Arrestimi i Burim Shalës në Prizren është paraqitur si rezultat i veprimeve hetimore të organeve të rendit, por informacione të reja që kanë arritur në redaksinë e Sinjalit hedhin dyshime serioze mbi mënyrën dhe qëllimin e këtij arrestimi.

Burime të besueshme nga strukturat e afërta me procedurën, bëjnë të ditur se arrestimi nuk ka qenë produkt i një operacioni tipik hetimor, por dyshohet të ketë qenë rezultat i një dakordimi paraprak, me qëllim që i dyshuari të paraqitet para organeve pa rrezikuar caktimin e masës së paraburgimit.

Sipas këtyre burimeve, ekziston pritja që prokurori i rastit, Halim Borovci, të mos insistojë në caktimin e paraburgimit ndaj Shalës, pavarësisht faktit se ai kishte qenë në arrati dhe se ndaj tij rëndojnë dyshime për keqpërdorime me dëm të konsiderueshëm të pretenduar.

Gjithnjë sipas të njëjtave burime, skenari i mundshëm procedural pritet të orientohet drejt një mase më të butë sigurie, çka ka ngritur pikëpyetje brenda qarqeve profesionale për standardin e trajtimit të rasteve të ngjashme.

Megjithatë, deri në këtë fazë nuk ka vendim zyrtar nga gjykata për masën e sigurisë dhe mbetet të shihet nëse prokuroria do të kërkojë paraburgim apo ndonjë alternativë tjetër ligjore.

Sinjali është duke tentuar të marrë një qëndrim zyrtar nga prokurori i rastit dhe nga institucionet përkatëse. Sapo të sigurohet përgjigjja, ajo do të publikohet e plotë.

Çështja mbetet në zhvillim dhe vendimmarrja e radhës pritet të sqarojë nëse arrestimi ishte sukses real hetimor apo pjesë e një zgjidhjeje të negociuar procedurale.

The post Ekskluzive | Arrestimi i Burim Shalës sukses hetimor apo skenar për masë më të butë? Burimet flasin për dakordim paraprak appeared first on Sinjali.

Përdorimi i inteligjencës artificiale (AI) në skanimet apo mamografitë për kancerin e gjirit ka ulur me 12 për qind rastet e diagnostikimit të vonshëm pas kontrollit fillestar, sipas një studimi të madh të realizuar në Suedi, ka raportuar The Guardian.

Studimi, i publikuar në revistën mjekësore The Lancet, ka përfshirë rreth 100 mijë gra që iu nënshtruan mamografisë mes viteve 2021 dhe 2022.

Gratë u ndanë rastësisht në dy grupe: një grup me mamografi të mbështetur nga AI dhe një grup me lexim standard nga dy radiologë.

Sistemi i inteligjencës artificiale analizonte imazhet e mamografisë, duke i ndarë rastet me rrezik të ulët për lexim nga një radiolog dhe ato me rrezik të lartë për lexim të dyfishtë, si dhe duke theksuar gjetjet e dyshimta për t’i ndihmuar mjekët.

Rezultatet treguan se në grupin me AI kishte 1.55 raste kanceri në 1,000 gra, të identifikuara me vonesë në vitet pasuese pas kontrollit, krahasuar me 1.76 raste për 1,000 gra, të identifikuara me vonesë pas kontrollit, në grupin pa AI.

Po ashtu, 81 për qind e rasteve të kancerit në grupin me AI u zbuluan gjatë mamografisë, krahasuar me 74 për qind në grupin kontrollues.

Në grupin e mbështetur nga AI u regjistruan edhe rreth 27 për qind më pak forma agresive të kancerit.

Autorja kryesore e studimit, doktoresha Kristina Lang nga Universiteti i Lundit, ka thënë se teknologjia ka potencial të madh, por kërkon kujdes.

“Zbatimi i gjerë i mamografisë me mbështetje nga AI mund të ndihmojë në uljen e ngarkesës për radiologët dhe në zbulimin më të hershëm të kancerit, përfshirë format agresive”, ka thënë ajo, duke shtuar se “futja e AI-së në shëndetësi duhet të bëhet me kujdes dhe me monitorim të vazhdueshëm”.

Ani pse rezultatet janë premtuese, studiuesit theksojnë se AI-ja nuk duhet të zëvendësojë profesionistët e shëndetësisë, pasi mamografia kërkon gjithmonë të paktën një radiolog që të bëjë leximin.

Doktoresha Sowmiya Moorthie nga Cancer Research UK ka thënë se gjetjet janë inkurajuese, por kërkojnë më shumë studime.

