E hënë, 4 prill 2022. Me valixhe në duar, çantë në krahë dhe shumë ëndrra në mendje e zemër, Artina – emër i vendosur nga redaksia e Radios Evropa e Lirë për ta ruajtur anonimitetin e së intervistuarës – u nis drejt SHBA-së. Në maj të vitit paraprak, ajo ishte përzgjedhur fituese e asaj që […]
Venezuela nuk përfshihet në listën e 75 vendeve që kanë pezulluar proceset e marrjes së vizave amerikane, pasi sipas mediave amerikane, Sekretari i Shtetit Marco Rubio vendosi të përjashtojë shtetasit venezuelianë nga ky grup kombesh. Sipas raportimeve, pas arrestimit të Nicolas Maduro, me urdhër të Trump, Rubio e ka hequr Venezuelën nga lista. Pikëpamja e […]
Analisti Arjan Curi, ka komentuar pezullimin e vizave emigruese nga DASH, për 75 vende të botës, përfshirë edhe Shqipërinë. I ftuar në “Top Story”, Curi thotë se ky vendim erdhi si pasojë se shqiptarët që jetojnë në SHBA tërheqin prindërit dhe këta të fundit përfitojnë pensione dhe ndihmë sociale nga SHBA, gjë që DASH ka […]
Departamenti Amerikan i Shtetit ka pezulluar përpunimin e vizave të imigrantëve për 75 vende të botës, mes tyre edhe Shqipëria e Kosova. Sipas raportimeve, ky vendim ka ardhur si përpjekje për të goditur aplikantët që konsiderohen të bëhen barrë publike për vendin amerikan. Lista e plotë e vendeve përfshin: Afganistanin, Shqipërinë, Algjerinë, Antigua dhe Barbudën, […]
Ambasada e Shteteve të Bashkuara të Amerikës në Prishtinë ka shpërndarë një njoftim të Departamentit amerikan të Shtetit lidhur me pezullimin e lëshimit të të gjitha vizave imigruese të programit të Diversitetit (DV).
Sipas njoftimit, Departamenti i Shtetit ka ndërmarrë këtë vendim për të marrë kohën dhe masat e nevojshme me qëllim mbrojtjen e sigurisë kombëtare dhe sigurisë publike të Shteteve të Bashkuara.
Po ashtu, në njoftim theksohet se aktualisht nuk ka asnjë informacion të ri lidhur me lotarinë e vizave për vitin 2027.
“Në rast se e keni humbur: Departamenti i Shtetit ka pezulluar lëshimin e të gjitha vizave imigruese të diversitetit. Do të marrim kohën dhe masat e nevojshme për të mbrojtur sigurinë kombëtare dhe sigurinë publike të SHBA-së. Aktualisht nuk ka njoftime të reja lidhur me DV-2027”, thuhet në njoftimin e shpërndarë nga Ambasada amerikane në Prishtinë.
Autoritetet amerikane nuk kanë dhënë afate se kur mund të rishqyrtohet ky vendim.
Administrata e Trump-it po pezullon të gjitha proceset e vizave për vizitorët nga 75 vende duke filluar nga 21 janari, raportoi Fox News të mërkurën, duke cituar një memorandum nga Departamenti i Shtetit i SHBA-së. Reuters shkruan se Somaalia, Rusia, Irani, Afganistani, Brazili, Nigeria, Tajlanda janë ndër vendet e prekura, sipas raportit.
Përfaqësuesit e Departamentit të Shtetit nuk iu përgjigjën menjëherë një kërkese për koment mbi memorandumet e raportuara, të cilat Fox News tha se udhëzojnë ambasadat e SHBA-së të refuzojnë vizat nën ligjin ekzistues ndërsa departamenti rishikon procedurat e tij. Nuk u dha ndonjë afat kohor.
Ky pezullim i raportuar vjen ndërsa po zhvillohet një goditje e gjerë ndaj imigracionit që po ndjek Presidenti republikan i SHBA-së Donald Trump që nga marrja e detyrës në janar të vitit të kaluar.
Në nëntor, Trump kishte premtuar se do të pezullonte përkohësisht migrimin nga të gjitha “Vendet e Tretë Botë”, pas një të shteneje pranë Shtëpisë së Bardhë nga një shtetas afgan që vrau një anëtar të Gardës Kombëtare.
