TIRANË, 31 janar/ATSH/ Kryetari i Partisë Demokratike, Sali Berisha vlerësoi iniciativën e një grupi personalitetesh nga shoqëria civile, për të ndërmjetësuar krijimin e një fronti të gjerë opozitar kundër qeverisë.

Në një komunikim me qytetarët, Berisha informoi mbi takimin e djeshëm, ndërsa u shpreh se “bashkë me partitë e koalicionit parlamentar diskutuam dhe u dhamë mbështetjen”.

“Ata po vazhdojnë përpjekjet e tyre me forcat e tjera politike opozitare. Unë mendoj se në kuadrin e kësaj nisme, çdo njeri që ndjehet opozitar dhe që e nuk lejon veten të tradhtojë elektoratin që ka votuar kundër Edi Ramës, të tradhtojë elektoratin që gjen forca të shkëputet nga lidhje e të tjera, rreshtohet në këtë front”, shtoi Berisha.

Sipas kreut të PD-së, “ky nuk është front për të qeverisur së bashku, por është një front për të larguar së bashku një të keqe të madhe dhe për t’u hapur rrugën shqiptarëve për të votuar të lirë si qytetarë të lirë europianë”.

“Është jashtë çdo lloj logjike që kjo të mos jetë interes parësor i çdo force opozitare.
Por duhet të jesh opozitar që të përqafosh një ide të tillë. Dhe unë kam shpresë se ata që janë ose ndjehen opozitarë të vërtetë, do ta përqafojnë. Qoftë këto forca politike, qofshin këto organizata të shoqërisë civile, individë me peshë apo përfaqësues të grupit të interesit apo kauzave të drejta”, theksoi Berisha.

/m.m/a.f/

The post Berisha: Krijimi i frontit të gjerë opozitar, interes parësor i çdo force opozitare appeared first on Agjencia Telegrafike Shqiptare.

TIRANË, 31 janar/ATSH/ Kryetari i Partisë Demokratike, Sali Berisha deklaroi sot se Partia Demokratike ka në plan dhe projekt të gjitha format e mosbindjes civile dhe është në zbatimin e tyre.

Në një komunikim në rrjetet sociale, Berisha iu përgjigj një qytetari i cili e pyet nëse PD ka në në plan një grevë urie për një qasje më agresive se protestat.

“Kërkojmë nga qytetarët të bëjnë gjithçka për fitoren e kësaj beteje. Por kjo kërkon para së gjithash qartësi. Kërkon që çdo qytetar të kuptojë se kemi të bëjmë me një diktaturë autokratike, në të cilën të gjitha pushtetet janë të përqendruara në një dorë dhe institucionet përdoren për të shtypur pluralizmin”, tha ai.

Berisha theksoi se kemi vetëm një rrugë dhe kjo rrugë është protesta deri në përmbysjen e qeverisë.

Sipas tij, në 10 shkurt PD do të tregojë fuqinë dhe vendosmërinë e saj.

“Gjithçka varet nga kryengritja paqësore që nuk duhet të ndalet kurrë gjer në përmbysjen e Edi Ramës. Pikërisht në këtë kuadër, ne thirrëm protestën tjetër me datën 10 shkurt, ditën e martë, në mënyrë që të marrim dhe njëherë paralajmërimin më serioz për largimin e tyre nga pushteti”, tha Berisha.

Berisha foli po ashtu edhe mbi kërkesën e mbështetësve të PD-së që protesta të vijojë dhe të mos largohen nga sheshi pa realizimin e qëllimit.

“Kjo është një kërkesë jashtëzakonisht e drejtë dhe është rruga e vetme efikase për të larguar këtë regjim nga pushteti. Por kjo kërkon nga secili nga ne që të bindim gjithnjë e më shumë qytetarë se qëndrimi në shesh për aq kohë sa ta largojmë regjimin është rruga më e sigurt e fitores tonë. U garantoj se drejt asaj në mënyrë të pandalshme do të shkojmë”, tha ai.

Ai ftoi qytetarët që të shumëfishojnë forcat dhe të bashkohen në protestën e ardhshme.

Pyetjes së një qytetari se përse nuk organizohen protesta në të njëjtën kohë në 4-5 qytete të ndryshme, Berisha u shpreh se “ne do të përqendrohemi tërësisht në Tiranë”.

