Presidenti Bajram Begaj ka uruar besimtarët për Krishtlindje. Në mesazhin e tij, Begaj uron festa plot begati për besimtarët e krishterë.

“Krishtlindje të gëzuara, plot shpresë e begati për të gjithë miqtë tanë të krishterë! Le të jetë kjo Krishtlindje burim paqeje dhe gëzimi, si dhe një mundësi për të kaluar çaste të lumtura me njerëzit tuaj më të dashur”, shkroi Begaj.

Krishtlindje të gëzuara, plot shpresë e begati për të gjithë miqtë tanë të krishterë!

Le të jetë kjo Krishtlindje burim paqeje dhe gëzimi, si dhe një mundësi për të kaluar çaste të lumtura me njerëzit tuaj më të dashur! pic.twitter.com/tfp4BEn5vt

— Bajram Begaj (@BajramBegajAL) December 25, 2025

Me propozim të Kryeministrit, Presidenti i Republikës, Sh.T.Z. Bajram Begaj liroi sot nga detyra Ambasadorin e Jashtëzakonshëm dhe Fuqiplotë të Republikës së Shqipërisë në NATO, rezident, zotin Ilir Gjoni.

“Zoti Ilir Gjoni lirohet nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në NATO, rezident.” thuhet në dekretin që mban firmën e kreut të Shtetit./abcnews.al

TIRANË, 17 dhjetor /ATSH/ Presidenti i Republikës, Bajram Begaj mori pjesë sot në ceremoninë e organizuar nga Dhoma e Tregtisë dhe Industrisë së Tiranës, ku u vlerësuan arritjet e sipërmarrjeve shqiptare që kontribuojnë në rritjen e ekonomisë së vendit tonë.

Ndërsa Shqipëria është në fazat e fundit të kapitujve për anëtarësimin në Bashkimin Evropian, Begaj, deklaroi para komunitetit të biznesit shqiptar se, roli i sipërmarrjes merr rëndësi edhe më të madhe pasi finalizimi i këtij projekti kombëtar prek drejtpërdrejt ekonominë.

Duke nënvizuar rëndësinë e krijimit të kushteve që bizneset shqiptare të konkurrojnë me dinjitet dhe sukses në tregun evropian, Presidenti i Republikës u shpreh se procesi kërkon rregulla të qarta, transparencë, sundim të ligjit dhe një mjedis ku sipërmarrja të ndihet e mbrojtur dhe e vlerësuar.

“Evropa është një hapësirë me standarde të larta cilësie, etike dhe përgjegjshmërie, të cilat u hapin sipërmarrjeve rrugën drejt konkurrencës së fortë, por të ndershme, dhe të orientuara drrejt suksesit afatgjatë. Në këtë rrugëtim, bashkëpunimi midis institucioneve shtetërore dhe komunitetit të biznesit mbetet vendimtar për krijimin e një klime stabiliteti dhe besimi”, deklaroi Kreu i Shtetit.

Presidenti Begaj shprehu mirënjohje ndaj bizneseve që mbështesin komunitetet lokale, ofrojnë mundësi të reja punësimi, promovojnë përgjegjësinë shoqërore dhe kontribuojnë në një ekonomi më të hapur dhe më përfshirëse.

“Shoqëria jonë ka nevojë për modele e shembuj pozitivë dhe vendi ynë ka nevojë për një kulturë moderne biznesi, ku zhvillimi pasqyrohet në rritjen e mirëqenies për të gjithë qytetarët”, u shpreh Presidenti i Republikës, i cili vlerësoi dhe kontributin e Dhomës së Tregtisë dhe Industrisë në përmirësimin e klimës së biznesit, të kuadrit rregullator, në nxitjen e inovacionit, rritjen e aftësive menaxheriale e profesionale, si edhe në promovimin e produkteve shqiptare dhe të investimeve vendase e të huaja.

Në fund të fjalës, Presidenti i Republikës shprehu bindjen se, përmes sipërmarrjeve të forta, institucioneve të përgjegjshme dhe bashkëpunimit të ndershëm, Shqipëria do të ecë me hapa të sigurt drejt familjes evropiane si një vend me ekonomi konkurruese, me dinjitet dhe me perspektivë të qartë për të ardhmen.

