Policia ka arrestuar një grua 45 vjeçe nga Gostivari, nën dyshime për vjedhje të stolive të arit në një shtëpi në Gostivar.
Sipas MPB-së, ari kapte vlerën e 9000 eurove.

“Më 22.12.2025, në orën 10:00, në fshatin Dobërdoll të Gostivarit, punonjës të policisë nga Njësia Policore Gallatë kanë ndaluar M.S. (45 vjeçe) nga fshati Kalishtë i Gostivarit. Ajo dyshohet se më herët gjatë ditës kishte kryer një vjedhje në një shtëpi në fshatin Gradec, pronë e H.A. (49 vjeç) nga fshati Gradec, ku mori stoli prej ari në vlerë rreth 9.000 euro".

"Stoli e marrë është gjetur dhe iu është kthyer pronarit, ndërsa M.S. është mbajtur në stacionin policor dhe pas dokumentimit të rastit kundër saj do të ndiqet me kallëzim të përshtatshëm penal”, thonë nga MPB.

Shumë qytete në vend përballen me ndotje enorme të ajrit. Situata është e rëndë edhe në Tetovë. Mjekët thonë se ajri i ndotur ka rritur numrin e thirrjeve në Urgjencë. Mjekët thonë se në rastet kur ndotja është e lartë qytetarët rekomandohen të mos qëndrojnë për gjatë kohë në ambiente të hapura, sidomos në mbrëmë kur ndotja arrin kulmin.

“Sikurse çdo vit, edhe sivjet numri i personave që kërkojnë ndihmë me paraqitjen e ndotjes është rritur, me ç’rast më së shpeshti janë problemet me frymëmarrjen, sëmundje të mushkërive dhe shpesh ka edhe persona që marrin edhe infeksione”, tha Igor Malldenovski, Udhëheqës i Ndihmës së shpejtë Tetovë.

Nga Komuna e Tetovës thonë se do të kontrollohen sidomos kompanitë, ndërsa do të punohet edhe në drejtim të ngritjes së vetëdijes për përdorimin e transportit publik.

“Ky plan parasheh disa aktivitete apo masa, siç janë kontrollet inspektuese nëpër fabrika që janë me instalime të lejes A dhe të lejes B, kompani të kontrollit teknik, pra kontroll të djegies që bëjnë që të jetë dru i thatë dhe të mos përdoren goma apo plastika e tjerë. Si komuna jemi duke hartuar edhe planin e mobilitetit i cili parasheh linjë të veçantë të transportit publik që do ul ndotjen që vjen nga komunikacioni i tepërt nga veturat”, tha Albi Qamili, komuna e Tetovës.

Ndotja e madhe e ajrit që paraqitet së fundmi në Tetovë, ka të bëj edhe me numrin e madh të automjeteve të vjetra më shumë se 15 vite./Alsat/

Të gjithë të lumtur dhe me trofe në duar. Por pas sukseseve personalë, menjëherë pas ceremonisë së “Topit të Artë” shqiptar, rivaliteti për triumfin ekipor në Kategorinë Superiore nxjerr sërish krye, mes urimit dhe dëshirës për të fituar nga vetë protagonistët.

Bekim Balaj fitoi “Topin e Artë” dhe “Këpucën e Artë”, por sulmuesi dhe kapiteni i Vllaznisë është gati t’i shkëmbejë me suksesin e skuadrës. Por shkodranët duhet të mundin rivalitetin e fortë të kundërshtarëve, mes tyre Egnatia, kampione në fuqi. Trajneri i saj, Edlir Tetova, i zgjedhur sërish si më i miri i vitit, nuk do të ndalet këtu.

Mes fituesëve të mbrëmjes së futbollit shqiptar ishte edhe Devi Bregu. Ai u zgjodh si pjesë e “Skuadrës së Vitit”, por objektivat e tij me Dinamo City deri në fund të 2025 janë të mëdha.

