Policia e Kosovës vazhdon të mos i trajtojë siç duhet rastet e dhunës në familje. Një raport i IPK-së, ka vë në pah shumë mangësi që bëjnë zyrtarët policor në trajtim të këtyre rasteve. Mosvlerësim i rrezikut për viktimat, mungesa e funksionimit të zinxhirit komandues janë disa nga gjetjet

Gjashtë rekomandime për trajtimin e rasteve të dhunës në familje, nga Inspektorati Policor janë drejtuar për disa nga stacionet policore në 8 komuna të Kosovës.

Ky raport vë në pah se edhe më tutje nuk ka funksionalizim të ekipeve për të trajtuar rastet e dhunës në familje, e duke treguar edhe mangësi të tjera, mos vlerësim i duhur i rrezikut për viktimën.

“Komunikimi me Prokurorin e Shtetit po vazhdon të preferohet përmes telefoni. Kjo mënyrë e raportimit nuk duhet të përjashtojë raportimin me shkrim, i cili ka filluar të praktikohet kohëve të fundit. Janë hasur dosje që nuk kanë raport njoftues lidhur me dyshimin e arsyeshëm se është kryer vepra penale…Vlerësimi i rrezikut për viktimat nuk është realizuar në të gjitha rastet, në disa prej tyre po ashtu nuk është kryer sipas formës standarde të paraparë, që përmban indikatorë mbi të cilët kryhet vlerësimi.”– Raporti i Inspektoratit Policor të Kosovës

Madje në stacionin policor në Leposaviq që është njëra ndër stacionet e inspektuara, sipas raportit nuk ka asnjë zyrtar të trajnuar për të trajtuar rastet e dhunës në familje. Këtu përmendet edhe se në një sërë dosjesh mungon kriteri i aprovimit të zinxhirit komandues e mungesa e “dhomave mike” për intervistimin e viktimave.

“Jugu (Prishtinë), Drenasi, Leposaviqi, Zubin Potoku, Parteshi, Ranillugu e Kamenica kanë “dhoma mike”, hapësira këto që do ofrojnë ambient të përshtatshëm për këtë kategori të ndjeshme të viktimave të rasteve të dhunës në familje. Veriu (Prishtinë) nuk ka “dhomë mike”, kurse Mamusha ka ndarë këtë hapsirë, por nuk e ka funksionalizuar për shkak të mungesës së orendive dhe përshtatjes së ambientit.”-Raporti i Inspektoratit Policor të Kosovës

Ky raport i IPK-së që flet për vitin 2024 e gjendja aktuale tashmë është pranuar edhe nga Policia, që thanë se rekomandimet do t’i trajtojnë me prioritet.

“Policia e Kosovës ka pranuar zyrtarisht raportin e inspektimit nga Inspektorati Policor i Kosovës (IPK). Pas pranimit të raportit, janë ndërmarrë veprimet e nevojshme duke hartuar Planin e Veprimit, në të cilin janë përcaktuar masat konkrete dhe afatet kohore për adresimin dhe zbatimin e gjetjeve dhe rekomandimeve të IPK-së. Sa i përket organizimit strukturor, Policia e Kosovës, bazuar në strukturën e saj organizative, ka të funksionalizuara njësitë hetimore për hetimin e rasteve të dhunës në familje në stacionet policore. Megjithatë, rekomandimet e IPK-së do të trajtohen me prioritet, me qëllim të forcimit të mëtejmë të kapaciteteve njerëzore dhe rritjes së efikasitetit në trajtimin e këtyre rasteve. Në lidhje me dhomat mike, Policia e Kosovës ndër vite ka ndërmarrë veprime konkrete për funksionalizimin e tyre në stacione policore. Në ato stacione ku aktualisht nuk ka dhoma mike, janë siguruar hapësira të veçanta dhe të përshtatshme për trajtimin e rasteve të dhunës në familje, deri në funksionalizimin e plotë të dhomave mike. Policia e Kosovës ka si plan të vazhdueshëm funksionalizimin e dhomave mike në të gjitha objektet policore. Vetëm gjatë vitit të kaluar, janë funksionalizuar dhe pajisur me inventar pesë (5) dhoma mike, prej të cilave dy (2) janë pajisur me inventar të ri , ndërsa tri (3) janë funksionalizuar si dhoma mike të reja.”– Policia e Kosovës

Mes tjerash në raport, thuhet se ka rënie të pranisë së mbrojtësve të viktimave e punonjësve të qendrave për punë sociale. Nga Zyra e kryeprokurorit të shtetit janë ankuar se ka numër të vogël të tyre, gjithsej 31.

“Ju njoftojmë se Zyra për Mbrojtjen e Viktimave nuk e ka pranuar zyrtarisht raportin e inspektimit të IPK-së, për rrjedhojë nuk ka qenë pjesë e procesit të inspektimit dhe as e adresimit të gjetjeve dhe rekomandimeve të raportit në fjalë. Sa i përket vërejtjeve lidhur me prezencën e mbrojtësve të viktimave, sqarojmë se kjo situatë lidhet kryesisht me numrin e kufizuar të mbrojtësve të viktimave në nivel vendi (gjithsej 31), në raport me rritjen e vazhdueshme të numrit dhe kompleksitetit të rasteve të trajtuara. Gjatë periudhës janar–dhjetor 2025, Zyra për Mbrojtjen e Viktimave ka trajtuar 3,020 raste, prej të cilave 2,704 raste të dhunës në familje. Gjatë kësaj periudhe, mbrojtësit e viktimave kanë ushtruar përfaqësimin ligjor të viktimave në përputhje me nenin 64 të Kodit të Procedurës Penale të Kosovës, duke marrë pjesë në 3,690 seanca gjyqësore dhe 829 seanca në Prokurori. Po ashtu, në nivel vendi janë adresuar në gjykata 1,190 kërkesa për masa mbrojtëse, 93 kërkesa për kompensim të dëmit dhe 173 kërkesa për alimentacion, me një vlerë totale prej 565,660.00 euro.”- Zyra e kryeprokurorit të shtetit

Inspektimi ka përfshirë disa stacione policore në Prishtinë, Drenas, Kamenicë, Partesh, Ranillugë, Mamushë, Leposaviq e Zubin Potok./Tv Dukagjini

- YouTube youtu.be

Avni Ponari, jo vetëm që bën sigurimin e makinave, por importon edhe vetë mjete me anë të një kompanie që e krijoi më 2017. Këtë vit, oligarku i sektorit të sigurimeve ka marrë një kontratë të rëndësishme nga komandanti i Gardës së Republikës, Simon Zereci! Duhet sjellë një makinë e blinduar për sigurimin e kryeministrit […]

The post Avni Ponari në shërbim të Ramës, i sjell makinën e blinduar appeared first on BoldNews.al.

Instituti i Kosovës për Drejtësi (IKD) ka shprehur shqetësim të thellë lidhur me siç thonë veprimet e Ushtruesit të Detyrës së Kryeprokurorit të Shtetit, Agron Qalaj, të cilat po pengojnë drejtpërdrejt zbatimin e reformës në Këshillin Prokurorial të Kosovës (KPK).

