Pretendimi: Ky imazh tregon që Papa Gjon Pali II dhe Nënë Tereza kanë qenë në ishullin privat të pedofilit dhe trafikantit amerikan Jeffrey Epstein

Verdikti: E pavërtetë, Gjeneruar me AI

——————————————————————————-

Në rrjetet konspiracioniste shqipfolëse po qarkullon sërish pretendimi se shenjtorja shqiptare Nënë Tereza ka qenë e lidhur me pedofilin dhe trafikantin famëkeq Jeffrey Epstein. Kësaj radhe, pretendimet përfshijnë dhe Papë Gjon Palin II, i cili shfaqet krahë Epstein dhe Nënë Terezës në një imazh që shoqëron pretendimin.

Si zakonisht, për të mbështetur këto pretendime nuk sillet ndonjë provë, burim apo referencë.

Me anë të motorit të kërkimit Google Lens, Faktoje gjeti se imazhi i mësipërm është shkëputur nga një video, botuar nga një llogari me emrin @icantevenproductions, i njejti emër që shfaqet në pjesën e poshtme të imazhit që shoqëron postimin.

Autori i I Can’t Even Productions vetëpërshkruhet si “kineast AI” dhe boton video udhëzime për gjenerimin dhe prodhimin e videove të gjeneruara me programe kompjuterike të ndryshëm të inteligjencës artificiale (AI) për abonentët e tij.

Video e mësipërme, e botuar në Instagramin e I Can’t Even Productions më 11 shkurt, është etiketuar nga autori si “klingai,” për të treguar se video është gjeneruar me mjetin AI Kling.ai. 

The post Të gjeneruara këto prova për lidhjen e Nënë Terezës me pedofilin Epstein appeared first on Faktoje.al.

Një gjykatë në Mynih ka marrë një vendim që mund të krijojë precedent në nivel ndërkombëtar, duke dënuar kompaninë Suno AI, e cila gjeneron muzikë përmes inteligjencës artificiale, për shkelje të të drejtave të autorit.

Sipas vendimit, kompania do të duhet të zbulojë të ardhurat e përfituara dhe të dëmshpërblejë autorët, veprat e të cilëve janë përdorur pa leje. Akuzat lidhen me faktin se Suno AI ka trajnuar modelet e saj të inteligjencës artificiale duke përdorur në masë muzikë të mbrojtur nga e drejta e autorit.

Çështja u ngrit nga GEMA, organizata gjermane që administron të drejtat e autorit. Presidenti i saj, Tobias Holzmueller, e cilësoi vendimin si një verdikt me rëndësi globale, duke theksuar se ai mund të ndikojë në mënyrën se si modelet e inteligjencës artificiale trajnohen në të ardhmen.

Sipas Holzmueller, synimi i GEMA-s nuk është mbyllja e Suno AI, por krijimi i kushteve për negociata të barabarta me kompaninë, diçka që deri më tani nuk ka qenë e mundur. Çështja kryesore mbetet mënyra se si duhet të kompensohen autorët kur veprat e tyre përdoren për të trajnuar inteligjencën artificiale.

GEMA argumentoi në gjykatë se Suno AI krijon këngë sipas kërkesave të përdoruesve për një zhanër, stil ose atmosferë të caktuar, duke u bazuar në hite të njohura botërore si “Mambo No. 5” e Lou Bega, “Daddy Cool” e Boney M. dhe “Forever Young” e Alphaville. Sipas padisë, rezultatet e gjeneruara nga inteligjenca artificiale janë shumë të ngjashme me versionet origjinale.

Kjo nuk është hera e parë që GEMA fiton një betejë ligjore ndaj kompanive të inteligjencës artificiale. Vitin e kaluar ajo fitoi një çështje në Mynih edhe kundër OpenAI, duke e akuzuar për riprodhimin e paligjshëm të teksteve të këngëve. OpenAI e ka apeluar atë vendim dhe çështja mbetet ende në shqyrtim.

Eksperti i pronësisë intelektuale në Universitetin e Amsterdamit, Martin Senftleben, tha për Deutsche Welle se rëndësia e çështjes qëndron edhe në faktin se padia nuk është ngritur nga një kompani private, por nga një organizatë kolektive që përfaqëson autorët. Sipas tij, kjo e bën veprimin ligjor më të fortë dhe më gjithëpërfshirës, pasi mbron jo vetëm artistët e njohur, por edhe krijuesit më pak të famshëm./KultPlus.com

Pronari hungarez i grupit 4iG dhe kompanisë celulare One Telecommunication u takua për të dytën herë brenda pak muajsh privatisht me kryeministrin shqiptar, Edi Rama, në përpjekje për të mbyllur ujdi dhe kontrata në Shqipëri. Rënia e Viktor Orban nga pushteti dhe sulmi që kryeministri i ri hungarez Peter Magyar ka nisur ndaj 4iG-së si […]

The post Pas prerjes së fondeve nga qeveria hungareze, oligarku i ONE kërkon kontrata në Shqipëri appeared first on BoldNews.al.

