TIRANË, 10 janar /ATSH/ Tashmë qytetarët mund të rinovojnë dokumentet e identifikimit në çdo zyrë IdentiTek, kudo në Shqipëri, pa u kufizuar nga zona ku aplikuesi rezulton i regjistruar në gjendjen civile.
Ministrja e Brendshme, Albana Koçiu bëri të ditur sot se, me udhëzimin e ri, për të gjitha riaplikimet për pasaportë biometrike dhe kartë identiteti, (standarde ose të përshpejtuara), procedura mund të kryhet pranë çdo zyre aplikimi të IdentiTek në të gjithë territorin e Republikës së Shqipërisë, pavarësisht njësisë ku qytetarët janë të regjistruar në Gjendjen Civile.
Ky lehtësim synon të rrisë aksesueshmërinë dhe fleksibilitetin e shërbimit për qytetarët, si dhe reduktuar kohën e kostot e lëvizjes.
Nga ky ndryshim përjashtohen rastet kur pasaporta e fundit është aplikuar përpara vitit 2012.
Këto aplikime do të vijojnë të kryhen vetëm në zyrat sipas vendbanimit të qytetarëve, në përputhje me procedurat në fuqi.
Karta e identitetit tërhiqet pranë zyrës së aplikimit, ndërsa pasaporta biometrike pranë Drejtorisë Vendore të Policisë në qarkun ku bëhet aplikimi.
IdentiTek mbetet i angazhuar në përmirësimin e vazhdueshëm të shërbimeve ndaj shtetasve shqiptarë, përmes zgjidhjeve që vendosin në qendër nevojat e tyre dhe lehtësojnë aksesin në shërbimet e identifikimit.
Struktura e të hyrave tatimore në Kosovë vazhdon të dominohet nga tatimet mbi konsumin, duke reflektuar karakterin aktual të ekonomisë dhe nivelin e formalizimit të bizneseve. Drejtori i Administratës Tatimore të Kosovës, Mentor Hyseni, vlerëson se analiza e të hyrave duhet parë më shumë përmes llojit të tatimeve sesa ndarjes sipas sektorëve, ndërsa thekson se proceset e fiskalizimit dhe analiza e riskut kanë ndikuar drejtpërdrejt në rritjen e të hyrave dhe uljen e informalitetit.
Sipas Hysenit, identifikimi i sektorëve që kontribuojnë më së shumti në të hyrat tatimore nuk është gjithmonë i drejtpërdrejtë, pasi ATK fokusin kryesor e ka te llojet e tatimeve.
Hyseni në emisionin ekonomik “Shtylla”, shpjegon se pjesa më e madhe e të hyrave buxhetore vjen nga Tatimi mbi Vlerën e Shtuar, i cili përbën afërsisht gjysmën e të hyrave totale, ndërsa tatimet në të ardhura personale dhe ato në fitimin e korporatave përbëjnë pjesën tjetër.
Ndiqni emisionin e radhës “Shtylla”, këtu: https://www.youtube.com/watch?v=orxa7xi0G8Y
Kjo strukturë, sipas tij, tregon qartë se Kosova ka një ekonomi të orientuar më shumë drejt konsumit sesa prodhimit, pasi TVSH-ja lidhet drejtpërdrejt me shpenzimet dhe jo me investimet apo fitimin. Në të njëjtën kohë, kjo dëshmon se fiskalizimi i bizneseve që merren me shitje dhe prodhim është në një nivel relativisht të mirë.
“Po tash me sektorët është pak problematike me ditë, sektorët më problematikë i dijmë, ndërsa ne te tatimet më shumë e masim me llojin e tatimeve. Për shembull, TVSH-ja bën pjesë diku me 45.5%, 49.5% të të hyrave të përgjithshme. Diku me 29 janë tatimet në të ardhura personale dhe 21 janë tatimet në të ardhura në korporata. Më e rëndësishme është me treguar çfarë tregon kjo përqindje e të hyrave sipas ndarjes tatimore, sesa me shikua cila, cili sektor prodhon më shumë. Në këtë aspekt tregon që Kosova është më shumë shoqëri konsumuese, që i bie se pse tatimi mbi vlerën e shtuar është tatim në konsum. Nuk është tatim në investime ose në fitim që bëhet. Kështu që në njërën anë tregon që shoqëria kosovare është shumë konsumuese, pra prodhimin e kemi të ulët. Edhe në anën tjetër tregon që ka fiskalizim goxha të mirë të pjesës së bizneseve të cilat merren me shitje ose prodhim në Kosovë”, thekson Hyseni.
Duke folur për komunat veriore, Hyseni vlerëson se situata atje është më komplekse jo vetëm për ATK-në, por edhe për institucionet e tjera publike. Megjithatë, ai thekson se ka nisur një proces konkret i fiskalizimit përmes një projekti identifikues me stikersa, që synon evidentimin e bizneseve të regjistruara dhe atyre që operojnë pa u regjistruar.
Ky proces tashmë është shtrirë në të gjitha komunat e vendit dhe pritet të përfundojë brenda rreth gjashtë muajve, i mbështetur edhe nga angazhimi i praktikantëve në terren.