IKD thekson se më 1 janar 2026 ishte paraparë që të fillojë reforma e shumëpritur në sistemin prokurorial të Kosovës.

“Me hyrjen në fuqi të Ligjit për plotësimin dhe ndryshimin e Ligjit për KPK, Këshilli Prokurorial i Kosovës nga fillimi i këtij viti do të ketë përbërje prej shtatë anëtarësh, nga 13 sa i kishte me legjislacionin e vjetër. Gjatë vitit të kaluar, prokurorët e prokurorive themelore, në një proces të bazuar në meritokraci, zgjodhën znj. Elsa Bajramin si përfaqësuese të tyre në Këshillin Prokurorial të Kosovës, mandati i së cilës do të duhej të fillonte më 1 janar të këtij viti.

Përderisa pritjet legjitime të publikut janë se KPK do të ndërmarrë veprime konkrete në jetëzimin e reformës në sistemin prokurorial të Kosovës dhe në ruajtjen e parimeve të sundimit të ligjit dhe integritetit të sistemit prokurorial, fatkeqësisht realiteti po dëshmon të kundërtën”, thuhet në reagim.

IKD thekson se U.D. i Kryeprokurorit të Shtetit po vazhdon me mendësinë e vjetër të qeverisjes me Këshillin Prokurorial të Kosovës, duke shfrytëzuar interpretime të pabazuara ligjore të Zyrës Ligjore të Sekretariatit të KPK-së për të prolonguar funksionalizimin e Këshillit Prokurorial të Kosovës dhe po synon ruajtjen e një mendësie korporatiste brenda sistemit prokurorial.

“Për më tepër, IKD vlerëson se konstatimi i z. Agron Qalaj se propozimi i një (1) anëtari të KPK-së nuk ka marrë votat e nevojshme për miratim është në kundërshtim me Ligjin nr. 08/L-249 për plotësimin dhe ndryshimin e Ligjit për KPK.

Fillimisht, duhet theksuar se neni 37/A, i cili thekson se: ‘1. Deri në zbatimin e përbërjes së përhershme të Këshillit prej shtatë (7) anëtarësh, kuorumi i Këshillit formohet me gjysmën e anëtarëve të zgjedhur të Këshillit plus një (1) anëtar, duke përfshirë edhe rastet disiplinore, dhe vendimet merren me shumicë të thjeshtë votash të anëtarëve të pranishëm’, është dispozitë kalimtare, e cila ka vlejtur në kohën kur KPK kishte mbi shtatë (7) anëtarë dhe zbritja e numrit të anëtarëve duhej të vinte gradualisht, siç tanimë ka ndodhur.

Tanimë, në situatën kur kjo dispozitë kalimtare ka humbur fuqinë ligjore, aplikohet neni 13 i Ligjit në fjalë, i cili thekson se: ‘1. Kuorumi i Këshillit formohet me pesë (5) anëtarë, duke përfshirë edhe rastet disiplinore, përveç nëse parashihet ndryshe me këtë ligj; 2. Vendimet e Këshillit merren me shumicë të thjeshtë votash të të gjithë anëtarëve të Këshillit, përveç nëse parashihet ndryshe me ligj’”, thuhet në reagim.

IKD më tej thekson se sipas kësaj dispozite, situata është plotësisht e qartë: KPK ka kuorum të mjaftueshëm prej pesë anëtarësh për mbajtjen e takimit.

Ndërkaq, vendimmarrja merret me shumicën e thjeshtë të votave të të gjithë anëtarëve të Këshillit. Ligji nuk i referohet tërësisë së numrit të anëtarëve, por i referohet “anëtarëve të Këshillit”, të cilët aktualisht janë pesë (5), dhe shumica e thjeshtë e tyre është tre.

“Në rastin konkret, propozimi i anëtarit të KPK-së ka përmbushur këtë kriter ligjor, pasi në mbledhje kanë qenë të pranishëm pesë (5) anëtarë të KPK-së, nga të cilët tre (3) kanë votuar pro dhe dy (2) kundër. Rrjedhimisht, propozimi ka marrë votat për miratim dhe do të duhej të konsiderohej i miratuar.

IKD vlerëson se ndërhyrje të tilla në procedurën e vendimmarrjes përbëjnë tentativë për të sabotuar reformën në KPK përmes shkeljeve të hapura ligjore. Instituti i Kosovës për Drejtësi konsideron se përgjegjësia për këtë situatë i takon drejtpërdrejt Ushtruesit të Detyrës së Kryeprokurorit të Shtetit, i cili, në vend se të sigurojë zbatimin e ligjit dhe funksionimin ligjor të KPK-së, ka zgjedhur të bllokojë një proces të rregullt dhe të ligjshëm vendimmarrës”, thuhet në reagim.

IKD i bën thirrje Ushtruesit të Detyrës së Kryeprokurorit të Shtetit, Agron Qalaj, që të veprojë në përputhje me detyrimet ligjore, duke e konstatuar pa vonesa certifikimin e rezultatit zgjedhor të 1 nëntorit 2025, ashtu siç u votua në takimin e djeshëm.

Instituti i Kosovës për Drejtësi më tej thekson se U.D. i Kryeprokurorit të Shtetit do të duhej të shërbente si shembull i respektimit të ligjit dhe procedurës për të promovuar integritetin dhe kredibilitetin e sistemit prokurorial në këtë fazë kalimtare, duke marrë masa për funksionalizimin e Këshillit Prokurorial dhe për tranzicionin e shpejtë dhe pa vonesa te Kryesuesi i ardhshëm i KPK-së. /Telegrafi/

Instituti Kombëtar i Shëndetësisë Publike të Kosovës (IKSHPK) ka njoftuar se po vazhdon monitorimin e rregullt të cilësisë së ujit për pije në të gjithë vendin.

Sipas njoftimit të publikuar më 20 janar 2026, në disa zona uji nuk rekomandohet për pije, për shkak të rezultateve nga analizat laboratorike.

Zonat ku uji nuk rekomandohet për pije janë:

Rajoni i Prishtinës

• Fabrika për trajtimin e ujit Badoc
• Vragoli

Rajoni i Gjilanit

• Kamenicë – Stacioni i pompimit nr. 2
• Bahqja
• Fshati Berivojcë

Rajoni i Pejës

• Klinë – rrjeti nga puset
• Klinë – rrjeti nga burimi Jarinë

Rajoni i Gjakovës

• Burimet: Hoçë e Madhe, Opterushë dhe Zaqishtë

Rajoni i Prizrenit

• Malishevë

IKSHPK u bën thirrje qytetarëve në këto zona që të mos e përdorin ujin për pije deri në një njoftim të radhës dhe thekson se monitorimi i cilësisë së ujit do të vazhdojë edhe në ditët në vijim.