“Ky studim ndihmon në adresimin e shqetësimeve, por është realizuar në një qendër të vetme, ndaj nevojiten studime të tjera për të kuptuar nëse kjo do të shpëtojë jetë”, u shpreh ajo.

Ndërkohë, Simon Vincent nga organizata Breast Cancer Now ka thënë se studimi tregon potencial të madh për diagnostikim më të hershëm.

“Sa më herët të zbulohet sëmundja, aq më të mëdha janë shanset për trajtim të suksesshëm”, ka theksuar ai.

Sinjali – aty ku e vërteta flet para lajmit!

/GazetaSinjali/

The post Përdorimi i AI-së në mamografi ul rastet e kancerit të gjirit të diagnostikuar me vonesë appeared first on Sinjali.

Bashkimi Europian planifikon të pranojë Ukrainën deri në vitin 2027 për t’i dhënë akses në buxhetin e ardhshëm të BE-së, pretendon Orbán i Hungarisë. Por, ndërsa Volodymyr Zelenskyy këmbëngul në objektivin e tij për anëtarësim në vitin 2027, po aq i vendosur është Viktor Orbán në kundërshtimin e këtij hapi.

Në pamje të publikuara nga zëdhënësi ndërkombëtar i Hungarisë, Zoltán Kovács, Orbán ka pohuar se gjatë samitit të fundit të BE-së, liderëve iu dha një dokument që përshkruante planet e Brukselit për të pranuar Ukrainën në vitin 2027.

“Ata duan ta pranojnë Ukrainën në vitin 2027. Arsyeja është se duan t’i japin Ukrainës para nga buxheti, buxheti shtatë vjeçar europian që nis në vitin 2028. Kjo do të thotë… do të merret nga ne, europianët qendrorë”, tha ai.

“Pra, ka një afat të kufizuar për ta sjellë Ukrainën në BE para fillimit të buxhetit të ardhshëm shtatë vjeçar”, shtoi ai.

Orbán përsëriti kundërshtimin e tij ndaj anëtarësimit të Ukrainës në BE, duke thënë se Ukraina “nuk mund ta mbrojë Europën nga Rusia” dhe nuk do ta forconte Europën, por “do të na tërhiqte në luftë”.

“Paratë që ne japim ose duam t’i japim Ukrainës duhet të përdoren për të zhvilluar ushtritë dhe pajisjet e vendeve europiane. Linja jonë e mbrojtjes ndaj Rusisë nuk është kufiri ukrainaso-rus, por aty ku mbaron kufiri i NATO-s”, tha ai.

Ai shtoi se Ukraina duhet të mbahet mes dy blloqeve për siguri.

Siç shkruan The Guardian këto komente duhen lexuar në kontekstin e zgjedhjeve të ardhshme në Hungari, ku çështja e Ukrainës do të jetë një nga temat kryesore dhe Fidesz i Orbán aktualisht është 10 pikë përqindje prapa partisë opozitare Tisza.

Sipas sondazhit më të fundit, të kryer nga Zavecz Research dhe publikuar në faqen e lajmeve Telex, ndër votuesit e vendosur Tisza kishte 49% mbështetje, nga 47% në nëntor, ndërsa Fidesz mori 39%, nga 38% në nëntor. Partia e ekstremit të djathtë Mi Hazank (Atdheu Ynë) mbështetej nga 5% e votuesve të vendosur.

Sinjali – aty ku e vërteta flet para lajmit!

/GazetaSinjali/

The post Hungaria dyfishon kundërshtimin ndaj pranimit të Ukrainës në BE, ndërsa Zelensky synon vitin 2027 appeared first on Sinjali.

Rikthimi emocional i Gjestit me këngën “Memories” ka ngjallur reagime të shumta, mes tyre edhe atë të Rozana Radit, e cila ka zgjedhur të flasë me pak fjalë, por me shumë ndjenja.

Rozana ka ndarë në Instagram një video nga projekti i ri i Gjestit, të shoqëruar me vargun prekës: “Ta kisha dhan një përqafim tani”, duke i dërguar kështu një mesazh të drejtpërdrejt artistit, të cilit gjatë qëndrimit në shtëpinë e Big Brother VIP Albania 3 i drejtohej shpesh me nofkën “Nubi”.

Sinjali – aty ku e vërteta flet para lajmit!

/GazetaSinjali/

The post Rikthimi i Gjestit në muzikë, Rozana ka dy fjalë për “Nubin” appeared first on Sinjali.

Gjykata Themelore në Prizren ka pranuar kërkesat e Prokurorisë për caktimin e masës së paraburgimit ndaj pesë personave të dyshuar për vepra penale që lidhen me procesin zgjedhor.

