuk ka vonesa më të gjata për hyrje dhe dalje nga vendi.
Harper Beckham u rikthye në rrjetet sociale për herë të parë që nga deklarata tronditëse e vëllait të saj të madh, Brooklyn, duke ndarë një homazh për vëllain e saj Romeo.
Brooklyn kishte publikuar një postim gjashtëfaqësh ku deklaroi se nuk dëshiron të pajtohet me familjen dhe i quajti prindërit e tij “kontrollues dhe manipulues”.
Që nga ajo deklaratë, asnjë nga anëtarët e familjes Beckham nuk iu përgjigj drejtpërdrejt akuzave, megjithëse David dhe Victoria ndanë mesazhe publike duke reflektuar mbi kujtimet e bukura me familjen, shkruan DailyMail.
Harper, 14 vjeç, e lavdëroi Romeo-n pas pjesëmarrjes së tij në sfilatën e Willy Chavarria në Javën e Modës në Paris, duke publikuar një video nga pista me mbishkrimin: “Edhe një herë!! Një tjetër shfaqje e mrekullueshme x @romeobeckham @willychavarria.” Videoja u ripostua nga David dhe vetë Romeo.
Burime pranë familjes thanë për The Sun se Brooklyn po përpiqej të qëndronte pranë Harper, e cila nuk u përmend në deklaratën e tij gjashtëfaqëshe.
Ata shtuan se raporti i ngushtë mes motrës së vogël dhe Brooklyn është “zemërthyes” për shkak të tensioneve aktuale.
Kjo situatë ka lënë Victoria Beckham të ndjehet “e tradhtuar”, pasi gjatë viteve ka bërë shumë për të mbrojtur Brooklyn-in nga histori të vështira të së kaluarës dhe për të ndërtuar marrëdhënie harmonike me Nicola Peltz.
Burime shtuan se Victoria do të kishte bërë gjithçka për të shmangur grindjet, por tani mendon se Brooklyn dhe Nicola po veprojnë “pa arsye”. /Telegrafi/
Shefi i misionit të EULEX-it në Kosovë, Giovanni Pietro Barbano deklaron se situata e sigurisë në veri të vendit është e qetë dhe stabile, megjithatë konsideron që ka ende sfida dhe “nxitës të mundshëm për tensione”.
Autoritetet vendore, ai thotë se duhet t’i adresojnë këto dhe të zgjidhen përmes dialogut. Në intervistën për KosovaPress, Barbano thotë se ani pse nuk ka më mandat ekzekutiv, roli i EULEX-it në rast të tensioneve është i reaguesit të dytë të sigurisë.
Ai flet edhe për manipulimin me vota në zgjedhjet e fundit, sundimin e ligjit dhe nëse po arrin Kosova të luftojë korrupsionin.
Nga zgjedhjet lokale të 12 tetorit ka ndryshuar udhëheqësia në komunat veriore. Atje udhëheq Lista Serbe, e cila gëzon mbështetjen nga Beogradi zyrtar.
Shefi i misionit të EULEX-it në Kosovë, Giovanni Pietro Barbano tregon nëse mund të ketë ndikim kjo në situatën e sigurisë në veri.
“Situata e sigurisë në Kosovë në periudhën e fundit mund të konsiderohet e qetë dhe stabile. Ne e shohim pozitivisht kthimin e kryetarëve serbë të Kosovës në detyrë pas zgjedhjeve lokale dhe hapjen e kanaleve të komunikimit mes tyre dhe Policisë së Kosovës. Sigurisht që ka ende sfida dhe nxitës të mundshëm për tensione, por përmes dialogut dhe mbështetjes së institucioneve evropiane, besojmë se ato mund të adresohen në mënyrë paqësore....
Ka ende sfida që duhet adresuar, sidomos në integrimin e plotë të komuniteteve pakicë dhe garantimin e të drejtave të tyre brenda sistemit të Kosovës. Kjo kërkon rregullore, marrëveshje dhe diskutime që mund të zgjidhen vetëm përmes dialogut”, deklaron Barbano.
Në rast të tensioneve dhe përshkallëzimit të situatës në veri, Barbano tregon se cili është roli i EULEX-it.
“Roli ynë është ai i reaguesit të dytë të sigurisë. Nëse, shpresojmë jo, ndodhin trazira serioze civile dhe Policia e Kosovës kërkon ndihmë, ne mund të dislokohemi për ruajtjen e rendit publik dhe kontrollin e turmave. Por kjo është masa e fundit; më parë përdorim mjete dialogu, ndërmjetësimi dhe negocimi”, shprehet ai.
