Klubi shqiptar i futbollit, Tirana, është zgjuar sot (e shtunë) me një lajm tragjik, pasi lojtari i tyre, Freddy Alvarez, ka humbur vajzën gjatë orëve të para të mëngjesit.
Mesfushori 30-vjeçar nga Costa Rica ka humbur tragjikisht vajzën e tij gjatë ditës së sotme dhe njoftimi pa ardhur nga faqja zyrtare e klubit Tirana.
“Me dhimbje të thellë ndajmë lajmin se vajza e lojtarit tonë, Freddy Alvarez, ka ndërruar jetë tragjikisht në orët e para të mëngjesit të sotëm në Tiranë”.
“I gjithë klubi ynë është i tronditur dhe në zi, duke qëndruar pranë Freddyt dhe familjes së tij në këtë moment të rëndë”.
“Ngushëllimet tona më të sinqerta janë me familjen Alvarez. U prehtë në paqe”, thuhet në njoftimin e parë të klubit tiranas.
Më vonë, faqja zyrtare e klubit kryeqytetas ka njoftuar se ndeshje e sotme (e shtunë) ndaj Flamurtarit është shtyrë.
“Në shenjë respekti dhe solidariteti për humbjen e madhe të familjes Alvarez, është vendosur që ndeshja e planifikuar ndaj ekipit të Flamurtarit të shtyhet për ditën e nesërme, në orën 13:30, në stadiumin “Selman Stërmasi””, thuhet në njoftim.
Sipas raportimeve të mediave shqiptare, vdekja e vajzës ka ardhur në spital pasi është dërguar në gjendje kritika pas rrëzimit të saj nga krevati dykatësh (marinar). /Telegrafi/
Real Madridi përballet me javë vendimtare në planifikimin e skuadrës, me një emër në veçanti në tavolinë. E ardhmja e afërt e Franco Mastantuonos po gjeneron debate të brendshme, ndërsa një propozim nga Anglia mund të ndryshojë planet fillestare të klubit.
Argjentinasi i ri, i cili u transferua nga Real Madridi verën e kaluar pas një investimi të rëndësishëm, nuk ka pasur ndikimin e pritur në fillim të këtij kapitulli të ri. Përshtatja e tij me ritmin evropian po përparon gradualisht dhe ata në Valdebebas po analizojnë me qetësi hapin e tij të radhës.
Në këtë kontekst, del në pah interesi i Chelseat, të cilët e shohin një huazim deri në fund të sezonit si një mënyrë ideale për ta zhvilluar lojtarin pa humbur kontrollin mbi progresin e tij.
Ideja e një transferimi të përkohshëm nuk po përjashtohet te Real Madridi. Klubi beson se një huazim i planifikuar mirë mund të përshpejtojë zhvillimin konkurrues të lojtarit.
Mastantuono mbërriti nga River Plate për 45 milionë euro, një shifër që pasqyron pritjet e mëdha që i janë vënë talentit të tij. Megjithatë, kërkesat e menjëhershme të Real Madridit po pengojnë procesin e tij të adaptimit.
Stafi i trajnerëve e kupton se ai ka nevojë për kohë të vazhdueshme loje dhe një kontekst ku mund të marrë përgjegjësi pa presionin e vazhdueshëm të rezultatit.
Chelsea vazhdon të kërkojë në treg lojtarë të rinj premtues që mund të përshtaten menjëherë me taktikat e ekipit. Në Stamford Bridge, ata besojnë Mastantuono mund të kontribuojë me kreativitet, dinamizëm dhe vrapime sulmuese nga mesfusha.
Prania e Liam Rosenior ka qenë çelësi i këtij interesi. Trajneri e vlerëson profilin e tij dhe beson se ai mund të bëhet një pjesë e rëndësishme brenda strukturës së tij sulmuese.
Chelsea beson se një huazim është opsioni më realist. Ata nuk po shqyrtojnë një transferim të përhershëm, por po kërkojnë të ofrojnë një mjedis tërheqës konkurrues, ashtu sikurse italianët e Interit që e duan deri në fund të sezonit. /Telegrafi/
Ish-zëvendësdrejtori i përgjithshëm i Sochit, Andrei Orlov, ka zbuluar se si ish-trajneri kryesor i klubit, Robert Moreno, e përdori ChatGPT në punën e tij dhe në çdo vendim rreth ekipit dhe ndeshjeve.
Moreno udhëhoqi ekipin rus nga dhjetori i vitit 2023 deri në shtator 2025 dhe drejtuesit e klubit vendosen ta shkarkojnë pasi një fillimi të dobët të sezonit dhe vetëm 1 pikë në 7 ndeshjet e para pas rikthimit në ligën superiore.
