Edhe pse është i huazuar te Aston Villa, e ardhmja e Jadon Sancho mbetet e paqartë dhe Manchester United nuk përjashton shitjen e tij që në afatin kalimtar të janarit.

Sulmuesi anglez po kalon një sezon pa stabilitet të plotë, ndërsa javët në vazhdim pritet të jenë vendimtare për drejtimin e karrierës së tij, si në Ligën Premier ashtu edhe jashtë saj.

Situata është e ndërlikuar dhe lidhet me interesa të ndryshme.

Aston Villa dëshiron ta mbajë Sanchon deri në fund të sezonit, duke besuar se ai ende mund të jetë i dobishëm në fazën vendimtare të garave.

Në të kundërt, Manchester United nuk dëshiron që një lojtar me vlerë të humbasë peshë në treg pa minuta të rregullta dhe pa rol kryesor.

Për këtë arsye, klubi po shqyrton seriozisht mundësinë e një transferimi të përhershëm në janar.

Në Old Trafford vazhdon të shihet si problem i hapur çështja Sancho.

I transferuar si yll dhe i projektuar për të udhëhequr repartin ofensiv, ai kurrë nuk arriti të përshtatej plotësisht.

Pas konflikteve të brendshme dhe largimit në formë huazimi, drejtuesit e klubit kanë një prioritet të qartë: të shmangin devalvimin e lojtarit dhe rrezikun e largimit falas në verë.

Nëse Aston Villa nuk i garanton vazhdimësi dhe protagonizëm, United është i gatshëm të dëgjojë oferta dhe ta mbyllë shitjen që në janar.

Nga ana e Aston Villas, besimi ekziston, por realiteti në fushë nuk ka qenë bindës.

Borussia Dortmund, Monaco dhe Como kanë shfaqur interes për situatën e Sanchos, duke e parë janarin si një mundësi të artë.

Dortmund mbetet opsioni më emocional, pasi aty lojtari përjetoi vitet më të mira të karrierës dhe mund të rilindë larg presionit të Ligës Premier.

Monaco dhe Como, nga ana tjetër, përfaqësojnë projekte ambicioze që synojnë të rriten dhe e shohin Sanchon si investim strategjik dhe mediatik.

Manchester United dëshiron ta mbyllë këtë çështje sa më shpejt dhe të sigurojë të ardhura, në mënyrë që të mos e humbasë lojtarin pa përfitim financiar në verë, kur i përfundon kontrata.

Për Jadon Sanchon, një ndryshim ambienti shihet si domosdoshmëri për të rikthyer besimin, vazhdimësinë dhe formën që dikur e bënë një nga talentet më të mëdhenj të futbollit evropian. /Telegrafi/

Manuel Neuer po e përcakton një epokë që po i afrohet gradualisht fundit. Në kërkim të një pasuesi të mundshëm, FC Bayern ka analizuar disa opsione, përfshirë edhe një portier që aktualisht është nën kontratë me Borussia Dortmund.

Prej kohësh, Bayern është përgatitur për epokën pas portierit të jashtëzakonshëm Manuel Neuer (39). Alexander Nubel (29 vjeçar, aktualisht i huazuar te VfB Stuttgart), Daniel Peretz (25 vjeçar, aktualisht i huazuar te HSV) dhe Jonas Urbig (22) janë tre portierë që klubi ka sjellë vitet e fundit, të gjithë të synuar për të marrë rolin kryesor në portë.

Sipas raportimeve të Bild, portieri kosovar Diant Ramaj ka qenë për një kohë të shkurtër pjesë e listës së ngushtë të Bayern për transferime të mundshme.

Konkrektisht, portieri ishte objekt diskutimi në Mynih kur luante ende për gjigantin holandez Ajax Amsterdam. Megjithatë, një transferim u refuzua përfundimisht, pasi Ramaj konsiderohet si një lojtar me karakter të fortë dhe me prirje për kartonë të kuq.

Në vend të tij, kampionët gjermanë vendosën të sjellin Jonas Urbigun, dy vite më të ri, i cili sipas raportimeve është aktualisht kandidati kryesor për të pasuar Neuerin.

Ndërkohë, Ramaj u transferua te Borussia Dortmund pothuajse një vit më parë dhe po e kalon sezonin aktual si huazim te FC Heidenheim. /Telegrafi/

Milani ka ndërmarrë hapa konkretë për të eksploruar një transferim të mundshëm të mbrojtësit qendror të Borussia Dortmund, Niklas Sule, ndërsa diskutimet po vazhdojnë prapa skenave.

Sipas gazetarit Nicolo Schira, javën e kaluar është zhvilluar një takim mes drejtuesve të Rossonerëve dhe avokatit Francesco Romano, i cili ka qenë i përfshirë edhe në marrëveshje të tjera të Milanit, si ato të Jasharit dhe Okaforit.

Takimi kishte në fokus situatën kontraktuale dhe të ardhmen e qendërmbrojtësit gjerman.