Kolegji i Posaçëm i Apelimit, KPA u njoh të hënën më 19 janar me parashtrimet në çështjen e vetingut të gjyqtares së Korçës, Sonjela Voskopi. Prokurori Adnan Xholi, i cili përfaqëson në këtë çështje drejtuesin e SPAK, Klodian Braho, u shpreh se u qëndronin në parim gjithë shkaqeve të ankimit të ngritur për të tre […]

The post KPA njihet me parashtrimet në vetingun e gjyqtares Sonjela Voskopi appeared first on Reporter.al.

Hetuesit e Inspektoratit Policor të Kosovës (IPK) kanë përfunduar hetimet lidhur me pretendimet për keqtrajtim nga zyrtarë të Policisë së Kosovës në Leposaviq, duke konstatuar se ato nuk qëndrojnë. Si rezultat, ndaj ankuesit është iniciuar rast dhe hetim penal për veprën penale “Lajmërim i rremë apo kallëzim i rremë”.

Sipas njoftimit të IPK-së, para mesnatës së 13 janarit 2026, hetuesit janë informuar nga Policia e Kosovës për një person i cili kishte raportuar se ishte keqtrajtuar nga zyrtarë policorë. Incidenti pretendohej se kishte ndodhur tek Ura e Bistricës në Leposaviq, rreth orës 22:00.

Ankuesi kishte deklaruar se ishte ndaluar në një pikë kontrolli derisa po drejtonte një automjet të tipit Audi A4 me targa të Republikës së Serbisë, në të cilin ndodheshin edhe dy pasagjerë.

Ai kishte pretenduar se gjatë kontrollit ishte goditur nga zyrtarët policorë, duke pësuar lëndime në qafë, bërrylin e majtë, dorën e djathtë dhe këmbë, për çka kishte kërkuar trajtim mjekësor në Spitalin Rajonal në Mitrovicë – Veri. Po ashtu, ai kishte deklaruar se njëri nga zyrtarët policorë kishte goditur edhe shokun e tij me kondakun e armës së gjatë.

Pas pranimit të informatave, IPK-ja, në koordinim të vazhdueshëm me Prokurorinë Themelore në Mitrovicë, ka ndërmarrë veprime të menjëhershme hetimore.

Ankuesi është intervistuar në cilësinë e dëshmitarit, në prani të avokatit mbrojtës.

Në kuadër të hetimeve, hetuesit e IPK-së kanë siguruar prova materiale, përfshirë edhe video-incizime nga kamerat e sigurisë që mbulojnë vendin e ndalesës policore. Pas analizimit të këtyre provave, është konstatuar se pamjet nuk mbështesin pretendimet e ankuesit dhe se zyrtarët policorë nuk kanë tejkaluar autorizimet e tyre ligjore, as nuk kanë përdorur forcë.

IPK-ja ka vlerësuar se pretendimet e ankuesit janë të sajuara dhe këtë konstatim ia ka përcjellë Prokurorisë Themelore në Mitrovicë. Me kërkesë të prokurorit kompetent, ndaj ankuesit tashmë të dyshuar është iniciuar rast dhe hetim penal për veprën penale “Lajmërim i rremë apo kallëzim i rremë”./Telegrafi/

Instituti Kombëtar i Shëndetësisë Publike të Kosovës (IKSHPK) ka njoftuar për gjendjen e ujit të pijshëm në Kosovë, duke theksuar se në disa zona cilësia e ujit është brenda standardeve të lejuara për konsum, ndërsa në disa të tjera uji nuk rekomandohet për pije për shkak të turbullirës së rritur.

Rajoni i Prishtinës

Sipas IKSHPK-së, fabrikat për trajtimin e ujit në Shkabaj dhe Batllavë prodhojnë ujë brenda standardeve të lejuara për pije. Ndërkaq, në fabrikën e Badocit, për shkak të vlerave të rritura të turbullirës, uji nuk rekomandohet për konsum.

Fabrika Drenas/Bivolak aktualisht funksionon me kapacitet të zvogëluar, por cilësia e ujit mbetet e pranueshme për pije.

Në Lipjan dhe Kuzmin uji është i sigurt për konsum, ndërsa në Vragoli dhe Miradi e Poshtme uji nuk rekomandohet për pije.

Rajoni i Mitrovicës

Në Mitrovicë, Vushtrri, Skenderaj, si dhe në komunat veriore, cilësia e ujit është brenda standardeve për ujë të pijshëm.

Rajoni i Ferizajt

Në Ferizaj dhe Shtërpcë uji është i sigurt për konsum, ndërsa në Han të Elezit rekomandohet që uji të përdoret vetëm për nevoja teknike.

Rajoni i Gjilanit

Në Gjilan uji është brenda standardeve të lejuara për pije.

Në Viti, për shkak të turbullirës së rritur, uji duhet të përdoret vetëm për nevoja teknike.

Rajoni i Pejës

Në Pejë dhe Junik cilësia e ujit është e përshtatshme për pije. Ndërkaq, në Deçan, përfshirë ujësjellësin e Deçanit, Strellc dhe Drenoc, uji rekomandohet vetëm për përdorim teknik.

Në lagjen “Agim Ramadani”, si dhe në Istog (ujësjellësi i Istogut, Vrellë dhe Mbivada) dhe Klinë (rrjeti i puseve dhe burimi i Jarinës), uji duhet të përdoret vetëm për nevoja teknike.

Rajoni i Gjakovës

IKSHPK bën të ditur se furnizimi me ujë nga rrjeti i KRU Gjakova është i sigurt për konsum. Megjithatë, në lokalitetet Hoçë e Madhe, Opterushë, Zaqishtë, Demjan dhe Gërçinë, janë evidentuar vlera të rritura të turbullirës dhe uji nuk rekomandohet për pije.

Rajoni i Prizrenit

Burimi i ujit nga “40 Bunarët” në qytetin e Prizrenit është brenda standardeve të lejuara për ujë të pijshëm. Po ashtu, në Suharekë dhe Dragash uji është i sigurt për konsum, ndërsa në Malishevë rekomandohet përdorimi i ujit vetëm për nevoja teknike.

IKSHPK ka njoftuar se do të vazhdojë monitorimin e situatës në bashkëpunim me Kompanitë Rajonale të Ujësjellësit dhe se qytetarët do të informohen me kohë për çdo zhvillim të ri, duke bërë thirrje që të respektohen rekomandimet deri në stabilizimin e plotë të parametrave të ujit.

Operatori i Blerjeve të Përqendruara drejtuar nga Arlinda Pogaj zhvilloi një nga tenderët më të ndjeshëm të shëndetësisë shqiptare, atë për trajtimin dhe asgjësimin e mbetjeve spitalore në rang kombëtar, me fond limit 493 MILION Lekë, para që dalin drejtpërdrejt nga buxheti i shtetit. Fitues u shpall ECO RICIKLIM shpk e oligarkut Klodian Allajbeu, me […]

The post Arlinda Pogaj e OBP-së i jep 500 milionë lekë Klodian Allajbeut për asgjësimin e mbetjeve spitalore appeared first on BoldNews.al.

