BERLIN, 31 janar /ATSH-DPA/ – Ministrja gjermane e Ekonomisë, Katherina Reiche udhëtoi sot drejt Arabisë Saudite, ku shpreson të përfundojë një partneritet energjetik që synon të forcojë marrëdhëniet dypalëshe.

Para nisjes, Reiche tha se partneriteti i planifikuar energjetik do të përfshijë blerjen e produkteve të naftës dhe gazit nga Arabia Saudite, si dhe investime të synuara në energji të rinovueshme.

Ministrja përmendi teknologjitë e magazinimit dhe hidrogjenin e qëndrueshëm.

Reiche udhëton e shoqëruar nga përfaqësues të 35 kompanive dhe 11 startup-eve nga sektorët e energjisë konvencionale dhe të rinovueshme.

Arabia Saudite, e pasur me naftë, po përqendrohet gjithashtu fort në dekarbonizim.

Vizita, që pritet të zgjasë deri të martën, reflekton gjithashtu përpjekjet e Gjermanisë për të zgjeruar partneritetet ndërkombëtare në një kontekst të rritur pasigurie gjeopolitike.

“Kur partneritetet, mbi të cilat kemi mbështetur për dekada, fillojnë të bëhen pak të brishta, duhet të kërkojmë partnerë të rinj”, tha Reiche, duke iu referuar tensioneve në marrëdhëniet trans-atlantike që nga kthimi i presidentit amerikan Donald Trump në detyrë.

“Si një vend me orientim eksporti, Gjermania duhet të zgjerojë bazën e saj”, shtoi ajo. /Ad.Ab./ a.jor.

The post FOKUS – Gjermania kërkon marrëveshje energjetike me Arabinë Saudite appeared first on Agjencia Telegrafike Shqiptare.

KIEV, 31 janar /ATSH-ANSA/ – Një defekt në sistemin elektrik të Ukrainës ka shkaktuar ndërprerje të energjisë elektrike në një pjesë të konsiderueshme të vendit.

“Sot në orën 10:42 të mëngjesit, ndodhi një defekt teknologjik që shkaktoi ndërprerjen e njëkohshme të linjës 400 kW midis sistemeve elektrike rumune dhe moldave dhe linjës 750 kW midis Ukrainës Perëndimore dhe Qendrore”, tha Ministri ukrainas i Energjisë Shmyhal, në Telegram.

”Ajo shkaktoi një ndërprerje të menjëhershme të energjisë elektrike në rrjetin elektrik ukrainas dhe aktivizimin e pajisjeve automatike të mbrojtjes në nënstacione.
Metroja e Kievit është gjithashtu jashtë shërbimit sot”, shtoi ai.   /os/.

The post KIEV – Një defekt teknik shkakton ndërprerje të rënda të energjisë në Ukrainë appeared first on Agjencia Telegrafike Shqiptare.

Nga Laert Dogjani*

 

Kriza energjetike që shkaktoi lufta në Ukrainë shkaktoi çrregullime të ofertës që rriti çmimet e elektricitetit në mbi 500eur/MWh gushtin e vitit 2022. Prej atëherë, një numër i madh parqesh fotovoltaike kanë hyrë në prodhim dhe shumë të tjera janë në proces ndërtimi dhe aplikimi.

Por siç ka ndodhur në vende të tjera, tregu tanimë është ngopur dhe këto impiante kanë filluar të shkaktojnë ulje të ndjeshme të çmimeve të elektricitetit në bursën Alpex.

Këto çmime kanë rënë ne 25eur/MWh në një muaj konsumi të lartë si Dhjetori 2025 dhe poshtë 30 Eur/MWh në 15/30 ditë të gjatë janarit 2026. Ky proces në terma teknikë quhet “kanibalizim”, parqet PV “kafshojnë” çmimin e shitjes së produktit që prodhojnë.

Përafrimi i legjislacionit me atë të Bashkimit Europian, do të lejojë tregun që të formojë çmime negative. Sado absurde të duket për lexues jashtë sektorit, mund të ndodhë shpesh për çmimet e elektricitetit me shumicë dhe më rrallë për çmimet e pakicës (d.m.th OSHEE të na paguajë për konsumin që bëjmë).

Kjo ndodh pasi energjia elektrike është një produkt i veçantë, sidomos për sa i përket asaj që prodhohet në parqe PV. 1.

Nuk depozitohet/magazinohet dot 2. Prodhohet në orarin 10:00 – 16:00 kur kërkesa është e ulët. 3. Greqia dikur importuese neto tanimë mund të eksportojë energji PV drejt Shqipërisë. 4. Nuk ka mjaftueshëm ndërlidhje për ta eksportuar në vendet fqinje.

Çmimet pranë 0 sigurisht që rrezikojnë masivisht investimet që janë kryer dhe vazhdojnë të kryhen në këtë drejtim. Me një kosto diku te 30-40 euro/MWh këto investime rrezikojnë falimentimin dhe ndikojnë edhe në performancën e sistemit bankar i cili masivisht i ka kredituar.

Grafiku në vijim paraqet një ushtrim tanimë jo aq teorik. Në vite të mira hidrike siç duket deri më tani 2026, rreziku është tepër i madh që këto investime të humbin para nëse janë në treg të lirë dhe jo të mbështetur nga kontratat e para-blerjes nga shteti.

Me një çmim kaq të ulët, të ardhurat janë ~40,000 euro/ha-MW/vit, parqet PV dukshëm fitojnë më pak për hektarë se sa fitohet nga fermat bujqësore, sidomos në serra. Vetëm kosto e kreditimit ~50,000 euro/vit/MW/ha do të tejkalonin këtë nivel të ardhurash pa llogaritur kostot operacionale.

– Kolona 1 është totali i prodhimit të energjive të përtëritshme në Shqipëri + Kosovë (tregu i elektricitetit Shqipëri + Kosovë është i bashkuar/coupled).

– Kolona 2 është konsumi max. (6-10 pm natën orar piku në dimër) Shqipëri + Kosovë + Eksport

– Kolona 3 është konsumi minimal (natën) Shqipëri + Kosovë + Eksport

Eksportin e trajtojmë si “konsum/kërkesë”. HPP rez (hidrocentral me rezervuar, HPP RoR hidrocentral me rrjedhje të lirë)

Të dhënat (e siguruara nga E.R.E.) janë kapacitetet e instaluara deri më 2025 + 600 MW eolike që “mendohen” të hyjnë në prodhim vitin që vjen. Projektohet rritje konsumi +10%.

Jemi në vitin 2027. Po zbatojmë të gjithë reformat për të hyrë në BE. Çmimet negative lejohen që të formohen në bursën Alpex në rastet kur oferta më e madhe se kërkesa. Përqindja e energjisë e detyrueshme të tregtohet në Alpex gati 70%.

 

Çfarë tregojnë shifrat:

Përveç muajve dhjetor dhe janar në orarin e pikut të kërkesës 18:00-22:00, oferta tejkalon kërkesën nëse 1) ka reshje shiu dhe prodhim nga Hec 2) prodhim nga era (që shpesh  përputhet me shirat) 3) dhe kthjellime gjatë ditës.