Kategoria Superiore ka edhe dy ndeshje në program deri në fund të 2025, ndërsa një takim i rëndësishëm është finalja e Superkupës së Shqipërisë me 28 dhjetor.

TIRANË, 15 dhjetor/ATSH/ Për të dytin vit radhazi, tekniku i Egnatias, Edlir Tetova është shpallur fitues i trofeut “Trajneri i vitit 2025”, pas një tjetër edicioni të shkëlqyer me ekipin rrogozhinas, me të cilin fitoi kampionatin.

Të nominuar për të fituar këtë trofe ishin edhe trajneri i Vllaznisë, Edi Martini, trajneri i Elbasanit, Ivan Gozdenoviç dhe trajneri i Bylisit, Mirel Josa.

Në Mbrëmjen Gala që po mbahet sonte në Teatrin Kombëtar të Operas dhe Baletit, trajneri i ekipit Kombëtar, Silvinjo i dorëzoi trofeun e rëndësishëm, Edlir Tetovës, i cili u shpreh i lumtur që është vlerësuar me këtë çmim për të dytin vit radhazi.

/r.e/

The post Edlir Tetova shpallet “Trajneri i Vitit” appeared first on Agjencia Telegrafike Shqiptare.

SPB Tetovë njofton se sot rreth orës 08:00, zyrtarët policor e privuan nga liria 30-vjeçarin F.R. nga fshati Orash, komuna e Jegunovcës.

"Gjatë kontrollit në shtëpinë e tij në fshatin Orashje, të kryer me urdhër gjykate, u gjetën dhe u konfiskuan një pushkë automatike 7.62 mm me dy karikatorë me gjithsej 22 fishekë 7.62 mm, 78 fishekë të markës dhe kalibrit të panjohur, marihuanë, një mulli dhe një peshore dixhitale".

"Gjatë kontrollit në shtëpinë e tij u gjet edhe I.D. (34) nga Republika Federale e Gjermanisë, e cila u arrestua dhe u ndalua në stacion policor për tejkalim të afatit të qëndrimit të saj turistik", thonë nga SPB Tetovë.

Gjithashtu thonë se F.R. është ndaluar në stacion policor dhe pas dokumentimit të plotë të rastit, kundër tij do të ngrihen akuza përkatëse.

SPB Tetovë ka njoftuar për dy raste të ndryshme, në të cilat janë ndaluar dy të rinj për shkak të posedimit të lëndëve narkotike.
Nga SPB Tetovë thonë se ndaj tyre do të dorëzohen aktakuza përkatëse.

"Më 08.12.2025 në orën 20:00 në një rrugë lokale në fshatin Gllogjë të Tetovës, punonjësit e policisë nga Njësiti Policor Tearcë e kanë privuar nga liria personin A.F. (24) nga fshati Tearcë e Tetovës. Gjatë kontrollit të automjetit të pasagjerëve "Opel" me targa të Tetovës, të cilin ai e drejtonte, dhe gjatë kontrollit të tij personal, është gjetur dhe konfiskuar marihuanë. A.F. është ndaluar në stacionin policor dhe pas dokumentimit të rastit kundër tij do të vijojë parashtresë përkatëse".

"Më 08.12.2025 në orën 19:20 në rrugën rajonale Tetovë-Shkup, punonjësit e policisë nga Njësiti Policor Grupçin e kanë privuar nga liria personin M.I. (25) nga fshati Pallaticë për shkak se tek ai është gjetur dhe konfiskuar marihuanë. Ai është ndaluar në stacionin policor dhe pas dokumentimit të rastit kundër tij do të hartohet parashtresë përkatëse", thonë nga SPB Tetovë.

Në dhjetëditëshin e parë të muajit dhjetor, në Tetovë vërehet një atmosferë e zbehur festive. Edhe pse qytetarët tashmë katër vite nuk e kanë parë qytetin e zbukuruar për festat e fundvitit, ata shprehen se këtë vit Tetova duhet të zbukurohet. Sipas tyre, duhet të ndihet fryma e festës dhe zbukurimi i qytetit do të ishte një hap i mirë që Tetova të jetë si të gjitha qytetet e tjera.

