MILANO (Itali) – Lojërat Olimpike Dimërore 2026.

XHAKARTA (Indonezi) – Vizitë e kryeministrit australian, Anthony Albanese.

KUALA LUMPUR (Malajzi) – Vizitë e kryeministrit indian Modi.

OSLO (Norvegji) – Gjyqi i Marius Borg Hoiby, djalit të princeshës Mette-Marit të Norvegjia, i akuzuar për përdhunim.

NUUK (Danimarkë) – Franca dhe Kanadaja përurojnë konsullatat në Groenlandë.

KIEV (Ukrainë) – Presidenti ukrainas Volodymyr Zelensky takohet me udhëheqësit evropianë për të diskutuar pushtimin rus.

VENECIA (Itali) – Karnavalet e Venecias.

BERLIN (Gjermani) – Demonstratë për përmbysjen e regjimit iranian.

MILANO (Itali) – Demonstratë kundër Lojërave Olimpike Dimërore.

MADRID (Spanjë) – Një stuhi e re me emrin ”Marta” prek Spanjën dhe Portugalinë./ a.jor.

The post AGJENDA NDËRKOMBËTARE 07.02.2026 appeared first on Agjencia Telegrafike Shqiptare.

BOSTON, 7 shkurt /ATSH-ANSA/ – Ushqimet industriale ultra të përpunuara nuk janë thjesht ushqime, por produkte shumë të inxhinierizuara, të dizajnuara posaçërisht për të maksimizuar kënaqësinë biologjike dhe psikologjike dhe për të shkaktuar përdorim të zakonshëm.

Sipas ekspertëve, mënyra e marketingut e këtyre produkteve përdor strategji të veçanta për të rritur tërheqjen e tyre, për të shmangur rregulloret dhe për të formuar perceptimin e publikut.

Nga ky këndvështrim, këto ushqime kanë më shumë të përbashkët me cigaret sesa me ushqimin tradicional.

Ky është përfundimi i një analize të realizuar nga studiues të universiteteve të Michiganit, Dukes dhe Harvardit, e publikuar në revistën “Milbank Quarterly”.

Ekspertët theksojnë se lidhjet midis ushqimeve ultra të përpunuara dhe cigareve janë të shumta.

“Të dyja janë substanca të inxhinierizuara industrialisht që ofrojnë përvoja të fuqishme sensoriale”, shpjegojnë studiuesit, të cilët sugjerojnë që këto produkte duhet të studiohen “përmes lenteve të shkencës së varësisë”.

Një aspekt kyç është aftësia e këtyre produkteve për të stimuluar sistemet e kënaqësisë në tru.

“Si cigaret, ashtu edhe ushqimet ultra të përpunuara janë dizajnuar me saktësi për të dhënë dozën e duhur të substancave që japin kënaqësi; nikotina për cigaret dhe karbohidrate të rafinuara dhe yndyra për ushqimet”, shkruajnë studiuesit.

Ushqimet janë gjithashtu të dizajnuara për t’u tretur shpejt dhe për të çliruar substancat menjëherë, duke krijuar nevojën për të konsumuar përsëri.

Përvoja sensoriale është shpesh e karakterizuar nga shpërthime të forta shijesh që zhduken shpejt, si dhe pamja vizuale që synon maksimizimin e tërheqjes së produktit.

”Këto veçori bëjnë që konsumimi i këtyre produkteve të bëhet i detyruar dhe të ketë pasoja shumë të dëmshme për shëndetin”, përfundon ekipi i studiuesve, i cili fton institucionet publike të konsiderojnë ushqimet ultra të përpunuara “më pak si ushqim dhe më shumë si materiale konsumimi të optimizuara edonistikisht, të ngjashme me cigaret”./ /Ad.Ab./ a.jor.

The post FOKUS – Ushqimet ultra të përpunuara po krijojnë varësi si cigaret appeared first on Agjencia Telegrafike Shqiptare.

TIRANË, 7 shkurt /ATSH/- Shqipëria nuk është më një vend i panjohur! Ajo është tashmë nën radarin e turistëve ndërkombëtarë, e lehtë për t’u arritur, dhe ende mund të duket e egër në mënyrë surprizuese, shkruan Vincent Mabire në një artikull të botuar në median franceze të udhëtimeve “Ulysse News”.

