UASHINGTON, 18 dhjetor /ATSH-DPA/- Dan Bongino njoftoi dje në mbrëmje se do të japë dorëheqjen si zëvendësdrejtor i FBI-së.
Bongino tha në një postim në X se do të largohej nga pozicioni i tij në FBI në janar.
“Dan bëri një punë të shkëlqyer. Mendoj se ai kërkon t’i rikthehet emisionit te tij”, tha presidenti i SHBA-së, Donald Trump duke komentuar dorëheqjen e tij para gazetarëve – i cili e ndihmoi mbështetësin e tij besnik të merrte pozicionin e lartë në zbatimin e ligjit, pavarësisht se Bongino nuk kishte përvojë në FBI.
Para emërimit të tij si zëvendësdrejtor i FBI-së, Bongino punonte si komentator televiziv në “Fox News” dhe në podkastet e tij.
Bongino kishte përhapur pretendimin se vetëvrasja e Epstein me varje në burg mund të ketë qenë një vrasje nga elitat me ndikim. Pasi u ngrit në nivelin më të lartë të agjencisë së fuqishme federale, Bongino u ripërshtat me versionin zyrtar se Epstein vrau veten.
Sipas raportimeve të medias, Bongino pati një përplasje me prokuroren e përgjithshme, Pam Bondi lidhur me trajtimin e dosjeve të Epstein, duke u ankuar për mungesë transparence.
Ashtu si Bongino, drejtori aktual i FBI-së, Kash Patel, konsiderohet një besnik i vendosur i Trump me një prirje për teoritë e konspiracionit. //a.i/
Luljeta Mehmeti-Quigley, njëra nga zyrtaret e para të Policisë së Kosovës dhe gruaja e parë që ka mbajtur gradën “rreshtere” në këtë institucion që nga viti 2001, ka përmbyllur me sukses studimet në Akademinë Kombëtare të FBI-së.
Në njoftimin e publikuar nga AALEA US, thuhet se ky moment është një çast krenarie për gratë e Kosovës në fushën e zbatimit të ligjit.
“Krenare për miken tonë, Luljeta Mehmeti-Quigley, për diplomimin e saj nga Akademia Kombëtare e FBI-së — një arritje e jashtëzakonshme dhe një moment i veçantë për gjithë komunitetin tonë. Ky është gjithashtu një çast krenarie për gratë kosovare në fushën e zbatimit të ligjit, të cilat vazhdojnë të thyejnë barriera dhe të frymëzojnë breza të tërë. Bravo Kosovë”. /Telegrafi/
Kryeministri në detyrë i Kosovës, Albin Kurti, ka reaguar pasi Prokuroria Speciale e Republikës së Kosovës ka ngritur aktakuzë ndaj tre personave lidhur me shpërthimin terrorist në kanalin e Ibër-Lepencit, të ndodhur më 29 nëntor 2024.
Kurti theksoi se hetimet janë realizuar pas një bashkëpunimi të ngushtë mes institucioneve të inteligjencës dhe sigurisë së Kosovës dhe FBI-së nga Shtetet e Bashkuara të Amerikës.
Sipas tij, të akuzuarit kanë qenë në vendin e ngjarjes natën kritike dhe janë pjesë e strukturave ilegale të Serbisë, të lidhura me terroristin Millan Radoiçiq dhe struktura të tjera shtetërore serbe që planifikuan dhe urdhëruan sulmin.
“Integriteti territorial dhe sovraniteti i shtetit tonë, si dhe sundimi i rendit dhe ligjit për të gjithë qytetarët, janë vlera jetike për të cilat angazhohemi çdo ditë. Rasti i fundit dëshmon se në Kosovë nuk kalon pa ndëshkim terrorizmi, sado perfid të jetë, dhe nuk mund të kalojë pa u vërejtur dhe dekonstruktuar dezinformimi”, tha Kurti.
Kryeministri falënderoi institucionet e sigurisë, partnerët ndërkombëtarë, përfshirë ShBA-të, dhe qytetarët për kontributin e dhënë në krijimin e një Kosove më të sigurt dhe më të fortë në aspektin ekonomik, ligjor dhe demokratik./Telegrafi/
Prokuroria Speciale ka ngritur aktakuzë ndaj Jovan Viçentijeviç, Dragisha Viçentijeviç dhe Igor Dimoviç në lidhje me sulmin terrorist me eksploziv në kanalin e ‘Ibër Lepencit’ më 29.11.2024.
Sipas aktakuzës së Prokurorisë, vëllezërit Viçentijeviç janë personat që kanë shpërthyer kanalin e ‘Ibër Lepencit’ përmes vendosjes së një çante me eksploziv.
Në aktakuzën që ka siguruar KALLXO, mëson se Prokuroria Speciale në bashkëpunim me FBI kishte arritur që të gjente prova që do të conin në arrestimin e vëllezërve Viçentijeviç.
Sipas dosjes, në kohën kur ishin arrestuar ju kishin marrë për ekzaminim dheu i cili ndodhej në çizmet e të arrestuarve në atë kohë dhe ishte marrë si mostër dheu në oborrin e të dyshuarve gjithashtu për krahasim kishin marrë edhe dheun i cili ndodhej pranë kanalit të ‘Ibër Lepencit’.