Sipas njoftimit zyrtar, katër nga të pandehurit janë komisionerë dhe dyshohen për veprën penale “Falsifikimi i rezultateve të votimit”.

Ndërkohë, një tjetër i pandehur, në cilësinë e kryesuesit të Komisionit Komunal Zgjedhor (KKZ) në Prizren, dyshohet për veprën penale “Keqpërdorim i pozitës apo autoritetit zyrtar”, sipas nenit 414, paragrafi 3 të Kodit Penal të Kosovës.

Gjykata bëri të ditur se nga ora 14:00 deri në ora 16:00 janë mbajtur dhe përfunduar tre seanca dëgjimore, ndërsa seanca e katërt pritet të zhvillohet gjatë orëve në vijim.

“Gjykata brenda afateve ligjore do të përpilon vendimet referuar kërkesave së Prokurorisë Themelore Prizren, dhe do të njoftojmë mediat për vendimet e Gjyqtarit të procedurës paraprake”, thuhet në njoftim.

Sinjali – aty ku e vërteta flet para lajmit!

/GazetaSinjali/

The post Manipulimet me vota, kërkohet paraburgim për katër komisionerë dhe kryesuesin e KKZ-së në Prizren appeared first on Sinjali.

Kryeministri në detyrë, Albin Kurti, ka deklaruar se Kosova dëshiron të kontribuojë për paqen në botë, duke theksuar se pjesëmarrja e vendit në Bordin e Paqes përbën vazhdimësi të kontributit të saj për Gazën.

Kurti ka folur për herë të parë për këtë bord që nga nënshkrimi i pjesëmarrjes së Kosovës. Ai ka kujtuar se vendi ynë nisi kontributin që me pjesëmarrjen në Forcën Ndërkombëtare Stabilizuese, duke përmendur konferencën në Doha, ku Kosova u përfaqësua nga SHBA-ja për të diskutuar mbi këtë Forcë.

“Ne kemi filluar së pari me pjesëmarrjen tonë në Forcën Ndërkombëtare Stabilizuese për Gazën. Kosova është përfaqësuar në konferencën në Doha, në Katar, nga Gjeneral-Lejtënant, Komandanti i FSK-së, Bashkim Jashari. Pra, ne kemi shprehur si Republikë e Kosovës, gatishmërinë tonë që të marrim pjesë në këtë Forcën Stabilizuese Ndërkombëtare. FSK-ja është e mirënjohur tashmë për kërkim-shpëtim dhe për deminim, por jo vetëm. Meqenëse do të marrim pjesë në Forcën Stabilizuese Ndërkombëtare, ne kemi qenë të interesuar që natyrisht të marrim pjesë edhe në organet vendimmarrëse politike”, ka thënë ai.

Sinjali – aty ku e vërteta flet para lajmit!

/GazetaSinjali/

The post Kurti: Bordi i Paqes është vazhdimësi e kontributit të Kosovës për Gazën appeared first on Sinjali.

Agjencia e Ushqimit dhe Veterinarisë e Kosovës (AVUK) ka ndaluar importin e deleve dhe dhive nga Republika e Maqedonisë së Veriut, pas konfirmimit të sëmundjes Lija e dhenve dhe dhive në zonën e Lipkovës.

Sipas njoftimit zyrtar, vendimi është marrë në bazë të raporteve të ADIS-it dhe Organizatës Botërore për Shëndetin e Kafshëve (WOAH), të cilat kanë konfirmuar praninë e sëmundjes në territorin e shtetit fqinj.

“Në përputhje me Ligjin për Veterinarinë Nr. 2004/21, ndalesa përfshin importin e kafshëve të gjalla të llojit të deleve dhe dhive, si dhe të nënprodukteve të tyre, përfshirë lëkurën dhe leshin. Po ashtu, ndalohet edhe importi i produkteve me origjinë nga këto kafshë që nuk janë të trajtuara termikisht ose që vijnë nga Maqedonia e Veriut”, thuhet në njoftimin e AVUK-ut.

Ky institucion bën të ditur se masa hyn në fuqi menjëherë dhe do të mbetet në zbatim deri në një vlerësim të mëtejshëm të situatës nga autoritetet ndërkombëtare përkatëse dhe nga vetë Agjencia.

Publiku dhe operatorët ekonomikë, thuhet në njoftim, do të informohen me kohë për çdo ndryshim eventual.

Sinjali – aty ku e vërteta flet para lajmit!

/GazetaSinjali/

The post Ndalohet importi i deleve dhe dhive nga Maqedonia e Veriut për shkak të lisë appeared first on Sinjali.

Pas një problemi me avionin, Kristjan Asllani më në fund ka mbërritur në Stamboll për t’u bashkuar me skuadrën e tij të re Besiktas.

