Një ndalesë për kundërvajtje në komunikacion është shndërruar në incident me kërcënime ndaj dy zyrtarëve të Policisë së Kosovës në autostradën “Ibrahim Rugova”, në rajonin e Prizrenit. Dy policët, të cilët ndodheshin me rroba civile, dyshohet se janë kanosur verbalisht nga një shofer, i cili më pas është arrestuar dhe ndaluar për 48 orë.

Burimet e Sinjalit bëjnë me dije se ngjarja ka ndodhur më 20 tetor 2026, rreth orës 10:00, kur dy zyrtarë policorë kanë ndaluar një drejtues automjeti për shkak të një kundërvajtjeje në trafik.

Sipas informatave të siguruara nga Sinjali, personi i dyshuar është Zenë Zahiti, rreth 47-vjeçar.

Meqenëse ishin të veshur me rroba civile, dy zyrtarët i janë prezantuar të dyshuarit si pjesëtarë të Policisë së Kosovës.

Megjithatë, sipas raportimit të tyre, Zahiti ka refuzuar t’u bindet kërkesave të policëve, ka shfaqur sjellje arrogante dhe dyshohet se i ka kërcënuar verbalisht, pas një mosmarrëveshjeje në komunikacion.

Situata ka kërkuar ndërhyrjen e një patrulle policore, e cila ka mbërritur në vendin e ngjarjes dhe ka shoqëruar palët në stacion policor.

Dy zyrtarët policorë kanë përpiluar raportet për incidentin, ndërsa rasti është marrë në trajtim nga Sektori Rajonal i Hetimeve në Prizren.

I dyshuari është intervistuar në prani të avokatit mbrojtës dhe, pas konsultimit me Prokurorin e Shtetit, ndaj tij është caktuar ndalimi policor deri në 48 orë.

Rasti është iniciuar si “Kanosje ndaj personit zyrtar”, ndërsa hetimet po vazhdojnë për sqarimin e plotë të rrethanave të incidentit.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Sherr në autostradën “Ibrahim Rugova” – 47-vjeçari dyshohet se kërcënoi dy policë civilë pasi e ndaluan për kundërvajtje, përfundon në ndalim appeared first on Sinjali.

A u janë “liruar duart” prokurorëve të Prokurorisë Speciale, apo një ndryshim i thjeshtë administrativ po paraqitet si reformë e madhe në luftën kundër krimit? Avokati Besnik R. Berisha ka reaguar ndaj interpretimeve që pasuan komunikatën e fundit të këtij institucioni, duke sqaruar se marrja e numrit të lëndës përmes kryeprokurorit nuk ka qenë asnjëherë e barabartë me kërkimin e lejes për të nisur hetime.

Berisha ka vënë në pikëpyetje mënyrën se si është paraqitur ndryshimi, duke theksuar se prokurorët nuk kanë fituar tani një kompetencë që më parë u mungonte.

“Numri i lëndës nuk është leje për të hetuar!”, ka theksuar ai, duke shtuar se autonomia e prokurorit buron nga ligji dhe jo nga procedura e regjistrimit të një rasti.

Sipas Berishës, praktika administrative që zbatohej që nga viti 2018 parashihte që prokurorët ta kërkonin numrin e lëndës përmes kryeprokurorit, por kjo nuk nënkuptonte se duhej të merrnin pëlqimin e tij për fillimin e hetimeve.

“Kërkonin numër për regjistrimin e lëndës, jo leje për të hetuar”, ka sqaruar Berisha.

Ai ka theksuar gjithashtu se nuk ka njohuri për ndonjë rast, gjatë kësaj periudhe, kur një prokurori t’i jetë refuzuar dhënia e numrit të lëndës.

Duke komentuar ndryshimin e paralajmëruar nga Prokuroria Speciale, Berisha ka shpjeguar se numri i lëndës tash e tutje do të merret drejtpërdrejt nga Zyra e Regjistrit, çka, sipas tij, përbën shkurtim të një procedure administrative dhe jo ndryshim të kompetencave ligjore të prokurorëve.

“Tani, sipas njoftimit, numri do të merret drejtpërdrejt nga Zyra e Regjistrit. Pra, shkurtohet një rrugë administrative. Kaq!”, ka shkruar ai.

Berisha ka vlerësuar se çdo lehtësim procedural është i mirëseardhur, por ka paralajmëruar se një ndryshim i tillë nuk duhet të paraqitet si çlirim i prokurorëve nga një pengesë ligjore që, sipas tij, nuk ka ekzistuar.

“Autonomia e prokurorit nuk fillon te sporteli ku merret numri i lëndës. Ajo buron nga ligji”, ka theksuar Berisha.

Sipas tij, thjeshtimi i procedurave administrative nuk duhet ngatërruar me reforma thelbësore në luftën kundër krimit.

Në fund, Berisha ka theksuar se suksesi i institucioneve të ndjekjes penale duhet të vlerësohet nga cilësia e hetimeve, provat e siguruara dhe rezultatet në gjykatë, e jo nga mënyra e regjistrimit të lëndëve.

“Krimi nuk luftohet me numra lëndësh. Luftohet me hetime të guximshme, të ligjshme dhe profesionale”, ka përfunduar Berisha.

Sinjali – aty ku e vërteta flet para lajmit!

/GazetaSinjali/

The post “Kush tha se prokurorët s’kanë mundur të hetojnë pa leje?” – Besnik R. Berisha zbërthen njoftimin e Prokurorisë Speciale: U plasua si reformë një procedurë administrative appeared first on Sinjali.

Shefi i Misionit të Kombeve të Bashkuara në Kosovë (UNMIK), Peter Due, ka ritheksuar shqetësimet e Bashkimit Evropian lidhur me ndryshimet e miratuara në Ligjin për Gjykatën Speciale, duke theksuar se duhet të respektohen integriteti dhe pavarësia e procedurave gjyqësore.

Duke raportuar për zhvillimet në Kosovë në mbledhjen e Këshillit të Sigurimit të OKB-së, Due ka kritikuar edhe Policinë e Kosovës për mosndarjen e informatave me Kombet e Bashkuara gjatë protestave që u mbajtën pas aktgjykimit të Dhomave të Specializuara të Kosovës, më 16 shtator.

Ai ka vlerësuar se Policia e Kosovës është sjellë në mënyrë paqësore gjatë 21 ditëve të protestave, por ka thënë se koordinimi dhe shkëmbimi i informatave me OKB-në kanë qenë joadekuate, ndonëse këto informata janë ndarë me vendet partnere ndërkombëtare.

“Pas periudhës së 16 shtatorit, aktgjykimi i Dhomave të Specializuara dënoi Thaçin dhe tre ish-komandantë për krime lufte, por jo për krime kundër njerëzimit. Demonstratat gjetiu pasuan këtë aktgjykim, shumica prej të cilave mbetën paqësore. Përgjithësisht, Policia e Kosovës është sjellë në mënyrë paqësore gjatë këtyre 21 ditëve të protestave. Koordinimi dhe ndarja e informatave me Kombet e Bashkuara ishte joadekuate, por jo edhe me vendet ndërkombëtare. I kam ngritur këto çështje në Prishtinë dhe me partnerët tanë ndërkombëtarë. Kuvendi miratoi ndryshime, duke kufizuar kompetencat e Speciales. E riktheksojmë brengosena e BE-së… Të pandehurit kanë të drejtën e apelit… integriteti dhe pavarësinë e procedurave gjyqësore duhet të respektohen, dhe çdo veprim legjislativ duhet të jetë në përputhje me obligimet ligjore dhe ndërkombëtare të Kosovës”, ka thënë Due.

Shefi i UNMIK-ut ka bërë të ditur se një aktgjykim tjetër lidhur me administrimin e drejtësisë është caktuar për 17 nëntor. Sipas tij, këto zhvillime po ndodhin në një kohë kur tensionet vazhdojnë në të gjithë Ballkanin Perëndimor dhe narrativat përçarëse nga e kaluara mbeten të pranishme.

Në raportin e tij, Due ka kërkuar gjithashtu bashkëpunim të plotë nga autoritetet e Kosovës dhe Serbisë, në mënyrë që përgjegjësit për sulmin në Banjskë dhe atë ndaj kanalit të Ibër-Lepencit të mbahen përgjegjës.

Ai ka theksuar se gjatë gjashtë muajve të fundit janë shënuar tensione të larta në Kosovë dhe në rajon.

Ndonëse zgjedhjet e 7 qershorit në Kosovë i ka vlerësuar si paqësore, Due ka thënë se pasiguria politike dhe retorika nxitëse kanë vazhduar edhe pas tyre.

Ai ka ngritur shqetësime edhe për incidentet që lidhen me rrënimet dhe dëbimet, veçanërisht në veri të Kosovës, duke vlerësuar se ato kanë ndikuar në të drejtat pronësore dhe mund të kenë pasoja socio-ekonomike për komunitetet lokale dhe bizneset.

Në raportin e tij, Due ka përmendur edhe riintegrimin e gjyqtarëve dhe prokurorëve serbë, kufizimet ndaj lirisë së shprehjes dhe pretendimet për keqtrajtim të serbëve nga Policia e Kosovës, pas veprimeve të autoriteteve ligjzbatuese më 28 qershor në Gazimestan. Ai ka bërë të ditur se Inspektorati Policor ka hapur hetimet lidhur me këto pretendime.

