Autoritetet nigeriane kanë njoftuar lirimin e 130 nxënësve të tjerë, të rrëmbyer muajin e kaluar nga një shkollë katolike në Nigeri, duke konfirmuar se të gjithë fëmijët e marrë peng tashmë janë të lirë.

Zëdhënësi i presidentit, Sunday Dare, shkroi në rrjetin social X se “130 nxënësit e rrëmbyer janë liruar, asnjë nuk ka mbetur në robëri”, duke e shoqëruar njoftimin me një foto të fëmijëve të buzëqeshur.
Rrëmbimi ndodhi në fund të nëntorit, kur persona të armatosur sulmuan shkollën e konviktit St Mary, në zonën rurale Papiri, në Nigerin qendror, duke marrë me vete qindra nxënës dhe anëtarë të stafit. Më herët, rreth 100 nxënës ishin liruar në fillim të dhjetorit, ndërsa disa të tjerë kishin arritur të shpëtonin menjëherë pas sulmit.

Numri i saktë i personave të rrëmbyer ka qenë i paqartë që nga fillimi. Shoqata e Krishterë e Nigerisë (CAN) deklaroi se gjithsej 315 nxënës dhe punonjës ishin marrë peng. Sipas qeverisë, pas lirimit të mëparshëm, rreth 115 persona mbeteshin ende në robëri, një shifër që ka shkaktuar konfuzion mbi bilancin real.
Deri tani, autoritetet nuk kanë bërë publik se kush qëndron pas rrëmbimit, as mënyrën se si u sigurua lirimi i fëmijëve. Rrëmbimet për shpërblim janë një fenomen i shpeshtë në Nigeri dhe përdoren si burim fitimi nga banda kriminale dhe grupe të armatosura.
Ngjarja vjen në një kohë kur Nigeria po përballet me një valë të re rrëmbimesh masive, që kujton rrëmbimin famëkeq të vajzave nga Chibok nga Boko Haram në vitin 2014. Vetëm në nëntor janë raportuar rrëmbime të nxënëseve myslimane, besimtarëve në një kishë, si edhe të një nuseje me shoqërueset e saj.
Situata e sigurisë ka hyrë gjithashtu në qendër të vëmendjes ndërkombëtare, pasi ish-presidenti amerikan Donald Trump ka akuzuar se vrasjet masive të të krishterëve në Nigeri përbëjnë “gjenocid”, një pretendim që qeveria nigeriane dhe analistë të pavarur e hedhin poshtë.
Nigeria, një vend me rreth 230 milionë banorë dhe me përkatësi të ndryshme fetare, përballet me kërcënime të shumta sigurie – nga xhihadistët në verilindje, te bandat e armatosura në veriperëndim – ndërsa dhuna ka prekur si të krishterë, ashtu edhe myslimanë.

The post Rrëmbimi masiv në shkollën katolike, lirohen 130 nxënës të tjerë në Nigeri appeared first on Albeu.com.

Pamjet që shihni në videon e mëposhtme, tregojnë momentin e sherrit mes një grupi të miturisht në Shkodër, ku tre prej tyre mbetën të lënduar.

Siç shfaqet edhe në pamje, në sherrin masiv janë përfshirë një grup i madh adoleshentësh, të cilët sulmojnë njëri-tjetrin me grushte dhe shkelma, ndërsa një prej të rinjve ka nxjerrë një thikë.

Ai ka qëlluar disa herë disa prej të rinjve të përfshirë në sherr.

The post Grushte dhe shkelma, publikohen pamjet nga sherri i dhunshëm mes nxënësve në Shkodër (VIDEO) appeared first on Albeu.com.

Këtë të premte, një sherr që ka degraduar në përdorimin e armëve të ftohta, është regjistruar në afërsi të shkollës “Shejnaze Juka” në Shkodër.

Sipas raportimeve, disa nxënës janë konfliktuar mes tyre për arsye ende të paqarta, ndërsa si pasojë e sherrit kanë mbetur të plagosur me thikë dy prej tyre.

Këta të fundit janë transportuar në spitalin rajonal të Shkodrës ku po marrin mjekim.

Nuk dihen ende shkaqet dhe rrethanat e sherrit, policia ndodhet në vendngjarje.

The post Sherr mes nxënësve të shkollës në Shkodër, plagosen dy të rinjtë appeared first on Albeu.com.

Një total prej 69 shkollash në territorin e kryeqytetit Australian do të detyrohen të mbyllen të hënën, pasi rëra e lojërave me ngjyra u tërhoq për shkak të rrezikut të azbestit, tha qeveria.

Një tërheqje për produktet, të cilat u gjetën me gjurmë azbesti në disa mostra, u lëshua nga Kmart dhe Target të shtunën, transmeton Telegrafi.

Komisioni Australian i Konkurrencës dhe Konsumatorit (ACCC) tha se kishte një rrezik "të ulët" që azbesti mund të përhapet në ajër ose të bëhet mjaftueshëm i imët për thithje.