“Besoj se po, është festë për të gjithë qytetarët dhe shumë kohë qyteti nuk ka qenë i zbukuruar. Duhet të zbukurohet".

“Duhet të zbukurohet, të kemi një atmosferë festive – jemi bërë zi".

“Po, patjetër.”

“Qyteti i Tetovës duhet të zbukurohet, meqë nuk është zbukuruar këto katër vitet e fundit. Këtë vit mendoj se duhet të zbukurohet, sepse qytetarët duhet të jenë të kënaqur me pamjen e qytetit".

Nga Komuna e Tetovës thonë se këtë vit qyteti do të zbukurohet, por se po presin oferta më të mira dhe mënyrat për të mbuluar shpenzimet financiare për zbukurimin e tij.

“Po, qyteti do të zbukurohet për festat e fundvitit. Jemi duke mbledhur ofertat më të mira dhe duke parë mundësinë se si do të mbulohet financiarisht. Qyteti do të zbukurohet për festat e fundvitit. Besoj se nga 10 dhjetori do të nisë edhe zbukurimi”, theksoi Albi Qamili, zëvendëskryetar i Komunës së Tetovës.

Qytetarët e Tetovës, gjatë festave të fundvitit në katër vitet e fundit, janë detyruar të shkojnë në qytete të tjera për të festuar natën e ndërrimit të viteve, pasi Tetova nuk ka pasur asnjë organizim në qendër të qytetit./TV21/

Shefja e Sektorit për Çështje të Trafikut në Ministrinë e Punëve të Brendshme, Maja Arsovska-Manov, në një paraqitje në TV Telma, deklaroi se sistemi elektronik "Safe City" aktualisht funksionon në të gjithë territorin e Qytetit të Shkupit, dhe deri në fund të dhjetorit do të aktivizohet edhe në Kumanovë dhe Tetovë.

Ajo shpjegoi se ky është një sistem plotësisht i aktivizuar për zbulimin automatik të shkeljeve të trafikut, i cili siç tha, tashmë po jep rezultate në Shkup, përcjell Telegrafi Maqedoni.

"Deri në fund të këtij muaji, planifikojmë ta vëmë në funksion në Kumanovë dhe Tetovë, dhe nga viti i ardhshëm i njëjti sistem do të zbatohet në territorin e të gjithë vendit", tha Arsovska Manov.

Sipas MPB-së, pajisjet janë instaluar edhe në Korridoret 8 dhe 10, dhe regjistrimi automatik i shkeljeve të trafikut në këto rrugë kritike pritet të fillojë në çdo moment.

Ajo gjithashtu theksoi më tej se aktualisht nuk ka statistika të përgjithshme për aksidentet ose shkeljet, pasi çdo ditë nga qytetarët merren raportime.

"Nuk mundëm të bënim llogaritje menjëherë. Ndërsa qytetarët raportojnë defekte dhe keqfunksionime në sistemin e kamerave, ekipet dalin menjëherë dhe i rregullojnë ato. Periudha është e shkurtër që ne të dalim me statistika dhe të themi se është mirë, po zvogëlohet, duhet kohë", shton Arsovska-Manov./Telegrafi/

Ditën e djeshme, trajneri i Egnatias Edlir Tetova, i është nënshtruar një ndërhyrje në zemër në një nga spitalet e kryeqytetit, që për fat të mirë ka shkuar në rregull dhe raportohet se trajneri është në gjendje të normalizuar.

Gjithçka në fakt ka ndodhur shumë shpejt në dy ditët e fundit dhe “Panorama Sport”, ka mësuar detaje të kësaj ngjarje që ka tronditur jo pak klubin rrogozhinas.

Mësohet se tekniku ka ndjerë shqetësime në natën e së hënës dhe është kërkuar ndërhyrja e ambulancës për ta dërguar në spital.