Aktualisht, nën udhëheqjen e Igor Osinkin, Sochi zë vendin e fundit, të 16-të, në renditjen e kampionatit rus me nëntë pikë dhe Orlov tashmë e ka akuzuar Morenon rreth punës së tij duke e cilësuar si një trajner që nuk pranonte mendimet e të tjerëve.
"Moreno nuk i respektonte fare asistentët dhe lojtarët e tij - njerëzit e ndienin këtë. Asistentët ishin vetëm ekzekutorë, ata kurrë nuk mund ta mbronin pozicionin e tyre", ka thënë fillimisht Orlov për championat.com.
Ai gjithashtu theksoi pa-efektshmërinë e Morenos sepse, pavarësisht rezultateve të dobëta, qasja ndaj lojës nuk ndryshoi.
"Gjatë krizës, Moreno tregoi se ishte një tifoz i ChatGPT", shtoi ai, ku si shembull përmendi përgatitjet për ndeshjen jashtë fushe në Khabarovsk.
"Roberti tha: 'I kam zgjidhur të gjitha. I kam futur të gjithë parametrat e ndeshjes jashtë fushe në ChatGPT. Duhet të fluturojmë ditën e ndeshjes. Në Sochi, do të stërvitemi një orë më parë dhe dy ditë para nisjes, do të fillojmë stërvitjen në orën shtatë të mëngjesit'", tha ai.
Pasi Orlov e shqyrtoi prezantimin, ai e kuptoi se plani do t'i mbante lojtarët zgjuar për 28 orë.
"Unë thashë, 'Robert, kjo është shumë mirë, por kur do të flenë djemtë?' Moreno futi parametrat e rinj, prezantimi u përditësua. Në fund, ne vazhduam me orarin që kishte hartuar ChatGPT".
Përzgjedhja e lojtarëve bazuar në analizën e inteligjencës artificiale
Inteligjenca artificiale u përdor gjithashtu në përzgjedhjen e lojtarëve. Verën e kaluar, klubi rus po kërkonte një sulmues dhe përzgjedhja përfshinte Vladimir Pisarski, Pavel Meljosin dhe Artur Susenacev.
"Moreno futi të dhënat e Pisarski, Meljosin dhe Susenacev nga Ëyscout në ChatGPT. Sipas GPT, Susenacev ishte më i miri", tha Orlov.
Kur u pyet nëse një qasje e tillë i dukej absurde, Orlov shpjegoi se përdorimi i mjeteve shtesë në vetvete nuk ishte problematik.
"Një mjet shtesë - pse jo? Por për Morenon, ChatGPT në një moment u bë një nga kryesoret", përfundoi Orlov.
Andrei Orlov
Ndryshe, Moreno është një ish-trajner i Spanjës dhe gjithashtu ka drejtuar Monacon. Si trajner, ai u rrit përmes akademisë së Barcelonës dhe punoi si asistent në ekipin e parë. Ai gjithashtu punoi si asistent te Celta Vigo dhe Roma, dhe si trajner kryesor te Granada.
Moreno në të kaluarën është lidhur edhe me stolin e Kombëtares së Kosovës, teksa te asnjëra prej këtyre skuadra nuk ka pasur deri tani ndonjë sukses të veçantë. /Telegrafi/
Klubi i madh turk, Fenerbahce thuhet se po shqyrton transferimin e yllit të kombëtares së Kosovës, Fisnik Asllani nga Hoffenheimi.
Fenerbahce ka bërë shumë lëvizje gjatë këtij afati kalimtar duke afruar futbollistë të shquar nga Evropa, pasi synon ta rikthej titullin kampion pas shumë viteve.
Megjithatë, klubi turk ka bërë edhe largime të rëndësishme dhe njëri nga ta është ai i Youssef En-Nesyri, i cili pritet të zyrtarizohet te Juventusi.
Kështu, drejtuesit e klubit nga Stambolli kanë filluar t’i shikojnë alternativat për të përforcuar sulmin me një zëvendësues të marokenit.
Sipas mediumit turk Sozcu, Fenerbahce po shqyrton transferimin e sulmuesit kosovar të Hoffenheimit, Fisnik Asllani.
Asllani po përjeton një super-formë këtë edicion pasi ka shënuar 7 gola dhe 5 asistime në 19 ndeshje në të gjitha garat, duke u bërë një emër i lakuar për shumë klube evropiane.
