Kaçkavalli i shkrirë, mishi i butë dhe perimet e freskëta të mbështjella në tortilje krijojnë një vakt të shpejtë, të ngrohtë dhe plot shije
Përbërësit:
▪ 8 tortilje,
▪ 300 g mish viçi i zier ose çfarëdo mishi i pjekur,
▪ 2 domate,
▪ 1 kokë qepë,
▪ 1 grusht rukola,
▪ 200 g kaçkavall,
▪ 200 g ajkë e thartë.
Përgatitja:
Domatet pritini në rrathë, qepën në feta të holla, ndërsa mishin në copëza më të vogla.
Vendosni një petë tortiljeje në tigan të nxehur, lyejeni me ajkë të thartë dhe spërkateni me kaçkavall të grirë.
Kur kaçkavalli të fillojë të shkrihet, sipër vendosni rrathët e domates, qepën, mishin dhe rukolën.
Edhe petën e dytë lyejeni me ajkë të thartë dhe spërkateni me kaçkavall, pastaj vendoseni sipër tortiljes së mbushur, me anën e lyer nga brenda.
Shtypeni lehtë dhe, kur të ndieni se djathi i shkrirë i ka bashkuar petët, hiqeni nga tigani.
Priteni në trekëndësha dhe shërbejeni të ngrohtë.
Ju bëfshin mirë, - transmeton Telegrafi.
Në depresion, faji shpesh nuk lidhet me realitetin, por me mënyrën se si truri i përpunon emocionet. Ekspertët paralajmërojnë se ai mund ta shtyjë personin drejt izolimit, vetëkritikës së tepruar dhe humbjes së ndjenjës së vlerës
Faji është pjesë natyrale e përvojës njerëzore, por në kontekstin e depresionit shpesh merr një formë tjetër. Në vend që të shërbejë si busull e brendshme drejt përgjegjësisë, mund të kthehet në barrë që ndryshon mënyrën si e shohim veten dhe botën përreth.
Në rastet më të rënda, ai mund të çojë edhe në perceptim të shtrembëruar, duke krijuar bindjen se personi është përgjegjës për ngjarje mbi të cilat nuk ka pasur asnjë kontroll, madje as lidhje direkte.
Situata bëhet edhe më e ndërlikuar sepse ky simptomë shpesh neglizhohet, ndonëse studimet tregojnë se intensiteti i tij lidhet drejtpërdrejt me thellësinë e depresionit.
Faji në depresion: Më shumë se një emocion i zakonshëm
Në aspektin klinik, faji te depresioni rrallë shfaqet i vetëm. Shpesh shoqërohet me turp dhe tërheqje nga shoqëria, duke e futur personin në një rreth vicioz izolimi.
Sa më shumë që tërhiqet, aq më shumë mbetet vetëm me mendimet e veta, të cilat mund të bëhen gjithnjë e më negative.
Studimet në fushën e psikiatrisë tregojnë se ndjenja e tepërt e fajit mund të rrisë vetëkritikën dhe introspeksionin e tepruar. Në forma më të lehta të depresionit kjo ndonjëherë mund të ndihmojë në kuptimin e emocioneve personale, por në rastet më të rënda faji humb këtë funksion dhe bëhet shkatërrues, transmeton Telegrafi.
Çfarë thotë shkenca: Ku takohen hormonet, truri dhe emocionet
Hulumtimet moderne tregojnë se depresioni nuk është vetëm gjendje psikologjike, por edhe proces biologjik.
Çrregullimi i hormoneve të stresit, sidomos kortizolit, mund të ndikojë në funksionimin e trurit dhe në përpunimin e emocioneve.
Interesant është fakti se mëlçia luan rol të rëndësishëm në shpërbërjen e hormoneve, përfshirë edhe kortizolin. Kur funksioni i saj nuk është optimal, çekuilibri hormonal mund të jetë më i theksuar, duke ndikuar edhe më shumë në stabilitetin emocional.
Me fjalë të tjera, ekziston një lidhje e ndërlikuar mes trupit dhe psikikës. Çrregullimi në një sistem mund të reflektohet te tjetri, duke thelluar simptoma si faji dhe ndjenja e pavlerësisë.
Kur ndjenja e fajit mund të bëhet e rrezikshme
Në format më të rënda të depresionit, faji mund të shndërrohet në bindje se personi nuk ka vlerë ose se është barrë për të tjerët.
Këto mendime nuk bazohen në realitet, por personi i përjeton si të vërteta absolute. Pikërisht kjo mënyrë të menduari mund të jetë veçanërisht e rrezikshme, sepse lidhet me shfaqjen e mendimeve vetëvrasëse.
Është e rëndësishme të kuptohet se në ato momente nuk bëhet fjalë për vlerësim racional, por për perceptim të shtrembëruar të formuar nga depresioni.
Karakteristikë e fajit depresiv është edhe fakti se ai nuk njeh kufij kohorë. Personi mund t’u rikthehet vazhdimisht ngjarjeve të largëta të së kaluarës dhe t’i interpretojë ato si gabime personale, edhe kur nuk ekziston bazë reale për këtë.
Pse ndodh shtrembërimi i perceptimit
Depresioni ndryshon mënyrën se si truri përpunon informacionin. Vëmendja përqendrohet te përvojat negative, ndërsa ato pozitive shtyhen në plan të dytë.
Në një gjendje të tillë, ndjenja e fajit mund të përhapet pothuajse në çdo fushë të jetës.
Kjo do të thotë se personi mund të ndihet përgjegjës për veprimet e të tjerëve, për rrethana apo pasoja mbi të cilat nuk ka pasur ndikim.