UASHINGTON, 13 janar /ATSH-AFP/ – Shtetet e Bashkuara shpallën sot ”Vëllazërinë myslimane” në Egjipt, Liban dhe Jordani si “organizatë terroriste të huaj”, njoftoi sekretari i Shtetit, Marco Rubio në një deklaratë.
“Këto caktime pasqyrojnë hapat e parë në një përpjekje të vazhdueshme dhe të qëndrueshme për të luftuar dhunën dhe destabilizimin e degëve të ‘Vëllazërisë myslimane’ kudo që të jenë”, tha ai në deklaratë.
“Shtetet e Bashkuara do të përdorin të gjitha mjetet e disponueshme për t’i privuar këto degë të ‘Vëllazërisë myslimane’ nga burimet e nevojshme për t’u angazhuar ose mbështetur terrorizmin”, shtoi ai.
Presidenti Donald Trump nënshkroi një urdhër ekzekutiv në nëntor për të filluar këtë proces.
Degët e ”Vëllazërisë myslimane” në Liban, Jordani dhe Egjipt, vendi ku lëvizja u themelua në vitin 1928, “kryejnë ose inkurajojnë dhe mbështesin fushata dhune dhe destabilizimi që dëmtojnë rajonet e tyre, qytetarët amerikanë ose interesat amerikane”, thuhej në tekstin e publikuar nga Shtëpia e Bardhë në atë kohë.
Përcaktimi si “organizatë terroriste e huaj” lejon, përveç presionit politik që përfshin, masa financiare dhe administrative të tilla si ngrirja e aseteve, ndalimet e transaksioneve dhe ndalimet e udhëtimit në Shtetet e Bashkuara.
”Vëllazëria myslimane”, një organizatë transnacionale e themeluar në shumë vende, ishte për një kohë të gjatë lëvizja kryesore opozitare në Egjipt pavarësisht dekadave të shtypjes.
E konsideruar sot një organizatë “terroriste” në vend, ajo u hoq kryesisht nga skena politike pas mandatit të shkurtër njëvjeçar (2012-2013) të njërit prej anëtarëve të saj, ish-presidentit Mohamed Morsi, i cili vdiq në vitin 2019.
”Vëllazëria myslimane” promovon një formë konservatore të Islamit politik.
Lëvizja është ndaluar në disa vende, përfshirë Arabinë Saudite./ a.jor.
Departamenti i Shtetit ka revokuar më shumë se 100,000 viza të huaja në vitin 2025, më shumë se dyfishi i asaj të vitit 2024, që ishte edhe viti i fundit i administratës së presidentit Joe Biden.
Ky veprim i DASH-it vjen pas urdhrit ekzekutiv të ditës së parë të presidentit Donald Trump mbi verifikimin e shtetasve të huaj. Në vitin 2024, departamenti revokoi 40,000 viza, raportoi “Fox News”.
Shumica e revokimeve ishin për udhëtarë biznesi dhe turistike që kishin tejkaluar afatin e vizave të tyre.
Një zëdhënës i DASH-it ka thënë se shumica e studentëve dhe punëtorëve që kanë humbur vizat e tyre kanë pasur përplasje kriminale me forcat e ligjit.
Në gusht të vitit 2025, administrata Trump njoftoi se po shqyrton të gjithë 55 milionë të huajt që kanë viza të vlefshme amerikane.
Zëvendëszëdhënësi kryesor i Departamentit të Shtetit, Tommy Piggott, shtoi se administrata do të vazhdojë qëndrimin e saj agresiv të zbatimit të ligjit përmes qendrës së saj të re të verifikimit të vazhdueshëm.
“Administrata Trump do të vazhdojë ta vërë Amerikën në plan të parë dhe ta mbrojë kombin nga shtetasit e huaj që paraqesin rrezik për sigurinë publike ose sigurinë kombëtare”, tha ai.
Departamenti gjithashtu ka zbatuar standarde më të rrepta për marrjen e vizave amerikane.
