Drejtuesi politik i PL-së për Qarkun e Beratit, Lefter Maliqi, ka reaguar në lidhje me përmbytjet e shkaktuara nga moti i keq që pushtoi vendin ditët e fundit. Në një postim në rrjete sociale, Maliqi ka ndarë foto nga zona Tapi-Kuçovë e cila është përmbytur nga shirat, teksa shkruan se kjo është hera e dytë […]
Hoxha Labinot Maliqi ka njoftuar se ka pasur një nder të veçantë të mirëpresë mysafirë të lartë dhe shumë të respektuar nga Shtetet e Bashkuara të Amerikës.
Sipas tij, vizitën e nderuan Sekretari i Shtetit të Luizianës dhe Kolonel i Forcave Ajrore të SHBA-ve, Charlton J. Meginley, Kapelani i Komandës së Shtetit, Kolonel Page Brooks, si dhe Kapelani i Kampit Amerikan Bondsteel, Kolonel Walls, së bashku me përfaqësues të tjerë të Ushtrisë Amerikane.
"Një fillim viti 2026 i denjë dhe domethënës, me mysafir kaq të shquar dhe të respektuar, që përfaqësojnë përkushtim, integritet dhe shërbim të sinqertë", tha Hoxha Maliqi.
Ai shtoi se, për nder të mysafirëve, është shtruar tapeti i kuq dhe është ngritur flamuri i Shteteve të Bashkuara të Amerikës në shtizën e xhamisë, si shprehje e respektit, mirënjohjes dhe partneritetit të sinqertë: "Po ashtu, gjatë këtij takimi i falënderova përzemërsisht për kontributin e jashtëzakonshëm që Ushtria e Shteteve të Bashkuara ka dhënë në çlirimin e Kosovës, për pavarësinë, lirinë, paqen, sigurinë, rindërtimin dhe zhvillimin e saj. Ky kontribut mbetet i paharruar dhe thellësisht i çmuar e i vlerësuar nga populli ynë".
Një moment i veçantë i vizitës ishte edhe mesazhi i lënë nga mysafirët në librin e përshtypjeve: "Faleminderit për mbështetjen tuaj të pakushtëzuar dhe të palëkundur për Ushtrinë e Shteteve të Bashkuara dhe, më e rëndësishmja, për përkujdesjen ndaj nevojave shpirtërore të njerëzve tuaj. Kontributi juaj vlerësohet shumë".
Ky mesazh, i nënshkruar nga Sekretari i Shtetit Charlton J. Meginley dhe Kapelani Kolonel Page Brooks nga Luiziana, sipas Hoxha Maliqit, ka një vlerë të veçantë dhe mbetet dëshmi e respektit të ndërsjellë dhe e lidhjeve të forta mes Kosovës dhe SHBA-ve. /Telegrafi/
Përmes një postimi në rrjetin social “Facebook”, drejtuesi politik i PL-së për Qarkun e Beratit, Lefter Maliqi, ka denoncuar atë që e cilëson si kontrast të thellë mes luksit të përfaqësuesve të qeverisë dhe varfërisë së qytetarëve në Kuçovë dhe zona të tjera të qarkut.
Ai shkruan se, ndërsa përfaqësues të mazhorancës festojnë në ambiente luksoze, një pjesë e madhe e qytetarëve përballen me varfëri, papunësi dhe kushte të vështira jetese.
Gjithashtu, në postimin e tij, Maliqi thekson se ky kontrast tregon shkëputjen e pushtetit nga realiteti i përditshëm i qytetarëve, duke shtuar se propaganda dhe luksi nuk mund të fshehin problemet reale me të cilat përballet shoqëria.
Postimi i Maliqit:
“KONTRASTI ME REALITETIN SOCIALIST
Fotoja e parë: Të pangopurit e PS që festojnë në lokale luksi mes tyre, te “Hani Qerozit”, ndërkohë Kuçova zhytur në varfëri, plehra e qenë!
Fotoja e dytë: Pakot e mia modeste për familjet në nevojë në të gjithë zonën e Kuçovës këtë prag festash.
Të dashur miq, ‘Barkdërrat’ e pangopur, abuzuesit e Rilindjes nuk fryhen dhe as nuk skuqen. Ata s’kanë as turp as moral, por hanë e pijnë, kërcejnë në lokale luksoze e ndërsa populli vuan!!! Jam krenar me mbështetjen që kam marrë ndaj nuk i lë në baltë, ashtu si familja ime do festojnë edhe ata pasi nuk më interesojnë festat kur populli vuan. Këto ditë u përpoqëm të ndihmonim disa familje nevojë për t’i lehtësuar sadopak vuajtjet me pako modeste nga ana jonë në bashkëpunim me biznesin e ndershëm. Kontrastin kuptojeni vetë. Zoti i sheh më mirë se kushdo. Mbetem me njerëzit në nevojë dhe në mbeshtetje të plotë të tyre. Rilindja mendjen e ka te parfumosja, veshjet luksoze, pijet e shtrenjta, vallet lokalet lluksoze dhe reklamë e propagandë ndërkohë që populli ne vuajtje në mjerim, duke u lutur në Zot.
Ju uroj gëzuar dhe të keni besim se me fitoren tonë të përbashkët do jem zëri dhe mbështetja juaj për punësim, mirëqënie dhe ndryshim.
Imami i xhamisë “Bedri Kamberi” në lagjen e Spitalit në Prishtinë, Labinot Maliqi ka pranuar një mirënjohje të lartë nga Policia e Kosovës, përkatësisht nga Drejtori Rajonal i Policisë në Prishtinë, Basri Shabani, në shenjë vlerësimi për bashkëpunimin e qëndrueshëm, korrektësinë profesionale dhe kontributin e dhënë në shërbim të interesit të përgjithshëm.
