Kryedemokrati, Sali Berisha i është drejtuar Këshillit të Lartë Gjyqësor (KLGJ) me një kërkesë zyrtare, përmes së cilës kërkon vendosjen në dispozicion të akteve të dosjes administrative dhe deklarimin e mbarimit të mandatit të gjyqtares Irena Gjoka. Kërkesa lidhet me procesin e verifikimit të integritetit të magjistrates në kuadër të ligjit të dekriminalizimit dhe statusit […]

The post Irena Gjoka e dënuar me burg/ Berisha kërkesë KLGJ-së: T’i ndërpritet mandati! Shqyrtoni relacionin e PP-së appeared first on BoldNews.al.

TIRANË, 20 janar /ATSH/ Këshilli i Lartë Gjyqësor bëri sot me dije se, deri në orën 20:30 në adresë të tij nuk ka mbërritur asnjë dokument zyrtar nga Prokuroria e Përgjithshme lidhur me njoftimin e sotëm për miratimin e rezultateve të verifikimit të thelluar të deklarimeve të bëra në Formularin e Vetëdeklarimit për gjyqtaren në Gjykatën e Posaçme Kundër Korrupsionit dhe Krimit të Organizuar, Irena Gjoka (Shpata, Maneku).

Sipas njoftimit, sapo shkresa e Prokurorisë së Përgjithshme të mbërrijë zyrtarisht, ajo do të administrohet nga Komisioni i Zhvillimit të Karrierës pranë KLGJ-së dhe më pas do të ndiqet procedura përkatëse ligjore, në përputhje me legjislacionin në fuqi.

Prokuroria e Përgjithshme njoftoi sot se ka përfunduar verifikimet brenda dhe jashtë vendit për gjyqtaren e Gjykatës së Posaçme Kundër Korrupsionit dhe Krimit të Organizuar, Irena Gjoka.

Prokuroria e Përgjithshme bëri të ditur se ka miratuar rezultatet e procesit të verifikimit dhe e ka përcjellë vendimin në Këshillin e Lartë Gjyqësor.

Prokuroria e Përgjithshme nisi verifikimin për gjyqtaren Irena Gjoka pas një shkrimi të publikuar në mediet greke se është dënuar në vendin fqinj për falsifikim dokumentesh.

Irena Gjoka ështe edhe gjyqtarja paraprake e dosjes “Partizani”, në të cilën është marrë i pandehur ish-kryeministri Sali Berisha.

/gj.m/j.p/

The post KLGJ: Nuk kemi ende shkresën zyrtare të Prokurorisë së Përgjithshme për gjyqtaren Irena Gjoka appeared first on Agjencia Telegrafike Shqiptare.

Këshilli i Lartë Gjyqësor (Këshilli i Lartë Gjyqësor) ka reaguar mbrëmjen e sotme lidhur me informacionet e publikuara për gjyqtaren e GJKKO-së, Irena Gjoka, sipas të cilave ajo rezulton e dënuar në Greqi për falsifikim dokumentesh. Në një njoftim zyrtar për mediat, KLGJ bën të ditur se deri në orën 20:30 të datës 20 janar […]

The post KLGJ: Nuk kemi marrë asnjë shkresë zyrtare për Irena Gjokën nga Prokuroria appeared first on BoldNews.al.

Këshilli i Lartë Gjyqësor, KLGJ ka reaguar zyrtarisht lidhur me njoftimin e Prokurorisë sa i përket gjyqtares së GJKKO Irena Gjoka, sipas të cilit kjo e fundit rezulton e dënuar në Greqi për falsifikim dokumentesh. Me anë të një njoftimi, KLGJ bën me dije se deri ne orën 20:30 datë 20.01.2026 në adresë të KLGJ-së nuk ka mbërritur asnjë dokument zyrtar.

“Sapo shkresa e Prokurorisë së Përgjithshme të mbërrije zyrtarisht, ajo do të administrohet nga Komisioni i Zhvillimit të Karrierës në KLGJ, dhe më pas do të ndiqet procedura përkatëse ligjore”, thekson KLGJ.

Ndërkohë, Prokuroria e Përgjithshme ka faktuar më herët se gjyqtarja Irena Gjoka ka fshehur dënimin në Greqi në formularin e saj të vetëdeklarimit. Pas përfundimit të hetimeve të thelluara 2-vjeçare, Prokuroria thekson se vendimi i autoriteteve greke, për dënimin e Irena Gjokës, me detyrë gjyqtare në GJKKO, është autentik.

The post “Nuk na ka ardhur asnjë shkresë”/ KLGJ kthen përgjigje për gjyqtaren Irena Gjoka appeared first on Albeu.com.

