Brooklyn Beckham dhe Nicola Peltz kanë vendosur t’i japin një kuptim të ri përvjetorit të martesës së tyre. Çifti nuk e konsideron më si datë feste ceremoninë madhështore të vitit 2022, por ditën kur rinovuan betimet martesore në një ceremoni intime gjatë gushtit të vitit 2025.

Sipas raportimeve të mediave britanike, mes tyre edhe The Sun, dasma e parë nuk mbart kujtime të bukura për çiftin. Burime pranë tyre tregojnë se ajo periudhë u shoqërua me tensione dhe emocione të forta, aq sa Nicola Peltz thuhet se u përlot gjatë ceremonisë.

Edhe pse martesa e tyre u zhvillua në një event luksoz treditor në rezidencën e familjes Peltz në Palm Beach, me qindra të ftuar dhe praninë e familjes Beckham, atmosfera pas skenave nuk ka qenë aq e qetë sa u duk publikisht.

Për këtë arsye, Brooklyn dhe Nicola vendosën një kapitull të ri në marrëdhënien e tyre kur rinovuan betimet në vitin 2025. Ceremonia u mbajt larg vëmendjes së publikut dhe pa pjesëmarrjen e familjes Beckham, duke u kthyer në momentin që ata e konsiderojnë simbolin e vërtetë të martesës së tyre.

Ndryshe nga prilli, kur nuk ndanë asnjë dedikim publik, në përvjetorin e rinovimit të betimeve të dy publikuan mesazhe romantike në rrjetet sociale. Brooklyn e përshkroi Nicolën si shoqen e tij më të mirë dhe gruan që e bën të ndihet me fat çdo ditë, ndërsa Nicola shkroi se bashkëshorti i saj e bën jetën më të bukur dhe është gjithçka që ajo kishte ëndërruar.

Më herët, Brooklyn kishte lënë të kuptohej se rinovimi i betimeve ishte një mënyrë për të lënë pas kujtimet e pakëndshme dhe për të krijuar të reja, të mbushura me lumturi. Ai kishte folur edhe për tensionet familjare që shoqëruan dasmën e vitit 2022, përfshirë raportet e përfolura me nënën e tij, Victoria Beckham./mxh

Analisti politik dhe ish-deputeti i Kuvendit të Kosovës, Ilir Deda, ka reaguar ndaj vazhdimit të bllokadës institucionale, duke paralajmëruar se moskonstituimi i Kuvendit deri në afatin e paraparë përbën shkelje të rëndë kushtetuese. Përmes një reagimi publik, Deda tha se vazhdimi i krizave politike nuk është normal, ndërsa theksoi se nëse Kuvendi nuk konstituohet deri […]

Një instruktore e re fluturimi në Florida arriti të kryejë një ulje emergjente në një autostradë pasi aeroplani me të cilin po fluturonte pësoi një defekt serioz gjatë një ore mësimi.

Emily Shelton, 21 vjeçe, ishte në fluturim me një nxënës, i cili po zhvillonte pikërisht mësimin e tij të parë të pilotimit, kur në kabinë filluan të përhapeshin avuj vaji dhe presioni i vajit të motorit ra papritur.

Duke vlerësuar se avioni nuk do të arrinte të kthehej në aeroport, Shelton shpalli emergjencë dhe vendosi ta ulte mjetin fluturues në autostradën Interstate 10 në Florida, shkruan bbc.

Manovra kërkoi qetësi dhe saktësi, pasi pilotja duhej të shmangte automjetet dhe pengesat në rrugë.

Pavarësisht situatës kritike, ajo arriti ta ulte avionin në mënyrë të sigurt dhe pa shkaktuar të lënduar.

Nxënësi i saj, i cili ishte në fluturimin e parë praktik, përjetoi një situatë shumë më të vështirë sesa një mësim i zakonshëm pilotimi – një provë reale emergjence që përfundoi me sukses.

Administrata Federale e Aviacionit e SHBA-së (FAA) ka nisur hetimet për të përcaktuar shkakun e defektit teknik që çoi në uljen e detyruar. /Telegrafi/

Apple po teston një prototip të ri të iPhone-it me ekran 6.96 inç, i cili, nëse hyn në prodhim, do të jetë modeli i parë i kompanisë me ekran pothuajse 7 inç.

