Pedro Fernandez Sarmiento, i njohur si “Dro”, është shumë pranë largimit nga FC Barcelona për t’u transferuar te Paris Saint-Germain.
Sipas Mundo Deportivo, dy klubet janë afër finalizimit të një marrëveshjeje me vlerë pak mbi 8 milionë euro.
Mesfushori 18-vjeçar tashmë ia ka komunikuar vendimin e tij trajnerit Hansi Flick dhe ka informuar edhe bashkëlojtarët se destinacioni i tij i ardhshëm do të jetë PSG-ja.
Edhe pse në tryezë kanë qenë oferta serioze nga Anglia dhe Gjermania, përfshirë Manchester Cityn dhe Borussia Dortmundin, klubi francez pritet të fitojë garën për firmën e talentit spanjoll. Raportohet se transferimi po shtyhet fort me kërkesë të drejtpërdrejtë të Luis Enrique.
PSG-ja ka mundësinë ta aktivizojë klauzolën e lirimit të lojtarit, e cila është 6 milionë euro, por burimet bëjnë të ditur se kampionët e Francës janë të gatshëm të paguajnë pak më shumë. Kjo lëvizje synon ruajtjen e marrëdhënieve të mira me Barcelonën, si dhe përfitime të mundshme në aspektin fiskal.
Nëse gjithçka mbyllet sipas planit, Barcelona do të arkëtojë mbi 8 milionë euro nga largimi i një tjetër talenti të akademisë./Telegrafi
Legjenda e Arsenalit Xavi Hernandez ka zbuluar se dikur u qortua keq nga ish mesfushori Xavi Hernandez, pasi ai fillojë të qeshte me pjesën ku lexonte “Më shumë se një klub” në “Camp Nou”.
Henry kaloi te Barcelona nga Arsenali, aty ku edhe u bë një legjendë e skuadrës katalunase si dhe e ndihmoi klubin të fitonte disa trofe.
Megjithatë, duke biseduar në podcastin “Overlap”, Henry ka zbuluar se në fillim ishte kritikuar nga Xavi për deklaratat e tij të para si lojtar i Barcelonës.
“Më kujtohet një ditë kur po ngjitesha në shkallët e Camp Nou dhe e pashë “Më shumë se një klub”. I Thashë Samuel Eto’o: “Çfarë është kjo dhe fillova të qeshja”. Xavi Hernandez ishte prapa meje dhe më dëgjoi”.
“Ai më thotë “Çfarë the?”. Kurrë mos guxo të flasësh ashtu për klubin tim, nuk ke fituar ende asgjë këtu. Thjesht mbylle gojën dhe puno. Nëse fiton diçka atëherë të lë të flasësh”.
“E shikova dhe në atë moment kishte të drejtë sepse nuk ai e dinte çfarë nënkupton klubi dhe unë jo. Pastaj fitova dhe humba atje, e mësova çfarë nënkupton klubi. Por, në atë moment ai më bëri të kuptoja se për çka ka të bëjë klubi dhe pse është ku është tani”.
“Nuk thashë asgjë në atë moment. E shikova dhe i thashë “Më fal”, kujton Henry.
Ndërkohë, Henry shumicën e kohës është kthyer në një analist ndërsa Xavi është i papunë që kur u shkarkua nga Barcelona./Telegrafi/
Paris Saint-Germain thuhet se është i vendosur të sigurojë nënshkrimin e mesfushorit të Barcelonës, Dro Fernandez, sa më shpejt të jetë e mundur, me një marrëveshje verbale që është në fuqi prej ditësh.
Parisienët janë të etur të zmbrapsin pretendentë si Manchester City dhe Borussia Dortmund për lojtarin e ri.
Sipas gazetës Sport, presidenti i PSG-së, Nasser Al-Khelaifi, ka hyrë drejtpërdrejt në negociata me presidentin e Blaugranave për të finalizuar nënshkrimin e 18-vjeçarit.
🚨 Le président du club, Nasser Al-Khelaïfi, a directement contacté Joan Laporta afin de négocier un transfert de Dro, sans passer par le paiement de sa clause libératoire.
Pavarësisht klauzolës së lirimit prej gjashtë milionësh, Barcelona po negocion një tarifë pak më të lartë me parisienët për largimin e spanjollit.
Trajneri i PSG-së, Luis Enrique, luajti një rol kyç në bindjen e Dros, i cili pritet të nënshkruajë një kontratë me kryeqytetin francez deri në vitin 2030. /Telegrafi/
Trajneri i Barcelonës, Hansi Flick, mbetet i qetë pavarësisht presionit në rritje nga Real Madridi në garën për titull në La Liga.
Los Blancos që janë vetëm një pikë prapa Blaugranëve në tabelën e La Ligës, pas 20 ndeshjeve të luajtura deri tani në kampionat.
Megjithatë, trajneri gjerman i katalunasve ndihet i qetë momentalisht, pasi sipas tij ka ende shumë kohë deri në fund të sezonit.
“Ka ende shumë punë për të bërë. Do të shohim çfarë do të ndodhë. Nuk e di nëse do të kem kohë ta shikoj ndeshjen (Villarreal kundër Real Madridit) sot", ka thënë a trajneri i Blaugranave në konferencë.