Këto kushte ndodhin shpesh gjatë shirave të pranverës dhe vjeshtës dhe me raste si janari sivjet. Bashkë me ~600 MW nga KEK (TEC-et dëmtohen nëse fiken 100%), oferta e tejkalon kërkesën në çdo orar në kushtet 1+2+3 gjatë gjithë vitit.

Disa skenarë “katastrofikë” për çmimet dhe jo vetëm:

1 – Natë në periudhën prill – qershor. Digat HPP Rez. janë plot nga shirat. Era fryn. Konsumi në minimum 550 MW. Eksporti në maksimum 1200 MW.
Totali i kërkesës: 1750MW.
Totali i ofertës: 3896MW – Oferta e përtërishme 3296 + 600MW nga KEK.

Çmimet negative.

2 – Ditë 11:00. Solar PV shtohet në sistem. Era fryn, prurjet në lumenj vazhdojnë.
Totali i kërkesës: 2200 MW – 500 MW në Shqipëri + 500 MW në Kosovë + 1200MW eksport
Totali i ofertës: 4856 MW – 4256 MW të përtërishme + 600MW nga KEK

Çmimet negative.

Paradoksi

Edhe nëse KESH dhe HPP private me rezervuar shkëputen nga rrjeti për të “mbështetur” Solar PV, Eoliket* & HPP RoR (rrjedhje e lirë). Oferta bie në 2628MW. Përsëri çmime negative.

Pavarësisht çmimeve negative në treg, shumica e Solar PV, HPP RoR + ndoshta edhe eolike mbrohen nga çmime “juridike” & dispeçerim prioritar, kosto që e mban publiku. Kjo është Renditja juridike e Shkëputjeve të Prodhimit (Curtailment Merit Order) sot. Mbetet e paqartë cila do të jetë renditja në 2027? Kriza në Spanjë tregoi se në këtë skenar, fillimisht duhet të shkëputen Solar PV, Era dhe HPP RoR.

Mësimet nga Spanja mbi zgjidhjen e problemit. Investitorët në PV priren të besojnë se mbrohen juridikisht duke siguruar kontrata parablerjeje nga shteti, sidomos për parqet < 2MW. Por siç argumentuam më lart, numri i ditëve kur tregu/çmimi do të shkojë në kolaps dhe ndoshta detyrojë shkëputje të lidhjeve për të mbrojtur rrjetin do të jetë i madh. Kështu në vend të mbrojtjes së çmimit të blerjes në kontratë do të duhej që me ato para të

– financohej lidhje HVDC me Italinë, ku çmimi i shitjes së elektricitetit është më i lartë se çmimi që garanton shteti në kontratë. Me llogaritje të shpejta bazuar në shifrat më lart rezulton se duhet fillojë të ndërtohet menjëherë dhe jo kur planifikohet. Po ashtu, të njëjtat llogaritje tregojnë që mund ta financojmë me kthim pozitiv pa pasur nevojë për financim nga palë e tretë aksionare (EBA).

– Shpejtohej përmirësimi i ndërlidhjes me Malin e Zi

– Shpejtohej përfundimi i ndërlidhjes me Maqedoninë e V.

Për më tepër, të dhënat e deritanishme tregojnë që kapaciteti ndërlidhës duhet të jetë më i madh nga sa parashikohet për shkak të rritjes së konsumit të energjisë, detyrimeve tona për integrimin në BE, zbatimin e NECP, dhe shtimit të kapaciteteve prodhuese me ritëm më të shpejtë se sa ndjek shteti zhvillimet e privatit dhe vizionit dhe planifikimit të BE për transmetim të energjisë nga Lindja në Perëndim.

Në përfundim, le të imagjinojmë çfarë do të ndodhë me çmimet e energjisë me mbarimin e pritshëm të luftës në Ukrainë.

 

*Opionionet janë personale të autorit dhe nuk përbëjnë qëndrim të revistës

The post Mbërritën çmimet negative të elektricitetit appeared first on Revista Monitor.

Enti Rregullator i Energjisë (ERE) vendosi se operatorët që do të marrin certifikatën e origjinës do të duhet të paguajnë një 0.03 euro/MWh.

Në një vendim të miratuar pak ditë më parë Enti argumenton se lëshimi i kësaj certifikate bëhet ndaj subjekteve që prodhojnë energji të rinovueshme. Ky Ent ka përllogaritur se sasia e përafërt e energjisë së prodhuar në vitin e shkuar ishte rreth 8 milionë MWh.

“Sasia e energjisë elektrike e prodhuar nga burimet e rinovueshme të energjisë elektrike gjatë vitit 2025, bazuar në të dhënat paraprake të operatorëve të rrjetit, përllogaritet të jetë rreth 8 milionë MWh.

Për efekt të përcaktimit të vlerës së detyrimit për lëshimin e certifikatës së garancisë së origjinës për vitin 2026, do të llogaritet bazuar në 50% të sasisë së lartpërmendur ose 4 milionë MWh.

Në bazë të të dhënave të operatorëve të rrjetit për prodhimin nga burimet e rinovueshme gjatë vitit 2025, dhe në zbatim të nenit 21 të “Rregullores për lëshimin, transferimin, shlyerjen dhe anulimin e garancive të origjinës për energjinë elektrike të prodhuar nga burimet e rinovueshme”, është përcaktuar sasia e energjisë që merret në konsideratë për llogaritjen e detyrimit për vitin 2026, duke reflektuar qasjen e parashikuar në Rregullore dhe kushtet aktuale të tregut” thuhet në parashtrimin e Entit.

 

Certifikata e garancisë së origjinës

Certifikata e garancisë së origjinës është një dokument që lëshohet nga Enti Rregullator i Energjisë. Ky është një standard i zbatuar edhe në Bashkimin Europian që siguron se një njësi energjie është prodhuar nga burime të rinovueshme energjie pra hidrocentrale, diellore apo eolike.

Certifikata konkretisht tregon burimin e energjisë, vendin e prodhimit, impiantin dhe datën e prodhimit. Kjo ka avantazhet e transparencës por edhe objektivave klimatike që janë vendosur në tregje në funksion të uljes së emetimeve por edhe vlerë për prodhuesit që e disponojnë më shumë në aspektin e reputacionit duke u kthyer në një kusht për bizneset e sektorit.

Certifikata e garancisë së origjinës kërkohet në shumë hallka duke luajtur rol domethënës në bursa ku tregtohet energjia dhe çmimet ndryshojnë./ N.Maho

 

The post Energjia 2025, ERE: U prodhua 8 mln MWh, lëshimi i certifikatës së origjinës “tarifë” 0.03 euro/MWh appeared first on Revista Monitor.

TIRANË, 26 janar/ATSH/ Sot është Dita Ndërkombëtare e Energjisë së Pastër, e shpallur nga Asambleja e Përgjithshme e Kombeve te Bashkuara, për të rritur ndërgjegjësimin dhe për të mobilizuar veprime për një tranzicion të drejtë dhe gjithëpërfshirës drejt energjisë së pastër në dobi të njerëzve dhe planetit.