Maliqi ka theksuar se kjo mirënjohje ka një peshë të veçantë morale dhe institucionale, pasi përfaqëson jo vetëm një vlerësim formal, por edhe dëshmi të besimit, respektit dhe partneritetit të ndërsjellë ndërmjet institucioneve dhe komunitetit.
Sipas tij, ky vlerësim shërben njëkohësisht si motivim dhe përgjegjësi shtesë për vazhdimin e angazhimit me seriozitet, përkushtim dhe integritet.
Në këtë ceremoni, Drejtori Rajonal i Policisë, Nënkolonel Basri Shabani, ishte i shoqëruar edhe nga Fatos Haziri, çka i dha aktit karakter të lartë zyrtar dhe konfirmoi vullnetin institucional për forcimin e bashkëpunimit dhe koordinimit të vazhdueshëm.
Maliqi vlerësoi rolin e Policisë së Kosovës si një nga shtyllat kryesore të stabilitetit, rendit dhe sigurisë në vend, duke theksuar se ajo mbetet një nga institucionet më të besuara dhe më të respektuara në Republikën e Kosovës.
Drejtuesi politik i PL-së për Qarkun e Beratit, Lefter Maliqi, ka deklaruar ditën e sotme se SPAK ka marrë zyrtarisht nën hetim, kryebashkiakun e Kuçovës, Kreshnik Hajdari për 4 kallëzime të bëra ndaj tij. Sipas Maliqit, përveç këtyre 4 kallëzimeve të bëra nga ai vetë ndaj Hajdarit, janë depozituar edhe kallëzime të tjera nga avokati […]
Ish- deputeti i PD, Lefter Maliqi, ka publikuar në rrjetin e tij social Facebook dokumentin e SPAK adresuar drejt tij lidhur me hetimet dhe kallëzimet e bëra ndaj kryebashkiakut të Kuçovës, Kreshnik Hajdari.
Në dokumentin e SPAK drejtuar Maliqit, thuhet se SPAK ka marrë zyrtarisht nën hetim për 4 kallëzime kryetarin e Bashkisë Kuçovë.
Krahas dokumentit Maliqi shkruan se Kreshnik Hajdari duhet të ishte shkarkuar me kohë nga KQZ dhe Kryeministri, teksa pyet se kush po e mbron ende.
“Gjykata Administrative Tiranë, rrëzoi ankimin e Hajdarit për shkarkimin e tij, i cili ju kthye “KQZ”, ku jemi në pritje.
Gjykata e Posaçme kundër krimit të organizuar e dënoi Hajdarin me 9 muaj burg të konvertuar me 150 orë punë dhe nuk e apeloi. Hajdari duhet të ishte shkarkuar me kohë nga Kryeministri dhe “KQZ”.
Kush po e mbron ende? Oligark, Ministër??? Dhe pse??? Perse po e keqpërdorin Hajdarin?? Me porosi te kujt po i jep tenderat Hajdari kush po e keqperdor ?Po këta janë pjesë e hetimeve në “SPAK”, do i marr Hajdari me vete??? Pse po e keqpërdorin dhe cilat janë përfitimet e medha të tyre me firmën e të paaftit Hajdari? Cilat janë pazaret e tyre me disa eksponentë të PD kundra meje për dështimin e Opozitës? Pse kanë frikë??
A kanë frikë që emri im tek demokratët, opozitarët e ndershëm që duan ndryshim dhe janë kundra pazareve të pista bashkë me socialistët e ndershëm, ju prish interesat personal se do fitojmë Bashkitë Berat e Kuçovë??
Në njoftim sqarohet se nga hetimet ka rezultuar se Hajdari kur ka kandiduar për kreun e Bashkisë Kuçovë në qershor të vitit 2019, në formularin e vetëdeklarimit ka pohuar se nuk ka qenë ndonjëherë në hetim ose gjykim nga një autoritet i huaj, për kryerjen e një vepre penale, si dhe nuk ka qenë ndonjëherë i dënuar me vendim të formës së prerë nga një autoritet gjyqësor shqiptar ose i huaj”, shkruan Maliqi.
Sipas SPAK, Kreshnik Hajdari duke qenë kandidat për kryetar i Bashkisë Kuçovë edhe në zgjedhjet vendore me datë 14 maj 2023 kur dhe është rizgjedhur, ka patur detyrimin ligjor për plotësimin e formularit të vetëdeklarimit.
Por, nga hetimet e kryera ka rezultuar se Kreshnik Hajdari është i dënuar me vendimin e formës së prerë të vitit 1999 nga Gjykata e Janinës në Greqi, me masën riedukuese të qortimit, për shkeljen: “Hyrja në territorin grek pa ruajtur formalitetet ligjore përkatëse”.
Sipas SPAK, Hajdari, kishte detyrimin ligjor për të deklaruar këtë rrethanë, në zbatim të ligjit “Për garantimin e integritetit të personave që zgjidhen, emërohen ose ushtrojnë funksione publike.
Ish- deputeti i Partisë Demokratike, Lefter Maliqi, ka publikuar në rrjetin e tij social “Facebook”, dokumentin e SPAK adresuar drejt tij lidhur me hetimet dhe kallëzimet e bëra ndaj kryebashkiakut të Kuçovës, Kreshnik Hajdari.
Në dokumentin e SPAK drejtuar Maliqit, thuhet se SPAK ka marrë zyrtarisht nën hetim për 4 kallëzime kryetarin e Bashkisë Kuçovë.
Krahas dokumentit Maliqi, shkruan se Kreshnik Hajdari, duhet të ishte shkarkuar me kohë nga KQZ dhe Kryeministri, teksa pyet se kush po e mbron ende.
