Komisioni Evropian ka kërkuar nga TikTok të ndryshojë mënyrën e funksionimit të platformës, duke e cilësuar atë si “nxitëse të varësisë”, sidomos te fëmijët.

Hetimi i BE-së evidenton se funksionet si “scroll pafund” dhe aktivizimi automatik i videove ndikojnë negativisht në shëndetin fizik dhe mendor të përdoruesve të rinj.

TikTok ka hedhur poshtë akuzat, por nëse vendimi i Komisionit konfirmohet, kompania mund të gjobitet deri në 6% të xhiros vjetore globale.

BE-ja kërkon ndryshime të thella për të mbrojtur minorenët dhe për të ulur efektet kompulsive të përdorimit.

Sinjali – aty ku e vërteta flet para lajmit!

/GazetaSinjali/

The post BE paralajmëron TikTok për varësinë te fëmijët, kërkon ndryshime në platformë appeared first on Sinjali.

AT&T ka prezantuar smartphone-in e ri amiGO Jr Phone, një pajisje e dizajnuar për fëmijë deri në 12 vjeç, që i jep prindërve më shumë kontroll dhe qetësi lidhur me përdorimin e telefonit nga fëmijët. Telefoni është zhvilluar në bashkëpunim me Samsung dhe shfaqet si një zgjidhje e thjeshtë dhe e sigurt për të mbajtur kontaktet familjare dhe për të menaxhuar eksperiencën dixhitale të fëmijëve, ndërsa prindërit kontrollojnë parametrat kryesorë nga telefoni i tyre.

Përmes aplikacionit falas AT&T amiGO, prindërit mund të vendosin kufizime të përdorimit të aplikacioneve dhe uebfaqeve, të monitorojnë vendndodhjen në kohë reale, të krijojnë Safe Zones me njoftime kur fëmija largohet nga zona e caktuar dhe të aktivizojnë Schedules që kufizojnë përdorimin e telefonit gjatë orëve të mësimit. Këto veçori ofrojnë një nivel të avancuar kontrolli mbi mënyrën se si fëmijët ndërveprojnë me pajisjen dhe internetin.

Telefoni shitet për $209.99 ose për $2.99 në muaj me një plan të përshtatshëm AT&T për 36 muaj, pa nevojë për device trade-in për të përfituar ofertën e lirë mujore. Larja e çmimeve bazohet në kreditë mujore që klienti merr në faturë.

Përveç smartphone-it, AT&T ka lansuar edhe amiGO Jr. Watch 2, një smartwatch i ri për fëmijë me mesazhe native, lojëra, njoftime të vendndodhjes dhe funksione tjera të kontrollit prindëror. Kjo zgjeron ekosistemin amiGO Jr duke ofruar pajisje të ndryshme të lidhura me sigurinë dhe kontrollin familjar.

Ky telefon shënon një përpjekje të qartë të AT&T për të adresuar shqetësimet e prindërve lidhur me sigurinë, kontrollin e kohës së ekranit dhe menaxhimin e përmbajtjes në një botë ku smartphone-et janë bërë pjesë e përditshmërisë edhe për fëmijët më të vegjël./TelecomPaper

The post Del në treg smartphone i parë i dedikuar për fëmijët nën 12 vjeç appeared first on Revista Monitor.

The post “Përditësimi i kontratave të energjisë, çfarë përfshin procesi dhe kush preket” appeared first on Revista Monitor.

Furnizuesi i Shërbimit Universal (FSHU) ka nisur një proces verifikimi në terren të kontratave të energjisë elektrike, me fokus të veçantë bizneset, me synim vendosjen në regjim të rregullt tarifimi sipas kategorisë së konsumit.

Kontratat e energjisë, FSHU në terren për verifikim të bizneseve që “kamuflohen” si familjarë

Sipas FSHU grupet e kontrollit po veprojnë mbi bazën e një plani pune të miratuar paraprakisht, duke verifikuar kontratat sipas kabinës së furnizimit. “Po kontrollojmë kontratat familjare që faturohen me 8.5–9.5 lekë/kWh dhe ato të biznesit që duhet të faturohen me 14 lekë/kWh,” tha administratori i FSHU Algert Luzi në një intervistë për “Monitor”.

Kompania nënvizoi se verifikimi përqendrohet në ambientet e vendosura në katet e sipërme të ndërtesave shumëkatëshe por edhe në njësi private të vetme ku shtrohet aktivitet ekonomik, por që vijojnë të faturohen si familjare.

Grupet në terren verifikojnë një nga një katet, dhe njësitë private të banesave bazuar në tabelat identifikuese, të dhënat e afishuara dhe indicie konkrete. Kur konstatohet se një ambient ushtron aktivitet biznesi, por ka kontratë familjare, subjektit i lihet njoftim për të bërë përditësimin brenda 7 ditëve.

“Verifikimi që po kryejmë është verifikim në terren, për të konstatuar vetëm ato ambiente që kanë elementë të qartë biznesi dhe ushtrojnë aktivitet ekonomik. Përdorimi i të dhënave shtesë bëhet vetëm në raste shumë specifike, kur na nevojitet të plotësojmë informacionin e konstatuar.

Në çdo rast, theksojmë profesionistët e lirë ose ata që punojnë nga shtëpia nuk preken nga ky proces verifikimi. Nëse aktiviteti ushtrohet nga banesa, kontrata mbetet familjare. Nëse banesa është kthyer tërësisht në zyrë dhe nuk shërben më për banim, atëherë kontrata ndryshon dhe kalon në biznes” sqaroi administratori i FSHU.

Procesi ka nisur nga Tirana dhe do të shtrihet gradualisht në të gjithë vendin, pa një afat të përcaktuar për përfundimin. FSHU bën me dije se nëse pas afatit 7-ditor subjekti nuk kryen përditësimin, kontrata do të rikategorizohet automatikisht dhe do të faturohet sipas tarifës për bizneset./ N.Maho

The post Verifikimi i kontratave të energjisë, si do trajtohen profesionistët e lirë që punojnë nga shtëpia appeared first on Revista Monitor.

Familja mbretërore e Norvegjisë po përballet me një nga javët më të vështira të viteve të fundit, pas dy çështjeve që kanë vendosur në qendër të debatit publik Princeshën e Kurorës Mette-Marit. Së pari, djali i saj 29-vjeçar, Marius Borg Høiby, është paraqitur në një gjykatë në Oslo, ku ka mohuar katër akuza për përdhunim. […]

The post Familja mbretërore norvegjeze e përfshirë në skandalin Epstein appeared first on BoldNews.al.

