UASHINGTON, 20 dhjetor /ATSH-AA/ – Sekretari amerikan i Shtetit, Marco Rubio, deklaroi se përparësia e menjëhershme e Washingtonit në Sudan është ndalimi i luftimeve, ndërsa vendi po përballet me një krizë humanitare gjithnjë e më të thellë.

“Qëllimi ynë i menjëhershëm është një ndërprerje e luftimeve, një armëpushim humanitar drejt vitit të ri dhe që u lejon organizatave humanitare të dërgojnë ndihmë për njerëzit që janë në gjendje shumë të rëndë”, u tha Rubio gazetarëve në Departamentin e Shtetit gjatë konferencës së tij të fundvitit për shtyp.

Rubio tha se situata në terren mbetet kritike, duke theksuar se shpërndarja e ndihmave aktualisht “nuk është e mundur”.

“Po dëgjojmë dhe vazhdojmë të shohim raportime se autokolona humanitare po goditen realisht gjatë rrugës së tyre”, tha ai.

Duke e përshkruar konfliktin si thellësisht shqetësues, Rubio vuri në dukje rolin e aktorëve të jashtëm në nxitjen e përplasjes mes Forcave të Armatosura Sudaneze (SAF) dhe Forcave paraushtarake të Mbështetjes së Shpejtë (RSF).

Ai tha se SHBA-ja ka qenë në kontakt me vendet e rajonit për të nxitur një armëpushim humanitar, duke luajtur “një rol bashkërendues për t’i sjellë palët në tryezë”, por pranoi se ka pasur pengesa të përsëritura.

“Një nga sfidat dhe zhgënjimet në Sudan ka qenë se njëra palë ose tjetra angazhohet për gjëra të caktuara, dhe më pas nuk i përmbush ato angazhime”, tha ai.

RSF-ja është në luftë me ushtrinë sudaneze që nga prilli i vitit 2023, pas kolapsit të tranzicionit drejt sundimit civil. Më 26 tetor, forcat e RSF-së pushtuan El Fasherin, kryeqytetin e Darfurit të Veriut, pas një rrethimi 500-ditor, duke shkaktuar zhvendosje masive dhe duke lënë civilët të bllokuar me shumë pak qasje në ushqim.  /os/

The post UASHINGTON – Rubio: Armëpushimi në Sudan, përparësi e menjëhershme e SHBA-së appeared first on Agjencia Telegrafike Shqiptare.

GJENEVE, 19 dhjetor /ATSH-DPA/- Milicia e Forcave të Mbështetjes së Shpejtë (RSF), e cila ka luftuar kundër trupave qeveritare në Sudan për dy vjet e gjysmë, vrau më shumë se 1 000 civilë gjatë një ofensive treditore në prill, sipas një raporti të OKB-së.

Zyra e OKB-së për të Drejtat e Njeriut (OHCHR) tha në raport se kishte dokumentuar vrasjen e të paktën 1013 civilëve në kontekstin e ofensivës së RSF-së në kampin e personave të zhvendosur brenda vendit, “Zamzam” midis 11-13 prillit.

OHCHR tha se më shumë se 400,000 banorë të kampit u zhvendosën gjithashtu gjatë ofensivës treditore.

RSF sulmoi dhe shkatërroi kampin e refugjatëve “Zamzam” pranë El Fasher në prill.

Në atë kohë, disa qindra mijëra njerëz jetonin në atë që ishte kampi më i madh i refugjatëve në Darfurin e Veriut.

RSF nisi sulme ndaj objektivave ushtarake dhe civile në prill 2023 pasi i rezistoi integrimit në ushtri.

Lufta brutale për pushtet ka krijuar atë që OKB-ja e përshkruan si kriza më e madhe humanitare në botë.

Sipas shifrave të OKB-së, luftimet kanë zhvendosur rreth 12 milionë njerëz në vend, ndërsa çdo banor i dytë kërcënohet nga uria.

Në të njëjtën kohë, situata e rëndë në Sudan po merr shumë më pak vëmendje ndërkombëtare sesa, situata në Rripin e Gazës.

Raporti i OHCHR-së rendit vrasjet, përdhunimet dhe format e tjera të dhunës seksuale, torturat dhe rrëmbimet gjatë ofensivës treditore në kamp. //a.i/

The post GJENEVË – OKB: Milicia vrau mbi 1000 civilë në Sudan brenda tre ditësh appeared first on Agjencia Telegrafike Shqiptare.

Të paktën 104 civilë janë vrarë në sulmet me dronë në të gjithë rajonin Kordofan të Sudanit, ndërsa luftimet midis fraksioneve rivale ushtarake arritën nivele të reja vdekjeprurëse në luftën brutale civile që ka hyrë në vitin e saj të tretë, sipas “UN News”.

Sulmet kanë goditur rajonin qendror që nga fillimi i dhjetorit, pas kapjes së një baze të rëndësishme ushtarake nga Forcat Paraushtarake të Mbështetjes së Shpejtë (RSF) në Babnusa – pas një jave luftimesh intensive ndërsa kriza humanitare thellohet me shpërthimin e kolerës dhe zhvendosjen masive.

Përshkallëzimi ka zhvendosur dhjetëra mijëra njerëz dhe ka mbingarkuar objektet shëndetësore tashmë të tensionuara nga shpërthimet e kolerës – ndërsa luftimet kryesore zhvendosen nga Darfuri në perëndim në rajonin e gjerë qendror të Kordofanit.

Sulmi më vdekjeprurës u raportua në një kopsht fëmijësh dhe në një spital në Kalogi, Kordofan Jugor, ku u vranë 89 persona, përfshirë 43 fëmijë dhe tetë gra.