TIRANË, 20 janar /ATSH/ Grupi Parlamentar i Partisë Demokratike i ka kërkuar sot Këshillit të Lartë Gjyqësor dhe Inspektorit të Lartë të Drejtësisë, të konstatojnë mbarimin e statusit të gjyqtares së Gjykatës së Posaçme, Irena Gjoka si magjistrate dhe largimin nga detyra, pasi sipas Prokurorisë së Përgjithshme rezulton e dënuar në shtetin grek dhe këtë e ka fshehur në formularët e vetdeklarimit.

Në shkresën e firmosur në emër të opozitës, nga kryetari i grupit parlamentar të PD, Gazment Bardhi, theksohet se, “përmes këtij konfirmimi të autoriteteve përgjegjëse rezulton se gjyqtarja Irena Gjoka, ndodhet në kushtet e papajtueshmërisë me funksionin kushtetues të gjyqtarit si dhe ka falsifikuar aktet, duke kryer një tjetër krim, në mënyrë të përsëritur, për shkak të mosdeklarimit të urdhërdëbimeve dhe vendimit gjyqësor të dënimit penal”.

“Ky fakt ka krijuar një gjendje paligjshmërie  dhe antikushtetutshmërie në sistemin gjyqësor”, thuhet në dokument.

Deputetët e opozitës shprehin shqetësim për vonesën e veprimeve nga KLGJ dhe ILD, duke theksuar se kjo mund të ketë pasoja të rëndësishme për sistemin e drejtësisë dhe besimin e qytetarëve tek institucionet e pavarura.

Bardhi thekson se “ky konstatim duhet të kishte ndodhur brenda dy javëve nga marrja e njoftimit për shkakun e pazgjedhshmërisë/papajtueshmërisë, por deri më tani nuk ka pasur veprime nga autoritetet përgjegjëse, edhe pse fakti i dënimit është konfirmuar zyrtarisht nga autoritetet greke”.

Në përfundim, opozita kërkon nga KLGJ dhe ILD që të veprojnë menjëherë për të zbatuar detyrimet kushtetuese dhe ligjore për mbarimin e statusit të magjistratit të gjyqtares Gjoka, duke respektuar pavarësinë e institucioneve të drejtësisë dhe parimin e ndarjes së pushteteve.

Sipas grupit të PD, çdo vonesë mund të ketë pasoja të rëndësishme për interesin publik, besimin e qytetarëve dhe funksionimin e sistemit gjyqësor.

/gj.m/j.p/

The post PD i kërkon KLGJ dhe ILD të konfirmojnë mbarimin e statusit të gjyqtares Irena Gjoka appeared first on Agjencia Telegrafike Shqiptare.

TIRANË, 20 janar /ATSh/ Deputeti Olsi Komici në Komisionin për Nismat Qytetare, Bashkëpunimin dhe Mbikëqyrjen Institucionale iu përgjigj sot shqetësimit të ngritur nga Shoqata e Gjyqtarëve në lidhje me emërimin e kryetarëve të gjykatave.

Teksa shqyrtohej projektligji “Për disa ndryshime në ligjin nr. 96/2016 ‘Për statusin e gjyqtarëve dhe prokurorëve në Republikën e Shqipërisë’”, Komici tha se është lënë një afat që kryetarët e gjykatave të rrinë në detyrë deri në fund të vitit 2028, por kjo pikë është e diskutueshme.

Komici theksoi se viti 2028 është vendosur për të caktuar një afat për KLGJ-në, në mënyrë që mos të krijohet një vakuum institucional.

“Në rast se bëhet fjalë për ‘deadline’ në lidhje me kryetarët e gjykatave, që është dhe shqetësimi kryesor i Shoqatës së Gjyqtarëve, është lënë një afat që kryetarët e gjykatave apo zëvendëskryetarët të rrinë në detyrë deri në fund të vitit 2028. Që kur bëra prezantimin e nismave ligjore, e lashë si pikë për ta diskutuar, hapa kartat e diskutimit në këtë komision. Logjika dhe ideja ime ka të bëjë me faktin se vërtetë nga ana e KLGJ është miratuar në rregulloren përkatëse për zgjedhjen e kryetarëve të gjykatave, por unë mbaj parasysh që procesi i vlerësimit të pasurisë, integriteti dhe aftësive profesionale të të gjithë kandidatëve për kryetarë gjykatash, është një proces që do të dojë një kohë të konsiderueshme.

