KIEV, 14 janar /ATSH/ – Sigurisht që dua që e gjithë kjo të përfundojë sa më shpejt, por… më duket se do të vazhdojë edhe për një kohë. deklaroi një ushtar ukrainas, pranë një pozicioni afër frontit, majin e kaluar, i cili dha vetëm emrin e tij, Petro.

“Nuk do të ketë armëpushim… Gjithçka tregon se lufta do të vazhdojë”, tha një tjetër pjesëtar i njësisë së tij, Oleksandr. Ai shtoi se, të paktën, Rusia dukej e vendosur të merrte pjesën e rajonit ukrainas të Donjeckut, që mbetet nën kontrollin e Kievit.

Tetë muaj më vonë, nuk ka armëpushim, e lëre më një paqe të qëndrueshme. Rusia, pavarësisht luftimeve intensive dhe vdekjeprurëse, nuk ka arritur ta pushtojë Donjeckun në tërësi — një nga objektivat e saj themelore — dhe analistët thonë se konflikti më i madh në Evropë që nga Lufta e Dytë Botërore ka pak gjasa të përfundojë në vitin 2026.

“Asnjë nga kushtet për një zgjidhje përfundimtare të konfliktit nuk është në vend”, i tha REL-it Ruth Deyermond, pedagoge e lartë në Departamentin e Studimeve të Luftës në King’s College London. “As Ukraina dhe as Rusia nuk duken në një pozitë për të arritur një fitore përfundimtare në fushëbetejë dhe, megjithëse të dyja janë nën presion të konsiderueshëm, asnjëra nuk duket se ka gjasa të shembet”.

Presidenti rus, Vladimir Putin, nisi pushtimin e plotë të Ukrainës më 24 shkurt 2022, me pritjen që Ukraina do të nënshtrohej shpejt. Gati katër vjet më vonë, forcat ruse mbajnë më pak territor ukrainas sesa në javët e para të sulmit.

Në këmbë, me motorë dhe madje edhe me kuaj kur balta pengon mjetet, ato po përparojnë ngadalë dhe me një kosto të jashtëzakonshme në viktima — por Kievi ende kontrollon pjesë të mëdha të Donjeckut, Zaporizhias dhe Hersonit, tre nga pesë rajonet ukrainase që Moska pretendon pa bazë se tani janë ruse.

Në të dyja palët së bashku, lufta ka vrarë ose plagosur më shumë se 1.5 milion luftëtarë, sipas vlerësimeve të inteligjencës perëndimore. Sulmet ajrore të pandërprera ruse në mbarë Ukrainën kanë vrarë ose plagosur dhjetëra mijëra civilë dhe kanë shkatërruar infrastrukturën energjetike dhe elektrike të vendit.

Pengesa kryesore për paqen në vitin 2026 është Rusia, e cila “duket se nuk ka asnjë interes për t’i dhënë fund luftimeve, e lëre më luftës”, tha Deyermond.

Presidenti amerikan, Donald Trump, e nisi mandatin e tij të dytë në janar të vitit të kaluar duke e pasur ndërmjetësimin për t’i dhënë fund luftës lart në agjendën e tij. Në një vorbull diplomacie gjatë muajve të fundit, Ukraina, mbështetësit e saj evropianë dhe Shtetet e Bashkuara janë afruar drejt një marrëveshjeje për një plan paqeje.

Qëndrime të ashpra

Megjithatë, shanset për sukses janë errësuar vazhdimisht nga pyetja nëse Rusia do të bënte ndonjë lëshim në çështje kyçe si territori — veçanërisht në Donbas, por edhe gjetkë — dhe qëndrimi i saj ndaj garancive të sigurisë për Kievin, veçanërisht kur bëhet fjalë për praninë e mundshme të ushtarëve perëndimorë në terren në Ukrainë. Mosmarrëveshjet për centralin bërthamor të Zaporizhias, të pushtuar nga Rusia, janë një tjetër pikë ngecjeje.

Javët në vijim mund të sjellin më shumë qartësi “teksa negociatat e paqes stabilizohen. Duket se SHBA-ja, Ukraina dhe Evropa mund të gjejnë gjuhë të përbashkët, por Rusia nuk është e gatshme të bëjë lëshime”, i tha REL-it Mark Cancian, ekspert ushtarak në Qendrën për Studime Strategjike dhe Ndërkombëtare në Uashington. “Qëllimet e tyre të deklaruara janë krejtësisht të papranueshme për cilëndo nga palët e tjera. Këmbëngulja e tyre buron nga besimi se po fitojnë”.

Mes raportimeve për përparim në bisedimet e fundit që përfshijnë Ukrainën dhe Perëndimin, Rusia, nëse ka sinjalizuar diçka, ka treguar një vijë edhe më të ashpër.

Në fakt, zëdhënësi i Kremlinit, Dmitry Peskov, deklaroi hapur se Moska do ta “ashpërsojë [pozicionin e saj] negociues” pasi Rusia akuzoi Ukrainën për nisjen e një sulmi të madh me dronë ndaj një prej rezidencave të Putinit. Kievi e mohoi këtë, dhe Trump — pasi fillimisht sugjeroi se e besonte kur Putini ia tha këtë në një bisedë telefonike — më vonë përsëriti përfundimin e CIA-s se as presidenti rus dhe as rezidenca e tij nuk ishin shënjestruar.

Putini përdori një konferencë për shtyp më 19 dhjetor, një fjalim të Vitit të Ri dhe një paraqitje gjatë Krishtlindjeve Ortodokse për të sinjalizuar se Rusia është e përqendruar te fitorja, jo te paqja. Ai lavdëroi ushtarët rusë në fjalimet e tij më 31 dhjetor dhe më 7 janar, kur tha se ata ishin në një “mision të shenjtë”, si ai i Jezu Krishtit. Ai nuk përmendi paqen.

