Klubi i Torinos nuk ka ndër mend që të mbajë Kristjan Asllanin si pjesë të tij, por në mënyrë të pabesueshme, raportohet se është gati të blejë kartonin e mesfushorit nga Interi në merkaton e janarit.

Jo sepse trajneri Baroni ka ndërruar mendje, por për ta kthyer mesfushorin e Kombëtares shqiptare në një “mall shkëmbimi”. Mësohet se Torino është i interesuar për mbrojtësin Luka Ranieri të Fiorentinës dhe e sheh atë si një prioritet për merkaton e janarit.

Duke parë interesimin e shumë klubeve për futbollistin dhe vlerën e lartë të kartonit, Torino ka ideuar një shkëmbim të mundshëm të tij me kartonin e Asllanit, për të cilin Fiorentina ka shfaqur interes.

Tani mbetet të shihet nëse Asllani pranon këtë destinacion, pasi për të bërë këtë lëvizje të mundur, duhet që të gjithë palët të bien shpejt dakord në ditët e fundit të merkatos.

The post Torino është gati të blejë Asllanin nga Interi, dëshiron ta japë menjëherë si “dhuratë” appeared first on Albeu.com.

Dashi
Të lindur më: 21 Mars – 19 Prill
Ditën e sotme, marrëdhëniet tuaja sentimentale mund të përjetojnë një rikthim të pasionit falë një komunikimi më të hapur me partnerin. Beqarët mund të ndihen tërheqës dhe të gjejnë mundësi të reja për njohje të këndshme, sidomos në ambjente të reja. Në punë do të keni ide të freskëta dhe do të ndiheni të motivuar për të marrë iniciativa të guximshme. Sidoqoftë, duhet të kini kujdes me detajet dhe të mos nxitoni në vendime të rëndësishme. Shëndeti duket i mirë, por mos e teproni me aktivitetet fizike të lodhshme. Në aspektin financiar, një shpenzim i papritur mund të kërkojë menaxhim më të kujdesshëm. Mbani një sy të mprehtë ndaj ofertave që duken shumë të mira për të qenë të vërteta.

Demi
Të lindur më: 20 Prill – 20 Maj
Sot, klima në marrëdhënie është e ngrohtë dhe harmonike, por është e rëndësishme të dëgjoni më shumë partnerin tuaj. Disa keqkuptime të vogla mund të shfaqen, por me pak mirëkuptim gjithçka do të kalojë lehtë. Në punë do të hasni një sfidë të re që kërkon përqendrim dhe bashkëpunim me kolegët. Mos e lini pas dore një projekt të filluar prej kohësh, pasi mund të sjellë rezultate të mira. Kujdesuni për shëndetin emocional, pasi stresin mund ta ndjeni më shumë sot. Financat janë të qëndrueshme, por shmangni shpenzimet e panevojshme. Është një ditë e mirë për të bërë plane afatgjata.

Binjakët
Të lindur më: 21 Maj – 20 Qershor
Aspekti sentimental është i favorizuar, veçanërisht për ata që janë në një lidhje të re; emocionet janë të thella dhe të sinqerta. Beqarët mund të njohin dikë interesant në një rreth miqsh ose gjatë një aktiviteti social. Në punë mund të merrni një lajm të mirë që lidhet me një projekt të rëndësishëm. Mos u tërhiqni para vështirësive, pasi keni mbështetjen e duhur për të ecur përpara. Kujdesuni për dietën dhe mos e neglizhoni aktivitetin fizik, sidomos nëse ndiheni të lodhur. Në aspektin financiar, është mirë të shmangni investimet e mëdha sot. Konsultohuni me dikë më me përvojë para se të ndërmerrni hapa të mëdhenj.

Gaforrja
Të lindur më: 21 Qershor – 22 Korrik
Dashuria sot kërkon kompromis; nëse keni pasur mosmarrëveshje kohët e fundit, është momenti për t’i zgjidhur me qetësi dhe mirëkuptim. Partneri mund t’ju kërkojë mbështetje emocionale, ndaj përpiquni të jeni pranë. Në fushën profesionale, pritet të ketë zhvillime pozitive që do t’ju japin motivim të ri. Idetë tuaja do të vlerësohen nga eprorët, por duhet të jeni të duruar për rezultatet. Shëndeti kërkon vëmendje ndaj simptomave të vogla; mos i anashkaloni. Financat janë në një fazë të ndjeshme, ndaj shmangni huatë ose borxhet. Një planifikim më i mirë i buxhetit do t’ju ndihmojë shumë.

Luani
Të lindur më: 23 Korrik – 22 Gusht
Sot do të ndiheni të lidhur ngushtë me partnerin, ndërsa beqarët mund të marrin një ftesë interesante nga dikush që e admirojnë prej kohësh. Komunikimi është çelësi për të stabilizuar çdo keqkuptim të vogël që mund të lindë. Në punë, bashkëpunimi është i domosdoshëm për të përfunduar një detyrë të rëndësishme. Mos hezitoni të kërkoni ndihmë kur ndiheni të ngarkuar. Kujdesuni për shëndetin mendor, pasi lodhja mund të ndikojë në humorin tuaj. Financat janë të qëndrueshme, por është mirë të mos shpenzoni për gjëra të panevojshme. Një këshillë nga një mik mund t’ju ndihmojë në menaxhimin e parave.

Virgjëresha
Të lindur më: 23 Gusht – 22 Shtator
Në marrëdhënie, do të ndjeni më shumë siguri dhe mbështetje nga partneri, çka do t’ju japë paqe të brendshme. Beqarët mund të ndihen të pavendosur mes dy njohjeve të reja dhe duhet të dëgjojnë zemrën. Në aspektin profesional, do të keni mundësi të reja për të treguar aftësitë tuaja, sidomos nëse jeni të hapur ndaj ndryshimeve. Një takim i papritur mund të sjellë një ofertë interesante. Për shëndetin, është koha të riktheheni te rutinat e mira, veçanërisht në ushqyerje dhe aktivitet fizik. Financat janë më të stabilizuara, por shmangni rrezikun me investime të pasigurta. Dita është e përshtatshme për të bërë plane për të ardhmen.

