ABU DABI /ATSH-DPA/- Bisedimet e paqes midis Ukrainës, Rusisë dhe Shteteve të Bashkuara të Amerikës kanë nisur sot në Emiratet e Bashkuara Arabe (EBA), tha vendi i Gjirit, ndërsa takimi do të përqendrohet në çështjet territoriale, sipas presidentit ukrainas Volodymyr Zelensky.

“Bisedimet tripalëshe, që po zhvillohen në kryeqytetin e Emirateve të Bashkuara Arabe, Abu Dabi, do të vazhdojnë edhe të shtunën”, shtoi Ministria e Jashtme e Emirateve në një deklaratë.

Ministri i Jashtëm i Emirateve të Bashkuara Arabe, Abdullah bin Zayed, shpreson që bisedimet do të kontribuojnë në ndërmarrjen e “hapave të prekshëm” për t’i dhënë fund krizës prej gati katër vitesh.

Në thelb të bisedimeve është kushti i Rusisë për tërhiqjen e forcave ukrainase nga pjesa e Donbasit që është ende nën kontrollin e Kievit.

Donbasi është një zonë në Ukrainën lindore që është përqendruar kryesisht në provincat e Donetskut dhe Luhanskut në rajonin tradicional të minierave të qymyrit të vendit.

“Çështja e Donbasit është një çështje kyçe për bisedimet”, u tha sot Zelensky gazetarëve.

Nuk ka pasur takime zyrtare të drejtpërdrejta midis dy palëve ndërluftuese për disa muaj, me Stambollin si vendi më i fundit.

Megjithatë, zyrtarët ushtarakë rusë dhe ukrainasë kanë përdorur Abu Dabin për takime joformale për të diskutuar shkëmbimin e të burgosurve të luftës.

Uashingtoni ka muaj që udhëheq përpjekjet për të bindur Rusinë dhe Ukrainën të arrijnë një zgjidhje paqësore, por të dy palët ende kanë qëndrime kontradiktore.

Moska pretendon të gjithë provincën lindore ukrainase të Donetskut dhe kontrollon më pak se 80% të saj. Kievi deri më tani ka refuzuar të tërhiqet vullnetarisht.

Provinca fqinje Luhansk kontrollohet pothuajse plotësisht nga trupat ruse.

Zëdhënësi i Putinit, Dmitry Peskov, tha sot se çështjet territoriale duhej të sqaroheshin në përputhje me marrëveshjet e Anchorage, duke iu referuar një takimi midis presidentit të SHBA-së Donald Trump dhe homologut të tij rus, Vladimir Putin, në Alaska në gusht.

“Qëndrimi i Rusisë është i njohur: Ukraina dhe forcat e armatosura ukrainase duhet të largohen nga rajoni i Donbasit”, tha ai.

Ukraina është mbrojtur kundër pushtimit rus për gati katër vjet, që nga 24 shkurti 2022.

Në muajt e fundit, Ukraina ka pësuar sulme të mëdha në kapacitetin e saj të prodhimit të energjisë, dhe forcat ruse në vijat e frontit kanë bërë përparime të ngadalta. //a.i/

The post ABU DABI – Nisin bisedimet e paqes midis Ukrainës dhe Rusisë appeared first on Agjencia Telegrafike Shqiptare.

TIRANË, 21 janar /ATSH/ Emiratet e Bashkuara Arabe po përgatiten të presin “Open Masters Games Abu Dhabi 2026”, një nga ngjarjet më të mëdha shumë-sportëshe ndërkombëtare në botë, e cila do të zhvillohet nga 6 deri më 15 shkurt 2026, duke mbledhur sportistë 30 vjeç e lart nga mbarë globi nën moton “United by Sports, Active for Life”.

Sipas programit zyrtar, ceremonia hapëse do të mbahet më 6 shkurt në Zayed Sports City, ndërsa garat do të zhvillohen në Abu Dhabi, Al Ain dhe Al Dhafra, në një rrjet prej 22 impiantesh sportive të standardeve botërore. Mes tyre përfshihen Hazza Bin Zayed Stadium, Abu Dhabi Cricket and Sports Hub, Hudayriyat Island, ADNEC, Khalifa International Bowling Centre, Marina Al Mirfa, Al Wathba Race Track, Abu Dhabi Marine Sports Club, Al Ain Equestrian, Shooting & Golf Club, Abu Dhabi Golf Club, Yas Acres Golf Club, Yas Links Golf Club, Mubadala Arena, Al Ain Adventure, Abu Dhabi Padel Kingdom, Abu Dhabi Aquatics Club dhe Fatima Bint Mubarak Ladies Academy, duke reflektuar përmasat dhe shtrirjen gjeografike të eventit.

