TIRANË, 16 janar/ATSh/ Federata e Futbollit, në bashkëpunim me Bashkinë Gramsh, ka nisur punimet për rikonstruksionin e stadiumit “Myslim Koçi”, një tjetër investim i rëndësishëm në funksion të përmirësimit të infrastrukturës sportive dhe zhvillimit të futbollit në të gjithë vendin.

Ky projekt synon krijimin e kushteve më të mira për zhvillimin e aktiviteteve sportive, veçanërisht për ekipet vendase dhe moshat e reja.

Me nisjen zyrtare të punimeve, Presidenti i FSHF-së, Armand Duka, inspektoi nga afër procesin e rikonstruksionit gjatë një vizite në Gramsh, ku u prit nga Kryetari i Bashkisë, Besion Ajazi. Gjatë inspektimit, Presidenti Duka u njoh në detaje me projektin, i cili parashikon rikonstruksionin e dhomave të zhveshjes, ndërtimin e tribunës së re, modernizimin e ambienteve ndihmëse, si edhe instalimin e tapetit me bar artificial në fushën e stadiumit “Myslim Koçi”, duke e përshtatur atë me standardet bashkëkohore për zhvillimin e ndeshjeve dhe stërvitjeve.

Presidenti Duka vlerësoi projektin për stadiumin e Gramshit, duke e cilësuar si një impiant modest, por modern, që plotëson standardet për zhvillimin e ndeshjeve kombëtare dhe ndërkombëtare të nivelit të dytë.

Kreu i qeverisë së futbollit shqiptar falënderoi Bashkinë Gramsh për bashkëpunimin dhe mbështetjen e vazhdueshme në zhvillimin e futbollit, duke theksuar rëndësinë e zhvillimit të futbollit në çdo qytet të Shqipërisë.

“Kënaqësi për mua të jem sot në Gramsh bashkë me Kryetarin e Bashkisë për të inspektuar punimet e ndërtimit të këtij stadiumi, modest por modern, i bukur, i cili plotëson të gjitha kushtet për organizimin e ndeshjeve jo vetëm të kampionatit kombëtar shqiptar, por edhe internacionale deri në një lloj niveli, pra një stadium i kategorisë së dytë”, tha ai.

“Dua ta falënderoj kryetarin e bashkisë për bashkëpunimin në ndërtimin e stadiumit, por jo vetëm kaq, por për të gjithë bashkëpunimin në zhvillimin e futbollit edhe në këto anë, sepse futbolli nuk luhet vetëm në Tiranë, Durrës apo në qendrat e mëdha urbane, por duhet të luhet në çdo cep të Shqipërisë, në çdo cep të globit”, cilësoi Duka.

Kënaqësi që ju keni 250 fëmijë që luajnë futboll në zonën e Gramshit, keni një ekip vajzash që është nga më kualitativët në kampionatin kombëtar shqiptar dhe uroj që të kemi edhe me djemtë të njëjtin sukses që keni edhe me vajzat. Jam shumë i sigurt që stadiumi i ri dhe fusha tjetër që do të bëhet për stërvitje pas stadiumit, do t’i shërbejë jo vetëm ekipit të vajzave, por edhe ekipit të djemve për të shkuar akoma më përpara.

Kryetari i Bashkisë Gramsh, Besion Ajazi falënderoi Presidentin Duka dhe FSHF-në për mbështetjen e dhënë për zhvillimin e futbollit në Gramsh, duke e cilësuar stadiumin e ri si një investim shumë të rëndësishëm për qytetin, ekipet dhe moshat e reja.

Ai theksoi se impianti do të jetë modern dhe i kompletuar me të gjitha ambientet e nevojshme, duke u shndërruar në një vlerë të shtuar për komunitetin dhe brezat e rinj.

Presidenti i FSHF-së, Armand Duka gjatë inspektimit të punimeve të stadiumit në Gramsh

1 nga 4

/e.i/j.p/

The post Rikonstruksioni i stadiumit “Myslim Koçi” në Gramsh, Duka: Futbolli duhet të zhvillohet në çdo qytet appeared first on Agjencia Telegrafike Shqiptare.

Këshilli i Ministrave ka miratuar vendimin për emërimin e Marjeta Përlala në detyrën e Drejtoreshës së Përgjithshme të Agjencisë Kombëtare të Mjedisit.

VKM:

V E N D I M
PËR
EMËRIMIN NË DETYRË TË DREJTORIT TË PËRGJITHSHËM TË AGJENCISË KOMBËTARE TË MJEDISIT
Në mbështetje të nenit 100 të Kushtetutës dhe të pikës 1, të nenit 61, të ligjit nr.10431, datë 9.6.2011, “Për mbrojtjen e mjedisit”, të ndryshuar, me propozimin e ministrit të Mjedisit, Këshilli i Ministrave
V E N D O S I:
Znj. Marjeta Përlala emërohet drejtor i Përgjithshëm i Agjencisë Kombëtare të Mjedisit.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA

The post Vendimi i Qeverisë, ja kush emërohet në krye të Agjencisë Kombëtare të Mjedisit appeared first on Albeu.com.

Edmond Llabani është emëruar ditën e sotme drejtor i komanduar i Institucionit të Ekzekutimit të Vendimeve Penale në Durrës.

Llabani është një profesionist me përvojë të gjatë në fushën e drejtësisë dhe administratës publike, duke pasur një karrierë të ngjashme në drejtimin e institucioneve të ngjashme. Më herët, ai ka mbajtur detyrën e drejtorit të IEVP-së në Peqin.

Emërimi i tij vjen një ditë pas shkarkimit nga detyra të Indrit Cërloj, me urdhër të Ministrit të Drejtësisë. Cërloji u shkarkua pas arratisjes së të dënuarit Altin Ndoci nga spitali i Durrësit, ngjarje e ndodhur më 13 janar.

Ndërkohë nga arratisja e Altin Ndoci u arrestuan 8 persona nga burgu i Durrësit. Ku mes të arrestuarve janë edhe 5 policë nga grupi i shoqërimit, të cilët lëvizën me ambulancën e burgut, Altin Ndocin nga qelia në spital.