Peshorja
Të lindur më: 23 Shtator – 22 Tetor
Sot do të ndjeni nevojën për më shumë intimitet në marrëdhënie; shprehini ndjenjat hapur dhe partneri do të jetë i përgjegjshëm. Beqarët mund të tërhiqen nga dikush që nuk është tipi i tyre i zakonshëm, duke sjellë surpriza të këndshme. Në punë priten ndryshime të vogla, por që do të kenë ndikim pozitiv në të ardhmen. Mos lini pas dore detyrat e vogla, pasi ato mund të sjellin vlerësim nga eprorët. Shëndeti është i mirë, megjithatë bëni kujdes me sistemin tretës. Financat kërkojnë më shumë vëmendje; është momenti i duhur për të kursyer. Një konsultim me një ekspert mund t’ju ndihmojë të bëni zgjedhje të mençura.

Akrepi
Të lindur më: 23 Tetor – 21 Nëntor
Në dashuri, dita sjell harmoni dhe mirëkuptim me partnerin, sidomos nëse keni kaluar periudha të vështira. Beqarët mund të ndihen më të sigurt për të shprehur ndjenjat dhe të marrin një përgjigje pozitive. Në punë, përpjekjet tuaja të vazhdueshme do të vihen re dhe mund të merrni një ofertë të mirë. Mos hezitoni të prezantoni idetë tuaja, pasi do të vlerësohen. Kujdesuni për shëndetin duke bërë pushime të shkurtra gjatë ditës. Financat janë në përmirësim, por është mirë të mos rrezikoni me shpenzime të mëdha. Një pagesë e vonuar mund të vijë në favorin tuaj.

Shigjetari
Të lindur më: 22 Nëntor – 21 Dhjetor
Marrëdhëniet personale kërkojnë më shumë vëmendje sot; një bisedë e hapur do të zgjidhë çdo paqartësi që keni me partnerin. Beqarët duhet të jenë të kujdesshëm me njohjet e reja, pasi jo të gjitha janë ashtu siç duken. Në punë do të jeni të mbushur me energji dhe do të arrini të përfundoni detyra të rëndësishme. Mos u nxitoni në marrjen e vendimeve të mëdha profesionale. Shëndeti i përgjithshëm është i mirë, por mund të ndjeni lodhje në mbrëmje. Financat kërkojnë një planifikim më të mirë, sidomos nëse keni shpenzime të mëdha përpara. Bëni kujdes me blerjet impulsive.

Bricjapi
Të lindur më: 22 Dhjetor – 19 Janar
Sot, lidhja juaj dashurore mund të përjetojë momente të veçanta; partneri do t’ju surprizojë me një gjest të këndshëm. Beqarët kanë shanse të mira për të takuar dikë që u përshtatet vlerave të tyre. Në aspektin profesional, do të jeni të organizuar dhe të përqendruar, çka do të sjellë rezultate të mira. Mos e nënvlerësoni rëndësinë e bashkëpunimit me kolegët. Shëndeti kërkon më shumë vëmendje ndaj pushimit dhe relaksit. Financat janë të qëndrueshme, por është mirë të krijoni një fond rezervë për të ardhmen. Dita është e favorshme për të bërë plane të rëndësishme financiare.

Ujori
Të lindur më: 20 Janar – 18 Shkurt
Në dashuri, mund të ndjeni një nevojë për ndryshim; është koha të flisni për pritshmëritë tuaja me partnerin. Beqarët do të tërhiqen nga persona misteriozë, por duhet të jenë të kujdesshëm para se të hapen plotësisht. Në punë, një koleg mund t’ju ndihmojë të përfundoni një detyrë të vështirë. Tregohuni të hapur ndaj këshillave dhe sugjerimeve të të tjerëve. Për shëndetin, është koha të përfshini më shumë aktivitet fizik në rutinën tuaj. Financat janë të qëndrueshme, por mos u tërhiqni nga ofertat që duket se janë shumë të mira. Një investim i vogël mund të sjellë rezultate pozitive.

Peshqit
Të lindur më: 19 Shkurt – 20 Mars
Sot është një ditë e mirë për të përforcuar lidhjen me partnerin, sidomos përmes veprimeve të vogla të kujdesit. Beqarët mund të tërhiqen nga dikush që ndan pasionet dhe interesat e tyre. Në fushën profesionale do të ndiheni të vlerësuar dhe kjo do t’ju motivojë të vazhdoni përpjekjet. Mos e lini pas dore organizimin e punëve, pasi një gabim i vogël mund të ketë pasoja. Shëndeti është i mirë, por është e rëndësishme të mos neglizhoni pushimin. Financat janë të balancuara, por bëni kujdes me shpenzimet për argëtim. Këshillohet të planifikoni më mirë buxhetin e muajit.

The post Horoskopi 29 Janar 2026, zbuloni parashikimin e yjeve për shenjën tuaj appeared first on Albeu.com.

Ministri i Jashtëm i Iranit, Abbas Aragçi, paralajmëroi sot se forcat e armatosura iraniane janë në gatishmëri të plotë për t’iu përgjigjur çdo sulmi amerikan, duke theksuar se ushtria është “me gishtin në këmbëz”. Megjithatë, ai nuk përjashtoi mundësinë e negociatave për programin bërthamor të Teheranit.

“Në të njëjtën kohë, Irani ka parë gjithmonë pozitivisht një marrëveshje bërthamore të drejtë dhe me përfitim të ndërsjellë, në kushte barazie, pa presion, kërcënime apo shantazhe, e cila garanton të drejtën e Iranit për teknologji bërthamore paqësore dhe siguron mungesën e plotë të armëve bërthamore”, shkroi Aragçi në një postim në platformën X.

Më herët gjatë ditës, një këshilltar i udhëheqësit suprem të Iranit, Ajatollah Ali Khamenei, paralajmëroi se në rast të një veprimi ushtarak amerikan kundër Teheranit, Irani do të vërë në shënjestër SHBA-në, Izraelin dhe aleatët e tyre.

Kërcënimi i Ali Shamkhanit erdhi pasi presidenti amerikan Donald Trump i bëri thirrje Iranit të ulet në tryezën e negociatave dhe “të bëjë marrëveshje” për çështjen bërthamore, duke paralajmëruar se një sulm i ardhshëm amerikan do të ishte shumë më i ashpër.

