Në kryeqytetin e Gjermanisë, Berlin, më 5 mars do të mbahet Festivali i filmit shqiptar, një ngjarje kulturore që synon të promovojë dhe festojë kinemanë shqiptare në arenën ndërkombëtare.

Sipas organizatorëve, festivali do të zgjasë pesë ditë dhe do të sjellë para publikut rreth 20 filma të realizuar gjatë viteve të fundit nga regjisorë shqiptarë nga Shqipëria, Kosova, Maqedonia e Veriut, si dhe nga diaspora.

Përveç shfaqjeve filmike, programi do të përfshijë edhe diskutime dhe takime me disa nga regjisorët pjesëmarrës, duke krijuar hapësirë për dialog artistik dhe shkëmbim idesh me audiencën.

“Jemi krenarë dhe të emocionuar të njoftojmë Festivalin e parë të Filmit Shqiptar në Berlin. Kjo është një ngjarje historike që feston kreativitetin, vizionin dhe praninë ndërkombëtare në rritje të kinemasë shqiptare”, thuhet në njoftimin e organizatorëve.

Sipas tyre, gjatë festivalit Berlini multikulturor do të shndërrohet në një pikë takimi për histori të fuqishme dhe zëra të guximshëm artistikë.

Filmave pjesëmarrës u bashkohet një tematikë e gjerë që përfshin identitetin, historinë, migrimin, traditën dhe realitetet bashkëkohore, të trajtuara me origjinalitet dhe thellësi artistike.

Organizatorët theksojnë se kinemaja shqiptare po përjeton një moment të rëndësishëm zhvillimi, e karakterizuar nga një brez i ri regjisorësh që sjellin rrëfime personale, por edhe histori me angazhim të theksuar shoqëror, duke pasqyruar njëkohësisht rrënjët kulturore dhe evolucionin modern të shoqërive shqiptare.

Po ashtu gjatë festivalit do të mbahen dhe evente paralele që do të promovojnë artin dhe kulturën shqipare, si psh. ekspozitë me piktura, shitje/promovim librash të autorëve shqiptare në Gjermani, etj.

Festivali do të organizohet në ACUD Kino, një nga hapësirat më ikonike dhe të pavarura kulturore të Berlinit, duke u konsideruar si një mundësi unike për bashkimin e regjisorëve, dashamirësve të filmit dhe publikut ndërkombëtar rreth rrëfimit shqiptar në ekranin e madh.

Ndryshe, organizatorët janë pjesë e ABC Book Club (Berlin), ku organizohen rregullisht takime letrare dhe kulturore. /Telegrafi/

Gjermania po ofron një shpërblim prej një milion eurosh për informacion që çon në arrestimin e militantëve të dyshuar të ekstremit të majtë, sulmi zjarrvënës i të cilëve shkaktoi një ndërprerje masive të energjisë në Berlin në fillim të këtij muaji, tha të martën ministri i Brendshëm.

Rreth 45,000 shtëpi dhe 2,200 biznese mbetën pa energji elektrike për gati një javë në mes të dimrit në jugperëndim të kryeqytetit gjerman. Ishte ndërprerja më e gjatë në qytet që nga fundi i Luftës së Dytë Botërore, transmeton Telegrafi.

Policia gjermane po kërkon anëtarë të "Vulkangruppe" (Grupi i Vullkaneve) të ekstremit të majtë, i cili mori përgjegjësinë për ndërprerjen në disa deklarata online. Grupi tha se qëllimi ishte të godiste industrinë e karburanteve fosile, jo të shkaktonte ndërprerje të energjisë.

Duke njoftuar shpërblimin, Ministri i Brendshëm gjerman Alexander Dobrindt u zotua të "kundërpërgjigjej".

"Agjencitë tona të sigurisë do të përforcohen ndjeshëm në luftën kundër ekstremizmit të krahut të majtë. Mendoj se është e përshtatshme të nënvizohet serioziteti i situatës me një shpërblim të kësaj madhësie", tha ai.

Dobrindt tha se policia do të nisë një fushatë publicitare për të mbledhur informacione dhe për të reklamuar shpërblimin, duke përfshirë fletëpalosje dhe postera në sistemin e metrosë së Berlinit.

Grupi i vetëshpallur i Vullkanit ka qenë aktiv që nga viti 2011 dhe ka kryer sulme zjarrvënëse në dhe përreth Berlinit, sipas agjencisë së inteligjencës së brendshme të Gjermanisë.

Grupi mori përgjegjësinë për një sulm zjarrvënës në vitin 2024 që ndaloi prodhimin në fabrikën e makinave të Teslës në Berlin.

Ndërprerja e shkaktuar nga një zjarr që synonte një sërë kabllosh me tension të lartë, zbuloi qartë boshllëqe në sigurinë e infrastrukturës kritike në kryeqytetin gjerman në një kohë kur Berlini është i shqetësuar për sulmet sabotuese që vijnë nga Rusia.

Zyrtarët e Berlinit u kritikuan gjithashtu për shpejtësinë dhe shkallën e reagimit të tyre ndaj ndërprerjes së energjisë.

Për shumë vite, Gjermania është përballur me atë që zyrtarët e përshkruajnë si një fushatë ruse sabotimi, spiunazhi dhe dezinformimi që synon destabilizimin e vendit, një furnizues kryesor i mbështetjes ushtarake për Ukrainën dhe një qendër kyçe logjistike e NATO-s. Moska i ka mohuar akuzat.

Të martën, Dobrindt u zotua se dhoma e ulët e parlamentit, Bundestagu, këtë javë do të miratojë një ligj të ri për të mbrojtur më mirë infrastrukturën kritike.

Por drafti fillestar i legjislacionit është përballur tashmë me kritika nga disa në sektorin e energjisë dhe komunitetin e biznesit, si shumë burokratik për të qenë efektiv.

Disa kanë paralajmëruar gjithashtu se legjislacioni rrezikon të detyrojë transparencë të tepërt në lidhje me objektet jetësore të infrastrukturës, të cilat mund të shfrytëzohen nga aktorë keqdashës.

Dobrindt pranoi se "ne tashmë zbulojmë shumë informacion publik në lidhje me infrastrukturën tonë kritike". /Telegrafi/

Të shtëna me armë zjarri janë raportuar në Berlin, ku si pasojë janë plagosur pesë persona. Sipas informacioneve paraprake, dy prej të plagosurve ndodhen në gjendje kritike për jetën.