Sulmuesi 23-vjeçar i Dardanëve ka një çmim prej 30 milionë euro, ndërsa së fundmi është lidhur edhe me një transferim te Barcelona, Borussia Dortmundi dhe Juventusi. /Telegrafi/
Lojtarët e Real Madridit dominojnë listën e lojtarëve më të paguar në La Liga, sipas të dhënave të Transfermarkt, dhe këtë e bëri të ditur gazetari i njohur, Fabrizio Romano, në rrjetet sociale.
Sipas këtyre të dhënave, pagën më të lartë bruto vjetore e merr Kylian Mbappe, i cili fiton 31.3 milionë euro.
Vinicius Junior vjen pas me 25 milionë euro, pastaj David Alaba me 22.5 milionë euro, dhe mesfushori anglez, Jude Bellingham, është gjithashtu i katërti me një pagë vjetore bruto prej 20.8 milionë eurosh.
Portieri i Atletico Madridit, Jan Oblak, plotëson pesëshen e parë me të ardhura prej 20.8 milionë eurosh.
Pas kësaj vjen dyshja e Barcelonës, Robert Lewandowski, i cili fiton njësoj si Bellingham dhe Oblak, dhe Frenkie de Jong me 19 milionë euro.
Më pas vijnë Nico Williams, Raphinha, Federico Valverde, Rodrygo Goes, Lamine Yamal dhe Trent Arnold-Alexandar, të cilët fitojnë nga 16.7 milionë euro.
Marc-Andre Ter Stegen dhe Jules Kounde përfundojnë listën e 15 lojtarëve më të paguar me një pagë bruto vjetore prej 15.6 milionë eurosh. /Telegrafi/
Mikel Arteta ka deklaruar se askush te Arsenali nuk është më i motivuar, i uritur ose i vendosur për t'i dhënë fund pritjes 21-vjeçare të klubit për një titull të Ligës Premier sesa ai.
Duke folur përpara ndeshjes vendimtare në shtëpi të së dielës kundër Manchester United në stadiumin Emirates, trajneri i “Topçinjve” theksoi dëshirën e tij të madhe për të fituar titullin kampion në Angli.
“Nuk mendoj se dikush ka më shumë motivim, më shumë uri, më shumë dëshirë që ne të shkojmë deri në fund dhe ta fitojmë atë [sesa unë]”, ka thënë fillimisht Arteta.
Arsenali është shtatë pikë larg në krye të tabelës me 48 pikë ende të disponueshme në 16 ndeshjet e mbetura, ndërsa sfida e Manchester Cityt është dobësuar dhe kampionët e Liverpoolit janë 14 pikë prapa.
Arteta theksoi nevojën për përqendrim absolut deri në fund të sezonit.
“Por, ne e dimë se e vetmja mënyrë për ta bërë këtë është të përqendrohemi, të jemi të pranishëm në moment dhe gjithçka që kemi bërë sot, ta bëjmë më mirë nesër”.
“Kaq është dhe kjo është e vetmja gjë që mund të kontrollojmë. Pjesa tjetër nuk na shton asnjë vlerë dhe mund ta çojë vëmendjen tonë në vendin e gabuar", përfundoi trajneri i Arsenalit. /Telegrafi/
Një nga nënkryetarët e Federatës Gjermane të Futbollit (DFB) beson se ekipet kombëtare duhet të marrin në konsideratë bojkotimin e Kupës së Botës 2026 për shkak të sjelljes dhe veprimeve të Presidentit të SHBA-së, Donald Trump.
Oke Gottlich, anëtar i bordit ekzekutiv të DFB-së dhe president i klubit të Bundesligës, St. Pauli, tha se "ka ardhur koha" për të "shqyrtuar dhe diskutuar seriozisht" mundësinë e një tërheqjeje masive nga turneu, i cili po mbahet këtë verë në Shtetet e Bashkuara, Meksikë dhe Kanada, shkruan Daily Mail.
Thirrja e Gottlich erdhi pasi Trump në javët e fundit vuri në pikëpyetje forcën e aleancës së NATO-s, shprehu interes për të marrë Grenlandën, e cila është një territor i Danimarkës, dhe kërcënoi të vendoste tarifa për tetë vende evropiane që kundërshtuan këtë veprim.
Për shkak të lëvizjeve të tilla që kanë dëmtuar marrëdhëniet me aleatët kryesorë, Gottlich beson se një bojkot duhet të diskutohet seriozisht.
Gottlich bëri një paralele me bojkotet historike të sporteve. "Cilat ishin justifikimet për bojkotimin e Lojërave Olimpike në vitet 1980?" pyeti ai.
"Sipas mendimit tim, kërcënimi potencial është më i madh tani sesa ishte atëherë. Duhet ta diskutojmë këtë", tha Gottlich.
