MOSKE, Zëdhënësi i Kremlinit, Dmitry Peskov tha sot se përfaqësuesit e administratave presidenciale ruse dhe amerikane kanë pasur kontakte mbi zgjidhjen e çështjes ukrainase pas konsultimeve të fundit në Miami të SHBA-së.
Peskov tha se ndihmësi presidencial rus, Yury Ushakov dhe disa zyrtarë të Shtëpisë së Bardhë diskutuan për draftin e planit të paqes në një bisedë telefonike.
“Pasi Dmitrievi e informoi presidentin mbi rezultatet e udhëtimit në Amerikë dhe kontaktet e tij me amerikanët, ky informacion u analizua. Me udhëzim të presidentit Putin pati kontakt midis përfaqësuesve të Rusisë dhe SHBA-së”, tha zëdhënësi i Kremlinit.
Ai shtoi se Kremlini analizoi informacionin e marrë nga i dërguari special Kirill Dmitriev pas udhëtimit në SHBA. Duke folur për rezultatet, Peskov tha se “Moska dhe Washingtoni ranë dakord të vazhdojnë dialogun”.
Bisedimet mbi zgjidhjen e çështjes ukrainase u zhvilluan në Miami gjatë fundjavës, me palën amerikane të përfaqësuar nga i dërguari Steven Witkoff dhe Jared Kushner, dhëndri i presidentit Donald Trump. /os/
TIRANË, 26 dhjetor /ATSH/ – Ndër të gjitha ngjarjet e rëndësishme që lidhen me rajonin e Kaukazit të Jugut gjatë vitit të kaluar, dy prej tyre spikasin në mënyrë të veçantë, procesi i paqes midis Azerbajxhanit dhe Armenisë dhe kriza midis Moskës dhe Bakusë pas rrëzimit të një avioni pasagjerësh të Azerbajxhanit mbi Grozny, sipas një njoftimi të ambasadës së Azerbajxhanit në Tiranë.
Të dy proceset u zhvilluan në mënyrë të qëndrueshme, secili me dinamikën e tij, procesi i paqes me Armeninë në një trajektore pozitive dhe kriza me Moskën duke u anuar më shumë drejt negatives.
Është pikërisht ky i dyti që meriton një vështrim më të afërt.
Një rreze shprese për rivendosjen e marrëdhënieve midis Rusisë dhe Azerbajxhanit u shfaq më 9 tetor në Samitin e CIS në Dushanbe.
Gjatë takimit me presidentin Ilham Aliyev, presidenti rus, Vladimir Putin deklaroi se ”do të bëhet gjithçka që kërkohet në situata të tilla tragjike në aspektin e kompensimit. Gjithashtu do të jepet një vlerësim ligjor për veprimet e të gjithë zyrtarëve”.
Kanë kaluar dy muaj e gjysmë nga ai takim, por Moska nuk ka ndërmarrë asnjë nga hapat e shpallur nga Putini.
Siç thekson Farhad Mammadov, drejtues i Qendrës për Studime të Kaukazit të Jugut, në kanalin e tij në Telegram Mneniye-FM, ”po afrohet përvjetori i tragjedisë, kur komisioni që heton shkaqet e rrëzimit pritet të përfundojë punën e tij. Megjithatë, sipas deklaratave nga pala kazake, procesi ende vazhdon dhe pala ruse nuk ka përfunduar ende pjesën e saj të punës”.
Në të vërtetë, shoqëria azere kishte pritur që deri në përvjetorin e tragjedisë — më 25 dhjetor — pala ruse të kishte përmbushur të paktën një pjesë të angazhimeve të saj. Edhe nëse hetimi nuk është përmbyllur plotësisht, detajet kryesore të rrëzimit janë tashmë të njohura — pikërisht ky fakt i lejoi Putinit të pranonte shkaqet e tij që në tetor.
Ajo që ka vërtet rëndësi është fakti se përvjetori i rrëzimit të avionit u parapri nga samiti informal i CIS-it, i mbajtur më 22 dhjetor në Shën Petërburg. Vlen të kujtohet se presidenti Aliyev ishte nisur për të marrë pjesë në këtë takim tradicional më 25 dhjetor të vitit të kaluar. Megjithatë, sapo mori vesh për tragjedinë e avionit të AZAL-it, ai urdhëroi menjëherë që të rikthehej në atdhe, duke zhvilluar një mbledhje emergjente që në aeroport.