Autoritetet gjermane bëjnë me dije se disa persona janë arrestuar në lidhje me ngjarjen, ndërsa hetimet vijojnë për zbardhjen e plotë të rrethanave dhe identifikimin e të gjithë personave të përfshirë.

Policia ka rrethuar zonën ku ndodhi incidenti dhe po vijon një operacion i gjerë sigurie për kapjen e autorëve të tjerë të dyshuar. Situata mbetet nën kontroll, ndërsa priten detaje të reja nga autoritetet.

Të shtëna me armë janë raportuar mbrëmjen e sotme në kryeqytetin e Gjermanisë, Berlin. Sipas Bild, në një apartament në rrugën Wichmannstraße, në zonën Tiergarten, janë gjetur pesë persona të plagosur. Dy prej tyre raportohet se ndodhen në gjendje kritike dhe po trajtohen në spital. Një përfaqësues i qendrës operative të policisë ka deklaruar se […]

The post Të shtëna me armë zjarri në Berlin, 5 të plagosur appeared first on BoldNews.al.

Me afro 60 shtete pjesëmarrëse përfaqësuar nga ministrat, zv.ministrat, sekretarë shtetërorë dhe liderë kyç global të sektorit të bujqësisë, Republika e Kosovës ishte pjesë e Forumit Global për Ushqim dhe Bujqësi, në Berlin të Gjermanisë.

Kështu ka shkruar ministri në detyrë, Imri Delemezi përmes një postimi në rrjetin social në Facebook.

Tutje ai ka shkruar se gjatë këtij Forumi, në kuadër të Grupit Teknik për Zhvillim Regjional dhe Rural në Evropën Juglindore (SËG), për herë të parë Republika e Kosovës e udhëhoqi takimin e ministrave të bujqësisë të Evropës Juglindore, duke konfirmuar rolin e saj gjithnjë e më aktiv e vlerorë në bashkëpunimin rajonal dhe proceset integruese evropiane.

Si ministër i Bujqësisë, Pylltarisë dhe Zhvillimit Rural, gjatë adresimeve të mija theksova se Republika e Kosovës është e përkushtuar në përmbushjen e kritereve për integrim në Bashkimin Evropian, përmes reformave të vazhdueshme, përafrimit të politikave dhe legjislacionit me standardet e BE-së, si dhe ndërtimit të një sektori bujqësor modern dhe të qëndrueshëm e në përputhje me nevojat e shoqërisë sonë.

Për tri ditë intensive, bashkë me delegacionin nga MBPZhR zhvilluam dhjetëra takime bilaterale dhe në margjinat e konferencës me partnerë strategjikë, përfshirë ministrat homologë të Kroacisë, Bullgarisë, Hungarisë, si dhe Bankën Botërore, Organizatën Botërore për Shëndetin e Kafshëve (ËOAH), Organizatën e Kombeve të Bashkuara për Ushqim dhe Bujqësi (FAO). Në fokus ishin investimet në siguri ushqimore, ujitje dhe infrastrukturë, rritja e produktivitetit dhe konkurrueshmërisë, standardet veterinare, mbrojtjen nga reshjet atmosferike, digjitalizimi i bujqësisë, resurset njerëzore dhe përafrimi me politikat e Bashkimit Evropian.

Edhe njëherë Republika e Kosovës konfirmoi përkushtimin për reforma dhe bashkëpunim ndërkombëtar, duke u dëshmuar si partner i besueshëm rajonal dhe evropian për zhvillim, investime dhe siguri ushqimore.

Republika e Kosovës falënderon shtetet mike, përfshirë Gjermaninë, që përmes GFFA-së mundëson vlerësimin pozitiv dhe promovimin e Kosovës përmes dhe gjatë konferencave të tilla.

Edhe nga Ambasada e Gjermanisë në Kosovës thuhet se Kosova u përfaqësua nga Ministri në largim Imri Delemezi dhe u takua me Ministrin Federal Gjerman të Bujqësisë, Ushqimit dhe Komunitetit, Alois Rainer.

Sipas njoftimit thuhet se takimi u përqendrua në: Përputhjen me BE-në – Acquis, plane konkrete veprimi për bujqësi dhe pylltari të qëndrueshme, zgjerimin e bashkëpunimit tregtar dhe ekonomik. /Telegrafi/

TIRANË, 17 janar /ATSH/ Ministri i Bujqësisë dhe Zhvillimit Rural, Andis Salla, mori pjesë sot në Konferencën e Ministrave të Bujqësisë, të zhvilluar në kuadër të Forumit Global për Bujqësinë dhe Ushqimin (GFFA) 2026, me pjesëmarrjen e 61 ministrave të bujqësisë dhe 14 përfaqësuesve të lartë të organizatave ndërkombëtare.

Konferenca u fokusua në dialogun agro-politik mbi temën e këtij viti “Uji. Korrjet. E ardhmja jonë.”, duke vënë theksin në rëndësinë e sigurisë ujore për garantimin e sigurisë ushqimore dhe zhvillimin e qëndrueshëm të sektorit bujqësor.

Gjatë punimeve të konferencës u miratua Komunikata Përfundimtare e GFFA 2026, e cila riafirmon mesazhin se pa ujë nuk ka ushqim dhe pa siguri ujore nuk mund të ketë siguri ushqimore.

Ministri Salla theksoi se Shqipëria mbështet plotësisht këtë angazhim dhe qasjen që e sheh bujqësinë si pjesë të zgjidhjes globale, përmes përdorimit të ujitjes inteligjente, zbatimit të praktikave që ruajnë tokën dhe burimet ujore, reduktimit të ndotjes dhe zhvillimit të bioekonomisë blu.

Pjesëmarrja e Shqipërisë në GFFA 2026 vlerësohet si një mundësi për forcimin e bashkëpunimit ndërkombëtar dhe shkëmbimin e praktikave më të mira në fushën e bujqësisë dhe ushqimit.

/gj.m/a.f/

The post Salla: Shqipëria mbështet angazhimin global për sigurinë ujore appeared first on Agjencia Telegrafike Shqiptare.

Pesë lande gjermane votojnë këtë vit. AfD fiton terren, CDU synon rikthime të rëndësishme dhe SPD kërkon të mbajë pozicionet. Zgjedhjet pritet të ndikojnë balancat politike, shkruan Auron Dodi.