Programi kryesor i Lojërave do të zhvillohet nga 7 deri më 14 shkurt, me gara në më shumë se 30 sporte, përfshirë atletikë, basketboll, futboll, not, tenis, çiklizëm, triathlon, golf, xhudo, karate, jiu-jitsu, volejboll, peshëngritje, kriket, shah, sporte ujore, sporte luftarake dhe disiplina të tjera, duke krijuar një ritëm të pandërprerë aktivitetesh sportive gjatë gjithë eventit.

Një element dallues i “Open Masters Games Abu Dhabi 2026” do të jenë sportet tradicionale të Emirateve, të cilat përbëjnë një shtyllë të rëndësishme të programit. Garat Al Tabaa do të zhvillohen më 13–14 shkurt në Al Ain, garat me deve më 14 shkurt në Al Wathba, lundrimi tradicional me dhoë dhe zhytja tradicionale më 7–8 shkurt në Marina Al Mirfa, garat e qëndrueshmërisë në hipizëm nga 7 deri më 14 shkurt, si dhe garat e skifterisë (falconry) më 13–14 shkurt në Al Falah Falconry Club, duke i dhënë eventit një dimension autentik kulturor.

Lojërat do të përfshijnë gjithashtu kategori vetëm për gra në sporte si atletikë, volejboll në sallë, basketboll, paddle dhe futboll 7-a-side, të cilat do të zhvillohen në Fatima Bint Mubarak Ladies Academy, duke reflektuar angazhimin për zgjerimin e pjesëmarrjes femërore dhe krijimin e një mjedisi gjithëpërfshirës konkurrues.

Komiteti Organizues ka konfirmuar se regjistrimet do të qëndrojnë të hapura deri më 15 janar 2026, duke u mundësuar sportistëve dhe skuadrave të planifikojnë pjesëmarrjen dhe udhëtimin e tyre në kohë.

Me mbi 25,000 pjesëmarrës të pritur nga e gjithë bota, përfshirë gjashtë sporte tradicionale emirate dhe 18 disiplina të hapura për Personat me Aftësi të Kufizuara, “Open Masters Games Abu Dhabi 2026” pritet të shndërrojnë Abu Dhabin, Al Ain dhe Al Dhafran në qendra dinamike të sportit, kulturës dhe komunitetit, duke forcuar më tej pozitën e Emirateve të Bashkuara Arabe si një destinacion kryesor për evente sportive ndërkombëtare dhe stile jetese aktive.

/gj.m/a.f/

The post EBA presin “Open Masters Games Abu Dhabi 2026”, një nga ngjarjet më të mëdha sportive në botë appeared first on Agjencia Telegrafike Shqiptare.

Autoriteti Kombëtar i Ushqimit (AKU) ka njoftuar bllokimin dhe tërheqjen nga tregu të disa produkteve të formulës për fëmijë, pas një alarmi të ardhur nga Sistemi Evropian i Njoftimit të Shpejtë për Ushqimin dhe Ushqimin për Kafshët (RASFF). Sipas njoftimit, Shqipëria është informuar nga RASFF se pas kontrolleve të kryera nga autoritetet italiane, është konstatuar […]

The post Përmban substancë të rrezikshme/ AKU tërheq nga tregu qumështin për fëmijë “BEBA” appeared first on BoldNews.al.

Manchester United ka në fokus të përforcojë mesfushën, një zonë që nuk ka dhënë performancën e pritur dhe ku vazhdimësia e lojtarëve si Casemiro, Manuel Ugarte apo Kobbie Mainoo nuk është e garantuar.

Sipas mediave britanike, katër mesfushorë kryesojnë listën e dëshirave të klubit.

Bëhet fjalë për kamerunasin Carlos Baleba (Brighton, 22 vjeç) dhe anglezët Elliot Anderson (Nottingham Forest, 25), Adam Wharton (Crystal Palace, 21) dhe Alex Scott (Bournemouth, 22).

Transferimet pritet të realizohen në verë

Megjithëse prania e këtyre lojtarëve do të ishte e dobishme menjëherë, United nuk ka ndërmend të nisë negociatat derisa të përfundojë sezoni aktual.

Me Michael Carrick si trajner i përkohshëm, klubi preferon të mos ndërmarrë shpenzime të mëdha pa pasur një qasje të qartë taktike nga trajneri i ri.

Synimi i Manchester United është të firmosë me dy prej këtyre lojtarëve, megjithatë gjithçka do të varet nga strategjia e trajnerit të ardhshëm dhe lëvizjet e mundshme të skuadrës në muajt e ardhshëm. /Telegrafi/

Manchester United vazhdon të mbajë interes të fortë për mundësinë e transferimit të Carlos Balebas nga Brighton, me synim vitin 2026, raporton gazetari i njohur Fabrizio Romano.

Sipas burimit, Bayern Munich ka ndalur punën për një marrëveshje të mundshme për mesfushorin kamerunas, pasi në kampin bavarez ekziston bindja se Baleba është i prirur t’i bashkohet “Djajve të Kuq”.