Ngjashmëria e dheut, sipas PSRK vërteton se të akuzuarit kanë qenë prezent në vendin ku ka ndodhur shpërthimi dhe ata kanë qenë personat që e kanë shkatërruar një pjesë të kanalit.
Por, ky konstatim vjen nga një institucion ndërkombëtar, më saktësisht, konfirmimi i FBI thotë se dheu i gjetur në këpucët e të akuzuarve është i njëjti me dheun i cili ishte marrë për ekzaminim në vendin ku kishte shpërthyer kanali Ibër Lepenc.
“Dheu i çizmeve të sekuestruara në shtëpinë e vëllezërve Viçenjtijeviç dhe ajo në fshatin Përvlak të kësaj komune më datë 30.11.2024 së bashku me mostrat referente të dheut të siguruara nga ekspertët policor të Kosovës dhe “FBI” të marra në vendin e ngjarjes…Nga mostrat qartazi vërehet se në mes të dheut të marrë në çizmet e të pandehurve Jovan dhe Dragisha Viçentijeviç dhe mostrave të dheut të marra në vendin e ngjarjes, më konkretisht në kanalin “Ibër Lepenc” nuk ka dallueshmëri, … çka vërtetohet se të pandehurit kanë kryhet aktin terrorist.” – thuhet në aktakuzën e Prokurorisë Speciale.
Sipas aktakuzës Jovan e Dragisha Viqentijeviq akuzohen edhe për armëmbajtje pa leje.
Kurse i akuzuari për spiunazh Jovan Viqentijeviq, sipas prokurorisë është pjesë e shërbimit informativ ushtarak të Serbisë, që sipas prokurorisë ka ndihmuar këtë shërbim duke mbledhur informacione dhe dokumente të klasifikuara që t`i përdorë për aktivitetin e tij të kundërligjshëm në Kosovë.
Shpërthimi që ndodhi më 29.11.2024 në kanalin e ujit të ndërmarrjes “Ibër-Lepenci”, në fshatin Varagë të komunës së Zubin Potokut ishte cilësuar nga Qeveria e Kosovës si “sulm terrorist”.
Kryeministri i Kosovës, tashmë në detyrë, Albin Kurti, kishte thënë se sulmi është kryer nga grupe terroriste.
“Unë nuk i kam emrat e atyre që e kanë vënë detonimin. Por, unë e di një gjë, se elemente të tilla kriminale, qofshin edhe zyrtarisht anëtarë të Mbrojtjes Civile, Brigadës Civile, ata e kanë mbështetjen dhe dirigjimin nga Beogradi zyrtar.”- kishte thënë Kurti.
Presidenti i Serbisë, Aleksandar Vuçiq, e kishte mohuar që Serbia ka lidhje me sulmin në kanalin e “Ibër-Lepencit”.
Për sulmin në kanalin e “Ibër-Lepencit”, drejtori i përgjithshëm i Policisë së Kosovës, Gazmend Hoxha ka thënë se është përdorur një sasi e konsiderueshme e eksplozivit, nga 15 deri në 20 kg, i cili dyshohet se është aktivizuar me detonatorë mekanikë, përmes fitilit ndezës me djegie të ngadalshme.
“Si pasojë e këtij sulmi janë shkaktuar dëme të mëdha materiale në kanalin e ‘Ibër-Lepencit’, si pasojë e të cilave është ndërprerë furnizimi me ujë të pijshëm për shumë zona dhe lokalitete, si dhe duke rrezikuar tej mase edhe furnizimin me energji elektrike apo edhe rrezikun me pasoja më të rënda për avari në sistemin energjetik të Republikës së Kosovës.”- ishte shprehur drejtori i Polcisë, Gazmend Hoxha.
Pas shpërthimit, Këshilli i Sigurisë i Kosovës kishte mbajtur mbledhje të jashtëzakonshme më 30.11.2024.
Në mbledhje, sipas një komunikate për media, ishte folur për ndërlidhjen e mundshme të rastit me një sulm të ngjashëm rus në Ukrainë që ishte kryer ditë më parë. Në këtë mbledhje janë diskutuar edhe masat emergjente që janë marrë për të zbutur pasojat e sulmit e për të garantuar sigurinë e infrastrukturës kritike në vend.
Ndërkohë, ekipe të Misionit Paqeruajtës të NATO-s në Kosovë – KFOR, dolën më 30.11.2024 në vendin ku ka ndodhur shpërthimi.
Ministrja e Ekonomisë, Artane Rizvanolli kishte njoftuar më 30.11.2024 se pavarësisht dëmtimit që shpërthimi shkaktoi në kanalin e “Ibër-Lepencit”, kishin arritur që të sigurojnë energji elektrike për vendin përmes vendosjes së gjashtë gypave të përkohshëm, me kapacitet të mjaftueshëm për të siguruar ujë për ftohjen e termocentralit “Kosova B”.
Këtë sulm e patën dënuar edhe nga Shtetet e Bashkuara të Amerikës dhe nga Bashkimi Europian.
Arrestimet në lidhje me sulmin në kanalin e “Ibër-Lepencit”.
