Kryeministrja japoneze Sanae Takaichi mund të shpallë zgjedhje të parakohshme të përgjithshme, tha të dielën kryetari i partnerit të koalicionit të partisë së saj, pasi media raportoi se ajo po shqyrtonte një votim në shkurt. Do të ishte hera e parë që konservatorja Takaichi, kryeministrja e parë femër e Japonisë dhe një fanse e Margaret Thatcher të […]

The post Japoni, kryeministrja Takaichi mund të shpallë zgjedhje të parakohshme appeared first on BoldNews.al.

Tërmeti me magnitudë 6.2 ballë goditi bregun perëndimor të Japonisë.

Agjencia Meteorologjike e Japonisë njoftoi se nuk ka paralajmërime për cunami.

Ndërkohë autoritetet thanë se pas tërmetit 6.2 ballë, është regjistruar një i dytë me magnitudë 5.1 ballë rreth dhjetë minuta më vonë.

Tërmeti u regjistrua në Prefekturën Shimane, tha Agjencia Meteorologjike e Japonisë.

Një tërmet me magnitudë 6.2 ballë të Rihterit, goditi Japoninë perëndimore. Epiqendra e tërmetit ndodhej në Prefekturën Shimane në Japoninë perëndimore, në një thellësi prej 10 kilometrash.

Nuk ka raportime për viktima apo dëme materiale, dhe u lëshua një paralajmërim për cunami, por paralajmërimi u anulua disa minuta pas dridhjeve.

The post Tërmet i fortë në Japoni, magnituda dhe epiqendra appeared first on Albeu.com.

Koreja e Veriut ka lëshuar të paktën dy raketa balistike drejt Detit Lindor, të njohur si Deti i Japonisë, duke shënuar testin e parë të armëve për këtë vit. Lëshimi u konfirmua nga autoritetet e Koresë së Jugut dhe të Japonisë. Sipas Ministrisë së Mbrojtjes së Koresë së Jugut, raketat u lëshuan nga periferia e […]

The post Koreja e Veriut lëshon raketa balistike drejt Detit të Japonisë, rriten tensionet appeared first on BoldNews.al.

Një tërmet me magnitudë 6 Rihter u regjistrua pranë provincës Nonda, në lindje të Japonisë, duke shkaktuar alarm tek autoritetet. Sipas Institutit Amerikan të Studimeve Gjeologjike (USGS), tërmeti kishte thellësi 19.3 km. Lekundjet panikosen qytetarët, të cilët kanë lënë banesat e tyre dhe kanë dalë në rrugë, ndërsa festonin ardhjen e Vitit të Ri.

The post Tërmeti me magnitudë 6 ballë godet brigjet e Japonisë appeared first on BoldNews.al.

Një seri aksidentesh të rënda rrugore ka tronditur Japoninë, duke lënë të paktën dy persona të vdekur dhe 26 të tjerë të plagosur, disa prej tyre në gjendje të rëndë. Sipas The Japan Times, një nga viktimat është identifikuar si Miyuki Wakita, një grua 77-vjeçare nga Tokio. Ajo ndodhej në sediljen e pasme të një makine që drejtohej nga një anëtar i familjes së saj, kur automjeti u përfshi në një nga përplasjet fatale.

Viktima e dytë, ende e paidentifikuar, u gjet e pajetë në sediljen e shoferit të një kamioni mëngjesin e së shtunës, më 27 dhjetor. Autoritetet raportojnë se aksidentet ndodhën në kushte shumë të vështira atmosferike, për shkak të reshjeve të dendura të borës që e kishin bërë rrugën jashtëzakonisht të rrëshqitshme.

Sipas gazetës The Asahi Shimbun, nga 26 personat e plagosur, pesë janë në gjendje të rëndë, ndërsa 21 të tjerë kanë marrë lëndime të lehta. Në zonën ku ndodhën përplasjet ishte vendosur një kufizim shpejtësie nën 40 milje në orë (rreth 60 km/h), pikërisht për shkak të kushteve të rrezikshme të rrugës.

Një shofer kamioni në të 60-at e tij deklaroi për Japan Today se akulli e bëri pothuajse të pamundur kontrollin e automjetit. “Akulli ma vështirësoi drejtimin e timonit,” tha ai, duke shtuar se u përplas me barrierën ndarëse të rrugës ndërsa përpiqej të shmangte një mjet tjetër përpara tij.

Autoritetet japoneze po hetojnë rrethanat e sakta të aksidenteve dhe u bëjnë thirrje drejtuesve të mjeteve të tregojnë kujdes maksimal në kushte dimërore.

