Moti i keq që ka përfshirë vendin tonë ditët e fundit, ka dëmtuar sinjalistikën detare në portin e Durrësit.

Si pasojë e dallgëve të forta dhe erës së fuqishme, është shkëputur një nga fenerët hyrës në portin e Durrësit, duke përfunduar pranë bregdetit të Currilave.

Sakaq, për shkak të kohës së keqe, është ndryshuar itinerari i lundrimeve të trageteve Durrës-Bari.

Udhëtarët e prekur nga kjo situatë janë asistuar nga kompanitë përkatëse, të cilat kanë marrë masat për ridrejtimin e tyre me nisjet pasuese.

Autoriteti Portual Durrës, informon se do të vijoj monitorimi i situatës meteorologjike dhe lëvizjen e mjeteve detare.

Autoriteti Portual Durrës, vijon të monitorojë me vëmendje situatën meteorologjike dhe lëvizjen e mjeteve detare, në bashkëpunim të ngushtë me kompanitë lundruese dhe autoritetet përgjegjëse, me qëllim garantimin e sigurisë dhe mbarëvajtjes së operacioneve portuale.

The post Mot i keq në vend, dëmtohet sinjalistika detare në portin e Durrësit appeared first on Albeu.com.

TIRANË, 22 dhjetor /ATSH/ Ministri i Mbrojtjes, Pirro Vengu, ka ndarë në rrjetet sociale një video kushtuar angazhimit të Forcave Detare në mbrojtjen e ujërave shqiptare, duke vënë në fokus misionin e përditshëm të Rojës Bregdetare.

“Misioni ka emër”, shkruan Vengu, duke theksuar rolin e Kapiten Jetnor Ballës dhe ekuipazhit të anijes “Iliria”, të cilët janë çdo ditë në det, në vijën e parë të kontrollit dhe sigurisë së ujërave shqiptare.

Sipas ministrit, Forcat Detare, ashtu si çdo komponent tjetër i Forcave të Armatosura të Shqipërisë, po rrisin ndjeshëm përgatitjen operacionale, kapacitetet dhe ritmin e trajnimeve, si dhe angazhimin në misione të përbashkëta me aleatët.

“Duke investuar në përgatitje dhe kapaciteteve, ne po rrisim sigurinë për sovranitetin dhe pasuritë tona ujore e nënujore”, thekson Vengu në mesazhin e tij.

Në video, nënlejtnanti Marison Mira shpjegon se gjatë patrullimeve dhe lundrimit në det, ekuipazhet zhvillojnë paralelisht edhe stërvitje operacionale.

Ai nënvizon se një nga trajnimet e rëndësishme është edhe lufta kundër zjarrit në anije, si pjesë e përgatitjes për situata emergjente.

Ky angazhim, sipas Ministrisë së Mbrojtjes, është pjesë e strategjisë për forcimin e gatishmërisë së Forcave të Armatosura dhe për garantimin e sigurisë detare në përputhje me standardet e NATO-s.

/gj.m/a.f/

The post Vengu: Rrisim sigurinë për sovranitetin dhe pasuritë ujore e nënujore appeared first on Agjencia Telegrafike Shqiptare.

TIRANË, 17 dhjetor/ATSH/ Presidenti i Republikës, Bajram Begaj mori pjesë sot në ceremoninë e kremtimit të 100-vjetorit të krijimit të Forcës Detare, ku nderoi detarë, nënoficerë, oficerë dhe veteranë që kanë shërbyer e shërbejnë me devotshmëri ndaj atdheut në përmbushje të misionit kushtetues.

Gjatë fjalës përshëndetëse në këtë jubile të rëndësishëm, Presidenti solli në vëmendje periudhat historike përmes të cilave ka kaluar Forca Detare, ndërsa nënvizoi sakrificat dhe përkushtimin shekullor për të arritur nga patrullimi i anijeve “Shqypnia” dhe “Skënderbeg”, deri në përfshirjen e saj në sigurinë Euroatlantike.

“Forca Detare është rritur, zhvilluar, transformuar dhe modernizuar, dhe ashtu si e gjithë Forca e Armatosur e Republikës së Shqipërisë, ka kaluar periudha sidash të vështira duke reflektuar në rrugëtimin e saj historinë e zhvillimit të vendit. Ajo i ka qëndruar gjithmonë besnike atdheut, ka qenë rojtare e palëkundur e sovranitetit, mbrojtëse e paepur e integritetit dhe interesave kombëtare në hapësirën tonë detare”,  deklaroi Kreu i Shtetit.

Një mesazh mirënjohjeje Presidenti Begaj përcolli edhe ndaj aleatëve të Shqipërisë. “Me mbështetjen e Shteteve të Bashkuara të Amerikës, Italisë, Holandës, Turqisë dhe partnerëve të tjerë në NATO, Forca Detare ka zhvilluar kapacitete bashkëkohore operacionale në përmbushje të misionit kushtetues dhe zbatimit të ligjshmërisë në det”,  theksoi Presidenti i Republikës.

Angazhimin në operacionet e NATO-s, si “Aegean Sea” dhe “FOCOPS”, Presidenti Begaj e cilësoi si dëshmi të zgjedhjes politike dhe strategjike: që siguria e vendit të garantohet përmes bashkëpunimit, kontributit dhe besueshmërisë mes aleatëve.

Në cilësinë e Komandantit të Përgjithshëm të Forcave të Armatosura, Presidenti i Republikës u shpreh se në realitetin e sotëm të sigurisë, Forca Detare shqiptare përfaqëson praninë dhe përgjegjësinë e Shqipërisë në hapësirën mesdhetare dhe në arkitekturën Euroatlantike të mbrojtjes.

“Dinamikat gjeopolitike, format e reja të kërcënimeve, trafiku i paligjshëm dhe tensionet në hapësirën mesdhetare e bëjnë të domosdoshme një Forcë Detare të aftë për të vepruar me shpejtësi, profesionalizëm dhe besueshmëri, si në kohë paqeje, edhe në situata krize”, – deklaroi Presidenti Begaj, duke theksuar se për Shqipërinë kjo nuk është çështje ambicieje, por përgjegjësi shtetërore për mbrojtjen e hapësirës detare dhe interesave të saj kombëtare.

Për këtë arsye, Kreu i Shtetit theksoi rëndësinë e investimeve që po ndërmerren për modernizimin e mëtejshëm të Forcës Detare në bashkëpunim me aleatët rajonalë, evropianë dhe Aleancën Veri-Atlantike.

