Kryeministri në detyrë, Albin Kurti, së bashku me zëvendëskryeministrin në detyrë, Besnik Bislimi, zhvilluan sot një takim me ambasadorët dhe përfaqësuesit diplomatikë të akredituar në Kosovë.

Gjatë këtij takimi, ata i njoftuan të pranishmit mbi fazat e implementimit të Ligjit për të Huajt dhe Ligjit për Automjetet, të cilat janë harmonizuar me legjislacionin e Bashkimit Evropian, si dhe masat që institucionet kosovare do të ndërmarrin për zbatimin e plotë të këtyre ligjeve.

“Faza e parë e zbatimit, e cila nis sot, parasheh një periudhë informimi për qytetarët dhe vizitorët, përmes materialeve informuese në pikat kufitare, fushatave mediatike, sesioneve informuese dhe linjave telefonike. Kjo fazë do të zgjasë deri më 15 mars 2026, kur do të fillojë zbatimi i plotë i ligjeve, me synim lehtësimin e qëndrimit të shtetasve jorezidentë në Kosovë”, thuhet në një njoftim të zyrës për media të Kurtit.

Po ashtu, ai i njoftoi ambasadorët për nevojën e fillimit të integrimit gradual të sistemeve të shëndetësisë dhe arsimit, si pjesë e një qasjeje gjithëpërfshirëse dhe afatgjate, në koordinim me Bashkimin Evropian dhe duke marrë parasysh shqetësimet e komunitetit joshumicë serb në Kosovë.

Në fund të takimit, Kurti ritheksoi përkushtimin e Qeverisë së Kosovës për sundimin e ligjit, zbatimin e barabartë të legjislacionit dhe forcimin e rendit juridik.

Sinjali – aty ku e vërteta flet para lajmit!

/GazetaSinjali/

The post Kurti njofton ambasadorët rreth zbatimit të Ligjit për të Huajt dhe atij për Automjetet appeared first on Sinjali.

Gjykata ka vendosur ta veçojë procedurën penale ndaj ministrit të Punëve të Brendshme në detyrë, Xhelal Sveçla, lidhur me rastin e hedhjes së gazit lotsjellës në Kuvendin e Kosovës në mars 2018. Ndërkohë, shqyrtimi gjyqësor ka vazhduar për ish-deputetët e Lëvizjes Vetëvendosje, Salih Zyba, Fitore Pacolli-Dalipi dhe Drita Millaku.

Ky vendim u mor pasi Sveçla nuk u paraqit as në seancën e sotme. Gjyqtari i rastit, Sabit Sadikaj, sqaroi se i pandehuri ka njoftuar për mungesën e tij përmes një emaili, ku shpjegon se ndodhet jashtë vendit. Ai shtoi se janë plotësuar të gjitha kushtet ligjore që seanca të vazhdojë me të pandehurit e tjerë.

 “Mungesën e ka arsyetuar, i ka dërguar gjykatës email që gjendet jashtë vendit. Pra janë plotësuar kushtet e seancës së shqyrtimit gjyqësor që të vazhdojë me të pandehurit e tjerë”, tha ai.

Avokati i ministrit në detyrë të Punëve të Brendshme, Laur Preni, kërkoi nga gjykata që të ketë konsideratë dhe mirëkuptim për faktin se klienti i tij mban një detyrë me përgjegjësi të lartë shtetërore. Ai tha se për shkak të funksionit që ushtron, Sveçla jo gjithmonë mund të jetë prezent apo i gatshëm t’u përgjigjet ftesave të gjykatës.

“Kërkoj nga gjykata që të ketë konsideratë dhe mirëkuptim për faktin se i mbrojturi im mban një detyrë me përgjegjësi të lartë si ministër në detyrë i Punëve të Brendshme dhe jo çdo herë mund të jetë prezent apo i gatshëm që t’u përgjigjet ftesave nga gjykata”, tha ai.

Prokurori i rastit, Valdrin Krasniqi, deklaroi se Prokuroria nuk e kundërshton vendimin e gjykatës për veçimin e procedurës ndaj Sveçlës, duke vlerësuar se një vendim i tillë i kontribuon efikasitetit të procedimit të mëtejmë të kësaj çështjeje penale.

“Nuk e kundërshtojmë vendimin e gjykatës, duke vlerësuar që kjo i kontribuon efikasitetit të procedimit të mëtejmë të kësaj çështjeje penale”.

Ndërkaq, i pandehuri Salih Zyba e kundërshtoi veçimin e procedurës ndaj Sveçlës, duke shprehur qëndrimin se ndarja e çështjes nuk është e drejtë.

Kundër këtij vendimi u shpreh edhe mbrojtja e Fitore Pacolli-Dalipit. Avokati i saj, Lavdrim Salihu, tha se në kuptim të provave rasti nuk mund të trajtohet si i ndarë, duke shtuar se ndarja e lëndës do të rezultonte në vështirësim të mbrojtjes efektive për palët. Ai theksoi se vepra penale nuk i afrohet parashkrimit as pas tetë vitesh dhe, sipas tij, parimi i efikasitetit nuk cenohet nga vazhdimi i përbashkët i procedurës.