Shefi i të drejtave të njeriut i Kombeve të Bashkuara, Volker Turk, tha se ishte i alarmuar nga intensifikimi i mëtejshëm i armiqësive dhe paralajmëroi se shënjestrimi i objekteve mjekësore shkelte ligjin ndërkombëtar humanitar.

Të paktën 104 persona, përfshirë 43 fëmijë, kanë humbur jetën në disa sulme me dron në rajonin Kordofan në Sudan që nga 4 dhjetori, njoftoi të martën Zyra e Kombeve të Bashkuara për të Drejtat e Njeriut.

“Jam i alarmuar nga intensifikimi i mëtejshëm i armiqësive”, tha Komisioneri i Lartë i Kombeve të Bashkuara për të Drejtat e Njeriut, Volker Turk.

Ai këtë e deklaroi duke iu referuar përplasjeve midis Ushtrisë së Sudanit, Forcave të Mbështetjes së Shpejtë dhe Lëvizjes për Çlirimin e Popullit të Sudanit-Veri në Kordofan – një rajon që përfshin tre shtete në Sudan qendror dhe jugor.

Turku nuk dha detaje më specifike se kush është përgjegjës për sulmet me dron, të cilat, sipas tij, kanë goditur spitale, një kopsht dhe një bazë të OKB-së.

Konflikti mes tyre shpërtheu kryesisht për shkak të mosmarrëveshjeve për integrimin e RSF në ushtrinë kombëtare si një trupë e rregullt, si dhe për pjesëmarrjen në qeverisjen civile pas grushtit të shtetit të 2021‑s.

Luftimet janë të shpërndara kryesisht në zonat Khartoum, Darfur, Kordofan dhe Blue Nile.

Të tre palët përdorin edhe mjete moderne si dronë dhe avionë të vegjël, duke shkaktuar viktima civile dhe dëme të mëdha humanitare.

SUDAN, 17 dhjetor /ATSH/- Të paktën 104 civilë janë vrarë në sulmet me dronë në të gjithë rajonin Kordofan të Sudanit, ndërsa luftimet midis fraksioneve rivale ushtarake arritën nivele të reja vdekjeprurëse në luftën brutale civile që ka hyrë në vitin e saj të tretë.

Sulmet kanë goditur rajonin qendror që nga fillimi i dhjetorit, pas kapjes së një baze të rëndësishme ushtarake nga Forcat Paraushtarake të Mbështetjes së Shpejtë (RSF) në Babnusa – pas një jave luftimesh intensive ndërsa kriza humanitare thellohet me shpërthimin e kolerës dhe zhvendosjen masive.

Përshkallëzimi ka zhvendosur dhjetëra mijëra njerëz dhe ka mbingarkuar objektet shëndetësore tashmë të tensionuara nga shpërthimet e kolerës – ndërsa luftimet kryesore zhvendosen nga Darfuri në perëndim në rajonin e gjerë qendror të Kordofanit.

Sulmi më vdekjeprurës u raportua në një kopsht fëmijësh dhe në një spital në Kalogi, Kordofan Jugor, ku u vranë 89 persona, përfshirë 43 fëmijë dhe tetë gra.

Shefi i të drejtave të njeriut i Kombeve të Bashkuara, Volker Turk, tha se ishte i alarmuar nga intensifikimi i mëtejshëm i armiqësive dhe paralajmëroi se shënjestrimi i objekteve mjekësore shkelte ligjin ndërkombëtar humanitar.

Gjashtë paqeruajtës nga Bangladeshi që shërbenin në misionin e OKB-së u vranë kur dronët goditën bazën e tyre në Kadugli, kryeqytetin e Kordofanit Jugor, më 13 dhjetor.

Sekretari i përgjithshëm i OKB-së, Antonio Guterres, dënoi atë që ai e quajti sulme të tmerrshme me dron, duke vënë në dukje se sulmet ndaj paqeruajtësve mund të përbënin krime lufte sipas ligjit ndërkombëtar.

Një ditë më vonë, spitali ushtarak “Dilling” u sulmua, me shifra të ndryshme të viktimave.

Rrjeti i Mjekëve të Sudanit raportoi nëntë vdekje dhe 17 plagosje, duke e quajtur atë shënjestër sistematike të institucioneve shëndetësore.

Zyrtarët e OKB-së thanë se gjashtë persona ishin vrarë dhe 12 ishin plagosur, shumë prej tyre staf mjekësor.

Forcat e Armatosura Sudaneze (SAF) të lidhura me qeverinë kanë fajësuar RSF-në për sulmet, megjithëse grupi paramilitar nuk i është përgjigjur akuzave. //a.i/

The post SUDAN – Mbi 100 të vrarë pas sulmeve me dronë appeared first on Agjencia Telegrafike Shqiptare.

Të paktën 104 persona, përfshirë 43 fëmijë, kanë humbur jetën në disa sulme me dron në rajonin Kordofan në Sudan që nga 4 dhjetori, njoftoi të martën Zyra e Kombeve të Bashkuara për të Drejtat e Njeriut.

"Jam i alarmuar nga intensifikimi i mëtejshëm i armiqësive", tha Komisioneri i Lartë i Kombeve të Bashkuara për të Drejtat e Njeriut, Volker Turk.

Ai këtë e deklaroi duke iu referuar përplasjeve midis Ushtrisë së Sudanit, Forcave të Mbështetjes së Shpejtë dhe Lëvizjes për Çlirimin e Popullit të Sudanit-Veri në Kordofan – një rajon që përfshin tre shtete në Sudan qendror dhe jugor, raporton reuters.

- YouTube www.youtube.com

Turku nuk dha detaje më specifike se kush është përgjegjës për sulmet me dron, të cilat, sipas tij, kanë goditur spitale, një kopsht dhe një bazë të OKB-së.