Prokuroria Speciale e Republikës së Kosovës kishte kryer disa kontrolle në lokacione të ndryshme, gjatë të cilave janë gjetur dhe sekuestruar armë të ndryshme e pajisje tjera, lidhur me rastin e ndodhur më 29.11.2024 në fshatin Varagë të komunës së Zubin Potokut, respektivisht në pjesën e kanalit të “Ibër-Lepencit”.
“Me këtë rast në Stacionin policor janë shoqëruar 10 persona të dyshuar për veprat penale: “rrezikimi i rendit kushtetues me shkatërrimin apo dëmtimin e instalimeve dhe pajisjeve publike” nga Neni 122; lidhur me veprën penale “kryerja e veprës terroriste” nga Neni 129 Par. 1 dhe Neni 128 Par. 1 Nënpar. 1.8 të KPRK; “mbajtja në pronësi, kontroll ose posedim të pa autorizuar të armëve” nga Neni 366 Par. 2 lidhur me Par. 1 të KPRK.”- thuhej në komunikatën e Prokurorisë Speciale të Republikës së Kosovës.
Sipas Prokurorisë, me veprimet e tij Viqentijeviq po dyshohet se kreu veprën penale të rrezikimit të rendit kushtetues me shkatërrimin apo dëmtimin e instalimeve dhe pajisjeve publike. Gjatë bastisjes, në shtëpinë e tij, u gjetën edhe armë e municion, për çka Prokuroria po e ndjek edhe për – armëmbajtje pa leje.
UASHINGTON, 27 nëntor /ATSH-DPA/ – Drejtori i FBI-së, Kash Patel dhe kryetarja e Bashkisë së Uashingtonit, Muriel Bowser, thanë se dy anëtarët e Gardës Kombëtare, që u qëlluan në Uashington më herët gjatë ditës, janë në gjendje kritike, por jo të vdekur, siç kishte deklaruar fillimisht guvernatori i Virxhinias Perëndimore, Patrick Morrisey.
”Dy anëtarët e Gardës Kombëtare u qëlluan pranë stacionit të metrosë Farragut West, jo shumë larg Shtëpisë së Bardhë, rreth orës 14:15 (19:15 GMT)”, thanë autoritetet në një konferencë për shtyp rreth dy orë e gjysmë pas incidentit.
“Ju lutemi dërgoni lutjet tuaja për ata luftëtarë të guximshëm që janë në gjendje kritike dhe familjet e tyre”, tha Patel në një konferencë për shtyp të mërkurën pasdite.
Bowser tha se ajo gjithashtu po dërgonte “mendimet dhe lutjet e saj për familjet e rojave dhe për rojat që janë në gjendje kritike në një spital lokal”.
Ndihmësshefi ekzekutiv i Departamentit të Policisë Metropolitane, Jeffery Carroll, tha se “anëtarët e Gardës Kombëtare të Uashingtonit ishin në një patrullë me dukshmëri të lartë… kur një i dyshuar erdhi nga një cep dhe me një armë zjarri qëlloi drejt tyre”.
Carroll shtoi se i dyshuari u kap nga anëtarët e tjerë të Gardës Kombëtare dhe më pas u arrestua./ a.jor.
FBI-ja fiton kundër një mashtruesi të dënuar në mosmarrëveshjen për Bitcoin prej 345 milionë dollarësh.
Një mashtrues i dënuar ka humbur ankesën kundër qeverisë amerikane pas pretendimit se agjentët federalë shkatërruan një “hard‑disk” që përmbante kriptomonedhat e tij - të vlefshme mbi 345 milionë dollarë.
Michael Prime pretendonte se një “hard‑disk” i jashtëm portokalli që iu konfiskua përmbante 3443 Bitcoin, dhe kërkonte kthimin pas lirimit nga burgu. Qeveria i tha se pajisjet mund t’i ktheheshin vetëm nëse ai jepte fjalëkalimet brenda 30 ditësh; përndryshe ato do të fshiheshin ose shkatërroheshin.
Gjykata e distriktit refuzoi kërkesën e tij, duke theksuar se hard‑disku ishte shkatërruar në mënyrë të rregullt dhe Prime nuk kishte të drejtë mbi të. Avokati i tij argumentoi se Bitcoini nuk ekzistonte tjetër veç asaj që Prime kishte përdorur për të blerë makina, varka dhe pasuri para disa vitesh.
Prime pretendonte se zotëronte rreth 3500 Bitcoin, por një hetim zbuloi se zyrtarisht kishte deklaruar vetëm 200 deri 1 500 dollarë në kriptomonedhë. Ai e kishte përmendur këtë si pasurinë e tij të vetme para dënimit.
Në ankesën e tij, Prime përdori Rregullin 41(g), duke pretenduar se qeveria kishte shkatërruar pajisjen në mënyrë padrejtësisht dhe se ai nuk kishte deklaruar sasinë e Bitcoinit. Gjykata e Apelit hodhi poshtë këtë pretendim, duke vënë në dukje se marrëveshja e pranimit të fajit kërkonte një zbulim të plotë dhe të sinqertë të të gjitha pasurive.