1 nga 3

/gj.m/a.f/

The post Begaj: Sipërmarrja, rol kyç në forcimin e ekonomisë dhe integrimin në BE appeared first on Agjencia Telegrafike Shqiptare.

Presidenti i Republikës, Bajram Begaj, mori pjesë sot në ceremoninë e kremtimit të 100-vjetorit të krijimit të Forcës Detare, ku nderoi detarë, nënoficerë, oficerë dhe veteranë që kanë shërbyer e shërbejnë me devotshmëri ndaj atdheut në përmbushje të misionit kushtetues.

Gjatë fjalës përshëndetëse në këtë jubile të rëndësishëm, Presidenti i Republikës, duke iu referuar periudhave historike përmes të cilave ka kaluar Forca Detare, nënvizoi sakrificat dhe përkushtimin  shekullor  për të arritur nga patrullimi i anijeve  “Shqypnia” dhe “Skënderbeg”, deri në përfshirjen e saj në sigurinë Euroatlantike.

“Forca Detare është rritur, zhvilluar, transformuar dhe modernizuar, dhe ashtu si e gjithë Forca e Armatosur e Republikës së Shqipërisë, ka kaluar periudha sidash të vështira duke reflektuar në rrugëtimin e saj historinë e zhvillimit të vendit.  Ajo i ka qëndruar gjithmonë besnike atdheut, ka qenë rojtare e palëkundur e sovranitetit, mbrojtëse e paepur e integritetit dhe interesave kombëtare në hapësirën tonë detare”, deklaroi Kreu i Shtetit. Një mesazh mirënjohjeje Presidenti Begaj përcolli edhe ndaj aleatëve të Shqipërisë.

“Me mbështetjen e Shteteve të Bashkuara të Amerikës, Italisë, Holandës, Turqisë dhe partnerëve të tjerë në NATO, Forca Detare ka zhvilluar kapacitete bashkëkohore operacionale në përmbushje të misionit kushtetues dhe zbatimit të ligjshmërisë në det”, theksoi Presidenti i Republikës.

Angazhimin në operacionet e NATO-s, si “Aegean Sea” dhe “FOCOPS”, Presidenti Begaj e cilësoi si dëshmi të zgjedhjes politike dhe strategjike: që siguria e vendit të garantohet përmes bashkëpunimit, kontributit dhe besueshmërisë mes aleatëve.

Në cilësinë e Komandantit të Përgjithshëm të Forcave të Armatosura, Presidenti i Republikës u  shpreh se në realitetin e sotëm të sigurisë, Forca Detare shqiptare përfaqëson praninë dhe përgjegjësinë e Shqipërisë në hapësirën mesdhetare dhe në arkitekturën Euroatlantike të mbrojtjes.

“Dinamikat gjeopolitike, format e reja të kërcënimeve, trafiku i paligjshëm dhe tensionet në hapësirën mesdhetare e bëjnë të domosdoshme një Forcë Detare të aftë për të vepruar me shpejtësi, profesionalizëm dhe besueshmëri, si në kohë paqeje, edhe në situata krize”,  deklaroi Presidenti Begaj, duke theksuar se për Shqipërinë kjo nuk është çështje ambicieje, por përgjegjësi shtetërore për mbrojtjen e hapësirës detare dhe interesave të saj kombëtare.

Për këtë arsye, Kreu i Shtetit theksoi rëndësinë e investimeve që po ndërmerren për modernizimin e mëtejshëm të Forcës Detare në bashkëpunim me aleatët rajonalë, evropianë dhe Aleancën Veri-Atlantike.

“Vizioni për të ardhmen e Forcës Detare shqiptare mbështetet në forcimin e kapaciteteve operacionale, zhvillimin e kapaciteteve të mirëfillta luftarake, modernizimin e infrastrukturës portuale dhe lidhjen me Korridorin VIII, modernizimin e kantierit të ndërtimit dhe riparimit të anijeve, si dhe thellimin e bashkëpunimit me aleatët jo si qëllim në vetvete, por si kusht, si kusht për të garantuar sovranitetin detar, sigurinë kombëtare dhe rolin e Shqipërisë si një partnere, si një aleate e denjë në NATO”, deklaroi Presidenti i Republikës, Bajram Begaj, në ceremoninë e 100-vjetorit të krijimit të Forcës Detare të Shqipërisë.