“Pozicioni parazgjedhor i Putinit mbetet vazhdimi i luftës, bazuar në operacionet në terren dhe udhëzimet për komandantët e tij, të cilët mbeten të përkushtuar ndaj operacioneve sulmuese kundër të katër rajoneve ukrainase [që Rusia pretendon përveç Krimesë] — Luhansk, Donjeck, Zaporizhia, Herson — në vitin 2026”, tha Dara Massicot, bashkëpunëtore e lartë në Carnegie Endowment for International Peace dhe eksperte për ushtrinë ruse.

“Putini vazhdon të pretendojë ‘Donbasin dhe Novorossiyan’”, tha ajo, duke vënë në dukje se ai përdori një term polemik që i referohet sundimit të Rusisë perandorake mbi pjesë të mëdha të Ukrainës lindore dhe jugore.

Sigurisht, Putini njihet për retorikë të ashpër dhe nuk është i panjohur për përdorimin e fjalëve bombastike publike për të fshehur një qasje më pragmatike ose të nuancuar, shkruan REL.  /os/

The post KOMENT – A ka gjasa të përfundojë këtë vit lufta Rusi-Ukrainë? appeared first on Agjencia Telegrafike Shqiptare.

Kontributi i tij është maksimal. Po ashtu, edhe vlerësimi nga tifozët e Rubinit dhe drejtuesit e Republikës Autonome të Tatarstanit.

Gjithsesi, kjo nuk ka mjaftuar që Mirlind Daku të ketë një jetë krejtësisht të qetë në Rusi.

Çfarë po ndodh?

Sulmuesi i Shqipërisë, sipas mediave në Kazan, është duke jetuar i rezervuar që nga vjeshta, kur u martua me modelen shqiptare Vesa Vlasaliu.

Aq e vërtetë është kjo saqë, sipas këtyre mediave, Daku ka qenë shumë i tërhequr pas lindjes së vajzës së tij, për të cilën ka hedhur vetëm ndonjë foto në rrjetet sociale.

Jo vetëm kaq, por “Biznes Onlajn” nga Tatarstani, komenton se faqet personale të Dakut në Instagram dhe FB janë shpallur si faqe ekstremiste nga autoritetet ruse.

Nuk dihet se përse është marrë një vendim i tillë, por besohet se ligjet në Rusi janë ashpërsuar që pas nisjes së luftës në Ukrainë, dhe edhe postime që mund të quhen normale, konsiderohen si rrezik për Federatën Ruse.

Daku e mbylli një herë faqen e tij në Instagram, pastaj i hapi sërish, por nuk ka qenë aktiv.

Ndërkaq, sulmuesi shqiptar vazhdon fazën përgatitore në Turqi, ndërsa klubi shkarkoi trajnerin Rahimov dhe afroi teknikun e ri, Frank Artiga./abcnews.al

Shqipëria e ka të kufizuar me ligj shitjen dhe shpërthimin e fishekzjarreve. Megjithatë, sasi të mëdha hyjnë dhe dalin çdo vit nga vendi dhe përdorimi i tyre është i rregullt thuajse çdo mesnatë.

Të dhënat doganore, raportet dhe përgjigjiet zyrtare ndaj Citizens.al tregojnë për një paradoks: një sektor formal i mbyllur për qytetarët, por me qarkullim të gjerë tregtar.

Paralelisht një rrjet tregu në të zezë, që gjen hapësirë në rrjetet sociale, teksa përdorimi i tyre dyshohet se devijon edhe në aktivitetin kriminal.

Një treg i ndaluar për qytetarët, por në volume aktive

Në vitin 2018 qeveria kufizoi tregtimin dhe përdorimin e fishekzjarreve. Prej asaj kohe, ato lejohen vetëm për subjekte të licencuara dhe për aktivitete të kontrolluara publike në periudha të caktuara të vitit.

Megjithatë, statistikat doganore për periudhën 2020-2025 tregojnë se dhjetëra tonelata fishekzjarre janë importuar çdo vit, kryesisht nga Kina dhe shpesh përmes shtetesh tranzite nga Bashkimi Europian si Sllovenia, Bullgaria, Italia apo dhe Greqia.

Në total gjatë kësaj periudhe janë importuar rreth 485 tonë, duke kulmuar me vitin 2024 (195 tonë). Një volum relativisht i lartë për një vend ku përdorimi privat është i kufizuar.

Kjo krijon një mospërputhje thelbësore mes masave rregullatore dhe realitetit tregtar. Kush e përdor këtë sasi dhe ku përfundojnë ato?

Gjatë gjithë periudhës 2020-2025 Shqipëria eksportoi 5 herë më shumë fishekzjarre sesa importoi (totali 2,440 tonë), fakt që sugjeron përdorimin e stoqeve ose rolin e vendit tonë si pikë prodhimi, grumbullimi dhe ri-shpërndarjeje.

Ky profil duket se po e shndërron Shqipërinë në një nyje të rëndësishme, ku mallra të ndaluara për përdorim privat qarkullojnë në volume të mëdha, duke rritur rrezikun e kontrabandës dhe humbjes së kontrollit institucional.

Kina rezulton burimi dominues i fishekzjarreve që hyjnë në Shqipëri, ndërsa Bullgaria (688 tonë), Çekia (511 tonë), Rumania (348 tonë), Polonia (335 tonë) dhe Kosova (90 tonë) janë destinacionet kryesore të eksporteve. Vlen të theksohet se për dy vite, destinacion eksporti ka qenë dhe Bjellorusia (140 tonë).

Asokohe Bjellorusia ishte nën sanksione të BE-së për shkelje të të drejtave të njeriut dhe rolin e saj në konfliktin Rusi-Ukrainë. Sanksionet ndalonin eksportet e mallrave që mund të kontribuonin në zgjerimin e represionit të regjimit të Lukashenkos dhe kapacitetet e industrisë ushtarake.