Kështu, në përputhje me protokollin diplomatik, çdo veprim nga pala ruse duhej të ishte sinkronizuar me samitin informal të CIS-it. Kjo do të kishte qenë një sinjal i fortë i qëllimit të sinqertë të Kremlinit për të rivendosur marrëdhëniet dhe për të pritur ngrohtësisht Ilham Aliyevin në kryeqytetin verior.
Megjithatë, Moska nuk ndërmori asnjë veprim. Natyrisht, në këto rrethana — dhe duke pasur parasysh axhendën e ngjeshur — Ilham Aliyev nuk mundi të udhëtonte drejt Shën Petërburgut.
Sidoqoftë, sinjali i pakënaqësisë së Bakusë është i drejtuar ekskluzivisht ndaj Moskës; ai nuk shtrihet aspak ndaj partnerëve të tjerë të CIS-it, me të cilët Azerbajxhani ka pasur zhvillime shumë pozitive në bashkëpunim gjatë vitit të kaluar.
Baku pret veprime pozitive nga Moska në këtë drejtim, por në mungesë të tyre është i gatshëm të mbrojë pozicionin e tij të ligjshëm përmes mekanizmave ndërkombëtarë.
Ndërkohë, duket pak e mundshme që në të ardhmen e afërt të priten vizita të nivelit të lartë në Rusi./ a.jor.
Inteligjenca e Mbrojtjes e Ukrainës tha se agjencia qëndron pas një shpërthimi me bombë në Moskë të mërkurën në mëngjes që vrau dy policë rusë.
Sipas dëshmitarëve okularë dhe autoriteteve lokale, një shpërthim në Moskën jugore vrau dy policët kur ata iu afruan një të dyshuari pranë automjetit të tyre të shërbimit rreth orës 1:30 të mëngjesit.
Burimet e Kyiv Post në HUR konfirmuan se agjencia ishte e përfshirë në sulm.
Personi tha se dy të vrarët luftuan në pushtimin e Ukrainës dhe torturuan të burgosurit e luftës ukrainas.
“Në orët e para të 24 dhjetorit, dy punonjës të Ministrisë së Punëve të Brendshme Ruse u eliminuan në rrugën Yeletska në Moskë, të cilët morën pjesë në luftën kundër Ukrainës dhe, në veçanti, torturuan të burgosurit e luftës ukrainas”, tha personi për Kyiv Post.
Identiteti i dy policëve të vrarë mbetet i paqartë. Burimi tha se një disident vendas kreu sulmin.
“Rreth orës 1 të mëngjesit, një banor vendas, në shenjë mospajtimi me politikën agresive të Kremlinit, eliminoi dy përfaqësues të agjencisë ruse të zbatimit të ligjit. Duke iu afruar një makine policie të parkuar pranë stacionit të policisë, burri hodhi një pako shpërthyese përmes dritares së makinës, duke shkaktuar një shpërthim”, tha personi.
Dy persona u “shtruan gjithashtu në spital me lëndime të rënda” së bashku me policët e vrarë, shtoi personi.
Shpërthimi ndodhi pranë vendit ku gjenerali lejtnant rus Fanil Sarvarov u vra të hënën nga një pajisje shpërthyese e vendosur nën makinën e tij të parkuar.
Sarvarov kishte drejtuar departamentin e trajnimit të Shtabit të Përgjithshëm Rus./abcnews.al
Një gjeneral rus është vrarë në një shpërthim në Moskë, kanë njoftuar zyrtarët e këtij vendi, raportoi BBC-ja.
Komiteti Hetues i Rusisë tha se gjenerallejtënant Fanil Sarvarov vdiq të hënën në mëngjes pas shpërthimit të një pajisje shpërthyese që ishte vendosur nën një veturë.
Siç bëhet e ditur, Sarvarov ishte kreu i departamentit të trajnimit operativ të forcave të armatosura.
Thuhet se një hetim është nisur për përfshirjen e shërbimeve të inteligjencës ukrainase.