26 janari është gjithashtu data e themelimit të Agjencisë Ndërkombëtare të Energjisë së Rinovueshme (IRENA), një agjenci globale ndërqeveritare e themeluar për të mbështetur vendet në tranzicionet e tyre energjetike.

Në një botë që përballet me ndryshimet klimatike, energjia e pastër luan një rol jetësor në uljen e emetimeve. Ende sot, 666 milionë njerëz jetojnë në errësirë, ku 85 % e tyre jetojnë në Afrikën Sub-Sahariane.

Për popullatat pa qasje në energji të pastër, mungesa e energjisë së besueshme pengon arsimin, kujdesin shëndetësor dhe mundësitë ekonomike, dhe shumë nga këto rajone në zhvillim ende mbështeten shumë në lëndët djegëse fosile ndotëse. Rreth 1.5 miliardë njerëz në zonat rurale ende përdorin sisteme gatimi të pasigurta, të pashëndetshme dhe joefikase, të tilla si djegia e drurit ose plehut, dhe numri i njerëzve pa gatim të pastër vazhdon të rritet.

Një pjesë e madhe e gazrave serrë që mbulojnë Tokën dhe bllokojnë nxehtësinë e Diellit gjenerohen përmes prodhimit të energjisë, duke djegur lëndë djegëse fosile (naftë, qymyr dhe gaz) për të prodhuar energji elektrike dhe nxehtësi.

Shkenca flet qartë: për të kufizuar ndryshimet klimatike, duhet t’i japim fund varësisë sonë nga lëndët djegëse fosile dhe të investojmë në burime alternative të energjisë që janë të pastra, të arritshme, të përballueshme, të qëndrueshme dhe të besueshme.

Burimet e energjisë së rinovueshme, të cilat janë të disponueshme me bollëk përreth nesh, të ofruara nga dielli, era, uji, mbeturinat dhe nxehtësia nga Toka, i jep natyra dhe lëshojnë pak ose aspak gazra serrë ose ndotës në ajër. /j.p/

The post Dita Ndërkombëtare e Energjisë së Pastër appeared first on Agjencia Telegrafike Shqiptare.

Në Ditën Ndërkombëtare të Energjisë së Pastër, zëvendëskryeministrja dhe njëherësh ministrja e Infrastrukturës dhe Energjisë, Belinda Balluku, shkruan se investimet e realizuara ndër vite kanë forcuar ndjeshëm sigurinë energjetike të vendit, duke e orientuar Shqipërinë drejt një modeli të qëndrueshëm dhe miqësor me mjedisin.

Balluku theksoi se ky progres është vlerësuar edhe ndërkombëtarisht, pasi World Economic Forum e ka renditur Shqipërinë në vitin 2025 si një nga vendet me qëndrueshmëri të lartë energjetike, falë kapaciteteve prodhuese 100% nga burime të rinovueshme.

“Në Ditën Ndërkombëtare të Energjisë së Pastër krenarë për gjithë atë çka kemi ndërtuar në këto vite, duke rritur në mënyrë të ndjeshme burimet e energjisë së rinovueshme dhe duke ndërtuar një strategji që do të na lejojë që, në vitin 2030, të prodhojmë 45% të konsumit vendas nga teknologjitë fotovoltaike dhe eolike. World Economic Forum vlerësoi se, në vitin 2025, Shqipëria ishte më e qëndrueshme në energji, falë kapaciteteve 100% të rinovueshme.” shkruan Balluku

TIRANË, 26 janar/ATSH/ Shqipëria po shënon progres të rëndësishëm në sektorin energjetik, falë rritjes së qëndrueshme të burimeve të rinovueshme dhe zbatimit të një strategjie afatgjatë për diversifikimin e prodhimit të energjisë.

Në Ditën Ndërkombëtare të Energjisë së Pastër, zëvendëskryeministrja dhe njëherësh ministrja e Infrastrukturës dhe Energjisë, Belinda Balluku, u shpreh se investimet e realizuara ndër vite kanë forcuar ndjeshëm sigurinë energjetike të vendit, duke e orientuar Shqipërinë drejt një modeli të qëndrueshëm dhe miqësor me mjedisin.

Sipas saj, strategjia kombëtare e energjisë parashikon që deri në vitin 2030 rreth 45% e konsumit vendas të energjisë elektrike të mbulohet nga teknologjitë fotovoltaike dhe eolike, duke reduktuar varësinë nga burimet tradicionale dhe kushtet hidrike.

Balluku theksoi se ky progres është vlerësuar edhe ndërkombëtarisht, pasi World Economic Forum e ka renditur Shqipërinë në vitin 2025 si një nga vendet me qëndrueshmëri të lartë energjetike, falë kapaciteteve prodhuese 100% nga burime të rinovueshme.

Gjatë këtyre viteve, në sektorin energjetik shqiptar janë angazhuar mbi 2 miliardë euro investime private, kryesisht në burime të rinovueshme. Aktualisht, vendi ka mbi 700 MW kapacitete të reja private fotovoltaike të instaluara dhe në operim, si dhe rreth 400 MW kapacitete të shtuara nga vetëprodhuesit e energjisë, të shpërndara në të gjithë territorin.

Ministrja bëri të ditur se Shqipëria disponon një portofol projektesh që pritet të çojë kapacitetet e reja prodhuese të rinovueshme përtej 1 500 MW me teknologji fotovoltaike dhe eolike në vitet e ardhshme. Paralelisht, mbi 1 600 MW kapacitete depozituese të energjisë, përmes teknologjive “pump storage” dhe baterive, ndodhen në fazë studimi dhe vlerësimi financiar, duke synuar rritjen e fleksibilitetit të sistemit energjetik.

Në sektorin e energjisë diellore, Shqipëria ka kaluar nga projekte pilot në impiante të shkallës së madhe. Parku fotovoltaik i Karavastasë, një nga më të mëdhenjtë në rajon, me 140 MW kapacitet të instaluar, përfaqëson një nga projektet kryesore që e pozicionon vendin si model për zhvillimin e energjisë së rinovueshme në rajon.

Ndërkohë, në energjinë e erës, për herë të parë në historinë energjetike të vendit, Shqipëria po hyn në fazën e realizimit të projekteve konkrete, përmes projektit të kompanisë amerikane CWP, me një kapacitet të pritshëm instalimi prej 600 MW.

Të dhënat e sistemit energjetik tregojnë ecuri pozitive në të gjitha segmentet, ku kapacitetet gjeneruese janë rritur me rreth 1 500 MW krahasuar me vitin 2013. Vetëm gjatë vitit 2025, janë vënë në operim rreth 700 MW kapacitete të reja fotovoltaike, si dhe janë shtuar 400 MW kapacitete të reja vetëprodhimi.

Sipas projeksioneve afatgjata, deri në vitin 2030 kapacitetet fotovoltaike pritet të jenë rreth 1 500 MW më të larta krahasuar me vitin 2020, ndërsa kapacitetet e energjisë eolike do të rriten me rreth 700 MW.