Klubi turk ka konfirmuar gjithçka teksa ka postuar foto të mesfushorit të kombëtares shqiptare me shallin e klubit turk që më pas konfirmoi se futbollisti i kreu edhe vizitat mjekësore duke nisur nga testet kardiologjike tek ato nën sforcim duke konfirmuar një gjendje fizike absolutisht të mirë të mesfushorit.

Kristjan Asllani u transferua te Besiktas në formë huazimi deri në fund të këtij sezoni me të drejtë blerjeje nga ana e klubit turk.

Në bazë të asaj që publikohet në median turke, Besiktas mund të blejë kartonin e mesfushorit 23 vjeçar për 12-13 milionë euro, përcjell tch.

Kristjan Asllani nuk është i vetmi futbollist shqiptar që i bashkohet Besiktasit, pasi aty luan edhe Milot Rashica, ndërsa klubi bardhezi e ka në pronësi edhe kartonin e Ernest Muçit, që është transferuar te Trabzonspor në formë huazimi.

Sinjali – aty ku e vërteta flet para lajmit!

/GazetaSinjali/

The post Kristjan Asllani bëhet edhe “shqiponjë” e Stambollit appeared first on Sinjali.

Forcat Demokratike Siriane (SDF), të udhëhequra nga kurdët, kanë njoftuar të premten se kanë arritur një marrëveshje të re me qeverinë qendrore të Sirisë, me synimin për të stabilizuar armëpushimin që i dha fund përleshjeve disajavore dhe për të përcaktuar hapat drejt integrimit mes dy palëve.

Sipas marrëveshjes, forcat e sigurisë të lidhura me Ministrinë e Brendshme siriane do të hyjnë në qytetet al-Hasakeh dhe Qamishli, në qendër të zonave kurde, ku më parë u ishte ndaluar hyrja. Po ashtu, do të nisë procesi i integrimit të forcave të SDF-së me forcat qeveritare, raporton ap.

Marrëveshja parashikon krijimin e një brigade të re ushtarake, e cila do të përfshijë tri brigada nga SDF-ja, si dhe formimin e një brigade të përbërë nga luftëtarë të SDF-së brenda një brigade të ushtrisë qeveritare në provincën e Alepos.

Po ashtu, institucionet lokale në administratën kurde të sirisë verilindore, e cila prej vitesh ka funksionuar si një zonë de facto autonome, si dhe punonjësit e tyre, do të integrohen në institucionet shtetërore siriane.

Marrëveshja përfshin edhe garantimin e të drejtave civile dhe arsimore për popullin kurd, si dhe kthimin e personave të zhvendosur në zonat e tyre, thuhet në deklaratë.

“Qëllimi i marrëveshjes është unifikimi i territoreve siriane dhe realizimi i plotë i procesit të integrimit në rajon, përmes forcimit të bashkëpunimit mes palëve të përfshira dhe bashkimit të përpjekjeve për rindërtimin e vendit”, theksohet më tej.

Marrëveshja është konfirmuar më vonë edhe nga qeveria siriane përmes një deklarate zyrtare.

Ndërkohë, SDF-ja kishte humbur pjesën më të madhe të territorit që kontrollonte në verilindje të sirisë pas një ofensive qeveritare, e cila pasoi përleshje të ashpra më 6 janar në qytetin verior të Alepos, pas muajsh negociatash të dështuara për zbatimin e një marrëveshjeje integrimi.

Udhëheqësit e rinj të sirisë, që nga rrëzimi i ish-presidentit bashar Al-Assad në dhjetor të vitit 2024, kanë hasur vështirësi në vendosjen e autoritetit të plotë mbi vendin, i cili është shkatërruar nga gati 14 vjet luftë civile. Një marrëveshje për bashkimin e sdf-së me damaskun ishte arritur në muajin mars, por ajo nuk kishte arritur të zbatohej në praktikë.

Sinjali – aty ku e vërteta flet para lajmit!

/GazetaSinjali/

The post Forcat kurde dhe qeveria siriane arrijnë marrëveshje të re për stabilizimin e armëpushimit appeared first on Sinjali.

Prokuroria Speciale ka konfirmuar se ka intervistuar edhe deputeten e zgjedhur të Vetëvendosjes, Fitore Pacolli, në lidhje me grantet e Ministrisë së Bujqësisë.

Zëdhënësja e Prokurorisë Speciale, Nora Luta ka konfirmuar për Gazetën Sinjali se Pacolli është intervistuar në cilësinë e të pandehurës.

Pacolli ka qenë Kryetare e Komisionit Parlamentar për Bujqësi.