Në pranga gjithashtu ra edhe kryeinfermieri i burgut Aulon Çuko, i cili firmosi dërgimin me urgjencë në spital.

The post Emërohet drejtori i ri, ja kush do të drejtojë burgun e Durrësit appeared first on Albeu.com.

Gjoba që arrijnë deri në 500 mijë lekë për çdo 24 orë vonesë, janë arma kryesore e ligjit të ri për të detyruar platformat dhe ofruesit e shërbimeve online të heqin përmbajtjet e dëmshme në internet.

Me vendim të Këshillit të Ministrave, qeveria ka përcaktuar mekanizmin administrativ që i jep Autoritetit të Komunikimeve Elektronike dhe Postare (AKEP) kompetenca të drejtpërdrejta ndëshkuese ndaj subjekteve që nuk zbatojnë vendimet gjyqësore për mbrojtjen e viktimave nga dhuna digjitale.

Sipas vendimit, AKEP do të vendosë gjoba administrative nga 30 mijë deri në 500 mijë lekë për çdo 24 orë vonesë ndaj ofruesve të shërbimeve online që nuk heqin, bllokojnë ose fshijnë përmbajtje digjitale të përcaktuara si masa mbrojtëse nga gjykata.

Këtu përfshihen, ndër të tjera, imazhet intime të publikuara pa pëlqimin e viktimës, llogaritë apo fjalëkalimet e përdorura për përndjekje, si edhe profilet ose lidhjet elektronike të përdorura për ngacmim.

Gjobat e vendosura nga AKEP, përbëjnë titull ekzekutiv dhe derdhen në buxhetin e shtetit. Subjektet përgjegjëse përfitojnë një ulje automatike prej 15% të shumës së gjobës, nëse pagesa kryhet brenda 30 ditëve nga njoftimi i vendimit.

Ndërkohë, ligji parashikon të drejtën e ankimit brenda 45 ditëve në gjykatën administrative kompetente.

Përtej sanksioneve financiare, ligji zgjeron ndjeshëm juridiksionin territorial të autoriteteve shqiptare.

Masat mbrojtëse dhe administrative zbatohen në territorin e Republikës së Shqipërisë, por AKEP dhe autoriteti rregullator i medias audiovizive mund të urdhërojnë heqjen, bllokimin ose kufizimin e përmbajtjes digjitale pavarësisht vendndodhjes së serverit apo ofruesit të shërbimit.

Në raste të caktuara, gjykata civile mund të shkojë edhe më tej, duke urdhëruar ndalimin e kontaktit online dhe offline, si dhe sekuestrimin e çdo mjeti digjital të përdorur për ushtrimin e dhunës, për sa kohë që këto mjete ndodhen brenda territorit të vendit.

Procedurat, formatet e kërkesës dhe mënyra e njoftimit elektronik për këto masa do të miratohen me një vendim të përbashkët të Këshillit të Lartë Gjyqësor, autoritetit përgjegjës për drejtësinë dhe Autoritetit të Komunikimeve Elektronike dhe Postare, duke synuar standardizimin dhe përshpejtimin e ndërhyrjeve në mjedisin digjital./ Monitor

The post Ligji i ri me sanksione ndaj përmbajtjes së dëmshme online, gjoba ditore deri në 500 mijë lekë appeared first on Albeu.com.

Janë evakuuar gjashtë familje mbrëmjen e kaluar në zonën e Katundit të Ri në Durrës.

Sipas burimeve nga emergjencat civile këto familje kanë qenë të përmbytura, por nuk kishin pranuar më parë të linin banesat.

Me rritjen e prurjeve në lumin Erzen ato janë evakuuar si masë sigurie.

Situata raportohet në përmirësim në lagjet periferike të Durrësit, ndërsa prani uji vazhdon të ketë në zona të Katundit të Ri e Sukthit, si dhe në rrugën Kthesa e Perlatit Sukth- Hammallaj. /Tch/

Pak orë para spektaklit të radhës së Big Brother VIP Kosova, rrjetet sociale janë “ndezur” nga aludimet për hyrjen e një banori të ri në shtëpinë më të famshme në vend. Shkak për këto spekulime është bërë një postim i reperit Lim Hoti në Instagram, i cili ka tërhequr menjëherë vëmendjen e publikut.

Limi ka publikuar një fotografi të shoqëruar me mbishkrimin “New chapter”, ndërsa në sfond të fotos shihet qartë logoja e Big Brother VIP. Ky detaj ka mjaftuar që ndjekësit të nisin menjëherë aludimet se ai mund të jetë banori i radhës që do t’i bashkohet formatit. Postimi, i realizuar në Prishtinë, është shpërndarë me shpejtësi dhe ka marrë qindra komente nga fansat e emisionit.

Ndjekësit e BBVK e kanë interpretuar këtë veprim si një sinjal të qartë për hyrjen e tij në shtëpi, duke e cilësuar Lim Hotin si një emër që mund të sjellë dinamika të reja dhe tensione interesante në lojë. Interesi është shtuar edhe më shumë për shkak të historisë së tij personale me disa nga banoret aktuale.

Kujtojmë se ai ka pasur më parë lidhje dashurie me dy banore të këtij edicioni, Albën dhe Bian, çka mund të ndikojë ndjeshëm në zhvillimet brenda shtëpisë, nëse ai konfirmohet si banor i ri.

Megjithatë, deri më tani, produksioni i Big Brother VIP Kosova nuk ka dhënë asnjë konfirmim zyrtar. Mbetet të shihet nëse këto aludime do të marrin formë konkrete gjatë spektaklit të radhës, i cili pritet me shumë interes nga publiku.

The post Mësoni emrin e banorit që mund të bëhet sot pjesë e shtëpisë së “BBVK” appeared first on Albeu.com.

Një mjet ushtarak që po shërbente në ndihmë të banorëve të Katundit të Ri në Durrës ka mbetur i bllokuar në ujë gjatë pasdites së sotme, për shkak të përmbytjeve të shkaktuara nga moti i keq. Mjeti i ndihmës, i dislokuar për të asistuar familjet e prekura, hasi vështirësi në një segment të rrugës së […]

The post Ushtria shkon për të ndihmuar banorët por përfundon vetë duke u shpëtuar appeared first on BoldNews.al.