The post Aksidente zinxhir në Japoni nga bora dhe akulli: Dy të vdekur dhe 26 të plagosur appeared first on iconstyle.al.

Policia e autostradës së prefekturës Gunma tha se aksidenti në autostradën Kan-etsu filloi me një përplasje midis dy kamionëve në qytetin Minakami, rreth 160 kilometra në veriperëndim të Tokios.

Përplasja fillestare bllokoi pjesë të autostradës dhe veturat që vinin nga pas tyre nuk ishin në gjendje të frenonin në sipërfaqen me dëborë. Një zjarr shpërtheu në skajin më të largët të aksidentit, duke u përhapur në 20 automjete, disa prej të cilave u dogjën plotësisht.

Zjarri u shua rreth shtatë orë më vonë, tha policia.

Një grua 77-vjeçare nga Tokio vdiq në një veturë dhe një trup u nxor më vonë nga ulësja e shoferit të një kamioni të djegur. Nga 26 të plagosurit, pesë janë në gjendje të rëndë.

Një paralajmërim për reshje të dendura bore hyri në fuqi të premten vonë, kur shumë japonezë filluan pushimet e fundvitit. Pjesë të autostradës mbetën të mbyllura për hetime policore, largim dhe pastrim të rrënojave.

MASSIVE PILEUP ON JAPAN EXPRESSWAY: OVER 50 VEHICLES CRASH, 1 DEAD, 26 INJURED

Chaos hit Japan’s Kanetsu Expressway hard in Minakami, Gunma Prefecture.

More than 50 cars and trucks smashed into each other in a fiery wreck that killed at least one person and hurt 26 others.… pic.twitter.com/TIVdsP1bAi

— Mario Nawfal (@MarioNawfal) December 26, 2025

Një ngjarje e rëndë ka tronditur Japoninë qendrore, ku të paktën 15 persona u plagosën gjatë një sulmi të dhunshëm në një fabrikë gomash të rënda, duke u detyruar të marrin ndihmë mjekësore emergjente. Sipas raportimeve të fundit nga shërbimet e emergjencës, disa prej të plagosurve u shtruan menjëherë në spital, ndërsa gjendja e disa të tjerëve po monitorohet nga mjekët.

Autoritetet bënë të ditur se sulmi përfshinte përdorimin e një thike, por edhe të një lëngu kimik, i cili dyshohet të ketë qenë zbardhues. Disa nga viktimat pësuan plagë therëse, ndërsa të tjerë u ekspozuan ndaj substancës së spërkatur, duke shkaktuar shqetësime serioze shëndetësore.

Një zëdhënës i shërbimeve të emergjencës sqaroi se alarmi u dha pas një telefonate nga një fabrikë gome në afërsi, ku raportohej se “pesë ose gjashtë persona ishin therur” dhe se autori kishte përdorur edhe “një lëng në formë spreji”. Në vendngjarje u dërguan menjëherë forca të shumta policie dhe ambulanca, ndërsa zona u rrethua për arsye sigurie.

Mediat japoneze, përfshirë transmetuesin publik NHK, raportuan se policia ka arrestuar një burrë të dyshuar për tentativë vrasjeje. Ende nuk janë bërë publike detaje mbi identitetin e tij apo motivet që çuan në këtë akt të dhunshëm, ndërsa hetimet vijojnë për të sqaruar plotësisht rrethanat e ngjarjes.

Nga 15 personat e plagosur, të paktën gjashtë ndodhen të shtruar në spital, por autoritetet kanë bërë të ditur se asnjë prej tyre nuk raportohet në rrezik për jetën në këtë fazë.

The post Sulm me thikë në Japoni, 15 persona të plagosur në një fabrikë gomash appeared first on iconstyle.al.

Të paktën 14 persona janë plagosur pas një sulmi me thikë në një fabrikë në Japoni.

Autori i dyshuar i ngjarjes mësohet se është arrestuar. Ndërsa të plagosurit janë transportuar menjëherë në spital për të marrë trajtim mjekësor.

Ngjarja e rëndë u raportua në një fabrikë gomash në Japoninë qendrore. Autoritetet u angazhuan menjëherë dhe po hetohet për zbardhjen e plotë të shkaqeve të ngjarjes.

TOKIO, 23 dhjetor /ATSH/- Kryeministrja japoneze, Sanae Takaichi u zotua sot se do të mbrojë ujërat territoriale japoneze mes tensioneve të vazhdueshme të Tokios me Pekinin për shkak të deklaratave të saj për Tajvanin.

