Mediat amerikane raportojnë se sulmet ajrore ndaj bazave ushtarake të regjimit të Nicolas Madurós mund të jenë “çështje ditësh, madje orësh”. Sipas këtyre mediave, administrata e presidentit Donald Trump ka marrë tashmë vendimin për të goditur objektivat ushtarake brenda Venezuelës, në kuadër të asaj që në Uashington cilësohet si faza e dytë e fushatës kundër […]

The post SHBA mund të sulmojë bazat ushtarake të Maduros appeared first on BoldNews.al.

Ditën e sotme, ish-kryebashkiaku i Tiranës, Erion Veliaj, ka vijuar me tone të forta mbrojtjen e tij në seancën në Gjykatën Kushtetuese, ku kundërshton vendimin e qeverisë për shkarkimin nga detyra.

Ai e ka cilësuar si “fyerjen më të rëndë të jetës” argumentin zyrtar të largimit të tij për “mungesë tre mujore në detyrë”.

“Tirana është një qytet që rreh me pulsin e kombit tonë. Arsyeja për të më larguar mungesa tre mujore në detyrë, është fyerja më e rëndë e jetës sime, sepse erdhi nga bashkëpunëtorët e mi, ata që më njohin më mirë se kushdo tjetër, që as nuk më njoftuan e as nuk më dëgjuan. Zoti i faltë, sepse nuk dinë çfarë bëjnë. Lutem për ta çdo natë”, u shpreh Veliaj.

Ai e cilësoi vendimin e shkarkimit si një padrejtësi të dyfishtë, të cilën e konsideroi jo vetëm një dënim ndaj tij, por ndaj parimeve të shtetit ligjor.

“Dy padrejtësi nuk bëjnë më shumë drejtësi. Padrejtësia e shkarkimit, mbi atë të ndalimit, nuk e bën vendin më të drejtë. Ky nuk është cinizëm me mua, por me të vërtetën, kur thua se Erion Veliaj ka munguar tre muaj në detyrë – e thonë ata që dëshmuan rrëmbimin tim nga zyra. Kjo tregon se në këtë vend ende sundon vullneti politik, jo ligji”, tha ai.

Në vijim të fjalës së tij, Veliaj tha se personi i vetëm që mund të ankohej për mungesën e tij do të ishte nëna dhe familja, pasi, siç tha ai, “djalin e kanë takuar më shumë në burg se në liri”.

“Që nga dita e parë kur u betova në vitin 2015, jeta ime është bërë njësh me këtë qytet. Tirana ka qenë familja ime e madhe. Nuk pretendoj se gjithçka e kam bërë mirë, por askush nuk mund të më akuzojë se s’kam qenë në krye të punëve të këtij qyteti. Kush thotë se kam munguar, ofendon inteligjencën e qytetarëve të Tiranës që e kanë parë punën time për 10 vite”, deklaroi ai.

Veliaj përfundoi me tone sfiduese, duke theksuar se, ndonëse mund të jetë burgosur, e vërteta nuk mund të mbyllet bashkë me të.

“Mund të burgosësh një njeri, por nuk mund të burgosësh të vërtetën e tij. Mosprezenca ime nuk ishte zgjedhje. Nuk zgjodha të vetë-internohem në burgun e Durrësit, por u imponova nga shteti. Ata donin të më shihnin me pranga në duar, e jo me lopatë në duar, siç më ka parë Tirana për një dekadë”.

Gjykata Kushtetuese, pritet të vendosë në ditët në vijim nëse do të pranojë ankesën e Veliajt, apo do të lërë në fuqi vendimin e qeverisë për shkarkimin e tij nga detyra si kryebashkiak i Tiranës.

The post Erion Veliaj sulmon këshilltarët socialistë: Erdhi nga bashkëpunëtorët e mi, jam fyer rëndë, Zoti i faltë se nuk dinë ç’bëjnë… (VIDEO) appeared first on Albeu.com.

Ditën e sotme, kryeministri Edi Rama, në episodin e radhës në podcastin “Flasim”, foli edhe në lidhje me garën për kryebashkikun e Tiranës, pas shkarkimit të Erion Veliajt nga posti.

Kreu i shtetit, u shpreh se Flor Binaj është një kandidat i PD-së, të cilën e quan kënetë.

“Për vite të tëra i ka bërë për të qeshur të gjithë pa dallim, madje edhe vetë Kongresin e Partisë Socialiste e ka shkrirë gazit njëherë kur ka ardhur për të luajtur rolin tim”, tha Kryeministri.

Ao theksoi se; “nuk e gjykoj aspak aktorin për rolin e ri që ka marrë se aktorët atë punë kanë, me role jetojnë”.

Edi Rama: Risi është kandidimi i dy grave për Tiranën dhe Vlorën.

