TIRANË, 28 dhjetor/ATSH/ Shqipëria po hyn në një fazë të re rishikimi të skemës së pensioneve, në një kontekst të shënuar nga plakja e popullsisë, ndryshimet në tregun e punës dhe procesi i integrimit evropian.

Reforma e re synon të garantojë që sistemi i pensioneve të mbetet i qëndrueshëm financiarisht, i drejtë për brezat dhe i aftë të sigurojë të ardhura të mjaftueshme për një jetë dinjitoze.

Zëvendësministrja e Ekonomisë dhe Inovacionit, Olta Manjani, në një intervistë për ATSH bëri të ditur se reforma e re e pensioneve do të jetë gati brenda vitit 2026 dhe se ajo nuk prek kontributet e derdhura nga qytetarët, por mënyrën se si sistemi i përgjigjet realiteteve të reja ekonomike dhe demografike.

Sipas Manjanit, reforma po ndërtohet mbi dy shtylla kryesore: ndryshimet parametrike dhe ndryshimet sistemike.

Në kuadër të ndryshimeve parametrike, vëmendja kryesore i kushtohet moshës së daljes në pension dhe formulës së përllogaritjes së përfitimeve.

Aktualisht, mosha e pensionit për gratë rritet me dy muaj çdo vit dhe në vitin 2026 do të arrijë 62 vjeç, ndërsa për burrat rritja e moshës nis në vitin 2032, me objektivin që mosha e daljes në pension për gratë dhe burrat të barazohet në vitin 2056.

Megjithatë, sipas Manjanit, ky afat po rishikohet në kuadër të përafrimit me direktivat e Bashkimit Evropian, të cilat parashikojnë barazimin e moshës së pensionit deri në vitin 2030.

“Përafrimi që do të bëjmë me direktivën na dikton nevojën për rritje më të shpejtë. Ne i kemi kërkuar periudhë tranzitore Bashkimit Evropian, në mënyrë që të mos krijojmë deformime në tregun e punës, që kjo të ndodhë pak më ngadalë se sa kërkon BE, ku sipas direktivave deri në vitin 2030 moshat duhet të jenë të barazuara. Kemi kërkuar 2035 apo 2040 dhe, në varësi të vendimit, do të bëjmë edhe një rillogaritje”, u shpreh Manjani.

Ajo theksoi se ndryshimet në tërësi të skemës nuk synojnë të cenojnë të drejtat e përfituesve, por të sigurojnë që skema të ketë qëndrueshmëri financiare në terma afatgjatë dhe njëkohësisht të adresojë mjaftueshmërinë e të ardhurave të pensionistëve.

Në drejtimin e dytë, reforma parashikon ndryshime sistemike që lidhen me vetë strukturën e skemës së pensioneve. Në këtë kuadër, po diskutohet forcimi i skemave private vullnetare të pensioneve, të njohura si kolona e tretë, si dhe ndërtimi dhe konsolidimi i skemave private të detyrueshme, kolona e dytë.

Sipas Manjanit, këto ndërhyrje do të ndërmerren vetëm pas një procesi të gjerë konsultimi me biznesin dhe grupet e interesit, në mënyrë që sistemi të jetë i balancuar dhe i zbatueshëm.

Zëvendësministrja nënvizoi se qëllimi i reformës nuk është të ndryshojë mënyrën se si qytetarët kanë kontribuar apo përfitimet që kanë marrë, pasi parimi kontributiv mbetet themeli i sistemit.

“Qëllimi i reformës nuk është të ndryshojmë mënyrën se si është kontribuar kundrejt skemës apo benefitet që janë marrë. Qëllimi është përgjigjja ndaj ndryshimeve demografike, zhvillimeve në tregun e punës dhe përafrimit me direktivat në kuadër të procesit të integrimit, duke ruajtur gjithmonë parimin kontributiv, qëndrueshmërinë fiskale të skemës, barazinë mes kategorive dhe mjaftueshmërinë e të ardhurave për të garantuar një jetë dinjitoze”, deklaroi Manjani.

Paralelisht me reformën, qeveria do të zbatojë edhe një politikë mbështetëse për rritjen graduale të të ardhurave të pensionistëve deri në vitin 2030. Kjo politikë nuk është pjesë e reformës strukturore, por synon përmirësimin e menjëhershëm të të ardhurave të pensionistëve.