MOSKË, 18 dhjetor /ATSH-AA/ – Zëdhënësi i Kremlinit, Dmitry Peskov tha se Rusia po përgatitet për kontakte me Washingtonin lidhur me takimet që amerikanët zhvilluan me zyrtarët evropianë dhe ukrainas.
Duke komentuar raportet se zyrtarët amerikanë dhe rusë do të zhvillojnë së shpejti një takim në Miami, Peskov tha: “Ne po përgatitemi për kontakte të caktuara me kolegët tanë amerikanë për të marrë informacion lidhur me rezultatet e punës që amerikanët kanë bërë me evropianët dhe ukrainasit”.
Sa i përket pranisë së shtuar ushtarake amerikane në brigjet veriore të Venezuelës dhe përshkallëzimin e tensioneve në rajon, Peskov tha: “Ne shohim një rritje të tensioneve në rajonin e Amerikës Latine. E konsiderojmë këtë potencialisht si shumë të rrezikshme”.
Ai u bëri thirrje vendeve të rajonit të veprojnë me vetëpërmbajtje. “Venezuela është aleati ynë, partneri ynë. Ne kemi kontakte të vazhdueshme, përfshirë në nivelin më të lartë”, tha Peskov.
– Kthimi i S-400 nuk u diskutua
Peskov tha se sistemet e mbrojtjes ajrore S-400 nuk kanë qenë në axhendë gjatë takimit të fundit midis presidentit turk Recep Tayyip Erdogan dhe presidentit rus Vladimir Putin. /os/
MOSKË, 16 dhjetor /ATSH-ANSA/ – Nuk do të mbështesim, pranojmë dhe as nuk do të jemi të kënaqur me asnjë prani trupash të NATO-s në tokën ukrainase, deklaroi zëvendësministri i Jashtëm rus Sergei Ryabkov.
‘’Moska nuk do të pranojë trupa të NATO-s në tokën ukrainase, edhe nëse ato janë pjesë e një garancie sigurie’’, shtoi ai.
Ryabkov më pas përsëriti se ‘’Rusia nuk ka ndërmend të bëjë lëshime në Donetsk, Lugansk, Zaporizhia, Kherson dhe Krime’’.
“Absolutisht nuk mund të bëjmë kompromis për këto’’, shtoi ai duke shprehur optimizëm, se palët janë në prag të arritjes së një zgjidhjeje diplomatike. /os/
MOSKE, 10 dhjetor /ATSH-AA/ – Zëdhënësi i Kremlinit, Dmitry Peskov tha se ata po i japin përparësi nënshkrimit të dokumenteve që do të sigurojnë paqe afatgjate në Ukrainë.
Lidhur me deklaratat e presidentit ukrainas Volodymyr Zelenskyy për mundësinë e mbajtjes së zgjedhjeve presidenciale në vendin e tij, Peskov e përshkroi atë si një zhvillim të ri. “Kjo është ajo për të cilën presidenti rus Vladimir Putin ka folur një kohë të gjatë. Prandaj, ne do të monitorojmë zhvillimet përkatëse”, tha ai.
Ndërsa për deklaratën e Zelenskyyt se ata po punojnë për një armëpushim lidhur me sulmet e ndërsjella ndaj infrastrukturës energjetike, Peskov tha: “Një paqe e qëndrueshme, e garantuar dhe afatgjatë e arritur përmes nënshkrimit të dokumenteve përkatëse është përparësia jonë absolute. Rusia po punon për paqe, jo për një armëpushim”.
Peskov vlerësoi deklaratat e presidentit të SHBA-së, Donald Trump në intervistën për gazetën “Politico”, duke thënë: “Deklaratat e Trumpit për çështje të tilla si anëtarësimi i Ukrainës në NATO dhe humbja e territorit të saj janë në përputhje me qasjen tonë”. /os/
Anëtarët e ekuipazhit të një aeroplani transporti ushtarak rus An-22, që u rrëzua në rajonin e Ivanovos, në verilindje të Moskës, u vranë të gjithë në aksidentin. Kështu njoftoi sot Komiteti Hetimor Rus, por pa përcaktuar numrin e personave që gjendeshin në bord. Në një deklaratë më parë, Ministria Ruse e Mbrojtjes theksoi se “gjatë […]
Sirianët shënuan këtë të hënë një vit nga rrëzimi i regjimit të Bashar al Assad.