Në lidhje me çështjen e granteve, në cilësinë e të pandehurit sot është intervistuar edhe ish-Ministri i Bujqësisë, Faton Peci.

Sinjali – aty ku e vërteta flet para lajmit!

/GazetaSinjali/

The post Prokuroria Speciale e konfirmon: Edhe Fitore Pacolli u intervistua në lidhje me çështjen e granteve appeared first on Sinjali.

Arsenali po mahnitë këtë edicion, ku përpos si lider në Ligën Premier e kanë mbyllur edhe në vendin e parë në fazën e ligës të Ligës së Kampionëve.

Megjithatë, ekziston një emër i madh që mund të largohet nga “Emirates” gjatë verës së ardhshme dhe, nëse një marrëveshje e tillë realizohet, do të ishte një surprizë e madhe për të gjithë.

Verën e kaluar, Arsenali shpenzoi rreth 255 milionë funte, një shumë që ishte edhe më e madhe se ajo e Liverpoolit. Për këtë arsye, klubi ka nevojë të balancojë financat dhe të respektojë rregullat e fitimit dhe qëndrueshmërisë.

Kjo do të thotë se, edhe pse me hezitim, "Topçinjtë" mund të detyrohen të ndahen me një nga mesfushorët më me ndikim të skuadrës.

Situata ka vënë në alarm disa nga gjigantët e futbollit të Evropës. Sipas raportimeve të “Hooligan Soccer”, Bayern Munich dhe Inter janë duke përgatitur një lëvizje për kapitenin e Arsenalit, Martin Odegaard.

Norvegjezi ka qenë një nga lojtarët kyç të ekipit dhe një figurë qendrore në projektin e Artetës. Megjithatë, drejtuesit e klubit janë të detyruar të respektojnë rregullat financiare, gjë që mund t’i shtyjë të ulen në tavolinë në rast se vjen një ofertë e konsiderueshme.

Odegaard, i cili është 27 vjeç, ka kontratë me Arsenalin deri në vitin 2028, por vera e ardhshme mund të jetë vendimtare nëse klubi dëshiron të përfitojë një shumë të madhe për një lojtar të këtij niveli.

Si rrjedhojë, nëse Bayern Munich ose Inter paraqesin një ofertë të fortë, ekziston mundësia reale që kapiteni i Arsenalit të mos jetë më pjesë e skuadrës në Emirates sezonin e ardhshëm./Telegrafi

Në Tetovë u formua komision për emërimin dhe riemërtimin e rrugëve. Ky vendim i Këshillit komunalë ngjalli reagime te partitë LSDM dhe "E Majta", ndërsa OBRM-PDUKM u shpreh pro emërtimit të rrugëve që nuk kanë emra, por kundërshtoi ndërrimin e emrave ekzistues. Edhe përkundër përplasjeve, grupi i punës për u formua, ndërsa do të kryesohet nga këshilltari Albi Qamili.

“Nuk mendoj që do ketë ndonjë problem, sepse e thash, riemërtimi i rrugëve në Tetovë në pasqyrojë realitetin qytetar, karakterin urban, historinë e identitetin e Tetovës dhe nuk mendoj që do kemi ndonjë mosmarrëveshje. Kryesisht do të jemi të fokusuar tek rrugët që nuk kanë aspak emër, por edhe emrat e rrugëve ekzistuese do kenë pa dyshim ndryshime”, theksoi Albi Qamili – kryetar i grupit të punës për emërtim të emrave të rrugëve.

Këshilltari i AKI-së në komunë, Arlind Murtezani, kishte kritika ndaj shumicës së këshilltarëve, pasi siç tha, kryetari nuk ua jep fjalën këshilltarëve.

“U emërova si anëtar i Komisionit për riemërtimin e rrugëve ku do të ketë edhe ndryshime, përveç emërimeve që janë caktuar, për shkak se nuk e lidhën Tetovën me emrat si “JNA”, “Marshall Tito” e kështu me radhë, do të kërkoj që të ndryshohen këto rrugë, por këtë seancë më e rëndësishëm ishte se shumica e demonstroi fuqinë e saj duke më përjashtuar mua si këshilltar, duke u munduar të mos ma jap fjalën që më takon dhe e kam obligim. Kryetari i këshillit, së bashku me shumicën, e prunë një vendim të atillë duke u arsyetim se bëjmë shkelje të procedurës së këshillit”, tha Arlind Murtezani Këshilltar i AKI-së.

Aktualisht në Tetovë janë gjithsej 265 rrugë, prej të cilave 111 janë me emra, 113 me numra dhe 41 nuk kanë aspak emër.