Si rezultat i kësaj politike mbështetëse, pensioni mesatar urban me vite të plota të punës pritet të rritet nga 27 350 lekë aktualisht në 40 000 lekë. Pensioni urban i pjesshëm synohet të kalojë nga 15 850 lekë në 22 000 lekë, ndërsa pensioni rural nga 11 500 lekë në 18 000 lekë. Në të njëjtin nivel, nga 11 400 lekë në 18 000 lekë, parashikohet të rritet edhe pensioni familjar, ndërsa pensioni i invaliditetit pritet të arrijë nga 20 000 lekë në 30 000 lekë.

Për të realizuar këto nivele, duke nisur nga janari 2026 do të aplikohet një rritje mujore e të ardhurave të pensionistëve, pa përfshirë indeksimin vjetor.

Rritja mujore në 2026-ën për pensionin urban me vitet e plota të punës do të jetë 1 800 lekë, për pensionin urban të pjesshëm 800 lekë, për pensionin rural 1 000 lekë, për pensionin familjar 700 lekë dhe për pensionin e invaliditetit 600 lekë, rritje që do të vijojnë çdo vit deri në arritjen e objektivave të përcaktuara për vitin 2030.

“Shuma do të dyfishohet në janar 2027, do të trefishohet në janar 2028, do të katërfishohet në janar 2029, e do të pesëfishohet në janar 2030”, u shpreh Manjani.

Sipas Manjanit, kjo qasje e dyfishtë – reforma strukturore dhe mbështetja afatshkurtër – synon të sigurojë stabilitet për pensionistët sot dhe një sistem pensioni të drejtë e të qëndrueshëm për brezat e ardhshëm.

/a.f/r.e/

The post Manjani: Reforma e pensioneve gati në 2026-ën, nuk preken kontributet appeared first on Agjencia Telegrafike Shqiptare.

Zv/ministrja e Financave dhe Ekonomisë, Olta Manjani, në një intervistë për “Sheshi i Dollarit” në ABC News, ka folur mbi programin “Garancia Rinore”, një nismë e bashkëfinancuar nga Bashkimi Europian që synon mbështetjen e të rinjve që nuk janë as në punë dhe as në arsim.

Manjani theksoi se programi ka dy shtylla kryesore: ndihmën për punësimin e të rinjve që kanë mbetur jashtë sistemit dhe sigurimin e trajnimeve profesionale për përgatitjen e tyre në tregun e punës. Sipas saj, qëllimi është që asnjë i ri të mos mbetet pas dhe çdo të rinj t’i jepet mundësia të integrohet përmes arsimimit dhe punësimit.

“Garancia Rinore” është një program që bashkëfinancohet nga Bashkimi Europian dhe ka dy shtylla kryesore, është shtylla e parë që është punësimi i të rinjve, që nuk janë as në punë dhe as në arsim, dhe po ta vini ky grup i targetuar u dedikohet praktikisht atyre të rinjve që praktikisht nuk bëjnë asgjë, mund të kenë ngelur pas.

Në thelb është që askush të mos ngelet pas, çdo i ri të ketë punësinë e shkollimit dhe të punësimit. Shtylla e dytë e këtij programi është shumë e rëndësishme dhe është përgatitja e të rinjve në tregun e punës, trajnime profesionale për t’u integruar më lehtë në tregun e punës”, tha Manjani./abcnews.al

Zv/ministrja e Financave dhe Ekonomisë, Olta Manjani, ka deklaruar në një intervistë për “Sheshi i Dollarit” në ABC Neës se tregu i punës në Shqipëri po pëson ndryshime të thella, të ndikuara si nga faktorët demografikë, ashtu edhe nga zhvillimet teknologjike.

Ajo theksoi se rënia e lindshmërisë dhe rritja e moshës mesatare të popullsisë kanë sjellë tkurrje të forcës së punës, ndërsa kërkesat e reja të tregut diktojnë aftësi moderne, përfshirë edhe ato të lidhura me Inteligjencën Artificiale.