Instituti Kombëtar i Shëndetësisë Publike të Kosovës (IKShPK) ka bërë të ditur se, për shkak të rritjes së vlerave të turbullirës në ujin e prodhuar nga fabrika për trajtimin e ujit “Badoc”, qytetarët nuk duhet ta konsumojnë atë deri në njoftimin e ardhshëm nga autoritetet shëndetësore.

Sipas IKShPK-së, rritja e turbullirës mund të ndikojë në cilësinë e ujit dhe për këtë arsye instituti paralajmëron që uji të mos përdoret për pije derisa situata të normalizohet.

“IKShPK, në bashkëpunim të ngushtë me KRU ‘Prishtina’, po e monitoron situatën me ujë të pijshëm dhe po ndërmerr të gjitha veprimet e nevojshme për të siguruar që qytetarët të kenë akses në ujë të sigurt për konsum,” thuhet në njoftimin për media.

Instituti thekson se qytetarët duhet të tregojnë kujdes dhe të ndjekin rekomandimet zyrtare deri në përmirësimin e cilësisë së ujit.

Autoritetet po vazhdojnë analizat laboratorike dhe do të njoftojnë publikun menjëherë pas normalizimit të situatës. /Telegrafi/

Instituti Kombëtar i Shëndetësisë Publike ka bërë një përditësim mbi situatën me ujin e pijshëm në vend, pas situatës së rëndë të shkaktuar nga vërshimet e ditëve të fundit.

IKSHPK thotë se në rajonin e kryeqytetit “cilësia e ujit të pijshëm është brenda standardeve të lejuara”.

Në rajonin e Prishtinës, uji nuk rekomandohet për pije në Vragoli dhe Miradi të Poshtme.

Përditësimi i IKSHPK-së për situatën me ujin e pijshëm në vend:

Situata me ujin e pijshëm – 12 janar 2026

Rajoni i Prishtinës

Në fabrikat për trajtimin e ujit në Shkabaj, Badoc dhe Batllavë. cilësia e ujit të pijshëm është brenda standardeve të lejuara.

Në Drenas/Bivolak, fabrika aktualisht punon me kapacitet të zvogëluar, megjithatë cilësia e ujit mbetet brenda standardeve të lejuara për konsum.

Në Lipjan dhe Kuzmin, cilësia e ujit është brenda standardeve të lejuara.

Në Vragoli dhe Miradi e Poshtme, uji nuk rekomandohet për pije.

Rajoni i Mitrovicës

Mitrovicë, Vushtrri, Skenderaj, si dhe në komunat veriore cilësia e ujit është brenda standardeve të lejuara.

Rajoni i Ferizajt

Në qytetin e Ferizajt, cilësia e ujit është brenda standardeve për ujë të pijshëm.

Në Han të Elezit, ujësjellësi qendror me burim në Dimcë paraqet nivel të lartë turbullire; për këtë arsye, uji përdoret vetëm për nevoja teknike dhe nuk rekomandohet për pije.

Rajoni i Gjilanit

Në qytetin e Gjilanit, uji është brenda standardeve për konsum.

Rezervuarët Prilepnicë dhe Bajë paraqesin parametra fiziko-kimikë brenda standardeve të parapara për ujë të pijshëm.

Në Kamenicë dhe Viti, cilësia e ujit mbetet brenda standardeve të lejuara.

Rajoni i Pejës

Në qytetet Pejë dhe Istog, si dhe në zonën Vrellë/Istog, cilësia e ujit është brenda standardeve për ujë të pijshëm.

Në Mbivada, për shkak të turbullirës së rritur, uji përdoret vetëm për nevoja teknike.

Në Junik, uji është brenda standardeve.

Në Deçan dhe Klinë, për shkak të turbullirës së lartë, uji nuk rekomandohet për pije dhe përdoret vetëm për qëllime teknike.

Rajoni i Gjakovës

Furnizimi me ujë nga rrjeti i KRU Gjakova është i sigurt për konsum.

Në lokalitetet Hoçë e Madhe, Opterushë, Zaqishtë, Demjan dhe Gërçinë janë evidentuar vlera të rritura të turbullirës, prandaj uji nuk konsiderohet i pijshëm.

Rajoni i Prizrenit

Burimi i ujit nga “40 bunarët” në qytetin e Prizrenit brenda standardeve të lejuara për ujë të pijshëm.

Suharekë ende është problem furnizimi në fshatrat e përmbytura si Semetisht, Studençan dhe Nëpërbisht. Pjesa tjetër e furnizimit përmes KRU Hidroregjioni Jugur vijon normalisht.

Në Malishevë, për shkak të rritjes së turbullirës, përdoret vetëm si ujë teknik dhe nuk rekomandohet për pije.

Në Dragash, cilësia e ujit është brenda standardeve të lejuara.

Kompania 4 A-M SHPK, përfituese e miliona eurove fonde nga tenderat publikë, sidomos gjatë viteve të fundit, ka mbyllur një vit shumë të suksesshëm 2025, duke mos u mjaftuar vetëm me zgjerimin e aktivitetit në sektorin energjetik, duke fituar kontrollin e disa shoqërive që operojnë në këtë fushë, por ka hyrë së fundmi edhe në […]

The post Përfituese e mln eurove nga tenderat publikë dhe nën verifikim nga SPAK, 4 A-M “bëhet” me hotel në Sarandë appeared first on BoldNews.al.

PRISHTINE, 8 janar/ATSH/ Partia Demokratike e Kosovës (PDK) ka kërkuar zyrtarisht shfuqizimin e rreth 20.000 votave të dërguara në vend përmes postës nga mërgata për zgjedhjet e parakohshme parlamentare të 28 dhjetorit, duke u thirrur në shkelje ligjore.

PDK – e cila doli e dyta në zgjedhje – parashtroi ankesë në Panelit Zgjedhor për Ankesa dhe Parashtresa (PZAP), të enjten.

Ajo tha se mbi 20.000 fletëvotime ishin dërguar me postë nga jashtë vendit me vonesë, pas afatit të lejuar ligjor.

Ditë më parë, zëdhënësi i Komisionit Qendror të Zgjedhjeve (KQZ), Valmir Elezi, tregoi për Radion Evropa e Lirë se komisioni – i cili mbikëqyr procesin zgjedhor në vend – i kishte pranuar rreth 20.000 fletëvotime të dërguara me postë nga mërgata në fillim të janarit.

“Janë rreth 20 mijë pako me fletëvotime të tërhequra më 2 dhe 5 janar që pritet të numërohen së shpejti”, tha Elezi më 5 janar.

Neni 96 thotë se “vota përmes votimit jashtë Kosovës, e dërguar me postë në kutinë postare të KQZ-së në Kosovë, pranohet nga KQZ-ja deri të nesërmen e ditës së zgjedhjeve në orën 16:00, me kusht që të ketë vulën e dërgimit para ditës së zgjedhjeve”.

Anëtari i PDK-së në KQZ, Ilir Gashi, shkroi të enjten në Facebook se propozimi për pranimin e fletëvotimeve pas afatit u miratua në KQZ “me vetëdije se po bëhej shkelje ligjore, edhe pse kjo u arsyetua me qëllimin që të mos keqkuptohej se jemi kundër mërgatës”.