Shqipëria ndoqi në përputhje sanksionet në fjalë, megjithatë sikurse tregojnë të dhënat doganore, eksportet drejt një vendi që ishte subjekt i sanksioneve për individë dhe disa kategori mallrash ngre pikëpyetje për shmangien e këtyre kufizimeve, apo ri-interpretim të masave. 

Kjo çështje kërkon verifikim më të thellë të kontratave, destinacionit final, dhe nëse ngarkesat u përdorën realisht për qëllime të tjera.

Pak kompani, shumë përgjegjësi

Importet dhe eksportet e fishekzjarreve në Shqipëri realizohen nga një numër i kufizuar kompanish të licencuara.

Autoriteti i Kontrollit Shtetëror të Eksporteve (AKSHE), i cili kontrollon transferimet e mallrave ushtarake, lëndëve plasëse dhe artikujve piroteknikë, tha për Citizens.al se aktualisht në Shqipëri ka vetëm katër kompani “të licensuara për import-eksport fishekzjarresh”.

Shqyrtimi i deklarimeve tregtare nga Citizens.al tregoi se dy prej katër kompanive u themeluan në vitin 2022 teksa njëra prej tyre (Panda-T-AL) nuk ka depozituar asnjë bilanc vjetor. 

Nga viti 2018, kur u vendos kufizimi i tregtimit dhe përdorimit të fishekzjarrëve, sektori ka pasur vetëm rritje fitimesh.

Në vitin 2018 dy kompanitë që operonin në këtë treg (Arpi dhe Arpiko Trade) deklaronin rreth 36,500 euro fitime totale. Ndërkohë, në vitin 2024 fitimi ishte 2,740 herë më i lartë (rreth 1 milion euro).

Në total në 6 vite nga kufizimi i përdorimit të fishekzjarreve (2018-2024) kompanitë që merren me tregtimin e tyre kanë fituar rreth 3 milionë euro. 

Sigurisht këto kompani merren edhe me veprimtari të tjera, por kjo shifër është tregues domethënës se me fishekzjarret  “punët po ecin mirë”.

Përqendrimi i tregut e bën teorikisht më të lehtë kontrollin, ashtu si e bën edhe më të rrezikshëm devijimin, nëse një hallkë e zinxhirit – prodhimi, magazinimi, transporti apo shpërndarja – del jashtë mbikëqyrjes së autoriteteve.

Deri më sot nuk ka një analizë apo raport publik mbi humbjet e mundshme gjatë magazinimit, sasitë e asgjësuara, apo diferencat mes importeve dhe eksporteve.

Nga festat publike te rreziku i grupeve kriminale

Festa me fishekzjarre e mbrëmjes së fundvitit në Shqipëri tregoi edhe njëherë se sa i pakontrolluar është tregu.

Teksa autoritetet deklarojnë dhe ndjekin me bujë aksione sporadike policore të kapjes së disa dyqaneve dhe tregtarëve të dorës së dytë, ato shiten lirshëm online dhe në rrjetet sociale – një faqe e reklamon aktivitetin madje si “Fishekjzarre taxi”.

Në mungesë të një rregullatori të fortë për tregun, çdo produkt që del jashtë kontrollit institucional është potencialisht i paligjshëm dhe rrezik për t’u devijuar në përdorim nga grupet kriminale. 

Praktika e nxjerrjes së pluhurit piroteknik nga fishekzjarret për ndërtimin e bombave artizanale është e njohur në vende të tjera europiane. Rastet e atentateve me eksplozivë të tillë në vendet e Evropës Perëndimore janë kthyer në një shqetësim permanent.

Ndërkohë, kombinimi i volumeve të larta të import-eksportit, ndalimit të përdorimit privat dhe kontrollit të fragmentuar, krijon një terren të favorshëm në Shqipëri për grupet kriminale që kërkojnë lëndë plasëse të lehta për t’u siguruar dhe të vështira për t’u gjurmuar.

Faktet tregojnë se autoritetet nuk janë në lartësinë e duhur për ta parandaluar prirjen. Përgjigjjet e Prokurorisë së Përgjithshme për Citizens.al tregojnë se organet ligjzbatuese fokusohen kryesisht te pasojat penale, jo te zinxhiri i furnizimit.

Hetimet nisin dhe statistikat mbahen pasi shpërthimet ndodhin, ndërsa nuk ka një databazë të centralizuar që lidh apo ngre dyshime për: fishekzjarret me lëndët plasëse të përdorura në atentate.

Ekspertimi teknik kryhet nga Laboratori Qendror i Kriminalistikës, Sektori i Balistikës, si dhe në Njësinë Speciale Antieksplozivë të Repartit RENEA, por pa një profilizim sistematik kimik, që të gjurmojë origjinën tregtare të materialit të përdorur në bomba artizanale.

Rasti i fishekzjarreve në Shqipëri tregon se ndalimi ligjor, pa transparencë dhe gjurmueshmëri, nuk është i mjaftueshëm. Pa auditim të plotë të zinxhirit tregtar dhe pa lidhje të drejtpërdrejtë mes doganave, licencimit dhe hetimit, tregu formal rrezikon të bjerë në dorën e krimit të organizuar.

Fishekzjarret janë të ndaluara për qytetarët, por jo të pakapshme për krimin. Të dhënat tregojnë qartë për një ekonomi piroteknike aktive, të ligjshme në letra, por me boshllëqe reale kontrolli.

Pyetja që mbetet është, jo nëse ndalimi ekziston, por sa i aftë është shteti shqiptar ta garantojë që një mall i ndaluar si fishekzjarret, të mos kthehet në armë të rëndomtë për krimin.