Prodhimi nga energjia fotovoltaike në vitin 2030 parashikohet të arrijë rreth 2 milionë MWh, ose 25% të konsumit aktual vendas, ndërsa prodhimi nga energjia e erës vlerësohet në rreth 1,4 milionë MWh, që përfaqëson 17,5% të konsumit aktual.

Në total, deri në vitin 2030, rreth 45% e konsumit vendas të energjisë elektrike pritet të mbulohet nga teknologjitë fotovoltaike dhe eolike, duke konsoliduar tranzicionin e Shqipërisë drejt një sistemi energjetik të qëndrueshëm dhe të sigurt. /j.p/

The post Balluku: 45% e konsumit të energjisë, nga burime fotovoltaike dhe eolike deri në 2030-ën appeared first on Agjencia Telegrafike Shqiptare.

Zëvendëskryeministrja dhe njëherësh ministrja e Infrastrukturës dhe Energjisë, Belinda Balluku, shprehet se 45% e konsumit të energjisë në Shqipëri do të jetë nga burime fotovoltaike dhe eolike deri në vitin 2030. “Në Ditën Ndërkombëtare të Energjisë së Pastër, krenarë për gjithë atë çka kemi ndërtuar në këto vite, duke rritur në mënyrë të ndjeshme burimet e energjisë së rinovueshme dhe duke…

Source

UASHINGTON, 25 janar /ATSH-AFP-DPA/ – Një stuhi e madhe dimërore përfshiu Shtetet e Bashkuara verilindore të dielën pasi solli reshje të dendura dëbore në rajonet qendrore, duke kërcënuar miliona amerikanë me ndërprerje të energjisë elektrike dhe ndërprerje të transportit për shkak të temperaturave të ulëta.

Misisipi, Luiziana dhe Teksasi janë ndër shtetet më të prekura, me më shumë se 300 000 familje të prekura nga ndërprerjet e energjisë në të gjithë vendin, sipas faqes së internetit poweroutage.us.

Shumë supermarkete u zbrazën në përgjigje të parashikimeve nga Shërbimi Kombëtar i Motit (NWS) që parashikonin reshje të dendura dëbore dhe akumulim akulli me pasoja potencialisht “katastrofike lokale” nga fushat jugore deri në bregdetin e Atlantikut.

Në total, 20 shtete, si dhe kryeqyteti i SHBA-së, Uashington, D.C., shpallën gjendje të jashtëzakonshme.

”Përafërsisht 14 000 fluturime për në dhe nga Shtetet e Bashkuara u anuluan gjatë fundjavës, dhe mijëra të tjera u vonuan”, sipas FlightAware.

Stuhia, e përshkruar si “jashtëzakonisht e përhapur dhe e zgjatur” nga NWS, është shkaktuar nga mbërritja e një mase ajrore arktike nga Kanadaja.

Në Nju Jork, ku temperaturat pritet të mbeten nën zero gjatë gjithë ditës dhe parashikohen deri në 30 centimetra borë për Central Park, kryetari i bashkisë Zohran Mamdani u bëri thirrje banorëve të shmangin të gjitha udhëtimet jothelbësore.

Një vendim do të merret sot në lidhje me një mbyllje të mundshme të shkollave të hënën.

Reshjet e borës u regjistruan të shtunën në Shtetet e Bashkuara qendrore, veçanërisht në Kansas, Oklahoma dhe Missouri, ku disa zona kishin 20 centimetra.

Dallas, një qytet jugor më i mësuar me temperatura të buta, pa termometrin të binte në minus 6°C.

Në Hjuston, strehimoret, përfshirë ato për të pastrehët, u hapën të shtunën pasdite në këtë qytet me gati 2,4 milionë banorë.

Ndërsa rrjeti elektrik i Teksasit përjetoi një ndërprerje të gjerë gjatë stuhisë së fundit të madhe dimërore në vitin 2021, autoritetet siguruan publikun për qëndrueshmërinë e tij këtë herë.

Presidenti amerikan, Donald Trump njoftoi të shtunën se kishte miratuar deklaratat e emergjencës për 12 shtete në Jug dhe përgjatë Bregut Lindor, gjë që do të lejojë vendosjen më të shpejtë të burimeve nga FEMA, agjencia amerikane e menaxhimit të fatkeqësive.

“Qëndroni të sigurt dhe qëndroni ngrohtë!” presidenti amerikan bëri thirrje përsëri në platformën e tij Truth Social./  a.jor.

The post SHBA – Stuhitë lënë pa energji elektrike 300 000 familje dhe zbrazin qindra supermarkete appeared first on Agjencia Telegrafike Shqiptare.

KIEV, 20 janar /ATSH-DPA/ – Furnizimi me energji elektrike, ngrohje dhe ujë është ndërprerë në disa zona të Kievit pas sulmeve të reja ruse, njoftuan sot  autoritetet ukrainase.

“Shumë pallate shumëkatëshe kanë mbetur pa ngrohje pas goditjeve ndaj kryeqytetit ukrainas”, tha kryebashkiaku Vitali Kliçko.

“Shumica e ndërtesave të prekura kishin pësuar tashmë dëmtime gjatë një sulmi të madh rus më 9 janar”, shkroi ai në Telegram.

Forcat Ajrore të Ukrainës bënë të ditur se Rusia përdori një kombinim dronësh dhe raketash lundruese në sulmin gjatë natës.

Përveç dëmtimeve në infrastrukturën energjetike, u goditën edhe ndërtesa banimi dhe automjete private. Disa makina u përfshinë nga flakët pasi u goditën nga mbeturinat e dronëve të rrëzuar.

“Furnizimi me ujë u ndërpre gjithashtu në bregun e majtë të lumit Dnipro, që kalon përmes Kievit”, tha Kliçko.

Kievi po përballet me dimrin më të vështirë që nga fillimi i pushtimit të plotë rus, gati katër vjet më parë.

Rusia ka shënjestruar në mënyrë sistematike sistemin energjetik të Ukrainës, duke e dobësuar rëndë rrjetin dhe duke shkaktuar ndërprerje të përditshme të energjisë që zgjasin disa orë.

Një seri sulmesh të rënda ndaj kryeqytetit në fillim të këtij muaji, e kombinuar me temperatura të ulëta nën zero, ka përkeqësuar kushtet për banorët e Kievit. Autoritetet kanë ngritur strehë emergjente ku qytetarët mund të ngrohen, të marrin ujë dhe të karikojnë telefonat celularë./   /Ad.Ab./

The post KIEV – Mijëra ndërtesa pa energji elektrike dhe ngrohje pas sulmeve ruse appeared first on Agjencia Telegrafike Shqiptare.

Një defekt në linjë e OST 110 kv ka lënë pa energji disa zona pa energji në Tiranë. Deri më tani janë lagjet në Njësinë 1 dhe 2: Ali Dem, Shkozë, Tregu Elektrik, Sauk, Farkë etj. Eefekti është i OST e cila po punon për gjetjen e një zgjidhjeje alternative për të furnizuar pjesë -pjesë me energji nënstacionet e saj nga linja të tjera!

Source

TIRANË, 18 janar/ATSH/ Kryeministri Edi Rama shprehu sot bindjen se Shqipëria do të ketë sovranitet energjetik brenda këtij mandati qeverisës.

