Boksieri amerikan dhe YouTuber-i i njohur Jake Paul shkaktoi reagime të shumta me një postim në rrjetet sociale, menjëherë pas daljes nga spitali, ku u trajtua pas humbjes me nokaut ndaj Anthony Joshua.

Paul pësoi dëmtimin në raundin e pestë të ndeshjes së zhvilluar të premten mbrëma, ku Joshua e dominoi përballjen me një seri goditjesh vendimtare, duke e mbyllur duelin në mënyrë spektakolare.

Me këtë fitore, Anthony Joshua e përmirësoi rekordin e tij në 29 fitore dhe katër humbje, ndërsa Jake Paul tani ka një bilanc prej 12 fitoresh dhe dy humbjesh. Pas ndeshjes, Paul u diagnostikua me thyerje të nofullës dhe qëndroi për disa kohë në spital.

Menjëherë pas daljes nga spitali, Paul publikoi një postim kontrovers, duke shfaqur edhe një herë stilin e tij luksoz të jetesës. Ai ndau një foto nga një avion privat, i rrethuar nga tufa parash, çanta të markës Louis Vuitton dhe objekte të tjera luksi.

Në postimin e tij, Paul shoqëroi imazhin me një mesazh motivues:

“Ëndrra amerikane. Filloni ëndrrën tuaj sot. Besoni në të. Nëse bini, mësoni. Nëse bini, mos u ndalni.”

Postimi ngjalli reagime të shumta nga tifozët. Ndërsa një pjesë e tyre e përgëzuan Paul për mënyrën se si u rikthye pas humbjes, të tjerë e kritikuan për arrogancë dhe mungesë modestie.

Sipas raportimeve, të dy boksierët përfituan të njëjtën shumë financiare nga kjo përballje, rreth 78 milionë euro bruto, ose afërsisht 63 milionë euro neto pas zbritjeve. /Telegrafi/

Botërori i vitit 2026 pritet të jetë më i madhi në histori, me 48 kombëtare pjesëmarrëse dhe me ndeshje që do të zhvillohen njëkohësisht në Shtetet e Bashkuara të Amerikës, Kanada dhe Meksikë.

Përtej këtyre risive, një nga temat që ka ndezur më shumë debat mes tifozëve janë çmimet e biletave, të cilat konsiderohen ndjeshëm më të larta krahasuar me Botërorin e fundit në Katar.

PLAY OFF- Shqipëria ende nuk e ka siguruar pjesëmarrjen në finalet e Botërorit, pasi më 26 mars do të luajë ndeshjen e parë të “Play-Off”-it ndaj Polonisë. Megjithatë, në shortin e fazës së grupeve të hedhur më 5 dhjetor, Kuqezinjtë janë parashikuar si “Play-Off B” në një grup me Holandën, Japoninë dhe Tunizinë. Në rast se Shqipëria do të arrijë të kualifikohet, tifozët që dëshirojnë të ndjekin nga afër të tre ndeshjet e fazës së grupeve do të duhet të përballen me kosto të konsiderueshme vetëm për biletat e stadiumit.

BILETAT- Sipas çmimeve zyrtare të FIFA-s, për secilën ndeshje janë në dispozicion dy kategori biletash. Ndeshja e parë e Shqipërisë, ajo ndaj Tunizisë, që do të zhvillohet në Monterrey të Meksikës, ka një çmim prej 450 dollarësh për biletën e Kategorisë së Parë, ndërsa Kategoria e Dytë kushton 380 dollarë. Takimi i dytë, përballja me Holandën në Houston të SHBA-së, rezulton edhe më i shtrenjtë. Biletat e Kategorisë së Parë arrijnë në 600 dollarë, ndërsa ato të Kategorisë së Dytë kushtojnë 430 dollarë. Ndeshja e tretë dhe e fundit e fazës së grupeve, ajo kundër

Japonisë që luhet në Dallas, ka një çmim prej 500 dollarësh për Kategorinë e Parë dhe 400 dollarë për Kategorinë e Dytë. Në total, një tifoz shqiptar që dëshiron të ndjekë të tre ndeshjet e Shqipërisë në fazën e grupeve do të duhet të paguajë 1.550 dollarë për biletat e Kategorisë së Parë, ose 1.210 dollarë në variantin më të lirë, pa përfshirë këtu shpenzimet për udhëtim, akomodim apo shërbime të tjera.

Natyrisht, përpara se të mendohet për koston e një aventure të tillë, Shqipëria duhet fillimisht të fitojë të drejtën për të qenë pjesë e këtij Botërori historik. Në të kundërt, të gjitha këto mbeten vetëm një skenar i mundshëm për tifozët kuqezi.

POLEMIKAT- Ndërkohë, pas reagimeve të forta dhe kritikave nga tifozë në mbarë botën, FIFA ka bërë një tërheqje të pjesshme nga politikat fillestare të çmimeve. Organizatori ka njoftuar krijimin e një kategorie të re biletash me çmim 60 dollarë, të quajtur “Kategoria e veçantë për tifozët besnikë”, të cilat do të jenë të disponueshme për çdo ndeshje të Botërorit, përfshirë edhe finalen. Këto bileta do t’u kalojnë federatave kombëtare të ekipeve pjesëmarrëse, të cilat më pas do t’i shpërndajnë për tifozët më besnikë, kryesisht ata që kanë ndjekur ekipin e tyre në ndeshje brenda dhe jashtë vendit. Megjithatë, numri i këtyre biletave do të jetë i kufizuar, vetëm disa qindra për ndeshje, çka do të thotë se shumica e tifozëve do të vazhdojnë të përballen me çmime të larta, pavarësisht këtij lehtësimi simbolik.