Konflikti mes tyre shpërtheu kryesisht për shkak të mosmarrëveshjeve për integrimin e RSF në ushtrinë kombëtare si një trupë e rregullt, si dhe për pjesëmarrjen në qeverisjen civile pas grushtit të shtetit të 2021‑s.

Luftimet janë të shpërndara kryesisht në zonat Khartoum, Darfur, Kordofan dhe Blue Nile.

Të tre palët përdorin edhe mjete moderne si dronë dhe avionë të vegjël, duke shkaktuar viktima civile dhe dëme të mëdha humanitare. /Telegrafi/

NAIROBI, 16 dhjetor /ATSH-DPA/- Sudani – i shkatërruar nga lufta – ka kryesuar në Listën vjetore të Vëzhgimit të Emergjencave të vendeve ku kushtet humanitare pritet të përkeqësohen më tej gjatë vitit të ardhshëm.

Lista, e publikuar sot nga Komiteti Ndërkombëtar i Shpëtimit (IRC), identifikoi 20 vendet më në rrezik në vitin 2026.

Sudani u rendit i pari për të tretin vit radhazi. Rripi i Gazës dhe Bregu Perëndimor – territoret palestineze që IRC-ja i grupon së bashku – u renditën të dytat, të ndjekura nga Sudani i Jugut.

Lufta civile në Sudan, e cila shpërtheu në prill të vitit 2023, mbetet e bllokuar në një ngërç brutal – dhe me sa duket nuk ka asnjë perspektivë të dukshme për uljen e përshkallëzimit.

“Rrethimet kanë bllokuar qytete të tëra nga ndihma humanitare, ndërsa përshkallëzimi i mëtejshëm midis Forcave rivale të Mbështetjes së Shpejtë (RSF) dhe Forcave të Armatosura Sudaneze (SAF) rrezikon përhapjen e dhunës në zona të tjera të vendit”, tha IRC.

“Miliona njerëz në Sudan janë të ekspozuar ndaj dhunës ekstreme, urisë dhe sëmundjeve”, tha grupi i ndihmës në raportin e titulluar “Çrregullimi i Botës së Re”.

Kombet e Bashkuara (OKB) e kanë përshkruar gjithashtu konfliktin në Sudan, i cili filloi në prill të vitit 2023, si krizën më të madhe humanitare në botë.

“Luftimet kanë zhvendosur rreth 12 milionë njerëz, ndërsa çdo banor i dytë kërcënohet nga uria”, thuhet në raport.

“Lista e Mbikëqyrjes së këtij viti është një dëshmi e mjerimit, por edhe një paralajmërim: pa veprime urgjente nga ata që kanë pushtet për të bërë një ndryshim, viti 2026 rrezikon të bëhet viti më i rrezikshëm deri më tani”, tha presidenti i IRC-së, David Miliband. //a.i/

The post FOKUS – Sudani renditet i pari në botë me krizën më të madhe humanitare appeared first on Agjencia Telegrafike Shqiptare.

Sudani është një vend me burime të pasura natyrore, duke përfshirë naftën, arin dhe tokat bujqësore, por lufta civile, që ka hyrë në vitin e tretë, ka bërë që këto burime të mos shfrytëzohen për të ushqyer popullin dhe për zhvillimin ekonomik.

Përplasja midis Ushtrisë Sudaneze (SAF) dhe Forcave të Mbështetjes së Shpejtë (RSF) ka shkaktuar krizën më të madhe të zhvendosjes në botë, me mbi 9.5 milionë persona të detyruar të largohen nga shtëpitë e tyre dhe miliona të tjerë që përballen me urinë.

Në nivel territorial, ushtria kontrollon pjesën më të madhe të veriut dhe lindjes, duke përfshirë kryeqytetin Khartoum, qytetet kryesore përgjatë Nilit dhe portin strategjik të Port Sudan.

Tokat bujqësore më të rëndësishme, kryesisht në Gezira, janë nën kontrollin e ushtrisë dhe përfitojnë nga ujërat e Nilit të Bardhë dhe Nilit të Kaltër. Në jug ndodhen kullotat, që mbulojnë rreth 51% të sipërfaqes së vendit, të cilat përdoren për blegtori dhe ndahen mes SAF dhe RSF.

Pjesa veriore e kullotave ka pemë akacie për prodhimin e resinit të çmuar dhe kontrollohet kryesisht nga ushtria.

Nafta është burimi kryesor i të ardhurave të Sudanit. Shumica e fushave të naftës ndodhen në jug, pranë kufirit me Sudanin e Jugut, dhe shumë prej tyre janë nën kontrollin e RSF.

Rafineritë kryesore, përfshirë atë të Khartoum dhe Port Sudan, mbeten nën kontrollin e ushtrisë, ndërsa tubacionet që transportojnë naftën drejt portit kryesor të eksportit janë gjithashtu nën kontrollin e ushtrisë.

Prodhimi aktual është rreth 70 mijë fuçi në ditë, dhe eksportet e naftës shkojnë kryesisht për Malajzinë, Italinë, Gjermaninë, Kinën, Singaporin dhe Indinë.

Prodhimi i arit ka arritur 64 ton në vitin 2024, duke gjeneruar të ardhura të ligjshme prej 1.57 miliardë dollarësh, dhe mbi 99% e eksporteve shkojnë për Emiratet e Bashkuara Arabe.

Ari ka një rol të rëndësishëm si burim financimi për të dy palët gjatë luftës. Eksportet e Sudanit, që arrijnë 5.09 miliardë dollarë në vitin 2023, janë kryesisht në naftë, ari dhe produkte bujqësore.

Rreth 80% e tregtisë është me Azinë, ku UAE dhe Kina janë partnerët kryesorë, duke pasuar Arabinë Saudite, Malajzinë dhe Egjiptin.