Në nisje të podkastit “Flasim”, kryeministri Edi Rama informoi mbi pjesëmarrjen në Javën e Qëndrueshmërisë 2026 në Emiratet e Bashkuara Arabe.

“Në një prej paneleve, së bashku me Kryeministrin e Malit të Zi, ne iu përgjigjëm një sërë pyetjesh që shprehnin interesimin, pikërisht, për përpjekjet që po bëjmë në sensin e zhvillimit të qëndrueshëm, të rritjes së kapaciteteve energjetike dhe, patjetër, edhe në sensin e shfrytëzimit maksimal të teknologjisë, si një instrument shumë i rëndësishëm në funksion edhe të procesit të anëtarësimit”, informoi Rama.

Kryeministri vlerësoi bashkëpunimin trilateral mes Emirateve të Bashkuara, Shqipërisë dhe Italisë, ku Shqipëria ka një rol kyç, si vendi ku do të krijohet një kapacitet gjenerimi i energjisë së gjelbër.

Rama tha se përmes kabllit nënujor që do të lidhë Shqipërinë me Italinë, kjo energji do të transmetohet në Itali dhe në vende të tjera, duke i dhënë Shqipërisë një avantazh të rëndësishëm strategjik.

“Por më e rëndësishmja, kam përcjellë edhe një mesazh për të cilin unë personalisht, po edhe e gjithë shumica jonë qeverisëse, ka krenarinë të jetë bartëse – Shqipëria sovrane në energji. Pasi, sipas programit dhe sipas të gjitha hapave që po i hedhim mbi planin e detajuar për këtë program, Shqipëria do të ketë sovranitet energjetik brenda këtij mandati të qeverisë sonë, mandatit të 83 mandateve”, tha Rama.

/m.m/r.e/

The post Rama: Energjia e gjelbër do t’i japë Shqipërisë avantazh të rëndësishëm strategjik appeared first on Agjencia Telegrafike Shqiptare.

Procesi i liberalizimit në sektorin e energjisë që nisi në vitin 2018 është finalizuar me fazën e tij të katërt dhe të fundit, më 1 janar të këtij viti. Të paktën 2600 subjekte të lidhur në tension 6 kilovat kanë detyrimin që ta sigurojnë tashmë të vetëm energjinë. Pjesa më e madhe e tyre i janë bashkuar furnizimit nga Furnizuesi i Tregut të Lirë, ku bëjnë pjesë rreth 2300 subjekte, ndërsa për 300 të tjerë kjo pritet të bëhet në një moment tjetër, kur ata të kenë shlyer detyrimet e prapambetura që kanë ndaj Furnizuesit të Shërbimit Universal. Më herët, në treg të lirë dolën bizneset në tension 35 kv, 20 kv dhe 10 kv. Por çfarë shënon mbyllja e këtij procesi për tregun?

 

Nertila Maho

Nga 1 janari i këtij viti, në treg të lirë dolën 2300 biznese të lidhur në tension 6 kilovolt dhe këtij grupi pritet t’i shtohen edhe 300 të tjerë që fillimisht duhet të shlyejnë detyrimet e prapambetura ndaj Furnizuesit të Shërbimit Universal.

Ky hap shënoi hallkën e fundit të liberalizimit, një proces i parashikuar në vitin 2015 në ligjin “Për sektorin e energjisë”. Gjithsesi, zbatimi i fazës së parë e nisi në vitin 2018 kur dolën në treg të lirë mbi 70 subjekte të lidhura në tension 35 kv.

Në vitin 2022, pati tentativë për të nxjerrë në treg të lirë një grup më të madh biznesesh në tensionin 20 dhe 10 kv.

Por kriza e energjisë, që solli çmime të larta në tregje, “ngriu” reformën  dhe shteti mori përsipër sigurimin e energjisë përmes përfshirjes së prodhimit të Korporatës Elektroenergjetike Shqiptare.

Kjo bëri që deri në fund të vitit 2023, grupi i bizneseve në 20 kv të kishte si opsion Furnizuesin e Mundësisë së Fundit, që është pjesë e Furnizuesit të Shërbimit Universal dhe nga 1 janari 2024 të ishte në tregun e lirë.

Në 1 janar 2025 këtij grupi iu bashkuan edhe 2600 subjekte të tjera të lidhura në tension 10 kv dhe së fundmi 1 janari 2026 shënoi mbylljen e procesit.

Tashmë këto mijëra biznese sigurojnë të vetëm energjinë nga furnizues privatë apo ai publik që është FTL, ku janë të lidhur shumica me një çmim prej 18.34 lekë/kWh.

Albi Gjenerali, administrator i FTL, pohon se tashmë janë mbyllur hallkat e liberalizimit dhe ndikimet e këtij procesi janë vetëm pozitive dhe se fokusi tashmë zhvendoset tek eficienca.

“Së pari, liberalizimi ka ulur ndjeshëm barrën financiare dhe ekspozimin ndaj riskut të ‘Furnizuesit të Shërbimit Universal’  SH.A, i cili më parë ishte i detyruar të furnizonte konsumatorët me çmime të rregulluara nga Enti Rregullator i Energjisë (ERE).

Së dyti, liberalizimi ka përmirësuar disiplinën financiare të konsumatorëve jofamiljarë, përmes vendosjes së afateve më të shkurtra të pagesës (30 ditë), duke eliminuar praktikat e mëparshme që lejonin vijimin e furnizimit edhe në kushtet e vonesave të zgjatura në pagesa.

Së treti, tregu i energjisë elektrike po hyn në një fazë konsolidimi, ku pas përmbylljes së fazave të liberalizimit, fokusi zhvendoset drejt stabilizimit të mekanizmave të tregut, rritjes së transparencës dhe përmirësimit të vazhdueshëm të eficiencës operacionale”, – shprehet z. Gjenerali.

 

 

Në treg të lirë janë 40 furnizues të licencuar nga ERE

Vit pas viti, numri i furnizuesve privatë është rritur si një efekt zinxhir i liberalizimit që ka nxjerrë në treg të lirë disa mijëra biznese. Enti Rregullator i Energjisë njoftoi në fund të dhjetorit se bizneset mund të zgjidhnin një prej furnizuesve të licencuar, të cilët aktualisht janë në total 40, ku përfshihen ata  privatë por edhe publikë, siç është Furnizuesi i Tregut të Lirë apo ai Universal, pjesë e OSHEE Group.

Këta furnizues ku shumica janë privatë, por edhe FTL, janë në dispozicion të subjekteve që duan të lidhin kontrata për të siguruar energjinë në kushtet kur nuk janë më pjesë e tregut të rregulluar.

Sipas rregullores së Entit Rregullator të Energjisë bizneset duhet të deklarojnë  brenda datës 15 dhjetor të çdo viti pranë Operatorit të Sistemit të Shpërndarjes furnizuesin që kanë zgjedhur.