TIRANË– Klodian Braho zhvillon mbledhjen e parë si drejtues në Prokurorinë e Posaçme me të gjithë trupën e prokurorëve.

Fjala e Brahos në lidhje me objektivat që ai ka për drejtimin e institucionit ka qenë e shkurtër, ku i bëri me dije prokurorëve që duhet të angazhohen me dhënien e mendimeve për kodin e ri Penal, kërkuar nga Ministria e Drejtësisë dhe mendime mbi marrëdhëniet që SPAK ka me Gjykatën e Lartë, atë Kushtetuese dhe institucionet e tjera ligjzbatuese.

Kreu i ri i SPAK ka dhënë edhe mesazhe në lidhje me mbarëvajtjen e proceseve hetimore në respektim të afateve. Të pranishëm kanë qenë të gjithë prokurorët, teksa mbledhja ka zgjatur rreth 20 minuta./abcnews.al

Çiftet e suksesshme i përdorin festat si një mundësi për të forcuar marrëdhënien e tyre duke krijuar tradita të reja, thotë psikologia me bazë në New York, Sabrina Romanoff.

Ata e përdorin vitin e ri si një mundësi për t'u lidhur dhe për të folur për atë që është e rëndësishme për ta. Romanoff është gjithashtu një eksperte marrëdhëniesh për aplikacionin e takimeve Hily.

Nata e Vitit të Ri është një kohë kur bëjmë “inventar personal të jetës sonë”, shpjegon ai për CNBC , duke shtuar, “Çfarë duam për të ardhmen, dhe gjithashtu si përshtatet partneri ynë në këtë”.

Ndër gjërat më të rëndësishme që çiftet e suksesshme bëjnë për ta mbajtur marrëdhënien e tyre të fortë në vitin e ri, sipas Romanoff, gjithçka varet nga një bisedë e vetme.

Pjesa e parë e bisedës është një përmbledhje e vitit të kaluar dhe reflektim mbi atë që funksionoi në marrëdhënie.

Romanoff sugjeron të kërkoni momente të lidhjes së thellë: "A ishit të prekshëm para njëri-tjetrit? A i thatë njëri-tjetrit diçka vërtet të frikshme që mund të mos e kishit thënë më parë?"

Çiftet e suksesshme reflektojnë mbi mënyrën se si kanë arritur ta ndërtojnë marrëdhënien e tyre dhe t’ia shprehin atë njëri-tjetrit.

Pjesa e dytë ka të bëjë me shikimin së bashku përpara dhe shqyrtimin e mënyrës se si mund të vazhdojnë ta përmirësojnë marrëdhënien e tyre vitin e ardhshëm.

Çiftet e suksesshme e bëjnë këtë duke e formuluar atë që duan të ndryshojnë si inkurajim, jo si kritikë. Romanoff sugjeron një bisedë vlerësuese: "Më pëlqen kur e bën këtë" ose "Ndihem më i lidhur me ty kur e bën këtë".

Në fund të fundit, bëhet fjalë për secilin partner që thotë: "Ja si dua që të ecim përpara", thotë Romanoff.

Një tragjedi e rëndë ka tronditur Zvicrën dhe mbarë Europën natën e ndërrimit të viteve, kur një zjarr fatal shpërtheu në lokalin Le Constellation, në Crans-Montana, duke i marrë jetën dhjetëra të rinjve. Mes viktimave ndodhen edhe disa shtetas italianë, përfshirë një adoleshent 16-vjeçar nga Bolonja.

Mes emrave që u konfirmuan pas ditësh ankthi ishte edhe ai i Giovanni Tamburi, një djalë vetëm 16 vjeç, i cili kishte udhëtuar drejt Crans-Montana për të kaluar pushimet e fundvitit me miqtë e tij. Ajo që duhej të ishte një natë feste dhe gëzimi, u shndërrua në një nga momentet më tragjike për familjen e tij.

Babai i tij, Giuseppe Tamburi, sipërmarrës i njohur italian dhe pronar i një kompanie verërash, ka folur për mediat me zë të dridhur dhe lot në sy, duke ndarë dhimbjen e një humbjeje të pakthyeshme.

“Giovanni ishte dielli im. Jetoja me të dhe për të. Ishte i dashur nga të gjithë, i sjellshëm, i mirë, i shkëlqyer në shkollë dhe sport. Djali ideal për çdo prind,” rrëfen ai mes emocioneve.

Giuseppe tregon se kishte kujdestarinë e të birit që i vogël dhe jetonin së bashku në Bolonja. Për tre ditë me radhë, familja jetoi mes shpresës dhe frikës, derisa analizat e ADN-së konfirmuan lajmin më të keq.

Sipas rrëfimit të babait, Giovanni kishte dalë natën e Vitit të Ri për të festuar me shokët. Fillimisht kishin darkuar së bashku dhe më pas ishin drejtuar drejt festës së organizuar në “Le Constellation”.

“E dija që do të shkonte atje. E pashë për herë të fundit kur i dhashë paratë për mbrëmjen,” tregon ai me dhimbje.

Kur pa trupin e djalit të tij, Giuseppe Tamburi shprehet se ai nuk kishte shenja të rënda djegieje, të paktën në fytyrë, çka e çon familjen të dyshojë se 16-vjeçari ka humbur jetën nga asfiksia e tymit, ndërsa përpiqej të shpëtonte.

“Giovanni ishte atletik. Jam i sigurt që luftoi për të dalë, por ndoshta ishte tepër vonë,” thotë ai.

Mes dhimbjes, babai i viktimës ngre akuza të forta për mungesën e masave të sigurisë në lokal. Ai shprehet i indinjuar për faktin se, sipas tij, nuk kishte një dalje të vërtetë emergjence.

“Ajo që më lë pa fjalë është mungesa e një daljeje reale. Ishte vetëm një portë e vogël e mbyllur. Nëse rregullat do të ishin respektuar, sot askush nuk do të kishte vdekur,” thekson ai.