Presidenti i Republikës, Bajram Begaj, ka reaguar lidhur me sulmin terrorist të ndodhur në Bondi Beach, Australi, duke e dënuar atë me forcë dhe duke shprehur solidaritetin e Shqipërisë me popullin australian.

Kreu i Shtetit shprehu ngushëllimet për familjet e viktimave të pafajshme dhe uroi shërim të shpejtë për të plagosurit, duke theksuar se akte të tilla dhune janë të papranueshme dhe cenojnë vlerat themelore njerëzore, shkruan ATSH.

Në mesazhin e tij, Presidenti Begaj nënvizoi se Shqipëria qëndron në solidaritet të plotë me Australinë në luftën kundër terrorizmit dhe urrejtjes.

“Dënoj me forcë sulmin terrorist në Bondi Beach, Australi. Ngushëllime familjeve të viktimave të pafajshme, shërim të shpejtë të plagosurve. Shqipëria është në solidaritet të plotë me Australinë kundër terrorizmit dhe urrejtjes”, shkruan Presidenti në reagimin e tij.

TIRANË, 12 dhjetor /ATSH/ Presidenti i Republikës së Shqipërisë, Bajram Begaj dekretoi ditën e sotme emërimin e Genti Shalës si gjyqtar të Gjykatës së Lartë.

Vendimi është marrë në mbështetje të nenit 93 dhe nenit 136 të Kushtetutës së Republikës së Shqipërisë, si dhe nenit 48 të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, të ndryshuar.

Dekreti bazohet në vendimin nr. 818, datë 4 dhjetor 2025, të Këshillit të Lartë Gjyqësor, i cili ka propozuar kandidaturën e Shalës për pozicionin e lirë në fushën e së drejtës penale, shpallur më herët me vendimin nr. 178, datë 11 maj 2022.

Sipas dekretit, Genti Shala emërohet gjyqtar i Gjykatës së Lartë nga radhët e gjyqtarëve, ndërsa ky vendim hyn në fuqi menjëherë dhe do të botohet në “Fletoren Zyrtare”.

/e.i/j.p/

The post Begaj dekreton Genti Shalën si gjyqtar të Gjykatës së Lartë appeared first on Agjencia Telegrafike Shqiptare.

Presidenti Bajram Begaj ka dekretuar emërimin e Genti Shalës si gjyqtar i Gjykatës së Lartë. Vendimi vjen si shpërblim për Shalën, pasi ai ishte një nga gjyqtarët që la në fuqi vendimin e dënimit për deputetin demokrat Ervin Salianji (tashmë i lirë). Salianji ishte nën akuzë se ka prishur imazhin e trafikantit Agron (Geron) Xhafaj, […]

The post Denoi me burg Salianjin, Rama-Xhafaj-Begaj shpërblejnë gjyqtarin Genti Shala appeared first on BoldNews.al.

TIRANË, 10 dhjetor /ATSH/ Në Pallatin e Kongreseve u përkujtua sot në një mbrëmje solemne 100-vjetori i Urdhrit të Skënderbeut.

Në mbrëmjen, ku ishin të pranishëm Presidenti i Republikës Bajram Begaj si dhe kryeministri Edi Rama, u zhvillua ceremonia e dekorimit të 24 personaliteteve me të tre urdhërat kombëtarë: Urdhrin Suprem të Shqiponjës, Urdhrin e Skënderbeut dhe Urdhrin e Lisit Akademik.

Dy medaljonët e para të 100-vjetorit të Urdhrit të Skënderbeut, Kryeministri Edi Rama i shpërndau për Artan Lamen si dhe Filip Rrumbullakun duke ia dorëzuar familjarëve të tyre ndërsa i cilësoi dy shërbestarë të papërtuar të reformës kuptimlotë të titujve të nderit.

