Të paktën gjashtë persona kanë humbur jetën në Indiana pasi një sistem i fuqishëm stuhish solli më shumë se 11 inç reshje shiu në disa pjesë të shtetit amerikan, duke shkaktuar përmbytje historike dhe operacione të gjera shpëtimi, sipas autoriteteve.

Sipas NBC News, përmbytjet u përqendruan përgjatë lumit White, nga qarku Hamilton deri në periferitë veriore të Indianapolisit, ku më shumë se 90 persona dhe 45 kafshë shtëpiake u shpëtuan.

Në lagjen Ravenwood të Indianapolisit, ujërat e përmbytjeve mbuluan automjetet dhe arritën deri te dyert e shtëpive, ndërsa banorët përdorën kajakë dhe varka të vogla për të lëvizur nëpër rrugët e përmbytura.

Guvernatori Mike Braun tha se kishte biseduar me presidentin Donald Trump dhe se po përpunohej një deklaratë e përshpejtuar nga Agjencia Federale për Menaxhimin e Emergjencave (FEMA).

“Zemra ime është me familjet dhe të dashurit e pesë banorëve të Indianës që kemi humbur dhe me çdo familje, jeta e së cilës është ndryshuar nga këto stuhi. Ju lutem, vazhdoni t’i merrni seriozisht përmbytjet dhe qëndroni larg ujërave të përmbytjeve”, tha Braun.

Shërbimi Kombëtar i Motit tha se në disa zona ranë më shumë se 11 inç reshje shiu brenda dy ditësh. Lumi White u ngrit mbi 24 këmbë në Anderson dhe Noblesville, duke tejkaluar rekordet e vendosura në vitin 1913.

Kryetari i Indianapolisit, Joe Hogsett, u bëri thirrje banorëve përgjatë lumit të evakuoheshin pasi shpalli gjendjen e jashtëzakonshme në nivel lokal.

“Ky është një nga ato lloj përmbytjesh që ndodhin një herë në jetë”, tha Jacob Spence, drejtor i Menaxhimit të Emergjencave të Qarkut Marion, duke shtuar se “kjo është një ngjarje e paprecedentë dhe për fat të keq po vendosim rekorde të reja”.

Një tjetër vdekje e lidhur me stuhitë u raportua në qarkun Delaware, ku një grua 58-vjeçare u gjet e vdekur pasi dyshohet se kishte tentuar të kalonte me makinë nëpër ujërat e përmbytjeve. Zëdhënësja e Departamentit të Sigurisë Kombëtare të Indianës, Liz Woods, konfirmoi gjithashtu viktimat në qarqet Jennings, White, Porter dhe La Porte.

Paralajmërimet për përmbytje të menjëhershme mbetën në fuqi në pjesën qendrore të Indianës, ndërsa priten më shumë stuhi.

“Uji ende po rritet, ndaj respektoni paralajmërimet”, tha Todd Wilson, drejtor i Departamentit të Punëve Publike të Indianapolisit.

Stuhitë shkaktuan gjithashtu tornado, reshje të dendura shiu dhe përmbytje të menjëhershme në të gjithë rajonin Midwest, ndërsa dëme u raportuan nga zona e Chicagos deri në Pensilvaninë perëndimore.

Dy operacione policore janë finalizuar në qarkun e Korçës, duke goditur veprimtarinë kriminale të ndihmës, kundrejt pagesës, për kalimin e paligjshëm të kufirit nga emigrantë të ardhur nga vendet e treta.

Policia Kufitare e Korçës, në bashkëpunim me Komisariatin nr. 6 në Tiranë, kapi dhe ndaloi një 21-vjeçar nga Tirana, i cili po transportonte me automjet 5 shtetas të huaj. I riu nuk iu bind urdhrit të policisë dhe braktisi automjetin gjatë ndjekjes, por u kap disa orë më vonë në Tiranë.