“Pra ne mund të dimë datën se kur do të fillojë ky proces, por nuk mund të dimë datën se kur përfundon ky proces, i cili mund të vazhdojë për muaj, por mund të vazhdojë dhe për një 1 vit apo 2 vite. Është një proces realisht mjaft kompleks, ku përveç marrjes së analizës së informacionit që bëjnë Këshillat përkatëse, ka të bëjë me faktin me ndërthurjen e këtij informacioni dhe pika më e vështirë është në vlerësimin përfundimtar që u bëhet kandidaturave.

“Pikërisht, për të shmangur këtë vakuum që mund të krijohet, në kohë dhe institucional, kam propozuar që të vendoset një afat, pra që është viti 2028, në mënyrë që mos të lëmë bosh institucionin e kryetarit të gjykatës, pra të këtë një vazhdimësi ky institucion, ky rol, qoftë ligjor dhe kushtetues, por nga ana tjetër përcaktojmë dhe një afat për KLGJ-në. Pra në bazë të Rregullores, ke të drejtën ta fillosh procesin, por jo ta zgjasësh pafund. Kam vendosur vitin 2028, por që është i diskutueshëm, është relativ”, tha Komici.

Komici shtoi se “ligji përcakton afatin 3-vjeçar të atyre që janë në detyrë, por deadline (afati i fundit) është që mos të zvarrisin pafund procedurat”.

“Një propozim mund të jetë që KLGJ të nisë procedurën për zgjedhjen e kryetarit dhe mos të kalojë afati 3-vjeçar i atyre që janë në detyrë”, tha ai.

Deputetët e Partisë Demokratike nuk morën pjesë në mbledhjen e komisionit.

/m.q/r.e/a.f/

The post Komici: Emërimi i kryetarëve të gjykatave deri në vitin 2028, që KLGJ të mos zvarrisë procedurat appeared first on Agjencia Telegrafike Shqiptare.

Nga Boldnews.al Gjyqtarja e posaçme, Irena Gjoka, rezulton e dënuar në Greqi për “falsifikim vizash”, sipas një konfirmimi zyrtar që mori “Boldnews.al” nga Prokuroria e Përgjithshme këtë të martë, 20 janar 2026. Tashmë, dokumentat e administruar nga Sektori i Dekriminalizimit në Prokurorinë e Përgjithshme i janë dërguar për vlerësim Këshillit të Lartë Gjyqësor, struktura përgjegjëse […]

The post Irena Gjoka fshehu dënimin në Greqi, çfarë rrezikon gjyqtarja e posaçme appeared first on BoldNews.al.

TIRANË, 20 janar /ATSh/ Prokuroria e Përgjithshme njoftoi sot se ka përfunduar verifikimet brenda dhe jashtë vendit për gjyqtaren e Gjykatës së Posaçme Kundër Korrupsionit dhe Krimit të Organizuar, Irena Gjoka.

Prokuroria e Përgjithshme bëri të ditur se ka miratuar rezultatet e procesit të verifikimit dhe e ka përcjellë vendimin në Këshillin e Lartë Gjyqësor.

“Mbi bazën e kërkesës së Komisionit të Zhvillimit të Karrierës në Këshillin e Lartë Gjyqësor, më datë 08.05.2024 në Sektorin e Dekriminalizimit të Prokurorisë së Përgjithshme është regjistruar me nr. 40 procesi për verifikimin e thelluar të deklarimeve të bëra në Formularin e Vetëdeklarimit datë 22.04.2016, për subjektin Irena Gjoka (Shpata, Maneku), gjyqtare në Gjykatën e Posaçme Kundër Korrupsionit dhe Krimit të Organizuar.

“Pas kryerjes së të gjitha verifikimeve të mundshme brenda dhe jashtë vendit, më datë 19.01.2026, Prokuroria e Përgjithshme ka vendosur miratimin e rezultateve të verifikimit, vendim të cilin po këtë datë ia ka përcjellë Këshillit të Lartë Gjyqësor si organ përgjegjës për verifikimin e kushteve të ndalimit në zbatim të ligjit “Për garantimin e integritetit të personave që zgjidhen, emërohen ose ushtrojnë funksione publike”, dhe vendimit të Kuvendit “Për përcaktimin e rregullave të detajuara mbi zbatimin e ndalimeve të parashikuara në ligjin “Për garantimin e integritetit të personave që zgjidhen, emërohen ose ushtrojnë funksione publike””, njoftoi Prokuroria e Përgjithshme.

Prokuroria e Përgjithshme nisi verfikimin për gjyqtaren Irena Gjoka pas një shkrimi të publikuar në mediet greke se është dënuar në vendin fqinj për falsifikim dokumentesh.