Ai gjithashtu kritikoi atë që e sheh si një mospërputhje në qëndrimin e botës së futbollit, duke e krahasuar situatën me Kupën e Botës të mëparshme.
"Katari ishte shumë politik për të gjithë, dhe tani jemi plotësisht apolitikë? Kjo është diçka që më shqetëson vërtet. Si organizata dhe si shoqëri, po harrojmë si të vendosim tabu dhe kufij dhe si të mbrojmë vlerat. Tabutë janë një pjesë thelbësore e qëndrimit tonë".
“A thyhet tabuja kur dikush kërcënon? A thyhet tabuja kur dikush sulmon? Kur vdesin njerëz? Do të doja të dija nga Donald Trump se kur e arriti tabunë e tij, dhe do të doja të dija nga Bernd Neuendorf (president i Federatës Gjermane të Futbollit) dhe Gianni Infantino (president i FIFA-s)", përfundoi gjermani. /Telegrafi/
Sulmuesi i Atletico Madridit, Julian Alvarez, vazhdon të jetë i lidhur me një largim nga klubi, pavarësisht se Los Colchoneros vazhdimisht kanë siguruar se nuk kanë ndërmend ta shesin lojtarin e kombëtares argjentinase. Më parë këtë sezon ai i hodhi poshtë lidhjet me Barcelonën, dhe tani agjenti i tij,Fernando Hidalgo, ka dalë për të diskutuar publikisht të ardhmen e tij.
Barcelona është lidhur me Alvarezin për pjesën më të madhe të vitit të kaluar, me presidentin Joan Laporta që duket se e preferon atë për të zëvendësuar Robert Lewandowskin këtë verë. Kohët e fundit, edhe Chelsea është interesuar për të , dhe disa raportime tani pohojnë se Arsenali po shqyrton nisjen e një ofensive për të.
Verën e kaluar, agjenti i Alvarezit i hodhi benzinë zjarrit, duke shpjeguar se “nuk mendoj se ka shumë argjentinas që nuk kanë dashuri për Barcelonën ”. Këtë herë ai i minimizoi lidhjet.
“Çdo klub i interesuar për Julian duhet të kontaktojë menaxhmentin e Atletico Madridit, pasi lojtari është nën kontratë dhe i përkushtuar ndaj klubit”, tha ai për Eremnews, citon gazeta Sport.
“Nuk është e vërtetë, nuk jam takuar me Decon apo askënd nga Barcelona gjatë periudhës aktuale", shpjegoi ai, kur u pyet për kontaktet e supozuara midis të dyve.
E përditshmja katalunase shton se ka informacione kontradiktore mbi gatishmërinë e Atleticos për të negociuar. Edhe pse disa burime sigurojnë se Atletico nuk ka ndërmend të dëgjojë ofertat, të tjera pretendojnë se një ofertë prej 120 milionë eurosh do të merret në konsideratë.
Përveç kësaj, Alvarez nuk po kalon sezonin më të lehtë, pa gol që nga 1 nëntori në La Liga. Duke përfshirë edhe garat e kupës, shifrat e tij duken dukshëm më të mira, me 11 gola dhe pesë asistime në 28 paraqitjet e tij, por nuk ka dyshim se kontributi i tij ka qenë nën pritjet në muajt e fundit.
Gjatë ndeshjeve të fundit, Diego Simeone ka vazhduar ta zëvendësoj atë rreth minutës së 60-të. /Telegrafi/
Drejtuesit e Ligës Profesionale të Arabisë Saudite po përgatiten për epokën pas largimit të portugezit Cristiano Ronaldo dhe thuhet se qëllimi i tyre është të sjellin 50 emra të mëdhenj të futbollit.
Sipas raportimeve të medias, "negociatorët synojnë 50 nënshkrime të huaja në kulmin e forcës së tyre këtë verë".
Përpjekjet për të siguruar një numër marrëveshjesh të rëndësishme pritet të intensifikohen pas Kupës së Botës 2026.
Ndërsa fokusi është në sjelljen e lojtarëve që mund të kalojnë disa vite në Ligën Profesionale Saudite, "disa yje më të vjetër" janë gjithashtu në listën e dëshirave.
Sipas talkSPORT, sauditët e pasur duan të sjellin emra si Mohamed Salah, Bruno Fernandes, Vinicius Junior, Robert Lewandowski, Casemiro, Youri Tielemans dhe shumë të tjerë, dhe qëllimi është të ruajnë interesin në ligë përpara Kupës së Botës 2034.
EXCLUSIVE: 50 players targeted by Saudi chiefs in Premier League and European transfer purgehttps://t.co/qfhQ6i7Sw4 — talkSPORT (@talkSPORT) January 23, 2026
Michael Emenalo, drejtori sportiv i ligës saudite, ka "një marrëdhënie të gjatë me Salahun dhe do të jetë një nga forcat lëvizëse pas çdo lëvizjeje zyrtare".