Giuseppe Tamburi shton se e njihte lokalin prej vitesh dhe se kishte qenë edhe vetë aty më parë, por kurrë nuk do ta kishte imagjinuar se do të bëhej vendi ku do të humbiste jetën i biri.

“Giovanni ishte plot jetë… dhe aty e humbi. Nuk ka dhimbje më të madhe për një prind,” përfundon ai.

Ndërkohë, autoritetet zvicerane kanë nisur një hetim të thelluar për të zbardhur shkaqet e zjarrit dhe për të verifikuar përgjegjësinë e pronarëve të lokalit, si dhe respektimin e standardeve të sigurisë. Tragedia ka hapur një debat të fortë publik mbi sigurinë në ambientet e natës dhe kontrollin e tyre, ndërsa familjet e viktimave kërkojnë drejtësi për jetët e humbura.

The post Tragjedia e Vitit të Ri në Zvicër, rrëfimi prekës i babait të 16-vjeçarit italian që humbi jetën appeared first on iconstyle.al.

Një vit i ri sjell gjithmonë një mundësi për fillime të reja, dhe ndër vendimet më të njohura që njerëzit marrin janë ato që lidhen me shëndetin.

Për të filluar, mund të filloni duke vendosur qëllime që përfshijnë përkushtimin ndaj vetes, rritjen e lëvizjes, por edhe një fokus në të ushqyerit - pa rregulla rigoroze.

Nuk ka rëndësi sa herë e keni provuar më parë – çdo vit i ri ofron një shans për të krijuar zakone më të mira që mund të ndikojnë pozitivisht në jetën tuaj. Disa nga këto zakone, ndonëse të thjeshta, mund të jenë thelbësore për mirëqenien tuaj afatgjatë.

Shëndeti fillon me ju, dhe kjo nuk do të thotë vetëm aktivitet fizik ose ushqyerje e duhur. Ai përfshin gjithashtu shëndetin mendor, ekuilibrin në jetë dhe vëmendjen ndaj vetes. Një nga ndryshimet më të rëndësishme që mund të bëni është t'i kushtoni më shumë kohë vetes dhe paqes suaj të brendshme . Në botën e sotme të ngjeshur, shpesh harrojmë sa e rëndësishme është të ndalemi për një moment, të marrim frymë dhe të përqendrohemi në atë që na relakson. Këto mund të jenë momente të vogla relaksimi - qoftë meditim, lexim, dëgjim muzike apo thjesht shijim i heshtjes.

Gjithashtu, shëndeti mendor dhe shëndeti fizik janë të lidhur në mënyrë të pandashme, prandaj është me shumë rëndësi të futni aktivitet fizik të rregullt në jetën tuaj të përditshme. Kjo nuk do të thotë stërvitje të lodhshme në palestër, por çdo aktivitet që ju sjell gëzim dhe që mund ta praktikoni rregullisht. Qoftë ecje, çiklizëm, not apo joga, çelësi është vazhdimësia. Aktiviteti fizik jo vetëm që përmirëson trupin, por edhe çliron endorfina, të cilat janë hormone natyrore të lumturisë. Gjithashtu ju bën më produktivë dhe ul nivelet e stresit.

Një zakon që është gjithashtu i rëndësishëm për t'u përvetësuar është t'i kushtoni vëmendje dietës suaj, por jo domosdoshmërisht në kuptimin e dietave drastike. Përqendrimi në një dietë të shëndetshme dhe të ekuilibruar që përfshin një shumëllojshmëri lëndësh ushqyese, vitaminash dhe mineralesh mund të bëjë mrekulli për energjinë dhe shëndetin tuaj të përgjithshëm.

Një fillim i mirë është të vendosni një qëllim për të futur më shumë ushqime të freskëta, fruta, perime dhe drithëra të plota në dietën tuaj të përditshme. Ndërsa shijimi i ushqimeve tuaja të preferuara nuk është i ndaluar, është e rëndësishme të përqendroheni në sasinë dhe cilësinë e ushqimit që fusim në trupin tonë.

Viti i Ri sjell një mundësi për t'u përqendruar në shëndetin tuaj dhe për t'u zhvilluar në një version më të mirë të vetes. Me hapa të vegjël dhe qëndrueshmëri, këto zakone bëhen pjesë e rutinës suaj të përditshme dhe sjellin përfitime afatgjata, dhe më e rëndësishmja, ato ju lejojnë të ndiheni më mirë dhe të jetoni një jetë më të përmbushur.

Rio de Janeiro është njohur zyrtarisht nga Libri i Rekordeve Guinness si vendi pritës i festimeve më të mëdha të Vitit të Ri në botë, pasi autoritetet verifikuan se rreth 2.5 milionë njerëz u mblodhën në plazhin Copacabana për të mirëpritur vitin 2025.

Certifikimi u dha gjatë një ceremonie në bregdet, ku morën pjesë kryetari i bashkisë Eduardo Paes dhe përfaqësuesja e Guinness, Camila Borenstein.

Regjistrimi njeh jo vetëm numrin e pjesëmarrësve, por edhe shkallën, prodhimin artistik dhe rëndësinë kulturore të ngjarjes.

Guinness tha se procesi i verifikimit përfshinte një shqyrtim gjithëpërfshirës të të dhënave zyrtare, imazheve ajrore dhe numërimeve me dron për të konfirmuar pjesëmarrjen.

Organizata përmendi gjithashtu aftësinë e Rios për të zbatuar protokollet e sigurisë, masat e qëndrueshmërisë dhe logjistikën në shkallë të gjerë në një vijë bregdetare urbane me popullsi të dendur.

"Pak qytete në botë mund të organizojnë evente për kaq shumë njerëz, vit pas viti", tha Paes gjatë ceremonisë.

Zyrtarët e qytetit thanë se shifra prej 2.5 milionësh i referohet vetëm Copacabanës dhe nuk përfshin turmat në festimet e tjera të Vitit të Ri në të gjithë Rion, ku skenat dhe koncertet shtesë zakonisht tërheqin miliona të tjerë .