“Gjykata Administrative Tiranë, rrëzoi ankimin e Hajdarit për shkarkimin e tij, i cili ju kthye “KQZ”, ku jemi në pritje.
Gjykata e Posaçme kundër krimit të organizuar, e dënoi Hajdarin me 9 muaj burg të konvertuar me 150 orë punë dhe nuk e apeloi.
“Hajdari duhet të ishte shkarkuar me kohë nga Kryeministri dhe “KQZ”.
Kush po e mbron ende? Oligark, Ministër??? Dhe pse??? Perse po e keqpërdorin Hajdarin?? Me porosi te kujt po i jep tenderat Hajdari kush po e keqperdor ?Po këta janë pjesë e hetimeve në “SPAK”, do i marr Hajdari me vete??? Pse po e keqpërdorin dhe cilat janë përfitimet e medha të tyre me firmën e të paaftit Hajdari? Cilat janë pazaret e tyre me disa eksponentë të PD kundra meje për dështimin e Opozitës? Pse kanë frikë??
A kanë frikë që emri im tek demokratët, opozitarët e ndershëm që duan ndryshim dhe janë kundra pazareve të pista bashkë me socialistët e ndershëm, ju prish interesat personal se do fitojmë Bashkitë Berat e Kuçovë”? – shkruan Maliqi.
Postimi i plotë:
“SPAK” zyrtarisht nën hetim për 4 kallëzime të dënuarin dhe të paaftin Hajdari në krye të Bashkisë Kuçovë, të dhuruar në 2019 dhe grabitur në 2023.
Plus 2 kallëzime nga Avokati Arben Llangozi, plus 1 kallëzim nga Deputetja Albana Volshi, plus kallëzimi i fundit nga ana ime për tenderin 1 Milion Euro në Havaleas. Ndërkohë dhe Prokuroria e Beratit, ende ka hetimet për 4 Milion Euro të Sinëcit.
Gjykata Administrative Tiranë, rrëzoi ankimin e Hajdarit për shkarkimin e tij, i cili ju kthye “KQZ”, ku jemi në pritje.
Gjykata e Posaçme kundër krimit të organizuar e dënoi Hajdarin me 9 muaj burg të konvertuar me 150 orë punë dhe nuk e apeloi.
Hajdari duhet të ishte shkarkuar me kohë nga Kryeministri dhe “KQZ”.
Kush po e mbron ende? Oligark, Ministër??? Dhe pse??? Perse po e keqpërdorin Hajdarin?? Me porosi te kujt po i jep tenderat Hajdari kush po e keqperdor ?Po këta janë pjesë e hetimeve në “SPAK”, do i marr Hajdari me vete??? Pse po e keqpërdorin dhe cilat janë përfitimet e medha të tyre me firmën e të paaftit Hajdari? Cilat janë pazaret e tyre me disa eksponentë të PD kundra meje për dështimin e Opozitës? Pse kanë frikë?? A kanë frikë që emri im tek demokratët, opozitarët e ndershëm që duan ndryshim dhe janë kundra pazareve të pista bashkë me socialistët e ndershëm, ju prish interesat personal se do fitojmë Bashkitë Berat e Kuçovë??
A bëtë pazare ju hajdutë Rilindas në pushtet politik dhe lokal në Qarkun Berat dhe në bashkëpunim me këta 2-3 eksponentë politikë të PD më luftuat dhe dogjët mandatin e 3 të PD?
Pasi po të ishim të Bashkuar si PD e opozitë ishin të sigurt 3 mandate në PD.
Harrojeni se me paratë tuaja të pista e aferat korruptive do përçani opozitën.
Opozita do pastrohet dhe do fitojë Bashkitë Berat e Kuçovë dhe në shkallë vendi, krahë njerëzve të punës me eksperiencë dhe figurave të reja.
Pazaret e paratë e pista do ju dalin nga hundët! Vendin e keni ne burg.
Ish-deputeti Lefter Maliqi ka depozituar në Prokurorinë e Posaçme (SPAK) një kallëzim ndaj kryebashkiakut të Kuçovës Kreshnik Hajdari, për një tender me vlerë 1 milion euro, për rikonstruksionin e një shkolle në Havaleas të Kuçovës, ku klasat pothuajse janë bosh. Në një prononcim për mediat, ai tha se këtë tender e ka marrë nipi i […]
Ish-deputeti Lefter Maliqi, ka komentuar ditën e sotme zhvillimet më të fundit politike në vend, teksa ka akuzuar qeverinë për lidhje me krimin. Referuar hetimeve për Belinda Ballukun, Maliqi thotë se qeveria ka rënë, ndërsa shton se paratë e krimit, përfshirë sipas tij fondet e aferave të inceneratorëve dhe tuneleve, janë përdorur nga qeveria për […]
Ditën e sotme, ish-deputeti Lefter Maliqi, ka komentuar zhvillimet më të fundit politike në vend, teksa ka akuzuar qeverinë për lidhje me krimin.
Referuar hetimeve për Belinda Ballukun, Maliqi thotë se qeveria ka rënë, ndërsa shton se paratë e krimit, përfshirë sipas tij fondet e aferave të inceneratorëve dhe tuneleve, janë përdorur nga qeveria për lobime dhe për të krijuar “show mediatik”.
“Kjo qeveri ka rënë. Po të shikosh zv/kryeministren dhe ministra etj drejt burgut, është bërë tërmet. Në Shqipëri po ndodh ky fenomen, por këto paratë e krimit, inceneratorët, tunelet, etj miliona euro janë përdorur për të blerë ndonjë ndërkombëtar për të lobuar me këta për të bërë show mediatik nga qeveria”, u shpreh Maliqi në News 24.