Që nga e diela, kompanitë që krijojnë ose përdorin përmbajtje të gjeneruar nga Al duhet ta etiketojnë qartë atë, në përputhje me udhëzimet e reja të Bashkimit Evropian për transparencë.

Qëllimi i këtyre rregullave është që qytetarët evropianë të mund të dallojnë menjëherë nëse përmbajtja që shohin në internet është autentike apo e krijuar nga Al.

Ligji gjithëpërfshirës i BE-së për Al po hyn në fuqi në faza. Nga kjo e dielë, kompanitë duhet të sigurojnë që:

Sistemet e AI-së, si chatbot-ët, t’u bëjnë të ditur përdoruesve se po ndërveprojnë me Al;

Imazhet, tekstet ose materialet e tjera të krijuara nga AI të mbajnë një etiketë që tregon qartë origjinën e tyre.

Kjo mund të realizohet përmes watermark-eve (shenjave digjitale) ose mekanizmave të tjerë që lehtësojnë identifikimin e përmbajtjes së gjeneruar nga AI. Kompanitë që nuk respektojnë këto detyrime mund të përballen me gjoba të larta.

Sipas një zyrtari të BE-së, Al gjenerative po mundëson krijimin e dezinformatave në një shkallë të paprecedentë, duke i përshtatur ato për audienca të ndryshme dhe duke i shpërndarë me shpejtësi të madhe.

Meqenëse AI po e bën gjithnjë e më të vështirë dallimin mes përmbajtjes reale dhe asaj sintetike, rregullat e reja synojnë të ruajnë besimin e qytetarëve në atë që shohin, dëgjojnë dhe lexojnë.

Kush preket nga rregullat?

Rregullat zbatohen për përmbajtjen e krijuar për qëllime profesionale. Personat që përdorin AI vetëm për qëllime personale nuk preken nga këto detyrime.

Gjithashtu, tekstet që synojnë të informojnë publikun për çështje me interes të përgjithshëm duhet të etiketohen nëse janë krijuar nga AI pa kontroll ose redaktim njerëzor.

Sistemet ekzistuese të AI-së kanë afat deri më 2 dhjetor 2026 për t’u përshtatur me kërkesat e reja. Ndërkohë, përjashtohen nga këto rregulla veprat me karakter artistik, krijues, satirik ose fiktiv.

Ndërkohë, gjigantët e teknologjisë kanë nisur tashmë të vendosin etiketa për përmbajtjen e krijuar me AI:

TikTok kërkon prej vitesh që krijuesit të etiketojnë imazhet, audiot dhe videot e gjeneruara nga AI dhe njofton se mbi 3 miliardë përmbajtje janë etiketuar;

Meta përdor etiketën “AI Info” në Facebook dhe Instagram për postimet e krijuara me Al;

Google ka nënshkruar Kodin e Sjelljes së BE-së për transparencën e AI-së dhe po bashkëpunon me kompani si Nvidia, OpenAI dhe Apple për zhvillimin e teknologjive të etiketimit digjital./ Telegrafi/ KultPlus.com

Stimujt për përdorimin e mjeteve të reja po ndryshojnë, ndërsa kostot kanë nisur të bëhen të dukshme, shkruan Financial Times Disa zhvillues të Amazon mund të jenë hutuar nga ndryshimi i shpejtë i qasjes së kompanisë ndaj Inteligjencës Artificiale. Fillimisht, grupi teknologjik u vendosi shumicës së zhvilluesve objektiva për përdorimin e mjeteve të AI-së. Gjatë […]

The post Punëdhënësit i shtynë punonjësit të përdornin më shumë IA. Kjo u është kthyer kundër appeared first on BoldNews.al.

Kreu i grupit parlamentar të Partisë Socialiste, Taulant Balla ka dalë ‘zbuluar’ teksa po tentonte të minimizonte përmasat e protestës qytetare, e cila vijon prej 62 ditësh kundër qeverisë Rama. Një postim i tij në rrjetet sociale, ai publikon një imazh të krijuar apo manipuluar me inteligjencë artificiale, por i ka nxjerrë në pah blofin […]

The post Balla tenton të “zvogëlojë” protestën me IA, por harron detajin që e nxorri blof appeared first on BoldNews.al.

OPENAI ka prezantuar një ndryshim në ChatGPT që i pengon përdoruesit të krijojnë tekst në stilin e autorëve të famshëm si Agatha Christie, Stephen King ose Ernest Hemingway. Kërkesa të tilla tani do të refuzohen, pavarësisht nëse autori është i gjallë apo i vdekur, në një ndryshim të vënë re për herë të parë nga Ars Technica, raporton Euronews.

Ars Technica kreu testime që konfirmuan se ChatGPT i refuzon sistematikisht kërkesa të tilla. Për shembull, nëse i kërkoni ChatGPT të riformulojë tekstin në stilin e njohur të Stephen King, ai do ta refuzojë detyrën dhe do të ofrojë tekst origjinal që krijon një atmosferë të ngjashme.