Pikërisht ky humbje e kufirit real e dallon fajin e shëndetshëm nga ai që lidhet me depresionin.
Si të zbutet ndjenja e fajit
Edhe pse mund të duket shumë e rëndë dhe përfshirëse, kjo simptomë mund të lehtësohet me qasje të duhur.
Një nga hapat e parë është zhvillimi i vetëdhembshurisë, pra aftësisë që ndaj vetes të jemi po aq të butë sa ndaj të tjerëve.
Psikoterapia, sidomos qasja njohëse-sjellore, ndihmon në identifikimin e modeleve të mendimit që qëndrojnë pas ndjenjës së fajit.
Përmes punës me specialistin, është e mundur të ndryshohet gradualisht mënyra se si personi interpreton ngjarjet dhe rolin e vet në to.
Në kombinim me terapinë që përshkruan mjeku, kjo qasje mund të ndihmojë në uljen e simptomave dhe rikthimin e ndjenjës së kontrollit. /Telegrafi/
Lëvizja Vetëvendosje ka bërë publike listën e kandidatëve për deputetë me të cilët do të garojë në zgjedhjet e parakohshme parlamentare të 7 qershorit.
Sipas njoftimit zyrtar të partisë, bartës i listës është kryetari i saj, Albin Kurti, ndërsa numri dy në listë, si në proceset e mëparshme zgjedhore, është nënkryetari i partisë Glauk Konjufca.
Dhjetëshen e parë të kandidatëve e përbëjnë edhe figura të tjera të rëndësishme të kësaj partie, përfshirë Donika Gërvalla, Avni Dehari, Albulena Haxhiu, Hekuran Murati, Xhelal Sveçla, Mimoza Kusari-Lila, Hajrulla Çeku dhe Shqipe Mehmeti-Selimi.
Vetëvendosje pritet të hyjë në garën zgjedhore si një nga subjektet kryesore politike në vend, ndërsa lista e saj përfshin një kombinim të figurave udhëheqëse të qeverisë dhe deputetëve aktualë.
Lista e plotë
Dhjami i grumbulluar në bark, sidomos ai visceral që rrethon organet e brendshme, lidhet me inflamacion, probleme metabolike dhe rrezik më të lartë për rënie njohëse me kalimin e viteve
Problemet me kujtesën dhe përqendrimin nuk lidhen gjithmonë vetëm me lodhjen, stresin apo mungesën e gjumit. Studimet e viteve të fundit tregojnë se edhe dhjami i grumbulluar në zonën e barkut, sidomos në moshën e mesme, mund të ndikojë në shëndetin e trurit.
Dhjami abdominal është emërtim i përgjithshëm për indin dhjamor në zonën e barkut. Ai ndahet në dhjam nënlëkuror, që ndodhet menjëherë nën lëkurë, dhe dhjam visceral, i cili grumbullohet më thellë, rreth organeve të brendshme si mëlçia, pankreasi dhe zorrët.
Pikërisht dhjami visceral konsiderohet më problematik. Ai nuk është vetëm rezervë energjie, por vepron si ind aktiv metabolik, që mund të lirojë substanca inflamatore dhe të ndikojë në enët e gjakut, metabolizëm dhe funksionin e organeve.
Sipas studiuesve, perimetri më i madh i belit në moshën e mesme lidhet me rrezik më të lartë për vështirësi njohëse në vitet e mëvonshme. Kjo lidhje mund të shfaqet edhe te personat me peshë normale, por me dhjam të grumbulluar në zonën e barkut.
Teprica e dhjamit abdominal mund të ndikojë në uljen e vëllimit të masës së hirtë të trurit, e cila është e rëndësishme për përpunimin e informacionit, kujtesën dhe kontrollin e lëvizjeve. Po ashtu, lidhet me probleme vaskulare, tension të lartë dhe qarkullim më të dobët të gjakut drejt trurit.
Mosha e mesme është periudhë veçanërisht e rëndësishme, sepse metabolizmi ngadalësohet, ndryshimet hormonale bëhen më të dukshme dhe shumë njerëz fillojnë të shtojnë peshë pikërisht në zonën e belit, transmeton Telegrafi.
Lajmi i mirë është se truri mbetet i aftë të përfitojë nga ndryshimet në stilin e jetesës. Ulja e dhjamit visceral përmes ushqimit të shëndetshëm, aktivitetit fizik, gjumit cilësor dhe kontrollit të stresit mund të ndihmojë në uljen e inflamacionit dhe në mbrojtjen e neuroneve nga plakja e parakohshme.
Për të ulur dhjamin abdominal, nuk mjafton vetëm ushtrimi i barkut. Nevojitet qasje e përgjithshme: më shumë fibra të tretshme, më pak sheqer i shtuar, sidomos nga pijet e ëmbëlsuara, si dhe ushqime të pasura me omega-3, si peshku, farat dhe arrat.
Aktiviteti fizik është po ashtu thelbësor. Ecja e shpejtë, noti, biçikleta dhe ushtrimet e forcës ndihmojnë në përmirësimin e metabolizmit, ndjeshmërisë ndaj insulinës dhe qarkullimit të gjakut.
Edhe gjumi dhe stresi kanë rëndësi. Nivelet e larta të kortizolit, hormonit të stresit, lidhen me shtim të dhjamit në zonën e barkut. Prandaj, gjumi cilësor dhe teknikat e qetësimit mund të ndihmojnë si trupin, ashtu edhe trurin.