Raportohet se Sule është i hapur ndaj një sfide të re në Serie A dhe e sheh Milanin si një destinacion shumë tërheqës.

Mbrojtësi 28-vjeçar thuhet se kërkon një kontratë afatgjatë, e cila do të zgjasë të paktën deri në vitin 2028.

Ndërkohë, Milani po analizon fizibilitetin financiar dhe sportiv të këtij operacioni, teksa synon të përforcojë repartin defensivë me një lojtar me përvojë ndërkombëtare dhe profil të lartë për sezonet e ardhshme. /Telegrafi/

Futbolli është një sport ekipor dhe çdo pjesë e ekipit duhet të funksionojë pa probleme në çdo nivel nëse do të ketë sukses, dhe klubet me yje të mëdhenj shpesh hasin probleme.

E tillë është situata këto ditë te Borussia Dortmund, ku ylli i tyre kryesor, Karim Adeyemi, po bëhet një barrë gjithnjë e më e madhe për ekipin.

Adeyemi është i pakënaqur që klubi nuk e shiti atë këtë verë gjatë afatit kalimtar dhe aktualisht po përpiqet të ushtrojë presion mbi bordin që ta bëjë këtë në janar, dhe për sjelljen e tij tani do të ndëshkohet.

Adeyemi kërkon largimin nga Dortmundi, shkak Loredana

Konkretisht, Adeyemi u zëvendësua në minutën e 60-të në fitoren e Dortmundit ndaj Monchengladbach në Kupën e Gjermanisë, dhe për shkak të kësaj ai ishte dukshëm i frustruar, kështu që vendosi të mos i përshëndeste shokët e ekipit, por të shkonte direkt në dhomën e zhveshjes.

Për këtë, ‘Milionerët’ do ta ndëshkojnë, gjë që u konfirmua nga drejtori sportiv Sebastian Kehl.

"Zëvendësimi i tij ishte plotësisht i justifikuar. Ai nuk luajti mirë dhe do të ndëshkohet për sjelljen e tij. Sigurisht që kemi tema për të folur pas gjithë kësaj. Nuk më pëlqeu reagimi i tij, ashtu si trajnerit dhe shokëve të tij të ekipit", ka thënë Kehl.

Ndryshe, Adeyemi dëshiron të shkojë në Ligën Premier, ku disa klube e duan atë, por Dortmund nuk e lejoi të bënte një transferim këtë verë.

Kontrata e Adeyemit skadon në verën e vitit 2027, kështu që Dortmundi ka të ngjarë të detyrohet ta shesë atë për të shmangur një situatë në të cilën lojtari i kombëtares gjermane do të largohej nga klubi falas. /Telegrafi/

Paris Saint-Germain po përgatitet të transferojë sulmuesin gjerman Karim Adeyemi nga Borussia Dortmund, pas miratimit nga trajneri Luis Enrique.

23-vjeçari është një nga emrat më të kërkuar në treg për shpejtësinë, aftësinë për të krijuar diferencë dhe potencialin e madh për të ardhmen.

Karriera e tij në Dortmund është e qëndrueshme, por faktorë personalë, përfshirë dëshirën për një jetë në një qytet të madh evropian, po e shtyjnë drejt një kalimi.

Luis Enrique e sheh si një lojtar të ri, ambicioz dhe me perspektivë afatgjatë.

Borussia Dortmund kërkon 75 milionë euro për ta lënë të lirë, një shifër e lartë, por e pritshme për tregun aktual të futbollit.

PSG është e gatshme të nisë negociatat, duke mbështetur dëshirën e lojtarit për të ndërruar ambient dhe për të zhvilluar më tej karrierën e tij.

Mbërritja e Adeyemit në Paris pritet të sjellë thellësi dhe fleksibilitet në sulmin e PSG-së, duke i dhënë skuadrës mundësi të ndryshojë skemat taktike dhe të rrisë kërcënimin në hapësirat kundërshtarit.

Për lojtarin, ky transferim përbën një hap të rëndësishëm në karrierë, duke i ofruar mundësinë të luajë në një klub me ambicie të mëdha në Ligën e Kampionëve dhe në kampionatin francez.

Ndërsa Dortmund mbron investimin e tij dhe PSG përgatit strategjinë e rinovimit të sulmit, vendimi për të ardhmen e Adeyemit pritet të merret përmes negociatave intensive gjatë afatiti kalimtar verorë. /Telegrafi/

Përveç Nico Schlotterbeck të Borussia Dortmund, Barcelona ka identifikuar edhe qendërmbrojtësin e Aston Villa, Pau Torres, si një objektiv të mundshëm transferimi.

Mbrojtësi spanjoll, i cili luan për Aston Villa nën drejtimin e Unai Emery që prej vitit 2023, raportohet se është i hapur për një rikthim në La Liga nëse klubi katalanas konkretizon interesimin.

Barcelona kishte tentuar ta afronte Torres edhe gjatë kohës kur ai ishte pjesë e Villarrealit.