Ndërkohë, operacioni tjetër, i zhvilluar pas një hetimi disajavor çoi në arrestimin në flagrancë të një tjetër 21-vjeçari, banues në Libonik të Maliqit. Sipas hetimeve, ai strehonte emigrantë në një ndërtesë të braktisur në fshatin Qatrom dhe më pas i transportonte me automjet drejt Tiranës kundrejt pagesës.

Gjatë ndërhyrjes, në automjetin e tij u gjetën 6 emigrantë nga vendet e treta, ndërsa 21-vjeçari tentoi të largohej, por u kap nga shërbimet e policisë.

Të arrestuarit  akuzohen për veprat penale “Ndihma për kalim të paligjshëm të kufijve” dhe “Mosbindja ndaj urdhrit të punonjësit të policisë së rendit publik”.

Policia e Krujës është njoftuar për ngjarjen nga bashkëshortja e Ylli Zallës, e cila jeton jashtë vendit. Ndërkohë, ngjitur me banesën e Ylli Zallës ku u vendos sasia e tritolit, jeton babai i këtij të fundit, i cili ndonëse e ka dëgjuar shpërthimin mbrëmjen e së shtunës nuk ka njoftuar shërbimet në telefon.

Telefonata në polici është bërë mëngjesin e sotëm, ndërsa në pyetje është marrë i ati i Ylli Zallës , i cili nuk ka dhënë detaje rreth ngjarjes dhe disa banorë aty pranë.

Burime nga policia bëjnë me dije se sasia plasëse është vënë nga vetë Ylli Zalla, që sipas uniformave blu po përdor teknikalitete që të çorientojë grupin hetimor, duke qenë se është person në kërkim dhe me precedent penal.

Konfirmohet që në banesën e Zallës apo rreth e rrotull saj, qoftë edhe në fshatin Zallë, nuk ka kamera sigurie që mund të çojnë në identifikimin e personit qe vuri tritolin. Megjithatë, pavarësisht kësaj, policia ka ngritur një grup hetimor për të zbërthyer të gjithë dinamikën e ngjarjes./abcnews.al

Shoqata e Operatorëve Turistikë të Vlorës është solidarizuar me pushuesit e prekur nga zjarri që përfshiu në orët e para të mëngjesit ambientet e hotelit “Brooklyn”.

Disa njësi hoteliere në Vlorë, në bashkëpunim edhe me Bashkinë, kanë ofruar ambiente për akomodimin e pushuesve të prekur nga ngjarja, me qëllim që pushimet e tyre të mos ndërpriten.

Kreu i Operatorëve Turistikë, Vasil Bedini, bën me dije se turistët do të akomodohen në hotele të tjera pa pagesë, ndërsa për ata që kanë humbur veshmbathje apo sende personale nga zjarri, operatorët turistikë do të kujdesen për t’u siguruar gjithçka që u nevojitet.

Solidariteti i operatorëve turistikë synon që pushuesit e prekur nga ngjarja të vijojnë qëndrimin e tyre në Vlorë dhe programin e pushimeve, pavarësisht situatës së krijuar.

FUSHË KRUJË- Një shpërthim  me tritol ka ndodhur gjatë natës në fshatin Zallë të Fushë-Krujës. Një sasi lëndë plasëse është vendosur në derën e banesës së Ylli Zallës, një emër i njohur për Policinë e Shtetit.

Si pasojë e shpërthimit janë shkaktuar dëme materiale në banesë, ndërsa ka marrë flakë dhe është djegur edhe automjeti në pronësi të Zallës, i cili ishte i parkuar pranë banesës.

Nuk raportohet për persona të lënduar nga ngjarja.

Kush është Ylli Zalla

Ylli Zalla prej disa muajsh është në kërkim nga Policia e Shtetit, pasi dyshohet se ka ndihmuar autorët që morën pjesë në vrasjen e dy personave në rrethrrotullimin e Rinasit, ku mbetën të vrarë Gilmando Dani dhe Muçi Shaljani, alias “Sheqeri”.

Në kuadër të hetimeve, pak muaj më parë, gjatë kontrollit në banesën e Ylli Zallës, shërbimet e policisë gjetën një sasi të konsiderueshme armësh dhe lëndësh plasëse.