Në lidhje me situatën brenda PD-së, ai theksoi se opozita ka detyrë të organizohet, të protestojë dhe të bëjë ndryshime të brendshme.
Këngëtarja e njohur Jonida Maliqi, teksa ishte e ftuar së fundmi në programin “Rudina”, ka bërë një rrëfim të sinqertë lidhur me eksperimentet e saj me pamjen e jashtme, duke pranuar hapur një nga pendesat e saj më të mëdha estetike.
E njohur për guximin e saj në modë dhe dukje, Maliqi pranoi se ndikimi i saj ka bërë që shumë vajza të ndiqnin verbërisht trendet që ajo vendoste, veçanërisht atë të vetullave tatuazh, për të cilin sot kërkon ndjesë.
Këngëtarja zbuloi se procesi për të rregulluar këtë gabim të së shkuarës ka qenë i dhimbshëm dhe i gjatë. Ajo u shpreh: “Kam bërë seanca lazeri të cilat i hoqa komplet, totalisht vjet dhe pastaj m’u desh që t’i ribëja në një formë tjetër pak më natyrale, pudër, jo më ai tatuazhi i mirëfilltë sikurse e kam në trup. Vërtete e kam vuajtur shumë”.
Sipas saj, këto vendime ishin pasojë e dëshirës për të qenë gjithmonë e veçantë në ekran.
“Këto janë ndoshta edhe gabime të brezit tonë, të risive që vinin asokohe, të trendeve, plus duke qenë në ekran unë kam qenë gjithmonë shumë e guximshme dhe ndonjëherë merrja në konsideratë vetëm dëshirën time, jo pasojat sesi do të vinte jeta më vonë”, shpjegoi Maliqi.
Në përmbyllje, ajo dha një mesazh të fortë ndërgjegjësues për vajzat, duke u nisur nga eksperienca personale: “Këshilla nga eksperienca ime personale do të jetë mos abuzoni dhe tejkaloni me përdorimin e fillerave dhe botox. Ndonjëherë ai ekzagjerimi nuk të bën të rikthehesh në identitet”.
Këngëtarja Jonida Maliqi së fundmi ishte e ftuar në programin “Rudina” në Tv Klan, ku rrëfeu jetën e saj personale dhe sfidat që ka kaluar.
Gjatë intervistës, Maliqi tregoi se një nga momentet më të vështira për të ka qenë divorci nga ish-bashkëshorti Gent Prizeni.
Ajo u shpreh se ndarja erdhi pas 17 vitesh martese, dhe ishte një pasojë e rritjes dhe ndryshimit të perceptimeve gjatë kohës.
“Unë jam lidhur në moshë fare të re, unë jam lidhur në moshën 17-vjeçare dhe kam kaluar 17 vite me babain e Danit. Jam divorcuar në moshën 34-vjeçare, sigurisht që Dani ishte shumë i vogël, ishte 5 vjeç dhe kisha nevojë për të qenë familje, megjithatë ishte një zgjedhje ku mendoj që erdhi si pasojë e kohës kur njihesh në moshë fare të vogël, njerëzit fillojnë mendësojnë ndryshe, reagojnë ndryshe, evolojnë dhe ti nuk je më ai personi që ke qenë dikur dhe sidomos ne nënave, grave na ndodh një lloj metamorfoze dhe fillojmë e shikojmë me një tjetër këndvështrim, prioritet është fëmija, jo më vetja jote”, shprehet Jonida.
Jonida shtoi se vendosi të ketë një familje më të vogël dhe të jetojë e lumtur brenda katër mureve të shtëpisë, sesa të përballet me pasiguri dhe konflikte.
“Kështu që mendoj më mirë të jesh në një familje të minimizuar, por të jesh i lumtur brenda katër mureve të shtëpisë, sesa të kesh pasiguri, të kesh konflikte dhe mos të jesh në paqe me veten Mendoj që divorci nuk është i thjeshtë, në mënyrë absolute, por nuk është edhe fundi i botës. Ne kemi lindur vetëm dhe vetëm do të vdesim. Unë mbi të gjitha dua më së shumti veten time dhe kur dua veten time do të dua çdokënd që do të më respektojë, do të më vlerësojë dhe do të rrugëtojë me mua në të mirë e në të keq. Mendoj që dy prindër duhet të jenë pranë njëri-tjetrit në të mirë dhe në të keq,” shton ajo.
Këngëtarja e njohur, Jonida Maliqi, ka rrëfyer gjatë një interviste të bërë së fundmi, për eksperiencën e saj të lidhjes që nisi në moshë të re dhe divorcin pas shumë vitesh martese. Ajo thekson rëndësinë e dashurisë për vetveten dhe paqes personale, duke nënvizuar se fëmija mbetet gjithmonë prioritet, por lumturia e prindit është po aq e rëndësishme.
Unë jam lidhur në moshë fare të re, në moshën 17-vjeçare. Kam kaluar 17 vite me babain e Danit. Jam divorcuar në moshën 34-vjeçare, sigurisht që Dani ishte shumë i vogël, 5-vjeç dhe sigurisht që kisha nevojë për të qenë familje. Megjithatë ishte një zgjedhje ku mendoj që erdhi si pasojë e kohës. Kur njihesh në një moshë fare të vogël, njerëzit mendësojnë më ndryshe, reagojnë ndryshe, evolojnë dhe ti nuk je më ai personi që ke qenë dikur
Sidomos dhe ne grave na ndodh një lloj metamorfoze, dhe mendoj që shikojmë me tjetër këndvështrim. Primar është fëmija dhe jo më… as vetja jote. Kështu që mendoj më mirë të jesh në një familje të minimizuar, por të jesh i lumtur brenda katër mureve të shtëpisë, sesa të kesh pasiguri, konflikte dhe të mos jesh në paqe me veten. Mendojqë divorci nuk është i thjeshtë, por nuk është dhe fundi i botës.Ne kemi lindur vetëm dhe vetëm do të vdesim. Unë mbi të gjitha dua më së shumti veten time, dhe kur të dua veten time do të dua çdokënd që do të më respektojë, do më vlerësoj dhe do rrugëtojë me mua në të mirë dhe në të keqe. Unë mendoj që dy prindër duhet të jenë pranë njëri-tjetrit në të mirë dhe në të keqe. Dhe ky është mesazhi që dua të japë për të gjitha femrat që kanë dilema.
