Një skandal që ka përfshirë SPAK raportohet nga mediat. Dy ish-zyrtarë janë arrestuar nga kjo prokurori, nën akuzën e ndërhyrjes në sistemin e IT të Prokurorisë së Posaçme dhe marrjes prej andej të dosjeve nga kompjuterat e 3 prokurorëve të SPAK.

Sipas të njëjtave burime ngjarja ka ndodhur pak javë më parë ku mësohet se është hakeruar sistemi i SPAK dhe janë marrë dosjet nga kompjuterat e 3 prokurorëve të posacëm.

Në pranga thuhet se kanë rënë Zambak Gjoni, ish-drejtor i paraburgimit Vlorë dhe Arnold Rrokaj, ish-punonjës i IMT si të dyshuar. Skandali pritet të dërgojë prapa hekurave zyrtarë të tjerë.

Gazetarja Klodiana Lala ka folur për këtë çësjtje në studion e “Opinion” ku tha se ka dyshime të forta për hakerim.

“Është ndërhyrë në kompjuterin e prokurores Enkeleda Millonai, e cila kohët e fundit për arsye shëndetësore ka pasur momente që nuk është paraqitur në punë, në këtë moment është dhënë sinjali. Ka dyshime të forta për hakerim. Është ndërhyrë! Është parë që është ndërhyrë në 3 kompjutera, të Millonait, prokurores Elida Kaçkini dhe prokurorit Behar Dibra”, – tha Lala.

Sipas gazetares, është tentuar të hakerohej edhe kompjuteri i drejtuesit të Strukturës së Posaçme AntiKorrupsion Altin Dumani.

“Është tentuar të hakerohet kompjuteri i kreut të Prokurorisë së Posaçme Altin Dumani. Nuk është hakeruar dot, është vendosur të fiket gjithë sistemi, që të mos merreshin të dhëna të tjera“, – u shpreh ajo.

Gazetarja shtoi se përmes gjurmimit të celularëve është zbuluar se në kryeqytet ekziston një zyrë hakerimi. Kështu sipas saj është arritur tek dy personat e arrestuar.

“Prokurorët përmes gjurmimit të celularëve kanë arrestuar në Kamzë Zambak Gjonin dhe më pas Arnold Rrokajn. Përmes gjurmimi të celularëve, ata kanë arritur të kuptojnë që hakerimi vinte nga një zyrë që ishtë në një nga kullat kryesore të Tiranës. Zyrë hakerimi!

Ka dyshime që ka pasur edhe bashkëpunëtorë nga brenda. Kanë arritur përmes gjurmimit të celularëve, se kanë ndodhur brenda 24 orëve, kanë arritur të arrestojnë 2 personat. Janë ndaluar në flagrancë, u janë kapur celularët dhe u janë gjetur pajisje që përdoren për përgjim e hakerim. Dy janë sfidat kryesore, së pari kanë dalë të dhënat e një politikani, biznesmeni dhe një gruaje në administratë”, – tha ajo. ©LAPSI.al

The post Skandal në SPAK? Vidhen dosjet nga komjuterat e 3 prokurorëve, në pranga 2 persona appeared first on Lapsi.al.

“Habibi come to Dubai”. Thirrja e famshme duket se ka edhe një anë të saj të erret përveç festave dhe luksit që reklamohet. Shqetësimet janë rritur sërish për festat “porta potty” që mbahen në Dubai pasi u mësua se një modele e OnlyFans nga Ukraina u gjet e braktisur dhe e plagosur rëndë në anë të një rruge.

20-vjeçarja Maria Kovalchuk dukej e lumtur kur u tha miqve të saj se ishte ftuar në një festë luksoze në një hotel në Dubai më 9 mars. Pas mbërritjes atje ajo u zhduk për 10 ditë. Vajza e re u gjet gati duke vdekur, e rrahur dhe e mbuluar me gjak, e shtrirë në anë të një rruge në Dubai me shtyllën kurrizore dhe gjymtyrët e thyera.

Besohet se vajza, e cila u dërgua me urgjencë në spital dhe iu nënshtrua 4 operacioneve për shpëtimin e jetës, po merrte pjesë në një festë “porta potty”, sipas “The Mirror”. Në këto festa, gratë paguhen në shuma marramendëse për të marrë pjesë në akte seksuale poshtëruese.

Çfarë janë festat “porta potty”?

Nga informacionet që qarkullojnë në internet mësohet se modelet fluturojnë deri në Dubai me të gjitha shpenzimet e paguara për të marrë pjesë në festa “porta potty”. Në Reddit janë krijuar forume për këtë temë, ku përdoruesit diskutojnë për këto festa. Sipas “New York Post”, yjet, modelet dhe aktoret femra të internetit mund të paguhen deri në 100 mijë dollarë vetëm për të përmbushur dëshirat seksuale të burrave të pasur.

Maria, sipas raportimeve të mediave ukrainase, ishte në një festë të tillë dhe takoi “dy burra që u prezantuan si përfaqësues të modelingut”. Radha Stirling, CEO i kompanisë “Detained in Dubai”, një biznes që i ndihmon klientët në përballjet me sistemin ligjor të Emirateve të Bashkuara Arabe, i tha “The Mirror” se si organizatorët e këtyre festave tërheqin vajzat influencer.

“Kemi marrë disa ankesa nga influener dhe artistë që janë ftuar në Dubai fillimisht për shfaqje dhe evente, por më pas përfundojnë në festa ku ftohen të marrin pjesë në akte seksuale” – tha ai. Ai shpjegoi se ligjet në lidhje me seksin jashtë martesës në Emiratet e Bashkuara Arabe janë zbutur që prej vitit 2022 dhe disa njerëz po përfitojnë nga ky ndryshim.

“Gratë duhet të jenë të vetëdijshme se mund të përballen edhe me situata të rrezikshme. Nëse gjenden me një burrë të martuar ato mund të akuzohen sërish për tradhti bashkëshortore” – nënvizon ai.

Pas ngjarjes së dhimbshme me modelen ukrainase, nëna e Anës mbërriti në Dubai për të qenë pranë vajzës së saj. Anna tha për vajzën e saj: “Ajo po merr trajtim mjekësor dhe gjithçka do të jetë mirë”. Policia e Dubait konfirmoi se “shtetasja ukrainase e cila ishte raportuar e zhdukur është shtruar në spital dhe po merr kujdes mjekësor në prani të familjes së saj”.

Nga hetimet e policisë u tha se ajo ka pësuar lëndime të rënda pasi ka hyrë e vetme në një kantier të ndaluar dhe ka rënë nga një lartësi e madhe. Agjencia ruse e lajmeve “Shot” raportoi se familja e modeles po kundërshton deklaratat e autoriteteve. “Nuk mund të komentoj për shkak të hetimeve”, – tha nëna e modeles.

Në momentin e zhdukjes së saj, Maria kishte planifikuar të merrte pjesë në një festë me “dy burra që u prezantuan si përfaqësues të modelingut”. Ajo i tha nënës së saj se do të qëndronte me ta gjatë natës, por më pas u zhduk. Maria kishte rezervuar edhe një fluturim për në Tajlandë që nisej nga Dubai më 11 mars, por ajo nuk u shfaq në aeroport, ndaj familja dhe miqtë e saj njoftuan policinë.

Shoqja e Maria, gjithashtu modele, konfirmoi se të dyja vajzat ishin të ftuara në një festë, por në momentin e fundit ajo ndryshoi mendje dhe nuk shkoi… ©LAPSI.al

The post Ana e errët e festave “porta potty” në Dubai/ Çfarë detyrohen të bëjnë modelet appeared first on Lapsi.al.

Mjeku Adriatik Berisha, i cili e shoqëroi gjatë vizitës te babai i tij ish-presidentin Hashim Thaçi, është shprehur krenar që kjo vizitë kaloi ‘përmes duarve të tij’.