Dy qytete të dorës së parë në Shqipëri që do të drejtohen nga dy gra të cilat kanë një karrierë shumë të ngjashme në një periudhë të caktuar kur kanë drejtuar respektivisht rilindjen e Qendrës Spitalore Universitare Nënë Tereza flas për Ogerta Manastirliu dhe për Spitalin Rajonal të Vlorës, Bruna Mersinin.

Dy realitete të transformuara tërësisht falë aftësisë së tyre menaxheriale po sidomos vullnetit të hekurt të këtyre dy grave.

Ato janë që të dyja fituese të padiskutueshme të garave ku kundërshtarët janë shëmbëlltyra e plotë e disfatës së radhës, ndjestë pastë Partisë Demokratike. Këneta është kaq e dëshpëruar sa për Tiranën ka nxjerrë një aktor humori në rolin e një kandidati gjasme të pavarur që për vite të tëra i ka bërë për të qeshur të gjithë pa dallim, madje edhe vetë Kongresin e Partisë Socialiste e ka shkrirë gazit njëherë kur ka ardhur për të luajtur rolin tim.

Prandaj unë nuk e gjykoj aspak aktorin për rolin e ri që ka marrë se aktorët atë punë kanë, me role jetojnë, por kush voton mua dhe Patinë Socialiste do të votojë Ogerta Manastirliun.

The post Gara për Bashkinë Tiranë/ Rama sulmon Florian Binajn: Këneta ka nxjerrë si kandidat një aktor humori, kur erdhi të luajë rolin tim, shkriu gazit edhe vetë Kongresin e PS-së appeared first on Albeu.com.

Forcat ruse kanë kryer sulme ajrore duke shënjestruar disa rajone në mbarë Ukrainën, teksa Moska po tenton që të bëjë përparim në front, thanë zyrtarët ukrainas. Ndërkaq, një guvernator rus fajësoi Ukrainën për një sulm me dronë që shkaktuan ndërprerje të operacioneve në një stacion pompimi të një naftësjellësi të madh më 27 shtator. Sulmet […]

The post Rusia sulmon infrastrukturën kritike të Ukrainës appeared first on BoldNews.al.

Ukraina ka sulmuar të paktën dy rafineri të mëdha të naftës brenda Rusisë, përfshirë një që gjendet 1.400 kilometra larg nga vijat e frontit teksa Rumania ka raportuar për shkelje të hapësirës së saj ajrore nga dronët rusë, disa ditë pasi shteti tjetër i NATO-s, Polonia, tha se dronët rusë hynë në territorin e saj.

Zyrtarët në rajonin e Bashkortostanit, që gjendet thellë brenda Rusisë, thanë më 13 shtator, se kishte shpërthyer zjarr në një prej rafinerive më të mëdha të naftës të shtetit që gjendet në qyteti Ufa.

Sipas zyrtarëve, zjarri shpërtheu pasi copëzat e dy dronëve ranë në ndërtesë.

“Dy dronët e rrëzuar ranë në hapësirën e ndërtesës”, shkroi në Telegram, Radiy Khabirov, kreu i rajonit rus të Bashkortostanit.

“Në rastin e parë, një zjarr i vogël që shpërtheu u shua shpejt. Në rastin e dytë u ndërprenë furnizimet me ujë”, tha ai, duke shtuar se ndërtesa vazhdon të operojë.

Aeroporti i Ufas ndërpreu përkohësisht punën pas sulmit.

Tri orë më vonë, Aleksandr Drozdenko, guvernatori i rajonit të Leningradit, tha se rafineria e naftës Kirishi ishte goditur po ashtu nga copëzat e dronëve të rrëzuar ukrainas që shkaktuan zjarr mëngjesin e 14 shtatorit.

Drozdenko tha se nuk ka të plagosur nga ky rast. Kjo rafineri ishte goditur nga dronët ukrainas edhe në mars të vitit 2024, kur kishte shkaktuar ndërprerjen e gjysmës së prodhimit.

Zyrtarët rusë po ashtu thanë se një sulm me dronë ukrainas goditi një “ndërmarrje industriale” në rajonin Perm, pranë maleve Urale, më shumë se 1.500 kilometra larg kufirit ukrainas. Por, për këtë rast ende nuk ka detaje.

Agjencia Reuters raportoi se sulmet ukrainase deri në fund të gushtit kishin nxjerrë jashtë funksionit 17 për qind të industrisë ruse të përpunimit të naftës, duke kërcënuar se do të rritet mungesa e karburanteve dhe duke i dhënë një goditje të madhe buxhetit të Kremlinit për shkak të humbjes të të ardhurave nga nafta.

Ukraina ka intensifikuar sulmet ndaj infrastrukturës së lidhur me luftën e Kremlinit, si përgjigje ndaj sulmeve të vazhdueshme ruse ndaj qyteteve infrastrukturës civile në Ukrainë.