Kjo tregon një varësi të lartë nga tregjet jashtme dhe një ekonomi të ekspozuar ndaj ndryshimeve gjeopolitike dhe luftrave.

Ndryshe, Sudani është vendi i tretë më i madh në Afrikë, me një sipërfaqe prej 1.9 milion kilometra katrorë dhe një popullsi prej 50.4 milionë banorësh.

Popullsia është e përqendruar kryesisht përgjatë Nilit dhe në qytetet kryesore, përfshirë Khartoum, Nyala dhe Port Sudan. Konflikti dhe kontrolli i fragmentuar mbi burimet natyrore kanë ndikim të drejtpërdrejtë në ushqimin, ekonominë dhe stabilitetin social.

Në përfundim, Sudani ka potencial të madh për zhvillim, por lufta civile dhe shpërndarja e kontrollit mbi burimet kyçe natyrore, tokat bujqësore, kullotat, naftën dhe arin, e kanë bllokuar këtë potencial.

Ushtria dominon qytetet, infrastrukturën dhe disa burime strategjike, ndërsa RSF ka avantazh në zonat perëndimore dhe mbi fushat e prodhimit të naftës dhe arit. Popullsia vazhdon të përballet me zhvendosje masive, uri dhe pasiguri ekonomike, pavarësisht pasurisë së vendit.

Programi Botëror i Ushqimit i Kombeve të Bashkuara, WFP deklaroi këtë të marte se bota po përballet me një krizë urie që po përkeqësohet, me burime të pamjaftueshme për të përmbushur nevojat. Në parashikimet e saj plobale për vitin 2026, WFP tha se 318 milionë njerëz pritet të përballen me uri, më shumë se dyfishi […]

The post OKB jep alarmin: Kriza e urisë në Gaza dhe Sudan po përkeqësohet appeared first on BoldNews.al.

Luftëtarët nuk mund të ndalojnë të qeshin ndërsa udhëtojnë nëpër qytetin e bombarduar, duke kaluar pranë trupave të pajetë.

"Shikoni këtë. Shikoni këtë gjenocid", thotë njëri prej tyre, duke buzëqeshur dhe duke drejtuar kamerën për të filmuar veten dhe shokët e tij të armatosur, të cilët mbajnë shenjën e Forcave të Mbështetjes së Shpejtë (RSF).

Me këto fjalë, luftëtarët e forcave paramilitare festojnë masakrën në qytetin el-Fasher të Sudanit, ku, sipas frikësimeve të zyrtarëve humanitarë, janë vrarë më shumë se 2000 njerëz gjatë muajit të kaluar. Gjykata Ndërkombëtare Penale (ICC) shpalli ditën e hënë se po heton nëse forcat paramilitare kanë kryer "krime lufte dhe krime kundër njerëzimit", shkruan BBC.

El-Fasher ishte një objektiv i rëndësishëm për RSF dhe një nga bazat e fundit të ushtrisë sudaneze në Darfur. RSF dhe ushtria kanë qenë në luftë të ashpër që kur koalicioni i tyre qeverisës u shpërbë në vitin 2023. Pritet që të kenë humbur më shumë se 150 mijë jetë gjatë luftës që ka zgjatur dy vjet, dhe të dyja palët janë akuzuar për krime lufte të shumta, shumë prej të cilave janë përsëritur nga forcat RSF pas rënies së el-Fasherit.

Pas një rrethimi të qytetit që ka zgjatur pothuajse dy vjet, RSF ka nisur në gusht të konsolidojë pozitat dhe të bllokojë pjesën e mbetur të popullatës civile. Pamjet satelitore tregojnë se trupat e RSF kanë nisur të ndërtojnë një digë të madhe me rërë përreth el-Fasher, duke bllokuar rrugët hyrëse dhe duke penguar shpërndarjen e ndihmave humanitare. Deri në fillim të tetorit, qyteti ishte plotësisht i rrethuar.

Përderisa rrethimi po intensifikohej, 78 njerëz u vranë në një sulm RSF ndaj një xhamie më 19 shtator, ndërsa burime nga Kombet e Bashkuara raportuan se 53 të tjerë ishin vrarë në sulme me dronë dhe artileri ndaj një kampi për të zhvendosurit në tetor.

Pamjet që BBC Verify i analizoi gjithashtu sugjerojnë se RSF ka tentuar të vendosë një bllokadë ushqimi. Një video e tetorit tregon një burrë me duar dhe këmbë të lidhura, i varur kokëposhtë nga një pemë, ndërsa ai që e filmon e akuzon atë për tentativë për të kontrabanduar furnizime në qytet. "Për Zotin, do të paguash për këtë, qenjë," thotë ai, duke kërkuar që i burgosuri të lusë për jetën e tij.

Derisa dielli i 26 tetorit nisi të lindë, RSF e mundi ushtrinë dhe mori kontrollin mbi bazën kryesore të qytetit. Ushtarët janë filmuar duke qeshur ndërsa shëtisin nëpër një bazë të braktisur.

Më vonë, komandanti i RSF-së, Abdul Rahim Dagalo, vëllai i udhëheqësit të RSF-së Mohamed 'Hemedti' Dagalo, ka inspektuar bazën. RSF, që është trashëgimia e milicisë Janjaweed, e cila ka vrarë qindra mijëra njerëz në Darfur mes viteve 2003 dhe 2005, është akuzuar prej kohësh për krime kundër grupeve jo-arabe.

Pas kolapsit të ushtrisë, pamjet e krimeve kanë filluar të shfaqen në internet. Një prej videove më shokuese tregon një masakër në ndërtesën e universitetit, ku trupa të shumta janë hedhur për tokë. Ndër ta, një burrë i moshuar në një tunikë të bardhë është qëlluar ndërsa përpiqej të ngrihej.