Lexo gjithashtu:

• “Pa rregulla, pa kufij”, një dokumentar për gjurmët shqiptare në zinxhirin global të kokainës
• Peticion kundër fishekzjarrëve: Qytetarët kërkojnë masa për prishjen e qetësisë publike
• Zjarri te ish-Uzina Dinamo shkrumbon rreth 50 biznese

The post Paradoksi me fishekzjarret: Shqipëria nyje piroteknike e rajonit appeared first on Citizens.al.

MOSKË, 13 janar /ATSH-AA/ – Kompania ruse e energjisë Gazprom njoftoi se vitin e kaluar, për herë të parë, furnizoi më shumë gaz natyror në Kinë sesa në Evropë.

Gazprom tha se kompania vazhdoi të shesë gaz natyror në vendet fqinje në vitin 2025.

Thuhet se kompania rriti dërgesat e saj të gazit natyror në Kazakistan, Uzbekistan dhe Kirgistan me 22,2 për qind vitin e kaluar dhe në Gjeorgji me 40,4 për qind.

Rreth 38,8 miliardë metra kub gaz natyror iu furnizuan Kinës nëpërmjet tubacionit Power of Siberia gjatë kësaj periudhe.

Gazprom, pjesa e tregut e të cilit në Evropë është zvogëluar ndjeshëm për shkak të sanksioneve perëndimore, po ndërmerr hapa për të zhvilluar bashkëpunimin me vendet aziatike për të kompensuar humbjet e saj në sektorin e energjisë.

Përveç tubacionit Power of Siberia, Gazprom po punon edhe në Projektin Power of Siberia 2, i cili është planifikuar të furnizojë gazin rus në Kinë nëpërmjet Mongolisë me një kapacitet vjetor prej 50 miliardë metrash kub.   /os/

The post RUSI – Gazprom ka furnizuar më shumë gaz natyror në Kinë sesa në Evropë në vitin 2025 appeared first on Agjencia Telegrafike Shqiptare.

KIEV, 11 janar /ATSH-DPA/- Presidenti ukrainas, Volodymyr Zelensky ka akuzuar Rusinë për terror të synuar kundër popullit të vendit të tij, pas sulmeve të rënda ajrore gjatë javës së kaluar.

Zelensky postoi sot në media sociale, se brenda javës së kaluar ushtria ruse kishte përdorur kundër Ukrainës rreth 1,100 dronë, 890 bomba të drejtuara dhe 50 raketa dhe raketa kruz, përfshirë raketën balistike me rreze të mesme veprimi “Oreshnik”.

“Armët u lëshuan në objektiva që nuk kanë rëndësi ushtarake, objekte energjie dhe ndërtesa banimi”, tha Zelensky.

“Moska ka pritur qëllimisht që moti i ftohtë ta bënte jetën më të vështirë për ukrainasit e zakonshëm”, shtoi ai.

“Ky është një terror i qëllimshëm dhe cinik rus kundër popullit ukrainas”, shkroi ai.

Zelensky i ilustroi fjalët e tij me klipe videosh – ku tregoheshin mbetjetet e dronëve ndaj objekteve civile në Kiev dhe zonën përreth, si dhe në rajonet e Kharkivit, Khersonit, Dnipropetrovskut, Donetskut, Odesës, Zaporizhias dhe Chernihivit.

Imazhet nga qyteti perëndimor ukrainas i Lvivit, ku goditi raketa “Oreshnik”, nuk u shfaqën.

Kremlini e portretizon bombardimin e vazhdueshëm të Ukrainës si sulme kundër objektivave ushtarake, edhe pse shkatërrimi i centraleve prek popullsinë civile.

Kohët e fundit, Moska ka ngritur akuza për terror kundër Kievit, duke pretenduar se Ukraina dyshohet se ka nisur një sulm me dron në njërën nga rezidencat e presidentit rus Vladimir Putin.

“Zelensky i ka mohuar fuqimisht këto pretendime ndërsa shërbimi i inteligjencës së jashtme amerikane, CIA, arriti në përfundimin se Ukraina nuk e kishte në shënjestër Putinin ose një nga rezidencat e tij”, sipas raporteve të medias amerikane.

Presidenti rus, Vladimir Putin urdhëroi luftën kundër Ukrainës gati katër vjet më parë. //a.i/

The post KIEV – Zelensky akuzon Kremlinin për terror të synuar kundër popullsisë appeared first on Agjencia Telegrafike Shqiptare.

KIEV, 9 janar /ATSH-DPA/- Presidenti ukrainas Volodymyr Zelensky ka akuzuar Rusinë se kërkon të shkatërrojë qytetet e Ukrainës përmes sulmeve të saj të pamëshirshme ajrore.

“Rusët po shfrytëzojnë motin – valën e të ftohtit – dhe po përpiqen të godasin sa më shumë nga objektet tona energjetike”, tha sot Zelensky.

Kohët e fundit, Rusia sulmoi kryeqytetin Kiev, Dnipron, Zaporizhian, Krivyi Rih dhe Odesën.

“Taktika kryesore e Rusisë është të përpiqet të shkatërrojë plotësisht qytetet”, tha Zelensky.

Ai kërkoi që të gjitha administratat e qytetit të ishin të përgatitura dhe të mbronin qytetarët e tyre.

“Në qytetet nën sulm, furnizimet me energji elektrike, ujë dhe ngrohje kanë dështuar. Sulmet treguan se Moskës nuk i intereson diplomacia dhe përpjekjet paqësore të Shteteve të Bashkuara të Amerikës”, tha Zelensky.

“Përdorimi i raketës me rreze të mesme veprimi “Oreshnik” në Ukrainën perëndimore, në kufirin e jashtëm të BE-së dhe NATO-s, ishte një sfidë po aq e madhe për Varshavën, Bukureshtin, Budapestin dhe shumë kryeqytete të tjera”, shtoi ai.

Dje në mbrëmje, ushtria ruse lëshoi raketën “Oreshnik” me kapacitet bërthamor në një objektiv në rajonin e Lvivit.