“Pasardhësit direkt të bllokmenëve nuk pyesin për Shqipërinë tjetër, përveç Tiranën e karrigeve. Më kujtohet si sot, kur Ramiz Aliaj thoshte se, Kavajën nuk e qeverisim ne, por ai gjithnjë kishte hallin e Tiranës. Ndaj dhe ne duhet të ua bëjmë ferr kësaj organizate kriminale, Tiranën. Kjo është arsyeja se pse ne përqendrohemi tërësisht në Tiranë”, tha Berisha.

Berisha theksoi se protesta e 24 janarit dha një mësim dhe protestat e fundit nuk kanë qenë pa rezultat.

“Kanë qenë më shumë rezultat. Imagjinoni një Shqipëri që nuk do protestonte përpara këtyre superskandaleve se si do turpërohej para botës, se çfarë mesazhi i trishtë, çfarë ofendimi do të ishte për shqiptarët. Kurse zëri i fuqishëm që u ngrit në bulevard dhe nuk ishte vetëm shëtitje, por dha mesazhin e duhur për shqiptarët dhe botën. Por, beteja me diktaturën nuk është një ndeshje futbolli. Kërkohet që secili opozitar të përgatitet për protestë të qëndrueshme. Të përgatitet për një kryengritje të pandërprerë paqësore për të realizuar qëllimin e vet”, tha Berisha.

/m.m/

The post Berisha: Më 10 shkurt, të gjitha format e mosbindjes civile appeared first on Agjencia Telegrafike Shqiptare.

Gjatë një bashkëbisedimi me qytetarët në rrjetet sociale, kreu i Partisë Demokratike, Sali Berisha, u pyet pse nuk fton në protesta figura që u cilësuan si intelektualë, si Lulzim Basha dhe Bamir Topi. Në përgjigjen e tij, Berisha i cilësoi ata si pseudointelektualë “Po flet për intelektualë apo pseudointelektualë? Po ta them me sinqeritet: kthehu […]

The post “Pse nuk i fton në protestë”/ Berisha për Lulzim Bashën dhe Bamir Topin: Pseudointelektualë appeared first on BoldNews.al.

Gjatë një bisede që zhvilloi në rrjetet sociale me qytetarët, kreu i PD, Sali Berisha, iu përgjigj kritikave të një qytetari, i cili i cilësoi protestat e Partisë Demokratike si shëtitje pa efekt dhe pa përfitim për opozitën. Në reagimin e tij, Berisha u shpreh se protestat kanë pasur rol të rëndësishëm në ndërgjegjësimin e […]

The post “Protesta me xhiro në Bulevard nuk ia vlen”, Berisha-qytetarit: Mos krahaso të pakrahasueshmen appeared first on BoldNews.al.

Kreu i PD, Sali Berisha, në një bashkëbisedim me qytetarët në rrjetet sociale, foli për protestën e thirrur më 10 shkurt. Berisha tha se nuk përjashtohet asnjë skenar për mënyrën se si do të zhvillohet protesta dhe theksoi se aksioni politik i PD-së do të vijojë përmes pjesëmarrjes qytetare dhe reagimit civil ndaj situatës politike […]

The post Protesta e 10 Shkurtit/ Berisha: Kemi në plan të gjitha format e mosbindjes civile appeared first on BoldNews.al.

Mijëra euro për aksionin opozitar. KQZ ka bërë gati shpërndarjen e fondeve vjetore për partitë politike në 2026. Ndonëse jo vit zgjedhor, 3.5 milionë euro do t’u jepen partive. Rreth gjysmat e tyre, 1.66 milionë euro i merr PS, partia më e votuar nga shqiptarët, e cila ka dhe shumicën e mandateve në parlament.

PD do të marrë 800 mijë euro. Viti i kaluar zgjedhor ishte një periudhë me shumë shpenzime për selinë blu.

Vetëm në fushatë zgjedhore u shpenzuan 1.4 milionë dollarë për fushatuesin e Trump, La Civita, 800 mijë dollarë për organizimin e fushatës së zgjedhjeve të 11 majit dhe 6 milionë dollarë kontrata e lobimit në SHBA, edhe pse kjo me këste deri në 2027

Kurse këtë vit, të vetmet shpenzime që PD ka  planifikuar, veç disa foltoreve të Sali Berishës janë molotovët dhe fishekzjarrët që do të përdoren në protestat e premtuara para kryeministrisë për të rrezuar qeverinë.