“E kundërshtoj për shkak se në kuptim të provave, nuk mund t’i cilësojmë si raste të ndara, duke shtuar këtu faktin se një ndarje e serisë së lëndës do të rezultonte në vështirësim të një mbrojtjeje efektive për palët. Konsideroj se për shkak se vepra penale nuk arrin parashkrimin edhe për 8 vite, nuk cenohet parimi i efikasitetit në procedurë”, tha ai.

I pandehuri Salih Zyba kërkoi që seanca të shtyhet, duke arsyetuar se mbrojtja nuk i posedon të gjitha shkresat e lëndës.

Sinjali – aty ku e vërteta flet para lajmit!

/GazetaSinjali/

The post Gjykata veçon procedurën ndaj Sveçlës për rastin e hedhjes së gazit lotsjellës në Kuvend appeared first on Sinjali.

Edhe pse ishte lëshuar një paralajmërim për urdhër-arrest për ata që mungojnë në seancë, Xhelal Sveçla nuk është prezent në sallën e gjyqit, ku po zhvillohet seanca për hedhjen e gazit lotsjellës.

Në sallë janë të pranishëm deputetët e Lëvizjes Vetëvendosje, Fitore Pacolli dhe Salih Zyba.

Kujtojmë që në seancën e mbajtur më 31 tetor, gjyqtari Sabit Sadikaj pati paralajmëruar se kushdo që do të mungojë në seancë, ndaj tij do të lëshohet urdhërarrest, me kërkesë eventuale për paraburgim.

“Secila palë që mungon, ndaj asaj pale të lëshohet urdhërarrest dhe kërkesë për caktim të masës së paraburgimit eventual”, pati thënë gjyqtari Sadikaj.

Pacolli, Zyba së bashku me ministrin e Brendshëm në detyrë, Xhelal Sveçla, akuzohen për “hedhje të gazit lotsjellës” në Kuvendin e Kosovës në vitin 2018.

Sinjali – aty ku e vërteta flet para lajmit!

/GazetaSinjali/

The post Pavarësisht paralajmërimit për urdhër-arrest, Sveçla nuk paraqitet në seancën për hedhjen e gazit lotsjellës appeared first on Sinjali.

Ushtria e Izraelit njofton për rrëzimin e një helikopteri Black Hawk gjatë një operacioni rimarrjeje pas uljes emergjente për shkak të motit të keq

Forcat e Mbrojtjes së Izraelit kanë njoftuar se një helikopter Black Hawk u rrëzua këtë mëngjes gjatë përpjekjeve për ta rimarrë, pas një uljeje emergjente që kishte ndodhur më herët gjatë javës për shkak të kushteve të pafavorshme të motit.

Sipas ushtrisë, helikopteri ishte detyruar të aterronte në një zonë të hapur në rajonin Gush Etzion të Bregut Perëndimor për shkak të kushteve të vështira atmosferike.

Gjatë operacionit të rimarrjes sot, aeroplani i dëmtuar u shkëput gjatë transportit ajror dhe u rrëzua.

Autoritetet izraelite nuk raportuar për viktima apo të lënduar, shkruan timesofisrael.

Shefi i Forcës Ajrore Izraelite, Gjenerali Maj. Tomer Bar, ka urdhëruar krijimin e një komiteti hetimor ushtarak për të zbardhur ngjarjen.

Helikopterët Black Hawk, të njohur në Forcën Ajrore Izraelite si Yanshuf, “Dhelpra e natës” përdoren si për misione të zakonshme transporti, ashtu edhe për të zbarkuar dhe rimarrë trupa gjatë operacioneve ushtarake.

דובר צה"ל:

במהלך השבוע (ג'), נחת מסוק מסוג 'ינשוף' בעקבות תנאי מזג האוויר בשטח פתוח בחטיבת עציון.
הבוקר (ו'), במהלך ניסיון איסוף המסוק, אירעה תאונה והמסוק התקול התנתק והתרסק – אין נפגעים.

מפקד חיל האוויר, אלוף תומר בר, הנחה על הקמת ועדת חקירה חיילית לתחקור התאונה. pic.twitter.com/aWp7LqgyOH

— מה חדש. What's new (@Gloz111) January 16, 2026

Sinjali – aty ku e vërteta flet para lajmit!

/GazetaSinjali/

The post Rrëzohet helikopteri “Black Hawk” i forcave izraelite appeared first on Sinjali.

Ky dimër pritet të jetë vendimtar për Atletico Madrid, që ka shumë punë përpara si në dalje ashtu edhe në afrime.

Nga ana tjetër, situata te Real Madrid është edhe më e tensionuar: Xabi Alonso u shkarkua pas humbjes në Superkupën e Spanjës ndaj Barcelonës, ndërsa pasuesi i tij, Alvaro Arbeloa, e nisi aventurën me një eliminim surprizë nga Albacete në Kupën e Mbretit.

Shitje të domosdoshme

Pas investimeve të rëndësishme gjatë verës, drejtuesit e Atleticos nuk kishin në plan të lëviznin shumë këtë janar, përveç rastit kur do të realizoheshin disa shitje.

