RIGË, 22 dhjetor /ATSH-DPA/- Letonia do të zgjasë mbrojtjen e kufirit të saj me Bjellorusinë fqinje deri në mesin e vitit të ardhshëm, për arsye sigurie.

Ministria e Brendshme njoftoi sot në Rigë – se arsyeja e vendimit të qeverisë së vendit të BE-së dhe NATO-s – ishte numri i vazhdueshëm disproporcionalisht i lartë i përpjekjeve për kalimin e paligjshëm të kufirit.

Ministria tha se më shumë se 12,000 përpjekje nga emigrantët – për të kaluar kufirin ilegalisht nga vendi fqinj i sunduar nga autoritarizmi – ishin parandaluar deri më tani këtë vit.

Rregullorja speciale, e cila është zgjatur disa herë dhe duhej të mbetej në fuqi deri në fund të vitit, tani do të vazhdojë të jetë në fuqi deri më 30 qershor 2026.

Kjo do t’u japë rojeve kufitare letoneze kompetenca më të gjera në zonat në lindje të shtetit baltik.

Në të njëjtën kohë, kufiri do të pajiset me infrastrukturë teknike shtesë deri në fund të vitit 2026.

Letonia ndan një kufi me aleatin e ngushtë të Rusisë, Bjellorusinë, në lindje, që shtrihet për rreth 172 kilometra.

Shteti baltik, ashtu si Polonia dhe Lituania, akuzon udhëheqësin bjellorus Aleksandër Lukashenko për organizimin e transportit të migrantëve drejt kufirit të jashtëm të BE-së me qëllim që të ushtrojë presion mbi Perëndimin. //a.i/

The post RIGË – Letonia zgjat mbrojtjen e kufirit të saj me Bjellorusinë deri në mesin e vitit të ardhshëm appeared first on Agjencia Telegrafike Shqiptare.

RIGË, 6 nëntor /ATSH-DPA/- Letonia po forcon përpjekjet mbrojtëse të Ukrainës kundër pushtimit të vazhdueshëm të Rusisë – duke i dorëzuar Kievit 21 automjete transporti të blinduara shtesë.

Automjetet “Patria 6×6” u pranuan sot nga ministri i Mbrojtjes i Ukrainës, Denys Shmyhal, gjatë një vizite në bazën ushtarake letoneze në Adazi, pranë kryeqytetit Rigë.

“Dorëzimi i “Patria 6×6″ tregon miqësinë, partneritetin dhe gatishmërinë tonë për të kontribuar sa më shumë që të jetë e mundur”, tha ministri letonez i Mbrojtjes, Andris Spruds.

“Letonia e ka mbështetur vazhdimisht Ukrainën dhe vazhdon ta bëjë këtë me gjithë zemër”, shtoi ai.

Shmyhal shprehu mirënjohje ndaj Letonisë, një vend anëtar i BE-së dhe NATO-s, për ofrimin e automjeteve të blinduara, duke theksuar se pavarësisht dorëzimit të dronëve dhe teknologjive të tjera të reja, sistemet konvencionale të armëve mbeteshin thelbësore.

Ai vuri në dukje se automjetet ishin efikase dhe shpëtonin jetën e ushtarëve. Letonia ka dorëzuar gjithsej 42 automjete transporti të blinduara në Ukrainë këtë vit.

Letonia, e cila kufizohet me Rusinë dhe aleatin e saj Bjellorusinë, është ndër mbështetëset më të vendosura të Kievit.

Sipas Spruds, shteti baltik do të ofrojë ndihmë ushtarake këtë vit që arrin në rreth 0,3% të prodhimit të saj ekonomik. //a.i/

The post RIGË – Letonia i dorëzon Ukrainës 21 automjete të blinduara appeared first on Agjencia Telegrafike Shqiptare.

TIRANË, 3 tetor/ATSH/ Kryeministri Edi Rama priti sot në një takim në Kryeministri presidentin e Letonisë, Edgars Rinkēvičs.

Ndërsa ndau momente nga ky takim, kryeministri Rama shprehu kënaqësinë që mikpret presidentin e Letonisë.

Në takim ishin të pranishme edhe ministrja për Evropën dhe Punët e Jashtme, Elisa Spiropali dhe ministrja e Shtetit dhe Kryenegociatorja e Shqipërisë me BE, Majlinda Dhuka.

Duke informuar mbi këtë takim, ministrja Spiropali vlerësoi se “miqësia mes dy vendeve hap horizonte të reja bashkëpunimi në fushën e sigurisë si partnerë në NATO”, ndërsa e cilësoi “një dorë të rëndësishme mbështetjeje në rrugëtimin europian të Shqipërisë”.

Presidenti i Letonisë, Edgars Rinkēvičs po zhvillon një vizitë zyrtare në vendin tonë, ku është pritur në takime nga krerët më të lartë të shtetit.