Sipas të dhënave të bëra publike në atë kohë, në banesë u sekuestruan 3 kallëpe tritoli, 12 granata dore, 4 armë zjarri, rreth 6 mijë fishekë, 5 bomba me telekomandë, si dhe mbi 2 kilogramë kanabis.

Zalla vijon të jetë në kërkim nga autoritetet, ndërsa grupi hetimor po punon për të zbardhur edhe shpërthimin e ndodhur gjatë natës në banesën e tij në fshatin Zallë të Fushë-Krujës./abcnews.al

SARANDË- Një zjarr i fuqishëm ka përfshirë mëngjesin e kësaj të diele një agroturizëm, në rrugën Sarandë–Syri i Kaltër, duke e shkrumbuar tërësisht.

Sipas informacioneve paraprake, zjarri ka rënë rreth orës 05:30 të mëngjesit.

Flakët janë përhapur në ambientet e e agroturizmit, duke shkaktuar dëme të konsiderueshme materiale dhe duke e djegur plotësisht strukturën.

Pritet që hetimet dhe verifikimet në vendngjarje të përcaktojnë se çfarë ka shkaktuar flakët. Ky agroturizëm ishte ndërtuar rreth tre vite më parë dhe ishte kthyer në një pikë të njohur përgjatë rrugës që lidh Sarandën me Syrin e Kaltër.

Si pasojë e zjarrit nuk raportohet për persona të lënduar./abcnews.al

SARANDË- Një ngjarje e rëndë është regjistruar në orët e para të mëngjesit në Sarandë, ku shefi i Krimeve, Mateo Bakalli, është përfshirë në një konflikt fizik me disa persona.

Sipas të dhënave paraprake, gjatë përplasjes Bakalli është dhunuar dhe ka pësuar dëmtime në pjesë të ndryshme të trupit dhe në fytyrë.

Pas ngjarjes, ai është paraqitur në spital për të marrë ndihmë mjekësore.

Burimet konfirmojnë se Bakalli kishte hematoma në zonën e syrit, si dhe lëndime të tjera. Pas marrjes së mjekimit të nevojshëm, ai është larguar nga ambientet e spitalit.

Ende nuk janë bërë të qarta rrethanat që kanë çuar në konflikt, vendi i saktë ku ka ndodhur përplasja dhe personat e tjerë të përfshirë.

Sipas shefit të krimeve, në rrugën Butrinti kanë qenë duke debatuar dhe konfliktuar 2 persona dhe ka ndërhyrë duke u prezantuar dhe njëri prej tyre e ka goditur me grusht.

Policia ka nisur hetimet për të rindërtuar dinamikën e ngjarjes dhe për të identifikuar personat e përfshirë në konflikt.

TIRANË– Ministria e Shëndetësisë ka dhënë detaje mbi gjendjen shëndetësore të personave të lënduar nga zjarri që përfshiu një hotel në Vlorë.

Sipas saj, në QSUT janë paraqitur tre persona, të cilët po marrin aktualisht trajtim mjekësor. Njëra prej pacienteve është në gjendje të rënduar për shkak të përqindjes së lartë të djegieve dhe kërkon monitorim e kujdes të vazhdueshëm mjekësor, ndërsa një pacient tjetër paraqitet klinikisht më i qetë dhe po ndiqet nga stafi mjekësor.

Ndërkohë, në Spitalin Universitar të Traumës po marrin trajtim dy pacientë me dëmtime të shumta.

Njëra prej tyre është në gjendje të stabilizuar dhe vijon të jetë nën kujdesin e mjekëve.

Edhe pacientja tjetër paraqitet në gjendje të stabilizuar, por për shkak të dëmtimeve të marra do të vijojë të mbahet nën monitorim intensiv dhe të vazhdueshëm nga stafi mjekësor.

Ministria e Shëndetësisë njofton se ekipet mjekësore do të vijojnë të ndjekin me kujdes gjendjen e të lënduarve dhe do t’u ofrojnë trajtimin e nevojshëm mjekësor./abcnews.al

SHQIPËRI- Ministria e Mbrojtjes thotë se në 24 orët e fundit janë raportuar 43 vatra zjarri në vend, nga të cilat 10 mbeten aktive dhe 3 janë në monitorim.