Në sheshet e Damaskut, mijëra njerëz dolën me flamuj sirianë në duar, ndërsa sapo trokiti mesnata, fishekzjarrët shpërthyen për të festuar ndryshimin.
Për shumë njerëz në Siri, rënia e regjimit solli me vete një frymë të re për herë të parë në dekada që kur babai i Basharit, Hafez, erdhi në pushtet në vitin 1970.
Ditët e para pas çlirimit u shënuan nga një entuziazëm në shumë pjesë të Sirisë, por edhe nga shqetësimi për atë që do të vinte më pas.
Pak njerëz prisnin që sanksionet e ashpra amerikane ndaj Sirisë do të hiqeshin, veçanërisht me Ahmed al-Sharaa në krye, një njeri për kokën e të cilit Shtetet e Bashkuara kishin vendosur një shpërblim të majmë.
Rënia e Asadit erdhi si një tronditje, madje edhe për kryengritësit që e rrëzuan atë. Në fund të nëntorit 2024, grupet e udhëhequra nga Hajat Tahrir al-Sham me qëllim që ta merrnin atë nga forcat e Asadit.
Rebelët morën Damaskun më 8 dhjetor, ndërsa Asadi u largua me shpejtësi nga forcat ruse dhe mbetet në mërgim në Moskë.
Por Rusia, një aleate e gjatë e Asadit, nuk ndërhyri ushtarakisht për ta mbrojtur atë dhe që atëherë ka vendosur lidhje me sundimtarët e rinj të vendit dhe ka mbajtur bazat e saj në bregdetin sirian.
Që nga ngjitja e tij e papritur në pushtet, al-Sharaa ka nisur një ofensivë diplomatike joshëse, duke ndërtuar lidhje me vendet perëndimore dhe arabe që e shmangnin Assadin.
Por sukseset diplomatike janë zbehur nga shpërthimet e dhunës sektare në të cilën qindra civilë nga pakicat alevite dhe druze u vranë nga luftëtarët sunitë pro-qeveritarë.
Ndërkohë, ekonomia e vendit ka mbetur e ngadaltë, pavarësisht heqjes së shumicës së sanksioneve perëndimore. Banka Botërore vlerëson se rindërtimi i zonave të dëmtuara nga lufta në vend do të kushtojë 216 miliardë dollarë.
Rindërtimi që ka ndodhur deri më tani ka qenë kryesisht në një shkallë të vogël, me pronarë individualë që paguajnë për të riparuar shtëpitë dhe bizneset e tyre të dëmtuara.
Një vit pas rrëzimit të Asadit, banorët e Damaskut thonë se po gëzojnë më shumë liri, megjithëse disa ankohen për taksat e larta dhe koston e jetesës.
Presidenti rus, Vladimir Putin, do të takohet me të dërguarin special amerikan Steve Witkoff në Moskë të martën, pasi Shtëpia e Bardhë tha se ishte “shumë optimiste” për arritjen e një marrëveshjeje për t’i dhënë fund luftës në Ukrainë, raporton BBC. Dhëndri i presidentit amerikan Donald Trump, Jared Kushner, i cili ka vepruar si këshilltar i […]
I dërguari special i SHBA-së, Steve Witkoff, është planifikuar të takohet me Presidentin rus Vladimir Putin javën e ardhshme në Moskë, për të diskutuar planin e SHBA-së për t’i dhënë fund luftës në Ukrainë përmes negociatave, tha të martën Presidenti i SHBA-së Donald Trump , duke lënë të kuptohet gjithashtu mundësinë që dhëndri i tij të marrë pjesë.
“Steve Witkoff do të jetë atje, ndoshta me Jared (Kushner). Nuk jam i sigurt nëse Jared do të jetë atje, por ai është i përfshirë në proces, është një djalë i zgjuar dhe ata do të takohen me Presidentin Putin, besoj, javën e ardhshme në Moskë”, u tha republikani gazetarëve në Air Force One.
Ai gjithashtu, dukej se la mënjanë afatin e nesërm që e pa të dhënë Ukrainës për të pranuar një plan amerikan me 28 pika, duke thënë se “afati për mua është kur të mbarojë lufta”.