Sipas raportimeve nga burime të industrisë, pajisja pritet të prezantohet në vitin 2027 si pjesë e linjës speciale që Apple do të lansojë me rastin e 20-vjetorit të iPhone-it. Modeli mund të mbajë emrin iPhone 20 Pro Max.

Ekrani i ri do të jetë më i madh se ai i gjeneratës aktuale Pro Max, ndërsa rritja e diagonales pritet të arrihet kryesisht falë skajeve më të holla të ekranit dhe një dizajni të ri me xham të lakuar, pa rritur ndjeshëm përmasat e telefonit.

Raportohet gjithashtu se Apple po punon në një ridizajnim të rëndësishëm të modeleve jubilare, me ekran që mbulon pothuajse të gjithë pjesën e përparme të pajisjes dhe efikasitet më të lartë energjetik falë një kontrolluesi të ri për ekranin OLED.

Megjithatë, bëhet fjalë ende për prototipe në fazën e testimit, ndaj specifikimet dhe dizajni përfundimtar mund të ndryshojnë para prezantimit zyrtar. Deri më tani, Apple nuk ka komentuar këto raportime.

Sinjali – aty ku e vërteta flet para lajmit!

/GazetaSinjali/

The post Apple po teston iPhone-in e parë me ekran pothuajse 7 inç appeared first on Sinjali.

Policia Kufitare ka bllokuar një mjet lundrues tip Jet Ski dhe ka ndëshkuar drejtuesin e tij me 300 mijë lekë të rinj, pasi u kap duke lundruar brenda perimetrit të sigurisë, duke rrezikuar jetën e pushuesve.

Ngjarja u konstatua gjatë patrullimeve në Plazhin e Hidrovorit, në zonën e Zvërnecit, ku efektivët e Policisë Kufitare dhe Njësisë Policore Detare evidentuan mjetin lundrues që kishte hyrë në hapësirën e rezervuar për larjen e pushuesve.

Pas verifikimeve, autoritetet bllokuan Jet Ski-n, ndërsa ndaj poseduesit të tij, shtetasit me inicialet A. V., u vendos masa administrative prej 300 mijë lekësh të rinj, në zbatim të legjislacionit në fuqi.

Policia Kufitare njofton se kontrollet dhe patrullimet përgjatë vijës bregdetare do të vijojnë me intensitet për të garantuar sigurinë e pushuesve dhe respektimin e rregullave të lundrimit.

The post Futi Jet Ski-n në zonën e pushuesve, Policia Kufitare bllokon mjetin dhe gjobit drejtuesin me 300 mijë lekë appeared first on Euronews Albania.

Opozita do të kërkojë zhvillimin e një referendumi për reformën territoriale, si një mundësi për të kundërshtuar draftin e socialistëve për uljen e numrit të bashkive në 46.

Kështu u shpreh bashkëkryetari i territoriales, Luçiano Boçi, i cili ishte në intervistë për rubrikën “Përballë Lajmit”, në Klan News, për gazetarin Besard Jacaj. Demokrati theksoi se duhet të jenë qytetarët vendimmtarët për organizimin territorial të vendit.

“Ne kërkojmë që të bëhet një referendum, projekti i PD dhe projekti i PS. Kjo është një reformë që duhet të vijë nga poshtë-lart, se është kërkesa e komunitetit, të jenë qytetarët ata që vendosin. Kemi një ligj problematik për referendumet, është tentuar disa herë të realizohet edhe në 2014-2015. Nuk është bërë. Këtu është edhe çështje dëshire. A ka dëshirë një njeri arrogant, harbut? Nuk ka dëshirë, ne e dimë këtë gjë. Por, ne do t’i drejtohemi KQZ-së, sipas procedurave ligjore”, u shpreh ai.

I pyetur mbi propozimin e Partisë Demokratike për ndarjen e vendit në 100 bashki, Boçi tha se ky numër është rezultat i analizave të kryera mbi efektet e reformës së vitit 2014 dhe konsultimeve me qytetarët.

“Nuk e bëjmë ne numrin, shkon vetë numri në mënyrë natyrale. 100 bashki nuk janë shumë. Janë numri i optimizuar i 61-shit. Shumë, relativisht, është përdorur për numrin 378 të njësive bashkiake e komunave që ka pasur para vitit 2014, por do të na duhej një emision shumë i gjatë për ta argumentuar një gjë të tillë. Numri që propozon PD, se ka pasur edhe 90 edhe 120, ka qenë edhe varianti për 120 dhe ka prevaluar ai me 100”, tha ai.