Kjo është hera e dytë që forcat ruse përdorin këtë armë, e cila ka një rreze veprimi që mund të arrijë Evropën Perëndimore, në luftën e Ukrainës. //a.i/

The post KIEV – Zelensky: Rusia kërkon të shkatërrojë qytetet e Ukrainës appeared first on Agjencia Telegrafike Shqiptare.

Një 33-vjeçar është arrestuar në Suedi me dyshimin për spiunazh për Rusinë. Sipas mediave ndërkombëtare, shtetasi suedez dyshohet se ka punuar ose ka shërbyer në ushtri. “Sipas hetimeve i dyshuari ka bashkëpunuar me shërbimet e inteligjencës ruse “, tha prokurori Mats Ljungqvist në një deklaratë për mediat. Sipas prokurorëve, 33-vjeçari ka spiunuar nga janari 2025 deri në arrestimin e tij më 4 janar të këtij […]

The post I dyshuar për spiunazh për Rusinë, arrestohet në Suedi 33-vjeçari appeared first on BoldNews.al.

Të paktën katër persona u vranë dhe 19 të tjerë u plagosën në Kiev, pasi Rusia ndërmori një sulm masiv me raketa dhe dronë në mbarë Ukrainën gjatë natës, njoftuan sot autoritetet.

Kryetari i bashkisë së Kievit Vitali Kliçko, tha se mes viktimave ishte edhe një mjek, ndërsa katër punonjës shëndetësorë mbetën të plagosur.

”Infrastruktura kritike u godit gjatë sulmit dhe disa zona të qytetit mbetën pa energji elektrike ose pa ujë”, shkroi Kliçko.

Në perëndim të vendit, Komanda Perëndimore e Forcave Ajrore të Ukrainës bëri të ditur se një sulm rus ndaj qytetit të Lvivit u krye me një raketë balistike të paidentifikuar.

Sipas ushtrisë ukrainase, raketa u lëshua nga zona e testimit ”Kapustin Jar” në Rusi, një pikë e njohur lëshimi për raketat balistike “Oreshnik”.

Kryetari i bashkisë së Lvivit, Andriy Sadovyi tha se aktualisht nuk dihet nëse bëhej fjalë për një raketë “Oreshnik”.

MOSKË, 9 janar /ATSH-DPA/ – Rusia ka përdorur raketën e saj me rreze të mesme veprimi dhe me kapacitet bërthamor ”Oreshnik” në një sulm ndaj Ukrainës perëndimore, raportoi sot agjencia e lajmeve TASS, duke cituar Ministrinë ruse të Mbrojtjes.

Ky është sulmi i dytë ndaj Ukrainës ku përfshihet kjo armë.

Sipas ministrisë, sulmi u krye si përgjigje ndaj një akti terrorist të kryer nga Kievi ndaj rezidencës së presidentit rus Vladimir Putin më 29 dhjetor 2025.

Ministria shtoi se objektivat e goditjes u arritën dhe se u shënjestruan objekte që prodhonin mjete ajrore pa pilot (dronë), të cilat dyshohet se janë përdorur në sulmin e pretenduar, si edhe infrastruktura energjetike.

Ukraina ka mohuar se ka kryer ndonjë sulm ndaj rezidencës së Putinit dhe akuzon Moskën se po përdor këtë pretendim të rremë për të justifikuar goditjet ndaj ndërtesave qeveritare në Kiev.

Rusia e përdori për herë të parë raketën ”Oreshnik” kundër Ukrainës në qytetin industrial të Dnipros në nëntor të viitit 2024.

Presidenti Putin ka deklaruar se sistemet perëndimore të mbrojtjes ajrore nuk janë në gjendje ta kapin raketën ”Oreshnik”, emri i së cilës në rusisht do të thotë ”lajthi” dhe se ajo mund të godasë objektiva deri në Evropën Perëndimore.

Analistë ushtarakë perëndimorë thonë se ”Oreshnik” është e aftë të mbajë një koka bërthamore./  /Ad.Ab./ a.jor.

The post MOSKË – Rusia përdori raketën ”Oreshnik” me kapacitet bërthamor në sulmin ndaj Ukrainës appeared first on Agjencia Telegrafike Shqiptare.

MOSKË, 8 janar /ATSH-AFP/ – Rusia paralajmëroi sot se do ta konsiderojë çdo prani perëndimore në Ukrainë një objektiv legjitim për forcat e saj të armatosura, pas njoftimit nga evropianët për qëllimin e tyre për të vendosur mijëra trupa në vend pas luftës.

“Të gjitha këto njësi dhe instalime do të konsiderohen objektiva legjitime ushtarake për forcat e armatosura ruse. Këto paralajmërime janë përsëritur disa herë në nivelin më të lartë dhe mbeten të vlefshme”, tha në një deklaratë zëdhënësja e Ministrisë së Jashtme ruse, Maria Zakharova.

Rusia dënoi edhe deklaratat, “militariste” sipas saj, pas marrëveshjes midis Kievit dhe aleatëve të tij evropianë për të vendosur trupa në Ukrainë pas përfundimit të konfliktit.

“Deklaratat e reja militariste nga i ashtuquajturi Koalicion i të Gatishëmve dhe regjimi i Kievit i bëjnë ata një bosht të vërtetë lufte”, tha Zakharova në një deklaratë./ /Ad.Ab./ a.jor.

The post MOSKË – Rusia do ta konsiderojë çdo prani ushtarake perëndimore në Ukrainë një objektiv legjitim appeared first on Agjencia Telegrafike Shqiptare.

Një video që po qarkullon në internet tregon momentin kur një helikopter rrëzohet në Perm, në Malet Urale të Rusisë, pasi u ngatërrua në linjat e energjisë elektrike. Videoja, e publikuar nga rrjeti televiziv rus RT, tregon helikopterin duke fluturuar në një lartësi relativisht të ulët, duke u ngatërruar në tela dhe më pas duke […]

The post Helikopteri ngatërrohet në kabllo dhe bie, humb jetën milioneri rus (Video) appeared first on BoldNews.al.