Pjesa e katër komunave është pak më komplekse, jo vetëm për Administratën Tatimore, por edhe për krejt shërbimet që ofrohen atje. Megjithatë, ne e kemi filluar një proces të fiskalizimit atje përmes procesit të stikersave. Është një projekt i stikersave ku një stikers me formatin A3 vendoset në secilin biznes që është i regjistruar. Kjo ka për qëllim me pa që cilat janë biznese të tjera që operojnë e cilat janë të paregjistruara. Domethënë aktivitetin kryesor e kemi filluar në komunat e veriut, mandej i kemi përfshirë edhe të gjitha komunat e Kosovës kështu, që qëllimi është me mbërri me i regjistruar të gjitha ato biznese dhe me i fiskalizuar. Procesi është duke ec mirë, kemi filluar edhe me rekrutimin diku të 60 praktikantëve të cilët do të shpërndahen nëpër regjione, vetëm e vetëm për këtë qëllim të implementimit të këtij projekti që po mendojmë që na i merr diku gjashtë muaj. Edhe besoj që ka me qenë hapi i parë që ka me ndihmuar në luftimin e mirëfilltë të ekonomisë joformale”, theksoi Hyseni.
Sa i përket kontrolleve tatimore, Hyseni sqaron se shumica dërrmuese e bizneseve përzgjidhen për kontroll bazuar në analizën e riskut, e cila merr parasysh dhjetëra indikatorë për të vlerësuar nivelin e rrezikut të secilit biznes. Për të shmangur çdo dyshim për qasje selektive, edhe rastet që propozohen nga strukturat rajonale tashmë i nënshtrohen të njëjtës analizë, duke u kontrolluar vetëm nëse rezultojnë me risk të lartë.
“Tash të them të drejtën, kur kam ardhur unë prej gushtit të këtij viti, në ATK ka qenë një procedurë që 90% të bizneseve që kontrollohen, kontrollohen në bazë të analizës së riskut, që është një departament që e bën analizën e riskut, si platformë ajo i analizon diku nja 72 faktorë për me vlerësuar se cili biznes, në cilën kategori të riskut është. Normalisht kur ke staf pak është e rrugës që ti me u orientu te bizneset që kanë risk më të lartë. 10% të bizneseve të tjera ju dha liria drejtorëve rajonalë me i përzgjedhur ata në bazë të dyshimeve që i kanë në terren, në bazë të inspektorëve që i sjellin. Tash ishte vendimi i parë, po më duket është vendimi i pestë i parëve që e kam marrë, që edhe kjo pjesa e 10%-shit nuk duhet me qenë subjektive. Kjo mandej e zvogëlon këtë qasjen selektive për kontrollim të bizneseve, meqenëse, të them të drejtën, ajo 90% prapë është bërë me analizë të riskut. Po ne kemi dashur me heq edhe këtë 10%-shin që mos me lënë as më të voglin dyshim që bizneset me dyshu që ATK-ja i kontrollon ata në mënyrë selective”, theksoi ai.
Qeveria në detyrë, javë më pare ka marrë vendim për rritjen e pagës minimale, që fillimisht do të jetë 425 euro nga janarim e në korrik në 500 euro. Njoëhës të ekonomisë patën thënë se ky vendim për rritjen e pagës minimale do të ndikojë në informalitet, pasi që bizneset dhe odat e bizneseve thonë se nuk janë konsultuar për një vendim të tillë.
Megjithatë, Hyseni po ashtu vlerëson se rritja e pagës minimale nuk ka lidhje të drejtpërdrejtë me rritjen e informalitetit. Ai thekson se të hyrat nga tatimi në paga janë dukshëm më të ulëta krahasuar me TVSH-në, prandaj rritja e pagave pritet të ketë efekt pozitiv në rritjen e të hyrave tatimore.
Sipas Hysenit lidhja e rritjes së pagës minimale me informalitet nuk është ë e qëndrueshme
Video
“Lidhja e rritjes së pagës minimale me informalitet nuk është ë e qëndrueshme. Ë, ne i kemi diku 457 mijë punëtorë mesatarë që lajmërohen në baza mujore në ATK, edhe ku thashë përpara që 49.5% janë të hyrat nga TVSH-ja, vetëm 29% nga të hyrat në të ardhura personale. Kjo tregon që të hyrat në paga tatohen mjaft pak. I bie që me rritjen e pagës minimale ose me rritjen e pagave në përgjithësi, që rritja e pagës minimale i ngre ato në të gjitha kategorinë e pagave, për ATK-në dhe për shtetin ka me shënuar rritje të të hyrave tatimore. Domethënë nuk e, nuk e shoh ndonjëfarë ndërlidhje me informalitetin çështjen e ngritjes së pagës minimale.
Sa i përket diasporës, ai sqaron se Kosova ka nënshkruar dhjetëra marrëveshje ndërkombëtare për shmangien e tatimit të dyfishtë, duke u mundësuar investitorëve që të mos tatohen dy herë për të njëjtin fitim. Megjithatë, nuk ekzistojnë politika fiskale të veçanta që favorizojnë mërgatën, përtej lehtësimeve administrative për regjistrimin dhe hapjen e bizneseve përmes modelit “one-stop-shop”.