Një ofertë prej 150 milionë funtesh për Salahun nga Al-Ittihad u refuzua në vitin 2023, por situata e tij ka ndryshuar dhe kampionët aktualë të Ligës Premier së shpejti mund të jenë të hapur ndaj ofertave. /Telegrafi/
Pep Guardiola e ka shpallur Arsenalin si ekipin më të mirë në botë, gjë që ai mendon se mund të vërtetohet nga rezultatet e “Topçinjve” në Angli dhe në Evropë.
Arsenali ka një epërsi prej shtatë pikësh në krye të Ligës Premier dhe është skuadra e parë që siguroi kualifikimin në fazën e 1/8-tës në Ligën e Kampionëve.
Ata janë gjithashtu në një pozicion të mirë për të siguruar një vend në finalen e Kupës Carabao, pasi mposhtën Chelsean në ndeshjen e parë të gjysmëfinales.
Këto rezultate këtë edicion kanë bërë që rivali i tyre anglez, Guardiola i Cityt, të cilësoj Arsenalin si skuadrën më të mirë në botë.
“Absolutisht. Ata janë skuadra më e mirë në botë, duke fituar në Ligën Premier, Ligën e Kampionëve, Kupën FA dhe Kupën Carabao", ka thënë fillimisht Guardiola në një konferencë për shtyp.
“Ata janë skuadra më e mirë tani dhe shpresojmë se mund të jemi afër, duke u përmirësuar dhe ata mund të na japin një shans për t'i arritur", përfundoi trajneri i Cityt. /Telegrafi/
Klubi anglez nga Championship, Ipswich Town ka njoftuar zyrtarisht transferimin e mesfushorit shqiptar, Anis Mehmeti nga Bristol City.
Reprezentuesi i kombëtares së Shqipërisë ka ndryshuar klub gjatë ditës së sotme (e premte), por jo edhe kampionat, pasi vazhdon të mbetet pjesë e Championshipit anglez.
“Klubi është i kënaqur të konfirmojë nënshkrimin e Anis Mehmetit nga Bristol City. 25-vjeçari i bashkohet Bluve për një tarifë të pazbuluar dhe ka nënshkruar një marrëveshje deri në verën e vitit 2029”.
“Një sulmues i gjithanshëm, Anisi transferohet në Portman Road pasi ka shënuar tashmë tetë gola dhe ka kontribuar me gjashtë asistime gjatë gjysmës së parë të sezonit 2025/26 të Sky Bet Championship”, thuhet në njoftim.
✍️ We are delighted to confirm the signing of Anis Mehmeti from Bristol City on a three-and-a-half-year deal.
Welcome to Ipswich Town, Anis! 👋💙 — Ipswich Town (@IpswichTown) January 23, 2026
Faqja zyrtare e Ipswich Town ka zbuluar gjithashtu se pasi të përfundojë transferimin e tij, Mehmeti do të veshë fanellën me numër 33.
"Jam shumë i emocionuar që kam nënshkruar për klubin. Çdo gjë që klubi po përpiqet të arrijë përputhet me ambiciet e mia dhe kjo flet vetë. Tifozët janë të mrekullueshëm dhe mezi pres të luaj para tyre”, ka thënë Mehmeti pas nënshkrimit.
Ndryshe, Ipswich Town momentalisht zë vendin e tretë në renditje në Championship dhe është njëri nga pretendentët kryesor për t’u ngjitur në Ligën Premier për edicionin e ri. /Telegrafi/
Ish-kampionët e Evropës, Benfica dhe Real Madrid, do të luajnë në Lisbonë të mërkurën e ardhshme në ndeshjen e Ligës së Kampionëve nga ora 21:00. Kjo ndeshje do të jetë e vlefshme për xhiron e fundit të fazës së ligës së kësaj gare.
Real Madridi do të hyjë në të si skuadra e tretë në renditje, ndërsa Benfica është në vendin e 29-të dhe i duhet një fitore për të avancuar në ‘play-off’ të Ligës së Kampionëve.
Benfica drejtohet nga trajneri portugez Jose Mourinho, i cili më parë ishte te Reali. Portugezi kritikoi kolegun e tij në Real, Alvaro Arbela, i cili pa përvojë si trajner në futbollin senior mori drejtimin e një prej ekipeve më të mira në botë pas largimit të Xabi Alonsos.
“Ka njerëz që nuk kanë bërë asgjë në karrierën e tyre si trajner, por prapë drejtojnë klube të mëdha”, ka thënë fillimisht Mourinho.