“Vizioni për të ardhmen e Forcës Detare shqiptare mbështetet në forcimin e kapaciteteve operacionale, zhvillimin e kapaciteteve të mirëfillta luftarake, modernizimin e infrastrukturës portuale dhe lidhjen me Korridorin VIII, modernizimin e kantierit të ndërtimit dhe riparimit të anijeve, si dhe thellimin e bashkëpunimit me aleatët jo si qëllim në vetvete, por si kusht, si kusht për të garantuar sovranitetin detar, sigurinë kombëtare dhe rolin e Shqipërisë si një partnere, si një aleate e denjë në NATO”, deklaroi Begaj.

/m.m/j.p/

The post 100-vjetori i krijimit të Forcës Detare, Begaj: Pjesë e arkitekturës euroatlantike të mbrojtjes appeared first on Agjencia Telegrafike Shqiptare.

Ka vite që ne e ndjekim këtë histori. Ka vite që shohim të njëjtat pamje, dëgjojmë të njëjtin mohim, lexojmë të njëjtat deklarata dhe presim të njëjtat “hetime që janë në proces”. Ka vite që Greqia bën të njëjtën gjë: Merr jetë njerëzish në det dhe ia hedh pa asnjë pasojë. Dhe nëse dikush do të kishte dyshime pse kjo histori u përsërit sërish, përgjigjja është e kuptueshme: sepse asnjëherë nuk u ndëshkua.

Ngjarja e fundit është treguesi i pastër i kësaj kulture shtetërore. Një anije e rojes bregdetare greke i afrohet një varke të vogël me emigrantë, burra, gra e fëmijë dhe e përplas me qëllim. Këta njerëz nuk kishin armë, nuk kërcënonin askënd, nuk po shkelnin ligje që justifikojnë dhunë fizike.

 

View this post on Instagram

 

A post shared by Turning Point UK (@tpointuk)

Ky veprim është i paligjshëm në çdo nivel të së drejtës ndërkombëtare.

Neni 33 i Konventës së Gjenevës ndalon kthimin e refugjatëve drejt rrezikut. Është krim ndërkombëtar. Çdo shtet që e bën mban përgjegjësi të plotë. Dënimi? Padi ndërkombëtare dhe dëmshpërblime që arrijnë qindra mijëra euro për viktimë.

Neni 18 i Kartës së BE-së garanton të drejtën për të kërkuar azil. Greqia, me këtë veprim, ua mohoi këtë të drejtë. BE mund të hapë procedura shkeljeje, të vendosë gjoba milionëshe, të bllokojë fonde. Por nuk e ka bërë. Asnjëherë.

Protokolli 4 i KEDNJ ndalon dëbimet kolektive. Kjo që bën Greqia është fiks kjo: marrje dhe shtyrje e një grupi të tërë njerëzish me dhunë. GJEDNJ parashikon dëmshpërblime me mijëra euro për person. Por Greqia nuk është prekur kurrë, sepse nuk ka dashur askush ta çojë deri në fund.

Neni 98 i UNCLOS detyron çdo anije shtetërore të shpëtojë persona në rrezik. E kundërta e shpëtimit është sulmi. Ajo që u pa në video është shkelje e qartë e këtij neni, që në ligj çon në hetime ndërkombëtare dhe dënime shtetërore. Nuk është marrë asnjë masë.

Konventat SOLAS dhe SAR thonë qartë: shpëtimi i jetëve në det është detyrim absolut. Nëse sjellja e oficerëve shkakton vdekje, ata mund të dënohen deri në 20 vite burg për mosdhënie ndihme.

Neni 3 i KEDNJ ndalon trajtimin çnjerëzor dhe degradues. Kur përplas një barkë me gra e fëmijë, ky është trajtim çnjerëzor. Dënimi? Burgim i rëndë për individët. Por përsëri: zero pasoja.

Pra, në vetëm disa sekonda video, Greqia ka shkelur të gjitha ligjet që ekzistojnë për të mbrojtur jetën. Dhe për ironi, të gjitha këto ligje Greqia i ka nënshkruar vetë.

Fatkeqësisht, kjo ngjarje nuk është e vetmja.

Në 2024, BBC zbuloi se rojet greke i kishin hedhur emigrantët në det. I kishin rrahur. I kishin futur në gomone të çara dhe i kishin braktisur. Të paktën 40 vdiqën. Greqia i mohoi, si gjithmonë.

Në 2023, Adriana u mbyt me rreth 600 persona. Rojet greke thanë se “nuk kishte nevojë për ndihmë”. BBC Verify provoi se anija ishte në rrezik për orë të tëra. Të mbijetuarit thanë se u intimiduan që të mos tregonin të vërtetën. Asnjë hetim i mirëfilltë, asnjë përgjegjësi.

Në 2020, NYT tregoi se Greqia kishte marrë me forcë më shumë se 1,000 njerëz nga tokat e veta dhe i kishte braktisur në det në gomone pa motor. Prapë, asnjë ndëshkim.

Shqiptarët e kanë përjetuar këtë mentalitet në kurriz shumë më herët. Nga rrahjet, braktisjet, djegiet e dokumenteve, trajtimet çnjerëzore në Kakavijë e Kapshticë, rasti shqiptar është i dokumentuar prej vitesh. Greqia i ka keqtrajtuar shqiptarët gjatë krizës së tyre më të madhe, i ka trajtuar me nënçmim institucional dhe as sot nuk është shkëputur dot nga ky mentalitet. Historia e dhunës së rojeve greke ndaj shqiptarëve është pjesë e të njëjtës praktikë. Ndryshon vetëm kombësia e viktimës, jo sjellja e autorit.

Ana morale rëndon njësoj në këtë histori. Sepse nuk është vetëm shkelje e ligjit, por tallje me jetën. Është humbje totale e ndjenjës së humanizmit. Nuk ka dilema ideologjike. Ka vetëm një realitet: të rrezikosh jetë njerëzish në det është akt i ulët, i pamoralshëm, i papranueshëm për një vend që pretendon të jetë pjesë e Bashkimit Europian.

Europa e di këtë. E ka kritikuar Greqinë dhjetëra herë, por nuk ka marrë masa. Asnjë sanksion, asnjë pezullim fondesh, asnjë hetim serioz. Fjalë shumë, veprime zero.

Ky është realiteti. I zhveshur. I pistë. I patolerueshëm. Dhe ka ardhur koha të thuhet siç është: Greqia po shkel ligjin, po shkel moralin dhe po shkel njerëzit. Dhe po e bën sepse askush nuk e ka ndalur. Ende.

The post Pamjet tronditëse në Egje: Roja greke përplas qëllimisht varkën me emigrantë për t’i mbytur në det, pse Europa hesht sërish? appeared first on iconstyle.al.