“Ne po bëjmë gjithçka të mundemi për të zvogëluar aftësinë e Rusisë për të luftuar”, tha presidenti ukrainas, Volodymyr Zelensky, në adresimin e tij mbrëmjen e së shtunës.

“Goditjet tona në thellësi do të intensifikohen – financimi dhe detyrat për këtë tashmë janë në fuqi. Diplomatët po punojnë gjithashtu në mënyrë aktive me të gjithë partnerët për të reduktuar raportet e tyre tregtare me Rusinë. Dhe ne po koordinojmë veprimet tona”.

Këto deklarata erdhën pasi presidenti amerikan, Donald Trump, më 13 shtator u bëri thirrje anëtarëve të NATO-s që të ndalojnë së bleri naftë ruse, duke thënë se një veprim i tillë do të ndihmonte në dhënien fund të konfliktit vdekjeprurës në Ukrainë.

Trump propozoi që shtetet e NATO-s të vendosin tarifa dytësore nga 50-100 për qind ndaj Kinës për blerjen e benzinës ruse, duke sugjeruar se tarifa të tilla do të hiqeshin kur lufta të përfundonte.

Ndërkaq, Ministria e Mbrojtjes e Rumanisë tha se hapësira ajrore e këtij shteti të NATO-s është shkelur nga një dron rus gjatë një sulmi të Rusisë ndaj infrastrukturës në Ukrainë.

Ministri i Mbrojtjes, Ionut Mosteanu, i tha Radios Evropa e Lirë se më pas droni doli nga hapësira ajrore rumune dhe hyri në atë të Ukrainës.

Ai tha se dy avionë rumunë F-16 u ngritën në ajër me të detektuar dronin. Më vonë, ata u zëvendësuan nga dy dronë gjermanë Eurofighter Typhoon.

Më 10 shtator, të paktën 19 dronë rusë hynë në hapësirën ajrore polake, duke rritur tensionet mes NATO-s dhe Moskës. Më 12 shtator, aleanca ushtarake perëndimore nisi Rojën Lindore, një mision që synon forcimin e mbrojtjes të shteteve anëtare që gjende pranë Rusinë./ REL

The post Ukraina sulmon në territorin rus, hedh në erë dy rafineritë e naftës appeared first on Albeu.com.

Ukraina ka sulmuar një luftanije të flotës së Rusisë në Detin e Zi. Këtë e konfirmon inteligjenca e Kievit që ka shpërndarë edhe pamje të aksionit. Sulmi, lexohet në një deklaratë, është kryer me një dron gjatë një operacioni të fshehtë afër portit të Novorosysk. Gjithmonë sipas inteligjencës, flota ruse ka vetëm 4 luftanije të […]

The post Ukraina sulmon luftanijen e flotës ruse në Detin e Zi appeared first on BoldNews.al.

Kur Lasgushi u godit me fletërrufe për një libër të vonuar, ai u bë simbol i një kohe kur turmat gjykonin pa gjykata. Sot, historia përsëritet: gjyqtarët shënjestrohen publikisht nga vetë Kryeministri, në një doktrinë moderne të “fletërrufesë” që sfidon pavarësinë e drejtësisë. Gjuha e pushtetit rrezikon të delegjitimojë gjyqësorin, duke e kthyer popullin në […]

The post Revolucioni Kulturor Kinez dhe pavarësia e gjyqësorit appeared first on BoldNews.al.

Izraeli ka intensifikuar ndjeshëm ofensivën kundër objektivave ushtarake në Siri, duke sulmuar sërish kryeqytetin Damask.

Sipas dy burimeve të sigurisë, objektivi i fundit ka qenë Ministria e Mbrojtjes së Sirisë, ndërsa raportohet për viktima dhe të plagosur mes forcave të sigurisë siriane.

Mediat ndërkombëtare, përfshirë agjencinë Reuters, raportuan për një shpërthim të fuqishëm në orët e pasdites të së mërkurës në Damask, duke cituar burime zyrtare siriane që e lidhin ngjarjen me një tjetër sulm ajror nga Izraeli.

Pamje të publikuara në rrjetet sociale nga mediat izraelite dhe arabe tregojnë momentin e sulmit, ku sipas raportimeve, sulmi ka ndodhur vetëm pak orë pas bombardimit të hyrjes së godinës qendrore të Ministrisë së Mbrojtjes në një nga sheshet kryesore të kryeqytetit sirian.

Ministri izraelit i Mbrojtjes, Israel Katz, ka shpërndarë një video nga televizioni shtetëror sirian ku dëgjohet shpërthimi i fuqishëm gjatë një transmetimi live të lajmeve.