Boçi argumentoi se reforma aktuale ka krijuar distancë mes qytetarëve dhe pushtetit vendor, duke ndikuar në cilësinë e shërbimeve dhe llogaridhënien.

“Te kjo pjesa e ndarjes në 100, ne nuk kemi pasur një projekt paraprak, siç PS e kishte dhe kërkon ta mbushë me argumente. Ne aty shkuam pasi dëgjuam qytetarët, pasi bëmë një analizë të reformës së vitit 2014, sepse nxorëm në pah të metat e kësaj reforme dhe shkaqet e dështimit të saj. Një nga shkaqet ishte largësia e qytetarit nga qendra, mungesa e urbanizimit, mungesa e shërbimeve, mungesa e kërkesës së llogarisë, dhe për ta afruar këtë ne optimizuam numrin e bashkive, të qendrave të shpërndarjes së shtetit në territor, se pushteti lokal, në këtë rast reforma territoriale, është marrëdhënia e shtetit me qytetarin. Sa më larg ta lësh atë marrëdhënie, aq më e vogël është ajo dhe qytetari rrezikon të largohet nga ai shtet, siç ka ndodhur në Shqipëri”, tha ai.

Gazetari Osman Stafa ka mbajtur një fjalim nga protesta kundër qeverisë, duke deklaruar se qytetarët kanë kapërcyer frikën dhe u bëri thirrje qytetarëve t’i bashkohen protestës. “Keni vrarë institucionin e frikës. Ajo frikë e cila bëri që ky vend për 45 vite të ishte nën komunizëm, sikur të mos mjaftonin aq, edhe në këtë sistem që […]

The post “Keni vrarë institucionin e frikës”/ Stafa thirrje nga protesta: Mbi partitë të vendosim Shqipërinë appeared first on BoldNews.al.

“Skena nga jeta e fshatit” sjell copëza të një bote të njohur përmes poezisë.

Dritarja e avulluar samovari i çajit edhe vjeshtë
i tillë i lirë rrethuar me sendet që vjetërohen
përmbi rafte ftonj një plakë si pikturë
a nuk qenka vallë krejt zjarri një trillim
bien gjethet e në kopsht femra kotet në luhajë
me goditje të rënda imagjinate me një botë prej letre
tek gjej ngushëllim mes sendesh që s’janë më
atje diku në botën time atje diku larg
eja përsëri netve të vona si hije që sajon
pak frymë njeriu e pak dritë qiriri./ Kultplus.com

Analisti politik dhe ish-deputeti i Kuvendit të Kosovës, Ilir Deda, ka reaguar ndaj vazhdimit të bllokadës institucionale, duke paralajmëruar se moskonstituimi i Kuvendit deri në afatin e paraparë përbën shkelje të rëndë kushtetuese.

Përmes një reagimi publik, Deda tha se vazhdimi i krizave politike nuk është normal, ndërsa theksoi se nëse Kuvendi nuk konstituohet deri nesër në mesnatë, përgjegjësia bie mbi të gjithë deputetët e zgjedhur.

“Nëse deri nesër në mesnatë nuk konstituohet Kuvendi, atëherë TË GJITHË deputetët e zgjedhur bëjnë shkelje të rëndë kushtetuese. Por në Kosovën tonë nuk ka asnjë masë ndëshkimore për këtë, sepse njerëzve normalë nuk u ka shkuar mendja që diçka e tillë mund të ndodhë”, ka shkruar Deda.

Ai vlerësoi se nuk ekziston asnjë arsye për të zvarritur konstituimin e Kuvendit, veçanërisht në rrethanat kur Kosova nuk ka as ushtrues detyre të presidentit.

Sipas Dedës, Lëvizja Vetëvendosje ka pasur kohë të mjaftueshme për të arritur marrëveshje me Lidhjen Demokratike të Kosovës për bashkëqeverisje dhe për zgjedhjen e presidentit të ardhshëm.

“LVV ka mundur që për dy muaj të merret vesh me LDK-në për bashkëqeverisje dhe për presidentin e ardhshëm. Nëse ka vullnet, dëshirë dhe seriozitet, mund të dakordohen edhe nesër”, ka theksuar ai.