Gjykatësit gjithashtu vunë në dukje se Prime nuk kishte vepruar menjëherë për të kërkuar kthimin e hard‑diskut, por vonoi mbi një vit. Kjo vonesë ndikoi në vendimin për të mos lejuar kthimin.
Gjykatësit përfunduan se, edhe nëse Bitcoini kishte ekzistuar, kthimi i tij do të ishte i pabarabartë, duke e konfirmuar vendimin e gjykatës së distriktit: qeveria nuk ka detyrimin të rikthejë hard‑diskun apo kriptomonedhën e pretenduar. /Telegrafi/
Zyrtarë të lartë të administratës Trump po planifikonin një takim të rëndësishëm në Dhomën e Përfaqësuesve të SHBA-së, për të detyruar një votim që mund të çojë në publikimin e dosjeve të Departamentit të Drejtësisë në lidhje me Jeffrey Epstein, pas një serie dokumentesh të reja që u publikuan nga Komiteti Mbikëqyrës i Dhomës së […]
Byroja Federale e Hetimit (FBI) ka parandaluar një sulm të dyshuar terrorist që pritej të ndodhte gjatë festës së Halloweenit në Shtetet e Bashkuara.
Lajmin e bëri të ditur drejtori i FBI-së, Kash Patel, i cili në platformën X njoftoi se në Michigan janë arrestuar disa persona të dyshuar për organizimin e këtij sulmi.
“Sot në mëngjes FBI ka parandaluar një sulm të mundshëm terrorist dhe ka arrestuar disa individë në Michigan, të cilët dyshoheshin se po planifikonin një sulm të dhunshëm gjatë fundjavës së Halloweenit. Detaje të tjera do të bëhen publike së shpejti”, deklaroi ai.
Patel gjithashtu falënderoi agjentët federalë dhe forcat e tjera të rendit për punën e tyre në mbrojtje të sigurisë kombëtare.
“Faleminderit agjentëve të FBI-së dhe të gjithë forcave të rendit që punojnë 24/7 për mbrojtjen e vendit”, shtoi zyrtari amerikan.
Autoritetet amerikane pritet të japin më shumë informacion gjatë orëve në vijim mbi natyrën e komplotit dhe mbi personat e arrestuar.
Liga më e fortë e basketbollit në botë, NBA, po tronditet nga skandali më i madh në histori, dhe siç raportoi më parë ESPN, ish-lojtari, tani trajneri Chauncey Billups, dhe lojtari i Miami Heat, Terry Rozier, janë arrestuar.
Reporteri Joe Pompliano përshkroi disa nga pikat kryesore të ngritura pas konferencës për shtyp të FBI-së.
FBI konfirmoi se u arrestuan Chauncey Billups dhe Terry Rozier, si dhe Damon Jones, një trajner dhe ish-lojtar i NBA-së, i cili nuk u përmend më parë në këtë rast. Së bashku me ta, u arrestuan 27 persona të tjerë dhe 13 anëtarë të mafias në 11 shtete federale të SHBA-së. Ata akuzohen për bixhoz të paligjshëm, zhvatje dhe transferim të paligjshëm parash.
Gjashtë persona janë akuzuar për korrupsion në sport për zbulimin e informacionit sekret në lidhje me lojtarët dhe ekipet e NBA-së. Bazuar në këtë informacion, u vendosën baste. Pjesa tjetër u akuzua për organizimin e lojërave të paligjshme të pokerit.
Basketbollisti i Miami Heat, Terry Rozier, u tha të pandehurve se më 23 mars 2023, ai do të largohej nga loja para kohe për shkak të një dëmtimi. Kështu bëri dhe ata paguan 200 mijë dollarë për rezultatin se Rozier do të luante një ndeshje statistikisht më të dobët se mesatarja e tij. Ai u largua nga loja pas nëntë minutash dhe më vonë i numëroi fitimet me ta në shtëpinë e tij.
Ish-lojtari i Toronto Raptors, Jontay Porter, ishte gjithashtu i përfshirë. Ai mori kërcënime nga mafia për shkak të borxheve të tij të lojërave të fatit, kështu që nuk u akuzua në këtë rast. I arrestuari vuri bast më shumë dhe fitoi në ndeshjet e Charlotte, Portland, LA Lakers dhe Toronto. /Telegrafi/
Një ish-diplomat rus, i lidhur me skandalin për shmangien e sanksioneve ku u përfshi një agjent i Byrosë Federale të Hetimit (FBI) dhe një oligark rus, u dënua me dy muaj burgim nën akuzat se kishte gënjyer agjentët e zbatimit të ligjit në Shtetet e Bashkuara. Shqiptimi i dënimit ndaj Sergei Shestakovit mbyll një kapitull […]
Një 22-vjeçar shqiptar është arrestuar si pjesë e një hetimi të Agjencisë Kombëtare të Krimit (NCA) në lidhje me krimin e organizuar të emigracionit.
Sipas komunikatës së NCA-së që i referohet Top Channel, 22-vjeçari u ndalua nga oficerë të armatosur mbrëmjen e djeshme në Clarence Square, Brighton. Gjatë operacionit, policia ka kontrolluar një banesë dhe ka zbuluar një sasi të konsiderueshme kokaine, e ndarë në dhjetëra pako të vogla, gati për shpërndarje. Gjithashtu, u sekuestruan rreth 1,000 paund para të gatshme.