Megjithatë, në shpërndarjen e fondeve bie në sy se, pavarësisht se opozita është ndarë në dhjetëra parti, të marra të gjitha së bashku, të vjetra dhe të reja marrin në total 1.68 milionë euro po aq sa PS, e cila e vetme mori mijëra vota dhe 30 mandate më shumë.

Kjo tregon se hileja e opozitës me partitë e vogla funksionoi. Mjaftoi firma për koalicionin Shqipëria Madhështore që 4 parti pa përfaqësim në parlament, por me deputetë fiktivë nga PD, të marrin secila nga rreth 60 mijë euro.

Endrit Shabani e nisi 2026 si Avokat Populli por partia e tij opozitare Nisma Thurje përfiton 40 mijë euro. Kurse Lulzim Basha, që për momentin është çaktivizuar nga politika reale, me koalicionin euroatlantik merr 45 mijë euro.

Lulzim Basha mund të jetë në arrati dhe partia e tij ka mbyllur dyqanin por dikur i përkëdheluri i Berishës vazhdon të jetë makinë parash. Dhe si molotovët, fishekzjarrët apo partitë pa përfaqësi, do të vijojnë të paguhen me mijëra euro nga taksat e qytetarëve./abcnews.al

Në një komunikim me qytetarët ditën e sotme, kreu i Partisë Demokratike Sali Berisha, teksa ka folur mbi protestën Kombëtare më 10 shkurt, ka paralajmëruar se demokratët do qëndrojnë në shesh deri sa të largohet regjimi në pushtet.

“Qëndrimi në shesh për aq kohë sa ta largojmë regjimin është rruga më e sigurt e fitores tonë”, deklaroi Berisha.

Kryedemokrati u shpreh se kjo, sipas tij, është rruga e vetme efikase për të larguar regjim nga pushteti.

Më tej ai tha se, “Edi Rama të bëjë ç’të dojë, mbrapa diellit të shkojë, shpresë nuk ka”, ndërsa shtoi se “Rama do shkojë aty ku e ka vendin hajdutët dhe kriminelët që qeverisin një vend me lidhje të forta me kartelet e drogës, krimin dhe farsë elektorale”.

Berisha: Miq, gjatë këtyre ditëve janë me qindra qytetarë dhe qytetare që kërkojnë me shumë të drejtë që në protestë të mos largohemi nga sheshi pa realizimin e qëllimit tonë.

Kjo është një kërkesë jashtëzakonisht e drejtë dhe është rruga e vetme efikase për të larguar këtë regjim nga pushteti.

Por kjo kërkon nga secili nga ne që të bindim gjithnjë e më shumë qytetarë se qëndrimi në shesh për aq kohë sa ta largojmë regjimin është rruga më e sigurt e fitores tonë.

U garantoj se drejt asaj në mënyrë të pandalshme do të shkojmë.

Edi Rama të bëjë ç’të dojë, mbrapa diellit të shkojë, shpresë nuk ka, do shkojë aty ku e ka vendin, aty ku e kanë vendin hajdutët dhe kriminelët që qeverisin një vend me lidhje të forta me kartelet e drogës, krimin dhe farsë elektorale.

Ndaj dhe duke u falenderuar shumë për atë angazhim të jashtëzakonshëm që treguat më 24 janar, u ftoj të shumëfishojmë forcat dhe të bashkohemi në protestën e ardhshme.

Të tregojmë fuqinë tonë, të tregojmë vendosmërinë tonë, të tregojmë se ne do jemi fitimtarët në këtë vend.

The post Protesta Kombëtare më 10 shkurt/ Paralajmërimi i Berishës: Do qëndrojmë në shesh për aq koha sa të largojmë regjimin, kjo është rruga e sigurt për fitore appeared first on Albeu.com.

Kreu i Partisë Demokratike, Sali Berisha ka reaguar pas takimit të kryeministrit Edi Rama me fermerët në Divjakë. Me anë të një postimi në Facebook, Lideri i opozitës e cilëson komunikimin e Ramës si arrogant dhe përçmues.