Kjo bëhet për të alternuar proceset e tjera të nevojshme që kanë të bëjnë me menaxhimin e rrjetit, si dhe faturimet të cilat edhe për furnizuesit privatë i bën OSSH, që është pjesë e OSHEE. Në vitin 2023, në treg ishin 22 furnizues, ndërsa në fund të vitit 2024 rezultonin 36 të tillë.

Kjo rritje e vazhdueshme edhe gjatë 2025-s, kur në dhjetor rezultonin 40 të tillë tregon për një rritje të përgjithshme të tregut. Liberalizimi është cilësuar vazhdimisht, si një nga proceset që do të nxiste tregun e energjisë në disa aspekte si për sa u takon furnizueseve ashtu edhe investimeve qoftë për qëllime tregtimi të energjisë dhe qoftë për autokonsum, siç ka ndodhur masivisht te fotovoltaikët.

 

Lexoni edhe:

Albi Gjenerali: Mbi 2300 biznese të lidhur në 6 kv po furnizohen nga FTL, përfitimet që vijnë nga liberalizimi

The post Tregu i energjisë, liberalizimi mbyll fazën finale   appeared first on Revista Monitor.

Intervistë / Albi Gjenerali, Administrator i Furnizuesit të Tregut të Lirë

 

Bizneset e lidhur në tension 6 kilovolt prej 1 janarit janë në tregun e lirë dhe pjesa më e madhe e tyre po furnizohen nga Furnizuesi i Tregut të Lirë (FTL).

Albi Gjenerali, administrator i kompanisë, në një intervistë për “Monitor” sqaron hapat që u ndoqën për tranzicionin e këtyre subjekteve nga tregu i rregulluar në atë të liberalizuar.

Kjo është faza e katërt dhe e fundit për këtë proces të parashikuar në legjislacion një dekadë më parë.

 

Tashmë është mbyllur faza përfundimtare e procesit të liberalizimit të tregut të energjisë elektrike, ku janë përfshirë subjektet e lidhura në nivelin e tensionit 6 kV. A mund të japim disa detaje për këtë grup klientësh?

Rreth 2,600 subjekte jofamiljare u përfshinë më herët në proces verifikimi, nga të cilat afërsisht 2,300 janë identifikuar dhe konfirmuar si konsumatorë të lidhur në tension 6 kV.

Ndërkohë, rreth 300 subjekte mbeten përkohësisht jashtë këtij procesi për shkak të detyrimeve financiare të papaguara ndaj “Furnizuesit të Shërbimit Universal” SH.A.

Në përputhje me kuadrin ligjor dhe rregullator në fuqi, këta konsumatorë nuk mund të ndryshojnë furnizuesin pa shlyer më parë detyrimet kontraktuale ndaj furnizuesit aktual.

 

Cilat janë karakteristikat kryesore të këtyre konsumatorëve për sa i përket nivelit të tensionit dhe shpërndarjes territoriale?

Konsumatorët e lidhur në rrjetin e tensionit 6 kV janë kryesisht subjekte të vendosura në zona rurale, periferike ose informale. Nuk evidentohet një profil sektorial i unifikuar, pasi këta konsumatorë ushtrojnë veprimtari në sektorë të ndryshëm të ekonomisë.

Faktori përcaktues për përfshirjen e tyre në këtë fazë të liberalizimit është niveli i tensionit dhe jo natyra e aktivitetit ekonomik. Zonat urbane kryesore furnizohen kryesisht në tension 20 kV, ndërsa zonat rurale dhe periferike në nivelet 10 kV dhe 6 kV.

Konsumatorët e lidhur në 10 kV kanë kaluar tashmë në tregun e lirë gjatë vitit 2025, duke e bërë këtë fazë përfundimtare të procesit të liberalizimit për konsumatorët e mbetur në nivelin 6 kV.

Këto zona përfshijnë kryesisht territore bregdetare ose malore dhe nuk përfshijnë qendrat urbane kryesore.

 

Si ka funksionuar procedura institucionale e njoftimit për kalimin në tregun e lirë?

Procedura është realizuar përmes një koordinimi të strukturuar ndërmjet shoqërive të OSHEE Group, në përputhje me detyrimet ligjore dhe rregullatore në fuqi.

Furnizuesi aktual (FSHU/FMF) ka njoftuar konsumatorët se, duke filluar nga data 1 janar 2026, nuk kishte më detyrimin për furnizim në kuadër të shërbimit si Furnizues i Mundësisë së Fundit (FMF) dhe se konsumatorët duhet të lidhnin kontratë me një furnizues në tregun e lirë.

Në vijim, “Operatori i Sistemit të Shpërndarjes” SH.A  ka informuar konsumatorët se, në rast se deri më 31 dhjetor 2025 nuk deklaronin një furnizues të ri, furnizimi me energji elektrike do tu ndërpritej, me qëllim shmangien e konsumit pa subjekt faturues.

Paralelisht, “Furnizuesi i Tregut të Lirë” SH.A paraqiti ofertën e tij komerciale, duke informuar konsumatorët mbi kushtet e furnizimit dhe çmimin përkatës prej 18.34 lekë/kWh pa TVSH.

Në praktikë, konsumatorët kanë marrë njoftime nga tre burime të ndryshme: furnizuesi që kishin, operatori i rrjetit dhe furnizuesi potencial që ishim ne. Kjo qasje është zbatuar në mënyrë të njëtrajtshme për të gjitha kategoritë e konsumatorëve të përfshirë në procesin e liberalizimit.

 

Cilat janë efektet kryesore strukturore dhe financiare të liberalizimit të tregut të energjisë?

Së pari, liberalizimi ka ulur ndjeshëm barrën financiare dhe ekspozimin ndaj riskut të “Furnizuesit të Shërbimit Universal”  SH.A, i cili më parë ishte i detyruar të furnizonte konsumatorët me çmime të rregulluara nga Enti Rregullator i Energjisë (ERE).

Së dyti, liberalizimi ka përmirësuar disiplinën financiare të konsumatorëve jofamiljarë, përmes vendosjes së afateve më të shkurtra të pagesës (30 ditë), duke eliminuar praktikat e mëparshme që lejonin vijimin e furnizimit edhe në kushtet e vonesave të zgjatura në pagesa.

Së treti, tregu i energjisë elektrike po hyn në një fazë konsolidimi, ku pas përmbylljes së fazave të liberalizimit, fokusi zhvendoset drejt stabilizimit të mekanizmave të tregut, rritjes së transparencës dhe përmirësimit të vazhdueshëm të eficiencës operacionale.

 

FTL ushtron funksionin e Operatorit të Energjisë së Rinovueshme (OER). Si zbatohet kjo skemë në praktikë?

Shoqëria “Furnizuesi i Tregut të Lirë” SH.A ushtron funksionin e Operatorit të Energjisë së Rinovueshme (OER), deri në momentin kur kjo strukturë do të funksionojë si një entitet i pavarur.

Procesi i ndarjes institucionale është i ndërlidhur ngushtë me funksionimin e plotë dhe likuid të Bursës Shqiptare të Energjisë Elektrike (ALPEX), e cila përbën një parakusht thelbësor për zbatimin e skemës së kontratave për diferencë (Contracts for Difference – CfD).

