Është mbyllur stinori vjeshtor në Superligën e Kosovës me ndeshjen Drita - Prishtina që përfundoi 2-0 në të mirë të vendasve.

E pas 18 xhirove të zhvilluara, Ballkani është kampion vjeshtor dhe dimëron si lider. Skuadra nga Suhareka ka përfunduar pjesën e parë të kampionatit me 33 pikë, duke regjistruar 9 fitore, 6 barazime dhe vetëm 3 humbje, me golaverazh mbresëlënës 38:18, sulmi më i mirë në ligë deri tani.

Pas tyre renditet Prishtina me 30 pikë, e cila megjithëse ka të njëjtin numër fitoreje sa Ballkani (9), ka pësuar më shumë humbje dhe ka një golaverazh dukshëm më modest (32:26). Forma e fundit e kryeqytetasve ka qenë luhatëse, çka i ka kushtuar me humbjen e kreut.

Në vendet pasuese, Dukagjini dhe Drita ndajnë nga 29 pikë secila, duke qëndruar shumë pranë zonës së kreut dhe duke mbajtur gjallë ambiciet për titull.

Malisheva (27 pikë) dhe Gjilani (26 pikë) janë gjithashtu në garë për zonën e Evropës, falë një serie rezultatesh pozitive në javët e fundit.

Në pjesën e poshtme të tabelës, Llapi me 21 pikë ende nuk është i qetë, ndërsa presioni është shumë më i madh për Drenicën (20 pikë), Ferizajn (19 pikë) dhe Prishtinën e Re, e cila mbyll tabelën me vetëm 15 pikë dhe golaverazh -11.

Lufta për mbijetesë pritet të jetë tejet e ashpër në pranverë.

Skuadrat tani do të shfrytëzojnë pushimin dimëror për rikuperim dhe përforcime, por një gjë është e qartë: Ballkani e mbyll vjeshtën në maje dhe do të hyjë në gjysmën e dytë të sezonit me epërsi, por edhe me presionin e madh për ta mbrojtur pozitën e parë. /Telegrafi/

Faqja e specializuar e statistikave Trasfermarkt ka përditësuar gjatë ditës së sotme (e martë) vlerat e klubeve dhe lojtarëve në Albi Mall Superligën e Kosovës.

Klubi i Dritës ka skuadrën më të vlefshme në kampionatin elitar të Kosovës me 29 futbollistë që vlejnë 7.50 milionë euro, i pasuar nga Ballkani me 22 futbollistë që vlejnë 6.25 milionë euro dhe Prishtina e treta me një vlerë ekipi prej 5.68 milionë euro.

Por, kush janë lojtarët më të vlefshëm në Superligën e Kosovës pas përditësimit të fundit të vlerave?

Sipas faqes së specializuar të transferimeve dhe statistikave Transfermarkt, mesfushori i Ballkanit, Giovanni dhe sulmuesi i Dritës, Arb Manaj janë lojtarët më të vlefshëm me vlerë prej 800 mijë eurosh.

Giovanni pati rritje prej vetëm 50 mijë eurosh nga vlerësimi i fundit, ndërsa Manaj pati një ngritje të madhe prej 350 mijë eurosh, pasi më parë vlerësohej vetëm 450 mijë eurosh.

telegrafi.com

Pas tyre vjen Muhamet Hyseni i Llapit i treti me 650 mijë euro, ndërsa Senad Jarovic (Gjilani), Raddy Ovouka (Drita), Albert Dabiqaj (Drita) dhe Valentin Serebe (Ballkani) kanë vlerë prej 600 mijë eurosh.

Pozita e tetë dhe nëntë mbahet nga Etnik Brruti (Malisheva) dhe Rron Broja (Drita) me vlerë prej 550 mijë eurosh, ndërsa Mario Ilievski (Prishtina), Arlind Aliu (Malisheva), Egzon Bejtullai (Drita), Almir Ajzeraj (Drita) dhe Almir Kryeziu (Ballkani) vlerësohen nga 500 mijë euro.