Autoritetet vlerësojnë se pjesëmarrja totale në të gjithë qytetin mund të arrijë në rreth 5 milionë njerëz. /Telegrafi/

Datat 1-2 janar janë ditët e para të një kapitulli të ri dhe për shumë njerëz, një shans për një fillim të mbarë. Prandaj për ta nisur vitin mbarë shumë besojnë se ka disa bestytni që lidhen me këtë ditë, të cilat supozohet se sjellin fat, shëndet dhe pasuri për të gjithë vitin. Mos punoni […]

The post Bestytnitë/ Çfarë duhet të bëni për një vit sa më të mbarë appeared first on BoldNews.al.

Nga: Yasmin Rufo / BBC
Përkthimi: Telegrafi.com

Kudo, për momentin, janë mesazhet “Vit i Ri, Vetja e Re”.

Reklamat për palestër dhe plane dietash shfaqen në rrjetet sociale dhe bisedat për kohën pas rikthimit në punë sillen rreth asaj se kush do të heq dorë nga çfarë, kush do të fillojë diçka të re, apo kush më në fund po t’i bëjë siç duhet gjërat në këtë janar.

Megjithatë, shumica e objektivave për Vitin e Ri nuk zgjasin. Shumë prej nesh do t’i kenë braktisur qëllimet deri në mesin e janarit.

Por, ky vit mund të jetë ndryshe. I kemi pyetur disa ekspertë për këshilla se si të përcaktoni - dhe të mbani - objektivat tuaja për Vitin e Ri.

1. Jini realistë

A do të jetë viti 2026 ai kur do të “humbni peshë”, “ndryshoni karrierë” apo “ndërroni shtëpi”?

Kujdes - këto nuk janë plane të zbatueshme, janë deklarata presioni, paralajmëron Dr. Claire Kaye, ish-mjeke e përgjithshme dhe trajnuese për vetëbesimin.

Vendimet shpesh dështojnë sepse janë të paqarta, jorealiste dhe shumë të gjera, thotë ajo.

Ajo këshillon të shkruani se çfarë po funksionon në jetën tuaj, çfarë po ju shteron energjinë ose nuk përshtateni më, dhe ku po funksiononi në autopilot.

“Kur kuptoni çfarë doni më shumë, jo vetëm nga çfarë doni të ikni, ndryshimi bëhet shumë më i qëndrueshëm”, thotë ajo.

Shkruani qëllimet tuaja duke u përqendruar te “drejtimi dhe përvoja, në vend të një pike fikse”.

Ajo sugjeron që “humbja e peshës” mund të riformulohet si: “Dua të ndihem më me energji dhe më rehat në trupin tim, dhe të kuptoj çfarë më ndihmon të ndihem në atë mënyrë”.

Në vend të “të ndryshoj karrierë”, mund të jetë: “Dua të hulumtoj se cila punë më jep energji dhe kuptim, dhe të identifikoj një hap të vogël drejt një të madhi për këtë”.

2. Mos i përdorni këto dy fjalë

Një gjë tjetër për t’u shmangur kur shkruani qëllimet është përdorimi i gjuhës së fiksuar si “gjithmonë” ose “kurrë”, thotë psikologia Kimberley Wilson.

Kjo krijon një qasje gjithçka ose asgjë, e cila është jashtëzakonisht e vështirë për t’u mbajtur.

T’i premtoni vetes “Gjithmonë do të dal për vrap të mërkurën” ose “Nuk do të pi më kurrë” thjesht ju përgatit për dështim.

“Një shembull klasik lidhet me dietën ose ushtrimet, kur njerëzit mendojnë se nëse gabojnë një ditë, atëherë gjithçka është e kotë”, i ka thënë ajo podkastit të BBC‑së, What’s Up Doc.

Ajo thotë se njerëzit mund të zhvillojnë një vizion tuneli, duke gjykuar një zgjedhje të vetme të izoluar, kur ajo që nevojitet është perspektivë më e gjerë që vë një moment në kontekstin e shumë të tjerëve.

Dr. Kaye thotë se qëllimet duhet të shkruhen me formulime më elastike, si “Dua të eksperimentoj me”, “Dua të krijoj më shumë hapësirë për” ose “Po mësoj çfarë funksionon për mua kur”.

3. Planifikojeni përkeqësimin

Keni qenë shumë mirë për javë të tëra, pastaj një hap i humbur, një takim, një ndejë natën vonë dhe papritur seria juaj e fitoreve ka marrë fund dhe ndiheni të mundur.

Arsyeja pse disa vendime dështojnë është se “njerëzit bëjnë plane për versionin më të mirë të vetes”, thotë Wilson.

“Ata nuk janë të përgatitur për të ndenjur zgjuar deri vonë ose për të pasur një ditë të vështirë në punë, dhe në atë moment nuk kanë një plan për të vënë në zbatim”, thotë ajo.

Wilson thotë se është e rëndësishme ta pranoni përkeqësimin si pjesë të procesit - kjo nuk do të thotë se keni dështuar, sepse këmbëngulja ka më shumë rëndësi sesa përsosmëria.

Dr. Kaye thotë se është e rëndësishme të kujtoni se “qëllimi nuk është të jesh perfekt, por të shmangësh kthimin e një momenti në braktisje të plotë të planit”.

Nëse gaboni, “reagimi më i dobishëm është kureshtja dhe jo kritika” dhe, në vend që të prisni javën tjetër ose muajin tjetër për të filluar sërish, duhet ta trajtoni çdo ditë si një rindezje.

4. Kombino shprehitë tuaja

Një mënyrë për të ndihmuar suksesin e objektivave tuaja për Vitin e Ri është teknika e njohur si “kombinimi i shprehive”, ku lidhni një sjellje të re me diçka që tashmë është pjesë e rutinës suaj të përditshme, thotë trajnuesja për karrierë, Emma Jefferys.

“Për shembull, pasi laj dhëmbët, bëj dhjetë pompa. Pasi hedh verë në gotë, shkruaj për dhjetë minuta. Pasi i vë fëmijët në gjumë, shtrihem”, thotë ajo.

“Nuk po shtoni më shumë gjëra, po e ndërthurini sjelljen e re në strukturën e asaj që tashmë bëni”.

Në vend që të mbështeteni vetëm te motivimi, Jefferys thotë se edhe rregullimi i mjedisit për sukses mund të sjell një ndryshim të madh.