Departamenti i Shtetit i Shteteve të Bashkuara ka revokuar mbi 100 mijë viza, përfshirë rreth 8 mijë viza studentore dhe afro 2 500 viza të specializuara, për persona që kanë pasur kontakte me forcat e rendit amerikane për veprimtari kriminale. Sipas autoriteteve amerikane, vendimi është pjesë e masave të shtuara për forcimin e sigurisë kombëtare […]
Departamenti Amerikan i Shtetit bën me dije se ka revokuar më shumë se 100 mijë viza për qytetarë të huaj, një shifër rekord që vjen në kuadër të politikës së ashpër të emigracionit nën administratën e Presidentit Donald Trump.
UASHINGTON, 12 janar ATSH/ – Departamenti amerikan i Shtetit revokoi më shumë se 100 000 viza të huaja në vitin 2025, më shumë se dyfishi i vitit 2024 në vitin e fundit të administratës së presidentit Joe Biden.
Shifra është një rekord i të gjitha kohërave dhe vjen pas urdhrit ekzekutiv të ditës së parë të presidentit Donald Trump mbi verifikimin e të huajve.
Në vitin 2024, DASH revokoi 40 000 viza.
Shumica e revokimeve ishin për udhëtarët e biznesit dhe turistëve që i tejkaluan vizat e tyre.
Por, rreth 8 000 studentë dhe 2 500 punëtorë të specializuar gjithashtu humbën statusin e tyre ligjor.
Një zëdhënës i departamentit tha se shumica e studentëve dhe punëtorëve që humbën vizat e tyre kishin pasur përplasje kriminale me forcat e ligjit.
Midis punonjësve të specializuar, gjysma e revokimeve bazoheshin në arrestime për drejtim mjeti në gjendje të dehur, 30% për akuza sulmi, rrahjeje ose mbajtjeje në burg, dhe 20% e mbetura u revokuan për vjedhje, abuzim me fëmijë, abuzim dhe shpërndarje të substancave si dhe akuza për mashtrim dhe përvetësim.
Gati 500 studentë humbën vizat për posedim dhe shpërndarje droge dhe qindra punëtorë të huaj humbën vizat sepse besohej se po abuzonin me fëmijë, sipas një zëdhënësi të departamentit.
Në gusht 2025, administrata Trump njoftoi se po shqyrtonte të gjithë 55 milionë të huajt që kanë viza të vlefshme amerikane.
Zëvendëszëdhënësi kryesor i Departamentit të Shtetit, Tommy Piggott, shtoi se administrata do të vazhdojë qëndrimin e saj agresiv të zbatimit përmes “qendrës së saj të re të verifikimit të vazhdueshëm”.
“Administrata Trump do të vazhdojë ta vërë Amerikën në radhë të parë dhe ta mbrojë kombin tonë nga shtetasit e huaj që përbëjnë rrezik për sigurinë publike ose sigurinë kombëtare”, tha ai.
Në nëntor 2025, Fox News Digital raportoi për herë të parë se departamenti do të zbatonte një rregull “barrë publike”, duke u mohuar vizat aplikantëve që konsiderohen të prirur të mbështeten në përfitimet publike.
Kjo përfshinte arsye shëndetësore – duke i vënë njerëzit e moshuar dhe mbipeshë nën një shqyrtim më të madh – kompetencën në anglisht, financat ose nevojat e tjera të mundshme për kujdes afatgjatë./ a.jor.
Zëvendësministri në detyrë i Punëve të Jashtme dhe Diasporës, Kreshnik Ahmeti, ka pritur në takim zëvendësdrejtorin për Evropën Jugore dhe Qendrore në Departamentin e Shtetit të SHBA-së, Lyn Debevoise.
Gjatë takimit, Ahmeti është njoftuar me prioritetet e SCE për Kosovën dhe rajonin, teksa ka prezantuar progresin e Qeverisë së Kosovës në fusha të ndryshme.
“Kosova ka avancuar ndjeshëm në diplomaci, ekonomi dhe mbrojtje. Qeveria është e përkushtuar ndaj thellimit të partneritetit strategjik me SHBA-në”, u shpreh zëvendësministri Ahmeti.
Ai gjithashtu ka informuar përfaqësuesin amerikan lidhur me shqetësimet për veprimet destabilizuese të Serbisë dhe për situatën e rëndë të shqiptarëve në Preshevë, Medvegjë dhe Bujanoc.
Në takim u vlerësua angazhimi i përbashkët për forcimin e mëtejmë të marrëdhënieve dypalëshe ndërmjet Republikës së Kosovës dhe Shteteve të Bashkuara të Amerikës.