“Mjedisi i sigurisë në zonat detare përreth Japonisë po bëhet gjithnjë e më i ashpër”, tha Takaichi, sipas një deklarate të lëshuar nga zyra e saj të martën.

“Ne mbajtëm këshillin ministror për forcimin e aftësive të sigurisë detare dhe konfirmuam angazhimin tonë, me qëllim që të mbrojmë me vendosmëri territorin dhe ujërat territoriale të Japonisë, për të forcuar aftësitë e anijeve të mëdha patrulluese, për të rritur koordinimin midis Rojës Bregdetare të Japonisë dhe Ministrisë së Mbrojtjes dhe Forcave të Vetëmbrojtjes, dhe për të përmirësuar mjedisin e punës dhe trajtimin e oficerëve të Rojës Bregdetare të Japonisë”, shtoi ajo.

Deklarata e saj erdhi pasi Tokio pretendoi në fillim të dhjetorit se avionët kinezë J-15 nga transportuesi “Liaoning” bllokuan radarin në dy avionë japonezë F-15 mbi det të hapur, në juglindje të ishullit kryesor të Okinawa-s.

Megjithatë, Kina tha se manovrat ishin profesionale, të sigurta, të përmbajtura dhe përtej çdo diskutimi, duke shtuar se ishte “praktikë e zakonshme” që avionët e transportuesve të ndiznin radarin gjatë stërvitjes.

Tensionet midis Kinës dhe Japonisë janë përshkallëzuar që nga 7 nëntori, kur Takaichi tha se një sulm kinez ndaj Tajvanit mund të përbënte ligjërisht një “situatë kërcënuese për mbijetesën”, duke i lejuar potencialisht Japonisë të ushtrojë të drejtën e vetëmbrojtjes kolektive. /a.i/

The post JAPONI – Takaichi zotohet të mbrojë ujërat territoriale mes tensioneve me Kinën appeared first on Agjencia Telegrafike Shqiptare.

Japonisë pritet të miratojë rifillimin e centralit bërthamor Kashiwazaki-Kariwa, më i madhi në botë, në një vendim historik në rikthimin gradual të Japonisë në energjinë bërthamore pas katastrofës së Fukushimës.

Centrali, i vendosur rreth 220 kilometra në veriperëndim të Tokios, u mbyll së bashku me dhjetëra reaktorë të tjerë pas tërmetit dhe cunamit të vitit 2011 që shkaktuan aksidentin më të rëndë bërthamor që nga Çernobili.

Që atëherë, Japonia ka rifilluar 14 nga 33 reaktorët e saj që mbeten teknikisht të zbatueshëm, ndërsa kërkon të zvogëlojë varësinë e saj nga lëndët djegëse fosile të importuara.

Kashiwazaki-Kariëa do të jetë centrali i parë që do të rihapet nën menaxhimin e Tokyo Electric Power Company (TEPCO), kompanisë që operoi centralin e Fukushimës, gjë që po rrit shqetësimet e banorëve.

Qeveria e Kryeministrit Sanae Takaichi e mbështet hapur rinisjen, duke përmendur sigurinë energjetike, koston e lartë të importeve të LNG-së dhe qymyrit dhe kërkesën në rritje për energji elektrike nga qendrat e të dhënave të inteligjencës artificiale.

Në këtë kontekst, Japonia ka vendosur një objektiv për të dyfishuar pjesën e energjisë bërthamore në përzierjen e saj të energjisë në 20% deri në vitin 2040, pavarësisht reagimeve të vazhdueshme shoqërore.

/abcnews.al/

Një tërmet i fuqishëm me magnitudë 6.7 goditi orët e para të së enjtes Japoninë veriore, duke shkaktuar shqetësim të gjerë mes banorëve dhe autoriteteve lokale. Sipas Agjencisë Meteorologjike të Japonisë (JMA), lëkundja u regjistrua në orën 03:44 të mëngjesit me orën lokale, me epiqendër në Prefekturën Aomori dhe në një thellësi prej rreth 20 kilometrash. Menjëherë pas tërmetit, JMA lëshoi paralajmërim për cunami, duke paralajmëruar se valët mund të arrinin deri në një metër lartësi, megjithëse më vonë rreziku u vlerësua si i moderuar.

Agjencia gjithashtu rishikoi vlerësimin e intensitetit të tërmetit në shkallën japoneze, duke e reduktuar atë në nivelin 4 nga 7 maksimale, çka tregon lëkundje të forta, por jo shkatërrimtare. Deri më tani nuk ka raportime për dëme të mëdha apo viktima, por ekipet e emergjencës vijojnë të jenë në terren për të siguruar zonat më të prekura.