Inspektimet e shkollave janë duke u zhvilluar dhe mund të "zgjatin me ditë", tha Ministrja e Arsimit, Yvette Berry, në një postim në Facebook.

Ajo shtoi se testimi i ajrit deri më tani ka rezultuar "negativ ndaj azbestit në ajër" nga të gjitha shkollat.

Kjo vjen pasi disa shkolla dhe parashkollore në rajon u mbyllën plotësisht ose pjesërisht të premten, pas një paralajmërimi për rreziqet e azbestit në rërën e fëmijëve të shitur nga Officeworks.

Kishte gjithashtu mbyllje shkollash në Zelandën e Re për shkak të frikës nga produktet e rërës, me të paktën dy shkolla të tjera që do të mbyllen për testim të hënën sipas New Zealand Herald.

Duke iu referuar mbylljeve të reja, Berry tha: "Fatkeqësisht, këto produkte rëre përdoren edhe më gjerësisht në shkollat tona sesa produktet Officeworks".

Vullnetarët e Shërbimit Shtetëror të Emergjencave dhe stafi i shkollës kanë ecur nëpër ndërtesa dhe "kanë hartëzuar të gjithë rërën me ngjyrë që shohin" gjatë fundjavës, shtoi ajo.

Berry tha se pavarësisht rrezikut minimal, qeveria "është e detyruar të eliminojë rrezikun sa më shumë që është praktikisht e arsyeshme".

Deri në 23 shkolla do të mbeten të hapura, pasi ato ose kanë "stoqe të vogla" të rërës ose nuk kanë asnjë produkt.

Produktet e përcaktuara në njoftimin e tërheqjes janë etiketuar si Set Ndërtimi i Kështjellës së Rërës Active Sandtub me 14 pjesë dhe Rërë Magjike Blu, Jeshile dhe Rozë.

Azbesti, dikur i përdorur gjerësisht në materialet e ndërtimit, mund të lëshojë fibra toksike në ajër nëse shqetësohet ose përpunohet, të cilat mund të ngjiten në mushkëri dhe - me kalimin e dekadave - të shkaktojnë kancer.

Importimi ose eksportimi i azbestit ose mallrave që përmbajnë azbest është i ndaluar sipas ligjit Australian dhe Zelandës së Re. /Telegrafi/

Në Strugë, u raportua prishje e rendit publik në një shkollë fillore në qytet, ku dy nxënës sulmuan fizikisht një shok klase.

"Zyrtarët e policisë shkuan menjëherë në vendngjarje dhe, në bashkëpunim me përfaqësues nga shkolla dhe Qendra për Çështje Sociale - Strugë, morën masa për sqarimin e saj".

"Pas dokumentimit të plotë të ngjarjes, do të pasojë një raport përkatës", thonë nga MPB.

Në redaksinë e emisionit investigativ “Fiks Fare” ka mbërritur një ankesë nga disa nxënës të gjimnazit “Rifat Manjani” në Durrës, të cilët akuzojnë mësuesin e tyre të anglishtes se paraqitej i dehur në orët e mësimit. Sipas nxënësve, profesori mbante erë alkooli, i bullizonte dhe u bënte presion, duke i kërcënuar se do t’i linte […]

The post Nxënësit mësonin anglisht me “aromë rakie”, pushohet nga puna mësuesi që shkonte në punë i dehur appeared first on BoldNews.al.

Këtë të premte, gjatë fjalës së tij me rastin e testit ndërkombëtar “Talis”, kryeministri Edi Rama, foli edhe për nxënësit dhe ‘epideminë’ e telefonave në shkolla, duke lënë të kuptohet se edhe ndaj tyre do merren masa konkrete, siç është nisma për t’i ndaluar në shkolla, me vendim të Ministrisë së Arsimit.

Duke bërë batuta, ai u përpoq të krahasonte kohët e brezit të vjetër kur ishin nxënës me ata të diteve te sotme, duke pranuar nëpërmjet etiketimit se “çerrat e sotëm kanë më shumë informacion”.

Epiteti i tij shkaktoi edhe të qeshura në sallë, teksa kreu i ekzekutivit theksoi se; “ky shok i ri në xhepat” e nxënësve i mban të lidhur pas shkolle në ato “budallallëqe” që u serviren në ekranet e celularëve.

“Krahasimi me çerrat sot është shumë i vështirë, sepse çerrat sot kanë informacion shumë më tepër, të pakontrolluar dhe të paorientuar. Dhe vijnë në shkollë me një shok në xhep dhe fshehin si të munden dhe sa të munden e sa dalin nga shkolla me atë shokun fillojnë bëjnë jetën tjetër. Na futen të gjithë bashkë nëpër shpia, ai shoku i vetë i thotë se është pa lidhje, por ata futen aty te ai ekrani me lloj-lloj budallenjsh që u tregojnë gjëra atyre çerrave”, tha Rama.

