KRU “Bifurkacioni” njofton se sot gjatë ditës do të ketë mungesë të furnizimit me ujë të pijes në fshatin Doganaj të Komunës së Kaçanikut.

Sipas njoftimit, ndërprerja ka ardhur si pasojë e një defekti të paraqitur në rrjetin kryesor të ujësjellësit, nga i cili furnizohen edhe konsumatorët e rrugës Koxha në Doganaj.

Nga KRU “Bifurkacioni” bëhet e ditur se ekipet janë në terren dhe po punojnë në sanimin e defektit, me qëllim që furnizimi me ujë të pijes të rikthehet brenda ditës.

Kompania ka kërkuar mirëkuptimin e konsumatorëve të zonës për këtë ndërprerje të përkohshme. /Telegrafi/

KRU “Hidrodrini” njofton se sot, rreth orës 09:25, stacioni i pompave në fshatin Berkovë është dëmtuar nga persona ende të paidentifikuar, duke shkaktuar ndërprerje të furnizimit me ujë për banorët e Berkovës dhe një pjesë të fshatit Zllakuqan, përfshirë Shkollën Fillore “Atë Shtjefën Gjeçovi”.

Nga njësitë operative të KRU “Hidrodrini” është bërë me dije se dera e stacionit të pompave është hapur me dhunë, ndërsa janë dëmtuar rëndë kabllot lidhëse të sistemit automatik të pompës, frekuentori dhe njehsori elektrik.

Po ashtu, Njësia e KEDS-it në Klinë ka konstatuar dëmtime të rënda në trafon elektrike, ku është grabitur transformatori dhe kabllot ndërlidhëse.

KRU “Hidrodrini” ka njoftuar se në bashkëpunim me KEDS-in do të ndërmerren të gjitha përpjekjet për riparimin e dëmeve dhe rikthimin e furnizimit të rregullt sa më shpejt të jetë e mundur.

Policia e Kosovës ka hapur rastin dhe po zhvillon hetime për identifikimin dhe kapjen e autorëve të këtij akti kriminal. /Telegrafi/

Kompania Rajonale e Ujësjellësit “Gjakova” ka njoftuar se si pasojë e një intervenimi teknik në pusetën e ujëmatësit kryesor në fshatin Dedaj, Njësia Prizren, do të ketë ndërprerje të përkohshme të furnizimit me ujë të pijshëm.

Sipas njoftimit, ndërprerja do të prekë të gjithë konsumatorët e fshatit Dedaj dhe do të zgjasë deri në riparimin e plotë të defektit.

Nga KRU “Gjakova” u kërkohet mirëkuptim qytetarëve të prekur nga kjo ndërprerje, duke theksuar se ekipet teknike janë në terren dhe po punojnë për rikthimin sa më të shpejtë të furnizimit me ujë. /Telegrafi/

Instituti Kombëtar i Shëndetësisë Publike të Kosovës ka njoftuar se po vazhdon monitorimin e rregullt të cilësisë së ujit për pije dhe ka bërë të ditur se në disa zona të vendit uji nuk rekomandohet për konsum.

Sipas njoftimit të IKSHPK-së, nga rajoni i Prishtinës uji nuk rekomandohet për pije nga fabrika për trajtimin e ujit në Badoc, si dhe në zonën e Vragolit.

Në rajonin e Ferizajt, uji nuk rekomandohet për pije në Han të Elezit nga burimi i Dimcës, ndërsa furnizimi me ujë në këtë zonë është ndërprerë.

Probleme me furnizimin dhe cilësinë e ujit janë raportuar edhe në rajonin e Gjilanit. Në komunën e Vitisë furnizimi me ujë është ndërprerë, ndërsa në Kamenicë uji nuk rekomandohet nga stacioni i pompimit numër 2, në zonën Bahqja dhe në fshatin Berivojcë.

Nga rajoni i Pejës, IKSHPK ka njoftuar se uji nuk rekomandohet për pije në komunën e Klinës, përkatësisht në rrjetin e furnizimit nga puset dhe nga burimi Jarinë.

