Brighton është i gatshëm të dëgjojë ofertat për mesfushorin e talentuar Carlos Baleba verën e ardhshme, por klubi anglez kërkon rreth 85 milionë euro për 21-vjeçarin kamerunas, një shifër që deri tani ka zbehur interesimin e Bayern Munich.

Burime pranë situatës kanë konfirmuar për disa media evropiane se “Pulëbardhat” janë të hapura për ta lejuar largimin e lojtarit në vitin 2026, nëse merret një ofertë pranë kësaj vlere, pavarësisht se Baleba ka edhe tre vite kontratë.

Bayern, ku e ardhmja e Leon Goretzkës mbetet e paqartë, e ka Baleban në listën e objektivave.

Megjithatë, brenda klubit gjerman ka hezitim për të përmbushur kërkesën e lartë të Brighton për një futbollist që iu bashkua ekipit vetëm 18 muaj më parë nga Lille.

Pavarësisht interesimit të rritur nga gjigantët e Bundesligës, preferenca personale e Balebas mbetet Manchester United.

“Djajtë e Kuq” e shqyrtuan një transferim më herët gjatë afatit, por u tërhoqën për shkak të çmimit të kërkuar nga Brighton dhe prej atëherë kanë nisur të vëzhgojnë alternativa të tjera. /Telegrafi/

Chelsea dhe Arsenal raportohet se kanë intensifikuar përpjekjet për të transferuar sensacionin e Lille, Ayyoub Bouaddi, ndërsa të dy gjigantët e Ligës Premier po kërkojnë të pozicionohen përpara Paris Saint-Germain në garën për një nga talentet më premtues të Evropës.

Lille janë të vendosur t’i zgjasin kontratën adoleshentit dhe të sigurojnë një tarifë transferimi që mund të kalojë 50 milionë euro verën e ardhshme.

Sipas Fabrice Hawkins, Chelsea dhe Arsenal janë shfaqur si pretendentët kryesorë për nënshkrimin e mesfushorit të Lille, Bouaddi, reputacioni i të cilit është rritur ndjeshëm pas shpërthimit të tij në skenë si një nga talentet më emocionuese të Ligue 1.

Raporti thekson se Arsenal po shtyn agresivisht për transferimin, ndërsa Chelsea ka intensifikuar monitorimin e lojtarit, teksa kërkon përforcime në mesfushë para afatit kalimtar të verës.

Lille është e vetëdijshme për konkurrencën dhe pret oferta që do të kalojnë 50 milionë euro, me disa vlerësime të mëhershme që sugjerojnë se shifra mund t’i afrohet edhe 100 milionë eurove.

Paris Saint-Germain, që ka ndjekur prej kohësh Bouaddin, mbetet në garë, megjithatë burime pranë lojtarit thonë se aktualisht nuk ka bisedime me klubin parisien.

18-vjeçari ka tërhequr gjithnjë e më shumë vëmendje falë paraqitjeve të jashtëzakonshme në garat vendore dhe evropiane, veçanërisht me performancën e tij në fitoren historike të Lille ndaj Real Madridit në Ligën e Kampionëve, pikërisht në ditëlindjen e tij të 17-të.

Rritja e tij e shpejtë e ka shndërruar në një figurë kyçe për Lille, duke i shtyrë drejtuesit e klubit të rinisin përpjekjet për të siguruar një kontratë të re përtej vitit 2027./Telegrafi/

Kombëtarja e Algjerisë, e cila tashmë është kualifikuar për Kupën e Botës 2026, vazhdon me planin për të forcuar ekipin kombëtar për sfidat e ardhshme.

Pas prurjes së një portieri të ri, Luca Zidane i Granadas, djali i legjendarit Zinedine Zidane, përmes natyralizimit në muajin shtator, vëmendja tani po zhvendoset te përforcimet e reja.

Anëtari më i ri i ekipit të Vladimir Petkovic është Elias Benkara, një portier 18-vjeçar nga ekipi i dytë i Borussia Dortmund, i cili më parë ka luajtur për ekipet e të rinjve të Gjermanisë deri në moshën U-17.

Djali i Zinedine Zidanes zgjedh ta përfaqësojë Algjerinë para Francës

Por duket se nuk mbaron me kaq. Sipas portalit Fennec Football, Federata e Futbollit të Algjerisë po përpiqet të bindë Ethan Mbappe, vëllain e vogël të yllit francez Kylian Mbappe, që ta pranojë ftesën dhe të veshë fanellën e “Dhelprave të Shkretëtirës”.

Sipas të njëjtit burim, Federata Algjeriane ka kontaktuar tashmë nënën e Ethanit, Fayza Lamari, e cila është me origjinë algjeriane, me qëllim që sulmuesi i ri i Lille të marrë shtetësinë dhe të jetë në dispozicion të trajnerit Petkovic pas përfundimit të Kupës së Kombeve të Afrikës, e cila fillon më 21 dhjetor.

“FAF nuk dëshiron vetëm të forcojë ekipin, por edhe t’i dërgojë një mesazh të fortë diasporës algjeriane dhe botës së futbollit”, deklaron Fennec Football, duke theksuar se mbërritja e djalit të Zidane dhe mundësia e ardhjes së Ethan Mbappe do të simbolizonin një epokë të re në ekipin kombëtar.

“Qëllimi është i qartë: të forcohet ekipi kombëtar me talentë të rinj me origjinë algjeriane dhe në këtë mënyrë të sigurohet një tranzicion i fortë dhe konkurrues brezash para Kupës së Kombeve Afrikane në vitin 2025 dhe Kupës së Botës në vitin 2026”, përfundon Fennec Football. /Telegrafi/

Real Madridi e ka kthyer Ligue 1 në një terren të suksesshëm për përforcime vitet e fundit, me lojtarë si Eduardo Camavinga, Ferland Mendy, Raphael Varane dhe Aurelien Tchouameni që janë transferuar në Madrid që në moshë të re.