Dhe në fund të fjalës së tij, teksa pohoi se tashmë koha brezit të vjetër dhe atij vetë u kishte ndryshuar edhe ngjyrën e flokut, do i ndihmonte të rinjtë bëzit të ri me masa konkrete, së bashku me mësuesit.

“Por me ndihmën dhe punën tuaj do të jemi një ndihmë konkrete edhe për ata çerrra sot, ndaj edhe pak motivim sepse ne jemi edhe në mbështetjen tuaj”, përfundoi Rama.

The post Rama flet për nxënësit e varur nga telefonat: Çerrat sot shkojnë në shkollë me një shok në xhep, do u japim një ndihmë konkrete appeared first on Albeu.com.

Një situatë shqetësuese është denoncuar së fundmi nga emisioni Fiks Fare në shkollën 9-vjeçare të Maqellarës, ku prej ditësh tualetet janë jashtë funksioni, duke detyruar nxënësit – përfshirë edhe ata të ciklit të ulët – të kryejnë nevojat personale nëpër korridoret e shkollës. Emisioni Fiks Fare solli foto dhe video qe tregojnë gjendjen skandaloze të […]

The post Tualetet e shkollës 9-vjeçare në Maqellarë të bllokuara, nxënësit kryejnë nevojat në dysheme appeared first on BoldNews.al.

Numri i nxënësve në shkollat fillore dhe të mesme të ulëta në Kosovë ka shënuar një rënie të vazhdueshme gjatë pesë viteve të fundit.

Sipas të dhënave të Agjencisë së Statistikave të Kosovës (ASK), gjatë vitit shkollor 2020/2021 në institucionet arsimore të vendit ishin regjistruar gjithsej 229 mijë e 664 nxënës.

Pesë vjet më vonë, në vitin 2024/2025, ky numër ka rënë në 208 mijë e 515 nxënës, që do të thotë 21 mijë e 149 më pak krahasuar me vitin 2020.

Statistikat tregojnë se rënia ka qenë e vazhdueshme çdo vit:

Në vitin 2021/2022 janë regjistruar 224 mijë e 429 nxënës;

Në 2022/2023, numri ka rënë në 220 mijë e 578;

Ndërsa në 2023/2024, janë regjistruar 215 mijë e 431 nxënës.

Planifikimi i 16-vjeçarit për sulm terrorist në Pejë, shkollat në Kosovë s'kanë plane evakuimi dhe kontroll

Punonjësit e shpëtimit vazhduan të mërkurën kërkimin për dhjetëra nxënës të zhdukur që dyshohet se janë ende të bllokuar nën rrënojat e një shkolle të shembur në provincën e Java Lindore, Indonezi.

Numri i të vdekurve pas incidentit të së hënës është rritur në gjashtë, sipas Yudhi Bramantyo, Zëvendës Shefit të Operacioneve të Agjencisë Kombëtare të Kërkimit dhe Shpëtimit.

Pesë të mbijetuar u shpëtuan me sukses pasi një tunel u hap në bazën e ndërtesës deri në vendndodhjen e tyre.

- YouTube www.youtube.com

Ndërkohë shpëtimtarët “po garojnë kundër kohës” në kërkim të të mbijetuarve të tjerë, me dhjetëra nxënës ende të pagjetur.

Struktura ra mbi qindra njerëz rreth orës 14:30 të së hënës në një sallë lutjesh në shkollën shekullore islamike al Khoziny në Sidoarjo, në anën lindore të ishullit Java të Indonezisë.

Nxënësit ishin kryesisht djem në klasat shtatë deri në të dymbëdhjetë, të moshës 12 deri në 18 vjeç.

- YouTube www.youtube.com

Nxënëset femra po luteshin në një pjesë tjetër të ndërtesës dhe arritën të shpëtonin, thanë të mbijetuarit.

Shumica e shpëtimeve zakonisht ndodhin brenda 24 orëve pas fatkeqësive të tilla, me shanset e mbijetesës që zvogëlohen çdo ditë pas tyre. Më shumë se 300 punëtorë vazhduan të punonin për të provuar të arrinin ata që janë zbuluar të jenë ende gjallë dhe të bllokuar poshtë. /Telegrafi/

Me një udhëzim të ri të Ministrisë së Arsimit të publikuar në Fletoren Zyrtare, ndalohet përdorimi i telefonave celularë dhe pajisjeve të tjera të ndërlidhura prej nxënësve dhe mësuesve në të gjitha institucionet arsimore parauniversitare në vend.

Sipas këtij udhëzimi, nxënësit nuk do të lejohen të përdorin telefonin celular gjatë qëndrimit në ambientet e shkollës.

Pajisjet do të dorëzohen në kutitë përkatëse në klasë në fillim të orëve dhe do të qëndrojnë të fikura ose në modalitetin “Airplane” deri në përfundim të mësimit.