“Të gjithë janë bashkuar kundër nesh”, thotë Albin Kurti duke përshkruar skenën politike në Kosovë sipas Lëvizjes së tij Vetëvendosje. Për partinë më të madhe në vend, çdo veprim i opozitës është një sfidë e drejtpërdrejtë ndaj saj. Por për disa vëzhgues, ky perceptim është më shumë një zgjedhje strategjike e Vetëvendosjes sesa pasqyrë e realitetit politik.
Natën e rundit të dytë të zgjedhjeve lokale, më 9 nëntor, kreu i Vetëvendosjes trumbetoi fitoren e partisë së tij në shtatë komuna të Kosovës, përkundër atyre që ai i quajti kushte të pazakonta politike.
“I falënderoj kandidatët tanë, ekipet e tyre, shtabet zgjedhore dhe aktivistët tanë, të cilët kanë pasur një betejë të jashtëzakonshme, meqenëse në të gjitha këto raste, të gjithë të tjerët janë bashkuar kundër Vetëvendosjes”, tha Kurti, njëherësh kryeministër në detyrë.
Në vazhdën e këtij diskursi, ai edhe në një postim në Facebook ku falënderoi qytetarët për pjesëmarrjen në balotazh, tha se Vetëvendosjen “s’e ndali dot as bashkimi i të gjithë kundërshtarëve”.
Këtë qasje e përforcoi edhe bashkëpartiaku i tij, Xhelal Sveçla, i cili humbjen e Vetëvendosjes në Prishtinë e cilësoi si rezultat të “koalicionit të pazareve”, e jo ideve.
Në një postim në Facebook, ai shkroi se “koalicioni LDK-PDK-AAK, oligarkë e disa kuazimedia do t’i kushtojnë më së shumti qytetarit. Mbetet që angazhimi ynë të minimizojë dëmin e zvogëlojë çmimin, gjithmonë në të mirë të qytetarit e shoqërisë”.
Visar Ymeri, drejtor ekzekutiv i Institutit për Politika Sociale “Musine Kokalari” në Prishtinë, nuk e sheh situatën si një front të bashkuar kundër Vetëvendosjes. Ai thekson se në zgjedhjet lokale, kjo parti ka bashkëpunuar me pothuajse të gjitha partitë tjera, ashtu si edhe të tjerat me njëra-tjetrën.
“Për shembull, AAK-ja e ka përkrahur Vetëvendosjen në Fushë Kosovë; Vetëvendosja e ka përkrahur AAK-në në Junik; Vetëvendosja e ka përkrahur PDK-në në Dragash, e kështu me radhë. Të gjitha këto kanë ndodhur në këto zgjedhje lokale, përkundër polarizimit në nivel qendror të partive politike”, thotë Ymeri për programin Expose të Radios Evropa e Lirë.
Në skenën qendrore, Vetëvendosje nuk arriti të siguronte shumicën e nevojshme në zgjedhjet e 9 shkurtit për të qeverisur e vetme, dhe dështoi të gjente partnerë për bashkëpunim. Me asnjërën palë që nuk pranonte kushtet e tjetrës, Kuvendi mbeti i bllokuar dhe Qeveria vazhdon të funksionojë në detyrë.
Mandatarit të Vetëvendosjes, Glauk Konjufca, i skadon afati ligjor për të paraqitur përbërjen e re qeveritare më 19 nëntor. Pa mbështetjen e partive të tjera, rruga e Kosovës duket e hapur drejt zgjedhjeve të parakohshme.
Partitë e mëdha tashmë kanë deklaruar se nuk do të japin votë për Konjufcën. Përfaqësuesit e tyre akuzojnë Kurtin se ka humbur tetë muaj me manipulime e taktizime politike, ndërsa situata aktuale, sipas tyre, dëshmon se partia e tij nuk mund të sigurojë shumicën “as në ëndrrat më të mira”.
Në sytë e vëzhguesve, të dyja taboret që vetëparaqiten si konstruktive, kanë mundur të bëjnë më shumë, por barra kryesore bie mbi partinë më të madhe, e cila, duke pasur mundësi për të ndërmjetësuar dhe lehtësuar dialogun, ka zgjedhur të forcojë narrativin e polarizimit.
Agon Maliqi thotë se Vetëvendosjes i ka shërbyer narrativi i “forcës më të mirë kundër gjithë së keqes së të shkuarës” në vitin 2021, kur ka fituar mbi 50 për qind të votave. Por sot, ky mesazh ka humbur fuqinë dhe nuk e mbështet më partinë si dikur.
“... për shkak se partitë ish-opozitare nuk janë më njësoj, edhe ato kanë lidership tjetër. Është dukur qartë edhe në zgjedhjet e fundit nacionale se ato kanë pasur rritje dhe e kanë kthyer një pjesë të besimit - jo të gjithën. E, po ashtu, edhe në zgjedhjet lokale kanë fituar shumë komuna”, thotë Maliqi për Exposenë.