Në anën tjetër, në gjithë Kosovën po vazhdon rinumërimi i votave për kandidatët për deputetë, pasi është vërtetuar që ka pasur manipulim të votave.
Madje, të premten në Prizren është zhvilluar një aksion nga Prokuroria Themelore, ku janë ndaluar 109 persona.
Barbano thotë për KosovaPress se “është për të ardhur keq”, që ka pasur raste të tilla të keqpërdorimeve.
“Sa u përket zhvillimeve pas zgjedhjeve të fundit, nuk do të komentoja shumë në këtë fushë, pasi nuk është pjesë e mandatit tonë dhe ka institucione të tjera përgjegjëse. Megjithatë, një vërejtje e vetme është se është shumë pozitive që institucionet e Kosovës kanë qenë në gjendje t’i identifikojnë vetë mangësitë dhe t’i adresojnë ato. Kjo dëshmon se sistemi demokratik është i qëndrueshëm.
Është për të ardhur keq që kjo ka ndodhur, por, siç e kam theksuar gjatë takimit tim me koordinatoren nacionale të Prokurorisë së Shtetit, znj. Laura Pula, fakti që është zbuluar dhe po trajtohet në nivelin e duhur është një zhvillim shumë pozitiv. Përgjegjësia për trajtimin e këtyre çështjeve u takon plotësisht autoriteteve të prokurorisë dhe Komisionit Qendror të Zgjedhjeve”, thotë ai.
Më 28 dhjetor janë mbajtur zgjedhjet e parakohshme, për çka Barbano thotë se po ndjekin me vëmendje këto zhvillime dhe se presin formim sa më të shpejt të institucioneve.
“Së pari, ne presim që konstituimi i kuvendit të bëhet shpejt dhe pa pengesa, në përputhje me udhëzimet e Gjykatës Kushtetuese për zgjidhjen e disa çështjeve, dhe që një qeveri funksionale të formohet sa më parë. Natyrisht, ekzistojnë disa sfida që lidhen me rinumërimin e votave, si dhe me afatet e shkurtra para zgjedhjes së presidentit. Prandaj, ne po i ndjekim me vëmendje këto zhvillime, pasi zgjidhja e tyre është thelbësore për ndërtimin e institucioneve dhe të kornizës ligjore për të ardhmen.......
Nga qeveria dhe institucionet e reja, përfshirë Kuvendin e ri, ne presim që pozitat drejtuese që për një kohë të gjatë janë mbajtur me ushtrues detyre të plotësohen me menaxherë të rregullt, në mënyrë që të sigurohet një vizion afatgjatë për projektet dhe nevojat në vazhdim”, thekson ndër tjera ai.
Misioni i Bashkimit Evropian për Sundim të Ligjit në Kosovë nuk ka mandat ekzekutiv në Kosovë që nga viti 2018. Tani, Barbano thotë se qëllim kryesor kanë monitorimin e të gjithë zinxhirit të drejtësisë.
Zbatimi i ligjit në Kosovë, sipas tij, shpesh has në sfida për arsye siç i përmend ai “procedurale dhe ndërhyrjeve të papërshtatshme”. Këto sfida, Barbano thotë se janë cekur qartazi edhe në raportin e vitit të kaluar për monitorimin e drejtësisë.
“Sistemi i drejtësisë në Kosovë mbështetet në një kornizë ligjore shumë të zhvilluar dhe të avancuar, të frymëzuar nga standardet më të larta në Evropë dhe në botë. Megjithatë, ekziston një dallim ndërmjet kornizës ligjore dhe zbatimit të saj, i cili herë pas here rezulton sfidues për arsye strukturore, procedurale, për shkak të ndërhyrjeve të papërshtatshme apo faktorëve të tjerë”, thotë ndër tjera Barbano.
Ndër tjera, Barbano në intervistën për KosovaPress, tregon nëse ka pasur rritje të rasteve që kërkojnë ndërhyrjen e EULEX-it.
“Edhe pse nuk kemi më funksion ekzekutiv, veçanërisht në fushën e sigurisë, ne ende kemi rolin e reaguesit të dytë të sigurisë, i cili aktivizohet vetëm me kërkesë të shprehur nga Policia e Kosovës. Ky rol kërkon edhe aftësinë për të pasur vetëdije për situatën dhe për të identifikuar tensione të mundshme në terren. Për këtë arsye, kemi prani të njësive tona policore, kryesisht në veri, por edhe në pjesë të tjera të Kosovës kur është e nevojshme, përmes patrullimeve vëzhguese.