Në rajonin e Gjakovës, uji nuk rekomandohet për pije nga burimet e Opterushës dhe Zaqishtës.

Ndërkohë, në rajonin e Prizrenit, uji nuk rekomandohet për pije në komunën e Malishevës.

IKSHPK ka bërë të ditur se monitorimi i cilësisë së ujit do të vazhdojë dhe u ka bërë thirrje qytetarëve që të respektojnë rekomandimet e institucioneve shëndetësore, duke shmangur përdorimin e ujit për pije në zonat e përmendura deri në njoftimin e radhës.

Kompania Rajonale e Ujësjellësit “Mitrovica” njofton të gjithë konsumatorët se për shkak të punimeve të planifikuara në rrjetin e ujësjellësit në fshatin Shupkofc, furnizimi me ujë të pijes do të ndërpritet përkohësisht në disa zona.

Sipas njoftimit, ndërprerja do të prekë fshatin Kqiç, një pjesë të fshatit Shupkofc, si dhe një pjesë të zonës tek “Stacioni i Vjetër Hekurudhor” në Frashër.

KRU Mitrovica bën me dije se punimet janë të domosdoshme për përmirësimin e funksionimit të rrjetit dhe për sigurimin e furnizimit më të qëndrueshëm me ujë të pijes.

Ekipet teknike janë angazhuar për të përfunduar punimet sa më shpejt dhe për të rikthyer furnizimin normal.

“Kërkojmë mirëkuptimin e qytetarëve të zonave të prekura për shqetësimet e përkohshme”, thuhet në njoftim. /Telegrafi/

KRU “Bifurkacioni” ka njoftuar se, si pasojë e reshjeve të fundit të shiut, është rritur niveli i turbullirës së ujit, duke ndikuar në procesin e furnizimit me ujë të pijshëm.

Sipas njoftimit, banorët e Hanit të Elezit që furnizohen me ujë nga Fabrika e Ujit në Dimcë do të kenë ndërprerje të përkohshme të furnizimit me ujë deri në stabilizimin e gjendjes.

Nga kjo kompani bëhet e ditur se situata është duke u monitoruar vazhdimisht dhe se po ndërmerren të gjitha masat e nevojshme për normalizimin sa më të shpejtë të furnizimit me ujë.

KRU “Bifurkacioni” u ka shprehur falënderim konsumatorëve për mirëkuptimin gjatë kësaj periudhe. /Telegrafi/

KRU “Mitrovica” ka bërë thirrje për të gjithë konsumatorët që të kryejnë pagesën e faturave të papaguara brenda afatit të përcaktuar, me qëllim të garantimit të furnizimit të rregullt dhe cilësor me shërbime.

Sipas njoftimit, pagesa në kohë është obligim ligjor dhe kontribuon drejtpërdrejt në mirëmbajtjen e sistemit. Moskryerja e pagesave mund të sjellë masa sipas rregulloreve në fuqi, përfshirë edhe ndërprerjen e shërbimit.

KRU Mitrovica apelon te qytetarët që të respektojnë afatet për pagesa, në mënyrë që shërbimet e ujësjellësit dhe kanalizimit të funksionojnë pa ndërprerje. /Telegrafi/

Organizata për zhvillim dhe mbrojtje të mjedisit “EC Ma Ndryshe” ka ngritur alarmin për gjendjen e rënduar të furnizimit me ujë në Kosovë, duke theksuar se humbjet e ujit brenda rrjetit të ujësjellësit në disa zona arrijnë deri në 50 për qind.

Sipas organizatës, kjo do të thotë se gjysma e ujit të prodhuar humbet para se të arrijë tek konsumatorët, duke ndikuar drejtpërdrejt në cilësinë e shërbimit dhe sigurinë e furnizimit me ujë të pijshëm.