Nëse problemet me kujtesën dhe përqendrimin janë të shpeshta ose përkeqësohen, matja e belit mund të jetë sinjal shtesë, por jo zëvendësim për kontrollin mjekësor. /Telegrafi/
This is usually caused by an incorrectly constructed http request.
https://developer.mozilla.org/en-US/docs/Web/HTTP/Status/400
Login
#0 index.php(73): RssBridge->main()
#1 lib/RssBridge.php(39): RssBridge->{closure}()
#2 lib/RssBridge.php(37): CacheMiddleware->__invoke()
#3 middlewares/CacheMiddleware.php(44): RssBridge->{closure}()
#4 lib/RssBridge.php(37): ExceptionMiddleware->__invoke()
#5 middlewares/ExceptionMiddleware.php(17): RssBridge->{closure}()
#6 lib/RssBridge.php(37): SecurityMiddleware->__invoke()
#7 middlewares/SecurityMiddleware.php(19): RssBridge->{closure}()
#8 lib/RssBridge.php(37): MaintenanceMiddleware->__invoke()
#9 middlewares/MaintenanceMiddleware.php(10): RssBridge->{closure}()
#10 lib/RssBridge.php(37): BasicAuthMiddleware->__invoke()
#11 middlewares/BasicAuthMiddleware.php(13): RssBridge->{closure}()
#12 lib/RssBridge.php(37): TokenAuthenticationMiddleware->__invoke()
#13 middlewares/TokenAuthenticationMiddleware.php(10): RssBridge->{closure}()
#14 lib/RssBridge.php(34): DisplayAction->__invoke()
#15 actions/DisplayAction.php(54): DisplayAction->createResponse()
#16 actions/DisplayAction.php(89): TikTokBridge->collectData()
#17 bridges/TikTokBridge.php(30): getSimpleHTMLDOMCached()
#18 lib/contents.php(215): getContents()
#19 lib/contents.php(106): HttpException::fromResponse()
#20 lib/http.php(36)
VerifiedJoseph
Lëvizja Vetëvendosje ka publikuar listën e kandidatëve për deptuetë për zgjedhjet e 7 qershorit.
Kësaj liste i prin Albin Kurti, pasuar nga Glauk Konjufca.
Më pas është Donika Gërvalla, Avni Dehari e Albulena Haxhiu.
Lista me 110 kandidatë:
The post VV e publikon listën me 110 kandidatë, s’ka ndonjë befasi appeared first on Albeu.com.
Lidhja Demokratike e Kosovës (LDK), ka publikuar listën e kandidatëve për deputetë për zgjedhjet e 7 qershorit.
Numrin 1 në listë e mban Vjosa Osmani, pasuar nga Lumir Abdixhiku me numrin 2.
Brenda 10-shës ndodhen dy kandidatet e Osmanit, Albena Reshitaj dhe Jeta Statovci.
Lista e plotë:
The post LDK e publikon listën e plotë, Osmani bartëse, dy kandidate të saj brenda 10’shes appeared first on Albeu.com.
Sipari i edicionit të 70-të të Eurovision Song Contest u ngrit zyrtarisht mbrëmjen e së martës në kryeqytetin austriak, duke mbyllur me sukses natën e parë gjysmëfinale. Nga 15 shtete pjesëmarrëse në këtë fazë, votat e publikut përzgjodhën 10 finalistët e parë që do të vazhdojnë garën për kurorën evropiane në Finalen e Madhe.
10 Shtetet e Kualifikuara
Pas një maratone performancash dhe një procesi votimi emocionues, shtetet që siguruan biletën për në finale janë:
Belgjika: Essyla – Dancing on the Ice
Kroacia: Lelek – Andromeda
Finlanda: Linda Lampenius x Pete Parkkonen – Liekinheitin
Greqia: Akylas – Ferto
Izraeli: Noam Bettan – Michelle
Lituania: Lion Ceccah – Sólo quiero más
Moldavia: Satoshi – Viva, Moldova!
Polonia: Alicja – Pray
Serbia: Lavina – Kraj Mene
Suedia: Felicia – My System
Pesë shtetet që nuk arritën të kualifikohen nga kjo natë i japin lamtumirën garës së këtij viti.
Spektakli, një det ngjyrash në “Wiener Stadthalle”
Arena madhështore Wiener Stadthalle u shndërrua në një epiqendër feste. Mijëra tifozë entuziastë mbushën shkallët e arenës të pajisur me flamuj të pikturuar në fytyra, rroba me ngjyrat kombëtare, xixa dhe stoli, duke festuar fuqinë ngjitëse dhe shpirtin që e bën kaq unik muzikën pop evropiane.
Nën drejtimin e dyshes së njohur, prezantueses televizive Victoria Swarovski dhe aktorit Michael Ostrowski, nata e parë ofroi një shfaqje vizuale dhe akustike të nivelit të lartë.
Një vëmendje të veçantë mori “Dhoma e Gjelbër” (Green Room)—zona relaksuese ku ulen artistët dhe delegacionet pas performancave. Këtë vit, dizajni i saj theu kornizat e zakonshme, duke marrë një karakter thellësisht austriak dhe duke u kthyer në një element qendror të vetë skenografisë.
Emocionet për gjysmëfinalen e dytë, Shqipëria në pritje
Me mbylljen e kapitullit të parë, emocionet janë rritur ndjeshëm për gjysmëfinalen e dytë, e cila do të zhvillohet të enjten. E gjithë vëmendja e shqiptarëve, si brenda ashtu edhe jashtë vendit, është përqendruar te ky moment kritik.