Një supervit elektoral ka nisur për Gjermaninë: do të ketë zgjedhje rajonale në pesë lande, në shtetet rajonale autonome të Gjermanisë.

Në mars mbahen zgjedhje në jugperëndim të Gjermanisë, në landet Baden-Vyrttemberg dhe Rajnland-Pfalc. Në shtator pasojnë zgjedhjet në lindje, në landet Saksoni-Anhalt dhe Meklenburg-Pomerani Perëndimore si dhe në landin e Berlinit.

Një zhvillim, i cili mund t‘i ndryshojë konstelacionet e zakonshme politike është se partia ultra e djathtë AfD (Alternativa për Gjermaninë) po forcohet, edhe në perëndim të Gjermanisë.

Ndërkohë, partitë e tjera në qeveritë e landeve po humbasin terren. Kjo mund ta vështirësojë formimin e qeverive. Në tërësi, disa ekspertë presin që të forcohen ekstremet, veçanërisht AfD-ja.

Përsa i përket lindjes së Gjermanisë: perspektiva e fitores atje të AfD-së mund të nxisë krijimin e një aleance të të gjitha partive kundër AfD-së. Dhe mund të kemi edhe qeveri pakice, d.m.th. të toleruara nga partitë e tjera. Ka edhe zëra që kërkojnë që të rimendohet “kordoni sanitar”për mosbashkëpunim në qeverisje me AfD-në.

Gjermania mbetet një vend më stabël se të tjerët, megjithë debatet në qeverinë qendrore në Berlin. Por edhe një sondazh i fundit, i gazetës Bild am Sonntag, nxorri se 71% e gjermanëve janë të pakënaqur me qeverinë.

Sondazhet i japin shanse më të mëdha CDU-së, partisë së qendrës së djathtë të kancelarit Merz. Ato shohin gjithashtu thuajse kudo në Gjermani forcimin e ultra të djathtës AfD; socialdemokratët, në tërësi, kanë rezultate jo të forta në sondazhe.

Në fillim të marsit, në landin e Baden-Vyrttembergut (Baden-Württemberg) me mbi 11 milionë banorë, CDU-ja mund të vijë në krye të qeverisë së landit, nga partnere e dytë që është aktualisht. Baden-Vyrttembergu, një nga landet më të pasura në jugperëndim të Gjermanisë, ka peshë të madhe politike. Bashkë me Bavarinë, ai është një nga kontribuesit kryesorë financiarë për federatën.

Një fitore në Baden-Vyrttemberg mund të ketë edhe vlerë simbolike për CDU-në, pasi ky land ka 15 vjet që qeveriset nga një kryeministër i Gjelbër, Winfried Kretschmann.

Në fund të marsit ka zgjedhje po në jugperëndim, në landin e Rajnland-Pfalcit (Rheinland-Pfalz) me më shumë se 4 milionë banorë. Si parti, në sondazhe CDU-ja atje është përpara socialdemokratëve (SPD). Kjo në një kohë kur kryeministri aktual socialdemokrat, Alexander Schweizer mbetet shumë popullor.

Kujtoj se landi Rajnland-Pfalc ishte bastioni ku nisi karrierën kancelari i ribashkimit të Gjermanisë, Helmut Kohl. Por ka 35 vjet që atë e qeverisin socialdemokratët. Ndaj rimarrja nga CDU-ja do të ishte sukses historik për partinë e Friedrich Merz-it.

Në fund të shtatorit janë zgjedhjet në landin e Berlinit, me 3,9 milionë banorë. Mbetet e hapur nëse CDU-ja do ta ruajë kryesimin, edhe një aleancë e majtë tripartiake nën partinë E Majta duket e mundur për momentin.

Gjithsesi, vëmendje të madhe tërheqin zgjedhjet e shtatorit në një land lindor: në Saksoni-Anhalt (Sachsen-Anhalt), me mbi 2 milionë banorë, landi më të ardhurat më modeste për frymë në Gjermani.

Saksoni-Anhalt është landi ku AfD-ja ultra e djathtë mund të fitojë, për herë të parë, një shumicë absolute. Në një sondazh disa javë më parë në këtë land, AfD-ja arriti 40%. Në dallim nga vende të tjera evropiane, në Gjermani, që nga Lufta e Dytë Botërore, asnjë parti e ekstremit të djathtë nuk ka qeverisur në nivel rajonal ose federal.

AfD-ja shpreson që jehona e një fitoreje të saj të nxisë një riorganizim të të gjithë politikës në Gjermani. Ajo dëshiron që qeveria qendrore në Berlin të shpërbëhet që këtë vit, nëse fillon bashkëpunimi i partive të tjera me të dhe thellohen debatet mes partnerëve CDU/CSU e SPD. Në krye të qeverisë qendrore pastaj mund të vijë vetë AfD-ja.

Në landin Saksoni-Anhalt, pas 20 vjetësh qeverisjeje të pandërprerë me partnerë të ndryshëm, CDU-ja mund të dalë e dyta. Sërish do t’i duhen parti të tjera për të formuar një qeveri. Por disa parti, sidomos të voglat, janë dobësuar dhe mund të mos futen dot në parlamentet rajonale. Shumë vëzhgues flasin për një “pikë kthese” të mundshme, pasi AfD-ja mund të dalë nga izolimi i deritashëm.

A hapet dera për AfD-në?

AfD-ja klasifikohet si parti “ekstremiste e djathtë” nga shërbimi i fshehtë i brendshëm i Gjermanisë, Zyra për Mbrojtjen e Kushtetutës. Në argumentimin për klasifikimin, ky shërbim citon edhe se kjo parti e përcakton popullin gjerman etnikisht dhe nuk përfshin në të si të barabartë shtetas gjermanë, që kanë migruar në Gjermani nga vende myslimane. AfD-ja tani është në sondazhe po aq e preferuar sa CDU-ja, herë merr njëra parti 25% apo 26%, herë tjetra.

Nëse në shtator, në landin Saksoni- Anhalt AfD-ja del e para, por nuk arrin shumicë absolute, edhe asaj do t’i duhen parti të tjera për qeverisje. Partitë e tjera do të ndodhen para pyetjes së vështirë, a ta ndërpresin „kordonin sanitar” për mosbashkëpunim me të.