Sipas tij, institucionet shëndetësore dhe arsimore të udhëhequra nga Serbia, si dhe Kisha Ortodokse Serbe, vazhdojnë të përballen me sfida që, sipas raportit, burojnë nga veprimet e Policisë së Kosovës, përfshirë edhe ato që lidhen me organizimin e pelegrinazheve.

“Nëse i marrim individualisht, disa prej këtyre zhvillimeve mund të duken të lokalizuara dhe administrative, por, të marra së bashku, përforcojnë perceptimin e pasigurisë dhe të trajtimit të pabarabartë të serbëve të Kosovës, duke ndikuar në karakterin shumëetnik të Kosovës”, ka thënë Due.

Ai e ka mirëpritur zgjedhjen e Justina Shiroka-Pulës si presidente të Kosovës, ndërsa ka theksuar rëndësinë e rifillimit të progresit në dialogun ndërmjet Kosovës dhe Serbisë.

“Përkushtimi i vërtetë nga të dyja palët është i domosdoshëm për të arritur progres të dukshëm. I vlerësoj përpjekjet e vazhdueshme të BE-së. I inkurajoj t’i zbatojnë marrëveshjet e arritura, të formojnë Asociacionin dhe të ndërmarrin hapat për uljen e tensioneve”, ka deklaruar ai.

Në fund, shefi i UNMIK-ut ka folur edhe për çështjen e personave të pagjetur, duke bërë të ditur se i dërguari i Bashkimit Evropian për dialogun, Peter Sorensen, ka vazhduar përpjekjet për zgjidhjen e kësaj çështjeje, me mbështetjen edhe të Kombeve të Bashkuara.

Sipas Due, aktualisht 1 mijë e 577 persona vazhdojnë të jenë të pagjetur.

Sinjali – aty ku e vërteta flet para lajmit!

/GazetaSinjali/

The post Shefi i UNMIK-ut në OKB ngre shqetësimet për Specialen, kërkon përgjegjësi për Banjskën appeared first on Sinjali.

Presidenti ukrainas, Volodymyr Zelensky, ka deklaruar se është i gatshëm për negociata, pas takimit me të dërguarin special të Shteteve të Bashkuara, Steve Witkoff, raporton BBC.

Takimi u zhvillua në Oslo, në një kohë kur marrëdhëniet mes presidentit ukrainas dhe presidentit amerikan, Donald Trump, janë përkeqësuar.

Zelensky bëri të ditur se Witkoff do të udhëtojë të mërkurën drejt Rusisë. Ai tha se pret që SHBA-ja t’i paraqesë idetë e diskutuara gjatë takimit, të cilat synojnë të ndihmojnë në gjetjen e një zgjidhjeje të mundshme paqësore.

Kreu i shtetit ukrainas shtoi se një nga propozimet e diskutuara është mbajtja e një takimi mes tre udhëheqësve, por theksoi se mbetet të shihet se si do të përgjigjet presidenti rus, Vladimir Putin.

Në konferencën për media, Zelensky u shoqërua nga presidenti finlandez, Alexander Stubb, dhe kryeministri norvegjez, Jonas Gahr Støre.

Stubb deklaroi se bisedimet e zhvilluara gjatë ditës kishin shënuar përparim të vërtetë, duke shtuar se palët kishin identifikuar disa elemente që mund të kontribuojnë në arritjen e paqes.

Ndërkohë, Zelensky shprehu mirënjohjen ndaj Shteteve të Bashkuara për rikthimin e shkëmbimit të informacioneve të inteligjencës që ndihmojnë në paralajmërimin e sulmeve ruse.

Ai theksoi se sistemet e paralajmërimit të hershëm janë të rëndësishme për sigurinë e popullit ukrainas.

Shtetet e Bashkuara kanë mohuar më herët se e kanë kufizuar ndarjen e informacioneve të inteligjencës me Ukrainën. Sekretari amerikan i Shtetit, Marco Rubio, i ka cilësuar si skandaloze akuzat se ukrainasit po humbnin jetën për shkak se Uashingtoni po i mbante të fshehta informacionet e inteligjencës nga Kievi.

Sinjali – aty ku e vërteta flet para lajmit!

/GazetaSinjali/

The post Zelensky i gatshëm për negociata, kërkon bisedime trepalëshe për paqe appeared first on Sinjali.

Mikel Arteta ka deklaruar se Arsenali ende nuk e ka arritur nivelin më të lartë të suksesit, teksa skuadra londineze po përgatitet për përballjen me Bayern Munichun në Ligën e Kampionëve.

Sezonin e kaluar, Arsenali i dha fund pritjes së gjatë për titullin e Ligës Premier. Pas tri sezoneve radhazi në vendin e dytë, londinezët u shpallën kampionë për herë të parë që nga sezoni 2003/04.

Për një pjesë të madhe të sezonit 2025/26, skuadra e drejtuar nga Arteta ishte në garë për të fituar katër trofe. Megjithatë, Arsenali humbi finalen e Kupës së Ligës ndaj Manchester Cityt dhe u eliminua në mënyrë befasuese nga Southampton në çerekfinale të Kupës FA.

Londinezët arritën gjithashtu në finalen e Ligës së Kampionëve, ku synonin të fitonin për herë të parë në histori trofeun e këtij kompeticioni. Megjithatë, ata u mposhtën nga Paris Saint-Germaini me rezultat 4-3 pas penalltive, pasi koha e rregullt përfundoi me rezultat 1-1.

Këtë sezon, Arsenali synon sërish të fitojë trofe dhe e ka nisur mbarë rrugëtimin në Ligën e Kampionëve, duke triumfuar në të dyja ndeshjet e para.

Arteta është i entuziazmuar për të vazhduar përparimin e skuadrës dhe për të parë se deri ku mund të arrijë ajo.

“Besoj se kemi arritur në një mal me fitimin e Ligës Premier, por jo në majën më të lartë, apo në atë që unë e imagjinoj”, ka deklaruar Arteta në emisionin “Inside the Game” të HBO Max.

“Ne kemi arritur një objektiv që ishte pjesë e një kapitulli, por tani duhet të kalojmë te kapitulli i radhës”.

“Flasim për mundësinë që të fitojmë sërish dhe, mbi të gjitha, se si do t’i qasemi kësaj sfide nga ana e mentalitetit. Kjo rrugë është jashtëzakonisht e rëndësishme dhe jam shumë i entuziazmuar për të”.

“Qëndrueshmëria është ndoshta gjëja më e vështirë për t’u arritur. Duhet t’i ruajmë të gjithë faktorët që na kanë ndihmuar ta arrijmë objektivin, por njëkohësisht të vazhdojmë t’i frymëzojmë dhe t’i udhëheqim lojtarët drejt një niveli tjetër, duke ruajtur të njëjtin ambicie”, ka përfunduar trajneri spanjoll.

Arsenali ka fituar 14 ndeshjet e fundit radhazi në fazën e ligës së Ligës së Kampionëve. Që nga rikthimi në këtë garë në vitin 2023, vetëm Paris Saint-Germaini dhe Real Madridi, me nga 28 fitore secili, kanë regjistruar më shumë triumfe në përgjithësi sesa londinezët. Arsenali ka 27 fitore, po aq sa Bayern Munichu.

Sinjali – aty ku e vërteta flet para lajmit!

/GazetaSinjali/

The post Arteta entuziazmon tifozët e Arsenalit: Ende s’e kemi arritur majën appeared first on Sinjali.

Në anën tjetër, hetim të mirëfilltë Salihu nuk kishte zhvilluar as ndaj avokatit, noterit, përmbaruesit privat dhe vlerësuesit të licencuar të pronave.

Më 6 nëntor 2024 PSRK kishte pushuar hetimet ndaj tyre duke theksuar se nuk ishin siguruar prova të mjaftueshme që vërtetonin dyshimin e bazuar se të pandehurit kishin kryer veprat penale.

Mirëpo, pas ankesës së avokatit Fejza, Prokuroria e Apelit kishte aprovuar ankesën e tij dhe kishte anuluar aktvendimin e PSRK-së për pushimin e hetimeve, duke e kthyer lëndën në rivendosje.

Burime të emisioni hulumtues “Dosja” kanë treguar se Apeli kishte udhëzuar PSRK-në për ndërmarrjen e veprimeve hetimore shtesë, pasi sipas Apelit nuk ishin dhënë arsye konkrete bindëse në raport me mos ekzistimin e dyshimit të bazuar mirë.

Përkundër udhëzimeve, prokurorja Salihu nuk i kishte përfituar ato.

Më 28 janar 2025, ajo i kishte mbyllur sërish hetimet, kësaj radhe me arsyetimin se tashmë kishte përfunduar afati hetimor.

Aktvendimi i dyte i Apelit gjene se e njëjta nuk ka vepruar në përputhje me udhëzimet e Apelit, por vetëm ka bërë rivlerësimin e veprimeve hetimore.

Tutje, Apeli i kishte rikujtuar PSRK-së se sipas Kodit të Procedurës Penale, prokurorja do duhej të përkujdesej për afatin hetimor, në mënyrë që të shtjerreshin të gjitha veprimet e nevojshme me qëllim të ruajtjes së afatit.