Përmes një postimi në rrjetin social, Facebook, Berisha dha detaje edhe lidhur me gjendjen shëndetësore të babait të ish-presidentit Thaçi.

“Si profesionist shëndetësor tash e shumë vite ju shërbej me përgjegjësi, nder e etikë shumë pacientëve me shqetësime e sëmundje hematologjike, përfshirë edhe pacient jashtë kufinjëve për çka dhe jam dekoruar dhe nga ushtria amerikane! Sigurisht, njejt i kam shërbyer dhe pacientit Haxhi Th”.

“Pacienti në fjalë në gjendje të rënduar shëndetësore, me disa sëmundje shoqëruese, tash e disa javë ka qenë i hospitalizuar dhe ka marrë shërbime profesionale nga shumë profesionist shëndetësore përfshirë disa klinika të cilat duhen vlerësuar për punën e jashtëzakonshme”, shkroi tutje ai.

Ndër tjerash, ai shkroi se historia e shtetit të Kosovës është e shkruar me tri shkronja të arta dhe përherë do mbetet ashtu.

The post Mjeku që i qëndroi afër Thaçit: Jam krenar që vizita kaloi përmes duarve të mia appeared first on Lapsi.al.

Prej 4 ditësh, Edison Oruçi, babai i 3 fëmijëve dhe banues në lagjen “Kiras” në Shkodër, është zhdukur pa gjurmë. Ai ka qenë duke punuar në lumin e Shalës kur ka humbur kontaktet me familjen. Zhdukja e tij mbetet e mistershme, pasi bashkëpunëtori i tij dhe familja thonë se Edisonin e kanë parë për herë të fundit duke punuar në një bujtinë.

Skënder Pepkolaj, një nga bashkëpunëtorët, thotë se Edisonin e ka marrë vëllai i pronarit për të ngarkuar materiale ndërtimi dhe i ka thënë se do ta rikthente nesër. Pas përfundimit të punës, ai ka komunikuar se punëtori është lënë në një ishull të vogël me rërë.

Ka qenë vetë Pepkolaj që ka bërë denoncimin në polici për zhdukjen e Edisonit, i cili ishte ndihmësi i tij në punën ndërtimore. Policia e Shkodrës ka zhvilluar disa kontrolle në lumin e Shalës, por deri tani nuk ka arritur të gjejë asnjë rezultat.

“Dyshohet se ka rënë në ujë. Marjani e ka lënë në një zallishte dhe ka lajmëruar Skënderin ta marrë. Por, ky i fundit kur ka shkuar nuk e ka gjetur dhe ka marrë Policinë”, – deklaron xhaxhai i Edisonit, Xhevahir Oruçi.

“Kam shkuar në Polici, por nuk më kanë dhënë informacion, unë dua drejtësi deri në fund. Në të kundërt, do ta marr vetë drejtësinë. Është babai i tre fëmijëve, ka dalë për një kafshatë buke“, shprehet bashkëshortja e Edisonit, Valmira Oruçi. ©LAPSI.al

The post Zhduket pa lënë gjurmë babai i 3 fëmijëve/ Punonte për një bujtinë në lumin e Shalës appeared first on Lapsi.al.

Pas marrjes së ishullit më të rëndësishëm dhe më të bukur shqiptar nga Jared Kushner, dhëndër i presidentit Trump, vihet re një nxitim i socialistëve për ta paraqitur investimin politik të Ramës si një investim strategjik për ekonominë shqiptare. Sipas kësaj narrative Sazani është një shkëmb pa vlerë që Kushner do ta kthejë në mrekulli turistike që do zhvillojë imazhin dhe turizmin shqiptar përtej imagjinatës sonë të varfër.

Është interesante të vësh re se sa herë pushtetit socialist i dhuron investitorëve strategjik ndërkombëtar, dhe partnerëve të tyre lokal, ndonjë llokmë Shqipëri, hapi i parë është zhvleftësimi i llokmës. Në rastin e portit të Durrësit kryeministri Rama dhe propaganda e rilindjes nuk reshti se përshkruari portin më të madh të Shqipërisë si një qendër të qelbur pisllëku, kontaminimi, dhe si një turp në zemër të qytetit bregdetar. 

Kronologjia/ Ishulli i Sazanit, një investim i negociuar në errësirë

Aq sa të krijohej përshtypja që investitori arab që e mori falas këtë truall të pisët në zemër të Durrësit dhe të Shqipërisë po na bënte një nder të madh. Vetë kryeministri na thoshte se me zor e kish bindur Alabarin ta merrte atë copë të qelbur trualli në mes të Durrësit, për të cilën, me sa duket, askush tjetër nuk kish interes. A thua se durrësakët dhe shqiptarët kishin vite që me zor prisnin të hiqnin qafe qindra mijëra metra katror bregdet në zemër të Shqipërisë.  

Sot me ishullin e Sazanit përsëritet e njëjta rrëfenjë e çuditëshme sipas të cilës Sazani nuk është veçse një shkëmb djerrë, me gjarpërinj, shkurre dhe ndryshk ushtarak. Shyqyr që kryeministri Rama gjeti një tutkun tjetër për t’ia ngecur Sazanin tonë shterpë, të cilin vlonjatët dhe shqiptarët me zor po prisnin ta hiqnin qafe. 

Po ti besosh propagandës rilindase nuk ishte fare e nevojshme të bëhej një diskutim publik mbi fatin e aseteve strategjike si Porti i Durrësit, Sazani dhe Zvërneci. Mjafton që këto “plehëra” t’ia ngecnim ca miliarderëve naiv si Alabari apo Jared Kushner, që do ti zhvillojnë ato për interesin tonë. 

Andi Bushati: Sazani, ishulli i thesarit për Ramën

Këtu nuk mund të mos ndalojmë pak për të kundruar me kërshëri adhurimin që kanë socialistët shqiptar për miliarderët. Turizmi elitar, portet e jahteve, investitorët strategjik, janë refrene që ata dhe simpatizantët e tyre përsërisin vazhdimisht në mediat tona. Adhurimi i socialistëve për turistat miliarderë dhe me jahte tejkalohet vetëm nga përçmimi i tyre për “turistët ordinerë”, siç janë ata që vijnë nga Kosova apo nga lindja.

Sipas kësaj narrative Shqipërinë mund ta zhvillojnë vetëm miliarderët e huaj si Kushner, në bashkëpunim me milionerët tanë lokal, duke e blerë atë pjesë-pjesë për të ndërtuar rezorte super luksoze dhe ekskluzive ku qytetarët e thjeshtë shqiptarë mund të hynë vetëm si kamarierë, pjata-larës dhe pastrues. 

Problemi është se bota është e mbushur me shembuj rezortesh e investimesh luksose nga miliarderët më të fuqishëm të globit që rrethohen nga mizerja. Ndoshta shembulli më i mirë është ishulli i famshëm i Hauait ku jetojnë dhe kanë investuar miliarderët kryesor të globit, që nga Mark Zuckenberg deri tek Operah Winfrey. 

Pavarësisht miliarderëve pafund që ka tërhequr, dhe investimeve që ata kanë kryer, Hauai sot mbetet një nga shtetet më të varfra të SHBA-ve, me nivele rekord varfërie dhe të pastrehësh (Shiko ketu). Turizmi super-elitar me kapital të huaj i ka çuar çmimet në stratosferë ndërkohë që rrogat e banorëve vendas, që janë reduktuar në kamarierë dhe pastrues, nuk janë të mjaftueshme për të blerë banesë apo për të bërë një jetë të denjë. 

Pa përmendur faktin që turzimi elitar, si ai që është zhvilluar në Hauai, është i paqëndrueshëm sepse rezortet super luksoze harxhojnë sasi të frikëshme uji dhe energjie elektrike, sidomos gjatë verës kur këto burime janë të kufizuara. Kjo do të thotë që shpesh këto investime super-elitare përkeqësojnë krizat energjitike dhe ujore që janë bërë gjithnjë e më të shpeshta si pasojë e ndryshimeve klimatike.