Pavarësisht një sezoni jo bindës 2025/26 me Brighton në Liga Premier, Manchester United mbetet i vendosur për ta afruar lojtarin, qoftë në afatin kalimtar të janarit 2026, qoftë gjatë verës, me kusht që “Seagulls” të jenë të hapur për shitjen e tij.

Trajneri Ruben Amorim e sheh Baleban si një zgjidhje ideale për problemet aktuale në mesfushën e United, ndërsa ai figuron në listën e ngushtë të objektivave së bashku me emra të tjerë si Adam Wharton dhe Elliott Anderson.

Baleba ka regjistruar 19 paraqitje për Brighton në sezonin 2025/26, por deri më tani nuk ka kontribuar as me gol e as me asist për skuadrën e tij. /Telegrafi/

Manchester United ka vendosur tre objektiva kryesorë për përforcimin e mesfushës: Elliot Anderson i Nottingham Forest, Adam Wharton i Crystal Palace dhe Carlos Baleba i Brighton, sipas Laurie Whitwell nga The Athletic.

Klubi po kërkon futbollistë të nivelit të Ligës së Kampionëve, në përputhje me ristrukturimin e Old Trafford dhe vizionin e trajnerit Ruben Amorim, të nxitur nga forma pozitive e javëve të fundit.

Sipas Whitwell, Anderson është i gatshëm për një hap të madh në karrierë dhe synon një klub që luan në Ligën e Kampionëve, ndërsa Adam Wharton gjendet në një situatë të ngjashme për sa i përket ambicieve personale.

Nga ana tjetër, Carlos Baleba ka kaluar një sezon më të ndërlikuar te Brightoni, por dy vitet e tij të para në klub tregojnë potencial të madh, me Whitwell që thekson se ai mund të bëjë një lëvizje të ngjashme me atë të Moisés Caicedo.

Manchester United i sheh këta tre lojtarë si pjesë thelbësore të projektit të ri, ndërsa synon të rikthehet fuqishëm në skenën evropiane. /Telegrafi/

Brighton është i gatshëm të dëgjojë ofertat për mesfushorin e talentuar Carlos Baleba verën e ardhshme, por klubi anglez kërkon rreth 85 milionë euro për 21-vjeçarin kamerunas, një shifër që deri tani ka zbehur interesimin e Bayern Munich.

Burime pranë situatës kanë konfirmuar për disa media evropiane se “Pulëbardhat” janë të hapura për ta lejuar largimin e lojtarit në vitin 2026, nëse merret një ofertë pranë kësaj vlere, pavarësisht se Baleba ka edhe tre vite kontratë.

Bayern, ku e ardhmja e Leon Goretzkës mbetet e paqartë, e ka Baleban në listën e objektivave.

Megjithatë, brenda klubit gjerman ka hezitim për të përmbushur kërkesën e lartë të Brighton për një futbollist që iu bashkua ekipit vetëm 18 muaj më parë nga Lille.

Pavarësisht interesimit të rritur nga gjigantët e Bundesligës, preferenca personale e Balebas mbetet Manchester United.

“Djajtë e Kuq” e shqyrtuan një transferim më herët gjatë afatit, por u tërhoqën për shkak të çmimit të kërkuar nga Brighton dhe prej atëherë kanë nisur të vëzhgojnë alternativa të tjera. /Telegrafi/

Për shumë vite, filozofia e Bayern Munich ka qenë të marrë lojtarët më të mirë të Bundesligës.

Këtë verë, gjiganti bavarez ka identifikuar gjashtë objektiva potencialë brenda kampionatit gjerman për t'i transferuar sezonin e ardhshëm dhe mes tyre është edhe ylli i Kosovës, Fisnik Asllani.

Bavarezët pritet që disa nga ta t'i transferojnë për sezonin e ardhshëm në Allianz Arena.

Nico Schlotterbeck (25, Borussia Dortmund)

Mbrojtësi i Gjermanisë ende nuk ka rinovuar kontratën me Dortmundin, e vlefshme deri më 2027. Bayern shihet si opsioni i preferuar në rast largimi. Megjithatë, transferimi i tij varet nga e ardhmja e Dayot Upamecanos – nëse francezi rinovon, Bayern nuk do të lëvizë për Schlotterbeck.

telegrafi.com

Castello Lukeba (22, RB Leipzig)

Nëse as Upamecano nuk rinovon, e as Schlotterbeck nuk transferohet, Lukeba shfaqet si alternativa e radhës. Leipzig ka një klauzolë prej 80 milionë eurosh për mbrojtësin, por mund të pranojë më pak. Sipas Sky.ch, Lukeba dëshiron transferimin te Bayerni dhe këtë e ka komunikuar përmes agjentëve të tij.