Apeli kishte kritikuar prokuroren se përkundër se thirrej në përfundim të afatit hetimor, në shkresa të lëndësh nuk gjendej shënim zyrtar, siç edhe e parasheh Kodi i Procedurës Penale, përkatësisht neni 154 lidhur me “Shqyrtimin e detyrueshëm të lëndës” i cili thotë ‘’Çdo tre (3) muaj, prokurori i shtetit dhe kryeprokurori i zyrës së tij shqyrtojnë lëndën dhe konstatojnë nëse hetimi duhet të mbetet i hapur, të pezullohet, të pushohet apo të ngritët aktakuza. Për këtë duhet të bëhet shënim zyrtar.

Kësisoj, Apeli i kishte rekomanduar PSRK-së që të rivlerësonte mundësinë e zgjatjes së afatit hetimor.

Në përgjigjen e prokurores Salihu, thuhet se të gjitha shënimet dhe veprimet që lidhen me këtë çështje janë të evidentuara në dosjen e lëndës.

Përkundër se gjykimi u bo, viktimat si përfundim mbetën edhe më të dëmtuara sesa kur hyrën.

Mirëpo, përtej dëmeve materiale, viktima tregon për pasojat psiqike me të cilat jeton bashkëshorti dhe familja.

“Viktima V.I: Trauma e tonat i ka pas, edhe vazhdon me i pas.

Gazetarja: A është me terapi hala?

Viktima V.I: Po.

Gazetarja: Përveç bashkëshortit kush është tjetër me trapi?

Viktima V.I: Edhe unë edhe çika e madhe edhe qishtu. Edhe fëmija e vogël në atë kohë që jon kanë edhe hala kanë trauma. Si të shohin që u ndal dikush, dikush oshtë dikush oshtë, tonë kohën jon në stres. Se kamerat i kemi tash në telefon, krejt kohën e përcjellin babin, mamë dikush oshtë te babi, krejt kohën krejt kohën jena në presion”.

Burime të emisionit “Dosja” në Gjykatën Themelore të Pejës, tregojnë se ndaj viktimave është ushtruar padi për mos pagimin e qeras.

Krejt kjo pavarësisht se pronat ishin përfituar me kryerjen e veprës penale, dhe se në mes tyre nuk ka marrëdhënie kontraktuale mbi pagesën e qeras.

Këtë e ka konfirmuar edhe Rexhaj.

“Unë ju kom drejtu gjykatë, e kom të regjistrume landën që unë kom kërku që ata me ma pagu qeran prej asaj kohe që jon tu nej aty”.

Përkundër se viktimat pranuan të hynin në marrëveshjen që ish kryetari i Gjykatës Supreme e konsideron të paprecedent, me qëllimin e vetëm për të ju shmangur procedurës civile, sot sërish përfunduan aty.

Ata jetojnë dhe veprojnë në pronat të cilat vazhdojnë të mos jenë më në emër të tyre.

Derisa, i janë drejtuar Gjykatës Themelore në Pejë me qëllimin për ta realizuar të drejtën e tyre mbi pronësinë.

Tash mbetet në dorën e kësaj gjykate për të vendosur fatin e fundit të tyre.

Në anën tjetër, i mbetet Këshillit Gjyqësor të Kosovës si dhe atij Prokurorial, për tí trajtuar përgjegjësit eventuale disiplinore apo penale të gjyqtarit Vesel Ismajli, prokurores Habibe Salihu dhe ish kryeprokurorit Blerim Isufaj.

Sinjali – aty ku e vërteta flet para lajmit!

/GazetaSinjali/

The post Apeli ia ktheu dy herë lëndën prokurores për mbylljen e hetimeve ndaj avokatit, noterit, përmbaruesit e vlerësuesit të licencuar appeared first on Sinjali.

Aktvendimi për fillimin e hetimeve ndaj Rexhajt krahas fajdes ishte marrë edhe për kryerjen e veprës penale “Detyrim”.

Mirëpo, prokurorja nuk ka dhënë përgjigje se cili është epilogu i këtij hetimi, meqë aktakuza ishte ngritur vetëm për fajde.

Kodi i Procedurës Penale lejon që në kuadër të marrëveshjes për pranimin e fajësisë, Prokuroria të heq dorë nga ndjekja penale për ndonjë vepër tjetër. Mirëpo, heqja dorë nga ndjekja penale për veprën ”Detyrim” nuk është përfshirë as në marrëveshje.

Për këtë, as “Dosja” nuk ka arritur të gjejë ndonjë aktvendim për pushim të hetimeve në drejtim të kësaj vepre penale.

Ndërsa, Rexhaj ka thënë se hetimet për detyrimin janë mbyllur me arritjen e marrëveshjes, përkundër se kjo nuk thuhen në të.

“Rexha: Me mu ka përfundu atë ditë çdo gja a je tu më kuptu?

Gazetarja: Kur atë ditë, kur e keni mbërri marrëveshjen?

Rexhaj: Qat ditë kur e kemi mbërri marrëveshjen, çdo gja u mbyllë ajo punë”.

Në anën tjetër, lënda ndaj Rexhajt kishte përfunduar në Prokurorinë Speciale pikërisht me dyshimet për pastrim parash.

“Ish-rreshteri Gashi: Gjatë hetimeve tona përpos veprës bazë, ne kemi siguruar dëshmi se ka dëshmi që është duke u bë edhe pastrimi i parave në këtë rast. Sepse i njëjti nuk posedon asnjë të ardhur ligjore në Kosovë apo në vendin ku ka jetu në Zvicër. Sepse ne kemi bërë përmes Prokurorisë Themelore kemi bë kërkesë në autoritet zvicerane të cilat na kanë qu raportin komplet për të gjitha transaksionet që ka bërë Aslan Rexhaj dhe a posedon ndonjë biznes të ligjshëm në shtetin e Zvicrës. Pra është negativ që s’ka as biznes po s’ka as të ardhura, por në bazë të raportit rezulton që vetëm merrë social.

Gazetarja: Në anën tjetër, pasuria të cilën e ka pasur?

Ish-rreshteri Gashi: Pasuria e tij është milionëshe, e cila vetëm gjatë hetimeve të integruara financiare rezulton mbi 1 milionë e 400 mijë që ka bërë biznes në Kosovë”.

Por, se çfarë ka ndodhur me këtë rast, nëse prokuroria është duke i zhvilluar hetimet, i ka pezulluar apo pushuar ato, nuk ka treguar prokurorja Habibe Salihu.

Mirëpo, Rexhaj në deklaratën dhënë për “Dosja” ka thënë se ka pranuar të hyjë në marrëveshje për pranimin e fajësisë për “Fajde” përkundër se mohon ta ketë kryer si vepër, për shkak të pasurisë, meqë atë kohë pasuria e tij ishte e sekuestruar gjatë hetimeve për pastrim parash.

Ndërsa më pas thotë se hetimet janë mbyllur në mungesë provash.

“Gazetarja: Po ju jeni i dënuar zotëri Aslan për fajde.

Rexhaj: Unë jom i dënum për fajde edhe mu ka dashtë, jom kanë i detyrum veç me mshel temën se e kom pas krejt pasurinë, krejt kuptom.

Rexhaj: Prokurorja ka hek dorë se s’ka pas bazë.

Gazetarja: Pra keni pranu aktvendim që është mbyll hetimi në mungesë të pronave?

Rexhaj: Po.

Mirëpo, ish-hetuesi, Kadri Gashi, thotë se Prokuroria Speciale e Kosovës e ka prishur rastin pasi pretendon se nuk ka zhvilluar hetim të mirëfilltë për pastrim parash.

“Unë si hetues është mëkat se atë rast e ka prish Prokuroria Speciale e Republikës së Kosovës, dhe nuk ka zhvillu hetim për pastrim të parave dhe nuk ka marrë vendim për ato. Mirëpo i ka hek duke bërë marrëveshje, sepse ai e ka pranu dhe lirisht mund të them se është kriminel i fajdeve, i cili e ka pranu fajësinë e vet se e ka kry veprën penale të fajdes, për me mujt me i ik veprën e pastrimit të parave dhe pasurive që i ka përfitu në mënyrë të jashtëligjshme. Disa banesa diku 350 mijë euro që i ka marrë njëjtë përmes fajdes në Fushë Kosovë”.

Sinjali – aty ku e vërteta flet para lajmit!

/GazetaSinjali/

The post Ish-hetuesi: PSRK e ka prishur rastin për pastrim parash appeared first on Sinjali.

Kësisoj, parat ishin deponuar pas përfundimit të afatit ligjor, pra pas datës 4 mars 2026.

Por, përkundër se parat i pranoi dhe vazhdon t’i mbaj ato, pronat nuk i ktheu.

Ani se parat i mban në llogari, tash Rexhaj nuk i konsideron se janë parat e tij.

Ndërsa, për pronësinë e parcelave, shtëpive e lokalit thotë se do ta pres vendimin e gjykatës.

“Aslan Rexhaj: Kupton, unë i kom dëshmitë që ju kom drejtu avokatit të M.I, i kom thanë të lutëm tregom mjetet me ti kthy e kom dëshminë nuk jom tu fol për hava e kom me dëshmi e kom me postë.