Edhe mësuesit ndalohen të përdorin telefonin gjatë orëve të mësimit, përveç rasteve emergjente apo për arsye pedagogjike të miratuara nga drejtoria.

Udhëzimi përcakton se në rast shkeljeje, pajisja merret nga mësuesi dhe dorëzohet në drejtori. Prindi njoftohet menjëherë dhe paraqitet në shkollë për tërheqjen e pajisjes.

Në rast përsëritjeje, parashikohen masa disiplinore si pjesëmarrja në aktivitete ndërgjegjësuese ose masa më të rënda për nxënësit e shkollave të mesme.

Prindërit kanë detyrimin të bashkëpunojnë me shkollën, të informohen për rregullat dhe të sigurojnë që fëmijët e tyre nuk i përdorin telefonat gjatë qëndrimit në shkollë.

Zbatimi i udhëzimit mbështetet në parimet kombëtare dhe ndërkombëtare dhe është pjesë e përpjekjeve për rritjen e disiplinës, përmirësimin e përqendrimit në mësim dhe forcimin e komunikimit të drejtpërdrejtë mes nxënësve dhe mësuesve.

Çfarë përcakton udhëzimi

NDALIMI I PËRDORIMIT TË TELEFONAVE CELULARË DHE PAJISJEVE TË NDËRLIDHURA ME TELEFONIN

Ndalohet përdorimi i telefonit celular dhe pajisjeve të ndërlidhura me të nga nxënësit gjatë procesit mësimor dhe gjatë qëndrimit në mjediset e institucionit arsimor parauniversitar.

Përdorimi i telefonit celular dhe pajisjeve të ndërlidhura me të gjatë orëve të mësimit është i ndaluar edhe për mësuesit, përveç rasteve emergjente, të përcaktuara në rregulloren e shkollës apo kur përdorimi lidhet drejtpërdrejt me nevoja të provuara pedagogjike ose organizative të procesit mësimor të lejuara nga drejtoria e shkollës.

Çdo pajisje e konstatuar apo përdorur në mënyrë të palejuar në ambientet e shkollës merret nga mësuesi dhe dorëzohet në drejtorinë e shkollës, deri në përfundim të orarit mësimor.

Përjashtimisht për nevoja urgjente nxënësit mund të komunikojnë me prindin apo personat që ushtrojnë përgjegjësinë prindërore, vetëm me lejen e mësuesit kujdestar/drejtorit të shkollës.

Drejtuesit e shkollës janë në dispozicion për të mundësuar komunikimin e ndërsjellë të nxënësit me prindin në çdo rast emergjent të parashikuar në rregulloren e shkollës.

PËRGJEGJËSITË E DREJTORISË SË SHKOLLËS

Drejtoria e institucionit arsimor parauniversitar (shkollës) ka për detyrë:

a) të sigurojë në çdo klasë një kuti/sirtar për depozitimin e telefonave celularë dhe pajisjeve të ndërlidhura me to, në rastet kur nxënësi i ka marrë ato në shkollë. Telefoni celular duhet të jetë i fikur ose në modalitetin “Airplane” dhe duhet të vendoset në kutinë e caktuar në klasë në nisje të procesit mësimor dhe deri në përfundim të tij;

b) personeli mësimor është përgjegjës për zbatimin e rregullit në klasë sipas përcaktimeve të bëra në rregulloren e brendshme të shkollës;

c) të përcaktojë në rregulloren e brendshme të shkollës, detyrat dhe përgjegjësitë e drejtuesve të shkollës, mësuesve, oficerëve të sigurisë dhe shërbimit psikosocial, nxënësve, prindërve, të cilat lidhen me zbatimin e këtij udhëzimi;

d) të sigurojë që ky rregull t’i komunikohet të gjithë nxënësve dhe prindit/ve ose personave që ushtrojnë përgjegjësinë prindërore në fillim të vitit shkollor;

e) të organizojë takime me prindërit, për t’i informuar mbi rregullat dhe rëndësinë e zbatimit të tyre.

Prindi duhet të konfirmojë që është njohur dhe e pranon këtë rregull;

f) të informojë sipas përcaktimeve në rregulloren e brendshme të shkollës, prindin apo personin që ushtron përgjegjësinë prindërore të nxënësit, përmes fletores së komunikimit digjital në Sistemin e Menaxhimit të Informacionit Parauniversitar (SMIP), për ndalimin e përdorimit të telefonave celularë apo pajisjeve të ndërlidhura me to gjatë gjithë procesit mësimor;

g) të raportojë periodikisht për zbatimin e këtij udhëzimi në zyrën vendore të arsimit parauniversitar (ZVAP) për rezultatet e zbatimit të këtij udhëzimi dhe masat e marra.