Në pozitën e 15-të renditet Laurent Xhylani (Malisheva) me vlerë prej 450 mijë eurosh, po aq sa vlen edhe Walid Hamidi (Ballkani). /Telegrafi/

Mediumi i specializuar për vlerësimin e futbollistëve, Transfermarkt ka përditësuar vlerat e futbollistëve dhe klubeve në Superligën e Kosovës.

Kampioni në fuqi i Kosovës, Drita vazhdon të mbetet skuadra më e vlefshme në Superligë me vlerën që i është rritur nga 6,5 në 7,5 milionë euro.

Lojtari më i vlefshëm i Dritës është sulmuesi Arb Manaj, vlera e të cilit ka pasur rritje të jashtëzakonshme nga 450 mijë në 800 mijë euro.

Drita fluturon në renditjen e Ligës së Konferencës – lë pas emra nga La Liga, Serie A dhe Liga Premier telegrafi.com

Skuadra e dytë me vlerën më të madhe është Ballkani, ku nga Transfermarkt vlerësohet 6,25 milionë euro, derisa Prishtina është e treta me 5,68 milionë euro.

Në pozitën e katërt është Gjilani me vlerë 5,39 milionë, derisa Malisheva është e pesta me vlerë prej 5,2 milionë euro.

Llapi ka vlerë prej 4,85 milionë euro, Drenica prej 3,75 ndërsa Dukagjini prej 3,33 milionë euro. Top 10-shja e skuadrave në Superlië mbyllet me Ferizajn që është vlerësuar 3,29 milionë euro dhe Prishtinën e re prej 2,67 milionë euro.

Total vlera e klubeve të Superligës ka shkuar në 47,89 milionë euro nga Transfermarkt. /Telegrafi/

Janë mbyllur të gjitha ndeshjet e javës së 18-të në Superligën e Kosovës, ku nuk munguan golat dhe përballjet e forta.

Prishtina mori një fitore të rëndësishme, të parën në epokën e Afrim Tovërlanit, duke mposhtur Drenicën me rikthim, me rezultat 2-1.
Ramiz Bytyqi dhe Mario Ilievski i shënuan golat për Prishtinën, ndërsa Ronaldo Chacon shënoi për Drenicën.

Ferizaj po ashtu mori një fitore shumë të rëndësishme, përballë Llapit të Tahir Batatinës, dhe atë në kohën shtesë, me rezultat 2-1.
Betim Haxhimusa ishte heroi i Ferizajt me dy gola, ndërsa për Llapin shënoi Muhamet Hyseni.

Sot Dukagjini dhe Ballkani zhvilluan një ndeshje të fortë, por që u mbyll pa gola.

Malisheva, në anën tjetër, e ndali Dritën në barazim 1-1, ku Jorgo Pëllumbi shënoi fillimisht për gjilanasit, por Xhemal Ibishi barazoi në fund.

Ndeshja me më shumë gola ishte ajo mes Gjilanit dhe Prishtinës së Re, ku vendasit shënuan fitore me rezultat 3-2.
Edi Basa shënoi dy herë, ndërsa një gol e shtoi Senad Jarović. Mysafirët reaguan me dy gola, të Gomes dhe Astrit Berishës, por nuk ia dolën të marrin pikë.

Edhe një ndeshje zhvillohet, por Ballkani është kampion vjeshtor

Për ta mbyllur të gjithë stinorin vjeshtor, do të zhvillohet edhe një ndeshje, ajo mes Dritës dhe Prishtinës, e cila ishte shtyrë disa javë më parë.

Ballkani mbetet lider me 33 pikë dhe vetëm një fitore e Prishtinës (30 pikë) do të mund ta zinte në renditje, por jo ta kalonte, pasi edhe me golaverazh dhe në ndeshjet e ndërsjellta, falë goldallimit, suharekasit janë më mirë.

Prishtina me 30 pikë e ka të sigurt pozitën e dytë, ndërsa në vendin e tretë është Dukagjini me 29 pikë. Malisheva ka 27 pikë në pozitën e katërt.

Pozitat pesë dhe gjashtë i ndajnë Drita dhe Gjilani, që kanë nga 26 pikë.