Gazetarja: A ka qenë pra zotëri Aslan e qëllimshme që mospranimi i mjeteve nga ana e juaj në mënyrë që me i mbajt pronat, për shkak se vlera të cilën ata e kanë transferu që është konsideru borxh ndaj juve është 130 mijë euro në anën tjetër vlera e pronave është gjysmë milioni?

Aslan Rexhaj: E mjetet e mija sa jon?

Gazetarja: 130.

Aslan Rexhaj: 130 mijë jon me marrëveshje. Aaa a jemi në rregull. Pse se pagoj për 1 vjet që pat afat?

Gazetarja: Pra a po i bie që ka qenë e qëllimshme?

Aslan Rexhaj: E kujt e qëllimshme?

Gazetarja: Që ju nuk e keni ofru llogarinë bankare brenda afatit 1 vjeçar ne mënyrë që pronat me mbet e juaja?

Aslan Rexhaj: Qysh po e merr ju?

Gazetarja: Po ju bëjë pyetje zotëri Aslan, vetëm po u bëjë pyetje.

Aslan Rexhaj: Ti mu je ka me bon pytje po unë asnjë sen obligim ndaj M** edhe asaj shoqes së tij edhe avokatit të tij, kur një sen nuk kom pas. Unë e kom me dëshmi me email në prezence të kamerave në gjykatë kur e kom qel konton e re edhe ia kom qu, pse su qu ai me bo një kopje të kontos. Kurrfarë obligimi s’kom pas i kom kry obligimet e mija ndaj shtetit edhe palës së tyne”.

Mirëpo, derisa Rexhaj nuk u ishte përgjigjur viktimave për llogarinë bankare, ai ju përgjigje atyre për të i njoftuar se nuk do ua kthej pronat e as parat.

“Gazetarja: Pse në momentin kur të është kërku llogaria ju nuk jeni përgjigj, por kur ka përfundu afati ti ke gjet kohë me u përgjigj.

Aslan Rexhaj: Jo unë kom gjet kohë me u përgjigj jo po unë e mbrojt të drejtën tem.

Gazetarja: Cilën të drejtë?

Aslan Rexhaj: Tona te drejtat çka oshte e drejtë e jemja.

Gazetarja: E drejtë e jotja po thu që është me i mbajt pronat e viktimave?

Aslan Rexhaj: Pronat e viktimave ato prona mu mi ka kthy gjykata, as ti as ai ato prona i kom ble unë”.

Ish-hetuesi policor ngre dyshimet se për mos ofrimin e llogarisë bankare, mund të ketë pasur një marrëveshje në mes të fajdexhisë dhe prokurores.

“ Ish-rreshteri Gashi: Përkundër pranimit të marrëveshjes të cilën e kanë bërë në mes të dyshuarit dhe viktimës ende është duke bredhë nëpër gjykata dhe prokurori, për arsye se në vendimin të cilin ka qenë dashtë të futet xhirollogaria e të dyshuarit që ka pas viktima me ia qit parat, të cilat ndodh vetëm në Kosovë sepse asnjë fajdexhie në mënyrë të ligjshme nuk i kthehen ato para. Nuk është vu llogaria as në prokurori as në vendimin e gjykatës. Dhe sa jom i njoftum viktima pasi i ka bo parat me i kthy në llogarinë e të dyshuarit, ka kërku edhe prej avokatëve të tij, ka bë kërkesë edhe përmes avokatit në PSRK në Gjykatën Themleore në Prishtinë, në Departamentin Special për sigurimin e xhirollogarisë, mirëpo ata nuk e kanë ofru llogarinë. Edhe këtu na shtinë me dyshu se ka një marrëveshje në mes të dyshuarit dhe prokurorisë.
Gazetarja: Vlerësoni se përgjegjësi ka edhe gjyqëtari?

Gashi: Edhe gjyqtari këtë rast ka përgjegjësi sepse pas kërkesë, prokuroria ia ka dërgu mesiguri të gjykata, edhe nuk është fut në vendimin e gjykatës, edhe sot viktimat me sa di unë 4 muaj kanë bredh nëpër prokurori edhe gjykata përmes avokatëve”.

Pra, M.I dhe V.I fillimisht ishin viktima të fajdexhinjve.

Ndërsa, sot, ata janë viktima të shtetit, përmes një marrëveshje të kundërligjshme dhe të paprecedent siç e quan ish kryetari i Gjykatës Supreme, Fejzulla Hasani.

Përveç që kryen pagesën prej 130 mijë euro, në këmbim nuk arritën t’a rimarrin pronësinë e patundshmërive të tyre në vlerë rreth gjysmë milioni euro.

“Viktima V.I: Ka Në telefon e ka thirrë burrin Aslani, edhe i ka thanë sot e 100 vjet ti ato prona nuk i merr. Ty të ka kalu afati, ty të ka kalu koha, mi keni qit me kohë të kalume. Unë ato pare nesër jom në Kosovë edhe ko me ti kthy, edhe ato prona nuk ka birë nane që i merr.

Gazetarja: A i ka kthy paret?

Viktima V.I: Si ka kthy as paret as pronat.

Gazetarja: Sot keni mbet edhe pa pare edhe pa prona?

Viktima V.I: Edhe pa pare edhe pa prona. Jemi dëmtu ma shumë se ne fillim, tash ejmi dëmtu ma shumë se në fillim. Se unë ato pare që i kom marrë borxh e jemi hy kredi prap, krejt fmit sa keni pas mundësi jemi hy në kredia. Na kemi marrë paret familjarëve për 15 ditë, se marrëveshja ka qenë që na brenda 15 ditëve si tia qësim paret, na me shit dicka edhe me i kthy. Edhe për një afat shumë të shkurt i kemi marrë. Edhe tash jemi blloku komplet”.

Sinjali – aty ku e vërteta flet para lajmit!

/GazetaSinjali/

The post Fajdexhiu tregon pse nuk ua dha llogarinë viktimave, Hetuesi ngrit dyshime për marrëveshje appeared first on Sinjali.

Por, kur viktimat kishin gjetur blerësit potencial, kishin parë se në aktgjykim nuk është përfshirë kjo pjesë e marrëveshjes.

Për këtë, avokati Fejza i ishte drejtuar më 5 shkurt 2026 gjyqtarit Ismajli dhe prokurores Salihu.

Në shkresën e tij përmes postës elektronike ai i njoftonte se klientët e tij kishin gjetur 3 blerës potencial, mirëpo i dënuari tashmë nuk po i përgjigjej viktimave për t’ju mundësuar shitjen e ndonjërës prej pronave.

Njëkohësisht ai i kishte njoftuar se të njëjtit kanë arritur të sigurojnë edhe shumën prej 130 mijë euro siç parashihej në marrëveshje. Por, edhe për të nuk posedonin llogarinë bankare të Rexhajt.

“Viktima V.I: Tani e pamë që veç u afru koha edhe u detyrum me ia bo paret, mendojshim që me ia bo edhe mos me lanë me kalu afati

Gazetarja: Kur keni fillu me i bo paret?

Viktima V.I: Paret na i kishim me 4 mars 2026, na paret veç i kemi bo në janar, do me thanë 2 muaj përpara. Edhe jemi detyru direkt me thirrë Aslanin që paret i kemi bo. Llogarinë nuk e kanë qit pjesë e marrëveshjes ka qenë edhe llogaria aty me kanë, nuk u kanë as ajo pjesa e shitblerjes.

Gazetarja: E aktgjykimit?

Viktima V.I: E aktgjykimit po, në gjykatë nuk është kërka ajo pjesë.

Gazetarja: Edhe çka u kanë thanë Aslani?

Viktima V.I: Po vi, jom smut, mos e ki dert, po, po, po. E pamë që veç u afru koha edhe atëherë tham është tu e bo me qëllim na jemi detyru me ia bo paret 130 mijë euro brenda dy muajve.

Gazetarja: Qysh i keni bo këto pare?

Viktima V.I: Disa kemi punu, disa jemi hy borxh prap, vëllaznit e mi, familja jem, e kom shit arin deri në pikë çka kom pas. Tona mënyrat e mundeshne, kemi shit vetura, borxhe edhe ia kemi bo paret”

Por, Rexhaj thotë se nuk kishte për detyrë që t’i përgjigjej avokatit, pasi për këtë obligim i ishte përgjigjur gjykatës dhe prokurorisë.

“Aslan Rexhaj: Sheremet Fejza i ka përzi këto punë me gjithë këtë djalin, se Sheretmet Fezja nuk ka pas nevojë me më shkrujt hiç. Sheremet Fejza ka mujt me u drejtu në gjykatë me marrë konto numrin.

Gazetarja: Po nuk kanë mujt me marrë në gjykatë, nuk ka mujt me marrë në gjykatë, nuk ka mujt me marrë në prokurori. Ju personalisht pse nuk ia keni ofru llogarinë bankare kur ju ka shkrujt.

Aslan Rexhaj: Po unë jo që nuk ia kom ofru konto numrin, po unë as se kom pas obligim me fol me avokat të palës së tjetër.

Gazetarja: Pra ju po thoni që nuk ia keni ofru llogarinë bankare për shkak se nuk e keni pas obligim, e ka pas gjykata dhe prokuroria. A po e kuptoj saktë?

Aslan Rexhaj: Shumë në rregull është.