Në kuadër të kësaj skeme, prodhuesit e energjisë elektrike zgjedhin të tregtojnë energjinë e prodhuar në bursë, me çmimin që rezulton nga tregu.

Në rastet kur çmimi në Bursën Shqiptare të Energjisë Elektrike (ALPEX) rezulton më i lartë se çmimi i mbështetjes, diferenca regjistrohet si kredit për t’u kompensuar në transaksionet pasuese; në të kundërt, Operatorit të Energjisë së Rinovueshme i lind detyrimi për të mbuluar diferencën përkatëse, nëpërmjet tarifës së burimeve të rinovueshme, e cila mblidhet nga konsumatorët përmes furnizuesve të energjisë elektrike.

Aktualisht, deri në një vlerësim pozitiv të (ALPEX), zbatohet një skemë kalimtare, sipas së cilës sasia e energjisë së prodhuar nga hidrocentralet dhe impiantet fotovoltaike që përfitojnë nga skema e mbështetjes përdoret fillimisht për mbulimin e humbjeve në rrjetin e shpërndarjes, më pas për nevojat e furnizimit të klientëve të “FTL” SH.A., ndërsa tepricat depozitohen pranë shoqërisë publike të prodhimit “KESH” SH.A.

 

Cili është kapaciteti i instaluar i Prodhuesve me Përparësi të Energjisë Elektrike (PPEE)?

Kapaciteti total i instaluar i impianteve fotovoltaike me status Prodhues me Përparësi të Energjisë Elektrike (PPEE) është rreth 70 MË, ndërsa kapaciteti i instaluar i hidrocentraleve me këtë status arrin në afërsisht 694 MË.

 

A ka pasur subjekte PPE që kanë dalë në tregun e lirë dhe si adresohen disbalancat?

“Furnizuesi i Tregut të Lirë” SH.A. është i ngarkuar me detyrimin e shërbimit publik për blerjen e energjisë elektrike nga Prodhuesit me Përparësi të Energjisë Elektrike (PPEE), në kuadër të skemës së mbështetjes, për një periudhë 15-vjeçare.

Pas përfundimit të këtij afati, prodhuesit me përparësi e tregtojnë energjinë e prodhuar në tregun e lirë, në përputhje me çmimet dhe rregullat e tregut.

Për sa u përket disbalancave, ato trajtohen në përputhje me parimin e përgjegjësisë individuale të palëve, sipas kuadrit ligjor dhe rregullator në fuqi.

Si “FTL” SH.A., kemi arritur të menaxhojmë në mënyrë efektive disbalancat përmes një portofoli të diversifikuar prodhimi, që përfshin burime hidro dhe fotovoltaike, si dhe përmes koordinimit dhe menaxhimit të subjekteve brenda OSHEE Group.

 

Çfarë peshe të konsumit në tregun e lirë mbulohet nga energjia e marrë nga PPEE?

Rreth 90% e konsumit të klientëve që furnizohen në tregun e lirë nga “FTL” SH.A. mbulohet nga energjia elektrike e prodhuar nga Prodhuesit me Përparësi të Energjisë Elektrike (PPEE).

Kjo ka kontribuar në një ulje të ndjeshme të sasive të depozituara pranë shoqërisë “KESH” sh.a., nga rreth 990 TWh në vitin 2023, në rreth 405 TWh në vitin 2024, si dhe në rreth 200 TWh për vitin 2025.

Kombinimi i burimeve hidrike dhe fotovoltaike mundëson optimizimin e portofolit energjetik dhe rritjen e eficiencës operacionale, ndërkohë që energjia e depozituar përdoret në mënyrë selektive, duke u akumuluar në periudha me tepricë prodhimi dhe duke u shfrytëzuar në periudha me rritje të konsumit.

 

Lexoni edhe:

Tregu i energjisë, liberalizimi mbyll fazën finale  

The post “Mbi 2300 biznese të lidhur në 6 kv po furnizohen nga FTL, përfitimet që vijnë nga liberalizimi” appeared first on Revista Monitor.

Kryeministri Edi Rama ndodhet në Abu Dabi, ku po merr pjesë në Samitin e Javës së Zhvillimit të Qëndrueshëm, nën kujdesin e veçantë të Presidentit Sheikh Mohammed bin Zayed Al Nahyan.

Në fjalën e tij në panel, Rama u shpreh se deri në fund të vitit 2028 Shqipëria do të jetë një vend Sovran dhe nuk do të blejë energji nga jashtë.

“Jemi me fat sepse kemi burimet hidrike dhe jemi 100 % me energji të ripërtëritshme. Jemi te niveli më i lartë i renditjes. Mos harroni se burime ujore do të thotë se ne varemi nga humori i Allahut. Kur nuk kemi shi na duhet t’i drejtohemi importit dhe këtu puna vështirësohet. Kemi investuar në energji diellore dhe të erës që të mos kemi më nevojë ti drejtohemi importit, plani po ecën mirë dhe besojmë se në fund të 2028 do të jemi sovran nuk do të blejmë energji nga jashtë.

Kemi një bashkëpunim strategjik dhe dua të them se kjo ka ndodhur falë këtij vendi e udhëheqësit të madh tuaj që ka vizionin e njerëzimit që shkon përtej kufijve.

Ai mendon ti shërbejë njerëzimit dhe të prekë jetën e qindra milionë njerëzve jashtë vendit tuaj. Ambicia jonë është së bashku me Emiratet Arabe dhe Italinë të kemi një bashkëpunim tre palësh. Përmes kabullit ndërlidhës me Italinë t’i shërbejmë Europës”, u shpreh Rama./abcnews.al

Investimet në prodhimin e energjisë nga impiantet fotovoltaikë janë rritur ndjeshëm viteve të fundit.

Të dhënat zyrtare të Entit Rregullator të Energjisë tregojnë se viti që lamë pas u mbyll me të paktën 71 të licencuar në prodhimin e energjisë nga impiante diellorë.

Më i fundit i licencuar është Spitalla Solar pjesë e Voltalias dhe investimi i dytë i kësaj kompanie në vendin tonë pas Karavastasë që ka nisur prodhimin nga fundi i vitit 2023. Pavarësisht se pjesa dërmuese e licencave janë marrë nga operatorë që kanë kapacitet të instaluar të ulët 2-10 MW janë të paktën 14 subjekte që kanë kapacitet të instaluar mes 20-140 MW.

Vetëm këta të fundit kanë një kapacitet të instaluar total prej 780MW ku një pjesë ka hyrë në prodhim ndërkohë që shumica janë në ndërtim e sipër.

Interesi për energjinë diellore mori nxitje pas miratimit të kuadrit ligjor por edhe nxitjes që iu bë përmes ankandeve fillimisht nga qeveria dhe më pas me projekt konkrete të privatëve të cilët panë rritje pas krizës së energjisë.

Ky interes vijon të mbetet konstant madje investitorë që tashmë kanë projekte të përfunduara siç është Karavasta Solar pjesë e Voltalia apo kompania InfoTelecom që ka edhe ajo projekte në fotovolatikë kanë nxitur bashkëpunime për marrjen e tokës në përdorim nga palë private.