Vetëvendosje edhe në zgjedhjet nacionale të vitit 2019 ka dalë e para, por me rreth një të katërtën e votave, ka qëndruar në pushtet vetëm rreth 50 ditë, pasi koalicioni me LDK-në është shembur.
Rritja e partisë dy vjet më vonë i është atribuar pjesërisht edhe aleancës së Kurtit me presidenten e atëhershme në detyrë, Vjosa Osmani, e cila është larguar nga LDK-ja për t’iu bashkuar Kurtit.
E njohur për veprime provokuese, si hedhja e gazit lotsjellës në Kuvend, Vetëvendosje ka lindur në fillim të viteve 2000 si një lëvizje proteste kundër elitave vendore dhe ndikimit ndërkombëtar në Kosovën e pasluftës - atëherë nën administrimin e OKB-së.
Me hyrjen në politikë në vitin 2011, ajo ka nisur të transformohet në një forcë institucionale, duke zbutur me kohë edhe tonin e saj radikal. Në zgjedhje ka garuar me narrativ kundër korrupsionit, duke e paraqitur veten si alternativë ndaj klasës së vjetër politike, e cila, sipas saj, ka abuzuar me pushtetin.
Sipas analistit Agon Maliqi, edhe tani duket se bëhet fjalë për një përpjekje të Vetëvendosjes për ta imponuar vullnetin e saj me çdo kusht, duke e përsëritur në një formë tjetër logjikën e forcës që dikur kritikonte.
“Po rikthehet në origjinën e saj, në projektin e saj që e vë në dyshim jo vetëm dialogun me Serbinë, Marrëveshjen e Brukselit, por edhe vetë natyrën e sistemit juridik të Kosovës, pra Pakon e Ahtisaarit. Dhe, e vetmja mënyrë për t’i çmontuar disa elemente të saj, është shkaktimi i një krize kushtetuese. Ky është i vetmi shpjegim përse një parti insiston të barrikadohet në këtë formë, sepse një parti që do të donte të qeveriste, do të gjente mënyra për të bashkëpunuar me së paku njërën prej partive të tjera të mëdha”, thotë Maliqi.
Maliqi, duke përmendur edhe sulmet e Vetëvendosjes ndaj institucioneve të pavarura, si Gjykata Kushtetuese, vlerëson se qëllimi i Kurtit është të krijojë realitete të reja juridike përmes krizave.
Radio Evropa e Lirë kërkoi komente nga Lëvizja Vetëvendosje për këtë temë, por pa sukses.
Ndërkohë, në mbledhjen e Këshillit të Përgjithshëm të partisë në shtator, vetë Kurti deklaroi se Kosova ka nevojë për “një republikë të tretë”.
“E kemi thënë disa herë që Kosova ka nevojë për një republikë të tretë, por jo si një republikë e shpallur në Kuvendin e saj prej 120 deputetësh, pra jo si një republikë e re, por si një republikë e rinuar, si një republikë e përtrirë, e cila frymon sipas idealeve përparimtare të rilindasve shqiptarë”, tha Kurti.
Në të njëjtën mbledhje, ai theksoi se bllokadat dhe pengesat nuk vijnë vetëm nga partitë kundërshtare, por edhe nga vonesat e Gjykatës Kushtetuese, e cila ka 18 ligje në pritje të vendimmarrjes.
Sipas tij, kjo situatë pengon zhvillimin e vendit dhe kufizon funksionimin e demokracisë, ndërsa tregon përpjekjen e Vetëvendosjes për të çuar përpara agjendën e saj edhe në kushte të vështira.
Qeveria e Kurtit, ndër vite, e ka gjetur veten në raporte të Departamentit amerikan të Shtetit për korrupsion qeveritar apo të Reporterëve pa Kufij për kufirizim e lirisë së mediave.
Por, papunësia nga viti 2021 ka qenë në trend të rënies dhe rritja ekonomike është sjellë nën 4 për qind. Pagat dhe pensionet janë rritur, ashtu si edhe investimet e huaja direkte.
E, ajo që e ka karakterizuar më së shumti qeverisjen e Kurtit ka qenë përpjekja e tij për të zgjeruar autoritetin e Kosovës në veri të vendit, përmes veprimeve si heqja e dinarit serb dhe mbyllja e institucioneve të Serbisë. Këto masa, ndonëse në përputhje me vizionin e tij për një Kosovë sovrane, i kanë shkaktuar tensione me BE-në dhe SHBA-në.
Visari Ymeri, një nga figurat e larta të Vetëvendosjes që ndër vite kanë dezertuar nga partia, thotë se polarizimi politik e shoqëror është një strategji e vetëdijshme e Vetëvendosjes.
Sipas tij, edhe pse partia pretendon të jetë e hapur për bashkëpunim, në praktikë ushqehet nga përplasja me të tjerët - një fenomen që Ymeri e konsideron të ri në skenën politike të Kosovës pas luftës.
“Te partitë tjera politike, që i kemi pasur në të kaluarën, natyrisht që ka pasur kundërshtime, shpeshherë edhe shumë të zjarrta, madje edhe armiqësi... por nuk ka ekzistuar logjika ‘ne dhe ata’. Ato e kanë parë procesin e shtetndërtimit në Kosovë si bashkëpunim. Dhe ky bashkëpunim ka rezultuar, pastaj, në rritje të kohezionit shoqëror - pra në depolarizim të shoqërisë”, thotë Ymeri.
Ymeri thekson se dalja nga situata e krijuar kërkon vetëdijesim të të gjitha partive se bashkëpunimi dhe kompromisi janë thelb i politikës, sidomos në periudha krizash.
“Për ta shpëtuar demokracinë, nevojitet bashkim i forcave, edhe mes atyre që nuk pajtohen”, thotë ai, duke shtuar se nuk do të dëshironte që zgjidhja të vinte përmes ndërhyrjes së bashkësisë ndërkombëtare.