Ajo që na mëson rasti i turizmit elitar në Hauait, por edhe rastet e plot rezorteve super-luksoze në detin Karibe dhe në Amerikën Latine, është që turizmi elitar dhe ekskluziv që kontrollohet nga investitorë të huaj të fuqishëm shpesh e rëndon situatën ekonomike të banorëve vendas, sepse rrit çmimet, eleminon hotelerinë vendase, teksa prodhon punësim të cilësisë së ulët për ta (shiko ketu) .

Ndërkohë kontributi i këtij lloj turizmi në buxhetin e shtetit shpesh është i vogël sepse investitorët strategjik janë aq të fuqishëm dhe të lidhur me qeverinë saqë paguajnë pak ose aspak taksa në buxhetin e shtetit. Nuk është çudi që së shpejti të mësojmë se Jared Kushner me statusin e investitorit strategjik nuk do paguajë fare taksa në 5 apo 10 vitet e para të aktivitetit të rezortit të tij. Si mund ti kërkojmë taksa një investitori që po sakrifikon kaq shumë për Shqipërinë duke u bërë pronar i një ishulli plot ferra dhe gjarpërinj? 

WSJ: Kushner ia kërkoi Sazanin, Ramës duke pire kafe në Davos

Të kuptohemi, nuk jam kundër zhvillimit turistik të Sazanit, Zvërnecit apo të Portit të Durrësit. Ama idea që ky zhvillim mund të vijë vetëm nga Alabari dhe Kushneri në bashkëpunim me oligarkët vendas është propagandë politike dhe jo një realitet ekonomik. Zhvillimi i turizmit elitar dhe ekskluziv që propozon Rama, Kushner dhe oligarkët tanë është një turizëm përjashtues që i redukton vendasit në kamarierë dhe pastrues dhe jo në pronarë dhe përfitues direkt të pasurive të tyre natyrore. 

Ekzistojnë plot shembuj të një turzmi më përfshirës, më autentik dhe më të qëndrueshëm se ai i tipit Hauai. Ka shembuj si ishujt Ibiza apo Mallorca ku banorët e varfër të ishullit u transformuan në sipërmarrës turistik dhe përfituan në mënyrë direkte nga bumi turistik i ishullit të tyre. 

Eksperienca të tilla mund të përsëriteshin edhe në Shqipëri. Në vend të një investitori strategjik, si Kushner apo Alabar, Sazani, Zvërneci dhe Porti i Durrësit mund të hapeshin ndaj qindra investitorëve lokal të vegjël dhe të mesëm. Natyrisht me planifikimin dhe investimin në infrastrukturë të qeverisë qendrore. 

Në vend që Sazani të bëhet Hauai ai mund të bëhej Ibiza. Në vend të një investimi të mbyllur, jo transparent dhe përjashtues mund të zhvillohej një turizëm i hapur dhe përfshirës. Në vend të 300 kamarierëve dhe pastruesve shqiptarë, Sazani, Porti i Durrësit dhe Zvrneci mund të prodhonte 300 sipërmarrës shqiptarë, të mesëm, të vegjël por edhe të mëdhenj. 

Në vend të një rezorti të madh dhe super-elitar ku shqiptarët nuk shkelin dot dhe ku miliarderët pushojnë brenda një kafazi të artë, mund të kishim dhjetëra hotele të vogla, ekologjike dhe autentike që mund të shijoheshin nga të gjithë qytetarët shqiptarë dhe të huaj, edhe pa qenë milionerë. 

Ky po do ishte një investim strategjik dhe përfshirës, me impakt madhor në ekonominë lokale dhe në xhepat e qytetarëve. Ajo që na ofron qeveria Rama është thjesht një investim politik ku përfituesit kryesor janë Kushner, partnerët e tij lokal dhe pushteti i kryeministrit Rama që tashmë ka garantuar dashamirësinë e Trumpit. 

Për shqiptarët e bregut të mrekullueshëm të Jonit tonë spektakular Sazani do jetë një ëndërr e ndaluar që rrit cmimet, konsumon ujë dhe energji dhe prodhon punësim mediokër për shumicën dërmmuese të tyre. Ata e dinë shumë mirë që Sazani është shumë me tepër se një shkëmb me gjarpërinj, ai është një mrekulli e natyrës që tashmë do mund të shijohet vetëm nga milionerët. Ky është turizmi që na propozon qeveria jonë “socialiste”.

Shkruar enkas për Lapsi.al nga Blendi Kajsiu

The post Sazani një investim politik, jo strategjik appeared first on Lapsi.al.

Kur kanë kaluar dy muaj nga ngjarja tragjike ku u vra Martin Cani pranë shkollës së tij, qytetarët kanë dalë sërish në protestë.

Prindërit e 14-vjeçarit, kërkojnë drejtësi, ndërsa shprehen se deri tani nuk ka pasur asnjë reagim nga institucionet.

Babai i tij thotë se ata janë të traumatizuar, duke i bëri thirrje fëmijëve të tjerë që ti bashkohen kauzës.

“Heshtja vret më shumë se gjithçka. Kemi dy muaj që e përjetojmë këtë dramë të madhe dhe nuk kemi asnjë reagim, as nga prokurori as nga shkolla dhe as nga shëndetësia, sepse Martini bëri xhiron e madhe të Tiranës duke dërguar në spitalin ushtarak për arsye se spitali ushtarak nuk kishte asnjë makineri për ti mbajtur zemrën atij.

U bëj thirrje fëmijëve shqiptarë, të bashkohemi për kauzën. Ka ardhur fundi. Fëmija është mbi të gjitha. Nuk kam fjalë,. Por përjetojmë një ngjarje tragjike, kemi një traumë të madhe. I bëj thirrje prindërve, institucioneve…sepse na ka kapur frika. Njëherë më ka shkuar në Prokurori dhe prokurorja më tha që do ti shkojmë deri në fund. Por kanë kaluar dy muaj dhe asgjë”, tha babai i 14-vjeçarit.

Ndërsa nënë e vogëlushit, tha shkurt: Mesazhet i kam dhënë, dua vetëm drejtësi dhe asgjë tjetër.

The post Babai i Martin Canit: Vrasja ende e pazbardhur, heshtja vret më shumë appeared first on Lapsi.al.

Videoja e Wanda Nara duke kërcyer në dhomën e një hoteli me Keita Baldé u bë menjëherë virale. Sipas mediave nga Amerika e Jugut, videoja daton nga janari 2023 dhe konsiderohet si prova e tradhtisë që përmendën ish-bashkëshortja e futbollistit, Simona Gautieri (divorci ndodhi pikërisht pas këtyre thashethemeve që nuk ishin thjesht lajme rozë), dhe Mauro Icardi në postimin e tij të fundit në rrjetet sociale. Megjithatë, ish-gruaja e tij e ndarë e mohoi fort (“më është dashur t’ua marr telefonin fëmijëve të mi”).

Ishte vetë ish-lojtari i Inter-it ai që i tregoi disa pamje komprometuese që çuan në prishjen e martesës së sapo kurorëzuar. Pikërisht në ditën kur ai zyrtarizoi lidhjen e tij me Eugenia ‘La China’ Suarez (që doli në dritë që në kohën kur ai ishte pjesë e Paris Saint-Germain), Icardi nuk ngurroi të tallej edhe me L-Gante, reperin argjentinas që pati një lidhje me ish-bashkëshorten e tij.

Çfarë shihet në videon e Wanda dhe Keita të xhiruar në dhomën e hotelit?