Një ushtar i afrohej me armë, dhe ai është qëlluar. Subjektet që ishin pranë kuptuan se një këmbë ende lëvizte në një grumbull trupash. "Pse ky është ende gjallë?" thotë njëri prej tyre. "Vriteni," urdhëron ai. /Telegrafi/

Mijëra civilë janë bllokuar dhe jetët e tyre rrezikohen pasi forcat paramilitare të Rapid Support Forces (RSF) kanë marrë kontrollin e qytetit të el-Fasher, sipas raporteve dhe dëshmive të mbledhura. Kombet e Bashkuara kanë ngritur alarmin për raporte të krimeve dhe të atrocityve, ndërsa autoritetet ushtarake sudaneze konfirmojnë tërheqjen e ushtrisë nga bastioni i fundit perëndimor i vendit.

Dëshmitarë që kanë arritur të ikin nga qyteti thonë se situata ka qenë e tmerrshme, edhe familje të tëra janë larguar në panik, ndërsa disa raporte lokale flasin për vrasje me qëllim të shmangies së rasteve të dhunës seksuale. Këto raporte janë të rënda dhe për momentin vlerësohen si dëshmi të para nga qytetarë në arrati; s’kanë ende hetim të pavarur në terren që të konfirmojë secilën nga akuzat specifike.

Reagimi ndërkombëtar dhe paralajmërimet

• OKB-ja ka bërë thirrje për të siguruar rrugë të sigurta kalimi për civilët e rrethuar dhe ka kërkuar hetim të menjëhershëm për raportet e krimeve kundër popullsisë civile.

• RSF ka mohuar përgjegjësinë për vrasjet e civilëve, por megjithatë grupi tani kontrollon të gjitha kryeqendrat e pesë shteteve të Darfurit, duke konsoliduar administratën e tij në Nyala, kryeqytetin e Darfurit të Jugut.

• Dëshmitarët dhe organizatat humanitare paralajmërojnë për mungesë të ushqimit, ujit dhe kujdesit mjekësor për ata të bllokuar brenda zonave të konfliktit.

Çfarë ka ndodhur

Lufta civile në Sudan nisi më 2023 pas një përplasjeje të dhunshme për pushtet midis ushtrisë dhe RSF. Rrethimi dhe rënia e el-Fasher konsiderohet një pikë kyçe, qyteti ishte një nga bastionet e ushtrisë në perëndim. Konflikti i zgjatur ka shkaktuar një katastrofë humanitare: më shumë se 150,000 persona të vdekur dhe rreth 14 milion të shpërngulur brenda apo jashtë vendit, sipas përmbledhjeve të deritanishme të krizës.

Dëshmitë e te arratisurve

“Ne kemi vuajtur shumë në el-Fasher dhe u detyruam të ikim,” thotë një burrë që doli nga qyteti dhe foli për BBC-n. Një grua me të afërm në qytet raporton se familjet kanë humbur kontaktet me njëra-tjetrën dhe se frika nga dhuna seksuale dhe plaçkitjet i shtyn njerëzit të marrin vendime ekstreme për të mbrojtur familjet e tyre.

Situata humanitare

Organizatat e ndihmës po paralajmërojnë për mungesë të aksesit dhe rrezikimin e shpërthimit të krizave shëndetësore dhe urisë nëse nuk hapen korridore humanitare. Aksesi i sigurt për ndihmë humanitare është i rëndësishëm për të shpëtuar jetë dhe për të dhënë mbështetje emergjente për të plagosurit dhe të pambrojturit.

Çfarë kërkohet tani

• Hyrje e menjëhershme e ekipeve humanitare dhe korridore të sigurta për civilët që duan të largohen.

• Hetim i pavarur ndërkombëtar për të verifikuar raportet e abuzimeve, vrasjeve dhe dhunës seksuale.

• Presion diplomatik ndaj palëve për të garantuar sigurinë e civilëve dhe për të lejuar ndihmën humanitare.

The post “Njerëzit po vriten për të shmangur përdhunimet”/ Masakra, dhune dhe frikë, çfarë po ndodh në Sudan? appeared first on iconstyle.al.

GJENEVË, 29 tetor /ATSH-DPA/- Kreu i Organizatës Botërore të Shëndetësisë (OBSH), Tedros Adhanom Ghebreyesus ka shprehur tronditje pas raporteve se më shumë se 460 pacientë dhe anëtarë të familjeve ishin vrarë në një maternitet – pas pushtimit të qytetit sudanez të al-Fashir nga Milicia e Forcave të Mbështetjes së Shpejtë (RSF).

“Të gjithë pacientët, personeli shëndetësor dhe institucionet shëndetësore duhet të mbrohen sipas Ligjit Ndërkombëtar Humanitar”, shkroi sot Tedros Adhanom Ghebreyesus në X.

Milicia e Forcave të Mbështetjes së Shpejtë (RSF) mori kontrollin e qytetit në rajonin e Darfurit, gjatë fundjavës.

Sipas Rrjetit të Mjekëve Sudanezë, të paktën 1 500 civilë të paarmatosur u vranë ndërsa përpiqeshin të largoheshin.

Mjekët akuzojnë RSF-në për gjenocid ndaj popullsisë jo-arabe të vendit.

Gjenocidi përkufizohet si shkatërrimi i qëllimshëm dhe sistematik i një grupi bazuar në kombësinë, etninë ose fenë e tij, qoftë tërësisht ose pjesërisht.

RSF tha se donte të mbronte civilët në al-Fashir dhe të siguronte korridore të sigurta për banorët që donin të largoheshin.