Në operacione janë angazhuar 499 forca dhe 43 automjete zjarrfikëse, ndërsa Forcat e Armatosura kanë kontribuar me 120 efektivë, 5 helikopterë dhe 2 avionë “Air Tractor”.

Ndër vatrat kryesore aktive janë zjarret në Malin e Dajtit, Vakumonë të Shëngjergjit, Gurë-Lurë dhe Qafë Helmes në Dibër, si dhe në Abaze të Krujës.

Në Gurë-Lurë po zhvillohet një nga operacionet më të mëdha, ku hapja e korridoreve ka ndaluar përhapjen e flakëve drejt zonave të banuara.

Në Mirditë, zjarri vijon në Lufaj, ndërsa një vatër e re është evidentuar në Thari, ku është dërguar edhe një helikopter në mbështetje të operacioneve.

Në Shkodër, situata në Fushë-Lajë po menaxhohet nga ekipet në terren, ndërsa vatra në Rrjoll po monitorohet edhe me dron për shkak të terrenit të paarritshëm.

Sipas Ministrisë së Mbrojtjes, aktualisht nuk paraqitet rrezik për zonat e banuara në vatrat kryesore, ndërsa AKMC vijon monitorimin dhe koordinimin e situatës në të gjithë vendin.

Njoftimi i Ministrisë së Mbrojtjes:

(16 gusht 2026, ora 09:00)

Ministria e Mbrojtjes informon se gjatë 24 orëve të fundit janë raportuar 43 vatra zjarri, nga të cilat 10 mbeten aktive dhe 3 janë në monitorim.

Në operacionet për përballimin e situatës janë angazhuar 499 forca operacionale dhe 43 automjete zjarrfikëse. Forcat e Armatosura kanë mbështetur operacionet me 120 efektivë, 5 helikopterë dhe 2 avionë Air Tractor. Aktualisht në terren po operojnë 120 efektivë të FA, 3 helikopterë dhe 2 avionë Air Tractor.

Vatrat kryesore aktive dhe angazhimi:

* Mali i Dajtit, Tiranë – Vijon puna për shuarjen e zjarrit. Operacioni është mbështetur nga 50 efektivë të FA dhe 2 helikopterë të Forcës Ajrore. Nuk ka rrezik për zonat e banuara. Ndërkohë, vatra Priskë–Gurrë e Madhe–Farkë–Lundër është nën kontroll dhe monitorim.

* Vakumone, Shëngjergj – Vatra mbetet aktive. Në ndërhyrje janë përfshirë MZSH, vullnetarë dhe strukturat e Njësisë Administrative Shëngjergj. Nuk ka rrezik për zonat e banuara.

* Gurë-Lurë, Dibër – Vijon një nga operacionet më të mëdha. Janë angazhuar 120 forca bashkiake, 20 forca policore, 11 ADZM, 15 efektivë MZSH dhe 50 efektivë të FA, të mbështetur nga 2 avionë Air Tractor. Hapja e korridoreve ka ndaluar avancimin e zjarrit drejt banesave dhe aktualisht nuk ka rrezik për zonat e banuara.

* Qafë Helmes, Dibër/Bulqizë – Në operacion janë angazhuar 11 efektivë MZSH, 27 forca bashkiake dhe 20 efektivë të FA. Zjarri është fikur nga krahu i Bulqizës dhe vijon aktiv në drejtim të Selishtës, pa rrezik për banesat.

* Abaze, Krujë – Zjarri mbetet aktiv, por me intensitet të ulët dhe pa rrezik për zonat e banuara. Vatra në Zidoll është në monitorim.

* Lufaj dhe Thari, Mirditë – Në Lufaj vijon puna për hapjen e korridoreve ndarëse. Në Thari është evidentuar një vatër e re, ku janë nisur ekipet e MZSH dhe është dërguar në mbështetje 1 helikopter.