Fillimisht u shfaq mundësia e largimit të Giacomo Raspadori drejt Romës, por negociatat u zvarritën.

Paralelisht, u hap edhe pista e largimit të Thiago Almada, i transferuar verën e kaluar për 21 milionë euro.

Benfica, Napoli, Gremio dhe së fundmi Palmeiras kanë shprehur interes për mesfushorin argjentinas.

Sipas disa burimeve, lojtari nuk është plotësisht i kënaqur dhe pritet të takohet me agjentët e tij për të analizuar situatën.

Megjithatë, qëndrimi i klubit madrilen ka ndryshuar.

Sipas Estadio Deportivo, Atletico nuk është më i detyruar të shesë, pasi ka realizuar disa operacione të rëndësishme financiare.

Siç analizon edhe gazetarja e FootMercato, Dahbia Hattabi, klubi ka përfituar mbi 60 milionë euro nga shitja e Conor Gallagher te Tottenham për 40 milionë dhe nga transferimi i Raspadorit te Atalanta për 22 milionë euro.

Kjo situatë i lejon Simeones të mos sakrifikojë Almadan, edhe pse e ardhmja e tij mbetet e hapur.

Përforcime në mesfushë

Atletico synon të afrojë një ose dy mesfushorë gjatë këtij muaji.

Ky është objektivi i drejtorit sportiv Mateu Alemany, me mbështetjen e plotë të Diego Simeones.

Aktualisht, në dispozicion janë Pablo Barrios, Koke dhe Johnny Cardoso, por “Cholo” kërkon më shumë energji dhe cilësi.

Sipas Estadio Deportivo dhe mediave angleze, objektiv kryesor është Joao Gomes i Wolverhampton.

Braziliani po spikat në një sezon zhgënjyes për klubin anglez, por çmimi prej 50 milionë eurosh e bën operacionin të vështirë.

Kontrata e tij është e vlefshme deri në vitin 2030 dhe për lojtarin interesohen edhe Napoli dhe Manchester United.

Alternativa të tjera në tryezë

Sipas AS, në listë janë edhe emra të tjerë:

Manu Kone (Roma), me vlerë rreth 50 milionë euro.Kees Smit (AZ Alkmaar), talent 20-vjeçar për të cilin kërkohen 60 milionë.

Ruben Neves, në fund të kontratës me Al-Hilal, që mund të kushtojë rreth 20 milionë euro.

Lamine Camara, finalist i Kupës së Afrikës me Senegalin.

Edhe sulmi në vëzhgim

Përveç mesfushës, Marca raporton se Atletico nuk përjashton afrimin e një lojtari ofensiv, por vetëm nëse ai përmirëson ndjeshëm repartin sulmues.

Aktualisht, Simeone ka në dispozicion Julian Alvarez, Alexander Sorloth dhe Antoine Griezmann, ky i fundit i kërkuar nga klubet meksikane.

Me rreth 62 milionë euro në arkë dhe disa pista të hapura, Atletico Madrid synon të bëjë disa korrigjime të domosdoshme në skuadër gjatë afatit kalimtar të janarit 2026, me ambicien për të mbetur konkurrues në të gjitha frontet. 

Sinjali – aty ku e vërteta flet para lajmit!

/GazetaSinjali/

The post Atletico Madrid trondit tregun e transferimeve appeared first on Sinjali.

Ministria e Punëve të Brendshme ka bërë të ditur se kanë nisur zbatimin udhëzimet informuese për qytetarët dhe vizitorët e huaj lidhur me Ligjin për të Huajt dhe Ligjin për Automjetet, me qëllim të informimit dhe respektimit të rregullave gjatë qëndrimit në Republikën e Kosovës.

Sipas njoftimit, të gjithë shtetasit e huaj që hyjnë në Kosovë janë të obliguar të posedojnë dokument të vlefshëm udhëtimi, vizë ose leje qëndrimi kur kërkohet, si dhe të respektojnë qëllimin dhe afatin e qëndrimit. Po ashtu, ata duhet të lajmërojnë adresën e qëndrimit brenda tri ditësh nga hyrja në Kosovë, të kenë mjete të mjaftueshme për jetesë dhe të respektojnë ligjet e vendit.

MPB thekson se qëndrimi afatshkurtër pa vizë lejohet deri në 90 ditë brenda një periudhe 180-ditore, ndërsa puna gjatë kësaj kohe pa leje pune është rreptësisht e ndaluar. Çdo qëndrim mbi këtë afat kërkon aplikim për lejeqëndrim. Për punësim, kërkohet leje qëndrimi e përkohshme dhe leje pune, e cila aplikohet pranë Agjencisë së Punësimit.

Për qëllime të tjera si studimi, ribashkimi familjar, arsye humanitare apo kërkime shkencore, të huajt duhet të pajisen me lejeqëndrim të përkohshëm dhe të plotësojnë kriteret ligjore përkatëse. MPB paralajmëron se shkeljet e ligjit mund të rezultojnë me gjoba, anulim të lejeqëndrimit, urdhër për largim nga vendi apo ndalim të hyrjes në Kosovë.