KOPENHAGE, 8 shkurt /ATSH/ – Fëmijët kalojnë orë të tëra të lidhur me telefonat e tyre celularë dhe rrezikojnë të bëhen të varur nga kjo teknologji, shkruan corriere.it.

Ka gjithnjë e më pak hapësirë ​​në jetët e tyre për lojëra në natyrë, dhe tastiera e telefonit inteligjent duket se është bërë forma e vetme e argëtimit.

Si mund ta përmbysim këtë trend?

Sipas Jessica Alexander, psikologe, eksperte arsimore, ku sipas saj “metoda daneze për rritjen e fëmijëve të lumtur mbetet metoda më e mirë për ti larguar ata nga kjo vatësi”.

Metoda daneze për t’i shkëputur fëmijët nga smartfoni quhet shpesh “kutia e telefonave” dhe bazohet te rregullat e përbashkëta + shembulli i prindërve.

Është shumë e thjeshtë dhe funksionon sepse bëhet normë familjare, jo ndëshkim.

Si funksionon metoda daneze

Në shtëpi vendoset një kuti ose vend i përbashkët. Në orare të caktuara të gjithë (edhe prindërit) i lënë telefonat aty zakonisht: gjatë vakteve, pas shkollës për 1–2 orë dhe në mbrëmje pas një ore të caktuar

Rregulli kryesor: Prindërit japin shembullin

Nëse telefoni ndalohet për fëmijën, ndalohet edhe për të rriturit.

Çfarë bëjnë fëmijët në vend të telefonit

• lojëra tavoline
• sport ose shëtitje
• lexim
• biseda familjare
• aktivitete kreative (vizatim, ndërtim, muzikë)
• Pse funksionon në Danimarkë
• Nuk përdoret ndalim i ashpër
• Fëmija ndihet pjesë e vendimit
• Nuk krijon stres apo rebelim
• Forcon lidhjen familjare    /os/

The post FOKUS – Metoda daneze që ndihmon fëmijët të shkëputen nga telefonat celularë appeared first on Agjencia Telegrafike Shqiptare.

KALIFORNI, 8 shkurt /ATSH/ – Kur sateliti rus që mund të lëshojë satelitë të tjerë në orbitë manovroi në afërsi të një sateliti amerikan qershorin e vitit të kaluar, ishte lëvizja e fundit e një loje të rrezikshme sikur “e maces me miun” në hapësirë.

Cosmos 2558 është parë duke e ndjekur satelit USA 326 që kur sateliti rus u lansua në hapësirë më 2022. Por, tani ai doli me një befasi, duke lëshuar një modul më të vogël që nisi të lëvizte edhe më afër satelitit amerikan.

“Kjo është hera e dytë që kemi parë një veprim të tillë nga pala ruse”, tha DeAnna Burt, e cila në kohën e incidentit ishte drejtoreshë për operacione në Forcën Hapësinore të Shteteve të Bashkuara.

“Keni një satelit që ka brenda tij një satelit tjetër, për të cilin ne besojmë se është një mjet KK apo Kinetic Kill, i cili do të mund të lëvizë dhe të takohet me një satelit tjetër dhe potencialisht mund ta dëmtojë atë ose ta fotografojë apo të kryejë veprime të ndryshme”, shtoi ajo.

Burt doli në pension në tetor të vitit 2025 dhe foli për Radion Evropa e Lirë gjatë një vizite në Pragë, të organizuar nga Instituti Aspen. Në një intervistë më 30 janar, ajo diskutoi për kërcënimet ndaj satelitëve nga Rusia, Kina, Irani dhe Koreja e Veriut, si dhe për një konflikt ‘në hije’ që tashmë po zhvillohet që nga fillimi i pushtimit në shkallë të plotë të Ukrainës, që Rusia nisi më 2022.

Takimet e rrezikshme në hapësirë

“Kemi parë atë që ne do ta quanim operacione afrimi dhe takimi, që do të thotë… fluturim rreth e rrotull dhe vëzhgim i satelitit tjetër”, tha Burt, kur u pyet për incidentin e qershorit të vitit të kaluar.

Shqetësimi, shtoi ajo, ishte nëse “do të lëshonin një mjet shkatërrues” apo nëse bëhej fjalë “thjesht për mbikëqyrje dhe zbulim”. Rezultoi se ishte kjo e fundit. Megjithatë, situata mbeti alarmante, jo vetëm për shkak të rrezikut të përplasjes.

“Ajo që po shihni në këtë zhvillim, të gjitha këto janë teste që ndërtojnë gradualisht një kapacitet… hipotetikisht, nëse do të synoja të zhvilloja një aftësi në hapësirë, fillimisht do të doja që të sigurohesha se mund t’i identifikojë objektivat, përpara se të mund t’i godasë”.

Kjo nuk hera e parë që Burt paralajmëron për kërcënime të tilla ruse.

Incidenti i mëparshëm u përmend shkurtimisht nga shefi i atëhershëm i operacioneve hapësinore të Forcës Hapësinore të SHBA-së, gjenerali John Raymond, në një deklaratë për revistën Time në vitin 2020.

“Mënyra se si e imagjinoj unë këtë në mendjen time është si kukullat ruse matryoshka”, tha ai. “Sateliti i dytë doli nga sateliti i parë”.

Në vitin 2024, pasardhësi i Raymondit, gjenerali Chance Saltzman, paralajmëroi për një “Ditë Zero” nëse Rusia do të vendoste një armë bërthamore në hapësirë, e aftë të shkatërrojë kapacitetet e satelitëve.

Po atë vit, një pretendim i Pentagonit se Rusia “me gjasë” kishte vendosur një armë antisatelitore në hapësirë u hodh poshtë nga Kremlini.

Më 21 janar, ndërkaq, një raport i Këshillit të Atlantikut tha se SHBA-ja është “në mënyrë të papranueshme e cenueshme” ndaj kërcënimeve të tilla dhe bëri thirrje që vendi të kalojë drejt “arkitekturave satelitore më të qëndrueshme”.

Burt tha se ky është tashmë është një prioritet kryesor për SHBA-në: “Të kesh aftësinë të përballosh një goditje dhe të jesh në gjendje të rikuperohesh… me satelitë në depo që janë gati për t’u lëshuar”.

Një stërvitje e kryer më 2023, me emrin e koduar Victus Know, vendosi një rekord të ri për lëshimin e një sateliti “nga depoja në kapacitet operacional në orbitë brenda një jave”, sipas një njoftimi të Forcës Hapësinore. Por, për Burtin, kjo nuk mjafton.

“Si ta bëni këtë në një shkallë të gjerë? Ne e kemi bërë këtë në mënyrë të izoluar, vetëm një herë. Si të arrijmë ta bëjmë këtë në përmasa të mëdha, në mënyrë që të ndërtojmë qëndrueshmëri”, tha ajo.