Atje, pas vizitave përkatëse, i është identifikuar problemi në zemër dhe i është bërë e qartë që kishte nevojë për ndërhyrjen kirurgjikale.

Procedurë e cila është kryesor sot me sukses dhe tashmë pritet të mësohet vetëm sa kohë do të qëndrojë larg fushave të lojës tekniku durrsak i rrogozhinasve.

The post Prapaskenat e ndërhyrjes kirurgjikale në zemër të Edlir Tetovës, trajneri i Egnatias u dërgua me urgjencë në spital appeared first on Albeu.com.

Tronditje për Egnatian! Trajneri i kampionëve të dyfishtë të Shqipërisë, Edlir Tetova, i është nënshtruar sot një ndërhyrje kirurgjikale në zemër.

Mësohet se trajneri ka kryer këtë ndërhyrje në një nga spitalet e kryeqytetit dhe gjithçka ka kaluar me sukses sipas burimeve pranë klubit, i cili gjithsesi deri tani nuk ka reaguar zyrtarisht për ngjarjen në fjalë. Tetova është nën kontrollin e mjekëve dhe sipas informacioneve të para, pritet të rikuperohet plotësisht nga kjo situatë.

Pritet që ekipin në vijim, deri në kthimin e trajnerit, ta drejtojë asistenti i tij, Juljan Brahja.

The post Probleme me zemrën, Edlir Tetova i nënshtrohet ndërhyrjes kirurgjikale appeared first on Albeu.com.

Trajneri i ekipit të Egnatia, Edlir Tetova, i është nënshtruar sot një ndërhyrje kirurgjikale në zemër. Mësohet se trajneri ka kryer këtë ndërhyrje në një nga spitalet e kryeqytetit dhe gjithçka ka kaluar me sukses sipas burimeve pranë klubit, i cili gjithsesi deri tani nuk ka reaguar zyrtarisht për ngjarjen në fjalë. Tetova është nën […]

The post Probleme me zemrën/ Trajneri i Egnatias i nënshtrohet ndërhyrjes kirurgjikale appeared first on BoldNews.al.

Edhe shqiptarët në Maqedoninë e Veriut shënuan festën e 28 nëntorit, ditën e Flamurit Shqiptar.

Me rastin e kësaj feste, disa qytetarë me kuaj, të veshur me tesha kombëtare dhe në duar mbanin flamuj kombëtar, defiluan rrugëve të Tetovës.

Për nder të kësaj date të rëndësishme për kombin shqiptar, aktivitete festive u zhvilluan në shkollat fillore dhe të mesme të Tetovës.

"Në vigjilje të festës së Flamurit, ditës së Pavarësisë së Shqipërisë ne si komunë e Tetovës ,si çdo vit po përkrahim të gjitha aktivitetet që po mbahen thuajse në çdo shkollë fillore dhe të mesme të Komunës së Tetovës", ka thënë Albi Qamili, zëvendëskryetar i Komunës së Tetovës.

28 nëntori në atmosferë festive u shënua edhe në shkollën "Ismail Qemali" në Shkup.

Kësaj ceremonie iu bashkua edhe kryetari i Komunës së Çairit, Izet Mexhiti.

“Kjo ceremoni merr një rëndësi të veçantë sepse zhvillohet në një shkollë që mban emrin e udhëheqësit të pavarësisë Ismail Qemali emri i tij është i lidhur në ditën e sotme po aq sa flamuri që valëvitet me krenari sepse ishte ai që i dha kombit drejtim, vizion, dhe qartësi në momentet më vendimtare të historisë sonë", tha ai.

Për Festën e Flamurit, urimet e tyre për të gjithë shqiptarët, kanë përcjellë të gjithë liderët politikë shqiptarë në Maqedoninë e Veriut.

Komuna e Tetovës informon se do ta largojë barakën e cila ishte vendosur në parkun afër Xhamisë së Larme. Në një njoftim të shkurtët nga komuna, thuhet se baraka do të largohet me kërkesë të banorëve.