Ne trajnohemi vazhdimisht me Policinë e Kosovës dhe KFOR-in për të garantuar ndërveprueshmëri dhe bashkëpunim në raste nevoje. Gjatë zgjedhjeve lokale kemi dislokuar edhe njësinë rezervë policore, por fatmirësisht nuk pati nevojë për ndërhyrje, pasi zgjedhjet u zhvilluan qetë dhe pa incidente serioze”, shprehet ai.
Shefi i EULEX-it në Kosovë, po ashtu përmend edhe vonesat në gjykim në rastet e profilit të lartë.
“Gjatë këtij monitorimi kemi identifikuar disa mangësi, përfshirë kapacitetin për trajtimin e rasteve të profilit të lartë, kohëzgjatjen e proceseve gjyqësore, rigjykimet e shpeshta, trajtimin e korrupsionit, drejtësinë për të mitur dhe dhunën në familje. Po ashtu, kemi monitoruar kapacitetin e policisë për të garantuar llogaridhënie në raste të trajtimit të keq, si dhe mënyrën se si rregulloret për gjuhën e urrejtjes zbatohen dhe interpretohen në raport me lirinë e shprehjes”, deklaron Barbano./KP/
Borussia Dortmund ka qenë e shqetësuar për largimin e mundshëm të Nico Schlotterbeck për disa javë,por pas Bayern Munich, edhe një tjetër klub i madh duket se është tërhequr nga gara për qendërmbrojtësin 26-vjeçar.
Schlotterbeck ka qenë objekt i vëmendjes së mediave për një kohë të gjatë. Borussia Dortmund është e vendosur ta mbajë lojtarin kyç, i cili ka kontratë deri në vitin 2027, duke i ofruar një rol udhëheqës dhe një rritje të konsiderueshme page.
Së fundmi u raportua se BVB mund të pranojë një klauzolë lirimi duke filluar nga vera e vitit 2027. Shumë klube të mëdha janë lidhur me lojtarin, ndërsa Bayern Munich duket se është tërhequr për momentin.
Sipas raportimeve të gazetës katalunase ‘Sport’, një transferim i Schlotterbeck te Barcelona nuk është më në tavolinë.
Burime të brendshme të klubit katalanas shpjegojnë se, megjithë cilësitë e lojtarit, i mungon “shpejtësia e nevojshme për t’u përshtatur me stilin e lojës së Hansi Flick”.
Dyshimet nga Barcelona ishin raportuar që në dhjetor, dhe tani duket se është marrë një vendim paraprak. Barcelona do të tentojë transferimin e Alessandro Bastonit dhe Nico Schlotterbeck nuk bën pjesë më në planet e gjigantit katalunas. /Telegrafi/
Gjatë protestës së zhvilluar më 24 janar 2026 nga Partia Demokratike në bulevardin “Dëshmorët e Kombit”, disa pjesëmarrës hodhën lëndë djegëse dhe kundërshtuan punonjësit e Policisë së Shtetit.
Policia njoftoi se ka identifikohen 37 shtetas, ku ka arrestuar 18 prej tyre, ku 17 janë proceduar penalisht 17 në kërkim janë shpallur 2 të tjerë.
Gjatë tubimit janë lënduar 11 zyrtarë të policisë.
Sipas njoftimit, grupi hetimor ka identifikuar shtetasit që kryen veprime të kundërligjshme.
“Si rezultat i veprimeve hetimore, u identifikuan 33 shtetas që kanë kryer veprime të kundërligjshme gjatë tubimit. U arrestuan në flagrancë shtetasit: A. L., 19 vjeç, A. Ll., 26 vjeç, A. L., 24 vjeç, A. M., 30 vjeç, T. K., 25 vjeç, E. Sh., 24 vjeç, S. S., 21 vjeç, E. M., 30 vjeç, A. T., 50 vjeç, R. H., 24 vjeç, B. S., 48 vjeç, E. H., 22 vjeç, A. T., 47 vjeç, L. Xh., 26 vjeç, B. B., 48 vjeç, E. H., 40 vjeç, R. B., 40 vjeç dhe H. C., 20 vjeç; -nisi procedimi penal për shtetasit:B. N, E. V, A. P, K. K., F. P, M. K, D. B, R. K, A. Z, R. T, dhe 3 të mitur, u shpallën në kërkim shtetasit S. D dhe E. Ll”, ka njoftuar Policia e Shtetit.