Ky ndryshim vjen pas një sërë padish të ngritura nga autorët kundër OpenAI, si dhe një vendimi kundër konkurrentit Anthropic në një mosmarrëveshje prej 1.5 miliardë dollarësh për të drejtat e autorit. Me këtë kufizim, OpenAI mund të argumentojë më lehtë se mjeti i tij është për frymëzim, jo ​​për riprodhim të drejtpërdrejtë të punës së dikujt tjetër.

A mund ta dallojnë lexuesit ndryshimin fare?

Megjithatë, lind pyetja nëse lexuesit mund ta dallojnë ndryshimin midis tekstit të frymëzuar nga shkrimtarë të famshëm dhe asaj që do të shkruante një autor i vërtetë. Testet fillestare tregojnë se tekste të tilla të gjeneruara tingëllojnë dukshëm më dobët se origjinalet.

Këto janë kryesisht pasazhe të shkurtra që nuk kanë rrjedhshmërinë dhe mprehtësinë që e bënin stilin e autorit origjinal tërheqës për t’u imituar. / KultPlus.com

Drejtori ekzekutiv i Anthropic, Dario Amodei, dhe më shumë se 1,000 punonjës, disa prej të cilëve në pozicione drejtuese në kompani të mëdha të inteligjencës artificiale, i drejtuan një peticion qeverisë amerikane të martën, duke i kërkuar asaj të ngadalësojë publikimin e modeleve më të përparuara të inteligjencës artificiale. Nënshkruesit e peticionit i bëjnë thirrje […]

The post Drejtues të kompanive të AI i kërkojnë SHBA-së kufizime për inteligjencën artificiale appeared first on BoldNews.al.

ROMË, 28 korrik /ATSH-DPA/- Italia ka regjistruar, vitin e kaluar, numrin më të ulët të lindjeve që nga përfundimi i Luftës së Dytë Botërore.

Instituti Kombëtar i Statistikave në Romë bëri të ditur sot se, numri i lindjeve ka rënë sërish, duke arritur në vetëm 355 mijë lindje, ose 3,9% më pak krahasuar me vitin e mëparshëm.

Aktualisht, në Itali një grua ka mesatarisht 1,14 fëmijë gjatë jetës së saj.

Për krahasim, gjatë periudhës së rritjes së madhe të lindjeve pas luftës, në vitin 1964, në Itali u regjistruan 1 035 207 lindje, ndërsa gratë kishin mesatarisht 2,7 fëmijë.

Niveli i ulët i lindjeve, është prej kohësh një nga problemet më të mëdha të Italisë.

Në Evropë, vetëm disa vende, si Spanja dhe Malta, kanë norma edhe më të ulëta të lindjeve.

Në Gjermani, sipas Zyrës Federale të Statistikave, në vitin 2025 norma mesatare ishte 1,32 fëmijë për grua.

Pothuajse një në dy gra mendon se shtatzënia do të dëmtojë karrierën e tyre

Një studim tregoi se pothuajse dy të tretat e të anketuarve (63%) përmendën pengesat ekonomike, profesionale ose sociale, si arsyen kryesore pse nuk kanë më shumë fëmijë.

Ndërkohë, gati një në dy gra (49%) tha se ka frikë nga pasoja negative në karrierë nëse do të mbetej shtatzënë.

Italia po përballet gjithashtu, me një plakje të shpejtë të popullsisë, ku në vend jetojnë rreth 24 mijë persona mbi 100 vjeç.

Popullsia totale e Italisë, më 1 janar, mbeti pothuajse e pandryshuar, në rreth 58,94 milionë banorë, krahasuar me vitin e kaluar.

Arsyeja kryesore që numri i banorëve nuk ka rënë më shumë është ardhja e emigrantëve, të cilët kanë kompensuar rënien natyrore të popullsisë. //a.i/

 

The post FOKUS – Italia në krizë demografike: Lindjet arrijnë nivelin më të ulët që nga Lufta e Dytë Botërore appeared first on Agjencia Telegrafike Shqiptare.

Një incident i pazakontë i sigurisë kibernetike ka ngritur shqetësime të mëdha në industrinë e inteligjencës artificiale, pasi OpenAI konfirmoi se dy modele eksperimentale të ChatGPT kryen një sulm ndaj platformës Hugging Face gjatë një testi të brendshëm. BBC shkruan se sipas kompanisë, modelet dolën nga një mjedis testimi (sandbox), fituan qasje në internet dhe depërtuan […]

The post BBC: Sa të shqetësuar duhet të jemi për hakimin e OpenAI appeared first on BoldNews.al.

Dubai po ofron të paguajë banorët që tërheqin familjen dhe miqtë për të vizituar emiratin, në një përpjekje për të ringjallur numrin e turistëve që ka rënë ndjeshëm që kur qyteti u përfshi në luftën SHBA-Izrael kundër Iranit.

Skema Dubai Invite, një iniciativë e departamentit të ekonomisë dhe turizmit, u lejon banorëve të Emirateve të Bashkuara Arabe të nominojnë miq dhe të afërm dhe më pas të marrin përfitime me vlerë më shumë se 3,000 dirham të Emirateve të Bashkuara Arabe (rreth 715 euro) nëse e vizitojnë.