Skuadrat që janë në zonën e mbijetesës janë katër, me Llapin që është në pozitë më të mirë, atë të shtatën me 21 pikë. Drenica ka 20 pikë si e teta, ndërsa Ferizaj me 19 pikë është në vendin e nëntë. Fundin e renditjes e mbyll Prishtina e Re, që ka tubuar deri më tani 15 pikë.

Stinori pranveror kthehet në shkurt, fillimisht me ndeshjes e Kupës së Kosovës. /Telegrafi/

Dukagjini dhe Ballkani kanë luajtur baras 0-0 në kuadër të xhiros së 18-të në Albi Mall Superligë.

Ka qenë një ndeshje shumë e luftuar nga të dyja skuadrat, por që në fund nuk solli fitues.

Dy skuadrat kishin raste e tyre, Ballkani me Serebe, Kryeziu e Diene, por pa sukses.

Nga ana tjetër për vendasit rrezikuan Xhemajli, Pefqeli e Mërlaku.

Megjithatë dy portierët ishin në gjendje gatishmërie, por edhe mbrojtja e të dyja skuadrave funksionoi mirë.

Në fund fitues nuk pati dhe ndeshja përfundoi baras 0-0.

Ballkani dimëron si kampion vjeshtor ku ndodhet në pozitën e parë me 33 pikë, derisa Dukagjini metet e treta në tabelë me 29 pikë. /Telegrafi/

Dukagjini dhe Ballkani do të përballen në stadiumin '18 qershori' në kuadër të xhiros së 18-të në Albi Mall Superligë.

Është një sfidë shumë e rëndësishme për dy skuadrat, me klinasit që duan të vazhdojnë serinë e rezultateve pozitive.

Dukagjini është e treta në tabelë me 28 pikë, katër më pak se Ballkani që është lider.

Suharekasit në anën tjetër pas tre fitoreve radhazi kërkojnë të dalin të pamposhtur nga Klina.

Formacionet zyrtare:

Dukagjini: Lekaj, Pllana, Iseni, Basri, Bardhoku, Xhemajli, Pefqeli, Gashi, Merlaku, Isufi, Zulfiji.

Ballkani: Iljazi, Vokrri, Batarelo, Jashanica, Potoku, Giovanni, Ismajlgeci, Diene, Kryeziu, Tolaj, Serebe.

/Telegrafi/

Xhiro e 18-të në Albi Mall Superligën e Kosovës do të vazhdoj edhe sot, me tre ndeshje që janë në program për t'u zhvilluar.

Janë tre sfida shumë të rëndësishme me gjashtë skuadra që duan maksimumin e pikëve.

Malisheva pret Dritën në stadiumin 'Liman Gegaj', në një sfidë ku dy skuadrat duan maksimumin e pikëve për të vazhduar ngjitjen.

Sidë tejet interesante pritet të zhvillohet edhe në Klinë, me Dukagjinin që është nikoqir i liderit aktual Ballkanit.

Gjilani synon që të vazhdoj me rezultate pozitive, pasi para tifozëve të vet pret Prishtinën e re.

Të gjitha ndeshjet e ditës së sotme fillojnë nga ora 13:00. /Telegrafi/

Federata e Futbollit e Kosovës (FFK) ka publikuar gjatë ditës së sotme orarin dhe gjyqtarët e ndeshjeve të xhiros së 18-të në Albi Mall Superligën e Kosovës.

Superliga e Kosovës do të luajë gjatë kësaj fundjave xhiron e fundit të edicionit vjeshtor, ku dy ndeshje janë programuar për të shtunën dhe tri për të dielën, ku të gjitha do të fillojnë nga ora 13:00.

Ndeshja e parë është ajo në mes të Prishtinës dhe Drenicës, e planifikuar të luhet në stadiumin Fadil Vokrri.

Gjyqtar kryesor i kësaj ndeshje është Alban Shala, i cili do të jetë i asistuar nga Drilon Rexhepi dhe Zgjim Rrahimi, teksa Rrezart Hasani si gjyqtar i katërt.