Rusia ka reaguar ashpër pas sekuestrimit nga autoritetet amerikane të cisternës Bella 1 (Marinera), e cila lundronte nën flamurin rus, duke e cilësuar veprimin si shkelje të së drejtës ndërkombëtare.

Në një deklaratë zyrtare, Ministria ruse e Transportit akuzoi Shtetet e Bashkuara për shkelje të Konventës së OKB-së për të Drejtën e Detit të vitit 1982, duke theksuar se “asnjë shtet nuk ka të drejtë të përdorë forcë kundër anijeve të regjistruara ligjërisht në juridiksionin e shteteve të tjera”.

Sipas autoriteteve ruse, cisterna kishte marrë një leje të përkohshme për të lundruar nën flamurin rus më 24 dhjetor. Moska thekson se anija ishte e regjistruar në përputhje me rregullat ndërkombëtare, duke e konsideruar sekuestrimin si të pajustifikuar.

Ngjarja pritet të shtojë tensionet mes Rusisë dhe SHBA-së, në një kohë kur marrëdhëniet mes dy vendeve mbeten të acaruara për çështje të shumta gjeopolitike.

The post Cisterna e sekuestruar nga SHBA-ja, vjen reagimi i ashpër i Rusisë: Askush s’ka të drejtë të përdorë forcë ndaj anijeve të huaja appeared first on Albeu.com.

MOSKË, 1 janar /ATSH-DPA/- Forcat pushtuese ruse thanë sot se mbi 24 persona u vranë gjatë një sulmi ukrainas me dron që goditi fshatin Khorly në Detin e Zi, në festën e Vitit të Ri.

Guvernatori në detyrë i rajonit të aneksuar – rajonit jugor ukrainas të Khersonit – që nga 4 tetori 2022, Vladimir Saldo tha se tre dronë ukrainas kishin goditur një kafene në Khorly ndërsa njerëzit po festonin vitin e ri.

Fillimisht, pati raportime për 24 të vdekur, por më vonë u tha se numri i të vrarëve mund të jetë më i lartë.

Imazhet dhe videot që qarkullojnë në media sociale treguan një restorant të djegur në Khorly, një vendpushim i vendosur në një gadishull të vogël që del në Detin e Zi, rreth 70 kilometra nga kryeqyteti rajonal, Kherson.

Saldo tha se midis të vrarëve ishte edhe një fëmijë – duke vënë në dyshim gatishmërinë e presidentit ukrainas, Volodymyr Zelensky për t’i dhënë fund luftës së nisur nga Rusia gati katër vjet më parë.

Pas pushtimit në shkallë të plotë të Ukrainës të nisur më 24 shkurt 2022, Rusia aneksoi në mënyrë të paligjshme rajonin e Khersonit, së bashku me Zaporizhian, Donetskun dhe Luhanskun, edhe pse nuk kontrollon plotësisht asnjë nga këto rajone.

Kontrolli i Khersonit është i ndarë përgjatë lumit Dnipro – me forcat ruse që pushtojnë jugun e rajonit, përfshirë bregdetin e Detit të Zi.

Ministria e Jashtme ruse, Kisha Ortodokse Ruse dhe ligjvënësit rusë shprehën zemërim, ndërsa prokurorët rusë kanë nisur procedurat për terrorizëm

Kievi ende nuk ka komentuar mbi akuzat. Kanali pro-ukrainas i Telegram “Exilenova” tha se kishte pasur sulme të ngjashme në të kaluarën kur forcat pushtuese mblidheshin për festa. //a.i/

The post MOSKË – Rusia: Të paktën 24 të vrarë pas sulmit ukrainas në rajonin e pushtuar të Khersonit appeared first on Agjencia Telegrafike Shqiptare.

UASHINGTON, 1 janar /ATSH-DPA/- Agjencia Qendrore e Inteligjencës Amerikane (CIA) ka arritur në përfundimin se Ukraina nuk e ka shënjestruar presidentin rus, Vladimir Putin ose një nga rezidencat e tij në një sulm të fundit me dron, raportuan sot mediet amerikane.

Media të ndryshme, përfshirë “Wall Street Journal”, si dhe transmetuesit PBS dhe CNN, cituan zyrtarë të paidentifikuar të qeverisë amerikane në raportet e tyre të publikuara të dje në mbrëmje, duke kundërshtuar akuzat serioze të bëra nga Moska në fillim të javës.

Fillimisht, presidenti i SHBA-së Donald Trump kritikoi gjithashtu Ukrainën për sulmin e supozuar – pas një bisede telefonike me presidentin rus, Vladimir Putin.

Kievi ka mohuar fuqimisht, sulmin ndaj një prej rezidencave të Putinit, duke thënë se ky ishte një pretekst rus – për të vazhduar luftën kundër Ukrainës – pavarësisht negociatave të vazhdueshme për paqe dhe gjithashtu për të shënjestruar sërish ndërtesat qeveritare në Kiev me raketa.

Rusia paraqiti dje prova të mundshme të sulmit për herë të parë, duke përfshirë mbetjet e një droni të supozuar ukrainas.

Shumë ekspertë dyshojnë se sulmi i përshkruar nga Rusia ka ndodhur siç është pretenduar.

Trump informohet nga shefi i CIA-s

Duke cituar zyrtarë amerikanë, “Wall Street Journal” raportoi se sulmi kontrovers me dron ukrainas kishte për qëllim objektivin ushtarak në të njëjtin rajon me një nga rezidencat e Putinit – por jo pranë pronës.

“Kjo mbështetet edhe nga një analizë e CIA-s”, tha raporti.

PBS dhe CNN raportuan se Trump ishte informuar dje nga drejtori i CIA-s, John Ratcliffe, në lidhje me zbulimet e shërbimeve sekrete.