Në skenën e Vjenës do të ngjitet përfaqësuesi i Shqipërisë, Alis, me këngën “Nan”. Kjo performancë, e cila i dedikohet figurës së nënës, pritet me interes të jashtëzakonshëm, ndërsa artistit i duhet mbështetja masive përmes votave nga diaspora dhe shtetet e tjera evropiane për t’u kualifikuar mes më të mirëve në finalen e madhe të së shtunës. /rtsh.al/
The post Eurovision 2026, zgjidhen 10 finalistët e parë në Vjenë, të gjithë sytë kthehen nga Alis dhe kënga “Nan” në gjysmëfinalen e dytë appeared first on Albeu.com.
Një kampionat spanjoll i fituar nga Barcelona në El Clasico, një krizë sportive që i pa madrilenët të eliminoheshin herët nga Liga e Kampionëve, një situatë mjedisore që e sheh trajnerin Alvaro Arbeloa tani në prag të largimit dhe marrëdhëniet midis lojtarëve gjithnjë e më kritike dhe komplekse, siç demonstrohet nga rastet e grindjeve dhe përleshjeve të afërta midis Valverde dhe Tchouameni.
Në këtë kontekst, Florentino Pérez, presidenti i Real Madridit, thirri një konferencë për shtyp.
Perez menjëherë filloi duke shuar thashethemet për dorëheqjen e tij të mundshme: “Ju falënderoj të gjithëve shumë që jeni këtu. Më vjen keq t’ju them se nuk do të jap dorëheqjen. I kam kërkuar komisionit zgjedhor të fillojë procesin e mbajtjes së zgjedhjeve të bordit, në të cilat ne do të prezantohemi si Bordi aktual i Drejtorëve.”
Presidenti i Los Blancos foli për një situatë absurde të krijuar kundër Real Madridit: “Një situatë absurde është krijuar kundër Real Madridit dhe kundër meje. Ne nuk fitojmë gjithmonë, por nuk do ta pranojmë. Ata po përfitojnë nga kjo situatë për të më sulmuar. Ku është Florentino? Nuk po flas. Disa thonë se jam i sëmurë, se kam kancer. Do të doja të shfrytëzoja këtë mundësi për të falënderuar njerëzit që kujdesen për mua.
Unë vazhdoj të kryesoj klubin dhe kompaninë time, e cila ka një xhiro prej 50 miliardë eurosh në vit. Shëndeti im është perfekt. Nëse do të më thoshin se kam kancer, do të duhej të shkoja në një qendër onkologjike. Do të kishte qenë në çdo gazetë në botë. Nuk është e vërtetë dhe ky thashethem është ekzagjeruar.”
Perez njofton se do të kandidojë përsëri dhe se kushdo është i mirëpritur ta bëjë këtë, duke i kërkuar gjithashtu shtypit të mos përhapë thashetheme të caktuara rreth lodhjes së tij të supozuar: “Unë jam i pari që dua të fitoj gjithçka. Me mua si president, kemi fituar 37 tituj në futboll dhe 29 në basketboll. Dua t’u drejtohem të gjithë atyre që po bëjnë fushatë prapa skenave. I ftoj këdo që dëshiron të kandidojë.
Do të kandidoj për të mbrojtur interesat e aksionarëve të Real Madridit. Nuk do të frikësohem. Ata më japin shumë energji. Ka sektorë që duan të sundojnë Real Madridin, por nuk kanë pasur sukses. Gazetarët ose kolegët e tyre nuk e sundojnë Madridin. Njerëzit nuk i besojnë ata, ata më besojnë mua.”
The post Perez: Nuk e jap dorëheqjen, kemi fituar 37 tituj në futboll dhe 29 në basketboll gjatë presidencës sime appeared first on Albeu.com.
Sonte është afati i fundit ku partitë politike do të dorëzojnë lisat e kandidatëve për deputetë.
Burime të Gazetës Express kanë treguar 10 emrat që i prijnë listës në PDK.
Fillon me Bedri Hamzën, vazhdn me Uran Ismailin e Vlora Çitakun
Lista:
Bedri Hamza
Urani Ismaili
Vlora Çitaku
Përparimi Gruda
Arian Tahiri
Besa Kabashi
Rrahman Rama
Arben Mustafa
Sala Jashari
Enver Hoxhaj,
The post Top 10 kandidatët në listën e PDK-së: Bedri Hamza, Uran Ismaili, Vlora Çitaku, Përparim Gruda… appeared first on Albeu.com.
Ekspertët e shëndetit publik theksojnë se shpërthimi i hantavirusit është thelbësisht i ndryshëm nga COVID-19, sidomos për mënyrën e transmetimit dhe rrezikun e përhapjes globale.
Sipas Organizatës Botërore të Shëndetësisë (OBSH), hantavirusi nuk përhapet lehtë nga njeriu te njeriu, ndryshe nga koronavirusi që shkaktoi COVID-19 dhe që u përhap me shpejtësi në mbarë botën përmes rrugëve të frymëmarrjes.
Si përhapet hantavirusi
Hantavirusi transmetohet kryesisht nga brejtësit te njerëzit, përmes urinës, pështymës ose jashtëqitjeve të tyre. Njerëzit infektohen zakonisht duke thithur grimca të kontaminuara në ajër. Përhapja mes njerëzve është shumë e rrallë dhe ndodh vetëm në rrethana të veçanta, si kontakt shumë i afërt dhe i zgjatur.
Pse COVID-19 u përhap më shpejt
COVID-19 përhapet lehtësisht përmes pikave dhe aerosoleve që lëshohen kur një person kollitet, teshtin apo flet. Virusi lidhet me receptorët ACE2 në rrugët e sipërme të frymëmarrjes, duke e bërë transmetimin shumë efikas dhe të shpejtë.
Në të kundërt, hantavirusi zakonisht prek mushkëritë e poshtme dhe enët e gjakut, duke e bërë më të vështirë përhapjen nga një person te tjetri.