Por, ky është skenari më i keq, që Burt e kishte përshkruar dikur në një ligjëratë si “një [v.j. sulmi i befasishëm që Japonia kreu ndaj SHBA-së në Havaji më 1941] Pearl Harbor në hapësirë”. Çdo sulm i tillë në shkallë të gjerë do të ishte gjithashtu një vetëdëmtim, pasi do të shkaktonte dëme pa dallim, duke shkatërruar ose duke i bërë të paaftë satelitët që u përkasin Rusisë, Kinës apo shteteve të tjera.

Bllokimi i sinjaleve, laserët dhe krahët robotikë

Ka edhe shumë mënyra të tjera, më të sofistikuara, për t’i nxjerrë satelitët jashtë funksionit sesa vetëm t’i shkatërrosh në stilin e Star Wars.

“Kemi parë në Ukrainë që një nga sulmet e para ishte një sulm kibernetik ndaj një rrjeti komunikimi satelitor… Dhe, kemi vazhduar të shohim bllokim të GPS‑së dhe ndërhyrje në komunikimet satelitore gjatë gjithë këtij konflikti”, theksoi Burt.

Këto janë sulme direkte ruse ndaj kapaciteteve satelitore të SHBA-së.

“Këto sulme kanë pasur efekt shumë të lokalizuar, jokinetik, që nënkupton se bëhet fjalë për ndërhyrje në sinjale, duke e nxjerrë një satelit jashtë funksionit për një periudhë kohore dhe më pas ai rikthehet në funksion sapo të dalë nga zona ku ka ndërhyrje në sinjale. Pra, është shumë e qartë se synimi është të ketë një efekt rajonal dhe të bëhet vetëm për shfaqje, jo efekt global. Kjo është diçka që e shohim mjaft shpesh”, tha Burt.

“Armiqtë tanë e kuptojnë rëndësinë e hapësirës, dominimin gjithmonë më të madh, siç e quajmë ne ‘semper supra’”, shtoi ajo.

Implikimet në Tokë

Siguria e satelitëve ka implikime për jetën në Tokë. Nga satelitët varen shumë gjëra duke nisur GPS-i civil dhe parashikimet e motit e deri te bankat dhe komunikimet.

Implikimet ushtarake në rast të pengesave në aktivitetin e satelitëve mund të jenë nga pamundësia e ushtarëve për të komunikuar, mungesa e imazheve satelitore dhe informacioneve të tjera të inteligjencës, e deri te sistemet e mbrojtjes antiraketore që mbeten krejtësisht të paaftë për të reaguar ndaj sulmeve.

“Të gjithë janë të cenueshëm” nga kjo, paralajmëroi Burt.

“Nuk them domosdoshmërish se është Thembra jonë e Akilit. Por, mendoj se të gjithë varen nga kjo. Dhe po, do ta bënte luftimin më të vështirë. Por, gjithashtu do të thosha se luftëtarët tanë do të vazhdonin të luftonin, dhe pjesa tjetër e forcave do të vazhdonte gjithashtu luftën… Por, padyshim do ta bënte më të vështirë, dhe mendoj se do të humbnim më shumë jetë njerëzish nëse hapësira nuk do të ishte e qasshme për luftën e përbashkët”, theksoi aI shkruan REL.   /os/

The post FOKUS – SHBA paralajmëron për kërcënime ruse dhe kineze në hapësirë appeared first on Agjencia Telegrafike Shqiptare.

Ngadalësimi i papritur i kompjuterit, dritaret që shfaqen pa arsye, ndryshimet në shfletues apo çaktivizimi i antivirusit mund të jenë shenja se pajisja juaj është infektuar me programe të dëmshme.

Ekspertët paralajmërojnë se edhe ndezja e papritur e kamerës apo njoftimet për ndryshim fjalëkalimesh pa dijeninë tuaj tregojnë rrezik për sigurinë.

Në raste të tilla rekomandohet kontrolli i proceseve aktive, skanim i plotë me antivirus, fshirja e aplikacioneve të dyshimta dhe ndryshimi i menjëhershëm i fjalëkalimeve për të mbrojtur të dhënat dhe privatësinë.

Sinjali – aty ku e vërteta flet para lajmit!

/GazetaSinjali/

The post Shenja që tregojnë se kompjuteri juaj mund të jetë duke u spiunuar appeared first on Sinjali.

JERUZALEM, 8 shkurt /ATSH/ – Një ekip ndërkombëtar hulumtuesish, i udhëhequr nga inxhinieri izraelit Shady Farah dhe duke bashkëpunuar me universitete kryesore amerikane, ka prezantuar një pajisje revolucionare që një ditë mund të heqë nevojën për injeksione të përditshme të insulinës tek personat me diabet, sipas ynetglobal.

Studimi, i publikuar në revistën “Science Translational Medicine”, përshkruan një implant qelizor që funksionon si një “mushkëri artificiale” autonome.

Pajisja monitoron vazhdimisht nivelet e glukozës në gjak, prodhon insulinë brenda trupit dhe liron sasinë e saktë që trupi ka nevojë, pa pompa, injeksione ose ndërhyrje nga pacienti.

Një element kyç i zbulimit është teknologjia mbrojtëse e quajtur “mburoja kristaline”,  e dizajnuar për të parandaluar që sistemi imunitar i trupit të refuzojë implantin, një pengesë e madhe që ka vështirësuar terapitë qelizore për dekada.

Kjo mburojë lejon që implantet të funksionojnë besueshëm për vite të tëra.

Testimet tek minjtë treguan se implantet rregullojnë glukozën në mënyrë efektive dhe afatgjatë, ndërsa studimet tek primatët jonjerëzorë konfirmuan se qelizat brenda implantit mbeten të gjalla dhe funksionale.

Rezultatet ofrojnë mbështetje të fortë për testime klinike të ardhshme te njerëzit.

Ndërkohë që fokus fillestar është diabeti, ekipi thekson se platforma mund të adaptohet për të ofruar terapi të tjera biologjike në mënyrë të vazhdueshme, duke ofruar qasje të reja për trajtimin e sëmundjeve kronike si hemofilia dhe çrregullime të tjera metabolike ose gjenetike.

Nëse kjo teknologji praktikohet  me sukses në trajtim njerëzor, ekspertët thonë se ajo mund të transformojë menaxhimin e sëmundjeve kronike duke zëvendësuar regjimet e ilaçeve gjatë gjithë jetës me terapitë të vetërregulluara brenda trupit./  /Ad.Ab./ a.jor.