“Me kërkesë të banorëve, infoqendra do të largohet nga hapësira te Xhamia e Pashës”, informoi Komuna e Tetovës.

Ndryshe, për sot Komuna e Tetovës kishte planifikuar që ta promovojë këtë info-qendër, por pas reagimit të madh në opinion vendosën që ta largojnë.

Nga Iniciativa "Më mirë për Tetovën" dje thanë se është e papranueshme që kryetari i sapozgjedhur të lejojë shëmtimin e pamjes së Xhamisë së Larme./Telegrafi/

Vendosja e një kontejneri në parkun afër Xhamisë së Larme në Tetovë, ka nxitur reagime në opinion. Më mirë për Tetovën thotë se kanë kërkuar sqarim lidhur me arsyen e shtrimit të bekatonëve, ndërsa thonë se kanë marrë përgjigje se në atë lokacion nuk planifikohet të vendoset barakë.

"Ajo për të cilën alarmuam, fatkeqësisht ndodhi: dje, në parkun e Xhamisë së Pashës u vendos një kontejner, i cili shëmton dhe poshtëron vlerën e këtij objekti kulturor-fetar. Të vetëdijshëm për mendësinë e kësaj udhëheqësie komunale dhe asaj që përgatisin, më datë 30.09.2025 i jemi drejtuar Komunës së Tetovës me kërkesë për sqarim lidhur me arsyen e shtrimit të bekatonëve në parkun pranë Xhamisë së Pashës".

"Ndaj kërkesës sonë, kemi pranuar përgjigje me shkrim nga Kryetari i Komunës, z. Bilall Kasami, i cili ka siguruar se në atë lokacion nuk planifikohet të vendoset barakë. Por sot qytetarët e Tetovës janë dëshmitarë që ai dje neve të gjithëve na gënjeu dhe pikërisht në Parkun e Xhamisë së Larme u vendos baraka".

"Është e papranueshme që Kryetari i posa zgjedhur i Komunës, i cili ka për detyrë të mbrojë interesat e qytetarëve, të lejojë shëmtimin e pamjes së Xhamisë së Pashës, me një objekt për përfitime të vogla financiare. Tetova nuk meriton gënjeshtra dhe manipulime të ulta!", thonë nga "Më mirë për Tetovën".

Pas një ndalese për përdorim të ujit për pije prej disa ditësh, analizat e sotme flasin se uji është i pastër në aspektin mikrobiologjik dhe i njëjti mund të përdoret edhe për pije. Këtë e bëri të ditur Drejtori i Ndërmarrjes Publike Komunale Sharri i cili gjithashtu tha se dita e sotme shënohet edhe me rritjen e sasisë së ujit nëpër burimet e vendit.

“Sot kemi marrë gjitha analizat që i dërguam në datë 27 e deri më sot dhe këto analiza konfirmojnë se, nga sot uji mund të pihet nga gjithë qytetarët e Tetovës. Sot poashtu kemi një gjendje më të mirë, sepse nëse deri dje kemi pasur litra ujë në sekondë sot kemi afër 300 litra ujë nga gjithë puset”, tha për Alsat, Valon Zeqiri, Drejtor i NPK Sharri, Tetovë.

Sipas Zeqirit, kjo sasi e ujit është më se e mjaftueshme për gjithë qytetarët, por keqpërdorimi i ujit si dhe rrjeti i vjetërsuar në disa vende bën që i njëjti të humbet. Apelon për shfrytëzim racional.

“Për qytetin e Tetovës, edhe verës ku kemi 500 litra ka ankesa, por në bazë të studimit të bërë të mjaftueshme janë vetëm 250 litra ujë në sekondë për gjithë qytetarët e Tetovës, por rrjeti i vjetërsuar dhe harxhimi panevojshëm apo keqpërdorimet e tepërta bëjnë që mos ketë ujë për gjithë qytetarët. Apeloj gjithë qytetarët që sidomos në këtë periudhë të vjeshtës të kenë sa më shumë kujdes me përdorimin e ujit”, u shpreh Valon Zeqiri, drejtor i NPK Sharri, Tetovë.