I riu u arrestua me dyshimin për pastrim parash dhe posedim me qëllim furnizimi me drogë të klasit A. Aktualisht, ai po merret në pyetje nga hetuesit e NCA-së.
Autoritetet dyshojnë se 22-vjeçari është përfshirë edhe në organizimin e kalimit të emigrantëve nga Shqipëria drejt Mbretërisë së Bashkuar përmes anijeve të vogla dhe mjeteve të rënda. Ai ishte arrestuar për herë të parë më 7 gusht në një qendër ndalimi pranë Aeroportit Gatwick, por ishte liruar me kusht.
Komandantja e Degës së NCA-së, Sara-Jayne Moore, deklaroi:
“Ky individ u arrestua përsëri si pjesë e hetimit tonë të vazhdueshëm për udhëtime të rrezikshme kontrabande njerëzish përmes Kanalit me anije të vogla dhe mjete të rënda. Lufta kundër kontrabandës së njerëzve është një përparësi kryesore për NCA-në, dhe ky është një nga 100 hetimet aktive që synojnë grupe apo individë të përfshirë drejtpërdrejt në organizimin e kalimeve ilegale ose në lehtësimin e kësaj veprimtarie kriminale. Hetimi ynë vazhdon me provat e mbledhura pas këtij arrestimi”.
Mediat amerikane raportojnë se FBI ka pushuar nga puna një grup agjentësh, që u fotografuan duke u gjunjëzuar në një protestë për drejtësi racore për vdekjen e George Floyd.
Letra e shkarkimit përmendi "mungesë gjykimi" të supozuar në veprimet e tyre, sipas një burimi të cituar nga CBS News. Raportohet se janë pushuar nga puna midis 15 dhe 20 agjentë, transmeton Telegrafi.
Raportohet se agjentët u gjunjëzuan së bashku me të tjerët gjatë një demonstrate në vitin 2020. Floyd, një burrë me ngjyrë, ishte vrarë nga një oficer policie që i gjunjëzoi në qafë në maj të atij viti, duke shkaktuar protesta globale.
Shoqata e Agjentëve të FBI-së dënoi shkarkimet, duke deklaruar se të drejtat e agjentëve ishin shkelur. FBI nuk pranoi të komentonte kur u kontaktua nga BBC.
Shkarkimet e raportuara vijnë ndërsa administrata Trump kërkon të spastrojë ato, që i sheh si politika dhe zyrtarë të krahut të majtë dhe të ashtuquajtur "të zgjuar" nga çdo pjesë e qeverisë federale.
Disa komentatorë të krahut të djathtë kishin kritikuar agjentët dhe oficerët e policisë që u fotografuan duke u gjunjëzuar në mediat sociale në atë kohë. Por mbështetësit e tyre argumentojnë se gjunjëzimi ishte një taktikë për të ulur tensionet me protestuesit, në vend që të sinjalizonte se agjentët pajtoheshin me pikëpamjet e tyre.
Ky akt u bë simbol i mospajtimit kundër racizmit, pasi pamjet virale treguan vrasësin e Floyd, oficerin e bardhë të policisë Derek Chauvin, duke u gjunjëzuar në qafën e tij ndërsa ai ishte i mbështetur në dysheme për më shumë se nëntë minuta.
Një ekzaminim zyrtar pas vdekjes zbuloi se Floyd vdiq nga një atak në zemër i shkaktuar nga kompresimi i qafës. Chauvin aktualisht po vuan një dënim prej 22 vitesh e gjysmë për vrasjen e Floyd.
Gjunjëzimi ishte përdorur gjithashtu në SHBA si një protestë kundër padrejtësisë racore dhe brutalitetit policor para vrasjes së Floyd - veçanërisht nga ish-lojtari i NFL, Colin Kaepernick.
Shkarkimi masiv i së premtes është i fundit në një seri shkarkimesh në FBI.
Ish-drejtori në detyrë i agjencisë, Brian Driscoll, ish-ndihmës drejtori përgjegjës për zyrën në terren në Uashington, Steven Jensen, dhe Spencer Evans, ish-agjent special përgjegjës për zyrën në terren në Las Vegas, janë pushuar të gjithë së fundmi nga puna.
Më herët këtë muaj, tre ish-agjentët paditën drejtorin e FBI-së, Kash Patel dhe Prokuroren e Përgjithshme të SHBA-së, Pam Bondi, duke pretenduar se zyrtarët i pushuan nga puna për të qetësuar Presidentin Donald Trump.
Në deklaratën e saj të premten, Shoqata e Agjentëve të FBI-së tha se "modeli i ri i rrezikshëm i veprimeve të Patel po e dobëson Byronë" dhe po e bën "më të vështirë rekrutimin dhe mbajtjen e agjentëve të kualifikuar - duke e vënë në fund të fundit kombin tonë në një rrezik më të madh". /Telegrafi/
FBI ka shkarkuar një grup agjentësh të cilët ishin fotografuar duke u gjunjëzuar gjatë një proteste për drejtësi racore, pas vdekjes së George Floyd në vitin 2020.