Sipas Manjanit, studimet tregojnë një mospërputhje mes njohurive që ofron sistemi arsimor dhe nevojave reale të tregut, ndaj qeveria po i jep përparësi arsimit profesional, duke investuar për modernezimin e tij dhe afrimin me bizneset, në një kohë kur pagat në profesionet teknike rezultojnë gjithnjë e më konkurruese.

“Struktura e tregut të punës, është ndikuar nga shumë faktorë, kemi një rënie të numrit të lindjeve dhe një rritje të moshës mesatare të popullsisë çka do të thotë në vetvete se kjo ka tkurrur edhe popullsinë e aftë për punë. Nga ana tjetër janë edhe ndryshimet teknologjike, që sjellin ndryshime në tregun e punës. Natyra e punë ka ndryshuar dhe sigurisht që duhen aftësi të tjera për t’iu përshtatur tregut të punës. Që në kurrikulat dhe njohuritë që merren te bankat e shkollës  kemi futur elemente të Inteligjencës Artificiale. Ka një studim që tregon një mospëruthje të atyre që mësohen dhe tregun e punës. Po të shikojmë rastin e Shqipërisë, nga të cilat raportet që nxirren, një problem i qenësishëm janë edhe mbikualifikimet.

Kjo është edhe arsyeja pse Shqipëri po nxit arsimin profesional sepse një individ në një kohë të shkurtër merr një njohur në bankat e shkollës, që në arsimin e shkollës së mesme. Realisht vitet e fundit është investuar shumë në arsimin profesional, për ta sjellë atë sa më afër në tregun e punës. Ku janë marrë disa reforma. Pagat në sektorin profesional janë shumë të konkurrenshme”, tha Manjani.

/abcnews.al

Zv/ministrja e Financave dhe Ekonomisë, Olta Manjani, në një intervistë për “Sheshi i Dollarit” në ABC News, ka theksuar zhvillimet pozitive në tregun e punës dhe dinamiken e sektorëve kryesorë të ekonomisë. Sipas saj, rritje të ndjeshme po shënon sidomos sektori i hoteleri-turizmit, ndërsa programet aktive të tregut të punës dhe aftësimit profesional po japin rezultate të prekshme.

Vetëm në tremujorin e parë të vitit 2025 janë realizuar rreth 20 mijë ndërmjetësime të punësimit, prej të cilave 3 700 përmes programeve nxitëse, ndërsa 10 mijë persona kanë përfituar nga kurset profesionale. Manjani nënvizoi se pjesëmarrja e grave në tregun e punës është rritur ndjeshëm, duke arritur nivelin 72% në tremujorin e tretë të vitit 2025, ndërsa rritja ekonomike ka vijuar të gjenerojë më shumë vende pune dhe të rrisë kërkesën për fuqi punëtore.

“Kemi vënë re që ka një rritje të disa sektorëve të ekonomisë me ritme shumë të shpejta, sektori i hoteleri-turizmit. Një faktor shumë i rëndësishëm janë edhe programet aktive të tregut të punës, që përfshijë edhe programet e aftësimit profesional, të cilat kanë ndikuar edhe në rritjet e aftësive të forcës së punës dhe rritjes së aftësive të njerëzve për të gjetur një punë.

Këtu mund të them edhe disa shifra: vetëm në 3 mujorin e parë të vitit 2025 agjencia kombëtare për punësim dhe aftësim ka bërë rreth 20 mijë ndërmjetësime në tregun e punës, ndër to kemi edhe 3 mijë e 700 punësime të cilat janë ndërmjetësuar duke përdorur programe të nxitjes së punësimit, ndërkohë ka edhe 10 mijë persona që kanë përfituar nga kurset e formimit profesional.

Nga ana tjetër kemi edhe një pjesëmarrje më të lartë të grave në tregun e punës, pjesëmarrja e grave, vetëm në tremujorin e tretë të vitit 2025 është rritur me 72%, apo edhe e grupeve të tjera. Së fundmi patjetër që është edhe rritja ekonomike që ka krijuar më shumë vende pune dhe ka rritur kërkesën për të të punësuar. Është rritur edhe numri i të punësuarve”, tha Manjani.