Kryedemokrati shkruan se ajo që u pa në takimin e sotëm ishte përçmim dhe arrogancë, teksa thekson se ky është modeli i debatit të kryeministrit me qytetarët.

“Arrogancë dhe përçmim, përçmim dhe arrogancë, ky është debati me Ramaduron!”, shkruan Berisha në Facebook.

The post Rama me fermerët në Divjakë, Berisha: Arrogancë dhe përçmim ndaj tyre appeared first on Albeu.com.

Kreu i Partisë Demokratike, Sali Berisha, ka reaguar pas takimit të kryeministrit Edi Rama me fermerët në Divjakë, duke e cilësuar mënyrën e komunikimit të tij si arrogante dhe përçmuese. Në një postim në rrjetet sociale, Berisha shkruan se ajo që u pa gjatë këtij takimi ishte një model i përsëritur i sjelljes së kryeministrit […]

The post Arroganca e kryeministrit me fermerët në Divjakë, Berisha: Ky është debati me Ramaduron appeared first on BoldNews.al.

Kapiteni i Pejës nuk është më beqar. Basketbollisti i njohur ka zyrtarizuar sot fejesën e tij me fagotisten e Operës së Kosovës, Belinda Mehana, duke ndarë me publikun një moment të rëndësishëm nga jeta personale.

Lajmi është bërë i ditur përmes një fotografie, ku përveç unazës së fejesës, vëmendjen e ka marrë edhe pusulla e vendosur mbi lulet, me mbishkrimin epik: “Dhuratë nga Dhandrri”, detaj që ka nxitur reagime dhe komente të shumta në rrjete sociale.

Edhe pse mes çiftit ekziston një diferencë prej rreth 14 vitesh në moshë – Dardani 37 vjeç dhe Belinda rreth 23 – kjo nuk duket se ka qenë pengesë për ta.

Foto: Dardan Berisha/InstaStory

Përkundrazi, dyshja duket se kanë gjetur një ekuilibër mes botës së sportit dhe asaj të muzikës klasike, duke ndarë një raport që tashmë është kurorëzuar me fejesë.

Belinda Mehana (Foto: Belinda Mehana/Instagram)

Ky hap i ri në jetën e tyre është pritur me urime të shumta nga miq, kolegë dhe ndjekës, të cilët i kanë uruar çiftit lumturi dhe jetë të gjatë së bashku. /Telegrafi/

Dardan Berisha (Foto: Dardan Berisha/Instagram)

Gjatë vizitës në Strasburg, kreu i PD-së Sali Berisha zhvilloi një takim me Eerik Kross, Kryetar i Komitetit të Çështjeve Ligjore dhe të Drejtave të Njeriut në Asamblenë Parlamentare të Këshillit të Europës. Gjatë takimit u diskutuan çështjet kryesore që prekin gjendjen e të drejtave të njeriut dhe funksionimin e shtetit ligjor në Shqipëri. Palët theksuan rëndësinë e respektimit të standardeve…

Source

Në ditën kur në Tiranë, raporteri për Shqipërinë në PE kërkoi një hap para, për dialog në parlament, Berisha hodhi hapin pas, shpalli protestën e radhës në rrugë pas asaj me molotov.

“Të bashkohemi ne datën 10 shkurt në ora 5 në Tiranë për t’i dhënë leksionin e merituar kësaj organizate kriminale me në krye Edi Ramën. Revolta dhe vetëm revolta është përgjigja e merituar e sovranit ndaj këtij grupi që nuk ka ligj, kushtetutë e as moral”, tha Berisha.

Berisha e shfaqi hapur respektin, por edhe pakënaqësinë ndaj raporterit për Shqipërinë në Parlamentin Europian, Andreas Shider. Por shpresën e fundit e ka tek Partitë Popullore Europian

“Mendoj se, shqiptarët prisnin prej tij dhe presin jo vetëm prej tij, por presin nga Brukseli, kërkesën për të mbrojtur standardin Europian, i cili standard edhe 12-13 vite më parë në këtë vend, detyronte ministrat për koincidentë dhe zv/kryeministrin që kërkohej nga prokuroria imuniteti, të dorëzonin imunitetin, para se të votonte parlamentin”, shtoi ai

Po për Berishën, më shumë faji është në Tiranë, në zyrat e BE.

