Masë paraburgimi në kohëzgjatje prej 30 ditëve është caktuar për tetë personave të lidhur me aksionin e djeshëm në Drejtorinë e të Ardhurave Publike – DAP.

“Përfundoi marrja në pyetje e tetë personave të ndaluar në lidhje me aksionin e djeshëm në Drejtorinë e të Ardhurave Publike – DAP, kurse pas deklaratave të tyre, si dhe vlerësimit të fakteve dhe provave, është pranuar propozimi dhe të tetëve iu caktua masa paraburgim prej 30 ditësh për shkak të ekzistencës së bazave për të tre pikat e akuzës, përkatësisht rreziku i ikjes, ndikimi mbi dëshmitarët dhe mundësia e përfundimit ose përsëritjes së veprës. informuan pasdite nga Gjykata Penale.

Nën udhëheqësinë e prokurorit publik nga Prokuroria Themelore Publike për Ndjekjen e Krimit të Organizuar dhe Korrupsionit (PTHP NKOK), hetuesit nga Qendra Hetuese pranë Prokurorisë, me asistencë të Ministrisë së Punëve të Brendshme, kanë kryer bastisje në 16 lokacione në shtet. Aksioni, siç informojnë nga Prokuroria, është zhvilluar mbrëmë në orët e vonshme të mbrëmjes, me ç’rast janë gjetur dhe përkohësisht janë marrë dokumentacion fiktiv, mjete në para, armë dhe vula të rreme nga persona juridik, ndërsa personat e dyshuar janë siguruar.

“Aksioni është rezultat i veprimit të Qendrës Hetuese të PTHP NKOK dhe Drejtorisë së Inteligjencës Financiare pas njoftimit të ASK-së, me ç’rast u siguruan prova për dyshimin bazë për vepra penale nga natyra financiare. Në bazë të kësaj, PTHP NKOK, hapi lëndë dhe solli urdhër për zbatimin e procedurës hetuese kundër 20 personave, të cilët e kanë dëmtuar buxhetin e shtetit për 297.733.844 denarë ose për 4.8 milionë euro”, informoi dje Prokuroria Publike.

Sipas hetimit, i dyshuari i parë, shtetas serb, pronar dhe menaxher i dy personave juridik, së bashku me dy zyrtarë të DAP-it – Drejtoria Rjaonale Shkup, gjatë vitit 2023 kanë formuar një grup me qëllim të kryerjes së fshehjes tatimore, mashtrim tatimor, larje e parave dhe keqpërdorim të pozitës zyrtare. Në periudhën nga viti 2023-2025 në grup u përfshinë edhe pronarë tjerë, menaxherë dhe të pnësuar në personat juridik në Shkup dhe Gjevgjeli.

Me shfaqjen e të dhënave të pasakta në paraqitjet tatimore dhe me ndihmë të nëpunësve tatimorë nga DAP, në periudhën prej vitit 2023 deri në vitin 2024 i akuzuari i parë ka evituar pagesë të tatimit në shumë prej 11.593.403 denarëve. Të dyshuarit e tjerë pronarë dhe drejtorë të personave juridik me paraqitje të rrejshme kanë kërkuar, ndërsa të punësuarit e dyshuar kanë miratuar, kthim të pabazuar të tatimit për persona juridik jorezidentë, me çka është dëmtuar buxheti në shumë prej 31.175.168 denarëve.

Disa nga të dyshuarit në periudhën e njejtë kanë kryer transfer dhe marrje të mjeteve monetare me qëllim të mbulimit të prejardhjes së parave të grumbulluara me vepra penale, në shumë të përgjithshme prej 91.985.197 denarëve. Dëshmitë e mbledhura deri më tani bëjnë me dije se të punësuarit e dyshuar në DAP – Drejtoria rajonale Shkup, prej të cilëve disa në pozita udhëheqëse, me keqpërdorime të shumëfishta të pozitës zyrtare e kanë dëmtuar buxhetin e RMV-së prej së paku 162.980.076 denarëve.

Prokurori publik, duke i vlerësuar rrethanat, konstatoi se janë përmbushur kushtet për caktim të masës së paraburgimit për nëntë persona të dyshuar dhe gjykatësit të procedurës paraprake pranë Gjykatës themelore penale Shkup i propozoi që tetë personave t’u caktohet masa e paraburgimit, ndërsa për dy të tjerë ajo tashmë është caktuar në lëndën lidhur me Agjencinë për mbështetje financiare në bujqësi dhe zhvillim rural të RMV-së. Për dhjetë personat e tjerë prokurori publik propozoi masa për siguri të pranisë, mes të cilave edhe ndalesë për ushtrim të aktiviteteve të punës lidhur me veprën penale dhe aktivitete të punës si persona zyrtarë në DAP të RMV-së.

Dy banorët e Big Brother VIP Kosova 4, Limi dhe Dolce, kanë qenë sërish në qendër të vëmendjes pak para nisjes së spektaklit “Prime” të së premtes, ku janë parë duke shkëmbyer një puthje të ngrohtë mes tyre në dhomën e makijazhit.

Momentet intime mes dyshes janë kapur nga kamerat e shtëpisë, teksa ata dukeshin të afërt dhe të përqendruar vetëm te njëri-tjetri.

Ajo që e bëri situatën edhe më të komentuar ishte prania e Albës, ish-e dashurës së Limit, e cila ndodhej aty pranë dhe i vëzhgonte me bisht të syrit, në një moment që u interpretua nga publiku si shenjë xhelozie.

Kamerat nuk e lanë pa fokusuar këtë skenë, e cila u shpërnda me shpejtësi në rrjetet sociale dhe u komentua gjerësisht nga ndjekësit e spektaklit, duke nxitur reagime të shumta dhe diskutime rreth trekëndëshit Limi–Dolce–Alba.