Ditën e djeshme, presidenti letonez u prit një një takim nga homologu shqiptar, Bajram Begaj, gjatë të cilit trajtuan çështjet e mprehta në fushën e sigurisë dhe mbrojtjes.

Në takim u rikonfirmua angazhimi edhe për zgjerimin e Bashkimit Evropian në Ballkanin Perëndimor.

Po dje, presidenti Rinkēvičs u prit në një takim nga Kryetari i Kuvendit, Niko Peleshi, ku u theksua nevoja për forcimin e mëtejshëm të bashkëpunimit në fusha kyçe si integrimi europian, siguria rajonale dhe shkëmbimi i përvojave parlamentare.

Dy vendet kanë një bashkëpunim mjaft efektiv edhe në kuadër të NATO-s, ku trupat shqiptare janë të vendosura në “Camp Ādaži” të Letonisë.

/r.e/

The post Rama pret presidentin e Letonisë, Rinkēvičs appeared first on Agjencia Telegrafike Shqiptare.

Presidenti i Shqipërisë, Bajram Begaj pas takimit me homologun letonez, Edgars Rinkevics u shpreh se trupat letoneze në KFOR, sipas tij, janë dëshmi e solidaritetit tonë të ndërsjellë.

Përmes një postimi në Facebook, Begaj ka ndarë edhe disa pamje nga takimi me presidentin letonez.

“Mikprita sot në Tiranë Presidentin e Letonisë, Edgars Rinkevics. Prania e trupave shqiptare në grupin e përparuar të NATO-s në Kampin Adazi, në Letoni, ashtu si edhe pjesëmarrja e trupave letoneze në misionin e NATO-s, KFOR, janë dëshmi e qartë e solidaritetit tonë të ndërsjellë”, shkroi tutje ai.

Ndryshe, provokimet e dronëve rusë duke shkelur hapësirën ajrore të disa vendeve të NATO-s, Presidenti i Shqipërisë, Bajram Begaj dhe Presidenti i Letonisë, Edgars Rinkevics, i cilësuan si një luftë hibride dhe psikologjike për të testuar Aleancën.

Në një konferencë të përbashkët për shtyp, presidenti Rinkevics paralajmëroi se provokimet ruse bëhen për të devijuar mbështetjen ndaj Ukrainës. Ai tha se nëse këto vazhdojnë, nuk përjashtohet një reagim edhe më i fortë nga NATO-ja.

“Kur bëhet fjalë për provokimet ruse, tregon se Rusia po intensifikon një lloj lufte hibridë dhe kjo bëhet për të testuar NATO-n dhe për të tërhequr vëmendjen nga mbrojtja jonë dhe për të dhënë më pak mbështetje për Ukrainën. Këto lloj provokimesh shkaktojnë shqetësim tek njerëzit dhe ky është një luftë nervash dhe psikologjike. Nga ky këndvështrim kemi pasur edhe në të kaluarën shkelje të hapësirë ajrore edhe para luftës. Nëse NATO ka reaguar si duhet? Unë mendoj Po. Na duhet të transformojmë mision ajror, na duhen sisteme antidron dhe na duhet të kemi një mesazh të fortë për Rusinë se nëse kjo vazhdon forca jonë do të jetë opsion. Duhet të përgatitemi edhe për një përgjigje më të egër dhe më të fortë krahasuar me atë që ka kaluar gjatë këtyre dy javëve të fundit”, tha Rinkevics.

Nga ana e tij, Presidenti Begaj tha se provokimet e Rusisë përbëjnë kërcënim në rritje për sigurinë euro-atlantike, por NATO-ja ka reaguar me maturi dhe forcë.

“Provokacionet e Rusisë janë një kërcënim në rritje për sigurinë euro-atlantike dhe NATO ka reaguar me maturi strategjike dhe ka treguar unitet dhe forcë. Patjetër që Shqipëria është kontributore në këtë Aleancë, ku kemi prani trupash në kahun Lindor prej disa vitesh. Do të rrisim kontributin tonë duke rritur buxhetin për mbrojtjen, modernizimin e ushtrisë dhe rivitalizimin e saj për të forcuar kapacitetet mbrojtje ajrore, tokësore dhe detare dhe do të kontribuojmë për sigurinë tonë të përbashkët”, u shpreh Begaj.

Pjesë e diskutimeve ishte edhe misioni i trupave shqiptarë në kuadër të NATO-s, në bazën në Letoni, ku presidenti Rinkevics tha se i shërben sforcimit të sigurisë dhe krahut Lindor.

Presidenti letonez theksoi se Aleanca duhet të tregohet më vigjilente në një kohë kur paqja dhe siguria është kaq e brishtë.