Po atë ditë, Trump ndau papritur një artikull nga “New York Post” që ishte shumë kritik ndaj Rusisë në platformën e tij, “Truth Social”.

“New York Post” e portretizoi Putinin si pengesën e vërtetë në rrugën drejt paqes dhe e kritikoi ashpër atë në raport. //a.i/

The post SHBA – CIA hedh poshtë sulmin e pretenduar të Ukrainës ndaj rezidencës së Putinit appeared first on Agjencia Telegrafike Shqiptare.

Diplomatja e lartë e BE-së i ka quajtur pretendimet e Moskës se Ukraina ka shënjestruar bazat e qeverisë ruse një “shpërqendrim të qëllimshëm” dhe një përpjekje për të prishur procesin e paqes.

Komentet e Kaja Kallas në mediat sociale duket se janë një referencë për pretendimin e Kremlinit se Ukraina u përpoq të kryente një sulm me dron në njërën nga rezidencat e Vladimir Putinit.

“Askush nuk duhet të pranojë pretendime të pabaza nga agresori i cili ka synuar pa dallim infrastrukturën dhe civilët e Ukrainës”, shkroi Kallas në rrjetet sociale.

Më herët këtë javë, Moska akuzoi Ukrainën për sulmin ndaj shtëpisë private të Putinit në liqenin Valdai në veriperëndim të Rusisë.

Si rezultat, Rusia do të rishikojë qëndrimin e saj në negociatat e vazhdueshme të paqes, tha Kremlini.

Që kur Ministri i Jashtëm Sergei Lavrov i ndau për herë të parë pretendimet, media shtetërore ruse dhe politikanët e kanë diskutuar sulmin e dyshuar me tone gjithnjë e më nxitëse.

“Sulmi është një goditje në zemër të Rusisë”, tha Andrei Kartapolov, kreu i komitetit të mbrojtjes së parlamentit rus. “Pas asaj që ka bërë [Ukraina], nuk mund të ketë falje.”

Edhe pse Kremlini fillimisht tha se nuk shihte asnjë kuptim në ndarjen e provave të sulmit të supozuar, të mërkurën ushtria ruse publikoi atë që e quajti prova të sulmit të tentuar./abcnews.al

Një depo e madhe nafte është përfshirë nga flakët pas një sulmi me dron ukrainas, njoftojnë autoritetet lokale.

Zjarri po digjet me intensitet të lartë, ndërsa ekipet e zjarrfikësve po përpiqen të vendosin kontrollin mbi situatën dhe të parandalojnë përhapjen e flakëve në zonat përreth.

Shkak i këtij incidenti është një sulm i kryer me dron nga ukrainasit, që ka goditur infrastrukturën e depozitës, duke shkaktuar shpërthime të vogla dhe zjarr të përhapur. Autoritetet kanë evakuuar pjesën e zonës pranë depotës dhe kanë vendosur një perimetër sigurie për të mbrojtur banorët dhe punonjësit.

In Kopaево, Yaroslavl region, an oil depot is burning intensely after a drone strike

Earlier, Ukrainian drones targeted an oil refinery in Tuapse, Krasnodar region. https://t.co/hUQcM66lSz pic.twitter.com/cNyMS5oqwU

— NEXTA (@nexta_tv) December 31, 2025

Ky incident vjen pak ditë pas sulmit të mëparshëm me dron nga Ukraina ndaj një rafinerie nafte në Tuapse, në rajonin Krasnodar.

Sipas ekspertëve, këto sulme synojnë goditjen e infrastrukturës energjetike dhe parandalimin e furnizimit me naftë, duke shkaktuar shqetësime serioze për sigurinë energjetike në rajon.

Zjarret në depotë të tilla janë veçanërisht të rrezikshme për shkak të natyrës së lëndëve të depozituara dhe mund të shkaktojnë shpërthime të mëdha.

Banorët e zonës janë paralajmëruar të shmangin qarkullimin pranë depove dhe të qëndrojnë të sigurt deri në stabilizimin e plotë të situatës.

Edhe ditët e fundit të këtij viti, presidenti rus Vladimir Putin nuk i ka kursyer sulmet në Ukrainë.

Këtë herë, në shënjestër ishte rajoni i Odesës. Ndërsa presidenti ukrainas, Volodymyr Zelensky, është shprehur i gatshëm të takohet me kreun e Kremlinit për bisedimet e paqes.

Rusia ka sulmuar rajonin e Odesës, duke goditur ndërtesa banimi. Shërbimi Shtetëror i Emergjencave të Ukrainës ka publikuar pamjet ku shfaqen ndërtesa në flakë dhe të shkatërruara si pasojë e sulmeve me dronë rusë.

Guvernatori rajonal i Odesës, Oleh Kiper, tha se zjarrfikësit punuan gjatë gjithë natës për të shuar zjarret, ndërsa disa banorë u strehuan në tenda emergjence. Sipas autoriteteve rajonale, katër persona u plagosën, përfshirë një foshnjë 7-muajshe.

Odesa është shënjestruar vazhdimisht nga raketat dhe dronët rusë gjatë gati 4 viteve të luftës, me sulme që shpesh godasin infrastrukturën e energjisë, transportit dhe portit, si dhe zonat e banuara.

Ndërkohë, Kievi është në diskutime me presidentin amerikan, Donald Trump, për praninë e mundshme të trupave amerikane në Ukrainë si pjesë e garancive të sigurisë.

Zelensky ka deklaruar se Ukraina është e përkushtuar të vazhdojë bisedimet për të dhënë fund luftës. Ai gjithashtu shprehu gatishmërinë që të takohet me presidentin rus, Vladimir Putin.

Presidenti rus, Vladimir Putin, tha se vendi i tij beson se do të fitojë në Ukrainë, ku Moska po zhvillon një ofensivë që gati katër vjet.