Për ndeshjen e nesërme të La Ligës kundër Real Oviedos, Flick pret fitore nga ana e ekipit të tij.
“Po luajmë në shtëpi dhe duam të fitojmë. Është diçka që na përket neve. Në ndeshjet e fundit, kundërshtari gjithmonë ka shënuar i pari dhe ne duam ta shmangim këtë", përfundoi gjermani. /Telegrafi/
Lojtarët e Real Madridit dominojnë listën e lojtarëve më të paguar në La Liga, sipas të dhënave të Transfermarkt, dhe këtë e bëri të ditur gazetari i njohur, Fabrizio Romano, në rrjetet sociale.
Sipas këtyre të dhënave, pagën më të lartë bruto vjetore e merr Kylian Mbappe, i cili fiton 31.3 milionë euro.
Vinicius Junior vjen pas me 25 milionë euro, pastaj David Alaba me 22.5 milionë euro, dhe mesfushori anglez, Jude Bellingham, është gjithashtu i katërti me një pagë vjetore bruto prej 20.8 milionë eurosh.
Portieri i Atletico Madridit, Jan Oblak, plotëson pesëshen e parë me të ardhura prej 20.8 milionë eurosh.
Pas kësaj vjen dyshja e Barcelonës, Robert Lewandowski, i cili fiton njësoj si Bellingham dhe Oblak, dhe Frenkie de Jong me 19 milionë euro.
Më pas vijnë Nico Williams, Raphinha, Federico Valverde, Rodrygo Goes, Lamine Yamal dhe Trent Arnold-Alexandar, të cilët fitojnë nga 16.7 milionë euro.
Marc-Andre Ter Stegen dhe Jules Kounde përfundojnë listën e 15 lojtarëve më të paguar me një pagë bruto vjetore prej 15.6 milionë eurosh. /Telegrafi/
Sulmuesi i Atletico Madridit, Julian Alvarez, vazhdon të jetë i lidhur me një largim nga klubi, pavarësisht se Los Colchoneros vazhdimisht kanë siguruar se nuk kanë ndërmend ta shesin lojtarin e kombëtares argjentinase. Më parë këtë sezon ai i hodhi poshtë lidhjet me Barcelonën, dhe tani agjenti i tij,Fernando Hidalgo, ka dalë për të diskutuar publikisht të ardhmen e tij.
Barcelona është lidhur me Alvarezin për pjesën më të madhe të vitit të kaluar, me presidentin Joan Laporta që duket se e preferon atë për të zëvendësuar Robert Lewandowskin këtë verë. Kohët e fundit, edhe Chelsea është interesuar për të , dhe disa raportime tani pohojnë se Arsenali po shqyrton nisjen e një ofensive për të.
Verën e kaluar, agjenti i Alvarezit i hodhi benzinë zjarrit, duke shpjeguar se “nuk mendoj se ka shumë argjentinas që nuk kanë dashuri për Barcelonën ”. Këtë herë ai i minimizoi lidhjet.
“Çdo klub i interesuar për Julian duhet të kontaktojë menaxhmentin e Atletico Madridit, pasi lojtari është nën kontratë dhe i përkushtuar ndaj klubit”, tha ai për Eremnews, citon gazeta Sport.
“Nuk është e vërtetë, nuk jam takuar me Decon apo askënd nga Barcelona gjatë periudhës aktuale", shpjegoi ai, kur u pyet për kontaktet e supozuara midis të dyve.
E përditshmja katalunase shton se ka informacione kontradiktore mbi gatishmërinë e Atleticos për të negociuar. Edhe pse disa burime sigurojnë se Atletico nuk ka ndërmend të dëgjojë ofertat, të tjera pretendojnë se një ofertë prej 120 milionë eurosh do të merret në konsideratë.
Përveç kësaj, Alvarez nuk po kalon sezonin më të lehtë, pa gol që nga 1 nëntori në La Liga. Duke përfshirë edhe garat e kupës, shifrat e tij duken dukshëm më të mira, me 11 gola dhe pesë asistime në 28 paraqitjet e tij, por nuk ka dyshim se kontributi i tij ka qenë nën pritjet në muajt e fundit.
Gjatë ndeshjeve të fundit, Diego Simeone ka vazhduar ta zëvendësoj atë rreth minutës së 60-të. /Telegrafi/
Qendërmbrojtësi i Interit, Alessandro Bastoni, është shndërruar në një objektiv konkret për Barcelonën dhe Liverpoolin, ndërsa vetë lojtari tashmë ka bërë të qartë dëshirën e tij për hapin e radhës në karrierë.
Kontrata e Bastonit me Interin është e vlefshme deri në vitin 2028, por kjo nuk i ka ndalur klubet e mëdha të Evropë që të pozicionohen për një lëvizje të mundshme në verën e ardhshme, në një merkato ku pritet kërkesë e madhe për qendërmbrojtës të nivelit të lartë.