Uji për pije në Tetovë u ndalua për përdorim para katër ditësh, si pasojë e reshjeve të mëdha të shiut, të cilat sollën deri tek turbullimi i burimit të ujit në Leshnicë, ndërsa gjethet e rëna të kësaj stine, ndikuan që uji të kishte edhe një aromë.

Ndërmarrja Publike Komunale “Sharri” Tetovë ka bërë të ditur se uji në Tetovë nuk është i përshtatshëm për pije, pasi siç thanë, ka ndodhur turbullim i burimit për shkak të reshjeve të dendura të shiut.

N.P.K “Sharri” tha se gjatë ditës së nesërme do të kryhen edhe analizat e ujit dhe do të njoftohen qytetarët kur mund ta shfrytëzojnë ujin për pije.

“Ju njoftojmë se brenda një ore do të fillojë lëshimi i ujit në rrjetin e furnizimit në gjithë qytetin. Megjithatë, për shkak të reshjeve të dendura që vazhdojnë edhe sonte në rajonin e Kodrës së Diellit, ka ndodhur turbullim i ujit në burimet e Sharrit, dhe uji vazhdon të jetë i turbullt dhe i papërshtatshëm për pije. Qytetarët luten që ujin ta përdorin vetëm për nevoja elementare (si higjienë dhe pastrim), derisa të përfundojnë analizat e reja laboratorike. Analizat e radhës do të kryhen nesër, pas së cilës qytetarët do të informohen menjëherë për rezultatet dhe cilësinë e ujit. Faleminderit për mirëkuptimin dhe bashkëpunimin tuaj”, thuhet në njoftimin e N.P.K “Sharri” – Tetovë.

TIRANË, 17 tetor/ATSH/ Riza Durmisi, ish-futbollist i Kombëtares së Danimarkës dhe emër i njohur në klube të mëdha europiane si Lazio, Real Betis dhe Brøndby IF, ka shprehur publikisht vlerësimin e tij për talentin e ri shqiptar nga Tetova, Lavdrim Kasami.

“Futbollisti i ri që më ka lënë mbresa të thella, Lavdrim Kasamin, është një djalosh që përfaqëson me krenari futbollin shqiptar”, thekson Durmisi.

Ai rrëfen se e ka parë personalisht Lavdrimin në lojë dhe është impresionuar nga cilësitë që ka treguar në fushë.

“E kam parë me sytë e mi dhe mund të them me plot bindje: është një talent i spikatur. Më ka habitur mënyra se si luan me të dyja këmbët me lehtësi, kjo është shumë e rrallë, madje edhe te lojtarë me përvojë të gjatë. Ka teknikë të pastër, lexon lojën mirë dhe ka guxim. Është i qetë me topin dhe sillet si një lojtar i formuar”, u shpreh ai.

Për Durmishin, ftesa e Lavdrimit nga Kombëtarja U19 për ndeshjen kundër Irlandës është një hap i rëndësishëm në rrugëtimin e tij.

“Kjo është një shenjë se ai po ecën drejt një karriere serioze. Ai luan për Shkëndijën e Tetovës, një klub me emër të madh mes shqiptarëve. Kam dëgjuar gjithashtu se ka interesim nga një klub nordik dhe një mundësi prove në Itali gjë që tregon vlerësimin që po merr”, tha Durmisi.

Ish-mbrojtësi i Lazios dhe Betisit dërgon një mesazh të qartë për klubet dhe përfaqësuesen shqiptare.

“Lavdrim Kasami është një lojtar që duhet mbajtur në vëmendje. Ka potencial real për të qenë pjesë e së ardhmes së Kombëtares. Me besim dhe përkrahje, do të provojë vlerat e tij me paraqitjet në fushë”, theksoi Durmisi.