Megjithatë, pika më fragjile e ATK-së, siç e përshkroi vetë drejtori, mbetet borxhi i grumbulluar prej 600 milionë eurosh. Për të adresuar këtë problem, Hyseni njoftoi një plan për ristrukturimin e procesit të mbledhjes së borxheve. Plani parasheh decentralizimin e kësaj përgjegjësie, duke fuqizuar drejtoritë rajonale për të ndjekur borxhlinjtë./KosovaPress
Ndërmarrja publike Trainkos Sh.A. ka njoftuar se ka ndërmarrë hapa konkretë për shlyerjen e një pjese të konsiderueshme të obligimeve ndaj Administrata Tatimore e Kosovës (ATK), në vlerë prej 206,343.72 euro.
Në një njoftim zyrtar të dërguar stafit dhe përfaqësuesve sindikalë, kryeshefi ekzekutiv i Trainkos, Agron Statovci, bën të ditur se këto mjete janë siguruar përmes kursimeve të realizuara nga masat për menaxhim racional të shpenzimeve. Me këtë pagesë synohet të mbulohen kontributet e papaguara për rreth 15 muaj, të trashëguara nga ish-menaxhmenti për periudhën 2020–2022 dhe janar–prill 2023.
Sipas të dhënave zyrtare, në momentin e marrjes së menaxhimit, obligimet e Trainkos ndaj ATK-së përbëheshin nga: Obligime bazë: 633,235.34 euro, ndëshkime: 218,194.88 euro, interes: 227,575.13 euro
Kjo e çon totalin e borxhit ndaj ATK-së në 1,079,005.35 euro.
Në njoftim theksohet se, përveç borxheve tatimore, ekzistojnë edhe obligime ndaj operatorëve ekonomikë, si pasojë e keqmenaxhimit të periudhave të kaluara. Po ashtu, rikujtohet se në vitin 2020 linja hekurudhore Fushë Kosovë – Hani i Elezit ka qenë e mbyllur për shkak të rehabilitimit, ndërsa operimi ka vazhduar me numër të njëjtë trenash, duke ruajtur fluks të pandryshuar të shërbimeve.
Trainkos bën të ditur se gjatë vitit 2024 punonjësit kanë përfituar rritje pagash, bazuar në vendimin e Bordit të Drejtorëve, të miratuar më 30 shtator 2025. Rritja përfshin 30 euro shtesë në pagën bazë për të gjithë punonjësit dhe 2.5 euro shtesë për çdo ditë pune, deri në një maksimum prej 85 euro.
TIRANË, 23 dhjetor /ATSH/ Projekti për Teatrin e Ri Kombëtar ka hyrë tashmë në etapën e realizmit ndërtimor ndërsa punimet vazhdojnë me intensitet pas hedhjes së themeleve.
Ministri i Turizmit, Kulturës dhe Sportit, Blendi Gonxhja informoi se pas përfundimit të fazës komplekse të punimeve nëntokësore, projekti ka hyrë në etapën e realizimit ndërtimor, duke marrë formë një hapësirë ikonike për artin dhe kulturën.
Sipas tij, Teatri i Ri Kombëtar, vepër e një prej arkitektëve më të shquar bashkëkohorë, Bjarke Ingels dhe studios daneze BIG, po ngrihet si një nga teatrot më të bukur dhe më përfaqësues të ndërtuar në Evropë pas Luftës së Dytë Botërore.
Godina e re e Teatrit Kombëtar po merr formë në vendin ku ngrihej teatri i vjetër. Sipas projektit, ndërtesa është ndarë në dy pjesë: një për aktorët dhe administratën, dhe një tjetër për publikun.
Teatri i Ri Kombëtar do t’u shërbejë me kushtet më optimale aktorëve e spektatorëve, por pritet të hyjë në radhën e objekteve më të mira të të njëjtit lloj në Evropë.
Ky teatër dita-ditës po ngrihet si vepër arkitektonike që do ta transformojë kryeqytetin në një destinacion europian të artit dhe arkitekturës bashkëkohore.
Redaktorja e Radiotelevizionit të Kosovës, Blerta Foniqi Kabashi, ka fituar rastin lidhur me degradimin e saj në pozitë, pas një ankese të bërë në Inspektoratin e Punës.
Sipas njoftimit që Foniqi-Kabashi bëri publik, ndryshimi i pozitës së saj është bërë në mënyrë të jashtëligjshme.
Inspektorati ka konstatuar se Blerim Haxhiaj nuk ka pasur mandat për të ushtruar detyrën e U.D. Kryeredaktorit në kohën kur nisi procedurën disiplinore ndaj saj.
Vendimi i Inspektoratit thotë se: “… punëdhënësi, RTK, përkatësisht z. Blerim Haxhiaj me rastin e inicimit të procedurës disiplinore ndaj znj. Blerta Foniqi Kabashi, në pozitën e Redaktores së lajmeve qendrore, nuk ka pasur mandat të bëjë një veprim të tillë pasi mandati i tij ka përfunduar më datën 15.09.2025. Marrja e këtij veprimi është në kundërshtim me Nenin 3 dhe 4 të Rregullores për rregullimin e procedurave të konkursit në RTK.”
Si rrjedhojë, Foniqi-Kabashi duhet të kthehet në detyrën e saj si redaktore e lajmeve qendrore në RTK. /Telegrafi/
Pas njoftimit të Policisë së Republikës së Kosovës lidhur me arrestimin e një zyrtari të Administratës Tatimore të Kosovës, i dyshuar për vepër penale, ATK thekson se ka vepruar menjëherë në përputhje me kornizën ligjore në fuqi.