Në këtë kontekst, Bastoni pritet të ketë oferta konkrete në tavolinë, ndërsa edhe Interi do të jetë i gatshëm të dëgjojë propozime serioze financiare. Mes gjithë këtyre spekulimeve, italiani ka sinjalizuar qartë preferencën e tij.
Aktualisht, në garë janë dy opsione kryesore. Liverpooli ka shfaqur interes të fortë, sidomos pas dështimit për të siguruar shërbimet e objektivit kryesor Marc Guehi, i cili përfundoi te Manchester City.
Megjithatë, sipas “AS”, drejtori sportiv i Barcelonës, Deco, është plotësisht i informuar se Alessandro Bastoni e dëshiron një transferim te “Camp Nou”.
Problemi kryesor për katalanasit mbetet bindja e Interit, pasi klubi zikaltër kërkon një shumë të konsiderueshme financiare, ndërkohë që Barcelona vazhdon të operojë nën kufizime të forta buxhetore.
Bastoni ka kaluar pothuajse një dekadë te Interi dhe konsiderohet si një nga qendërmbrojtësit e majtë më të kompletuar në Evropë.
Edhe pse publikisht ka deklaruar se është i lumtur në Itali, burime pranë lojtarit sugjerojnë se ai do të ishte i hapur për një sfidë të re, nëse paraqitet një projekt bindës sportiv.
Barcelona e vlerëson shumë profilin e tij dhe e sheh si një përshtatje ideale stilistike për filozofinë e lojës së klubit. Megjithatë, Interi nuk është nën asnjë presion për ta shitur, për shkak të kohëzgjatjes së kontratës së Bastonit.
Për këtë arsye, zikaltërit kanë vendosur një çmim rreth 70 milionë euro. Me Liverpoolin të gatshëm të investojë fuqishëm për ta përforcuar repartin defensiv, Barcelona mund të detyrohet të lëvizë shpejt nëse dëshiron ta fitojë garën për nënshkrimin e Alessandro Bastonit./Telegrafi
Barcelona ka nisur tashmë planifikimet për afatin kalimtar të verës. Pavarësisht kufizimeve financiare, klubi katalanas po kërkon zgjidhje kreative për të realizuar një goditje të madhe në merkato.
Sipas raporitmeve të mediave spanjolle po merr formë një ide me rrezik të lartë, por edhe me potencial të madh përfitimi. Barcelona dëshiron një sulmues të ri dhe brenda klubit ekziston bindja se skuadra aktuale po funksionon në një nivel të kënaqshëm, edhe pse ka mungesa të rëndësishme lojtarësh kyç.
Kjo situatë ka inkurajuar drejtuesit e Barcelonës të mendojnë për lëvizje që deri pak kohë më parë do të dukeshin të paimagjinueshme. Njëra prej tyre lidhet drejtpërdrejt me Atletico Madridin.
Sipas “El Nacional”, Barcelona po shqyrton seriozisht mundësinë e një marrëveshjeje shkëmbimi për të siguruar shërbimet e Julian Alvarez. Ideja është që të reduktohet ndjeshëm shuma e parave cash, duke përfshirë lojtarë në negociata.
Dy emrat që kanë dalë në skenë janë Gavi dhe Marc Casado. Dyshja vlerësohet së bashku rreth 70 milionë euro dhe plani i Barcelonës është të shtojë rreth 30 milionë euro të tjera, për ta bërë paketën më të pranueshme për Atletico Madridin.
Gavi ka hasur vështirësi për të rikthyer ritmin optimal pas lëndimit, ndërsa brenda klubit ekzistojnë dyshime se sa kohë do t’i duhet për t’u kthyer në formën e tij më të mirë. Ndërkohë, Casado ka dalë jashtë rotacionit të rregullt për arsye teknike, pa ndikuar ndjeshëm në performancat e skuadrës.
Kjo ka forcuar ndjesinë te drejtuesit se largimi i tyre nuk do të ulë cilësinë e lojës së Barcelonës në fushë. Nga ana tjetër, te Atletico Madridi raportohet se kjo ofertë po merret seriozisht.
Diego Simeone ka qenë prej kohësh admirues i intensitetit dhe mentalitetit luftarak të Gavit, ndërsa disiplina dhe etika e punës e Casados përputhen mirë me filozofinë e trajnerit argjentinas.
Nga këndvështrimi i Atleticos, marrja e dy lojtarëve të rinj me hapësirë të madhe zhvillimi përbën një skenar tërheqës. Simeone e kupton rëndësinë e Julian Alvarez, por ekziston edhe pranimi se largimi i tij, herët a vonë, mund të jetë i pashmangshëm./Telegrafi
Presidenti i Barcelonës, Joan Laporta, ka mohuar kategorikisht çdo përfshirje në një skemë të dyshuar mashtrimi me vlerë rreth 100 mijë euro, e cila aktualisht është nën hetim nga Gjykata e Instruksionit nr. 22 në Barcelonë.
Çështja nuk ka asnjë lidhje me FC Barcelonën dhe lidhet me pretendimet se Laporta ka mashtruar një grua përmes investimeve të lidhura me kompanitë Core Store dhe CSSB Limited.