Ai vlerësoi se po bëhet përparim në bisedimet me Ukrainën dhe Rusinë, duke siguruar se Moska ka rënë dakord të bëjë lëshime, pa qenë më specifik.
Sulmet masive janë kryer nga forcat e armatosura ruse kundër infrastrukturës energjetike në Ukrainë që në orët e para të mëngjesit. “Një sulm masiv i kombinuar nga armiku kundër infrastrukturës energjetike është duke u zhvilluar”, njoftoi Ministria.
Kievi dhe Moska raportojnë shkëmbim goditjesh, ndërsa akuzojnë njëra tjetrën për sulme mes tyre. Sipas raportimeve brenda natës, rajoni i Krasnodarit pësoi një nga sulmet më masive në Ukrainë.
4 people were injured as a result of the Russian Armed Forces’ attack on Kyiv, the city’s emergency service reported pic.twitter.com/NBQtfI667m
BRUKSEL, 21 nëntor /ATSH-AFP/ – Rusia po kërkon të bllokojë zbatimin e sanksioneve të SHBA-së kundër eksporteve të saj të naftës duke njoftuar një plan për Ukrainën nga Uashingtoni, deklaroi sot përfaqësuesja e lartë e Bashkimit Evropian për Punët e Jashtme dhe Politikën e Sigurisë, Kaja Kallas.
“Sot është dita në të cilën supozohet të hyjnë në fuqi sanksionet e SHBA-së kundër Rusisë. Shpresoj se nuk do të shohim një vendim për t’i shtyrë ato, sepse kjo është pikërisht ajo që dëshiron Rusia”, u tha ajo gazetarëve në Bruksel.
Në një vendim të mirëpritur nga evropianët dhe Ukraina, Shtetet e Bashkuara njoftuan sanksione muajin e kaluar kundër dy kompanive kryesore të naftës të Rusisë, ”Lukoil” dhe ”Rosneft”, efektet e të cilave filluan të ndiheshin edhe para se të hynin në fuqi.
Grupi indian petrokimik ”Reliance Industries” njoftoi të enjten se kishte ndaluar importimin e naftës bruto ruse në rafinerinë e saj të eksportit.
”Moska po kërkon gjithashtu të bllokojë diskutimet e vazhdueshme në Bruksel mbi përdorimin e aseteve të bankës së saj qendrore, të ngrira në Evropë”, shtoi Kallas.
“Ajo që Rusia dëshiron gjithashtu është që ne të shtyjmë diskutimet në mënyrë që asetet e ngrira të mos përdoren në dobi të Ukrainës”, deklaroi ajo më tej, pas një forumi që mblodhi së bashku 27 shtetet anëtare të BE-së si dhe vendet nga Azia dhe Oqeania.
“Ne duhet të jemi shumë të vendosur t’u themi partnerëve tanë në Azi dhe Oqeani se nuk do të biem në këto dy kurthe”, shtoi ajo.
Evropianët po diskutojnë përdorimin e këtyre aseteve të ngrira, përfshirë 210 miliardë euro të mbajtura në Belgjikë, për të financuar një kredi prej rreth 140 miliardë eurosh për Ukrainën./ a.jor.
MOSKË, 12 nëntor /ATSH/- Rusia është gati të rifillojë negociatat e paqes me Ukrainën në Stamboll, tha sot agjencia shtetërore ruse e lajmeve TASS – duke cituar një zyrtar të ministrisë së Jashtme.
Midis dy palëve nuk janë zhvilluar bisedime ballë për ballë që kur u takuan në qytetin turk më 23 korrik.
Sipas TASS, zyrtari rus, Alexei Polishchuk tha se Turqia kishte kërkuar vazhdimisht një rifillim të negociatave të paqes.
“Ekipi rus është gati për këtë, topi është në fushën e Ukrainës”, tha ai.
Ukraina ka hedhur poshtë pretendimet e Kremlinit se ajo është fajtore për procesin e bllokuar të paqes, ndërsa lufta po i afrohet fundit të vitit të katërt.
Në takimin e 23 korrikut, i cili zgjati vetëm 40 minuta, pala ukrainase propozoi një takim në gusht midis presidentit ukrainas, Volodymyr Zelensky dhe presidentit rus Vladimir Putin.