“Dy burra që nuk janë më, por që me pasionin dhe dijen e tyre mbi fushën e urdhrave, medaljeve e shenjave dhe zakoneve të tjera të shtetit, do të kujtohen si bartës besnikë të një amaneti shtetëror, që dukej i varrosur përgjithmonë nën këmbët e injorancës me pushtet. Sonte, Republika u shpreh familjeve të tyre mirënjohjen e saj për të ndjerët”, tha Rama.

Gjatë ceremonisë Begaj dekoroi 22 personalitete të tjera.

Me Urdhrin Suprem të Shqiponjës, presidenti i Republikës, kryetar i urdhrit, me propozim të kryeministrit, dëgjuar Kolegjin e Urdhrave dhe Medaljeve dekoroi me “Ylln e Madh”, ish-presidentin e vendit, Alfred Moisiu, kirurgun Besim Elezi dhe Seit Mansakun, gjuhëtar dhe akademik.

Me “Urdhrin Suprem të Shqiponjës”, presidenti i Republikës, kryetar i urdhrit, me propozim të Kryeministrit, dëgjuar Kolegjin e Urdhrave dhe Medaljeve dekoroi “Oficeri i Madh” studiuesin Aurel Plasari, historianin, Pëllumb Xhufi dhe Francesco Altimari-n, studiues arbëresh në fushën e albanologjisë.

Me “Oficer i madh” u dekoruan edhe Matteo Mandala, studiuesi i letërsisë arbëreshe si dhe Ernesto Madeo.

Me “Urdhrin e Lisit Akademik”, presidenti i Republikës kryetar i urdhrit, më propozim të Kryeministrit, dëgjuar kolegjin e Urdhrave dhe Medaljeve, ka dekoruar “Ylli i Madh”, Ismet Elezin si dhe Abaz Hoxhën.

Me “Urdhrin e Skënderbeut”, presidenti i Republikës kryetar i urdhrit, më propozim të Kryeministrit, dëgjuar kolegjin e Urdhrave dhe Medaljeve, ka dekoruar Shpresa Gjongecaj, me titullin “Komandant”. E njëjta dekoratë u dha për Zyber Dushkun, Etleva Domin dhe Fioralba Cakonin.

“Urdhri Suprem i Shqiponjës”, Presidenti i Republikës kryetar i Urdhrit, me propozim të Kryeministrit dëgjuar Kolegjin e Urdhrave dhe Medaljeve, ka dekoruar “Kalorës” Igli Taren.

“Urdhri i Skënderbeut”, Presidenti i Republikës kryetar i Urdhrit, me propozim të Kryeministrit dëgjuar Kolegjin e Urdhrave dhe Medaljeve, ka dekoruar “Oficer” zonjën Mimoza Dhëmbi.

President i Republikës kryetar i Urdhrit, me propozim të Kryeministrit dëgjuar Kolegjin e Urdhrave dhe Medaljeve, ka dekoruar Ajet Jatën, me titullin “Kalorës” si dhe Adriana Hysenajn.

Me titullin “Kalorës” u nderuan gjithashtu Edor Kabashi, Kastriot Aliko, Gjovalin Bica dhe Liljana Luani.

/m.q/j.p/

The post 100-vjetori i Urdhrit të Skënderbeut, akordohen dekorata për 24 personalitete appeared first on Agjencia Telegrafike Shqiptare.