Sa i përket Ligjit për Automjetet, MPB njofton se automjetet e regjistruara jashtë Kosovës mund të qarkullojnë deri në tre muaj nga data e hyrjes në vend. Automjetet e huaja nuk mund të drejtohen nga shtetas kosovarë pa praninë e pronarit, ndërsa për raste të veçanta kërkohen autorizime dhe rregullim i qëndrimit jashtë vendit.

Gjithashtu, shtetasit e huaj dhe qytetarët e Kosovës që kthehen nga jashtë vendit mund të përdorin patentë shofer të huaj të vlefshme deri në një vit nga data e hyrjes në Kosovë.

MPB bën të ditur se zbatimi i plotë i këtyre ligjeve do të fillojë më 15 mars 2026 dhe çdo mosrespektim i rregullave pas kësaj date do të trajtohet sipas legjislacionit në fuqi, përfshirë edhe ndalimin e hyrjes në Republikën e Kosovës.

Sinjali – aty ku e vërteta flet para lajmit!

/GazetaSinjali/

The post MPB: Nga sot hyjnë në fuqi rregulla të reja për të huajt dhe automjetet appeared first on Sinjali.

Edhe këtë javë, Telegrafi Jobs sjell mundësi të reja punësimi për të gjithë ata që synojnë të nisin një kapitull të ri në karrierën e tyre profesionale.

Me konkurse të reja në administratë, teknologji, marketing, financa, shitje dhe fusha të tjera, platforma u hap dyert si profesionistëve me përvojë, ashtu edhe të rinjve që po hedhin hapat e parë drejt karrierës së tyre.

Për punëdhënësit, Telegrafi Jobs vazhdon të mbetet një nga kanalet më efektive për rekrutim, duke ofruar zgjidhje të personalizuara publikimi, shtrirje të gjerë dhe prezencë të fuqishme në ekosistemin digjital të Telegrafit. Kjo u mundëson kompanive që shpalljet e tyre të arrijnë te kandidatët e duhur, në kohën e duhur.

Ndërkohë, për punëkërkuesit, platforma është ndërtuar për një përvojë sa më të thjeshtë dhe funksionale: kërkim intuitiv, aplikim i shpejtë dhe akses nga çdo pajisje. Çdo javë hapen mundësi të reja që mund të bëhen hapi vendimtar drejt zhvillimit profesional.

Për më shumë detaje dhe për të aplikuar në konkurset aktuale, vizitoni www.jobs.telegrafi.com dhe zbuloni mundësitë e reja të kësaj jave.

Pranues Malli; Arkatare; Sektorist/e;

Apliko Tani!

Përgaditës Malli / Depoist

Apliko Tani!

Kontroller (Pranim ose Ngarkim te Mallrave)

Apliko Tani!

Vozites B

Apliko Tani!

Pranues Malli, Arkatare, Sektorist/e

Apliko Tani!

Vozitës - Kategoria C, Punëtor në Depo

Apliko Tani!

Head of Product Management

Apliko Tani!

Head of Sales

Apliko Tani!

Lajmi se fituesja e Çmimit Nobel për Paqen, Maria Corina Machado, ia ka dorëzuar medaljen e saj presidentit amerikan Donald Trump ka shkaktuar mosbesim dhe reagime të forta në mediat norvegjeze, si dhe në qarqet profesionale.

Trump, i cili prej kohësh ka shprehur dëshirën për ta marrë këtë vlerësim, e pranoi medaljen nga udhëheqësja e opozitës venezuelase gjatë një takimi në Shtëpinë e Bardhë.

Machado ia dorëzoi medaljen Trumpit duke e cilësuar atë si “një vlerësim për përkushtimin e tij unik ndaj lirisë sonë”. Ajo është përjashtuar nga procesi i tranzicionit të pushtetit në Venezuelë që prej 3 janarit, kur forcat amerikane rrëzuan Nicolas Maduron, megjithëse regjimi i tij mbeti në pushtet.

Presidenti amerikan, i cili pretendon se e meriton Çmimin Nobel për Paqen pasi, sipas tij, gjatë mandatit të dytë ka kontribuar në zgjidhjen e disa konflikteve, më herët kishte shprehur pakënaqësi ndaj vendimeve të Komitetit Norvegjez të Nobelit, raportojnë mediat.

“Kjo është krejtësisht e papranueshme”, deklaroi për televizionin publik NRK Janne Haaland Matlary, profesoreshë në Universitetin e Oslos dhe ish-politikane. “Ky veprim përbën mungesë të plotë respekti ndaj çmimit”, tha ajo, duke e cilësuar atë si “të pakuptimtë” dhe “patetik”.

Ndërkohë, Komiteti Norvegjez i Nobelit theksoi javën e kaluar, përmes një deklarate zyrtare, se Çmimi Nobel nuk mund të ndahet dhe as të transferohet.

Çmimi Nobel për Paqen konsiderohet një nga vlerësimet më prestigjioze në botë për përpjekjet në fushën e diplomacisë dhe paqes.