Në të kaluarën, situata si kjo zakonisht i kanë mobilizuar fort forcat politike. Kështu ndodhi në landin e Saksonisë, që konsiderohej gati i humbur te AfD-ja dhe në Tyringen. Ndaj edhe në landin Saksoni-Anhalt, një qeveri pakice, e udhëhequr nga CDU-ja, e toleruar nga partia E Majta dhe ndoshta edhe nga Aleanca Sahra Wagenknecht, konsiderohet opsion realist.

Kurse në landin tjetër lindor, Meklenburg-Pommerani Perëndimore (Mecklenburg-Vorpommern), sipas disa vëzhguesve gjasat janë që qeveria të udhëhiqet edhe më tej nga socialdemokratët, nën kryeministren Manuela Schwesig.

Ekonomia dhe reformat: sa e brishtë është atmosfera?

Nëse ky do të jetë vit i vështirë për Gjermaninë, kjo varet nga disa faktorë. Njerëzit e shohin të ardhmen e vendit me optimizëm, kur situata ekonomike e përgjithshme është e mirë. Po aq e rëndësishme është edhe ndjenja se ata vetë mund të ndikojnë në të ardhmen e vendit, me hapa konkretë.

Nëse Gjermania arrin të dalë nga stanjacioni dhe të rikthehet te rritja ekonomike —qoftë edhe me një përqind, që është e mundur, — pritet të ndryshojë edhe klima e përgjithshme në vend.

Këtë vit hyjnë në fuqi disa masa lehtësuese për qytetarët si ngritja e pagës minimale për orë (nga 12.82 € në 13.90 €), ulja e TVSH për ushqimet (nga 19% në 7%) etj. Nga janari, reforma e shërbimit ushtarak u ofron 18-vjeçarëve mundësinë të kryejnë të paktën gjashtë muaj shërbim ushtarak. Kjo masë ka potencialin të ulë edhe frikërat e krijuara nga lufta./DW/

TIRANË, 15 janar/ATSh/ Ministri i Bujqësisë dhe Zhvillimit Rural, Andis Salla, i cili ndodhet në një vizitë zyrtare në Berlin, zhvilloi një takim me Viorel Gutu, zëvendësdrejtor Rajonal për Evropën dhe Azinë Qendrore pranë FAO.

Gjatë takimit u diskutuan prioritetet e bashkëpunimit për katërvjeçarin e ardhshëm, me fokus në modernizimin e bujqësisë, transformimin digjital të sektorit, forcimin e sigurisë ushqimore dhe përafrimin me Politikën e Përbashkët Bujqësore të Bashkimit Evropian (CAP), në funksion të procesit të integrimit europian dhe vizionit afatgjatë “Bujqësia 2030”.

Ministri Salla informoi gjithashtu përfaqësuesit e FAO-s mbi dëmet e shkaktuara nga përmbytjet e ditëve të fundit, veçanërisht në sektorin bujqësor, duke theksuar nevojën për vlerësim të shpejtë dhe masa konkrete mbështetëse për fermerët e prekur.

Zyrtarët e FAO-s shprehën gatishmërinë për të ofruar asistencë përmes ekspertizës ndërkombëtare, si në vlerësimin e situatës në terren, ashtu edhe në hartimin e masave për rimëkëmbjen dhe forcimin e qëndrueshmërisë së sektorit bujqësor.

Ministri Salla vlerësoi bashkëpunimin afatgjatë dhe frytdhënës me FAO-n, duke riafirmuar angazhimin e qeverisë për zhvillimin e qëndrueshëm të bujqësisë dhe rritjen e mbështetjes për fermerët shqiptarë.

1 nga 7

/r.e/a.f/

The post Salla me zyrtarin e FAO-s: Modernizim i bujqësisë dhe mbështetje pas përmbytjeve appeared first on Agjencia Telegrafike Shqiptare.

BERLIN, 6 janar /ATSH-DPA/ – Punimet për rikthimin e energjisë elektrike dhe ngrohjes në disa zona të jugperëndimit të Berlinit po vazhdojnë dhe sot, ndërsa dhjetëra mijëra banorë mbetën pa furnizim për të katërtën ditë radhazi, në një kryeqytet të mbuluar nga bora.

Rreth 45 000 familje dhe mbi 2 200 biznese në lagjet ”Nikolassee”, ”Zehlendorf”, ”Wannsee” dhe ”Lichterfelde” mbetën pa energji elektrik të shtunën, pasi kabllo të tensionit të lartë që çojnë drejt një centrali elektrik u  përfshinë nga zjarri.

Autoritetet e Berlinit besojnë se pas sulmit qëndron një grup militantësh të majtë.

Deri tani, energjia elektrike u është rikthyer rreth 19 500 familjeve dhe rreth 1 000 bizneseve, por operatori “Stromnetz Berlin” njoftoi se mund të duhen deri të enjten që të gjithë përdoruesit të rilidhen me rrjetin, pasi riparimet janë komplekse.

Policia, zjarrfikësit dhe ushtria janë angazhuar në zonat e prekura për të ndihmuar personat që nuk kanë mundur të strehohen te familjarë apo miq në pjesë të tjera të Berlinit, ku temperaturat kanë qenë nën zero.

Spitalet arritën të vazhdojnë funksionimin falë gjeneratorëve të emergjencës dhe tashmë u është rikthyer furnizimi me energji. Ndërkohë, 72 nga 74 shtëpitë e kujdesit të prekura po furnizohen sërish me energji, sipas ”Stromnetz Berlin”./  /Ad.Ab./ a.jor.

The post BERLIN – 25 500 familje ende pa energji elektrike, katër ditë pas sulmit në rrjet   appeared first on Agjencia Telegrafike Shqiptare.

BERLIN, 3 janar /ATSH-DPA/ – Energjia elektrike iu ndërpre sot 50 000 familjeve dhe 2 000 bizneseve në jugperëndim të Berlinit, pas një zjarri që preku një lidhje kabllore të rrjetit, tha ofruesi i ”Stromnetz Berlin”.

Policia po hetonte zjarrvënie të mundshme, pasi një sulm i motivuar politikisht shkaktoi një ndërprerje të ngjashme në juglindje të kryeqytetit gjerman në shtator.

“Për shkak të dëmeve të konsiderueshme të shkaktuara, riparimi i kabllove do të zgjasë shumë”, tha ”Stromnetz Berlin”, ndërsa punimet vazhduan në kabllot e furnizimit të përkohshëm.

“Ne po mbështetemi në rivendosjen e plotë të furnizimit për të gjithë klientët deri të enjten pasdite”, shtoi ai.