Nga Real Madridi te Liverpooli, United e Chelsea - top klubet evropiane mësojnë klauzolën e Lukebas telegrafi.com

Nathaniel Brown (22, Eintracht Frankfurt)

Frankfurti kërkon të paktën 60 milionë euro për Brown. Edhe pse Bayerni e pëlqen lojtarin, vështirë se do të paguante kaq shumë, sidomos me Alphonso Davies që po rikuperohet dhe Tom Bischof që po përshtatet në krahun e majtë.

Alejandro Grimaldo (30, Bayer Leverkusen)

Një tjetër emër në listë është Grimaldo, një nga më të mirët e Bundesligës këtë sezon. Aftësia e tij për të luajtur edhe në mesfushë dhe goditjet standarde e bëjnë shumë tërheqës. Por vetë spanjolli duket më i prirur drejt një rikthimi në La Liga. Kontrata e tij me Leverkusenin vlen deri në 2027.

Alejandro Grimaldo telegrafi.com

Said El Mala (19, Koln)

Një nga talentet më të mëdha të Bundesligës, El Mala vlerësohet mes 50 dhe 60 milionë eurosh. Edhe këtu Bayern përballet me konkurrencën e klubeve të mëdha evropiane. Ai ka kontratë me Kolnin deri në vitin 2030.

Fisnik Asllani (23, TSG Hoffenheim)

Ylli i Kosovës është në listën e ngushtë të Bayernit për repartin ofensiv. Me gjasat e pakta që Bayerni të nënshkruajë përfundimisht me Nicolas Jackson, Asllani po shihet si zëvendësues i mundshëm për Harry Kane.

Ai mund të largohet këtë verë përmes një klauzole prej 30 milionë eurosh. Drejtori sportiv Christoph Freund e vlerësoi kohët e fundit te Sky: “Mendoj se është një lojtar i mirë, interesant dhe i ri.”

Një tjetër klub i madh futet në garë për transferimin e Fisnik Asllanit telegrafi.com

Bayern do të ketë një verë shumë të ngarkuar, ndërsa lista e emrave tregon se klubi po mendon si për të tashmen, ashtu edhe për të ardhmen. /Telegrafi/

Manchester United po përgatitet për një tjetër riorganizim të madh për të mbështetur rindërtimin e skuadrës së Ruben Amorim, me mesfushën si zonën kryesore të synuar.

Sipas Samuel Luckhurst, lojtarët e kombëtares angleze Elliot Anderson dhe Adam Wharton admirohen nga hierarkia, ndërsa Carlos Baleba i Brighton mbetet një emër tjetër mes interesimeve për transferime gjatë verës.

Një portier dhe një sulmues anësor i ri janë gjithashtu në shqyrtim, megjithëse vendimet varen pjesërisht nga lojtarët e huazuar Radek Vitek (që shkëlqen te Bristol City) dhe Harry Amass (titullar i rregullt te Sheffield Wednesday).

Harry Maguire është në shtatë muajt e fundit të kontratës së tij dhe do të mbushë 33 vjeç verën e ardhshme, duke hedhur dyshime nëse do t'i ofrohet apo jo një marrëveshje e re.

United mund të nënshkruajë me disa mesfushorë mes pasigurisë rreth Bruno Fernandes dhe Kobbie Mainoo. Fernandes ka një klauzolë lirimi prej 57 milionë funtesh për transferimet jashtë vendit vitin e ardhshëm, megjithëse ai do ta shtyjë çdo vendim deri pas Kupës së Botës 2026.

Mainoo, kërkesa e të cilit për huazim gjatë verës u refuzua, nuk ka qenë titullar në asnjë ndeshje të Ligës Premier këtë sezon. Manuel Ugarte, i kritikuar nga Amorim për "vështirësi" në stërvitje, është paraqitur vetëm tre herë - të gjitha humbje.

Klubi synon të arrijë një vend në gjashtë vendet e para dhe një kualifikim në Evropë për të rritur buxhetin e tyre. Largimet e rëndësishme mund të kursejnë 2.1 milionë funte paga në javë.

Barcelona ka një opsion prej 35 milionë eurosh për Marcus Rashford, Napoli duhet të paguajë rreth 45 milionë euro për Rasmus Hojlund, ndërsa Casemiro përballet me lirim kur të skadojë kontrata e tij.

Jadon Sancho (i huazuar te Aston Villa), Joshua Zirkzee, Altay Bayindir dhe Tyrell Malacia gjithashtu mund të largohen. /Telegrafi/

Një lajm i trishtë ka prekur ndjekësit e ish-banorit të Big Brother VIP Albania dhe këngëtarit Endrik Beba. Partnerja e tij, Klea, ka bërë publik përmes rrjeteve sociale se ka humbur fëmijën që priste, duke ndarë me publikun një nga momentet më të vështira të jetës së saj. “Tani të mban qielli, por zemra ime […]

The post Lajm i trishtë për këngëtarin shqiptar, partnerja e tij njofton humbjen e foshnjës gjatë shtatzënisë appeared first on BoldNews.al.