The post FOKUS – Një implant inovativ premton fundin e injektimeve të insulinës appeared first on Agjencia Telegrafike Shqiptare.

OpenAI përballet me një vit vendimtar në 2026. Nga një prej kompanive me rritjen më të shpejtë në histori, OpenAI gjendet sot në një pozicion të rrezikshëm, shkruan The Economist

Sam Altman është si një zhongler mbi një monocikël. Ndërtimi i chatbot-ëve të gjithëditur, të fuqizuar nga modele të avancuara të Inteligjencës Artificiale (IA), është një ambicie tepër modeste për drejtuesin e OpenAI.

Për të mbajtur publikun të magjepsur, ai ka hedhur gjithnjë e më shumë “topa” në ajër. Çipa të personalizuar? Patjetër. E-commerce? Pse jo. Konsulencë biznesi? Shumë e lehtë. Një pajisje për konsumatorët? Pa dyshim.

Në të njëjtën kohë, Altman duhet të mbajë një dorë të lirë për të zgjatur kapelën, për të siguruar fonde, sepse shfaqja bëhet çdo ditë e më e kushtueshme.

Shifrat tregojnë se OpenAI pret të shpenzojë 17 miliardë dollarë para në vitin 2026, nga 9 miliardë dollarë në 2025, dhe se humbjet do të vazhdojnë të grumbullohen edhe gjatë tre viteve pasuese (shih grafikun 1).

Deri tani ka mbledhur mbi 60 miliardë dollarë nga investitorët, më shumë se çdo kompani private ndonjëherë, pothuajse të gjitha që prej fundit të vitit 2022, kur ChatGPT pozicionoi laboratorin e mëparshëm pak të njohur të IA në qendër të vëmendjes (shih grafikun 2).

Oreksi i zotit Altman për para është ende larg ngopjes. Në vitin 2026, OpenAI “pothuajse me siguri” do të mbledhë një tjetër shumë të madhe kapitali, thotë një burim pranë kompanisë.

Thuhet se ajo po kërkon deri në 100 miliardë dollarë, me një vlerësim që mund të shkojë rreth 830 miliardë dollarë, nga 500 miliardë dollarë në raundin e fundit të financimit në tetor.

Amazon është në bisedime për të investuar deri në 10 miliardë dollarë në prodhuesin e modeleve, i cili tashmë është shkëputur nga një marrëdhënie ekskluzive me Microsoft, rivalin kryesor të Amazon në shërbimet cloud.

Nvidia ka deklaruar se edhe ajo mund të investojë deri në 100 miliardë dollarë në OpenAI, në këste nga 10 miliardë dollarë, për ta ndihmuar kompaninë të blejë produktet e prodhuesit të çipave. Edhe pse herë pas here është shprehur skeptik ndaj kësaj ideje, Altman përflitet se po shqyrton gjithashtu një ofertë publike aksionesh.

Financimet e paprecedenta të OpenAI kanë ushqyer një rritje po aq të jashtëzakonshme. Në vitin 2023, të ardhurat e saj kaluan 1 miliard dollarë. Në 2025 ato thuhet se arritën 13 miliardë dollarë, duke u rritur në një normë vjetore prej 20 miliardë dollarësh deri në fund të vitit. Google dhe Facebook iu deshën përkatësisht pesë dhe gjashtë vjet për të arritur të njëjtën gjë.

Problemi është se kërkesa e OpenAI për fuqi kompjuterike, deri tani kostoja e saj më e madhe, ka mbetur e lidhur ngushtë me të ardhurat. Nevojat për llogaritje u rritën nga 200 megavatë në 2023 në 1.9 gigavatë (GW) në 2025.

Kompania ka nënshkruar marrëveshje paraprake për të shtuar edhe 30 GW kapacitet në vitet e ardhshme, me kosto rreth 1.4 trilionë dollarë. Për momentin, investitorët janë të magjepsur nga numri i jashtëzakonshëm i manovrave të Altman. Megjithatë, herët a vonë, ai do të duhet të provojë se mund të nxjerrë fitim.

Altman vazhdon të argumentojë se ekonomia e OpenAI do të përmirësohet teksa kompania rritet dhe kostot fillestare të trajnimit të modeleve bëhen relativisht më të vogla.

Por kostot e trajnimit vazhdojnë të rriten, ndërsa OpenAI përballet me konkurrencë të fortë nga prodhues të tjerë modelesh.

Sipas treguesve të mbledhur nga Instituti Stanford për Inteligjencën Artificiale të Përqendruar te Njeriu, hendeku i performancës mes modeleve më të avancuara është ngushtuar ndjeshëm gjatë vitit të fundit.

Kohët e fundit, kërcënimi më i madh për OpenAI ka ardhur nga Google, modeli Gemini 3 i të cilit, i publikuar në nëntor, e tejkaloi GPT-5.1 të OpenAI në disa matje.

OpenAI u kundërpërgjigj me GPT-5.2, por kjo nuk ishte aspak një goditje përfundimtare. Ndërkohë, të ashtuquajturat modele të hapura, parametrat numerikë të të cilave (të njohur si “pesha”) janë lirisht të disponueshme, po e ngushtojnë gjithashtu diferencën e performancës me modelet e mbyllura.

OpenAI nuk mund ta përballojë të mbetet pas në ndërtimin e modeleve. Tashmë ka shenja se ChatGPT po humbet vrull. Sipas Sensor Tower, që monitoron trafikun në internet, ai kishte 910 milionë përdorues aktivë mujorë në mesin e dhjetorit, krahasuar me 345 milionë të Gemini. Por Gemini po fiton terren.

Një studim i fundit mbi vendet e mëdha europiane nga Deutsche Bank zbuloi se abonimet e konsumatorëve për chatbot-in e OpenAI u ngadalësuan dhe pothuajse ndaluan gjatë verës dhe që prej atëherë janë rritur me vështirësi.

Duke e njohur sfidën, Altman shpalli një “code red” të përkohshëm në fillim të dhjetorit, duke u thënë stafit të pezullojë nisma të tjera dhe të përqendrohet në përmirësimin e ChatGPT.

Edhe më shqetësuese janë raportimet se OpenAI po humbet para thjesht duke operuar modelet e saj, të cilat shumë konsumatorë i përdorin përmes versionit falas të ChatGPT.

Në nëntor, Ed Zitron, i njohur për skepticizmin e tij ndaj IA, publikoi shifra nga Microsoft që tregonin se kostot e ashtuquajtura të inferencës së OpenAI tejkalonin të ardhurat e saj në gjysmën e parë të 2025.

Për të ulur humbjet, kompania mund të rrisë çmimet ose të kufizojë aksesin, por kjo do të rrezikonte të ngadalësonte rritjen, veçanërisht në një kohë kur konkurrentët po i qëndrojnë pranë.