Zëvendësministri Ahmeti dhe zëvendësdrejtori Debevoise ripohuan se Kosova dhe SHBA-ja ndajnë prioritete të përbashkëta në forcimin e stabilitetit rajonal, promovimin e vlerave demokratike dhe thellimin e mirëkuptimit të ndërsjellë, duke u mbështetur mbi miqësinë e qëndrueshme dhe partneritetin strategjik ndërmjet dy vendeve. /Telegrafi/
Gjatë dëgjimit në Komitetin për Punët e Jashtme të Dhomës së Përfaqësuesve në ShBA, kongresisti Keith Self prezantoi rezolutën e parë ndonjëherë të Kongresit Amerikan që trajton në mënyrë të drejtpërdrejtë çështjen e diskriminimit të shqiptarëve në Luginë.
Kjo u bë e ditur nga ish-deputeti Faton Bislimi, përmes një postimi në rrjetin social Facebook.
Ai tha se kryetari i Nënkomitetit për Evropë theksoi se “ka ardhur koha që Serbia të mbahet përgjegjëse” për trajtimin e shqiptarëve etnikë në këtë rajon, duke e cilësuar pasivizimin administrativ si formë të “spastrimit etnik me mjete administrative”.
"Rezoluta kërkon që Departamenti i Shtetit të përgatisë një raport zyrtar mbi shkeljet e të drejtave të shqiptarëve në Luginën e Preshevës, duke përfshirë: pasivizimin e adresave, i cili prej vitesh është kritikuar nga organizatat ndërkombëtare, mosnjohjen e diplomave të shqiptarëve, mungesën e përfaqësimit proporcional në institucionet shtetërore të Serbisë, si dhe praktika të tjera të dokumentuara të diskriminimit", shkroi Bislimi në Facebook.
Sipas Bislimit, ky është një moment historik dhe “kapitulli më i rëndësishëm diplomatik për Luginën në SHBA”.
Më tej shtoi se ky hap është rezultat i një pune shumëvjeçare dhe i përkushtimit të komunitetit shqiptaro-amerikan, veçanërisht në Dallas.
Bislimi vlerësoi se rezoluta dërgon një mesazh të qartë se çështja e Luginës së Preshevës nuk do të anashkalohet më dhe se të drejtat e shqiptarëve në atë zonë nuk mund të shkelën pandëshkueshëm.
“Lugina e Preshevës nuk është e harruar. Zëri ynë është dëgjuar në Kongresin e Shteteve të Bashkuara”, u shpreh ai, duke e cilësuar ditën si “historike dhe motivuese për vazhdimin e angazhimit”./Telegrafi/
Departamenti Amerikan i Shtetit ka përcjellë një mesazh urimi për popullin shqiptar në këtë 113-vjetor të shpalljes së Pavarësisë.
Në emër të Shteteve të Bashkuara të Amerikës, DASH uron popullin e Shqipërisë ndërsa feston sot Ditën e Pavarësisë.
“Shtetet e Bashkuara dhe Shqipëria gëzojnë një partneritet të fortë, të ndërtuar mbi një angazhim të përbashkët për një të ardhme më të sigurt dhe më të begatë.
Aleanca jonë në NATO është themeli i mbrojtjes sonë të ndërsjellë dhe ne mirëpresim investimet në rritje të Shqipërisë në sigurinë tonë kolektive.
Përveç kësaj, partneriteti ynë me zbatimin e ligjit në Shqipëri i bën qytetarët tanë më të sigurt, ndërsa përballemi me kërcënimet e paraqitura nga grupet kriminale transnacionale, kartelet e trafikut të drogës dhe ata që bashkëpunojnë me to.
Ne gjithashtu vlerësojmë bashkëpunimin tonë të ngushtë në adresimin e kërcënimeve kibernetike dhe përgëzojmë Shqipërinë për hapat e saj të rëndësishëm në sigurinë kibernetike.
Ndërsa shënojmë këtë ditë të veçantë, ne mezi presim të zgjerojmë bashkëpunimin tonë të sigurisë, lidhjet ekonomike dhe miqësinë e qëndrueshme me Shqipërinë”, thuhet në mesazhin e DASH-it.