Megjithatë, Schlotterbeck mbetet objektivi kryesor i trajnerit Hansi Flick, pasi mbrojtësi gjerman po kërkon një sfidë të re dhe nuk është i prirur të pranojë rinovimin e kontratës me Borussia Dortmund.

Pavarësisht interesit për përforcime, Barcelona duhet së pari të përmirësojë gjendjen financiare për të mundësuar afrime gjatë verës.

Largimi i emrave të mëdhenj, si Robert Lewandowski sezonin e ardhshëm, do t’i lejonte klubit të lironte hapësirë në buxhetin e pagave dhe të përshtatej me rregullat e Fair Play Financiar të La Ligës.

Nevoja për përforcime në mbrojtje është bërë edhe më urgjente pas vendimit të Ronald Araujo për të marrë një pushim të pacaktuar, me qëllim përqendrimin në shëndetin e tij mendor. /Telegrafi/

Sulmuesi gjerman, Karim Adeyemi thuhet se ka kërkuar të largohet nga Borussia Dortmundi për shkak të kërkesës të së dashurës së tij, Loredana Zefi.

Adeyemi është nën kontratë me Dortmundin deri në vitin 2027, megjithatë e ardhmja e tij diskutohet vazhdimisht prapa skenave.

Sipas mediumit gjerman BILD, Karim Adeyemi i ka njoftuar Borussia Dortmund se dëshiron të largohet nga klubi.

Arsyeja thuhet se është gruaja e tij, këngëtarja kosovare, Loredana Zefi, e cila dëshiron të jetojë në një qytet të madh evropian në vend të Dortmundit.

Pas kësaj, sulmuesi gjerman ka ndërruar agjent dhe ka filluar të rinegociojë kontratën e tij.

Ndryshe, Adeyemi ka një çmim tregu prej 60 milionë eurosh, teksa është lidhur me një transferim te gjigantët evropianë si Barcelona, Manchester Utd dhe Juventus. /Telegrafi/

Julian Ryerson po kalon një periudhë të vështirë te Borussia Dortmund. Nën drejtimin e trajnerit Niko Kovac, norvegjezi nuk është më titullar i padiskutueshëm dhe po detyrohet të luftojë vazhdimisht për minuta loje.

Pavarësisht aftësisë së tij për të luajtur si në krahun e majtë ashtu edhe në atë të djathtë të mbrojtjes, roli i tij në skuadrën e Dortmundit është zvogëluar ndjeshëm kohët e fundit.

Tani, për Ryerson mund të hapet një derë e re. Sipas informacioneve të Sky, FC Barcelona ka shfaqur interesim për 28-vjeçarin.

Kampionët e Spanjës janë në kërkim të një alternative më ekonomike për Jules Kounde dhe dëshirojnë të shtojnë thellësinë në repartin e mbrojtjes, profil ku Ryerson përshtatet në mënyrë ideale.

Gjithnjë sipas Sky, tashmë janë zhvilluar kontaktet e para me përfaqësuesit e lojtarit. Ryerson ka kontratë me Dortmundin deri në vitin 2028, por klubi gjerman mund ta lejojë largimin e tij nëse vjen një ofertë e përshtatshme.

Mbrojtësi norvegjez është pjesë e Borussia Dortmundit që nga janari i vitit 2023, kur u transferua nga Union Berlin për shumën prej 5 milionë eurosh. Në total, ai ka zhvilluar 121 paraqitje zyrtare, duke shënuar shtatë gola dhe dhënë 11 asistime./Telegrafi/

Borussia Dortmund po vazhdon planifikimin e skuadrës për vitet e ardhshme dhe pas Nico Schlotterbeck, tani në fokus të drejtuesve ka hyrë edhe Karim Adeyemi.

Sipas raportimeve të “Bild”, kontrata e 23-vjeçarit, e cila aktualisht është e vlefshme deri në vitin 2027, pritet të rinovohet më herët sesa ishte planifikuar, duke u përshtatur me rëndësinë e tij sportive brenda ekipit.

Raporti shton se objektivi i qartë i Borussia Dortmundit është t’i ofrojë Adeyemit një kontratë dukshëm të përmirësuar financiarisht. Pavarësisht se vlera e tij në treg vlerësohet rreth 60 milionë euro, anësori ofensiv aktualisht përfiton rreth 6 milionë euro në vit, çka e rendit atë vetëm në nivelin e mesëm të lartë të strukturës së pagave në klub.

Karim Adeyemi

Pikërisht në këtë aspekt Dortmund dëshiron të ndërhyjë, me synimin për ta lidhur Adeyemin afatgjatë me klubin dhe për ta shpërblyer për rolin e tij gjithnjë e më të rëndësishëm në repartin ofensiv. Drejtuesit shohin tek ai një figurë kyçe për projektin sportiv të së ardhmes.