Skandali mediatik dhe juridik rreth jetës private të Icardit ka marrë një kthesë tjetër. “El Diario de Mariana” publikoi skandalin ku shihen Wanda Nara dhe Keita duke kërcyer në mënyrë të lirë në një dhomë hoteli në Dubai (në atë kohë menaxherja ishte e ndarë nga burri i saj). Të dy shfaqen veshur në mënyrë shumë të thjeshtë, të relaksuar dhe në harmoni ndërsa performojnë një kërcim të improvizuar. Përhapja e këtij materiali rriti më shumë spekulimet dhe thashethemet për një marrëdhënie të mundshme mes tyre, të cilat u përforcuan edhe më tepër javët e fundit pas publikimit të disa bisedave private shumë të veçanta.

“Wanda Nara”:
Porque la hamburguesa filtró un video con el Africano del Inter que se culeaba mientras Icardi no estaba en casa pic.twitter.com/pcvX2d2J6r

— Es tendencia en 𝕏 (@EsTendenciaEnX) January 9, 2025

Shpërthimi dhe skandali: “Në shtëpinë time! Nuk mund ta besoj!”

A është kjo prova e tradhtisë që përmendi Icardi? Maurito kishte një tjetër provë në dorë: ai zbuloi lidhjen përmes kamerave të sigurisë të vendosura në shtëpinë e tij (episodi daton nga korriku 2022). “Në shtëpinë time! Nuk mund ta besoj!”, u shpreh ai gjatë një bisede të ndezur me bashkëshorten, e cila u bë publike pasi gazetarja Vicky Braier ndau bisedën në rrjetet sociale. Ishte pikërisht atëherë, duke pasur videon si provë, që Icardi kontaktoi gruan e Keita Baldé dhe i tregoi gjithçka. Ky është videoja që thuhet se Icardi e ka përdorur si mjet presioni kundër Wanda Nara. Të gjitha pjesët e mozaikut duket se përshtaten.

Historia e tradhtive të ndërsjella: lidhja me “La China” në Paris

Në orët e fundit, Icardi e bëri publike lidhjen me Eugenia “La China” Suarez. Ai foli hapur për këtë në një postim në Instagram, ku sulmoi dhe përgënjeshtroi Wanda Nara, ndërsa ndau edhe një foto ku shfaqet i përqafuar me të dashurën e re. “Thonë se historitë më të mira fillojnë kur më pak e pret… kush e di… – shkruan ai bashkangjitur fotos ku të dy janë të buzëqeshur – janë gjëra të fatit… ai fat që gjithmonë gjen mënyrën për të bashkuar dy njerëz, pavarësisht sa kohë kalon apo sa rrugë duhet të bëhen… Sepse ka takime që duken si të shkruara në yje, ato që i shikonim si fëmijë dhe ëndërronim kaq shumë gjëra… Sot, nuk kam nevojë për sinjale të tjera… e di që me ty jam aty ku duhet të jem”.

 

View this post on Instagram

 

A post shared by 𝙈𝘼𝙐𝙍𝙊 𝙄𝘾𝘼𝙍𝘿𝙄 (@mauroicardi)

Një mesazh shumë romantik dhe ndjenja që nuk kanë më nevojë të fshihen pas gjithçkaje që filloi në vitin 2021 në Paris. Në atë kohë, Icardi ishte sulmues i Paris Saint-Germain dhe pikërisht atëherë doli në dritë lidhja me “La China”. Ai ia rrëfeu këtë bashkëshortes së tij dhe filloi një tjetër kapitull i historisë së tyre, një ndarje e gjatë dhe e turbullt që përfundoi në divorc.

The post Wanda Nara dhe Keita Baldé në dhomën e hotelit në Dubai: video bëhet virale appeared first on Lapsi.al.

Rrustem Hasaj, babai i Arjon Hasaj, që vrαu pak ditë më parë Ramazan Matajn në Shkodër, në një intervistë ekskluzive për “Top Story” kërkoi falje në emër të të birit. Ai kërkoi që drejtësia të vazhdojë hetimin dhe djali i tij të marrë dënimin e merituar. Hasaj u shpreh se nuk kishte asnjë informacionin për konfliktin mes djalit të tij dhe viktimës.

“Jam i mbaruar nga ky gjest. I kërkoj ndjesë familjes së tij. Ta dinte baba, në këtë gjendje sdo shkonte. Unë kam qenë në Tiranë, e mora vesh më vonë, s’kam pasur asnjë info kanë apo jo armë. I kërkoj falje fisit, të atit të tij.

Kemi pasur shoqëri. Unë vetë nuk ka qenë në dijeni, s’do ta lejoja të ndodhte. Ai që e ka bërë, marrtë dënimin e merituar. S’kam fytyrë t’i çoj njeri te shtëpia, nuk kam shkuar. I kërkoj ndjesë Fatmir Matës, më ka marrë në qafë me katër fëmijë” – tha ai.

Rrustem Mataj pohoi se ishte në dijeni të faktit se viktima kishte ngacmuar vajzat e tij.

“Djali ka deklaruar se është prishur me burrin e parë nga ky person, me burrin e dytë po ashtu. Unë e kam lënë në heshtje, jam në dijeni që e ka ngacmuar”.

Mes frikës për hakmarrje, ai kërkoi të largohet së bashku me familjen.

“Kërkoj të largohem një orë më parë me familjen time”, tha ai.

Ndërsa babai i 33-vjeçarit të vrarë është shprehur se nuk pret kërkim falje nga familja e autorit. Po në një intervistë për Top Story, ai bëri thirrje që autori të marrë dënimin e merituar.

“Kjo na ka rënë si bum. Nuk e dimë çështjen. Në radhë të parë falënderoj mediat dhe policinë e Shkodrës që çdo gjë u zbardh, sepse kjo është gjysma e së keqes, por na kishte mbetur thikë në zemër.

I lutem edhe shtetit, ata që janë ashtu, të marrin dënimin që i takon. Janë vendalinjtë tanë. Ata kishin të drejtën të komunikonin me ne, por bum na ranë ne. Nuk na ngushëlluan dhe nuk presim asnjë fjalë me ta”– u shpreh babai i viktimës. /Marrë nga Top Channel

The post Vrαsja e Ramazan Matajt, flet babai i autorit: Djali më mori në qafë, dua të largohem appeared first on Lapsi.al.

Përmes një reagimi në Facebook, Kryetari demokrat, Sali Berisha, ka reaguar mbi videon e posuar së fundmi nga Rama, e cila është realizuar nga inteligjenca artificiale, ku ky i fundit është krah Ismail Bej Vlorës.

Berisha është shprehur në video se Rama mund të shëtisë vetëm në botën virtuale pasi në realitet ai shoqërohet me banditë e trafikantë të cilët i ka futur në qeveri duke i emëruar me poste të larta.

Postimi i plotë: 

Mirëdita, miq!
Edi Rama ka zgjedhur të shoqërohet dhe të shëtisë me “Ismail Qemalin”, por vetëm në botën virtuale. Sepse, në botën reale ai shoqërohet me hajdutë, me banditë dhe trafikantë.
Ata, ai i ka futur në qeveri, i ka futur në parlament, i emëron në postet ndër më të lartat. Të tjerëve u jep lejet e kullave, i shpall investitorë strategjikë, duke ndarë me ta fitime të mëdha.
Dielli me shoshë nuk mbulohet!

The post Berisha: Diferenca e Ramës mes botës virtuale dhe realitetit (VIDEO) appeared first on Lapsi.al.

Në Tetovë, dyshohet se babai vret djalin e vet. Ngjarja ka ndodhur , në lagjen Bllok 70.

Sipas informacioneve, babai ka rrëmbyer armën dhe ka gjuajtur në drejtim të të birit duke e lënë të vdekur.

Policia po heton rrethanat e rastit.

Sipas të dhënave, krimit i ka paraprirë një sherr banal babë e bir. Për pasojë babai 70-vjeçar ka marrë armën dhe ka qëlluar në drejtim të djalit të tij 46-vjeçar.