Ndërkohë, prania ushtarake amerikane në Lindjen e Mesme është forcuar ndjeshëm. Me mbërritjen e një aeroplanmbajtëseje dhe anijeve shoqëruese, numri i anijeve luftarake amerikane në rajon ka shkuar në dhjetë, duke i vënë në dispozicion Trump-it një fuqi të konsiderueshme zjarri në rast vendimi për sulm ndaj Iranit.

Sipas një zyrtari amerikan, në rajon ndodhen aktualisht 10 anije luftarake amerikane, përfshirë aeroplanmbajtësen “Abraham Lincoln”, tre shkatërrues që e shoqërojnë dhe avionë luftarakë F-35C, si dhe gjashtë anije të tjera që ndodheshin më herët në zonë.

Trump ka kërcënuar disa herë më parë Iranin me sulm ushtarak për shkak të shtypjes së protestave antiqeveritare, por më pas sinjalizoi një ndryshim qëndrimi, duke deklaruar se Teherani kishte ndalur ekzekutimet e protestuesve.

The post Ministri i Jashtëm iranian paralajmëron: Ushtria jonë është “me gishtin te këmbëza” appeared first on Albeu.com.

Kreu i Grupit Parlamentar të PD, Gazment Bardhi ka reaguar lidhur me ndryshimet në Kodin Penal të diskutuar në seancën parlamentare. Me anë të një postimi në Facebook, Bardhi thekson se standardet europiane dhe raportet e OSBE-ODIHR kërkojnë depenalizimin e veprave penale të fyerjes dhe shpifjes.

Bardhi shkruan ndër të tjera se, janë plot 77 gazetarë në Shqipëri që po përballen me akuza për shpifje nga politikanë apo ish-prokurorë/gjyqtarë të shkarkuar nga vettingu. Në fund, Bardhi thekson se opozita mbështet depenalizimin e plotë të veprave penale të shpifjeve/fyerjeve.

Reagimi i plotë i Gazment Bardhi:

Standardet europiane për lirinë e shprehjes dhe raportet e OSBE-ODIHR kërkojnë që Shqipëria të depenalizojë veprat penale të fyerjes dhe shpifjes, duke i konsideruar vetëm shkelje civile. Kjo masë është e rëndësishme për garantimin e lirisë së shprehjes, veçanërisht për median dhe aktivistët e shoqërisë civile.

Sot janë plot 77 gazetarë në Shqipëri që po përballen me akuza për shpifje nga politikanë apo ish-prokurorë/gjyqtarë të shkarkuar nga vettingu. Ky përbën një rrezik real për lirinë e shprehjes dhe sigurinë e gazetarëve. Për këtë arsye, opozita mbështet depenalizimin e plotë të veprave penale të shpifjeve/fyerjeve, si dhe mbështesim reformimin e rregullave civile për këtë shkelje sipas standardeve europiane.

The post Kodi Penal, Bardhi: Të depenalizohen veprat penale të fyerjes dhe shpifjes appeared first on Albeu.com.

Gjykata Kushtetuese ka rrëzuar këtë të mërkurë, kërkesën e ish-ministrit të shëndetësisë Ilir Beqaj. Raportohet se Beqaj kishte kërkuar shfuqizimin e masës arrest me burg, në të gjitha shkallët.

Por Gjykata Kushtetuese ka refuzuar kërkesën e tij dhe ish-ministri do të qëndrojë në qeli.

Beqaj kishte kërkuar shfuqizimin si i papajtueshëm me Kushtetutën të vendimit nr.65, datë 03.07.2024 të Gjykatës së Posaçme të Shkallës së Parë për Korrupsionin dhe Krimin e Organizuar; vendimit nr.73, datë 06.07.2024 të Gjykatës së Posaçme të Shkallës së Parë për Korrupsionin dhe Krimin e Organizuar; vendimit nr.32 (87-2024-228), datë 07.08.2024 të Gjykatës së Posaçme të Apelit për Korrupsionin dhe Krimin e Organizuar; vendimit nr.00-2025-20 (1), datë 14.01.2025 të Kolegjit Penal të Gjykatës së Lartë; Kthimin e çështjes për rigjykim në Gjykatën e Posaçme të Shkallës së Parë për Korrupsionin dhe Krimin e Organizuar.

Ish-ministri Ilir Beqaj u arrestua më 4 korrik, pasi prej disa kohësh ishte në hetim pasi akuzohet koncesionin e sterilizimit dhe shpërdorimin e fondeve gjatë kohës që drejton te Agjencinë për Koordinimin e ndihmave Europiane.

Beqaj u burgos me urdhër të Prokurorisë së Posaçme (SPAK) për abuzimin me fondet e Bashkimit Europian, në kohën kur drejtonte Agjencinë për Koordinimin e ndihmave Europiane.

Ilir Beqaj u mor zyrtarisht i pandehur nga SPAK për koncesionin 100 milionë euro të sterilizimit. Ndaj tij u caktua masa e sigurisë “Detyrim për t’u paraqitur” para një hetuesi apo oficeri të Policisë Gjyqësore një herë në javë, çdo të premte në orën 15.30. Gjithashtu, Ilir Beqajt iu komunikua dhe masa e dytë “Ndalim i daljes jashtë vendit”.

Në Gusht të vitit 2023, Prokuroria e Posaçme arrestoi ish-zv/ministrin e Shëndetësisë, Klodian Rrjepaj, nën akuzat e shpërdorimit të detyrës dhe falsifikimit të dokumenteve në bashkëpunim, lidhur me koncensionin e sterilizimit afro 100 milionë euro 8 vjet më parë.

The post Kërkoi shfuqizimin e masave të sigurisë, Gjykata Kushtetuese merr vendimin për ish-ministrin Ilir Beqaj appeared first on Albeu.com.

Për ditën e enjte vendi ynë do të ndikohet nga kushte atmosferike të paqëndrueshme. Moti parashikohet me vranësira mesatare deri të dendura.

Reshje shiu të herëpashershme me intensitet të ulët në pjesën më të madhe të territorit. Në zonën e jugut reshjet në periudha afatshkurtra me intensitet deri mesatar në formën e shtrëngatave.