ATK bën të ditur se zyrtari i përfshirë është pezulluar nga detyra deri në përfundimin e procedurave nga organet kompetente të drejtësisë.
“Administrata Tatimore e Kosovës rithekson se integriteti institucional dhe respektimi i ligjit janë parime thelbësore të punës së saj.
ATK mbetet e përkushtuar në parandalimin dhe adresimin e çdo forme të keqpërdorimit dhe korrupsionit, me qëllim ruajtjen e transparencës dhe besimit të qytetarëve dhe tatimpaguesve”, thuhet në njoftim.
Po ashtu, ATK thekson se mbetet e përkushtuar për bashkëpunim të vazhdueshëm me institucionet e rendit dhe drejtësisë, në këtë dhe në çdo rast tjetër ku ka dyshime për shkelje të ligjit. /Telegrafi/
Administrata Tatimore e Kosovës ka shënuar rezultatin më të lartë historik në mbledhjen e të hyrave tatimore, duke tejkaluar shifrën prej 1 miliard eurosh gjatë këtij viti.
Ky sukses u prezantua në Konferencën Vjetore për Media të ATK-së, ku Drejtori i Përgjithshëm, Mentor Hyseni, bëri të ditur se ky është niveli më i lartë i të hyrave të mbledhura ndonjëherë nga tatimet në Republikën e Kosovës.
Ministri i Financave, Punës dhe Transfereve, Hekuran Murati, tha se rekordi është rezultat i një qasjeje të qartë politike për forcimin e shtetit dhe institucioneve, si dhe sigurimin e barazisë për të gjithë tatimpaguesit.
Sipas tij, politikat fiskale kanë krijuar kushtet që ATK-ja të veprojë me profesionalizëm, integritet dhe pavarësi, ndërsa Qeveria ka ofruar dhe do të vazhdojë të ofrojë mbështetje për modernizimin dhe digjitalizimin e administratës tatimore.
Gjatë prezantimit të tij, drejtori Hyseni theksoi se tejkalimi i pragut prej një miliard eurosh nuk është rastësi, por rezultat i disiplinës institucionale, punës së vazhdueshme në terren dhe rritjes së përmbushjes vullnetare tatimore.
Ai shtoi se ATK ka ndjekur një qasje të drejtë, duke mbështetur bizneset që respektojnë ligjin dhe duke vepruar me vendosmëri ndaj atyre me rrezik të lartë dhe sjellje të parregullta, bazuar në analiza të sakta të riskut.
Sipas ATK-së, ky rezultat pasqyron forcimin e administrimit tatimor, efektet pozitive të reformave institucionale dhe rritjen e besimit të tatimpaguesve në sistemin fiskal.
Në përmbyllje të konferencës, Hyseni shprehu mirënjohje për tatimpaguesit për përgjegjësinë qytetare në përmbushjen e obligimeve tatimore, si dhe për stafin e ATK-së për profesionalizmin dhe angazhimin e vazhdueshëm.
Ai falënderoi gjithashtu mediat për bashkëpunimin dhe informimin e vazhdueshëm të qytetarëve dhe bizneseve mbi punën dhe rezultatet e administratës tatimore./Telegrafi.
Festivali i Këngës në RTSH nis zyrtarisht më 17 dhjetor, një garë që do të zhvillohet për katër net radhazi, deri më 20 dhjetor, kur do të shpallet edhe fituesi, i cili njëkohësisht do të përfaqësojë Shqipërinë në Eurovision.
Stafi organizator ka zbuluar tashmë disa detaje nga edicioni i këtij viti, duke konfirmuar edhe një të ftuar special.
Është bërë e ditur se në skenën e Festivalit të Këngës do të ngjitet Tommy Cash, përfaqësuesi i Estonisë në edicionin e sivjetmë të Eurovisionit.
Krijuesi i hitit “Espresso Macchiato” do të performojë në natën finale të festivalit, ku pritet të sjellë një spektakël të veçantë.
Tommy Cash ka qenë një nga sensacionet e këtij edicioni të Eurovisionit, me këngën e tij që u kthye në hit ndërkombëtar.
“Tashmë është zyrtare. Tommy Cash është i ftuari special në natën finale të Fest 64 në RTSH në 20 Dhjetor 2025. Këngëtari i hitit ‘Espresso Macchiato’ pritet të ndezë skenën mbrëmjene finales së Festivalit të Këngës”, ka shkruar stafi i FiK.
Sindikata e Punëtorëve të RTK-së (SPERTK) i drejtohet legjislaturës së re të Kuvendit të Kosovës me kërkesën që të sigurojë më në fund financimin e pavarur dhe të qëndrueshëm për transmetuesin publik.
Sipas një njoftimi për media thuhet se modelet e financimit ekzistojnë dhe miratimi i ligjit të ri për RTK-në është urgjent, po ashtu edhe ndërtimi i pronës së re të institucionit.
“RTK prej 26 vitesh funksionon në pasiguri të vazhdueshme. Në vitin 2021, nga buxheti i saj u shkëputën edhe 2.2 milionë euro, duke e lënë transmetuesin publik me financimin më të ulët në rajon. Kjo gjendje është e padrejtë për punëtorët dhe e dëmshme për shërbimin publik”, thuhet në njoftim.