“Diskutuam edhe për sigurinë për situatën në Ballkan dhe Ukrainë dhe dua të theksoj që ne jemi mirënjohës për mbështetjen që Shqipëria i ka dhënë Ukrainës dhe kontributin e saj në mbrojtjen kolektive. Provokimet në hapësirën ajrore të NATO-s tregon që duhet të jemi vigjilentë. Ne mbështesim vendimet e Aleancës për të vendosur dy qendra në krahun Lindor. Trupa tonë në KFOR do të vijojnë misionin dhe do të diskutojmë zgjatjen këtij misioni deri në dhjetor të 2027”, tha Rinkevics.

Edhe presidenti Begaj theksoi angazhimin e Shqipërisë në mbrojtjen kolektive, në një kohë kur Rusia vijon provokimet e saj.

“Rusia vijon aktet provokative me shkeljen e hapësirës ajrore në disa vende të NATO-s, çka na bën më të vendosur dhe të bashkuar për një përgjigje të përbashkët. Shqipëria është e angazhuar në mbrojtjen kolektive dhe përkrahjen e Ukrainës”, tha Begaj.

Gjithashtu, gjatë takimit u bisedua edhe për marrëdhëniet politike, ekonomike dhe tregtare mes dy vendeve, anëtarësimin e Shqipërisë në BE, për situatën në Ballkanin Perëndimor, dhe në rajonin baltik.

Vizita e presidentit të Letonisë në Tiranë pason atë të Presidentit Begaj në Riga vitin e kaluar, e cila ishte vizita e parë shtetërore e një presidenti shqiptar në tri vendet baltike.

RIGA, 11 shtator /ATSH-DPA/ – Letonia do të mbyllë hapësirën ajrore përgjatë kufirit të saj lindor me Bjellorusinë dhe Rusinë për një javë, pas shkeljes së hapësirës ajrore polake nga dronët rusë, njoftoi sot  ministri i mbrojtjes së vendit.

Vendimi  do të vlejë deri më 18 shtator, me mundësi për zgjatje, tha ministri i Mbrojtjes Andris Spruds gjatë një konference për shtyp në Riga.

Spruds e cilësoi shkeljen e hapësirës ajrore  nga dronët rusë si një shkelje të qartë të hapësirës ajrore të NATO-s dhe tha se Letonia duhet të përgjigjet. Ai qetësoi banorët duke thënë se aktualisht nuk ka kërcënim të drejtpërdrejtë, por masat parandaluese janë të nevojshme.

Mbyllja e hapësirës ajrore lehtëson zbulimin e objekteve fluturuese të paautorizuara.

“Dronët rusë në hapësirën ajrore të NATO-s janë një sinjal paralajmërues dhe duhet të bëjmë gjithçka për të parandaluar përshkallëzimin e sulmeve me dronë”, tha Sprūds. /Ad.Ab./.

The post RIGA  – Letonia mbyll hapësirën ajrore pranë kufirit me Rusinë dhe Bjellorusinë appeared first on Agjencia Telegrafike Shqiptare.

Kombëtarja e Shqipërisë luajti dy ndeshje në shtator. Fillimisht takimi miqësor me Gjibraltarin dhe më pas ai për kualifikueset e Botërorit 2026 ndaj Letonisë.

Të besuarit e Silvinjos i fituan ndeshjet, falë penalltive të kthyera në gol nga Jasir Asani dhe Kristjan Asllani.

Silvinjo i shfrytëzoi të gjithë lojtarët që kishte në dispozicion gjatë këtyre dy ndeshjeve, me përjashtim të Myrto Uzunit. Trajneri brazilian kishte një listë prej 25 futbollistësh.

Uzuni e kishte të pamundur të luante, për shkak të shqetësimeve fizike. Pas ndeshjes së parë ku ishte në stol, ndaj Letonisë përfundoi në tribunë me Maldini Kacurrin. Ky i fundit kishte debutuar me Gjibraltarin.

Tashmë i gjithë fokusi qëndron në tetor. Shqipëria do të luajë ndaj Serbisë në transfertë.

The post Vetëm një futbollist nuk mori minuta nga Silvinjo, e kishte të pamundur te Kombëtarja appeared first on Albeu.com.

Mbrëmjen e djeshme, atmosfera para ndeshjes Shqipëri-Letoni në stadiumin “Air Albania”, ishte e veçantë, me tifozë të etur për futboll dhe vizitorë nga Letonia që nuk kursyen entuziazmin.

Edhe pse stadiumi ishte i plotë me biletat e shitura, nuk munguan incidentet e vogla dhe momente interesante që e bënë këtë takim të paharrueshëm për të gjithë të pranishmit.

Pavarësisht se biletat në dispozicion ishin shitur të gjitha, jashtë stadiumit ishte një atmosferë e vakët, kjo edhe për shkak të mungesës së ultrasve.