“Prishjet e shpeshta në rrjet, tubat e vjetëruar prej azbesti, si dhe lidhjet e paligjshme, kanë ulur ndjeshëm efikasitetin e ujësjellësit për vite me radhë”, thuhet në njoftimin e EC Ma Ndryshe.

Organizata vlerëson se kjo situatë përbën një nga sfidat më të mëdha në menaxhimin e burimeve ujore në vend dhe kërkon ndërhyrje urgjente institucionale për modernizimin e rrjetit të ujësjellësit, parandalimin e humbjeve dhe garantimin e furnizimit të qëndrueshëm me ujë për qytetarët.

EC Ma Ndryshe apelon për rritjen e investimeve në infrastrukturë, transparencë në menaxhimin e ujit dhe përfshirje më të madhe të komunitetit në mbrojtjen e këtij burimi jetik. /Telegrafi/

KRU Hidroregjioni Jugor njofton konsumatorët e Njësisë së Suharekës se, për shkak të sanimit të defektit në gypin fi 400 mm në stacionin e pompave te Pusi i Atit, ekipet e kompanisë janë angazhuar në terren për riparimin e sa më të shpejtë të këtij defekti.

Si pasojë e punimeve, do të ketë ndërprerje të furnizimit me ujë të pijshëm në këto zona:

• Fshati Gelanc
• Fshati Gjinoc
• Fshati Leshan
• Fshati Tërnje
• Fshati Nepërbisht
• Fshati Shirokë
• Qyteti i Suharekës

KRU Hidroregjioni Jugor apelon te qytetarët për mirëkuptim dhe informon se furnizimi me ujë do të rikthehet menjëherë pas përfundimit të riparimeve. /Telegrafi/

Komuna e Kamenicës njofton konsumatorët në zonat e Stacionit të Pompimit Bahqja dhe SP Berivojcë se uji nga rrjeti i ujësjellësit aktualisht nuk është i përshtatshëm për pije.

Si pasojë e rritjes së vlerës së nitrateve, parametrat kimikë të ujit në këto zona janë ndryshuar, duke bërë që uji të mos i plotësojë standardet për ujë të pijshëm.

Në këtë kontekst, qytetarët nuk duhet ta përdorin ujin për konsum deri në një njoftim të ri, pas normalizimit të gjendjes dhe konfirmimit të cilësisë së ujit. Uji mund të përdoret vetëm për nevoja teknike, si larje dhe sanitare.

Komuna falënderon qytetarët për mirëkuptimin dhe bashkëpunimin. /Telegrafi/

Kompania Rajonale e Ujësjellësit “Prishtina” ka vazhduar aksionet ndaj konsumatorëve me borxhe të papaguara, duke realizuar sot një aksion në qytetin e Drenasit.

Sipas njoftimit të KRU “Prishtina”, gjatë këtij aksioni janë shkyçur nga shërbimi i furnizimit me ujë konsumatorët të cilët nuk i kanë përmbushur obligimet financiare në përputhje me kontratat e lidhura me kompaninë.

Nga kompania bëhet e ditur se aksione të tilla do të vazhdojnë edhe në të ardhmen, me qëllim të rritjes së disiplinës së pagesave dhe funksionimit të qëndrueshëm të shërbimit të furnizimit me ujë për të gjithë konsumatorët. /Telegrafi/

Hidromorava njofton konsumatorët se, për shkak të një defekti në gypin e ujësjellësit, furnizimi me ujë në rrugën “Mbretëresha Teutë” në lagjen “Dheu i Bardhë” është ndërprerë.

Kompania bën të ditur se çdo ndryshim në situatë apo informacion shtesë do t’i bëhet i ditur qytetarëve përmes kanaleve zyrtare të komunikimit.

Konsumatorët ftohen të tregojnë mirëkuptim dhe durim deri në normalizimin e furnizimit. /Telegrafi/

Kompania Rajonale e Ujësjellësit “Gjakova” u ka bërë thirrje konsumatorëve që të kryejnë me kohë pagesat obligative për ujin e shpenzuar, duke paralajmëruar masa ligjore ndaj debitorëve.