The post Babai vręt djalin me armë zjarri në Tetovë appeared first on Lapsi.al.

Cristiano Ronaldo është lojtari më i mirë i vitit në Lindjen e Mesme. Ylli portugez, aktualisht pjesë e Al Nassr, ka marrë një çmim në Globe Soccer Awards, që u mbajtën në Dubai, por ajo që tërhoqi më shumë vëmendjen gjatë ngjitjes së tij në skenë ishte ora që kishte në dorë: Rolex GMT-Master II Iced Out. Kjo është një nga orat Rolex më të shtrenjta ndonjëherë, e bërë nga ari i bardhë dhe e mbuluar tërësisht me diamante të bardhë prej 30 karatësh. Ora shkëlqyese GMT-Master II e CR7 është prodhuar plotësisht brenda kompanisë Rolex, dhe xhevahiret janë vendosur një nga një me dorë. Çmimi? 400 mijë euro.

“Vinicius duhet të kishte fituar Topin e Artë”

Në Dubai, Cristiano Ronaldo u shpërblye si golashënuesi më i mirë i të gjitha kohërave. Ndërkohë, Vinicius Jr. u vlerësua si lojtari më i mirë i sezonit të kaluar. Në këtë kontekst, Ronaldo shprehu mendimin e tij duke theksuar se braziliani i lindur më 2000 meritonte të fitonte Topin e Artë.

Lexo më tej: Cristiano Ronaldo e profecia mbi Mbappé: “Të shohim a do e përballojë presionin”

Cristiano Ronaldo: “Vinicius e meritonte Topin e Artë”

“Vinicius e meritonte Topin e Artë,” tha CR7. “Edhe Rodri e meritonte, por mendoj se çmimi duhej t’i shkonte Vinicius për golin e shënuar në finalen e Champions-it. Nuk ishte një vendim i drejtë. Prandaj më pëlqejnë Globe Soccer Awards, sepse çmimet ndahen në mënyrë më të ekuilibruar”.

“Tërheqja? Ndoshta pas dy ose tre vitesh”

Sa i përket të ardhmes: “Tërheqja? Për momentin dua të vazhdoj të shijoj futbollin, pastaj do të mendoj, ndoshta pas dy ose tre vitesh. Po mbush 40 vjeç, por ende kam motivim. Do të ndalem kur të mos kem më motivim. Trajner? Nuk do të bëhem kurrë. Pronari i një klubi? Ndoshta, por kjo do të varet nga shumë faktorë.”

The post Trofe e polemika në Dubani: CR7 mbante një nga Rolex më të shtrenjtë ndonjëherë appeared first on Lapsi.al.

Lisa Kudrow e quajti projektin e fundit të Tom Hanks si një “miratim” për inteligjencën artificiale.

Aktorja e “Friends” kritikoi filmin “Here” ndërsa fliste me dëgjuesit e podcast-it të “Armchair Expert”. Në filmin, i cili doli në tetor, Hanks dhe Robin Wright  duken më të rinj në disa skena përmes inteligjencës artificiale.

“Gjithçka që mora nga kjo ishte, ky është një miratim për AI”, shpjegoi Kudrow. Me rastin e këtij diskutimi për inteligjencën artificiale, aktorja shprehu shqetësimet e saj se si teknologjia mund të kufizojë punën dhe veprimet e njerëzve.

“Çfarë do t’i mbetet popullit? A do të ketë një lloj pagese jetese sepse nuk do të duhet të punojmë? Dhe si mund të mjaftojë kjo?’

Hanks bëri bujë për pikëpamjet e tij mbi inteligjencën artificiale shumë herë vitin e kaluar. Në maj 2023, fituesi i Oskarit vuri në dukje në “Adam Buxton Podcast” se performancat e tij “mund të vazhdojnë  me ndihmën e AI – edhe pas vdekjes së tij.

“Tani kushdo mund të rikrijojë veten në çdo moshë që është me anë të AI” tha ai në atë kohë. Pesë muaj më vonë, Hanks u sqaroi ndjekësve të tij në Instagram se një version i tij i krijuar nga AI po promovonte një plan dentar në aplikacion.

“Unë nuk kam asnjë lidhje me të,” konfirmoi ai, duke këshilluar përdoruesit e mediave sociale që të “ruhen”.

Të famshëm të tjerë kanë diskutuar për AI brenda industrisë, me Arnold Schwarzenegger që e quajti filmin “The Terminator” një “realitet” në një ngjarje të korrikut 2023.

The post Aktorja e serialit sulmon filmin e Tom Hanks për AI appeared first on Lapsi.al.

Babai i 17-vjeçarit, i cili u plagos nga një bashkëmoshatar në një shkollë të mesme në Fier ka treguar detaje në lidhje me ngjarjen e rëndë.

Për mediat, babai thotë se kur e ka parë të birin që ishte plagosur ka vënë duart në kokë.

Po ashtu, babai thotë se nuk ka qenë në dijeni për konfliktin, pasi po ta dinte do të kishte reaguar.

“Jam nisur në orën 8 nga shtëpia edhe unë dhe cuni. Cuni iku për në shkollë, kurse unë me familjen do ikja në punë. Pa vajtur tek vendi, më merr mësuesja kujdestare në telefon. Më thotë është goditur pak djali, por nuk ka shumë goditje. U ktheva, shkova te urgjenca, atje vura duart në kokë. Nuk mora vesh asgjë, më shumë dini ju sesa ne prindërit.

Unë nuk kam qenë në dijeni të konfliktit, se po të dija mund të reagojë dhe unë”, tregoi babai.

Ai kërkoi drejtësi dhe më shumë llogari nëpër shkolla, ndërsa shprehet i pasigurt, duke thënë se nuk do ta cojë djalin në shkollë.

“Dua që drejtësia të vejë në vend. Rama të kërkojë shumë llogari, mos kërkojë vetëm në Tiranë, por të vijë dhe këtu. Sot ishte djali im, nesër mund të jetë djali i tij, apo i dikujt tjetër.

Djalin nuk do ta coj më në shkollë, nuk ka siguri. Duhet të jetë policia në 7 atje, roja është kot atje”.

The post Djalin ia plagosën me thikë, flet babai: Nuk do ta çoj më në shkollë, dua drejtësi appeared first on Lapsi.al.

Durim Bami vijon të mbetet i arrestuar në Dubai, ende nuk kanë nisur procedurat për ekstradimin e tij drejt Shqipërisë.

45-vjeçari është arrestuar dy herë gjatë këtij viti, për llogari të autoriteteve shqiptare, por mungesa e një marrëveshjeje ekstradimi mes Shqipërisë dhe Emirateve të Bashkuara Arabe e ka bërë të pamundur sjelljen e tij për t’u përballur me drejtësinë në Shqipëri.

Mbetet për t’u parë nëse Bami do të vijë në Shqipëri përmes deportimit, një metodë që është përdorur më parë për persona të tillë si Plaurent Dervishaj dhe Julian Meçe.

Ndërkohë, Durim Bami i është drejtuar autoriteteve të Emirateve të Bashkuara Arabe me një kërkesë për të mos u ekstraduar, duke pretenduar se jeta e tij është në rrezik nëse kthehet në Shqipëri.

The post A do të ekstradohet? Durim Bami ende i ndaluar në Dubai appeared first on Lapsi.al.

Babai i të plagosurit në konfliktin ku u vra 14-vjeçarit Martin Cani është shprehur për mediat se djali i tij ndodhet në intubim pas plagëve të marra gjatë sherrit me thikë midis adoleshentëve. Ai ka thënë se i biri është goditur nga dy persona, njëri prej të cilëve ende i lirë, ndërsa ka bërë thirrje për arrestimin e këtij të fundit.