Përkundër se viktimat kishin trokitur derë më derë, nga prokurorja te gjyqtari, e nga gjyqtari tek vet fajdexhiu, asnjëri prej tyre nuk i ishte përgjigjur.

Viktimat kishin arritur të siguronin llogarinë bankare vetëm pasi kishin bërë kallëzim penal në Prokurorinë Themelore të Pejës.

“Prokurori e ka ftu Aslanin çka është puna pse nuk ia ke jep llogarinë, edhe ai ka tregu që unë i kom dorëzu në prokurori në Prishtinë, çka ka bo prokuroria mu s’më intereson. Edhe ai ato dëshmi që i ka dorëzu në Prokurori të Pejës, shihet kjart që në email i ka dërgu te prokurorja Habibe Salihu, ja ka dërgu, dhe ajo brenda 5 minuta i përgjigjet avokatit të tij faleminderit i nderuar. A avokatit tonë asnjëherë nuk ju ka përgjigje”, është shprehur viktima, V.I.

Kësisoj, parat ishin deponuar pas përfundimit të afatit ligjor, pra pas datës 4 mars 2026.

“Tani na ja kemi qit brenda 3 jave do më thanë ka kalu afati, si na ka jep mas 3 ditëve na ja kem deponu, tash na nuk dishim a me ja qit paret a jo. Avokati thojke ti e ki një marrëveshje ti duhesh me ja qit, se ajo marrëveshje ska ka me shku duhesh edhe e kena pranu. Edhe ia kemi transferu 130 mijë euro në llogari të Aslanit”.

Sinjali – aty ku e vërteta flet para lajmit!

/GazetaSinjali/

The post Viktimat e fajdes mbesin pa prona e pa para, Gjykata, prokuroria e fajdexhiu nuk ua ofruan llogarinë për kthimin e parave appeared first on Sinjali.

Përkundër se marrëveshja u pranuar nga gjyqtari, sfidat për viktimat nuk përfunduan këtu.

Pjesë e aktgjykimit nuk ishin llogaria bankare në të cilën viktimat do t’i transferonin parat, e as një pjesë e marrëveshjes e cila e obligonte Rexhajn që tú mundësonte viktimave shitjen e ndonjërës prej pronave.

Por, megjithëse këshilla juridike i mundësonte prokurores të ankohej ndaj këtij aktgjykimi në Gjykatën e Apelit, apo edhe avokati mbrojtës i viktimave tí drejtohej gjyqtarit me shkresë për plotësim të aktgjykimit, asnjëri prej tyre nuk e bëri këtë.

Kësisoj, më 4 mars 2025, aktgjykimi u bë i plotfuqishëm.

Megjithatë, përgjegjësinë për këtë, gjyqtari Ismjali ia hedh prokurores që nuk kishte ushtruar ankesë.

“Pas pranimit të aktgjykimit, secila palë ka pasur të drejtën që, brenda kufijve dhe kushteve të parashikuara me ligj, të përdorë mjetet juridike nëse ka konsideruar se aktgjykimi nuk e pasqyron marrëveshjen, përmban ndonjë mangësi apo cenon të drejtat e saj. Nëse një çështje e caktuar nuk është ngritur përmes mjeteve juridike dhe aktgjykimi ka marrë formë të prerë, atëherë duhet respektuar edhe parimi i sigurisë juridike dhe efekti detyrues i një vendimi gjyqësor të plotfuqishëm. Gjykata nuk mund të rishqyrtojë jashtë proceduralisht përmbajtjen e një aktgjykimi të formës së prerë përmes korrespondencës administrative, thuhet në përgjigjes e gjyqtarit Ismajli.

Ndërsa nuk është përgjigjur, kur redaksia ka pyetur nëse mund të dëshmoj apo provoj se kur dhe si u është dhënë palëve llogaria e të akuzuarit.

“Dosja” ka kërkuar përgjigje nga prokurorja Salihu, se pse nuk kishte ushtruar ankesë apo parashtresë për plotësim të aktgjykimit, mirëpo e njëjta nuk është përgjigjur.

Në seancën e 27 nëntorit 2024, prokurorja speciale konstatohet t’i ketë dorëzuar gjyqtarit një kopje të numrit të llogarisë bankare.

Mirëpo, avokati Fejza pretendon se llogaria nuk i ishte dorëzuar.

I pyetur se pse ka lejuar konstatimin e gjykatës, ai thotë se nuk i kujtohet se çfarë ka ndodhur në seancë.

Ndërsa kur pyetur se pse nuk ka reaguar pas pranimit të procesverbalit, thotë se nuk i ka ditur qëllimet e tyre të këqija.

“Gazetarja: Llogarinë bankare kur e ka pru prokurorja në seancë, juve nuk ua ka ofru si avokat?

Avokati Fejza: Jo, as nuk u kanë as nuk e ka pas në seancë, u dëshmu ajo ma vonë.

Gazetarja: Kur u dëshmu, sepse në procesverbal të seancën thuhet që po ua dorëzon.

Avokati Fejza: Qashtu qashtu thuhet, po nuk e ka dorëzu. Nuk e ka dorëzu.

Gazetarja E pse s’keni reagu ju në atë moment me thanë që të konstatohet se e njëjta nuk po e dorëzon.

Avokati Fejza: Tash nuk mundet me ditë unë jo unë po asnjë avokat nuk mundet kujtu çka është thanë në seancë. Veç me siguru video incizimin.

Gazetarja: Jo, po në atë moment kur e keni pa që ajo nuk po e dorëzon, pse ke leju me konstatu që po dorëzohet.

Avokati Fejza: Po, po e kom pa procesverbalin nuk po e mohoj që e kom pa. Po në raport me këta na shumë ma herët kena tentu”.

Pas nxjerrjes së aktgjykimit 5 dhjetor 2024, avokatit i ishte dorëzuar përmes postës elektronike më 10 janar 2025.

Mirëpo, as brenda afati ligjor para se aktgjykimit të bëhej i plotfuqishëm, avokati nuk i ishte drejtuar me shkresë gjykatës, pasi bazuar në ligj i njëjti nuk kishte të drejtë ankese në Apel.

“ Gazetarja: A ndjeni përgjegjësi si avokat që nuk keni reaguar me kohë dhe keni leju me u bë i plotfuqishëm?

Avokati Fejza: Jo, Alberta nuk po them çfarëdo përgjegjësie që mundet mu me më rrokë, unë e ndjej edhe e baj ata. Nuk kom pse i iki asaj.

Gazetarja: A e keni lexu aktgjykimin kur e keni pranu avokat?

Avokati Fejza: E kom lexu.

Gazetarja: A e keni vërejt që i ka qëto dy mangësi?

Avokati Fejza: Po e kom vërejt.

Gazetarja: Edhe pse nuk ju ke shkrujt pra?

Avokati Fejza: Po i kena shkrujt, 4 muj ditë para se me u be.

Gazetarja: Pasi është bë i plotfuqishëm.

Avokati Fejza: Po.

Gazetarja: Pra i bie që është dashtë me i shkrujt para se me u bë i plotfuqishëm?

Avokati Fejza: Nuk e ndalon qajo bre Albertë nuk është telashe ajo punë.

Gazetarja: A i bie që qëllimisht keni prit me u bë i plotfuqishëm e me ju shkrujt?

Avokati Fejza: Jo s’ka të bëjë.

Gazetarja: Ani pse s’ju ke shkrujt pa u bë i plotfuqishëm brenda afatit ligjor.

Avokati Fejza: Ajo ka qenë periudhë e gjatë që është dashtë.

Gazetarja: A i bie që edhe ju keni përgjegjësi si avokat që nuk e keni kry detyrën e juaj me kohë brenda afatit ligjor?

Avokati Fejza: Albertë, unë nuk thom që kom përgjegjësi prap po them në raport me punën që e kom bo”.

Sinjali – aty ku e vërteta flet para lajmit!

/GazetaSinjali/

The post Gjyqtari Ismajli nuk e përfshiu në aktgjykim një pjesë të marrëveshjes me interes për viktimat dhe llogarinë  appeared first on Sinjali.

Në vitin 2018, për herë të parë viktima M.I ishte takuar me Aslan Rexhajn në Pejë me qëllimin për t’i kërkuar para me fajde.

Nga Rexhaj, M.I thotë t’i ketë marrë fillimisht 50 mijë euro, me kamat të kthimit prej 4.5 përqind.

Qëllimi i këtyre parave ishte për t’i shlyer borxhet e fajdes tek fajdexhinjtë e tjerë.

Krejt kjo për shkak të një harraqi që thotë se i ishte vendosur në vitin 2017 nga një fqinj i tij, i cili e kishte kuptuar se nga biznesi i tij po qarkullonte para të kënaqshme.

Për shkak të gjendjes së rënd psiqike dhe emocionale, M.I nuk ishte në gjendje për t’u deklaruar.

Andaj, rrëfimi i tij do të sjellet përmes deklaratës së dhënë në PSRK si dhe video incizimit të takimit të zhvilluar me fajdexhiun, të cilat janë siguruar nga “Dosja”.