Partnerja e Endrik Bebes, ish-banor i Big Brother VIP Albania, ka njoftuar publikisht humbjen e fëmijës që po prisnin. Lajmin e trishtë ajo e bëri të ditur përmes një postimi të bërë në llogarinë e saj personale të Instagram-it.

Çifti tashmë është prindër të një fëmije tjetër, dhe partnerja e Endrik ka tentuar që shtatzëninë e dytë ta mbajë të fshehtë. Vetëm pas humbjes së foshnjës, ajo vendosi ta bëjë publike lajmin e trishtë, duke ndarë me ndjekësit dhimbjen e madhe dhe përpjekjen e saj për ta përballuar këtë moment të vështirë.

Postimi i saj është një reflektim i ndjeshmërisë dhe guximit për të folur hapur për humbjen, një temë shpesh e ndjerë por rrallë e ndarë publikisht.

Të humbësh një fëmijë është dhimbje që nuk mund të përshkruhet me fjalë dhe që prek thellë çdo zemër. Në këto momente, çdo ndjenjë trishtimi, zhgënjimi apo boshllëku është e kuptueshme dhe e drejtë. Nuk ka mënyra të lehta për ta përballuar një humbje të tillë, por është e rëndësishme të dihet se nuk jeni vetëm. Mbështetja e familjes, e miqve dhe e njerëzve që ju duan mund të sjellë një dritë shprese dhe ngrohtësi në këtë periudhë të vështirë. Të ndash dhimbjen, edhe pse e vështirë, është një hap i guximshëm dhe një mënyrë për të ndjerë që dhimbja mund të përballohet ngadalë. Kujtimi i ëndrrës së vogël që nuk arriti të vijë në jetë mund të mbahet me dashuri dhe respekt, duke u bërë pjesë e forcës tuaj për të vazhduar përpara.

The post Partnerja e këngëtarit shqiptar humb fëmijën: “Tani të ka parajsa” appeared first on iconstyle.al.

ABU DABI, 3 nëntor /ATSH-AFP/ – ”Microsoft” njoftoi sot një investim prej 15,2 miliardë dollarësh në inteligjencën artificiale (IA) në Emiratet e Bashkuara Arabe deri në vitin 2029.

”Gjiganti amerikan i teknologjisë ka investuar 7,3 miliardë dollarë në vend që nga viti 2023, si pjesë e një iniciative të mbështetur nga qeveritë e Shteteve të Bashkuara dhe Emirateve të Bashkuara Arabe”, tha presidenti i saj, Brad Smith.

“Nga fillimi i vitit 2026 deri në fund të vitit 2029, ne do të shpenzojmë më shumë se 7,9 miliardë dollarë për zhvillimin e infrastrukturës së IA-së dhe cloud-it të vendit, duke e çuar totalin në 15,2 miliardë dollarë”, shtoi ai.

Emiratet e Bashkuara Arabe, një nga eksportuesit kryesorë të naftës në botë, e kanë vendosur IA në themel të strategjisë së diversifikimit ekonomik, duke synuar të bëhen një lider global deri në vitin 2031.

Gjatë vizitës së presidentit të SHBA-së Donald Trump në Abu Dhabi në maj, Emiratet e Bashkuara Arabe dhe SHBA-të krijuan një partneritet strategjik për inteligjencën artificiale.

Kur Joe Biden ishte në drejtim, ”Microsoft” ishte një nga kompanitë e pakta që mori licenca eksporti për Emiratet e Bashkuara Arabe, duke i lejuar asaj të grumbullonte ekuivalentin e 21,500 çipave Nvidia A100 në vend, sipas presidentit të saj.

”Dhe për herë të parë që kur Trump mori detyrën, në shtator ‘Microsoft’ mori licenca që i lejojnë të dërgojë ekuivalentin e 60 400 çipave shtesë A100, duke përfshirë teknologji edhe më të përparuara”, shtoi ai./   /os/

The post EBA – ”Microsoft” investon 15,2 miliardë dollarë për IA appeared first on Agjencia Telegrafike Shqiptare.

Manchester United e ka bërë të qartë tashmë pozicionin e tyre: mesfusha ka nevojë për përforcime në afatin kalimtar të dimrit dhe dy emra kanë dalë fuqishëm në radarin e tyre.

Sipas mediave, njëri prej tyre është Carlos Baleba, një lojtar i ri premtues nga Brighton, i cili vazhdon të gjenerojë interes.

Nga ana tjetër, alternativa më e përballueshme mund të jetë Angelo Stiller, mesfushori i Stuttgartit, përparimi i të cilit në Bundesligë ka tërhequr vëmendjen e Old Trafford.

United po punon me kujdes dhe strategji për t'u siguruar që të mos humbasë një tjetër objektiv kyç këtë herë.