Rreth 30 minuta para fillimit të takimit, në stadium mbërrin Drejtori Sportiv i Milanit dhe legjenda e Kombëtares, Igli Tare, i shoqëruar nga djali i tij, Etiene Tare.

Pak minuta para fillimit të takimit, ka një incident në tribunën VIP. Një nga tifozët e Letonisë tenton të hapë flamurin ukrainas, megjithatë Securite nuk e lejon duke ia larguar.

Në tribunë ngjiten Myrto Uzuni dhe Maldini Kacurri, të cilët e kanë të vështirë të gjejnë vendet e tyre, megjithatë stafi i FSHF-së kujdeset për ta dhe i gjen vendin e tyre.

Në tribunën VIP ka një tifoz me flamurin e UÇK-së, megjithatë policia dhe siguria private e detyrojnë ta heqë. Pak minuta më vonë, Policia e Shtetit e detyron ta dorëzojë flamurin, duke pasur frikën se mund ta hapë sërish.

Të gjitha biletat e ndeshjes janë shitur, teksa stadiumi ishte i hapur me një kapacitet të reduktuar. 20% më pak tifozë kishte për shkak të dënimit të dhënë nga UEFA pas ndeshjes Shqipëri-Serbi.

Në fundin e pjesës së parë, spikeri i stadiumit njofton rezultatin e ndeshjes Serbi-Angli që ishte 0-2, teksa në shkallët e stadiumit ka entuziazëm.

Në tribunën qendrore janë ulur tifozë të Letonisë, të cilët pavarësisht rezultatit, këndonin në mënyrë të vazhdueshme.

The post Atmosferë e veçantë dhe incidente para ndeshjes Shqipëri-Letoni appeared first on Albeu.com.

Mbrëmjen e djeshme, pas fitores 1-0 ndaj Letonisë, në ndeshjen kualifikuese të botërorit 2026, tekniku i Shqipërisë, Sylvinho dha mendimin e tij duke u shprehur:

”Ishte një ndeshje e vështirë. Letonia është një kundërshtar i vështirë. Luajti pak ditë më parë një ndeshje kundër Serbisë të njëjtë si kundër nesh. Mund ta kishin barazuar në fund. E kemi vënë re Letoninë si skuadër edhe ndaj Anglisë, edhe ndaj Serbisë, në një apo dy raste që mund të kenë janë të rrezikshëm në ajër.

Bëmë ndryshime në lidhje me Bajramin, sepse është një lojtar hibrid, që mund të luajë si jashtë zone, ashtu edhe brenda linjave në zonë.

Ta hiqja Brojën 10-15 minuta më herët dhe të fusja Kumbullën, atëherë mund të sillja ekipin kundërshtar më pranë zonës. Kështu që thashë ‘jo’. Por në fund e bëra, sepse isha i shqetësuar për rezultatin.

Broja është një lojtar që ka bërë një ndryshim të rëndësishëm. Ndoshta do të ketë mundësinë të luajë më shumë. Sa herë vjen te ne, vjen me pak minutazh. Unë nuk e shoh Brojën si një ‘’9”-sh.

Kam luajtur me Tieri Henrinë, por ai e shfrytëzonte anën e fushës. Ka lojtarë të tjerë si Viniciusi dhe Mbapeja. Ai pati disa hapësira në pjesën e dytë dhe ka bërë disa kundërsulme shumë të mira

Kemi parë Letoni-Serbi, por këtë të fundit jo. Nuk e kam ende në mendje Shqipërinë që do të luajë kundër Serbisë. Tani mundojnë edhe 3 ndeshje për ne. E radhës është shumë e rëndësishme.

Jam krenar për të gjithë lojtarët e mi. Jemi stërvitur 10 ditë rresht për këto dy ndeshje. Bajrami bëri një rikthim shumë të mirë sot. Kam folur me të, si dhe me Asanin. Ai po stërvitet shumë mirë”, tha tekniku.

The post Sylvinho: E dinim se do ishte e vështirë, por ia dolëm, tani duhet kujdes, nuk na lejohen gabimet appeared first on Albeu.com.

TIRANË, 9 shtator /ATSH/ Kombëtarja shqiptare fitoi 1-0 mbrëmjen e sotme me Letoninë, në stadiumin “Air Albania”, në ndeshjen e vlefshme për Grupin K të kualifikueseve për Kupën e Botës SHBA-Meksikë-Kanada 2026.

Kryeministri Edi Rama përshëndeti këtë fitore, teksa ndau në rrjetet sociale golin e fitores të shënuar nga Kristjan Asllani.

“Shqipet fituan sot”, shkroi Rama në rrjetet sociale.

Shqipëria fitoi 1-0 një ndeshje që mban gjallë shpresat për kualifikim në Botëror. Në ndeshjen tjetër të grupit Anglia fitoi 0-5 në transfertë ndaj Serbisë.