Temperaturat maksimale do të arrijnë deri në 14 gradë celcius, ndërsa ato minimale deri në 3 gradë celcius.

Në zonën e Alpeve, verilindje mbi 900-1000 metër dhe juglindje në lartësitë mbi1000-1100 metër reshje dëbore me intensitet të ulët dhe lokalisht mesatar kryesisht në juglindje.

Era do të fryjë me drejtim juglindja-jugperëndimi me shpejtësi mesatare 7 m/s, përgjatë vijës bregdetare dhe në zonat luginore era me shpejtësi deri në 15 m/s.

Valëzimi në detet Jon dhe Adriatik do të jetë i forcës 2-4 ballë.

The post Moti bënë kthesën drastike/ Jepet paralajmërimi, ja çfarë pritet të ndodh nesër në vend appeared first on Albeu.com.

Një aksident i rëndë rrrugor ka ndodhur pasditen e sotme në aksin rrugor Tepelenë-Lopës në afërsi të fshatit Salari. Për pasojë ka ndërruar jetë shoferi i një kamioni, i cili është përfshirë në aksident.

Në rrethana ende të paqarta, shoferi i furgonit ka humbur drejtimin e automjetit në kthesën që të çon në fshatin Salari.

Menjëherë në vendin e ngjarjes ka mbërritur policia teksa po punohet për zbardhjen e plotë të rrethanave të rastit.

The post Aksident i rëndë në aksin rrugor Tepelenë-Lopës, furgoni përmbyset në rrugë! Ndërron jetë shoferi appeared first on Albeu.com.

Këngëtarja dhe reperja e njohur Nikki Minaj ka deklaruar se është fansja numër një e presidentit amerikan Donald Trump. Ajo tha se kjo gjë nuk do të ndryshojë kurrë. Mediat e huaja shkruajnë se gjatë një fjalimi të mbajtur në Uashington, Trump e ftoj reperen të ngjitej në skenë.

“Urrejtja apo çfarëdo që thonë njerëzit, ata nuk më prekin fare. Në fakt, këto më motivojnë të mbështes më shumë. Zoti të mbrojtë. Amen.” tha ajo, duke iu drejtuar miliarderit 79-vjeçar.

The post Nikki Minaj deklaron se mbështet Trumpin: Unë jam fansja numër një e presidentit appeared first on Albeu.com.

Presidenti i Republikës, Bajram Begaj, mbrëmjen e sotme ka pritur në Presidencë përfaqësuesit e Trupit Diplomatik në Shqipëri

Begaj gjatë fjalës së tij përshëndetëse, ka ftuar ambasadorët që ta shohin Shqipërinë si shtëpinë e tyre.

Presidenti theksoi se bashkëpunimi me partnerët strategjikë, nuk janë thjesht për llogari gjeopolitike por zgjedhje identiteti.

“Përkatësia Euroatlantike dhe bashkëpunimi me partnerët strategjikë, nuk janë thjesht për llogari gjeopolitike, por zgjedhje identiteti dhe vlera të patjetërsueshme”, theksoi Presidenti Begaj.

Po ashtu presidenti tha se viti 2026 përfaqëson për Shqipërinë një moment të rëndësishëm konsolidimi institucional dhe afrimi me standardet evropiane.

“Synimi ynë është të thellojmë këtë hapje, të forcojmë besimin dhe të krijojmë kushte që lidhja mes Shqipërisë, diasporës dhe partnerëve tanë të përkthehet në zhvillim të qëndrueshëm dhe integrim të mëtejshëm evropian”, tha Begaj.

The post Begaj pret në Presidencë përfaqësuesit e Trupit Diplomatik: Shiheni Shqipërinë si shtëpinë tuaj appeared first on Albeu.com.

Këngëtari Blero Muharremi, i ka bërë një dedikim romantik bashkëshortes së tij, Eronitës, me të cilën kurorëzoi dashurinë në martesë para rreth dy javësh në një dasmë madhështore mes miqsh dhe familjarësh.

Që prej asaj dite këngëtari nuk ka nguruar që të shprehi publikisht dashurinë për Eronitën dhe t’i bëj asaj dedikime në rrjetet sociale.

Në një postim të bërë së fundmi, teksa ka publikuar një foto të Eronitës ndërkohë që përgatitej për dasmën, Blero e ka cilësuar këtë të fundit si shpirtin e tij binjak dhe shoqen e tij.

Ndër të tjera ai shkruan se as në ëndrrat e tij më të çmenduara nuk mund të kërkonte dikë më të mirë se ajo.

“As në ëndrrat e mia më të çmendura, nuk mund të kërkoja asgjë më të mirë se ty. Dashuria ime, shoqja ime më e mirë dhe shpirti im binjak”, shkroi këngëtari në një postim në “Instastory”.

The post “Shpirti im binjak”, Pas disa javësh martesë, Blero i bën dedikimin romantik bashkëshortes appeared first on Albeu.com.

Vendimi për të braktisur për disa minuta ndeshjen me Teutën në fundjavën e kaluar i ka kushtuar skuadrës së Vorës që nga ana e saj doli me një notë proteste kundër vendimeve arbitrare.

Komisioni i Disiplinës në Federatën Shqiptare të Futbollit e ndëshkoi këtë skuadër me 100 mijë euro gjobë për mosrespektim të detyrimeve, përgjegjësive dhe rregulloreve. Po kështu ky organizëm dënoi edhe zyrtarin e Vorës, Bazion Tragaj me 4 ndeshje pezullim për sjellje jo sportive ndaj zyrtarëve të ndeshjes. Në të njëjtën kohë me 100 mijë lekë gjobë u dënua edhe Elbasani për sjellje të gabuar të spektatorëve.