Në një deklaratë publike, duke reaguar ndaj raportimeve për paraqitjen e tij në gjykatë më 16 janar 2026, Laporta ka sqaruar qartë qëndrimin e tij, duke renditur disa pika kryesore për të hedhur poshtë akuzat.
“Unë nuk kam marrë pjesë në nënshkrimin e asnjë kontrate të lidhur me mashtrimin e pretenduar dhe nuk e njoh fare ankuesen”.
“Nuk jam dhe nuk kam qenë kurrë përfaqësues apo agjent i CSSB Ltd., dhe për këtë arsye nuk kam nënshkruar asnjë kontratë dhe nuk kam marrë fonde në emër të kësaj kompanie”.
Sa i përket një dokumenti të përmendur nga avokati i paditëses, Laporta ka sqaruar se firma e tij figuron vetëm në cilësinë e dëshmitarit, në përputhje me praktikën standarde në juridiksionin përkatës.
“Firma ime shfaqet vetëm si dëshmitar, siç është praktikë normale ligjore, dhe jo si palë kontraktuese”.
“Jam plotësisht i bindur se hetimi do të vërtetojë se nuk kam luajtur asnjë rol në këtë çështje, aq më tepër që në fazën fillestare ankesa nuk u pranua për shqyrtim”.
Në fund, Laporta ka bërë të ditur se rezervon të drejtën për të ndërmarrë veprime ligjore ndaj mediave që, sipas tij, kanë publikuar informacione të njëanshme ose të pasakta, të cilat dëmtojnë imazhin dhe reputacionin e tij personal dhe profesional./Telegrafi
Barcelona ka vendosur të refuzojë një ofertë të jashtëzakonshme prej 120 milionë eurosh për sulmuesin brazilian Raphinha, duke konfirmuar se lojtari nuk është në shitje.
Oferta erdhi nga klubi arab Neom SC, që përfshinte 100 milionë euro fiks dhe 20 milionë në variabla, por drejtuesit katalanas vendosën që projekti sportiv të ketë prioritet mbi çdo përfitim financiar.
Presidenti Joan Laporta ka qenë i qartë në komunikimin e vendimit, duke theksuar se Raphinha është një pjesë kyçe e ekipit dhe prishja e stabilitetit do të ishte e dëmshme për projektin e trajnerit Hansi Flick.
Klubi e sheh lojtarin si një element thelbësor jo vetëm për golat, por edhe për lidershipin, përkushtimin dhe ndikimin në dhomën e zhveshjes.
Edhe vetë Raphinha ndjehet i kënaqur dhe i vlerësuar në Barcelonë.
Mbrojtja e vendimit të klubit mbështetet gjithashtu në dëshirën e lojtarit për të qëndruar dhe për të vazhduar të japë kontributin e tij maksimal nën drejtimin e Flick.
Në moshën 29-vjeçare, braziliani po kalon një nga periudhat më të mira të karrierës së tij.
Neom synonte të bënte Raphinha figurën kryesore të projektit të tyre ambicioz sportiv, por përpjekja e tyre nuk pati sukses.
Barcelona ka vendosur të mos hyjë në negociata, duke dhënë një mesazh të qartë për tregun: lojtarët kyç nuk janë në shitje, pavarësisht nga ofertat e jashtëzakonshme.
Ky vendim forcon projektin e Barcelonës dhe sinjalizon një qasje të re: klubi nuk është i gatshëm të shesë referentët për të përmirësuar bilancin financiar, por do të mbajë stabilitetin sportiv.
Raphinha mbetet një pjesë thelbësore e projektit të klubit dhe e trajnerit Hansi Flick. /Telegrafi/
Barcelona dhe Real Madridi thuhet se kanë kontaktuar klubin e divizionit të dytë, Albaceten, për të pyetur rreth nënshkrimit të mundshëm të Dani Bernabeut.
19-vjeçari ka bërë përparim të shpejtë nga formacioni i të rinjve të Albacetes në ekipin e parë, duke tërhequr vëmendjen e të gjithëve me performancat e tij.
Kulmi i performancës së tij mbresëlënëse erdhi në fitoren tronditëse 3-2 kundër Real Madridit në raundin e 16-tave të Kupës së Mbretit.
Mbrojtësi i talentuar i krahut të majtë ka një tjetër shans për të shfaqur potencialin e tij kur Albacete përballet me Barcelonën në çerekfinale në fillim të muajit të ardhshëm.
Ai thuhet se ka një klauzolë lirimi me vlerë 6 milionë euro, shifër e cila nuk do të përbënte problem për asnjërin prej gjigantëve të La Ligës. /Telegrafi/
Jean Marie Dongou, një nga talentet më të mëdhenj të akademisë së Barcelonës në vitet e fundit, ka folur në programin 'El After' të 'Postunited' rreth përvojave të tij në botën e futbollit.
Ish-futbollisti 30-vjeçar kamerunas, i cili debutoi me ekipin e parë të Barçës më 6 dhjetor 2013, nën drejtimin e Tata Martinos dhe u tërhoq nga futbolli në moshën 28 vjeçare në prill 2023, i rrëfeu Esteve Calzadës ndjenjat e atëhershëm.