“Është një befasi për mua kur trajnerë pa përvojë marrin një shans në klube të mëdha. Më parë besoja se trajnerët më të mirë janë ata që fitojnë dhe pushtojnë më shumë".
“Kjo nuk është më kështu. Ata që bëjnë më mirë janë ata që krijojnë përshtypjen më të mirë për veten e tyre. Disa trajnerë provojnë diçka dhe dështojnë. Pastaj thonë se vdiqën për idetë e tyre. Nëse vdes për idetë e tua, atëherë je budalla", përfundoi portugezi.
Ndryshe, është interesante se Mourinho e stërviti Arbeloan si lojtar ndërsa drejtonte Real Madridin. /Telegrafi/
Ekipi më i famshëm dhe më popullor i Formula 1, Ferrari, zbuloi sot (e premte) në Maranello një makinë të re për sezonin 2026.
Makina apo bolidi i ri quhet SF-26, dhe Ferrari shpreson se kjo do t'i rikthejë ata në ditët e tyre të vjetra të lavdisë.
Siç dihet, Charles Leclerc dhe Leëis Hamilton përfunduan në vendin e pestë dhe të gjashtë në renditjen e pilotëve sezonin e kaluar, dhe vetë skuadra përfundoi e katërta në renditjen e konstruktorëve.
Edhe pse ngjyra e makinës mbetet ende e kuqja e dallueshme, pritjet janë të mëdha - Ferrari, me 31 tituj të fituar, është ekipi fitues më i trofeshëm në historinë e Formula 1, gjë që krijon presion shtesë çdo herë.
"Një nga ndryshimet më të habitshme është rikthimi në ngjyrën me shkëlqim. Ngjyra e Rosso Scuderia 2026 është më e ndritshme dhe më intensive, me një pamje të guximshme dhe mbresëlënëse të frymëzuar nga ngjyra e veçantë e parë në Monza në vitin 2025", thotë nga Scuderia Ferrari.
Ferrari SF-26 krenohet me linja të pastra e klasike dhe një ndjesi retro që do t'i kënaqë tifozët e F1.
Me një makinë të re, një çift pilotësh të konfirmuar dhe një menaxhim me përvojë, Ferrari tani ka mundësinë të dominojë përsëri pistat e Formula 1. /Telegrafi/
Tottenham Hotspur po shikon brenda kampionatit për përforcime dhe tashmë kanë etiketuar një yll të Liverpoolit, i cili mund të transferohet gjatë këtij afati kalimtar dimëror.
Sipas mediumit The Athletic, Tottenhami po punon për një marrëveshje për të nënshkruar me mbrojtësin e majtë të Liverpoolit, Andy Robertson.
Kapiteni i Skocisë ka hyrë në gjashtë muajt e fundit të kontratës së tij me Reds dhe Tottenham fillimisht planifikoi të shqyrtonte nënshkrimin e tij si lojtar i lirë gjatë verës.
🚨 EXCL: Tottenham Hotspur working on deal to sign Andy Robertson from Liverpool. #THFC brought forward plan to vie for 31yo #LFC left-back as free agent this summer; not done but talks between all parties advancing in bid to reach agreement @TheAthleticFChttps://t.co/v1Wocekavz — David Ornstein (@David_Ornstein) January 23, 2026
Megjithatë, këto plane janë çuar përpara për të forcuar menjëherë skuadrën në afatin kalimtar të janarit.
Bisedimet midis të gjitha palëve po vazhdojnë në mënyrë miqësore, megjithëse ende nuk është marrë asnjë vendim.
Largimi i Robertson do ta linte Liverpoolin pa një rezervë në pozitën e mbrojtësit të majtë, megjithëse ata kanë një klauzolë rikthimi në huazimin e Kostas Tsimikas te Roma. /Telegrafi/
Barcelona dhe Real Madridi thuhet se kanë kontaktuar klubin e divizionit të dytë, Albaceten, për të pyetur rreth nënshkrimit të mundshëm të Dani Bernabeut.
19-vjeçari ka bërë përparim të shpejtë nga formacioni i të rinjve të Albacetes në ekipin e parë, duke tërhequr vëmendjen e të gjithëve me performancat e tij.
Kulmi i performancës së tij mbresëlënëse erdhi në fitoren tronditëse 3-2 kundër Real Madridit në raundin e 16-tave të Kupës së Mbretit.
Mbrojtësi i talentuar i krahut të majtë ka një tjetër shans për të shfaqur potencialin e tij kur Albacete përballet me Barcelonën në çerekfinale në fillim të muajit të ardhshëm.