Talenti më i fundit që ka tërhequr vëmendjen e tyre është mesfushori i Lille, Ayyoub Bouaddi.

18-vjeçari ka spikatur që nga debutimi i tij në fillim të sezonit të kaluar, ku la përshtypje të mira në përballjet kundër Atletico Madrid dhe Real Madrid në Ligën e Kampionëve.

Bouaddi ka arritur të konsolidojë veten në kampionatin francez. Ndërkohë, tashmë ka nisur edhe një garë për ta siguruar në nivel përfaqësuesesh, me Marokun që kërkon ta bindë përpara Francës.

Ai është cilësuar si një nga talentet më premtues të futbollit evropian, duke treguar tashmë forcë fizike për të konkurruar, aftësi në rikuperimin e topit dhe teknikë të lartë.

Ayyoub Bouaddi

Sipas The Daily Briefing, Real Madrid po ndjek me kujdes zhvillimin e tij te Lille.

Nuk është për t’u habitur që “Los Blancos” janë mes shumë klubeve që po e vëzhgojnë Bouaddin, megjithatë ata nuk kanë qenë aq aktivë sa disa të tjerë deri tani.

Manchester United, Juventus dhe Paris Saint-Germain tashmë kanë dërguar skautët e tyre për ta ndjekur nga afër lojtarin, me kreun e rekrutimit të të rinjve, Christopher Vivell, i cili është shprehur shumë i impresionuar me të.

Edhe Milan po ashtu ka hedhur bazat për një lëvizje të mundshme në të ardhmen./Telegrafi/

Hamza Igamane (22.11.2002) e ka përmbysur Ligue 1. Reprezentuesi maroken i Lille, i nënshkruar këtë verë nga Rangers për 11.5 milionë euro, po e shfrytëzon në maksimum dëmtimin e Olivier Giroud.

Ai shënoi dy gola në humbjen ndaj PAOK-ut (3-4) në Ligën e Evropës dhe shënoi në fitoren 6-1 ndaj Metz. Në total, ai ka shtatë gola dhe një asistim në vetëm 378 minuta. Me fjalë të tjera, ai është i përfshirë në një gol çdo 47.25 minuta.

"Didier Drogba më frymëzoi shumë. Mendoj se ndaj pak nga stili i tij i lojës", ka thënë Igamane si prezantim.

Një ish-fitues i Kupës së Botës dhe ish-lojtar i Lille, Adil Rami, nxiti një krahasim tjetër, edhe më madhështor nëse ishte e mundur.

"Ata e quajnë Ronaldo maroken", zbuloi ai, fillimisht duke shtuar se: “Kontrolli i tij i topit është i pabesueshëm. Ai ka një pasim cilësor, teknikë, një gjuajtje të fortë dhe vendosmëri. Ai është agresiv me topin në këmbë. Sapo kontrollon topin, ai dëshiron të sulmojë mbrojtësit. Dhe gjithashtu bën driblime të vogla".

Një paralele që, për të qenë i sinqertë, daton shumë kohë më parë.

"Në Marok, ne e thërrisnim Adriano ose Ronaldo. Sidomos Adriano. Ai kishte të njëjtin fizik imponues, gjuajtjen më të mirë në ligë me të dyja këmbët dhe bëri diferencën me forcën dhe teknikën e tij”.

“Në moshën 16 vjeçare, ai ishte tashmë më i madh se të gjithë të tjerët dhe ende po fitonte masë muskulore. Ai ka aftësinë e rrallë për të ruajtur teknikën e patëmetë me fizikun e tij dhe trajtimin agresiv të topit", la thënë për L'Equipe bashkëkombësi i tij Taëfik Bentayeb, tani lojtar i Troyes.

Analisti i Ligue 1, Sëann Borsellino, inkurajon krahasimet midis Igamane dhe R9.

"Në gjestet e tij teknike, kontrollin e topit dhe gatishmërinë e tij për të dribluar mbrojtësit, ka jehonë të Ronaldos brazilian. Po e ekzagjeroj qëllimisht, por ka diçka në atë që ai ofron për sa i përket kontrollit të topit që më kujton Ronaldon”, ka thënë Borsellino.

"Kemi të njëjtin stil loje"

Vetë Igamane e përshëndet krahasimin dhe memet që janë shfaqur në rrjetet sociale me një buzëqeshje.

"Po, i kam parë. Është një gjë vërtet e bukur të krahasohesh me një legjendë futbolli. Është madhështore. Mendoj se kemi të njëjtin stil loje. Një mik i imi e bëri [bën shaka ai]. Vëllai im, urime për këtë vepër madhështore. Një artist, një artist”.

Ai pati vështirësi të niste lojën dhe trajneri i tij, Bruno Genesio ka folur rreth kësaj.

"Hamza ka nevojë për ritëm, për të rifituar fizikalitetin e tij. Ai mbërriti vonë dhe duhet të përshtatet", tha trajneri Genesio, i cili tani do të duhet të zgjedhë midis Igamane dhe Giroud: "Ata kanë profile plotësuese. Mendoj se është thelbësore për një klub ambicioz të ketë dy numra 9 konkurrues".

Numrat e tij e vendosin atë në të njëjtin nivel me një tjetër numër të shkëlqyer, 9. Duhet të kthehemi në sezonin 2019/20 për të gjetur një lojtar të Lille që shënoi shtatë gola në 10 ndeshjet e tij të para: Victor Osimhen. Megjithatë, nigerianit i janë dashur 880 minuta. Marokeni ia doli mbanë vetëm në 378 minuta.

"Ajo që më pëlqen tek ai është freskia që sjell. Është një djalosh mjaft i paparashikueshëm. E këshilloj ta ruajë këtë dhe të bëhet pak më i strukturuar në pozicionimin e tij pa top, në lëvizjet e tij në lojën tonë", thekson trajneri i Lille. /Telegrafi/

Kylian Mbappe ishte i pranishëm në 'Stade Pierre Mauroy' për të ndjekur vëllanë e tij, Ethan, në ndeshjen e Ligue 1 mes Lille dhe PSG, dhe nuk humbi rastin për të shijuar një moment të veçantë familjar.