Sekreti është të ngadalësoni ritmin sa duhet, për t’i dhënë vendit mundësinë të shfaqë anën e tij më të bukur — nga gjiret magjike joniane, te qytetet e gurta dhe shtigjet e qeta malore.

Nëse pyesni vizitorët pse janë dashuruar me Shqipërinë, shumica do të fillojnë me detin e saj të kristaltë.

Pastaj, do të flasin për një qytet malor ku perëndimi i diellit të lë pa frymë, për një sit romak të fshehur mes pishave, ose për një vakt të shijshëm që ishte shndërruar në një bisedë të gjatë dhe të paharrueshme.

Kjo është magjia e vërtetë e Shqipërisë: ajo shpërblen kuriozitetin dhe ritmin e ngadaltë, jo shpejtësinë!

Kombinoni kohën në plazh, eksplorimet kulturore dhe natyrën e gjallë, dhe do të përjetoni një udhëtim të paharrueshëm në këtë vend të mrekullueshëm.

Pse Shqipëria duket si një destinacion i ri edhe pasi është bërë trend?

Magjia e Shqipërisë nuk qëndron vetëm te çmimet e përballueshme!

Ajo vjen nga ndjesia se vendi ende po zbulon veten, në kohë reale, sidomos kur largohesh nga pikat më të njohura të plazhit!

Në Tiranë, kjo energji ndihet menjëherë: kafenetë janë të mbushura, lagjet ndryshojnë shpejt, dhe qyteti kombinon ngjyra të guximshme me histori të freskët.

Ajo që e bën Shqipërinë të ndryshme nga shumë destinacione klasike mesdhetare është diversiteti i peizazhit.

Në një udhëtim të vetëm, mund të vizitoni bregdetin e Jonit, qytetet e vjetra të listuara në UNESCO dhe në fund të përfundoni në ajër të pastër malor.

Destinacionet kulturore që i shtojnë thellësi të vërtetë një udhëtimi në plazh

Nuk keni nevojë të jeni një adhurues i historisë për të shijuar vendet kulturore të Shqipërisë.

Këto vende janë të vendosura në peizazhe magjepsëse dhe e tregojnë qartë historinë nëse lexoni secilën pllakë.

Niseni turin me Butrintin dhe një nga qytetet e listuara në UNESCO.

Parku Arkeologjik i Butrintit ndodhet pranë bregdetit jugor, mjaftueshëm afër për të kaluar disa ditë në plazh dhe për të rifreskuar mendjen!

Është një vend ku mund të shëtisni nëpër shumë epoka, i rrethuar nga gjelbërimi dhe uji.

Gjithashtu, vizitoni Sarandën dhe zgjidhni një mjedis praktik ku mund të notoni në det, të kaloni një mëngjes kulturor dhe në mbrëmje të relaksoheni pranë bregut.

Ju rekomandojmë të zbuloni qytetet e vjetra, dyshen klasike, Beratin dhe Gjirokastrën, për disa arsye të mira!

Berati është i ndritshëm, i butë dhe piktoresk ndërsa Gjirokastra është shkëmbore, e pjerrët dhe emocionuese.

Të dy qytetet është më mirë të eksplorohen ngadalë, duke bërë një shëtitje pasdite vonë dhe duke shijuar një darkë të qetë në një nga restorantet aty pranë.

Nëse nuk keni shumë kohë në dispozicion, zgjidhni vetëm një nga qytetet dhe zbuloni sa më shumë që të mundeni!

Një natë e vetme mund të jetë magjike, nëse arrini herët dhe shijoni një shëtitje para perëndimit të diellit.
Gjithashtu, vizitoni Durrësin, dhe zbuloni amfiteatrin romak që daton në fillim të shekullit II pas Krishtit, një monument i historisë së gjatë dhe të lashtë të qytetit bregdetar.

Vija bregdetare jugore, e njohur si Riviera Shqiptare, është vendi ku “lindin” kartolinat.

Aty do të gjeni ujëra të kristalta ngjyrë bruz, rrugë buzë shkëmbinjve dhe plazhe që duken shumë të pastra për të qenë reale.

Por ka një detaj të rëndësishëm: koha.

Në korrik dhe gusht, destinacionet kryesore bregdetare mund të duken të mbipopulluara.

Zgjidhja nuk është e ndërlikuar, por strategjike.

