Kalaja e Rozafës po hyn në një periudhë të re ndërhyrjesh, ku krahas mbrojtjes së monumentit historik, vëmendje e veçantë do t’i kushtohet edhe mënyrës se si vizitorët e përjetojnë një prej simboleve më të njohura të Shkodrës.
Projekti i ri synon të përmirësojë infrastrukturën dhe kushtet e pritjes së turistëve, ndërsa ndërhyrjet në kompleksin e kalasë do të orientohen drejt restaurimit dhe ruajtjes së vlerave të saj historike e arkitektonike.
Nisma mbështetet nga Banka Evropiane për Rindërtim dhe Zhvillim (BERZH), ndërsa financimi realizohet përmes Fondit Shqiptar të Zhvillimit, në bashkëpunim me institucionet përgjegjëse për trashëgiminë kulturore dhe Bashkinë Shkodër.
Një pjesë e rëndësishme e projektit lidhet me aksesin dhe organizimin e lëvizjes së vizitorëve. Në plan janë përfshirë masa për menaxhimin e transportit, si dhe krijimi i një stacioni të ri autobusi, me synimin për ta bërë mbërritjen dhe orientimin drejt monumentit më të përshtatshëm për turistët.
Paralelisht, ndërhyrjet do të shtrihen edhe në hapësirat e kompleksit monumental, ku synohet restaurimi dhe valorizimi i elementeve që dëshmojnë historinë e gjatë të Kalasë së Rozafës. Qëllimi është që zhvillimi i saj si destinacion turistik të shkojë paralelisht me ruajtjen e identitetit dhe autenticitetit të monumentit.
Interesi i vizitorëve ndaj kalasë është i konsiderueshëm. Vetëm gjatë korrikut të vitit 2026, monumenti priti 23,678 turistë, sipas të dhënave të Drejtorisë Rajonale të Trashëgimisë Kulturore Shkodër.
E ngritur mbi kodrën që shtrihet mbi qytet, Kalaja e Rozafës është një nga pikat më karakteristike të Shkodrës. Pozicioni i saj i ofron vizitorëve një pamje të gjerë mbi qytetin, liqenin dhe peizazhin përreth, duke e bërë njëkohësisht monument historik dhe një prej destinacioneve kryesore turistike të veriut të Shqipërisë.
Me ndërhyrjet e reja, synohet që kjo trashëgimi të ruhet për brezat e ardhshëm, ndërsa përvoja e vizitorëve dhe infrastruktura rreth saj të përshtaten me numrin gjithnjë në rritje të turistëve./Kultplus.com
Një ngjarje e rëndë ka ndodhur mbrëmjen e sotme (6 gusht) në Roskovec, ku një 69-vjeçar ka humbur jetën pasi dyshohet se ka pësuar arrest kardiak.
Burime zyrtare policore thanë paraprakisht se ai ishte i pranishëm gjatë një konflikti të çastit mes djalit të tij dhe një shtetasi tjetër.
Pas ngjarjes, 69-vjeçari është ndjerë keq dhe është transportuar drejt Qendrës Shëndetësore të Roskovecit. Ai është dërguar në spital pa shenja jete. Viktima është identifikuar si Baftiar Vrapi, banues në Roskovec.
“Rreth orës 20:00, shtetasi me iniciale Baftiar Vrapi, 69 vjeç, banues në Roskovec, është dërguar pa shenja jete në Qendrën Shëndetësore Roskovec. Nga veprimet e para hetimore dyshohet se 69-vjeçari ka pësuar arrest kardiak, pasi ka qenë i pranishëm gjatë një konflikti të çastit ndërmjet djalit të tij dhe një shtetasi tjetër, pa qenë vetë i përfshirë në konflikt”, njoftoi policia vendore.
Dyshimet e para janë se shkaku i vdekjes është një arrest kardiak. Në vendngjarje kanë nisur menjëherë veprimet hetimore.
Grupi hetimor po punon për zbardhjen e plotë të rrethanave të kësaj ngjarjeje.
Një fotografi mund të ruajë një fytyrë, një rrugë, një zakon apo një moment që nuk kthehet më. Në Muzeun Kombëtar të Fotografisë “Marubi” në Shkodër, kjo ide merr një dimension më të gjerë, pasi dy kapituj të rëndësishëm të fotografisë shqiptare prezantohen pranë njëri-tjetrit: trashëgimia e dinastisë Marubi dhe krijimtaria e Gjon Milit.