“Prandaj, organet kompetente duhet të vendosin në mënyrë meritore lidhur me vendimin e KQZ-së për pranimin e fletëvotimeve jashtë afatit ligjor”, shkroi Gashi.

Por, Alban Krasniqi – anëtari i Lëvizjes Vetëvendosje në KQZ, e cila i fitoi bindshëm zgjedhjet përfshirë edhe votat me postë – e akuzoi PDK-në për ankesë të “turpshme” kundër mërgatës.

“Vetë e votuan në KQZ procedurën dhe afatet, e tash kur mërgata u vetorganizua dhe arriti të sjellë fletëvotimet nga gjithandej globit, këtyre u djeg ky fakt duke harruar që humbjen nuk e kanë nga mërgata, e as nga votuesit në Kosovë, por nga sjellja, veprimet dhe vendimet e dëmshme të vet PDK-së”, shkroi Krasniqi në Facebook të enjten.

Rreth 51.000 qytetarë të Kosovës në mërgatë ishin regjistruar për të votuar përmes postës në këto zgjedhje.

Kur janë numëruar rreth 80 për qind të votave me postë, Vetëvendosje e kryeministrit Albin Kurti i ka fituar 30.671 vota, ndërsa PDK-ja vetëm 4.335 vota.

Para fillimit të numërimit të votave me postë, PDK-ja ishte në rrugë për t’i fituar 23 ulëse në Kuvendin e Kosovës, por tani ajo ka humbur një ulëse.

Vetëvendosje, ndërkohë, ka fituar 57 ulëse dhe Kurti pritet ta themelojë qeverinë e re të vendit sapo të verifikohen rezultatet e zgjedhjeve.

KQZ-ja njoftoi të enjten vonë se është buzë përfundimit të numërimit të votave me postë, të fundit, para shpalljes së rezultateve përfundimtare dhe verifikimit të tyre.

“Ka filluar numërimi i pjesës së fundit fletëvotime, mbi 3 mijë, që gjatë ditës janë sjellur në Kosovë”, tha KQZ-ja në Facebook. /rel/

The post PDK-ja kërkon shfuqizimin e mijëra votave me postë appeared first on Agjencia Telegrafike Shqiptare.

Instituti Kombëtar i Shëndetësisë Publike të Kosovës (IKSHPK) ka njoftuar se pas reshjeve të fundit të shiut, janë paralajmëruar probleme me ujin e pijes në disa rajone, gjatë së mërkurës, më 07.01.2026.

Sipas IKSHPK-së, në rajonin e Prishtinës, fabrikat e ujit në Shkabaj dhe Bivolak nuk janë funksionale për shkak të turbullirës së madhe, ndërsa sistemet në Badovc dhe Batllavë funksionojnë normalisht dhe aktualisht nuk ka probleme me cilësinë e ujit në rrjet.

Në rajonin e Prizrenit, thuhet se uji nga “40 bunarët” përdoret vetëm për nevoja sanitare dhe nuk është i sigurt për pije, ndërsa në burimet e tjera si Cvilen dhe Soz, është i sigurt.

Në Suharekë dhe Malishevë, raportohet se uji i rrjetit nuk duhet të përdoret për pije, ndërsa në Dragash gjendja paraqitet stabile.

Në rajonin e Gjilanit, uji i pijes thuhet se është në rregull në qytetin e Gjilanit, por në fshatin Berivojcë të Kamenicës janë vërejtur nitrate të rritura dhe uji nuk rekomandohet për pije. Në Viti, furnizimi është ndërprerë për shkak të turbullirës.

Në rajonin e Pejës thuhet se janë vërejtur turbullira në disa burime, me ndërprerje të furnizimit në Deçan dhe në zonën e Jarinës në Klinë. Në Pejë, furnizimi nga burimi i Radacit ka rifilluar normalisht.

Sipas njoftimit, uji i pijes në Ferizaj dhe Gjakovë është i sigurt, përderisa në disa burime lokale në rajonin e Gjakovës uji nuk duhet të përdoret për pije.

Instituti njofton po ashtu se edhe në rajonin e Mitrovicës, uji ende nuk është i sigurt për konsum për shkak të turbullirës së madhe dhe nuk do të lëshohet për pije për një periudhë të caktuar.

IKSHPK u rekomandon qytetarëve që ujin nga bunarët e pambrojtur ta vlojnë para përdorimit, të përdorin vetëm burime të sigurta dhe të ndjekin udhëzimet zyrtare të institucioneve në komunat e tyre.

“Qytetarët që furnizohen me ujë nga bunarë të pambrojtur (për arsye sigurie nga aspekti bakteriologjik), rekomandohet që uji të vlohet para përdorimit ose të shfrytëzohen burime alternative për furnizim me ujë të sigurt. Ushqimi të ruhet në vende të sigurta dhe të mos konsumohet ushqimi që ka qenë në kontakt me ujin e shiut. Shfrytëzoni ujin vetëm nga burimet e sigurta”- thuhet në njoftimin publik.

Në mars të vitit 2022, kryetarja e Bashkisë së Durrësit, Emiriana Sako postoi në profilin e saj në facebook një videoinspektim të punimeve për hidrovorin e ri të Durrësit, në zonën e Porto Romanos. “Investimet dhe puna që kemi bërë për rehabilitimin e kanaleve të ujërave të larta dhe ndërtimi i hidrovorit të ri do […]

The post Skema “5D” edhe në Durrës/ Kush është banda që dënoi qytetin me përmbytje appeared first on BoldNews.al.

Instituti Kombëtar i Shëndetësisë Publike të Kosovës (IKSHPK) ka apeluar tek qytetarët për kujdes të shtuar pas reshjeve të shtuara të shiut në disa zona të vendit, duke theksuar ndikimin e mundshëm të tyre në shëndetin publik.

Sipas njoftimit të IKSHPK-së aktualisht nuk ka të dhëna për ndotje të ujit.

Megjithatë Instituti shprehet se qytetarët që furnizohen me ujë nga bunarë të pambrojtur, për arsye sigurie nga aspekti bakteriologjik, rekomandohet që uji të vlohet para përdorimit ose të shfrytëzohen burime alternative për furnizim me ujë të sigurt.

Instituti gjithashtu paralajmëron për kujdes me ushqimin.

“Ushqimi të ruhet në vende të sigurta dhe të mos konsumohet ushqimi që ka qenë në kontakt me ujin e shiut”, thuhet në njoftim.

Grupet më të ndjeshme, përfshirë fëmijët, të moshuarit dhe personat me sëmundje kronike, duhet të shmangin lëvizjet e panevojshme.

“Rekomandohet që grupet më të ndjeshme të shmangin lëvizjet e panevojshme”, njofton IKPSHK.

IKSHPK fton qytetarët të tregojnë kujdes për shëndetin e tyre dhe të ndjekin këshillat e institucioneve për të parandaluar rreziqet shëndetësore. /Telegrafi/

Këshilli Prokurorial i Kosovës, që rëndom kthen vëmendjen kryesisht për çështje procedural dhe teknike, muajin e fundit të vitit 2025 u shndërrua në shkas për akuza e kundër akuza mes figurave të rëndësishme të sistemit të drejtësisë, duke nxitur reagime të niveleve të shumta.