FRANCË- Roja bregdetare franceze shpëtoi 94 persona pasi varka e tyre e vogël u ça, ndërsa ata përpiqeshin të kalonin La Manshin nga Dunkirk.

Prefektura detare franceze tha se dërgoi disa roja bregdetare dhe anije sot në mëngjes, pasi mori raportime për disa varka që transportonin emigrantë që po niseshin.

Në orën 09:20 u njoftua se një nga varkat ishte çarë, katër milje detare larg bregdetit francez, me 94 personat që po hidheshin në ujë.

Një numër anijesh u përfshinë në operacionin e shpëtimit, përfshirë një avion të dërguar nga Mbretëria e Bashkuar dhe anijen franceze të shpëtimit ”The Minck”.

TIRANË, 5 nëntor/ATSH/ Zëvendëskryeministrja Belinda Balluku, njëherësh ministre e Infrastrukturës dhe Energjisë, priti sot në një takim Patrick Norén dhe Brianna Johann nga revista prestigjioze “MarinaWorld”.

Balluku theksoi se Shqipëria po tërheq gjithmonë e më shumë vëmendjen e mediave të huaja, sidomos me zhvillimet e fundit në fushën e turizmit.

Me përfaqësuesit e revistës prestigjioze “MarinaWorld”, ajo ndau vizionin dhe planet e qeverisë shqiptare për zhvillimin e industrisë detare.

“Përmes krijimit të një rrjeti marinash të ndërlidhura, po hapim një kapitull të ri që do ta pozicionojë Shqipërinë si një destinacion të ri dhe frymëzues në hartën e turizmit detar”, u shpreh Balluku.

E themeluar në shtator të vitit 2000, “Marina World” është botimi kryesor ndërkombëtar dedikuar industrisë së marinave dhe brigjeve ujore. “Marina World” u shërben pronarëve dhe operatorëve të marinave, zhvilluesve, planifikuesve, projektuesve dhe furnizuesve të pajisjeve dhe shërbimeve në të gjithë globin.

/a.f/r.e/

The post Balluku: Vendosim Shqipërinë në hartën e turizmit detar appeared first on Agjencia Telegrafike Shqiptare.

TIRANË, 3 nëntor /ATSH/ Ministri i Mbrojtjes, Pirro Vengu zhvilloi sot një vizitë në bazën detare të Pashalimanit.

Vengu nënvizoi se, rritja e buxhetit të Mbrojtjes do të thotë rritje të kapaciteteve operacionale dhe përsosje të kapitalit njerëzor, për rritjen e industrisë vendase dhe përmbushjen e detyrave në hapësirën Adriatiko-Joniane dhe në kuadër të NATO-s.

Vengu vuri theksin në rëndësinë e vazhdimit të konsulencave me të gjitha komandat dhe bazat detare të Shqipërisë për forcimin e kapaciteteve mbrojtëse të vendit.

Ai nënvizoi se, një rritje e buxheteve të mbrojtjes do të ndikojë në përmirësimin e kapaciteteve dhe në zhvillimin e mëtejshëm të kapitalit njerëzor, duke krijuar mundësi për një forcë detare të fortë dhe të gatshme për çdo situatë.

Vengu theksoi se, është e domosdoshme që forca jonë detare të jetë e përgatitur jo vetëm për misione në kuadër të Aleancës së NATO-s dhe Bashkimit Evropian, por edhe për përmbushjen e detyrave të saj kushtetuese.

“Është shumë e rëndësishme që forca jonë detare të jetë e përgatitur, jo vetëm për misione në kuadër të Aleancës apo në kuadër të Bashkimit Evropian, por të ketë aftësitë, mjetet, sistemet dhe armatimin e nevojshëm që të përmbushi dhe detyrat e saj kushtetuese, qofshin këto mbi ujë apo nën ujë, sepse është një dimension i ri i kërcënimeve hibride që të mund t’i përgjigjemi dhe kërcënimeve që kanë të bëjnë me pasuritë nënujore apo me infrastrukturën nënujore”, tha Vengu.

Ministri Vengu theksoi gjithashtu rëndësinë e investimeve të nevojshme për forcën detare, duke përfshirë rigjenerimin e Shkollës së Marinës në Vlorë dhe avancimin e aftësive profesionale të personelit detar.

“Ne po marrim masat për sa i përket investimeve që Forca Detare duhet të bëjë në formimin profesional, me një rigjenerim të Shkollës së Marinës në Vlorë”, tha ai.

Po ashtu, ai njoftoi se janë në proces negociatash me liderë të industrisë detare evropiane për prodhimin e anijeve luftarake dhe përmirësimin e kapaciteteve për riparimin dhe mirëmbajtjen e anijeve luftarake.

Në përfundim, Ministri i Mbrojtjes theksoi rëndësinë e sistemeve të avancuara të vëzhgimit për forcën detare, duke siguruar që Shqipëria të jetë në gjendje të marrë përgjegjësi të reja në hapësirën Adriatiko-Joniane.

“Për sa i përket investimeve në mjete, ku jemi në negociata me liderë të fushës në Evropë, sa i përket prodhimeve të anijeve luftarake dhe riparimit e mirëmbajtjes së tyre, sikundër dhe investimeve që duhet të ndodhin nga pikëpamja e sistemeve të vëzhgimit, në mënyrë që Shqipëria të mund të marrë përgjegjësi të reja në hapësirën Adriatiko-Joniane përkundrejt aleatëve të sajë në NATO”, u shpreh Vengu.

/gj.m/r.e/a.f/

The post Vengu në bazën e Pashalimanit: Rritje e buxhetit për forcimin e kapaciteteve të mbrojtjes   appeared first on Agjencia Telegrafike Shqiptare.

Autor: Xhevahir Zhabina | Citizens.al

Durrësi dhe Vlora janë dy nga qarqet më të rëndësishme të vendit dhe janë shëmbëlltyra se si është zhvilluar Shqipëria gjatë tranzicionit. Për forcat politike që e kanë qeverisur vendin ato konsiderohen histori suksesi.

Por, pavarësisht dëshirës së pushtetit për të na ofruar këtë pamje, të dhënat e censit të vitit 2023, tregojnë një realitet tjetër, ku gati gjysma banesave të këtyre dy qarqeve janë bosh.

Ky fakt ngre pikëpyetje të mëdha mbi modelin e zhvillimit ekonomik të këtyre dy qendrave të rëndësishme në të cilat është investuar ndjeshëm në ndërtim. Por të dhënat tregojnë se pjesa më e madhe e objekteve të reja janë pa rezidentë.