BOTËRORI I KATARIT– Botërori i FIFA-s 2022, i zhvilluar në Katar, u shoqërua me çmime biletash që ndryshonin ndjeshëm në varësi të fazës së kompeticionit dhe kategorisë së ulëseve në stadium. FIFA aplikoi një sistem me disa kategori, ku vendet më të lira ishin më larg fushës, ndërsa ato më të shtrenjta ofronin pamje më të mirë dhe akses më të privilegjuar. Në fazën e grupeve, çmimet për tifozët ndërkombëtarë nisnin nga rreth 250 rialë katarian (afërsisht 69 dollarë amerikanë) për kategorinë më të lirë, ndërsa biletat e kategorisë më të shtrenjtë arrinin deri në rreth 800 rialë (220 dollarë). Me avancimin e turneut, çmimet u rritën gradualisht.

Për ndeshjet e raundit të 16-s, biletat varionin nga rreth 96 deri në 275 dollarë. Në çerekfinale, çmimet shkonin nga rreth 205 dollarë për kategorinë më të lirë deri në rreth 425 dollarë për kategorinë më të shtrenjtë. Gjysmëfinalet ishin edhe më të kushtueshme, me bileta që nisnin nga rreth 357 dollarë dhe arrinin deri në afro 955 dollarë. Finalja e madhe e Botërorit 2022 ishte ndeshja me biletat më të shtrenjta.

Çmimet për tifozët ndërkombëtarë fillonin nga rreth 605 dollarë për kategorinë më të lirë dhe shkonin mbi 1,600 dollarë për vendet e kategorisë së parë. Ndërkohë, për banorët e Katarit dhe personat me rezidencë lokale, FIFA ofroi edhe një kategori të veçantë me çmime dukshëm më të ulëta, e cila nuk ishte e disponueshme për tifozët e huaj. Në përgjithësi, Botërori i Katarit u konsiderua një nga turnet me çmimet më të larta për fazat finale, veçanërisht për finalen, krahasuar me edicionet e mëparshme të Kupës së Botës. Nëse një tifoz do të donte të ndiqte të gjitha ndeshjet e një përfaqësueseje deri në finale (7 ndeshje), kostoja vetëm për bileta do të ishte e konsiderueshme.

Duke llogaritur çmimet mesatare për fazën e grupeve dhe rritjen graduale në fazat me eliminim, shpenzimi total për bileta do të varionte afërsisht nga 2,000 deri në mbi 5,000 dollarë, në varësi të kategorisë së vendeve të zgjedhura. Nëse përfshihej edhe finalja me bileta të kategorisë së lartë, shuma mund të rritej edhe më shumë. Këtyre kostove u shtoheshin edhe shpenzimet për udhëtim, akomodim dhe ushqim, duke e bërë ndjekjen e plotë të Botërorit një investim të madh financiar për tifozët.

The post Botërori për rekord, FIFA ul çmimin e biletave/ “Tifozët besnikë” do të përfitojnë ulje të madhe appeared first on Albeu.com.

Jake Paul u mund nga Anthony Joshua, në ndeshjen e boksit të mbajtur në Miami. Boksieri britanik Joshua, “hodhi në tapet” Paul-in, në raundin e gjashtë.

Pavarësisht disfatës, amerikani Jake Paul, fitoi 92 milionë dollarë në më pak se 17 minuta, aq sa zgjati “beteja”.

Në boks, këto shifra shihen si të paimagjinueshme, por gjithçka bëhet e kuptueshme, kur bëhet fjalë për një sfidë speciale.

Sipas Forbes, Paul është renditur vazhdimisht midis më të paguarve në sportet luftarake, duke tejkaluar shpesh kampionët, për shkak të shtrirjes së madhe të audiences që ai ka.

 

Jake Paul made $92,000,000 for 989 seconds of work.

Six rounds in, he got knocked out.

That’s just over sixteen minutes of actual fight time.

Here’s how it breaks down:

• Total time in the ring: 989 seconds
• $93,023 per second
• $5,581,380 per minute
• Roughly $15.3… pic.twitter.com/2iO4JUlZb1

— Hoops (@Hoopss) December 20, 2025

The post Miliona dollarë për 17 minuta, Jake Paul rekord fitimesh në historinë e boksit appeared first on Albeu.com.

Jake Paul ka publikuar një rreze X në rrjetet sociale, duke treguar dëmtimet që pësoi gjatë humbjes ndaj Anthony Joshuas, ndërsa njëkohësisht shfaq edhe interesin e tij për kundërshtarin e ardhshëm.

Qysh në fillim të ndeshjes u bë e qartë se taktika e Paul ishte të shmangte goditjet e fuqishme të Joshuas.

Pas një minute pushim për të rikuperuar ndërmjet raundeve, 28-vjeçari u rrëzua sërish në raundin e gjashtë dhe nuk arriti të ngrihej brenda kohës së numërimit të gjyqtarit, duke i dhënë Joshuas fitoren e 29-të profesionale në 33 duele.

Nga ana tjetër, rekordi i Paul u përditësua në 12 fitore dhe 2 humbje, ku humbja tjetër kishte ardhur kundër Tommy Furyt, vëllait të Tyson Furyt, në vitin 2023.

Në një postim në X, YouTuberi që u bë bokser tregoi shkallën e plotë të dëmtimeve të tij duke publikuar një rreze X, që tregon qartë se kishte pësuar një thyerje të dyfishtë të nofullës.

Megjthëse po shërohet nga një dëmtim që kërkon kohë, Paul ka vendosur të synojë një ndeshje të mundshme me një nga boksierët më të mëdhenj të dy dekadave të fundit.

Në postimin e tij, ai shkroi: “Thyerje e dyfishtë e nofullës. Më jepni Canelon brenda 10 ditësh”.

Saul ‘Canelo’ Alvarez, i cili ka mbajtur më parë 16 tituj botërorë, konsiderohet gjerësisht si një nga boksierët më të mirë meksikanë të të gjitha kohërave, me një rekord mbresëlënës prej 63 fitore, 3 humbje dhe 2 barazime, duke humbur ndeshjen e fundit ndaj Terence Craëford në shtator të këtij viti.