Përndryshe, Dolce dhe Limi kanë qenë ndër banorët më të komentuar të javës, pasi janë parë vazhdimisht në momente intime dhe të afërta së bashku, duke lënë të kuptohet se marrëdhënia e tyre po forcohet dita-ditës brenda shtëpisë më të famshme në vend. /Telegrafi/

Erling Haaland tashmë ka dhënë mendimin e tij rreth mundësisë së transferimit te Real Madrid, ndërsa mediat e lidhin sulmuesin me një lëvizje rekord botëror prej 500 milionë eurosh drejt gjigantit të La Ligës.

Haaland është një nga sulmuesit më efektivë në Evropë, duke regjistruar 287 gola në 362 paraqitje profesionale gjatë karrierës së tij me klubet Molde, Bryne, Red Bull Salzburg, Borussia Dortmund dhe Manchester City.

Forma e tij e jashtëzakonshme i siguroi një kontratë të majme te City, me raporte që flasin për 500,000 paund në javë para bonuseve, të cilën e nënshkroi në janar të 2024 dhe e mban atë në ‘Etihad’ deri në qershor 2034.

Deri atëherë, Haaland do të jetë 34 vjeç dhe me shumë mundësi jashtë kulmit të tij. Shumë tifozë të Cityt shpresojnë që sulmuesi norvegjez ta përfundojë kontratën e tij të gjatë.

Por sipas Sky Germany, presidenti i Real Madrid, Florentino Perez, është i interesuar që ta sjellë Haaland në ‘Santiago Bernabeu’, në një marrëveshje që do të thyejë çdo rekord botëror.

Në mars të 2024, para ndeshjes së Manchester City ndaj Copenhagen në 1/8-at e Ligës së Kampionëve, Haaland u pyet rreth një transferimi të mundshëm në kryeqytetin spanjoll.

“Real Madrid? Nuk e di se çfarë mund të sjellë e ardhmja”, ka thënë fillimisht Haaland.

Më pas, në janar të 2025, ai u pyet përsëri për të njëjtën temë, pas deklaratës së babait të tij, Alf Inge, i cili sugjeroi se dëshironte ta shihte djalin e tij të luante në të gjitha ligat kryesore evropiane për dy ose tre vjet kur Erling iu bashkua City në 2022.

“Sapo nënshkrova një kontratë nëntë-vjeçare e gjysmë, çfarë doni të them?”.

“Jam shumë i lumtur me zgjedhjen time dhe mezi pres të kaloj shumë vite në Manchester dhe kaq është”, përfundoi ai./Telegrafi/

Rinumërimi i votave nga zgjedhjet e fundit në Kosovë po zgjatet më shumë se sa ishte paraparë, duke vonuar certifikimin e rezultateve dhe formimin e institucioneve. Sipas KQZ-së, procesi mund të zgjasë deri në dy javë, ndërsa njohësit e çështjeve kushtetuese paralajmërojnë rrezik për shkelje të afateve ligjore duke përfshirë këtu, edhe zgjedhjen e presidentit.

19 janari ishte data e planifikuar nga KQZ-ja për shpallje të rezultateve përfundimtare por procesi i rinumërimit të votave e ka shtyrë dukshëm këtë afat.

Si rrjedhojë pritet që të vonohet edhe certifikimi i rezultatit të zgjedhjeve të parakohshme të dhjetorit, si hap kryesor për nisjen e konstituimit të Kuvendit e formimit të Qeverisë së re.

Për të përshpejtuar këtë proces, Komisioni Qendror i Zgjedhjeve ka rritur numrin e komisionerëve në Qendrën e Numërimit të votave.

“Nga 10 tavolina numërimi janë shtuar edhe 10 të tjera”, ka deklaruar për Dukagjinin zëdhënësi, Valmir Elezi duke theksuar se procesi pritet të zgjasë përafërsisht 12- 14 ditë.

Sipas Institutit të Kosovës për Drejtësi, në këtë ritëm, gjasat janë që të shkelet edhe afati kushtetues për zgjedhjen e Presidentit të vendit.

“Gjasat janë që si pasojë e këtij rinumërimi të shkojmë deri ka data 10-15 shkurt kur rezultatet priten të certifikohen. Në rastin më të keq, mundet edhe më shumë sepse nëse konsiderohet se ka mospërputhje nga rezultatet paraprake, KQZ me gjasë do shkojë në rinumërim të plotë e që do ndikojë në afatet kushtetuese veçanërisht për zgjedhën e presidentes ku zgjedhja do duhej bërë jo më larg se 5 mars dhe këtu do hyjmë në një cikël që nuk mund të bëhet zgjidhje. Ç’ka ndodhë nëse Kuvendi s’arrin të konstituohet dhe qeveria s’arrin të formohet sepse afati është 5 mars”, u shpreh Naim Jakaj nga Instituti i Kosovës për Drejtësi.

⁠Ndryshim i numrit të votave pas rinumërimit, disa kandidatë marrin më shumë e disa me rënie të votave

Problematikë në vete sipas Jakajt, mbetet mos-konstituimi i Kuvendit që do të lë peng procese që varen nga votimet e deputetëve.

“Dy muajt e parë të këtij viti do shkojnë pa miratim të buxhetit për vitin 2026 ku dhjetëra projekte infrastrukturore do mbesin pa realizuar. Është edhe premtimi elektoral për pagën e 13 ku 94 mijë zyrtarë publik nuk iu është transferu aktualisht dhe në ndërkohë, dy marrëveshjet që vijnë nga plani i rritjes së BE-së, marrëveshja me Bankën Botërore, financimi i qëndrueshëm për RTK-në dhe katër buxhetet për komunat në veri të vendit. Janë çështje për të cilat kuvendi do duhej konstituuar dhe pasojat do jenë të menjëhershme” u shpreh ai.