Kremlini më pas tha se Putini ishte i gatshëm të takohej me Zelensky, por vetëm në Moskë – një kusht i refuzuar nga Kievi. //a.i/
Thashethemet për përdorimin e “sozie”, testuesve të ushqimit dhe një treni të blinduar special të pajisur për përdorim personal e kanë ndjekur prej kohësh.
Madje, sipas një oficeri të lartë të sigurisë ruse që dezertoi në vitin 2022, despoti rus është "patologjikisht i frikësuar për jetën e tij", shkruajnë mediat e huaja, përcjell Telegrafi.
Aq shumë saqë ka krijuar dy kopje të zyrës së tij zyrtare në Moskë që i lejojnë të falsifikojë vendndodhjen e tij në çdo kohë të caktuar, thuhet se ka zbuluar një analizë e re e fotove.
Kështu, theksojnë ato, zyra e tij në Novo-Ogaryovo, një pronë luksoze në perëndim të Moskës që është bërë rezidenca de facto e Putinit, është “kopje e saj” në Soçi, në Detin e Zi, dhe Valdai, në gjysmë të rrugës midis Shën Petersburgut dhe Moskës, sipas një hetimi nga Systema.
Analiza e takimeve të tij ballë për ballë tregon se këtë vit ai pothuajse ka ndaluar së përdoruri rezidencën e tij zyrtare të rindërtuar në rajonin e Moskës, Novo-Ogaryovo.
E dallime të vogla midis dhomave u kanë lejuar studiuesve të tregojnë se këtë vit ai ka vepruar kryesisht nga Valdai.
Për shembull, panelet në muret pas tavolinës së Putinit janë paksa të ndryshme, varësisht nga zyra në të cilën ndodhet. Valdai ka panelet më të larta, e ndjekur nga Novo-Ogaryovo dhe më pas Sochi.
Dorezat e dyerve në secilën zyrë janë gjithashtu në lartësi paksa të ndryshme. Ato përputhen shumë ngushtë në Sochi dhe Valdai, por janë më të ulëta në Novo-Ogaryovo.
Pozicionet e ndërprerësve të dritës janë gjithashtu të ndryshme në secilin vend. Megjithëse janë afërsisht në të njëjtat vende në Novo-Ogaryovo dhe Sochi, në zyrën e Valdait ajo është më qendrore.
Dhe tabakatë e letrave në secilën prej tavolinave të Putinit janë të ndryshme, varësisht nga zyra në të cilën ndodhet, thekson më tej DailyMail, përcjell Telegrafi.
Të bëra nga ajo që duket të jetë gur i lëmuar, të gjitha kanë të njëjtën valë me dy rreshta sipër tyre.
Por secila prej tyre ka ngjyrat dhe modelet e veta të dallueshme, duke sugjeruar se janë të gjitha të ndryshme.
Analistët thuhet se studiuan 700 video, të gjitha të etiketuara nga zyrtarët e Putinit si të filmuara në Novo-Ogaryovo.
Dhe disa u kthyen një dekadë më parë me studiuesit që 'i kushtonin vëmendje çdo detaji'.
Ekipet televizive shtetërore janë betuar për sekret kur filmojnë Putinin në vendet e tij alternative, ashtu si zyrtarët janë urdhëruar të transmetojnë pjesërisht audienca televizive me despotin.
Ndërsa ai ka dërguar miliona burra rusë në zonën e luftës, Putini me sa duket preferon të tërhiqet dhe të fshihet larg vijës së frontit - me zyrtarë që thonë se ai është në Novo-Ogaryovo kur në fakt është në strehën e tij pyjore.
Eksperti akademik dhe i autokracisë ruse Konstantin Gaaze e krahasoi shqetësimin paranojak të Putinit për sigurinë me sjelljen e diktatorit famëkeq irakian Saddam Hussein.
“Mendoj se tani [me Putinin] jemi më afër Saddam Husseinit, si në aspektin e rezidencave sekrete ashtu edhe në mënyrën se si funksionon sistemi për mbrojtjen e informacionit në lidhje me vendndodhjen e kreut të shtetit dhe familjes së tij”.
“Ne nuk do të spekulojmë për sozi, dhe nuk kemi nevojë.... Mbi të gjitha kjo i ngjan mënyrës se si jetoi Husseini, kështu do ta thoja unë”.