United dhe rasti Baleba

United po e vëzhgon nga afër mesfushorin e Brighton, Carlos Baleba, i cili konsiderohet një talent premtues.

Sipas gazetarit Fabrizio Romano, Reds po analizojnë profilin e tij, por besojnë se vlera e tij në treg është shumë e lartë duke pasur parasysh kushtet aktuale të tregut.

Baleba në duel me Mbeumon

Brighton ka vendosur një çmim prej afërsisht 100 milionë funtesh dhe ka refuzuar disa oferta nën këtë çmim, duke e bërë Unitedin të marrë në konsideratë opsione të tjera.

Vlerësimi i klubit anglez dhe qëndrimi i vendosur i Brighton e komplikojnë një lëvizje të menjëhershme, që do të thotë se ky nënshkrim mund të duhet të presë deri në vitin 2026 për United.

United gjithashtu e vlerëson Stillerin

Të përballur me vështirësinë për të siguruar nënshkrimin e Balebas, Manchester United ia ka kthyer vëmendjen Angelo Stiller.

Ky mesfushor gjerman nga Stuttgart është përshkruar si një "lojtar i klasit botëror" falë aftësisë së tij të shkëlqyer në pasime dhe performancave të tij në Bundesligë.

Stiller duke festuar një gol

Klubi anglez e konsideron atë një alternativë më të qëndrueshme financiarisht. Edhe pse ende nuk ka negociata zyrtare, burime pranë situatës sigurojnë se United po e monitoron nga afër Stillerin dhe e sheh atë si një objektiv për afatin kalimtar të verës në vend të janarit.

Vlerësohet se Stuttgart mund të kërkojë më shumë se 50 milionë euro për transferimin e tij, një shifër më e arsyeshme për Djajtë e Kuq. /Telegrafi/

Sipas një raportimi talkSPORT, Manchester United janë të hapur për të afruar dy mesfushorë të rinj në vitin 2026, qoftë gjatë afatit kalimtar të janarit, apo në verë.

Raporti përmend gjashtë lojtarë që janë në listën e interesit të “Djajve të Kuq”.

Interesi i klubit për Carlos Baleba të Brighton, Adam Wharton të Crystal Palace dhe Elliot Anderson të Nottingham Forest është dokumentuar prej kohësh.

Tre emra të tjerë që janë shtuar në listë janë Angelo Stiller i Stuttgart, Conor Gallagher i Atletico Madrid dhe Andrey Santos i Chelseat.

Elliot Anderson, njëri nga objektivat e Man Utd

Trajneri Ruben Amorim dëshiron të shtojë shpejtësi dhe fizik në repartin e mesfushës, i cili shihet si pika më e dobët e skuadrës aktuale.

Përveç kësaj, disa nga mesfushorët aktualë kanë të ardhme të pasigurt.

Kontrata e Casemiros skadon verën e ardhshme, Bruno Fernandes pritet të marrë një tjetër ofertë të majme nga Arabia Saudite, ndërsa Kobbie Mainoo mund të kërkojë largimin në formë huazimi që në muajin janar.

Në këtë kuadër, drejtuesit e Manchester United po përgatiten për një ristrukturim të thellë të mesfushës, me synimin për të sjellë energji, dinamikë dhe konkurrencë më të madhe në skuadër./Telegrafi/

Real Madrid ka shtuar qendërmbrojtësin e RB Leipzig, Castello Lukeba, në listën e objektivave të mundshëm për afatin kalimtar të verës së ardhshme, bashkë me emra të tjerë si William Saliba dhe Ibrahima Konate.

Los Blancos po planifikojnë të rinovojnë repartin defensiv, pasi Antonio Rudiger dhe David Alaba pritet të largohen në fund të sezonit kur t’u skadojnë kontratat.

Megjithatë, opsioni i William Salibas duket se është përjashtuar, pasi mbrojtësi francez ka rinovuar së fundmi kontratën me Arsenal.

Nga ana tjetër, situata e Konates është më premtuese, pasi marrëveshja e tij me Liverpool skadon verën e ardhshme, duke e bërë një objektiv të realizueshëm për madrilenët.

Në këtë kuadër, Castello Lukeba, 22 vjeç, shihet si një nga talentet më premtues të Bundesligës. Raportime të mëparshme kanë zbuluar se lojtari ka një klauzolë lirimi prej 90 milionë eurosh.

Lukeba vlerësohet për aftësitë e tij në ndërtimin e lojës nga prapavija, pasimin e saktë, transportimin e topit dhe inteligjencën në aspektin mbrojtës.

Ai është pjesë e brezit të ri të mbrojtësve francezë, së bashku me Ibrahima Konate dhe Dayot Upamecanon, i cili po ashtu pëlqehet nga Real Madridi./Telegrafi/

Ndërsa e ardhmja e trajnerit Ruben Amorim mbetet e paqartë, Manchester United po vazhdon punën për të forcuar projektin e tij afatgjatë.