Ish-prezantuesi i CNN, Don Lemon, është arrestuar pasi hyri në një kishë në Minnesota dhe filmoi protestuesit kundër zbatimit të ligjit kundër imigracionit, ndërsa ata ndërprisnin një shërbesë.

Lemon u mor në paraburgim nga agjentët federalë të enjten në mbrëmje, ndërsa ishte në Los Angeles duke mbuluar ceremoninë e ndarjes së çmimeve Grammy, sipas një deklarate nga avokatja e tij, Abbe Lowell.

"Doni do t'i luftojë këto akuza me forcë dhe tërësisht në gjykatë", tha avokatja.

Lemon shkoi në Kishën e Qyteteve në Shën Pali më 19 janar me një grup protestuesish të cilët thanë se një nga pastorët ishte një zyrtar i Zyrës së Imigracionit dhe Doganave (ICE).

"Doni ka qenë gazetar për 30 vjet dhe puna e tij e mbrojtur me kushtetutë në Minneapolis nuk ishte ndryshe nga ajo që ai ka bërë gjithmonë", tha Lowell.

“Ky sulm i paprecedentë ndaj Amendamentit të Parë dhe përpjekja transparente për të larguar vëmendjen nga krizat e shumta me të cilat përballet kjo administratë nuk do të qëndrojë”, shtoi ajo.

Në mbrojtje të tij, Lemon tha në një video të kohëve të fundit: "Sapo filloi protesta në kishë, ne bëmë një akt gazetarie, që ishte raportimi mbi të."

Administrata e presidentit Donald Trump fillimisht kërkoi të ngrinte padi ndaj tetë personave të përfshirë në protestën e kishës në Minensota, duke përmendur një ligj që mbron njerëzit në vendet e kultit.

Por një gjykatës i cili shqyrtoi provat e paraqitura nga departamenti i drejtësisë miratoi akuzat vetëm për tre nga të përfshirët, përveç Lemon.

Qeveria më pas kërkoi ta kundërshtonte atë vendim, por u refuzua nga një gjykatë apeli.

Protestat ishin pjesë e trazirave të vazhdueshme në Minnesota, ku një operacion nga agjentët federalë të imigracionit ka shkaktuar konfrontime që kanë lënë të vdekur dy qytetarë amerikanë. /Telegrafi/

Kryetari i Komunës së Prishtinës, Përparim Rama, ka pritur në takim përfaqësuesit e platformës “Liria ka Emër”, Eliza Hoxha dhe Ismail Tasholli, të cilëve u ka shprehur mbështetje për organizimin e Marshit “Drejtësi, jo politikë”, që do të mbahet më 17 shkurt në Prishtinë, në mbrojtje të vlerave të luftës çlirimtare.

Gjatë takimit, Hoxha dhe Tasholli e kanë njoftuar kryetarin Rama për aktivitetet që po zhvillohen në kuadër të fushatës së mobilizimit qytetar për këtë marsh.

Përfaqësuesja e platformës “Liria ka Emër”, Eliza Hoxha, ka vlerësuar lart mbështetjen institucionale që po merr marshi nëpër Kosovë, duke theksuar se ajo dëshmon karakterin qytetar të kësaj nisme.

“Mbështetja nga kryeqyteti është dëshmi se kjo kauzë i përket ndërgjegjes qytetare. Marshi ‘Drejtësi, jo politikë’ është një thirrje paqësore për drejtësi të paanshme dhe për respektimin e së vërtetës sonë historike”, ka deklaruar Hoxha.

Ndërkaq, përfaqësuesi tjetër i platformës, Ismail Tasholli, ka theksuar rëndësinë e mobilizimit gjithëpërfshirës qytetar.

“Ky marsh nuk është kundër drejtësisë, por kundër politizimit të saj. Më 17 shkurt marshojmë si qytetarë, për dinjitetin e luftës çlirimtare dhe për drejtësi jo selektive”, ka thënë Tasholli.

Kryetari i Prishtinës, Përparim Rama, ka deklaruar se lufta e Ushtrisë Çlirimtare të Kosovës ishte një luftë e drejtë, e lindur nga populli, duke u bërë thirrje qytetarëve që të marrin pjesë në marsh.

“U bëj thirrje të gjithë qytetarëve të Prishtinës që t’i bashkohen masivisht Marshit për drejtësi, në shenjë solidarizimi me çlirimtarët që po mbahen padrejtësisht në Hagë”, ka theksuar Rama.

Platforma “Liria ka Emër” ka njoftuar se do të vazhdojë takimet dhe aktivitetet në të gjitha komunat e Kosovës, me synim një mobilizim sa më të gjerë qytetar për Marshin e 17 shkurtit në Prishtinë, nën moton “Drejtësi, jo politikë”.