“Zoti Schider, për fat të keq as edhe përfaqësuesi i BE-së, ambasadori Gonzato, madje Gonzato pak më thellë se zoti Schider, nuk e kërkuan këtë. Ndonëse theksoj se grupi popullor ka edhe ai reporterin në hije për Shqipërinë dhe pritet që dhe ai të vijë në Shqipëri”,- u shpreh Berisha.

Protestë do të ketë. Por reforma jo. Te enjten taulant Balla la afatin e së hënës për territorialen, dhe Bardhi e pranoi me kokën ulur thyerjen e bojkotit.

Sot Berisha refuzoi afatin, dhe Bardhi sërish duhet ta pranojë bojkotin e doktorit, po me kokën ulur. 

“Bllokimit që i bëjnë drejtësisë, bëjnë të pamundur çdo formë bashkëpunimi me mandatet e krimit të kësaj mazhorance,” – u shpreh Berisha.

Tabloja tashmë është qartë, jo vetëm për sytë e shqiptarëve, por dhe për sytë e BE.

Mazhoranca në një rrugë të re, qëndron brenda institucioneve, dhe punon për të anëtarësuar Shqipërinë në BE.

“Nëse nuk vijnë deri të hënën, anëtarët e PS në Komision kanë firmosur dhe kërkesa Kuvendit i është çuar. Pra, puna nuk ndërpritet sepse jemi bllokuar pa nisur punën. Dhe jemi nën presion të madh për të kapur afatin e për ta miratuar”- tha Mazniku në Real Story./abcnews.al

TIRANË, 30 janar /ATSh/ Kryetari i Partisë Demokratike, Sali Berisha, gjatë konferencës me gazetarët ditën e sotme njoftoi datën e re të protestës kombëtare që do të zhvillojë opozita.

Berisha tha se më datën 10 shkurt, në orën 17:00, në Tiranë do të zhvillohet protestë masive, duke e cilësuar revoltën qytetare si të vetmen rrugë për largimin e qeverisë së kryeministrit Edi Rama duke ftuar qytetarët të bashkohen me opozitën.

“Revolta dhe vetëm revolta është përgjigja e merituar e sovranit ndaj këtij grupi që nuk ka ligj, kushtetutë e as moral. Revolta dhe vetëm revolta është rruga e daljes, e përmbysjes së diktaturave autokratike, njëlloj si në vendet e tjera”, tha Berisha.

Gjatë fjalës së tij, Berisha akuzoi qeverinë për korrupsion, vjedhje dhe kapje të shtetit, duke e quajtur atë një organizatë kriminale dhe duke kërkuar krijimin e një qeverie teknike dhe zhvillimin e zgjedhjeve të ndershme.

Berisha deklaroi se opozita mbështet iniciativën e një grupi intelektualësh për bashkimin e forcave opozitare.

“PD ka mbështetur plotësisht iniciativën e këtij grupi intelektualësh të cilët janë të përkushtuar për bashkimin e të gjitha forcave politike opozitare dhe faktorëve të tjerë në betejë, kundër qeverisë”, u shpreh Berisha.

Berisha përjashtoi çdo bashkëpunim me mazhorancën, duke e lidhur atë me mbrojtjen e aferave korruptive dhe bllokimin e drejtësisë.

Në reagim ndaj deklaratave të raportuesit të Parlamentit Evropian për Shqipërinë, Andreas Schieder, Berisha u shpreh se BE duhet të kërkojë respektimin e standardeve evropiane, veçanërisht dorëheqjen dhe heqjen e imunitetit të zyrtarëve të lartë kur përballen me hetime penale, duke e cilësuar këtë si standard etik dhe moral të domosdoshëm në një shtet ligjor.

/m.q/j.p/r.e/

The post Berisha: Revolta qytetare e vetmja rrugë për largimin e qeverisë, protestë më 10 shkurt appeared first on Agjencia Telegrafike Shqiptare.