“Kjo është jashtëzakonisht e turpshme dhe e dëmshme për një nga çmimet më të njohura dhe më të rëndësishme në botë”, shkroi në një postim në Facebook, Raymond Johansen, ish-kryetar i bashkisë së Oslos nga Partia Laburiste në pushtet.

“Dhënia e çmimit është tani aq e politizuar dhe potencialisht e rrezikshme, saqë mund të legjitimojë lehtësisht zhvillime që bien ndesh me vetë idenë e paqes”, shkroi ai.

Ai është një nga pesë Çmimet Nobel të themeluara me testamentin e Alfred Nobelit, shpikësit suedez të dinamitit, i cili vdiq në vitin 1896. /Telegrafi/

Kryeministri Hristijan Mickoski nuk tregoi se kur do të zhvillohet takimi mes tij dhe liderit të BDI-së Ali Ahmeti, të cilin e paralajmëroi ky i fundit në deklaratën pas takimit të liderëve.

Ai tha se nuk është caktuar data e takimit.

“Unë në funksionimin tim të rregullt politik takohem me të gjithë liderët e partive politike, kështu që në korniza të atyre takimeve supozoj se do të takohem edhe me zotri Ahmetin”, tha Mickoski.

Kryeministri poashtu akuzoi partinë opozitare maqedonase LSDM-në se po sulmon partnerët strategjik të Maqedonisë.

“Më vjen keq që opozita, pas kritikave të ashpra dhe të shumta ndaj partnerit tonë strategjik, Mbretërisë së Bashkuar, tani po bën të njëjtën gjë ndaj Shteteve të Bashkuara”, tha kryeministri Hristijan Mickoski, i pyetur për vendimin e SHBA-së në lidhje me kriteret e reja për lëshimin e vizave për hyrje në Shtetet e Bashkuara.

Kryeministri poashtu konfirmoi se Qeveria ka vendosur një kuotë për lëshimin e vizave të punës për shtetasit e huaj në vend.

"Vizat janë lëshuar në të gjithë sektorët ku ka pasur nevojë deri më tani. Nuk ka përjashtime shtesë. Këta janë sektorët që janë hartëzuar nga Oda Ekonomike dhe punëdhënësit", tha Mickoski/Telegrafi/

Ish-drejtoresha e Arsimit në Komunën e Gjakovës, Eranda Kumnova-Baçi, ka njoftuar sot dorëheqjen e saj nga të gjitha strukturat e Aleancës për Ardhmërinë e Kosovës (AAK) dhe se do të vijojë të jetë anëtare e pavarur e Asamblesë Komunale.

Në një deklaratë publike, Kumnova-Baçi shkroi: "Sot kam marrë vendimin të largohem nga partia ku kam dhënë kontributin tim politik dhe njerëzor. Në Asamblenë komunale do të jem e pavarur dhe jo pjesë e AAK-së".

Ajo theksoi përkushtimin e saj gjatë katër viteve si drejtoreshë e Arsimit.

"Jam përkushtuar që shkollat të jenë paralelisht me kushte të njëjta, kam inicuar projekte që shërbejnë të mirës së përbashkët, filluam hapat e parë për digjitalizimin dhe kam trajtuar çdo sfidë me angazhim maksimal. Dera ime ka qenë gjithmonë e hapur për qytetarët, nxënësit, prindërit, mësimdhënësit dhe drejtorët e shkollave pa asnjë dallim", thuhet më tej në postim.

Sipas saj, arsyeja e largimit është e thjeshtë.

"Puna, përkushtimi dhe integriteti nuk vlerësohen, ndërsa shpërblehen antivlera dhe servilizmi. Nuk mund dhe nuk dua të jem pjesë e një dege politike që tashmë e ka humbur busullën morale dhe politike. Politika pa vlera është thjesht pushtet pa dinjitet, dhe unë zgjedh të mbetem në anën e parimeve", ka shkruar ajo.

Në fund, Kumnova Baçi falënderoi qytetarët dhe bashkëpunëtorët për mbështetjen.

"Falenderoj familjen, bashkëpunëtorët dhe votuesit e mi, për mbështetjen e pakushtë edhe në marrjen e këtij vendimi", përfundon njoftimi i Kumnova-Baçit

Ky vendim vjen në një moment kur komuniteti lokal është duke ndjekur me interes zhvillimet politike dhe të ardhmen e udhëheqjes në Gjakovë. /Telegrafi/

Edhe sot në seancën gjyqësore për hedhjen e gazit lotsjellës në Kuvend në vitin 2018 nuk është prezent ministri në detyrë i Punëve të Brendshme, Xhelal Sveçla dhe trupi gjykues propozoi të veçohet procedura për Xhelal Sveçlën.

Avokati i Xhelal Sveçlës, Laur Prenaj arsyetoi mungesën e ministrit në detyrë, Xhelal Sveçlës, ndërsa këkroi mirëkuptim.

“Kërkoj nga gjykata që të ketë konsideratë dhe mirëkuptim në faktin se i mbrojturi im mban një detyrë me përgjegjësi të lartë si ministër në detyrë i Punëve të Brendshme dhe jo çdo herë mund të jetë prezent apo i gatshëm që t’i përgjigjet ftesave nga gjykata”, tha ai.