“Luisi për momentin është një fazë rikuperimi, por mbetet ende në intubim. Luisi është goditur katër herë në trup, një gërvishje ka marrë në dorën e majtë. Katër herë është goditur nga dy persona. Nuk është një autor vrasës, por janë dy autorë vrasës. Dua ta denoncoj para medias, personi i dytë me thikën më të vogël që ka goditur Luisin pas shpine, është K. B.. Emri i djalit të dytë më bën përshtypje sepse nuk është qarkulluar në media.

Kërkoj arrestim të shpejtë, sepse kam marrë vesh se ka marrë prindërit dhe do të largohet nga Shqipëria, ose është larguar. Kjo është deklaratë zyrtare nga policia. K. B. është lënë i lirë, por ai duhet të nxjerrë armën e krimit dhe të shkojë të dorëzohet vetë. Nëse nuk merren masa do të marrim ne në mënyrë private, siç e zgjidhën ata me fëmijët tanë”, tha babai i të plagosurit.

The post Babai i të plagosurit gjatë konfliktit ku u vřa Cani: Një vrasës ende i lirë appeared first on Lapsi.al.

Babai i Martin Canit, ka dhënë një intervistë për emisionin “Të Paekspozuarit” në MCN TV. Ëngjëll Cani, gjatë intervistës për gazetarin Besmir Pula, ka rrëfyer momentet e para kur mori vesh se djali i tij ndodhej në spital me disa plagë në trup dhe më pas mësoi se është ndarë nga jeta. Ai deklaroi se është i tronditur nga ngjarja dhe se ende nuk e beson që diçka e tillë mund t’i ndodhte të birit në derën e shkollës.

“Mësuesja më tha Martini është te ‘Trauma’. Vajta aty, më thanë është në sallë të operacionit. Më thirrën pas gjysmë ore me shpresë se do të kishte vetëm një plagë thike, kurse moshatari i vet gjashtë thika. Por, pas gjysëm ore më thanë Martini nuk mbijetoi sepse kishte një thikë në zemër. Bota më ra përmbi kokë!

Pak më pare kisha mësuesen e Martinit dhe po më tregonte se ishte model, shembullor, një njeri që e donte e gjithë shkolla, e gjithë lagjia këtu. Pyet çdo njeri që e njeh Martinin, ishte lider i vërtetë, humorist i vërtetë, nuk kam fjalë ta përshkruaj”, tha Cani.

I pyetur për autorin e krimit, Cani tha se nuk e njeh atë dhe se familjarët e tij nuk e kanë ngushëlluar dhe as kanë kërkuar falje.

“Unë as nuk e njoh, as i kam mësuar emrin as nuk e di kush është, ku është dhe cili është, nuk kam asnjë lloj ideje. Të jem i sinqertë nuk kanë ardhur, asnjë lloj ngushëllimi, asnjëlloj falje, asnjë informacion nuk kam. Ndoshta nuk kanë kurajo, mund të ndihen fajtorë. Nuk besoj se ka njeri që do që djali i tyre të bëhet kriminel

Çdo prind nuk e do djalin ta ketë kriminel. Ata kanë qenë moshatarë, fajësoj dorën që e vrau. Kë të fajësos? Ajo dorë i mori jetën djalit tim, ëndrrat. Nuk dua ta kthej politike, unë i përkas thjeshtësisë dhe paqes, erdha të ndërtoj shtëpi dhe familje, erdha me mall për atdheun, të jetoj këtu. Më lindën dy cuna, dy yje, njërin ma mori Zoti, më mori zemrën”, – tha Cani.

Babai i 14 vjeçarit të ndjerë u ndal edhe te siguria në shkolla dhe protesta e zhvilluar ditën e sotme për të birin.

“Nëntë vjet ka qenë në atë shkollë. Unë jetoja në Londër, e drejta e klientëve që punoja, ishte një e drejtë që ta shihje klientin deri 500 metra të mos i ndodhte dicka, jo më nëpër shkolla. Aty në derë të shkollës të ndodhë kjo, është e habitshme, e trishtë, më duket ëndërr, nuk dua ta besoj, nuk e imagjinoj.

Nuk kam patur informacion sepse po të dija unë do shkoja në shkollë. Martini bënte shaka, edhe mbledhje kur kanë bërë, më thoshin Martini na mban gjallë. Nuk kisha shqetësime.

Nuk dua ta nxjerr pjesën politike, por cdo prind duhet të ndjejë një ndjesi për një djalë që ka humbur jetën. Po të kishte ndodhur në një vend të botës, jo të dorëhiqej ministri, por do të ishte ndryshuar qeveria. Edhe në Greqi, gjëra të tilla cfarë bëhet. Falenderoj të gjithë shqiptarët. Nuk dua t’i futem politikës, kam kontakte me të gjithë njerëzit, unë dua që djali im të prehet në paqe sic i takon.

Me policinë asnjë komunikim nuk kam patur sepse unë jam shumë i tronditur. Edhe sot që po flas dridhem i tëri, nuk e kisha kurajon, dua të gjej guximin dhe të falenderoj popullin shqiptar, prindërit, ata miq që më kanë repspektuar, kanë ngrënë nga një lugë të vogël helmi që unë po ha dhe po helmohem dita ditës”, – tha babai i 14 vjeçarit.

Ëngjëll Cani rrëfeu edhe takimin e fundit me të birin.

“Luajti një ndeshje me Kavajën, më tha luajta shumë mirë, do të bëhem futbollist me Kombëtaren. Më tha do të më marrë xhaxhi me vete sepse e kemi gjysmën e familjes në Amerikë. Xhaxhai i ushqente që do të marr në Amerikë për shkollë. Këto ëndrra kishte ai djalë. Ai flinte me topin, kishte qejf të bëhej si Christiano Ronaldo”, – tha Cani. /Marrë nga TPZ

The post Flet babai i Martin Canit: S’kam marrë ende një kërkim-falje nga familja e autorit appeared first on Lapsi.al.

Real Madrid dhe Dubai Parks and Resorts hapën zyrtarisht në Dubai (Emiratet e Bashkuara Arabe) parku tematik i parë në botë të dedikuar për një skuadër futbolli: Real Madrid World. Parku ka një sipërfaqe prej gjashtë hektarësh (e barabartë me gjashtë fusha futbolli të ngjashme me stadiumin Santiago Bernabéu) dhe, midis më shumë se 40 eksperiencave, spikasin “Stars Flyer”, sediljet fluturuese më të larta në botë, me një lartësi prej 140 metrash, dhe “Hala Madrid Coaster”, malet e para dhe të vetme ruse me dru në Lindjen e Mesme.

Lexo më tej: Henry, problemi i Real Madrid ndaj Milan… Mbappe: “Shikoni, duket që nuk i pëlqen”

Në ngjarje morën pjesë, ndër të tjerë, Emilio Butragueño, drejtor i Marrëdhënieve Institucionale të merengues, dhe Roberto Carlos, ambasador i klubit. Të dy legjendat Blancos vizituan impiantet dhe morën pjesë në një ceremoni me më shumë se 100 fëmijë të Fondacionit Real Madrid, në fushën e futbollit të vendosur brenda parkut.

Official inauguration of Real Madrid World in Dubai, the world’s first football club theme park.#RealMadrid

— Real Madrid C.F. (@realmadriden) November 13, 2024

The post Real Madrid World: parku tematik i parë në botë dedikuar një skuadre futbolli appeared first on Lapsi.al.

Luca Rossi është një nga menaxherët e paktë italianë që ka një post të lartë në kompanitë shumëkombëshe të teknologjisë. Ai është kreu i divizionit që merret me Inteligjencën Artificiale në pajisjet Lenovo. E takuam për të kuptuar se si e sheh ai të ardhmen dhe çfarë parashikimesh mund të bëhen për 10 vitet e ardhshme.