Por, sipas Eugen Cakolli nga Demokracia në Veprim, shkuarja në rinumërim të plotë mbetet e pashmangshme e telashe, konsiderohet të sjellë zgjedhja e presidentit.

“Këtu besoj që mund të ketë probleme serioze për të siguruar votat, por që në anën tjetër kjo do të tentohet që të ndahet si përgjegjësi në mes të të gjitha partive, sepse normalisht për partinë fituese të zgjedhjeve, ndonëse në parim për askënd nuk janë zgjedhjet të konvenueshme, por për partinë në pushtet e cila do ta kishte, kryetarin e Kuvendit, kryeministrin, dhe u.d. të presidentit mund të jetë në një pozicion pakëz më të favorshëm sesa të tjerat”, u shpreh Cakolli.

Sipas Kushtetutës, presidenti duhet të zgjidhet jo më vonë se 30 ditë para përfundimit të mandatit të presidentit aktual./Dukagjini/

- YouTube youtu.be

Para Prime-it të së premtes, Labi ka zgjedhur të vijë me një mesazh të fuqishëm dhe domethënës, duke tërhequr menjëherë vëmendjen e publikut dhe fansave të spektaklit.

Ai është shfaqur me një stil të veçantë, ku flokët i kishte dizajnuar me akronimin e Ushtrisë Çlirimtare të Kosovës, UÇK, si një shenjë respekti dhe përkujtimi.

Ky veprim simbolik i Labit është parë si një gjest i guximshëm dhe me peshë të madhe emocionale, sidomos në prag të një nate të rëndësishme të spektaklit.

Mesazhi i tij është interpretuar si një homazh për sakrificën dhe historinë, duke treguar se edhe brenda një formati argëtues, ka hapësirë për mesazhe me vlerë kombëtare.

Reagimet e fansave nuk kanë munguar, pasi veprimi i Labit është pritur pozitivisht në rrjetet sociale, ku shumë prej tyre e kanë përgëzuar për qëndrimin dhe mënyrën kreative të shprehjes së respektit.

Ky moment e ka bërë Labin një nga figurat më të komentuara para Prime-it të radhës. /Telegrafi/

Presidenti amerikan Donald Trump sapo ka folur me gazetarët përpara Shtëpisë së Bardhë përpara nisjes së tij për në Florida.

Ai u pyet nëse SHBA-të po planifikonin ende të ndihmonin protestuesit, siç kishte premtuar presidenti.

Trump shmangu përgjigjen e drejtpërdrejtë ndaj pyetjes.

Në vend të kësaj, ai përsëriti postimin e tij në rrjete sociale, duke riafirmuar se Irani supozohet se kishte anuluar 800 varje dje, të cilat ai i respekton "shumë".

Një gazetar pyeti gjithashtu nëse fqinjët e Iranit e kishin bindur atë që të mos e sulmonte vendin.

"Askush nuk më bindi mua, unë e binda veten. Dje kishin planifikuar mbi 800 varje. Ata nuk varën askënd. Ata i anuluan varjet. Kjo pati një ndikim të madh", tha Trump. /Telegrafi/

KQZ ka bërë publike detajet financiare të fushatës së AAK-së për zgjedhjet lokale të këtij viti.

Raporti i paaudituar tregon se partia e Ramush Haradinajt ka shpenzuar mbi 24 mijë euro, kryesisht për reklama, paga dhe detyrime të tjera, duke e lënë me suficit të konsiderueshëm të hyrash në fund të periudhës.

Sipas raportit për periudhën 9 qershor – 9 nëntor 2025, AAK ka realizuar të hyra totale prej 85 mijë e 818 euro e 33 centë, duke përfshirë donacione prej 1 mijë euro dhe kontribute në natyrë në vlerë prej 5 mijë e 185 euro.

Shpenzimet totale të fushatës kanë arritur në 24 mijë e 187 euro e 70 centë, duke përfshirë:

Pagat dhe kompenzimet: 5 mijë e 318 euro e 68 centë

Shpenzimet e transportit: 1 mijë e 641 euro e 70 centë

Reklamat, reprezentacioni dhe konferencat: 12 mijë e 250 euro e 67 centë

Blerja e mallrave: 320 euro

Shpenzimet e përgjithshme: 3 mijë e 781 euro e 65 centë

Shpenzimet e ndryshme: 875 euro

Në raport raportohet gjithashtu se gjatë periudhës janë kryer pagesa mbi 5 mijë euro, përfshirë: Gjoba dhe ndëshkime për PZAP: 20 mijë e 366 euro e 67 centë; Paga dhe blerje të objekteve: 6 mijë e 500 euro dhe 24 mijë e 343 euro e 20 centë.

Për më shumë shikoni raportin e plotë. /Telegrafi/

MPB Maqedoni njofton se dje dhe sot (15/16.01.2026) oficerë policie nga Stacioni Policor i Tetovës, Stacioni Policor i Ohrit, Stacioni Policor i Shtipit kryen aktivitete parandaluese për trafik të sigurt dhe mbrojtje nga vjedhjet dhe mashtrimet. Gjatë ditës së djeshme në Ohër, Departamenti i Preventivës i Stacionit Policor të Ohrit zbatoi fushatë parandaluese të trafikut "Bëhu shofer i përgjegjshëm - përdor pajisje dimërore".

Siç thonë nga MPB, në disa pika në qytet, përmes bisedave me drejtuesit e mjeteve motorike, ata i kujtuan ata nevojën dhe detyrimin ligjor për posedimin e detyrueshëm të pajisjeve dimërore në automjete, si parakusht themelor për lëvizje të sigurt të mjeteve motorike në kushte dimërore.