Ofruesi tha se moti i ftohtë po pengonte punën.

Një zëdhënës i shërbimeve të zjarrfikësve tha se alarmi kishte rënë pak pas orës 06:00 (05:00 GMT).

”Ndër objektet që kishin nevojë për ndihmë ishte një shtëpi për të moshuarit”, tha ai.

Ndërprerja goditi ndriçimin e rrugëve, telekomunikacionin celular, semaforët dhe frigoriferët e supermarketeve, si dhe familjet private, duke mbyllur sistemet e ngrohjes ndërsa temperaturat luhateshin rreth pikës së ngrirjes./  a.jor.

The post BERLIN – 50 000 familje dhe 2 000 biznese pa energji elektrike pas një defekti appeared first on Agjencia Telegrafike Shqiptare.

Trajneri gjerman i futbollit, Alexander Nouri (46), do të largohet nga futbolli dhe nga janari i vitit 2026 do të nisë një kapitull të ri profesional jashtë sportit.

Sipas mediave gjermane, Nouri do të fillojë punë në rrjetin e restoranteve McDonald’s, ku do të marrë rolin e menaxherit në dy njësi, duke mbyllur kështu përfundimisht karrierën e tij në futboll.

Nga lojtari te trajneri

Alexander Nouri ishte fillimisht futbollist, duke luajtur si mesfushor sulmues për ekipin e dytë të Werder Bremenit, si dhe për klubet Seattle, Uerdingen, Osnabrück, Kiel dhe Oldenburg. Karrierën e trajnerit e nisi në vitin 2013, kur mori drejtimin e Oldenburgut.

Gjatë viteve në vijim, ai ka drejtuar si trajner ekipet e para dhe të dyta të Werder Bremenit, si dhe Ingolstadtin, Herthan dhe Kavalan në greqi.

Po ashtu, Nouri ka punuar si ndihmës trajner te Hertha dhe në stafin teknik të Kombëtares së Shteteve të Bashkuara të Amerikës.

Vitet e fundit pa angazhim

Nouri ka qenë pa punë që nga viti 2022. Ai e drejtoi Werder Bremenin si trajner i parë nga shtatori 2016 deri në tetor 2017, periudhë në të cilën regjistroi 15 fitore, 11 barazime dhe 17 humbje.

Te Hertha, ai udhëhoqi ekipin në katër ndeshje si trajner i përkohshëm, duke regjistruar një fitore, dy barazime dhe një humbje.

Angazhimi i tij i fundit ishte në Greqi, te Kavala, ku nga dhjetori 2021 deri në mars 2022 arriti tre fitore, shtatë barazime dhe pesë humbje. Kjo mbetet edhe eksperienca e tij e fundit si trajner futbolli. /Telegrafi/

BERLIN, 31 dhjetor /ATSH-AA/ – Kancelari gjerman Friedrich Merz deklaroi se partneriteti midis SHBA-së dhe Evropës po ndryshon, që do të thotë se ato duhet të mbrojnë interesat e tyre më fort.

Kancelari Merz publikoi një video-mesazh me rastin e Vitit të Ri.

“Partneriteti ynë me SHBA-në, e cila ka qenë prej kohësh garantues i besueshëm i sigurisë sonë, po ndryshon gjithashtu. Për ne evropianët, kjo do të thotë se ne duhet të mbrojmë interesat tona edhe më fort me forcën tonë”, tha Merz në mesazhin e tij.

Ai theksoi se në Evropë po vazhdon një luftë e tmerrshme. “Kjo luftë kërcënon drejtpërdrejt lirinë dhe sigurinë tonë. Ekonomia jonë është nën presion për shkak të reformave të nevojshme, kostove të larta dhe konflikteve globale tregtare. Gjithashtu teknologjitë e reja po ndryshojnë rrënjësisht jetën tonë të punës dhe mënyrën se si jetojmë së bashku”, shtoi Merz.

Sipas tij, lufta Rusi-Ukrainë i prek drejtpërdrejt edhe ata. “Po shohim gjithnjë e më qartë se agresioni i Rusisë ishte dhe është ende pjesë e një plani kundër të gjithë Evropës. Gjermania është gjithashtu subjekt i sabotimit, spiunazhit dhe sulmeve kibernetike çdo ditë”, tha kancelari gjerman.

Merz potencoi rikthimin e proteksionizmit në ekonominë globale.

“Varësia jonë strategjike nga lëndët e para po përdoret gjithnjë e më shumë si mjet presioni politik që është kundër interesave tona. Këto ndryshime gjeopolitike ndikojnë shumë në prosperitetin tonë dhe ne e ndiejmë këtë si një vend eksportues. Në këtë situatë, ne kemi nevojë për kreativitetin dhe produktivitetin e ekonomisë sonë. Megjithatë, vonesa në reformat e brendshme po dëmton potencialin e kompanive tona. Po bëhet gjithnjë e më e vështirë për to të mbijetojnë në konkurrencën ndërkombëtare”, tha ai.

Merz shtoi se shoqëria gjermane po plaket dhe kjo sjell me vete sfida sociale.

Ai tha se kapërcimi i çdo sfide është në duart e tyre dhe se ato nuk janë lodër për fuqitë e mëdha. “Ne duhet të rrisim fuqinë tonë parandaluese. Duam të rrisim fuqinë tonë mbrojtëse në mënyrë që të mos na duhet të mbrohemi”, u shpreh Merz.

Sipas tij, Gjermania dhe Evropa morën vendime të rëndësishme për të ulur migracionin e parregullt. “Ne po vendosim përsëri vetë se kush hyn në vendin tonë dhe kush detyrohet të largohet. Ne kemi krijuar stimuj të rinj për migrimin e ligjshëm dhe të rregullt dhe në të njëjtën kohë kemi mbyllur rrugët për migrimin e paligjshëm dhe të parregullt. Për ne, njerëzimi dhe rendi janë dy anët e së njëjtës medalje”, tha Merz.   /os/

The post GJERMANI – Merz: Ne duhet të rrisim fuqinë tonë parandaluese appeared first on Agjencia Telegrafike Shqiptare.

BERLIN, 15 dhjetor /ATSH-AFP/ – Negociatorët amerikanë ende kërkojnë që Ukraina të heqë dorë nga pjesa e rajonit të Donbasit që kontrollohet nga Kievi, gjatë raundit të fundit të bisedimeve në Berlin, tha sot një zyrtar i lartë i informuar mbi diskutimet.