Tërmeti i sotëm vjen vetëm pak ditë pas një goditjeje edhe më të fortë, me magnitudë 7.6, që tronditi të njëjtën pjesë të vendit të martën e kaluar. Ky aktivitet i shtuar sizmik ka rritur ndjeshëm shqetësimin në komunitetet bregdetare, ku banorëve u është kërkuar të qëndrojnë vigjilentë dhe të shmangin zonat pranë detit deri në një njoftim të dytë.

Autoritetet japoneze theksojnë se paslëkundjet mund të vazhdojnë gjatë ditëve në vijim dhe u bëjnë thirrje qytetarëve të ndjekin me kujdes udhëzimet zyrtare të emergjencës, ndërsa situata mbetet nën monitorim të vazhdueshëm.

The post Japonia veriore tronditet sërish, një tjetër tërmet i fuqishëm godet vetëm pak ditë pas lëkundjes 7.6 appeared first on iconstyle.al.

Policia japoneze ka pezulluar patentat e gati 900 çiklistëve të ndaluar duke ngarë nën ndikimin e alkoolit.

Autoritetet vlerësuan se shkelësit “mund të paraqesin një rrezik të konsiderueshëm për shoferët”.

Numri i patentave të pezulluara nga janari deri në shtator është rritur ndjeshëm krahasuar me vitin e kaluar, që kur Japonia vendosi rregulla të reja trafiku që vendosin dënime më të ashpra për çiklistët.

Ata që kapen duke ngarë nën ndikimin e alkoolit mund të përballen me deri në tre vjet burg ose me një gjobë maksimale prej 500,000 jen (3,200 dollarë).

TOKIO, 12 dhjetor /ATSH-ANSA/ – Policia japoneze ka pezulluar patentat e gati 900 çiklistëve të ndaluar duke ngarë nën ndikimin e alkoolit.

Autoritetet vlerësuan se shkelësit “mund të paraqesin një rrezik të konsiderueshëm për shoferët”.

Numri i patentave të pezulluara nga janari deri në shtator është rritur ndjeshëm krahasuar me vitin e kaluar, që kur Japonia vendosi rregulla të reja trafiku që vendosin dënime më të ashpra për çiklistët.

Ata që kapen duke ngarë nën ndikimin e alkoolit mund të përballen me deri në tre vjet burg ose me një gjobë maksimale prej 500,000 jen (3,200 dollarë).   /os/

The post SOFT NEWS – Japonia pezullon patentat e 900 çiklistëve të dehur! appeared first on Agjencia Telegrafike Shqiptare.

TOKIO, 11 dhjetor /ATSH-AFP/ – Japonia njoftoi sot se ka zhvilluar manovra të përbashkëta ushtarake ajrore me Shtetet e Bashkuara të Amerikës, vetëm disa ditë pasi avionë luftarakë kinezë dhe rusë realizuan patrullime të përbashkëta në rajon.

Ushtria japoneze tha se ”manovrat vinin në një moment kur siguria në Azi po bëhet gjithnjë e më e brishtë” dhe marrëdhëniet diplomatike me Pekinin janë tensionuar ndjeshëm.

Incidentet e fundit që shtuan tensionet përfshinë dy bombardues strategjikë rusë ”Tu-95” dhe dy bombardues kinezë ”H-6”, që fluturuan së bashku rreth Japonisë, duke detyruar Tokion të ngrejë në ajër avionët e saj luftarakë.

Ky zhvillim erdhi vetëm disa javë pasi kryeministrja japoneze, Sanae Takaichi deklaroi se Japonia do të ndërhynte nëse Kina sulmonte Tajvanin, një deklaratë që zemëroi Pekinin.

Ushtria japoneze tha se manovrat me SHBA-në vërtetuan vendosmërinë e dy aleatëve për të mos lejuar ndryshime të njëanshme të status quo-së me forcë.

Në manovra morën pjesë bombardues amerikanë ”B-52” dhe avionë luftarakë japonezë ”F-35” dhe ”F-15”.

Manovrat u  zhvilluan në Detin e Japonisë dhe u konsideruan një demonstrim i qartë force në një moment tensioni të shtuar.

Ndërkohë, Uashingtoni kritikoi hapur Pekinin pasi avionë luftarakë kinezë ”J-15” dyshohet se kishin fiksuar me radar avionë japonezë pranë Okinavës, një veprim që mund të interpretohet si hap paraprak për përdorim force.