Ai thuhet se ka një klauzolë lirimi me vlerë 6 milionë euro, shifër e cila nuk do të përbënte problem për asnjërin prej gjigantëve të La Ligës. /Telegrafi/
Interi mund të kompletojë rikthimin e kroatit Ivan Perisic, pasi tashmë ka marrëveshje personale dhe po diskuton me klubin holandez, PSV Eindhoven.
Sipas gazetarit Nicolo Schira, anësori i PSV-së, Ivan Perisic, ka dhënë dritën jeshile për t'u transferuar te ish-klubi i tij, Interi, në janar në një marrëveshje huazimi gjashtëmujore.
Nerazzurrët do të zhvillojnë bisedime me gjigantët holandezë javën e ardhshme për të provuar të arrijnë një marrëveshje.
Perisic ishte i lidhur me një transferim te Barcelona në verën e vitit 2025, por ai përfundoi duke qëndruar te PSV, ndërsa nënshkroi një zgjatje kontrate deri në vitin 2027.
Anësori 36-vjeçar kroat vazhdon të jetë një lojtar kyç për PSV-në, duke shënuar pesë gola dhe 10 asistime në të gjitha garat këtë sezon.
Me Denzel Dumfries që po rikuperohet nga operacioni në kyçin e këmbës, shtimi i Perisic do të forcojë krahët e Interit. /Telegrafi/
Sancho tani ka shënuar në Evropë për klube si Borussia Dortmund, Manchester United, Chelsea dhe tani Aston Villa, duke iu bashkuar Peter Crouch, i cili e mbante këtë rekord.
Crouch e arriti këtë sukses në të kaluarën me klube si Liverpool, Portsmouth, Tottenham Hotspur dhe Stoke City. /Telegrafi/
Jean Marie Dongou, një nga talentet më të mëdhenj të akademisë së Barcelonës në vitet e fundit, ka folur në programin 'El After' të 'Postunited' rreth përvojave të tij në botën e futbollit.
Ish-futbollisti 30-vjeçar kamerunas, i cili debutoi me ekipin e parë të Barçës më 6 dhjetor 2013, nën drejtimin e Tata Martinos dhe u tërhoq nga futbolli në moshën 28 vjeçare në prill 2023, i rrëfeu Esteve Calzadës ndjenjat e atëhershëm.
"Sinqerisht kam vuajtur më shumë nga ndjenjat anti-katalane sesa nga racizmi në Spanjë. Nuk kam vuajtur kurrë nga racizmi", ka thënë fillimisht ai.
Dongou zbuloi se "kur debutoje në ekipin e parë, duhej të ftoje dikë të bënte diçka të mirë për të cilën nuk mund të flas këtu... përndryshe do ta mbyllnin kanalin tënd".
Kamerunasi, i cili në adoleshencë u bë një nga premtimet më të mëdha të futbollit botëror, kujtoi se "kur arrita, Barcelona të paguante shumë para për një fëmijë. Unë kam sjellë para në shtëpi që kur isha 13 vjeç. Paratë që më paguante Barça ishin të mjaftueshme për të ndihmuar prindërit e mi, motrat e mia... Fillova të paguaja për universitetin e motrave të mia".
'Dongol', i cili gjatë gjithë karrierës së tij luajti për Barcelona B (2012-16), Real Zaragoza (2016-17), Nastic de Tarragona (2017-18), Lugo (2018-19), Lleida (2019), Honka Espoo (2020-21), Zamora (2022), Anagennisi Karditsa (2022) dhe Osaka (2023), tregoi se si Barcelona e zgjodhi atë në moshën 13-vjeçare nga 300 fëmijë.
"Ishim 300 fëmijë dhe nga ata 300, ata zgjodhën 60. Dhe nga ata 60, trajneri bëri një përzgjedhje prej 12 vetash. Ne erdhëm në Barcelonë dhe Barça nënshkroi vetëm tre prej nesh”.
“Unë kalova dy vjet në Fondacion. Jetoja në shtëpinë e njërit prej drejtorëve të Fondacionit, shkonim në shkollë, stërviteshim... Dhe pastaj, kur kishte një turne, vinim këtu për të luajtur. Dhe kështu Barça më nënshkroi mua", tha djaloshi nga Douala (Kamerun), i cili mbërriti në Spanjë falë Fondacionit Samuel Eto'o.
Dongou shtoi tutje se: "Barcelona më shpëtoi jetën mua dhe familjes sime. Nëse nuk do të kisha shkuar te Barça, prindërit e mi ndoshta nuk do të ishin gjallë sot".