/e.i/j.p/

The post Ish-lojtari i Lazios për futbollistin Kasami: Është talent, duhet ndjekur nga afër appeared first on Agjencia Telegrafike Shqiptare.

Tetova sot mbeti pa ujë për shkak të një sërë defektesh në rrjetin e ujësjellësit.

Ndërmarrja Publike "Sharri" informoi se probleme kanë lindur në më shumë se dhjetë lokacione në qytet që kërkojnë ndërhyrje urgjente.

"Për shkak të defekteve të shumta, jemi të detyruar të ndërpresim përkohësisht furnizimin me ujë në të gjithë qytetin. Ekipet janë në terren dhe punojnë me kapacitet të plotë për të riparuar të gjitha defektet sa më shpejt të jetë e mundur", njoftoi kompania.

"Sharri" njoftoi se furnizimi me ujë do të rikthehet menjëherë pasi të përfundojnë të gjitha riparimet dhe u bëri apel qytetarëve të tregojnë mirëkuptim ndërsa ndërhyrjet janë duke vazhduar.

TIRANË, 2 tetor /ATSH/ Drejtoria Teknike e Federatës Shqiptar të Futbollit ka vlerësuar teknikun e Egnatias, Edlir Tetova, si “Trajnerin e muajit shtator”, pas ecurisë fantastike të skuadrës rrogozhinase gjatë këtyre javëve.

Nën drejtimin e Tetovës, Egnatia ka arritur të fitojë të tria ndeshjet e zhvilluara në shtator, kundër Bylisit, Tiranës dhe Flamurtarit.

Në një prononcim për fshf.org, Tetova u shpreh i kënaqur për vlerësimin, duke ia kushtuar trofeun stafit teknik dhe lojtarëve të tij

“Mendoj që është një trofe që na jep shtysë për më shumë. Është afat shkurtër, po jam shumë i kënaqur. Është dedikim për stafin tim sepse nuk fitohet i vetëm dhe për lojtarët e mi të Egnatias, që janë më të mirët”, tha Edlir Tetova, në prononcimin e tij për fshf.org.

1 nga 3

/gj.m/r.e/

The post Edlir Tetova shpallet “Trajneri i muajit shtator”, tekniku i Egnatias: Ia kushtoj stafit dhe lojtarëve appeared first on Agjencia Telegrafike Shqiptare.

Në Komunën e Tetovës sot u mbajt mbledhja e Këshillit Komunal për Preventivë, ku u zgjodhën anëtarët e Këshillit Lokal për Preventivë, informoi Zyra për Komunikime dhe Marrëdhënie me Publikun.

Në këtë takim morën pjesë përfaqësues nga institucionet shtetërore, bashkësitë fetare dhe organizata të tjera të rëndësishme.
Kryetari i Komunës së Tetovës, Bilall Kasami, në fjalën e tij theksoi se ky këshill është themelor për parandalimin e dukurive që rrezikojnë kohezionin shoqëror.

“Si qytet dhe si shtet multietnik e multikonfesional, kemi detyrim të përcjellim mesazhe unifikuese dhe të forcojmë frymën e bashkëjetesës. Vetëm kështu do të garantojmë stabilitet dhe të ardhme më të sigurt për qytetarët tanë,” theksoi Kasami.

Sipas Kasamit, Komuna e Tetovës, në bashkëpunim të ngushtë me policinë, prokurorinë, qendrat sociale, shkollat dhe prijësit fetarë, do të ndërmarrë hapa konkretë që qytetarët të jetojnë në paqe, harmoni dhe respekt të ndërsjellë.

“Angazhimi ynë i përbashkët është garanci se qytetarët e Tetovës do të ndihen të mbrojtur, të respektuar dhe të barabartë, pavarësisht përkatësisë etnike apo fetare. Vetëm përmes bashkëpunimit mund të ndërtojmë një shoqëri më të drejtë dhe më të fortë”, theksoi kryetari Kasami.