Ende nuk është e qartë nëse Canelo do të pranojë të ndeshet me Paulin, duke pasur parasysh se ai mbetet ende pjesë e skenës botërore të titujve./Telegrafi/

Një mjek ka analizuar thyerjen e nofullës që Jake Paul pësoi në humbjen e tij ndaj Anthony Joshua dhe ka dhënë vlerësimin e tij mbi dëmtimin, si dhe mënyrën se si mund të zhvillohet trajtimi i tij.

Boksieri britanik i peshave të rënda, Joshua, u përball me YouTuber e kthyer në boksier, Paul, gjatë natës në ‘Kaseya Center’ në Miami, Florida, në një duel që u transmetua drejtpërdrejt në Netflix dhe ishte planifikuar të zgjaste tetë raunde.

Megjithatë, ndeshja nuk shkoi deri në fund, pasi Joshua siguroi fitoren në raundin e gjashtë duke nokautuar Paulin, i cili nuk arriti të ngrihej para përfundimit të numërimit të gjyqtarit, pasi ishte rrëzuar disa herë gjatë përballjes.

Ky nokaut shënoi humbjen e dytë në karrierën e boksit për 28-vjeçarin Paul, me disfatën tjetër që kishte ardhur ndaj Tommy Fury.

Më vonë u konfirmua se Paul kishte thyer nofullën në dy vende, pasi ai publikoi në rrjetet sociale një imazh të rrezes X që e dëshmonte këtë.

Dëmtimi i Paul është analizuar nga Brian Sutterer, një mjek që përdor kanalin e tij në YouTube për të shqyrtuar aspektin mjekësor të sportit. Ai shpjegoi se si vlerësohet një dëmtim i tillë dhe si mund të duket trajtimi për shërimin e tij.

Dr. Sutterer theksoi se faza e parë e trajtimit përfshin kontrollin për dëmtime në kokë, përfshirë tronditjen cerebrale, vlerësimin e rrugëve të frymëmarrjes dhe frymëmarrjes, si dhe sigurimin që dhëmbët nuk janë dëmtuar apo zhvendosur nga thyerja e nofullës.

“Hapi i parë është kontrolli për dëmtime në kokë, rrugët e frymëmarrjes, frymëmarrjen dhe vlerësimi i dhëmbëve".

“Nëse mund të bëhet një rikthim i suksesshëm i kockave në pozicionin e duhur dhe të sigurohet fiksimi midis nofullës së sipërme dhe asaj të poshtme, përmes metodave si telat për një periudhë të shkurtër kohore, kjo është ideale”.

“Nëse ky pozicion nuk mund të mbahet, atëherë duhet të merret parasysh një ndërhyrje kirurgjikale”, ka deklaruar ai./Telegrafi/

Ylli i muzikës, Drake, humbi 200,000 dollarë pasi mbështeti Jake Paul për të bërë një surprizë kundër Anthony Joshua në përballjen e tyre në ring meçin e sotëm (e shtunë).

Artisti kanadez pritej të fitonte një shumë marramendëse prej 1.64 milion dollarë nëse Paul do ta kishte mundur AJ, i cili në fund doli fitues në raundin e gjashtë.

Paul pësoi humbjen e dytë të karrierës së tij në luftime kundër boksierit britanik të peshave të rënda në meçin e zhvilluar në Miami.

Aktori i shndërruar në reper ishte mburrur për bastin e tij të madh në Instagram, duke shfaqur shumën e konsiderueshme që kishte vënë dhe duke vendosur një mbishkrim.

Drake, emri i vërtetë i të cilit është Aubrey Drake Graham, ka një rekord të tmerrshëm në lidhje me bastet sportive dhe performon po aq dobët kur mbështet ndonjë ekip apo konkurrent.

Seria e zymtë e 39-vjeçarit ka shkaktuar madje një fenomen të çuditshëm të quajtur "Mallkimi i Drake". /Telegrafi/

Anthony Joshua e nokautoi Jake Paul në Miami në një ndeshje të organizuar nga Netflix, dhe të dy boksierët i shtuan ndjeshëm llogaritë e tyre bankare.

Mediat amerikane, si “Sports Illustrated”, zbuluan gjithashtu shumat që boksierët morën për ndeshjen e zhvilluar mëngjesin e sotëm (e shtunë).

Netflix nuk kurseu asnjë shpenzim dhe u zbulua se u dha luftëtarëve një total prej 184 milionë dollarësh bruto.

Paratë u ndanë në mënyrë të barabartë, me Joshua dhe Paul që morën secili nga 92 milionë dollarë për pak më pak se gjashtë raunde boksi në Miami.

Sigurisht, një pjesë e konsiderueshme e këtyre parave do të shkojë për taksat e tyre, por nuk ka dyshim se të dy, nëpërmjet sponsorëve, përfituan gjithashtu nga madhështia që shoqëroi ndeshjen.

Ndryshe, ndeshja përfundoi në raundin e gjashtë nga një nokaut i Joshuas, i cili erdhi pas tri rrëzimeve në raundin e pestë dhe një të katërti në raundin e gjashtë. /Telegrafi/

Jake Paul pësoi humbjen e dytë në karrierën e tij profesionale, dhe nokauti i tij i parë u shkaktua nga Anthony Joshua, i cili i dha fund luftës në Miami në raundin e gjashtë.

Fitorja e Joshuas ndaj Jake Paul nuk u vu në diskutim asnjëherë, as para fillimi të meçit dhe as gjatë meçit. Megjithatë, amerikani e pësoi keq nga goditjet e britanikut.

Pas meçit, Paul ka konfirmuar se nofulla e tij është thyer, por kjo nuk e zmbraps të kthehet përsëri në ring dhe të luftojë për tituj në pesha më të lehta.

“Ndihem mirë, e kalova shumë mirë. E dua këtë sport, i dhashë gjithçka. Anthony Joshua është një luftëtar i shkëlqyer. Ai më mundi, por ky është sporti. Do të kthehem dhe do të vazhdoj të fitoj”, ka thënë fillimisht Paul.