Nga Ylli Manjani Vendimi i sotëm për të pezulluar qeverinë, përbën as më pak e as më shumë sesa GRUSHT SHTETI. Sigurisht që drejtësia ka të drejtë të pezullojë zyrtarë publikë, por jo të zgjedhur. Anëtarët e qeverisë mbrohen me të njëjtin imunitet si të zgjedhurit, përveç faktit që zonja Balluku është gjithashtu e zgjedhur. Por GJKKO sot nuk ka pezulluar Ballukun, por qeverinë.

Source

Nga Ylli Manjani Një qepen i mbyllur që mund të sjellë diçka… Ende jam i keqardhur për shkalafatjen disorientuese të PD-së. Padyshim që një parti numerikisht e madhe,kur rrudhet, sjell dëm në mjedisin politik. Nuk është e thjeshtë në shoqëri politikisht të ngurta si e jona të mbijetojnë demokratikisht, kur parti të mëdha alternative ndaj asaj që qeveris, kolapsin. Ngritja e një partie të re…

Source

TIRANË, 10 nëntor/ATSH/ Zëvendësministrja e Ekonomisë dhe Inovacionit, Olta Manjani, mori pjesë në Samitin e Dytë Botëror për Zhvillim Social, organizuar në Doha (Katar), me ftesë të Organizatës së Kombeve të Bashkuara.

Samiti u zhvillua 30 vite pas miratimit të Deklaratës së Kopenhagës për Zhvillimin Social dhe mblodhi përfaqësues të lartë nga vende të ndryshme të botës për të diskutuar politikat që nxisin zhvillimin gjithëpërfshirës dhe reduktimin e pabarazive.

Gjatë fjalës së saj, zv.ministrja Manjani prezantoi modelin e zhvillimit gjithëpërfshirës të Shqipërisë, që ndërthur rritjen ekonomike me përfshirjen sociale.

Ajo theksoi se rritja progresive e pagës minimale ka ndikuar ndjeshëm në reduktimin e varfërisë, ndërsa programet e targetuara si “Garancia Rinore” dhe masat aktive të tregut të punës po mbështesin integrimin e të rinjve, grave dhe grupeve të cenueshme në tregun e punës.

Sipas saj, përmes reformave në administratën publike, procesit të digjitalizimit dhe integrimit europian, Shqipëria po forcon transparencën, konkurrueshmërinë dhe qëndrueshmërinë institucionale.

“Rritja e qëndrueshme ekonomike qëndron te fuqizimi i kapitalit njerëzor dhe modernizimi i institucioneve”, u shpreh Manjani, duke nënvizuar angazhimin e qeverisë shqiptare për zhvillim të barabartë dhe gjithëpërfshirës.

1 nga 6

/r.e/a.f/

The post Manjani në Doha: Shqipëria, angazhim për zhvillim të barabartë dhe gjithëpërfshirës appeared first on Agjencia Telegrafike Shqiptare.

TIRANË, 4 nëntor/ATSH/ Zëvendësministrja e Ekonomisë, Olta Manjani priti sot në një takim drejtoreshën e re të Zyrës së KfW në Shqipëri, Mara Drochner.

Manjani dhe Drochner diskutuan mbi përgatitjet në kuadër të Konsultimeve Ndërqeveritare Shqipëri-Gjermani, që do të zhvillohen më 13-14 nëntor, si dhe ecurinë e Regional Challenge Fund.

“Bashkëpunimi me KfW dhe qeverinë gjermane mbetet thelbësor për nxitjen e arsimit profesional, inovacionit dhe zhvillimit të qëndrueshëm ekonomik në vend”, tha Manjani, në një postim në rrjetet sociale.

Shqipëria dhe KfW kanë ndërtuar një partneritet të fortë zhvillimor në disa sektorë kyç, me fokus në energji, ujë, mjedis, transport urban, arsim dhe zhvillim rajonal.

Projektet që janë në fazë programimi apo zbatimi pasqyrojnë prioritetet kombëtare, përfshirë integrimin në Bashkimin Evropian, veprimin për klimën, modernizimin e infrastrukturës dhe zhvillimin social.

/k.s/r.e/a.f/

The post Manjani pret Drochner: Bashkëpunimi me KfW thelbësor për zhvillimin e qëndrueshëm ekonomik appeared first on Agjencia Telegrafike Shqiptare.