Agjentët morën pjesë në një demonstratë në Washington DC, ku u gjunjëzuan bashkë me protestuesit si shenjë solidariteti. Floyd, një burrë me ngjyrë, u vra nga ish-polici, Derek Chauvin, i cili i qëndroi mbi qafë për më shumë se nëntë minuta, duke shkaktuar reagime të fuqishme në mbarë botën.
Mendohet se rreth 15 ose 20 agjentë u shkarkuan të premten, megjithëse shifrat e sakta mbeten të paqarta, raporton BBC. Shoqata e Agjentëve të FBI-së e dënoi vendimin, duke e quajtur një shkelje të të drejtave të tyre. Vetë FBI nuk ka pranuar të komentojë mbi rastin.
Vendimi vjen në një klimë të re politike, ku administrata e presidentit Donald Trump po përpiqet të largojë, sipas saj, politikat “të majta” apo “woke” nga institucionet federale. Në vitin 2020, shumë komentues konservatorë kritikuan agjentët dhe oficerët e policisë që u gjunjëzuan, ndërsa mbështetësit e këtij gjesti theksuan se bëhej fjalë për një strategji për të ulur tensionet, jo domosdoshmërisht për mbështetje politike.
Gjesti i gjunjëzimit u kthye në një simbol të protestës kundër racizmit dhe dhunës policore në SHBA, duke u bërë edhe më i fuqishëm pas publikimit të pamjeve të Chauvin mbi qafën e Floyd. Ai aktualisht po vuan një dënim prej 22 vjetësh e gjysmë për vrasjen e tij.
Shkarkimet e fundit janë pjesë e një vale më të gjerë largimesh në FBI. Ish-drejtues si Brian Driscoll, Steven Jensen dhe Spencer Evans janë larguar gjithashtu muajt e fundit. Më herët këtë muaj, tre ish-agjentë paditën drejtorin e FBI-së, Kash Patel, dhe Prokuroren e Përgjithshme të SHBA, Pam Bondi, duke pretenduar se u shkarkuan për të kënaqur politikisht Trumpin.
FBI ka shkarkuar një grup agjentësh të cilët ishin fotografuar duke u gjunjëzuar gjatë një proteste për drejtësi racore, pas vdekjes së George Floyd në vitin 2020. Agjentët morën pjesë në një demonstratë në Washington DC, ku u gjunjëzuan bashkë me protestuesit si shenjë solidariteti. Floyd, një burrë me ngjyrë, u vra nga ish-polici, Derek […]
Byroja Federale e Hetimeve (FBI) në SHBA ka pushuar nga puna një grup agjentësh të saj që në vitin 2020, gjatë protestave për drejtësi racore në Uashington pas vrasjes së George Floydit, kishin rënë në gjunjë si shenjë përpjekje për të qetësuar tensionet me protestuesit.
Siç raporton Reuters, janë pushuar nga puna mes 15 dhe 22 agjentë.
Fotografitë dhe pamjet e këtij gjesti u bënë virale në atëkohë, ndërsa komentuesit e djathtë i kritikuan, duke pretenduar se bëhej fjalë për mbështetje ndaj lëvizjes “Black Lives Matter”.
Megjithatë, burimet e reutersit bëjnë të ditur se agjentët e kishin bërë këtë veprim vetëm për të de-përshkallëzuar protestën.
Shoqata e Agjentëve të FBI-së e ka dënuar pushimin nga puna si të paligjshëm për më shumë se një duzinë agjentësh specialë.
Ky veprim vjen pas emërimit të Kash Patel-it, një bashkëpunëtor i ngushtë i presidentit amerikan, Donald Trumpit, si drejtor i FBI-së në muajin shkurt.
Sipas një padie të paraqitur së fundmi nga disa ish-zyrtarë të lartë të FBI-së kundër administratës Trump, Patel thuhet se kishte marrë urdhër të largonte të gjithë punonjësit që kishin marrë pjesë në hetimet penale kundër liderit aktual amerikan.
Ish-drejtori në detyrë i FBI-së, Brian Driscoll, së bashku me dy zyrtarë të tjerë të lartë, pretendojnë se janë pushuar si pjesë e një “fushate hakmarrjeje” që kishte në shënjestër ata që nuk ishin mjaftueshëm besnikë. /Telegrafi/
Autoritetet kanë thënë se tre oficerë policie u vranë dhe dy të tjerë u plagosën rëndë nga të shtënat me armë zjarri në shtetin amerikan të Pensilvanisë, ndërsa po ndiqeshin hetimet për një "rast familjar".
Komisioneri i policisë së shtetit të Pensilvanisë, koloneli Christopher Paris, tha se personi i armatosur u qëllua për vdekje nga policia, transmeton Telegrafi.
Incidenti ndodhi menjëherë pas orës 14:00 sipas orës lokale. Imazhet nga vendi i ngjarjes treguan një oficer policie që po transportohej me helikopter mjekësor.
Të shtënat detyruan një distrikt shkollor aty pranë në Spring Grove, Pensilvani - një qytet i vogël me rreth 2,500 banorë - të strehohej për pak kohë në vend. Distrikti më vonë tha se shkolla nuk ishte prekur.