Irena Gjoka ështe edhe gjyqtarja paraprake e dosjes “Partizani”, në të cilën është marrë i pandehur ish-kryeministri Sali Berisha.

/m.q/a.f/r.e/

The post Prokuroria e Përgjithshme përfundon verifikimin për gjyqtaren Irena Gjoka, rezultatet ia përcjell KLGJ-së appeared first on Agjencia Telegrafike Shqiptare.

Tre punonjës të Këshillit të Lartë Gjyqësor, një institucion i ngritur nga e ashtuquajtura “drejtësia e re”, dyshohet se kanë abuzuar në mënyrë të përsëritur në bërjen e tenderave me vlera miliona euro. Skandali është zbuluar nga vetë Agjencia e Prokurimit Publik, e cila zhvillon dhe është “shkalla e parë” e kontrollit të procedurave të […]

The post Qeveria e gjyqësorit e zhytur në skandale: 3 punonjës të KLGJ-së nën hetim, abuzime me tenderat mln euro! appeared first on BoldNews.al.

Në konferencën e mbajtur të hënën më 29 dhjetor nga kryetari i Gjykatës së Lartë, Sokol Sadushi, ai paraqiti bilancin e vitit që po lëmë pas, si dhe ngriti si shqetësim mungesën e burimeve njerëzore, duke e cilësuar këtë si një realitet që nuk mund të quhet normalitet institucional. Ai iu përgjigj pyetjeve të gazetarëve, […]

The post Kryetari i Gjykatës së Lartë, kritika ndaj ekzekutivit dhe këshillave gjyqësorë appeared first on Reporter.al.

Shoqata Kombëtare e Gjyqtarëve i është drejtuar me një rezolutë zyrtare Këshillit të Lartë Gjyqësor, duke ngritur shqetësime serioze dhe urgjente mbi funksionimin e gjykatave, veçanërisht të Gjykatës së Shkallës së Parë dhe Gjykatës së Apelit të Juridiksionit të Përgjithshëm në Tiranë, si dhe të gjykatave administrative. Shoqata thekson se që prek 7 vitesh, pas mbarimit të procesit të vetingut…

Source

TIRANË, 16 dhjetor /ATSH/ Deputeti Olsi Komici prezantoi sot në Komisionin për Nismat Qytetare, Bashkëpunimin dhe Mbikëqyrjen Institucionale projektligjin “Për disa ndryshime në ligjin nr. 115/2016 ‘Për organet e qeverisjes së sistemit të drejtësisë’, të ndryshuar”, ku të pranishëm ishin vetëm deputetë të mazhorancës pasi mungonin ata të Partisë Demokratike.

Në fjalën hyrëse, Komici theksoi se projektligji synon korrigjimin e paqartësive ligjore dhe plotësimin e boshllëqeve normative të evidentuara gjatë zbatimit të reformës në drejtësi, duke rritur efektivitetin, transparencën dhe integritetin në qeverisjen e sistemit të drejtësisë.

Ai shtoi se nisma është hartuar në përputhje me rekomandimet e Komisionit Evropian dhe kontribuon në përmbushjen e kërkesave të Kapitullit 23 “Gjyqësori dhe të drejtat themelore”.

Projektligji, i cili përbëhet nga 38 nene, parashikon që edhe anëtarët jo-magjistratë, qoftë në Këshillin e Lartë Gjyqësor, po ashtu edhe në Këshillin e Lartë të Prokurorisë, të kalojnë nëpër filtra të thelluar verifikimi, të ngjashëm me procesin e vetingut të magjistratëve.

Ky mekanizëm synon krijimin e një barazie mes anëtarëve magjistratë dhe atyre jo-magjistratë dhe garantimin e integritetit institucional.

Sipas Komicit, procedura për përzgjedhjen e kandidatëve nga fusha e avokatisë fillon nga Avokati i Popullit, vijon me një verifikim të detajuar nga Komisioni i Pavarur Ad Hoc, i cili ka kompetenca të zgjeruara për akses në të gjitha institucionet shtetërore dhe subjekte private, për të kontrolluar kriteret e pasurisë dhe figurës. Bazë e këtij verifikimi janë raportet e ILDKPKI-së dhe AKSIK-ut.

Pas përfundimit të këtij procesi, kandidatët e kalifikuar ose të skualifikuar shqyrtohen në një filtër të dytë nga Sekretari i Përgjithshëm i Kuvendit, i cili kontrollon përputhshmërinë e raportit me dokumentacionin e dosjes.