Faqja e internetit e Visit Dubai thotë se banorët do të marrin një “paketë përfitimesh” duke përfshirë qëndrime në hotel, oferta për darkë dhe bileta për atraksione, transmeton Telegrafi.

Kushtet e kualifikimit përcaktojnë se çdo banor është i kualifikuar për një maksimum prej tre paketash përfitimesh për vizitorët që mbërrijnë para 31 tetorit, por përfitimet mund të shfrytëzohen deri në dhjetor.

Vizitorët duhet të jenë banorë jo të Emirateve të Bashkuara Arabe, të mbërrijnë me një vizë turistike të vlefshme dhe mund të nominohen vetëm një herë.

Skema vjen ndërsa sektori i turizmit i Emirateve të Bashkuara Arabe përjeton një rënie të ndjeshme, me numrin e pasagjerëve ndërkombëtarë që bie ndjeshëm pasi shtetet e Gjirit u përfshinë në luftën SHBA-Izrael kundër Iranit.

Në shkurt, Irani u hakmor duke qëlluar raketa dhe dronë që goditën hotelin e famshëm botëror Fairmont dhe aeroportin ndërkombëtar të Dubait, duke shkatërruar imazhin që qyteti u kishte shitur influencuesve dhe ultra të pasurve për një shesh lojërash të praruar, të sigurt nga paqëndrueshmëria e rajonit më të gjerë.

Në vitin 2025, Dubai priti gati 20 milionë turistë, një rekord. Megjithatë, që nga konflikti, numri i linjave ajrore që operojnë në aeroportet e Dubait është përgjysmuar pasi shumë aeroplanë u kthyen mbrapsht për shkak të raketave dhe turistët shmangën rrugët mbi Lindjen e Mesme.

Ka raportime për vende të lira në hotele dhe biznese që pësojnë rënie të të ardhurave prej më shumë se 50%.

Disa nga hotelet më të famshme të Dubait janë mbyllur plotësisht, shumë prej të cilave kanë sjellë plane për rinovime dhe rikonstruksione të tilla si Burj Al Arab në formë vele, i cili do të mbyllet për 18 muaj për një restaurim të madh.

Hotele dhe biznese të tjera po mbështeten në skemën e re të qeverisë, duke ofruar zbritje prej 45% dhe netë falas.

Media lokale raportoi të enjten se brenda 48 orëve të para, skema kishte tërhequr më shumë se 10,000 aplikime.

LONDËR, 22 korrik /ATSH/- “OpenAI” ka bërë të ditur se disa nga modelet e saj më të avancuara të inteligjencës artificiale, dolën jashtë kontrollit dhe sulmuan sistemet e një kompanie gjatë një testi sigurie, sipas BBC.

Kompania, që ka krijuar “ChatGPT”, shpjegoi se po testonte një agjent të inteligjencës artificiale – një sistem që mund të kryejë detyra vetë, pasi merr udhëzime nga njeriu.

Testi zhvillohej në një mjedis të izoluar dhe të kontrolluar, i krijuar posaçërisht për të parë se çfarë është në gjendje të bëjë sistemi, pa rrezikuar rrjetet reale.

Megjithatë, inteligjenca artificiale zbuloi dobësi në atë mjedis testimi, arriti të dilte prej tij dhe më pas nisi një sulm ndaj “Hugging Face”, një prej platformave më të mëdha në botë, ku zhvilluesit ndajnë modele të inteligjencës artificiale.

Sistemi arriti të hynte në disa sisteme të brendshme të kompanisë.

“OpenAI” e cilësoi ngjarjen si “të paprecedentë”, ndërsa tha se po zhvillon një hetim së bashku me “Hugging Face”.

Drejtori i “Hugging Face”, Clement Delangue, shkroi në rrjetin X se, është e pabesueshme që e gjithë kjo kishte ndodhur në mënyrë autonome, pa u komanduar drejtpërdrejt nga njerëzit.

Ai shtoi se hetimi vazhdon dhe se mund të bëhet fjalë për rastin e parë të këtij lloji.

Një zëdhënës i qeverisë britanike tha se Instituti për Sigurinë e Inteligjencës Artificiale në Britaninë e Madhe, po analizon sjelljen e sistemit dhe po bashkëpunon me “OpenAI” dhe laboratorë të tjerë për të përmirësuar masat mbrojtëse.

Autoritetet u bënë thirrje organizatave të forcojnë mbrojtjen ndaj sulmeve kibernetike.

Si ndodhi?

Sipas ekspertes Gina Neff nga Universiteti i Kembrixhit, testi zhvillohej në një mjedis të izoluar, i cili duhet të jetë plotësisht i sigurt, për të parë aftësitë e inteligjencës artificiale pa rrezikuar sistemet reale.

Por, sipas saj, “OpenAI” nuk kishte krijuar një mjedis mjaftueshëm të sigurt.

Në vend që të qëndronte brenda kufijve të testit, inteligjenca artificiale gjeti një dobësi në sistem, doli jashtë tij dhe më pas identifikoi “Hugging Face” si një burim të mundshëm informacioni.

Më pas u përpoq të fitonte akses në sistemet e kompanisë.