Që nga prilli i vitit 2023, vendi i Afrikës Lindore është përfshirë në një luftë të përgjakshme për pushtet midis sundimtarit de facto, Abdel Fattah al-Burhan dhe ish-zëvendësit të tij Mohammed Hamdan Daglo, i cili komandon RSF-në.

Në Darfur, çështja kryesore është konkurrenca për tokë dhe ujë midis grupeve etnike tradicionale nomade arabe dhe komuniteteve jo-arabe sedentare.

Rreth 300 000 civilë jetojnë në al-Fashir, i cili u rrethua nga RSF-ja për më shumë se 500 ditë.

Ekspertët kanë kritikuar qeveritë perëndimore për mosvendosjen e sanksioneve ndaj shteteve që mbështesin milicinë rebele, përfshirë Emiratet e Bashkuara Arabe (EBA).

Emiratet e Bashkuara Arabe kanë mohuar çdo ndërhyrje në konflikt. //a.i/

The post SUDAN – OBSH: Të paktën 460 të vrarë pas sulmeve të RSF-së appeared first on Agjencia Telegrafike Shqiptare.

Disa prova të reja satelitore thuhet se kanë zbuluar shkallën e tmerrshme të dhunës në El Fasher të Sudanit, ndërsa qyteti strategjik bie në duart e grupit paramilitar të Forcave të Mbështetjes së Shpejtë.

Sipas mediave të huaja, përcjell Telegrafi, analiza nga Laboratori i Kërkimeve Humanitare i Universitetit Yale tregon prova vizuale të ekzekutimeve masive pas marrjes nën kontroll të kësaj qendre kyçe urbane nga RSF në Darfurin e Veriut.

Hulumtimi identifikoi objekte të dyshimta me gjatësi 1.2-2 metra në të gjitha lagjet e El Fasher, me tokën përreth që tregonte njolla të kuqërremta në përputhje me njollat e gjakut.

Mjetet që i përkisnin grupit paramilitar ishin pozicionuar strategjikisht për të bllokuar rrugët anësore, duke krijuar kushte të përshkruara nga ekspertët si ideale për të ndjekur civilët që po largoheshin.

Këto gjetje vërtetojnë rrëfimet e dëshmitarëve okularë për vrasje sistematike.

Organizata Ndërkombëtare e Kombeve të Bashkuara për Migracionin raporton se afërsisht 26,000 njerëz janë zhvendosur nga El Fasher në vetëm dy ditë mes luftimeve të intensifikuara.

Organizata Botërore e Shëndetësisë konfirmoi sulmet ndaj Spitalit Saudit pjesërisht funksional, duke rezultuar në vdekjen e një infermiereje dhe lëndimet e tre punonjësve të tjerë të kujdesit shëndetësor.

Ky sulm dëmton më tej infrastrukturën e kujdesit shëndetësor tashmë të shkatërruar në rajon.

Marrja nën kontroll e El Fasher nga Forcat e Mbështetjes së Shpejtë erdhi pasi forcat e armatosura të Sudanit u tërhoqën nga qyteti, me udhëheqësin ushtarak Gjeneral Abdulfattah al-Burhan që u zotua të rimarrë territorin.

Vazhdojnë akuza të forta se Emiratet e Bashkuara Arabe kanë ofruar mbështetje të konsiderueshme ushtarake dhe logjistike për RSF-në gjatë gjithë konfliktit, pavarësisht mohimeve nga Abu Dhabi.

Dokumentet e Kombeve të Bashkuara kanë regjistruar fluturime sekrete dhe dërgesa furnizimesh të kanalizuara përmes Çadit për të mbështetur operacionet e grupit paraushtarak. /Telegrafi/

OMDURMAN (Sudan), 28 tetor /ATSH-DPA/ – Qeveria sudaneze ka dëbuar drejtorin e zyrës së Programit Botëror të Ushqimit (WFP) në Sudan, Laurent Bukera, dhe koordinatoren e emergjencave të WFP-së për vendin, Samantha Chattaraj.

Sipas njoftimit të sotëm, të dy zyrtarëve u është dhënë 72 orë kohë për të lënë vendin. Qeveria nuk dha arsye për vendimin.

Nuk është hera e parë që qeveria e Sudanit ndërmerr veprime të tilla ndaj Kombeve të Bashkuara.

Në qershor 2023, i dërguari i posaçëm i OKB-së për Sudanin, diplomati gjerman Volker Perthes, u shpall person “non grata”, pasi u akuzua se kishte nxitur konfliktin në vend, ku lufta ka vazhduar për më shumë se dy vjet.

Ushtria sudaneze njoftoi  dje tërheqjen nga qyteti El Fashir, një qendër strategjike në rajonin e Darfurit perëndimor, duke ia lënë kontrollin forcave rebele paramilitare të njohura si Rapid Support Forces (RSF).

Dhjetëra mijëra njerëz kanë ikur nga dhuna e milicisë drejt një kampi të afërt refugjatësh.

Ata thonë se kanë përjetuar abuzime, dhunë të rastësishme, vrasje dhe ekzekutime.

Sipas vlerësimeve të OKB-së, njoftohet se të paktën 300  000 persona ende jetojnë në El Fashir. /Ad.Ab./

The post OMDURMAN – Sudani dëbon dy zyrtarë të Programit Botëror të Ushqimit të OKB-së appeared first on Agjencia Telegrafike Shqiptare.

Të paktën 1000 persona kanë humbur jetën në Sudan si pasojë e një rrëshqitjeje të rëndë dheu që goditi fshatin Tarasin, në rajonin malor të Marras në Darfurin Qendror. Sipas autoriteteve lokale, vetëm një person ka mbijetuar nga ngjarja e rëndë dhe tragjike që ndodhi pas shirave të rrëmbyeshëm në zonë.