"Sot, në Delçevë, oficerë policie nga Stacioni Policor i Delçevës i informuan qytetarët për pasojat e dëmshme, por edhe për sanksionet nëse përdorin telefon celular gjatë drejtimit të automjetit".

"Seksioni i Preventivës i Sektorit të Punëve të Brendshme të Tetovës dje, në tregun e qytetit në Tetovë, zhvilloi një aktivitet parandalues për të mbrojtur qytetarët nga vjedhjet e xhepave. Zyrtarët policorë i informuan qytetarët se si të mbrohen nga krime të tilla, por edhe ku të raportojnë nëse përsëri bien viktimë".

"Oficerët e policisë nga RCGR Lindje kryen gjithashtu një aktivitet parandalues në Delçevë për parandalimin e krimeve kundër pronës me theks të veçantë në mbrojtjen nga mashtrimet, veçanërisht të drejtuara ndaj qytetarëve të moshuar".

"Përmes bisedave të drejtpërdrejta dhe shpërndarjes së materialeve edukative, qytetarët u informuan për llojin më të zakonshëm të mashtrimit me aksidente të rreme trafiku, ku mashtruesit, duke u paraqitur si oficerë policie, avokatë, prokurorë ose mjekë në telefon, kërkojnë një shumë të caktuar parash nga viktima. Ata u këshilluan që nëse marrin një telefonatë të tillë, duhet ta ndërpresin bisedën dhe menjëherë ta raportojnë rastin në një stacion policor ose në numrat e telefonit 112 ose 192", thonë nga MPB.

Barcelona është duke konsideruar si opsion qendërmbrojtësin Ron Raçi për të ardhmen e afërt.

Katalunasit janë në situatë të rëndë financiare, ndërsa vazhdimisht po shikojnë disa opsione më të lira, por që i përshtaten stilit të lojës së trajnerit Hansi Flick.

Siç raporton “Football Transfer News”, Raçi është emri më i ri në listën e Barcelonës, me gjigantin spanjoll që e preferon sepse luan me këmbën e majtë pavarësisht pozitës së qendërmbrojtësit.

“Barcelona po e skauton Ron Raçin, qendërmbrojtësin e Hajduk Splitit”.

“Barcelona aktivisht po përcjellë një qendërmbrojtës që luan me këmbë të majtë për sezonin tjetër. Një ndër emrat është Rron Raçi, mbrojtësi i ri i vlerësuar nga Hajduk Spliti, i cili ka impresionuar me top paraqitje në futbollin kroat”, thuhet ndër të tjera në njoftimin e tyre.

Ndërkohë, në listën e Barcelonës mbesin edhe qendërmbrojtësit e njohur si Alessandro Bastoni, Nico Schlotterbeck dhe Micky van de Veen.

Raçi mbetet tepër i rëndësishëm edhe për Kosovën, me përzgjedhësin Franco Foda që e sheh si opsion për play-offin e Kupës së Botës 2026./Telegrafi/

Krizantema indiane simbolizon forcën dhe qetësinë, ndërsa me paqen dhe bukurinë e saj krijon harmoni në jetën tuaj

Kur bëhet fjalë për lulet e dimrit, krizantema indiane zë një vend të veçantë, sepse është simbol i butësisë dhe qëndrueshmërisë, gjë që e bën zgjedhje perfekte për zbukurimin e shtëpisë dhe kopshtit.

Krizantema indiane, ndryshe nga llojet e tjera si krizantema koreane apo ajo e kopshtit, zakonisht ka lule më të vogla dhe më delikate dhe është e përshtatur për kultivim në klimë më të butë.

Krizantemat koreane, për shembull, njihen për lulet e tyre më të mëdha dhe ngjyrat e theksuara, nga e verdha dhe portokallia deri te e kuqja e thellë, ndërsa krizantema indiane është më shpesh në tone të buta, si e bardha dhe rozë.

Krizantema e kopshtit është më rezistente ndaj kushteve të ftohta dhe ka rritje më të dendur e më të pasur, ndaj përdoret shpesh për dekorimin e shtigjeve, ndërsa krizantema indiane, me pamjen e saj delikate, përshtatet më mirë si dekor i butë në vazo dhe kopshte më të vogla, transmeton Telegrafi.

Karakteristikat e krizantemës indiane

Pamja: Ka lule të pasura në nuanca të bardha, të verdha, rozë dhe vjollcë, shpesh me qendër të theksuar.
Madhësia: Lartësia e bimës mund të variojë nga 30 deri në 90 cm, në varësi të llojit dhe kushteve të rritjes.
Sezoni i lulëzimit: Lulëzon në fund të verës dhe gjatë vjeshtës, duke zbukuruar kopshtet në kohën kur shumica e luleve fillojnë të zbehen.
Rezistenca: E njohur për qëndrueshmërinë e saj, krizantema mund t’i përballojë temperaturat më të ulëta, gjë që e bën të përshtatshme për klima të buta dhe më të ftohta.

Kuptimi dhe simbolika e krizantemës

Në kulturën aziatike, krizantema përfaqëson gëzimin, jetëgjatësinë dhe paqen. Në feng shui rekomandohet si një lule që sjell harmoni dhe fat të mirë në shtëpi, prandaj është një zgjedhje e shpeshtë për dekorimin e hapësirave, veçanërisht në periudhën e vjeshtës.

Në shumë kultura, krizantema është simbol i bukurisë, ndërsa në Japoni lidhet me qetësinë dhe ekuilibrin shpirtëror.

Kultivimi dhe kujdesi për krizantemën indiane

Edhe pse duket delikate, krizantema është një bimë e qëndrueshme që kërkon kujdes të moderuar dhe është ideale si për adhuruesit e kopshtarisë, ashtu edhe për ata që sapo po zbulojnë botën e bimëve.