Nga Ylli Manjani Nuk e di me çfarë e provon SPAK akuzën për Belinda Ballukun “shkelje e barazisë më tendera”. Ndoshta e provon, s’di ta them me siguri. Por kjo akuzë zakonisht ngrihet ndaj atyre zyrtarëve të prokurimeve publike që marrin vendime për tenderat. Ministrat ka vite, që në kohën e qeverisë Berisha 2 madje, që nuk vendosin për fitues tenderash. Nuk janë ministrat zyrtarët që vendosin…

Source

Ish-ministri i Drejtësisë, Ylli Manjani ka kritikuar rrugën e opozitës, duke thënë se Partia Socialiste dhe kryeministri Edi Rama nuk mund të largohen nga pushteti përmes ndërhyrjes së SPAK-ut, por vetëm përmes votës. ”PS rrëzohet nga pushteti vetëm me votë. Nuk e di edhe sa kohë e prova duhet për ta kuptuar kaq gjë. Çdo goditje e SPAK, Ramës i bëhet vetëm shëndet elektoral. Shëndet Ramës e gropë…

Source

Kryetari i Gjykatës së Lartë, Sokol Sadushi nuk u ftua që të merrte pjesë në ceremoninë e betimit të magjistratëve të rinj, një ngjarje që mbetet skandaloze. Për këtë ngjarje një status ka bërë ish-ministri i Drejtësisë, juristi i njohur Ylli Manjani ku thotë se ajo çka pa në ekran, është një show i shëmtuar talebanesk. ”Betimi në klasa apo salla konferencash është show i kotë dhe tallje me…

Source

Nga Ylli Manjani Habeas Corpus është ajo që dallon ndjekjen penale ligjore nga ajo abuzive. Me pak fjalë, drejtësia penale është shpikur dhe qëndron ende në këmbë për të ndëshkuar fajtorët që kanë sjellë një pasojë penale. Pra procedimi penal, sipas Konventës, Kushtetutës dhe ligjeve të shkruara, fillon menjëherë sapo ka ardhur një pasojë penale dmth, është vrarë dikush, është vjedhur diçka…

Source

Juristi Ylli Manjani tha në Euronews Albania se në kërkesën e Partisë Demokratike për shkarkimin e presidentit të republikës, Bajram Begaj, një shkelje e rëndë është ndërprerja e mandatit kushtetuese të një gjyqtari të Gjykatës Kushtetuese. Sipas Manjanit, pika dy e kërkesë së PD, që ka të bëjë me përpjekjet për të ndërprerë mandatit e […]

The post Manjani: Presidenti po kërkon të grabisë një mandat të Gjykatës Kushtetuese appeared first on BoldNews.al.

Nga Ylli Manjani Tani të bëjmë pak një hesap dhe mbase nxjerrim edhe ndonjë konkluzion. >Berisha kryeministër 8 vjet raportonte se ka eleminuar nja 100 grupe kriminale. >Më herët ministrat e brendshëm socialistë, duke filluar nga Spartak Poçi, raportuan për nja 50 grupe kriminale të eleminuara. > Ministrat e brendshëm të Ramës kanë raportuar të gjitjë së bashku nja 50 grupe të tjera të…

Source

TIRANË, 14 tetor/ATSH/ Forumi i Investimeve BE-Ballkani Perëndimor, që po zhvillohet në Tiranë, ka nisur me një angazhim të fortë ekonomik, ku në ditën e parë janë nënshkruar letra qëllimi për projekte me vlerë rreth 400 milionë euro në fushat e Inteligjencës Artificiale, energjisë së pastër dhe industrisë automotive.

Në panelin e parë të ditës së dytë, zëvendësministrja e Ekonomisë dhe Inovacionit, Olta Manjani, theksoi se forumi po forcon ndjeshëm lidhjet ekonomike ndërmjet Bashkimit Evropian dhe vendeve të Ballkanit Perëndimor.

“Synimi i këtij forumi është të thellojë bashkëpunimin ekonomik BE-Ballkani Perëndimor dhe dita e parë konfirmoi këtë qëllim përmes nënshkrimit të letrave të qëllimit për projekte konkrete që pritet të zbatohen vitin e ardhshëm”, tha Manjani.

Ajo rikujtoi deklaratën e Presidentes së Komisionit Evropian, e cila bëri të ditur se përmes kësaj nisme synohet të tërhiqen investime në vlerën e rreth 6 miliardë eurove në të gjithë rajonin.