Hapin e parë e shënoi, vendimi i anëtarëve të Këshillit Prokurorial më 20 nëntor me shkarkimin e Besim Kelmendit nga pozita e ushtruesit të detyrës së Kryeprokurorit të Shtetit, një ditë pas paraqitjes së tij në Prokurorinë Speciale, si dëshmitar lidhur me punën e tij në gjykatë, gjatë periudhës së Masakrës së Reçakut në vitin 1999.

Pavarësisht se Kelmendi e dërgoi rastin për shqyrtim në gjyq, me pretendimet se vendimi ishte i jashtëligjshëm, kryesuesi i KPK-së Ardian Hajdaraj, publikisht tha se vendimi është në përputhje me ligjin, raporton RTK.

Shumë organizata që monitorojnë sistemi e drejtësisë, u deklaruan se vendimi ndaj Kelmendit ishte i paligjshëm, arbitrar dhe abuziv, ndërkohë që nuk u anashkaluan as vlerësimet për “përbërje korporatiste” dhe një “grup i stërvjetër i interesit” brenda KPK-së, tendenca që kanë zënë vend edhe në disa vlerësime të Komisionit të Venecias, duke ngritur alarmin për ndryshime dhe reforma brenda institucionit.

E zbatim të plotë të reformave ka kërkuar edhe Zyra e Bashkimit Evropian në Kosovë, pas një takimi me anëtarët e Këshillit Prokurorial.

Nga ky këndvështrim, reformat pritet të fuqizohen në janar, kur edhe ju skadon mandate pesë anëtarëve aktual, pa mundësi për t’u rizgjedhur.

“Duhet të ketë drejtësi brenda atij institucioni është degë e ndarë e pushtetit është degë në kushtetutë e pavarur dhe kësisoj duhet të funksionoj degë, mënyra se si është ndarë 5/5 e dëmton funksionimin kushtetues të këtij organi”, tha Blerim Sallahu, ud ministër I drejtësisë.

Por për çfarë reformash bëhet fjalë konkretisht?. Ndryshimet në Ligjin për Këshillit Prokurorial të Kosovës , që janë në fuqi nga qershori vitit 2025, parashohin që institucioni t’i ketë 7 anëtarë, për dallim nga 13 sa janë aktualisht, dhe të ketë edhe anëtarë joprokurorë, të cilët do të zgjidhen nga Kuvendi i Kosovës.

“Nëse i krahasojmë veprimet e dy grupeve, grupi që po rrin në mbledhje dhe grupit që dilte nga takimi haptas tregon tendencat për mirëmbajtjen e koorporatizimit edhe në janar të vitit 2026 ku reforma në KPK pritët që të jap efektet e para”, tha Gzim Shala nga IKD.

E reforma pritet të fuqizohet plotësisht në janar, kur edhe u përfundon mandati pesë anëtarëve aktualë, të cilët nuk kanë mundësi për t’u rizgjedhur. Me ndryshimet e reja të parapara, kuorumi për të mundësuar vendimmarrjen arrihet në formatin pesë plus një anëtar.

Në janar të këtij viti nis zbatimi i Ligjit për plotësim ndryshimin e ligjit për Këshillin Prokurorial të Kosovës (KPK) përmes të cilit parashihet që KPK të ketë 7 anëtarë, nga 13 anëtarë që kishte me ligjin e vjetër.

KPK deri në fund të 2025, nga 13 anëtarë që e përcaktonte ligji, kishte dhjetë anëtarë të emëruar. Ky këshill udhëhiqej nga kryesuesi, Ardian Hajdaraj, zëvendeskryesuesja, Jehona Grantolli, Jetish Maloku, Ariana Shajkovci, Dardan Vuniqi, Veton Shabani, Visar Krasniqi, Arian Gashi, Milot Krasniqi dhe ushtruesi detyrës, Agron Qalaj, raporton “Betimi për Drejtësi”

Dhe anëtari që kishte ofruar dorëheqjen Jovo Radovic.

Çka përcakton ligji për plotësim ndryshim të ligjit për KPK-në? Në nenin 9 të këtij ligji përcaktohet se KPK ka 7 anëtar dhe atë si në vijim:

1. Kryeprokurori shtetit;
2. Tre anëtarë prokurorë të zgjedhur brenda për brenda sistemit prokurorial ku këta një prokuror që vjen prej Prokurorisë Speciale, Apelit apo Zyrës së Kryeprokurorit dhe dy nga radhët e prokurorive themelore;
3. Tre anëtarë joprokurorë të zgjedhur nga Kuvendi

Po ashtu, në ligj, neni 37/A, paragrafi 2 siç është thënë më lartë anëtarëve të zgjedhur paraprakisht u është dhënë mundësia që të ushtrojnë mandatin e tyre deri në fund.

“Anëtarët e zgjedhur të Këshillit, përfshirë ata që ushtrojnë pozitën e Kryesuesit dhe zëvendës kryesuesit të Këshillit, të cilët ushtrojnë këto funksione në kohën e hyrjes në fuqi të këtij ligji, mund të qëndrojnë në këtë detyrë deri në përfundim të mandatit të tyre aktual”, përcaktohet në këtë nen.

Këtë mundësi ligjore deri në fund të 2025 e shfrytëzuan, kryesuesi, Ardian Hajdaraj, zëvendes kryesuesja, Jehona Grantolli, Jetish Maloku, Ariana Shajkovci dhe Veton Shabani.

Përbërja e KPK nga viti 2026

Bazuar në përcaktimet ligjore të cituara del se anëtarë të KPK mbeten, Visar Krasniqi, Dardan Vuniqi, Milot Krasniqi, Arian Gashi dhe ushtruesi detyrës së kryeprokurorit, Agron Qalaj.

Ndërsa Bajrami-Kastrati përmes rrugëve ligjore pranë gjykatës pret që të konfirmohet si anëtare e KPK, ne bazë të mandatit të fituar me 1 nëntor 2025 në Konferencën e Përgjithshme të Prokurorëve të shtetit kishte marr 74 vota kundrejt kandidates, Merita Gaka që kishte marr 58.

Në rast se Bajrami-Kastrati konfirmon mandatin edhe me vendim gjykate KPK në përbërje do të ketë 6 anëtarë, duke mbetur që 1 pozitë të plotësohet prej Kuvendi.

Së fundmi gjykata caktoi masë të sigurisë ndaj vendimit të KPK-së përmes të cilit ishte refuzuar certifikimi i rezultateve zgjedhore dhe në vendim të gjykatë ndër të tjera thuhej se masa sigurisë caktohet për të mos vijuar me shkaktimin e dëmeve ndaj Bajrami-Kastrati.

Ligji përcakton se kuorumi me përbërjen e re të KPK formohet me prezencën e 4 anëtarëve.