Profesori i inteligjencës artificiale, Neil Lawrence e quajti këtë një arritje mbresëlënëse nga pikëpamja teknike, por theksoi se aftësi të tilla janë tashmë të njohura për modelet më të avancuara të inteligjencës artificiale.

Ai shtoi se “OpenAI” ndodhet nën presion të madh nga konkurrenti “Anthropic” dhe mund të jetë duke u përpjekur të tregojë se edhe sistemet e saj, kanë aftësi shumë të avancuara në fushën e sigurisë kibernetike.

Sipas tij, incidenti tregon gjithashtu se “OpenAI” ende nuk është në gjendje ta kontrollojë plotësisht teknologjinë që zhvillon.

Në njoftimin e parë, më 16 korrik, “Hugging Face” tha se po verifikonte nëse ishin prekur të dhënat e klientëve ose partnerëve të saj.

Kompania bëri të ditur se dobësitë që shfrytëzoi inteligjenca artificiale, tashmë janë mbyllur dhe sistemet e prekura janë rindërtuar.

Ajo paralajmëroi gjithashtu se sulmet kibernetike të kryera në mënyrë autonome nga inteligjenca artificiale, nuk janë më një skenar teorik, por një rrezik real.

Reagimet

Incidenti ka ngritur pikëpyetje të reja mbi fuqinë e sistemeve të avancuara të inteligjencës artificiale dhe nëse masat aktuale të sigurisë janë të mjaftueshme.

Ekspertët e sigurisë kibernetike thanë se kompanitë duhet të përforcojnë mbrojtjen e tyre, pasi sulmet me inteligjencë artificiale mund të zhvillohen shumë më shpejt sesa mund të reagojnë njerëzit.

Nga ana tjetër, disa analistë mendojnë se njoftimi i “OpenAI” mund të ketë edhe një aspekt marketingu, duke qenë se kompania po përballet me konkurrencë gjithnjë e më të fortë nga “Anthropic” dhe së fundmi edhe nga kompania kineze “Moonshot”, e cila prezantoi modelin e ri të inteligjencës artificiale “Kimi K3”, që pretendon se rivalizon sistemet më të mira amerikane. //a.i/

The post “OpenAI” në alarm: Modeli i saj i IA-së del jashtë kontrollit dhe kryen sulm kibernetik appeared first on Agjencia Telegrafike Shqiptare.

Pretendimi: Ky imazh tregon ambasadorin e Bashkimit Europian në Tiranë, Silvio Gonzato, kapur për dore me deputeten socialiste Iris Luarasi

Verdikti: E pavërtetë, Gjeneruar me AI

—————————————————————————

Një imazh që duket se tregon ambasadorin e Bashkimit Europian në Tiranë, Silvio Gonzato, kapur për dore me deputeten socialiste Iris Luarasi po qarkullon së fundmi në mediat dhe rrjetet sociale shqipfolëse.

Megjithatë, imazhi i mësipërm nuk është i vërtetë. Ai është gjeneruar me programe kompjuterike të inteligjencës artificiale (AI).

Kjo konfirmohet edhe nga mjeti zyrtar i verifikimit të OpenAI, i cili identifikon imazhet e krijuara me inteligjencë artificiale përmes pranisë së teknologjisë SynthID.

Rezultati konfirmoi se fotografia përmban një gjurmë SynthID me origjinë nga OpenAI, çka tregon se imazhi është gjeneruar me inteligjencë artificiale.

SynthID është projektuar për t’i mbijetuar modifikimeve të zakonshme të imazheve, si prerja, ndryshimet e ngjyrave, fotografimi i ekranit apo kompresimi i skedarëve, duke e bërë të mundur gjurmimin e origjinës së përmbajtjes së gjeneruar.

Imazhi i mësipërm është gjeneruar nga një foto reale e postuar nga Luarasi në rrjetet e saj sociale.

Luarasi ka reaguar ndaj imazhit të gjeneruar në rrjetet e saj sociale duke e quajtur atë “rastin studimor më perfekt” të dezinformimit.

The post E gjeneruar kjo foto dorë për dorë e ambasadorit Gonzato me deputeten Luarasi appeared first on Faktoje.al.

OpenAI ka bërë të ditur se disa nga modelet e saj më të avancuara të inteligjencës artificiale u bënë mashtruese dhe arritën të depërtonin në sistemet e një startup-i, pasi humbi kontrollin mbi to gjatë një testi sigurie, shkruan BBC.

Kompania krijuese e ChatGPT tha se agjenti i saj i IA-së – një sistem që mund të veprojë në mënyrë autonome pasi merr udhëzime nga njeriu – po testohej në një mjedis të kontrolluar. Megjithatë, ai zbuloi dobësi në sistem dhe arriti të dalë jashtë mjedisit të testimit.

Më pas, modelet shënjestruan Hugging Face, një nga platformat më të mëdha në botë për ndarjen e modeleve të inteligjencës artificiale, duke siguruar akses në disa sisteme të brendshme të kompanisë.