* Fushë-Lajë dhe Rrjoll, Shkodër – Në Fushë-Lajë vijon puna në terren të thyer, ndërsa në Rrjoll, për shkak të terrenit të paarritshëm, situata po monitorohet nga afër dhe është përdorur edhe dron për evidentimin e shtrirjes së vatrës.

* Dardhë, Librazhd – MZSH, shërbimi pyjor dhe forcat bashkiake vijojnë punën për shuarjen e vatrës. Nuk ka rrezik për zonat e banuara.

AKMC, përmes QKOEC, vijon monitorimin dhe koordinimin e situatës në të gjithë territorin.

Të paktën 12 persona kanë humbur jetën dhe të paktën 10 të tjerë janë plagosur pas përmbysjes së një autobusi polak në një autostradë në lindje të Hungarisë.

Aksidenti ndodhi në orët e para të së dielës, pranë qytetit Mezőkeresztes. Sipas policisë, autobusi po udhëtonte në autostradën M3 në drejtim të qytetit Nyíregyháza, kur doli nga rruga dhe përfundoi në një kanal duke u përmbysur.

Agjencia shtetërore e lajmeve MTI raportoi se në autobus ndodheshin 57 pasagjerë dhe dy drejtues mjeti.

Pamjet nga vendi i aksidentit tregojnë autobusin e përmbysur në një kanal. Xhamat e tij janë thyer, ndërsa bagazhet dhe valixhet e pasagjerëve janë shpërndarë përreth.

Sipas policisë hungareze, autobusi doli nga një segment i drejtë i autostradës dhe përfundoi në kanal. Hetimet paraprake sugjerojnë se drejtuesin e autobusit mund të jetë përgjumur në timon.

Shoferi është arrestuar nga autoritetet, ndërsa të plagosurit janë transportuar në spital për të marrë ndihmë mjekësore.

Presidenti i Polonisë, Karol Nawrocki, reagoi përmes një postimi në X, duke shprehur dhimbjen për ngjarjen tragjike dhe humbjen e jetëve të qytetarëve polakë.

Edhe ministri i Jashtëm polak, Radosław Sikorski, e cilësoi ngjarjen një “aksident tragjik”. Ai tha se shërbimi konsullor është në funksion dhe se autoritetet polake janë në kontakt me ato hungareze.

Ministria e Jashtme e Polonisë ka deklaruar se do të publikojë vetëm informacionet e verifikuara lidhur me ngjarjen.

Një tërmet me magnitudë 6.1 ka goditur Ishujt Vanuatu, ndërsa nuk ka pasur raportime të menjëhershme për viktima apo dëme në infrastrukturë, transmeton Anadolu.

Sipas Qendrës Gjermane për Kërkime Gjeoshkencore (GFZ), tërmeti ndodhi në një thellësi prej 155.1 kilometrash.

Nuk u lëshua paralajmërim për cunami.

Epiqendra e tërmetit fillimisht u përcaktua në koordinatat 14.52 gradë gjerësi jugore dhe 167.23 gradë gjatësi lindore.

VLORË- Një zjarr ka përfshirë një hotel në lagjen “10 Korriku” në Vlorë, rreth orës 04:05 të mëngjesit. Si pasojë e flakëve janë lënduar 6 pushues, 5 prej të cilëve janë shtetas të Kosovës dhe një tjetër nga Rrësheni.

Sipas Policisë së Vlorës, pesë nga të lënduarit janë transportuar për mjekim të specializuar në Spitalin e Djegieve në Tiranë. Dy prej tyre kanë pësuar djegie të konsiderueshme në trup.

Ndërkohë, një tjetër i lënduar po merr ndihmë mjekësore në Spitalin Rajonal të Vlorës. Nga zjarri janë shkaktuar edhe dëme materiale.

Nga hetimet paraprake, përfshirë këqyrjen e pamjeve të kamerave të sigurisë, ka rezultuar se zjarri ka qenë aksidental. Sipas policisë, flakët dyshohet se janë shkaktuar nga djegia e prizës elektrike të një frigoriferi, i cili ndodhej në ambientet e restorantit.