“SPERTK kërkon që: Para miratimit të buxhetit nacional, për RTK-në të vendoset rritja 0.7% në përputhje me rritjen vjetore të buxhetit të shtetit. Të miratohet ligji i ri që garanton financim të pavarur dhe funksionim normal të institucionit. Të fillojë procesi i ndërtimit të objektit të ri të RTK-së, i vonuar prej shumë vitesh”, thuhet në njoftim.
Tutje bëhet e ditur se SPERTK do t’i paraqesë legjislaturës së re dhe organeve të ardhshme drejtuese kërkesat për rritje pagash dhe avancim të kontratës kolektive.
“Ne do të presim deri në formimin e plotë të Kuvendit, Bordit dhe menaxhmentit. Nëse këto çështje – veçanërisht rritja e menjëhershme e pagave – nuk trajtohen, SPERTK do të nisë masat sindikale pa vonesë. Rikujtojmë se RTK aktualisht funksionon pa Bord, pa Drejtor të Përgjithshëm, pa Kryeredaktor dhe me shumë pozita të mbajtura nga ushtrues detyre. Për këtë arsye, është e domosdoshme që legjislatura e re dhe Bordi i ardhshëm të shqyrtojnë me kujdes çdo kontratë dhe çdo shpenzim të buxhetit të RTK-së”.
Siç thuhet në njoftim RTK është pasuri publike.
“Stabiliteti i saj është interes i qytetarëve dhe detyrim i institucioneve. SPERTK do të vazhdojë të mbrojë punëtorët dhe të kërkojë kushte të drejta e të qëndrueshme për ta”. /Telegrafi/
PRISHTINË, 27 nëntor/ATSH/ Kryeministri në detyrë, Albin Kurti tha se në mbledhjen e sotme do të ndahen mjetet e nevojshme nga kategoria e kursimeve për Radio Televizionin e Kosovës.
Sipas tij, ky është improvizim i detyruar pas përpjekjeve në kuvend për miratimin të buxhetit të RTK-së.
“Që në muajin gusht ne e bëmë një zgjidhje të përkohshme, duke dhënë over-draftin për Radio Televizionin e Kosovës me shpresën që pas konstituimit të Kuvendit dhe themelimit të komisioneve parlamentare, të arrihet zgjidhja e duhur për të cilën kishim përgjegjësi të gjitha partitë politike parlamentare. Ne nuk i kishim votat e mjaftueshme pasi që partitë tjera refuzuan kategorikisht pagat për RTK-në. Siç edhe e ka paralajmëruar ministri Hekuran Murati këtë të hënë në konferencën e tij për media, kemi shqyrtuar disa opsione të mundshme për të dalur nga kjo situatë. Në këtë mbledhje, mjetet e nevojshme po ndahen nga kategoria e kursimeve. Pra kjo zgjidhje e sotshme, apo më mirë të themi kjo mënyrë e tanishme është veçse një improvizim i detyruar, pas përpjekjeve tona të vazhdueshme në Kuvendin e Kosovës për ta miratuar aty buxhetin për Radio Televizionin e Kosovës”, deklaroi Kurti.
Kabineti qeveritar po mban mbledhjen, ku në rend dite janë 14 pika. /Kosovapress/
Asociacioni i Gazetarëve të Kosovës (AGK) mirëpret vendimin e sotëm të Qeverisë në detyrë të Kosovës për të ndarë buxhetin për Transmetuesin Publik, RTK, nga kategoria e kursimeve.
Në reagimin e tyre thuhet se ky vendim është një lehtësim i vonuar për 700 punonjësit e RTK-së dhe familjet e tyre.
"AGK shpreh keqardhje që situata e pritjeve të gjata për paga është përsëritur dy herë brenda vitit. Edhe vendimi i sotëm është i përkohshëm.AGK-ja bën thirrje që financimi stabil i RTK-së të jetë prioritet në legjislaturën e re vitin tjetër, ashtu sikurse edhe zgjidhja e problemit me pronën përmes një ligji të ri", thuhet në njoftim.
AGK gjithashtu bën thirrje që të respektohet pavarësia editoriale e Transmetuesit Publik dhe që të ndalojë presioni politik nga Qeveria dhe partia politike Vetëvendosje./Telegrafi/
Deputetja e LDK-së, Hykmete Bajrami ka reaguar pasvendimit të Qeverisë në detyrë të Kosovës për ndarjen e mjeteve për pagat epunëtorëve të RTK-së, duke e cilësuar këtë si një zgjidhje të vonuar dherezultat të krizave të inskenuara nga qeveria.
Sipas Bajramit, vonesa e një muaji në pagesat për 700punëtorët e RTK-së tregoi se qeveria po i lë qytetarët dhe punëtorët të vuajnënga pasojat e vendimeve të saj.
“Albin Kurti me klikën e tij jeton duke shkaktuarkriza, duke i bërë njerëzit të vuajnë, duke i mbajtur qytetarët të varur ngavendimet e tij, e pastaj të dalin si shpëtimtarë, por ranë maskat,” shkruanBajrami në reagimin e saj.
Ajo ka bërë thirrje që të ndalen bllokadat dhe tëgjenden zgjidhje me komunën dhe institucionet përkatëse, duke rikujtuar seqytetarët paguajnë taksa për shërbime dhe jo për t’u maltretuar nga “inskenimetdhe mashtrimet e qeverisë”.