Pak ditë më parë gjatë një aktiviteti për energjinë nga era, ku qeveria shqiptare dorëzoi autorizimin për kompaninë CWP që synon të ndërtojë një impiant eolik 600 MW në Tropojë, u dhanë edhe shifra konkrete lidhur me interesin për fotovolatikët. Ministria për Infrastrukturën dhe Energjinë Belinda Balluku tha se investimet private në këtë segment për investime të kryera apo në proces llogariten ne 2 miliardë euro.

“Gjatë këtyre viteve në tërësi në sektorin energjetik shqiptar janë angazhuar mbi 2 mld euro investime dhe sot kemi mbi 700 MW kapacitete të reja energjetike private fotovolatike në operim dhe 400 më kapacitete të shtuara vetëprodhues e kemi një portofol të ardhshëm që pritet ti çojë në 1500 MW me teknologji fotovolatike dhe eolike. Kemi mbi 1600 MW të reja depozituesve në fazë studimi dhe lehtësim financiar” do në nënvizonte Balluku. / N.Maho

The post Fotovoltaikët, numri i të licencuarave në prodhim arriti 71 në fund të 2025 appeared first on Revista Monitor.

KIEV, 12 janar /ATSH-DPA/- Pas sulmeve ruse me dron, 35,000 familje në rajonin jugor ukrainas të Odesës kanë mbetur pa energji elektrike, njoftoi sot furnizuesi i energjisë DTEK.

“Rivendosja e furnizimit me energji do të kërkojë kohë,” tha DTEK në një deklaratë.

“Në qytetin portual të Odesës, sulmi goditi një strukturë infrastrukturore dhe një ndërtesë banimi”, raportoi kryebashkiaku Serhiy Lysak në “Telegram”.

“Dy persona u plagosën”, tha ai.

Për shkak të sulmeve të rënda ajrore të ditëve të fundit, praktikisht nuk ka energji elektrike në kryeqytetin Kiev, në Dnipro, Odesa dhe qytete të tjera në Ukrainë.

Si rezultat, ngrohja dhe uji janë ndërprerë, gjithashtu.

Në të njëjtën kohë, ka ngrica të mëdha me temperatura deri në minus 18 gradë Celsius.

Situata është jashtëzakonisht e tensionuar për miliona banorë.

Forcat Ajrore Ukrainase thanë se kishin interceptuar 135 nga 156 dronë rusë që sulmuan gjatë natës, një sulm relativisht i vogël krahasuar me javët e fundit.

“Megjithatë, pati dëme të mëdha në 18 qytete” thanë forcat ajrore. //a.i/

The post UKRAINË – Rreth 35 000 familje pa energji elektrike pas sulmeve ruse në Odesa appeared first on Agjencia Telegrafike Shqiptare.

Kryeministri Edi Rama vizitoi sot parkun e madh eolik të Tropojës nga ku deklaroi se ky projekt është dëshmi e rrugëtimit të suksesshëm të Shqipërisë drejt një të ardhmeje energjetike të fortë dhe të qëndrueshme. Teksa vijon të flasë me fjalë të mëdha, të cilat me shumë gjasë do rezultojnë premtime boshe ashtu si deri […]

The post Rama: Kinezët na konsiderojnë si “pika e mjaltit” appeared first on BoldNews.al.

Investimet private në burime të rinovueshme të energjisë viteve të fundit kanë arritur në rreth 2 miliardë euro.

Zëvendëskryeministrja dhe njëherësh Ministre e Infrastrukturës dhe Energjisë Belinda Balluku dha këtë shifër këtë të hënë gjatë një aktiviteti për projektin e parë eolik që do të zbatohet në zonën e Tropojës. Bëhet fjalë për projektin e kompanisë CWP që parashikon një park me kapacitet të instaluar 600 MW.

Balluku e cilësoi këtë si një fazë të re për sektorin energjetik shqiptar dhe rrugën drejt diversifikimit të nisur  vite më parë.

“Parku eolik i Tropojës nuk është  thjesht një investim energjetik por simbol i transformimit që po përjeton Shqipëria, i një ekonomie më të qëndrueshme dhe më të hapur ndaj inovacionit. Sektori energjetik shqiptar po hyn në një fazë të re. Shqipëria po kalon nga varësia nga hidro në një model modern të balancuar energjetik ku diversifikimi i burimeve nuk është më një zgjedhje por domosdoshmëri strategjike.

E kemi nisur këtë rrugëtim në 2018 kur qeveria shqiptare fliste për diversifikimin. Krijimin e burimeve alternative siç ishin ato të energjisë diellore dhe më pas ato eolike. Ky tranzicion është realitet që po merr formë. Investime të huaja direkte janë treguesi më i lartë i stabilitetit ekonomik.

Vetëm në kohën e fundit mbi 1.5 mld euro investime private janë angazhuar ose janë në proces kryesisht në burime të rinovueshme në diellor dhe eolik dhe hidro me pak ndikim mjedisor.

Gjatë këtyre viteve në tërësi në sektorin energjetik shqiptar janë angazhuar mbi 2 mld euro investime dhe sot kemi mbi 700 MW kapacitete të reja energjetike private fotovolatike në operim dhe 400 më kapacitete të shtuara vetëprodhues e kemi një portofol të ardhshëm që pritet ti çojë në 1500 MW me teknologji fotovolatike dhe eolike.

Kemi mbi 1600 MW të reja depozituevse në fazë studimi dhe lehtësim financiar. Në energjinë e erës për herë të parë ne po hyjmë në ndërtimin konkret me parkun e CWP Tropojë”, tha Balluku.

Kryeministri Edi Rama vuri theksin gjatë fjalës së tij tek rëndësia e projekteve të kësaj shkalle dhe që në harkun e 12 muajve ky park i energjisë së erës në Tropojë të hyjë në rrjetin e prodhuesve të energjisë së rinovueshme në vendin tonë. Përmes këtij projekti nuk përfitohet vetëm një burim i ri energjie por dhe njohuri. Edhe ky investim shkon sipas Ramës në drejtimin strategjik dhe rrugën e përmbushjes së objektivit për ta bërë Shqipërinë një vend sovran në prodhimin e energjisë.

“Koha kur Shqipëria duhet të dalë drejt tregut për të blerë energji po shkon drejt fundit dhe ne do jemi mes atyre pak vendeve që gëzojnë pavarësi të plotë për prodhimin e energjisë”, tha Rama.

The post Energjia, Balluku: 2 miliardë euro investime private në burime të rinovueshme appeared first on Revista Monitor.

Qarku i Elbasanit është përfshirë nga kushte të motit të ftohtë, të shoqëruara me temperatura shumë të ulëta, veçanërisht në zonat malore, ku termometri ka zbritur nën –10 gradë Celsius. Në disa akse rrugore malore, temperaturat kanë arritur deri në –15 gradë Celsius, duke kërkuar ndërhyrje të vazhdueshme për garantimin e qarkullimit normal të mjeteve. […]

The post Borë e ngrica në Elbasan, disa zona pa energji elektrike appeared first on BoldNews.al.