Gjatë periudhës së karantinës së shkaktuar nga Covid-19, Putini lëvizte midis Valdait dhe Soçit, sipas raportimeve.
Të dyja - si shumë rezidenca të tjera të Putinit - besohet se janë të pajisura me bunkerë.
Pasi shpalli luftën në shkurt 2022, ai u tërhoq në Valdai, ku Alina dhe djemtë e tyre kanë shtëpinë e tyre.
Shtatë muaj më vonë, pas dështimit të fillimit të pushtimit të tij dhe njoftimit të mobilizimit të detyruar të burrave rusë, Putini zgjodhi ajrin e detit në Soçi.
Ai ishte gjithashtu aty në nëntor 2022 kur trupat ruse u tërhoqën nga pozicionet në rajonet Kherson dhe Kharkiv.
“Që atëherë, Putini ka filluar gjithnjë e më shumë ta injorojë zyrën e tij në Soçi, sikur të ishte fatkeqe”, citohet të ketë thënë raporti, megjithëse ai iu rikthye asaj muajin e kaluar.
“Pavarësisht se atje janë vendosur disa pozicione të mbrojtjes ajrore, është ende mjaft afër Ukrainës, dhe gama e armëve të reja ukrainase u lejon atyre ‘të arrijnë shumë’ atje”, tha Gaaze.
“Kjo është arsyeja pse Valdai është i preferueshëm. Është më larg, më mirë i fshehur dhe terreni është më i favorshëm. Është një rezidencë në pyll”.
Megjithatë, të tri zyrat duken njësoj, duke i lejuar Putinit ‘të shfaqet në bazën e tij’ në rajonin e Moskës kur nuk është aty. /Telegrafi/
MOSKË, 5 nëntor /ATSH-DPA/ – Pianisti dhe dirigjenti gjerman Justus Frantz është nderuar me “Urdhrin e Miqësisë” nga presidenti rus Vladimir Putin, në një ceremoni të mbajtur në Kremlin.
“Justus Frantz është angazhuar në përpjekje frytdhënëse për të afruar kulturat e Rusisë dhe Gjermanisë në dobi të pasurimit të ndërsjellë”, tha Putin gjatë fjalës së tij në ceremoninë e ndarjes së çmimeve, e cila u zhvillua me rastin e Ditës së Unitetit Kombëtar të Rusisë.
Frantz udhëtoi drejt Moskës për të marrë personalisht mimin, pavarësisht sanksioneve perëndimore dhe vështirësive të udhëtimit.
“Është një nder i madh për mua të jem këtu sot dhe të marr një çmim kaq të rëndësishëm”, i tha Frantz Putinit në rusisht. “Gjatë gjithë jetës sime kam dashur të interpretoj muzikë ruse dhe të punoj për kulturën tuaj”.
Ai veçoi simfonitë e Pyotr Tchaikovsky dhe Sergei Rachmaninoff si veçanërisht të rëndësishme për të.
Frantz, 81-vjeç, konsiderohet një nga figurat më me ndikim në skenën e muzikës klasike gjermane. /Ad.Ab./
Edhe pse për sanksionet ndaj Moskën, Beogradi zyrtar nuk është njësuar me linjën e Bashkimit Europian, presidenti Vuçiç në një dalje për televizionin publik deklaroj se besonte tek anëtarësimi i vendit në union, por për këtë në mes qëndron Kosova.
“Mendoj se do të ketë shumë surpriza, do të ketë shumë vendime të ndryshme gjeopolitike në vitin e ardhshëm. Gjithçka po ndryshon shumë shpejt. Ka disa shanse që Serbia të bëhet anëtare e BE-së para vitit 2030, por se nuk më pëlqen të vendos afate, edhe pse për këtë ka një çështje në mes, ajo e Kosovës dhe për këtë unë jam i qartë: nuk do ta njoh pavarësinë”, ka thënë presidenti serb Aleksandër Vuçiç.
Paralajmërimi i Vuçiç për të ardhmen e serbëve ne komunat veriore të Kosovës ishte optimist, duke deklaruar se në 5 apo 10 vitet e ardhshme roli i tyre do të fuqizohet.