"Sinqerisht kam vuajtur më shumë nga ndjenjat anti-katalane sesa nga racizmi në Spanjë. Nuk kam vuajtur kurrë nga racizmi", ka thënë fillimisht ai.
Dongou zbuloi se "kur debutoje në ekipin e parë, duhej të ftoje dikë të bënte diçka të mirë për të cilën nuk mund të flas këtu... përndryshe do ta mbyllnin kanalin tënd".
Kamerunasi, i cili në adoleshencë u bë një nga premtimet më të mëdha të futbollit botëror, kujtoi se "kur arrita, Barcelona të paguante shumë para për një fëmijë. Unë kam sjellë para në shtëpi që kur isha 13 vjeç. Paratë që më paguante Barça ishin të mjaftueshme për të ndihmuar prindërit e mi, motrat e mia... Fillova të paguaja për universitetin e motrave të mia".
'Dongol', i cili gjatë gjithë karrierës së tij luajti për Barcelona B (2012-16), Real Zaragoza (2016-17), Nastic de Tarragona (2017-18), Lugo (2018-19), Lleida (2019), Honka Espoo (2020-21), Zamora (2022), Anagennisi Karditsa (2022) dhe Osaka (2023), tregoi se si Barcelona e zgjodhi atë në moshën 13-vjeçare nga 300 fëmijë.
"Ishim 300 fëmijë dhe nga ata 300, ata zgjodhën 60. Dhe nga ata 60, trajneri bëri një përzgjedhje prej 12 vetash. Ne erdhëm në Barcelonë dhe Barça nënshkroi vetëm tre prej nesh”.
“Unë kalova dy vjet në Fondacion. Jetoja në shtëpinë e njërit prej drejtorëve të Fondacionit, shkonim në shkollë, stërviteshim... Dhe pastaj, kur kishte një turne, vinim këtu për të luajtur. Dhe kështu Barça më nënshkroi mua", tha djaloshi nga Douala (Kamerun), i cili mbërriti në Spanjë falë Fondacionit Samuel Eto'o.
Dongou shtoi tutje se: "Barcelona më shpëtoi jetën mua dhe familjes sime. Nëse nuk do të kisha shkuar te Barça, prindërit e mi ndoshta nuk do të ishin gjallë sot".
Dongou: Eto'o nuk hëngri me ekipin kombëtar të Kamerunit sepse kishte frikë se do ta helmonin
Ndër titujt kryesorë nga intervista e Dongout në programin 'El After' të 'Postunited', ishte zbulimi i tij se "Samuel Eto'o nuk hëngri gjatë kampeve stërvitore të ekipit kombëtar të Kamerunit sepse kishte frikë se do ta helmonin. Vëllai i tij i sillte ushqim”.
“Në një thirrje me Kamerunin, trajneri më tha se nuk mund të luaja sepse Eto'o tha që nëse do të luaja, ai nuk do të luante", përfundoi ish-lojtari i Barcelonës. /Telegrafi/
Sulmuesi i Barcelonës, Robert Lewandowski nuk po hiqet aspak nga radari i klubeve saudite, të cilat synojnë transferimin e tij.
Sipas TeamTalk, klubet e Superligës Profesionale Saudite, Al-Ittihad dhe Al-Shabab, po e monitorojnë situatën e sulmuesit të Barcelonës, përpara një transferimi të mundshëm si lojtar i lirë gjatë verës.
Sulmuesi polak është identifikuar si një nga 50 yjet e profilit të lartë që Liga Saudite dëshiron t’i transferojë në një garë të madhe verore pas Kupës së Botës 2026.
Diriyah FC, që aktualisht luan në nivelin e dytë, është gjithashtu në garë për të nënshkruar me 37-vjeçarin, por ndjekja e tyre varet nga ngjitja e tyre në ligën elitare.
Klubi i MLS-së, Chicago Fire, ka shprehur gjithashtu interesin e tyre për të nënshkruar me Lewandowskin, por klubet saudite tani po kërkojnë të tregojnë fuqinë e tyre të pakrahasueshme financiare. /Telegrafi/
Tensioni po rritet në Kataluni përpara ndeshjes së fundit të Barcelonës në fazën e ligës së Ligës së Kampionëve, që do të luhet të mërkurën, më 28 janar.
Barcelona e mbylli fazën e ligës sezonin e kaluar në vendin e dytë pa shumë vështirësi, por këtë edicion gjërat kanë qenë dukshëm më të komplikuara. Para ndeshjes finale, katalanasit ende nuk e kanë të sigurt kualifikimin automatik në fazën e 1/8 së finales përmes një renditjeje në tetëshen e parë.
Hansi Flick dhe lojtarët e tij janë të vendosur ta shmangin raundin e playoffit, por paraqitjet e paqëndrueshme në Evropë do të thonë se gjithçka do të vendoset në përballjen e tetë të kësaj faze.
Ja çfarë duhet të arrijë Barça për të siguruar kalimin direkt në 1/8 e finales të Ligës së Kampionëve:
Barcelona hyn në ndeshjen e fundit të fazës së ligës jashtë tetëshes së parë, por fitorja 4–2 ndaj Slavia Prague e ka ngritur në vendin e nëntë të renditjes. Aktualisht, katalunasit kanë 13 pikë, po aq sa edhe shtatë skuadra të tjera, përpara përballjes së favorshme ndaj FC Copenhagen në “Camp Nou”.