ROLI DHE BASHKËPËRGJEGJËSIA E PRINDËRVE OSE E PERSONAVE QË USHTROJNË PËRGJEGJËSINË PRINDËRORE TË NXËNËSIT

Prindi apo personi që ushtron përgjegjësinë prindërore duhet të bashkëpunojë me shkollën për zbatimin e këtij udhëzimi, duke u angazhuar që nxënësi të mos marrë me vete apo të përdori telefonin celular apo pajisje të ndërlidhura me të, gjatë qëndrimit në shkollë.

Në rastin kur prindi ose personi që ushtron përgjegjësinë prindërore kërkon ta pajisë fëmijën me telefon celular në shkollë apo pajisje të ndërlidhura me të, duhet t’ia bëjë të ditur arsyen e pajisjes që në fillim të vitit shkollor drejtorisë së shkollës dhe duhet të angazhohet t’i bëjë të ditur fëmijës, se telefoni celular apo pajisja e ndërlidhur me të do të fiket apo vendoset ne modalitetin “Airplane” në kutinë/ sirtarin e përcaktuar në klasë/shkollë dhe nuk do të përdoren për asnjë rast gjatë procesit mësimor, përveç rasteve të parashikuara në bashkëpunim me drejtorinë e shkollës dhe të përcaktuara në rregulloren e brendshme të saj.

PROCEDURA NË RAST SHKELJEJE

Drejtoria e institucionit arsimor parauniversitar, në rast shkeljeje të këtij udhëzimi, është e detyruar të njoftojë menjëherë prindin apo personin që ushtron përgjegjësinë prindërore, përmes Sistemit të Menaxhimit të Informacionit Parauniversitar (SMIP) dhe mjeteve të tjera të komunikimit shkollor. 2.

Telefoni celular dhe pajisjet e ndërlidhura me të do t’i kthehen prindit apo personit që ushtron përgjegjësinë prindërore të nxënësit, pas orarit mësimor, në kohën kur prindi apo personi që ushtron përgjegjësinë prindërore paraqitet në shkollë dhe nxënësit i komunikohet me shkrim masa e marrë nga institucioni arsimor parauniversitar.

MASAT NË RAST TË SHKELJEVE

Në rast të shkeljes për herë të parë të këtij rregulli nga nxënësi, masa e marrë do të jetë “këshillim” që shoqërohet me shënim nga mësuesi kujdestar, i cili njofton me shkrim prindin dhe nëpërmjet përdorimit të fletores digjitale në SMIP.

Ky njoftim përfshin edhe marrjen dhe dorëzimin e telefonit celular apo pajisjeve të ndërlidhura me të në drejtori. Prindi, pas njoftimit, paraqitet në shkollë për marrjen e telefonit celular dhe/ose të pajisjeve të ndërlidhura me të.

Në rast të përsëritjes së kësaj sjelljeje nga nxënësi i arsimit bazë, konsiderohet shkelje e përsëritur dhe ndaj tij merren masat si më poshtë:

a) këshillim përmes Komisionit të Disiplinës së Shkollës në prani të nxënësit dhe prindit;

b) pjesëmarrje e nxënësit në orë/aktivitete të posaçme edukative dhe këshilluese apo në aktivitete komunitare që lidhen me edukimin qytetar dhe digjital në bashkëpunim me klubet e shkollës, për të cilat informohet dhe prindi.

Në rast të përsëritjes së shkeljes nga nxënësi i arsimit të mesëm të lartë, lidhur me ndalimin e përdorimit të telefonit celular apo pajisjeve të ndërlidhura me të, do të konsiderohet shkelje e përsëritur dhe ndaj tij, merren në mënyrë të përshkallëzuar masa disiplinore të përcaktuara në rregulloren e brendshme të shkollës

Institucionet arsimore parauniversitare, në funksion të zbatimit efikas të këtij udhëzimi, krahas masave të përcaktuara në këtë krye, mund të shtojnë në rregulloren e tyre të brendshme edhe masa të tjera për nxënësit, me karakter ndërgjegjësues, sensibilizues dhe edukues.

The post Hyn në fuqi udhëzimi që ndalon përdorimin e telefonave nga nxënësit dhe mësuesit appeared first on Albeu.com.

Fshatit Kolosh në Zapot të Kukësit i kanë mbetur vetëm 10 fëmijë.

Por edhe ata nuk shkojnë dot në shkollë, sepse mungon transporti. Janë gati dy javë që prej nisjes së vitit të ri shkollor, dhe nxënësit ende nuk janë ulur në bankat e klasës.
Shkolla ndodhet rreth dy orë larg në këmbë, nëpër një rrugë të amortizuar, të pa asfaltuar dhe të rrezikshme, veçanërisht për fëmijët e vegjël.