E njëjta procedurë zbatohet për kandidatët që vijnë nga fusha e pedagogëve, ku kompetenca të zgjeruara marrin Dekani dhe Këshilli i Shkollës së Magjistraturës, si dhe Komisioni Ad Hoc, i cili kryen verifikime të detajuara dhe administron raportet përfundimtare të ILDKPKI-së dhe AKSIK-ut.

Në rastin e kandidatëve nga shoqëria civile, dokumentacioni grumbullohet nga Avokati i Popullit, ndërsa Komisioni i Shoqërisë Civile ka kompetenca për verifikim dhe ka akses në institucione shtetërore dhe subjekte private, duke përfunduar me një raport përfundimtar.

Komici theksoi se, ndryshimet ligjore synojnë të rrisin besueshmërinë, transparencën dhe standardet e integritetit për të gjithë anëtarët jo-magjistratë të organeve të qeverisjes së sistemit të drejtësisë.

/gj.m/j.p/

The post Nisma ligjore, Komici: Veting edhe për anëtarët jo magjistratë të KLP-së dhe KLGJ-së appeared first on Agjencia Telegrafike Shqiptare.

Kompanitë e Ermal Beqirit janë nën hetim nga SPAK për tenderat dhe abuzimet në bashkëpunim me drejtoren e AKSH-it, Linda Karçanaj, ndërsa KLGJ i jep tenderin 2 milion euro. Duket sikur ky institucion jeton në botë paralele. Në fakt, veprimi nuk është një mëkat i bërë padashje, sepse faktet flasin se tenderi është fiktiv me […]

The post Ermal Beqiri nën hetim nga SPAK për tenderat e AKSHI-t, KLGJ i jep 2 MLN Euro me procedurë të dyshimtë appeared first on BoldNews.al.

TIRANË, 11 nëntor /ATSH/ Kryetari i Këshillit të Lartë Gjyqësor, Ilir Rusi prezantoi sot në Komisionin për Çështjet Ligjore dhe Administratën Publike, projektbuxhetin për vitin 2026 për KLGJ-në.

Gjatë fjalës së tij, Rusi tha se buxheti i parashikuar për KLGJ-në është rreth 6,8 miliardë lekë, 26% më i ulët se ajo që ka kërkuar KLGJ.

“Kërkesat buxhetore për Këshillin e Lartë Gjyqësor kanë qenë për një buxhetim prej 9 miliardë lekësh, ndërkohë që buxheti i planifikuar për vitin 2026 është në vlerën 6 miliardë e 800 milionë lekë me një diferencë prej 2 miliardë e 500 milionë që përbën një miratim të tanishëm sipas projektbuxhetit në vlerën e 26% më pak se buxheti i kërkuar nga KLGJ”, tha Rusi.

Megjithatë, shtoi Rusi, krahasuar me vitin 2025, buxheti i projektuar për 2026-ën paraqet një rritje prej 20%.

“Nëse i referohemi buxhetit të 2025, buxhetimi i projektuar është një vlerën 20% më tepër. Prej 2021 e deri më sot, është dyfishuar buxhetimi për KLGJ-në. Buxhetimi shoqërohet paralelisht me rritjen e burimeve njerëzore. Në 2021 kishte 1400 të punësuar të cilët ishin magjistratë gjyqtarë, e punonjës të tjerë administrativë, sot kemi 1892 pozicione pune në KLGJ. Një shtesë prej rreth 500 pozicione pune rreth 35% është rritur edhe numri i burimeve njerëzore”, tha Rusi.

Sipas ndarjes buxhetore, Rusi theksoi se për vetë Këshillin e Lartë Gjyqësor janë planifikuar 490 milionë lekë, ose rreth 7% e totalit, ndërsa Qendra e Teknologjisë së Informacionit në sistemin gjyqësor do të ketë në dispozicion 20 milionë lekë.

Rusi theksoi se pjesa më e madhe e buxhetit, rreth 6 miliardë e 300 milionë lekë, do të shkojë për gjykatat.

“Është më pak se i kërkuari. Në këtë 5 miliardë e 400 milionë janë shpenzime korente, e cila përbën gati 85% të buxhetimit. Duken vlera të mëdha, po realisht buxheti më i madh shkon për paga, sigurime shoqërore, shpenzime operative mallra e shërbime, që janë të domosdoshme për të ushtruar detyrën”, tha Rusi.

Rusi shtoi se 900 milionë lekë janë për investime në gjykata.

“Kjo është destinuar për rikonstruksione të plota dhe të pjesshme për gjykatat, gjykatën e Lartë, Gjykatën e Apelit, Gjykatën e Apelit Administrativ, Gjykatën e Shkallës së Parë të Posaçme, Gjykatën e Kukësit, Gjykatën e Fierit dhe për Gjykatë e Gjirokastrës”, tha ai.