Aktualisht Shqipëria ndodhet në vendin e dytë me 8 pikë, Serbia e treta me 7 pikë, por ka një ndeshje më pak të luajtur. Anglia kryeson grupin me 15 pikë, ndërsa Letonia është me 4 pikë.

/gj.m//a.f//r.e/

The post Rama për triumfin ndaj Letonisë: Shqipet fituan sot appeared first on Agjencia Telegrafike Shqiptare.

Kombëtarja e Shqipërisë ka marrë fitore shumë të rëndësishme ndaj Letonisë me rezultat të ngushtë 1-0.

Golin e vetëm në këtë takim e shënoi mesfushori Kristjan Asllani në minutën e 25-të nga penalltia.

Tre pikët nga ndeshja e sotme kanë rikthyer shpresat e Shqipërisë për kualifikim, sidomos për ta siguruar pozitën e dytë që i dërgon në Play-Off, pasi pozita e parë duket e siguruar nga Anglia në Grupin K.

Shqipëria në vendin e dytë, gjasat për kualifikim janë reale - situata në Grupin e Kuqezinjve dhe ndeshjet e ardhshme telegrafi.com

'Tre Luanët' kanë marrë pesë fitore në po aq ndeshje, duke blinduar pozitën e parë.

Me fitoren e sotme, Shqipëria është ngritur në pozitën e dytë në tabelë me tetë pikë, pasi kanë dy fitore, dy barazime dhe një disfatë.

Në pozitën e tretë ndodhet Serbia me shtatë pikë, por që ka një ndeshje më pak të luajtur se Shqipëria. Ndërkohë Letonia është e katërta me katër pikë dhe Andorra që zë vendin e fundi pa pikë.

Në ndeshjen e ardhshme në muajin tetor,Shqipëria luan në udhëtim te Serbia dhe fitorja është e domosdoshme për Kuqezinjtë, në mënyrë që ta blindojnë pozitën e dytë në tabelë. /Telegrafi/

Shqipëria ka marrë një fitore të madhe ndaj Letonisë me rezultatin minimal 1-0, duke mbajtur gjallë shpresat për kualifikim në Botërorin 2026.

Golin e vetëm të ndeshjes e shënoi Kristjan Asllani nga penalltia në pjesën e parë, ndërsa loja e kuqezinjve u vlerësua lart nga analistët.

Më të dalluarit ishin Elseid Hysaj (8.4), që zhvilloi një paraqitje të shkëlqyer në krahun e djathtë duke qenë i sigurt në mbrojtje dhe aktiv në fazën ofensive, si dhe Kristjan Asllani (8.3), i cili përveç golit udhëhoqi mesfushën me qetësi e saktësi në pasime.

Në nivel të njëjtë u vlerësua edhe Mario Mitaj (8.3), që dha një kontribut të madh si në fazën mbrojtëse ashtu edhe në avancimet përpara.

Kristjan Asllani duke festuar golin

Julian Shehu (7.5) dhe Qazim Laçi (7.3) dhanë ekuilibër në mesfushë, ndërsa në mbrojtje, Berat Gjimshiti (7.1) dhe Arlind Ajeti (7.2) bënë lojë të sigurt, duke mos lejuar hapësira për letonët.

Në portë, Thomas Strakosha (6.9) ishte i saktë kur u testua. Në sulm, Rey Manaj (7.0) dhe Armando Broja (6.6) nuk arritën të shënojnë, por ndihmuan skuadrën me lëvizjet dhe presionin e tyre.

Me këtë fitore, Shqipëria merr tre pikë vendimtare dhe mban gjallë ëndrrën e madhe të kualifikimit në Botërorin 2026.

Notat e Shqipërisë dhe Letonisë

/Telegrafi/

Kombëtarja e Shqipërisë ka marrë fitore shumë të rëndësishme ndaj Letonisë me rezultat minimal 1-0.

Ishte minuta e 24-të e ndeshjes, kur Qazim Laçi fitoi penallti për Shqipërinë, pasi mbrojtësi letonez luajti me dorë pas harkimit të tij.

I saktë nga pika e bardhë u tregua Kristjan Asllani që realizoi për 1-0.

Përkundër se Shqipëria vazhdoi duke dominuar dhe duke krijuar raste, gola më nuk pati në 45 minutat e para.

Kësisoj skuadrat shkuan në pushim mes pjesëve me epërsinë minimale të kuqezinjve 1-0.

Edhe në pjesën e dytë ishte Shqipëria që pati më shumë nga loja, duke krijuar më shumë raste.

Rast të artë iu dha kapitenit Berat Gjimshiti, por qendërmbrojtësi dështoi të shënonte nga afërsia duke gjuajtur jashtë portës.