Drejtuesit e klubit tashmë kanë filluar planet për afatin kalimtar të verës 2026, me përparësi absolute nënshkrimin e një mesfushori qendror.

Pavarësisht se sezonin e kaluar ishin pranë triumfit në Ligën e Evropës, “Djajtë e Kuq” nuk kanë arritur ende të gjejnë stabilitetin e nevojshëm në Angli dhe në Evropë. Në këtë situatë, transferimet shihen si një hap i domosdoshëm për të përmirësuar skuadrën, ndërkohë që pasiguria në stol nën drejtimin e Amorim vazhdon.

Sipas The Telegraph, në listën e United janë tre lojtarë të rinj premtues. Elliot Anderson, 22-vjeçari i Nottingham Forest, shihet si një profil interesant për të ardhmen.

Carlos Baleba, vetëm 21 vjeç, është bërë një nga mesfushorët më të kërkuar në Ligën Premier, por Brighton tashmë e ka vlerësuar atë me shifrën e lartë prej 100 milionë eurosh.

Një tjetër alternativë që po merret në konsideratë është Adam Wharton, 21-vjeçari i Crystal Palace, i cili ka fituar gjithashtu vlerësime të larta për paraqitjet e tij.

Me këto tre emra në shënjestër, Manchester United pritet ta ketë mesfushën prioritet në verën e ardhshme, duke synuar t’i japë skuadrës energji dhe cilësi për të qenë sërish konkurrues në nivelet më të larta. /Telegrafi/

Manchester United mund të përballet me konkurrencë të fortë nga Liverpooli në garën për mesfushorin e Brightonit, Carlos Baleba, raporton TEAMtalk.

Trajneri i “Djajve të Kuq”, Ruben Amorim, e ka vendosur forcimin e mesfushës si prioritet kryesor, me Baleban që mbetet në krye të listës së dëshirave për transferime, pavarësisht dështimit të United për ta siguruar atë gjatë verës.

Disa javë më parë, Brighton kërkonte plot 80 milionë euro për të lejuar largimin e 21-vjeçarit.

Gjithnjë sipas TEAMtalk, United planifikon të afrojë dy mesfushorë të rinj, një në janar dhe një tjetër në fund të sezonit dhe kamerunasi shihet si “objektivi i ëndrrës” për afatin kalimtar të ardhshëm.

Megjithatë, Brighton nuk është i gatshëm ta lejojë largimin e tij në mes të sezonit, edhe pse Baleba ka hasur vështirësi për të gjetur formën e tij më të mirë në javët e para të edicionit.

Në anën tjetër, Liverpooli ka monitoruar nga afër paraqitjet e lojtarit gjatë gjithë sezonit dhe mbetet një opsion serioz nëse vendos të përforcojë repartin e mesfushës.

Baleba pritet të jetë një nga emrat më të nxehtë të merkatos, me dy rivalët e mëdhenj të Premier Ligës që tashmë po përgatiten për një garë të ashpër për firmën e tij. /Telegrafi/

Barcelona po përballet me ditë vendimtare në tregun e transferimeve. Oferta e Chelseat për Fermin Lopez ka shkaktuar debate të ashpra në zyrat e klubit, por Hansi Flick ka vendosur një kusht: klubi mund të autorizojë largimin e mesfushorit vetëm nëse siguron më parë mbërritjen e një qendërmbrojtësi me këmbë të majtë.

Duke pasur parasysh këtë skenar, skuadra Blaugrana ka tre opsione interesante për të përforcuar këtë pozicion: Gonçalo Inacio, Murillo dhe Castello Lukeba.

Pas largimit të Inigo Martinez drejt Al Nassr, trajneri beson se një nënshkrim për të sjellë ekuilibër në ekip është thelbësor. Flick beson se partneriteti midis Pau Cubarsi dhe një mbrojtësi me këmbë të majtë mund të rrisë nivelin mbrojtës dhe të përmirësojë posedimin e topit nga ekipi.

Lexo po ashtu Barcelona është e vendosur ta mbajë Fermin Lopezin, shitet vetëm nëse lojtari kërkon largimin

Performanca e dobët e Ronald Araujos në dy ndeshjet e para të La Ligas, të dyja të fituara nga Barça, por me dyshime në mbrojtje, e ka përforcuar këtë nevojë.

“Nuk mund ta humbasim një mesfushor kyç pa siguruar më parë një mbrojtës që ofron garanci”, thuhet se i ka thënë Flick bordit, sipas burimeve pranë klubit.

Bordi drejtues po shqyrton tre alternativa për të përmbushur kërkesën e Flick.

Gonçalo Inacio

Qendërmbrojtës portugez 24-vjeçar, një lojtar kyç për Sporting Lisbonën. Këtë sezon, ai ka dhënë dy asistime në katër ndeshje dhe ka bërë tashmë 16 paraqitje për ekipin kombëtar portugez.