Për të siguruar një vend në top tetë, fitorja ndaj danezëve është e domosdoshme. Tri pikë të tjera do t’i jepnin Barcelonës shanse shumë të mira për kualifikim direkt, sidomos duke pasur parasysh se dy skuadra që janë mbi ta në renditje, Paris Saint-Germain dhe Newcastle United, do të përballen mes vete në xhiron e fundit.
Megjithatë, me Chelsea, Sporting CP, Manchester City, Atletico Madrid dhe Atalanta që kanë gjithashtu nga 13 pikë, diferenca e golave pritet të jetë vendimtare nëse skuadrat përfundojnë me pikë të barabarta. Barcelona ka aktualisht golavarazh +5, por është më e dobët në këtë aspekt krahasuar me PSG, Newcastle dhe Chelsea, ndërsa është në të njëjtin nivel me Sportingun.
Për këtë arsye, Flick dhe skuadra e tij nuk do të kërkojnë vetëm fitoren ndaj Copenhagen, por një fitore sa më bindëse për të rritur gjasat e përfundimit në tetëshen e parë.
Një barazim do t’i zvogëlonte ndjeshëm shpresat e Barcelonës për kualifikim automatik, pasi do të varej nga dështimet e skuadrave të tjera me pikë të barabarta, si dhe nga rezultatet e Interit, Juventusit dhe Borussia Dortmundit. Një humbje do të ishte pothuajse fatale.
Sa u përket rivalëve direkt me nga 13 pikë, Chelsea ka përballjen më të vështirë, pasi udhëton te kampioni aktual i Serie A, Napoli. Sporting do të ketë një transfertë të komplikuar te Athletic Club, ndërsa Manchester City pret Galatasarayn. Atletico Madridi pret Bodo/Glimt, Atalanta udhëton te Union Saint-Gilloise, ndërsa PSG pret Newcastle në Francë.
Gjithsesi, Flick e di se Barcelona e ka të sigurt të paktën kualifikimin në fazën me eliminim direkt. Fitorja ndaj Slavia Prague ka garantuar një vend në raundin playoff, por në “Camp Nou” janë të vendosur të shmangin edhe dy ndeshje shtesë.
Mungesa e një vendi në tetëshen e parë nuk do të ishte fundi i botës. Kampioni aktual i Evropës, PSG, sezonin e kaluar e mbylli fazën e ligës vetëm në vendin e 15-të, ndërsa Bayern Munich, Borussia Dortmund dhe Real Madridi arritën deri në çerekfinale pa u kualifikuar automatikisht në 1/8 e finales./Telegrafi
Shpresa është që fatin ta kenë me vete. Nuk e fshehu supersticionin presidenti I Barcelonës, Zhoan Laporta, ndërsa skuadra e tij ishte në Pragë për ndeshjen e radhës në Ligën e Kampionëve.
Numri 1 i klubit pati takim edhe me tifozët duke i premtuar trofe këtë sezon, e duket se njerëzit në Katalonjë e në Spanjë përmes futbollit duan të harrojnë tragjedinë hekurudhore që u ndodhi.
Skuadra “blaugrana” i ndihmoi duke fituar një ndeshje spektakolare, dhe që ishte fiks sipas traditës së këtij ekipi. Lojë e hapur, mbrojtje poroze, por sulm “bërthamor” që në fund shënoi 4 gola dhe siguroi tri pikët.
Të besuarit e trajnerit Hansi Flik duhet të bënin autokritikë në të ftohtin e tmerrshëm të Çekisë, që natën vonë arriti në -11 gradë celsius. Humbja në La Ligë ndaj Sociedadit rihapi gjithçka dhe tregoi se asgjë nuk është e sigurt, por gjithsesi katalanasit treguan karakter.
Pasi Slavia kaloi në epërsi, Fermin Lopez përmbysi rezultatin me dy gola në pjesën e parë, edhe pse Levandovski ngatërroi portën, duke shkaktuar autogol. Dani Olmo realizoi një gol kryevepër, dhe Levandovski kërkoi falje me rrjetën personale për suksesin 4-2.
Trajneri Hansi Flik vlerësoi futbollistët e tij për karakterin dhe premtoi se fitorja e Ligës së Kampionëve është e mundur dhe se mbetet objektiv i madh. “Reagim sipëror, – titullon “El Mundo Deportivo”, – Barça u pengua nga I ftohti dhe një nisje e keqe, për të arritur një triumf jetësor. Top 8 është në duart e saj!”
“Të mëdhenj, – është thirrja e të përditshmes tjetër nga Katalonja, “Sport”, – Barça e ka fare pranë kualifikimin për në tetë më të mirat në Champions!” “Blaugranët” janë në vendin e 9-të në renditje, dhe fitorja në Kopenhagen u jep kualifikimin direkt në raundin e dytë, si një nga tetë ekipet e para./abcnews.al
Klubi katalunas, Barcelona ka njoftuar zyrtarisht se Pedri ka pësuar një dëmtim në kofshën e djathtë dhe do të mungojë për një muaj.