Në postimin e tij në platformën X (ish-Twitter), Katz shkruan:

“Goditjet e rënda kanë nisur”, duke shoqëruar videon me një mesazh paralajmërues ndaj regjimit sirian.

Ai deklaroi më herët se paralajmërimet ndaj Damaskut kanë përfunduar dhe se tanimë kanë nisur goditjet “të dhimbshme”.

Izraeli, sipas tij, do të vazhdojë të mbrojë komunitetin e Druzëve në Siri dhe se ushtria izraelite do të veprojë në jug të vendit, konkretisht në provincën Suweida, derisa tërheqja e plotë e forcave siriane të përfundojë.

“Drejtuar vëllezërve tanë druzë në Izrael: mund të mbështeteni tek Forcat e Armatosura Izraelite për të mbrojtur vëllezërit tuaj në Siri. Kryeministri Netanyahu dhe unë, si Ministër i Mbrojtjes, kemi dhënë fjalën – dhe do ta mbajmë”, deklaroi më tej Katz.

Sulmi i fundit në Ministrinë e Mbrojtjes vjen në vazhdën e një tjetër goditjeje në hyrjen e ndërtesës disa orë më parë.

Ngjarja ndodh mes përshkallëzimit të tensioneve në jug të Sirisë, ku ka pasur përplasje të armatosura mes milicive druze dhe fiseve beduine, duke shkaktuar dhjetëra viktima.

Forcat izraelite kanë ndërmarrë gjithashtu disa goditje në jug të Sirisë, një rajon që po përballet me tensione të thella etnike dhe përfshirjen e forcave siriane të sigurisë.

Zyrtarët izraelitë kanë theksuar se veprimet e tyre ushtarake kanë për qëllim mbrojtjen e minoritetit druzi në Siri.

The post Izraeli sulmon Sirinë, bombardohet kryeqyteti appeared first on Albeu.com.

Kryeministri Edi Rama, shprehet se në Theth është ndërtuar një fshat turistik pa leje dhe sulmoi më tej prokuroren e Shkodrës, Elsa Gjelin, e cila nuk ka bërë detyrën e saj në lidhje me këtë masakër.

Rama u shpreh se Inspektoriati dhe Policia, kanë konstatuar ndërhyrjen në këtë zonë të mbrojtur, por kur çështja u dërgua në prokurori, nuk u mor asnjë veprim për të nisur hetimet.

Pasi ka pajisur të gjithë miqtë e tij oligarkë me leje ndërtimi anë e mbanë Shqipërisë, Rama tashmë bën si hero i vendit dhe ngrihet të sjellë shpëtim.

Ai e konsideron të papranueshëm vendimin e prokurores Gjeli, duke theksuar se ky veprim dëmton rëndë interesat e shtetit dhe shkel pasuritë e përbashkëta të popullit shqiptar.

Kryeministri Edi Rama, thotë se në Theth është ndërtuar një fshat turistik pa leje dhe sulmoi më tej prokuroren e Shkodrës, Elsa Gjelin, e cila nuk ka bërë detyrën e saj në lidhje me këtë masakër.

Gjithashtu, Rama u shpreh se Inspektoriati dhe Policia, kanë konstatuar ndërhyrjen në këtë zonë të mbrojtur, por kur çështja u dërgua në prokurori, nuk u mor asnjë veprim për të nisur hetimet.

Pasi ka pajisur të gjithë miqtë e tij oligarkë me leje ndërtimi anë e mbanë Shqipërisë, Rama tashmë bën si hero i vendit dhe ngrihet të sjellë shpëtim.

Ai e konsideron të papranueshëm vendimin e prokurores Gjeli, duke theksuar se ky veprim dëmton rëndë interesat e shtetit dhe shkel pasuritë e përbashkëta të popullit shqiptar.

The post Kryeministri Rama sulmon prokuroren Elsa Gjeli për ndërtimet pa leje në Theth appeared first on Albeu.com.

Në një deklaratë për mediat, Monika Kryemadhi, pas daljes nga SPAK ka deklaruar se asaj nuk i intereson më se çfarë mendon dhe thotë ish-bashkëshorti i saj, Ilir Meta.

Kryemadhi është shprehur se Presidenti i PL-së informohet vetëm nga një njeri, duke nënkuptuar Tedi Blushin, lidhur me ngjarjet jashtë burgut.

“Informohet vetëm për gjërat që i intereson grupit që rri afër tij”, theksoi ajo, duke shtuar se; “nuk më intereson më fare as se çfarë thotë Meta dhe as se çfarë bën e mendon”.

Pas kësaj deklarate të Kryemadhit, ka reaguar Meta i cili e quan atë “Zeqine e SPAK-ut”.