“Vladimir Putin dëshiron territore. Amerikanët thonë se Ukraina duhet të tërhiqet, gjë që Kievi e refuzon”, tha ky burim.

“Është mjaft e habitshme që amerikanët po mbajnë qëndrimin e rusëve për këtë çështje”, shtoi burimi.

Zemra industriale ukrainase e Donbasit përfshin rajonin e Luganskut, pothuajse tërësisht nën kontrollin e Moskës, dhe rajonin e Donetskut, gati 20% e të cilit kontrollohet nga ushtria ukrainase.

Sipas një sondazhi të publikuar sot, 75% e ukrainasve kundërshtojnë braktisjen e këtij territori.

Përtej konsideratave territoriale, ky është seksioni më i mbrojtur i frontit, i përbërë nga një unazë qytetesh të fortifikuara dhe qindra kilometra llogore dhe fusha minash.

Një zyrtar i lartë ukrainas tha gjithashtu se një takim i ri do të zhvillohej sot midis presidentit Volodymyr Zelensky dhe negociatorëve amerikanë, Steve Witkoff dhe Jared Kushner, në ditën e dytë të këtyre bisedimeve në Berlin.

Ndërsa Witkoff kishte siguruar dje në mbrëmje në X se janë bërë shumë përparime gjatë ciklit të parë të bisedimeve në Berlin, zyrtari ukrainas u tregua shumë më i kujdesshëm./ /Ad.Ab./

The post BERLIN – Negociatorët amerikanë kërkojnë që Ukraina të heqë dorë nga kontrolli i Donbasit. appeared first on Agjencia Telegrafike Shqiptare.

Presidenti ukrainas Volodymyr Zelenskyy shprehu të dielën gatishmërinë për të hequr dorë nga përpjekja e vendit të tij për tu bashkuar me NATO-n në këmbim të garancive perëndimore të sigurisë, por hodhi poshtë presionin e SHBA-së për t’i dhënë territor Rusisë.

Zelenskyy u ul me të dërguarin special të Presidentit të SHBA-së Donald Trump, Steve Witkoff, dhe dhëndrin e Trump, Jared Kushner. Udhëheqësi ukrainas postoi fotografi të tryezës së negociatave me kancelarin gjerman Friedrich Merz të ulur pranë tij përballë delegacionit amerikan.

Duke iu përgjigjur pyetjeve të gazetarëve në klipet audio në një grup bisedash në WhatsApp para bisedimeve, Zelenskyy tha se meqenëse SHBA-të dhe disa vende evropiane kishin hedhur poshtë përpjekjen e Ukrainës për tu bashkuar me NATO-n, Kievi pret që Perëndimi të ofrojë një sërë garancish të ngjashme me ato të ofruara anëtarëve të aleancës.

“Këto garanci sigurie janë një mundësi për të parandaluar një valë tjetër agresioni rus. Dhe ky është tashmë një kompromis nga ana jonë,” tha Zelenskyy.

Presidenti rus Vladimir Putin e ka cilësuar përpjekjen e Ukrainës për tu anëtarësuar në NATO si një kërcënim të madh për sigurinë e Moskës dhe një arsye për nisjen e pushtimit në shkallë të plotë në shkurt të vitit 2022. Kremlini ka kërkuar që Ukraina të heqë dorë nga kërkesa për anëtarësim në aleancë si pjesë e çdo marrëveshjeje të mundshme paqeje.

Zelenskyy theksoi se çdo garanci sigurie do të duhej të ishte ligjërisht e detyrueshme dhe e mbështetur nga Kongresi i SHBA-së, duke shtuar se priste një përditësim nga ekipi i tij pas një takimi midis zyrtarëve ushtarakë ukrainas dhe amerikanë në Stuttgart të Gjermanisë.

Uashingtoni është përpjekur për muaj të tërë të gjejë zgjidhje për kërkesat e secilës palë, ndërsa Trump bën presion për një përfundim të shpejtë të luftës me Rusinë dhe po acarohet gjithnjë e më shumë nga vonesat. Kërkimi për kompromise të mundshme është përballur me pengesa të mëdha, përfshirë kontrollin e rajonit lindor të Donetskut në Ukrainë, i cili është kryesisht i pushtuar nga forcat ruse.

Putini dëshiron që Ukraina të tërheqë forcat e saj nga pjesa e rajonit të Donetskut që është ende nën kontrollin e saj, një kërkesë e refuzuar nga Kievi. Ndërsa, Zelenskyy tha se SHBA-të kishin hedhur një ide që Ukraina të tërhiqej nga Donetsku dhe të krijonte një zonë të lirë ekonomike të çmilitarizuar atje, një propozim që ai e hodhi poshtë si të pazbatueshëm.

Zelenskyy e përshkroi çështjen si “shumë të ndjeshme” dhe këmbënguli në ngrirjen e konfliktit përgjatë vijës së kontaktit, duke thënë se “sot një mundësi e drejtë e mundshme është që të qëndrojmë aty ku jemi”. Por, këshilltari i Putinit për çështjet e jashtme, Yuri Ushakov, i tha të përditshmes së biznesit Kommersant se policia dhe garda kombëtare ruse do të qëndrojnë në disa pjesë të rajonit të Donetskut, edhe nëse ato bëhen zonë e demilitarizuar sipas një plani të ardhshëm paqeje.

The post Bisedimet në Berlin/ Zelenskyy: Gati të heqim dorë nga anëtarësimi në NATO në këmbim të garancive perëndimore appeared first on Albeu.com.

Presidenti ukrainas Volodymyr Zelensky mbërriti në kryeqytetin gjerman të Berlinit pasditen e 14 dhjetorit.

"Unë jam tashmë në Gjermani”, tha Zelensky me tw arritur nw ekonominw mw tw fuqishme tw Evropws, transmeton Telegrafi.

“Agjenda e sotme përfshin një takim me ekipin negociator amerikan. Ne po përqendrohemi në mënyrën se si të garantojmë me besueshmëri sigurinë e Ukrainës, në mënyrë që përvoja e Memorandumit të Budapestit dhe pushtimi i Rusisë të mos përsëritet kurrë. Ne mbështetemi në bisedime konstruktive", shtoi presidenti ukrainas.

Zelensky njoftoi më parë se do të zhvillojë takime me përfaqësues të presidentit të SHBA-së, Donald Trump për të diskutuar përfundimin e luftës.