Kreu i PD, Sali Berisha komentoi gjatë konferencës për shtyp nga selia blu, deklaratën e reporterit për Shqipërinë në PE, Andreas Schieder, se demokracia me molotov nuk është e mirë, por as stabilokracia ndërsa shtoi se duhet të gjendet një e mesme e artë. Berisha në deklaratën e tij tha se priste nga Schieder dhe […]

The post “Jo molotovë”/ Berisha për deklaratën e Schieder: Brukseli t’i kërkojë qeverisë të mbrojë standardin europian appeared first on BoldNews.al.

Sali Berisha me anë të një njoftimi për shtyp, ka njoftuar protestën e radhës kombëtare të Partisë Demokratike. Protesta do të mbahet më 10 shkurt në orën 17:00. “Në 10 shkurt të gjithë në rrugë dhe sheshe, në protestën më të fuqishme që ka Njohur Shqipëria kundër regjimit të drogës dhe vjedhjes së Shqiptarëve”, tha […]

The post Berisha njofton datën dhe orën e protestës së radhës appeared first on BoldNews.al.

Për analistin Frrok Çupi, PD është qenia më e rrezikshme, më e keqe që ka prodhuar Shqipëria politikisht dhe jo politikisht. Në studion e Neës Line në ABC, Cupi u shpreh se PD me Berishën në krye, ka bërë gjithë të zezat ndaj vendit.

“Ka bërë ndaj vendit të gjitha të zezat. Ka disa njerëz që bashkohen te një strumbulluar që quhet Berisha. Kjo situatë e krijuar, ku Berisha edhe një herë u kap në flagrancë nga Europa, sot ka mbledhur të tijët se ka frikë se do vijnë ta burgosin në zyrë, varet cdo u thotë se këta janë të tërë eunukë, i lëpihen. Ca nuk pret prej tyre, mund të nisin sërish me molotove në parlament, duan të mbulojnë krimin me krimin.” U shpreh ai, ndërsa komentoi edhe një herë sjelljen e kreut të PD, një ditë më parë në Parlamentin Europian.

“Sjellja e Berishës dje ne PE, në ato rrethana PE i tha mbylle gojën dhe ik se nuk njohim atë Shqipëri, po na sjell një fyerje të rëndë që nuk e pranojmë. Sot i dërguari i PE e tha shqip është tjetër gjë Shqipëria dhe tjetër gjë ky që hedh baltë në ekrane. Situata e PD ka vdekur, nuk e njeh një politikë normale kudo të jetë, madje as politika e Honolulusë,” -tha Çupi.

Analisti Frrok Çupi komentoi në studion e News Line, vendimin e KLGJ për mos nisur verifik ndaj gjyqtares Irena Gjoka, duke ia kaluar cështjes ILD-së. Çupi e konsideroi cështjen një shpifje të sajuar nga disa organizata ekstremiste të ndaluara në Greqi që në bashëkpunim me Berishën.

“Është një veprim procedurë, normal realisht duket i thjeshtë. KLGj nuk është organ hetimor, mendoni cfarë absurdi ka. Është një mish mash, një konfuzion që dëshmon se këto organe duhet të përparojnë ose të shpallim që nuk ka drejtësi.

Është një punë e sajuar një shpifje e ndërtuar me mjete gjasme ligjore, nga disa organizata ekstremiste të ndaluara në Greqi që në bashëkpunim me Berishën kanë ndërtuar një përrallë të rrezikshme ligjore. Nuk ka patur asgjë që konsiderohet ligjore në raport me këtë gjë. Dëshmon se këtu ka hyrë ai që ka hyrë me molotov, ai që po nxit Shqipërinë në Strasburg”,-u shpreh Çupi./abcnews.al 

Më 10 shkurt do të mbahet protesta e radhës e opozitës. Lajmi është bërë i ditur nga vetë kreu i PD-së, Sali Berisha në një deklaratë për mediat. Ai tha se më 10 shkurt, në orën 17:00, para Kryeministrisë, do të mbahet tubimi i radhës, kundër padrejtësisë, për një qeveri teknike.