“Kam fituar tashmë në çdo aspekt të jetës sime. Kam një familje dhe një të fejuar të bukur. Ky sport më ka ndihmuar shumë në jetën time. Ndryshe, mendoj se më theu nofullën", shtoi amerikani dhe më pas pështyu gjak:

"Duhet të më ketë thyer nofullën. Ndeshja ishte e mirë, u munda nga një nga më të mirët e të gjitha kohërave dhe një ditë do të kthehem dhe do të fitoj një titull bote", përfundoi ish-YouTube-ri.

Drejtoresha ekzekutive e "Most Valuable Promotion", Nakisa Bidarian, gjithashtu konfirmoi dëmtimin e Paul.

"Ne mendojmë se ai ka një nofull të thyer, por është mirë. Ai bëri një dush, shkoi vetë në spital me makinë. Një nofull e thyer është një dëmtim shumë i zakonshëm në sport, veçanërisht në boks. Koha e rikuperimit është katër deri në gjashtë javë", tha Bidarian. /Telegrafi/

Anthony Joshua e kritikoi rivalin e tij të hershëm, Tyson Fury dhe i kërkoi për një ndeshje të jashtëzakonshme në vitin 2026, vetëm pak momente pasi e mposhti me nokaut në raundin e gjashtë YouTuber-in e kthyer në boksier, Jake Paul.

Ish-kampionit të peshave të rënda dhe favoritit dërrmues, Joshua pati nevojӕ vetëm deri në raundin e pestë për të rrëzuar për herë të parë në këtë meç, me Paul që nuk pati shumë histori gjatë meçit në Qendrën Kaseya në Miami.

Një Paul i rraskapitur dukej se e kishte pranuar fatin e tij në fillim të raundit të gjashtë dhe, megjithëse arriti të ngrihej në këmbë pas një rrëzimi të tretë, një i katërt rezultoi i tepërt pas një goditjeje të fuqishme me të djathtën nga AJ.

Joshua e lavdëroi shumë Paulin në intervistën e tij pas ndeshjes, duke e cilësuar si burrë të vërtetë, teksa vetëm pas pak çastesh, Joshua i kërkoi meç armikut tij të vjetër, Fury.

“Nëse Tyson Fury është aq serioz sa mendon se është, dhe dëshiron të largojë gishtat nga Tëitter, të veshë doreza dhe të vijë të luftojë me një nga luftëtarët më të vërtetë, atëherë dil në ring me mua nëse je një djalë vërtet i keq. Le të të shohim në ring dhe të flasim me grushtet e tua”, tha Joshua pas meçit.

Thirrja e Joshuas vjen vetëm disa ditë pasi Fury e quajti atë "një humbës pa klasë".

“Ai është një 37-vjeçar në fund të karrierës së tij që ndeshet me një YouTuber, një djalë të Disney Channel që Tommy (Fury) e mundi”, tha Fury për ndeshjen e Joshuas me Paulin. “Ja një fakt interesant. Nëse të takoj ndonjëherë, do të të rrëzoj me gjithë shpirt”.

"Nuk jam YouTuber apo gjysmë burrë sa ti. Unë jam burrë. Je një humbës pa klasë që vjen pas një humbjeje me nokaut ndaj një djali vendas. Imagjino sikur dikush nga Morecambe të më rrëzonte mua. Ti idiot i madh, i padobishëm. Mezi pres nëse Jake Paul të të nxjerrë në pah, o budalla i madh”, kishte thënë Fury.

I vetëshpalluri “Mbreti Cigan”, i cili njoftoi tërheqjen e tij nga boksi në fillim të vitit 2025 pas humbjeve të njëpasnjëshme ndaj Oleksandr Usyk, së fundmi u shfaq për të konfirmuar rikthimin e tij, duke thënë: “Mbreti duhet të kthehet në fronin e tij”.

Disa ditë më vonë, revista The Ring pohoi se Fury do të rikthehet në ring kundër Joshuas , me ndeshjen që do të jetë kryevepra e një mega-ngjarjeje të sezonit të Riadit në vitin 2026. /Telegrafi/

Ndeshja e shumëpritur e boksit midis Anthony Joshua dhe Jake Paul u zhvillua në Miami mëngjesin e sotëm (e shtunë), dhe britaniku i famshëm festoi fitoren me një nokaut.

Edhe pse shumë ishin skeptikë, kryesisht sepse ndeshja e boksit ishte organizuar nga Netflix, në fund nuk u fol për ndonjë kurth.

Që nga minuta e parë, Joshua e nisi në mënyrë agresive dhe nuk e kurseu Paulin. Amerikani u mbrojt mirë deri në raundin e pestë kur filloi të rrëzohej.

Në raundin e pestë, Joshua e rrëzoi dy herë dhe ishte e qartë se një nokaut ishte shumë afër.

Në raundin e gjashtë, gjyqtari përsëri i numëroi Pauliut për rrëzim, dhe kur amerikani u rikuperua dhe vazhdoi ndeshjen, Joshua bëri një seri të shkëlqyer që e përfundoi me një goditje me të djathtën dhe e rrëzoi amerikanin.

Joshua e mbajti premtimin e tij për ta nokautuar Paulin, dhe të gjithë ekspertët e boksit e prisnin një rezultat të tillë nëse lufta do të ishte e vërtetë, duke marrë parasysh që Joshua është shumë më i gjatë, më i rëndë dhe, më e rëndësishmja, më me përvojë.

Për Paulin, kjo ishte vetëm lufta e tij e 14-të profesionale dhe e dyta kundër një boksieri "të vërtetë" aktiv, dhe njëkohësisht humbja e tij e dytë, pasi më parë ishte mposhtur nga Tommy Fury.