Një pikë e ndjeshme në negociata mund të jetë klauzola e lirimit. Përfaqësuesit e Adeyemit pritet ta kenë këtë opsion në konsideratë, ndërsa Borussia Dortmund preferon ta shmangë çdo klauzolë largimi dhe të insistojë për një rinovim klasik, pa një rrugë të lehtësuar për largim në të ardhmen.

Bisedimet pritet të intensifikohen në muajt në vijim, me Dortmundin që synon të mbyllë sa më shpejt marrëveshjen. Ndërkohë, Adeyemi kërkohet edhe nga top klubet evropiane, pasi në të kaluarën u vëzhgua edhe nga gjigantët evropianë si Barcelona, Man Utd dhe Juventus./Telegrafi/

Borussia Dortmund dështoi sërish të kombinojë dominimin me qëndrueshmërinë dhe të sigurojë një fitore që dukej e pashmangshme.

Kundër Bodø/Glimt, BVB u kthye te zakonet e vjetra dhe u detyrua të kënaqej vetëm me një pikë pas barazimit 2-2, përkundër se ishin duke udhëhequr dy herë. Nico Schlotterbeck ishte i dëshpëruar pas ndeshjes dhe fjalët e tij e treguan qartë këtë.

Në fushë, Schlotterbeck udhëhoqi skuadrën si zakonisht. Loja e tij mbrojtëse ishte gati e përsosur, ndërsa aftësia për të ndërtuar aksione tregoi qartësi dhe inteligjencë të një organizatori të nivelit botëror.

Pas barazimit të pafat 2-2, zëvendëskapiteni doli para mikrofonit të DAZN dhe komentet e tij ishin po aq të sakta sa edhe brutalisht të sinqerta, duke kritikuar bashkëlojtarët e tij, sidomos ata që u futën në lojë nga banka rezervë.

“Pasi morëm epërsinë 1-0, filluam të luanim jashtëzakonisht dobët, prekjet tona të para ishin të tmerrshme", tha ai, duke artikuluar atë që ndiente çdo tifoz në stadium.

Ai nuk ngurroi të kritikonte edhe performancën individuale. “Lojtarët që hynë në fushë humbën çdo top. Gjithmonë them se mentaliteti i fituesit ka të bëjë me mbylljen e ndeshjes. Ne nuk e bëmë këtë. U ngjitëm pranë portierit, driblonim një ose dy lojtarë dhe provonim ta bënim lojën të dukej bukur. Por kjo nuk mjaftoi".

Schlotterbeck e goditi problemin drejt e në shenjë. Fabio Silva u përfshi shpesh në aksione sulmuese, Maximilian Beier ishte i pafat por shumë i përkushtuar, ndërsa Yan Couto dhe Julian Brandt (autor i të dy golave) ishin ndër më të mirët, siç ndodhi edhe në ndeshjen e Bundesligës kundër Hoffenheim.

Por zëvendësimet, Karim Adeyemi, Serhou Guirassy dhe Julian Ryerson nuk arritën të ruanin ritmin dhe pothuajse u bënë të padukshëm në lojë.

Nuk është për t’u habitur që Schlotterbeck shpërtheu. “Kur hyn në lojë në minutën e 60-të, pres 30 minuta në nivel maksimal. Gjithçka dukej bukur, kombinonim nga e djathta në të majtë. Por duhet të mbyllësh ndeshjen. Ne nuk e bëmë”, Mendimi i tij u mbështet edhe nga Felix Nmecha, i cili e quajti paraqitjen e skuadrës “shumë arrogante dhe mendjemadhe”.

Megjithatë, asgjë nuk është e humbur për Dortmundin në Ligën e Kampionëve. Edhe pse në vendin e dhjetë, ata janë vetëm një pikë larg kualifikimit direkt në raundin e 16-të. Para golit të pësuar, verdhezinjtë ishin në vend të katërt, por kalendari i janarit është i ashpër, me ndeshje në udhëtim kundër Tottenham dhe Interit.

“Disa njerëz nuk e kuptuan sa e rëndësishme ishte ndeshja ndaj Bodos, sepse tani duhet të fitosh dy ndeshjet e mbetura në fazën e ligës, përndryshe nuk do të jesh në 8 vendet e para, do të luash edhe dy ndeshje të tjera dhe pastaj të gjithë do të ankohen se kanë shumë ngarkesë", tha Schlotterbeck./Telegrafi/

Benfica ka fituar ndaj Napolit, ndërsa Bodo/Glmit ka befasuar Borussia Dortmundin me një barazim 2-2. Barazim është mbyllur edhe ndeshja mes Bayer Leverkusen dhe Newcastle.

Benfica shënoi fitore të pastër në “Estádio da Luz”, duke mundur Napoli 2-0. Goli i parë u shënua nga Nicolas Rios në minutën e 20-të, ndërsa Diogo Barreiro vulosi fitoren në minutën e 49-të, duke bërë që Benfica të dalë e motivuar në fazën e ardhshme të grupit.

Amir Rrahmani luajti 90 minuta për Napoli, që nuk arriti të marr pikë në Portugali.