Nga dështimi i procedurës së tenderit për këtë vit, Zyra Vendore Arsimore Kukës u ofron prindërve një pagesë prej 120 lekësh në muaj për çdo nxënës. Por, sipas prindërve, asnjë operator privat nuk pranon të kalojë në rrugët e amortizuara me këtë çmim.
Në mungesë të një zgjidhjeje, prindërit janë ngritur në protestë, duke kërkuar nga Drejtoria Rajonale e Arsimit Parauniversitar (DRAP) Lezhë dhe institucionet përgjegjëse që të sigurojnë transportin për fëmijët.
Kjo situatë nuk është e izoluar, por një problem që preket në shumicën e fshatrave rurale të Kukësit, ku infrastruktura e keqe dhe mungesa e transportit i mbajnë fëmijët larg arsimit.

The post Dështon tenderi, nxënësit pa shkollë në Kukës/ 10 fëmijë mbeten në shtëpi për mungesë transporti appeared first on Albeu.com.

Numri i fëmijëve që hyjnë në klasë të parë në disa fshatra të Bulqizës po bie në mënyrë drastike, duke u bërë një fenomen shqetësues për arsimin dhe jetën në zonat rurale.

Në 5 fshatra të Bulqizës këtë vit është regjistruar vetëm një fëmijë në klasë të parë.

Bëhet fjalë për fshatrat “Zogje”, “Kovashicë”, “Shtushaj”, “Mazhicë” dhe “Bllacë” të Njësisë Administrative Shupenzë.e, raporton gazetari Enver Doçi.

Të gjithë këta fshatra i dërgojnë fëmijët në shkollën 9-vjeçare “Man Jella” në Zogje. Sipas drejtuesve të kësaj shkolle, për vitin shkollor 2025 – 2026 është regjistruar vetëm një fëmijë në klasë të parë.

Dikur, këto zona kishin rreth 500 nxënës, por tani numri ka rënë në vetëm 32, duke detyruar shkollën të organizojë mësimin në klasa kolektive për shkak të numrit të vogël të nxënësve.

Artan Zeneli, banor i fshatit Kovashicë, e përshkruan largimin masiv nga fshatrat si “fatkeqësinë më të madhe të vendit”. Ai tregon se shkolla dhe jeta në këto fshatra janë shkretuar, ndërsa numri i nxënësve po bie çdo vit e më shumë.

The post Bie ndjeshëm numri i fëmijëve që regjistrohen në shkollë/ Në 5 fshatra të Bulqizës, vetëm një fëmijë në klasë të parë appeared first on Albeu.com.

Nga veriu në jug, nga klasa e parë në të dymbëdhjetën… në emër të çdo nxënësi në vend shpenzohen 368 lekë në ditë. Duke përfshirë pagat e mësuesve, sanitareve, shpenzimet për libra, mjete kancelarike në klasa dhe gjithçka tjetër që prek mësimdhënien… për rreth 1 mijë e 300 shkollat e gjimnazet e vendit u vunë […]

The post Paradoksi shqiptar, për të burgosurit shpenzohen 9 herë më shumë se për nxënësit appeared first on BoldNews.al.

Këtë të hënë, në një postim në rrjetet sociale, kryeministri Edi Rama, ka uruar sot 345 mijë nxënësit që ulen sot në bankat e shkollave në nisje të vitit të ri shkollor.

Kreu i qeverisë, është ndalur tek 26.500 vogëlushët të cilët nisin sot rrugën e bukur të dijës.

Postimi i Ramës:

“MIRËMËNGJES dhe duke ju uruar suksese 345 mijë nxënësve që ulen sot në bankat e shkollave, dhe ata 26,500 nxënës të klasave të para, që nisin sot rrugën e bukur të dijes, ju uroj një javë të mbarë”, shkruan ai.

The post Viti i ri shkollor/ Kryeministri Rama: Suksese 345 mijë nxënësve që ulen sot në banka dhe 26.500 vogëlushëve që nisin klasën e parë appeared first on Albeu.com.

Mbi 37 mijë nxënës kanë nis vitin e ri shkollor sot, më 1 shtator, në kryeqytet. Kryetari i Komunës së Prishtinës, Përparim Rama tha se procesi mësimor ka nisur sot në 64 objekte shkollore. I shoqëruar nga drejtori për Arsim, Samir Shahini, kryetari i kryeqytetit vizitoi sot shkollën fillore të mesme të ulët “Faik Konica”.

Rama theksoi se shkollat janë pajisur edhe me kurrikula digjitale e panele të mençura që sipas tij do të lehtësojnë mësimdhënien.

“Po fillojmë një vit të ri shkollor, 37 mijë e 667 nxënës sot kanë filluar shkollën në 64 objekte në gjithë kryeqytetin. Pra, është një fillim i mirëfilltë. E dini që tash ne kemi përgatitur kurrikulat digjitale në secilën shkollë, panelet e mençura po ashtu në secilën klasë. Prandaj, edhe nëse i kanë librat apo si kanë librat ne jemi të gatshëm me kurrikulat digjitale. Kjo është ndihmesë e madhe për secilin fëmijë“, tha ai.