Letonezët kanë mundur të barazojnë rezultatin në 1-1, por Mario Mitaj në minutën e 86-të largoi topin nga vija fatale.

Deri në fund nuk pati më gola dhe Shqipëria mori fitoren e dytë në kualifikimet për Kampionatin Botërorë.

Me këto tre pikë, kuqezinjtë shkojnë në kuotën e tetë pikëve në Grupin K dhe janë në pozitën e dytë, shtatë pikë më pak se lideri Anglia që ka 15 pikë.

Ndeshja e ardhshme e Shqipërisë është në muajin tetor ndaj Serbisë në udhëtim. /Telegrafi/

Shqipëria ka arritur një fitore tepër të rëndësishme në Kualifikueset e Botërorit 2026, duke mundur 1-0 Letoninë, në një “finale” për kuqezinjtë.

Sfida u dominua nga Kombëtarja jonë, me golin që erdhi vetëm në minutën e 25’, pas një realizimi perfekt të Asllanit nga pika e bardhë e penalltisë.

Kuqezinjtë iu afruan disa herë golit të dytë me Bajramin, Manajn e Gjimshitin, por pa gjetur siç duhet kuadratin.

Në minutat e fundit u pa një përgjumje nga ana e kuqezinjve, me letonezët që iu afruan disa herë barazimit, por falë ndërhyrjeve të sakta të Strakoshës dhe Manajt, porta jonë ngeli e paprekur.

Kështu Shqipëria ngjitet në vendin e dytë të Grupit K, kjo edhe falë fitores 0-5 të Anglisë ndaj Servbisë, me kuqezinjtë që i mbyllin ndeshjet e shtatorit në zonën “Play Off”.

Rezultati:

Shqipëria 1-0 Letoni

Asllani (P) 25′- 25′ GOOL! Aksion i bukur nga Bajrami, i cili pason në zonë për Laçin. Krosimi i këtij të fundit ndalet me dorë në zonë nga mbrojtësi mik dhe penallti për tanët. Kristjan Asllani me qetësi mbosht portierin Ziedvis.

Kuqezinjtë e Sylvinhos janë të ‘dënuar’ për tri pikë, gjë që e theksoi edhe vetë trajneri në konferencën e një dite më parë. Për ta bërë këtë Shqipërisë i duhet të thyej statistikat, pasi në gjashtë takime kundër Letonisë që nga 1992 ka gjashtë barazime në po kaq ndeshje. Barazim 1-1 përfundoi edhe sfida e 10 qershorit të këtij viti për Grupin K kualifikues në Riga.

The post Kualifikueset e Botërorit 2026, Shqipëria mposht 1-0 Letoninë në Tiranë appeared first on iconstyle.al.

Shqipëria ka arritur një fitore tepër të rëndësishme në Kualifikueset e Botërorit 2026, duke mundur 1-0 Letoninë, në një “finale” për kuqezinjtë.

Sfida u dominua nga Kombëtarja jonë, me golin që erdhi vetëm në minutën e 25’, pas një realizimi perfekt të Asllanit nga pika e bardhë e penalltisë.

Kuqezinjtë iu afruan disa herë golit të dytë me Bajramin, Manajn e Gjimshitin, por pa gjetur siç duhet kuadratin.

Në minutat e fundit u pa një përgjumje nga ana e kuqezinjve, me letonezët që iu afruan disa herë barazimit, por falë ndërhyrjeve të sakta të Strakoshës dhe Manajt, porta jonë ngeli e paprekur.

Kështu Shqipëria ngjitet në vendin e dytë të Grupit K, kjo edhe falë fitores 0-5 të Anglisë ndaj Servbisë, me kuqezinjtë që i mbyllin ndeshjet e shtatorit në zonën “Play Off”.

Rezultati:

Shqipëria 1-0 Letoni

Asllani (P) 25′

VIDEO E GOLIT

The post VIDEO/Shpërthen festa në “Air Albania”, Shqipëria ngjitet e dyta pas fitores me Letoninë appeared first on Albeu.com.

TIRANË, 9 shtator /ATSH/ Kombëtarja shqiptare do të përballet sonte në mbrëmje, në orën 20:45, me Letoninë, në stadiumin “Air Albania”, në një ndeshje jetike për fatet e saj në Grupin K të kualifikueseve për Kupën e Botës SHBA-Meksikë-Kanada 2026.

22 mijë zemra kuqezi priten sot në stadium, i cili do të jetë i mbushur plot me tifozë kuqezinj, pasi Federata Shqiptare e Futbollit njoftoi se të gjitha biletat e disponueshme për këtë ndeshje janë shitur.

Tifozët kuqezinj të mbërritur nga të gjitha qytetet shqiptare dhe nga diaspora kanë mbushur bulevardin “Dëshmorët e Kombit” përpara hyrjes në stadium.