Në ndeshjen e dytë të së shtunës, Ferizaj e pret Llapin në “Stadiumin e Qytetit”.

Vigan Kastrati është gjyqtar kryesor, i ndihmuar nga Arbnor Bullatovci dhe Altin Zhegrova si anësor dhe Erdall Zasella si gjyqtar i katërt.

Të dielën, ndeshja kryesore është ajo në mes të Dukagjinit dhe Ballkanit, e paraparë të luhet në stadiumin “18 qershori”.

Burim Ibërdemaj do ta ndajë drejtësinë në këtë takim, i asistuar nga Fatmir Sekiraqa dhe Meriton Berisha, teksa i katërt do të jetë Mervan Bejtullahu.

Ndeshje interesante e kësaj dite është ajo në mes të Malishevës dhe Dritën, e cila do të luhet në stadiumin “Liman Gegaj”.

Kjo ndeshje do të gjykohet nga Genc Nuza, i asistuar nga Besnik Morina dhe Gzim Mehmeti, teksa Egzon Daka do të jetë gjyqtar i katërt.

Përballja e fundit e kësaj xhiros është planifikuar të luhet në stadiumin me bari artificial, ku Gjilani është nikoqir i Prishtinës së Re.

Vigan Ibërdemaj do ta ndajë drejtësinë në këtë takim, i ndihmuar nga Edmond Zeqiri dhe Bekim Rama si anësor dhe i katërti Gramos Shala. /Telegrafi/

Ballkani e ka nisur me hov epokën e re nën drejtimin e trajnerit kroat Mislav Karoglan, duke dhënë sinjale të qarta se ambiciet e klubit janë të mëdha.

Në vetëm katër ndeshje zyrtare në krye të skuadrës, Karoglan ka regjistruar katër fitore radhazi, duke e mbyllur fazën vjeshtore si kampion vjeshtor, kur ka mbetur edhe një ndeshje.

Debutimi i tij në bankinën e Ballkanit ishte më shumë se premtues. Drita – Ballkani (2-3), një fitore e rëndësishme si mysafir, që shënoi fillimin perfekt të aventurës së tij në futbollin kosovar.

Më pas, skuadra e tij vazhdoi me ritëm të njëjtë edhe në Kupën e Kosovës, ku Ballkani mposhti Rilindjen 1-0, duke siguruar kalimin tutje dhe një përballje të fortë me Prishtinën në raundin e ardhshëm.

Në kampionat, Ballkani tregoi forcë dhe autoritet. Fillimisht një fitore e thellë 6-1 ndaj Prishtinës së Re, për të konfirmuar më pas formën e shkëlqyer me një tjetër sukses bindës, 3-1 ndaj Prishtinës.

Rezultatet e shpejta dhe loja e organizuar kanë dëshmuar qartë ndikimin e trajnerit kroat, i cili po e vendos menjëherë vulën e tij te kampioni i Kosovës.

Ekip luan shumë lirshëm, krijon shumë, ndërsa ka siguri edhe në prapavijë, gjë që e tregoi sot edhe ndaj Prishtinës.

Karriera e Mislav Karoglanit përfshin përvoja të rëndësishme në futbollin rajonal dhe ndërkombëtar, pasi ka udhëhequr ekipe si Hajduk Split, Istra 1961 dhe Sheriff Tiraspoli.

Me nisjen perfekte dhe mentalitetin fitues që ka sjellë, Karoglan po konfirmohet si një goditje e qëlluar e Ballkanit, ndërsa pritjet për vazhdimësinë e sezonit janë më të mëdha se kurrë. /Telegrafi/

Në episodin më të ri të podcastit “Arena e Yjeve” vjen analiza nga gazetarët e Telegrafit për shortin e Kupës së Kosovës dhe kampionatin kosovar. Ky episod realizohet me mbështetjen e sponsorëve zyrtarë Golden Eagle , Air Munich dhe Exfis.

Gazetari Romak Zeqiri ka dhënë një analizë të detajuar për tri përballjet më të forta të radhës në Kupën e Kosovës, duke theksuar se asnjëra prej tyre nuk ka favorit të qartë dhe se balanca mes skuadrave është totale.