Duke hyrë si zëvendësues në minutën e 81-të, Ethan Mbappe shënoi golin e barazimit vetëm katër minuta më vonë, duke mposhtur portierin Lucas Chevalier me një gjuajtje të saktë dhe të bukur.

Reagimi i Kylian në tribunë, teksa shihte vëllain e tij të madhuar në fushë, u fokusua nga kamerat dhe u bë menjëherë viral.

Ylli i Real Madridit festoi golin e Ethan-it kundër ish-skuadrës së tij, PSG-së, duke ndarë emocionet e një momenti të rrallë familjar.

18-vjeçari ia dedikoi golin vëllait të tij të madh dhe e festoi në stilin karakteristik të Kylian Mbappe, duke treguar lidhjen e veçantë mes tyre dhe emocionin që futbolli mund të sjellë për familjen.

Në fund, Lille dhe PSG u ndanë në barazim 1-1, duke reflektuar një ndeshje të barabartë dhe dramatike për të dyja skuadrat. /Telegrafi/

PSG nuk ka arritur më shumë se një barazim 1-1 në udhëtim te Lille.

Ka qenë një pjesë e parë më e qetë dhe më pak raste shënimi.

Gjithsesi dy skuadrat kishin disa gjysmëraste, por që nuk arritën të shënonin gola.

45 minutat e para të kësaj sfide u mbyllën ashtu siç filluan me rezultat të barabartë 0-0.

Në pjesën e dytë Luis Enrique inkuadroi në lojë tre yjet si Vitinha, Achraf Hakimi dhe Nuno Mendes, ku edhe u zhbllokua ndeshja.

Mbrojtësi portugez realizoi një gol spektakolar nga gjuajtja e lirë në minutën e 66-të për t'i dhënë PSG-së epërsinë 0-1.

telegrafi.com

Por vendasit barazuan gjithçka 20 minuta më vonë, kur zëvendësuesi Ethan Mbappe realizoi gol të bukur ndaj ish-skuadrës për të barazuar rezultatin në 1-1.

Deri në fund më gola nuk pati dhe dy skuadrat u ndanë në paqe në barazim 1-1.

PSG mbetet lider në Ligue 1 me 16 pikë, një më shumë se Marseille e dyta, derisa Lille është e shtata në tabelë me 11 pikë. /Telegrafi/

Legjenda e futbollit italian Francesco Totti është shokuar nga fakti që Roma dështoi të shënonte tre herë nga pika e bardhë në ndeshjen ndaj Lille.

Roma pësoi humbje në ndeshjen hapëse të Ligës së Evropës, por ajo që ra në sy ishin tre penalltitë e humbura, ku portieri francez arriti t’i ndalë tre goditje të njëpasnjëshme nga 11-metërshi.

E ndër reagimet e shumta, nuk kishte si të mungonte edhe i ish kapitenit që përmes një mesazhi zanor që më pas u publikua online, nuk e fshehu habinë dhe zhgënjimin e tij.

“E pabesueshme, kjo duhet të jetë shaka. Mua më kritikonin duke thënë se shënoja vetëm nga penalltia, sikur të ishte e lehtë... Por kjo nuk ka ndodhur kurrë në historinë e futbollit – tre penallti radhazi të humbura!”.

“Vetëm Roma është në gjendje të bëjë diçka të tillë, e pabesueshme”, tha Totti.

Ndërkohë, Roma është ndër liderët aktual në tabelën e Serie A pranë AC Milanit dhe Napolit, kurse objektivi i madh mbetet qëndrimi në top katërshe./Telegrafi/

Në një ndeshje të vlefshme për xhiron e dytë të fazës së ligës në Ligën e Evropës, AS Roma priti në shtëpi Lille, por nuk arriti të marrë tre pikët, falë një performance brilante të portierit të mysafirëve, Berke Ozer.

Ndeshja nisi me një gol të hershëm nga Lille. Në minutën e 6-të, Hakon Arnar Haraldsson shfrytëzoi një pasim perfekt dhe dërgoi topin në qoshen e sipërme të portës së Roman, duke i dhënë mysafirëve avantazhin (1-0).

Roma reagoi shpejt dhe krijoi disa mundësi për të barazuar, por mbrojtja e Lille dhe portieri Ozer qëndruan në këmbë.

Një nga momentet më dramatike erdhi në minutën e 36-të, kur Neil El Aynaoui arriti i pari te një top i kthyer brenda zonës dhe gjuajti drejt portës, por një nga mbrojtësit e Lille bëri një pastrim spektakolar mbi vijën e golit.

Pjesa e parë përfundoi 0-1 për Lille, ndërsa pjesa e dytë ishte e mbushur me tension dhe mundësi për të dyja ekipet.

Momenti vendimtar erdhi në minutat 83 dhe 86, kur Roma pati dy penallti të rrezikshme – nga Artem Dovbyk dhe Matias Soule. Por Berke Ozer shkëlqeu, duke pritur dy penalltitë dhe duke ruajtur avantazhin e Lille deri në fund.

Këto pritje vendosën fatin e ndeshjes dhe e shpallën portierin turk hero të takimit.

Roma ka 3 pikë, ndërsa Lille ka 6 pikë pas dy xhirosh. /Telegrafi/

Rafael Leao nuk do të jetë i disponueshëm nesër (e mërkurë) në mbrëmje për ndeshjen Milan-Lecce në Kupën e Italisë për shkak të një dëmtimi. Sulmuesi portugez ka qenë jashtë fushave që nga 17 gushti, gjatë ndeshjes kundër Barit, gjithashtu në Kupën e Italisë, por ka optimizëm se ai do të shërohet në kohë për ndeshjen e së dielës kundër Napolit.