“Përjashtimisht nga dispozitat tjera të Ligjit, kuorumi i Këshillit në këto raste dhe rastet tjera në vijim të mos pjesëmarrjes së vazhdueshme të disa anëtarëve të Këshillit, formohet me së paku katër (4) anëtarë të Këshillit, dhe vendimet merren me votat e të gjithë këtyre katër (4) anëtarëve të Këshillit”. /BetimipërDrejtësi/

Gjatë vitit të kaluar ka pasur rekord të numrit të ankesave ndaj zyrtarëve policor. Në Inspektoratin Policor të Kosovës (IPK), qytetarët kanë dorëzuar rreth 2500 ankesa, nga të cilat rreth 700 janë trajtuar si raste për hetim penal.

Ndërkohë, gjatë vitit 2025, numri i ankesave ka shënuar rritje mbi 22 për qind, derisa për 120 zyrtarë policorë janë rekomanduar masa të suspendimit.

Kryeshefi ekzekutiv i IPK-së, Kushtrim Hodaj, në një intervistë për KosovaPress, bën të ditur se për rreth 200 raste janë drejtuar në prokuroritë kompetente, qoftë përmes kallëzimeve penale apo raporteve informuese.

Sipas tij, numri i ankesave ndaj Policisë së Kosovës ka shënuar rritje nga viti në vit.

“Vitin që shkoi ka qenë një vit jashtëzakonisht i ngarkuar për Inspektoratin Policor të Kosovës. Kemi pranuar një numër jashtëzakonisht të madh të ankesave të qytetarëve ndaj punës së policisë dhe të gjitha ato ankesa janë trajtuar me profesionalizëm nga ana e Inspektoratit Policor të Kosovës. Kemi pasur një ngritje të numrit të ankesave nga viti në vit, këto dy-tre vitet e fundit dhe këtë vit kemi arritur të pranojmë dhe të trajtojmë rreth 2500 ankesa, që është numri rekord që nga themelimi i Inspektoratit Policor të Kosovës... Në vitin që shkoi, kemi pasur 20% rritje në raport me vitin paraprak. Domethënë në vitin 2024 kemi pasur 20% më shumë ankesa sesa në vitin 2023 dhe vitin që shkoi kemi pasur mbi 22% më shumë sesa vitin 2024. Që i bie nëse i marrim dy vite bashkë, është rreth 40% rritje gjatë këtyre dy, dy viteve të fundit”, deklaron ai.

Sipas Hodajt, ky numër i madh i ankesave reflekton rritjen e vetëdijesimit dhe besimit të qytetarëve ndaj IPK-së. Si rezultat i hetimeve, janë rekomanduar edhe masa suspendimi për një numër të konsiderueshëm të zyrtarëve policorë.

“Në këtë numrin rreth 2500 që është totali, diku rreth 700 janë ndarë për hetim penal në departamentin e hetimeve në kuadër të Inspektoratit Policor. Dhe pastaj edhe aty pas hetimeve preliminare dhe pas konsultave me prokurorë, disa prej tyre prapë pas hetimeve preliminare prapë janë kthyer për hetim administrativ dhe një pjesë është mbetur që të vazhdojnë procedurat hetimore në aspekt penal.

Kemi drejtuar në prokuroritë përgjegjëse, prokuroritë themelore dhe në Prokurorinë Speciale rreth 200 raste ndaj zyrtarëve policorë, në të cilat ne mendojmë se ka pasur elemente, qoftë me kallëzim penal, qoftë me raport informuese për prokuroritë. Si rezultat i këtyre hetimeve penale, ne kemi rekomanduar suspendimin për interes të hetimit të rreth 120 zyrtarëve policorë gjatë vitit që shkoi dhe që është një numër gjithashtu më i lartë sesa në vitin paraprak. Dhe janë një numër i konsiderueshëm edhe i masave të tjera, transfereve në vendet e punës dhe raporte të veçanta që dërgohen në prokuroritë kompetente”, shton ai në intervistën për KosovaPress.

Ankesat më të shpeshta të qytetarëve, sipas Hodajt, lidhen me gjobat në trafik dhe keqtrajtimin gjatë ushtrimit të detyrës zyrtare.

“Një pjesë e madhe [e ankesave] është për shkak të ankesave që lidhen me kundërvajtjet, me gjobat në trafik, e që këto nuk përbëjnë elemente penale që ne t'i trajtojmë. Është kjo pjesa e numrit të madh të ankesave që i kthejmë në polici. Pastaj janë ankesat që lidhen me keqtrajtim gjatë ushtrimit të detyrës zyrtare, me incidente ku zyrtarët dhe qytetarët, domethënë, arrijnë në përleshje apo në shkaktim të lëndimeve të qytetarëve, tejkalimi i autorizimeve policore. Janë raste që lidhen me keqpërdorim të detyrës zyrtare, që lidhen edhe me ryshfetin, por jo vetëm marrjen e ryshfetit si vepër e veçantë, por në përgjithësi tejkalimin e autorizimeve në favor apo në dëm të një pale tjetër. Ka pastaj ankesa për neglizhencë, ka ankesa të qytetarëve që raportimet e tyre në stacionet policore nuk e kanë marrë trajtimin e duhur nga njësitë përkatëse”, shprehet ai.

Hodaj shton se IPK-ja ka iniciuar hetime edhe mbi bazën e raportimeve mediale, përveç ankesave të drejtpërdrejta nga qytetarët. Me rritjen e numrit të ankesave, sipas tij, është rritur proporcionalisht edhe numri i zyrtarëve policorë të proceduar penalisht.

“Proporcionalisht rritet edhe numri i zyrtarëve që ne i procedojmë penalisht, po edhe numri i rekomandimeve që kemi dhënë për suspendim për shkak të hetimit, për shkak se ne rekomandojmë suspendime vetëm gjatë fazës së hetimit. Masa disiplinore finale jepet pastaj në proces disiplinor pas marrjes së epilogut të rastit, qoftë në procedurë penale, qoftë në komision disiplinor. Por, rekomandimet që bëhen nga inspektorati për interes të hetimit, me qëllimin që mos me penguar procesin hetimor dhe nëse qëndrimi, konsiderohet se qëndrimi i zyrtarit në atë pozitë e ulë besimin e publikut tek policia, atëherë ne rekomandojmë suspendimin dhe ky numër është rritur edhe gjatë vitit që shkoi, është rritur edhe numri i suspendimeve”, thotë ai.

Duke folur për ankesat nga komunat veriore, Hodaj thotë se ato nuk dallojnë ndjeshëm nga pjesët e tjera të Kosovës.