Sipas tij, të gjitha këto përballje duhet të vlerësohen me përqindje të barabarta për secilën skuadër.

Zeqiri është ndalur veçanërisht te dueli mes Dritës dhe Llapit, ku në letër kampionët në fuqi të Superligës mund të konsiderohen favoritë, por realiteti i Kupës është ndryshe.

“Vushtrria-Vëllaznimi, Drita-Llapi, Prishtina-Ballkani janë tri super përballje, që nuk mundesh me parashiku asnjërën që është 51% favorit kundër 49%”.

“Unë këto tri përballje i shoh, i vlerësoj me përqindje 50-50 domethënë se janë gjashtë ekipe shumë të barabarta me njëra-tjetrën, edhe Drita thamë që është kampion në fuqi i Superligës, mund të jetë një favorit në letër, por Llapi në Kupë shndërrohet në një ekip shumë të fortë dhe që është vështirë me e mposhtë”.

“E ka treguar viteve të fundit duke i fituar dy Kupa të Kosovës, edhe nëse e ka eliminu dikush, e ka eliminuar me shumë mund”.

“Kështu që Drita përkundër që e ka terrenin vendas, do ta ketë shumë të vështirë ta fitojë këtë ndeshje”, ka thënë gazetari Romak Zeqiri.

Episodin e plotë me gazetarët e Telegrafit mund ta ndiqni edhe në kanalin zyrtar të Telegrafit në Youtube./Telegrafi/

- YouTube www.youtube.com

Një ndeshje shumë e fortë, me ritëm të lartë dhe katër gola të shënuar, është zhvilluar në stadiumin e qytetit në Suharekë, në kuadër të xhiros së 17-të të Superligës së Kosovës në futboll, ku Ballkani dhe Prishtina dhuruan një përballje të bukur dhe emocionale.

“Xhebrailat” vazhduan formën e jashtëzakonshme nën urdhrat e trajnerit kroat, për të fituar me rezultat 3-1 ndaj Prishtinës.

Para fillimit të takimit, atmosfera ishte veçanërisht emocionale. Në nderim të Dren Feratajt, i cili ndërroi jetë ditë më parë dhe ishte pjesë e stafit të FC Prishtinës, u mbajt një minutë heshtje.

Lojtarët e të dyja skuadrave, si dhe gjyqtarët e ndeshjes, dolën në fushë të veshur me fanella me fotografinë e tij. Klubi i Prishtinës e kujtoi Feratajn me mesazhin prekës: “Gjithmonë në zemrat tona, Dren”.

Prishtina ishte skuadra që kaloi e para në epërsi, kur Gentrit Salihu realizoi në minutën e 13-të, duke i dhënë avantazhin fillestar kryeqytetasve. Reagimi i Ballkanit ishte i shpejtë dhe konkret, me Bleart Tolaj që barazoi rezultatin në minutën e 22-të.

Vetëm nëntë minuta më vonë, Ballkani përmbysi rezultatin, pas një autogoli të Gentrit Salihut në minutën e 31-të, duke e çuar rezultatin në 2:1. Dominimi i vendasve u kurorëzua edhe me një gol tjetër në minutat shtesë të pjesës së parë, kur Valentin Serebe realizoi saktë nga pika e bardhë në minutën e parë shtesë, për 3:1.

Goli i shënuar nga penalltia ishte i 13-ti për Sereben në këtë edicion të Superligës, duke konfirmuar formën e shkëlqyer të sulmuesit dhe rëndësinë e tij për Ballkanin.

Pjesa e dytë ishte më e barabartë ku të dy skuadrat kishin raste shënimi, por që assesi s’i finalizuan.

Kësisoj, Ballkani vazhdon si lider i vetëm me 32 pikë, ndërsa Prishtina qëndron në pozitën e tretë me 27 sosh./Telegrafi/

Ballkani është nikoqir i Prishtinës, sfidë e vlefshme për xhiron e 17-të në Superligën e Kosovës.

Të dy skuadrat kosovare kërkojnë vetëm fitore meqenëse po garojnë për titullin kampion.