OpenAI e cilësoi incidentin si “të paprecedentë” dhe tha se po zhvillon një hetim të përbashkët me Hugging Face. Drejtori ekzekutiv i kësaj kompanie, Clement Delangue, shkroi në platformën X se ishte “e pabesueshme që e gjithë kjo ndodhi në mënyrë autonome”.

“Hetimi është ende në vazhdim dhe do të ndajmë më shumë mësime nga ajo që mund të jetë incidenti i parë i këtij lloji”, shtoi Delangue.

Një “sandbox” jo mjaftueshëm i sigurt

Gina Neff, drejtuese e Qendrës Minderoo për Teknologji dhe Demokraci në Universitetin e Kembrixhit, tha për programin Today në BBC Radio 4 se mjediset e testimit të sigurisë, të njohura si “sandbox”, janë krijuar pikërisht për të testuar në mënyrë të sigurt aftësitë e modeleve të IA-së.

“Në këtë rast, duket se OpenAI nuk krijoi një mjedis testimi mjaftueshëm të sigurt”, u shpreh ajo.

Sipas saj, agjentët e inteligjencës artificiale arritën të identifikonin një dobësi në vetë “sandbox”-in dhe ta shfrytëzonin atë për të dalë jashtë tij.

Pasi dolën nga mjedisi i testimit, modelet identifikuan Hugging Face si një burim të mundshëm informacioni që u nevojitej për testin dhe u përpoqën të fitonin akses në sistemet e kompanisë.

Neil Lawrence, profesor i të mësuarit automatik në Universitetin e Kembrixhit, e cilësoi ngjarjen si një “arritje mbresëlënëse”, por theksoi se ajo “mbetet brenda aftësive të njohura të gjeneratës aktuale të modeleve të avancuara të IA-së”.

Ai shtoi se OpenAI po përgatitet të dalë në bursë dhe po përballet me konkurrencë të fortë nga Anthropic, e cila ka tërhequr vëmendje me modelin e saj të inteligjencës artificiale, Claude Mythos.

“OpenAI po përpiqet të rifitojë terren dhe të demonstrojë aftësitë e sistemeve të saj në fushën e sigurisë kibernetike”, tha Lawrence.

Megjithatë, ai shtoi se incidenti “tregon se OpenAI ende nuk është në gjendje ta vendosë teknologjinë e vet në funksion në mënyrë plotësisht të sigurt”.

Dobësitë u mbyllën

Në njoftimin fillestar për incidentin, më 16 korrik, Hugging Face bëri të ditur se po vlerësonte nëse ishin prekur të dhënat e klientëve apo partnerëve dhe se do të njoftonte çdo palë të prekur, nëse do të ishte e nevojshme.

Kompania tha se dobësitë e zbuluara janë mbyllur dhe sistemet e prekura janë rindërtuar.

“Mjetet autonome të sulmit, të drejtuara nga inteligjenca artificiale, nuk janë më thjesht një teori”, theksoi kompania.

“Sot, mbrojtja e një platforme online nënkupton trajtimin e të dhënave dhe të vetë modeleve të IA-së si objektiva të mundshëm sulmi, si edhe përdorimin e inteligjencës artificiale për mbrojtje, në mënyrë që të ecet me të njëjtin ritëm.”

“Ne do të vazhdojmë të investojmë në këtë drejtim dhe do të ndajmë publikisht mësimet që nxjerrim.”

Një “moment kthjellimi” për sigurinë kibernetike

Incidenti ka ngritur pikëpyetje të reja mbi aftësitë e sistemeve të avancuara të inteligjencës artificiale dhe nëse masat aktuale të sigurisë janë të mjaftueshme, ndërsa teknologjia zhvillohet me ritme të shpejta.

Spencer Starkey, drejtues në kompaninë e sigurisë kibernetike SonicWall, tha për BBC se ngjarja tregon qartë se organizatat duhet të forcojnë mbrojtjen e tyre dhe ta trajtojnë rezistencën kibernetike si një përparësi kryesore.

“E vërteta e pakëndshme është se shumë organizata vazhdojnë të mbrohen me shpejtësinë e njeriut, ndërsa sulmuesit po veprojnë me shpejtësinë e makinës”, u shpreh ai.

Ndërkohë, Travis Lelle, inxhinier kryesor i sigurisë në Guidepoint Security, e quajti këtë zhvillim një “moment kthjellimi për sigurinë kibernetike”.

“Kjo nxjerr në pah një asimetri të njohur: agjentët ofensivë nuk kanë kufizime, ndërsa mjetet më të mira mbrojtëse janë ende të kufizuara nga mekanizma që nuk arrijnë të kuptojnë plotësisht kontekstin”, tha ai.

Nga ana tjetër, Jake Moore, këshilltar global për sigurinë kibernetike në ESET, sugjeroi se njoftimi i OpenAI mund të ketë edhe një dimension strategjik.

Sipas tij, kompania mund të jetë duke vënë në pah aftësitë e modeleve të saj të inteligjencës artificiale në një kohë kur rivali Anthropic po fiton gjithnjë e më shumë vëmendje me modelin Claude Mythos.