Megjithatë, Deda tha se çështja kryesore nuk duhet të jetë ndarja e posteve, por programi dhe politikat që do të ndjekë një qeveri e mundshme mes LVV-së dhe LDK-së.

Në fund, ai theksoi se Kosova nuk mund të mbetet peng i paaftësisë politike për zgjedhjen e presidentit.

“Pa marrë parasysh nëse do të ketë marrëveshje apo jo, Kosova nuk mund të mbetet peng i paaftësisë për zgjidhjen e presidentit. Askush, ama bash askush, nuk ua ka për borxh këtë fundosje të Kosovës”, ka përfunduar Deda./Telegrafi.

– Sipas Unionit Ndërkombëtar për Ruajtjen e Natyrës (IUCN), pothuajse 176 mijë specie të faunës dhe florës në mbarë botën janë nën vëzhgim të veçantë, shkruan Vanity Fair.it. Prej tyre, mbi 31 mijë specie klasifikohen si në rrezik kritik për zhdukje, të rrezikuara ose tashmë të zhdukura në natyrë. Kjo situatë pasqyron krizën globale të […]

Sipas gazetarit të njohur Gianluca Di Marzio, Galatasaray ka përfshirë në listën e objektivave të saj sulmuesin anësor të Arsenalit, Gabriel Martinelli, ndërsa klubi turk po kërkon të përforcojë krahët e sulmit gjatë kësaj vere.

Objektivi kryesor i kampionëve turq aktualisht mbetet ylli i Milanit, Rafael Leao, për të cilin kanë nisur bisedimet. Megjithatë, negociatat nuk kanë avancuar, pasi Milani ende nuk ka pranuar ofertën e Galatasarayt, ndërsa vetë futbollisti portugez nuk ka marrë një vendim përfundimtar nëse dëshiron të largohet nga "San Siro".

Për këtë arsye, drejtuesit e klubit nga Stambolli kanë nisur të shqyrtojnë alternativa dhe një nga emrat që ka dalë në skenë është Gabriel Martinelli.

Braziliani shihet si një profil që përshtatet me kërkesat e Galatasarayt, falë shpejtësisë, aftësisë në duele një kundër një dhe eksperiencës së fituar në Ligën Premier.

Martinelli ka qenë një nga lojtarët e rëndësishëm të Arsenalit në vitet e fundit, por situata e tij mund të ndryshojë nëse klubi londinez vendos të sjellë një përforcim të nivelit më të lartë në krahun e majtë.

Arsenali nuk ka ndërmend të heqë dorë lehtë nga 25-vjeçari, por një largim nuk përjashtohet nëse "Topçinjtë" arrijnë të sigurojnë një alternativë më të fortë për atë pozicion.

Në këtë aspekt, londinezët kanë marrë një goditje në planet e tyre, pasi transferimi i mundshëm i Vinicius Junior nga Real Madridi po bëhet gjithnjë e më i vështirë. Braziliani raportohet se është afër rinovimit të kontratës me klubin spanjoll, duke i detyruar klubet e interesuara të shikojnë alternativa të tjera.

Martinelli iu bashkua Arsenalit në vitin 2019 nga Ituano dhe gradualisht u shndërrua në një nga lojtarët më të rëndësishëm të skuadrës së Mikel Artetës.

Ai ka luajtur mbi 200 ndeshje për klubin londinez dhe ka kontribuar me gola e asistime në garat vendore dhe evropiane./Telegrafi/

Presidenti i Ukrainës, Volodymyr Zelensky, ka shkarkuar ambasadorët e vendit në Shqipëri, Kroaci dhe Mal të Zi.

Vendimet janë bërë publike përmes dekreteve presidenciale, me të cilat është përfunduar mandati i Volodymyr Shkurov, ambasador i Ukrainës në Shqipëri, Vasyl Kyrylych, ambasador në Kroaci, si dhe Oleh Herasymenkos, ambasador në Mal të Zi.

Shkurov kishte shërbyer si ambasador i Ukrainës në Shqipëri që nga prilli i vitit 2020.

Këto ndryshime vijnë vetëm pak ditë pasi, më 3 gusht, Zelensky shkarkoi edhe ambasadoren e Ukrainës në Shtetet e Bashkuara, Olha Stefanishyna.

Pas largimit të saj nga detyra, Gjykata e Lartë Kundër Korrupsionit në Ukrainë vendosi ndaj Stefanishynës një masë hetimore me kusht pagese të një garancie prej 6 milionë hryvni, rreth 134 mijë dollarë amerikanë.