Meta shprehet se ai ka ka çmontuar publikisht shpifjet kriminale të orkestruara nga Altin Dumani se; “gjoja ishin gjetur dy prova të reja, pra dy karta bankare të reja, që sipas tyre ishin të përdorur edhe nga Ilir Meta, apo edhe ai ishte në dijeni”.

Presidenti i PL shprehet më tej se nuk do të besojë, që ato që ka shkruar Altin Dumani për kartat bankare të Monika Kryemadhit dhe të Adrian Shatkut janë të vërteta, por “ata i shkruajnë për të justifikuar izolimin kriminal të Ilir Metës si lider i Partisë së Lirisë”.

Ai shton se nëse akuzat do të ishin të vërteta, SPAK nuk do i jepte leje “Zeqinesë” të shkonte në SHBA në janar të këtij viti, ku jeton Adrian Shatku.

Reagimi i Metës:

“Në respekt dhe përkujdesje të tre fëmijëve të mi u kisha thënë pas zgjedhjeve, që nëna e tyre të mos e përmendte më emrin tim në publik se nuk doja të merresha më me të.

Por kur të komandon halli bëhesh “Zeqine” e SPAK-ut.

Ilir Meta dhe Tedi Blushi, jo vetëm që nuk përsërisin akuzat e Altin Dumanit, por vetëm kanë çmontuar publikisht shpifjet kriminale të orkestruara nga Altin Dumani se gjoja ishin gjetur dy prova të reja, pra dy karta bankare të reja, që sipas tyre ishin të përdorur edhe nga Ilir Meta, apo edhe ai ishte në dijeni.

Ilir Meta dhe Tedi Blushi iu janë përgjigjur këtyre shpifjeve monstruese që filluan me rrëmbimin tim monstruoz, me hetimin monstruoz dhe me izolimin tejet monstruoz, që nuk ka lidhje me asnjë fakt dhe provë penale për Ilir Metën.

Përkundrazi. faktet dhe provat janë fshehur deri tani për të mbuluar personat që kanë shkelur ligjet apo që kanë patur dijeni për shkeljet e ligjeve apo që janë vërtetuar si dëshmitarë të rremë, që dihet publikisht që ishin në listat e kandidatëve për deputet të “Rilindjes” dhe kanë punuar për “Rilindjen” me material shtrëngues.

Sigurisht edhe unë nuk dua t’i besoj, që ato që ka shkruar Altin Dumani për kartat e saj bankare dhe të Adrian Shatkut janë të vërteta, por ata i shkruajnë për të justifikuar izolimin kriminal të Ilir Metës si lider i Partisë së Lirisë.

Se po të ishin të vërteta, sigurisht që SPAK nuk do i jepte leje “Zeqinesë” të shkonte të SHBA në janar të këtij viti, ku jeton Adrian Shatku dhe janë kompanitë e lobimit që ia ka sjellë në Shqipëri, të cilat po i heton SPAK prej 3 vitesh.

The post Meta sulmon Kryemadhin, e quan “Zeqine e SPAK-ut”: Takoi Shatkun në janar në SHBA appeared first on Albeu.com.

Deputetja e Partisë së Lirisë, Monika Kryemadhi, ka dhënë një deklaratë për mediat përpara hyrjes në Kuvend, ku ka sulmuar sekretarin e Përgjithshëm të Partisë së Lirisë, Tedi Blushi.

Kryemadhi foli për rastin e ri të korrupsionit të zbuluar nga SPAK, lidhur me kartën bankare të dhënë nga biznesmeni i tij kushëri Adrian Shatku, përmes së cilës ka shpenzuar 244 mijë dollarë për veshje, bileta avioni e hotele në vende të botës.

Kryemadhi shënjestroi Blushin, teksa tha se në vend që të lexojë dokumentet të SPAK për të, duhet të flasë për Ergys Agasin apo Ulsi Manjën.

Kryemadhi e akuzoi Blushin se e largoi Metën nga shtëpia, i largoi njerëzit nga Partia e Lirisë, duke shtuar me ironi se tani që u bë deputet, nuk e di se çfarë kërkon që të marrë më.

“Tedi Blushi mori ca kishte për të marrë. I largoi të gjithë këshilltarët në presidencë kur ishte Meta, i largoi nga partia e Ilir Metës, të gjithë kontribuuesit dhe themeluesit e partisë. E gënjeu se ia kanë hequr vjehrrin nga puna por e ka akoma nëndrejtor te spitali i burgut.

Nuk e di ca do më. Deputet u bë. Nga shtëpia e largoi Ilir Metën, takimet e kalamajve ua djeg në burg Blushi. Nëse do edhe një fustan apo një palë këpucë me taka të miat ia jap me qejf. Të dalë e të flasë njëherë për Ergys Agasin, për Ulsi Manjën, apo nuk guxon dot se ka gruan në punë aty.