Gjyqtari, Sabit Sadiku tha se me e-mail Sveçla ka njoftuar se gjendet jashtë vendit.

“Ka dërguar e-mail, gjendet jashtë vendit”, tha ai.

Ndërsa, prezent ishin edhe ish-deputetët e LVV-së, Sali Zyba, Fitore Pacolli dhe Drita Millaku. /Telegrafi/

Ylli i Bayern Munich, Jamal Musiala, i cili ka qenë jashtë fushave për shtatë muaj për shkak të një dëmtimi të rëndë, mund të luajë në ndeshjen e së shtunës në ligë kundër RB Leipzig, ka konfirmuar trajneri Vincent Kompany.

Musiala u lëndua në korrik të vitit të kaluar gjatë Kupës së Botës për Klube, kur theu fibulën dhe dëmtoi ligamentet në kyçin e këmbës së majtë në një përplasje me portierin e PSG-së, Gianluigi Donnarumma.

"Nëse gjithçka shkon mirë sot, Musiala do të jetë me ne. Nuk pres që ai të jetë një lojtar dominues menjëherë, por të integrohet ngadalë në ekip dhe në një moment të jetë 100 për qind i gatshëm”.

“Kur rikthehesh pas një pushimi të gjatë, i vlerëson gjërat më shumë se më parë. Shoh shumë energji pozitive te Musiala pasi del nga tuneli i errët", ka thënë Kompany.

Bayerni dominon edhe pa të

Musiala shënoi 21 gola dhe dha tetë asistime për Bayernin sezonin e kaluar.

Por, pavarësisht mungesës së tij, kampionët gjermanë po dominojnë Bundesligën, duke fituar 15 nga 17 ndeshjet e tyre me një diferencë mbresëlënëse golash prej 66:13. Borussia Dortmund, e vendit të dytë, është 11 pikë pas Bayernit.

Kthimi i tij do të thotë shumë edhe për ekipin kombëtar gjerman. Musiala ka shënuar tetë gola dhe ka dhënë po aq asistime në 40 paraqitje për ekipin kombëtar. /Telegrafi/

Ministri në detyrë i Mbrojtjes i Republikës së Kosovës, Ejup Maqedonci, është nderuar me përfshirje në Sallën e Famës (Hall of Fame) të Kolegjit të Komandës dhe Shtabit të Përgjithshëm të Ushtrisë së Shteteve të Bashkuara të Amerikës (U.S. Army Command and General Staff College).

Lajmin e ka bërë të ditur vetë Maqedonci përmes një postimi në Facebook, ku ka njoftuar se ceremonia solemne është mbajtur në Fort Leavenworth, me ç’rast është zbuluar portreti i tij fotografik, i cili do të vendoset në galerinë e personaliteteve të shquara, si dhe i është dorëzuar certifikata e nderit për arritje të jashtëzakonshme.

“Shumë i nderuar për përfshirjen dhe nderimin në Sallën e Famës (Hall of Fame), në Kolegjin e Komandës dhe Shtabit të Përgjithshëm të Ushtrisë së Shteteve të Bashkuara të Amerikës. Kjo është një mirënjohje dhe nderim për popullin dhe shtetin e Kosovës, si dhe për mua si ushtarak dhe Ministër i Mbrojtjes i Republikës së Kosovës”, ka shkruar Maqedonci.

Ai ka theksuar se këtë mirënjohje ua kushton bashkëluftëtarëve të Ushtrisë Çlirimtare të Kosovës, pjesëtarëve të Trupave Mbrojtëse të Kosovës dhe Forcës së Sigurisë së Kosovës, si dhe Qeverisë dhe qytetarëve të Kosovës.

“Këtë mirënjohje ia përkushtoj bashkëluftëtarëve të UÇK-së, shokëve me të cilët kam shërbyer në TMK, të gjithë oficerëve dhe pjesëtarëve të FSK-së, Qeverisë së Republikës së Kosovës, si dhe popullit të atdheut tim”, ka theksuar ai.

Maqedonci ka rikujtuar se tre muaj më parë, më 14 tetor 2025, portreti i tij ishte vendosur edhe në Sallën e Famës të Kolegjit të Luftës së Ushtrisë së Shteteve të Bashkuara të Amerikës (U.S. Army War College) në Pensilvani.

“Duke qenë ushtaraku i parë nga Kosova që i janë bërë këto nderime në këto dy kolegje prestigjioze amerikane, ndihem thellësisht krenar për mundësitë që më janë dhënë ndër vite për t’i shërbyer vendit tim”, ka shkruar ministri në detyrë i Mbrojtjes.

Në fund të mesazhit të tij, Maqedonci ka theksuar se do të vazhdojë shërbimin me përkushtim dhe përgjegjësi ndaj detyrës, misionit dhe atdheut. /Telegrafi/

Klubi basketbollistik, GO+ Peja ka njoftuar opinionin publik se, me marrëveshje të dyanshme, ka ndërprerë bashkëpunimin me trajnerin Greg Gibson.