23-vjeçari e mori dëmtimin gjatë fitores 4-2 kundër Slavia Pragës në Ligën e Kampionëve mbrëmë (e mërkurë), të cilin e ka konfirmuar edhe Barcelona.
“Testet e kryera këtë mëngjes kanë konfirmuar se lojtari i ekipit të parë Pedro Gonzalez “Pedri” ka një dëmtim në muskulin e kofshës së djathtë, të cilin e mori gjatë ndeshjes kundër Slavia Pragës dje. Koha e rikuperimit pritet të jetë një muaj”, thuhet në njoftim.
INJURY UPDATE
Tests conducted this morning have confirmed that first team player Pedro González “Pedri” has a right hamstring injury, which he picked up during the game against Slavia Prague yesterday.
Do të jetë një goditje e madhe për gjigantët katalunas, pasi Pedri ka qenë në një formë spektakolare këtë sezon, duke luajtur një rol kyç në dominimin e klubit spanjoll në të gjitha garat. Ai ka shënuar dy gola dhe ka dhënë tetë asistime.
Mungesa e 23-vjeçarit do të ndikojë gjithashtu në ndjekjen e titullit të La Ligës nga Barça, ndërsa ata do të luajnë gjithashtu kundër Copenhagen në ndeshjen e tyre të fundit në fazën e ligës së Ligës së Kampionëve dhe kundër Albacete në çerekfinalet e Kupës së Mbretit në javët e ardhshme.
Trajneri kryesor Hansi Flick do të përpiqet të përballojë mungesën e Pedrit duke llogaritur te Frenkie de Jong, Marc Bernal, Fermin Lopez, Marc Casado, Dani Olmo dhe Eric Garcia. /Telegrafi/
Superkompjuteri i Opta nuk parashikon vetëm favoritët për të fituar Ligën e Kampionëve, por gjithashtu llogarit raund pas raundi rrugën e mundshme të secilës skuadër.
Renditja aktuale tregon nuanca të rëndësishme në lidhje me performancën e ekipeve deri tani.
Arsenali mbetet skuadra më e besueshme në këtë garë, me 100 për qind shanse për të arritur në raundin e 16-tave dhe 84.6% për të shkuar në çerekfinale. Këto statistika shpjegojnë pse Opta u jep atyre 49% shanse për finale dhe mbi 30% për të fituar titullin.
Bayern Munich i ndjek nga afër, gjithashtu me 100% probabilitet për raundin e 16-tave dhe 77.7% për çerekfinalet, megjithëse shanset për titull janë më të ulëta.
Në një nivel tjetër, Liverpooli ka 94.5% shanse për të kaluar raundin e 16-tave dhe 65.6% për çerekfinale, ndërsa Real Madridi ka 83.9% dhe 56.7% përkatësisht, shifra të larta por jo dominuese. Barcelona qëndron në zonën e mesme me rreth 80% shanse për raundin e 16-tave dhe 63.3% për çerekfinale, ndërsa Manchester City ka 60% për raundin e 16-tave dhe 62% për çerekfinale, duke reflektuar besimin e Opta në aftësinë e tyre për t’u përmirësuar në fazat eliminatore.
Paris Saint-Germain dhe Tottenham Hotspur konsiderohen kategori e dytë e favoritëve: PSG ka 53.7% për raundin e 16-tave dhe 54.9% për çerekfinalet, ndërsa Tottenham ka 51.3% dhe 35.3% përkatësisht, duke i vendosur të dyja në kufirin midis avancimit dhe eliminimit.
Nga Spanja, Atlético de Madrid ka 48.8% shanse për raundin e 16-tave dhe 41.6% për çerekfinale, duke treguar një probabilitet të barabartë për avancim ose eliminim.
Pas tyre, shanset bien ndjeshëm. Interi dhe Juventusi kanë më pak se 6% shanse për raundin e 16-tave, megjithëse Interi ruan 30.6% për çerekfinalet, falë përballjeve potencialisht të favorshme. Atalanta ka 13.4% për raundin e 16-tave dhe 18.4% për çerekfinalet.
Ekipet si Benfica, Ajax dhe Galatasaray mezi kalojnë 10–32% shanset për raundin e 16-tave, ndërsa për çerekfinalet bien nën 6%. Të tjerat renditen me probabilitete minimale ose aspak.
Beteja vendimtare për avancimin pritet të luhet deri në ditën e fundit të fazës së grupeve, duke bërë çdo ndeshje të rëndësishme për skuadrat e mesme dhe të ulëta të renditjes. /Telegrafi/
Lëndimi i Pedrit gjatë ndeshjes së Ligës së Kampionëve të Barcelonës në Pragë rezulton të jetë më serioz nga sa ishte menduar fillimisht, raportojnë mediat spanjolle.
Sipas gazetarit Javi Miguel të Diario AS, mesfushori katalanas pati vështirësi gjatë gjithë takimit, i ndikuar nga kushtet e ftohta dhe markimi i ngushtë i kundërshtarëve.