Gjatë vizitës në Kosovë, në kuadër të 50-vjetorit të krijimit të Akademisë së Shkencave të Kosovës, Presidenti i Republikës, Bajram Begaj, u prit në një takim të veçantë nga Presidentja e Republikës së Kosovës, Vjosa Osmani.
Presidentët Begaj dhe Osmani rikonfirmuan angazhimin për bashkëpunimin e pandalshëm Shqipëri-Kosovë duke theksuar se bashkë mund të nxisin më shumë projekte zhvillimore.
Presidenti Begaj nënvizoi momentumin historik të Shqipërisë në rrugën drejt Bashkimit Evropian, duke theksuar se rritja e rolit dhe faktorizimi i saj në arenën ndërkombëtare ndihmon drejtpërdrejt edhe Kosovën në procesin e njohjeve dhe afirmimin e saj ndërkombëtar.
Presidenti Begaj zhvilloi gjithashtu takime me Kryetarin e Prishtinës, z. Përparim Rama, dhe Kryetarin e Rahovecit, z. Smajl Latifi, të cilëve u uroi suksese në mandatin e ri pas zgjedhjeve lokale.
Gjatë vizitës në Komunën e Rahovecit, Presidenti Begaj u njoh nga afër me zhvillimin e agroturizmit në këtë zonë dhe punën e banorëve në vreshtari dhe produkte bujqësore, të cilat kanë sjellë mirëqenie dhe imazh ndërkombëtar për komunën përmes eksporteve të produkteve vendase. Presidenti vlerësoi atdhedashurinë, qëndresën gjatë luftës dhe punën e palodhur të banorëve të Rahovecit.

Në shenjë vlerësimi dhe mirënjohjeje, Kryetari i Rahovecit, z. Smajl Latifi, e nderoi Presidentin Begaj me dekoratën “Medalja e Lirisë”.

Presidentja e vendit, Vjosa Osmani ka zhvilluar një takim me homologun e saj nga Shqipëria, Bajram Begaj.

Osmani përmes një postimi në rrjetin social në Facebook ka shkruar se në këtë takim kanë biseduar për bashkëpunimin të pandalshëm dhe nevojën që Kosova dhe Shqipëria të jenë gjithmonë pranë njëra-tjetrës.

“Në një takim të ngrohtë fundvitit, sot pata kënaqësinë ta pres Presidentin e Shqipërisë, Bajram Begaj, me të cilin biseduam për bashkëpunimin tonë të pandalshëm dhe nevojën që Kosova dhe Shqipëria të jenë gjithmonë pranë njëra-tjetrës. Në prag të festave të fundvitit, i përcolla urimet më të përzemërta, me dëshirën që viti që vjen të sjellë edhe më shumë afërsi, më shumë bashkëpunim dhe hapa të suksesshëm drejt Bashkimit Evropian për dy shtetet tona”, ka shkruar Osmani. /Telegrafi/

TIRANË, 9 dhjetor /ATSH/ TIRANË, 9 dhjetor /ATSH/ Lahuta është shpallur zyrtarisht pasuri e trashëgimisë kulturore jomateriale në listën e UNESCO-s, për mbrojtje urgjente.

Presidenti Bajram Begaj theksoi se “nga sot, trashëgimia kulturore jomateriale e UNESCO-s është edhe më e pasur. “Arti i të luajturit, të kënduarit dhe punimit të lahutës, një nga thesaret më të çmuara të identitetit kulturor shqiptar, është bërë pjesë e saj”, shkroi Begaj në rrjetet sociale.

Arti i të kënduarit, të luajturit dhe bërja e lahutës përfaqësojnë një element thelbësore të identitetit në hapësirën shqiptare rurale të kultivuar ndër shekuj në krahinat veriore dhe përtej që nga Malësia e Madhe, Dukagjini, Malësia e Gjakovës, Rugova, Drenica, Plava dhe Gucia. Eposi i Kreshnikëve dhe balada të traditës shqiptare veriore, në duart e lahutarit kanë shprehur në shekuj virtytet e trimërisë, qëndresës, nderit, besës dhe mikpritjes.

/m.q/j.p/

The post Begaj: Nga sot trashëgimia kulturore jomateriale e UNESCO-s, më e pasur me lahutën appeared first on Agjencia Telegrafike Shqiptare.

Lahuta është shpallur zyrtarisht pasuri e trashëgimisë kulturore jomateriale në listën e UNESCO-s, për mbrojtje urgjente. Presidenti Bajram Begaj theksoi se nga sot, trashëgimia kulturore jomateriale e UNESCO-s është edhe më e pasur. ”Nga sot, trashëgimia kulturore jomateriale e UNESCO-s është edhe më e pasur. Arti i të luajturit, të kënduarit dhe punimit të lahutës, një nga thesaret më të çmuara…

Source

Më 09 dhe 10 dhjetor 2025, në Kosovë do të qëndrojë për vizitë Presidenti i Shqipërisë, Bajram Begaj.