Këshilla për kultivim

Pozicioni: Rritet më së miri në vende me diell dhe dritë të mjaftueshme, por e toleron edhe hijen e lehtë.
Toka: Preferon tokë të drenazhuar mirë dhe pak acidike; mund të shtoni materie organike si komposti.
Ujitja: Ujiteni rregullisht, por shmangni mbingopjen e tokës, pasi lagështia e tepërt mund të shkaktojë kalbjen e rrënjëve.
Plehërimi: Gjatë sezonit të lulëzimit, shtoni herë pas here pleh të pasur me fosfor për lule më të shëndetshme dhe më të dendura.
Krasitja: Pas lulëzimit rekomandohet krasitja e pjesëve të thata dhe të dëmtuara, gjë që nxit rritjen e re në sezonin pasues.

Krizantema indiane nuk është vetëm një lule dekorative, ajo është një magjistare e vërtetë në kopsht dhe në shtëpi. Me petalet e saj të buta sjell elegancë, ndërsa njëkohësisht simbolizon forcën dhe qetësinë.

Shtojeni në këndin tuaj të natyrës dhe shijojeni teksa, me paqe dhe bukuri, krijon harmoni në jetën tuaj. /Telegrafi/

Federata Franceze e Futbollit ka nisur zyrtarisht procedurat për ta emëruar Zinedine Zidane si përzgjedhësin e ardhshëm të Kombëtares së Francës, raporton “L’Equipe”.

Sipas këtyre burimeve, gjithçka po shkon drejt një skenari që konsiderohet pothuajse i sigurt brenda futbollit francez.

Zidane shihet si pasuesi i natyrshëm i Didier Deschamps, i cili pritet të largohet nga posti pas Kupës së Botës 2026. Turneu botëror i vitit 2026 do të jetë edhe paraqitja e fundit e Deschamps në krye të “Gjelave”, përpara se Federata të hapë një kapitull të ri me një nga figurat më ikonike të historisë së futbollit francez.

Sipas raportimit, Zidane ka nisur tashmë punën në prapaskenë, duke përzgjedhur stafin e tij ndihmës, çka e përforcon edhe më shumë bindjen se emërimi i tij është vetëm çështje kohe. Brenda Federatës ekziston bindja se ai është profili ideal për të udhëhequr një brez të ri lojtarësh francezë drejt objektivave madhorë.

Zinedine Zidane nuk ka drejtuar asnjë klub që nga viti 2021, kur u largua nga posti i trajnerit të Real Madridit. Në periudhën e tij në krye të klubit madrilen, ai arriti suksese historike, duke fituar tri herë Ligën e Kampionëve, si dhe disa trofe të tjerë madhorë, duke u konsoliduar si një nga trajnerët më të suksesshëm të epokës moderne.

Emërimi i tij në krye të Francës do të shënonte një kthim të madh në futboll për Zidane, këtë herë në nivel kombëtar, me synimin kryesor për ta përgatitur ekipin pas Kupën e Botës 2026 dhe për të ruajtur statusin e Francës si një nga kombëtaret më të forta në botë./Telegrafi

Policia e Kosovës, Drejtoria Rajonale e Policisë në Gjilan, bazuar në autorizimin e Prokurorisë Themelore në Gjilan, me qëllim lokalizimin dhe identifikimin e vendndodhjes së personit, njofton opinionin publik se Xhengiz (Aliriza) Hyzeiri, i lindur më 15.07.2008, me adresë banimi në rrugën “Lufta e Gjilanit”, qyteti Gjilan, është shpallur person i humbur që nga data 02.01.2026, dhe deri më tani nuk dihet vendndodhja e tij.

Në kuadër të veprimeve hetimore dhe përpjekjeve për gjetjen e personit, Policia e Kosovës kërkon bashkëpunimin e qytetarëve.

"Çdo person që posedon informacion të dobishëm lidhur me vendndodhjen e personit të paraqitur në fotografinë e bashkëngjitur, lutet të njoftojë Policinë e Kosovës përmes njërës nga mënyrat në vijim: Stacioni më i afërt policor, aplikacioni digjital “Lajmëro Policinë”, e-mail: info@kosovopolice.com, numrat kujdestarë: 192".

Policia e Kosovës thotë se të gjitha të dhënat e ofruara nga qytetarët do të trajtohen me konfidencialitet të plotë./Telegrafi/

Kremrat kundër plakjes mund ta përmirësojnë pamjen e lëkurës, por efektiviteti i tyre varet nga përbërësit, përdorimi i saktë dhe nevojat e lëkurës suaj, ndaj premtimet nuk janë gjithmonë të njëjta me rezultatet

Ndër shenjat e para të plakjes së lëkurës janë vijat e holla, toni i zbehtë dhe humbja e elasticitetit, gjë që i shtyn shumë njerëz të përdorin kremra kundër plakjes. Në ditët e sotme, tregu i bukurisë është i mbushur me produkte që premtojnë lëkurë rinore, të ndritshme dhe pa rrudha. Por sa efektive janë realisht këto formula dhe a mund ta përmbysin vërtet procesin e plakjes?

Sipas ekspertëve, përfshirë Rashmi Sriram, dermatologe në Spitalin Fortis, Rajaji Nagar, Bengaluru, shkenca që qëndron pas këtyre kremrave dhe përbërësit e tyre janë thelbësorë dhe pikërisht këta faktorë përcaktojnë nëse një krem kundër plakjes është vërtet efektiv.