Pse Inteligjenca Artificiale nuk është një risi që vjen nga “garazhet”, por kërkon një bashkëpunim të fortë midis teknologjisë së madhe dhe të gjithë ekosistemit të kompanive dhe profesionistëve?

“Inteligjenca artificiale është një revolucion që mund të krahasohet me atë të internetit, por edhe me kalimin epokal nga celularët me butona tek smartfonët. Në anglisht këto dukuri quhen “tendenca laike”, për të treguar diçka vërtet domethënëse që ndodh shumë rrallë. Ky është një moment historik i veçantë që shënon edhe fundin e një monopoli, atij të Microsoft-it dhe Intel-it, që shoqëruan botën e teknologjisë së informacionit për gati 30 vjet. Në fakt, inteligjenca artificiale është, për nga natyra e saj, një teknologji e shpërndarë, e cila për rrjedhojë përfshin shumë aktorë të ndryshëm. Disa prej tyre janë kompanitë e mëdha të teknologjisë që njohim, të tjerat janë më të vogla, por të afta për të zhvilluar zgjidhje të specializuara”.

A mund të presim ardhjen e ndonjë kompanie të re të madhe lider në këtë sektor?

“Ne do të shohim një botë shumë më të hapur se në të kaluarën dhe sigurisht do të ketë vend për disa kompani të reja të mëdha që ndoshta sot nuk e kanë regjistruar ende numrin e tyre të NIPT-it. Në këtë skenar mund të konsiderojmë gjithashtu të mundshme që një teknologji e madhe nga ato që njohim mund të dështojë brenda 10 viteve, e kapërcyer nga një realitet i ri.”

Suksesi i madh dhe përhapja e shpejtë e inovacioneve si Interneti dhe Rrjetet Sociale janë pjesërisht për shkak të faktit se përdoruesve nuk u është dashur të paguajnë kurrë për to. A besoni se AI mund të jetë gjithashtu falas?

“Kostoja e AI është shumë më e lartë se çdo teknologji tjetër që kemi përdorur deri më tani. Investimet janë aq të mëdha sa nuk është e mundur të ofrohet kjo risi falas. Mendoni vetëm për koston e energjisë e cila do të bëhet aq e shtrenjtë sa që kompanitë më të mëdha po mendojnë edhe të ndërtojnë mini-centrale bërthamore. Duhet thënë gjithashtu se avantazhet që ofron AI për sa i përket produktivitetit, si në punë ashtu edhe në jetën private, do të jenë aq të gjera dhe të dallueshme, saqë ne do të jemi të gatshëm të paguajmë menjëherë për to. Do të bëhet një dobi”.

AI është gati të ndryshojë pajisjet teknologjike që njohim, a mund të presim edhe ardhjen e produkteve krejtësisht të reja?

“Në 10 vitet e ardhshme edhe shtrydhësja e frutave do të ketë inteligjencë artificiale. Nuk ka dyshim se të gjitha pajisjet do të ndryshojnë në një farë mënyre me integrimin e sistemeve të AI, megjithëse në mënyra të ndryshme. Ky transformim do të na bëjë që të mirëpresim ardhjen e robotëve humanoidë të cilët falë AI do të mund të ndërveprojnë me të gjitha pajisjet në mënyrë të thjeshtë dhe efektive. Jam i sigurt se robotët për të ndihmuar njerëzit do të jenë një nga tregjet më të mëdha në planet.”

Po PC-të, tabletët dhe telefonat inteligjentë?

“Midis tendencave që shoh në horizont, sigurisht që është ajo e miniaturizimit gjithnjë e më domethënës, i shoqëruar nga një rritje eksponenciale në aftësitë kompjuterike. Besoj gjithashtu se si tastiera ashtu edhe miu do të bëhen të tepërta sepse njerëzit do të ndërveprojnë me këto pajisje thjesht duke përdorur zërin e tyre dhe kjo do të çlirojë dizajnin e produkteve të cilat nuk do të duhet të jenë më drejtkëndëshe. Në një të ardhme relativisht të afërt do të ketë gjithashtu hapësirë për të mirëpritur një formë të re të llogaritjes masive që mund të jetë ajo e ofruar nga syzet inteligjente. Syzet inteligjente që do të shohim ndoshta do të jenë shumë të lehta, të fuqishme, të lidhura me cloud dhe të afta për të shfaqur përmbajtje hibride virtuale dhe realitet të shtuar”.

A mund të presim edhe ndonjë revolucion në softuer, ndoshta me përhapjen e Twin AI, klonet tona inteligjente?

“Në të ardhmen do të kemi dy lloje robotësh, dixhitalë dhe fizikë. Produktet fizike do të jenë robotë humanoidë dhe në një farë mënyre edhe makina të gjeneratës së re, kompjuterë të vërtetë në 4 rrota që do të lëvizin në mënyrë autonome. Robotët dixhitalë në vend të kësaj do të jenë chatbotët e AI që po evoluojnë gjithnjë e më shumë dhe ne besojmë se do të bëhen Binjakë Personalë të vërtetë, binjakë dixhitalë. Këto sisteme do të jenë në gjendje të njohin mjedisin në të cilin veprojnë, do të dinë gjithçka për ne dhe me pëlqimin tonë do të kryejnë veprime reale në emrin tonë. Këto AI binjake do të kenë një nivel njohurie/ndërgjegjësimi që do të përmirësohet herë pas here dhe i cili do të jetë i disponueshëm në pajisje të shumta. Kur ne ndryshojmë produktet, ata nuk do të duhet të rimësojnë gjithçka përsëri. Duke shkuar në këtë drejtim ne sapo nisëm të krijojmë AI-në tonë, një sistem ende në fazën e zhvillimit, por që tregon rrugën që dëshiron të marrë Lenovo, me investime gjithnjë e më të rëndësishme edhe në softuer dhe siguri.»

Në çfarë pike është AI, a nuk ka rrezik që efekti “wow” të kalojë shpejt?

“Nga 0 në 100 të potencialit të asaj që do të bëjë AI në të ardhmen, sot jemi në 1%, maksimumi 2%. Ajo që duhet të shohim ende është në mënyrë eksponenciale më e madhe se ajo që kemi parë deri tani. Është e mundur që dikush tashmë ka filluar të pyesë veten se çfarë është në të vërtetë inteligjenca artificiale për sot, pas bumit fillestar, një farë rënie e interesit është fiziologjike, por kjo risi do të ndryshojë rrënjësisht jetën tonë në mënyrë progresive gjatë 10 viteve të ardhshme. Do të vijë një pikë e caktuar ku do të pyesim veten, “si e kemi bërë më parë këtë?”

Si duhet të përgatitemi për këtë revolucion teknologjik, a jemi tashmë vonë?

“Krahasuar me realitetet e tjera, Europa, për mendimin tim, është pak prapa. Dëshira për të rregulluar gjithçka është ndoshta e ekzagjeruar, duhet të investojmë dhe të vrapojmë më shumë. Kompanitë duhet të bëjnë më shumë eksperimente për të kuptuar se ku AI mund t’i bëjë proceset më efikase. Edhe ne përdoruesit nuk mund të qëndrojmë anash këtij revolucioni, veçanërisht gjeneratat e reja”.

A ka më shumë rreziqe apo mundësi në horizont?

“Përfitimet që do të kemi nga kjo teknologji janë jashtëzakonisht superiore ndaj çdo vështirësie apo gabimi që mund të lindë gjatë rrugës, sepse AI do të lejojë njerëzimin të bëjë një tranzicion të jashtëzakonshëm. Mendoni vetëm për progresin që do të kemi në shëndetësi, arsim dhe mundësinë e reduktimit të ndjeshëm të ndarjes dixhitale. Si të gjitha risitë teknologjike, sigurisht që do të duhet të trajtohet me kujdesin e duhur, por ka vëmendje të madhe nga ekspertët dhe kjo më bën mjaft optimist.” ©Corriere della Sera, LAPSI.al

The post Inteligjenca Artificiale/ Nuk keni parë asgjë akoma, pas 10 vitesh do kemi… appeared first on Lapsi.al.