“Pra, nëse doni të lexoni më shumë, mbajeni librin mbi jastëk që të detyroheni ta lëvizni para gjumit”, thotë ajo.

5. Bëjeni në mënyrë pozitive

Nëse objektivi juaj për Vitin e Ri është të kurseni më shumë ose të menaxhoni më mirë buxhetin, ekspertët thonë se kjo ka më shumë gjasa të zgjasë nëse lidhet me diçka pozitive.

Tom Francis, drejtues i financave personale në Octopus Money, thotë se “të kesh një qëllim të qartë dhe emocionues, qoftë pushim apo fond emergjence, e bën kursimin të ndihet i qëllimshëm dhe jo kufizues”.

Ai gjithashtu thotë se është e rëndësishme të mos përpiqeni të ndryshoni shumë gjëra njëherësh, sepse kjo rrallëherë është e qëndrueshme.

“Zgjidhni vetëm dy ose tri përparësi të qarta - për shembull, kursimi i 1 200 paundëve [1 374 ruro] për një pushim ëndrrash mund të duket gjë e rëndë, por 100 paund [115 euro] në muaj duket i arritshëm”, thotë ai.

Nëse keni një shpenzim të papritur, është në rregull të ngadalësoni, thotë ai.

“Ulja e kursimit mujor nga 100 paundë në 20 paundë [23 euro], për shembull, do të thotë se ende po ecni përpara, dhe ajo që ka më shumë rëndësi është ta mbani gjallë këtë shprehi”. /Telegrafi/

NJU JORK, 1 janar /ATSH/- Nga Sidnej në Paris e deri në Nju Jork, njerëzit në mbarë botën festuan ardhjen e Vitit të Ri 2026, sipas AP.

Ndërsa ora shënoi mesnatën në Japoni, kambanat e tempujve ranë dhe disa u ngjitën në male për të parë lindjen e parë të diellit të vitit të ri.

Dubai organizoi festimet e saj të famshme spektakolare të Vitit të Ri, duke shfaqur fishekzjarre verbuese dhe shfaqje lazeri në kullën ikonike Burj Khalifa, të sinkronizuara me Shatërvanët e Dubait, ndërsa vende buzë ujit si Palm Jumeirah dhe Dubai Marina gjithashtu pritën ngjarjen e madhe me dronë, elementë uji , duke krijuar një shfaqje të paharrueshme dritash në të gjithë horizontin e qytetit për miliona spektatorë.

Numërimi mbrapsht për vitin 2026 u projektua në Harkun e Triumfit në Paris, ndërsa në Moskë njerëzit festuan në dëborë.

Në “Times Square” të Nju Jorkut, pjesëmarrësit sfiduan temperaturat e ftohta për të festuar me hedhjen e famshme të topit të Vitit të Ri.

Në Rio de Zhaneiro, turmat mbushën Plazhin Copacabana të qytetit për të shijuar koncertin dhe një shfaqje fishekzjarresh 12-minutëshe, pavarësisht baticave të larta dhe valëve të mëdha që tronditën barkat që mbanin fishekzjarre.

Hong Kongu mbajti festime të kufizuara pas një zjarri të kohëve të fundit në një kompleks apartamentesh që shkaktoi vdekejen e 161 personave.

Australia e mirëpriti vitin e ri me kufizime –  pasi festimet në plazhin e famshëm u anuluan për shkak të sulmit vdekjeprurës terrorist në plazhin Bondi, në Sidnej dy javë më parë.

Në metropolin australian, 9 tonë fishekzjarrë u hodhën në qiell rreth Urës ikonike të Portit dhe Shtëpisë së Operas.

Një ngjarje e rëndë ka ndodhur në qytetin turistik zviceran të Crans-Montanës, ku një zjarr në një bar në orët e para të vitit të ri supozohet se vrau dhjetëra njerëz.

Hedhja e topit në Nju Jork 

Turmat e mbledhura brohorisnin dhe përqafonin topin e Vitit të Ri të mbuluar me më shumë se 5,000 kristale që zbriste poshtë një shtylle në “Times Square”.

Pjesëmarrësit, të veshur me kapele festive dhe varëse të ndriçuara, kishin pritur me orë të tëra për të parë hedhjen e topit prej 5,602 kilogramësh.

Prezantuesit televizivë intervistuan vizitorët që merrnin pjesë nga vende të tilla si Florida, Meksika dhe Koreja e Jugut, dhe lexuan urimet e njerëzve për vitin e ri.

Policia në qytet kishte planifikuar masa shtesë anti-terroriste gjatë hedhjes së topit – me “ekipe kontrolli të lëvizshme”.

Pak çaste pasi topi u lëshua, ai u ngrit sërish, duke shkëlqyer në ngjyrë të kuqe, të bardhë dhe blu, për të shënuar 250-vjetorin e ardhshëm të vendit.

Më shumë siguri në Sidnej

Një prani e madhe policie monitoroi turmat që shikonin fishekzjarrët në Sidnej.

Një orë para mesnatës, viktimat e sulmit vdekjeprurës terrorist në plazhin Bondi, dy javë më parë – u përkujtuan me një minutë heshtje dhe turma u ftua të tregonte solidaritet me komunitetin hebre të Australisë.

Festime të kufizuara për shkak të luftës dhe fatkeqësive

Indonezia kufizoi festimet në solidaritet me komunitetet e shkatërruara nga përmbytjet dhe rrëshqitjet e dheut në disa pjesë të Sumatrës një muaj më parë që vranë mbi 1 100 njerëz.

Fishekzjarrët në ishullin turistik të Balit u zëvendësuan me valle tradicionale.

Hong Kongu e festoi vitin 2026 pa fishekzjarrë mbi Portin Victoria pas zjarrit masiv në nëntor.

Fasadat e monumenteve u shndërruan në orë numërimi mbrapsht dhe një shfaqje dritash në mesnatë.

Dhe në Gaza, palestinezët thanë se shpresonin që viti i ri t’i jepte fund konfliktit midis Izraelit dhe Hamasit.

Rreth Evropës

Papa Leone XIV e mbylli vitin me një lutje – duke uruar që qyteti i Romës të mirëpriste të huajt dhe të brishtët.