Këto deklarata ai i bëri në fjalimin për Vitin e Ri. Fjalimi tradicional i Putinit u transmetua fillimisht në gadishullin e largët lindor të Kamçatkës, që është rajoni i parë i Rusisë që hyri në vitin 2026.

Ai u bëri thirrje rusëve të “mbështesin heronjtë tanë” që luftojnë në Ukrainë, duke thënë: “Ne besojmë te ju dhe te fitorja jonë”.

Ai ua uroi Vitin e ri “luftëtarëve dhe komandantëve” në Ukrainë, duke shtuar se “miliona njerëz në mbarë Rusinë, më besoni, po mendojnë për ju”.

Konflikti në Ukrainë ka shkaktuar dëme të mëdha materiale në Ukrainë, teksa humbjet në njerëz të dyja palët vlerësohet se janë të larta.

Shtetet e Bashkuara po udhëheqin përpjekjet për të arritur një marrëveshje për t’i dhënë fund konfliktit më të madh në Evropë që nga Lufta e Dytë Botërore.

Data 31 dhjetor shënon 26-vjetorin e ngritjes në pushtet të Putinit.

Ai u bë president i Rusisë në prag të Vitit të Ri 1999, kur Boris Yeltsin dha dorëheqjen.

WASHINGTON- Koloneli Sami Neziri, i ftuar në emisionin “War Report”, u shpreh se takimi i Donald Trump me Volodymyr Zelenskyn në Shtëpinë e Bardhë nuk “prodhoi asnjë zhvillim sa i takon arritjes së paqes”.

Ai theksoi se takimi i shërben frymës pozitive të negociatave, por në thelb nuk pati asgjë konkrete. Koloneli tregoi dy çështjet e forta për të cilat as Ukraina nuk është e gatshme t’i pranojë në këmbim të paqes.

“Unë besoj se përveç optimizmit nuk pati ndonjë zhvillim. Optimizmi është për të mbajtur gjallë frymën e negociatave. Praktikisht nuk pati zhvillim; ngecja është te territori dhe centrali bërthamor i Zaporizhias. Të dyja palët e kanë të vështirë të bëjnë lëshime. Ukraina nuk lëshon territor, sepse Zelensky nuk e ka tagrin për ta bërë, pasi kjo do të kërkonte referendum. Rusia duhet të marrë diçka në këmbim të katër vjetëve luftë, duhet të justifikojë katër vitet e luftës. Ky ishte vazhdimi i këtyre takimeve, por pa rezultate konkrete. Ukraina mori garanci sigurie. Ajo kërkon garanci sigurie ligjërisht të zbatueshme, të miratuara nga Kongresi dhe nga Parlamenti i Ukrainës.”, tha ai.

Ai komentoi gjithashtu qasjen e ndjekur nga Donald Trump dhe përpjekjet e tij për t’i dhënë fund luftës në Ukrainë, e cila vijon prej vitesh. Sipas kolonelit, Trump dhe administrata e tij kanë pasur luhatje në qëndrimet e tyre.

“Ka pasur luhatje në qëndrimet e tij. Kjo ka filluar që në fushatën e tij elektorale. Ai premtoi se do t’i jepte fund luftës brenda 24 orëve. Ai mendonte se, duke pasur marrëdhënie personale me Putin, do t’i jepte fund luftës. Qëndrimi i administratës Trump ka qenë i luhatshëm.”, shtoi ai./abcnews.al

Presidenti rus, Vladimir Putin, i deklaroi presidentit amerikan Donald Trump se synon të rishikojë pozicionin e tij në negociatat për përfundimin e luftës në Ukrainë, pas një sulmi të pretenduar nga Kievi ndaj një prej rezidencave të tij, sipas Kremlinit.

Yuri Ushakov, këshilltar për politikën e jashtme i Putinit, tha se Trump dhe Putin kanë biseduar përsëri sot, pas takimit dje mes presidentit amerikan dhe presidentit ukrainas, Volodymyr Zelensky në Florida.

Gjatë bisedës telefonike, lideri rus informoi Trumpin se forcat ukrainase supozohet se kanë tentuar të sulmojnë një prej rezidencave të tij presidenciale në rajonin perëndimor të Novgorodit me dhjetëra dronë, një pretendim që u hodh menjëherë poshtë nga Kievi.

Ministri i Jashtëm, Sergei Lavrov, tha se sulmi dje në mbrëmje nuk shkaktoi dëme apo të lënduar, me mbrojtjen ajrore ruse që shkatërroi të gjithë dronët.

Ai akuzoi udhëheqjen ukrainase për praktikimin e terrorizmit shtetëror dhe tha se objektivat për sulme hakmarrëse në Ukrainë tashmë ishin identifikuar.

Ushakov tha se Trump ishte tronditur nga rrëfimi i Putinit.

“Në pamje të terrorizmit shtetëror të ushtruar nga Kievi, pala ruse nuk mund të veprojë ndryshe”, theksoi këshilltari, duke iu referuar një ndryshimi të mundshëm të pozicionit negociues të Rusisë.

”Putin i theksoi Trumpit se pala ruse dëshiron të vazhdojë të punojë ngushtë me partnerët amerikanë për të gjetur mënyra për të arritur paqen”, sipas Ushakov.

Ndërkohë, Zelensky hodhi poshtë pretendimet e Moskës si “gënjeshtra tipike ruse” në disa postime në rrjetet sociale.

Ai tha se Kremlini po përdorte sulmin e trilluar si një pretekst për të përgatitur sulme ruse mbi ndërtesat qeveritare në Kiev.

Megjithëse Trump siguroi se një marrëveshje “mund të jetë shumë afër”, takimi i së dielës me Zelenskyn përfundoi pa asnjë rezultat të prekshëm.

Sipas Ushakov, Trump gjithashtu informoi Putinin për bisedimet e djeshme me Zelenskyn.