Nga ana tjetër, Joshua tani ka 29 fitore dhe 4 humbje, me 26 fitore me nokaut. /Telegrafi/

KABUL, 20 dhjetor /ATSH-AFP/ – Një nga kinematë historike të Kabulit, ”Ariana”, e restauruar në vitin 2004 me ndihmën e profesionistëve francezë të filmit, është shembur dhe është planifikuar të zëvendësohet nga një qendër tregtare.

Që nga rikthimi në pushtet në vitin 2021, autoritetet talebane kanë vendosur një version ultra të rreptë të ligjit islamik, dhe kjo kinema, si të tjerat, kishte qenë e mbyllur për disa vite, por ndërtesa e saj kishte mbetur e paprekur, e vendosur në një nga sheshet në qendër të kryeqytetit afgan.

Të enjten, një grumbull rrënojash ishte i dukshëm nga rruga, dhe një tabelë në vendin e ndërtimit njoftonte “Një qendër moderne tregtare do të ndërtohet këtu”.

“Lajmi për shkatërrimin e kinemasë ‘Ariana’ më theu zemrën. Kishim kaq shumë kujtime të mrekullueshme atje… Ishte një vend i gjallë atëherë”, tha një banore 65-vjeçare e Kabulit, e cila shkonte shpesh atje me prindërit e saj në vitet 1970.

E ndërtuar në vitet 1960, ”Ariana” ishte një vend i preferuar për banorët e Kabulit, të cilëve u pëlqente të shikonin filma nga e gjithë bota.

Ndërtesa u shkatërrua plotësisht gjatë luftës civile (1992-1996).

E plaçkitur dhe e lënë të rrënohej, ajo mbeti e braktisur nën regjimin e parë të talebanëve (1996-2001), i cili ndaloi të gjitha format e kohës së lirë.

Por në vitin 2004, kinemaja mundi të rihapej pas punimeve të gjera restauruese të kryera nga arkitektët francezë të studios ”Lalo”.

Projekti u bë i mundur falë përpjekjeve të shoqatës “Një kinema për Kabulin”, e kryesuar nga regjisori francez Claude Lelouch, fitues i Palmës së Artë në Kanë për filmin “Një burrë dhe një grua”.

Ministri francez i Kulturës në atë kohë, Renaud Donnedieu de Vabres, dhe disa regjisorë udhëtuan për në Kabul për të përuruar teatrin e ri me 600 vende me ndenjëset e tij prej druri të veshura me kadife të kuqe, më 23 maj 2004.

“Një kinema është gjithmonë një dritë në qytet”, theksoi në atë kohë presidenti francez Jacques Chirac.

“Kinemaja ‘Ariana’ nuk ishte një rrënojë për t’u shembur, por një kujtim për t’u rihapur. Ajo ishte shkatërruar tashmë një herë nga lufta civile. Këtë herë, është më keq: po fshihet në emër të modernitetit. Modernitet pa shpirt, pa imazhe, pa heshtjen e përbashkët në errësirë”, tha shkrimtari dhe regjisori franko-afgan Atiq Rahimi.

Ai e kishte shfaqur filmin e tij të parë atje në vitin 2004.

”Besuam, për një moment, se kultura mund t’i mbijetonte barbarizmit”, shtoi ai./  a.jor.

The post FOKUS – Shkatërrohet ”Ariana” kinemaja historike e Kabulit appeared first on Agjencia Telegrafike Shqiptare.

Anthony Joshua dhe Jake Paul janë gati për përballjen e tyre të boksit të planifikuar për mbrëmjen e sotme në Miami të ShBA-ve.

E gjithë ngjarja në Miami fillon në orën 22:45 sipas kohës sonë lokale, dhe koha e parashikuar që Joshua dhe Paul të hyjnë në ring është afërsisht ora 3:30 apo 4:30 e mëngjesit të së shtunës.

Paul dhe Joshua mbajtën një peshim zyrtar para ndeshjes në Qendrën Kaseya, në të cilën britaniku hyn si favorit absolut, jo vetëm për shkak të ndryshimit të madh në madhësi (Joshua është 198 cm dhe 111 kg me një gjatësi krahësh prej 208 cm krahasuar me 184 cm, 104 kg dhe një gjatësi krahësh prej 193 cm të Paul), por edhe për shkak të aftësive të tij në boks.

Ajo që i habiti tifozët ishte ndryshimi i madh në peshën e dy boksierëve. Joshua peshon 110.4 kilogramë, ndërsa Paul peshon 98.2 kilogramë.

Pas peshimit, luftëtarët u përballën me njëri-tjetrin dhe, siç ndodh zakonisht, pati mjaft entuziazëm.

Por kur pasionet u qetësuan, Joshua, si një luftëtar më me përvojë dhe më i qetë, shpjegoi se nuk kishte probleme.

Në 13 ndeshje profesionale, Paul ka regjistruar shtatë fitore, ndërsa Joshua është një ish-kampion bote me 28 fitore dhe vetëm katër humbje, 25 prej të cilave ishin me nokaut.

Ndeshja, e cila do të transmetohet drejtpërdrejt në Netflix, do të përbëhet nga tetë raunde tre-minutëshe. /Telegrafi/

Anis Mehmeti, është objektivi kryesor i Panathinaikosit për verën e ardhshme, siç është raportuar këtë javë në Greqi.

Një destinacion i papritur ky që doli në dritë vetëm së fundmi.

Mehmeti plotëson karakteristikat e mesfushorit sulmues, që trajneri Rafael Benitez preferon. Vetë 24-vjeçarit i përfundon kontrata në fundin e sezonit, megjithatë zërat janë që do rinovojë.

Bristol Siti, nuk do të mbetet pa gjë. Do të jetë e vështirë megjithatë, që Mehmeti të qëndrojë edhe pas përfundimit të sezonit.

I lindur në Londër, është kthyer në idhull për tifozët e Bristolit. Në 21 ndeshje të Championship deri tani ia ka dalë të shënojë gjashtë gola dhe të asistojë gjashtë të tjerë.