Lexo po ashtu Rama ua uron nxënësve vitin e ri shkollor

Drejtori i Arsimit në kryeqytet, Samir Shahini tha se këtë vit mësimi tërëditor po fillon në 12 shkolla, përfshirë edhe në fshatra.

“Kjo është festë masive në kryeqytet, jemi të lumtur që jemi pjesë e saj, çdo ditë pa pushim edhe gjatë verës duhet të shtojmë faktin që pikërisht këtu në ‘Faik Konica’ ka filluar mësimi tërëditor në kryeqytet, tash nga këtu kemi 12 shkolla në total në fshatra”, theksoi Shahini

Drejtoresha e shkollës fillore të mesme të ulët “Faik Konica”, Jehona Oruqi deklaroi se përgatitjet për një vit të mbarë shkollor janë bërë me kohë.

Ajo tha se përmes koordinatorëve të gjithë prindërit janë verifikuar për subvencionim për blerje të librave.

“Të gjitha përgatitjet janë bërë me kohë ne kemi filluar planifikimin qysh në qershor, pastaj e kemi përfunduar përgatitjen finale në gusht…Tani është një risi që janë koordinatorët deri më tani në shkollën Faik Konica janë verifikuar të gjithë prindërit. Mirëpo, sot do ta kuptojmë sepse a i kanë të gjithë edhe nëse nuk janë i kemi kurrikulat digjitale ne do të fillojmë sot është festë për ne…Është viti i dytë i mësimit tërë ditor dhe sipas analizave të vitit të kaluar del se është një nismë e mbarë dhe sivjet ka shkuar me rendë ashtu siç e kemi planifikuar”, theksoi ajo.

Tekstet dhe materialet e tjera shkollore për nxënësit nga klasa e parë deri në të nëntën, edhe këtë vit financohen nga Qeveria e Kosovës./kp/

The post ​Mbi 37 mijë nxënës nisin mësimin në Prishtinë appeared first on Telegrafi.

Regjistrimi i fëmijëve në çerdhe ka shënuar rritje krahasuar me vitet e kaluara, por jo edhe i nxënësve dhe studentëve në shkolla e fakultete. Përkundrazi, ato kanë shënuar rënie.

Ekspertët e arsimit e shohin këtë si shqetësim dhe apelojnë që të forcohet sistemi arsimor në Kosovë.

Në Kosovë po bie numri i përgjithshëm i nxënësve dhe studentëve.

Të dhënat më të fundit nga Agjencia e Statistikave, në bashkëpunim me Ministrinë e Arsimit, për vitin shkollor 2024/2025, tregojnë një trend në rënie në të gjitha nivelet e arsimit publik. Por nga ana tjetër, ka një rritje të lehtë të interesimit për institucionet private.

Në çerdhe dhe institucione parashkollore janë regjistruar gjithsej 34 mijë e 38 fëmijë, që përfaqëson një rritje prej mbi 1.200 krahasuar me vitin e kaluar.

Por struktura po ndryshon: 31.4% e fëmijëve janë të regjistruar në sektorin privat, krahasuar me 26.6% një vit më parë.

Në arsimin fillor dhe të mesëm të ulët janë regjistruar 208 mijë e 515 nxënës, nga të cilët 95.5% ndjekin shkollat publike dhe 4.5% ato private. Por edhe këtu ka rënie, në vitin e kaluar, numri total ishte mbi 215 mijë.

Edhe në arsimin e mesëm të lartë shifrat janë më të ulëta: 63 mijë e 551 nxënës, me 91.8% në sektorin publik dhe 8.2% në atë privat ? një ndryshim i lehtë në favor të institucioneve jopublike.

Ndërkaq, numri i studentëve është 64 mijë e 817, me një ulje prej më shumë se 5 mijë krahasuar me vitin e kaluar. 56.5% janë në universitete publike dhe 43.5% në kolegje private, raporton RTKlive.

Rënia e numrit të nxënësve dhe studentëve, sipas ekspertëve, është pasojë direkte e trendëve demografikë.

“Në 10 vitet e fundit kemi rënie të vazhdueshme në arsimin parauniversitar, dhe tani kjo po ndodh edhe në universitete. Kjo është reflektim i uljes së natalitetit, por edhe i mungesës së politikave efikase arsimore. Nëse nuk veprohet urgjentisht, kjo rënie do të vazhdojë”, tha Xhevat Rexhaj, ekspert i arsimit.

Për ekspertin Rinor Qehaja, nga Instituti EdGuard rënia e interesimit për universitetet nuk duhet parë vetëm si problem.

“Ndoshta nuk është alarmuese që të rinjtë nuk po regjistrohen në universitet. Shumë prej tyre po hyjnë në tregun e punës pas shkollave profesionale ose po ndjekin trajnimet e nivelit të pestë. Kjo është më në përputhje me nevojat reale të tregut”, tha Qehaja.