Bajrami gjithashtu paralajmëroi se më 28 dhjetor do tëkërkohet llogari për keqtrajtimin e qytetarëve, duke i bërë përgjegjës ata qësipas saj shkaktuan krizën. /Telegrafi/
Qeveria në detyrë e Kosovës në mbledhjen e sotme ka marrë vendim për ndarjen e 4 milionë e 480 mijë euro për ekzekutimin e pagave për 700 punëtorët e RTK-së, të cilët tash e disa ditë janë në grevë.
Kryeministri në detyrë Albin Kurti tha se ky është ipmrovizim i detyruar.
“Siç e ka paralajmëruar këtë të hënën në konferencë ministri Hekuran Murati kemi shqyrtuar disa opsione për të dalë nga kjo situatë. Sot këto mjete po ndahen nga kategoria e kursimeve, kjo zgjidhje e sotshme apo më mirë të themi kjo mënyrë e tanishme është vetëm një improvizim i detyruar pas përpjekeve tona të vazhdueshme në Kuvendin e Kosovës për të miratuar aty buxhetin për RTK-në”, tha Kurti.
Kurse ministri në detyrë i Financave, Hekuran Murati bëri të ditur se këto mjete janë marrë si kursime nga projektet ekzistuese.
“Ndarja e 4 milionë e 480 mijë euro për RTK të cilat është dashur të kursehen ose merren si kursime nga projekte ekzistuese në kuadër të organizatave tjera buxhetore për shkak se në Kuvend u refuzua të krijohet Komisioni për Buxhet dhe të votohej buxheti për RTK. Në pamundësi që të sigurohen pagat e punëtorëve tash e sa kohë nga ana e Kuvendit si themelues i RTK-së na është dashur neve si Qeveri të marrim këtë hap improvizues që të gjendet një zgjidhje emergjente dhe të sigurohen pagat për transmetuesin publik”, tha Murati. /Telegrafi/
Sindikata e Punëtorëve të Radio Televizionit të Kosovës (SPERTK), ka njoftuar se greva e paralajmëruar do të vazhdojë sot sipas planit, duke kërkuar nga të gjithë punëtorët që ta respektojnë plotësisht masën sindikale.
Sipas njoftimit të SPERTK-së, për dy orë rresht nga ora 11:00 deri në 13:00 në të gjitha sektorët e RTK-së nuk duhet të kryhet asnjë aktivitet pune.
“Ju lusim që të gjithë ta respektojnë plotësisht grevën. Nëse dikush përjeton presion, ndërhyrje apo tentativa për ta bojkotuar grevën, ju lutemi të na shkruani menjëherë në email-in zyrtar,” thuhet në komunikatën e sindikatës.
SPERTK ka rikujtuar se Ligji Sindikal dhe ai për Grevat ndalojnë çdo formë presioni ndaj punëtorëve, dhe se çdo rast i tillë do të raportohen te organet kompetente.
Sindikata gjithashtu ka bërë të ditur se sot nga ora 12:00 mbahet mbledhja e Qeverisë së Kosovës dhe, në rast se aty përmendet RTK, pjesa që lidhet me transmetuesin publik duhet të transmetohet.
SPERTK thekson se greva nuk do të ndërpritet deri në momentin kur të alokohet buxheti për RTK, një kërkesë që sindikata e konsideron jetike për funksionimin normal të transmetuesit publik. /Telegrafi/
Situata në Radio Televizionin e Kosovës po përkeqësohet teksa punëtorët kanë hyrë në muajin e tretë pa marrë pagat e tyre.
Në një komunikatë të lëshuar sot, Sindikata e Punëtorëve të RTK-së (SPERTK) ka bërë të ditur se institucionet po i injorojnë kërkesat e punonjësve, ndërsa gjendja e tyre sociale dhe funksionimi i transmetuesit publik po rëndohen çdo ditë e më shumë.
Sindikata ka bërë të qartë se greva nuk do të ndalet, duke kërkuar mbështetje të plotë nga të gjithë punëtorët e mediumit.
Ajo paralajmëroi se brenda kësaj jave do të marrë qëndrim për bojkot të plotë të punës, përfshirë ndaljen e mbulimit të ngjarjeve politike dhe të fushatës elektorale.
“Po hyjmë në muajin e tretë pa paga. Institucionet po na injorojnë plotësisht, ndërsa gjendja e punëtorëve dhe vetë transmetuesit publik është e rënduar në skaj,” thuhet në komunikatë.
Sindikata pyet se “Si është e mundur të gjenden para për zgjedhje, e të mos gjenden për bukën e gojës së 700 familjeve?”
SPERTK i ka bërë thirrje Qeverisë së Kosovës të zgjidhë urgjent problemin e alokimit të buxhetit, duke theksuar se ajo është njoftuar “dhjetëra herë” për këtë situatë, por pa përgjigje.
Sipas sindikatës, pas konstituimit të legjislaturës së re, duhet të miratohet pa vonesë ligji për financimin e pavarur të RTK-së dhe të adresohet çështja e pronës, për të garantuar funksionim të qëndrueshëm të transmetuesit publik.
Në komunikatë theksohet gjithashtu se, ndonëse buxheti i RTK-së është më i vogli në rajon për televizionet publike, “jo vetëm që nuk kemi marrë rritjen 0.7% nga buxheti nacional, por na janë hequr edhe 2.2 milionë euro nga buxheti”.