Çfarë mund të bëjnë kremrat kundër plakjes dhe çfarë jo

Kremrat kundër plakjes janë të dizajnuar për të përmirësuar pamjen e lëkurës që plaket, por efektiviteti i tyre varet nga formula, përqendrimi i përbërësve aktivë dhe përdorimi i rregullt. Sipas dr. Sriram, ato mund të përmirësojnë strukturën e lëkurës, të rrisin hidratimin dhe të zvogëlojnë praninë e vijave të holla, “por nuk mund t’i fshijnë përgjithmonë rrudhat apo të ndalojnë procesin natyror të plakjes.”

Plakja ndikohet nga një kombinim faktorësh si gjenetika, ekspozimi ndaj diellit, ndotja, zakonet e jetesës dhe rënia natyrore e kolagjenit dhe elastinës në trup me kalimin e kohës.
– Një krem i mirë kundër plakjes e mbështet strukturën dhe funksionin e lëkurës, por pritja e rezultateve dramatike brenda natës është joreale, transmeton Telegrafi.

shutterstock

Përbërësit në kremrat kundër plakjes që funksionojnë realisht

Retinoidet (retinol, retinaldehid, tretinoin)
Retinoidet janë standardi i artë, thekson dr. Sriram. Ato stimulojnë prodhimin e kolagjenit, rrisin rinovimin qelizor dhe ndihmojnë në reduktimin e vijave të holla dhe pigmentimit. Në fillim mund të shkaktojnë irritim, prandaj fillestarët duhet të nisin me përqendrime më të ulëta.

Vitamina C
Vitamina C është një antioksidant i fuqishëm që lufton radikalet e lira dhe ndriçon tonin e lëkurës. Ajo gjithashtu mbështet sintezën e kolagjenit, duke e bërë lëkurën më të fortë dhe më të shndritshme me kalimin e kohës.

Acidi hialuronik
Acidi hialuronik ndihmon lëkurën të ruajë lagështinë dhe ta bëjë atë më të plotë.
– Ofron një efekt të menjëhershëm hidratimi, duke i bërë vijat e holla më pak të dukshme – shpjegon dr. Sriram.

Peptidet
Peptidet stimulojnë lëkurën të prodhojë më shumë kolagjen. Me kalimin e kohës, ato kontribuojnë në forcimin dhe lëmimin e lëkurës.

AHA dhe BHA acide
Acidet si ai glikolik dhe salicilik eksfoliojnë qelizat e vdekura të lëkurës, përmirësojnë strukturën dhe rrisin përthithjen e përbërësve të tjerë.

Sa kohë nevojitet që të japin efekt?

– Kremrat kundër plakjes kërkojnë durim. Shumicës së përbërësve u duhen të paktën tetë deri në dymbëdhjetë javë për të shfaqur ndryshime të dukshme, thotë dr. Sriram. Retinoideve ndonjëherë u duhen edhe deri në gjashtë muaj. Përdorimi i rregullt dhe i saktë është kyç, ndërsa përdorimi i tepruar mund ta irritojë lëkurën dhe të neutralizojë efektet.

Kush duhet të fillojë përdorimin e kremrave kundër plakjes?

Ekspertët këshillojnë parandalimin.
– Nuk keni pse të prisni shfaqjen e rrudhave. Përbërësit më të butë kundër plakjes mund të përdoren që në mesin e të njëzetave për të ngadalësuar shenjat e hershme të plakjes, thotë dr. Sriram. Formula më të forta, si retinoidet, duhet të futen me kujdes, sidomos nëse keni lëkurë të ndjeshme ose të prirur ndaj akneve.

Si të zgjidhni kremin e duhur kundër plakjes

Gjatë përzgjedhjes, kushtojini vëmendje këtyre pikave:

• përbërje të shkurtër dhe efektive
  
• studime klinike ose rekomandime nga dermatologë
• paketim stabil (i mbyllur hermetikisht, jo transparent)
• zgjedhje sipas tipit të lëkurës suaj
• shmangni kremrat që premtojnë mrekulli ose rezultate të menjëhershme

/Telegrafi/

Shumë ekspertë të së drejtës penale shprehën vërejtje për ndryshimet e Kodit Penal gjatë debatit publik. Fokus kryesor ishte në nenin 353, i cili lidhet me ndryshimet e vitit 2023 që amnistuan zyrtarlt, si dhe në ndryshimet që përfshijnë veprat penale nga sistemi “Safe City”.

Profesoreshë Ana Çupeska kritikoi se këto ndryshime janë “kozmetikë ligjore” dhe një instrument i pushtetit për mbrojtjen e elitave politike.

“Nuk duhet të jeni kriminel për të kuptuar kur e drejta ndalon së qenë mbrojtëse e qytetarëve dhe transformohet në një instrument pushteti dhe mbrojtjeje të elitave politike. Shihen amnistime të qëllimshme për abuzime zyrtare përmes gjuhës së ndërlikuar dhe klauzolave subsidiarë“, tha profesoresha Ana Çupeska.

Profesori Sejfulla Osmani propozoi plotësime në Kodin Penal, duke sugjeruar që veprat e abuzimit të funksionarëve të mos mund të vjetrohen, praktikë kjo që aplikohet në Shqipëri.

“Unë do të shtoja një paragraf në nenin 353: dispozitat nga nenet 107 deri 111 për parashtrimin e çështjes nuk zbatohen për këtë vepër penale, as për nenin 353 V“, u shpreh profesori Sejfulla Osmani.

Avokatja Ruzhica Nikollovska tha se ndryshimet janë cilësore.

“Ky propozim për nenin 353 dhe ndryshimet në këtë pjesë është i mirëpritur; shtohet përdorimi i pozitës ose autoritetit të personit, dhe dukshëm rriten dënimet, duke ashpërsuar politikën penale“, deklaroi avokatja Ruzhica Nikollovska.

Megjithatë, avokati Zvonko Davidoviç theksoi nevojën për përmirësime, duke vënë në dukje se ka mungesa jo vetëm në nenin 353, ku nuk parashikohet sekuestrimi i përfitimeve materiale të zyrtarëve, por edhe në dispozitat që lidhen me sistemin “Safe City”.