Planifikoni kohën që do të shpenzoni në plazh për të shijuar momente relaksi.
Shkoni herët, dhe gjeni një vend ku ka hije dhe lëvizni për shëtitje panoramike pasi të bjerë vapa.

Qendroni larg zonave më të nxehta dhe vizitojoni ato gjatë ditës.

Kështu shijoni pamjet,shmangni kaosin dhe shpesh shpenzoni më pak.

Saranda është një nga destinacionet më të mira në jug, ndërsa Vlora mund të jetë një pikë e mirë orientimi për në veri, në varësi të itinerarit tuaj!

Në brendësi të Shqipërisë, udhëtimi fillon të marrë frymë.

Zhurma e plazhit zëvendësohet nga lugina, lumenj dhe qytete që ecin me një ritëm tjetër.

Nëse kërkon një destinacion të lehtë dhe të qetë, ktheje vështrimin nga Liqeni i Ohrit, në lindje.

Është vendi ideal për mëngjese të ngadalta, shëtitje buzë liqenit dhe një ritëm udhëtimi të butë.

Për një itinerar të fokusuar te natyra, zona e lumit Vjosë është një zgjedhje shumë e mirë, sidomos nëse të pëlqejnë hapësirat e gjera dhe ideja e një Shqipërie më të egër e më autentike.

Në skajin verior, Alpet Shqiptare ofrojnë një “wow” krejt tjetër: maja të thepisura, fshatra të vegjël dhe shtigje ecjeje që mund të kthehen në pikën kulmore të gjithë udhëtimit tuaj.

Çelësi është të pranosh lëvizje më të ngadalta dhe të planifikosh më pak ndalesa.

Dy ose tre netë në të njëjtën zonë malore shpesh vlejnë më shumë sesa një xhiro e shpejtë që të lë pa frymë.

Një udhëtim i paharrueshëm në Shqipëri rrallëherë ka të bëjë me të bërë sa më shumë gjëra! Ka të bëjë me krijimin e një ritmi të natyrshëm.

Mbani mend se gjatë verës, vendet kulturore shijohen më së miri në mëngjes, ndërsa pasditet i përkasin detit, dhe drekave të gjata.

Shqipëria ofron më të mirën e saj kur i jepni kohë të ndalet dhe t’ju prekë!  //a.i/

https://ulysse.com/news/en/travel-ideas/albania-in-2026-a-simple-route-that-feels-wild-not-rushed-1620

The post Media franceze “Ulysse News”: Udhëtim në Shqipëri, nga gjiret magjike, në qytetet e gurta dhe shtigjet e qeta malore appeared first on Agjencia Telegrafike Shqiptare.

The post KOMENT – Dezinformimi pengon edhe shërimin e kancerit appeared first on Agjencia Telegrafike Shqiptare.

TIRANË, 7 shkurt/ATSH/ Shërbimi Meteorologjik Ushtarak bëri të ditur se ditën e shtunë vendi ynë do të ndikohet nga kushte të paqëndrueshme atmosferike.

Moti parashikohet me vranësira mesatare deri të dendura,  kryesisht në pjesën e parë të ditës, ndërsa nuk do të mungojnë intervale me kthjellime.

Reshjet parashikohen të herëpashershme me intensitet të ulët e lokalisht mesatar në formë shtrëngatash afatshkurtra në pjesën më të madhe të vendit nga orët e para të 24-orëshit deri në orët e mëngjesit.

Gjatë ditës reshjet e shiut pritet të vijojnë me intensitet të ulët, të herëpashershme në të gjithë vendit por me ndërprerje.

Në zonën e Alpeve dhe relievet e larta malore verilindje- juglindje të vendit reshje dëbore me intensitet kryesisht të ulët.

Era do të fryjë me drejtim kryesor verilindje-veriperëndim  me shpejtësi mesatare 4m/s, ndërsa në zonat luginore dhe përgjatë vijës bregdetare era pritet të fitojë shpejtësi 9m/s, me valëzimin në det të forcës 1-2ballë.

Temperaturat parashikohen: 

The post Mot me vranësira dhe intervale kthjellimesh appeared first on Agjencia Telegrafike Shqiptare.

ROMË, 7 shkurt /ATSH-ANSA/ – Siguria digjitale është kthyer në një nga temat më urgjente në mbarë botën, duke shtyrë gjithnjë e më shumë shtete të kufizojnë aksesin e hershëm të të miturve në rrjetet sociale.