Autoritetet amerikane thanë se aktorët rusë qëndrojnë prapa një video të rreme që ka qarkulluar në rrjetet sociale, në të cilën shfaqej grisja e votave me postë për kandidatin republikan dhe ish-presidentin, Donald Trump, në shtetin e Pensilvanisë, para zgjedhjeve presidenciale të 5 nëntorit.

Videoja, që kishte miliona shikime në platforma sikurse X, u shfaq në rrjetet sociale më 24 tetor, duke treguar një person që kontrollonte fletëvotimet në qarkun Bucks të Pensilvanisë dhe griste votat për Trumpin.

Burri, i cili ishte me ngjyrë, dukej se po griste fletëvotimet që ishin për kandidatin republikan, ndërkaq linte të paprekura fletëvotimet për nënpresidente demokrate, Kamala Harris, e cila është person me ngjyrë.

“Komuniteti i inteligjencës vlerëson se aktorët rusë kanë prodhuar këtë video që në mënyrë të rreme shfaq një person duke grisur votat në Pensilvani, bazuar në të dhënat që ka pasur qasje komuniteti i inteligjencës dhe aktiviteteve paraprake të aktorëve të tjerë me ndikim rusë, përfshirë video dhe aktivitete të tjera të dezinformimit”, thanë përmes një deklarate të përbashkët Zyra e drejtorit të Inteligjencës Kombëtare, Byroja Federale e Hetimit dhe Agjencia për Siguri Kibernetike dhe Siguri të Infrastrukturës.

Në deklaratë u tha se brenda tre orësh autoritetet lokale përgënjeshtruan këtë video, pasi qytetarët e raportuan atë para autoriteteve.

“Ky aktivitet rus është pjesë e përpjekjes më të gjerë të Moskës për të ngritur dyshime të paqëndrueshme lidhur me integritetin e zgjedhjeve amerikane dhe për të nxitur ndarje në mesin e amerikanëve”, u tha në deklaratë.
Analistët që monitorojnë fushatat e ndikimit të huaj të Moskës më herët kishin lidhur këtë video me një grup propagandues rus të njohur si Storm-1516 apo CopyCop.

Vëzhguesit thanë se Storm-1516, që më herët kishte publikuar disa video me përmbajtje të rreme lidhur me kandidatin e Harrisit për nënpresident, Tim Walz, është një degë e Agjencisë së Kërkimeve në Internet, një ish-rrjet propagandistik rus, me bazë në Shën Petersburg, që ishte themeluar nga Yevgeny Prigozhin, lideri i ndjerë i grupit mercenar rus, Wagner.

Komuniteti amerikan i inteligjencës paralajmëroi se para zgjedhjeve të 5 nëntorit mund të shfaqen edhe më shumë dezinformata dhe propagandë të orkestruara nga Rusia./ REL

The post SHBA: Rusia qëndron prapa videos së rreme lidhur me grisjen e fletëvotimeve appeared first on Lapsi.al.

Mediat greke i kanë kushtuar një vëmendje të veçantë vizitës së Presidentit të Turqisë, Rexhep Taip Erdogan në Tiranë. Nga një vëzhgim i bërë nga lapsi.al shihet se në titujt kryesore të tyre dallojnë dronët kamikazë që Ankaraja do të dhurojë për Tiranën dhe hapja e xhamisë më të madhe në Ballkan. Kështu e përditshmja “Ta Nea” shkruan se “Erdogan shkoi me “dhurata” në Tiranë.

Gazeta greke citon kryeministrin shqiptar Edi Rama që lavdëroi miqësinë me Erdogan duke u shprehur se “kjo është një dhuratë që vjen si një mesazh i fortë nga Republika e Turqisë se Shqipëria është e paprekshme”, pa specifikuar numrin apo llojin e dronëve që Ankaraja do të dhurojë. “Megjithatë, ai sqaroi se marrja e dronëve kamikaze turq nuk do të thotë se “Shqipëria do të sulmojë ndokënd”.

“Ta Nea” ndalet edhe tek inaugurimi i xhamisë së re të kryeqytetit shqiptar Namazgjaja duke theksuar se edhe ky ishte një financim turk. “Është xhamia më e madhe në Ballkan, ka 4 minare secila 35 metra të larta dhe struktura e saj të kujton arkitekturën osmane. Përreth xhamisë ka objekte që do të funksionojnë si qendër kulturore, bibliotekë, hapësirë ekspozite, sallë konferencash, “muze bashkëjetese” dhe seminaresh. Ajo do të menaxhohet bashkërisht nga Komuniteti Mysliman i Shqipërisë dhe Turqisë” – thuhet në shkrim.

Edhe e përditshmja “Kathimerini” i ka kushtuar mjaft vëmendje inaugurimit të xhamisë së re në Tiranë. “Xhamia, ndërtimi i së cilës filloi në vitin 2015, karakterizohet si më e madhja në Ballkan” – thuhet në shkrim.

CNN Greece e nis shkrimin e saj me një citim të Erdoganit, sipas të cilit, Ankaraja është “ndër 5 investitorët e huaj më të mëdhenj” në Shqipëri, me investime që arrijnë në 3.5 miliardë dollarë. “Më shumë se 600 kompani turke ofrojnë punësim për më shumë se 15 mijë shqiptarë. Bashkëpunimi është edhe ushtarak mes këtyre dy vendeve anëtare të NATO-s: Tirana këtë vit mori dronët e parë Bayraktar TB2 të blerë nga Turqia” – citon CNN.gr.

Ndërsa “Huffington Post” në gjuhën greke nënvizon se Erdogan do të udhëtojë në Shqipëri dhe Serbi, në një turne ballkanik ku “ai kërkon të forcojë lidhjet në një rajon të sunduar dikur nga Perandoria Osmane”. Në shkrim nxirren në pah edhe diferencat që Rama dhe Erdogan patën për Hamasin.

“Erdogan sulmoi Izraelin për luftën në Gaza dhe Liban, duke e akuzuar atë për kryerjen të “gjenocidit”, duke bërë thirrje për një armëpushim të menjëhershëm dhe ndihmë humanitare. Edhe Edi Rama ra dakord për nevojën e armëpushimit, por retorika e tij në lidhje me Hamasin ishte e ndryshme nga ajo e presidentit turk, duke e quajtur atë një organizatë terroriste” – citon Huffington Post në gjuhën greke.

“Euronews” në gjuhën greke, gjithashtu ka theksuar marrjen e dromëve kamikazë nga Tirana dhe hapjen e xhamisë së Namazgjasë. “Presidenti turk i kujtoi palës shqiptare çështjen e një lufte të përbashkët kundër terrorizmit, për praninë në Shqipëri të ndjekësve kryesorë të predikuesit Fethullah Gylen (FETO), të cilin Turqia e akuzon si organizatorin e grushtit të shtetit të vitit 2016” – citon Euronews në greqisht duke shtuar se të dy vendet nënshkruan 4 marrëveshje për të forcuar bashkëpunimin në fushën e zhvillimit rural, arsimit si dhe komunikimit dhe medias.

Një panoramë të plotë të vizitës së Erdogan në Tiranë ka bërë edhe televizioni SKAI sipas të cilit turi i tij në Shqipëri dhe Serbi ka për qëllim forcimin e marrëdhënieve ekonomike me këtë rajon. ©LAPSI.al

LEXO EDHE: Si i përdor Erdogani xhamitë si armë të diplomacisë fetare turke

Video ku Bajram Begaj e thërret Erdoganin e Turqisë thjesht si “Erdi”

The post Dronë kamikazë dhe xhami/ Mediat greke: Erdogan shkoi me “dhurata” në Tiranë appeared first on Lapsi.al.