Ajo dyshohet për pasurim të paligjshëm dhe deklarim të rremë të pasurisë, ndërsa ka deklaruar se nuk disponon mjete të mjaftueshme financiare për të paguar shumën e caktuar nga gjykata.

Sinjali – aty ku e vërteta flet para lajmit!

/GazetaSinjali/

The post Zelensky shkarkon ambasadorin e Ukrainës në Shqipëri, Kroaci dhe Mal të Zi appeared first on Sinjali.

Zendaya dhe Tom Holland duket se kanë kurorëzuar në fshehtësi historinë e tyre të dashurisë. Sipas mediave ndërkombëtare, dy aktorët kanë organizuar një ceremoni shumë private, e ndjekur nga një festë intime me familjarë dhe miq të ngushtë.

Raportohet se eventi u zhvillua në hotelin luksoz Beaverbrook, në Surrey të Anglisë, një vend me rëndësi të veçantë për Tom Holland, pasi ndodhet pranë zonës ku ai është rritur. Për të garantuar diskrecion maksimal, të pranishmëve dhe stafit iu kërkua të mos përdornin telefonat celularë gjatë gjithë aktivitetit.

Sipas burimeve amerikane, çifti rezervoi të gjithë kompleksin, me një kosto që thuhet se kaloi 670 mijë dollarët, duke siguruar privatësi të plotë për të ftuarit.

Zërat për martesën nisën të qarkullonin prej kohësh, sidomos pasi stilisti i Zendayas, Law Roach, la të kuptohej në një intervistë se aktorët kishin shkëmbyer tashmë betimet martesore në një ceremoni larg syrit të publikut.

Dyshimet u shtuan edhe më shumë kur Zendaya u pa duke mbajtur një unazë martese në vend të unazës së fejesës. Ndërkohë, gjatë promovimit të filmit të tyre më të fundit, ajo iu përgjigj me humor një fansi që i propozoi martesë, duke thënë: “Je shumë vonë!”

Edhe pse asnjëri prej tyre nuk ka bërë një konfirmim zyrtar, raportimet e fundit dhe organizimi i festës private kanë forcuar bindjen se Zendaya dhe Tom Holland kanë hedhur tashmë hapin drejt martesës./mxh

Eksperti i sigurisë, Korab Blakaj, ka kritikuar ashpër Prokurorinë e Kosovës për, siç ka thënë ai, dështimin në hetimin dhe ndjekjen e krimeve të luftës, duke vlerësuar se mosveprimi institucional ka dëmtuar jo vetëm drejtësinë, por edhe sigurinë kombëtare. Në një reagim publik, Blakaj tha se një prokurori që nuk heton krimet e luftës dështon […]

Drejtori i Institutit për Studime të Luftës Hibride “Octopus”, Arben Fetoshi, ka akuzuar presidentin e Serbisë, Aleksandar Vuçiq, se po rikthen narrativën e ish-presidentit serb, Sllobodan Millosheviq, përmes projektit të ashtuquajtur “Bota Serbe”, duke e cilësuar këtë si një strategji hibride kundër Kosovës dhe Perëndimit. Fetoshi tha se pas deklaratave të zyrtarit serb Paunoviq dhe […]

Saga ka mbaruar. Është zyrtare. Real Madridi dhe Viniciusi kanë rënë dakord për një zgjatje kontrate deri në vitin 2032. Çështja është mbyllur. Deklarata e klubit: “Real Madrid dhe Vinicius Jr. kanë rënë dakord të zgjasin kontratën e lojtarit tonë, duke e mbajtur atë me klubin deri më 30 qershor 2032. Vinicius Jr. iu bashkua […]

Albert Rebac, pergatitësi atletik dhe ndihmëstrajneri i dytë i Tiranës ka folur për gjendjen e skuadrës nga kampi stërvitor në Turqi. “Para sezoni është shumë i vështirë, veçanërisht për lojtarët tanë, sepse vijnë nga situata të ndryshme. Disa nga lojtarët kanë patur një pushim të gjatë, kemi disa lojtarë të rinj, pra nuk është e […]

Partizani ka arritur një fitore 3-1 përballë Elbasanit në miqësoren e luajtur në “Elbasan Arena”. Sfida u zhbllokua pas dhjetë minutash lojë nga Keko, ndërsa Sidibe dyfishoi shifrat në pjesën e dytë me një penallti të fituar nga Skuka. Verdheblutë ngushtuan shifrat me golin e shënuar ngaArdit Nikaj, ndërsa Doumbia mbylli të gjitha llogarite për […]

Kryetari i Parlamentit iranian, Mohammad Bagher Ghalibaf, ka kritikuar ashpër Shtetet e Bashkuara dhe presidentin Donald Trump, duke i akuzuar se po ndjekin një “diplomaci teatri” dhe një strategji të dështuar në marrëdhëniet me Iranin.