Vetëm 7% e banorëve të qarkut Durrës dhe 2% e banorëve të Vlorës jetojnë në banesa të ndërtuara mes viteve 2016-2023.

Durrës, një në dy banesa bosh.

Qarku i Durrësit, i dyti më i rëndësishëm në vend, përfshin bashkitë Durrës, Shijak dhe Krujë dhe numëron 226,863 banorë, me një rënie prej 36,848 banorësh (14%), krahasuar me censin e viti 2011.

Në letër, është një zonë dinamike me portin më të madh të vendit, afërsi me Tiranën dhe një vijë bregdetare që tërheq investime e turizëm.

Por tabloja nuk është kaq optimiste. Sipas censit të vitit 2023 në qarkun e Durrësit ka 117,303 banesa, nga të cilat 51,127 (43,6%) janë bosh, ndërsa 66,176 janë të banuara.

Situata bëhet më dramatike kur ndarja e banesave bosh bëhet në nivel bashkish.

Bashkia Durrës, përfshin pjesën dërrmuese të njësive bosh. Gjithsej ajo ka 91,378 njësi banimi, nga të cilat 46,7938 (51.2%) janë të banuara ndërsa 44,595 (48.8%) jo. Kjo tregon se thuajse gjysma e banesave është bosh.

Në Shijak dhe Krujë, ku presioni nga turizmi dhe ndërtimi janë ndjerë më pak, shifrat janë më të ulëta, me përqindje boshatisjeje respektivisht 32.5% dhe 21.3%.

Ndërsa popullsia e Shqipërisë ulet, si rezultat i emigrimit masiv dhe faktit që Tirana është ajo që tërheq edhe ato pak banorë nga lëvizjet e brendshme demografike, Durrësi është kthyer në “depo betoni” për apartamente që presin pushuesit e verës, emigrantët me kursime, apo investitorë dhe spekulantë të fokusuar në tregun e pronave të paluajtshme.

Por jo për njerëzit që jetojnë dhe duan të jetojnë aty përditë.

Në qarkun e Durrësit nga viti 2013 deri në vitin 2024 janë shtuar 779,000 m² ndërtim i destinuar vetëm për banim.

Vlora më keq së Durrësi

Vlora është qarku ku fenomeni i banesave bosh është më i theksuar. Në letër Vlora është histori suksesi, me investime strategjike, turizëm në rritje dhe zhvillim të shpejtë të bregdetit.

Sipas censit te vitit 2023, popullsia e qarkut Vlorë ka rënë me 28,959 (17%) nga viti 2011.

Në total qarku ka 109,375 banesa me destinacion banimin, nga këto, 52,296 janë të banuara (47.8%), ndërsa 57,079 (52.2%) jo. Më shumë se gjysma e shtëpive në qarkun e Vlorës janë bosh.

Në bashkinë Vlorë, e cila përfshin vetë qytetin dhe zonat përreth, nga 63,428 banesa në total, 33,561 janë bosh (53%), ndërsa 29,867(47%) janë të banuara.

Në Sarandë, një tjetër model i zhvillimit të turizmit shqiptar, fenomeni është edhe më i theksuar, nga 20,790 banesa, 12,919 janë bosh, dhe vetëm 7,871 kanë njerëz brenda.

Në përqindje, kjo do të thotë 62% banesa bosh dhe vetëm 38% të banuara.

Himara, një tjetër destinacion turistik i ngjashëm, ka 7,292 banesa, nga të cilat 4,173 janë bosh (57%) dhe 3,119 (43%) të banuara.

Në Delvinë, Konispol dhe Finiq, zona që nuk kanë ndjerë të njëjtin presion për ndërtime dhe turizëm, vetëm afërsisht 1 në 3 apartamente është bosh.

Selenica bën përjashtim në qarkun Vlorë me nivelin e lartë të banesave bosh ndonëse jo një zonë turistike.

Për urbanisten Doriana Musai ndërtimi është shndërruar në model ekonomik për të mbajtur gjallë “statistikat e zhvillimit”.

“Qeveria shpall sukseset me fjalë si ‘turizëm’, ‘investime strategjike’ dhe ‘modernizim’, por në realitet po krijon qytete fantazmë, ku gjysma e dritareve nuk ndizen kurrë,” thotë Musai.

93-98% e banorëve të Vlorës dhe Durrësit banojnë në ndërtesa të para vitit 2016

Censi i dy viteve më parë, përveç numrit të banesave bosh dhe të banuara, tregon edhe vjetërsinë e ndërtesave ku jetojnë banorët e dy qarqeve.

Por këtë të dhënë Instituti i Statistikave e ka publikuar vetëm në rang qarku, në këtë fazë mungojnë të dhënat në nivel bashkie dhe njësie administrative.

Ne i kërkuam INSTAT të na i vinte në dispozicion këto të dhëna, por pas disa komunikimeve me përfaqësues të këtij institucioni dhe të Komisionerit për të Drejtën e Informimit, na u tha se këto të dhëna ishin duke u përpunuar dhe në momentin që ky proces do të ketë përfunduar do të na vihen në dispozicion.

Megjithatë mbi aq sa është publike kemi mundur të ndërtojmë një ide se ku jetojnë banorët e qarkut të Durrës.

Nga totali prej 66,176 njësi të banuara në Durrës në nivel prefekture grafiku i mëposhtëm na tregon ku banojnë qytetarët e qarkut të grupuar sipas vitit të ndërtimit të banesës.

Më shumë se gjysma e njësive të banuara në Durrës (57%) janë ndërtuar para viteve 2000.

Banesat e ndërtuara në vitet 2001-2010 zënë 30% të totalit të banesave të banuara, ato të ndërtuara pas vitit 2010 zënë 14% të totalit të banesave të banuara.

Më shumë se gjysma e banorëve rezident të qarkut jetojnë në banesa të ndërtuara gjatë komunizmit apo vitet e para të demokracisë dhe jo ato të valës ndërtimore post 2000.

Ndërsa, në Vlorë totali prej 52,296 njësive të banuara është i ndarë sipas grafikut të mposhtëm.

Në këtë qark fakti që shumica e banorëve rezident jetojnë në banesa të vjetra bëhet dhe me evident, duke nxjerrë në pah që janë banesat e post 2000 kanë tendencë të jenë bosh.

Dy në tre njësi të banuara, janë ndërtuar para viteve 2000.

Banesat e ndërtuara në vitet 2001-2010 zënë 23% të totalit të banesave te jetuara. Ndërsa banesat e ndërtuara pas vitit 2010 zënë vetëm 8% të totalit të Banesave të banuara.

Dy të tretat e banorëve rezident të qarkut jetojnë në banesa të ndërtuara gjatë komunizmit apo vitet e para të demokracisë dhe jo ato të valës ndërtimore post 2000.