Ai është izoluar Meta, është një nga të burgosurit më të izoluar në burg, edhe dje nuk e lanë djalin për të hyrë. Pra ky zotëria përpara se të dalë të lexojë deklaratat e SPAK për Kryemadhin, le të dalë të bëjë një deklarata për drejtorin e Përgjithshme të Burgjeve, për ministrinë e Drejtësisë”, u shpreh Kryemadhi.

The post Monika Kryemadhi sulmon Tedi Blushin: E largoi Metën nga shtëpia dhe i mori njerëzit nga partia, nëse do një fustan e taka të miat ia jap me qejf, nuk e di çfarë do më appeared first on Albeu.com.

Ushtria izraelite sulmoi hyrjen e burgut famëkeq Evin të Iranit të hënën, sipas ministrit të mbrojtjes të Izraelit dhe lajmeve shtetërore iraniane, në sulmin e saj të fundit ndaj kryeqytetit, Teheran.

Një re e zezë gjigante u pa duke mbuluar një derë të burgut Evin, në pamjet e publikuara nga transmetuesi shtetëror iranian IRIB dhe të gjeo-lokuara nga CNN.

Ministri izraelit i Mbrojtjes, Israel Katz, konfirmoi në një deklaratë se Evini ishte shënjestruar, së bashku me disa vende të tjera, përfshirë ndërtesën kryesore të Trupave të Gardës Revolucionare Islamike (IRGC) dhe selinë e Basij (një krah paraushtarak i IRGC-së).

Forcat e sigurisë në qendrën e paraburgimit Evin janë të njohura për historikun e tyre të gjatë të shkeljeve të të drejtave të njeriut. Aktivistë politikë, gazetarë dhe muzikantë janë ndër ata që janë burgosur në këtë qendër.

The post Izraeli sulmon burgun famëkeq Evin të Iranit appeared first on Lapsi.al.

Petro Koçi vendosi të tërhiqej nga gara për deputet, pas urdhrit të Edi Ramës se do të futeshin në listë të hapur, por duket se përplasjen e ka edhe me Belinda Ballukun, e cila e mbushi listën e Fierit me vartës të saj dhe me njerëz që i përdor për interesa personale. Së fundmi, gjatë […]

The post Petro Koçi “shpërthen” ndaj Zegjinesë së Belës: Ne jemi parti serioze, nuk është ky imazhi i PS appeared first on BoldNews.al.

Raketat iraniane goditën disa vende në të gjithë Izraelin të premten, sipas ekipeve të zjarrfikësve dhe shpëtimit, duke bërë që të dërgoheshin ekipe për çmontimin e bombave.

Qyteti portual verior i Haifës ishte midis atyre që u goditën, si dhe distrikti më verior Dan, shtuan shërbimet e emergjencës. Pamjet e publikuara në rrjetet sociale të premten treguan një re të madhe tymi që ngrihej mbi ndërtesat në Haifa.

Sipas mediave të huaja, banorët në qytetin verior izraelit të Haifës ikën për t’u fshehur në një parking nëntokësor poshtë një qendre tregtare. Bëhet me dije se të paktën 17 persona u plagosën ndërsa 3 prej tyre ndodhen në gjendje të rëndë, përfshirë një djalë 16-vjeçar.

The post Tjerër sulm me raketa në Izrael! Irani shënjestron qytetetet veriore, disa të plagosur appeared first on Albeu.com.

Një valë e re sulmesh me raketa ndaj Izraelit ka nisur sipas raporteve të fundit nga mediat shtetërore iraniane. Ushtria iraniane ka paralajmëruar qytetarët izraelitë që të evakuohen menjëherë, në pritje të goditjeve të mëtejshme.

Më herët gjatë ditës, ambasadori iranian në OKB, Amir Saeid Iravani, deklaroi se Irani ka vepruar në përputhje me të drejtën për vetëmbrojtje, duke ndërmarrë “operacione mbrojtëse proporcionale”, të cilat, sipas tij, janë drejtuar ekskluzivisht kundër objektivave ushtarake dhe infrastrukturës përkatëse në territorin izraelit.

“Pas përshkallëzimit të qëllimshëm nga ana e Izraelit dhe vazhdimit të akteve të agresionit, Irani, në përputhje me parimin e proporcionalitetit, ndërmori masa shtesë kundër infrastrukturave të caktuara në Izrael që mbështesnin drejtpërdrejt agresionin e vazhdueshëm”, tha ai.

Diplomati iranian akuzoi gjithashtu Izraelin për sulme ndaj civilëve dhe infrastrukturës civile.

Nga ana tjetër, kryeministri izraelit Benjamin Netanyahu u përpoq të bëjë një ndarje të qartë midis objektivave të Izraelit dhe atyre të Iranit. Ai deklaroi se Izraeli ka goditur vetëm kërcënime bërthamore dhe raketore, ndërsa akuzoi Iranin për sulme të qëllimshme ndaj civilëve.