Deputetët e Partisë Demokratike zhvilluan sot një takim me Mark Fleming, Drejtorin për Çështjet e Europës Perëndimore dhe Qendrore në Departamentin Amerikan të Shtetit. Lajmin e ka bërë të ditur kryetari i Grupit Parlamentar të PD-së, Gazment Bardhi, i cili zbardh diksutimet që demokratët zhvilluan me zyrtarin e DASH. Bardhi theksoi se Shtetet e Bashkuara […]
Shtetet e Bashkuara pritet të miratojnë një ligj që detyron politika e tyre e jashtme të mos mbështesë shkëmbimin e territoreve, ndarjen, apo çdo formë tjetër të rishikimit të kufijve mbi baza etnike mes Kosovës dhe Serbisë, apo kudo tjetër në Ballkanin Perëndimor – përfshirë, këtu edhe idenë e shkëputjes së Republikës Serbe te Bosnjes.
Vendimi hyn në fuqi nëse “Akti për Demokracinë dhe Progresin e Ballkanit Perëndimor” kalon në Kongresin dhe Senatin amerikan, në të gjitha komisionet përkatëse dhe në fund merr edhe miratimin e presidentit Donald Trump.
Kjo përcaktohet në nenin 11 të këtij akti, të titulluar “Marrëdhëniet ndërmjet Kosovës dhe Serbisë”.
Projekligji i është parqitur javën e kaluar institucioneve nga kongresisti demokrat nga Masaçusetsi, William Keating.
Në projektligj theksohet gjithashtu se Kosova dhe Serbia duhet të “bëjnë përparim të menjëhershëm në zbatimin” e marrëveshjes se Ohrit.
Kur kjo të ndodhë, akti propozon zhvillimin e bisedimeve dypalëshe mes Kosovës dhe Serbisë, nisma konkrete për forcimin e tregtisë dhe investimeve “në të dyja vendet” dhe vazhdimin e mbështetjes amerikane për arritjen e një marrëveshjeje përfundimtare gjithëpërfshirëse bazuar në njohjen reciproke.
Pjesa e fundit e projektligjit i kushtohet ekskluzivisht ndikimit të dëmshëm rus dhe kinez në Ballkanin Perëndimor, përfshirë operacionet dhe fushatat me këtë qëllim. Ajo nis me kërkesën që, brenda një periudhe jo më të gjatë se gjashtë muaj (180 ditë), Sekretari i Shtetit, Drejtori i Inteligjencës Kombëtare (DNI) dhe drejtues të tjerë të agjencive shtetërore t’i dorëzojnë Kongresit një raport mbi ndikimet e dëmshme të Rusisë dhe Kinës në rajon./abcnews.al
Departamenti amerikan i Shtetit (DASH) i tha Radios Evropa e Lirë se “veprimet konstruktive” të ndërmarra gjatë javëve të fundit nga Asambleja Kombëtare e Republikës Sërpska ndikuan në vendimin e SHBA-së për t’i hequr sanksionet kundër ish-liderit të serbëve të Bosnjës, Millorad Dodikut, dhe dhjetëra individëve dhe kompanive të lidhura me të. Dodik, president i […]
Klima e investimeve në Serbi është përmirësuar lehtë në vitet e fundit, por mbeten problemet me burokracinë, korrupsionin, ndërmarrjet shtetërore joefikase, sektorin e madh informal dhe drejtësinë joefikase, vlerësoi Departamenti Amerikan i Shtetit dhe shtoi se një arsye për shqetësim është edhe ndikimi politik.
Në raportin "Klima e investimeve në Serbi 2025" përmenden si pozitive stabiliteti financiar, disiplinë fiskale dhe reformat që mbështeten nga Bashkimi Evropian (BE), dhe theksohet se prioritet i Serbisë është tërheqja e investimeve të huaja. Thuhet se angazhimi i Serbisë me Fondin Monetar Ndërkombëtar dhe politika fiskale e arsyeshme kanë kontribuar në kushte makroekonomike përgjithësisht të mira.
Përmendet se koeficienti i borxhit ndaj Prodhimit të Brendshëm Bruto (PBB) është në një nivel relativisht të shëndetshëm, nën 50 për qind të PBB-së, dhe në tetor 2024 agjencia S&P i dha Serbisë për herë të parë një renditje investimi duke rritur vlerësimin nga BB+ në BBB- me perspektivë të qëndrueshme.