Gjykata Themelore në Prizren ka pranuar kërkesat e Prokurorisë Themelore për caktimin e masës së paraburgimit ndaj pesë (5) personave të dyshuar.

Sipas njoftimit të Gjykatës së Prizrenit, katër (4) të pandehur, në cilësinë e komisionerëve, dyshohen për veprën penale falsifikim i rezultateve të votimit, ndërsa një (1) i pandehur, në cilësinë e kryesuesit të Komisionit Komunal Zgjedhor (KKZ) në Prizren, dyshohet për veprën penale keqpërdorim i pozitës apo autoritetit zyrtar, nga neni 414 paragrafi 3 i Kodit Penal të Republikës së Kosovës.

Gjatë ditës, nga ora 14:00 deri në ora 16:00, janë mbajtur dhe përfunduar tre (3) seanca dëgjimore, ndërsa seanca e katërt pritet të mbahet në orët në vijim.

Gjykata ka bërë të ditur se, brenda afateve ligjore, do të përpilojë vendimet lidhur me kërkesat e Prokurorisë Themelore në Prizren dhe se mediat do të njoftohen me kohë për vendimet e gjyqtarit të procedurës paraprake./Telegrafi/

Drejtori sportiv i Barcelonës, Deco ka shpjeguar arsyet pse transferimi i Vitor Roque te klubi katalunas nuk rezultoi i suksesshëm.

Sipas tij, nga aspekti i cilësisë nuk është bërë ndonjë gabim, pasi ideja e klubit ishte të siguronte një pasardhës afatgjatë për Robert Lewandowskin.

Megjithatë, rrethanat e transferimit ndikuan negativisht në përshtatjen e sulmuesit brazilian.

“Nga pikëpamja e cilësisë, nuk mendoj se kemi bërë një gabim. Plani ynë ishte të nënshkruanim me një pasardhës të ardhshëm të Robert Lewandowskit. Vitor Roque ishte zgjedhja perfekte, por u detyruam ta sillnim në janar, shumë më herët sesa ishte planifikuar fillimisht”.

“Ai u transferua në një vend të ri dhe iu bashkua një klubi të madh, duke u përballur me presion të madh, ndërsa nuk mori minuta të mjaftueshme loje për t’u përshtatur siç duhet”.

Deco foli edhe për huazimin e lojtarit te Real Betis, duke pranuar se as ajo aventurë nuk shkoi sipas pritshmërive. Më pas, Barcelona mori një ofertë konkrete nga Palmeiras për blerjen e kartonit të tij, çka e shtyu klubin të merrte një vendim përfundimtar.

“Huazimi i tij te Betis nuk shkoi ashtu siç shpresonim dhe më pas morëm një ofertë nga Palmeiras për ta blerë. Vendosëm se kjo ishte zgjidhja më e mirë për të gjithë”.

“Nuk e humbëm investimin për të ardhmen, përkundrazi e rikuperuam vlerën e tij. Shikoni Endrickun – edhe ai po kalon vështirësi. Kjo është diçka normale për lojtarët e rinj në një klub të madh evropian”, deklaroi ai.

Ndërkohë, Roque së shpejti pritet të rikthehet në Evropë, ku disa klube italiane dhe angleze kanë shprehur interesim./Telegrafi

Ushtarët gjermanë nga Komanda Rajonale Lindje (RC-E) e KFOR, po vazhdojnë patrullimet e rregullta në disa komuna në veriun e Kosovës, në kuadër të zonës së tyre të përgjegjësisë.

Përmes këtyre aktiviteteve, personeli i KFOR-it ruan vetëdijen situacionale dhe kontribuon në stabilitetin e përgjithshëm në rajon, duke reflektuar përkushtimin e vazhdueshëm të KFOR-it për garantimin e një mjedisi të sigurt dhe të qetë për të gjithë qytetarët e Kosovës.

KFOR vazhdon zbatimin e mandatit të saj, për të kontribuar në një mjedis të sigurt dhe të qetë për të gjithë njerëzit që jetojnë në Kosovë, si dhe për të garantuar lirinë e lëvizjes.

Në ushtrimin e detyrave të saj, KFOR bashkëpunon ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), secili në përputhje me rolin e tij si reagues i sigurisë./Telegrafi/

Nën udhëheqjen e Kryeprokurorit Blerim Isufaj, është mbajtur takimi i parë i Kolegjiumit të Prokurorëve Special për këtë vit, ku është bërë vlerësimi i punës së Prokurorisë Speciale gjatë vitit 2025 dhe janë përcaktuar prioritetet për vitin 2026.