Rrëshqitja e dheut shkatërroi thuajse të gjithë fshatin, ku shumë banorë ishin strehuar pasi ishin detyruar të largoheshin nga shtëpitë e tyre për shkak të luftës civile që ka përfshirë vendin prej vitit 2023.

Ushtria Çlirimtare e Sudanit ka kërkuar ndihmë emergjente nga Kombet e Bashkuara dhe organizata të tjera ndërkombëtare, duke e përshkruar situatën si një katastrofë humanitare. Guvernatori i Darfurit, Minni Minnawi, e quajti këtë një ngjarje tragjike dhe apeloi për mbështetje ndërkombëtare.

Sudani vijon të përballet me pasojat e një lufte civile shkatërrimtare mes ushtrisë dhe Forcave të Mbështetjes së Shpejtë (RSF), konflikt që ka shkaktuar uri masive dhe zhvendosjen e rreth 12 milionë personave.

Ndërkohë, vlerësimet për numrin e viktimave të luftës variojnë, por sipas burimeve amerikane, deri në 150,000 persona mund të kenë humbur jetën që prej fillimit të armiqësive. Organizatat humanitare kanë paralajmëruarse situata mund të përkeqësohet nëse nuk ka një ndërhyrje të menjëhershme ndërkombëtare.

The post Tragjedi në Sudan: Të paktën 1000 viktima nga rrëshqitja e dheut në Darfur appeared first on iconstyle.al.

Një numër rekord prej 383 punëtorë të ndihmës u vranë në vitin 2024, thanë Kombet e Bashkuara, duke paralajmëruar se bilanci i këtij viti do të jetë po aq shqetësues. Numri i të vrarëve më 2024 ishte 31 për qind më i lartë se një vit më parë, tha OKB-ja në Ditën Botërore Humanitare. Organizata […]

The post Shifra alarmante! OKB: 383 punëtorë me misione humanitare u vranë në vitin 2024 appeared first on BoldNews.al.

Shpërthimi i kolerës në Sudan ka shkaktuar të paktën 40 viktima vetëm në javën e kaluar, ndërsa situata shëndetësore po përkeqësohet për shkak të luftës dhe kushteve të vështira. Organizata bamirëse MSF raportoi se shumë të zhvendosur që kërkojnë strehim për shkak të luftës janë të detyruar të pinë ujë të ndotur, që është shkaku kryesor i shpërthimit.

Në Tawila, Darfur, qendrat shëndetësore janë të mbingarkuara dhe pacientët po trajtohen në kushte jashtëzakonisht të vështira, duke përdorur dyshekë në dysheme. Vetëm gjatë muajit të kaluar, më shumë se 2,300 raste janë trajtuar, por mungesa e ujit të pastër dhe shirat e rrëmbyeshëm që ndotin burimet e ujit kanë rënduar situatën.

MSF ka bërë thirrje për një reagim ndërkombëtar urgjent, duke kërkuar përmirësimin e kushteve të ujit, vaksinimin e popullsisë dhe mbështetje për shërbimet shëndetësore në rajonet e prekura.

The post Shpërthimi i kolerës në Sudan: 40 viktima dhe mbingarkesë në qendrat shëndetësore appeared first on iconstyle.al.

Më shumë se 1 mijë e 500 civilë dyshohet se janë masakruar gjatë një sulmi të zhvilluar në prill mbi kampin më të madh të zhvendosurve në Sudan, në një nga krimet më të rënda të luftës që nga fillimi i konfliktit shkatërrues në vend

Një hetim i gazetës britanike The Guardian për sulmin 72-orësh të forcave paraushtarake të Rapid Support Forces (RSF) mbi kampin Zamzam në Darfurin Verior kampi më i madh për personat e zhvendosur nga lufta ka dokumentuar dëshmi të shumta për ekzekutime masive dhe rrëmbime në shkallë të gjerë. Qindra civilë ende rezultojnë të zhdukur

Përmasat e viktimave të dyshuara e bëjnë këtë sulm të dytin më të rëndë për nga numri i të vrarëve në këtë luftë, pas një masakre etnike të ndodhur në Darfurin Perëndimor dy vite më parë.

Lufta ndërmjet RSF-së, e udhëhequr nga arabë, dhe ushtrisë sudaneze shpërtheu në prill të vitit 2023 dhe ka qenë e shoqëruar nga mizori të përsëritura, që kanë detyruar miliona njerëz të largohen nga shtëpitë e tyre dhe kanë shkaktuar krizën më të madhe humanitare në botë.

Deri tani, raportimet për sulmin në Zamzam (11–14 prill) flisnin për rreth 400 civilë jo-arabë të vrarë. Kombet e Bashkuara kanë deklaruar se “qindra” janë vrarë.

Megjithatë, një komitet i ngritur për hetimin e numrit të viktimave thotë se ka dokumentuar deri më tani mbi 1 mijë e 500 të vrarë, një shifër që mund të rritet ndjeshëm, pasi shumë trupa ende nuk janë nxjerrë nga rrënojat në kampin që aktualisht kontrollohet nga RSF.

“Trupat ndodhen brenda shtëpive, në fusha dhe nëpër rrugë,” deklaroi për The Guardian Mohammed Sharif, pjesë e administratës së mëparshme të kampit.

Një ekspert i krimeve të luftës me përvojë dekadash në Darfur, i cili ka intervistuar dhjetëra të mbijetuar nga Zamzam, beson se numri i të vrarëve mund të arrijë deri në 2 mijë. Duke folur në kushte anonimiteti, ai theksoi se niveli i dhunës ishte i pashembullt, madje edhe krahasuar me masakrat ndaj grupeve etnike afrikane gjatë viteve 2000 nga milicitë arabe që më vonë formuan RSF-në.