Në minutën e 58-të të ndeshjes, Pedri u rrëzua në fushë duke shtrënguar pjesën e pasme të kofshës së djathtë dhe u zëvendësua menjëherë nga stafi teknik.
Vlerësimet e para flasin për një këputje të mundshme muskulore, ndërsa testet përfundimtare mjekësore do të kryhen në Barcelonë në orët në vijim.
Nëse diagnoza konfirmohet, 21-vjeçari pritet të mungojë për tre deri në katër javë, një tjetër goditje për mesfushorin që ka pasur probleme të përsëritura me lëndime në të kaluarën.
Ky zhvillim përbën një shqetësim serioz për trajnerin Hansi Flick, i cili aktualisht nuk ka në dispozicion as Gavi dhe Andreas Christensen për shkak dëmtimesh.
Situata bëhet edhe më e vështirë pasi Frenkie de Jong do të mungojë në ndeshjen e fundit të fazës së grupeve të Ligës së Kampionëve kundër Copenhagen për shkak të pezullimit.
Barcelona pritet të publikojë së shpejti një komunikatë zyrtare mbi gjendjen shëndetësore të Pedrit. /Telegrafi/
Barcelona ka shënuar një fitore të rëndësishme në kuadër të xhiros së shtatë të fazës së ligës në Ligën e Kampionëve, duke mposhtur Slavia Pragën si mysafir me rezultat 4-2, fitore që e mban skuadrën katalanase në garë për kualifikim direkt në mesin e tetë ekipeve më të mira të kompeticionit.
Ndeshja nisi më mirë për vendasit, të cilët kaluan në epërsi në minutën e 10-të me golin e Vasil Kusej, pas një aksioni të shpejtë dhe organizimi të mirë ofensiv për 1-0.
Barcelona reagoi shpejt dhe përmbysi rezultatin me dy gola radhazi të Fermín López, fillimisht në minutën e 34-të dhe më pas në të 42-ën, duke treguar efikasitet në fazën sulmuese.
Megjithatë, gëzimi i katalanasve u zbeh pak para pushimit, kur një goditje nga këndi përfundoi në autogol, me Robert Lewandowskin që pa topin të përfundojë në rrjetën e skuadrës së tij, duke barazuar shifrat në 2-2.
Pjesa e dytë ishte e mbushur me ritëm, raste dhe polemika. Barcelona pati një gol të anuluar për pozicion jashtë loje pas rishikimit me VAR, ndërsa portieri Joan García u dallua me disa pritje vendimtare.
Goli i epërsisë erdhi në minutën e 63-të, kur Dani Olmo shfrytëzoi një top të kthyer dhe realizoi një goditje të bukur nga jashtë zonës për 3-2.
Dominimi i Barcelonës u konkretizua në minutën e 71-të, kur Robert Lewandowski u shlye për autogolin duke realizuar golin e katërt pas një aksioni të shkëlqyer ekipor, duke vulosur fitoren 4-2.
Me këtë sukses, Barcelona ngjitet në kuotën e 13 pikëve dhe mban vendin e nëntë në renditje, duke mbetur plotësisht në lojë për kualifikim direkt në Top 8 të fazës së ligës. Në anën tjetër, Slavia Praga mbetet me vetëm 3 pikë dhe vazhdon të jetë në fund të tabelës, me shanset për vazhdim shumë të vogla. /Telegrafi/
Kanë përfunduar 7 ndeshjet e fundit të mbrëmjës magjike të UEFA Champions League, të cilat nisën në orën 21:00. Në këto duele të vlefshme për raundin e 7-të të fazës së grupit, u shënua një total prej 22 golash.
Intersante sfida mes Slavia Prague dhe Barcelonës e cila u mbyll me rezultatin 2-4, në favor të katalansve. Edhe pse Slavia Prague e nisi “vrullshëm”, me golin e tij të parë në minutën e 10-të, falë goditjes së Kusej.
Ndëra më vonë “djemtë “e Hansi Flick dhuruan gola seri. Duke nisur që më dopietën e Fermin me shënime në minutën e 34-të dhe 42-të. E po në të njëjta “gjurmë”, vijuan edhe Olmo në minutën e 63-të dhe Lewandoski në minutën e 71-të, gol i cili finalzioi edhe ndeshjen.
Në sukses u mbyll edhe sfida e Bayern Munich kundër Royale Union, e cila u mbyll me shifrat 2-0, në favor të bavarezëve. Pjesa e parë nuk rezervoi asnjë aksion të finalizuar në gol, por shumë më ndryshe ajo e dyta.Ekipi i Vincent Kompany u nderua nga goli i parë i Kane, i cili u shënua në minutën e 52-të dhe penalltia e saktë sërish e Kane në minutën e 55-të. Dy goditje në rrjetën e rivalëve që e bënë skuadrën triumfuese për këtë duel.
Nga italianët, Juventus po ashtu bëri më të mirën e tij përballë Benficës, të cilën e mundi me rezuttatin 2-0. Gola të shënuara nga Thuram në minutën e 55-të dhe Mc Kennie në minutën e 64-të.
Login