Ekuilibër i brishtë

E gjithë kjo ndihmon të shpjegohet fokusi gjithnjë e më i gjerë i OpenAI. Një pjesë e strategjisë është të zhvillojë rrugë të reja për të monetizuar teknologjinë e saj.

Edhe pse Altman thuhet se pezulloi punën për integrimin e reklamave në ChatGPT si pjesë e “code red”, burime të brendshme thonë se kompania ende planifikon ta bëjë këtë në vitin 2026.

Tashmë OpenAI u lejon kompanive si Etsy, një platformë shitje online, dhe Walmart, gjiganti i shitjes me pakicë, të shesin produktet e tyre në SHBA përmes chatbot-it të saj, kundrejt një tarife.

OpenAI shpreson gjithashtu të zgjerojë të ardhurat nga klientët e korporatave, të cilët priren të jenë më besnikë. Aty, konkurrenti kryesor është Anthropic, një prodhues rival modelesh, chatbot-i Claude i të cilit është bërë veçanërisht i popullarizuar mes programuesve.

Për të kapur hapin, OpenAI ka ndërtuar një divizion konsulence që ndihmon kompanitë e mëdha të përdorë teknologjinë e saj dhe ka zhvilluar mjete për ndërmarrjet, si AgentKit, të cilat klientët mund t’i përdorin për të automatizuar punën.

Edhe pse konsumatorët vazhdojnë të përbëjnë pjesën më të madhe të të ardhurave të OpenAI, pesha e biznesit në total është në rritje.

Strategjia e OpenAI duket se përfshin gjithashtu integrim vertikal, duke marrë frymëzim nga Google. Çipat e personalizuar të gjigantit të kërkimit, të cilët ai filloi t’i zhvillonte më shumë se një dekadë më parë, janë bërë një avantazh i madh në garën e IA, duke i kushtuar atij nga gjysma deri në një të dhjetën e çmimit të një çipi ekuivalent të Nvidia.

Katër miliardë përdoruesit e pajisjeve Android në mbarë botën ofrojnë gjithashtu një kanal të jashtëzakonshëm shpërndarjeje për produktet e IA të Google.

Gjatë vitit të kaluar, OpenAI ka nënshkruar një marrëveshje me Broadcom, një projektues çipash, për të zhvilluar elementin e saj të personalizuar, dhe ka punësuar Sir Jony Ive, dizajnerin pas iPhone të Apple, për të imagjinuar një pajisje për konsumatorët.

Ndryshimi është se OpenAI nuk ka grushtet e parave që i siguron motori i kërkimit Google. Tashmë disa investitorë po bëhen të kujdesshëm. Drejtuesi i një firme kapitali sipërmarrës vëren se humbjet e OpenAI janë po aq të mëdha sa deficitet e shumë qeverive kombëtare. Ai ankohet se, në diskutimet për financim, “nuk të lejohet as të pyesësh” për sasinë e parave që po shpenzohen.

Kur u pyet në një intervistë të fundit podcast nga Brad Gerstner, një nga investitorët më besnikë të OpenAI, se si do t’i financojë kompania angazhimet e saj të mëdha të shpenzimeve, të barasvlershme me rreth 100 herë të ardhurat e saj në vitin 2025, Altman u përgjigj shkurt: “Nëse do t’i shesësh aksionet, unë do të gjej një blerës.”

Kritikët e OpenAI e denoncojnë atë që e shohin si mendjemadhësinë e Altman. “Kjo është historia e WeWork, por në një shkallë shumë më të madhe”, thotë një tjetër drejtues i kapitalit sipërmarrës që mbështet një nga rivalët e saj, duke iu referuar biznesit dikur shumë premtues të marrjes së zyrave me qira që u shemb në mënyrë spektakolare nën peshën e borxheve të mëdha dhe projeksioneve jorealiste të rritjes.

Nëse shitjet për ndërmarrjet zhgënjejnë dhe OpenAI nuk arrin ta monetizojë ChatGPT në mënyra të tjera, kompania mund të shpërbëhet shpejt. Për momentin, megjithatë, Altman ka ende shumë besimtarë.

“Po të më thoshe pesë vjet më parë se Sam do t’i realizonte këto marrëveshje, nuk do ta kisha besuar kurrë. Ai është më i zoti sesa e menduam fillimisht”, thotë një nga investitorët e tij. Viti që vjen do të provojë nëse drejtuesi i OpenAI është më shumë sesa thjesht një showman.

The post Shfaqja më e madhe në Tokë appeared first on Revista Monitor.

Komisioni Evropian njoftoi sot se ka gjetje paraprake që tregojnë se TikTok është në shkelje të Aktit të Shërbimeve Dixhitale (DSA) për shkak të “dizajnit të tij që shkakton varësi” dhe se platforma duhet t’i ndryshojë këto karakteristika ose të përballet me një gjobë deri në gjashtë përqind të xhiros së saj vjetore globale. Komisioni […]

The post Komisioni Evropian: Dizajni i TikTok është problematik, duhet të ndryshojë appeared first on BoldNews.al.

Nëse kompjuteri juaj – qoftë me Windows apo Mac – fillon të sillet në mënyrë të pazakontë, kjo mund të jetë shenjë se ndoshta dikush po tenton ta spiunojë apo ka vendosur program të dëmshëm në të.

Ekspertët thonë se ndryshimet e papritura në funksionim nuk janë gjithmonë vetëm probleme teknike – ato mund të tregojnë një kërcënim real për sigurinë tuaj.

Sinjalet që duhet t’i vini re:

Ngadalësim i papritur dhe bllokime – Programet apo sistemi që punojnë jashtë normale, apo ventilatori që rreh pa arsye, mund të jenë shenjë se një malware po përdor burimet e kompjuterit;

Përmbytje me dritare që shfaqen papritur – Nëse shfaqen reklama apo aplikacione që nuk i njihni, mos i klikoni ato dhe hiqni çdo shtesë të dyshimtë nga shfletuesi;

Antivirus i çaktivizuar pa arsye – Disa viruse të avancuar mund të çaktivizojnë mbrojtjen tuaj; nëse nuk mund ta ndizni sërish sigurimin në kohë reale, provoni startimin në mënyrë të sigurt (Safe Mode) dhe bëni një skanim të plotë;

Ndryshime në shfletues – Nëse shtëpia e shfletuesit, motori i kërkimit apo faqet e hapura ndërruan pa lejen tuaj, rivendosini ato dhe hiqni çdo shtesë të panjohur;

Kamera që ndizet pa arsye – Nëse drita e kamerës ndizet edhe kur nuk jeni në një video thirrje, kontrolloni aplikacionet që kanë qajse te kamera dhe fshini ato të panevojshme.