Fishekzjarrët shpërthyen mbi monumentet evropiane, nga Koloseu në Romë deri te “London Eye”.

Në Paris, njerëzit u mblodhën rreth rrugës vezulluese Champs-Élysées.

Në Skoci, ku Viti i Ri njihet si “Hogmanay”, kryeministri John Swinney u bëri thirrje skocezëve të ndiqnin mesazhin e “Auld Lang Syne” nga poeti kombëtar Robert Burns dhe të tregonin akte mirësie.

Greqia dhe Qiproja kufizuan festimet, duke zëvendësuar fishekzjarrët tradicionalë me piroteknikë me zhurmë të ulët në kryeqytete.

Zyrtarët thanë se ndryshimi kishte për qëllim t’i bënte festimet më mikpritëse për fëmijët dhe kafshët shtëpiake.

“Në Crans-Montana, një zjarr që përfshiu një bar në orën 1:30 të mëngjesit shkaktoi viktima të mëdha”, sipas policisë.

Në një konferencë për shtyp, policia tha se dhjetëra njerëz kishin vdekur dhe rreth 100 të tjerë ishin plagosur. //a.i/

The post Vendet anembanë botës mirëpresin vitin 2026 me fishekzjarre dhe siguri të shtuar appeared first on Agjencia Telegrafike Shqiptare.

LONDËR, 1 janar /ATSH/- Mijëra njerëz sfiduan të ftohtin për të mirëpritur vitin e ri – përgjatë lumit Thames në Londër për të parë shfaqjen spektakolare të fishekzjarrëve që hapi vitin 2026, sipas “The Independent”.

Pavarësisht temperaturave të ulëta – rreth 0 gradë Celsius – pothuajse 100,000 njerëz u mblodhën në brigjet e lumit Thames për të festuar.

Fishekzjarret shpërthyen në qiell për të mirëpritur Vitin e Ri rreth “London Eye” dhe Kullës Elizabeth, e njohur zakonisht me emrin e kambanës së orës “Big Ben”, në Pallatin e Westminster në Londrën qendrore në mesnatë, më 1 janar 2026.

Shfaqja spektakolare – e shoqëruar me një kolonë zanore që përfshinte artistë si Raye, Sabrina Carpenter, Ed Sheeran dhe Coldplay dhepjesëmarrjen e yjeve si Celia Imrie, Andrew Cotter dhe Alison Hammond – kujtoi disa nga sukseset kryesore të vitit 2025.

Ndër arritjet e njohura në shfaqje ishin triumfi i Anglisë në Kupën e Botës në “Regbi për Femra”, mbrojtja e Kampionatit Evropian nga Lionesses dhe fitorja e Kupës Ryder për Evropën.

Më shumë se 12,000 fishekzjarrë dhe më shumë se 400 drita ndriçuan qiellin e natës rreth “London Eye”, me animacione hologaze që plotësonin shfaqjen më të madhe vjetore të fishekzjarrëve në Evropë.

Përveç festimit të arritjeve kombëtare të 12 muajve të fundit, shfaqja iu referua gjithashtu verës së kaluar si më e nxehta e regjistruar ndonjëherë në Britaninë e Madhe.

Një numër qytetesh të tjera në Britaninë e Madhe po organizojnë shfaqje dhe evente me fishekzjarrë për Vitin e Ri.

Festimet në Hogmanay, Edinburg kthehen me më shumë se 40,000 pjesëmarrës pas anulimit për shkak të motit vitin e kaluar.

Mijëra njerëz filluan të mblidheshin në qendër të Edinburgut para orës 22:00 për të pritur vitin e ri në festimet e famshme të qytetit në “Princes Street”, ku argëtimi i natës përfshin një grup muzikor, bateristë dhe DJ.

Organizatorët thanë se më shumë se 40,000 bileta ishin shitur për ngjarjen e Vitit të Ri, e cila u rikthye pas anulimit të vitit të kaluar për shkak të motit.

Shfaqja zyrtare e Mançesterit do të zhvillohet në Sheshin e Shën Pjetrit në qendër të qytetit.

Shfaqja e fishekzjarrëve në Britaninë e Madhe nis përpara Nju Jorkut, i cili do t’i bashkohet festimeve në orën 5:00 të mëngjesit GMT në Ditën e Vitit të Ri, me performanca nga Diana Ross dhe Ciara. Njerëzit u rreshtuan rreth “Avenue” gjashte orë më parë. //a.i/

The post Shfaqje spektakolare fishekzjarrësh në Londër, mijëra njerëz sfidojnë të ftohtin për të mirëpritur Vitin e Ri! appeared first on Agjencia Telegrafike Shqiptare.

Kemi dy fotografi që duken të njëjta, por në to janë fshehur tetë ndryshime të vogla.

Shikoji me kujdes dhe përpiqu t’i gjesh të gjitha pa u nxituar!

A mund t’i dallosh të gjitha ndryshimet pa ndihmë?

Provo aftësitë e tua dhe sfido edhe miqtë!

Policia e Kosovës ka zbatuar një plan operativ me masa të shtuara sigurie gjatë festës së ndërrimit të mot-moteve, me qëllim të garantimit të rendit publik dhe sigurisë së qytetarëve në mbarë vendin.

Sipas njoftimit zyrtar, Policia ka rritur prezencën në lokacione ku pritej përqendrim më i madh i qytetarëve, ndërsa “është paraparë shtimi i masave të sigurisë dhe prezencës policore në lokacione apo ambiente ku pritej të ketë përqendrim, festime apo prezencë më të madhe të qytetarëve gjatë festës”.

Në kuadër të këtij plani operativ, Policia ka pasur fokus të veçantë edhe në trafikun rrugor, pikat e kalimit kufitar dhe aeroportin ndërkombëtar.

“Është paraparë kujdes i shtuar në mbikëqyrjen dhe kontrollin në trafikun rrugor, menaxhimin e Pikave të Kalimeve Kufitare përfshirë aeroportin ndërkombëtar dhe brezit kufitar në përgjithësi”, thuhet në njoftim.