Ylli portugez foli në podkastin Say Less, duke zbuluar se çfarë ndodhi në verën e vitit 2019 kur ai mbërriti në Milano.

“Isha gati të shkoja te Interi, çmenduri. Drejtori sportiv (i Lille) më tha: 'Rafa, jemi gati të të shesim te Interi'. Unë thashë jo”, ka thënë fillimisht Leao.

“Kisha bërë shumë mirë atë sezon dhe doja të qëndroja edhe një vit për t'u përmirësuar edhe më shumë dhe për të rritur vetëbesimin tim për sfidën e ardhshme. Por, ai më tha jo, se duhej të më shiste, se ishte një mundësi e shkëlqyer për mua, për ta, sepse ishin shumë para. Por i thashë jo Interit”.

Kur Milani trokiti në derë, Leao nuk hezitoi dhe zgjodhi Rossonerët.

“Kalojnë një, dy, tre javë dhe drejtori sportiv kthehet tek unë dhe më thotë: 'Milani është i interesuar për ty'. Unë i thashë: po, Milani po, nëse vijnë me një ofertë, do ta pranoj”.

“Dy ditë më vonë ai u kthye dhe tha: kanë bërë një ofertë, dikush dëshiron të flasë mety, ishte Maldini në një video-thirrje. Paolo më tha: 'duhet të vish, jemi gati të të marrim'. Unë pranova, nuk mund të thosha jo”.

Më në fund, Leao shtoi një deklaratë vendimtare: "Midis Milanit dhe Interit, Milan njëqind herë".

Deklarata dashurie që me siguri do t’i kënaqin tifozët e Rossonerëve, veçanërisht sepse ai foli për refuzimin e tij të madh ndaj rivalëve të qytetit, Interit. /Telegrafi/

Superkompjuteri i Opta-s ka përditësuar gjatë ditës së sotme (e enjte), 11 shtator, parashikimet për favoritët e Ligës së Evropës për sezonin 2025/26.

Liga e Evropës për sezonin 2025-26 fillon të mërkurën, më 24 shtator, me nëntë ndeshjet e para të javës së parë të fazës së ligës, dhe nëntë të tjerat një ditë më vonë.

Për këtë edicion që pritet të jetë i ‘çmendur’ tashmë kanë filluar parashikimet.

Sipas superkompjuterit të kompanisë së specializuar Opta, Aston Villa është parashikuar favorit për të fituar Ligën e Evropës këtë edicion me 21.6 për qind shanse për të ngritur trofeun.

Klubi anglez është vendosur para italianëve të Romës, të cilët shihen favoritët e dytë me 12.8 për qind shanse dhe Nottingham Forest që renditen në pozitën e tretë me 11.3 për qind gjasa për të triumfuar.

Pas tyre përfshihen klube tjera të njohura si francezët e Lille të katërtit me 10.1 për qind dhe Lyon të pestit me 8.3 për qind shanse.

Feyenoordi me 5.2% renditet në pozitën e gjashtë, Bologna me 5.1% i shtati, Porto i teti me 4.3%, Stuttgarti i nënti me 2.8% dhe Real Betisi i dhjeti me 2.6% shanse.

Pas tyre më pozitat nga 11-20 vijnë ekipe tjera si Fenerbahce, Celtic, Braga, Crvena Zvezda, Genk, Nice, Celta Vigo, Midtjylland, Dinamo Zagreb dhe Utrecht.

Ndryshe, superkompjuteri i Opta-s e ka simuluar garën e Ligës së Evropës 2025/26 plotë 10,000 herë dhe ka konfirmuar këto përqindje. /Telegrafi/

Aktori i njohur kosovar, Vedat Bajrami, një mik i hershëm i yllit të ri të Juventusit, Edon Zhegrova, u intervistua nga Tuttomercatoweb dhe dha mendimet e tij për gjithçka që u pyet mbi jetën, karrierën dhe transferimin e fundit të yllit të Dardanëve.

Zhegrova kompletoi transferimin e tij nga Lille te Juventusi në ditën e fundit të afatit kalimtar veror për një shifër të raportuar prej 14.5 milionë euro, e cila me bonuse mund të shkojë deri në 18 milionë.

Transferimi i tij ka bërë bujë të madhe në Itali dhe mediat vendore i kanë dhënë shumë hapësirë duke bërë lajme të ndryshime rreth profilit të Zhegrovës, por edhe intervista të ndryshme me akterë të afërt me lojtarit.

I fundit nga ta është aktori Vedat Bajrami, i cili nga fillimi ka qenë i afërt me sulmuesin anësor nga Prishtina.

Lexo po ashtu Samir Ujkani për Tuttosport: Real Madridi dhe Barcelona u interesuan për Zhegrovën, unë ia rekomandova Juventusin

A mund të na tregoni si filloi marrëdhënia juaj? Ju jeni aktor, ai është futbollist.

“Unë jam aktor me një karrierë 25-vjeçare pas meje dhe aktrimi të lidh me njerëz në shumë fusha. Kontakti im i parë me Zhegrovën ishte 14 vjet më parë kur pashë këtë lojtar nga qyteti im i lindjes dhe klubi i Prishtinës, i cili ishte vetëm 13 vjeç në atë kohë”, ka thënë fillimisht Bajrami për Tuttomercatoweb.

Si ishte ai?

“Një djalë i ëmbël, premtues në sport. E pashë në YouTube dhe u shokova: ‘Ky është një superlojtar’, mendova. Më besoni, ai mund të kalonte mbi një ekip të tërë kundërshtar me topin në këmbë. E bëri këtë në ndeshjen që pashë, ku shënoi edhe një gol”.

Dhe pastaj?