The post E papritur për Anis Mehmetin, kërkohet me ngulm nga trajneri i njohur që fitoi Champions-in me Liverpulin appeared first on Albeu.com.

Jake Paul dhe Anthony Joshua u përballën me njëri-tjetrin përpara meçit të tyre të boksit të planifikuar për në 19 dhjetor në Miami.

Paul dhe Joshua u përballën para ndeshjes në Qendrën Kaseya, në të cilën britaniku hyn si favorit absolut, jo vetëm për shkak të ndryshimit të madh në madhësi (Joshua është 198 cm dhe 111 kg me një gjatësi krahësh prej 208 cm krahasuar me 184 cm, 104 kg dhe një gjatësi krahësh prej 193 cm të Paul), por edhe për sa i përket aftësive në boks.

Në 13 ndeshje profesionale, Paul ka regjistruar shtatë fitore, ndërsa Joshua është një ish-kampion bote me 28 fitore dhe vetëm katër humbje, 25 prej të cilave ishin me nokaut.

Për shkak të forcës së tij, Joshua e paralajmëroi Paulin se nuk do të kishte mëshirë në ring dhe se nuk do të ishte përgjegjës nëse ai do të kishte pasoja afatgjata pas kësaj ndeshjeje.

“Kur je në ring, është një vend i rrezikshëm dhe çdo gjë mund të ndodhë dhe shpreson që kundërshtari yt të largohet shëndoshë e mirë nga ringu, por nëse nuk e bën, e di që duhet të flesh duke e ditur se e ke bërë punën tënde dhe se asgjë nuk ishte personale”, ka thënë Joshua.

Pual paralajmëroi se kishte taktika të gatshme dhe se nuk kishte asgjë për të humbur dhe se do t’i shkaktonte Joshuas humbjen më të madhe në karrierën e tij.

"E zgjuar nga ana e tij, por besoj se është i përqendruar dhe e di që kjo mund të jetë potencialisht humbja më e madhe dhe do të jetë humbja më e madhe e karrierës së tij. Ai ka shumë për të humbur në këtë ndeshje dhe kjo është ajo që kam ndërmend të bëj, kjo është strategjia ime pas kësaj. E kam në cep dhe e di që nervat e tij do të fillojnë të rriten kur të shohë se çfarë mund t'i bëj", tha Paul.

Ndeshja, e cila do të transmetohet drejtpërdrejt në Netflix, do të përbëhet nga tetë raunde nga tre minuta. /Telegrafi/

Anthony Joshua i ka dhënë Jake Paulit një paralajmërim të fortë përpara përballjes së tyre të shumëpërfolur, duke deklaruar se synon ta thyejë atë jo vetëm fizikisht, por edhe mendërisht e shpirtërisht.

Ndeshja Paul – Joshua është eventi kryesor i kartës së madhe të Netflix të së premtes, që do të zhvillohet në Kaseya Center në Miami.

Për Jake Paulin, kjo do të jetë paraqitja e parë që nga fitorja ndaj Julio Cesar Chavez Jr., ndërsa për Joshuan ndeshja e parë pas humbjes së rëndë me nokaut ndaj Daniel Dubois vitin e kaluar.

Para duelin, dy boksierët u përballën ballë për ballë në një intervistë ekskluzive, ku britaniku u shfaq jashtëzakonisht i drejtpërdrejtë në deklaratat e tij.

“Plani im është ta mposht mendërisht. Jake është një person shumë mendor. Përgatitja e tij nuk bazohet vetëm në aspektin fizik, por edhe në mënyrën si mendon, si mediton, si punon me frymëmarrjen”.

“Nëse mund t’ia thyej shpirtin dhe mentalitetin, atëherë e kam thyer Jaken. Kjo është arsyeja pse kjo ndeshje do të jetë interesante. Nuk është vetëm fizike. Duhet ta marr shpirtin tënd në ring”.

Deklarata e Joshuas shkaktoi reagim të menjëhershëm nga Jake Paul, i cili u përgjigj shkurt: “I vetmi person që mund ta bëjë këtë është Zoti”

Joshua buzëqeshi dhe shtoi: “E dija që do ta thoshte këtë”.

I pyetur nga moderatori nëse deklaratat e Joshuas po i hynin “nën lëkurë”, Paul u përgjigj: “Jo. Por po pyes veten: si planifikon ta bëjë këtë?”.

Joshua vazhdoi me një shpjegim të detajuar dhe mjaft kërcënues: “Kam parë në shumë ndeshje momentin kur energjia e dikujt fillon të largohet. E sheh në sy, në lëvizje, në frekuencë. Kur e vëren atë shkëlqim që fillon të zbehet, vazhdon ta shfrytëzosh. Disa dorëzohen, disa rrëzohen. Do ta zbulojmë”.

“Dua ta shkatërroj shpirtërisht dhe mendërisht”, deklaroi britaniku.

Pas publikimit të videos, reagimet në rrjetet sociale ishin të ashpra. Shumë tifozë besojnë se Jake Paul dukej i “frikësuar” dhe se ka bërë një gabim të madh duke pranuar këtë përballje. /Telegrafi/

- YouTube www.youtube.com

Presidenti ukrainas Volodymyr Zelensky do të rifillojë bisedimet me të dërguarit e presidentit të SHBA-së, Donald Trump në Berlin të hënën, pasi pala amerikane tha se ishte bërë "shumë përparim" në përfundimin e konfliktit më vdekjeprurës të Evropës që nga Lufta e Dytë Botërore.

Zelensky do të takohet përsëri me të dërguarin e SHBA-së, Steve Witkoff dhe dhëndrin e Trump, Jared Kushner, pas pesë orësh bisedimesh të dielën, me udhëheqës të tjerë evropianë që gjithashtu do të zhvillojnë takime në kryeqytetin gjerman gjatë gjithë ditës.