“Aslan Rexhajt ia kam marrë 50 mijë euro përmes llogarisë bankare me përshkrim “Huazim” me interes 4.5 përqind, unë kam paguar kamatë 18 mijë euro afër 7 apo 8 muaj. Pastaj mi ka ofruar edhe 40 mijë euro përmes bankës me përshkrim të njëjtë, për shumën e dytë prej 40 mijë euro unë kam paguar fajde diku 10 mijë e 800 euro për të dy shumat së bashku. Pas një kohe mi ka ofruar 20 mijë euro kesh me qëllim që tía kthej me përqindje të njëjtë, unë menjëherë ia ktheva 10 mijë euro interes. Në fund të vitit 2019 prej presionit të tyre pra nga B. Lajqi dhe D. Podrimqakut unë e kam thirr në telefon Aslanin dhe i kam thënë a mundesh me mi gjetë edhe 100 mijë euro. Ai më ka ftuar tek banesa e tij dhe më ka thënë se unë t’i jap me interes 7.5 përqind por 30 mijë euro duhesh me mi dhënë interes menjëherë dhe këto para ia kam transferuar përmes bankës tek personat që u kisha borxh”.
Pra, në total viktima i kishte pranuar 190 mijë euro përmes llogarisë dhe 20 mijë euro cash.

Derisa Rexhaj parat ia transferonte në bankë, njëjtë nuk vepronte edhe viktima.

Ai thotë se ishte i detyruar nga Rexhaj, që kthimin e parave të kamatës së fajdesë ta bënte cash, pra me para në dorë.

Vlera që pretendon t’ia ketë kthyer në formë të kamatës është 70 mijë euro, ndërsa 10 mijë euro të tjera thotë të ketë paguar për shpenzime të ndryshme të tij.

“Andaj nuk e mohoj shumën prej 210 mijë euro që e kam marrë nga Aslani, por në momentin kur Aslani mi ka transferu 50 mijë euro unë i kam tërhequr dhe aty për aty ia kam dhënë 18 mijë euro, për 40 mijë euro i kam tërhequr dhe ia kam dhënë 10 mijë e 800 euro, për 20 mijë euro mi ka marrë 10 mijë euro dhe për 100 mijë euro mi ka marrë 30 mijë euro në start cka do të thotë se prej shumën 210 mijë euro unë i kam marrë vetëm 141 mijë e 200 euro, e jo 210 mijë euro. Por kohë pas kohe prej 141 mijë e 200 euro unë kam paguar 10 mijë euro vetëm shpenzimet për Aslanin si benzinë, bileta të aeroplanit etj, ndërsa është e vërtetë se shumën prej 131 mijë euro ia kam borxh Aslan Rexhajt”.

Mirëpo, meqë në kohë pandemie nuk mund të punonte, nuk kishte mundur t’i shlyente borxhin.

Për 210 mijë euro që i kishte dhënë me fajde, ai thotë se Rexhaj i kërkonte bashkë me kamat 307 mijë euro.

Bashkëshortja e cila është po ashtu viktimë e këtij rasti, ka rrëfyer për emisionin hulumtues “Dosja” përballjen e parë me fajdexhiun, i cili sipas viktimës kishte qenë i armatosur.

“Ai ka hy megjithëse se nuk e kom ftu me hy brenda se nuk e kom njoftë as kush është. Ka hy vet tha du me hy se kom diçka edhe në atë kohë më kujtohet që më tha ma përpara isha taku me Hashim Thaçin se me ty, edhe e dita që diçka nuk është në rregull. Edhe ka hy mrena, fëmija kanë qenë mrena këtu krejt normal edhe kur e kanë pa fëmija edhe me maskë, se në atë kohë veç u dashke me i pas maskat, ka pas dorëza të zeza maskën dhe armën e ka pas në brez këtu edhe ka hy mrena edhe e kom kuptu që diçka nuk është”, ka thënë në një intervistë për emisionin “Dosja”, viktima V.I.

Në këtë takim, sipas viktimes Rexhaj edhe i kishte kërcënuar.

Fillimisht ai dyshohet të ju ketë thënë se për ta zgjidhur këtë punë i kishin ardhur djemtë nga Zvicra.

E më pas u kishte thënë se djali i tyre nuk ka nevojë për plumba.

Viktima V.I: Tha ma ka shkatrru familjen, e unë jom qe gjashtë muaj në Kosovë. E i thash çka u bo a bon me më tregu? Tha burri yt mi ka 307 mijë euro borxh, edhe në atë moment, 307 mijë euro për çka, për çka kur na s’kem pas nevojë për asnjë një send dikujt a e dinë. Se i kemi pas kushtet shumë mirë. Edhe deri atë ditë nuk e di që i kemi pas dikujt borxh, përveç bankës që kemi pas normal kredi për që i kemi marrë për obligimet tona që na u kanë dashtë. Edhe tani kanë fillu kërcënimet.

Gazetarja: Çka ju ka thanë atë ditë?

Viktima V.I: Atë ditë veç që borxhi, që i ka 307 mijë euro borxh edhe që na duhet me ia bartë krejt pronat në emër të tij se kena me pas problem shumë të madhë, djemtë ju kanë nis me ardh, në atë kohë veç në karantinë u dashke me nejt disa ditë për me deshtë me dalë. E djemt i kom në karantinë jon ardh për ketë punë, keni me pas problem shumë të madh nuk ko me ju vyft me ua dhanë prej shkollës ekonomike deri në qytet krejt të jujen s’ko me ju vyft ma. Ti e ki veç një djal, e djali yt ka nevojë për qokolladë e jo për plum. E në atë kohë djali im i kish as 7 vjet. Do më thanë mu ka dokë që qat moment edhe krejt të mi kish marrë veç kur ma ka përmend qat fjalë s’mu kish dok kurgjo se qaq më ka ardh ajo fjalë e vështirë e kom paramendu përnjëherë fminë që përnime më ka shku”.

Këtë që viktima e thotë përmes deklaratës së dhënë për emisionin “Dosja” e mbështet edhe video incizimi ekskluziv i siguruar nga “Dosja”

Më 25 dhjetor 2021 viktimat ishin takuar me fajdexhiun Aslan Rexhaj si dhe personin Gani Berisha.

“Viktima V.I: Kur u hi mrena m’ka thanë a e din që burri yt mi ka 307 mijë euro borxh, edhe unë e dinë, çfarë jom ra e di në çfarë gjendje jom ra, jom ra në shok. Po ky s’kallxojke qysh oshtë puna, sa qysh e tek. Edhe më ka thanë prej sotit që s’vjen me mi nënshkrujt mu qato prona, djemt i kom në karantinë e prej këtu deri në qytet s’ka me të vyjt me ta fal. A është qështu?

Aslan Rexhaj: Hajt, hajt veç kryje.

Viktima V.I: Jo na po folim çka është në sy. Edhe duhet me ardh te avokati me ma bo, djemt i kom në karantinë kur të dalin çka bohet aty Zoti e dinë. E ki një djal ka nevojë për ledhatime”.

“Viktima V.I: Qat minutë që je ti hi ti mrena e ma ke përmend djalin e hastretit e ki njo e s’ka nevojë për telashe e për plum unë pronat si kom llogarit se qaq tut kom pas, ti e dinë çfarë gjendje jom kanë.

Aslan Rexha: Cilës tutë?

Viktima V.I: Prej qasaj gjendjes kur u përmend djali.

Aslan Rexhaj: Qysh?

Viktima V.I: Unë krejt komplet merri merri merri”.

Sinjali – aty ku e vërteta flet para lajmit!

/GazetaSinjali/

The post Për 130 mijë euro, fajdexhiu u kërkoi 307 mijë euro  appeared first on Sinjali.

Banorët e rrugës “Jeton Terstena” dhe rrugëve anësore në Vushtrri do të mbesin pa furnizim me ujë të pijshëm për shkak të një defekti në rrjetin e ujësjellësit.

Njoftimi është bërë nga Kompania Rajonale e Ujësjellësit “Mitrovica”, e cila ka bërë të ditur se furnizimi me ujë do të rikthehet pas sanimit të defektit.

Kompania nuk ka dhënë detaje të tjera lidhur me kohën e nevojshme për riparimin e defektit.

“Furnizimi me ujë të pijes do të rikthehet pas sanimit të defektit. Faleminderit për mirëkuptim”, thuhet në njoftim.

Sinjali – aty ku e vërteta flet para lajmit!

/GazetaSinjali/

The post Ndërpritet furnizimi me ujë të pijshëm në një pjesë të Vushtrrisë appeared first on Sinjali.

Modelja australiane dhe stilistja e rrobave të banjës, Sahara Ray, ka ndërruar jetë në moshën 34-vjeçare, vetëm pak muaj pasi u bë nënë për herë të parë.

Lajmi për vdekjen e saj është bërë i ditur nga familjarët, të cilët nuk kanë zbuluar shkakun e ndarjes nga jeta. Sipas tyre, modelja ka vdekur në spital, e rrethuar nga njerëzit e saj të dashur.

“Ajo ndërroi jetë në spital, e rrethuar nga familja e saj. Ajo ishte shumë e dashur”, kanë deklaruar të afërmit e saj për median amerikane TMZ.

Deri më tani, nuk janë bërë publike detaje të tjera lidhur me rrethanat e vdekjes.

Ray e ndërtoi karrierën e saj në industrinë e modës dhe në rrjetet sociale, ku arriti të krijonte një komunitet të madh ndjekësish. Ajo themeloi gjithashtu markën e saj të rrobave të banjës, duke e shndërruar pasionin për modën në një biznes personal.