Ndryshe luftimet e ashpra janw duke vazhduar nw Ukrainw, ku nga tw dyja palwt raportohet pwr tw vrarw nw vijwn e frontit. /Telegrafi/

BERLIN, 14 dhjetor /ATSH-AFP / – Presidenti i Ukrainës, Volodymyr Zelensky, mbërriti sot  në Berlin për dy ditë bisedime me udhëheqësit evropianë dhe të dërguarit epresidentit amerikan Donald Trump, me synimin për t’i dhënë fund luftës me Rusinë.

Ndërsa luftimet vazhdojnë në Ukrainë, Zelensky pritet të takohet me kancelarin gjerman Friedrich Merz, i cili do të presë nesër gjithashtu liderë të tjerë evropianë, mes tyre kryeministrin britanik Keir Starmer, si dhe krerët e NATO-s dhe Bashkimit Evropian.

I dërguari special i Trump, Steve Witkoff, dhe dhëndri i presidentit, Jared Kushner, u panë duke hyrë sot në një hotel në qendër të Berlini, ashtu si edhe negociatori kryesor ukrainas Rustem Umerov dhe një zyrtar i lartë gjerman, raportoi e përditshmja  gjermane “Bild”.

Gjatë udhëtimit drejt Gjermanisë, Zelensky tha se ishte i gatshëm për “dialog” për t’i dhënë fund luftës gati katërvjeçare, e cila nisi me pushtimin e plotë të Ukrainës nga Rusia në shkurt 2022.

“Samiti në Berlin është i rëndësishëm”, tha ai. “Po takohemi si me amerikanët ashtu edhe me evropianët… dhe këto takime zhvillohen sot dhe nesër në Berlin”.

Zelensky theksoi se shpreson që Shtetet e Bashkuara të mbështesin idenë e ngrirjes së vijës së frontit aty ku ndodhet aktualisht, në vend që Ukraina të detyrohet të dorëzojë të gjithë rajonin e Donbasit, siç kërkon Moska.

“Opsioni më i drejtë i mundshëm është ‘të qëndrojmë aty ku jemi”, u tha ai gazetarëve. “Kjo është e vërtetë sepse bëhet fjalë për një armëpushim… E di që Rusia nuk e sheh këtë pozitivisht dhe do të doja që amerikanët të na mbështesin në këtë çështje”. /Ad.Ab./

The post GJERMANI – Zelensky mbërrin në Berlin për bisedime vendimtare për paqen në Ukrainë appeared first on Agjencia Telegrafike Shqiptare.

TIRANË, 10 dhjetor/ATSH/ Një delegacion përfaqësues nga Policia e Shtetit mori pjesë në seminarin “Parashikimi Strategjik për Ballkanin Perëndimor”, zhvilluar në Berlin.

Policia njofton se delegacioni pjesëmarrës në Seminarin e organizuar nga Policia Federale Gjermane dhe ekipi i projektit “SCOPE”, kryesohej nga drejtori i departamentit të Policisë Kriminale, Neritan Nallbati dhe nga drejtori i departamentit për Kufirin dhe Migracionin, Saimir Muçaj.

Sipas Policisë, në fokus të diskutimeve dhe ndërveprimeve gjatë seminarit, ishin metodat e reja operacionale, aplikimi i të cilave do t’i bëjë agjencitë ligjzbatuese të jenë pararojë në luftën kundër krimit të organizuar dhe atij ndërkombëtar.

Gjithashtu, gjatë seminarit u diskutua mbi vigjilencën që duhet të tregojnë agjencitë ligjzbatuese, për t’iu paraprirë dhe për të menaxhuar në kohë ndryshimet sociale, si dhe evidentimi dhe vlerësimi i kapaciteteve hetimore dhe operacionale në funksion të së ardhmes.

Në njoftim thuhet se nëpërmjet pjesëmarrjes në këtë seminar tejet informues dhe frymëzues, u shkëmbyen praktikat dhe metodat më të mira, u prezantuan teori të ndryshme mbi përmbushjen e detyrave funksionale të punonjësve të Policisë, u forcuan më shumë urat e bashkëpunimit me partnerët gjermanë, si dhe u krijuan kontakte të reja, në funksion të bashkëpunimeve të mëtejshme.

/e.i/r.e/a.f/

The post Delegacioni i Policisë së Shtetit në Berlin, fokus te parashikimi strategjik për Ballkanin Perëndimor appeared first on Agjencia Telegrafike Shqiptare.

BERLIN, Gjermania kritikoi ashpër strategjinë e re të sigurisë kombëtare të SHBA-së, duke e konsideruar me “tone kritike kundër BE-së”.

“Ne i hedhim poshtë komentet pjesërisht kritike të drejtuara ndaj BE-së. Liritë politike, përfshirë të drejtën e lirisë së shprehjes, janë ndër vlerat themelore të BE-së. Ne i shohim sulmet në këtë drejtim si ideologji dhe jo si strategji”, tha zëvendëszëdhënësi i qeverisë gjermane, Sebastian Hille, në një konferencë për shtyp në Berlin.

“Ne gjithashtu nuk pajtohemi shprehimisht me disa pika në analizën gjeopolitike. Strategjia nuk e klasifikon Rusinë si kërcënim. Ne nuk e ndajmë këtë vlerësim. Ne mbështesim analizën e përbashkët të NATO-s, sipas së cilës Rusia është një rrezik dhe një kërcënim për sigurinë transatlantike”, shtoi ai.

Dokumenti i ri i strategjisë së sigurisë kombëtare të SHBA-së i publikuar javën e kaluar, u kritikua ashpër nga politikanët evropianë lidhur me pretendimin se Evropa censuron lirinë e fjalës dhe shtyp opozitën politike.

Dokumenti prej 33 faqesh akuzoi qeveritë evropiane se kundërshtojnë lëvizjet e ekstremit të djathtë dhe anti-emigracion. Ai pretendon se kontinenti është në rënie ekonomike dhe përballet me një “perspektivë reale dhe më të zymtë të zhdukjes qytetëruese” brenda 20 viteve të ardhshme.