Përmes ekspozitës së përhershme “Dinastia Marubi”, muzeu hap një dritare drejt Shqipërisë së shekullit XIX. Koleksioni i fotografive të realizuara ndër vite nga Marubët dokumenton një shoqëri në ndryshim, duke ruajtur portrete, veshje, tradita dhe momente nga jeta e përditshme. Materiali fotografik shërben kështu edhe si një dëshmi e çmuar për mënyrën se si është formësuar kujtesa vizuale e vendit.
Në një tjetër drejtim të këtij rrëfimi qëndron Gjon Mili. I lindur në Korçë më 1904, ai u shpërngul në Shtetet e Bashkuara në vitin 1923, ku do të ndërtonte një karrierë që e vendosi në mesin e emrave të rëndësishëm të fotografisë eksperimentale.
“Gjon Mili: Retrospektivë”, kuruar nga Howard Greenberg, sjell në Shkodër një përzgjedhje fotografish dhe materialesh arkivore nga koleksionet e Howard Greenberg Gallery. Përmes tyre bëhet e dukshme një qasje krejt tjetër ndaj aparatit fotografik: jo vetëm të kapësh një çast, por të luash me mënyrën se si ai çast mund të shihet.
Mili e shndërroi dritën dhe lëvizjen në elemente të vetë fotografisë. Eksperimentet e tij me ekspozimin dhe gjurmët e lëvizjes krijuan imazhe ku koha nuk fshihet, por bëhet e dukshme. Kështu, fotografia merr një karakter më dinamik dhe artistik, duke u larguar nga funksioni i saj tradicional dokumentues.
Nëse Marubët na tregojnë se si fotografia mund të bëhet një arkiv i një shoqërie, Mili dëshmon se ajo mund të jetë edhe një hapësirë eksperimentimi. Njëri e ruan kohën përmes imazhit, tjetri e sfidon mënyrën se si koha regjistrohet në të.
Pikërisht ky kontrast i bën dy ekspozitat të plotësojnë njëra-tjetrën. Nga negativët e xhamit dhe fotografitë që sot kanë vlerën e dokumenteve historike, te eksperimentet me dritën dhe lëvizjen, “Marubi” krijon një rrëfim që shtrihet përtej një periudhe të vetme.
Në Shkodër, fotografia shqiptare shfaqet kështu si një histori që ka ditur të ruajë të kaluarën, por edhe të kërkojë forma të reja shprehjeje. Marubët dhe Gjon Mili, secili në kohën dhe gjuhën e vet, dëshmojnë se një aparat fotografik mund të bëjë më shumë sesa të ndalë një moment: mund të ruajë një epokë dhe, njëkohësisht, të ndryshojë mënyrën se si e shohim atë./Kultplus.com
Një 38-vjeçar nga Kosova ka humbur jetën mbrëmjen e tsë mërkurës në një aksident rrugor në autostradën e Mirditës.
Sipas informacionit paraprak të policisë, rreth orës 20:00, në afërsi të fshatit Fan, shtetasi me inicialet L. D., duke drejtuar motomjetin e tij, dyshohet se ka humbur kontrollin mbi drejtimin e mjetit dhe ka dalë nga rruga.
Si pasojë e aksidentit, 38-vjeçari u transportua me urgjencë në Spitalin e Rrëshenit, por nuk mundi t’u mbijetojë plagëve të marra.
Grupi hetimor ndodhet në vendngjarje dhe, nën drejtimin e Prokurorisë, po punon për zbardhjen e plotë të rrethanave dhe shkaqeve të aksidentit.
The post Aksident me vdekje në Mirditë, humb jetën 38-vjeçari appeared first on Euronews Albania.
Një ngjarje tragjike ka ndodhur në Fan të Mirditës mbrëmjen e sotme.
Policia njofton se:
Rreth orës 20:00, në autostradë, në afërsi të fshatit Fan, Mirditë, shtetasi kosovar me iniciale L. D., 38 vjeç, duke drejtuar motomjetin e tij, dyshohet se ka humbur kontrollin mbi drejtimin e motomjetit dhe, për pasojë, ka dalë nga rruga.
Si pasojë e aksidentit, drejtuesi i motomjetit është transportuar për ndihmë mjekësore në Spitalin e Rrëshenit, ku, pavarësisht ndihmës së marrë, ka humbur jetën.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
Një 69-vjeçar është dërguar pa shenja jete në Qendrën Shëndetësore Roskovec.
Nga veprimet e para hetimore dyshohet se 69-vjeçari ka pësuar arrest kardiak, pasi ka qenë i pranishëm gjatë një konflikti të çastit ndërmjet djalit të tij dhe një shtetasi tjetër, pa qenë vetë i përfshirë në konflikt.