“Integrimi evropian është një proces i mbështetur fort në investime të koordinuara në infrastrukturë, sektorin privat dhe zhvillimin e kapitalit njerëzor, i cili është një nga burimet më të çmuara të rajonit”, nënvizoi zëvendësministrja.

Ajo shtoi se vendet e Ballkanit Perëndimor kanë treguar potencial të lartë për t’u integruar me sistemet financiare të BE-së dhe se rajoni duhet të ecë përpara si një tërësi e bashkuar.

Gjatë ditës së dytë të forumit, janë planifikuar pesë sesione të fokusuara në sektorë të ndryshëm të ekonomisë, ku do të prezantohen projekte konkrete nga kompani të ndryshme, me synimin për të siguruar angazhime të drejtpërdrejta investimesh.

Forumi shërben si një platformë e rëndësishme për tërheqjen e investimeve të huaja direkte, nxitjen e inovacionit dhe përshpejtimin e konvergjencës ekonomike të rajonit me Bashkimin Evropian.

Forumi BE-WB6, Foto: Andrin Hoxha

1 nga 13

/a.f//r.e/

The post Forumi BE – Ballkani Perëndimor, Manjani: 400 milionë euro investime për IA, energji të pastër dhe industri appeared first on Agjencia Telegrafike Shqiptare.

Nga Ylli Manjani Me gjykatën aktuale kushtetuese kam qenë e jam kritik. Pa asnjë dyshim kemi patur trupa gjyqsore shumë më të mira që kanë marrë vendime kurajoze në të shkuarën. Gjykata e sotme kushtetuese është vite dritë larg edhe nga gjykata e Kosovës, se nuk po e krahasoj me gjykatat në perëndim. Por interpretimi që po tentohet të bëhet me mandatin e gjytares Sonila Bejtja është mendim…

Source

Ish-ministri i Drejtësisë, Ylli Manjani për vrasjen e gjyqtarit Kalaja, thotë se pyetja më me vlerë është sa shumë urrehet gjykata në këtë vend? Për të Reforma në Drejtësi ka dështuar, por edhe shton se pa gjykatës të sigurtë nuk ka Gjykatë të paanëshme. ”Ka sigurisht disa gjëra të tjera për të bërë, por gjykata jonë është larg, ende shumë larg gjykatës së standardit europian. Nuk ndodh askund në…

Source

I ftuar në Euronews Albania, juristi Ylli Manjani foli në lidhje me skenaret që mund të ndodhin pasi presidenti Bajram Begaj dekretoi zgjedhjet e parakohshme për Bashkinë e Tiranës, duke anashkaluar ankimin e Erion Veliajt në Gjykatën Kushtetuese, ku kundërshton shkarkimin. Sipas Manjanit, tani gjërat fillimisht varen nga ish-kryebashkiaku Veliaj, i cili ka në dorë […]

The post Dekreti për zgjedhjet në Tiranë/ Ylli Manjani tregon skenarët: Çfarë mund të bëjë Veliaj appeared first on BoldNews.al.

Ish-ministri i Drejtësisë Ylli Manjani ka reaguar në lidhje me dekretin e presidentit Bajram Begaj, i cili shpalli datën për zgjedhjet e pjesshme lokale në 6 Bashki. Në dekretin e Begajt janë përfshirë edhe zgjedhjet në Tiranë, edhe pse Erion Veliaj ka kundërshtuar në Gjykatën Kushtetuese vendimin për shkarkimin e tij nga detyra e kryebashkiakut të Tiranës, i […]

The post Begaj shpalli zgjedhjet në Tiranë, Manjani: Nëse do ta kishte bërë Meta, do ishte shkarkuar appeared first on BoldNews.al.

Erion Veliaj u shkarkua sot nga qeveria dhe do të përballet me drejtësinë për një sërë akuzash që SPAK ka ndaj tij. Po dje një tjetër Erion u mor i pandehur nga SPAK-u. Ai është kryetari i Bashkisë së Kolonjës, Erion Isai, pasi akuzohet për shpërdorim detyre, shkelje të barazisë në tendera dhe ankande publike. Me ironi, ish-ministri i Drejtësië, Ylli Manjani thotë se kush e ka emrin Erion në…

Source