Ndërsa miliona të tjerë, kudo ku ka shqiptarë, presin mbrëmjen e sotme fitoren e Kombëtares për të mbajtur gjallë shpresat për një kualifikim historik në Botërorin 2026.

Pas katër ndeshjesh të zhvilluara, Shqipëria ndodhet në vendin e tretë me 5 pikë, dy më pak se Serbia që është e dyta me 7 pikë, por që ka një ndeshje më pak të luajtur. Anglia kryeson grupin me 12 pikë, ndërsa Letonia është vetëm një pikë pas nesh, me 4 pikë.

Përballja e sotme është vendimtare për skuadrën e drejtuar nga Sylvinho, që ka si objektiv vetëm fitoren në mënyrë që të vazhdojë të shpresojë për një kualifikim në Botërorin e 2026-ës.

Në ndeshjen tjetër të grupit K, Serbia pret Anglinë në një përballje të vështirë në Beograd, dhe çdo hap fals i serbëve i hap rrugën Shqipërisë për t’u ngjitur në vendin e dytë nëse arrin të marrë maksimumin kundër Letonisë.

Shqipëria dhe Letonia janë përballur 6 herë në histori dhe të gjitha takimet kanë përfunduar në barazim. Dueli i fundit, më 10 qershor 2025 në Riga, përfundoi 1-1, duke lënë shumë vend për reflektim për stafin kuqezi. Në total, të dyja skuadrat kanë shënuar dhe pësuar nga 7 gola ndaj njëra-tjetrës, një baraspeshë që Kombëtarja jonë duhet patjetër ta prishë në këtë mbrëmje.

Ndeshja do të gjykohet nga një treshe polake me Damian Sylwestrzak si arbitër kryesor, i ndihmuar nga Pawel Sokolnicki dhe Adam Karasewicz, ndërsa në sistemin VAR do të jenë Piotr Lasyk dhe Pawel Malec.

Policia e Shtetit ka hartuar një plan masash për garantimin e sigurisë para, gjatë dhe pas ndeshjes.

Kështu, nga ora 17:00 deri në përfundim të ndeshjes, nga Policia e Shtetit, në bashkëpunim me Policinë Bashkiake Tiranë, do të aplikohen kufizime të qarkullimit të mjeteve në disa akse rrugore në afërsi të stadiumit, konkretisht: Bulevardi “Dëshmorët e Kombit”, nga kryqëzimi pranë Presidencës drejt sheshit “Nënë Tereza”, rruga “Papa Gjon Pali i II”, rruga “Dervish Hima”, pranë Ambasadës së SHBA-së, rruga “Asim Zeneli”, pranë Ambasadës së SHBA-së, rruga “Themistokli Gërmenji”, rruga “Gjergj Filipi”, rruga “Lekë Dukagjini”, pranë ish-Gardës së Republikës deri tek stadiumi, rruga “Faik Konica” dhe rruga “Skerdilajd Llagami”.

Punonjësit e Policisë së Shtetit do të ushtrojnë kontroll të imtësishëm ndaj tifozëve, para futjes në stadium, me qëllim parandalimin e futjes në stadium, të banderolave me përmbajtje raciste, të fishekzjarrëve, flakadanëve, lëndëve piroteknike, monedhave metalike, çadrave, çakmakëve, karikuesve të celularëve, mjeteve/produkteve për përdorim kozmetik dhe sendeve të tjera të forta.

Gjithashtu policia u bën apel qytetarëve që të mos ngrenë dronë në perimetrin e sigurisë (përreth stadiumit “Arena Kombëtare”), sepse do të rrëzohen, pasi Policia e Shtetit do të përdorë pajisje antidronë.

Shqipëri-Letoni, atmosferë festive në Tiranë, Foto: Forian Abazaj

1 nga 13

/gj.m/r.e/

The post Shqipëri – Letoni, tifozët kuqezinj atmosferë elektrizuese në Tiranë appeared first on Agjencia Telegrafike Shqiptare.

Sonte në ”Air Albania” u thye ”mallkimi”, pasi Shqipëria arriti një fitore tepër të rëndësishme në Kualifikueset e Botërorit 2026, duke mundur 1-0 Letoninë, në një “finale” për kuqezinjtë. Pas gjashtë përballjesh që kishin prodhuar vetëm barazime, Shqipëria arrin të thyejë tabunë ndaj Letonisë, duke marrë fitoren e parë historike ndaj tyre. Sfida u dominua nga Kombëtarja jonë, me golin që erdhi…

Source

Ka përfunduar pjesa e parë në Air Albania ku Shqipëria po përballet me Letoninë.

Pas 45 minutave të para rezultati është 1-0 në të mirë të kuqezinjve.