Kreu i KLGJ-së bëri të ditur se është kërkuar gjetja e një trualli për të ndërtuar në një godinë të përbashkët dy gjykata, së bashku me prokuroritë, Gjykatën e Shkallës së Parë të Juridiksionit të Përgjithshme Tiranë dhe Gjykatën e Apelit.

Gjithashtu, shtoi ai, “kemi nevojë për mjedise për infrastrukturë”.

“Thirrja është: ju lutem na ndihmoni për infrastrukturën për godinat! Të gjithë duhet të përpiqemi të gjejmë hapësira me qëllim që të destinojmë troje apo godina për gjykata”, tha Rusi.

Komisioni për Çështjet Ligjore dhe Administratën Publike - Foto: Andrin Hoxha

1 nga 11

/m.q/r.e/a.f/

The post Rusi: 900 milionë lekë për investime, na duhen mjedise për ndërtimin e gjykatave appeared first on Agjencia Telegrafike Shqiptare.

Kreu i Këshillit të Lartë Gjyqësor, Ilir Rusi është paraqitur për seancë dëgjimore në Komisionet Parlamentare për diskutimin e projektbuxhetit për vitin 2026. Rusi tregon se nga buxheti i kërkuar nga KLGJ dhe nga ai i parashikuar në projektbuxhet, ka një diferencë me rreth 2 miliardë lekë, pra 26 % më pak. Ndër të tjera, kreu i […]

The post Projektbuxheti 2026/ KLGJ: 2 miliardë lekë më pak nga ai që kemi kërkuar appeared first on BoldNews.al.

Kreu i grupit parlamentar të PS-së, Taulant Balla thotë se Reforma në Drejtësi në Shqipëri po rekomandohet në Moldavi. Gjatë fjalës në Kuvend, në këtë seancë plenare ku u raportua puna e KLP dhe KLGJ, Balla se rezultatet e SPAK në 6 vite janë më të mira sesa Ish-Prokuroria e Krimeve të Rënda në 15 vite. Po ashtu Balla tha se Reforma në Drejtësi ka thyer shumë mite në Shqipëri, pasi sipas tij…

Source

TIRANË, 28 tetor /ATSH/ Kryetari i Këshillit të Lartë Gjyqësor, Ilir Rusi paraqiti në Kuvend raportin mbi gjendjen e sistemit gjyqësor dhe veprimtarinë e Këshillit të Lartë Gjyqësor për vitin 2024.

Gjatë prezantimit, Rusi paraqiti një panoramë të punës së Këshillit gjatë vitit 2024, duke theksuar prioritetet dhe rezultatet kryesore të arritura. Rusi tha se gjatë vitit 2024 janë zhvilluar 65 mbledhje plenare në KLGJ-së për miratimin e 76 vendimeve.

Në fjalën e tij, Rusi nënvizoi se objektiv ka qenë rritja e efikasitetit të gjykatave duke marrë në konsideratë vakancat në sistem.

Për sa i përket raportimit të çështjeve të prapambetura veçanërisht në gjykatën e Apelit, Rusi tha se “nëpërmjet finalizimit dhe miratimit të strategjisë kombëtare për uljen e çështjeve të prapambetura 2024-2027, në kuadër të kësaj strategjie janë miratuar një sërë aktesh ligjore si dhe janë ndërmarrë masa konkrete për përmirësimin e efikasitetit dhe shërbimeve gjyqësore”.

Në raportin e tij, kreu i KLGJ dha të dhëna edhe për vitin 2025.

“Gjatë vitit 2024 janë miratuar 34 raporte vlerësimi, ndërsa gjatë periudhës 2020-2024 janë miratuar në total 190 raporte vlerësimi për 119 gjyqtarë duke vlerësuar rreth 63% të gjyqtarëve.

“Ndërsa gjatë vitit 2025, për periudhën janar-tetor, kemi vijuar po me raporte vlerësimi kemi miratuar 48 raporte vlerësimi ndërsa në total janë 145 gjyqtare të vlerësuar me 238 raporte vlerësimi”, tha Rusi.

Rusi shtoi se “rekrutimi i gjyqtarëve të rinj përmes emërimit të 32 magjistratëve të rinj, të cilët kanë përfunduar programin akademik pranë shkollës së Magjistraturës për vitin 2023-2024 ka qenë një tjetër angazhim”.

Sa i përket vitit 2025, Rusi tha se “ne së fundmi në muajin tetor emëruam dhe 42 magjistratë të rinj, të cilët përfunduan edhe betimin para pak ditësh”.