Ukraina tha të dielën se ishte e gatshme të hiqte dorë nga ambicia e saj për t'u bashkuar me aleancën e NATO-s në këmbim të garancive perëndimore të sigurisë.

Por nuk ishte menjëherë e qartë se sa larg kishin përparuar bisedimet për këtë ose çështje të tjera jetësore, siç është e ardhmja e territorit ukrainas, dhe sa shumë bisedimet në Berlin mund ta bindnin Rusinë të binte dakord për një armëpushim, shkruajnë mediat e huaja, përcjell Telegrafi.

Bisedimet vijnë në fillim të një jave vendimtare për Evropën, me një samit të BE-së të enjten që do të vendosë nëse mund të mbështesë një kredi masive për Ukrainën me asete të ngrira të bankës qendrore ruse.

Evropa është kritikuar ashpër nga administrata Trump në javët e fundit për shkak të politikave të saj mbi migracionin, sigurinë dhe rregullimin e kompanive të mëdha të teknologjisë.

E në anën tjetër, Bashkimi Evropian dhe qeveritë kombëtare kanë luftuar për të gjetur një përgjigje të unifikuar ndaj kritikave të SHBA-së.

Ministrat e jashtëm të BE-së do të takohen në Bruksel të hënën për të rënë dakord për sanksione të reja kundër Rusisë, megjithëse mundësia e një pengese të menjëhershme për të rënë dakord për një marrëveshje tregtare të BE-së me Amerikën Latine kërcënon të minojë më tej përpjekjet e tyre për të treguar forcë.

"Ne do të vazhdojmë të bëjmë gjithçka që mundemi për të siguruar që Ukraina të arrijë pozicionin më të mirë të mundshëm negociues dhe, në rast dështimi, që të ketë të gjitha mjetet e nevojshme për t'u hakmarrë kundër kësaj lufte agresioni", tha ministri i Jashtëm gjerman Johann Wadephul për radion Deutschlandfunk.

Presidenti finlandez Alexander Stubb, i cili ka qenë i përfshirë ngushtë në bisedimet për Ukrainën dhe po takohej me Zelenskyn të hënën në mëngjes përpara negociatave të SHBA-së, shprehu një notë shpresëdhënëse.

"Mendoj se jemi në një moment kritik në negociatat për paqe", tha ai për programin televiziv holandez Buitenhof të transmetuar të dielën.

“Dhe në të njëjtën kohë, ndoshta jemi më afër një marrëveshjeje paqeje sesa kemi qenë në çdo kohë gjatë këtyre katër viteve”, tha Stubb, i cili u takua gjithashtu me Kushnerin në Berlin të dielën në mbrëmje. /Telegrafi/

Ministri i Jashtëm gjerman, Johann Wadephul, i kërkoi të dielën Pekinit të përdorë ndikimin e tij mbi Moskën gjatë konsultimeve mbi një armëpushim në Ukrainë, përpara vizitës së tij të parë në Kinë.

"Asnjë vend tjetër nuk ka aq shumë ndikim mbi Rusinë sa Kina dhe është në gjendje të përdorë peshën e saj për të siguruar që Rusia të jetë më në fund e përgatitur për negociata serioze mbi respektimin e sovranitetit të Ukrainës", tha Wadephul në Berlin.

"Është në interesin tonë që Kina të kontribuojë në arritjen e një paqeje të drejtë dhe të qëndrueshme në Ukrainë", shtoi Wadephul.

Kina është akuzuar nga Perëndimi se mbështet përpjekjet ruse të luftës, ndërsa këmbëngul të jetë neutrale.

Wadephul tha se angazhimi me Kinën ishte thelbësor në kohë tensionesh ndërkombëtare në rritje dhe se liria, siguria dhe prosperiteti ishin të lidhura ngushtë me Pekinin, përcjell Telegrafi.

"Kjo do të thotë se zhvillimi i këtij dialogu është në interesin tonë - në shkëmbim të drejtpërdrejtë dhe me drejtësi", tha ai.

Gjatë vizitës në Kinë, Wadephul do të adresojë kufizimet e Pekinit mbi eksportin e metaleve të rralla thelbësore për pjesën më të madhe të industrisë gjermane.

Wadephul do të pritet nga zëvendëspresidenti Han Zheng, ndërsa do të zhvillojë bisedime mbi çështjet kryesore me ministrin e Jashtëm, Wang Yi dhe ministrin e Tregtisë, Wang Wentao.

Ai do të takohet gjithashtu me Liu Haixing, ministër në seksionin ndërkombëtar të komitetit qendror të Partisë Komuniste.

Diplomati më i lartë i Gjermanisë do të ngrejë gjithashtu situatën në Lindjen e Mesme, si dhe shqetësimet në lidhje me Detin e Kinës Jugore dhe Ngushticën e Tajvanit.

Një ndryshim në statusin e Tajvanit mund të ndodhë vetëm me marrëveshje dhe me mjete paqësore, theksoi ai.

Ai tha se Kina, si anëtare e përhershme e Këshillit të Sigurimit të OKB-së, mban përgjegjësi për paqen dhe stabilitetin dhe për ruajtjen e parimeve të Kartës së OKB-së. /Telegrafi/

Ministri i Jashtëm gjerman Johann Wadephul i kërkoi Pekinit të përdorë ndikimin e tij mbi Moskën gjatë konsultimeve për armëpushimin në Ukrainë, përpara vizitës së tij të parë në Kinë.

“Asnjë vend tjetër nuk ka aq shumë ndikim ndaj Rusisë sa Kina për të siguruar që Moska të pranojë negociata serioze mbi respektimin e sovranitetit të Ukrainës”, tha Wadephul në Berlin.

“Është në interesin tonë që Kina të kontribuojë në arritjen e një paqeje të drejtë dhe të qëndrueshme në Ukrainë”, shtoi ai.

Kina është akuzuar nga Perëndimi se po mbështet përpjekjet ruse të luftës, ndërsa Pekini ka këmbëngulur se ka mbajtur një qëndrim neutral.