Sipas njoftimit thuhet se në takim është theksuar se gjatë vitit 2026 fokusi kryesor do të jetë rritja e efikasitetit në hetime, me theks të veçantë në rastet e korrupsionit dhe krimit të organizuar.

“Kryeprokurori Isufaj vlerësoi angazhimin e prokurorëve dhe kërkoi përkushtim edhe më të madh në funksion të sundimit të ligjit, forcimit të performancës dhe rritjes së besimit të qytetarëve në sistemin e drejtësisë”, thuhet në njoftim. /Telegrafi/

Maqedonia mori 8.2 milionë euro nga BE-ja për zbatimin e Programit Erasmus në vitin 2026 për zbatimin e programit ERASMUS+ të Komisionit Evropian, dedikuar arsimit, trajnimit, të rinjve dhe sportit, Maqedonia këtë vit mori buxhetin më të madh që nga pjesëmarrja e saj si vend pjesëmarrës në program, njoftojnë nga Ministria e Arsimit të RMV-së.

"Me rreth 8,2 milionë euro do të financohen projekte të përbashkëta të institucioneve arsimore maqedonase, institucioneve dhe organizatave civileme partnerë nga vendet e BE-së, si dhe vizita të shkurtra kërkimore dhe studimore.

Mundësitë për rrjetëzim, fushat prioritare, procedura për përgatitjen e projekteve dhe afatet për aplikim u prezantuan sot në konferencë në Fakultetin Ekonomik të Universitetit “Shën Kirili dhe Metodi” në Shkup. Në prani të rektorëve të institucioneve publike dhe private të arsimit të lartë në vend, përfaqësuesve të shkollave, shoqatave qytetare dhe përfituesve të tjerë potencialë të fondeve në kuadër të programit ERASMUS, u drejtuan kryetari i Qeverisë,Prof.Dr. Hristijan Mickoski, ministrja e Arsimit dhe Shkencës, Vesna Janevska, si dhe drejtorja e Agjencisë Kombëtare për Programe Evropiane Arsimore dhe Mobilitet, Ana Mihajllov.

Në konferencë u theksua se në fokus të programit janë të rinjtë, përkatësisht forcimi i njohurive dhe aftësive të tyre brenda kufijve të BE-së, me të cilat më pas do të kontribuojnë në zhvillimin e shtetit të tyre", thonë nga MSH.

Ministrja Janevska, thuhet në deklaratë, vlerëson se edhe këtë vit do të ketë përdorim efikas të mundësive, sepse shteti ka bazë ligjore të fuqizuar, ku komponentë të detyrueshme janë mobiliteti, dimensioni evropian dhe bashkëpunimi ndërkombëtar, janë fuqizuar edhe kapacitetet e Agjencisë Kombëtare, e cila ka udhëheqje të re profesionale dhe strukturë të mirë të brendshme, ndërsa Ministria e Arsimit dhe Shkencës si autoritet kombëtar përforcon mekanizmat e kontrollit të gjithë procesit të zbatimit të programit ERASMUS./Telegrafi/

Prokuroria Speciale e Kosovës ka konfirmuar se ministri në detyrë i Shëndetësisë, Arben Vitia, është intervistuar në lidhje me një rast që është në trajtim nga prokuroria.

Lajmin për Telegrafin e ka konfirmuar zëdhënësja e Prokurorisë Speciale, Nora Luta.

Sipas tij, me qëllim të ruajtjes së integritetit të procesit hetimor, në këtë fazë nuk mund të ndajnë më shumë informacione.

“Arben Vitia, me autorizim të Prokurorisë Speciale është intervistuar lidhur me një rast që kjo prokurori e ka në trajtim. Me qëllim të ruajtjes së integritetit të procesit hetimor, në këtë fazë nuk mund të ndajmë më shumë informacione”, ka thënë Luta.

Po ashtu edhe Vitia para mediave konfirmoi lajmin që është intervistuar duke mos dhënë detaje.

Ndërkaq, zëdhënësja e Prokurorisë Speciale, Luta ka konfirmuar edhe intervistimin e deputetes së zgjedhur nga radhët e LVV-së, Fitore Pacolli duke mos dhënë detaje shtesë.

Ndryshe, ish-ministri i Bujqësisë, Pylltarisë dhe Zhvillimit Rural, Faton Peci, është intervistuar gjatë ditës së sotme nga Prokuroria Speciale e Kosovës.

Lajmin për Telegrafin e ka konfirmuar zëdhënësja e Prokurorisë Speciale të Kosovës, Nora Luta.

Sipas tij, Peci është intervistuar në cilësinë e të pandehurit në rastin e granteve, i cili është në trajtim nga Prokuroria Speciale e Republikës së Kosovës. /Telegrafi/