Në qarkun Vlorë nga 2013 deri në 2024 janë miratuar 722,000 m² ndërtim me destinacion banimin. Vlen të përmendet që vetëm në 2014 janë dhënë 266,000 m² ndërtim për banim. 

Njësitë e reja të banimit pas 2016 zënë një përqindje shumë të vogël në totalin e shtëpive të banuara, në Durrës 7% dhe në Vlorë 2% . Pra, ndërtesat e reja nuk po zëvendësojnë të vjetrat, por shtohen mbi to.

Kërkuam nga INSTAT edhe të dhëna mbi njësitë e banimit që janë bosh në këto dy qarqe, ku të përcaktonte se në cilat njësi administrative dhe cilës periudhë të ndërtimit i përkasin njësitë e banimit bosh, edhe këtë informacion nuk arritëm ta marrim me argumentin e njëjtë se të dhënat janë duke u përpunuar.

Industria e ndërtimit për urbanisten Doriana Musai është shumë e ekspozuar ndaj dy fenomeneve spekulimi dhe pastrim parash dhe investimet në pasuri të paluajtshme janë kthyer në strehim për kapitalin e pasigurt, përfshirë korrupsionin dhe krimin financiar.

“Në mungesë të tregjeve të tjera të sigurta, betoni është bërë ‘banka’ më e sigurt për kursimet, shpesh me burim të dyshimtë. SPAK na konfirmon ne shumë raste këtë skemë të ngritur,” thotë Musai.

Krahasimi i Durrësit dhe Vlorës me Selaniku

Në këto dy qarqe po ndodh një fenomen i çuditshëm, popullsia nga censi në cens është ulur, banesat bosh janë rritur, por gjithashtu metrat e ndërtimit me destinacion banimin janë shtuar.

Sipas një studimi të kryer nga tre pedagogë (Azmi Stringa, Manjola Naco dhe Alban Korbi), thuhet se pjesa e njësive të pabanuara u rrit dhe së bashku me to u rrit edhe çmimi i pasurive të paluajtshme.

Sipas Bankës së Shqipërisë, çmimet e apartamenteve u rritën me afërsisht 44% në vitin 2024.

Faktorë të shumtë po kontribuojnë në këtë rritje janë zgjerimi i turizmit dhe kërkesa për qira ditore (afatshkurtra si Airbnb), blerja spekulative e shtëpive dhe një pjesë në rritje e blerjeve nga blerësit e huaj, e vlerësuar në 20% të transaksioneve në vitin 2024.

“Ky bashkim i mungesës së alternativave të tjera të investimit, profilit të rrezikut të vendit (pasiguria në të bërit biznes nxit investimet në pasuri të paluajtshme), investimeve spekulative, kërkesës së jashtme nga turizmi, korrupsioni dhe krimi financiar po prodhon një rezultat paradoksal, ndërsa popullsia e Shqipërisë është në rënie, numri i shtëpive të zbrazëta vazhdon të rritet dhe çmimet përshkallëzohen përtej mundësive të qytetarëve mesatarë” thuhet në studim

Studimi bën një krahasim me një qendër të rëndësishme të turizmit në Greqi, siç është Selaniku dhe kjo zonë është dukshëm më mirë se Durrësi dhe Vlora. Sipas mediave greke, një në tre shtëpi në rajonin e Maqedonisë Qendrore është bosh, pra rreth 33%.

Ndërsa Durrësi dhe Vlorë janë rreth 50% me trend rritjen e kësaj shifre për shkak se projekti “Durrës Yacht Marina”, dhe “Vlora Marina” do të sjellin në treg mijëra apartamente të tjera.

Doriana Musai thotë se po ndërtohet një ekonomi e iluzioneve, ku “zhvillimi” nuk matet me rritjen e cilësisë së jetës së njerëzve, por me numrin e lejeve të ndërtimit dhe m² të betonit të shitur.

“Në këtë kuptim, Durrësi dhe Vlora po bëhen viktima të suksesit të rremë, duke u shndërruar në qytete turistike për disa, por të pabanuara për shumicën”, përmbyll Musai.

Lexoni gjithashtu:

• Si shmangu qeveria pjesëmarrjen te Marina e Vlorës
• Nga vizitor në investitor strategjik, si e siguroi Sazanin Jared Kushner
• Kur natyra përballet me betonin: Çmimi i lartë i Aeroportit të Vlorës

The post Për kë po ndërtohet? Gjysma e banesave në Durrës dhe Vlorë janë bosh appeared first on Citizens.al.

Dosja e pronave të ushtrisë/ SPAK dhe BKH zbarkojnë në “Marina Bay Saranda”   Një vendim gjykate ka autorizuar Prokurorinë e Posaçme (SPAK) dhe Byrojnë Kombëtare të Hetimit (BKH) të kryejnë kontrolle në pronat dhe bizneset e dy personave që kanë lidhje me kompleksin “Marina Bay Saranda”. Lajmi bëhet i ditur nga gazetari i Weblajm, […]

The post Dosja e pronave të ushtrisë/ SPAK dhe BKH zbarkojnë në “Marina Bay Saranda” appeared first on Saranda Web.

TIRANË, 8 shtator /ATSH/ Policia Detare dhe Policia Kufitare vijon monitorimin e hapësirës detare, liqenore dhe lumore, me qëllim rritjen e parametrave të sigurisë.

Policia njoftoi se nga Komani në Ksamil, si rezultat i monitorimeve të kryera gjatë javës së kaluar,  janë kontrolluar 215 mjete lundruese, nga të cilat 15 janë bllokuar për shkelje të ndryshme.

Konkretisht: 8 jet ski, 3 skafe, 3 gomone dhe 1 varkë metalike me motor uji të instaluar.

Sipas policisë, 6 prej mjeteve lundruese janë konstatuar duke lundruar brenda perimetrit të sigurisë, duke rrezikuar jetën e pushuesve. Drejtuesit e tyre janë ndëshkuar me masë administrative 100 000 lekë secili.

Gjithashtu, sipas policisë janë shpëtuar në det 39 shtetas (shqiptarë dhe të huaj), si dhe 18 mjete lundruese, falë ndërhyrjes së menjëhershme të Policisë Kufitare dhe Njësisë Policore Detare, nga Ksamili në Koman, për shkak edhe të kushteve jo të favorshme atmosferike.

The post Kontrolle nga Komani në Ksamil, bllokohen 15 mjete lundruese appeared first on Agjencia Telegrafike Shqiptare.