E për të parë golin e vetëm në këtë ndeshje u desh të pritej minuta e 25-të, kur Kristjan Asllani shënoi nga penalltia për 1-0.

Kuqezinjtë krijuan disa raste të mira shënimi, megjithatë nuk ia dolën të shënonin më shumë se një gol. Kësisoj dy ekipet kombëtare shkuan në pushim mes pjesëve me epërsinë minimale të Shqipërisë. /Telegrafi/

Shqipëria ka kaluar në avantazh ndaj Letonisë. Goli është shënuar në minutën e 24’ të ndeshjes nga pika e bardhë e penalltisë.

Ka qenë një prekje me dorë nga mbrojtësi letonez gjatë një aksioni të kuqezinjve. Asllani ka shënuar golin e tij të katërt me bluzën e kombëtares.

Këtë të martë në orën 20:45 Kombëtarja zbriti në fushë për përballjen kundër Letonisë. Dueli vlen për Grupin K kualifikues të Kupës së Botës 2026, event që do mbahet verën që vjen në SHBA, Meksikë dhe Kanada. Sfida e sotme është kyçe për tanët, që në gjysmë të rrugëtimit në këtë grup ende i kanë shanset në dorën e vet, kjo pasi dy ekipet e renditura më sipër, Anglia dhe Serbia përballen në Beograd në një ndeshje direkte.

Kuqezinjtë e Sylvinhos janë të ‘dënuar’ për tri pikë, gjë që e theksoi edhe vetë trajneri në konferencën e një dite më parë. Për ta bërë këtë Shqipërisë i duhet të thyej statistikat, pasi në gjashtë takime kundër Letonisë që nga 1992 ka gjashtë barazime në po kaq ndeshje. Barazim 1-1 përfundoi edhe sfida e 10 qershorit të këtij viti për Grupin K kualifikues në Riga.

Grupimi ultras i Kombëtares, ‘Tifozat Kuq e Zi’ e kanë bojkotuar këtë duel pas përplasjes së vazhdueshme me FSHF-në për biletat. TKZ doli kundër FSHF-së për bashkorganizimin e Euro 2027 për moshat U-21 me Serbinë, teksa FSHF u ‘hakmorr’ duke i lënë jashtë sektorit të tyre në stadium dhe biletave të dedikuara për anëtarët e saj. TKZ ka bërë thirrje për tifozët që të mos shkojnë në stadium. Ndryshe nga çdo herë, FSHF ka nxjerrë në shitje biletat edhe fizikisht, kjo për shkak të interest jo të lartë fillimisht. Pak orë përpara ndeshjes, FSHF njoftoi se janë shitur të gjitha biletat e disponueshme dhe në stadium do jenë diçka më shumë se 16 mijë tifozë.

The post GOL! Shqipëria kalon në avantazh ndaj Letonisë appeared first on iconstyle.al.

Ka përfunduar pjesa e parë e ndeshjes Shqipëri-Letoni në “Air Albania”. Kuqezinjtë udhëheqin 1-0 ndaj ndaj Letonisë.

Mesfushori Kristjan Asllani nga pika e bardhë e penalltisë çoi topin në rrjetë duke elektrizuar stadiumin “Air Albania”.

The post Mbyllet pjesa e parë në “Air Albania”/ Shqipëria ‘mban’ rezultatin 1-0 ndaj Letonisë appeared first on Albeu.com.

Kombëtarja shqiptare e futbollit luan sot në “Air Albania” një ndeshje që duhet fituar me çdo kusht përballë Letonisë. Sfida e kualifikuesve të Botërorin 2026 është një “finale” e parakohshme për kuqezinjtë e drejtuar nga Silvinjo, duke pasur parasysh situatën në grup.

Çdo rezultat përveç fitores thuajse nxjerr Shqipërinë jashtë loje për një nga dy vendet e para në grup dhe do të duhen mrekulli në ndeshjet e mbetura. Kësisoj, trajneri Silvinjo ka orientuar kuqezinjtë me forca të shumta në repartin e avancuar.

Ashtu siç pritej, në ndeshjen me Letoninë ka një ndryshim radikal në krahasim me rreshtimin ndaj Gjibraltarit. Duke filluar nga porta e deri në sulm ka ndryshime futbollistësh.

Bie në sy se Hysaj ka ruajtur vendin në të djathtën e prapavijës e cila pastaj ka ndryshuar plotësisht me Strakoshën në portë dhe dyshen Ajeti-Gjimshiti në qendër e Mitajn nga e majta.

Në mesfushë është kthyer treshja tashmë e zakonshme titullare me Shehun, Asllanin e Laçin. Në sulm, Bajrami kthehet majtas e Broja në të djathtën, kurse Manaj është titullar në qendër.

The post Kuqezinjtë duan fitoren me çdo kusht, nis dueli delikat në “Air Albania” appeared first on Albeu.com.