Bazuar në raportimet nga Drejtoritë Rajonale Policore, nata e Vitit të Ri ka kaluar me disa incidente të izoluara.

Policia njofton se “janë raportuar incidente me lëndime trupore si pasojë e përdorimit të pakujdesshëm të mjeteve piro-teknike, raste të lëndimeve të lehta nga armë zjarri dhe dëme materiale si pasojë e përdorimit të pakujdesshëm të mjeteve piroteknike (zjarre)”.

Tutje, Policia e Kosovës thekson se të gjitha rastet e raportuara janë dhe do të trajtohen në koordinim me prokuroritë kompetente.

“Policia i ka iniciuar dhe do të vazhdojë t’i trajtojë të gjitha ato raste qofshin vepra penale apo incidente tjera dhe rastet në koordinim me prokurorit kompetente do të përcillen te organet e drejtësisë”.

Në fund të njoftimit, Policia e Kosovës ka uruar qytetarët për Vitin e Ri, duke shprehur mirënjohje për bashkëpunimin e treguar.

“Gëzuar Vitin e Ri 2026, qoftë ky vit i suksesshëm për ju, shëndet, paqe e siguri! Ju falënderojmë për bashkëpunimin dhe besimin e treguar ndaj nesh”, thuhet në njoftim. /Telegrafi/

TIRANË, 1 janar /ATSH/ Në shumë vende, viti i ri fillon më 1 janar. Megjithatë, nuk ka qenë gjithmonë kështu. Në fakt, për shekuj me radhë, data të tjera shënonin fillimin e kalendarit, duke përfshirë 25 marsin dhe 25 dhjetorin.

Caktimi i 1 janarit si Dita e Vitit të Ri erdhi falë mbretit romak Numa Pompilius. Gjatë mbretërimit të tij (715–673 para Krishtit) Numa e rishikoi kalendarin republikan romak në mënyrë që janari të zëvendësonte marsin si muajin e parë. Ishte një zgjedhje e përshtatshme, pasi janari u emërua sipas Janusit, perëndisë romake të të gjitha fillimeve; ndërsa muaji mars ishte në nder të perëndisë së luftës, Marsit. Por 1 janari nuk u bë fillimi zyrtar i vitit romak deri në vitin 153 para Krishtit.

Në vitin 46 p.K Jul Cezari prezantoi më shumë ndryshime, megjithëse kalendari Julian, siç u bë i njohur, e mbajti 1 janarin si datën e nisjes së vitit. Me zgjerimin e Perandorisë Romake u përhap gjithashtu edhe përdorimi i kalendarit Julian.

Në vitin 1582, përveç zgjidhjes së problemit me vitet e brishta, kalendari Gregorian rivendosi 1 janarin si fillimin e Vitit të Ri. Ndërsa Italia, Franca dhe Spanja ishin ndër vendet që pranuan menjëherë kalendarin e ri, kombet protestante dhe ortodokse ishin të ngadalta në miratimin e tij. Britania e Madhe dhe kolonitë e saj amerikane nuk filluan të ndiqnin kalendarin Gregorian deri në vitin 1752. Përpara kësaj, ata festonin Ditën e Vitit të Ri më 25 mars.

Me kalimin e kohës, vendet jo të krishtera gjithashtu filluan të përdorin kalendarin Gregorian. Kina (1912) është një shembull i shquar, megjithëse vazhdoi të festonte Vitin e Ri Kinez sipas një kalendari hënor. Në fakt, shumë vende që ndjekin kalendarin Gregorian kanë edhe kalendarë të tjerë tradicionalë ose fetarë. Disa kombe nuk e përvetësuan kurrë kalendarin Gregorian dhe kështu e fillojnë vitin në data të tjera përveç 1 janarit. Etiopia, për shembull, feston Vitin e Ri (i njohur si Enkutatash) në shtator.

/j.p/r.e/

The post Si u bë 1 janari dita e parë e vitit appeared first on Agjencia Telegrafike Shqiptare.

TIRANË, 1 janar /ATSH/ Shqipëria ka lënë pas vitin 2025, duke hyrë zyrtarisht në Vitin e Ri 2026.

Festa kulmoi në sheshin “Skënderbej” në kryeqytet ku Viti i Ri u prit me një koncert madhështor i cili nisi në orën 22:00 dhe vijoi deri në orët e vona pas mesnate.

Qytetarë tê shuntë u mblodhën për të festuar bashkë momentin magjik të ndërrimit të viteve.

Atmosfera festive u ndez nga performancat e artistëve të njohur, duke i dhuruar publikut një mbrëmje të paharrueshme mes muzikës, dritave dhe fishekzjarrëve.

E pranishme ne sheshin “Skënderbej” ishte dhe kryetarja e komanduar e Bashkisë së Tiranës Anuela Ristani.

Ajo theksoi se “këtë vit kemi vendosur që privilegjin t’ia japim atyre që kanë punuar më shumë jo vetëm për qytetin, por për të ardhmen e të gjithë gjithë Shqipërisë, ndaj ju lutem bashkohuni me mua që të mirëpres këtu në skenë për të numëruar mbrapsht Vitin e Ri të gjithë maturantët e shkëlqyer të qytetit të Tiranës, fytyra më e bukur e qytetit Iva, Ajla, Dea”.

“Ka një arsye pse ky qytet nderon ata që përpiqen më shumë dhe këta çuna dhe goca që po futen në jetën e të rriturve sot do të numërojnë mbrapsht për Tiranën, për Shqipërinë dhe për të ardhmen tonë”, u shpreh Ristani.

Një spektakël fishekzjarrësh ndriçoi Tiranën gjatë momentit të ndërrimit të viteve.

Viti i Ri 2026 u prit me spektakël fishekzjarresh edhe në qytete të tjera të vendit.

Agjencia Telegrafike Shqiptare uron të gjithë shqiptarët kudo që ndodhen, për një vit sa më të mbarë e të begatë.

1 nga 6

/gj.m/a.f/

The post Viti i Ri mirëpritet me spektakël fishekzjarresh në Shqipëri. ATSH ju uron Gëzuar 2026-ën! appeared first on Agjencia Telegrafike Shqiptare.