Në raport thuhet se investitorët amerikanë përgjithësisht kanë një qëndrim pozitiv ndaj Serbisë për shkak të pozicionit të saj gjeografik, fuqisë punëtore të mirë-arsimuar, kostove konkurruese, megjithëse në rritje të punës, stimujve bujarë për investime dhe marrëveshjeve për tregti të lirë me BE-në dhe tregje të tjera. Gjithashtu, investitorët amerikanë kryesisht përkrahin politikën e barazisë së mundësive.
Departamenti i Shtetit shprehu shqetësim për ndikimin e politikës, duke përmendur shembullin që si përgjigje ndaj protestave në 2022, Qeveria ndaloi projektin e propozuar për nxjerrjen e litiumit, raporton nova.rs.
Në tekst thuhet se reformat e mbështetura nga BE-ja vazhdojnë, por zbatimi nuk është gjithmonë i shpejtë apo i plotë, dhe theksohet se mundësitë për biznes do të vazhdojnë të përmirësohen nëse Qeveria do të zbatojë reformat lidhur me anëtarësimin në BE.
Vlerësohet gjithashtu se digjitalizimi i disa funksioneve të Qeverisë, si lejet ndërtimore dhe Administrata Tatimore, ende nuk ka sjellë përmirësim të dukshëm dhe mungon zbatimi i qëndrueshëm.
Në lidhje me zgjidhjen e çështjes së ndërmarrjeve shtetërore joefikase, Qeveria, sipas raportit të Departamentit të Shtetit, ka bërë përparim gradual. Po ashtu planifikon të privatizojë edhe 43 kompani dhe të zvogëlojë ngadalë sektorin e madh publik dhe fuqinë punëtore të ndërmarrjeve shtetërore.
Në raport flitet edhe për rrëzimin e një strehë në Novi Sad ku humbën jetën 16 persona. Thuhet se kjo tragjedi, që shihet si pasojë e korrupsionit, nxiti protesta të mëdha të udhëhequra nga studentët.
Beogradi zyrtar pretendon se protestat e vazhdueshme ndikojnë negativisht në ekonominë e Serbisë, ndërsa kritikët thonë se Qeveria përdor retorikë të ashpër dhe mjete të tjera për frikësimin përfshirë arrestime, paraqitje negative të protestuesve në media dhe deportimin e disa prej tyre që nuk kanë shtetësi serbe, shkruhet në raportin e Departamentit Amerikan të Shtetit.
Thuhet gjithashtu se fakti që Serbia do të jetë nikoqir i ekspozitës EXPO 2027 është një mundësi për kompanitë amerikane që furnizojnë pajisje dhe shërbime.
Theksohet se agresioni rus ndaj Ukrainës në fillim ndikoi në mënyrë të kufizuar në ekonominë e Serbisë, por që inflacioni arriti në 16 për qind në mars 2023 dhe më pas u ul në 4.5 për qind në shkurt 2025.
Gjithashtu përmendet se Zyra e Departamentit të Financave të SHBA-së për Kontrollin e Pasurive të Huaja (OFAC) në prill ka vendosur në listën e sanksionuara 30 kompani dhe 20 individë nga Serbia, dhe përmenden sanksionet ndaj kompanisë naftës NIS që janë shtyrë disa herë, më së fundi deri më 8 tetor. /Telegrafi/
Deputeti socialist Agron Malaj ka shpalosur talentin e tij të mënyrës së leximit në Komisionin e Ligjeve, ku i ka sugjeruar kolegëve të opozitës, që të mos merren me raportin e DASH për Shqipërinë, pasi nuk i intereson shqiptarëve. Në fjalën e tij, Malaj thekson se raporti i DASH nuk citon se siguria në Shqipëri […]
Zv/presidentja dhe deputetja e PL-së Erisa Xhixho, ka komentuar raportin e fundit të DASH për Trafikimin e Qenieve Njerëzore për vitin 2025, që për të nxjerr në pah një realitet alarmant për Shqipërinë. Sipas Xhixhos, vendi ynë nuk përmbush standardet minimale për të luftuar trafikimin e qenieve njerëzore. Ndërsa më tej ajo analizon disa nga pikat, teksa thotë që dështimi i institucioneve është…
Login