Sindikata ka njoftuar menaxhmentin se kërkon zyrtarisht ndërprerjen e mbulimit të ngjarjeve politike dhe të fushatës elektorale, përderisa nuk ka një vendim nga qeveria. Vendimi përfundimtar pritet në fund të kësaj jave, me mundësinë që bojkoti të hyjë menjëherë në fuqi.
Greva në RTK ndërkohë vazhdon pa afat. /Telegrafi/
Punëtorët e Radio Televizionit të Kosovës (RTK) vijojnë grevën për mos-ekzekutimin e pagave, duke ndalur edhe sot transmetimin e lajmeve në orën 11:00 dhe 13:00. Kjo është dita e 25-të që punëtorët nuk marrin pagat e tyre, ndërsa sindikatat paralajmërojnë protesta të mëtejshme deri në zgjidhjen e situatës.
Punëtorët e Radio Televizionit të Kosovës (RTK) edhe sot nisën grevën dyorëshe, në ditën e tyre të 25-të pa paga.
Rreth 700 punëtorë të RTK-së detyrohen të pezullojnë procesin e punës si pasojë e mos-ekzekutimit të pagave. Për shkak të grevës së përgjithshme, nuk do të ketë lajme në orën 11:00 dhe 13:00. Sindikata u kërkon falje qytetarëve, duke theksuar se greva vjen si pasojë e mos-ekzekutimit të pagave për pothuajse dy muaj.
Shoqata Sindikale e Radio Kosovës ka njoftuar punëtorët se, duke filluar nga sot, do të organizohet grevë dyorëshe para ndërtesës së Radio Kosovës. Shoqata ka kërkuar sërish nga organet përgjegjëse të marrin masa urgjente për zgjidhjen e kësaj çështjeje, në mënyrë që punëtorëve t’u garantohen të drejtat e tyre ligjore dhe institucioni të vazhdojë punën pa pengesa.
Përveç nisjes së grevës, përfaqësues të sindikatave dhe punonjës kanë protestuar disa herë radhazi gjatë javëve të kaluara para objekteve të transmetuesit publik dhe Kuvendit të Kosovës, por pa rezultat.
Sindikatat paralajmërojnë se greva do të vazhdojë deri në alokimin e buxhetit për RTK-në dhe, përveç grevës, do të organizojnë edhe protesta para Qeverisë dhe Kuvendit në ditët në vijim. /rtk/
Administrata Tatimore e Kosovës po sjell një mënyrë të re dhe plotësisht digjitale për të inkurajuar marrjen dhe skanimin e kuponëve fiskalë.
Përmes iniciativës së re të quajtur “Lojë Shpërblyese Tatimore”, çdo qytetar do të ketë mundësinë që, duke skanuar kuponët fiskalë përmes aplikacionit mobil të ATK-së, të marrë pjesë në shpërblime të rregullta.
Sipas njoftimit të publikuar nga ATK, aplikacioni shumë shpejt do të jetë i qasshëm në App Store dhe Google Play, duke e bërë procesin e skanimit të kuponit të thjeshtë, të shpejtë dhe të sigurt.
Më shumë detaje rreth shpërblimeve dhe mënyrës së funksionimit priten të publikohen nga ATK gjatë ditëve në vijim.
Punonjësit e RTK-së për 2 orë këtë të hënë mbajtën një grevë të përgjithshme, si shenjë pakënaqësie ndaj gjendjes së rënduar financiare në institucion. Protesta u reflektua edhe në edicionin qendror të lajmeve, i cili nisi ndryshe nga çdo ditë. Në studion e lajmeve, pas prezantueses u shfaqën punëtorët e grumbulluar me pankarta në duar me mbishkrime si: “Pa paga, s’ka punë”…
Sindikata e Punëtorëve të RTK-së (SPERTK) bën të ditur se pavarësisht mungesës së pagave dhe vonesave të pajustifikueshme në financim, punëtorët e RTK-së vazhdojnë me përkushtim të plotë misionin e tyre publik.
Sipas një njoftimi për media bëhet e ditur se SPERTK njofton se greva dy-orëshe do të vazhdojë, siç është paralajmëruar, deri në përmbushjen e kërkesave legjitime të punëtorëve.
“SPERTK e konsideron të pavend dhe të papranueshme deklarimin e ushtruesit të detyrës së drejtorit të përgjithshëm, i cili e ka cilësuar grevën si “politike”. Greva është tërësisht sindikale, e bazuar në të drejtat themelore të punëtorëve dhe në kushtet e rënda sociale-profesionale me të cilat ata përballen prej muajsh. Për më tepër, nuk është e qartë në çfarë cilësie po i lëshon deklaratat UD-ja, duke krijuar huti te punëtorët dhe opinionit publik”, thuhet në njoftim
Për më shumë lexoni të plotë njoftimin e SPERTK-së:
Sindikata e Punëtorëve të RTK-së (SPERTK) falënderon sinqerisht të gjithë kolegët e RTK-së për pjesëmarrjen dhe solidaritetin e treguar në aksionet sindikale, si dhe mediat e tjera në Kosovë dhe asociacionet e gazetarëve për mbështetjen dhe raportimin korrekt lidhur me situatën e vështirë në të cilën ndodhen punëtorët e Transmetuesit Publik RTK-së.