Rreziku i pandemisë
Ekspertët theksojnë se, ndryshe nga COVID-19, hantavirusi nuk ka karakteristikat biologjike që e bëjnë një virus pandemik. Transmetimi i tij i kufizuar dhe i rrallë midis njerëzve e bën një shpërthim global shumë pak të mundshëm.
Drejtori i përgjithshëm i OBSH-së, Tedros Adhanom Ghebreyesus, ka deklaruar se “ky nuk është një tjetër COVID”, duke nënvizuar se rreziku aktual për shëndetin publik mbetet i ulët.
Vjeshtën dhe dimrin e kaluar, diplomatët e lartë izraelitë kontaktuan urgjentisht zyrtarë dhe transmetues televizivë në të gjithë Europën për të trajtuar një temë delikate, edhe pse të papritur: festivalin e këngës Eurovision Song Contest.
Transmetuesit donin të ndalonin Izraelin nga Eurovision dhe kërcënuan me bojkot për shkak të luftës në Gaza. Disa madje akuzuan qeverinë izraelite për ndikim të padrejtë në rezultatet përmes një fushate masive votimi.
Izraeli, në mënyrë të diskutueshme, kishte shqetësime më të mëdha diplomatike se një konkurs muzike pop, edhe pse ai arrin rreth 166 milionë shikues në mbarë botën. Një komision i Organizatës së Kombeve të Bashkuara kishte akuzuar së fundmi Izraelin për kryerje gjenocidi, gjë që ai e mohoi. Dhe liderë botërorë po njihnin shtetësinë palestineze, të cilën Izraeli e kishte kundërshtuar prej kohësh.
“Jam pak i habitur pse kjo është një çështje që ambasada po e trajton,” shkroi Stefan Eiriksson, kreu i transmetuesit kombëtar të Islandës, ndaj një diplomati izraelit që donte të diskutonte Eurovisionin në dhjetor të kaluar.
Kjo përpjekje diplomatike, e pazbuluar më parë, për të mbajtur Izraelin në Eurovision ishte vetëm një pjesë e një drame që u zhvillua gjatë vitit rreth ngjarjes më të ndjekur kulturore në botë. Për qeverinë izraelite, Eurovisioni u bë më shumë se një festë kostumesh me shkëlqim, me motive LGBTQ+ dhe efekte piroteknike. Kjo u bë një mundësi, përmes performancave të forta të këngëtarëve, për të përmirësuar reputacionin e vendit dhe për të mobilizuar mbështetje ndërkombëtare.
Gara e këtij viti nis të martën, pas krizës më të madhe në historinë 70-vjeçare të Eurovisionit. Islanda dhe katër vende të tjera po bojkotojnë për të protestuar pjesëmarrjen e Izraelit. Bashkimi Evropian i Transmetuesve Publikë, që organizon konkursin, po përballet me sfida financiare.
Një investigim i “The New York Times” gjeti një fushatë të mirëorganizuar nga qeveria e kryeministrit Benjamin Netanyahu, që e përdori Eurovisionin si mjet “soft power”, si dhe një organizatë të mbyllur që nuk ishte e përgatitur për reagim.
Ndërsa konkursi, zakonisht argëtues, u shndërrua në një betejë politike mbi Lindjen e Mesme dhe të drejtat e njeriut, Eurovisioni u përpoq të mbronte një parim thelbësor: politika nuk ka rol në këtë ngjarje.
Përpjekjet e Izraelit për të ndikuar në votimin e Eurovision-it kishin filluar vite më herët se sa dihej. Sipas të dhënave financiare, Izraeli kishte shpenzuar të paktën 1 milion dollarë për marketingun e Eurovision-it. Disa prej këtyre fondeve vinin nga zyra e “hasbara”-s së Netanyahu-t, një term i përdorur për propagandën jashtë vendit, për të promovuar këngëtarin izraelit.
Qeveritë nuk lejohen të ndërhyjnë në votim. Eurovisioni është konkurs për transmetues publikë dhe këngëtarë, jo për qeveri.
Ministria e Jashtme izraelite nuk iu përgjigj kërkesave për koment. Një zëdhënës i zyrës së Netanyahut tha se do t’i shqyrtonte pyetjet, por nuk u përgjigj.
Drejtori i Eurovisionit, Martin Green, tha se veprimet e Izraelit vitin e kaluar ishin të tepruara, por nuk ndikuan në vendin e dytë të papritur të Izraelit.
Një investigim i “Times”, bazuar në të dhëna votimi dhe intervista me mbi 50 persona, zbuloi se fushata mund të kishte ndryshuar rezultatin.
Këngëtarja izraelite fitoi votën popullore në vende ku Izraeli është i papëlqyer sipas sondazheve. Në disa vende, mjaftonin vetëm disa qindra vota për të ndryshuar rezultatin përfundimtar.
Nuk ka prova që Izraeli ka përdorur robotë apo metoda të fshehta për manipulim.
Organizatorët e Eurovisionit e kanë mbajtur të fshehtë të dhënat e plota të votimit. Përballë presionit, ata minimizuan fushatën izraelite dhe nuk hapën hetim të plotë.
Eurovisioni porositi një rishikim të qëndrimeve të transmetuesve për Izraelin, por raporti u mbajt sekret. Një votim i planifikuar u anulua papritur dhe transmetuesit u dekurajuan të flisnin me gazetarët.
“Qeveria izraelite e ka përvetësuar Eurovisionin,” tha Stefan Jón Hafstein, kryetar i transmetuesit publik të Islandës.