Njoftime për ndryshim fjalëkalimesh që nuk i keni kërkuar – Kjo mund të tregojë se dikush po përpiqet të hyjë në llogaritë tuaja – menjëherë ndryshoni fjalëkalimet dhe aktivizoni mbrojtje shtesë.

Çfarë duhet të bëni menjëherë

Hidhni një sy Task Manager (Windows) apo Activity Monitor (Mac) për të kontrolluar proceset që përdorin më shumë burime;

Bëni një skanim të plotë me antivirus të besueshëm;

Hiqni çdo aplikacion ose shtesë shfletuesi që nuk e njihni;

Rivendosni çdo cilësim të ndryshuar dhe ndryshoni fjalëkalimet për llogaritë tuaja të rëndësishme.

Nëse vëreni disa nga këto shenja në të njëjtën kohë, ekspertët rekomandojnë që të veproni sa më shpejt të jetë e mundur, sepse sa më herët të zbulohen këto kërcënime, aq më shumë rritet shansi për të mbrojtur të dhënat dhe privatësinë tuaj. /et

Shumë përdorues të inteligjencës artificiale, si ChatGPT dhe Gemini, ankohen se përgjigjet që marrin shpesh janë të gjata dhe me shpjegime të panevojshme.

Arsyeja është se këto sisteme janë krijuar për të qenë gjithëpërfshirëse, duke shtuar kontekst dhe detaje që përdoruesi mund të mos i ketë kërkuar.

Ekspertët tregojnë se zgjidhja më e thjeshtë është të jepen udhëzime shumë të qarta: kërkesa për përgjigje të shkurtra, pa shpjegime shtesë ose paragrafë të tepërt.

Po ashtu, vendosja e kufizimeve për numrin e fjalive ose formatin e përgjigjes ndihmon që përgjigjet të jenë më të drejtpërdrejta dhe të kuptueshme.

Ky “trik” i vogël e bën përdorimin e këtyre mjeteve më efikas dhe kursen kohë, veçanërisht për ata që kërkojnë informacion të shpejtë dhe të qartë. /et

KIEV, 7 shkurt /ATSH-DPA/ – Rusia ka nisur një sulm të ri masiv ndaj sistemit energjetik të Ukrainës, duke goditur rrjetin elektrik, termocentralet dhe nënstacionet, tha sot presidenti ukrainas Volodymyr Zelensky.

“Sulmi i natës së kaluar përfshinte më shumë se 400 dronë dhe rreth 40 raketa të llojeve të ndryshme”, shkroi Zelensky në X.

Dëme u raportuan në rajonet perëndimore të Ukrainës, Volyn, Ivano-Frankivsk, Lviv dhe Rivne.

“Çdo ditë, Rusia mund të zgjidhte diplomacinë e vërtetë, por ajo zgjedh sulme të reja”, tha presidenti, duke i bërë thirrje mbështetësve të procesit aktual të negociatave të ndërmjetësuara nga SHBA-ja që të reagojnë ndaj sulmeve të fundit.

Zelensky theksoi se Moskës duhet t’i mohohet mundësia për të ushtruar presion mbi Ukrainën përmes motit të ftohtë, dhe shtoi se Ukraina ka nevojë për raketa për sistemet e mbrojtjes ajrore për të arritur këtë qëllim.

Në Poloni, vend fqinj, avionë luftarakë u ngritën në ajër përgjatë natës si përgjigje ndaj sulmeve.

Sipas komandës operative të ushtrisë së shtetit anëtar të NATO-s, u mobilizuan forca dhe resurset e nevojshme.

Sistemet tokësore të mbrojtjes ajrore dhe radarët u vunë në gatishmëri.

Aeroportet në Rzeszow dhe Lublin, në lindje të vendit, detyruan të ndërprisnin përkohësisht trafikun ajror.

Kompania shtetërore e energjisë, ”Ukrenergo”, njoftoi se në shumicën e rajoneve të Ukrainës janë vendosur ndërprerje emergjente për shkak të dëmeve.

Këtë dimër, më i ftohti për Ukrainën prej disa vitesh, Rusia po synon gjithnjë e më shumë sistemin energjetik të fqinjit të saj, i cili tashmë është dëmtuar pas pothuajse katër vjetësh lufte./   /Ad.Ab./ a.jor.

The post UKRAINË – Sulmet ruse shkaktojnë ndërprerje të mëdha energjie appeared first on Agjencia Telegrafike Shqiptare.

TIRANË, 7 shkurt /ATSh/ Projektligji i ri “Për parandalimin dhe mbrojtjen nga dhuna ndaj grave dhe dhuna në familje” synon të modernizojë kuadrin ligjor dhe të adresojë format e reja të dhunës me bazë gjinore, duke kaluar nga një qasje e kufizuar te dhuna brenda familjes, drejt një sistemi gjithëpërfshirës parandalimi, mbrojtjeje dhe ndërhyrjeje.

Etleva Sheshi, drejtoreshë për Barazinë Gjinore pranë Ministrisë së Shëndetësisë dhe Mirëqenies Sociale, shprehet në një intervistë për ATSh-në se “ligji aktual i vitit 2006 vlerësohet si një hap i rëndësishëm që krijoi mekanizma bazë, si urdhrat e mbrojtjes dhe ndërhyrjen e shtetit, por zhvillimet e dy dekadave të fundit kanë nxjerrë në pah nevojën për një kuadër të ri më të gjerë dhe më efektiv”.

“Ligji “Për parandalimin dhe mbrojtjen nga dhuna ndaj grave dhe dhuna në familje” lidhet direkt me Strategjinë Kombëtare për Barazinë Gjinore 2021-2030, Programin e Qeverisë 2025-2030 si dhe me zbatimin e rekomandimeve që Komitetet e ekspertëve të Konventave CEDAW dhe Konventës së Stambollit kanë dhënë për shtetin shqiptar. Ligji i ri shënon një ndryshim thelbësor në trajtimin e dhunës ndaj grave dhe dhunës në familje, duke kaluar nga një qasje e kufizuar te dhuna brenda familjes, në një kuadër gjithëpërfshirës për parandalimin, mbrojtjen dhe eliminimin e të gjitha formave të dhunës me bazë gjinore, në sferën private, publike dhe në mjedisin digjital”, tha Sheshi.

Sipas Sheshit, për herë të parë, dhuna ndaj grave njihet si shkelje e të drejtave të njeriut dhe formë diskriminimi, e lidhur me pabarazitë strukturore gjinore.