Në një ndeshje dramatike në BayArena, Bayer Leverkusen dhe Newcastle ndanë pikët me rezultat 2-2. Për ekipin gjerman, shënoi autogol Bruno Guimaraes në minutën e 13-të, ndërsa Álex Grimaldo barazoi shifrat në minutën e 88-të, duke i dhënë një fund emocionues takimit.

Nga ana tjetër, për Newcastle shënuan Anthony Gordon nga penalltia në minutën e 51-të dhe Lewis Miley në minutën e 74-të.

Një ndeshje me shumë ngjarje u zhvillua në Signal Iduna Park, ku Borussia Dortmund barazoi 2-2 ndaj Bodo/Glimt. Për Dortmund shënoi Julian Brandt dy herë, në minutat e 18-të dhe 51-të, ndërsa për norvegjezët realizuan Vegard Aleesami në minutën e 42-të dhe Erling Hauge në minutën e 75-të.

Në ndeshjet e luajtura nga ora 18:45, Ajaxi fitoi si mysafir i Qarabag me rezultat 4-2, ndërsa Copenhagen befasoi Villarrealin, duke e mposhtur si mysafir me rezultat 3-2. /Telegrafi/

Arsenal po konsideron një lëvizje të mundshme për portierin e Borussia Dortmundit, Diant Ramaj, falë paraqitjeve mbresëlënëse që ai po shfaq këtë sezon.

Sipas mediumit gjerman Sport.de, ish-portieri i Ajaxit po tërheq interesimin e “Topçinjve”, me skautët e klubit londinez që e kanë vëzhguar nga afër gjatë paraqitjeve me Heidenheimin – ku Ramaj po luan si titullar në formë huazimi nga Borussia Dortmund.

Raportohet se Arsenali është veçanërisht i impresionuar me aftësinë e tij për të ndërtuar lojën nga prapa, gjë që trajnerët po e kërkojnë gjithmonë e më shumë.

Deri tani nuk ka pasur asnjë kontakt zyrtar mes Arsenalit dhe Dortmundit, dhe nuk dihet ende cila është qasja e klubit gjerman në lidhje me një transferim të mundshëm.

Kontrata e Ramajt me Dortmundin është e vlefshme deri në verën e vitit 2029, dhe ai pritet të rikthehet zyrtarisht në klub këtë verë – moment kur do të vlerësohet edhe nëse ai mund të konkurrojë për pozitën e titullarit.

Aktualisht, Gregor Kobel është portieri i parë i Borussia Dortmundit, por nëse zvicerani largohet, Ramaj shihet si zëvendësuesi logjik.

Nëse Kobel mbetet, atëherë një transferim në Ligën Premier – dhe konkretisht te Arsenali – mbetet një opsion real për portierin shqiptar.

Ramaj edhe pse pëlqehet nga Kosova, nuk ka pranuar të bashkohet me Dardanët deri më tani, duke e pritur Gjermaninë. /Telegrafi/

Në mbrëmjen e sotme (e mërkurë), Liga e Kampionëve rikthehet me duele që premtоjnë ritëm të lartë, emocione të forta dhe lëvizje të rëndësishme në renditje. Ekipet marrin fushën me objektiva të qarta: disa për të siguruar kualifikimin, të tjerat për të mbajtur gjallë shpresat.

Ndeshja kryesore e mbrëmjes së sotme padyshim se pritet të zhvillohet në ‘Santiago Bernabeu’, ku Real Madridi është nikoqir i Manchester Cityt, në një ndeshje ku pikët janë jetike për të dy klubet.

Lideri i vetëm i ligës, Arsenali do të luajë në udhëtim te Club Brugge dhe me një fitore eventuale do ta siguronte vendin në top tetëshen e parë, duke u kualifikuar direkt në fazën e 1/8-tës.

Edhe Paris Saint-Germain do ta bënte një hap të madh drejt kualifikimit në rast fitoreje në udhëtim te Athletic Bilbao, klub i cili gjithashtu synon rezultat pozitiv për t’u ngjitur në pozitat që e dërgojnë në ‘play-off’.

Juventusi i Edon Zhegrovës është nikoqir i Pafos gjatë mbrëmjes së sotme, ndërsa ndeshje interesante pritet të luhet edhe në Gjermani, ku Bayer Leverkusen e pret Neëcastle Unitedin dhe ajo në mes të Benfica dhe Napoli.

Nga ndeshjet tjera, Borussia Dortmund e pret Bodo/Glimt, Ajaxi luan në udhëtim te Qarabagu, Villarreali është nikoqir i Copenhagen. /Telegrafi/

Barcelona ka shprehur interes serioz për Nico Schlotterbeck, por brenda klubit ende ekzistojnë disa dyshime rreth përshtatjes së tij në Camp Nou.