“Çështjet më të mëdha me të cilat përballet Evropa përfshijnë aktivitetet e Bashkimit Evropian dhe organeve të tjera transnacionale që minojnë lirinë dhe sovranitetin politik, politikat e migracionit që po transformojnë kontinentin dhe po krijojnë konflikte, censurën e lirisë së fjalës dhe shtypjen e opozitës politike, rënien e lindjeve dhe humbjen e identiteteve dhe vetëbesimit kombëtar”, tha dokumenti.  /os/

The post FOKUS – Gjermania kritikon SHBA-në për “tonet kritike kundër BE-së” appeared first on Agjencia Telegrafike Shqiptare.

Mijëra studentët dolën në rrugë në të gjithë Gjermaninë për të protestuar kundër një ligji të ri të shërbimit ushtarak që kërkon kontrolle dhe pyetësorë të detyrueshëm shëndetësor për meshkujt 18-vjeçar, raporton Anadolu.

Iniciativa “Greva shkollore kundër shërbimit ushtarak” organizoi demonstrata në më shumë se 90 qytete, duke përfshirë qytetet Hamburg, Bochum, Bielefeld, Munster, Këln, Duseldorf dhe Shtutgart.

Mbi 3 mijë studentë në Berlin u mblodhën pranë stacionit të metrosë ‘Hallesches Tor’ para se të marshojnë drejt sheshit ‘Oranienplatz’ duke valëvitur pankarta me slogane “Jo shërbimet të detyrueshëm ushtarak”, “Studentët kundër luftërave dhe riarmatimit”, “E ardhmja jonë është e ardhmja jonë” dhe “Ne vendosim vetë”.

Dje, një grup i vogël protestuesish gjithashtu demonstruan para ndërtesës së parlamentit, teksa ligjvënësit debatuan projektligjin.

Parlamenti gjerman (Bundestag) e miratoi projektligjin me 323 vota kundrejt 272 votave, me vetëm një abstenim. Ai tani i drejtohet Bundesratit, dhomës së lartë të Gjermanisë, për miratim më vonë këtë muaj, me një datë efektive më 1 janar të vitit 2026, nëse miratohet.

Reforma adreson mungesat kronike të personelit në forcat e armatosura gjermane, të cilat aktualisht numërojnë rreth 184 mijë trupa aktive. Për të përmbushur detyrimet e NATO-s, Ministria e Mbrojtjes kërkon të rrisë forcën në rreth 270 mijë deri në vitin 2035, duke bërë të nevojshme afërsisht 20 mijë rekrutë të rinj për çdo vit.

Sipas sistemit të ri, të gjithë burrat e lindur më 1 janar të vitit 2008 ose më vonë, duhet të plotësojnë një pyetësor që vlerëson kualifikimet, aftësinë fizike dhe interesin e tyre për të shërbyer, të ndjekur nga ekzaminimet e kërkuara mjekësore. Pjesëmarrja është vullnetare për gratë.

Vetë shërbimi mbetet opsional, por nëse objektivat e rekrutimit nuk përmbushen, parlamenti duhet ta rishikojë politikën në vitet e ardhshme, duke futur potencialisht rekrutimin e bazuar në kërkesë ose edhe rekrutimin e detyrueshëm të përgjithshëm si mjet të fundit.

Gjermania hoqi shërbimin e detyrueshëm ushtarak në vitin 2011, duke kaluar në një forcë ushtarake profesionale tërësisht vullnetare.  /os/

The post BERLIN – Mijëra studentë në protesta kundër ligjit të ri të shërbimit ushtarak në Gjermani appeared first on Agjencia Telegrafike Shqiptare.

Një javë pa Ligën e Kampionëve, Ligën e Evropës dhe Ligën e Konferencës ka sjellë skena dhe emocione të veçanta në kupat kombëtare të disa vendeve evropiane.

Në Gjermani, DFB-Pokal ka hyrë në fazën e 1/16-ve, dhe krahas gjigantëve tradicionalë si Bayern Munich, Borussia Dortmund dhe Bayer Leverkusen, vëmendjen më të madhe e ka marrë Hertha Berlin.

Kryeqytetasit shënuan një fitore bindëse 6-1 ndaj Kaiserslauternit, por një ngjarje e veçantë doli në pah: goli i shënuar nga 16-vjeçari Kennet Eichhorn, i lindur në vitin 2009, i cili jetoi një natë të paharrueshme, shkruan Calciomercato.

Një mesfushor i ri me profil mbrojtës që po shpërthen para kohe

Eichhorn shënoi golin e tij të parë si profesionist, edhe pse roli i tij natyral në fushë është mesfushor mbrojtës – shumë larg portës kundërshtare. Në skemën 4-2-3-1 të Herthës, ai luan si një nga dy mesfushorët qendrorë para mbrojtjes. Edhe pse vetëm 16 vjeç, trajneri Stean Leitl i ka besuar vazhdimisht, dhe ai tashmë ka mbi dhjetë paraqitje këtë sezon, shumicën si titullar.

Goli në Kupën e Gjermanisë ishte i treti në karrierën e tij, pasi më herët ka realizuar edhe për ekipet U17 dhe U19 të Herthës. Mediat gjermane tashmë e po e krahasojnë me Toni Kroosin, jo vetëm për stilin e lojës, por edhe për sigurinë në kontroll, driblim dhe qetësinë me topin, cilësi që rrallë shihen në një lojtar kaq të ri.

Klubet e mëdha evropiane tashmë janë vënë në ndjekje

Pas rënies nga Bundesliga sezonin e kaluar, Hertha po kërkon të kthehet fuqishëm në elitë dhe Eichhorn po shihet si një nga shtyllat e projektit të ri.

Në gusht, ai u bë debutuesi më i ri në historinë e Bundesliga 2 – vetëm 16 vjeç e 14 ditë – pak ditë pasi firmosi kontratën e tij të parë profesionale.

Rritja e shpejtë dhe talenti i jashtëzakonshëm i tij nuk kanë kaluar pa u vënë re. “Djemtë e mëdhenj” të Evropës, nga PSG te Bayern Munich e Borussia Dortmund, e deri te Barcelona, Manchester United dhe Real Madrid, tashmë e kanë përfshirë në raportet e tyre të skautëve.

Për më tepër, vlera e tij e tregut vlerësohet të ketë arritur rreth 20 milionë euro – shifër mbresëlënëse për një lojtar 16-vjeçar.

Hertha ka në dorë një diamant të ri, dhe paraqitja e tij në DFB-Pokal është vetëm paralajmërimi i asaj që mund të vijë në të ardhmen. /Telegrafi/

- YouTube www.youtube.com