Grupi hetimor, nën drejtimin e Prokurorisë, po punojnë për dokumentimin e plotë të ngjarjes dhe përcaktimin e rrethanave të saj./abcnews.al

Zjarrfikësit po luftojnë me një zjarr të fuqishëm që ka përfshirë rezervatin më të madh natyror të Belgjikës, në atë që autoritetet e kanë cilësuar si zjarrin më të madh në historinë e kohëve të fundit të vendit.

Banorët e dy fshatrave pranë zonës janë urdhëruar të evakuohen, pasi flakët kanë përfshirë rreth një të tretën e zonës së High Fens dhe ekziston rreziku që zjarri të arrijë deri te shtëpitë.

Për shuarjen e zjarrit janë angazhuar edhe avionë dhe helikopterë për hedhjen e ujit, të dërguar nga vende të ndryshme të Evropës, shkruan BBC.

Zjarri, i cili ka nisur të premten, mbeti jashtë kontrollit edhe të shtunën.

Autoritetet thonë se terreni moçalor, zonat e thata dhe pyjet, së bashku me kushtet atmosferike, po e vështirësojnë operacionin e shuarjes.

VLORË– Momente paniku në orët e para të mëngjesit në qytetin e Vlorës.

Një hotel u përfshi nga flakët dhe për pasojë shtatë persona janë dërguar në spital për trajtim mjekësor.

Një shqiptar nga Kosova, i cili ndodhej në hotel, ka rrëfyer momentet e panikut.

Ai tregon se është hedhur nga ballkoni bashkë me të fejuarën për t’i shpëtuar flakëve.

“Jemi nga Lipjani. Isha në gjumë, ishte ore gati 04:00 mëngjesit. E fejuara u ngrit e para dhe më tha “ngrihu nga gjumi se nuk e di çfarë ka ndodhur”.  U ngritëm me dalë nga dera dhe ishte tym, tymi hyri brenda. Dolëm nga ballkoni , ishte flakë dhe tym.

U hodhëm dhe nuk u lënduam nga djegia. Kur jam hedhur kam rënë me një cep të një hekuri dhe kam lënduar këmbën. Ka qenë edhe një familje me një fëmijë të vogël. Ishte dita e dytë aty në hotel. Isha në katin e dytë sipër lokalit”, tha Luan Salihu.

Si pasojë e zjarrit, gjashtë persona (pesë shqiptarë nga Kosova dhe një nga Rrësheni) kanë mbetur të plagosur dhe janë dërguar për ndihmë mjekësore.

Sipas Policisë, pesë nga të lënduarit janë transportuar për mjekim në Spitalin e Djegieve në Tiranë, ku 2 prej tyre kanë pësuar djegie të konsiderueshme trupore. Një pushues tjetër po merr ndihmë mjekësore në Spitalin Rajonal Vlorë.

/abcnews.al

VLORË- Një zjarr i përmasave të mëdha përfshiu një godinë në zonën e Lungomares në Vlorë, në të cilën ndodhet edhe një hotel.

Abc News ka siguruar momentin kur flakët kanë nisur fillimisht në lokalin në katin e parë të godinës, dhe më pas janë përhapur në katin e dytë, ku ndodhej hoteli, si dhe në fasadën e pallatit.

Momente paniku dhe tmerri për të pushuesit që ndodheshin në hotelin e përfshirë nga zjarri.

Një prej të dëmtuarve rrëfen momentet e para të ngjarjes dhe mënyrën se si tentoi të shpëtonte nga flakët, duke u detyruar të hidhej nga ballkoni.

“Ishim në gjumë në orën 4 të mëngjesit, nuk e di. Dolëm në korridor, pamë tym shumë tym. Mbyllëm derën, shkuam në ballkon, flakë, tym, nuk e di. Kërcyem nga ballkoni, kam rënë në beton a nuk e di”, thotë ai.

Edhe dy persona të tjerë të dëmtuar nga zjarri janë nisur drejt Tiranës për të marrë ndihmë mjekësore më të specializuar.