Vendimet e Komisionit të Disiplinës dhe Etikës së FSHF

KF Vora, për mosrespektimin e detyrimeve dhe përgjegjësive dhe rregulloreve të aktivitetit duke shkaktuar vonesa gjatë ndeshjes, në bazë të nenit 8/1 të KDE, dënohet me gjobë në masën 100.000 (njëqind mijë) lekë.
Zyrtari i KF Vora, Bazion Tragaj, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.
AF Elbasani, për sjellje të gabuar të spektatorëve, duke shkaktuar ndërprerjen e përkohshme të ndeshjes për shkak të ndezjes së mjeteve piroteknike si dhe duke përdorur kore fyese, në bazë të neneve 17/2/c dhe 17/2/e të KDE, dënohet me gjobë në masën 100.000 (njëqind mijë) lekë.
Zyrtari i KF Iliria, Mario Bytyci, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.
Zyrtari i KF Kukësi, Albi Lika, për provokim të spektatoreve, në bazë të nenit 14/1/f, dënohet me 3 (tre) ndeshje pezullim nga veprimtaritë.
Lojtari i Shkëndija Tiranë U-17, Jurgen Karaj, për sjellje josportive ndaj lojtarëve të ekipit kundërshtarë, në bazë të nenit 14/1/b të KDE dënohet me 4 (katër) ndeshje pezullim nga aktiviteti.
Lojtari i KF Shënkolli U-16, Enea Nikolli, për sjellje të dhunshme ndaj lojtarëve të ekipit kundërshtar, në bazë të nenit 14/1/h të KDE, dënohet me 3 (tre) ndeshje pezullim nga veprimtaritë.
Lojtari i KF Teuta U-16, Stiven Cela, për sjellje të dhunshme ndaj lojtarëve të ekipit kundërshtar, në bazë të nenit 14/1/h të KDE, dënohet me 3 (tre) ndeshje pezullim nga veprimtaritë.
Lojtari i KF Teuta U-16, Henri Gjyzeli, për sjellje të dhunshme ndaj lojtarëve të ekipit kundërshtar, në bazë të nenit 14/1/h të KDE, dënohet me 3 (tre) ndeshje pezullim nga veprimtaritë.
Lojtari i KF Teuta U-16, Dario Merja, për sjellje të dhunshme ndaj lojtarëve të ekipit kundërshtar, në bazë të nenit 14/1/h të KDE, dënohet me 3 (tre) ndeshje pezullim nga veprimtaritë.
FC Pepa U-16, për braktisjen e ndeshjes së vlefshme të kampionatit Abissnet Superiore U-16, kunder KF Vllaznia U-16, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
Lojtari i Antigonea, Nikolas Karabashi, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.
Pranimin e kërkesës së zyrtarit të KF Vllaznia, Edi Martini, për konvertimin e pjesës së mbetur të dënimit, bazuar në nenin 75 të Kodit të Disiplinës dhe Etikës.
Pranimin e pjesshëm të kërkesës së KF Iliria, bazuar në nenet 67 dhe 74 të KDE, për rishikimin e Vendimit nr. 15, datë 05.12.2025, të KDE-së, lidhur me pikën 3, duke vendosur pezullimin e dënimit për zhvillimin e pjesës së mbetur të ndeshjeve të sezonit futbollistik 2025–2026 në fushë asnjanëse.
Periudha e pezullimit me kusht, në zbatim të nenit 34 të KDE, do të jetë 1 (një) vit dhe, në rast përsëritjeje të shkeljeve të ngjashme, pezullimi do të revokohet dhe klubit do t’i vendoset dënim shtesë. Lënien në fuqi të pjesës tjetër të dënimit, zhvillimin e pjesës së mbetur të sezonit futbollistik pa praninë e spektatorëve, në zbatim të nenit 6/3/b të KDE.

Rrëzimin e kërkesës së lojtarit të KF Iliria U-17, Dejsli Farruku, si të pabazuar në Kodin e Disiplinës dhe Etikës.
Rrëzimin e kërkesës së lojtarit të KF Iliria U-17, Elvis Marku, si të pabazuar në Kodin e Disiplinës dhe Etikës.
Kundër vendimit lejohet ankim brenda 3 (tre) ditëve përpara Komisionit të Apelit.

The post Komisioni i Disiplinës nuk e fal Vorën, gjobit klubin dhe pezullon zyrtarin appeared first on Albeu.com.

Këshilli i Ministrave ka miratuar ndryshime dhe shtesa në vendimin “Për shpronësimin, për interes publik, të pronarëve të pasurive të paluajtshme, pronë private, që preken nga realizimi i projektit “Rehabilitimi i linjës hekurudhore Durrës – terminali i transportit publik Tiranë (PPT) dhe lidhja me Aeroportin Ndërkombëtar të Tiranës

Sipas vendimit të ri, fondi total i shpronësimeve rritet në 377.3 milionë lekë, nga rreth 280.4 milionë lekë që ishte parashikuar më parë. Pronarët e pasurive të paluajtshme, pronë private, që shpronësohen, kompensohen në vlerë të plotë.

Kompensimi do të bëhet në vlerë të plotë për pasuritë e llojit arë, truall dhe vreshtë, sipas tabelës shoqëruese të vendimit. Edhe lista e pronarëve përfitues zgjerohet me pasuri shtesë të identifikuara gjatë zbatimit të projektit

Vendimi i plotë:

V E N D I M PËR DISA NDRYSHIME DHE SHTESA NË VENDIMIN NR.19, DATË 17.1.2024, TË KËSHILLIT TË MINISTRAVE, “PËR SHPRONËSIMIN, PËR INTERES PUBLIK, TË PRONARËVE TË PASURIVE TË PALUAJTSHME, PRONË PRIVATE, QË PREKEN NGA REALIZIMI I PROJEKTIT “REHABILITIMI I LINJËS HEKURUDHORE DURRËS – TERMINALI I TRANSPORTIT PUBLIK TIRANË (PPT) DHE LIDHJA ME AEROPORTIN NDËRKOMBËTAR TË TIRANËS (TIA)”, TË NDRYSHUAR

Në mbështetje të nenit 100 të Kushtetutës dhe të neneve 5, 20 e 21, të ligjit nr.8561, datë 22.12.1999, “Për shpronësimet dhe marrjen në përdorim të përkohshëm të pasurisë, pronë private, për interes publik”, të ndryshuar, me propozimin e Zëvendëskryeministrit dhe ministër i Infrastrukturës dhe Energjisë, Këshilli i Ministrave

V E N D O S I:

I. Në vendimin nr.19, datë 17.1.2024, të Këshillit të Ministrave, “Për shpronësimin, për interes publik, të pronarëve të pasurive të paluajtshme, pronë private, që preken nga realizimi i projektit “Rehabilitimi i linjës hekurudhore Durrës – terminali i transportit publik Tiranë (PPT) dhe lidhja me Aeroportin Ndërkombëtar të Tiranës (TIA)”, të ndryshuar, bëhen këto ndryshime dhe shtesa:

1. Pika 3 ndryshohet, si më poshtë vijon:

“3. Pronarët e pasurive të paluajtshme, pronë private, që shpronësohen, kompensohen në vlerë të plotë, sipas masës përkatëse, që paraqitet në tabelën që i bashkëlidhet këtij vendimi, për pasuritë e llojit “arë”, “truall” dhe “vreshtë”, me vlerë të përgjithshme shpronësimi prej 377 326 511.55 (treqind e shtatëdhjetë e shtatë milionë e treqind e njëzet e gjashtë mijë e pesëqind e njëmbëdhjetë pikë pesëdhjetë e pesë) lekësh.”.

2. Në pikën 4, togfjalëshi “… prej 280 445 392.25 (dyqind e tetëdhjetë milionë e katërqind e dyzet e pesë mijë e treqind e nëntëdhjetë e dy pikë njëzet e pesë) lekësh …” zëvendësohet me “… prej 377 326 511.55 (treqind e shtatëdhjetë e shtatë milionë e treqind e njëzet e gjashtë mijë e pesëqind e njëmbëdhjetë pikë pesëdhjetë e pesë) lekësh …”.

3. Në tabelën bashkëlidhur vendimit bëhen këto ndryshime dhe shtesa:

a) Vlerat e shpronësimit të pasurive të paraqitura në nënndarjet me numrat rendorë 9, 11, 12, 15, 17, 18, 40, 41, 42, 43, 55, 57, 65, 73 dhe 74 zëvendësohen me vlerat e shpronësimit në nënndarjet përkatëse, sipas tabelës që i bashkëlidhet këtij vendimi;

b) Pas nënndarjes me numër rendor 84 shtohen pasuritë që shpronësohen, të paraqitura në nënndarjet me numra rendorë nga 85 në 115, sipas tabelës që i bashkëlidhet këtij vendimi.

II. Shpenzimet procedurale shtesë, në vlerën 50 000 (pesëdhjetë mijë) lekë, përballohen nga shoqëria “Hekurudha Shqiptare”, sh.a.

III. Ngarkohen Ministria e Infrastrukturës dhe Energjisë, shoqëria “Hekurudha Shqiptare”, sh.a., drejtoritë vendore të Agjencisë Shtetërore të Kadastrës Kamzë Vorë, Tiranë Rurale 2 dhe Krujë, Agjencia Shtetërore për Shpronësimin, Drejtoria e Administrimit dhe Mbrojtjes së Tokës pranë Këshillit të Qarkut Tiranë dhe Drejtoria e Administrimit dhe Mbrojtjes së Tokës pranë Këshillit të Qarkut Durrës për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

The post 377 milionë lekë shtesë për pronarët/ Qeveria rrit fondin e shpronësimeve për projektin hekurudhor Durrës–Tiranë–Rinas appeared first on Albeu.com.

Një aksident i rëndë ka ndodhur pasditen e sotme në Tiranë, ku një automjet ka përplasur këmbësorin.

Sipas informacioneve paraprake, ngjarja ka ndodhur në kryqëzimin e rrugës “Siri Kodra”, ku një qytetar është përplasur nga një mjet teksa po kalonte vijat e bardha.

Në vendngjarje kanë mbërritur menjëherë shërbimet e Policisë dhe ambulanca. Ende nuk dihen shkaqet e aksidentit, ndërsa pritet reagimi i policisë lidhur me ngjarjen.

The post Aksident në Tiranë, automjeti përplas këmbësorin te vijat e bardha appeared first on Albeu.com.

Një përfaqësues i Hamasit ka deklaruar se lëvizja është gati për transferimin e plotë të qeverisjes në Rripin e Gazës sa më shpejt të jetë e mundur, por ka theksuar se ky proces varet nga hapja e plotë e pikëkalimit të Rafahut, në kufi me Egjiptin, pa pengesa nga Izraeli.

Zëdhënësi i Hamasit në Gaza, Hazem Qassem, bëri të ditur se protokollet janë përgatitur dhe dosjet janë përfunduar, ndërsa komitete të posaçme janë ngarkuar për zbatimin e procesit, me qëllim dorëzimin e qeverisjes në të gjitha fushat tek Komiteti Kombëtar, i krijuar në kuadër të planit amerikan për përfundimin e luftës.

Sipas Qassemit, për të realizuar transferimin e qeverisjes është e domosdoshme që anëtarët e këtij komiteti të kenë akses në Rripin e Gazës. Ai kërkoi që pikëkalimi i Rafahut të rihapet plotësisht në të dy drejtimet, pa asnjë pengesë nga Izraeli.

The post Hamas: Jemi gati për transferimin e plotë të qeverisjes në Rripin e Gazës! Protokollet dhe dosjet janë përfunduar appeared first on Albeu.com.

Detaje të reja kanë dalë nga aksidenti i cili ndodhi pak më parë në urën e Spatharit, ku një makinë ra në ujë. Në automjet ndodheshin tre persona. Ata kanë arritur të dalin vetë nga automjeti menjëherë pas rënies në ujë. Pasi kanë dalë ata, kanë qëndruar për disa minuta poshtë urës, të kapur pas mbajtëseve plastike.

Ata janë parë nga kalimtarët e rrugës, të cilët më pas kanë njoftuar policinë. Dy prej personave ndodhen jashtë rrezikut për jetën. Por personi i tretë ka pësuar dëmtime serioze dhe po merr ndihmë mjekësore. Policia po heton më shumë për të mësuar rreth shkaqeve e aksidentit.

The post Detaje nga aksidenti në urën e Spatharit/ 3 personat dolën vete nga makina, një prej tyre pëson dëmtime serioze appeared first on Albeu.com.

Një aksident ka ndodhur mesditën e sotme në aksin Shkodër-Vau i Dejës, ku një automjet ka rënë nga ura e Spatharit në ujë.