“Unë mendoj se shoqëria kosovare duhet të piqet që vetë t’i zgjidhë problemet, e ky është një prej problemeve që e kemi sot. Këtë ngërç unë e shoh pak me vlerë në këtë drejtim. Nuk e di nëse do ta ketë këtë rezultat, por ngërçet nganjëherë janë të mira, sepse i mësojnë shoqëritë për një domosdo tjetër, të cilën nuk e shohin pa e pasur problemin”, thotë Ymeri.
Edhe komentet në rrjetet sociale dhe debatet televizive japin pamjen e një ndarjeje të thellë në shoqëri, por një anketë e zhvilluar nga Instituti Ndërkombëtar Republikan në periudhën maj-korrik të këtij viti, nxori në pah se vetëm 38 për qind e qytetarëve të Kosovës e shohin të nevojshëm ndryshimin e udhëheqësve kryesorë dhe të partive në pushtet.
Nëse vendi do të shkojë në zgjedhje të reja këtë vit, nuk është ende e qartë, por Vetëvendosje, ndonëse ‘e rrethuar nga kundërshtarë’ sipas saj, mbetet tash për tash ajo që përcakton fushën dhe ritmin e lojës. /REL/
Elhaida Dani ka nisur një podcast të quajtur “Podfestë” në kuadër të Festivalit të Këngës në RTSh.
Ajo të ftuar së fundmi kishte Jonida Maliqin, e cila përfaqësoi Shqipërinë në Eurovision 2019 me “Ktheju Tokës”.
Këngëtarja e mirënjohur ka folur për këtë eksperiencë unike, që sipas saj është kulmi i karrierës së çdo artisti.
Foto: TikTok
“Më ka qëlluar të flas me këngëtarë që kan marrë pjesë, kanë qenë në Eurovision dhe thonë, kurrë më nuk dua ta provojë një emocion të tillë”, iu drejtua Dani.
“Tani kulmi i një artisti shqiptarë është pikërisht prekja e skenës së Eurovisionit, sepse është ajo skena që ne jemi rritur edhe atje vërtetë e ndjen veten diva. Për ne që nuk kemi prekur shumë skenat botërore, ndryshe nga ti”, u shpreh ajo.
Foto: TikTok
Tutje tha: “Ndaj, për mua ka qenë kulmi i karrierës artistike, ashtu sikur shumë kolege të miat që e kanë përjetuar këtë dhe sa herë na është dashur ta prekim këtë temë, atë kemi thënë. Qasja me publikun, me median, me stafin, me organizimin ishte, do me thënë ishte një botë surreale nga ajo e jona”.
“Ndaj, jo më kot. Unë ndonjëherë kam dëshirën vetëm për, jo për unin që ta rifitoja festivalin dhe të shkoja në Eurovision”, përfundoi mes tjerash Maliqi. /Telegrafi/
Në një reagim pas rezultatit të zgjedhjeve të pjesshme në Qarkun Berat, Lefter Maliqi ka shpërndarë një mesazh të qartë për opozitën dhe drejtuesin e këtij qarku, Eno Bozdo. Pas humbjes në zgjedhje, Maliqi kërkoi që Bozdo të ndjekë shembullin e Leskajt në Vlorë dhe të japë dorëheqjen, për t’i hapur rrugë riorganizimit, bashkimit dhe […]
Gjatë një interviste për News24, Lefter Maliqi shpreht se situata në Partinë Socialiste, nuk është e qetë dhe se lufta brenda llojit është bërë shumë e rrezikshme.
Maliqi u ndal te figurat që, sipas tij, priteshin të merrnin drejtimin e PS-së pas Edi Ramës, por që më pas përfunduan në burg, ish-ministri i Brendshëm Saimir Tahiri dhe kryebashkiaku i Tiranës, Erion Veliaj.
Gjithashtu, ii përmendi zëvendëskryeministren Belinda Balluku, e cila vijon detyrën pavarësisht se është marrë e pandehur nga SPAK, për çështjen e tenderave të lidhur me tunelin e Llogarasë.
“Këtu është bërë baltë çdo gjë. Tuneli i palloshit 50 mln euro dhe nuk ka reagim. Edhe socialistët e kanë kuptuar dhe duan rrotacion politik por po presin opozitën. Tahiri, ish-ministri që mbushi me drogë Shqipërinë me urdhër të Ramës u fut në burg, njëjtë edhe Veliaj.
Na doli një “zonjë e hekurt” që u mor e pandehur nga SPAK dhe vazhdon e qetë detyrën. I thotë palloshit të gjatë vërtetë jam femër por jam dhe burrë dhe I ka bërë presion të drejtë për drejtë që nuk më shkarkon dot.
Pakënaqësi masive brenda PS dhe luftë brenda llojit. Duhet protesta të fuqishme nga PD”, shprehet Maliqi.
Lefter Maliqi shprehet se situata në PS nuk është e qetë dhe se lufta brenda llojit është bërë shumë e rrezikshme. Në një intervistë për News24, Maliqi u ndal te figurat që, sipas tij, priteshin të merrnin drejtimin e PS-së pas Edi Ramës, por që më pas përfunduan në burg, ish-ministri i Brendshëm Saimir Tahiri […]
Drejtuesi politik i Partisë së Lirisë në Qarkun e Beratit, Lefter Maliqi, paralajmëron në Facebook se Kreshnik Hajdari është drejt shkarkimit, arrestimit apo fundit me turp nga detyra e Kryetarit të Bashkisë Kuçovë të grabitur ne 2023. “Kush prek apo vjedh votën e lirë nuk do e gezojë kurrë mandatin, nga hundet do i dalë.”- […]
Imami Labinot Maliqi ka reaguar publikisht pas vendimit të Gjykatës Supreme, e cila konfirmoi kompetencën e Ministrisë së Arsimit, Shkencës, Teknologjisë dhe Inovacionit (MAShTI) për të përcaktuar rregulla mbi uniformën shkollore.