“E pashë këtë djalë që lindi mes sakrificës, luftës dhe kohërave të vështira në Kosovë. Si aktor, kisha kontakte dhe miq në të gjithë botën në atë kohë, kështu që e thirra babanë e tij, Lulzim Zhegrova, i cili ishte në stadium me Edonin. Ata erdhën në zyrën time, u gëzova dhe e përqafova Edonin. Ai ishte rritur me filmat dhe komeditë e mia, ishte i magjepsur kur mbërriti, por ai moment ishte pika e kthesës për kalimin e tij në Evropë. E fillova këtë punë me gjithë zemër me disa miq belgë. Vitet kaluan, ai u rrit në Evropë, në Belgjikë, në Bazel, në Francë te Lille dhe më në fund ëndrra e madhe e Juventusit”, përcjell Telegrafi.

A ke folur me të kohët e fundit?

“Gjithmonë. Kam kaq shumë histori me Edonin, kaq shumë lot dhe kaq shumë buzëqeshje dhe kaq shumë momente të mira dhe të vështira. Komunikojmë vazhdimisht për gjithçka. Ai më quan “Grande” dhe unë e quaj atë “Vëllai Im”. Ai nuk ka luajtur aq shumë sa donte në tetë muajt e fundit sepse kishte një dëmtim të vogël. Iu desh pak kohë për t’u shëruar siç duhet, duke bërë shumë sakrifica”.

Dhe çfarë ju tha ai për tregun e transferimeve?

“Ai ka pasur shumë oferta që nga janari. Ka pasur oferta nga Liga Premier te Napoli, deri te Marseille. Ka pasur gjithashtu kontakte në periudhën paraprake me klube të tjera si Juventus, Milan dhe Roma”.

Si e zgjodhi Juventusin?

“Personalisht, i thashë: ‘Vëlla, cilin nga këto klube zgjedh zemra jote? Mos mendo për paratë, por për futbollin'”.

Lexo po ashtu Zhegrova, Messi i Kosovës: Ëndrra e Maldinit dhe Mannës, jeta e natës dhe shqetësimi i vetëm i madh

Dhe çfarë tha ai?

“Ai u përgjigj: ‘Zemra ime thotë Juventus'”. Kjo ndodhi më 31 gusht. Po atë ditë, dasma e vëllait të tij ishte në Prishtinë. Një gëzim i dyfishtë. Ai u nis për në Torino, ndërsa unë dhe familja e tij mbërritëm nga dasma në Torino pa fjetur. Ishte një gëzim i madh. 80 vjet pasi legjenda e Kosovës Riza Lushta luajti për Juventusin, vëllai im Edon Zhegrova mbërriti gjithashtu te bardhezinjtë”, transmeton Telegrafi.

Çfarë prisni nga Zhegrova në Itali? A është gati për një ekip të madh si Juventusi?

“Edoni u rrit në një qytet të pasur me histori, Prishtina e bukur. Ai la gjurmë si futbollist në klubet evropiane dhe, sigurisht në pjekurinë dhe shkëlqimin e tij më të madh si atlet, ai iu bashkua një ekipi me një bazë të madhe tifozësh, një histori të gjatë dhe trofe të shumtë si Juventusi. Edoni është një supermen dhe një supertalent. Mendoj se lojtarët e mëdhenj lindin për klube të mëdha si Juventusi”.

Do të ketë emocione edhe në shtëpi…

“Juventusi ka shumë tifozë shqiptarë që e duan dhe e ndjekin me gjithë zemër. Dua t’i përshëndes të gjithë ata dhe të gjithë tifozët dhe stafin e këtij klubi bardhezi me kaq shumë histori dhe emocione. Zhegrova erdhi për të luftuar për këtë fanellë dhe është i etur të tregojë klasin e tij. Atë të një lojtari që luan me zemër, që përpiqet të japë asistime dhe gola për ta bërë këtë klub edhe më të fortë. Shpresoj që kjo të ndodhë shumë shpejt”.

A mund të na tregoni një histori për të dhe si është jashtë fushës?

“Jam shumë i afërt me të. Ai ka një sens të shkëlqyer humori, është shumë inteligjent, krijues dhe i sjellshëm – një pikë e fortë jashtë fushës së futbollit. Edoni bën muzikë për veten e tij dhe, për të qenë i sinqertë, është një artist i shkëlqyer i repit dhe hip-hopit. Ai e do muzikën, por e bën vetëm për veten e tij, për t’u ndjerë mirë. Kemi shkruar edhe disa këngë së bashku, por janë private. Ndoshta do të bëjmë një për Juventusin, por le të presim pak derisa të përshtatet në fushë dhe pastaj do të mendojmë për këtë (qesh)”, përfundoi aktori kosovar. /Telegrafi/

The post Vedat Bajrami për TMW: Zemra e Zhegrovës ishte e vendosur te Juventusi – është një supermen dhe një supertalent, erdhi për të luftuar për këtë fanellë appeared first on Telegrafi.

Ish-portieri i Kombëtares së Kosovës, Samir Ujkani, i cili tani shërben si drejtor sportiv i Dardanëve ka dhënë një intervistë me gazetën italiane Tuttosport, ku ka folur gjerë dhe gjatë për Edon Zhegrovën dhe kalimin e tij te Juventusi.

Sipas gazetës Tuttosport, kalimi i Edon Zhegrovës te Juventusi është, në fund të fundit, një fitore për të gjithë. Një triumf. Një ngjarje që duhet festuar siç duhet, për një shtet si Kosova. Dhe për një ekip kombëtar që, pavarësisht një mijë vështirësive, po prodhon lojtarë gjithnjë e më të profilit të lartë për futbollin evropian.

Në Itali, disa vite më parë, Samir Ujkani, tani drejtor sportiv i ekipit kombëtar të Kosovës, bëri përparime të mëdha. Si portier, ai ka veshur fanella të ndryshme në Serie A dhe B: Palermo, Novara, Chievo, Genoa, Latina, Pisa, Cremonese, Torino dhe Empoli.

E gjithë karriera e tij futbollistike është kaluar në Itali, që kur Palermo i Maurizio Zamparini e zbuloi atë në vitin 2007 nga sistemi i të rinjve të Anderlechtit. Sot, si trajner, pikëpamja e tij ka ndryshuar. Por krenaria për zgjedhjen e Zhegrovës është e pakufishme dhe tejkalon kufijtë profesionalë.