Ballkani është në formë të shkëlqyer që kur morën kroatin Mislav Karoglan në krye, ndërsa Prishtina ende nuk ka gjetur “formulën” me Afrim Tovërlanin.

Formacionet zyrtare tashmë janë bërë publike:

Ballkani:

Prishtina:

Përballja do të nis me fillim nga ora 13:00./Telegrafi/

Sot (e diele) do të zhvillohen edhe tre super përballje në kuadër të Superligës së Kosovës.

Vëmendja padyshim do të jetë të derbi lokal Drita – Gjilan, por përballje tejet interesante pritet edhe mes Ballkanit e Prishtinës.

Në anën tjetër, Llapi do ta presë skuadrën që po kalon një formë të shkëlqyer, Malishevën.

Përpos Llapit, të gjitha skuadrat janë në diferencë të vogël pikësh prandaj do të provojnë t’i arkëtojnë vetëm pikët e plota.

Kujtojmë, të tre takimet do të nisin me fillim nga ora 13:00./Telegrafi/

Në episodin më të ri të podcastit “Arena e Yjeve” vjen analiza nga gazetarët e Telegrafit për shortin e Kupës së Kosovës dhe kampionatin kosovar. Ky episod realizohet me mbështetjen e sponsorëve zyrtarë Golden Eagle , Air Munich dhe Exfis.

Gazetari i njohur i sportit, Lavdim Pireva, ka dhënë një analizë të detajuar për përballjen e madhe mes Prishtinës dhe Ballkanit në kuadër të Kupës së Kosovës.

“Shumë përballje të barabarta, pothuajse krejt. Prishtina-Ballkani është një përsëritje e asaj finales para dy vjetëve, që u luajt në stadiumin në Drenas”, ka thënë Pireva, duke nënvizuar rivalitetin e gjatë dhe tensionin që e karakterizon këtë duel.

Sipas Pireëvs, dy ekipet kanë treguar këtë vit një formë shumë të mirë, megjithëse me disa oscilime gjatë sezonit.

“Dy ekipe që sivjet kanë treguar formë shumë të mirë, por me oscilime, siç i thonë tek ne trajnerët, kanë pasur ulje ngritjet e veta, por janë në krye të tabelës domethënë është realisht dikujt me i thënë Prishtina-Ballkani kanë shkuar në finale për këtë sezon çfarë kanë dhënë, do të thonin qenka e merituar”.

Pireva ka komentuar edhe ndikimin që mund të ketë afati kalimtar dimëror në përforcimin e ekipeve.

“Pastaj, pasi ndeshjet luhen në shkurt edhe deri në shkurt, ne e kemi një afat kalimtar dhe te ne afati kalimtar dinë të jetë shumë më ndryshe se në vende tjera. Ka lojtarë të lirë, që për Rumani e Bullgari nuk janë interesant, por për ne mund të jenë shumë interesant dhe të ndryshojnë nivelin e skuadrës”, ka thënë mes tjerash Pireva.

Episodin e plotë me gazetarët e Telegrafit mund ta ndiqni edhe në kanalin zyrtar të Telegrafit në Youtube./Telegrafi/

- YouTube www.youtube.com

Sot (e mërkurë) është hedhur shorti për fazën e 1/8-tës në Kupën e Kosovës, ku janë mësuar tashmë tetë çiftet që kërkojnë një vend në çerekfinale.

Në ambientet e Federatës së Futbollit të Kosovës (FFK) është hedhur shorti i Kupës së Kosovës, i cili ka prodhuar duele të zjarrta, me dy super-derbi që spikasin menjëherë.

Prishtina – Ballkani është dueli që tërheq vëmendjen më të madhe. Fituesit në fuqi të Kupës, Prishtina përballet me Ballkanin që kërkon rikthimin te ky trofe të cilin e fitoi para dy sezonesh pikërisht në një përballje ndaj kryeqytetasve.

Atmosfera pritet të jetë elektrizuese ndaj këtyre dy rivalëve të viteve të fundit dhe ky takim lehtësisht mund të konsiderohet si finale e parakohshme.