“Kjo ngre pyetjen nëse OpenAI po përpiqet të rivalizojë suksesin e marketingut që Anthropic ka arritur së fundmi”, tha Moore.

Ky zhvillim vjen vetëm një javë pasi startup-i kinez Moonshot AI prezantoi Kimi K3, një model të ri të inteligjencës artificiale, për të cilin kompania pretendon se mund të rivalizojë modelet kryesore amerikane.

Pretendimi: Reperi amerikan Kanye West ka blerë një apartament në Golem, Durrës

Verdikti: E pavërtetë, Gjeneruar me AI

—————————————————————————-

Në portalet shqipfolëse po qarkullon lajmi se reperi amerikan Kanye West ka blerë një apartament në Golem, Durrës. Ky lajm shoqërohet dhe me një imazh që duket se tregon reperin në ballkonin e një apartamenti me pamje nga bregdeti shqiptar.

Pretendimi qarkulloi pak ditë përpara koncertit të debatueshëm të Kanye West që u mbajt në Tiranë më 11 korrik 2026.

Koncerti i reperit amerikan në Tiranë ka qenë në qendër të diskutimeve publike pasi pak ditë para tij qeveria shqiptare shpenzoi 400 milionë lekë nga fondi rezervë i buxhetit të shtetit për të mbështetur aktivitetin, edhe pse fillimisht kishte deklaruar se koncerti nuk do të financohej nga fondet publike.

Me anë të motorit të kërkimit pamor Google Lens, Faktoje gjeti se imazhi ishte postuar fillimisht në rrjete sociale nga një agjente imobiliare shqiptare.

Në TikTok, megjithëse jo në Instagram, postimi është etiketuar si i gjeneruar me anë të programeve kompjuterike të inteligjencës artificiale (AI).

Kjo konfirmohet edhe nga mjeti zyrtar të verifikimit të OpenAI, i cili identifikon imazhet e krijuara me inteligjencë artificiale përmes pranisë së teknologjisë SynthID.

Rezultati konfirmoi se fotografia përmban një gjurmë SynthID me origjinë nga OpenAI, çka tregon se imazhi është gjeneruar me inteligjencë artificiale.

SynthID është projektuar për t’i mbijetuar modifikimeve të zakonshme të imazheve, si prerja, ndryshimet e ngjyrave, fotografimi i ekranit apo kompresimi i skedarëve, duke e bërë të mundur gjurmimin e origjinës së përmbajtjes së gjeneruar.

The post Kanye West nuk shfrytëzoi koncertin për të blerë shtëpi në Golem appeared first on Faktoje.al.

Këtë të martë është zhvilluar seanca paraprake për kryebashkiakun e Kolonjës Erion Isain dhe 14 të pandehur zyrtarë të bashkisë dhe ARRSH-së. Pas nisjes së seancës u mor vendimi që gjyqi të shtuhet për më datë 9 shtator.

Shkak i shtyrjes u bë shkak mungesa e njoftimeve të palëve në mënyrën e duhur. Isa dhe të pandehurit e tjerë akuzohen për shkelje të barazisë në tendera dhe shpërdorim detyre. 

Bëhet fjalë për një hetim mbi 3 procedurash prokurimi në vitin 2020 që në total e kalojnë vlerën e 30 milionë eurove. GJKKO pritet të vendosë nëse e pranon kërkesën e SPAK për kalimin në gjykim të dosjes, e kthen pas për plotësim hetimesh ose e pushon çështjen.

Nis seanca paraprake për Erion Isain dhe 14 të pandehur të tjerë, të akuzuar për shkelje në tendera

The post Shtyhet më 9 shtator seanca paraprake për kryebashkiakun e Kolonjës appeared first on Euronews Albania.

TIRANË- Nis seanca paraprake për kryebashkiakun e Kolonjës Erion Isain dhe 14 të pandehur zyrtarë të bashkisë dhe ARRSH-së që akuzohen për shkelje të barazisë në tendera dhe shpërdorim detyre.

Bëhet fjalë për një hetim mbi 3 procedura prokurimi në vitin 2020 që në total e kalojnë vlerën e 30 milionë eurove.

GJKKO pritet të vendosë nëse e pranon kërkesën e SPAK për kalimin në gjykim të dosjes, e kthen pas për plotësim hetimesh ose e pushon çështjen./abcnews.al

Nis seanca paraprake për kryebashkiakun e Kolonjës Erion Isain dhe 14 të pandehur zyrtarë të bashkisë dhe ARRSH-së  që akuzohen për shkelje të barazisë në tendera dhe shpërdorim detyre.  Bëhet fjalë për një hetim mbi 3 procedurash prokurimi në vitin 2020 që në total e kalojnë vlerën e 30 milionë eurove. GJKKO pritet të vendosë nëse e pranon kërkesën e spak për kalimin në gjykim të dosjes, e kthen pas për plotësim hetimesh ose e pushon çështjen

Të pandehurit:

Erion Isai                        Kreu i bashkisë Kolonjë          

Eljona Mydini                 Ish zv. Kryetare e Bashkisë Kolonjë

Erjon Cenko                   Punonjës i Bashkisë Kolonjë

Engjëll Dine                   Punonjës i Bashkisë Kolonjë

Ermal Zylfo                   Punonjës i Bashkisë Kolonjë

Armand Tafil                  Punonjës i Bashkisë Kolonjë

Muharrem Tartari.        Punonjës i Bashkisë Kolonjë

Shpëtim Liço.                  Punonjës i Bashkisë Kolonjë

Ergys Verdho                  Ish kreu i ARRSH

Erald Elezi                      Ish drejtor në ARRSH

Genti Raça                      Përgjegjës preventivi në ARRSH

Donikë Shehu                 Ish specialiste në ARRSH

Klarita Konomi.      Ish specialiste në ARRSH

Nikollaq Mihali.       Specialisti në ARRSH

Erdit Salillari.         Përgjegjës sektori në ARRSH

The post Nis seanca paraprake për Erion Isain dhe 14 të pandehur të tjerë, të akuzuar për shkelje në tendera appeared first on Euronews Albania.

Nis në Gjykatën e Posaçme seanca paraprake për kryebashkiakun e Kolonjës, Erion Isai, dhe 14 të pandehur të tjerë nga Bashkia Kolonjë dhe Autoriteti Rrugor Shqiptar, të cilët akuzohen për shkelje të barazisë në tendera dhe shpërdorim detyre.

Çështja lidhet me një hetim të Prokurorisë së Posaçme për tre procedura prokurimi të zhvilluara gjatë vitit 2020, me një vlerë totale që kalon 30 milionë euro.

GJKKO pritet të shqyrtojë kërkesën e SPAK për kalimin e dosjes në gjykim. Gjykata mund të vendosë pranimin e kërkesës dhe nisjen e procesit gjyqësor, kthimin e çështjes për plotësim hetimesh ose pushimin e saj.

Në listën e të pandehurve janë:

Erion Isai – Kryetar i Bashkisë Kolonjë

Eljona Mydini – Ish-zëvendëskryetare e Bashkisë Kolonjë

Erjon Cenko – Punonjës i Bashkisë Kolonjë

Engjëll Dine – Punonjës i Bashkisë Kolonjë

Ermal Zylfo – Punonjës i Bashkisë Kolonjë

Armand Tafil – Punonjës i Bashkisë Kolonjë

Muharrem Tartari – Punonjës i Bashkisë Kolonjë

Shpëtim Liço – Punonjës i Bashkisë Kolonjë

Ergys Verdho – Ish-kreu i ARRSH-së

Erald Elezi – Ish-drejtor në ARRSH

Genti Raça – Përgjegjës preventivi në ARRSH

Donikë Shehu – Ish-specialiste në ARRSH

Klarita Konomi – Ish-specialiste në ARRSH

Nikollaq Mihali – Specialist në ARRSH

Erdit Salillari – Përgjegjës sektori në ARRSH

Sipas hetimit të SPAK, procedurat e prokurimit të vitit 2020 janë objekt i dyshimeve për shkelje të rregullave të tenderimit dhe favorizim të mundshëm gjatë zhvillimit të tyre.

Seanca paraprake do të përcaktojë nëse dosja do të kalojë për gjykim në themel, nëse do të kërkohen veprime të tjera hetimore apo nëse çështja do të mbyllet në këtë fazë.

The post Tenderat 30 milionë euro, Erion Isai dhe 14 zyrtarët përballen me seancën paraprake në GJKKO appeared first on Albeu.com.

TIRANË, 19 korrik /ATSH/ Shqipëria ka shënuar rezultat historik në Olimpiadën e 67-të Ndërkombëtare të Matematikës (IMO 2026), e zhvilluar në Shangai, me ekipin kombëtar që u vlerësua me dy medalje bronzi dhe një medalje nderi.

Lajmin e bëri të ditur kryeministri Edi Rama përmes një reagimi në rrjetet sociale, ku përgëzoi nxënësit shqiptarë për arritjen e tyre në këtë kompeticion ndërkombëtar.

Medaljet e bronzit u fituan nga nxënësit Marius Gjika dhe Jamarbër Rushitaj, ndërsa nxënësi Orest Sherko u vlerësua me Medalje Nderi.

Kryeministri Rama theksoi se ky është rezultati i dytë më i mirë i Shqipërisë në historinë e pjesëmarrjes në Olimpiadën Ndërkombëtare të Matematikës, që prej vitit 1993, për sa i përket pikëve të grumbulluara nga ekipi shqiptar.

“Rezultat historik për Shqipërinë në Olimpiadën e 67-të Ndërkombëtare të Matematikës, falë mendjeve të bukura të nxënësve tanë në matematikë”, shkroi Rama në reagimin e tij.

Pjesëmarrja dhe arritjet e ekipit shqiptar në IMO 2026 përbëjnë një tjetër sukses për nxënësit e talentuar në fushën e shkencave ekzakte dhe përfaqësimin e vendit në arenën ndërkombëtare.

/gj.m/j.p/

The post Rama: Shqipëria, rezultat historik në Olimpiadën Ndërkombëtare të Matematikës në Shangai appeared first on Agjencia Telegrafike Shqiptare.