Sipas njoftimit të Departamentit Komercial, kompania vazhdon në mënyrë të pandërprerë përgatitjen dhe dërgimin e lëndëve tek përmbaruesit, si dhe çkyçjen nga rrjeti i ujësjellësit për konsumatorët që kanë borxhe të papaguara.

Nga KRU Gjakova bëhet e ditur se qytetarët ftohen t’i kryejnë pagesat për të shmangur grumbullimin e borxhit, ndërsa theksohet se ekziston edhe mundësia e riprogramimit të borxhit me pagesa këstesh deri në 36 muaj.

Për informata shtesë dhe shërbime lidhur me pagesat, konsumatorët mund t’i drejtohen zyrave për Shërbime me Konsumatorë në Gjakovë, në rrugën “UÇK-së” nr. 7, në Rahovec në rrugën “Sheh Myhedini”, si dhe në Prizren në rrugën “Wesley Clark”.

Kompania u bën apel qytetarëve për bashkëpunim dhe respektim të obligimeve financiare, me qëllim të garantimit të furnizimit të rregullt me ujë të pijshëm. /Telegrafi/

Kompania Rajonale e Ujësjellësit “Hidromorava” ka njoftuar konsumatorët në disa zona të Komunës së Kamenicës se uji nga rrjeti publik i ujësjellësit aktualisht nuk është i përshtatshëm për pije.

Sipas njoftimit zyrtar, si pasojë e rritjes së vlerës së nitrateve në ujë, ka ardhur deri te ndryshimi i parametrave kimikë, çka bën që uji të mos i plotësojë standardet për ujë të pijshëm. Zonat e prekura janë Stacioni i Pompimit nr. 2, lagjja Bahqja dhe fshati Berivojcë.

Nga KRU “Hidromorava” theksohet se, deri në një njoftim të radhës dhe pas normalizimit të gjendjes si dhe konfirmimit të cilësisë së ujit, konsumatorët nuk duhet ta përdorin ujin nga rrjeti publik për pije.

Uji mund të përdoret vetëm për nevoja teknike, si larje, sanitare dhe përdorime të tjera që nuk përfshijnë konsum njerëzor.

KRU “Hidromorava” u bën thirrje qytetarëve për mirëkuptim dhe siguron se do t’i njoftojë me kohë konsumatorët sapo të krijohen kushtet që uji të jetë i sigurt për pije. /Telegrafi/

KRU “Hidroregjioni Jugor” njofton konsumatorët e Malishevës se, si pasojë e ndryshimeve të përkohshme në parametrat fizikë të ujit në burimin e Banjës së Malishevës, është vërejtur turbullirë në ujë.

Për këtë arsye, uji nuk rekomandohet për pije deri në njoftimin e radhës.

Zonat e prekura janë:

• Fshati Banjë
• Malisheva
• Fshati Carrallukë
• Rruga “Imer Krasniqi” – Mirushë

Uji mund të përdoret vetëm për nevoja sanitare.

Ekipet e KRU-së po monitorojnë situatën dhe do të informojnë qytetarët sapo uji të jetë i sigurt për përdorim. /Telegrafi/

KRU Mitrovica ka njoftuar se për shkak të një defekti teknik dhe zhvillimit të punimeve në rrjetin e ujësjellësit, do të ketë ndërprerje të përkohshme të furnizimit me ujë të pijshëm në rrugën “Fazli Barani”.

Sipas njoftimit të kompanisë, ndërprerja do të zgjasë deri në përfundimin e punimeve dhe rikthimin e furnizimit normal me ujë.

Nga KRU Mitrovica u bëhet thirrje konsumatorëve për mirëkuptim dhe bashkëpunim deri në sanimin e plotë të defektit. /Telegrafi/

Instituti Kombëtar i Shëndetësisë Publike të Kosovës (IKShPK) ka bërë të ditur se, për shkak të rritjes së vlerave të turbullirës në ujin e prodhuar nga fabrika për trajtimin e ujit “Badoc”, qytetarët nuk duhet ta konsumojnë atë deri në njoftimin e ardhshëm nga autoritetet shëndetësore.