“Parashikohet kur mund të sekuestrohet automjeti, në varësi të shpejtësisë 50 apo 70 km/h, por askund nuk parashikohet sekuestrimi i automjetit për shkak të 1.5 promil alkool ose drogë, që është më e rrezikshme. 50 km/h ose 1.5 promil alkool? E tmerrshme“, potencoi avokati Zvonko Davidoviç.

Ndryshimet e Kodit Penal vijnë pas shumë kritika nga Komisioni Evropian dhe në insistim të kryetarit të Gjykatës Kushtetuese. Në të njëjtën kohë, një grup pune në Ministrinë e Drejtësisë po përgatit një Kod Penal të ri, por nuk ka ende informacion se kur do të dalë para deputetëve për miratim.

Para Prime-it të së premtes, Labi ka zgjedhur të vijë me një mesazh të fuqishëm dhe domethënës, duke tërhequr menjëherë vëmendjen e publikut dhe fansave të spektaklit.

Ai është shfaqur me një stil të veçantë, ku flokët i kishte dizajnuar me akronimin e Ushtrisë Çlirimtare të Kosovës, UÇK, si një shenjë respekti dhe përkujtimi.

Ky veprim simbolik i Labit është parë si një gjest i guximshëm dhe me peshë të madhe emocionale, sidomos në prag të një nate të rëndësishme të spektaklit.

Mesazhi i tij është interpretuar si një homazh për sakrificën dhe historinë, duke treguar se edhe brenda një formati argëtues, ka hapësirë për mesazhe me vlerë kombëtare.

Reagimet e fansave nuk kanë munguar, pasi veprimi i Labit është pritur pozitivisht në rrjetet sociale, ku shumë prej tyre e kanë përgëzuar për qëndrimin dhe mënyrën kreative të shprehjes së respektit.

Ky moment e ka bërë Labin një nga figurat më të komentuara para Prime-it të radhës. /Telegrafi/

Jurgen Klopp është rishfaqur fuqishëm në ambientin e Real Madridit pas shkarkimit të Xabi Alonsos.

Nuk është hera e parë që trajneri gjerman lidhet me stolin madrilen, por këtë herë spekulimet janë shumë më të forta.

Gjatë sezoneve të fundit, disa media e kanë vendosur Kloppin në orbitën e Real Madridit. Megjithatë, asnjëherë nuk ka pasur një ofertë konkrete apo një lëvizje zyrtare nga gjiganti spanjoll.

Situata aktuale është ndryshe. Real Madridi po e vlerëson seriozisht drejtimin e projektit të ardhshëm dhe emri i Jürgen Klopp përputhet me profilin e kërkuar, përvojën dhe aftësinë për të udhëhequr një rindërtim të thellë të skuadrës.

Klopp po e konsideron seriozisht të marrë drejtimin e Real Madridit

Sipas raportimeve të Football365, Klopp do të ishte i gatshëm ta pranonte sfidën te Real Madridi, por ai nuk do të vinte duarbosh. Trajneri gjerman do të kishte një kërkesë prioritare për repartin e mesfushës.

Zgjedhja e tij do të ishte Bruno Guimaraes, mesfushori aktual i Newcastle United. Klopp e konsideron atë një pjesë kyçe për stilin e tij të lojës dhe një shtyllë mbi të cilën mund të ndërtohet projekti i ri.

Kjo zgjedhje ka befasuar shumëkënd, pasi Bruno Guimaraes nuk i ngjan profilit klasik të Luka Modric apo Toni Kroosit, referenca historike të mesfushës së Real Madridit.

Megjithatë, Klopp sheh te braziliani një mesfushor me lidership, energji dhe aftësi për të mbështetur një ekip intensiv dhe vertikal.

Për më tepër, ardhja e tij do të sillte një problem shtesë për Real Madridin. Guimaraes do të zinte një vend jo-BE, një burim shumë i kufizuar në planifikimin e ardhshëm të klubit.

Për këtë arsye, brenda klubit ekziston skepticizëm ndaj kësaj mundësie. Në të kaluarën ka pasur bisedime rreth brazilianit, por Real Madridi nuk kishte ndërmarrë asnjë veprim konkret./Telegrafi/

NATO ka njoftuar se Kroacia po hyn në një epokë të re të mbrojtjes së saj ajrore, pasi do të marrë plotësisht përgjegjësinë për mbrojtjen e hapësirës së saj ajrore me aeroplanë luftarakë modernë Rafale.

Siç thekson NATO në njoftim, aeroplanët Rafale kroatë do të integrohen në sistemin e integruar të mbrojtjes ajrore dhe raketore të NATO-s, duke forcuar kështu aftësitë e vetë Kroacisë, por edhe duke kontribuar në mbrojtjen kolektive të Aleancës.

Njoftimi i NATO-s thekson se kalimi nga MiG-21 në Dassault Rafale përfaqëson një hap të madh teknologjik dhe operacional.

Aleanca thotë se aeroplanët e rinj sjellin sensorë modernë, ndërveprim të plotë me aleatët dhe integrim të drejtpërdrejtë në sistemet e komandës dhe kontrollit të NATO-s.

NATO kujton se gjatë periudhës kalimtare, Italia dhe Hungaria siguruan mbrojtje të vazhdueshme të hapësirës ajrore kroate, të cilën njoftimi e përshkroi si një shembull të qartë të solidaritetit aleat.