Zyrtarët thanë se nuk kishte kërcënim aktiv për publikun. Të shtënat ndodhën në një zonë rurale të qarkut York në North Codorus Township, rreth 160 km në perëndim të Filadelfias.
Autoritetet thanë se oficerët ishin në vendngjarje për një hetim që kishte filluar një ditë më parë.
Policia nuk ka ndarë shumë nga detajet sepse hetimi ishte në vazhdim, tha komisioneri Paris. Guvernatori i Pensilvanisë, Josh Shapiro, mbërriti në zonë të mërkurën pasdite dhe u takua me familjet e oficerëve të vrarë.
Më vonë, Shapiro urdhëroi që të gjithë flamujt në shtet të ulen në gjysmë shtizë në nder të tre oficerëve të vrarë.
Të gjithë flamujt e shtetit të Pensilvanisë do të ulen në të gjitha ndërtesat dhe terrenet publike. Drejtori i FBI-së, Kash Patel, tha se agjentët ishin në terren duke ofruar ndihmë për partnerët lokalë dhe shtetërorë. /Telegrafi/
Katërmbëdhjetë anëtarë të stafit në një strehë kafshësh në SHBA u shtruan në spital të mërkurën, pasi FBI përdori një incenerator në objekt për të djegur metamfetaminë të sekuestruar.
Stafi dhe rreth 75 mace dhe qen u evakuuan nga streha e kafshëve Yellowstone Valley në Billings, Montana, kur ndërtesa u mbush me tym, transmeton Telegrafi.
Inceneratori zakonisht përdoret nga oficerët e kontrollit të kafshëve për të asgjësuar kafshët e eutanizuara, por autoritetet lokale thanë se mund të përdoret edhe nga forcat e rendit për të djegur narkotikët e sekuestruar.
Macet dhe qentë janë zhvendosur dhe kafshët që përjetuan ekspozimin më të madh ndaj tymit, tani janë nën mbikëqyrje.
Incidenti u shkaktua kur tymi u shty në drejtimin e gabuar për shkak të presionit negativ, sipas ndihmës administratorit të qytetit Kevin Iffland.
Drejtoresha ekzekutive e strehës Triniti Halverson tha se nuk ishte në dijeni se po ndodhte një djegie droge.
"Mund të them me bindje dhe besim se, si drejtoreshë ekzekutive, nuk e dija që ata po asgjësonin narkotikë jashtëzakonisht të rrezikshëm në vend", shkroi ajo në një deklaratë.
"Ekipi im dhe kafshët e mia ishin konfirmuar se ishin ekspozuar ndaj metamfetaminës", tha ajo.
Para se të evakuoheshin, shumë punonjës vunë maska dhe ndihmuan në nxjerrjen e kafshëve.
Disa nga stafi u ekspozuan ndaj tymit për më shumë se një orë dhe disa filluan të ndiheshin keq. Të 14 personat shkuan në dhomën e urgjencës, ku kaluan rreth tre orë në një dhomë oksigjeni hiperbarike për të luftuar efektet e thithjes së tymit.
Zëdhënësja e FBI-së, Sandra Barker, i tha CBS News se agjencia përdor rregullisht ambiente të jashtme për djegie të kontrolluara të provave të drogës.
Kafshëve të prekura iu dha kujdes veterinar dhe u vendosën në strehim të përkohshëm, përfshirë katër pjellë kotelesh që po monitorohen nga afër sepse ishin të mbyllura në një dhomë me tym, tha Halverson për CBS News. /Telegrafi/
Incidentet tragjike nuk kanë fund në Shtetet e Bashkuara, teksa një person u vra në Chicago nga një oficeri i Emigracionit dhe Doganave.
Departamenti i sigurisë kombëtare tha se viktima u përpoq t’i shmangej arrestimit, duke tentuar të përplas me makinë oficerët dhe mori zvarrë njërin prej tyre. Oficeri, i frikësuar për jetën e tij, qëlloi me armë zjarri.
Si oficeri ashtu edhe shoferi u dërguan në spital, por ky i fundit nuk ia doli të mbijetonte. Viktima u identifikua si Silverio Villegas Gonzales dhe departamenti i Sigurisë Kombëtare tha se nuk dihet kur ai kishte hyre në Shtetet e Bashkuara, por kishte histori të mëparshme të drejtimit të mjetit në mënyrë të pakujdesshme.
Vrasja e Villegas-Gonzalez vjen në të njëjtën javë kur Drejtoria e Emigracionit dhe Doganave nisi fushatën e saj të zbatimit të ligjit kundër emigrantëve të paligjshëm “Operacioni Midway Blitz” në të gjithë shtetin e Illinois, duke u përqendruar veçanërisht në Çikago.
Ky operacion shkaktoi protesta dhe jashtë një qendre paraburgimi për emigrantët në Çikago pati përplasje mes qytetarëve dhe oficerëve.
Madje presidenti amerikan Donald Trump ka thënë se do të nxjerrë gardën kombëtare në rrugët e Chicago për t’u përballur me krimin në rritje. Sipas administratës republikane, guvernatori demokrat Pritzker ka lejuar të huajë të paligjshëm dhe kriminelë që të enden të lirë në Çikago dhe Illinois.