Vendimi është marrë pas diskutimeve konstruktive mes dy palëve, duke vlerësuar rrethanat aktuale dhe objektivat e klubit për fazat e ardhshme të garave.

Gjatë këtyre gjashtë muajve në krye të skuadrës, trajneri Gibson ka dhënë kontributin e tij profesional në zhvillimin e ekipit.

Klubi i uron Greg Gibson suksese të mëtejshme në hapat e ardhshëm të karrierës së tij profesionale dhe mbetet mirënjohës për gjithçka që ka dhënë për ekipin.

“GO+ Peja njofton se me marrëveshje të dyanshme ka ndërprerë bashkëpunimin me trajnerin Greg Gibson”.

“E falenderojmë trajnerin Gibson për kontributin e tij këto 6 muaj, duke i uruar suksese në etapat e ardhshme të karrierës”, thuhet në njoftimin e klubit pejan.

GO+ Peja do të njoftojë në ditët në vijim për hapat e ardhshëm dhe për zgjidhjen e re në stafin teknik. /Telegrafi/

MPB njofton se ka ndodhur një aksident trafiku në rrugën Manastir-Prilep në të cilën është lënduar një person.

"Më 15.01.2026, në orën 23:32, SPB Manastir pranoi informacionin se në rrugën rajonale Manastir - Prilep, një automjet udhëtarësh "Ford Eskort" me targa të Prilepit, i drejtuar nga F.B. (25) nga Prilepi, kishte dalë nga rruga.

Si pasojë e aksidentit ka pësuar lëndime të rënda trupore shoferi, të konstatuara në Spitalin Klinik të Prilepit. Ekipi i inspektimit nga SPB Manastir këqyri situatën në vendngjarje", thonë nga MPB.

Kryeministri në detyrë i Kosovës, Albin Kurti, priti në takim ambasadorët të ngarkuarit me punë, shefat e misioneve diplomatike dhe përfaqësues diplomatikë të akredituar në Kosovë.

Sipas një njoftimi për media bëhet e ditur se në kuadër të komunikimit të rregullt dhe zhvillimeve të fundit, Kurti dhe zëvendëskryeministri Besnik Bislimi, i njoftuan për fazat e zbatimit të Ligjit për të Huaj dhe Ligjit për Automjete, ligje këto të harmonizuara me legjislacionin e Bashkimit Evropian dhe veprimet afirmative, që institucionet e Republikës së Kosovës do të ndërmarrin për zbatimin e plotë të këtyre dy ligjeve.

“Faza e parë e zbatimit, e cila nis sot, parasheh një periudhë informimi mbi zbatimin e dispozitave ligjore. Vizitorët që hyjnë në vendkalimet kufitare do të pajisen me materiale informuese, të cilat ofrojnë udhëzime të qarta mbi të drejtat, detyrimet dhe procedurat përkatëse që rrjedhin nga legjislacioni në fuqi. Paralelisht do të organizohen sesioneve informuese me qytetarë, fushatë informimi përmes medieve, linja telefonike informuese, etj. Kjo fazë do të zgjasë deri më datën 15 mars të këtij viti, kur fillon zbatimi i plotë. Zbatimi i Ligjit për të Huajt dhe Ligjit për Automjetet synon lehtësimin e qëndrimit të shtetasve jorezidentë në Kosovë”, thuhet në njoftim.

Tutje në njoftim thuhet se kryeministri informoi ambasadorët e pranishëm mbi domosdoshmërinë e fillimit të integrimit gradual të sistemeve të shëndetësisë dhe arsimit, si pjesë e një qasjeje gjithëpërfshirëse dhe afatgjate.

“Kryeministri tha se ky proces integruese do të bëhet në koordinim me Bashkimin Evropian dhe duke siguruar që brengat dhe këshillat e komunitetit joshumicë serb në Kosovë merren në konsideratë. Kryeministri ritheksoi përkushtimin e Qeverisë së Republikës së Kosovës për sundimin e ligjit, zbatimin e barabartë të legjislacionit dhe forcimin e rendit juridik, duke u shprehur se periudha në vijim është thelbësore për funksionalizimin e plotë të këtyre proceseve”, thuhet në njoftim. /Telegrafi/

Këngëtarja amerikane Jennifer Lopez shkaktoi reagime nga përdoruesit e rrjeteve sociale pasi, sipas mendimit të tyre, ajo ishte e pasjellshme me kameramanin Cole Walliser në ndarjen e çmimeve Golden Globe në Los Angeles.

Ai ishte përgjegjës për kamerën e Glambot. Ata shkëmbyen një përshëndetje të shkurtër, pastaj ai i shpjegoi asaj se si të pozonte.

"Është kënaqësi që të shoh përsëri. Dukesh për mrekulli. Qëndro mbi yll, po, atje", tha ai. Pastaj e pyeti nëse kishte ndonjë ide për ndonjë lëvizje apo nëse thjesht do të shikonte kamerën dhe do të pozonte apo do të kthehej.