Lexo po ashtu “Është si një ëndërr për mua, një moment i mrekullueshëm për mua dhe familjen time" - fjalët e para të Edon Zhegrovës si lojtar i Juventusit

Samir Ujkani, çfarë duhet të presë Juventusi nga Zhegrova?

“Ai është padyshim një lojtar i nivelit të lartë, një nga ata lojtarë që mund ta ndryshojnë ekipin dhe ta formësojnë sezonin. Tani që është i shëndetshëm, jam i sigurt se do të bëjë përshtypje në Itali: është punëtor i palodhur, është rritur vit pas viti dhe tani është gati për një përvojë ndryshe. Sepse Juventusi, me gjithë respektin për klubet për të cilat Edoni ka luajtur deri më tani, është diçka krejtësisht tjetër”, ka thënë fillimisht Ujkani për Tuttosport.

Nëse do të duhej ta përkufizonit Zhegrovën teknikisht dhe taktikisht, cilat cilësi do të nxirrnit në pah?

“Me topin në këmbë, ai ka aftësi fenomenale. Por mbi të gjitha, ai ka aftësi driblimi, të cilat janë gjithnjë e më të rralla. Lojtarët që mund të driblojnë një lojtar janë jashtëzakonisht të vështirë për t’u gjetur, prandaj Juventusi fitoi çmimin e parë me të. Ai është përmirësuar gjithashtu fizikisht jashtëzakonisht shumë: E kam parë të rritet që nga debutimi i tij për ekipin kombëtar. Dhe ka një histori që na lidh së bashku”, përcjell Telegrafi.  

Çfarë?

“Unë dhashë asistimin për golin e tij të parë ndërkombëtar: po luanim një miqësore kundër Madagaskarit. Ishte një moment i paharrueshëm për të, dhe ai kujtim në fushë do të na bashkojë përgjithmonë, veçanërisht sepse ai erdhi tek unë për të festuar”.

Çfarë mund t’i sjellë një lojtar si ky Tudorit?

“E këshillova Zhegrovën të zgjidhte Juventusin për Tudorin, sepse mendoj se ai është trajneri i duhur për këtë fazë të karrierës së tij. Ai po vjen në Itali në moshën e përsosur për t’u shprehur plotësisht dhe për t’u afirmuar. Nuk ka dyshim se ai mund të përdoret si mesfushor sulmues, duke filluar në të djathtë, dhe si sulmues krahu. Ai do të ketë shumë hapësirë ​​dhe do të arrijë gjëra të mëdha në Torino, në një klub shumë serioz. Klubi meriton merita që fitoi garën për të dhe e rrëmbeu”.

pic.twitter.com/eREqWuouOL

— JuventusFC (@juventusfc) September 2, 2025

Barcelona, ​​Real Madridi dhe Napoli janë në kërkim të Zhegrovës: çfarë ndodhi?

Cilat ekipe ishin më të interesuara për të?

“Nuk e di kohët e fundit, por disa muaj më parë ai ishte shumë popullor në Spanjë: Barcelona dhe Real Madridi kishin pyetur për të dhe kishin bërë disa lëvizje. Në përgjithësi, ai ishte shumë i vlerësuar. Në Itali, megjithatë, Napoli ishte ndoshta i pari që tregoi interes. Në fakt, Edoni më kërkoi informacion në lidhje me ligën italiane. Pastaj nuk doli asgjë prej saj. Dhe tani jam i lumtur ta shoh atë te Juventusi”, transmeton Telegrafi.

Çfarë mundësish përmirësimi ka Zhegrova?

“Mendoj se ai vërtet është shfaqur në maksimum gjatë kohës së tij te Lille; ata kanë bërë një punë të shkëlqyer duke e ndihmuar të piqet. Më parë, ai përqendrohej vetëm te lëvizjet me topin; nuk ishte i mirë në uljen e shpejtësisë dhe kishte pak vështirësi me leximin e topit pa të. Por ai ka arritur ta mbushë edhe këtë boshllëk: tani është një burrë, një profesionist që e di çfarë dëshiron dhe, duke pasur parasysh urinë e tij, mendoj se është i destinuar të bëhet një yll i Serie A. Ai do të ambientohet shpejt menjëherë”.

Lexo po ashtu Edon Zhegrova zbulon ëndrrën e tij të madhe me fanellën e Juventusit

Me marrëveshje të ndërsjellë me djalin, ju zgjodhët të mos e përfshini atë në angazhimet e tij me ekipin kombëtar. Pse?

“Më dukej e drejtë t’i jepnim këto ditë për t’u njohur me Juventusin, për ta ndihmuar të përshtatet shpejt në mjedisin e tij të ri. Ne e dimë se çfarë duam prej tij dhe lojtarëve të tjerë kyç të Kosovës si Rrahmani dhe Muriqi: Nuk e di nëse do të jemi në gjendje të shkojmë në Kupën e Botës, por ëndrra jonë është të arrijmë në Kampionatin e ardhshëm Evropian. Mendojmë se është një qëllim realist, pavarësisht vështirësive të shumta për lëvizjen tonë të futbollit: fakti që kosovarët zënë vendet jo-BE është një barrë për të gjithë në Evropë; është një pengesë për shumë nga talentët tona shumë të fortë. Por, ne po rritemi dhe do ta arrijmë atë së shpejti: duam që Zhegrova dhe shokët e tij të ekipit të bëhen simboli i një kombi që është jashtëzakonisht i uritur për futboll”, përfundoi drejtori i ekipit kombëtar të Kosovës.

/Telegrafi/

The post Samir Ujkani për Tuttosport: Real Madridi dhe Barcelona u interesuan për Zhegrovën, unë ia rekomandova Juventusin appeared first on Telegrafi.

Sulmuesi kosovar Edon Zhegrova tashmë mund të konsiderohet si futbollisti më i ri i Juventusit.