Siç shihet edhe nga pamjet, mjeti ka shkatërruar barrierat anësorë të urës dhe ka rënë në lumin Drin.

Burime bëjnë me dije se 3 persona janë nxjerrë nga automjeti dhe janë dërguar në spitalin Rajonal të Shkodrës, teksa ndodhen jashtë rrezikut për jetën.

Të tre ata kanë dalë vetë ka nga makina pasi kanë rënë në ujë dhe kanë qëndruar poshtë urës tek mbajtëset plastike.

Më pas i kanë ardhur në ndihmë kalimtarë dhe efektivë, duke i nxjerrë. Dy prej tyre raportohet se janë jashtë rrezikut për jetën, ndërsa i treti ka pësuar dëme serioze.

Ende nuk dihen shkaqet e aksidentit, ndërkohë që në vendngjarja kanë mbërritur forcat policore dhe ato zjarrfikëse.

The post Aksident në aksin Shkodër-Vau i Dejës, automjeti bie nga “Ura e Spatharit” në lumë! Shpëtojnë mrekullisht 3 persona appeared first on Albeu.com.

Shqipëria pritet që preket nga moti i keq, ku reshjet e shiu në disa zona pritet që të jenë me intensitet të lartë.

Në lidhje me kushtet e motit, ka reaguar edhe Instituti i Gjeoshkencës (IGJEO), i cili informoi se sot pasdite dhe nesër në qarqet Vlorë dhe Gjirokastër priten reshje intensive, ndërsa në qarqet Shkodër dhe Korçë priten reshje mesatare deri lokalisht intensive.

Sipas IGJEO, në qarqet e tjera reshjet priten mesatare dhe të shoqëruara me shtrëngata, ndërsa në veri, lindje dhe juglindje në lartësitë mbi 900 m nga niveli i detit reshjet do të jenë në formë dëbore.

Shtrëngatat dhe intensiteti i lartë i reshjeve, mund të krijojnë probleme të ndryshme, si rënie gurësh e inertesh dhe vërshime të ujit në zonat urbane të lokalizuara, në varësi të sistemit të kanalizimeve në qarqet Shkodër, Kukës, Durrës, Vlorë dhe Gjirokastër.

Po ashtu në njoftim theksohet se temperaturat minimale dhe maksimale të ajrit pritet të arrijnë:në bregdet: 9 / 14 °C, në vendet e ulëta: 5 / 12 °C dhe në vendet malore: 2 / 8 °C.

Era pritet të fryjë e lehtë deri mesatare, ndërsa në bregdet dhe në zonat malore deri shumë e fortë. Nesër era pritet të fryjë e lehtë deri mesatare.

The post Shqipëria preket nga moti i keq, IGJEO lëshon alarmin: Ja qarqet ku pritet të ketë reshje intensive dhe përmbytje appeared first on Albeu.com.

Kancelari Federal gjerman Friedrich Merz ka deklaruar se regjimi iranian nuk ka më legjitimitet për të qeverisur, duke theksuar se ai mbahet në pushtet vetëm përmes dhunës dhe terrorit ndaj popullsisë së vet.

“Një regjim që mund të mbijetojë vetëm përmes forcës brutale dhe terrorit i ka ditët e numëruara,” u shpreh Merz, duke shtuar se, edhe nëse rënia e tij mund të zgjasë disa javë, humbja e legjitimitetit është e qartë.

Ai përmendi dhjetëra mijëra viktima gjatë protestave të fundit antiqeveritare si dëshmi se regjimi i mullahëve sundon përmes frikës dhe represionit.

Në të njëjtën kohë, Presidenti amerikan Donald Trump ka rritur presionin ndaj Teheranit, duke paralajmëruar pasoja të rënda nëse Irani nuk bashkëpunon. “Nëse Irani nuk ulet në tryezën e negociatave, sulmi i ardhshëm do të jetë shumë më i keq,” shkroi Trump, duke iu referuar sulmeve amerikane ndaj objektivave bërthamore iraniane në qershorin e kaluar. Ai theksoi se qëllimi është arritja e një marrëveshjeje të drejtë, pa armë bërthamore, duke nënvizuar se “koha është thelbësore”.

Ndërkohë, përpjekje diplomatike për të ulur tensionet janë ndërmarrë nga Irani dhe Turqia. Ministri i Jashtëm iranian, Abbas Araghchi, zhvilloi një bisedë telefonike me homologun e tij turk, Hakan Fidan, ku u diskutuan mënyrat për të shmangur përshkallëzimin e situatës mes protestave të brendshme dhe kërcënimeve për ndërhyrje ushtarake.

Sipas Ministrisë së Jashtme iraniane, të dy ministrat hodhën poshtë kërcënimet dhe ndërhyrjet e jashtme, duke theksuar rëndësinë e bashkëpunimit për ruajtjen e paqes dhe stabilitetit rajonal. Biseda u konfirmua edhe nga autoritetet turke.

The post Donald Trump rrit presionin ndaj Teheranit, reagon kancelari gjerman Merz: Regjimi iranian i ka ditët e numëruara appeared first on Albeu.com.

Këshilli i Ministrave ka miratuar ndërtimin e një centrali gjenerues të energjisë elektrike fotovoltaike në fshatin Rrakull, njësia administrative Synej, Bashkia Kavajë. Projekti do të realizohet nga shoqëria “Select Energy” sh.p.k. dhe nuk është objekt koncesioni apo përfitues i masave mbështetëse nga shteti.

Centrali do të ketë një kapacitet të instaluar prej 95 MW dhe pritet të ndërtohet dhe të vihet në funksion brenda 36 muajve nga hyrja në fuqi e vendimit të qeverisë. Afati i operimit të tij do të jetë 49 vjet.

Sipas vendimit, Ministria e Infrastrukturës dhe Energjisë, së bashku me Agjencinë Kombëtare të Burimeve Natyrore, do të mbikëqyrin zbatimin e projektit çdo tre muaj, për të garantuar që punimet dhe operimi të jenë në përputhje me dokumentacionin teknik dhe ligjor.