Emri i saj mori vëmendje ndërkombëtare në vitin 2016, kur u publikuan fotografi të saj me këngëtarin Justin Bieber gjatë një pushimi në Hawaii. Afërsia mes tyre u komentua gjerësisht në media, ndonëse lidhja romantike nuk u konfirmua zyrtarisht. Ray ishte përfolur më herët edhe për një lidhje me këngëtarin australian Cody Simpson.

Ajo ishte vajza e Tony Ray, një surfer i njohur australian. Gjatë fëmijërisë, Sahara kaloi periudha të gjata në Australi, Kaliforni dhe Hawaii, vende që ndikuan në stilin e saj të jetesës dhe imazhin që krijoi më vonë në publik.

Përtej karrierës, vitet e fundit modelja kishte ndarë me ndjekësit edhe vështirësitë me të cilat ishte përballur për shkak të problemeve shëndetësore.

Në vitin 2024, ajo bëri të ditur se vuante nga sindroma Guillain-Barré, një çrregullim i rrallë neurologjik që prek nervat periferikë dhe mund të shkaktojë dobësi muskulore, deri në paralizë. Sipas rrëfimeve të saj publike, gjendja shëndetësore e kishte lënë pjesërisht të paralizuar, duke e detyruar të përballej me një proces të vështirë rikuperimi pas një aksidenti të rëndë automobilistik.

Megjithatë, deri më tani nuk ka informacione që të lidhin sindromën Guillain-Barré me vdekjen e saj. Shkaku i ndarjes nga jeta mbetet i panjohur.

Një nga kapitujt më të rëndësishëm të jetës së Sahara Ray ishte lindja e vajzës së saj, Snow, vetëm pak muaj para vdekjes.

Modelja kishte ndarë me ndjekësit momente nga shtatzënia dhe përgatitjet për lindjen. Më 25 janar, ajo publikoi një përditësim ku tregonte se lindja do të nxitej atë mbrëmje, duke bërë të ditur gjithashtu se kishte qenë shtatzënë që nga maji i vitit 2025.

Më 26 prill, ajo publikoi një video të shoqëruar me këngën “Everything Hallelujah” të Justin Bieber, duke ndarë një tjetër moment nga jeta e saj e re si nënë. Identiteti i babait të vajzës nuk është bërë publik.

Postimi i fundit i saj në Instagram, i publikuar më 19 korrik, përmbante disa fotografi të vogëlushes Snow, të shoqëruara me fjalët “Me gjithë zemrën time” dhe një zemër të bardhë.

Sinjali – aty ku e vërteta flet para lajmit!

/GazetaSinjali/

The post Ish-e dashura e Justin Bieber vdes në moshën 34-vjeçare, vetëm pak muaj pasi u bë nënë appeared first on Sinjali.

Komuna e Gjakovës po kërkon mbi 14 milionë euro dëmshpërblim nga Qeveria e Kosovës, në një kontest gjyqësor që lidhet me detyrimet financiare të dala nga kontratat kolektive në sektorin e arsimit, raporton Gazeta Sinjali.

Çështja është duke u trajtuar në gjykatë, ku gjatë seancës së mbajtur të martën, më 20 tetor 2026, është diskutuar kompetenca e gjykatës për shqyrtimin e kësaj padie.

Kontesti lidhet me kontratat kolektive të arsimit të viteve 2017 dhe 2021, për të cilat Komuna e Gjakovës pretendon se Qeveria ia ka bartur detyrimet financiare pa siguruar mjetet e nevojshme buxhetore për përmbushjen e tyre.

Përmes padisë, Komuna po kërkon kompensimin e një shume që tejkalon 14 milionë euro.

Gjatë seancës, gjyqtari Durim Osmani ka bërë të ditur se do të rivlerësohet çështja e kompetencës, përkatësisht nëse kontesti duhet të trajtohet si çështje civile apo administrative.

Ky vlerësim pritet t’i paraprijë vendimmarrjes lidhur me propozimin për ekspertizë financiare, e cila do të kishte për qëllim shqyrtimin e pretendimeve monetare të paraqitura në padi.

Në seancë është paraqitur përfaqësuesja e palës paditëse, Vjollca Shyti, ndërsa pala e paditur nuk ka qenë e pranishme.

Gjykata ende nuk ka marrë vendim meritor lidhur me kërkesën për dëmshpërblim, ndërsa mbetet të përcaktohet kompetenca për trajtimin e mëtejshëm të kontestit.

Sinjali – aty ku e vërteta flet para lajmit!

/GazetaSinjali/

The post LEX | Komuna e Gjakovës e çon Qeverinë në gjykatë, kërkon mbi 14 milionë euro dëmshpërblim – gjykata shqyrton kompetencën appeared first on Sinjali.

Sergen Yalçin është emëruar selektor i Përfaqësueses së Turqisë, duke nënshkruar kontratë katërvjeçare me Federatën Turke të Futbollit.

Emërimi i 53-vjeçarit është bërë i ditur të martën nga federata, ndërsa Yalçin do ta zëvendësojë Vincenzo Montellan, i cili u shkarkua pas rezultateve negative.

Yalçin vjen në krye të Kombëtares turke pas përvojës së fundit si trajner i Beshiktashit. Gjatë karrierës së tij, ai ka drejtuar edhe disa skuadra të tjera në futbollin turk, përfshirë Antalyasporin, Konyasporin, Alanyasporin, Sivassporin dhe Kayserisporin.

Përmes një njoftimi, Federata Turke e Futbollit ka vlerësuar përvojën e trajnerit dhe ka shprehur pritshmëritë për suksesin e tij në detyrën e re.

“Sergen Yalçin po hap një kapitull të ri në karrierën e tij, duke vënë përvojën e fituar në nivel klubesh në shërbim të Kombëtares së Turqisë. Nga ky moment ai do të punojë për suksesin e Turqisë. Federata Turke e Futbollit i uron Yalçinit suksese në detyrën e re dhe shpreson që ky vendim të jetë në të mirë të vendit dhe të Kombëtares A të Turqisë”, thuhet në njoftimin e federatës.

Sinjali – aty ku e vërteta flet para lajmit!

/GazetaSinjali/

The post Sergen Yalçin emërohet selektor i Turqisë, nënshkruan kontratë katërvjeçare appeared first on Sinjali.

Kryetari i Partisë Demokratike të Shqipërisë, Sali Berisha, u ka bërë thirrje qytetarëve, pavarësisht bindjeve politike, që të dalin në mbështetje të studentëve dhe të rinjve që po protestojnë prej ditësh në Tiranë.

Në një videomesazh të publikuar sot, Berisha akuzoi qeverinë për përdorim të tepruar të dhunës ndaj protestuesve dhe ftoi qytetarët që nesër, në orën 10:00, të mblidhen para universitetit për t’iu bashkuar protestës.

Sipas tij, gjatë një jave protestash, mbi dy mijë të rinj, përfshirë gjimnazistë, studentë dhe të mitur, janë dhunuar, ndaluar ose arrestuar.

Berisha e cilësoi situatën si rikthim të “terrorit të kuq”, duke pretenduar se forcat e rendit kanë përdorur në mënyrë disproporcionale shkopinj gome, gaz lotsjellës dhe plumba gome. Ai tha se pasojat kanë prekur jo vetëm protestuesit, por edhe gazetarët dhe banorët e zonave përreth.

“Prej një jave, mbi 2 mijë vajza, djem, gjimnazistë, të mitur, studentë, janë dhunuar egërsisht, ndaluar apo arrestuar dhe kanë mbushur paraburgimet e vendit nga burgu famëzi i Burrelit gjer në burgun e Beratit. Prej një jave, kemi parë disproporcion të madh ndaj reagimeve në vetëmbrojtje të studentëve kundër shkopinjve të gomës që thyejnë kockat e tyre të njoma, gazit helmues që është ngritur si një re e zezë mbi qiellin e Tiranës dhe çdo ditë po mbyt jo vetëm studentët dhe gjimnazistët, por dhe shtëpitë dhe banorët e tyre në Tiranë. Plumbave të gomës që lëshohen në breshëri, me pamëshirë, në shkelje të plotë të ligjit, ndaj studentëve, gazetarëve, por edhe qytetarëve, dhe që në fakt kanë çarë kafkat e tyre. Edi Rama, për të shpëtuar lëkurën e tij, shpalosi dje platformën kriminale të terrorit të kuq. Bazuar në mercenarë, vrasës serialë të paguar 2500 euro, bazuar në mercenarë dhe vrasës serialë të importuar nga jashtë dhe në mjete të teknologjisë së terrorit. Por, protesta e sotme e mijëra e mijëra asistentëve, pedagogëve dhe profesorëve të universiteteve në mbështetje të studentëve të tyre, përmbysi platformën e terrorit të kuq të Edi Ramës”, theksoi Berisha.

Ai vlerësoi gjithashtu protestën e pedagogëve dhe profesorëve në mbështetje të studentëve, duke pretenduar se ajo ka dështuar strategjinë e qeverisë për të frikësuar të rinjtë.

“Studentët, gjimnazistët, të rinjtë janë ngritur si feniksi nga hiri. Ata po e bëjnë detyrën e tyre. Tani është radha juaj”, deklaroi Berisha.