Këtë lajm e ka konfirmuar gazetari i njohur Fabrizio Romano përmes një njoftimi në rrjetet e tij sociale.

Sipas Romanos, Lille ka pranuar një paketë financiare rreth 20 milionë eurosh, me Zhegrovën që tashmë ishte pajtuar sa i përket kushteve personale.

Në anën tjetër është arritur praktikisht marrëveshja për kalimin e Nico Gonzalez tek Atletico Madridi dhe kjo i ka hapur rrugë transferimit të Zhegrovës në Turin.

Edon Zhegrova to Juventus, here we go! Deal done and exclusive story confirmed.

Lille accept package in excess of €20m as Zhegrova wanted Juventus move with personal terms agreed.

New winger for Igor Tudor. pic.twitter.com/KbQXGuLVOd

— Fabrizio Romano (@FabrizioRomano) August 31, 2025

Vlen të theksohet që Zhegrova kishte arritur marrëveshje sa i përket kushteve personale edhe me Marseille, por Lille kishte refuzuar që ta shesë atë tek një rival direkt në kampionat.

Transferimi tek Juventusi është padyshim hapi më i madh në karrierën e Zhegrovës, teksa kujtojmë se ai më parë ka luajtur në Zvicër, Belgjikë dhe Francë.

Zhegrova pritet që niset sot (e diel) drejt Italisë, para se t’i nënshtrohet testeve mjekësore tek klubi i ri./Telegrafi/

The post Mbyllet gjithçka sipas Fabrizio Romanos: Edon Zhegrova, lojtari më i ri i Juventusit appeared first on Telegrafi.

Anësori i Lille, Edon Zhegrova, është shumë pranë kalimit te Juventusi, pasi situata e transferimit të Nico Gonzalez po shkon drejt zgjidhjes midis Atletico Madrid dhe bardhezinjve.

Zhegrova kishte hyrë në orbitën e gjigantëve italianë që nga 16 gushti, kur u raportua për herë të parë nga Gianluigi Longari i Sportitalia për një transferim të mundshëm në Torino.

Kosovari më në fund mund të marrë dritën jeshile për t’u bashkuar me “Zonjën e Vjetër”. Kontrata e tij me Lille është drejt fundit, ndërsa për të kishte shfaqur interes edhe Olympique Marseille, por Zhegrova ka pritur Juventusin, i cili duhej të përfundonte më parë marrëveshjen për Nico Gonzalezin.

Sipas mediave italiane, Atletico Madrid është shumë afër përfundimit të transferimit të argjentinasit, i vlerësuar mes 30 dhe 35 milionë eurove. Kjo hap rrugën që Zhegrova të zbarkojë në Torino.

Juventusi po planifikon një marrëveshje fillimisht në formë huazimi me detyrim blerjeje, kushte që raportohet se janë të pranueshme për spanjollët.

Lexo po ashtu Po shkojmë drejt fundit të marrëveshjes, Zhegrova niset për te Juventusi - ka mbetur edhe një detaj që gjithçka të mbyllet

Në momentin që të zyrtarizohet largimi i Gonzalez, pritet edhe kalimi i Edon Zhegrovës në Serie A, për të veshur fanellën bardhezi. /Telegrafi/ 

The post Edon Zhegrova e ka pritur Juventusin që nga 16 gushti appeared first on Telegrafi.

Edon Zhegrova është shumë afër transferimit të madh në karrierën e tij, pasi sulmuesi i krahut nga Kosova pritet të bëhet futbollist i Juventusit, ku gjiganti italian ka arritur marrëveshje me klubin francez Lille dhe gjithashtu ka mbyllur detajet personale me vetë lojtarin.

Sipas raportimit të Fabrizio Romano, Juventusi ka marr dritën jeshile për transferimin nga Lille, ndërsa Zhegrova tashmë është autorizuar të udhëtojë drejt Torinos për të përfunduar procedurat.

Hapi i fundit që e ndan zyrtarizimin është konfirmimi i transferimit të mesfushorit Nico González nga Juventus te Atlético Madrid, që pritet të hapë vendin për regjistrimin e Zhegrovës.

EXCLUSIVE: Juventus verbally agree deal with Lille for Edon Zhegrova and also reach total agreement with the player on personal terms.

Zhegrova authorized to travel as soon as Juve give green light.

Final step needed: ok from La Liga for Nico González to Atlético. pic.twitter.com/N0PIyOR2LL

— Fabrizio Romano (@FabrizioRomano) August 31, 2025

26-vjeçari ka qenë një nga lojtarët kryesorë të Lille në dy sezonet e fundit në Ligue 1, ku me lojën e tij spektakolare ka tërhequr vëmendjen e klubeve të mëdha evropiane.

Anësori kishte marrëveshje me Marseillen, por Lille nuk pranoi shitjen e tij tek një rival direkt francez.

Zhegrova njihet për shpejtësinë, teknikën e lartë dhe aftësinë për të bërë diferencën në duele një për një, cilësi që e kanë bërë objektiv të Juventusit për të forcuar krahët e sulmit.

Understand agreement between Atlético and Juve for Nico González is very close!

Understand it’s loan move with a fee plus buy option clause to become mandatory under certain conditions.

Key issue: Nico’s registration must be approved by La Liga. No green light yet. pic.twitter.com/m7U4fbPMeU

— Fabrizio Romano (@FabrizioRomano) August 31, 2025

Kalimi te Juventusi do të ishte transferimi më i madh në karrierën e tij dhe një hap gjigant për futbollistin kosovar, i cili deri tani ka luajtur në Zvicër, Belgjikë dhe Francë, ndërsa tashmë pritet të debutojë në një nga klubet më të mëdha në botë. /Telegrafi/ 

The post Po shkojmë drejt fundit të marrëveshjes, Zhegrova niset për te Juventusi – ka mbetur edhe një detaj që gjithçka të mbyllet appeared first on Telegrafi.