“Proporcionalisht me numrin e ankesave që janë bërë nga pjesë në pjesë të tjera të Kosovës, nuk është që ka ndonjë dallim. Për më tepër, ndoshta ka më pak ankesa [në veri] sesa në rajone të tjera. Janë numra diku te sillen te rreth 60-70 ankesa që janë bërë në pjesën veriore. Të gjitha këto janë trajtuar. Ndoshta numri më i madh i rasteve që kemi iniciuar ex-officio pikërisht është në pjesën veriore, për shkak të publikimeve që mund të ketë incidente të tilla atje. Të gjitha ato publikime dhe pretendime janë trajtuar dhe trajtohen me shpejtësi nga ana e Inspektoratit Policor. Në rastet kur ka pasur dëshmi dhe ku kemi arritur të dokumentojmë shkeljen, sigurisht janë marrë masa dhe atje, por një pjesë e konsiderueshme nuk kanë arritur të dokumentohen pretendimet e qoftë të qytetarëve, qoftë të disa organizatave joqeveritare të cilat janë më aktive në atë pjesë të Kosovës. Mirëpo nuk ka diçka të jashtëzakonshme. Domethënë është numër në kuadër të mesatares së përgjithshme apo edhe nën mesataren e përgjithshme të ankesave”, përfundon ai.

Kryeshefi i Inspektoratit Policor të Kosovës, Kushtrim Hodaj bën të ditur se institucioni që ai drejton synon digjitalizimin e sistemit të menaxhimit të rasteve, gjë që, sipas tij, do ta lehtësonte ndjeshëm punën.

Po ashtu, IPK-ja është në proces të përfundimit të rregullativës dhe akteve nënligjore që do të mundësojnë rritjen e numrit të inspektorëve.

Instituti Kombëtar i Shëndetit Publik ka bërë të ditur se gripi sezonal është sëmundje akute infektive e cila te një numër i konsideruar i rasteve shkakton komplikime serioze shëndetësore, veçanërisht te fëmijët, te të moshuarit dhe ata me sëmundje kronike.

IKSHPK rikujton se vaksina kundër gripit është mënyra më e mirë për të reduktuar rrezikun e infektimit dhe përhapjen e virusit.

Instituti tutje ka dhënë disa këshilla se si të mbrohemi nga gripi sezonal.

Lani duart shpesh me ujë dhe sapun

Mbuloni gojën dhe hundën kur kolliteni ose teshtini

Shmangni kontaktin e ngushtë me persona të sëmurë

Qëndroni në shtëpi nëse jeni të sëmurë

Ushqehuni shëndetshëm dhe pini shumë lëngje

Vaksinohuni çdo vit kundër gripit sezonal. /Telegrafi/

Gjashtëdhjetë zyrtarë, dhjetë gjyqtarë, dhjetë prokurorë publikë, dhjetë deputetë, dhjetë ministra, dhjetë kryetarë komunash dhe dhjetë persona, pozicionet e të cilëve si kryetarë komunash janë ndërprerë në vitin 2025, do të përfshihen në Planin vjetor për monitorimin e gjendjes pronësore dhe ndeshjes së interesave të Komisionit Shtetëror për Parandalimin e Korrupsionit për vitin 2026, dhe emrat e tyre do të përcaktohen muajin e ardhshëm.

KShPK në seancën e sotme të 26-të e miratoi planin vjetor për monitorimin e gjendjes pronësore dhe ndeshjes së interesave për vitin 2026, ndërsa kryetari i tij Adem Çuçul tha se i ka marrë parasysh rekomandimet e Komisionit Evropian me ç’rast kanë vendosur të rritet numri i zyrtarëve, që do të përfshihen.

Çuçul sqaroi se sipas nenit 19 të Ligjit për parandalimin e korrupsionit dhe ndeshjes së interesave në tre muajt e fundit nga viti rrjedhës KSHPK miraton plan vjetor për vitin e ardhshëm, të themeluar mbi vlerësimin e rrezikut nga korrupsioni, me ç’rast janë marrë parasysh analizat e Strategjisë kombëtare aktuale dhe të ardhshme.

Ai theksoi se merren parasysh planet vjetore nga vitet e kaluara, domethënë monitorohet situata në fushat që konsiderohen më të ndjeshme ndaj korrupsionit – gjyqësori, pushteti legjislativ, pushteti ekzekutiv dhe vetëqeverisja lokale.

“Duke i marrë parasysh rekomandimet e Komisionit Evropian për përforcimin e monitorimit të gjendjes pronësore nga ana e KShPK-së propozojmë të rritet numri i zyrtarëve, të përfshirë në këtë monitorim të gjendjes pronësore dhe ndeshjes së interesave, në 60”, tha Çuçul.

Ai sqaroi se emrat e gjyqtarëve, prokurorëve publik, deputetëve, ministrave, ish kryetarëve të komunave dhe atyre të tanishëm do të konfirmohen në janar, në bazë të analizës së të dhënave në bazën elektronike të të dhënave.

KShPK sot e miratoi Programin për punë për vitin 2026. Siç shpjegoi kryetari i KShPK-së, Adem Çuçul, në Program, përveç përcaktimeve strategjike të Komisionit drejt përmbushjes së dispozitave të ligjeve që mbulojnë punën e tij, përgatitja e tij mori parasysh edhe rekomandimet nga raporti i Komisionit Evropian në këtë fushë, rekomandimet nga GREKO, masat dhe aktivitetet nga Strategjia kombëtare për parandalimin e korrupsionit dhe ndeshjes së interesave 2021-2025, si dhe Strategjia kombëtare 2026-2030.

Në seancë anëtarët e KShPK-së e miratuan edhe Planin vjetor për zbatimin e kontrollit antikorruptues të legjislativës për vitin 2026.
Çuçul shpjegoi se ky proces zbatohet bazuar në një plan vjetor dhe mbi kërkesat e miratuara për mendime dhe aktet e paraqitura nga institucione të tjera, kryesisht Qeveria dhe Ministria e Drejtësisë, dhe kryhet bazuar në një metodologji të miratuar nga KSHPK-ja.
Plani, siç shpjegoi ai, mbulon disa nga ligjet që nuk u përfunduan, por që janë të përfshira në planin për këtë vit. Inspektimi kundër korrupsionit, shtoi Çuçul, do të kryhet mbi ligjin për lobimin, ligjin për vetëqeverisjen lokale, ligjin për dëshminë e ekspertëve, ligjin për financimin e partive politike, rregulloren për dhënien e licencave të punës për punonjësit e kujdesit shëndetësor me arsim të lartë dhe ligjin për mbrojtjen e trashëgimisë kulturore.

Anëtarët e KSHPK-së votuan gjithashtu për të nxjerrë jashtë fuqisë Udhëzimet për renditjen e çështjeve për veprim nga KSHPK-ja bazuar në raportet e dorëzuara, të cilat, siç shpjegoi Çuçul, u miratuan më 12 shkurt të vitit 2021, me qëllim rregullimin, pra renditjen, e çështjeve që formohen në KShPK.

Ai shpjegoi se KShPK-ja merr një numër të madh raportesh dhe një pjesë e caktuar e tyre janë të përgjithshme dhe nuk janë në kompetencë të Komisionit. Çuçul tha se udhëzimet nuk dhanë rezultate, duke lejuar subjektivitet në renditje dhe shtoi se ndryshimet në Ligjin për parandalimin e korrupsionit dhe ndeshjes së interesave dhe Rregulloren e punës do të rregullojnë gjithashtu mënyrën e trajtimit të rasteve dhe renditjen e tyre.