Policia e Kosovës njofton se gjatë vizitës do të angazhohet për ruajtjen e rendit dhe qetësisë publike.

Për të mundësuar lëvizjen e sigurt të delegacionit dhe zhvillimin e aktiviteteve sipas agjendës zyrtare, disa segmente rrugore do të kenë ndërprerje të përkohshme të qarkullimit të trafikut (në intervale të shkurtra kohore).

Gjithashtu, siç thekson Policia e Kosovës, mund të ketë edhe “riorientim të trafikut në rrugë alternative” gjatë këtyre periudhave.

Policia kërkon mirëkuptim të plotë nga ana e qytetarëve dhe pjesëmarrësve në trafik.

Qytetarët rekomandohen të planifikojnë rrugët e tyre me kohë dhe të ndjekin sinjalizimin dhe njoftimet e Policisë për qarkullim të sigurt. /Telegrafi/

TIRANË, 6 dhjetor /ATSH/ Institucioni i Presidentit të Republikës ndezi sot në mbrëmje dritat e pemës së Krishtlindjes.

Presidenti i Republikës, Bajram Begaj, dhe Zonja e Parë, Armanda Begaj, pritën këtë mbrëmje fëmijët në një ceremoni të veçantë, traditë e institucionit në vigjilje të festave të fundvitit.

Mes tingujve festivë dhe interpretimit të valleve nga Ansambli i Fëmijëve të Durrësit, fëmijët morën dhurata dhe shkëmbyen urime për një vit edhe më të mirë.

“Tashmë kaloi dhe një vit dhe ju jeni me më shumë dije, me më shumë arritje. Për dashurinë e pafundme dhe krenarinë që na dhuroni, ne, të rriturit, prindërit tuaj, duhet të punojmë më shumë për një botë ku e ardhmja juaj të jetë më e sigurt dhe me më shumë mundësi për ju” u shpreh zonja Begaj në përshëndetjen e saj.

1 nga 6

/m.q/a.f/

The post Begaj dhe Zonja e Parë ndezin dritat e pemës së Krishtlindjes appeared first on Agjencia Telegrafike Shqiptare.

Deputeti i Partisë Demokratike, Luçiano Boçi, ka reaguar ashpër ndaj qëndrimit të Presidentit të Republikës, Bajram Begaj, lidhur me ligjin për barazinë gjinore. Në një postim ironik në rrjetet sociale, Boçi akuzon kreun e shtetit se ka zgjedhur “heshtjen”, në vend që të ushtrojë detyrimet kushtetuese për ta dekretuar ose kthyer për rishqyrtim ligjin që, […]

The post “Gjinia e tretë e presidentit!” appeared first on BoldNews.al.

Ligji i shumëdebatuar për “Barazinë Gjinore” do të hyjë në fuqi pa dekretin e Presidentit, Bajram Begaj. Kjo për shkak se afati kushtetues që Begaj të firmoste ka mbaruar, duke bërë që kreu i shtetit ta kalojë në heshtje ligjin në fjalë. Ligji u miratua në seancën e 6 nëntorit me 77 vota pro dhe […]

The post Begaj dekreton në heshtje ligjin e shumëdebatuar për barazinë gjinore appeared first on BoldNews.al.

TIRANË, 4 dhjetor/ATSH/ Presidenti i Republikës, Bajram Begaj ka uruar sot sportistët Briken Calja dhe Ertjan Kofsha për rekordet e vendosura në Kampionatin Ballkanik të Peshëngritjes.

Në një njoftim zyrtar, Begaj uron sportistët Briken Calja dhe Ertjan Kofsha për medaljet e arta dhe rekordet ballkanike në Kampionatin Ballkanik të Peshëngritjes.

“Sukseset tuaja na bëjnë krenarë”, shkruhet në njoftimin e Presidentit Begaj.

Ertjan Kofsha shkëlqeu në Kampionatin Ballkanik të Peshëngritjes, duke dominuar kategorinë deri 94 kg.