Dongou: Eto'o nuk hëngri me ekipin kombëtar të Kamerunit sepse kishte frikë se do ta helmonin
Ndër titujt kryesorë nga intervista e Dongout në programin 'El After' të 'Postunited', ishte zbulimi i tij se "Samuel Eto'o nuk hëngri gjatë kampeve stërvitore të ekipit kombëtar të Kamerunit sepse kishte frikë se do ta helmonin. Vëllai i tij i sillte ushqim”.
“Në një thirrje me Kamerunin, trajneri më tha se nuk mund të luaja sepse Eto'o tha që nëse do të luaja, ai nuk do të luante", përfundoi ish-lojtari i Barcelonës. /Telegrafi/
Real Madridi tashmë po punon me synimin për sezonin e ardhshëm dhe ka një emër të rrethuar me të kuqe për të udhëhequr mbrojtjen. Klubi është i përgatitur të ofrojë 100 milionë euro për Willian Pachon, qendërmbrojtësin 24-vjeçar që luan për Paris Saint-Germain, në një transferim që parashikohet si një investim afatmesëm.
Plani i Real Madridit është i qartë. Ata nuk do të bëjnë një investim të madh në afatin aktual të transferimeve, por po përgatiten për një lëvizje të rëndësishme për sezonin e ardhshëm, duke synuar të forcojnë një mbrojtje që po shkakton shqetësime të brendshme.
Në zyrat e Real Madridit ekziston një ndjenjë se mbrojtja ka nevojë për një lider të ri dhe të vendosur. Emri i Willian Pachos i përshtatet në mënyrë të përkryer këtij profili, duke pasur parasysh moshën, performancën dhe potencialin e tij në rritje.
Pasiguria rreth të ardhmes së Alvaro Arbeloas me klubin dhe dyshimet rreth trajnerit të ardhshëm nuk po pengojnë planifikimin e tyre. Real Madridi dëshiron të sigurojë një nënshkrim strategjik pavarësisht se kush do të marrë përsipër detyrën e trajnerit.
Interesi për Willian Pachon nuk është asgjë e re. Te Real Madridi, ata vënë në pah forcën e tij fizike, shpejtësinë dhe aftësinë e tij për të performuar në mjedise shumë të kërkuara si ato te Paris Saint-Germain.
Në moshën 24 vjeçare, qendërmbrojtësi ekuadorian e ka vendosur veten në një nga klubet më të kërkuara të Evropës. Kjo performancë është ajo që justifikon gatishmërinë e Real Madridit për të ofruar 100 milionë euro.
Paris Saint-Germain është shumë i vetëdijshëm për vlerën e mbrojtësit të tyre. Edhe pse nuk ka ndërmend ta shesë, një ofertë prej 100 milionë eurosh do ta detyronte çdo klub të ulej në tryezën e negociatave.
Në Paris e dinë se Real Madridi zakonisht nuk bën oferta të kësaj madhësie pa bindje të plotë. Klubi francez do të duhet të vendosë nëse do t'i japë përparësi konsideratave sportive apo një shitje historike të një prej shtyllave të tij mbrojtëse.
Një nënshkrim i planifikuar për sezonin e ardhshëm
Plani i Real Madridit është ta përfundojë operacionin verën e ardhshme. Klubi beson se tani nuk është koha për një investim të madh, por përkundrazi për të avancuar diskutimet dhe kërkimet e brendshme.
Ky skenar i lejon Real Madridit të fitojë kohë, të analizojë evolucionin e lojtarit dhe të përgatisë një ofensivë përfundimtare kur konteksti sportiv dhe ekonomik të jetë më i favorshëm. /Telegrafi/
Sulmuesi i Barcelonës, Robert Lewandowski nuk po hiqet aspak nga radari i klubeve saudite, të cilat synojnë transferimin e tij.
Sipas TeamTalk, klubet e Superligës Profesionale Saudite, Al-Ittihad dhe Al-Shabab, po e monitorojnë situatën e sulmuesit të Barcelonës, përpara një transferimi të mundshëm si lojtar i lirë gjatë verës.
Sulmuesi polak është identifikuar si një nga 50 yjet e profilit të lartë që Liga Saudite dëshiron t’i transferojë në një garë të madhe verore pas Kupës së Botës 2026.
Diriyah FC, që aktualisht luan në nivelin e dytë, është gjithashtu në garë për të nënshkruar me 37-vjeçarin, por ndjekja e tyre varet nga ngjitja e tyre në ligën elitare.
Klubi i MLS-së, Chicago Fire, ka shprehur gjithashtu interesin e tyre për të nënshkruar me Lewandowskin, por klubet saudite tani po kërkojnë të tregojnë fuqinë e tyre të pakrahasueshme financiare. /Telegrafi/
Login