Në reagimin e tij, imami Maliqi thekson se Ministria ka autoritet ligjor për të rregulluar uniformën shkollore, por jo për të ndërhyrë në bindjet fetare të nxënësve.
“Mbulesa e kokës nuk është pjesë e uniformës zyrtare, nuk e zëvendëson atë dhe nuk e përjashton atë, por përbën shprehje të lirë të besimit individual,” tha ai.
Sipas tij, shamia me fytyrë të dukshme nuk bie ndesh me uniformën shkollore, përkundrazi, nxënëset që e bartin atë kanë respektuar gjithmonë rregullat dhe disiplinën në shkolla. Maliqi shton se ndalimi i shamisë “nuk lidhet me uniformën, por është shndërruar në mjet përjashtimi dhe diskriminimi ndaj nxënëseve besimtare”.
Reagimi i plotë pa ndërhyrje:
"Reagim publik mbi vendimin e Gjykatës Supreme dhe të drejtën për bartjen e shamisë në shkolla. Vendimi i Gjykatës Supreme që e konfirmon kompetencën e MAShTI-t për të përcaktuar rregulla mbi uniformën shkollore është formalisht i vlefshëm, por në thelb mbetet i diskutueshëm në raport me të drejtat themelore të njeriut dhe parimin e barazisë. Ministria e Arsimit, Shkencës, Teknologjisë dhe Inovacionit, ka autoritet ligjor për të përcaktuar rregulla që lidhen me uniformën shkollore, pra me mënyrën se si nxënësit paraqiten dhe vishen gjatë procesit arsimor.
Megjithatë, ky autoritet nuk përfshin të drejtën për të rregulluar bindjet fetare të nxënësve, siç është mbulesa e kokës, e cila nuk është pjesë e uniformës zyrtare te shkollës, nuk e zëvendëson atë, nuk e përjashton atë, por është shprehje e lirë e besimit individual. Shamia me fytyrë të dukshme nuk bie ndesh me uniformën shkollore.
Përkundrazi, në praktikë, nxënëset që e bartin shaminë kanë respektuar gjithmonë uniformën zyrtare të shkollës dhe rregullat e saj.
Asnjëherë nuk është dokumentuar ndonjë rast ku nxënëset me mbulesë të kenë refuzuar uniformën apo disiplinën shkollore. Për këtë arsye, ndalimi i mbulesës nuk lidhet me uniformën, por është shndërruar në mjet përjashtimi dhe diskriminimi ndaj nxënëseve besimtare, gjë që bie ndesh me frymën e Kushtetutës dhe ligjeve në fuqi. Dispozita e Udhëzimit Administrativ Nr. 06/2014, neni 3, pika 1.13, ndalon “bartjen e uniformës fetare”. Megjithatë, kjo dispozitë nuk e jep asnjë përkufizim se çfarë nënkuptohet me “uniformë fetare” dhe nuk e përfshin shaminë si veshje të tillë.
Kjo mungesë e sqarimit ka hapur rrugë për interpretime të pasakta dhe zbatim arbitrar, ku shamia e cila në fenë islame nuk konsiderohet uniformë apo simbol, por normë fetare, është përdorur padrejtësisht nga disa drejtues shkollash me qasje islamofobe për të përjashtuar nxënëset që e bartin shaminë.
Si pasojë, Udhëzimi Administrativ në fjalë ka prodhuar diskriminim, stigmatizim dhe përjashtim të vajzave me mbulesë islame, duke cenuar drejtpërdrejt nenin 24 (barazia para ligjit), nenin 38 (liria e besimit) dhe nenin 47 (e drejta për arsimim) të Kushtetutës së Republikës së Kosovës, si dhe Ligjin Nr. 05/L-021 për Mbrojtje nga Diskriminimi dhe Ligjin Nr. 04/L-032 për Arsimin Parauniversitar.
Një ndalesë e tillë nuk mbron rendin publik apo sigurinë. Përkundrazi, i kontribuon diskriminimit, stigmatizimit dhe prapambeturisë së femrës, duke e penguar zhvillimin e saj arsimor dhe profesional.
Ajo krijon një pengesë të panevojshme për emancipimin e gruas dhe përfaqëson një formë të përjashtimit gjinor, e cila bie ndesh me parimet themelore të barazisë dhe drejtësisë sociale. Shamia me fytyrë të dukshme nuk pengon identifikimin, nuk cenon procesin mësimor, dhe nuk prish rendin shkollor. Kufizimi i saj është jo proporcional dhe në kundërshtim me standardet evropiane për të drejtat e njeriut, të lirisë fetare dhe të drejtës për arsimim.
Prandaj, kërkoj që MAShTI ta shfuqizojë tërësisht apo ta rishqyrtojë nenin 1.13 dhe ta harmonizojë me Kushtetutën, ligjet në fuqi, standardet demokratike, praktikat evropiane dhe ato të vendeve anglisht-folëse, duke e riformuluar ndalesën në këtë frymë:“Ndalohet bartja e 'uniformës' fetare që mbulon fytyrën ose pengon identifikimin e nxënësve."Një rishikim i tillë do të rikthente koherencën institucionale, do të mbronte të drejtat themelore të njeriut, dhe do të dërgonte mesazhin se Kosova është shtet që respekton lirinë, dinjitetin dhe zhvillimin e gruas si shtyllë e shoqërisë demokratike"./Telegrafi/
Login