“Çdo person që ka arritur të shpëtojë, ka humbur një anëtar familjeje. Diçka e tillë nuk ka ndodhur më parë,” shtoi ai.

Sipas Abdallah Abugarda, nga Shoqata e Diasporës së Darfurit në Mbretërinë e Bashkuar, rreth 4 mijë e 500 anëtarë të organizatës së tij njohin personalisht dikë mik apo të afërm që ka humbur jetën në sulm. Ai tha gjithashtu se të paktën 2 mijë banorë të Zamzam mbeten të zhdukur.

“Masakra në Zamzam një vendstrehim për të zhvendosurit për më shumë se 20 vjet është një nga krimet më të rënda në historinë e fundit të njerëzimit. Megjithatë, bota është treguar e heshtur,” theksoi Abugarda

Zëvendësshefjа për emergjencat në Médecins Sans Frontières (MSF), Claire Nicolet, deklaroi se sulmi goditi “një nga popullsitë më të pambrojtura në planet”. Sipas saj, të mbijetuarit janë përballur me “plaçkitje të përhapura, dhunë seksuale dhe kushte të mjerueshme në vendet e tranzitit”.

Një numër i madh grash janë rrëmbyer dhe nuk dihet asgjë për fatin e tyre. Mohammed Sharif tha se të paktën 20 prej tyre janë dërguar në qytetin Nyala, një nga bastionet e RSF-së, rreth 160 km nga Zamzam./abcnews.al

Ekspertët paralajmërojnë se situata në Sudan është shumë problematike. Me qindra mijëra njerëz që janë në rrezik urie.

Agjencia e Kombeve të Bashkuara për Ushqimin gjithashtu ka ngritur alarmin për urinë në një qytet të madh sudanez: në El Fashe.  Një qytet ky i rrethuar prej kohësh me afërsisht 300,000 banorë, familjet nuk kanë marrë ushqim për më shumë se një vit dhe janë në rrezik të vdesin nga uria.

Programi Botëror i Ushqimit, sipas BBC-së ka deklaruar se nuk është në gjendje të shpërndajë ushqim nga toka për popullsinë në rajonin perëndimor të Darfurit. El Fasher është rrethuar nga luftëtarë paraushtarakë nga Forcat e Mbështetjes së Shpejtë (RSF), të vendosur për ta rimarrë atë nga ushtria sudaneze, për gati 16 muaj.

/abcnews.al/

Agjencia kryesore e OKB-së për ushqimin, Programi Botëror për Ushqimin (WFP), ka paralajmëruar se familjet e bllokuara në qytetin e rrethuar El-Fasher, në perëndim të Sudanit, po përballen me urie ekstreme.

Sipas WFP-së, prej më shumë se një viti nuk është arritur të dërgohet ndihmë ushqimore në këtë qytet të rajonit të Darfurit përmes rrugëve tokësore, ndërsa forcat paraushtarake të Forcave të Mbështetjes së Shpejtë (RSF) e kanë rrethuar El-Fasherin për afro 16 muaj, me synimin për ta marrë nën kontroll nga ushtria sudaneze.

Paralajmërimi i WFP-së vjen ndërkohë që aktivistë lokalë raportojnë për vdekje të shkaktuara nga uria në qytetin ku jetojnë rreth 250 mijë banorë.

Lufta civile që shpërtheu në Sudan në prill të vitit 2023 është përshkruar nga OKB-ja si kriza më e rëndë humanitare në botë. WFP njoftoi se mungesat e theksuara të ushqimit në El-Fasher kanë bërë që çmimet e pakove të mbijetesës të rriten në mënyrë të jashtëzakonshme, ndërsa janë raportuar raste kur banorët janë detyruar të ushqehen me foragjere për kafshë apo mbetje ushqimore për të mbijetuar.

Edhe pse WFP nuk fajësoi drejtpërdrejt ndonjë palë, RSF-ja ka ndërprerë rrugët tregtare dhe ka bllokuar furnizimet drejt qytetit të vetëm në Darfur që ndodhet ende nën kontrollin e ushtrisë.

“Çdo banor në El-Fasher po përballet me një luftë të përditshme për të mbijetuar,” deklaroi Eric Perdison, drejtor rajonal i WFP-së për Afrikën Lindore dhe Jugore.
“Mekanizmat e përballimit janë shteruar plotësisht pas më shumë se dy vitesh lufte. Pa qasje të menjëhershme dhe të vazhdueshme, do të humben jetë,” shtoi ai.

Agjencia publikoi edhe dëshminë e një vajze tetëvjeçare, Sondos, e cila kishte ikur nga El-Fasher së bashku me pesë anëtarë të familjes.
“Atje kishte vetëm granatime dhe uri. Vetëm uri dhe bomba,” tha ajo, duke shtuar se familja mbijetonte vetëm me meli.

WFP bëri të ditur se kamionët e ngarkuar me ushqime dhe ndihma ushqyese janë gati për t’u nisur, por nevojiten garanci sigurie për kalim të sigurt.
Një konvoj i tillë u dërgua në fillim të qershorit, por u sulmua në rrugë, me ushtrinë dhe RSF-në që fajësuan njëra-tjetrën për incidentin.

Që prej asaj kohe, Kombet e Bashkuara po kërkojnë një armëpushim humanitar njëjavor për El-Fasherin. Megjithatë, ende nuk është e qartë nëse ndonjëra nga palët do të pranojë lehtësimin e një tjetër përpjekjeje për të çarë rrethimin.

Lufta civile në Sudan ka sjellë edhe akuza për gjenocid në Darfur. Që nga fillimi i konfliktit në vitin 2023, më shumë se 150 mijë persona janë vrarë dhe rreth 12 milionë të tjerë janë zhvendosur nga shtëpitë e tyre./abcnews.al