Sipas njoftimit të alenacës, ekuipazhet kroate janë tashmë të trajnuara plotësisht dhe Rafalet janë në detyrë të vazhdueshme 24 orë në ditë, shtatë ditë në javë, duke forcuar më tej sigurinë kombëtare dhe mbrojtjen kolektive të NATO-s. /Telegrafi/

Përfaqësuesi i familjes së zyrtarit policor të vrarë, Afrim Bunjaku, i cili humbi jetën gjatë sulmit terrorist në Banjskë, avokati Arianit Koci, ka deklaruar se do të kërkojnë burgim të përjetshëm për të akuzuarit.

Koci, i ftuar në emisionin “FIVE” në televizionin Dukagjini, tha se mbrojtja e të akuzuarve po tenton ta relativizojë të gjithë sulmin terrorist.

“Procedura është dashur të kthehet nga fillimi, gjë që është shumë e keqe për atë që ka ndodhur. Kryetari i mëparshëm i trupit gjykues ka kaluar në një pozitë më të lartë dhe është dashur të ndërrohet trupi gjykues. Megjithatë, e kam mirëpritur disponimin pozitiv të kryetarit aktual, i cili ka pranuar të udhëheqë trupin gjykues për ta mbajtur dinamikën e gjykimit. Gjykimi duhet të zhvillohet edhe brenda një kohe të arsyeshme dhe, si përfaqësues i familjes Bunjaku dhe palëve të dëmtuara, insistoj që ky proces të përfundojë sa më shpejt. Në të njëjtën kohë, nuk duhet t’u lihet hapësirë të akuzuarve që, përmes zvarritjes së procedurës, të pretendojnë se u janë shkelur të drejtat e tyre”, u shpreh Koci.

Rasti “Banjska” drejt aktgjykimit, avokati Rudari kërkon burgim të përjetshëm për të akuzuari

Ai shtoi se këtë të premte, ditën kur edhe ka nisur gjykimi ndaj të akuzuarve, avokatja e njërit prej tyre ka tentuar të krijojë alibi.

“Sot mbrojtja po tenton, përmes disa propozimeve, ta relativizojë të gjithë këtë sulm terrorist. Avokatja e njërit prej të akuzuarve ka propozuar nëntë dëshmitarë të rinj, kinse për të gjetur alibi se i akuzuari nuk ka qenë në vendin e ngjarjes, por diku tjetër. Pra, personi që akuzohet nga Gjykata për kryerjen e sulmit terrorist bashkë me të tjerët po tenton të sigurojë alibi. Aktakuza është shumë e qartë – askush nuk është i akuzuar vetëm mbi një provë, por mbi shumë prova që i ngarkojnë për veprën. Ne e kemi parë ngjarjen edhe përmes pamjeve nga dronët dhe gjithçka ka qenë e qartë”, tha Koci.

Në fund, Koci theksoi se familja Bunjaku kërkon që rasti të përfundojë sa më shpejt dhe se ekzistojnë prova të mjaftueshme ndaj të akuzuarve, për çka ai ritheksoi se do të kërkojnë dënim me burgim të përjetshëm.

- YouTube youtu.be

Në një periudhë pasigurie gjeopolitike, inflacioni të lartë dhe mosbesimi në rritje ndaj sigurisë digjitale, shërbimi i vjetër bankar, marrja me qira e kasafortave po rikthehet sërish në fokusin e klientëve në Maqedoninë e Veriut, shkruan mediumi për çështje financiare dhe ekonomike Bloomberg Adria.

Edhe pse për dekada me radhë konsiderohej si shërbim i rezervuar për një rreth të vogël klientësh, sot po përdoret gjithnjë e më shpesh nga qytetarë që duan t’i mbrojnë fizikisht sendet e tyre më të çmuara: para të gatshme, stoli, ar, dokumente të rëndësishme, testamente, madje edhe mbajtës digjitalë me të dhëna të ndjeshme.

Bankat, nga ana e tyre, në heshtje vërejnë rritje të kërkesës, veçanërisht pas krizave të viteve të fundit, pandemisë, luftës në Ukrainë dhe rritjes së normave të interesit, të cilat kanë shtuar prirjen drejt “sigurisë materiale”.

“Interesi i qytetarëve për këtë shërbim është mjaft i lartë, veçanërisht vitet e fundit kemi vërejtur rritje të interesit”, thonë nga Hallkbank.

Inter raportohet se ka refuzuar një ofertë nga Galatasaray për Hakan Calhanoglu, por e ardhmja e mesfushorit turk përtej këtij sezoni mbetet ende në pikëpyetje.

Klubi nga Stambolli po shikon seriozisht tregun e Serie A, duke pasur në radar disa mesfushorë, përfshirë Youssouf Fofana të Milanit dhe pikërisht yllin e Interit.

Sipas një raportimit të fundit nga “Calciomercato.com”, situata e Calhanoglu vazhdon të monitorohet me vëmendje, ndërsa një transferim i mundshëm te Galatasaray ishte diskutuar edhe gjatë verës së kaluar. Interesi i klubit turk nuk është zbehur, por pengesa kryesore mbetet qëndrimi i fortë i Interit.

“SportsDigitale” ka raportuar se Inter ka refuzuar një ofertë nën 25 milionë euro për Calhanoglu. Nerazzurrët nuk kanë asnjë dëshirë ta shesin yllin e mesfushës gjatë afatit kalimtar të janarit, duke e konsideruar atë një element kyç në projektin sportiv aktual.

Megjithatë, e ardhmja e Calhanoglu në “Stadio Meazza” pas verës nuk është aspak e sigurt. Agjentët e lojtarit pritet të ulen në bisedime me drejtuesit e Interit për një rinovim të kontratës, pasi marrëveshja aktuale skadon në vitin 2027.

Në këtë fazë, Inter nuk është i gatshëm të heqë dorë nga Calhanoglu gjatë dimrit, por mbetet për t’u parë nëse palët do të arrijnë një marrëveshje për zgjatjen e kontratës./Telegrafi