Wadephul tha se angazhimi me Kinën ishte thelbësor në kohë tensionesh ndërkombëtare dhe se liria, siguria dhe prosperiteti ishin të lidhura ngushtë me Pekinin.

Gjatë vizitës në Kinë, Wadephul do të adresojë kufizimet e Pekinit ndaj eksportit të metaleve të rralla – thelbësore për pjesën më të madhe të industrisë gjermane.

Wadephul do të pritet nga zëvendëspresidenti Han Zheng dhe do të zhvillojë bisedime mbi çështjet kryesore me ministrin e Jashtëm, Wang Yi dhe ministrin e Tregtisë, Wang Wentao.

Ai do të takohet gjithashtu me Liu Haixing, ministrin e seksionit ndërkombëtar të komitetit qendror të Partisë Komuniste.

Diplomati më i lartë i Gjermanisë do të fokusohet gjithashtu situatën në Lindjen e Mesme, si dhe shqetësimet në lidhje me Detin e Kinës Jugore dhe Ngushticën e Tajvanit.

BERLIN, 7 dhjetor /ATSH-DPA/- Ministri i Jashtëm gjerman Johann Wadephul i kërkoi sot Pekinit të përdorë ndikimin e tij mbi Moskën gjatë konsultimeve për armëpushimin në Ukrainë, përpara vizitës së tij të parë në Kinë.

“Asnjë vend tjetër nuk ka aq shumë ndikim ndaj Rusisë sa Kina për të siguruar që Moska të pranojë negociata serioze mbi respektimin e sovranitetit të Ukrainës”, tha Wadephul në Berlin.

“Është në interesin tonë që Kina të kontribuojë në arritjen e një paqeje të drejtë dhe të qëndrueshme në Ukrainë”, shtoi ai.

Kina është akuzuar nga Perëndimi se po mbështet përpjekjet ruse të luftës, ndërsa Pekini ka këmbëngulur se ka mbajtur një qëndrim neutral.

Wadephul tha se angazhimi me Kinën ishte thelbësor në kohë tensionesh ndërkombëtare dhe se liria, siguria dhe prosperiteti ishin të lidhura ngushtë me Pekinin.

Gjatë vizitës në Kinë, Wadephul do të adresojë kufizimet e Pekinit ndaj eksportit të metaleve të rralla – thelbësore për pjesën më të madhe të industrisë gjermane.

Wadephul do të pritet nga zëvendëspresidenti Han Zheng dhe do të zhvillojë bisedime mbi çështjet kryesore me ministrin e Jashtëm, Wang Yi dhe ministrin e Tregtisë, Wang Wentao.

Ai do të takohet gjithashtu me Liu Haixing, ministrin e seksionit ndërkombëtar të komitetit qendror të Partisë Komuniste.

Diplomati më i lartë i Gjermanisë do të fokusohet gjithashtu situatën në Lindjen e Mesme, si dhe shqetësimet në lidhje me Detin e Kinës Jugore dhe Ngushticën e Tajvanit.

Wadephul tha se Kina, si anëtare e përhershme e Këshillit të Sigurimit të OKB-së, mbante përgjegjësi për paqen dhe stabilitetin dhe ruajtjen e parimeve të Kartës së OKB-së. //a.i/

 

The post BERLIN – Wadephul i kërkon Pekinit të ushtrojë presion mbi Moskën për luftën në Ukrainë appeared first on Agjencia Telegrafike Shqiptare.

Administrata e presidentit amerikan, Donald Trump ka deklaruar se Evropa, brenda dy dekadave të ardhshme, do përballet me një “fshirje civilizuese” si rezultat i migracionit dhe integrimit në Bashkimit Evropian.

Në dokumentin e publikuar të Strategjisë së Sigurisë, SHBA-ja thekson se do të “nxisë rezistencën” në kontinent ndaj “trajektores aktuale evropiane”.

Duke reaguar ndaj publikimit të dokumentit, ministri gjerman i punëve të Jashtme, Johann Wadephul, deklaroi se amerikanët mbesin aleat kyç i sigurisë, por se “çështjet e lirisë së shprehjes apo të organizimit të shoqërive tona të lira” nuk hyjnë në këtë kategori.

“Ne konsiderojmë se jemi plotësisht të aftë të diskutojmë për këto çështje vetë në të ardhmen dhe nuk kemi nevojë për këshilla të jashtme”, u shpreh ai.Megjithatë, ai tha se tani do ta “analizonte në detaje strategjinë e re të sigurisë së SHBA-së”, raporton dw.

Ndryshe, dokumenti prej 33 faqesh, i cili përmban hyrjen e nënshkruar nga Trumpi, thuhet se Evropa është në rënie ekonomike, por se “problemet e saj të vërteta janë edhe më të thella”. Ndër to theksohen “aktivitetet e BE-së që minojnë lirinë politike dhe sovranitetin, politikat migratore që po transformojnë kontinentin, censurimi i lirisë së fjalës dhe shtypja e opozitës politike… si dhe humbja e identiteteve kombëtare”.

Në tekst shtohet se “nëse trendet aktuale vazhdojnë, kontinenti do të jetë i panjohshëm për 20 vjet ose edhe më pak”.

Për këtë arsye, politika amerikane duhet të përfshijë “nxitjen e rezistencës kundër trajektores aktuale evropiane brenda kombeve të Evropës”.

Dokumenti thekson qartë rreshtimin e administratës së Trumpit me partitë evropiane nacionaliste të ekstremit të djathtë, “ndikimi në rritje i të cilave… është arsye për optimizëm të madh”. Si shembull i lidhjeve të ngushta përmendet vizita e një zyrtari të lartë të partisë gjermane Alternativa për Gjermaninë (AfD) në Shtëpinë e Bardhë në muajin shtator, për takime me zyrtarë të lartë amerikanë. /Telegrafi/