Sipas Ministrisë së Shëndetësisë iraniane, të paktën 224 persona janë vrarë që nga fillimi i sulmeve izraelite të premten.

Ndërkohë, autoritetet izraelite raportojnë se 24 persona janë vrarë si pasojë e sulmeve iraniane deri më tani.

The post Irani nis një valë e re sulmesh me raketa ndaj Izraelit: Kemi shënjestruar infrastrukturën ushtarake appeared first on Albeu.com.

Izraeli ka sulmuar pas mesnate centralet bërthamore dhe objekte ushtarake në vende të ndryshme të Iranit. Shpërthime janë raportuar edhe në Teheran. Sulmet u kryen në 5 qytete. Sipas La Repubblica, ushtria izraelite ka sulmuar të paktën 6 baza ajrore rreth Teheranit, përfshirë bazën Parchin, një kompleks prodhimi raketash i dyshuar në të kaluarën se është përfshirë në teste bërthamore. Avionët luftarakë izraelitë goditën centralin bërthamor Natanz, në jug të Teheranit, por edhe disa pozicione ushtarake të vendosura në periferi të kryeqytetit.

Sipas mediave, në Teheran, sulmi izraelit goditi disa ndërtesa që strehonin komandantë të lartë ushtarakë iranianë. Një zyrtar izraelit i mbrojtjes tha se sulmi kishte në shënjestër edhe Shtabin e Përgjithshëm iranian, përfshirë shefin e shtabit, dhe shkencëtarët kryesorë bërthamorë iranianë. “Është gjithnjë e më e mundshme që të gjithë të jenë eliminuar”, tha zyrtari. Shkencëtari bërthamor Mohammad-Mehdi Tehranchi dhe ish-kreu i Organizatës së Energjisë Atomike të Iranit, Fereidoun Abbasi, u vranë në sulme. Raportohet se është vrarë gjithashtu edhe Komandanti i Gardës Revolucionare, Hossein Salami.

Kryeministri i Izraelit, Benjamin Netanyahu, tha se Izraeli kreu një operacion ushtarak, synimi i të cilit ishte “frenimi i kërcënimit të Iranit ndaj vetë mbijetesës së Izraelit”. Ai tha se sulmi “do të vazhdojë derisa të eliminohet ky kërcënim”.

“Ne goditëm në zemër të programit të Iranit për pasurimin bërthamor. Në shënjestër ishin objekti kryesor i pasurimit të uraniumit i Iranit në Natanz… Gjithashtu goditëm në zemër të programit iranian të raketave balistike”, tha ai në një deklaratë me video.

Izraeli gjithashtu sulmoi shkencëtarë bërthamorë iranianë “që punonin për zhvillimin e bombës iraniane”, shtoi ai.

Udhëheqësi Suprem i Iranit, Ajatollah Ali Khamenei, tha në një deklaratë se Izraeli kishte “lëshuar dorën e tij të ligë dhe të përgjakshme” në një krim kundër Iranit dhe se do të kishte “një fat të hidhur për veten”. “Regjimi sionist i ka sjellë vetes një fat të hidhur dhe të dhimbshëm”, tha udhëheqësi iranian Ali Khamenei, duke përsëritur se Izraeli “do të vuajë një ndëshkim të rëndë”, raportoi Irna.

Një zëdhënës ushtarak izraelit tha se Irani ka lëshuar më shumë se 100 dronë drejt Izraelit në orët e fundit, pasi vendi u zotua për hakmarrje për sulmet e Izraelit.

Zëdhënësi tha se 200 avionë luftarakë izraelitë morën pjesë në sulmet ndaj më shumë se 100 objektivave në Iran gjatë natës. Izraelin e presin “disa orë të vështira”, thanë ata, sipas Reuters.

The post Izraeli sulmon centralet bërthamore dhe ushtarake të Iranit,Teherani kundërpërgjigjet appeared first on Lapsi.al.

Presidenti i Shteteve të Bashkuara, Donald Trump, i është rikthyer kritikave të ashpra Guvernatorit të Kalifornisë, Gavin Newsom, duke e akuzuar drejtpërdrejt atë për dështimin në mbrojtjen e zbatimit të ligjit dhe qytetarëve nga dhuna nga grupet e protestuesve dhe nxitësve.

Në një postim në mediat sociale, Trump pretendoi se agjentët federalë, të cilët ai i përshkroi si “patriotë të mëdhenj”, u sulmuan nga “një turmë e padisiplinuar nxitësish dhe protestuesish”, ndërsa, siç vuri në dukje ai, guvernatori i shtetit nuk ndërhyri në kohë për t’i mbrojtur ata.