Në një postim në platformën X, Ghalibaf shkroi: “Sulmi masiv po vjen… prit, s’ka problem, duan të negociojnë.’ Kjo është diplomaci teatri që përsëritet. Përdorimi i kërcënimeve plus premtimeve të pa mbajtura dhe lajmet false si levë kundër nesh është strategji e dështuar. Pranoni faktet dhe përmbushni angazhimet tuaja. Nuk na duhet më teatër.”

Deklarata e tij vjen në kontekstin e tensionit të vazhdueshëm midis Teheranit dhe Uashingtonit, pas një periudhe konflikti ushtarak dhe përpjekjesh për arritjen e një armëpushimi dhe një memorandumi mirëkuptimi (MoU) që daton që nga pranvera e këtij viti.

Ghalibaf, i cili ka luajtur rol qendror si kryenegociator i Iranit në bisedimet me SHBA-në (duke përfshirë takimet e mediuaura në Islamabad dhe më vonë), ka theksuar se Uashingtoni ka ndjekur një “strategji të dështuar” dhe ka kërkuar kthimin te angazhimet e mëparshme të armëpushimit.

Sipas tij, ndryshimet e shpeshta të qëndrimeve amerikane – nga kërcënimet për sulme të mëdha deri te thirrjet për negociata – dëmtojnë besueshmërinë e procesit diplomatik.

Ghalibaf ka kërkuar që SHBA-ja të “pranojë faktet” dhe të zbatojë angazhimet e mëparshme, duke theksuar se Irani nuk ka nevojë për “më shumë teatër”.

LOS ANXHELES, 6 gusht /ATSH/ – Sipas Unionit Ndërkombëtar për Ruajtjen e Natyrës (IUCN), pothuajse 176 mijë specie të faunës dhe florës në mbarë botën janë nën vëzhgim të veçantë, shkruan Vanity Fair.it.

Prej tyre, mbi 31 mijë specie klasifikohen si në rrezik kritik për zhdukje, të rrezikuara ose tashmë të zhdukura në natyrë.

Kjo situatë pasqyron krizën globale të biodiversitetit dhe nevojën urgjente për ndërhyrje konkrete për mbrojtjen e specieve.

Përballë këtij realiteti shqetësues, aktori Leonardo DiCaprio ka vendosur të angazhohet në një nismë të rëndësishme së bashku me Lauren Sánchez Bezos.

Të dy kanë nisur një partneritet që synon të bëhet një nga projektet më ambicioze të realizuara ndonjëherë për mbrojtjen dhe rikuperimin e jetës së egër në nivel global.

Në qendër të kësaj nisme është Phoenix Species Project, një program që do të bashkëpunojë ngushtë me popullsitë indigjene, komunitetet lokale, shkencëtarët, qeveritë dhe më shumë se 100 organizata partnere në mbarë botën.

Qëllimi është hartimi dhe zbatimi i planeve të personalizuara të rikuperimit për secilën specie të rrezikuar, duke marrë parasys karakteristikat dhe nevojat specifike të saj.

Ndër masat që do të zbatohen përfshihen programe të shumimit në kushte të kontrolluara, restaurimi i habitateve natyrore, heqja e specieve pushtuese që dëmtojnë ekosistemet dhe ndërhyrje të tjera të nevojshme për të rritur shanset e mbijetesës së specieve.

Të gjitha aktivitetet do të zhvillohen nën mbikëqyrjen shkencore të IUCN-së, për të garantuar që ndërhyrjet të bazohen në standardet dhe praktikat më të mira të ruajtjes së natyrës.  /os/

The post FOKUS – DiCaprio nis projekt gjigant për të shpëtuar speciet e rrezikuara appeared first on Agjencia Telegrafike Shqiptare.