Policia e Shtetit ka bërë të ditur se po vijon me intensitet operacionin “Siguria Detare”, përmes monitorimeve dhe kontrolleve në hapësirat detare, liqenore dhe lumore, me synim rritjen e sigurisë së pushuesve.

Sipas njoftimit, gjatë javës së fundit nga Koman në Ksamil janë kontrolluar gjithsej 414 mjete lundruese, prej të cilave 26 janë bllokuar për shkelje të ndryshme: 16 jet ski, 4 skafe, 3 gomone, 3 varka metalike me motor uji.

Policia njofton se 11 mjete lundruese janë kapur duke lundruar brenda perimetrit të sigurisë, duke rrezikuar jetën e pushuesve. Drejtuesit e tyre janë gjobitur me nga 100 mijë lekë secili.

Po ashtu, falë ndërhyrjes së menjëhershme të Policisë Kufitare dhe Njësisë Policore Detare, janë shpëtuar në det 28 persona (shqiptarë dhe të huaj), si dhe janë ndihmuar 9 mjete lundruese në vështirësi.

Policia Kufitare u bën thirrje qytetarëve dhe pushuesve që të respektojnë rregullat e lundrimit:

Të mos shkelin perimetrin e sigurisë

Të lundrojnë vetëm në zonat e lejuara

Të pajisen me mjetet e nevojshme të shpëtimit

Policia e Shtetit apelon gjithashtu që çdo shkelje e rregullave të denoncohet në numrin pa pagesë 112, duke garantuar reagim të menjëhershëm dhe marrjen e masave konkrete ndaj shkelësve.

The post Operacioni “Siguria Detare” në Ksamil, shpëton 28 pushues që po rrezikoheshin në det të hapur appeared first on Telegrafi.

TIRANË, 24 gusht /ATSH/ Policia vijon operacionin “Siguria Detare”, me kontrolle të shtuara nga Ksamili, në Velipojë dhe në të gjithë hapësirën detare, liqenore dhe lumore të vendit.

Policia bën me dije se “nga Komani në Ksamil, si rezultat i monitorimeve dhe kontrolleve të kryera gjatë kësaj jave, janë kontrolluar 414 mjete lundruese, nga të cilat 26 janë bllokuar për shkelje të ndryshme”.

Si rezultat, janë kontrolluar 16 jet ski, 4 skafe, 3 gomone dhe 3 varka metalike me motor uji të instaluar.

“11 prej mjeteve lundruese janë konstatuar duke lundruar brenda perimetrit të sigurisë, duke rrezikuar jetën e pushuesve. Drejtuesit e tyre janë ndëshkuar me masë administrative prej 100 000 lekësh secili”, thuhet në njoftim.

Po ashtu, Policia thekson se janë shpëtuar në det 28 shtetas (shqiptarë dhe të huaj), si dhe 9 mjete lundruese, falë ndërhyrjes së menjëhershme të Policisë Kufitare dhe Njësisë Policore Detare, nga Ksamili në Koman.

Policia Kufitare apelon për respektimin me rigorozitet të rregullave të përdorimit të mjeteve lundruese.

Policia e Shtetit fton qytetarët dhe pushuesit të denoncojnë çdo shkelje të rregullave të lundrimit apo të perimetrit të sigurisë në numrin pa pagesë 112, duke i garantuar reagim të menjëhershëm dhe masa konkrete ndaj çdo shkelësi.

/e.i/j.p/

The post “Siguria Detare”, 26 mjete lundruese të bllokuara dhe 28 persona të shpëtuar appeared first on Agjencia Telegrafike Shqiptare.

TIRANË, 23 gusht  /ATSH/ Efektivët e Qendrës së Zhytjes së Forcës Detare zhvilluan në Pashaliman stërvitjen e përbashkët me kolegët e Forcës së Sigurisë së Kosovës.

Ministri i Mbrojtjes, Pirro Vengu ndau sot foto nga kjo stërvitje, e cila theksoi ai është shndërruar në një traditë të qëndrueshme.

“Efektivët e Qendrës së Zhytjes së Forcës Detare zhvilluan në Pashaliman stërvitjen e përbashkët me kolegët e Forcës së Sigurisë së Kosovës. Një traditë e qëndrueshme që garanton operacionalitet, ndërveprim dhe rritje të kapaciteteve për misionet nënujore”, shkroi Vengu në një postim në rrjetet sociale.

1 nga 9

/gj.m/

The post Vengu: Efektivët e Qendrës së Zhytjes së Forcës Detare stërvitje në Pashaliman me kolegët e FSK appeared first on Agjencia Telegrafike Shqiptare.

TIRANË, 17 gusht /ATSH/ Vijon monitorimi intensiv nga Njësia Policore Detare dhe Policia Kufitare përgjatë gjithë vijës bregdetare, me qëllim rritjen e parametrave të sigurisë në det.

Gjatë javës së fundit, nga Koman në Ksamil, janë kontrolluar 525 mjete lundruese, nga të cilat 35 janë bllokuar për shkelje të ndryshme. Konkretisht janë ndaluar 22 jet ski, 5 skafe, 6 gomone dhe 2 varka metalike me motor uji të instaluar.

Në 14 raste, mjetet lundruese janë konstatuar duke lëvizur brenda perimetrit të sigurisë, duke rrezikuar jetën e pushuesve. Drejtuesit e tyre janë ndëshkuar me masa administrative prej 100 mijë lekësh secili.

Ndërhyrja e menjëhershme e Policisë Kufitare dhe Njësisë Policore Detare ka bërë të mundur shpëtimin e 19 shtetasve, shqiptarë dhe të huaj, si dhe të 6 mjeteve lundruese që kishin rënë në rrezik.

Gjithashtu, nga Policia Kufitare e Sarandës, në bashkëpunim me homologët grekë, është lokalizuar dhe bllokuar në zonën e plazhit të Pemës së Thatë, Ksamil-Sarandë, një gomone e vjedhur në Lefkadha, Greqi. Vijon puna për identifikimin dhe kapjen e autorëve.

Policia Kufitare apelon për respektimin me rigorozitet të rregullave të përdorimit të mjeteve lundruese, duke theksuar se nuk lejohet shkelja e perimetrit të sigurisë dhe lundrimi duhet të kryhet vetëm në zonat e përcaktuara, të pajisur me mjetet e nevojshme të shpëtimit.

Policia e Shtetit fton qytetarët dhe pushuesit të denoncojnë çdo shkelje të rregullave të lundrimit apo të perimetrit të sigurisë në numrin pa pagesë 112, duke garantuar reagim të menjëhershëm dhe masa konkrete ndaj çdo shkelësi.