“Më qëllim plotësimin e trupave gjyqësore në gjykata, këshilli ka caktuar 66 gjyqtarë për gjykimin e çështjeve gjyqësore të veçanta, në gjykata të ndryshme nga ato ku ushtrojnë detyrën. Për efekt të transparencës për informimin e publikut janë trajtuar 49 ankesa për të drejtën e informimit.

“Përgjatë vitit 2025 kemi caktuar 25 gjyqtar për gjykimin e çështjeve të veçanta në gjykata të ndryshme nga ato ku ushtrojnë detyrën”, tha Rusi.

Kreu i KLGJ-së shtoi se “përgjatë vitit 2025, Këshilli ka vazhduar me angazhim për rritje e transparencës ku deri tani kemi trajtuar 38 kërkesa për të drejtën e informimit”.

Sipas kreut të KLGJ-së, janë trajtuar shtatë procedime disiplinore për gjyqtarët gjatë vitit 2024 dhe pesë çështje të mbartura nga vitet e mëparshme.

“KLGJ ka vendosur dy shkarkime nga detyra, një procedim, një rast ende në shqyrtim, një rast në pritje shqyrtimi nga KPK-ja, dhe një pezullim nga detyra”, theksoi Rusi.

“Gjatë vitit 2025 kemi vazhduar me 3 procedime disiplinore, për të cilat njëra ka marrë vërejtje, një rast rrëzimi kërkesë ndërsa një rast vijon të mbetet ende në proces”, tha Rusi.

Sa i përket zbatimit të hartës së re gjyqësore, Rusi tha se “dhe pse ka kaluar një vit nga zbatimi i hartës së re gjyqësore janë vënë re disa përmirësime të ndjeshme dhe tregues kyç në sistemin gjyqësor, në shtator 2025 norma e zgjidhjes së çështjeve arritura në 96%”.

Megjithatë shtoi kreu i KLGJ-së “një faktor që ndikon negativisht është mungesa e burimeve njerëzore, e gjyqtarëve kryesisht. Rritja e numrit të përgjithshme të gjyqtarëve do të kontribuojë në përmirësimin e treguesve të eficiencë në sistemin gjyqësor”.

Në mbyllje, Rusi u ndal edhe në tri çështje kryesore, që lidhen me buxhetimin, infrastrukturën dhe sigurinë në gjykata.

“Në lidhje me buxhetimin. Në 2024 janë dhënë vetëm dy të tretat e buxhetit të kërkuar nga ana e KLGJ-së, nga këto 90% janë për paga dhe shërbime operative. 10% e tyre kanë qenë për investime kapitale dhe në 2025 e njëjta situatë rezulton. Jemi në kushte ku rreth 30% e buxhetit të kërkuar nuk miratohet nga ana e Kuvendit.

“Njëkohësisht ka qenë kërkesë për infrastrukturën, për disa gjykata, në Tiranë, Berat, Durrës, Lezhë, Shkodër, Kukës dhe asnjëherë nuk janë miratuar fonde përkatëse për të zhvilluar këto.

“E treta, kanë qenë financimet për sigurinë në gjykata. I vetmi vit buxhetor kur janë miratuar fonde për sigurinë në gjykata ka qenë në 2022-shin. Edhe nëse miratohen fonde për sigurinë nëse nuk ke infrastrukturën e duhur për objektet kjo nuk mund të vihet në jetë”, tha Rusi.

/m.q/a.f/r.e/

The post Kuvend, Kreu i KLGJ-së: Zbatimi i hartës së re gjyqësore solli përmirësime të ndjeshme appeared first on Agjencia Telegrafike Shqiptare.

Në një përpjekje për të mbushur vakancat e krijuara pas shkarkimeve nga vetingu, Këshilli i Lartë Gjyqësor ka emëruar 42 magjistratë të rinj, të cilët sot bëjnë betimin para se të marrin detyrën. Ata u emëruan në 11 gjykata të rretheve, nga të cilat numri më i lartë në Gjykatën Administrative të Lushnjës dhe Gjykatat e Shkallës së Parë në Fier dhe Elbasan me nga 7 gjyqtarë secila. Por nevojat mbeten ende të mëdha pasi në gjykata duhen edhe 109 gjyqtarë.

Sipas vendimit të KLGJ, shpërndarja e 42 magjistratëve të rinj është bërë në 11 Gjykata, ku numrin më të lartë të emërimeve e kanë Gjykata Administrative e Lushnjes,  si dhe Gjykatat e Shkallës së Parë në Elbasan dhe Fier me nga 7 gjyqtarë secila.