Po aq i nxehtë është edhe dueli Drita-Llapi, një përballje që tradicionalisht sjell tension, emocione dhe shumë rivalitet. Drita është e ndërtuar tash e sa vite për trofe, ndërsa Llapi ka bërë hapa të rëndësishëm përpara dhe në Kupë shpesh ka ditur të befasojë duke fituar trofeun.

Ky cilësohet si një duel i hapur, ku gjithçka mund të ndodhë.

Në sfidat tjera ka gjithashtu përballje të forta, por edhe short të favorshëm për disa skuadra, si Gjilani që vjen nga Superliga kundër Lirisë nga Liga e Parë dhe Trepça ’89-Malisheva.

Shorti ka caktuar edhe dy përballje mes ekipeve nga Superliga si Drenica-Ferizaj dhe Dukagjini-Prishtina e Re dhe dy përballje tjera nga Liga e Parë si Feronikeli 74’-Dinamo dhe Vushtrria-Vëllaznimi.

Faza e 1/8-tës premton spektakël dhe shumë emocion, kështu që tifozët mezi presin t’i shohin këto përballje në pjesën e parë të sezonit pranveror.

Çiftet e 1/8-tës në Kupën e Kosovës:

Prishtina - Ballkani

Gjilani - Liria

Feronikeli 74’ - Dinamo

Drenica - Ferizaj

Dukagjini - Prishtina e Re

Drita - Llapi

Vushtrria - Vëllaznimi

Trepça 89 - Malisheva

/Telegrafi/

Redaksia e sportit në mediumin më të madh online në Kosovë, Telegrafi.com do të vazhdojë traditën për të zgjedhur më të mirët e vitit në futbollin kosovar.

Si gjithmonë do të ndahen çmimet për secilën pozitë: portieri, mbrojtësi, mesfushori, sulmuesi e talenti i vitit duke mos harruar edhe trajnerin e vitit dhe futbollisti i vitit.

Gjithashtu në çmimet që ndahen nga Telegrafi janë edhe 'Futbollistja e vitit' dhe klubi më i mirë për vitin 2025.

Duke marrë parasysh që lexuesit janë të shenjtë për ne, Telegrafi tanimë për vitin e tretë do të ndajë edhe çmimin e lexuesve.

Telegrafi Sport zgjedh më të mirët e vitit 2024 në Superligën e Kosovës

Telegrafi ka zgjedhur 20 emra të futbollistëve që kanë lënë gjurmë brenda vitit 2025 në futbollin kosovar dhe që janë ende pjesë e futbollit tonë, ku votat e lexuesve do ta zgjedhin më të mirin.

Sondazhi i Telegrafit do të zgjatë 10 ditë, ku është krejtësisht transparent dhe lexuesit do ta zgjedhin më të mirin e vitit.

Vlen të theksohet se vitin e kaluar këtë çmim e fitoi sulmuesi Drilon Hazrollaj, që aktualisht luan në Rumani te Rapid Bukureshti. /Telegrafi/

Ballkani ka shënuar fitore ndaj Prishtinës së Re me rezultat të thellë 6-1 në ndeshjen e vlefshme për xhiron e 16-të në Albi Mall Superligën e Kosovës.

Therandasit kanë marrë edhe fitoren e dytë radhazi në kampionat, duke mos rrezikuar ta humbin pozitën e parë.

Pjesa e parë e ndeshjes u karakterizua me dominim të tyre ndaj prishtinasve, duke shënuar edhe tri gola përveç rasteve të shumta të krijuara.

Goli i parë i ndeshjes erdhi në minutën e 21-të me anë të Almir Kryeziut, i cili shënoi për epërsinë 1-0.

Vendasit arritën të shënojnë edhe në minutën e 30-të me anë të Ëalid Hamidi për 2-0, ndërsa tre minuta më vonë shënoi po i njëjti lojtar edhe për 3-0.

Në pjesën e dytë, vendasit ishin përsëri skuadër dukshëm më e mirë duke shënuar edhe tre gola tjerë, kundrejt një të mysafirëve.