“Ligji vendos në qendër mbrojtjen e menjëhershme të viktimës, me fokus të veçantë te gratë, vajzat, fëmijët, të moshuarit dhe personat me aftësi të kufizuara. Ky kuadër i ri ligjor synon jo vetëm reagimin ndaj dhunës, por parandalimin e saj dhe ndërtimin e një sistemi të integruar mbrojtjeje, në përputhje me standardet ndërkombëtare dhe realitetin bashkëkohor”, vijoi ajo.

Ligji vendos në qendër mbrojtjen e menjëhershme të viktimës dhe parashikon risi procedurale që e bëjnë mbrojtjen më të aksesueshme. Ndër to, Sheshi shprehet se dallon krijimi i urdhrit paraprak të Policisë, i cili mundëson masa të menjëhershme, si largimin e autorit nga banesa, ndalimin e kontaktit, strehimin emergjent dhe sekuestrim të armëve. Gjithashtu, vendoset një proces i vazhdueshëm vlerësimi të rrezikut, që udhëheq vendimmarrjen e gjykatave dhe përditësimin e masave mbrojtëse.

“Një risi thelbësore është institucionalizimi i një procesi të strukturuar të vlerësimit të rrezikut dhe indikatorëve të rrezikut të lartë, të cilët përdoren për të orientuar vendimmarrjen e gjykatës (p.sh. përsëritja, përdorimi i armëve, kontrolli ekstrem, përndjekja, abuzimi me autoritetin, rreziqet për fëmijët, varësia ekonomike, shtatzënia, aftësia e kufizuar). Ky vlerësim nuk është formal, ai rishikohet në vijimësi dhe shërben për përditësimin e masave mbrojtëse”, theksoi Sheshi.

Drejtoresha për Barazinë Gjinore pranë MShMS-së, nënvizon se ligji rikoncepton qasjen në drejtësi duke krijuar një sistem më të shpejtë dhe më efektiv të urdhrave të mbrojtjes.

“Për herë të parë, masat mbrojtëse nuk kufizohen vetëm te dhuna në familje, por zbatohen edhe për dhunën e lehtësuar nga teknologjia, dhunën ndaj grave në politikë dhe proceset zgjedhore, si dhe dhunën dhe ngacmimin seksual”, cilëson ajo.

Sipas Sheshit, ligji përcakton se autoriteti kryesor përgjegjës për zbatimin e ligjit është Ministria e Shëndetësisë dhe Mirëqenies Sociale.

“Autoriteti kryesor përgjegjës ushtron rol drejtues, koordinues dhe monitorues në bashkërendim me autoritetet përgjegjëse të linjës: Të gjitha ministritë dhe institucionet e tjetra të administratës publike në nivel qendror sipas kompetencave dhe fushës së përgjegjësisë dhe institucionet e tyre të varësisë; njësitë e vetëqeverisjes vendore, si dhe subjekte me rëndësi në zbatimin e këtij ligji janë Komisioneri për Mbrojtjen nga Diskriminimi, Avokati i Popullit, organizatat jofitimprurëse të cilat ushtrojnë veprimtari në fushën e luftës ndaj dhunës ndaj grave dhe dhunës në familje; profesionet e lira dhe urdhrat e psikologut dhe të punojësit social, media dhe subjektet private sipas detyrave të përcaktuara për zbatimin e këtij ligji”, tha Sheshi.

Ndër sfidat e zbatimit të këtij ligji, Sheshi konsideron parandalimin dhe luftën ndaj formave të dhunës së lehtësuar nga teknologjia.

“Kjo jo vetëm se për herë të parë përfshihet si formë e re dhune, por gjithashtu kërkon ngritje dhe forcim të mekanizmave të specializuar për ta ndjekur, por edhe përgjigje sa më të shpejtë ndaj saj për vetë faktin se pasojat që kjo lloj dhune lë, janë më afatgjata”, pohoi ajo.

Në perspektivë afatgjatë, projektligji synon të forcojë sigurinë, dinjitetin dhe rolin e grave në shoqërinë shqiptare, duke vendosur themele të forta për një shoqëri ku dhuna nuk tolerohet dhe mbrojtja e viktimave garantohet përmes mekanizmave konkretë ligjorë dhe institucionalë.

/e.i/r.e/

The post Sheshi për ATSH: Ligji i ri, mbrojtje ndaj të gjitha formave të dhunës gjinore, sistem më efektiv i urdhrave të mbrojtjes appeared first on Agjencia Telegrafike Shqiptare.

OSLO, 6 shkurt /ATSH-AA/ – Princesha e Kurorës e Norvegjisë, Mette-Marit, ka kërkuar falje për “miqësinë” e saj të mëparshme me shkelësin seksual të dënuar Jeffrey Epstein, pasi dosjet e çështjes të publikuara së fundmi zbuluan kontakte të shumta mes tyre.

“Dëshiroj të ofroj një falje të thellë për miqësinë time me Jeffrey Epstein. Është e rëndësishme për mua t’u kërkoj falje të gjithëve juve që ju kam zhgënjyer”, tha ajo në një deklaratë me shkrim të lëshuar nga Shtëpia Mbretërore.

“Disa nga përmbajtjet e mesazheve mes Epsteinit dhe meje nuk përfaqësojnë personin që dua të jem”, shtoi princesha e kurorës.

Shtëpia Mbretërore tha se Mette-Marit “dënon fuqishëm” abuzimet dhe veprimet kriminale të Epsteinit dhe shprehet “thellësisht e penduar” që nuk e kuptoi më herët se çfarë lloj personi ishte ai.

“Ajo gjithashtu dëshiron të flasë për atë që ndodhi dhe të shpjegohet më plotësisht. Ajo nuk është në gjendje ta bëjë këtë në këtë moment”, thuhet më tej.

“Princesha e Kurorës ndodhet në një situatë shumë të vështirë. Ajo shpreson për mirëkuptim se i duhet kohë për t’u mbledhur dhe reflektuar”, shtoi deklarata.

Të martën, transmetuesi publik norvegjez NRK raportoi se email-et e publikuara tregojnë se princesha e kurorës ishte ftuar të paktën dy herë për të vizituar ishullin privat të Epsteinit, megjithëse nuk ka prova që konfirmojnë se ajo ka qëndruar ndonjëherë atje.

Email-et treguan gjithashtu se Mette-Marit kishte vizituar vilën e Epsteinit në Florida dhe se të dy kishin shkëmbyer ftesa për vakte, duke sugjeruar kontakte të përsëritura.

Së fundmi, Departamenti Amerikan i Drejtësisë publikoi më shumë se 3 milionë faqe, 2 mijë video dhe 180 mijë imazhe të lidhura me Epsteinin, në kuadër të Aktit për Transparencën e Dosjeve Epstein, të nënshkruar në ligj nga presidenti amerikan, Donald Trump në nëntor.