E ardhmja e qendërmbrojtësit gjerman po bëhet një temë e nxehtë te Borussia Dortmund, pasi kontrata e tij skadon në vitin 2027 dhe deri tani 26-vjeçari ka hezituar ta rinovojë. Interesimi i madh nga klubet e mëdha e bën situatën edhe më delikate. Përveç Bayern Munich, i cili po e monitoron nga afër, epërsinë aktualisht duket ta ketë Barcelona.

Katalanasit janë në kërkim të një mbrojtësi teknik, që luan me këmbë të majtë dhe që të përshtatet me stilin e tyre të lojës.

Për më tepër, marrëdhënia e mirë mes Schlotterbeck dhe trajnerit Hansi Flick e bën opsionin edhe më tërheqës, të paktën në letër.

Megjithatë, te Barça ekziston një dilemë kryesore: a përshtatet gjermani me futbollin e presingut të lartë dhe linjave të avancuara?Gazeta gjermane Bild shkruan se te katalunasit ka disa dyshime.

“Shefat e klubit të Barcelonës së pari duan të kontrollojnë nëse Schlotterbeck është ideal për futbollin me presing të lartë dhe linja të larta. Ata e dinë se mbrojtësi do të duhet të përshtatet taktikisht”, shkruan Bild.

Dortmundi shpesh mbrohet më thellë, dhe Schlotterbeck shkëlqen veçanërisht në struktura të organizuara fort, siç u pa edhe gjatë rrugëtimit drejt finales së Ligës së Kampionëve në vitin 2023 kundër Real Madridit (0-2).

Kjo e bën Barcelonën të mendohet dy herë, para se të ndërmarrë një hap të madh për transferimin e mbrojtësit gjerman. /Telegrafi/

Përzgjedhësi i Kosovës, Franco Foda, ka zhvilluar një intervistë për Sky Sports përpara Shtëpisë së Bardhë, ku të premten nga ora 18:00 do të mbahet ceremonia e shortit për Kupën e Botës 2026, që do të zhvillohet në SHBA, Meksikë dhe Kanada.

Ai u pyet për Fisnik Asllanin, ku përzgjedhësi ynë theksoi se talenti i tij meriton të luajë në një nga klubet më të mëdha gjermane, si Bayern Munich ose Borussia Dortmund.

“Ka shumë klube për verën e ardhshme. Ai mund të largohet nga Hoffenheimi për shkak të klauzolës së lirimit dhe tashmë ka raportime për interesimin e Bayernit dhe Dortmundit. Ai duhet ta vlerësojë vetë, por për mua ai është një lojtar shumë i rëndësishëm”.

“Ka cilësi të jashtëzakonshme në zonë, në hapësira të ngushta dhe është shumë inteligjent. Ai i shfrytëzon shpejt hapësirat në zonën e penalltisë dhe shënon gola. Ai është teknikisht shumë i aftë dhe mbi të gjitha shumë i rëndësishëm për një ekip”.

“Ai absolutisht duhet të jetë në njërin prej atyre klubeve. Nuk i di diskutimet e tij, por di vetëm cilësitë e tij dhe për këtë arsye ishte kaq i rëndësishëm ta bindnim se duhej të luante për Kosovën”, ka thënë Foda.

Asllani ka tërhequr edhe vëmendjen e shumë klubeve të mëdha, në mesin e tyre edhe Barcelonës. /Telegrafi/

Për shumë vite, filozofia e Bayern Munich ka qenë të marrë lojtarët më të mirë të Bundesligës.

Këtë verë, gjiganti bavarez ka identifikuar gjashtë objektiva potencialë brenda kampionatit gjerman për t'i transferuar sezonin e ardhshëm dhe mes tyre është edhe ylli i Kosovës, Fisnik Asllani.

Bavarezët pritet që disa nga ta t'i transferojnë për sezonin e ardhshëm në Allianz Arena.

Nico Schlotterbeck (25, Borussia Dortmund)

Mbrojtësi i Gjermanisë ende nuk ka rinovuar kontratën me Dortmundin, e vlefshme deri më 2027. Bayern shihet si opsioni i preferuar në rast largimi. Megjithatë, transferimi i tij varet nga e ardhmja e Dayot Upamecanos – nëse francezi rinovon, Bayern nuk do të lëvizë për Schlotterbeck.

telegrafi.com

Castello Lukeba (22, RB Leipzig)

Nëse as Upamecano nuk rinovon, e as Schlotterbeck nuk transferohet, Lukeba shfaqet si alternativa e radhës. Leipzig ka një klauzolë prej 80 milionë eurosh për mbrojtësin, por mund të pranojë më pak. Sipas Sky.ch, Lukeba dëshiron transferimin te Bayerni dhe këtë e ka komunikuar përmes agjentëve të tij.

Nga Real Madridi te Liverpooli, United e Chelsea - top klubet evropiane mësojnë klauzolën e Lukebas telegrafi.com

Nathaniel Brown (22, Eintracht Frankfurt)

Frankfurti kërkon të paktën 60 milionë euro për Brown. Edhe pse Bayerni e pëlqen lojtarin, vështirë se do të paguante kaq shumë, sidomos me Alphonso Davies që po rikuperohet dhe Tom Bischof që po përshtatet në krahun e majtë.