“Guvernatori i paaftë i Kalifornisë dështoi të ofronte mbrojtje në kohë kur punonjësit tanë u sulmuan”, shkroi presidenti, duke përfunduar me sloganin e tij të njohur: “Ta bëjmë Amerikën të madhe përsëri”.

Në një postim tjetër në Twitter, Trump mbrojti vendimin e tij për të dërguar forca ushtarake në Los Angeles, duke argumentuar se pa ndërhyrjen e tyre, qyteti do të ishte përfshirë nga flakët.

“Nëse ushtarët tanë nuk do të kishin ndërhyrë në Los Angeles, tani qyteti do të ishte djegur deri në themel, ashtu siç janë djegur shumë shtëpi të tyre”, tha ai, duke shtuar se banorët janë “shumë me fat” që ai mori vendimin për të dërguar ndihmë.

The post Trump sulmon përsëri guvernatorin e Kalifornisë: I paaftë të mbrojë shtetin nga protestuesit appeared first on Albeu.com.

Një grua sulmoi me thikë disa persona mbrëmjen e sotme në Mynih. Sulmuesja ishte një grua 30-vjeçare, e cila u qëllua nga policia dhe vdiq pak orë më vonë në spital.

Gruaja sulmoi kalimtarët me thikë në Theresienwiese, vendi ku mbahet Oktoberfest në vjeshtë, sipas BILD dhe Abendblatt.

Oficerët e policisë patrulluese e qëlluan atë dhe gruaja u dërgua në spital, ku iu nënshtrua një ndërhyrjeje kirurgjikale urgjente, por ndërroi jetë nga plagët e marra. Motivi i sulmit mbetet i paqartë, ndërsa BILD raporton se ajo vuan nga “sëmundje mendore”. Policia ka thënë se “nuk ka më rrezik për publikun”.

The post Gruaja sulmon me thikë kalimtarët në Mynih, qëllohet për νdekje nga policia appeared first on Lapsi.al.

Profili në Instagram i emisionit investigativ “Piranja” raportohet se është sulmuar nga “hakera”, pas denoncimit të kryetares së komanduar të Bashkisë së Tiranës.

Në rrjetin social Facebook, “Piranjat” shpjegon vështirësitë që ka hasur në Instagram dhe thotë se po heton për zbulimin e personave që qëndrojnë pas këtij sulmi.

Reagimi:

Në ditën e sotme faqja e Piranjave në Instagram është përballur me probleme, duke nisur që me videon e denoncimit ndaj skandalit të keqmenaxhimit të plehrave në Bashkinë e Shijakut e deri tek abuzimet e kryetares së emëruar të Bashkisë Tiranë.

Ne nuk e dimë origjinën e saktë të këtij problemi dhe të sulmeve ndaj faqes sonë, ekspertët po punojnë për ta përcaktuar.

Ndjekësit tanë i sigurojmë se mund t’i shohin videot tona me audio të rregullt në Facebook dhe Tiktok.

Po ashtu mund të na ndiqni sonte në 20:44 live në Syri TV, mbi abuzimet në Bashkinë Tiranë si dhe atë të Shijakut.

The post Sulmohet instagrami i “Piranjave” pas denoncimit me video të Ristanit appeared first on Lapsi.al.

Një ofensivë e madhe ruse në Kiev filloi herët të premten, me njësitë e mbrojtjes ajrore ukrainase që u përpoqën të kapnin raketa balistike dhe dronë. Zjarre të shkaktuara nga rënia e mbeturinave dhe sulmet me dronë u raportuan në ndërtesa në të gjithë Kievin, ndërsa Ukraina u përpoq të zmbrapste sulmin rus.

Kreu i komandës ushtarake të qytetit të Kievit, Timur Tkachenko akuzoi Rusinë për goditjen e zonave të banimit me sulmin me dron, duke thënë se një ndërtesë shumëkatëshe në lagjen Solomiansky të Kievit u dëmtua.
Kryetari i bashkisë së Kievit, Vitali Klitschko, raportoi gjithashtu për zjarre në lagjet Kholosivskyi dhe Narnytskyi të kryeqytetit ukrainas. Njësitë e mbrojtjes ajrore ukrainase janë vënë në gatishmëri në lagjen Obolon të Kievit, tha Klitschko në Telegram.

Dëshmitarët i thanë Reuters një seri shpërthimesh dhe të paktën një zjarri të madh në një moment pasi një dron u rrëzua. Tkachenko tha se një zjarr shpërtheu gjithashtu në një pallat apartamentesh në një zonë perëndimore, duke shtuar se fragmente nga dronët u gjetën në tre zona.

The post Rusia sulmon Kievin me raketa balistike dhe dronë appeared first on Lapsi.al.