Vuçiç pati një koment edhe për Republikën Srpska, ku krahu i tij i djathtë Milorad Dodik është tërhequr të paktën zyrtarisht nga angazhimi politik, duke uruar paqen në atë zonë
Duke folur për Rezolutën e miratuar për Serbinë në Parlamentin Evropian, ai akuzoj drejtpërdrejt Presidenten e Komisionit Evropian Ursula von der Leyen dhe Presidenti i Këshillit të BE-së Antonio Costa, duke i cilësuar ata simbole të pushtetit që vënë në lëvizje edhe mekanizmat e tjerë të BE.
Përplasja mes tij dhe Von der Leyen ka qenë e fortë, ndërsa në ndalesën e saj të fundit në Beograd, ajo i kujtoj Vuçiç cilat ishin mangësitë e qeverisjes së tij, përfshirë sistemin e drejtësisë dhe korrupsionin.
Në qendër të intervistës ishte edhe takimi i pritshëm mes Trump Dhe Putin në Hungari, për të cilën tha së Bashkimi Europian do të bëj gjithçka për ta parandaluar mbajtjen e një takimi të tillë në Budapest.
Vuçiç u shfaq i bindur se Serbia do të arrijë një marrëveshje me partnerët e saj rusë pas vendosjes së sanksioneve kundër NIS dhe shtoi se do të bëhet gjithçka që të sigurohet që prona ruse të mos rrezikohet. Përsa i përket protestave të studentëve për mbajtjen e zgjedhjeve të reja në vend, Vuçiç edhe njëherë tregoj se nuk ka në plan të lëvizi nga pushteti.
Zyrtarët e Beogradit dhe Moskës e kanë nënshkruar të hënën një memorandum për thellimin e bashkëpunimit midis kryeqyteteve të Serbisë dhe Rusisë. Dokumenti u nënshkrua si pjesë e aktivitetit “Ditët e Moskës në Beograd”. Serbia, e cila thotë se synon anëtarësimin në Bashkimin Evropian, vazhdon të jetë një nga partnerët e paktë evropianë të Kremlinit […]
MOSKË, 3 tetor /ATSH-DPA/ – Ambasadori gjerman në Rusi, Alexander Graf Lambsdorff, i bëri thirrje presidentit rus Vladimir Putin që t’i japë fund luftës në Ukrainë, gjatë një fjalimi të mbajtur sot në Moskë, me rastin e Ditës së Bashkimit Gjerman.
“Lufta në Ukrainë duhet të ndalet”, tha ai përpara rreth 1 000 të ftuarve në kryeqytetin rus. “Është në dorën e presidentit Putin të mundësojë një zgjidhje paqësore. Çelësi i paqes gjendet në Kremlin”, shtoi ambasadori gjerman.
Në fjalimin e tij, të cilin e mbajti pjesërisht edhe në rusisht, Lambsdorff shprehu mirënjohje për kontributin e “politikanëve të guximshme sovjetikë dhe rusë” që ndihmuan në kapërcimin e ndarjes së Gjermanisë dhe të Evropës gjatë Luftës së Ftohtë.
Ai theksoi se njerëzit që “përkrahin lidhjet mes Gjermanisë dhe Rusisë” janë ende të nevojshëm dhe nuk duhet të dekurajohen, pavarësisht klimës së vështirë politike.
“Ribashkimi tregoi se “edhe betoni më i fortë mund të çahet”, tha diplomati gjerman, duke iu referuar murit të Berlinit.
Ambasadori përkujtoi “rënien e Murit të Berlinit” dhe **ribashkimin e Gjermanisë**, që ndodhi më * 3 tetor 1990, kur shtetet e ish-Gjermanisë Lindore u integruan në Republikën Federale të Gjermanisë (ish-Gjermaninë Perëndimore), duke i dhënë fund ndarjes që kishte filluar pas Luftës së Dytë Botërore.
Kjo datë shënohet çdo vit si Dita e Bashkimit Gjerman, një simbol i unitetit, demokracisë dhe paqes në Evropë, vlera që, sipas ambasadorit Lambsdorff, duhet të shërbejnë si shembull edhe për “zgjidhjen e konflikteve aktuale”, përfshirë luftën në Ukrainë. /Ad.Ab./.
Login