/a.f/

The post Policia: Bllokohen 35 mjete lundruese, shpëtohen 19 pushues në det appeared first on Agjencia Telegrafike Shqiptare.

Policia e Shtetit, ka njoftuar se gjatë kësaj jave që po mbyllim janë bllokuar 35 mjete lundruese.

Aksioni për sigurinë bregdetare është shtrirë nga Komani deri në Ksamil, duke monitoruar dhe kontrolluar 525 mjete gjithsej.

Sipas të dhënave janë bllokuar 22 jet ski, 5 skafe, 6 gomone si dhe 2 varka metalike me motor uji.

Disa nga mjetet lundruese janë bllokuar pasi janë konstatuar brenda perimetrit të sigurisë, ndërkohë drejtuesit janë gjobitur me 100 mijë lekë secili.

Policia njofton gjithashtu, se bashkë me homologët e saj në Greqi kanë bllokuar një gomone të vjedhur në Lefkada të Greqisë, e cila është konstatuar në plazhin e Ksamilit.

Kontrollet janë fokusuar edhe te dokumentacioni dhe leja e mjeteve lundruese.

The post Aksioni për sigurinë detare nga Komani në Ksamil, policia bllokon 35 mjete lundruese appeared first on Albeu.com.

Gjithashtu, fton qytetarët që për çdo rast të shkeljes së perimetrit të sigurisë dhe të përdorimit të mjeteve lundruese në mënyrë të parregullt, të denoncojnë në numrin 112, duke iu garantuar reagim të menjëhershëm.

1 nga 2

/m.m/r.e/

The post Kryente manovra të rrezikshme në liqenin e Pogradecit, gjobë dhe sekuestrim i mjetit lundrues appeared first on Agjencia Telegrafike Shqiptare.

Roja Bregdetare dhe Policia Kufitare po vijojnë patrullimet intensive në det në përpjekje për të gjetur personin që dyshohet se është zhdukur disa ditë më parë nga një traget i linjës Greqi-Itali.

Sipas informacioneve të deritanishme, ende nuk është gjetur asnjë gjurmë e tij. Lidhur me këtë ngjarje, është dhënë njoftim edhe për anijet turistike dhe peshkarexhat, që të jenë të kujdesshme dhe të raportojnë çdo sinjal të mundshëm.

Sipas ekuipazhit të tragetit, personi rezulton i zhdukur, por nuk është konfirmuar ende nëse ai është hedhur, ka rënë aksidentalisht në det, apo bëhet fjalë për ndonjë divergjencë nga ana e vetë personit që ka çuar në mosgjetjen e tij.

Hetimet vijojnë ndërkohë që strukturat përkatëse janë në gatishmëri të plotë./tvklan.al

Raporti i Rojës Bregdetare të SHBA-së mbi shpërthimin e anijes nëndetëse Titan sapo është publikuar, pas një hetimi kompleks dyvjeçar. Në qershor të vitit 2023, nëndetësja e kompanisë OceanGate shpërtheu rreth 90 minuta pasi filloi zbritjen drejt rrënojave të Titanikut në Oqeanin Atlantik.

Nëndetësja Titan nisi zhytjen e saj drejt Titanikut, i cili ndodhet 3,800 metra thellë në Oqeanin Atlantik, në mëngjesin e 18 qershorit 2023. Por, vetëm 500 metra larg mbërritjes te rrënojat e famshme, nëndetësja pësoi një dështim katastrofik.

Pesë personat në bord ishin drejtori ekzekutiv i OceanGate, Stockton Rush, i cili pilotonte nëndetësen; eksperti francez i Titanikut, Paul-Henri “PH” Nargeolet, që ishte bashkëpilot; dhe tre pasagjerë që kishin paguar për zhytjen: eksploruesi britanik Hamish Harding, biznesmeni britaniko-pakistanez Shahzada Dawood dhe djali i tij 19-vjeçar, Suleman. Të gjithë humbën jetën në mënyrë të menjëhershme.

Shpërthimi ishte aq i shpejtë, sa askush nuk do të kishte pasur kohë të kuptonte se çfarë po ndodhte. Një operacion i madh kërkim-shpëtimi u nis, me aeroplanë, anije dhe robotë nënujorë që kontrolluan Oqeanin Atlantik. Por, më 22 qershor u gjetën rrënojat e anijes Titan.

Roja Bregdetare e SHBA-së (USCG) kaloi dy vjet duke hetuar katastrofën e Titanit – një proces i gjatë dhe kompleks. Në shtator 2024, USCG organizoi një seancë dëgjimore publike dyjavore, ku dëshmuan ish-punonjës të OceanGate, pasagjerë të mëparshëm të Titanit dhe ekspertë të zhytjeve në ujëra të thella.

Mbetjet e anijes Titan, të nxjerra nga fundi i detit, janë shqyrtuar gjithashtu me kujdes. Qëllimi i USCG-së ishte të përcaktonte se çfarë shkoi keq dhe të jepte rekomandime për të parandaluar një tragjedi të ngjashme në të ardhmen.

Raporti nga Bordi i Hetimit Detar shqyrton:

• Çfarë e shkaktoi incidentin – dhe si dështoi nëndetësja.
• Nëse kishte prova për ndonjë akt të “sjelljes së keqe, paaftësisë, neglizhencës, mungesës së aftësive ose shkeljes së qëllimshme të ligjit” që kontribuoi në katastrofë.
• Nëse ka prova për ndonjë vepër penale.
• Nëse ka nevojë për ligje apo rregullore të reja.

Raporti rendit si faktor kryesor të shpërthimit: mosndjekjen e protokolleve të përcaktuara inxhinierike për sigurinë, testimin dhe mirëmbajtjen e nëndetëses.

Ai identifikoi gjithashtu:

• Nevojën për qeverisje të duhur korporative;
• Një kulturë profesionale të shëndetshme në vendin e punës;
• Mbikëqyrje të përmirësuar rregullatore.

“Në vitet para incidentit, OceanGate përdori taktika frikësuese, leje për operacione shkencore dhe reputacionin e saj të favorshëm për të shmangur mbikëqyrjen rregullatore,” thuhet në raport.
“Duke krijuar dhe shfrytëzuar strategjikisht konfuzionin rregullator dhe sfidat e mbikëqyrjes, OceanGate ishte në gjendje ta operonte Titanin plotësisht jashtë protokolleve të përcaktuara për zhytje në ujëra të thella.”

Raporti thekson se drejtori ekzekutiv Stockton Rush ishte në gjendje të injoronte të dhënat jetësore për shkak të mungesës së mbikëqyrjes.
“Mungesa e mbikëqyrjes nga palët e treta dhe mungesa e stafit me përvojë në OceanGate gjatë operacioneve të Titanit në vitin 2023 i lejoi Rush-it të injoronte inspektimet jetësore, analizat e të dhënave dhe procedurat parandaluese të mirëmbajtjes – duke çuar në një ngjarje katastrofike,” vijon raporti.