Shoqëria “Select Energy” ka detyrimin të raportojë periodikisht për ecurinë e ndërtimit, të respektojë kushtet mjedisore dhe të depozitojë një garanci financiare prej të paktën 5% të vlerës së investimit. Gjithashtu, kompania do t’i japë shtetit 2% të prodhimit vjetor të energjisë elektrike, ose vlerën monetare përkatëse, e cila do të derdhet në buxhetin e shtetit.

VENDIM
PËR

MIRATIMIN E NDËRTIMIT TË CENTRALIT GJENERUES TË ENERGJISË ELEKTRIKE FOTOVOLTAIKE DHE VEPRAVE NDIHMËSE, I CILI NUK ËSHTË OBJEKT KONCESIONI, NË ZONËN KADASTRALE 3204, FSHATI RRAKULL, NJËSIA ADMINISTRATIVE SYNEJ, BASHKIA KAVAJË, QARKU TIRANË, NGA SHOQËRIA “SELECT ENERGY”, SH.P.K.

Në mbështetje të nenit 100 të Kushtetutës dhe të pikës 1, të nenit 49, të ligjit nr.43/2015, “Për sektorin e energjisë elektrike”, të ndryshuar, me propozimin e Zëvendëskryeministrit dhe ministër i Infrastrukturës dhe Energjisë, Këshilli i Ministrave

V E N D O S I:

1. Miratimin e ndërtimit të centralit gjenerues të energjisë elektrike fotovoltaike dhe veprave ndihmëse, i cili nuk është objekt koncesioni dhe nuk përfiton nga masat mbështetëse, me vendndodhje në zonën kadastrale 3204, fshati Rrakull, njësia administrative Synej, Bashkia Kavajë, Qarku Tiranë, nga shoqëria “SELECT ENERGY”, sh.p.k., me elementet, si më poshtë vijon:

a) Emri i aplikuesit: Shoqëria “SELECT ENERGY”, sh.p.k.;
b) NIPT/NUIS: M22415014G;
c) Tipi i centralit: Fotovoltaik;
ç) Kapaciteti i instaluar: 95 MW;
d) Afati i pritshëm i vënies në punë dhe pajisja me leje ndërtimi: Koha për ndërtimin, pajisjen me lejen e ndërtimit dhe vënien në operim të impiantit fotovoltaik do të jetë brenda 36 (tridhjetë e gjashtë) muajve nga hyrja në fuqi e këtij vendimi;
dh) Vendndodhja e burimit gjenerues të energjisë: në zonën kadastrale 3204, fshati Rrakull, njësia administrative Synej, Bashkia Kavajë, Qarku Tiranë;
e) Afati i operimit: 49 (dyzet e nëntë) vjet nga hyrja në fuqi e këtij vendimi;
ë) Koordinatat e tokës dhe planvendosja, sipas aneksit 1, që i bashkëlidhet këtij vendimi;
f) Ministria e Infrastrukturës dhe Energjisë dhe Agjencia Kombëtare e Burimeve Natyrore kanë të drejtë të ushtrojnë mbikëqyrje të përgjithshme me afate 3-mujore gjatë realizimit, vënies në punë dhe operimit, me synim që të verifikojnë se ecuria e punimeve, cilësia, konformiteti dhe operimi janë në përputhje me programin e përgjithshëm të realizimit dhe të dokumentacionit të projektit;
g) Shoqëria “SELECT ENERGY”, sh.p.k., ka detyrimin që:

i. të paraqesë periodikisht (çdo tre muaj), pranë Ministrisë së Infrastrukturës dhe Energjisë dhe Agjencisë Kombëtare të Burimeve Natyrore, informacion mbi ecurinë e ndërtimit të centralit fotovoltaik;
ii. të respektojë kushtet e cituara në lejet, licencat dhe autorizimet paraprake mjedisore, lëshuar nga institucionet përgjegjëse kombëtare;
iii. të dorëzojë sigurimin e kontratës, në masën jo më pak se 5% të vlerës së investimit, përpara nënshkrimit të kontratës ndërmjet shoqërisë “SELECT ENERGY”, sh.p.k., dhe ministrisë. Në këtë kontratë përcaktohen të drejtat dhe detyrimet e palëve për realizimin e këtij projekti, penalitetet, në rast mosrealizimi, si dhe çështje të tjera që lidhen me zbatimin e saj;
iv. t’i japë falas, në formë royalty, ministrisë përgjegjëse për energjinë sasinë e energjisë elektrike, në masën 2% të sasisë vjetore të prodhimit të energjisë elektrike ose konvertimin e saj në vlerë monetare. Në rast konvertimi në vlerë monetare, shuma duhet të derdhet tërësisht në buxhetin e shtetit;
v. të përmbushë kërkesën, sipas rastit, që një pjesë e prodhimit të burimit gjenerues të energjisë t’i shitet furnizuesit publik, sipas legjislacionit në fuqi.

2. Ngarkohen Ministria e Infrastrukturës dhe Energjisë dhe shoqëria “SELECT ENERGY”, sh.p.k., për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I
EDI RAMA

The post Qeveria miraton ndërtimin e një centrali fotovoltaik në Synej të Kavajës/ Pritet të vihet në funksion brenda 36 muajsh me kapacitet 95 MW appeared first on Albeu.com.

Mbrëmjen e djeshme, teksa banorët ishin përgatitur për të fjetur, Mateo i ka tërhequr jorganin Rogerit në formë shakaje. Pas këtij veprimi, Rogerti është rrëzuar në tokë, duke e bërë situatën të tensionuar.

Lidhur me këtë ngjarje kanë reaguar familjarët e Rogertit dhe fansat, të cilët e kanë cilësuar veprimin e Mateos si dhunë fizike, por edhe si presion psikologjik.

“Loja nuk bëhet duke lënduar tjetrin”, thuhet në disa nga reagimet, ndërsa të tjerë paralajmërojnë se situata mund të kishte përfunduar edhe më keq, nëse nuk do të ishte ndërprerë në kohë.

Tashmë pritet nëse do të ketë reagim nga produksion, mbetët për të parë nëse do të ketë masa ndëshkuese.

The post Mateo i tërheq me forcë jorganin Rogertit duke e rrëzuar në tokë, reagojnë familjarët e banorit appeared first on Albeu.com.