Grupi hetimor, nën drejtimin e Prokurorisë, po punon për sqarimin e plotë të rrethanave të rastit./abcnews.al
Lufta e presidentit amerikan Donald Trump kundër Iranit ka hyrë në muajin e gjashtë, ndërsa administrata amerikane po përballet me një dilemë të vështirë: të pranojë kompromisin që do t’i jepte Iranit më shumë ndikim mbi Ngushticën e Hormuzit ose të përshkallëzojë konfliktin me sulme të reja ushtarake.
Sipas analizës së “Reuters”, Trump ndodhet përballë tre skenarëve kryesorë si:
Pranimi i një marrëveshjeje të përkohshme që po negociohet mes Iranit dhe Omanit. Kjo marrëveshje do t’i jepte Teheranit një rol në administrimin e trafikut detar në Ngushticën e Hormuzit, një lëshim i rëndësishëm që SHBA-ja kishte premtuar ta pengonte.
Përshkallëzimi ushtarak, me sulme të reja ajrore ndaj Iranit, një zgjedhje që mund të zgjasë luftën dhe të dëmtojë politikisht Trump, përpara zgjedhjeve afatmesme të nëntorit.
Ruajtja e situatës aktuale, duke vazhduar bllokadën ndaj porteve iraniane dhe duke reaguar vetëm ndaj sulmeve kundër anijeve. Megjithatë, edhe kjo nuk i ofron presidentit një rrugëdalje nga konflikti.
Ish-negociatori amerikan për Lindjen e Mesme, Aaron David Miller, tha se Trump po përballet me “një listë opsionesh të këqija” dhe se mund të detyrohet të pranojë një realitet të ri në Ngushticën e Hormuzit.
Ngushtica e Hormuzit mbetet pika kyçe
Sekretari amerikan i Shtetit, Marco Rubio, ka këmbëngulur se Ngushtica e Hormuzit duhet të mbetet një rrugë ujore ndërkombëtare, pa kontrollin e Iranit dhe pa tarifa për kalimin e anijeve.
Megjithatë, analistët vlerësojnë se Trump mund të ndryshojë qëndrim, sidomos për shkak të, çmimeve të larta të karburantit në SHBA; rënies së mbështetjes së tij në sondazhe she kundërshtimit të gjerë të luftës nga opinioni publik amerikan.
Sipas tyre, ndërsa konflikti është zgjatur, Irani nuk ka bërë lëshimet që Uashingtoni priste, duke rritur mundësinë që kompromiset t’i bëjë vetë administrata Trump.
Objektivat kryesore nuk janë arritur
Edhe pse Trump ka deklaruar vazhdimisht se SHBA-ja ka dobësuar ushtrinë iraniane dhe ka eliminuar drejtues të rëndësishëm, shumica e analistëve besojnë se objektivat kryesore të luftës nuk janë realizuar.
Trump deklaroi se kishte pezulluar planet për sulme të reja në shkallë të gjerë, pasi partnerët në Lindjen e Mesme kërkuan t’i jepej një mundësi diplomacisë.
Megjithatë, ai paralajmëroi se SHBA-ja do të godasë sërish nëse bisedimet dështojnë.
Në një tubim në Las Vegas, Trump tha: “Do të preferoja të arrija një marrëveshje, sepse nuk dua të vriten njerëz. Por në një moment do të ndodhë”.
Rreziqe politike dhe ndërkombëtare
Burime të “Reuters” bëjnë të ditur se administrata amerikane tashmë, pranon se konflikti mund të vazhdojë edhe gjatë zgjedhjeve afatmesme, duke krijuar rrezik politik për Trump, i cili kishte premtuar gjatë fushatës se do t’i shmangte ndërhyrjet ushtarake jashtë vendit.
Ndërkohë, Irani ka paralajmëruar aleatët arabë të SHBA-së, në Gjirin Persik se çdo sulm i ri amerikan, do të pasohet me goditje ndaj infrastrukturës së tyre energjetike.
Ekspertët paralajmërojnë gjithashtu se Kina, Rusia dhe Koreja e Veriut po e ndjekin nga afër konfliktin, për të kuptuar kufijtë e fuqisë dhe reagimit të Shteteve të Bashkuara të Amerikës./mxh
Yan Diomandé ka shënuar një hap historik në historinë e Real Madridit. Futbollisti, i cili mbush 20 vjeç më 14 nëntor, është bërë blerja më e shtrenjtë e “Los Blancos”, duke u shndërruar në “Galaktikun” më të vlefshëm të të gjitha kohërave. Atij i mjaftoi një sezon me 12 gola dhe 8 asiste në Bundesliga me Leipzigun, si dhe një performancë protagoniste në Kupën e Botës me Bregun e Fildishtë.
Login