Blerja e reklamave dhe fushatat në rrjete sociale nuk janë të paligjshme. Por asnjë vend nuk ka bërë një fushatë kaq të gjerë dhe të debatueshme si Izraeli.
“Zëri i Izraelit duhet të dëgjohet kudo,” tha presidenti izraelit Isaac Herzog, duke ngritur çështjen e bojkotit në takime ndërkombëtare. “Duhet të marrim pjesë dhe të ngremë flamurin tonë lart.”
Eurovisioni, që dikur ka nxjerrë yje si ABBA dhe Celine Dion, përballet me një të ardhme të pasigurt. Bojkotet mund t’i kushtojnë qindra mijëra euro organizatës.
Martin Green tha se financat janë ende të qëndrueshme, por pranoi vështirësi në gjetjen e sponsorëve.
“Është një nga sfidat më të mëdha që kemi pasur,” tha ai. “Por Eurovisioni ekziston për të treguar harmoninë globale.”
Eurovisioni si “soft power”
Në maj 2024, fansat u mblodhën në qytetin suedez Malmö për konkursin e parë gjatë luftës në Gaza.
Edhe pse quhet Eurovision, pjesëmarrës vijnë nga shumë vende. Izraeli debutoi në vitin 1973. Artistët garojnë nën flamuj kombëtarë, por financohen nga transmetuesit publikë.
Izraeli kishte filluar të promovonte pjesëmarrjen që nga viti 2018, sipas kompozitorit Doron Medalie. Në atë vit u shpenzuan mbi 100 mijë dollarë për promovim dhe Izraeli fitoi.
Qeveria rriti shpenzimet para konkursit në Malmö. Opinioni publik europian ishte kundër luftës dhe disa grupe kërkonin përjashtimin e Izraelit.
Në Malmö, u shpenzuan mbi 800 mijë dollarë për reklama. Një pjesë vinte nga ministria e jashtme dhe zyra e Netanyahut për “promovim votash”.
Transmetuesi izraelit Kan tha se nuk ishte në dijeni të këtyre fushatave.
Në 2024, këngëtarja Eden Golan doli e dyta në votën popullore.
Por Eurovisioni u përball me protesta të mëdha, përfshirë aktivisten Greta Thunberg dhe mijëra demonstrues.
“Voto 20 herë!”
Në Eurovisionin e vitit 2025 në Basel, Izraeli përsëri doli i dyti dhe fitoi votën popullore. Gazetarë finlandezë zbuluan reklama që u kërkonin njerëzve të votonin deri në 20 herë për këngëtaren Yuval Raphael.
Netanyahu publikoi vetë mesazhe në rrjete sociale duke kërkuar vota. Grupet pro-Izrael në Europë bënë të njëjtën gjë.
Fushata mund të ketë ndikuar rezultatin, pasi në disa vende votojnë shumë pak njerëz. Pas konkursit, disa transmetues kërkuan hetim dhe kërcënuan me tërheqje.
Drejtori Martin Green premtoi rishikim, por pa hetim të plotë të jashtëm.
Kriza brenda Eurovisionit
Në një takim në Londër, disa vende kërkuan debat për pjesëmarrjen e Izraelit dhe ndryshime në sistemin e votimit.
Eurovisioni punësoi një këshilltar për të intervistuar transmetuesit, por raporti nuk u publikua.
Deri në fund të shtatorit, pesë vende diskutonin bojkotin: Islanda, Irlanda, Holanda, Spanja dhe Sllovenia.
Në një takim në Kroaci, organizatorët dhanë dy mesazhe kontradiktore: se Izraeli nuk kishte ndikuar në votim, por edhe këshilla për fushata online.
Në fund, u vendos që Izraeli të mos votohej drejtpërdrejt, por të mbetej në konkurs përmes ndryshimeve rregullore.
Pesë vende u tërhoqën nga pjesëmarrja.
Në vitin 2026, Eurovisioni vazhdon mes tensioneve. Disa vende po testojnë rregullat e reja dhe po mobilizojnë diasporat për votim. Organizatorët paralajmëruan përsëri kundër fushatave të koordinuara për votim masiv. Drejtori Martin Green tha se këto fushata nuk ndikojnë në rezultatin përfundimtar, por debati mbetet i hapur./mxh
Bashkimi Europian po punon për një ligj që synon të frenojë modelet e biznesit të rrjeteve sociale, me qëllim mbrojtjen e fëmijëve dhe të rinjve. Të paktën, kështu deklaroi këtë të martë, më 12 maj, presidentja e Komisionit Europian, Ursula von der Leyen.
Dëmet e shumta që u shkaktohen fëmijëve dhe adoleshentëve nga ekspozimi ndaj rrjeteve sociale nuk janë rastësi, “por rezultat i modeleve të biznesit që e trajtojnë vëmendjen e fëmijëve tanë si mall”, tha ajo gjatë një fjalimi në Kopenhagen.
Von der Leyen shtoi se Bashkimi Europian po fokusohet veçanërisht te TikTok, X dhe platformat e Meta-s: Instagram dhe Facebook.
“Po ndërmarrim masa kundër TikTok-ut dhe dizajnit të tij që krijon varësi, si ‘scroll’-i i pafund, riprodhimi automatik dhe njoftimet push. E njëjta gjë vlen edhe për Meta-n, sepse besojmë se Instagram dhe Facebook nuk po zbatojnë siç duhet kufirin minimal të moshës 13 vjeç”, deklaroi ajo, citon La Repubblica.
Komisioni Europian ka nisur gjithashtu procedura kundër platformës X për përdorimin e mjetit të inteligjencës artificiale Grok në krijimin e imazheve seksuale të grave dhe fëmijëve.