Së fundmi Trump tha se Garden Kombëtare do e nxjerrë dhe në Mempfis, duke e quajtur qytetin te trazuar. Garda në Memphis do të shënonte një përshkallëzim në përdorimin e trupave nga presidenti dhe vjen afërsisht një muaj pasi ai dërgoi Gardën Kombëtare në rrugët e Uashington.
Memphis ka një nga normat më të larta të krimit në SHBA, me 2501 krime të dhunshme për 100,000 banorë, tregojnë të dhënat nga FBI.
FBI ka dhënë detaje lidhur me arrestimin e autorit të vrasjes së mbështetësit të Donald Trump, Charlie Kirk.
Mësohet se autorit është 22-vjeçari Tyler Robinson.
Autoritetet në konferencën për shtyp përshkruan prova që sipas tyre, lidhin të dyshuarin në paraburgim me vrasjen e Charlie Kirk, duke përfshirë deklarata për të afërmit që sugjerojnë se ai e kreu krimin, mesazhe në mediat sociale dhe prova fizike.
#BREAKING: Officials have released brand-new, unseen footage showing the Charlie Kirk shooter suspect fleeing after opening fire from the roof of Utah Valley University, before dropping down and running from the scene. The FBI says it has already received more than 7,000 tips. pic.twitter.com/DzuwgcMnTE
Lajmi i fundit u njoftua nga presidenti i SHBA-së, Donald Trump në një program televiziv në mëngjes.
"Mendoj se me një shkallë të lartë sigurie, e kemi atë", tha Trump në Fox & Friends të premten në mëngjes në New York City, duke iu referuar vraswsit tw Charlie Kirk.
"Në paraburgim. Në thelb, dikush që ishte shumë afër tij e dorëzoi atë", tha presidenti amerikan, transmeton Telegrafi.
Ishte gjithashtu Trump i pari që njoftoi se aleati i tij, Kirk, kishte vdekur pasi u qëllua në qafë në Universitetin Utah Valley të mërkurën.
Në një konferencë për shtyp të premten në mëngjes, zyrtarët identifikuan personin në paraburgim si 22-vjeçarin Tyler Robinson.
Guvernatori i Utah, Spencer Cox u tha gazetarëve se "një anëtar i familjes së Tyler Robinson kontaktoi një mik të familjes i cili kontaktoi Zyrën e Sherifit të Qarkut të Uashingtonit, me informacionin që Robinson u kishte rrëfyer atyre".
Videoja tregon të dyshuarin duke mbërritur në kampusin e universitetit në një makinë dodge challenger Grey në orën 08:29 sipas orës lokale në mëngjesin e të shtënave, tha Cox.
Ai tha se hetuesit kishin intervistuar një anëtar të familjes, i cili tha se i dyshuari ishte bërë më politik në vitet e fundit.
"Anëtari i familjes iu referua një incidenti të kohëve të fundit në të cilin Robinson erdhi për darkë para 10 shtatorit, dhe në bisedën me një anëtar tjetër të familjes, Robinson përmendi se Charlie Kirk do të vinte në UVU", shtoi Cox.
Gjithashtu tha se hetuesit kishin folur me një shok dhome të të dyshuarit, i cili u kishte treguar mesazhe me një llogari të quajtur "Tyler" në aplikacionin e mesazheve Discord.
Mesazhet i referoheshin nevojës për të marrë një pushkë nga "një pikë lëshimi" dhe pushkës së lënë në një shkurre, të mbështjellë me një peshqir.
FBI tha të enjten se kishin gjetur armën e dyshuar të vrasjes - një pushkë të importuar Mauser 30-06 me bulon - të mbështjellë me një peshqir në një zonë të pyllëzuar.
Cox u tha gazetarëve se hetuesit kishin gjetur mbishkrime të gdhendura në gëzhojat e gjetura me pushkën, e cila kishte një dylbi të montuar sipër saj.
Mbishkrimet përfshinin "hej fashist! kap" dhe "bella ciao" dhe "nëse e lexon këtë, je gej, LMAO".
Bella ciao do të thotë "lamtumirë bukuroshe" në italisht. Është gjithashtu titulli i një kënge kushtuar rezistencës italiane që luftoi kundër trupave pushtuese të Gjermanisë naziste.
Arrestimi erdhi më pak se një ditë pasi FBI publikoi fotografi të paqarta të një "personi me interes" të kërkuar për të shtënat.
Hetuesit kërkuan ndihmën e publikut për identifikimin e të dyshuarit, i cili mbante syze dielli, këpucë Converse dhe një bluzë të zezë "të veçantë" me mëngë të gjata me një flamur amerikan dhe një shqiponjë. /Telegrafi/
🚨 NEW FOOTAGE ::: SHOOTER ON ROOF
FBI releases exclusive close-up footage of Charlie Kirk shooter suspect jumping off Utah Valley University roof, 3 mins after the assassination. Suspect fled the scene, with over 7,000 tips already received. #CharlieKirkpic.twitter.com/dYj4Qk4qAm — Culture War Report (@CultureWar2020) September 12, 2025
Login