Goli i parë në këtë pjesë erdhi në minutën e 53-të me anë të Kryeziut për 4-0, ndërsa Valentin Serebe (72’) çoi epërsinë në 5-0.

Mysafirët u shfaqen në minutën e 75-të duke shënuar me anë të Astrit Berishës për 5-1, por Serebe (82’) shënoi edhe një herë dhe vulosi fitoren me rezultat 6-1.

Pas kësaj fitore, Ballkani e sheh veten në pozitën e parë me 29 pikë, ndërsa Prishtina e Re renditet e 10-ta me 14 pikë.

Në ndeshjen e ardhshme, therandasit e presin Prishtinën, teksa Prishtina e Re e pret Dukagjinin. /Telegrafi/

Ballkani dhe Prishtina e Re kanë publikuar tashmë formacionet zyrtare për ndeshjen e vlefshme për javën e 16-të në Albi Mall Superligën e Kosovës.

Therandasit janë nikoqir të prishtinasve në ndeshjen e xhiros së 16-të, e cila pritet të zhvillohet në “Stadiumin e Qytetit”, me fillim nga ora 13:00.

Ekipi i trajnerit Mislan Karoglan vjen nga një fitore e madhe në derbi në udhëtim te Drita dhe synon fitoren e radhës për të mbajtur pozitën e parë.

Në anën tjetër, mysafirët e Qëndrim Kidës gjithashtu vijnë nga një fitore e madhe ndaj Prishtinës dhe duan të vazhdojnë me rezultate pozitive.

Trajnerët e të dyja skuadrave kanë vendosur të startojnë me formacionet më të mira të mundshme.

Ballkani: Iljazi; Vokrri, Jashanica, Halili, Potoku; Ismajlgeci, Diene; Hamidi, Giovanni, Tolaj; Kryeziu;

Prishtina e Re: Smakiqi; Zeqiri, Hana, Prençi, Vitija; Doukoure, Dadet; Dobratiqi, Baholli, Fazliu; Friday Eze

/Telegrafi/

Sot (e shtunë) janë në orar për t’u luajtur tri ndeshje të Albi Mall Superligës së Kosovës, të vlefshme për xhiron e 16-të.

Dita e sotme do të jetë e rezervuar për futbollin vendor, i cili nis fundjavën me tri ndeshje që do të jenë secila më interesante se tjetra.

Megjithatë, përballja kryesore e ditës pritet të jetë ajo në mes të dy skuadrave në formë, Dukagjinit dhe Dritës, me klinasit që janë nikoqir.

Në ndeshjen tjetër, Ballkani do ta presë Prishtinën e Re në “Stadiumin e Qytetit” në Suharekë.

Ndeshje e fortë pritet të jetë edhe ajo mes Malishevës dhe Drenicës, e cila pritet të zhvillohet në stadiumin “Liman Gegaj”.

Të gjitha ndeshjet është paraparë të fillojnë nga ora 13:00. /Telegrafi/

Sot (e premte) janë kompletuar tashmë 16 skuadrat që do të luajnë në fazën e 1/8-tës në Kupën e Botës për edicionin 2025/26.

Gjatë ditës së sotme është zhvilluar ndeshja e fundit e fazës së 1/16-tës, ku Trepça ’89 ka mposhtur Kikën me rezultat 4-2 duke siguruar kalimin në fazën e 1/8-tës.

Me kualifikimin e mitrovicasve janë kompletuar tashmë të 16-të ekipet që do të luajnë në fazën e ardhshme, e cila pritet të luhet disa ditë para nisjes së sezonit pranveror.

Nga Superliga e Kosovës, kalimin në fazën e 1/8-tës e kanë siguruar të gjitha skuadrat, duke filluar nga Drita, Prishtina, Ballkani, Drenica, Dukagjini, Gjilani, Llapi, Malisheva, Prishtina e Re dhe Ferizaj.

Në anën tjetër, nga Liga e Parë kanë kaluar tutje edhe Liria, Feronikeli ’74, Vushtrria, Vëllaznimi dhe Dinamo e Ferizajt. /Telegrafi/