Von der Leyen shtoi se deri në fund të vitit, Komisioni synon të godasë “praktikat e dizajnit që krijon varësi dhe është i dëmshëm”, si “kapja e vëmendjes”, kontratat komplekse dhe “kurthet e abonimeve”.
Presidentja e Komisionit Europian mbështeti gjithashtu vendosjen e rregullave të rrepta për të ndaluar aksesin në rrjetet sociale për adoleshentët nën një moshë të caktuar./mxh
Prokurorët federalë kanë ngritur padi penale kundër pronarit të anijes mallrash Dali, dy vjet pasi anija goditi Urën Key të Baltimores, duke shkaktuar shembjen e saj dhe duke vrarë gjashtë persona.
Synergy Marine, kompania që operonte anijen, së bashku me një nga punonjësit e saj, janë akuzuar për komplot, pengim dhe sjellje të keqe që rezultoi në vdekje, ndër të tjera.
Prokurorët pretendojnë se kompania i ka mashtruar hetuesit në lidhje me kushtet në anije dhe nuk ia ka zbuluar rreziqet dhe shqetësimet e tjera të sigurisë Rojës Bregdetare të SHBA-së.
Një zëdhënës i Synergy tha se kompania “do të mbrohet kundër këtyre akuzave me forcë”.
“DOJ po kriminalizon një aksident tragjik”, tha kompania në një deklaratë për BBC-në. “Akuzat në aktakuzë janë të pabaza dhe nuk kanë të bëjnë fare me aleancën e DALI-t me Urën Francis Scott Key.”
Në një deklaratë të martën, Prokurori i Përgjithshëm në detyrë Todd Blanche tha se shembja e urës ishte “një tragjedi e parandalueshme me pasoja të mëdha”.
“Kjo aktakuzë është një hap kritik drejt vënies përpara përgjegjësisë së atyre që, për shkak të shpërfilljes së pamatur të rregulloreve të sigurisë detare, shkaktuan këtë katastrofë”, tha ai.
Aktakuza, e cila u zbulua të martën, përfshin operacionet e kompanisë me seli në Singapor dhe Indi. Mbikëqyrësi teknik i Dali-t, Radhakrishnan Karthik Nair, përballet gjithashtu me akuza penale.
Në orët e para të 26 marsit, anija kontejnerësh M/V Dali u përplas në urën historike Francis Scott Key, duke bërë që disa automjete mbi urë të zhyteshin në lumë dhe duke vrarë gjashtë punëtorë ndërtimi.
Shembja e urës shkaktoi gjithashtu ndërprerje të konsiderueshme ekonomike, pasi transporti detar u ndal.
Qyteti është ende duke punuar për rindërtimin e urës, gjë që pritet të zgjasë me vite dhe të kushtojë miliarda dollarë.
Bordi Kombëtar i Sigurisë së Transportit ka identifikuar faktorë të shumtë, duke përfshirë humbjen e energjisë elektrike nga një kabllo me defekt, problemet me një pompë karburanti në anije dhe mungesën e masave kundërsulmuese për të zvogëluar cenueshmërinë e urës.
Në dosjen gjyqësore, prokurorët thonë se anija Dali goditi urën sepse anija humbi energjinë dy herë në një hark kohor prej katër minutash.
Ndërprerja e parë e energjisë elektrike, thonë prokurorët, u shkaktua nga një tel i lirshëm në një central elektrik. Ata pretendojnë se ndërprerja e dytë ndodhi sepse ekuipazhi po mbështetej në një pompë shkarkimi për të furnizuar me karburant dy nga gjeneratorët e anijes.
Prokurorët thanë se anija nuk ishte miratuar për të përdorur një pompë shpëlarjeje për gjeneratorët e saj, pasi pompa nuk ishte projektuar për t’u rinisur automatikisht pas një ndërprerjeje të energjisë.
Nëse ekuipazhi do të kishte përdorur furnizimin “e duhur” me karburant, anija do të kishte rifituar energjinë përpara se të godiste urën, shtuan ata.
Në deklaratën e saj për BBC-në, Synergy tha se përdorimi i pompës së shkarkimit nga anija ishte “krejtësisht i parëndësishëm për shkakun” e rrëzimit.
Aktakuza pohon gjithashtu se punonjësit e Synergy ishin në dijeni të përdorimit të papërshtatshëm të pompës së shkarkimit dhe “morën hapa për të fshehur përdorimin” në Dali dhe anije të tjera.
Prokurorët gjithashtu pretendojnë se kompania ka falsifikuar të dhënat e sigurisë.
Ndërkohë, në një çështje të veçantë civile, Prokurori i Përgjithshëm i Merilendit, Anthony Brown, njoftoi të martën se shteti kishte arritur një zgjidhje prej 2.25 miliardë dollarësh (1.66 miliardë paund) me Synergy Marine për shembjen e urës.
Kjo zgjidhje zgjidh një padi që shteti ngriti kundër kompanisë në vitin 2024 për dëmet që lidhen me shkatërrimin e urës, dëmtimin mjedisor, humbjen e të ardhurave nga taksat dhe humbje të tjera ekonomike për Merilendin dhe banorët e saj.
Pronari i anijes i ka paguar tashmë departamentit të drejtësisë mbi 100 milionë dollarë për të zgjidhur një padi civile mbi dëmet e shkaktuara nga ura, si dhe 350 milionë dollarë kompanisë së sigurimeve të shtetit të Merilendit./mxh
Dy punonjës të shërbimit të emergjencës humbën jetën gjatë një sulmi izraelit në jug të Libanit, pasditen e sotme, ndërsa një tjetër mbeti i plagosur, njoftoi Ministria libaneze e Shëndetësisë në Bejrut, pavarësisht armëpushimit mes Izraelit dhe qeverisë libaneze.