Sipas IKShPK-së, rritja e turbullirës mund të ndikojë në cilësinë e ujit dhe për këtë arsye instituti paralajmëron që uji të mos përdoret për pije derisa situata të normalizohet.

“IKShPK, në bashkëpunim të ngushtë me KRU ‘Prishtina’, po e monitoron situatën me ujë të pijshëm dhe po ndërmerr të gjitha veprimet e nevojshme për të siguruar që qytetarët të kenë akses në ujë të sigurt për konsum,” thuhet në njoftimin për media.

Instituti thekson se qytetarët duhet të tregojnë kujdes dhe të ndjekin rekomandimet zyrtare deri në përmirësimin e cilësisë së ujit.

Autoritetet po vazhdojnë analizat laboratorike dhe do të njoftojnë publikun menjëherë pas normalizimit të situatës. /Telegrafi/

Kompania Rajonale e Ujësjellësit "Mitrovica" njofton qytetarët se, pas kryerjes së analizave fiziko-kimike dhe bakteriologjike të ujit të pijshëm, të gjithë parametrat janë brenda kritereve të përcaktuara me ligj.

“Rezultatet tregojnë se uji i furnizuar nga Ujësjellësi Rajonal Mitrovicë është i sigurt dhe mund të përdoret pa asnjë kufizim, si për pije ashtu edhe për përdorim shtëpiak”, bëri të ditur KRU Mitrovica.

Sipas njoftimit, kompania mbetet e përkushtuar në monitorimin e vazhdueshëm të cilësisë së ujit, duke garantuar shëndetin publik dhe sigurinë e konsumatorëve. /Telegrafi/

NP Ujësjellës dhe Kanalizime - Shkup informon se pas kontrolleve të kryera, është konstatuar se uji në kryeqitet i përmbush standardet dhe është i sigurt për pije.

"Me qëllim informimin më të mirë të qytetarëve të Qytetit të Shkupit, publikon raportin javor mbi cilësinë dhe sigurinë e ujit të pijshëm, të marrë nga analizat e kryera në Sektorin e Kontrollit Sanitar".

"Sektori i Kontrollit Sanitar në periudhën nga 05.01.2026 deri më 09.01.2026 mori 110 mostra për analiza fiziko-kimike dhe 110 mostra për analiza mikrobiologjike të ujit të pijshëm nga 38 pika matëse në Qytetin e Shkupit".

Sipas rezultateve të analizave, të gjitha mostrat janë përputhur me Rregulloren për kërkesat për sigurinë dhe cilësinë e ujit të pijshëm (Gazeta Zyrtare e Republikës së Maqedonisë, Nr. 183/18)", thonë nga NP.

Kompania Rajonale e Ujësjellësit “Mitrovica” ka njoftuar se gjatë ditëve në vijim do të realizohen punime të planifikuara në rrjetin e ujësjellësit dhe kanalizimit në disa zona të qytetit dhe rrethinës.

Sipas njoftimit, punime në rrjetin e ujësjellësit do të zhvillohen në rrugët “Sali Çeku”, “Artim Jashari”, “Bashkimi Kombëtarë”, “Mustaf Shyti”, “Adem Voca”, “Sitnica”, si dhe në lagjen “2 Korriku”.

Ndërkaq, intervenime në rrjetin e kanalizimit do të realizohen në rrugët “Faruk Spahia” dhe “Rifat Tahiri”, si dhe në fshatrat Frashër i Madh dhe Frashër i Vogël.

“Gjatë realizimit të punimeve në rrjetin e ujësjellësit, furnizimi me ujë të pijshëm në zonat e përfshira mund të ndërpritet përkohësisht”, thuhet në njoftimin e KRU Mitrovica.

Nga kompania u bëhet thirrje konsumatorëve për mirëkuptim gjatë kohës së realizimit të këtyre punimeve. /Telegrafi/