Alejandro Grimaldo (30, Bayer Leverkusen)

Një tjetër emër në listë është Grimaldo, një nga më të mirët e Bundesligës këtë sezon. Aftësia e tij për të luajtur edhe në mesfushë dhe goditjet standarde e bëjnë shumë tërheqës. Por vetë spanjolli duket më i prirur drejt një rikthimi në La Liga. Kontrata e tij me Leverkusenin vlen deri në 2027.

Alejandro Grimaldo telegrafi.com

Said El Mala (19, Koln)

Një nga talentet më të mëdha të Bundesligës, El Mala vlerësohet mes 50 dhe 60 milionë eurosh. Edhe këtu Bayern përballet me konkurrencën e klubeve të mëdha evropiane. Ai ka kontratë me Kolnin deri në vitin 2030.

Fisnik Asllani (23, TSG Hoffenheim)

Ylli i Kosovës është në listën e ngushtë të Bayernit për repartin ofensiv. Me gjasat e pakta që Bayerni të nënshkruajë përfundimisht me Nicolas Jackson, Asllani po shihet si zëvendësues i mundshëm për Harry Kane.

Ai mund të largohet këtë verë përmes një klauzole prej 30 milionë eurosh. Drejtori sportiv Christoph Freund e vlerësoi kohët e fundit te Sky: “Mendoj se është një lojtar i mirë, interesant dhe i ri.”

Një tjetër klub i madh futet në garë për transferimin e Fisnik Asllanit telegrafi.com

Bayern do të ketë një verë shumë të ngarkuar, ndërsa lista e emrave tregon se klubi po mendon si për të tashmen, ashtu edhe për të ardhmen. /Telegrafi/

Barcelona ka përcaktuar prioritetet e saj për afatin kalimtar veror, duke kërkuar përforcime si në mbrojtje, ashtu edhe në sulm. Tre prej objektivave kryesorë të klubit luajnë aktualisht për Borussia Dortmund.

Nico Schlotterbeck është emri i parë në listë. Mbrojtësi gjerman ende nuk ka rinovuar kontratën që i skadon në vitin 2027, dhe sipas “Bild”, ai po shqyrton mundësinë e një largimi. Bayern Munich dhe klubet angleze janë destinacionet që ai preferon, por Barcelona ka bërë një përpjekje konkrete për ta marrë.

Trajneri Hansi Flick e sheh Schlotterbeckun si profil ideal, pasi e ka stërvitur më parë te Kombëtarja e Gjermanisë. Megjithatë, Dortmundi nuk pritet ta lëshojë në afatin e janarit, duke e bërë verën e vetmen periudhë reale për negociata.

Barcelona po monitoron edhe situatën e Karim Adeyemit. Kontrata e tij gjithashtu skadon në vitin 2027 dhe bisedimet për rinovim po vështirësohen. Sulmuesi i krahut pëlqehet nga Liverpooli dhe Real Madridi, por sipas “El Nacional”, ai mund të konsiderohet opsion edhe për Barcelonën në rast largimi të Raphinhas.

Në fazën e sulmit, klubi katalanas po përgatitet për epokën pas Robert Lewandowskit, i cili me shumë gjasa nuk do të marrë kontratë të re.

Serhou Guirassy është në qendër të vëmendjes, pasi ka një klauzolë lirimi prej 50 milionë eurosh dhe dëshiron të largohet nga Dortmundi këtë verë.

Barcelona e sheh Guirassyn si një mundësi të rëndësishme, duke qenë se kërkon një qendërsulmues të ri dhe të gatshëm për të marrë përgjegjësinë në vijën e parë të sulmit. Negociatat do të varen nga situata financiare, por interesi mbetet i fortë.

Në tërësi, Blaugranat po shikojnë drejt Dortmundit si burimin kryesor për përforcimet e verës, duke u fokusuar në tre profile që mund të forcojnë menjëherë mbrojtjen dhe sulmin. /Telegrafi/

Gazetari i Sky Germany, Florian Plettenberg, raporton se sulmuesi i Borussia Dortmund, Serhou Guirassy, ka një klauzolë lirimi në rreth 50 milionë euro, e cila mund të aktivizohet verën e ardhshme.

Barcelona e ka identifikuar sulmuesin nga Guinea si një zëvendësues potencial afatgjatë për Robert Lewandowskin.

Trajneri Hansi Flick e admironte profilin e Guirassyt dhe konsistenca e tij në shënim e bën gjithashtu një objektiv ideal për blaugranasit.

Real Madrid, Liverpool, Chelsea, Arsenal, Manchester United dhe Manchester City gjithashtu po e ndjekin nga afër 29-vjeçarin. Interesi i tyre tregon shumë për kërkesën dhe potencialin e sulmuesit.