Materialet përfshijnë fotografi, transkripte të jurisë së madhe dhe dosje hetimore, megjithëse shumë faqe mbeten të redaktuara rëndë.   /os/

The post OSLO – Princesha e Kurorës e Norvegjisë kërkon falje për “miqësinë” me Epsteinin appeared first on Agjencia Telegrafike Shqiptare.

Google po përgatitet të rikthejë një funksion të rëndësishëm në aplikacionin Google Messages, i cili ishte hequr më herët dhe kishte shkaktuar pakënaqësi te disa përdorues.

Bëhet fjalë për opsionin “Edit History” (Historiku i Ndryshimeve), që lejon shikimin e versioneve të mëparshme të një mesazhi të redaktuar. Ky funksion ishte veçanërisht i dobishëm për transparencën në komunikim, por u hoq në një nga përditësimet e fundit të aplikacionit.

Sipas informacionit të zbuluar përmes analizës së kodit të versionit më të ri të aplikacionit, Google ka nisur punën për ta rikthyer këtë opsion.

Me përditësimin e ardhshëm, përdoruesit do të mund të shohin të gjitha ndryshimet e bëra në një mesazh përmes seksionit “Info”, ku do të paraqitet teksti origjinal, redaktimet pasuese dhe koha kur janë kryer ato.

Ky hap pritet të rrisë besueshmërinë dhe qartësinë në komunikimin përmes mesazheve RCS, duke parandaluar ndryshimet pa gjurmë të përmbajtjes origjinale.

Funksioni ndodhet aktualisht në fazë testimi dhe pritet fillimisht të jetë i disponueshëm për përdoruesit e versionit beta, ndërsa më pas edhe për publikun e gjerë.

Sinjali – aty ku e vërteta flet para lajmit!

/GazetaSinjali/

The post Google sjell përsëri funksionin e rëndësishëm në Messages appeared first on Sinjali.

Shitjet globale të gjysmëpërçuesve pritet të arrijnë në 1 trilion dollarë këtë vit, tha të premten Shoqata e Industrisë së Gjysmëpërçuesve (Semiconductor Industry Association).

Shoqata, e cila përfaqëson pjesën më të madhe të kompanive amerikane prodhuese të chip-ave, deklaroi se shitjet e gjysmëpërçuesve arritën 791.7 miliardë dollarë në vitin 2025, me rritje 25.6% krahasuar me një vit më parë.

Kjo rritje e shpejtë pritet të vazhdojë edhe këtë vit, ndërkohë që kompanitë e mëdha të teknologjisë në të gjithë botën po shpenzojnë qindra miliarda dollarë për të ndërtuar qendra të dhënash për Inteligjencën Artificiale.

Segmenti i gjysmëpërçuesve që regjistroi rritjen më të madhe është ai i chip-ave të avancuar për kompjuterë të prodhuar nga Nvidia, Advanced Micro Devices dhe Intel. Shitjet e këtyre produkteve u rritën me 39.9%, duke arritur një total prej 301.9 miliardë dollarësh në vitin 2025.

Kategoria e dytë më e rëndësishme është ajo e chip-ave të memories, çmimet e të cilëve po rriten për shkak të mungesës së shkaktuar nga Inteligjenca Artificiale. Shitjet e chip-ave të memories u rritën me 34.8%, duke arritur 223.1 miliardë dollarë.

Por bumi i Inteligjencës Artificiale është zgjeruar në thuajse të gjithë sektorët e industrisë së gjysmëpërçuesve.

John Neuffer, president dhe drejtues ekzekutiv i grupit industrial me seli në Uashington DC, tha se drejtuesit në një sërë firmash më të vogla shprehën optimizëm për vitin 2026 kur ai vizitoi së fundmi Silicon Valley.

“Refreni që dëgjova ishte: Askush nuk e di se çfarë do të ndodhë me zhvillimin e IA brenda një viti, por porositë e mia janë tërësisht të përmbushura”, – tha Neuffer për Reuters. “Të paktën për vitin e ardhshëm, jemi në një trajektore mjaft të fortë”.

/ Reuters

The post Shitjet globale të chip-ave pritet të arrijnë 1 trilion dollarë këtë vit appeared first on Revista Monitor.

Më 14 janar, Ministria e Shtetit për Administratën Publike dhe Antikorrupsionin, në bashkëpropozim me Ministrinë e Turizmit, Kulturës dhe Sportit, ka hapur procesin e konsultimit publik për projektligjin “Për donacionet dhe sponsorizimet”. Sipas detyrimeve që parashikon ky projektligj, për herë të parë pritet që Shqipëria të ketë një Regjistër Elektronik Kombëtar për Donacionet dhe Sponsorizimet, […]

The post Projektligji për donacionet dhe sponsorizimet ‘rrezikon’ privatësinë e dhuruesve për OJF-të appeared first on Reporter.al.

Një programer i njohur, Neal Wu, ka punuar moti në heshtje për Thinking Machines Lab, startup-in e Inteligjencës Artificiale të themeluar nga ish-drejtoresha kryesore e teknologjisë së OpenAI, Mira Murati.

Wu është fitues tre herë i medaljes së artë në një Olimpiadë Ndërkombëtare të Programimit dhe një nga anëtarët themelues të startup-it të kodimit Al Cognition, i cili vlerësohet në 10 miliardë dollarë. Ai është gjithashtu vëllai i madh i Scott Wu, CEO dhe bashkëthemelues i Cognition, shkruan Business Insider.

Ky veprim tregon se Thinking Machines Lab, me një vlerë mbi 10 miliardë dollarë, vazhdon të tërheqë talente të shquara.

Nuk është e qartë cili është pozicioni i saktë i Neal Wu në startup, por profili i tij në LinkedIn tregon se ai ka punuar si bashkëthemelues dhe këshilltar për “diçka të re” që nga janari i vitit 2025, afërsisht në kohën kur u lansua startup-i i Muratit.

Ndërkohë, stafi i lartë i Thinking Machines Lab ka pësuar ndryshime gjatë muajve të fundit. Në janar, drejtori teknologjik, Barret Zoph, së bashku me dy anëtarë të tjerë themelues, u rikthyen papritur te OpenAI.

Raportohet se Thinking Machines Lab ka një staf të fortë, me punonjës që vijnë nga laboratorë të njohur të AI, si OpenAI dhe Meta.

Sinjali – aty ku e vërteta flet para lajmit!

/GazetaSinjali/

The post Programeri legjendar bashkohet me startup-in miliardësh të Mira Muratit appeared first on Sinjali.