Ushtria izraelite tha, në përgjigje të interesimit të mediave, se po heton pretendimet.
Në të kaluarën, ushtria izraelite ka akuzuar Hezbollahun, të mbështetur nga Irani, se po përdor ambulancat dhe ekipet mjekësore, si mbulim për transportin e armëve dhe luftëtarëve.
Këto pretendime nuk mund të verifikohen në mënyrë të pavarur për momentin.
Hezbollahu nuk e ka nënshkruar armëpushimin mes dy vendeve fqinje.
Ndërkohë, ushtria izraelite raportoi në mbrëmje sulme me dronë nga Hezbollahu.
Sipas saj, disa dronë u interceptuan përpara se të hynin në territorin izraelit. Sirenat e alarmit u aktivizuan në veri të Izraelit.
“Milicia shiite libaneze lëshoi gjithashtu disa predha, përfshirë dronë me lëndë shpërthyese, ndaj ushtarëve izraelitë në jug të Libanit”, tha ushtria izraelite. Nuk janë raportuar të plagosur.
Marrëveshja aktuale e armëpushimit i lejon Izraelit të ndërmarrë masa mbrojtëse kundër sulmeve të planifikuara, të afërta ose në zhvillim, por ndalon operacionet sulmuese në territorin libanez.
Izraeli dhe Hezbollahu akuzojnë njëri-tjetrin për shkelje të armëpushimit, ndërsa qeveria e Libanit nuk konsiderohet palë ndërluftuese në konflikt./mxh
Politologu Afrim Krasniqi tha sot se shpallja ‘non grata’ e individëve të caktuar, zyrtarë të lartë ose emra të politikës, është e drejtë që i takon vetëm Shteteve të Bashkuara të Amerikës.
I ftuar në A2 CNN, Krasniqi u shpreh se heqja e kësaj mase nuk ndodh përmes parave apo përmes korruptimit, siç ndodh me politikanët shqiptarë.
Politologu tha se nëse bëhet një listë globale të individëve që i është hequr “non grata”, janë katër raste dhe të gjitha janë raste gjeopolitike.
Më tej, Krasniqi shtoi se në vendet përkatëse ka ndodhur diçka e madhe që është hequr kjo masë, ka ndryshuar një raport politik dhe prandaj është rishikuar nga Presidenti pasues, gjë që sipas tij, nuk mund të ndodhet me rastet në Shqipëri.
“Vendimi për non gratën është vendim politik dhe është e drejta e SHBA-së, në bazë të dekretit të Presidentit të asaj periudhe, për ta aplikuar dhe e ka aplikuar vazhdimisht. Pastaj, këto historitë e Tiranës që dikush ka gjetur para dhe gjen dikë për të paguar para. Ngaqë politikanët tanë janë të korruptuar, mendojmë që edhe amerikanët janë të korruptuar. Nëse bëjmë një listë globale të individëve që i është hequr “non grata”, janë 4 raste dhe të gjitha janë raste gjeopolitike. Do të thotë që në vendet përkatëse ka ndodhur diçka e madhe, ka ndryshuar një raport politik dhe prandaj është rishikuar nga Presidenti pasues. Shqipëria nuk është gjeopolitikë dhe nuk është aktor në një skenë të madhe botërore”,-tha Krasniqi./Mxh
Policia italiane arrestoi një shtetas shqiptar 52-vjeçar në Milano, për posedim të lëndëve narkotike me qëllim trafikimin.
Shqiptari u kap brenda një objekti të përdorur si laborator paketimi dhe magazinimi droge, i vendosur në Via San Dionigi.
Operacioni u krye nga oficerë të Ekipit Hetimor të Stacionit të Policisë Mecenate, të cilët e kishin monitoruar të dyshuarin për ditë të tëra. Shqiptari me precedent penal, ishte vërejtur duke lëvizur në mënyrë të dyshimtë me biçikletë pranë zonës.
Në vendngjarje u gjetën dhe u sekuestruan dy kilogramë e gjysmë heroinë, e fshehur në qese në disa tavolina pune, si dhe pesë kilogramë e gjysmë lëndë gërryese, e përdorur për të rritur vëllimin e drogës së destinuar për shitje./mxh
Avokati Idajet Beqiri thotë se kreu i PD, Sali Berisha është paguar 20 milionë dollarë nga Serbia, për të shkatërruar UÇK dhe burgosur komandantët e saj.
Në një intervistë për “Ora e Fundit” në ABC News, Beqiri u shpreh se PD është parti e kapur nga një organizatë kriminale, e kryesuar nga Sali Berisha.
Beqiri shtoi se Berisha e shkatërroi vendin kur ishte në pushtet.
“Nuk është PD që nuk do që vendi të integrohet në BE. Është parti e kapur nga një organizatë kriminale, e kryesuar nga Sali Berisha. Organizatë kriminale me rrënjë serbe. Serbia ka 200 agjentë të saj në vendin tonë. Saliu, nëse hedh baltë dhe nuk lë gjë pa bërë kundër integrimit të Shqipërisë në BE, do jetë BE, Serbia që do detyrohet të hapë arkivat e saj dhe të nxjerrë agjentët e saj serbë. Berisha ka marrë 20 milionë dollarë nga Serbia për të penguar dhe shkatërruar UÇK dhe për të futur në burg komandantët e saj.
Familja Berisha e ka shkatërruar me rrënjë këtë vend. Shqiptarët e kanë kuptuar fare mirë dhe e dinë se kush është Berisha”, theksoi ai./abcnews.al