Nga personat e dëmtuar, gjashtë kanë marrë ndihmë mjekësore në spitalin e Vlorës, ndërsa pesë prej tyre tashmë janë dërguar në Tiranë. Një prej të dëmtuarve është transportuar për trajtim të specializuar në repartin e kirurgjisë së Vlorës.

Në gjendje të rëndë shëndetësore ndodhet një vajzë, e cila ka pësuar djegie në pothuajse 100% të sipërfaqes së trupit.

Për situatën dhe gjendjen e të dëmtuarve flet shefi i Reanimacionit në Spitalin e Vlorës, Edmond Breshanaj.

Ditën e diel vendi ynë do të ndikohet nga kushte atmosferike relativisht të qëndrueshme.

Moti parashikohet fillimisht i kthjellët dhe alternime vranësirash mesatare e hera-herës deri të dendura; prej orëve të mesditës deri ato pasdite,

Vranësirat e dendura do të pasohen me reshje lokale dhe afatshkurtra shiu me intensitet të ulët, kryesisht lindje e jug të territorit.

Era do të fryjë me drejtim veriperëndim – juglindje me shpejtësi mesatare 7 m/s

Valëzim në det të forcës 1-2 ballë.

Dashi

Asgjë nuk ka për te ecur mire sot ne jetën tuaj ne çift kështu qe duhet te tregoheni te kujdesshëm dhe te matur para se te flisni. Beqaret do jene me te privilegjuar dhe do mund te realizojnë edhe disa takime interesante. Shfrytëzojeni çdo mundësi. Gjendja financiare do mbetet gjithë kohës e ekuilibruar. Do mund te kryeni edhe ndonjë shpenzim me tepër për gjera te domosdoshme.

Demi

Do jeni shume xheloze ndaj partnerit tuaj gjate kësaj dite dhe do debatoni ne çdo moment me atë qe keni ne krah. Beqaret do jene te bindur për hapat qe duhet te hedhin dhe do bëjnë te pamundurën për te bere për vete atë qe pëlqejnë. Ne planin financiar do kryeni transaksione te rëndësishme duke qene se gjendja do jete shume me e mire se me pare.

Binjaket

Dashuria do jete e privilegjuar gjate gjithë kësaj dite dhe ne çdo moment do përjetoni emocione te fuqishme. Surprizat nuk do mungojnë nga te dyja palët. Beqaret do mbeten edhe gjate kësaj dite vetëm sepse do refuzojnë mundësi shume te mira. Gjendja e financave do lere për te dëshiruar madje nuk do kryeni dot as shpenzimetme te domosdoshme.

Gaforrja

Priten ndryshime rrënjësore sot ne jetën tuaj ne çift te cilat do ua mbushin zemrën me gëzim. Beqaret do jene shume te pavëmendshëm dhe nuk do mundin dot te përfitojnë nga disa persona qe po i joshin me sy. Do pendohen, por do jete vone. Ne planin financiar do ju mungoje serioziteti dhe ka rrezik te bëni gabime te pafalshme. Buxheti do ketë tronditje te njëpasnjëshme.

Luani

Nuk do i jepni aspak rëndësi jetës suaj ne çift gjate kësaj dite dhe kjo mund te sjelle probleme te mëdha me pas. Partneri do ju gjykoje dhe do ju kritikoje fort. Beqaret duhet me patjetër te refuzojnë disa ftesa qe do ju bëhen sepse ata persona nuk janë ashtu si duken. Ne planin financiar do bëni gabime dhe ne një moment situata mund t’iu dale tërësisht jashtë kontrollit.

Virgjeresha

Duhet me patjetër te merrni masa strikte gjate kësaj nëse doni qe gjendja ne jetën tuaj ne çift te përmirësohet. Po ja hodhët gjithë kohës fajin partnerit do gabonirende . Beqaret do kenë një dite shume te qete dhe pa probleme. Beni atë qe do ndjeni. Gjendja e financave do filloje dalëngadalë te stabilizohet pas një sere problemesh qe keni pasur se fundmi.