Sipas raportimeve më të fundit, Olympique Marseille dhe Edon Zhegrova thuhet se kanë arritur një formë parësore marrëveshje për një transferim gjatë ditëve të fundit të afatit kalimtar të verës. 

 Megjithatë, Olivier Letang, presidenti i Lille, ka shprehur rezerva ndaj këtij zhvillimi, duke vënë në pah rëndësinë e rregullave në futboll. 

“Rregullat janë të qarta, një lojtar nuk mund të flasë me një klub tjetër pa autorizimin e klubit të tij”, është shprehur ai qartë. 

Zhegrova transferua te Lille në janar 2022 nga Baseli për rreth shtatë milionë euro dhe aktualisht është nën kontratë deri në qershor 2026.  

Në fund të shkurtit, ai konfirmoi publikisht se nuk ka ndërmend të rinovojë kontratën, duke sinjalizuar një largim të pashmangshëm në verë. 

Në sezonin 2023/2024, Zhegrova pati një sezon të shkëlqyer me 11 gola dhe 10 asistime në 45 ndeshje për Lille. 

Për shkak të një dëmtimi të gjatë gjatë sezonit 2024/2025, shifrat e tij ranë në pesë gola dhe dy asistime në total prej 1,340 minutash lojë./Telegrafi/

The post Presidenti i Lille i përgjigjet interesit të Marseille për transferimin e Zhegrovës appeared first on Telegrafi.

Sot (e premte) në Monaco është hedhur shorti për fazën e ligës së edicionin 2025/26 në Ligën e Evropës.

Pas shortit të Ligës së Kampionëve, i cili u mbajt të enjten mbrëma dhe ekipet mësuan kundërshtarët, sot radha është për Ligën e Evropës dhe Ligën e Konferencës.

Është gara e dytë për klube në Evropë, Liga e Evropës, e cila tashmë ka hedhur shortin dhe klubet kanë mësuar kundërshtarët për fazën e ligës.

Nga klubet e mëdha që luajnë këtë edicion në Ligën e Evropës dhe kanë mësuar kundërshtarë janë: Roma, Porto, Feyenoordi, Lille, Aston Villa, Fenerbahce, Lyon, Basel, Nottingham Forest, Stuttgart dhe Bologna.

Ekipet dhe kundërshtarët e vazos 1 

Ekipet dhe kundërshtarët e vazos 2

Ekipet dhe kundërshtarët e vazos 3

Ekipet dhe kundërshtarët e vazos 4

/Telegrafi/ 

The post Hidhet shorti në Ligën e Evropës, ekipet e mëdha mësojnë kundërshtarët appeared first on Telegrafi.

Në një konferencë për shtyp pas triumfit ndaj Monacos, trajneri i Lille, Bruno Genesio, ka folur për të ardhmen e Edon Zhegrovës. 

E ardhmja e sulmuesit kosovar ka qenë një temë mjaft e diskutuar gjatë këtij afati kalimtar veror, mes pasigurisë për vazhdimësinë e tij tek Lille apo largimit në drejtim të ndonjë klubi tjetër. 

Interesim konkret për sulmuesin dardan kishte shprehur Juventusi, të cilët ishin të gatshëm ta afrojnë në radhët e tyre 26-vjeçari. 

Sidoqoftë, presidenti i Lille, Olivier Letang, kishte konfirmuar se asnjë marrëveshje nuk është arritur me ‘Zonjën e Vjetër’ dhe se ai personalisht pret që Zhegrova të mbetet pjesë e tyre, të paktën edhe këtë sezon. 

Të njëjtin mendim nuk e ka edhe Genesio, i cili në një deklaratë pas ndeshjes tha se nuk është shumë i sigurt për të ardhmen e Zhegrovës. 

“Ai është këtu, me ne. Do të shohim nëse do të jetë këtu deri në fund. Edoni ka nevojë për kohë, nuk ka luajtur për një kohë shumë të gjatë”.

“Ai pati një lodhje të lehtë muskulore e cila u aktivizua para ndeshjes”, ka thënë Genesio. 

Javën e ardhshme Lille do të luajë në udhëtim ndaj Lorient dhe mbetet të shihet nëse Zhegrova do të marrë disa minuta./Telegrafi/

The post Trajneri i Lille flet për të ardhmen e Edon Zhegrovës appeared first on Telegrafi.

Lille do të luajë nesër (e diel) në shtëpi ndaj Monacos në kuadër të xhiros së dytë e vlefshme për kampionatin francez. 

Në listën e lojtarëve të ftuar të Lille për këtë ndeshje figuron edhe sulmuesi kosovar Edon Zhegrova. 

Ylli dardan nuk ishte paraqitur për skaudrën e Lille që nga dhjetori i vitit të kaluar për shkak të një lëndimi dhe paraqitja e tij e fundit daton ndaj Marseille në udhëtim. 

Deri në këto momente, mes pasigurisë për të ardhmen e tij, Zhegrova ishte stërvitur me ekipin e dytë të Lille. 

Le groupe pour le retour à la maison demain est là

Avec le retour d’Edon Zhegrova #LOSCASM pic.twitter.com/L7JPhVl64T

— LOSC (@losclive) August 23, 2025

Kujtojmë se së fundmi pati thashetheme të shumta që sugjeronin se Juventusi mund të jetë skuadra e ardhshme e Zhegrovës. 

Ishte pikërisht Zhegrova ai i cili disa muaj më parë kishte kërkuar publikisht largimin nga Lille në verë, me ç’rast shumë klube u interesuan për shërbimet e tij. 

Pavarësisht situatës së krijuar, presidenti i Lille, Olivier Letang, në një intervistë të dhënë ditë më parë, kishte deklaruar se ai pret që Zhegrova të jetë pjesë e ekipit të tij edhe për sezonin e ardhshëm./Telegrafi/

The post Edon Zhegrova rikthehet tek Lille, ftohet për ndeshjen ndaj Monacos appeared first on Telegrafi.