Tetë faktorë kryesorë që çuan në shpërthimin fatal nën ujë:

1. Proceset e projektimit dhe testimit nuk i respektuan parimet themelore të inxhinierisë për një mjedis kaq të rrezikshëm.
2. OceanGate nuk kreu analizë të ciklit jetësor të nëndetëses.
3. Kompania u mbështet tepër te sistemi i monitorimit në kohë reale dhe nuk analizoi siç duhet të dhënat.
4. Titan u përdor vazhdimisht pas një sërë incidentesh, pa u vlerësuar rreziqet.
5. Ndërtimi me fibra karboni çoi në të meta që dobësuan integritetin strukturor.
6. Kompania dështoi të kryente hetime të plota pas aksidenteve të mëparshme.
7. Mjedisi i punës ishte toksik – punonjësit largoheshin për të heshtur shqetësimet për sigurinë.
8. Mungesa e mirëmbajtjes parandaluese gjatë periudhës kur nëndetësja nuk ishte në përdorim.

Shpërthimi u shkaktua nga humbja e integritetit strukturor të trupit prej fibre karboni, duke çuar në vdekjen e menjëhershme të të gjithë personave në bord.

“Njerëzit në bord ishin të ekspozuar ndaj afro 4,930 paund për inç katror të presionit të ujit, çka rezultoi në vdekjen e menjëhershme të të pesë personave,” thuhet në raport.

Përgjegjësia e Rojës Bregdetare

Raporti shqyrtoi edhe nëse mund t’i atribuohej ndonjë përgjegjësi Rojës Bregdetare të SHBA-së (USCG).
Përfundimi ishte se nuk kishte asnjë provë për sjellje të keqe, paaftësi, neglizhencë apo shkelje të ligjit nga punonjës të USCG-së apo ndonjë personel tjetër që të ketë kontribuar në tragjedi.

10 përfundime kryesore nga raporti 335-faqësh:

1. OceanGate dështoi të ndiqte protokollet inxhinierike për sigurinë, testimin dhe mirëmbajtjen – faktori kryesor sipas USCG-së.
2. Shpërthimi i papritur u shkaktua nga humbja e integritetit strukturor – të gjithë në bord vdiqën menjëherë nga presioni ekstrem.
3. Stockton Rush injoroi inspektimet dhe procedurat e sigurisë për shkak të mungesës së mbikëqyrjes.
4. Dizajni me fibra karboni ishte me të meta – shenjat paralajmëruese u injoruan.
5. Mjedisi toksik i punës në OceanGate dekurajoi shqetësimet për sigurinë përmes shkarkimeve dhe frikësimeve.
6. Presioni financiar në vitin 2023 ndikoi në vendime që rrezikuan më tej operacionet.
7. Punonjësit u detyruan të heqin dorë përkohësisht nga pagat, me premtimin se do të shlyheshin më vonë.
8. Ish-punonjës: “Kompania ishte nën stres të madh ekonomik dhe merrte vendime që rrezikonin sigurinë.”
9. Kornizat ligjore dhe rregullatore për zhytje në ujëra të thella ishin të pamjaftueshme për të përballuar teknologjitë moderne.
10. Sikur Stockton Rush të kishte mbijetuar

Qendra Kombëtare e Kërkim-Shpëtimit në bashkëpunim të ngushtë me Forcat e Armatosura, Policinë Kufitare dhe autoritetet italiane po zhvillon një operacion të gjerë kërkimi për personin e raportuar të zhdukur nga trageti ndërkombëtar “AKKA”.

Mësohet se gjatë gjithë së dielës është kërkuar me intensitet nga Kepi i Stillos në jug, deri në grykderdhjen e Semanit në veri.

Në operacionin e kërkim shpëtimit janë përdorur 1 Dron TB2 i Forcave Ajrore, 1 Helikopter UH-60 i FA (me 3 efektivë), 1 anije patrulluese P05 e Forcës Detare (me 4 efektivë) dhe 1 motor uji (me 2 efektivë). Po ashtu për kërkimin e shtetasit ende të paidentifikuar kanë dalë në det të hapur 4 mjete patrullimi të Policisë Kufitare me gjithsej 13 efektivë.

Operacioni është zhvilluar në koordinim të vazhdueshëm ndërinstitucional dhe ndërkombëtar, duke ndjekur çdo protokoll të kërkim-shpëtimit në det, por pa rezultat.

Mësohet gjithashtu se operacioni do të vijohet edhe në ditët në vijim, në varësi të zhvillimeve dhe kushteve detare, raporton tch.

The post Zhduket pasagjeri i tragetit, Shqipëria operacion kërkimi nga Kepi i Stillos në grykëderdhjen e Semanit appeared first on Telegrafi.

Policia Kufitare dhe Njësia Policore Detare, vijojnë me intensitet operacionin “Siguria Detare”, duke monitoruar nga Velipoja deri në Ksamil, përfshirë edhe zonat liqenore dhe lumore në vend.

Vetëm gjatë javës së fundit janë kontrolluar 316 mjete lundruese, prej të cilave 20 janë sekuestruar për shkelje të ndryshme.

Në listë janë përfshirë 12 jet ski, 4 skafe, 2 gomone dhe 2 varka metalike me motor uji.

Tetë nga këto mjete janë kapur duke lundruar brenda perimetrit të sigurisë, duke rrezikuar jetën e pushuesve. Drejtuesit e tyre janë gjobitur me nga 100,000 lekë secili.

Në një ndërhyrje emergjente në zonën Komani – Ksamil, Policia Kufitare shpëtoi 11 persona, shqiptarë dhe të huaj, që ishin në rrezik për shkak të dallgëve të forta apo defekteve teknike të mjeteve të tyre.

Gjatë javës janë menaxhuar gjithsej 8 situata emergjente përgjatë vijës bregdetare.

Policia apelon për respektimin e rregullave të qarkullimit në det: të shmangen shkeljet e perimetrit të sigurisë, të përdoren vetëm zonat e lejuara dhe të pajisen me mjetet e nevojshme të shpëtimit.

Çdo shkelje mund të raportohen në numrin pa pagesë 112, ku do të ketë reagim të menjëhershëm dhe masa të ashpra ndaj përgjegjësve.

The post Siguria Detare/ Sekuestrohen 20 mjete lundruese nga Komani në Ksamil gjatë kontrolleve intensive appeared first on Albeu.com.