Japonia protestoi zyrtarisht dhe thirri ambasadorin kinez, por Pekini e akuzoi Tokion se kishte ndërhyrë në zonën e stërvitjeve të tij dhe se po ”kërkonte të krijonte tensione”./ /Ad.Ab./ a.jor.

The post TOKIO – Manovra ushtarake ajrore amerikano-japoneze pas patrullimeve ruso-kineze appeared first on Agjencia Telegrafike Shqiptare.

Kina ka ngritur shqetësimin se po kërcënohet nga Japonia.

Ministri i Jashtëm kinez, Wang Yi në një bisedë me homologut e tij gjerman Johann Wadephul, u shpreh se Japonia po e kërcënon Kinën ushtarakisht.

Këtë deklaratë ai e dha pasi Japonia ka njoftuar se aeroplanët luftarakë kinezë kanë drejtuar radarët e tyre drejt aeroplanëve ushtarakë japonezë, raportojnë mediat ndërkombëtare.

Marrëdhëniet mes vendeve, janë përkeqësuar muajin e kaluar, që kur kryeministri japonez Sanae Takaichi paralajmëroi se Japonia mund t’i përgjigjet çdo veprimi ushtarak kinez kundër Tajvanit, nëse ky veprim kërcënon edhe sigurinë e Japonisë.

Një tërmet i fuqishëm goditi brigjet veriore të Japonisë, duke lënë 33 persona të plagosur dhe duke shkaktuar një cunami. Tërmeti, me magnitudë 7.5 ballë, ndodhi rreth orës 23:15 me orën lokale, rreth 80 kilometra larg brigjeve të prefekturës Aomori. Agjencia Japoneze e Menaxhimit të Zjarreve dhe Fatkeqësive njoftoi se 33 persona u plagosën, përfshirë një rëndë, me shumicën e dëmtimeve të…

Source

Lëkundjet e forta të tërmetit që goditi brigjet e Japonisë, që më herët shkaktoi cunamin, janë ndjerë gjerësisht në të gjithë rajonin, duke krijuar panik dhe pasiguri tek banorët. Në rrjetet sociale janë shpërndarë dhjetëra video dhe foto që tregojnë momentin e tronditjes, me ndërtesa që lëkunden, objekte që bien dhe drita, që lëkunden me […]

The post Makinat lëkunden në rrugë, pamje nga tërmeti i fuqishëm në Japoni (Video) appeared first on BoldNews.al.

Një tërmet i fuqishëm me magnitudë 7.6 ka goditur rajonin verilindor të Japonisë, duke shkaktuar paralajmërime për cunami dhe urdhra evakuimi për banorët. Tërmeti ndodhi në orën 23:15 (14:15 GMT) në një thellësi prej 50 km, rreth 80 km larg brigjeve të rajonit Aomori, sipas Agjencisë Meteorologjike të Japonisë. Valë cunami prej 40 cm u vëzhguan në disa zona, duke rritur shqetësimin për sigurinë e…

Source

TOKIO, 8 dhjetor /ATSH-ANSA/ – Një tërmet me magnitudë 7.6 u regjistrua afërsisht 80 kilometra larg bregdetit të Japonisë.

Studimi Gjeologjik i SHBA-së raportoi tërmetin, ndërsa sistemi i monitorimit amerikan lëshoi ​​një paralajmërim për cunami.

Autoritetet lokale në prefekturat e Aomori, Hokkaido dhe Iwate, në arkipelagun verior të prekur nga tërmeti, u bënë thirrje banorëve të evakuohen pavarësisht orës së vonë dhe temperaturave që luhateshin rreth zerosjes.

Për shkak të tërmetit, shërbimet e trenit me shpejtësi Shinkansen janë pezulluar përgjatë gjithë bregdetit verilindor, ndërsa nuk janë raportuar anomali në termocentralet bërthamore Fukushima, Higashidori dhe Onagawa.

Dridhja u ndje edhe në kryeqytetin Tokio, mbi 700 kilometra nga prefektura e Aomori.

Sipas Agjencisë Meteorologjike të Japonisë, një cunami pritet të arrijë në bregdetin qendror të Paqësorit të Hokkaido, bregdetin e Paqësorit të Prefekturës Aomori dhe Prefekturën Iwate, me valë prej 3 metrash.

Sipas Agjencisë Meteorologjike të Japonisë, një cunami prej 40 centimetrash u regjistrua në Urakawa, Hokkaido. /os/

The post JAPONI – Tërmet me magnitudë 7.6 ballë, lëshohet paralajmërim për cunami appeared first on Agjencia Telegrafike Shqiptare.