Pavarësisht mungesës së pagave dhe vonesave të pajustifikueshme në financim, punëtorët e RTK-së vazhdojnë me përkushtim të plotë misionin e tyre publik. SPERTK njofton se greva dy-orëshe do të vazhdojë, siç është paralajmëruar, deri në përmbushjen e kërkesave legjitime të punëtorëve.
SPERTK e konsideron të pavend dhe të papranueshme deklarimin e ushtruesit të detyrës së drejtorit të përgjithshëm, i cili e ka cilësuar grevën si “politike”. Greva është tërësisht sindikale, e bazuar në të drejtat themelore të punëtorëve dhe në kushtet e rënda sociale-profesionale me të cilat ata përballen prej muajsh. Për më tepër, nuk është e qartë në çfarë cilësie po i lëshon deklaratat UD-ja, duke krijuar huti te punëtorët dhe opinionit publik.
Madje punëtorë asnjëherë nuk janë njoftuar se çfarë hapash janë marrë për ti siguruar mjetet, duke paralajmëruar se do të vijmë në situatë të njëjtë sikur para tre muajve.
Pra janë treguar totalisht neglizhent dhe të paaftë si dhe të vetëkënaqur nga: fillimisht dështimi, pastaj kinse zgjidhja.
SPERTK rikujton se asnjëherë nuk ka reaguar ndaj procesit të zgjedhjes së Bordit apo menaxhmentit të RTK-së, pavarësisht vërejtjeve dhe parregullsive të cekura nga palë të tjera. Kjo dëshmon se sindikata ka vepruar gjithmonë në mënyrë të paanshme, larg çdo interpretimi politik, dhe ka mbrojtur vetëm interesin e punëtorëve dhe funksionimin e shëndoshë të shërbimit publik.
Sindikata mbetet e hapur për dialog të sinqertë e të përgjegjshëm, duke kërkuar nga menaxhmenti dhe institucionet relevante të ndërmarrin hapa urgjentë për të garantuar stabilitet financiar, kushte të dinjitetshme pune dhe respektim të të drejtave të punëtorëve të RTK-së. /Telegrafi/
Punonjësit e Radio Televizionit të Kosovës (RTK) kanë nisur sot grevën e përgjithshme, duke kërkuar pagesën e pagave, ndërkohë që situata ka nxitur reagime ndërkombëtare.
Ricardo Gutierrez, sekretari i Përgjithshëm i Federatës Evropiane të Gazetarëve, ka shprehur solidaritet me stafin e RTK-së dhe ka kritikuar qeverinë e Kosovës për, siç thotë ai, “mostransferimin e qëllimshëm të fondeve.”
Në një reagim publik nga Brukseli, Gutiérrez tha se kryeministri Albin Kurti “ka konfirmuar se nuk ka ndërmend të transferojë fondet e nevojshme për RTK-në, njësoj siç kishte refuzuar të vepronte në muajin gusht”.
Ai pyet pse qeveria e kishte konsideruar të ligjshëm transferimin e mjeteve për paga në gusht, ndërkohë që tani e cilëson të paligjshëm.
“I bëj thirrje kryeministrit Kurti të ndalojë politizimin e mëtejmë të transmetuesit publik dhe të sigurojë menjëherë që pagat e RTK-së të paguhen. Askush nuk duhet të luajë me mirëqenien e 700 punonjësve dhe familjeve të tyre”, ka shkruar ai.
Ndërkaq në letrën e publikuar të cilën e ka pranuar nga kryeministri në detyrë Albin Kurti më 13 nëntor, Kurti thekson se Qeveria e Kosovës është e gatshme të transferojë menjëherë fondet e miratuara për RTK-në, por vetëm pasi të formohet komisioni parlamentar kompetent, i cili aktualisht është bllokuar për shkak të bojkotit të opozitës.
Në pjesën e letrës së tij, kryeministri në detyrë shkruan: “Qeveria është e gatshme dhe e vullnetshme të lehtësojë transferimin e fondeve të miratuara për RTK-në menjëherë sapo të formohet komisioni parlamentar kompetent dhe të jetë në gjendje të veprojë, në përputhje me ligjin. Deri atëherë, ne nuk mund të marrim ligjërisht vendimin që i takon në mënyrë të shprehur Komisionit të Kuvendit për Buxhet, Punë dhe Transfere”.
Ai shton se qeveria nuk mund të tejkalojë kompetencat e Kuvendit.
“Veprimi ndryshe do të cenonte modelin demokratik evropian të ndarjes së pushteteve që mbështet legjislacionin e Kosovës dhe funksionimin e transmetuesit publik”, thuhet në letrën e Kurtit.
Ndryshe Asociacioni i Gazetarëve të Kosovës ka mirëpritur publikimin e përgjigjes së kryeministrit në detyrë dhe njëkohësisht ka shprehur zhgënjimin për mungesën e vullnetit politik të Kurtit për të gjetur zgjidhje financiare për RTK-në.
“Ne mbështesim grevën e RTK-së dhe qëndrojmë në solidaritet të plotë me kolegët tanë në Transmetuesin Publik”, thuhet në reagimin e AGK-së.
Çështja e financimit të RTK-së ka mbetur e bllokuar për shkak të mosfunksionalizimit të komisioneve parlamentare, të cilat thuhet se janë të vetmet që mund të autorizojnë transferimin e fondeve nga buxheti i shtetit. /Telegrafi/
Login