Peshorja

Priten disa probleme te vogla sot ne mëngjes ndërmjet jush dhe atij qe keni ne krah te cilat mund t’ua prishin disi humorin. Gjithsesi nëse ju dëshironi mund ta ndryshoni rrënjësisht situatën. Toleroni dhe mundohuni t’i respektoni mendimet e tjetrit. Beqaret do jene shume te pafat ne dashuri. Me financat nga ana tjetër do silleni mire dhe nuk do keni asnjë vështirësi.

Shigjetari

Duhet te reflektoni gjere e gjate sot ju te dashuruarit ne mënyrë qe gjerat t’iu ecin si duhet me partnerin. Merrni edhe vendime nëse do jete e nevojshme. Beqaret ka shume mundësi te fillojnë një histori dashurie interesante dhe mjaft emocionuese. Financat do jene shume delikate dhe nuk do mund te kryeni as shpenzimet e nevojshme. Fatmirësisht familjaren nuk do ju lënë ne balte.

Bricjapi

Nuk do lejoni për asnjë çast sot qe dikush te ndërhyjë ne jetën tuaj ne çift dhe t’ua prishe planet. Lidhja juaj është e shenjte dhe për këtë mund te bëni çdo sakrifice. Beqaret do ndihen te përhumbur dhe nuk do e kenë aspak mendjen për te joshur dike. Ne planin financiar mire është te mos tregoheni impulsive dhe gjerat kane për t’iu ecur me se miri.

Ujori

Do jeni shume te sjellshëm dhe tolerante me partnerin tuaj gjate kësaj dite dhe gjithçka ka për t’iu ecur me se miri. Beqaret nga ana tjetër do dashurohen pas një personi I cili do i beje te ndihen si mbi re. Çdo do jete shume here me ndryshe se me pare. Ne planin financiar nuk duhet te kënaqeni me pak, por duhet te gjeni një mënyrë si ta përmirësoni buxhetin.

Peshqit

Te dashuruarit do kenë një dite normale dhe pa asnjë te jashtëzakonshme. Komunikimi dhe bashkëpunimi do jete i forte. Nëse jeni beqare dhe po kërkoni me ngulm dashurinë, sot do ndiheni me fat dhe te plotësuar. Gjithçka do ece për mrekulli. Ne planin financiar do jete Merkuri ai qe do ndikoje pozitivisht dhe do ju nxite te jeni me te logjikshëm me shpenzimet.

VLORË- Një zjarr ka përfshirë një godinë në zonën e Lungomares në Vlorë, ku ndodhet edhe një hotel. Sipas informacioneve paraprake, flakët kanë nisur fillimisht në lokalin në katin e parë të godinës, dhe më pas janë përhapur në katin e dytë, ku ndodhej hoteli, si dhe në fasadën e pallatit.

Në vendngjarje kanë mbërritur menjëherë forcat e Policisë dhe shërbimet zjarrfikëse, të cilat kanë bërë të mundur lokalizimin e zjarrit. Ndërkohë, godina fillimisht është evakuuar për shkak të rrezikut.

Si pasojë e zjarrit, disa persona kanë mbetur të plagosur dhe janë dërguar për ndihmë mjekësore në Spitalin e Vlorës. Sipas të dhënave, pesë persona janë nisur drejt Tiranës për trajtim më të specializuar, një prej tyre në gjendje të rëndë.

Një tjetër ndodhet në spitalin e Vlorës në gjendje të stabilizuar, ndërsa një person tjetër, pasi ka marrë ndihmën mjekësore, është larguar nga spitali. Mësohet se gjashtë prej të dëmtuarve janë shtetas të Kosovës, ndërsa një tjetër është nga Rrësheni.

Për t’u shpëtuar flakëve dhe tymit, një pjesë e personave që ndodheshin në godinë kanë dalë nga dritaret dhe ballkonet duke u hedhur prej tyre. Shërbimet e Policisë dhe strukturat përkatëse kanë nisur hetimet për të përcaktuar shkaqet dhe rrethanat e rënies së zjarrit. Hetimet vijojnë për të zbardhur plotësisht ngjarjen