Këshilli i Lartë Gjyqësor, parashikohet që në të gjitha strukturat e Gjykatave duhet të ketë 417 gjyqtarë, ndërsa aktualisht janë 308 gjyqtarë të emëruar. Me emërimin dhe shpërndarjen e 42 magjistratëve të rinj mbeten e 67 vende vakante. /abcnews.al

Këshilli i Lartë Gjyqësor ka caktuar sot në detyrë 42 gjyqtarët e rinj, të cilët i bashkohen sistemit gjyqësor.

KLGJ i ka shpërndarë gjyqtarët e rinj në 11 gjykata në qytetet e Beratit, Elbasanit, Fierit, Gjirokastrës, Korçës, Kukësit dhe Lezhës.

Emërimi i tyre si gjyqtarë u krye më 31 korrik, ndërsa caktimi konkret në gjykata është bërë sot, pas gati tre muajsh.

Këshilli do të organizojë nesër ceremoninë e betimit të 42 gjyqtarëve të rinj, të cilët kanë përfunduar Shkollën e Magjistraturës në vitin akademik 2022-2025.

Shpërndarja e gjyqtarëve është si në vijim: tre në Gjykatën e Shkallës së parë të Juridiksionit të Përgjithshëm Berat; shtatë në gjykatën e Shkallës së parë të Juridiksionit të Përgjithshëm Elbasan; shtatë në Gjykatën e Shkallës së parë të Juridiksionit të Përgjithshëm Fier; dy në Gjykatën e Shkallës së parë të Juridiksionit të Përgjithshëm Gjirokastër; dy në Gjykatën e Shkallës së parë të Juridiksionit të Përgjithshëm Korçë.

Po ashtu dy gjyqtarë u caktuan në Gjykatën e Shkallës së parë të Juridiksionit të Përgjithshëm Kukës; katër në Gjykatën e Shkallës së parë të Juridiksionit të Përgjithshëm Lezhë; një në Gjykatën e Shkallës së parë të Juridiksionit të Përgjithshëm Sarandë; pesë në Gjykatën e Shkallës së parë të Juridiksionit të Përgjithshëm Shkodër; dy në Gjykatën e Shkallës së parë të Juridiksionit të Përgjithshëm Vlorë; shtatë në Gjykatën Administrative të Shkallës së Parë Lushnjë.

The post KLGJ emëron 42 gjyqtarë të rinj në 11 gjykata të vendit appeared first on Albeu.com.

TIRANË, 22 tetor/ATSH/ Këshilli i Lartë Gjyqësor ka caktuar sot në detyrë 42 gjyqtarët e rinj, të cilët i bashkohen sistemit gjyqësor.

KLGJ i ka shpërndarë gjyqtarët e rinj në 11 gjykata në qytetet e Beratit, Elbasanit, Fierit, Gjirokastrës, Korçës, Kukësit dhe Lezhës.

Emërimi i tyre si gjyqtarë u krye më 31 korrik, ndërsa caktimi konkret në gjykata është bërë sot, pas gati tre muajsh.

Këshilli do të organizojë nesër ceremoninë e betimit të 42 gjyqtarëve të rinj, të cilët kanë përfunduar Shkollën e Magjistraturës në vitin akademik 2022-2025.

Shpërndarja e gjyqtarëve është si në vijim: tre në Gjykatën e Shkallës së parë të Juridiksionit të Përgjithshëm Berat; shtatë në gjykatën e Shkallës së parë të Juridiksionit të Përgjithshëm Elbasan; shtatë në Gjykatën e Shkallës së parë të Juridiksionit të Përgjithshëm Fier; dy në Gjykatën e Shkallës së parë të Juridiksionit të Përgjithshëm Gjirokastër; dy në Gjykatën e Shkallës së parë të Juridiksionit të Përgjithshëm Korçë.

Po ashtu dy gjyqtarë u caktuan në Gjykatën e Shkallës së parë të Juridiksionit të Përgjithshëm Kukës; katër në Gjykatën e Shkallës së parë të Juridiksionit të Përgjithshëm Lezhë; një në Gjykatën e Shkallës së parë të Juridiksionit të Përgjithshëm Sarandë; pesë në Gjykatën e Shkallës së parë të Juridiksionit të Përgjithshëm Shkodër; dy në Gjykatën e Shkallës së parë të Juridiksionit të Përgjithshëm Vlorë; shtatë në Gjykatën Administrative të Shkallës së Parë Lushnjë.

/m.m/a.f/

The post KLGJ emëron 42 gjyqtarë të rinj në 11 gjykata të vendit appeared first on Agjencia Telegrafike Shqiptare.