Sinjali – aty ku e vërteta flet para lajmit!

/GazetaSinjali/

The post Berisha thirrje qytetarëve t’u bashkohen studentëve në protestë: Është radha juaj appeared first on Sinjali.

I dërguari i posaçëm i SHBA-së, Steve Witkoff, dhe presidenti ukrainas Volodymyr Zelensky po takohen në Oslo, në një kohë kur marrëdhëniet mes liderit ukrainas dhe presidentit amerikan Donald Trump janë përkeqësuar.

Kryeministri i Norvegjisë, Jonas Gahr Støre, tha se Zelensky i kishte kërkuar Norvegjisë dhe Finlandës fqinje të organizonin bisedimet me SHBA-në dhe aleatët evropianë, “në një moment kritik për Ukrainën”.

Sekretari amerikan i Shtetit, Marco Rubio, më herët i hodhi poshtë si “skandaloze” akuzat se ukrainasit po humbnin jetën sepse SHBA-ja po i mohonte Kievit informacione të inteligjencës.

Ai foli pasi këshilltari kryesor ushtarak i Zelenskyt, Serhii Beskrestnov, i tha BBC-së se mungesa e paralajmërimeve të besueshme nga SHBA-ja, përfshirë ato për lëshimin e raketave balistike, po shkaktonte humbje jetësh.

“Kjo duket shumë e çuditshme”, tha Beskrestnov, i njohur gjerësisht me nofkën “Flash”. “Ndonjëherë e marrim këtë informacion para sulmit, herë të tjera jo”.

Marrëdhëniet mes Kievit dhe Uashingtonit janë përkeqësuar javët e fundit, deri në atë pikë sa Trump ka deklaruar se Ukraina duhet të zgjedhë një president të ri. Së fundmi, ai tha se ishte koha që “dikush tjetër të negocionte në emër të Ukrainës”.

Sinjali – aty ku e vërteta flet para lajmit!

/GazetaSinjali/

The post Zelensky dhe të dërguarit e SHBA-së zhvillojnë bisedime në Oslo, pas acarimit të marrëdhënieve appeared first on Sinjali.

Këshilli Gjyqësor i Kosovës (KGJK) pritet të mbajë të enjten, më 22 tetor 2026, mbledhjen e 373-të, ku në rend dite janë përfshirë 38 pika, ndër to emërimi i udhëheqësve të Departamenteve Speciale në Gjykatën Themelore në Prishtinë dhe Gjykatën e Apelit, si dhe shqyrtimi i çështjeve disiplinore, raporton Gazeta Sinjali.

Sipas rendit të ditës të publikuar nga KGJK-ja, një ndër çështjet kryesore të kësaj mbledhjeje është emërimi i udhëheqësve të dy Departamenteve Speciale, të cilat trajtojnë çështje penale që bien në kompetencën e tyre, përfshirë raste të krimit të organizuar dhe korrupsionit.

Në pikat 10 dhe 11 të rendit të ditës është paraparë emërimi i udhëheqësit të Departamentit Special në Gjykatën e Apelit, si dhe i udhëheqësit të Departamentit Special në Gjykatën Themelore në Prishtinë.

Por, përveç emërimeve në pozita të rëndësishme të sistemit gjyqësor, KGJK-ja pritet të trajtojë edhe çështje disiplinore.

Në pikën 36 të rendit të ditës është paraparë themelimi i një paneli hetimor për një rast disiplinor, ndërsa në pikën 37 shqyrtimi i një ankese të paraqitur më 9 tetor 2026 kundër një vendimi disiplinor.

Të dyja këto pika janë paraparë të zhvillohen në seanca të mbyllura.

Po ashtu, në rend dite është përfshirë edhe themelimi i komisionit për vlerësimin e performancës së ish-kryetarit të Gjykatës Themelore në Ferizaj.

Ndërkohë, KGJK-ja pritet të shqyrtojë përzgjedhjen dhe emërimin e gjyqtarëve mbikëqyrës në gjashtë degë të gjykatave themelore, përkatësisht në Shtërpcë, Malishevë, Rahovec, Klinë, Skenderaj dhe Vushtrri.

Në këtë mbledhje pritet të shqyrtohet edhe propozimi i kryetares së Gjykatës Themelore në Gjakovë për emërimin e nënkryetarit të kësaj gjykate.

Gjithashtu, Këshilli ka paraparë shpalljen e konkurseve për gjyqtarë mbikëqyrës në degët e gjykatave në Suharekë, Kaçanik, Podujevë dhe Gllogoc, si dhe themelimin e komisioneve për vlerësimin e kandidatëve.

Pjesë e rendit të ditës është edhe shpallja e konkursit për administrator të Gjykatës Administrative, shqyrtimi i rekomandimeve për transferimin e bashkëpunëtorëve profesionalë dhe shpallja e konkursit për pozita të tilla në gjykatat e Kosovës.

Një tjetër pikë e rëndësishme është emërimi i kryesuesit të Panelit për Lirim me Kusht dhe i anëtarit rezervë të deleguar nga Gjykata Supreme e Kosovës.

KGJK-ja pritet të shqyrtojë gjithashtu dy aktgjykime, një të Gjykatës Themelore në Prishtinë dhe një të Gjykatës së Apelit, për të cilat në rend dite është paraparë shqyrtimi dhe vendosja.

Mbledhja e 373-të e Këshillit Gjyqësor të Kosovës është paraparë të fillojë në orën 09:30, në sallën e takimeve të KGJK-së.

Sinjali – aty ku e vërteta flet para lajmit!

/GazetaSinjali/

The post LEX | Kush do t’i udhëheqë Departamentet Speciale? KGJK me vendime të rëndësishme të enjten – në rend dite edhe raste disiplinore appeared first on Sinjali.

Janë zbuluar kandidatët për çmimin e ri “Ballon d’Or Of All Time” (B.O.A.T), i cili do të ndahet me rastin e 70-vjetorit të ndarjes së parë të Topit të Artë.

Çmimi prestigjioz u nda për herë të parë në vitin 1956, ndërsa për këtë përvjetor organizatorët kanë vendosur t’u japin tifozëve mundësinë të votojnë për vitin kur, sipas tyre, është regjistruar paraqitja më e mirë individuale në historinë e këtij trofeu.

Në listën e kandidatëve janë përfshirë disa prej emrave më të mëdhenj të futbollit botëror, të cilët e kanë fituar Topin e Artë në më shumë se një rast.

Lionel Messi kryeson listën me tetë vite të nominuara: 2009, 2010, 2011, 2012, 2015, 2019, 2021 dhe 2023. Argjentinasi ndiqet nga Cristiano Ronaldo, i cili është nominuar për pesë vitet kur e fitoi këtë çmim: 2008, 2013, 2014, 2016 dhe 2017.

Në mesin e kandidatëve janë edhe legjenda të futbollit si Johan Cruyff, Michel Platini dhe Marco van Basten, të cilët kanë nga tri vite të nominuara.

Lista e plotë e kandidatëve për çmimin B.O.A.T:

Lionel Messi: 2009, 2010, 2011, 2012, 2015, 2019, 2021, 2023

Cristiano Ronaldo: 2008, 2013, 2014, 2016, 2017

Johan Cruyff: 1971, 1973, 1974

Michel Platini: 1983, 1984, 1985

Marco van Basten: 1988, 1989, 1992

Ronaldo Nazario: 1997, 2002

Franz Beckenbauer: 1972, 1976

Alfredo Di Stefano: 1957, 1959

Karl-Heinz Rummenigge: 1980, 1981

Kevin Keegan: 1978, 1979

Tifozët do të kenë mundësi të votojnë për të preferuarin e tyre deri më 27 tetor, në mesnatë. Çdo votë kushton një euro, ndërsa rezultatet pritet të shpallen më 28 tetor.

Ceremonia kryesore e ndarjes së çmimeve do të mbahet më 26 tetor në “London Palladium”, në Londër.

Sinjali – aty ku e vërteta flet para lajmit!

/GazetaSinjali/

The post Messi dhe Ronaldo në garë për epitetin e më të mirit të historisë, tifozët vendosin appeared first on Sinjali.

Komandanti i KFOR-it, gjeneralmajor Roberto Vergori, është takuar me ministrin e Mbrojtjes së Shqipërisë, Ermal Nufi.

Lajmi është bërë i ditur nga KFOR-i, përmes një njoftimi, ku thuhet se takimi shërbeu për vendosjen e kontakteve të drejtpërdrejta pas emërimit të Vergorit në krye të misionit paqeruajtës në Kosovë.

Gjatë takimit, të dy zyrtarët shkëmbyen pikëpamje për bashkëpunimin dhe riafirmuan përkushtimin e përbashkët për paqen dhe bashkëpunimin ndërkombëtar.

Sipas njoftimit të KFOR-it, vëmendje e veçantë iu kushtua rëndësisë së bashkëpunimit për garantimin e sigurisë së të gjitha komuniteteve që jetojnë në Kosovë, si dhe ruajtjen e stabilitetit në gjithë Ballkanin Perëndimor.

Sinjali – aty ku e vërteta flet para lajmit!

/GazetaSinjali/

The post Komandanti i ri i KFOR-it takohet me Nufin, diskutojnë për sigurinë në Kosovë dhe stabilitetin në Ballkan appeared first on Sinjali.