Kontrata e tij skadon në vitin 2027, por shkathtësia e tij – ai mund të luajë në pozicionin e mbrojtësit të krahut – e bën atë të preferuarin e Flick.

Murillo  

Mbrojtës brazilian 23-vjeçar te Nottingham Forest, me kontratë deri në vitin 2029.

Ai luajti si titullar në dy ndeshjet e para të Ligës Premier dhe konsiderohet si një nga zbulimet e futbollit anglez.

Castello Lukeba

Mbrojtës francez 22-vjeçar nga RB Leipzig. Gjithashtu i nënshkruar deri në vitin 2029, ai ka përfunduar tashmë dy ndeshjet e para të Bundesligës, duke treguar soliditet dhe potencial.

Të tre emrat janë të njohur, megjithëse situata ekonomike e ndërlikon çdo transaksion të menjëhershëm.

Kufiri i pagave është një kufizim për Barcelonën, e cila duhet të përputhet me rregullin 1:1 përpara se të regjistrojë nënshkrime të reja.

Nëse një përforcim nuk mund të shënohet, Flick po shqyrton zgjidhje të brendshme: zhvendosjen e Gerard Martin në një pozicion qendror në krahun e majtë ose dhënien e mundësive lojtarëve të rinj nga skuadra rezervë, si Andrés Cuenca ose Alvaro Cortes.

Deco, drejtori sportiv, ka fjalën e fundit. Ai do të vendosë nëse Barça do të marrë rreziqe në gusht apo do të presë deri në afatin kalimtar të dimrit për të vepruar me më shumë liri veprimi.

Afati kalimtar mbyllet më 1 shtator dhe orët para tij premtojnë tension maksimal në Camp Nou. /Telegrafi/

The post Tre qendërmbrojtës me këmbë të majtë në listën e dëshirave të Barcelonës appeared first on Telegrafi.

Shefi i Shtabit të Përgjithshëm të Forcave të Armatosura, gjenerallejtënant Arben Kingji, priti sot në një takim zyrtar komandantin e Komandës së Bashkuar Operacionale të Emirateve të Bashkuara Arabe, gjeneralmajor Awad Saeed Al-Ahbabi. Gjatë takimit, gjenerallejtënant Kingji shprehu falënderimin dhe mirënjohjen për angazhimin dhe mbështetjen e forcave të Emirateve të Bashkuara Arabe në…

Source

Manchester United thuhet se po përgatitet për një lëvizje befasuese drejt kapitenit të fuqishëm të Sporting Lisbonës, Morten Hjulmand, pasi ndjekja për Carlos Baleban e Brightonit ka hasur në një mur, me klubin anglez që kërkon plot 120 milionë euro për yllin kamerunas. 

Trajneri i “Djajve të Kuq”, Ruben Amorim, është i vendosur ta sjellë Baleban në “Old Trafford”, por çmimi i lartë i kërkuar nga Brighton i ka stepur drejtuesit e klubit. 

Baleba ishte një prej zbulimeve të sezonit të kaluar, duke u renditur ndër më të mirët e Premier League për ndërhyrje, ndërprerje aksionesh, bllokime dhe rikuperime topi. 

Brighton nuk po lëviz nga qëndrimi i tij, duke e konsideruar Baleban si një pjesë kyçe të skuadrës për sezonin e ri, pas 31 ndeshjeve si titullar nga gjithsej 38 në kampionat. 

Lexo po ashtu Wayne Rooney parashikon se në cilën pozitë do ta përfundojë kampionatin Man United

Sipas The Sun, qëndrimi i palëkundur i Brighton ka bërë që United të kthejë vëmendjen nga Hjulmand. 

Klubi anglez është duke përgatitur një ofertë prej 50 milionë eurosh, ndërsa Sporting pritet të shqyrtojë një ofertë që është rreth 10 milionë më pak se klauzola e lirimit prej 68 milionë paundësh, nëse përfshihen bonuse të bazuara në paraqitje. 

Mesfushori danez nuk është i panjohur për stilin me intensitet të lartë e strukturë të qartë të Amorimit, pasi ka zhvilluar 65 ndeshje nën drejtimin e tij te Sportingu. 

Së bashku, ata kanë fituar dy tituj të kampionatit dhe një kupë të Portugalisë, me Hjulmand që ka mbajtur edhe shiritin e kapitenit. 

Nëse United finalizon transferimin e Hjulmand, kursimet e realizuara mund të përdoren për një tjetër goditje të madhe, këtë herë për portierin e Paris Saint-Germain, Gianluigi Donnarumma, si zgjidhje afatgjate për portën./Telegrafi/

The post Man Utd ka një “plan B” në rast se dështon transferimi i Balebas appeared first on Telegrafi.