Ai fitoi 3 medalje ari dhe vendosi 3 rekorde të reja ballkanike për të rinj.

Kofsha ngriti 165 kg në shkëputje, 193 kg në shtytje dhe 358 kg në dygarësh, rezultate që i siguruan jo vetëm podiumin e parë në të tre stilet, por edhe thyerjen e rekordeve ekzistuese.

Me këtë paraqitje, peshëngritësi shqiptar konfirmon formën e tij të shkëlqyer dhe renditet si një prej talenteve më premtues të këtij sporti.

Më herët edhe Briken Calja ka shkëlqyer në Kampionatin Ballkanik të Peshëngritjes që po mbahet në Durrës, duke fituar tri medalje ari dhe duke vendosur tre rekorde ballkanike.

/e.i/a.f/r.e/

The post Begaj uron peshëngritësit medalistë: Sukseset tuaja na bëjnë krenarë appeared first on Agjencia Telegrafike Shqiptare.

Pas një shkrimi të publikuar në Boldnews.al, Presidenca ka publikuar listën e kandidatëve që kanë aplikuar për një vend vakant në Gjykatën Kushtetuese. Kandidatët që kanë paraqitur kërkesën për pozicionin janë: Alaudin Malaj Alban Toro Alma Faskaj Vokopola Arta Vorpsi Brunilda Bara Genci Gjonçaj Jordan Daci Lulzim Hamitaj Naureda Llagami Roland Ilia Publikimi vjen pas […]

The post “Zgjohet” Begaj, publikon kandidatët për Gjykatën Kushtetuese appeared first on BoldNews.al.

Sot janë bërë 113 vjet nga themelimi i Forcave të Armatosura të Republikës së Shqipërisë.

Presidenti i Shqipërisë, Bajram Begaj në një postim në Facebook shkruan se Forcat e Armatosura, me angazhimin, përkushtimin dhe profesionalizimin e tyre, kanë arritur me sukses të jenë në lartësinë e detyrës për sigurimin e pavarësisë dhe mbrojtjes së vendit.

Lexoni të plotë postimin:

Sot, në ditën e themelimit të Forcave të Armatosura, nderojmë me respekt kontributin, sakrificat dhe shërbimin e vyer të të gjithë efektivëve të FARSH që me atdhedashuri, besnikëri dhe disiplinë i kanë shërbyer atdheut në këto 113 vite.

Forcat e Armatosura, me angazhimin, përkushtimin dhe profesionalizimin e tyre, kanë arritur me sukses të jenë në lartësinë e detyrës për sigurimin e pavarësisë dhe mbrojtjes së vendit.

Pjesëmarrja në misione dhe operacione të NATO-s, BE-së dhe OKB-së na bën krenarë dhe kontribuues me vlera në sigurinë kolektive.

Mirënjohje për çdo efektiv, vajza dhe djem, gra dhe burra të Forcave të Armatosura për shërbimin që i bëjnë atdheut!

Gëzuar 113-vjetorin FARSH!. /Telegrafi/

Një ditë pas festimeve të Pavarësisë, Shqipëria shënon sot 81-vjetorin e Çlirimit nga pushtuesit nazistë.

Udhëheqësit më të lartë të shtetit po zhvillojnë homazhe në Varrezat e Dëshmorëve të Kombit, duke nderuar sakrificën e atyre që luftuan për lirinë e vendit. Mes të pranishmëve janë presidenti Bajram Begaj, kryeministri Edi Rama dhe kryetari i Kuvendit, Niko Peleshi.Kryeministri Rama përcolli urimin e tij përmes një postimi në rrjetet sociale, ku duke ndarë një foto nga Memoriali “Nëna Shqipëri”.

“Me urimin për festën kombëtare të çlirimit, ju uroj të gjithëve një fundjavë të paqtë”, shkruan Rama.

Shqipëria u çlirua më 28 nëntor 1944, pas pesë vitesh pushtimi që nisi me agresionin italian të 7 prillit 1939 dhe vijoi me kontrollin gjerman pas kapitullimit të Italisë në vitin 1943. /euronewsalbania/