Po ashtu, Policia e Shtetit theksoi se 11 punonjësit e Policisë që mbetën të lënduar gjatë tubimit morën mjekim në spital dhe janë jashtë rrezikut për jetën.
Materialet procedurale janë referuar Prokurorisë së Tiranës për veprime të mëtejshme, ndërsa grupi hetimor vijon punën për identifikimin e pjesëmarrësve të tjerë që mund të kenë kryer veprime të kundërligjshme. /Telegrafi/
Menaxhmenti i Bayern Munich nuk kishte planifikuar në fakt të sillte ndonjë përforcim të jashtëm gjatë afatit kalimtar të dimrit. Megjithatë, sipas një raporti, një transferim i mundshëm po diskutohet pa praninë e publikut.
Bayern Munich, me sa duket, ende ka një interes të madh për Josh Acheampong (19). Sipas The Guardian, interesi i klubit të Mynihut për mbrojtësin e gjithanshëm nga Chelsea mbetet i pandryshuar.
Verën e kaluar, kampionët gjermanë ishin tashmë të interesuar për lojtarin e gjatë me këmbë të djathtë (1.90 metra), por Chelsea nuk donte ta linte të largohej. Sipas raportit, kjo mbetet ende e njëjtë edhe sot.
Megjithatë, liderët e Bundesligës po shqyrtojnë mundësinë e një transferimi konkret për Acheampong, qoftë në verë, qoftë ndoshta edhe këtë dimër.
Një nënshkrim i tillë do t’i lejonte Bayernit, i cili kohët e fundit është përballur me disa lëndime, të “vriste dy zogj me një gur”, pasi Acheampong mund të luajë në çdo pozicion mbrojtës.
Jo vetëm Bayern Munich, por edhe Crystal Palace janë të interesuar për anglezin, i cili ka kontratë deri në vitin 2029, pasi kërkojnë një pasardhës për Marc Guehi, i cili u transferua te Manchester City.
Mundësia për më shumë kohë të rregullt loje mund ta tundojë Acheampong të bëjë një ndryshim situate. Pyetja mbetet nëse Bayern Munich mund t’ia ofrojë këtë. /Telegrafi/
Këngëtarja, Donna Dafi, ka ndezur rrjetet sociale me pamje tërheqëse nga Parisi, ku po punon për promovimin dhe videoklipin e projektit të saj më të ri, “Primadonna”, që do të publikohet më 30 janar 2026.
E rrethuar nga luksi, moda dhe atmosfera e veçantë parisiane, Donna shfaqet ekstravagante, elegante dhe provokuese, duke treguar se ky projekt nuk është thjesht një këngë, por një eksperiencë vizuale dhe emocionale.
Një nga detajet më të diskutueshme ka qenë përdorimi i fragmenteve nga kënga ikonike e Eli Farës, “Rrugës i trishtuar, dikush po ecën”, gjë që ka ngjallur kureshtje tek fansat.
Në Instagram, këngëtarja ka lënë një mesazh enigmatik: “Fjalët që m’i tha drejt e n' fytyrë më shkuan drejt e n'zemër”, duke lënë të kuptohet se “Primadonna” mund të jetë një rrëfim shumë personal për të.
Parisi e ka ndier tashmë ndikimin e saj, showbiz-i është në pritje, dhe publiku po numëron ditët për debutimin e projektit. /Telegrafi/
Liqeni artificial i Badocit, burim uji për një pjesë të Prishtinës dhe Graçanicës, është mbushur me mbeturina, duke përfshirë shishe plastike dhe gjësende të tjera që pluskojnë mbi sipërfaqen e tij.
Për shkak të turbullirës së ujit, autoritetet shëndetësore kanë këshilluar që nga 13 janari që qytetarët të mos e konsumojnë ujin e këtij liqeni, shkruan REL.
Mbeturinat janë të dukshme jo vetëm në brigjet e liqenit, por edhe në ujë, pranë pendës së tij, e cila ka një lartësi prej 45 metrash.
Badoci është një nga pesë liqenet artificiale në Kosovë dhe shërben si burim uji për komunitetet përreth, duke e bërë situatën shqetësuese për qytetarët dhe autoritetet lokale.
Login