Ai shënoi 38 gola dhe dha nëntë asistime në 50 ndeshje sezonin e kaluar dhe deri tani këtë sezon ka regjistruar nëntë gola dhe katër asistime në 17 ndeshje.

Barcelona e ka bërë nënshkrimin e një numri 9 si prioritet për afatin kalimtar veror.

Kujtojmë se 29-vjeçari ishte bërë pjesë e Dortmundit në korrik të vitit të kaluar pasi këta të fundit paguan 18 milionë euro në drejtim të Stuttgartit për të siguruar shërbimet e tij./Telegrafi/

Drejtori i Bayern Munichut Christoph Freund ka konfirmuar interesimin e gjigantit gjerman për yllin kosovar Fisnik Asllani.

Si Bayern ashtu edhe Dortmund e kanë bërë prioritet afrimin e qendërsulmuesit në verë, kur mund t’i aktivizohet klauzola e lirimit në vlerën e 30 milionë eurove.

Tani, vetë Freund në një intervistë për “Sky” ka shprehur pëlqimin për Asllanin, ku konfirmoi se po e përcjellin nga afër situatën e lojtarit.

“Lojtar i mirë që shënon shumë gola. Një lojtar i mençur i cili është përmirësuar mirë. Ka pasur disa huazime që e bënë të ketë një progres shumë të mirë”.

“Mendoj se është lojtar interesant, i mirë, shumë kanë folur për të. Janë disa lojtarë që po përmirësohen mirë. Por, siç kam thënë jam shumë i lumtur me ata që kemi dhe si jemi në skuadër”, deklaroi ai.

Negociatat mes dy palëve kanë nisur por ende asgjë nuk është e vendosur. E vetmja gjë e kryer, është që Asllani do të largohet nga Hoffenheim në verë për një skuadër që garon në Ligën e Kampionëve./Telegrafi/

Faza e grupeve të Ligës së re të Kampionëve hyn në fazën e saj vendimtare pas një xhiro ndeshjesh që ka tronditur ndjeshëm renditjen.

Me vetëm tre ndeshje të mbetura, ekipet po përsosin strategjitë e tyre, po përshtatin objektivat e tyre dhe po i mbajnë sytë hapur parashikimeve nga superkompjuteri i Opta-s, i cili ka përditësuar renditjen e probabilitetit për të përcaktuar se kush do të zërë tetë vendet e kualifikimit direkt për fazën e 1/8-tës.

Gjetjet e modelit statistikor janë mbresëlënëse. Real Madridi është ngritur, Barcelona ka rënë dhe disa gjigantë evropianë janë gjetur në një pozicion të papritur e të pasigurt.

Parashikimi e vendos Arsenalin në vendin e parë në fund të tetë ndeshjeve të kësaj faze të ligës. Ekipi i Mikel Artetas, i fortë, i drejtpërdrejtë dhe me një skuadër gjithnjë e më të pjekur, është bërë, sipas Opta-s, ekipi më i besueshëm në kontinent.

Pas tyre, Bayern Munich, pavarësisht humbjes së fundit ndaj Arsenalit, ruan një nivel efektiviteti në Evropë që pak ekipe mund ta arrijnë. Podiumin e plotëson Paris Saint-Germain, i cili duket se ka gjetur një ekuilibër konkurrues nën drejtimin e Luis Enriques dhe parashikimet statistikore të së cilës e forcojnë pozicionin e tyre të tretë.

Real Madridi ngjitet në vendin e katërt

Lajmi i madh për futbollin spanjoll është ngritja e Real Madridit në vendin e katërt në parashikime. Fitorja e tyre në ndeshjen e fundit kundër Olympiacos ka forcuar besimin e superkompjuterit te skuadra e Xabi Alonsos, e cila shfrytëzoi pengesat e rivalëve të drejtpërdrejtë për t'u ngjitur në një hap vendimtar në luftën për tetë vendet e para.

Modeli i superkompjuterit e vendos Interin në vendin e pestë, pavarësisht humbjes së tyre kundër Atletico Madridit, dhe Manchester Cityn në të gjashtin.

Dy vendet e fundit kualifikuese automatike, sipas Opta-s, janë të rezervuara për Chelsean dhe Borussia Dortmundin. Klubi londinez ka bërë një hap të rëndësishëm falë fitores së tyre prestigjioze kundër Barcelonës, ndërsa Dortmundi, i cili mundi Villarrealin, është ngjitur në renditje.

Në vendet e fazës ‘play-off’ gjenden edhe klube si Atletico Madridi në vendin e 10-të, Liverpooli i 11-ti, Barcelona e 12-ta, Napoli i 19-ti, Juventusi i 20-t, Marseille në vendin e 23-të dhe Monaco që zë vendin e fundit për një shans kualifikimi në fazën e 1/8-tës nga faza e eliminimit.

Superkompjuteri parashikon eliminimin e klubeve të njohura si Athletic Bilbao, Benfica, Villarreal dhe Ajax pasi gjenden më poshtë se pozita e 24-të. /Telegrafi/