Sipas tij, arsimi privat po tërheq gjithnjë e më shumë studentë për shkak të ofertave fleksibile, programeve moderne dhe vëmendjes ndaj nevojave të studentëve.

“Universitetet publike duhet të rikthejnë besimin e studentëve, të përditësojnë programet dhe të afrohen më shumë me realitetin e tregut të punës”, shtoi ai.

Ekspertët thonë se nëse Kosova dëshiron ta ndërtojë një sistem arsimor të qëndrueshëm dhe konkurrues, duhen reforma të thella dhe vendime të guximshme, përfshirë një rikonceptim të arsimit publik dhe një përqendrim serioz në edukimin e hershëm.

The post Bie numri i përgjithshëm i nxënësve dhe studentëve në Kosovë appeared first on Telegrafi.

Ashtu si edhe në provimet e tjera, edhe këtë herë Ministria e Arsimit ka dështuar. Teza e provimit të Gjuhës Shqipës dhe Letërsisë, të cilët maturantët po i nënshtrohen ditën e sotme, është publikuar në rrjetet sociale vetëm 20 minuta, pasi nxënësit u futën në provim. Bëhet fjalë për variantin e tezës B, teksa tashmë […]

The post Testi në Gjuhën Shqipe dhe Letërsi, dalin tezat 20 minuta pas fillimit të provimit appeared first on BoldNews.al.

Agjencia e Statistikave të Kosovës në bashkëpunim me Ministrinë e Arsimit, Shkencës, Teknologjisë dhe Inovacionit ka publikuar të dhënat zyrtare për arsimin në Kosovë për vitin shkollor 2024/2025. Të dhënat për vitin shkollor 2024/2025 tregojnë një rënie të lehtë të numrit të përgjithshëm të nxënësve dhe studentëve në sektorin publik dhe privat, krahasuar me vitin paraprak.

Në arsimin fillor dhe të mesëm të ulët u regjistruan gjithsej 208.515 nxënës:

Krahasuar me vitin 2023/2024 (215.431 nxënës gjithsej), ka një rënie të përgjithshme, por një rritje të lehtë të numrit të nxënësve në sektorin privat.

Në arsimin e mesëm të lartë për vitin 2024/2025 janë regjistruar 63.551 nxënës, nga të cilët:

Këto të dhëna përfaqësojnë një rënie krahasuar me vitin 2023/2024, kur kishte 65.757 nxënës në total. Rënia është më e theksuar në institucionet private.

Numri i përgjithshëm i studentëve për vitin akademik 2024/2025 ishte 64.817:

Në vitin paraprak 2023/2024 ishin 70.357 studentë, nga të cilët 39.033 ishin në sektorin publik dhe 31.324 në sektorin privat, që do të thotë se numri i studentëve ka rënë në të dy sektorët.

Megjithatë, arsimi parashkollor shënon rritje të numrit të fëmijëve të regjistruar, veçanërisht në institucionet private.

Gjatë vitit 2024/2025, numri i fëmijëve të përfshirë në çerdhe dhe institucione parashkollore ishte 34.038, që përfaqëson një rritje prej 1.220 fëmijësh krahasuar me vitin e kaluar (32.818).

Për krahasim, në vitin 2023/2024 këto shifra ishin:

Kjo rritje e pjesëmarrjes në arsimin parashkollor privat tregon një interesim në rritje për këtë sektor./ Monitor

The post Bie interesimi për shkollim në Kosovë, më pak nxënës dhe studentë appeared first on Lapsi.al.

EC Ma Ndryshe ka shënuar 5 Qershorin – Ditën Botërore të Mjedisit me një aktivitet ndërgjegjësues në bashkëpunim me komunitetin e shkollës “Lekë Dukagjini”, paralelet në lagjen Petrovë, me qëllim të shtimit të kujdesit për mjedisin dhe edukimin e brezit të ri për rëndësinë e mbrojtjes së tij.

Sipas njoftimit, bazuar në kërkesat e komunitetit shkollor, në këtë aktivitet janë vendosur katër shporta të vogla për mbeturina përgjatë rrugës së lagjes që frekuentohet çdo ditë nga nxënësit në vajtje-ardhje në shkollë. EC ka bërë të ditur se këto pika janë identifikuar si zona ku shpesh ndotet mjedisi për shkak të mungesës së infrastrukturës për hedhjen e mbeturinave, raporton Telegrafi.

“Përveç ndërhyrjes praktike në terren, nxënësit në hapësirën shkollore kanë pasur mundësinë të luajnë edhe lojën mjedisore edukative. Loja synon të rrisë njohuritë e nxënësve për mjedisin dhe vlerat e trashëgimisë natyrore, sikurse edhe të forcojë vetëdijen për mbrojtjen e mjedisit në mënyrë argëtuese”, thuhet në njoftim. /Telegrafi/

The post Dita Botërore e Mjedisit shënohet me nxënësit dhe komunitetin në Petrovë të Prizrenit appeared first on Telegrafi.