“Qytetarë dhe qytetare!
Çdo përpjekje, përveç se përpjekjeve tuaja janë humbje kohe.
Sot më shumë se kurrë është fjala juaj, është fjala juaj, është guximi juaj, është revolta juaj, zemërimi juaj, qëndrimi ndaj padrejtësisë ndaj vjedhjes, ndaj narkoshtetit, ndaj varfërimit dhe mjerimit nga plaçkitja e kësaj qeverie, që duhet të shpëtojë, dhe do të shpëtojë Shqipërinë.
Edi Rama në vend të dorëheqjes së tij, shëtit si i vdekuri me të gjallin me Lubi Ballukun, për t’u thënë shqiptarëve, për të sfiduar qytetarët, për t’i ofenduar ata dhe më shumë se ofendim, se unë ju kam plaçkitur dhe do ju plaçkis dhe se mos mendoni kurrë se drejtësia apo ligji janë për Ramën apo Lubinë, por janë vetëm për ata që duan këta të dy.
Ka qenë dhe është bindja ime më e prerë, se është vetëm sovrani, gjuha e tij, revolta dhe zemërimi i tij ata që do bindin këtë grusht hajdutësh, këtë organizatë kriminale të kryesuar nga Edi Rama, të largohen një minutë e më parë nga pushteti dhe të hapin rrugën për qeveri teknike, zgjedhje të ndershme.
Në Tiranë, dhe kudo në Europë dhe botë, 24 janari është i gjallë çdo ditë. Çka do të thotë, qytetarët shqiptarë, shqiptarët në diasporë dhe kudo, miqtë e shqiptarëve, presin protestën, revoltën dhe vetëm revoltën e qytetarëve shqiptarë.
Ndaj dhe ftoj të gjithë të rinjtë shqiptarë, burrat, gratë, të moshuarit, të bashkohemi ne datën 10 shkurt në ora 5 në Tiranë për t’i dhënë leksionin e merituar kësaj organizate kriminale me në krye Edi Ramën.”, tha Berisha.

The post E zbulon Berisha, ja kur do të mbahet protesta e radhës e opozitës appeared first on Albeu.com.

Sali Berisha ka thirrur këtë të premte aleatët e tij në selinë e Partisë Demokratike. Mbledhja ka nisur në ambientet e selisë blu në orën 11:30, ndërsa mësohet se Arlind Qori i “Lëvizjes Bashkë” dhe Agron Shehaj i partisë “Mundësia” nuk i janë bashkuar këtij takimi. Po ashtu dhe Adriatik Lapaj, i “Shqipëria Bëhet” mungon. […]

The post Takimi i Berishës me aleatët në selinë blu, Qori, Shehaj dhe Lapaj nuk i bashkohen appeared first on BoldNews.al.

Vizita e Sali Berishës në Strasburg ka ngjallur debate të forta në skenën politike shqiptare.

Analisti Artur Nura, i ftuar në “Ora e Fundit” në ABC News, u shpreh kritik ndaj rolit dhe qasjes së kreut të PD, duke theksuar se Berisha nuk është më bindës dhe mbetet një pengesë për të ardhmen e opozitës.

Sipas Nurës, izolimi i tij nga faktorët europianë, gjuha jo diplomatike dhe mungesa e hapjes ndaj brezit të ri e bëjnë situatën brenda Partisë Demokratike dramatike, ndërsa ai nënvizoi se një hap mbrapa nga Berisha do të ishte i domosdoshëm për ringritjen e PD-së.

“Unë mendoj që të hënën do të kemi një zgjidhje. Të njëjtën gjë bëri edhe për zgjedhjet, nuk i njohu, por ende vazhdon të jetë në Parlament. Reforma Territoriale është për njerëzit, drejtpërdrejt për ata. Do të ketë rezultate të hënën, por do të ketë edhe përplasje apo edhe debate.

Në raste se kreu i PD nuk bën një hap mbrapa dhe nuk vendos djem dhe vajza të rinj në moshë pa cene të korrupsionit, sepse duhet të kujtojmë që Berisha ra edhe për shkak të korrupsionit. Si mund të pretendosh ti si narkoshteti. Është situatë dramatike për mua. Berisha ka qenë i izoluar nga europianët. Komunikon me komunikata shtypi. Berisha duhet të gjente diplomatike për të thënë fjalën e tij në Strasburg. Për më tepër anglishtja e tij ballkanike nuk kuptohet. Ka një gjuhë të errët, jo gjuhë diplomatike. Berisha nuk është më bindës. Berisha është e keqja e PD”, tha Nura.