Jennifer Lopez nuk iu përgjigj kësaj pyetjeje, por u kthye dhe pozoi. Ai vazhdoi t'i shpjegonte asaj se si do ta regjistronte kamera dhe tha: "3, 2, 1, aksion".

Ajo pozoi, dhe ai e komplimentoi: "Dominuese si zakonisht. Faleminderit shumë. Faleminderit djema". Këngëtarja i bëri me dorë dhe vazhdoi të ecte. Shumë veta besuan se ajo e injoroi dhe e kritikoi.

"Ajo as nuk i foli", "A ishte e pasjellshme apo po sillej thjesht vetvetja?", "Asnjë buzëqeshje? Asnjë përshëndetje? Asgjë?", "Unë besoj çdo thashethem që kam dëgjuar për të", janë disa nga komentet.

Spitali i Përgjithshëm në Pejë ka shënuar rritje të ndjeshme të numrit të ndërhyrjeve kirurgjikale gjatë vitit të kaluar, duke realizuar gjithsej 3,279 operime, apo rreth 9 për qind më shumë krahasuar me vitin paraprak.

Sipas njoftimit të spitalit, ky volum pune nënkupton një mesatare prej rreth 13 operimesh të kryera në çdo ditë pune, duke reflektuar përkushtim të lartë profesional dhe përgjegjësi maksimale ndaj pacientëve.

Nga menaxhmenti i Spitalit të Përgjithshëm në Pejë theksohet se këto rezultate janë dëshmi e kapaciteteve profesionale të stafit shëndetësor, funksionimit të qëndrueshëm të reparteve kirurgjikale dhe besimit të vazhdueshëm të qytetarëve në shërbimet shëndetësore që ofron ky institucion.

Sa i përket repartit me numrin më të madh të operimeve, kryeson Kirurgjia me 1,453 ndërhyrje, e ndjekur nga Obstetrika me 633 operime dhe Urologjia me 433 operime.

Spitali i Përgjithshëm në Pejë vlerëson se këto shifra pasqyrojnë angazhimin e vazhdueshëm për ofrimin e shërbimeve cilësore dhe përmirësimin e vazhdueshëm të kujdesit shëndetësor për qytetarët e Pejës dhe rajonit. /Telegrafi/

Klubi nga Podujeva, Llapi ka njoftuar zyrtarisht shitjen e sulmuesit Axel Gnapi te klubi rus, FC Fakel Voronezh, i cili bën pjesë në nivelin e dytë të futbollit rus.

Gjatë ditës së sotme (e premte), Llapi ka njoftuar marrëveshjen e transferimit të Gnapit te rusët e Fakel Voronezh.

“KF Llapi njofton opinionin dhe tifozët se ka arritur marrëveshje me klubin FC Fakel Voronezh për transferimin e sulmuesit, Axel Gnapi”, thuhet fillimisht në njoftimin e Llapit.

“Pas interesimit të vazhdueshëm të klubit rus, KF Llapi ka rënë dakord për kushtet e ofruara dhe ka vendosur ta lirojë futbollistin”.

“KF Llapi e vlerëson maksimalisht angazhimin dhe profesionalizmin e treguar nga Gnapi gjatë këtyre muajve dhe i uron atij shumë suksese në vazhdim të karrierës së tij profesionale”, mbyllet njoftimi pa specifikuar shifrat e transferimit.

Ndryshe, Gnapi iu bashkua Llapit në korrik të vitit të kaluar nga FC Prishtina, ndërsa gjatë qëndrimit të tij te klubi llapjan u paraqit në 15 ndeshje kampionale, ku realizoi 7 gola dhe regjistroi 4 asistime.

Në anën tjetër, Fakel Voronezh zë vendin e parë në Ligën e Dytë Ruse, pasi pas 21 xhirove të zhvilluara ka mbledhur plotë 48 pikë dhe është pretendenti kryesor për t’u ngjitur në Superligë. /Telegrafi/

Në Qendrën Korrektuese të Dubravës, zyrtarët korrektues, në bashkëpunim me Policinë e Kosovës, kanë realizuar një operacion të gjerë bastisjeje me qëllim parandalimin e veprimtarive të kundërligjshme dhe rritjen e sigurisë brenda institucionit.

Sipas një njoftimi bëhet e ditur se gjatë operacionit janë kontrolluar të gjitha hapësirat e brendshme, përfshirë dhomat e të burgosurve, si dhe hapësirat e jashtme, salla e sportit dhe ambientet e tjera përcjellëse.

"Në aksion kanë marrë pjesë edhe zyrtarë korrektues nga institucione të tjera, si dhe njësiti special K9. Pas përfundimit të bastisjes nuk është gjetur asnjë send i kundërligjshëm. Gjatë kontrollit janë larguar sende të tepërta nga dhomat e të burgosurve dhe hapësirat e përbashkëta", thuhet në njoftim.

Shërbimi Korrektues i Kosovës falënderon të burgosurit për mirëkuptimin dhe bashkëpunimin gjatë këtij aksioni, i cili ka për synim ruajtjen e sigurisë dhe krijimin e një ambienti korrektues të qetë dhe të sigurt. /Telegrafi/