Franca ka shpallur ndalimin për fëmijët nën 15 vjeç, Spanja po përgatit një masë të ngjashme për nën 16-vjeçarët, ndërsa Australia ka bërë hapin e parë me një ligj pionier që vendos detyrime të rrepta për gjigantët e teknologjisë si Facebook, Instagram, TikTok dhe YouTube.

Këto zhvillime përkojnë  me publikimin e edicionit 2026 të observatorit ”Indifesa”, realizuar nga ”Terre des Hommes” në bashkëpunim me komunitetin ”Scomodo”, i cili synon të dëgjojë zërin e të rinjve mbi dhunën, bullizmin dhe sigurinë në internet.

Raporti, i publikuar me rastin e Ditës Kundër Bullizmit dhe Kiberbullizmit dhe ”Safer Internet Day” (10 shkurt), ka mbledhur opinionet e mbi 2 000 të rinjve italianë nën moshën 26 vjeç.

Sipas të dhënave, 1 në 2 të rinj deklaron se ka përjetuar të paktën një akt dhune gjatë jetës së tij, ndërsa interneti perceptohet si vendi më i rrezikshëm.

Vajzat raportojnë përjetim më të lartë dhune krahasuar me djemtë (57% kundrejt 42%), ndërsa përqindja më e lartë regjistrohet tek personat jo binarë (67%).

Vajzat identifikojnë si kontekste të rrezikshme edhe hapësirat publike të pakontrolluara dhe marrëdhëniet intime e familjare, ndërsa për djemtë peshojnë më shumë shkolla dhe rrethi shoqëror.

Rreziqet në internet janë të njohura për adoleshentët: rreth 80% e tyre janë kontaktuar nga të panjohur.

Sipas 59% të të rinjve, kërcënimi kryesor është ”revenge porn”, pra shpërndarja pa pëlqim e imazheve intime.

Edhe pse 79% e konsiderojnë të rrezikshme ndarjen e materialeve intime dhe janë të informuar për të drejtën e denoncimit dhe heqjes së përmbajtjes, ka më pak ndërgjegjësim për manipulimin e imazheve nga palë të treta, një praktikë që shpesh është e vështirë të identifikohet.

Një tjetër përvojë e përbashkët është kontakti nga persona të panjohur, që shkakton emocione negative ose të përziera.

Vajzat raportojnë më shumë bezdi, pasiguri dhe frikë, ndërsa tek djemtë shfaqet në masë më të madhe kureshtja.

Për djemtë, veçanërisht më të rinjtë, rreziku kryesor në internet mbetet kiberbullizmi , i deklaruar nga 45% e tyre .

Kur përballen me bullizëm apo kiberbullizëm, të rinjtë priren ta ndajnë përvojën fillimisht me miqtë dhe më pas me prindërit, sidomos në moshat më të vogla.

Një kapitull i veçantë i raportit i kushtohet inteligjencës artificial gjysma e të rinjve pranon se i është drejtuar të paktën një herë një chatboti për këshilla, kryesisht për probleme sentimentale (24%), shëndetësore (22%) ose për mbështetje psikologjike (21%).

Raporti ndalet edhe tek bisedat në grupe ku komentohet pamja fizike e të tjerëve: rreth një e treta e të rinjve thotë se ka qenë dëshmitare e këtyre praktikave.

Reagimet variojnë nga diskutimi me persona të besuar (40%), te heshtja apo largimi nga biseda, deri te raportimi i përmbajtjeve.

Vajzat priren më shumë drejt ndërhyrjes aktive, ndërsa djemtë drejt normalizimit ose shpërfilljes.

Së fundi, shumica e të rinjve e konsideron të papranueshëm kontrollin e telefonit, edhe pse 69% ndajnë fjalëkalimet me të tjerët për arsye sigurie.

Sipas ”Terre des Hommes” dhe ”Scomodo”, të rinjtë janë të vetëdijshëm për rreziqet, por kanë nevojë për mjete konkrete mbrojtjeje.

Institucionet dhe shoqëria, theksojnë autorët e studimit, duhet të veprojnë në mënyrë aktive për t’i pajisur me informacion dhe mbështetje, duke marrë parasysh edhe dimensionin gjinor që i bën vajzat veçanërisht të ekspozuara ndaj dhunës online./  /Ad.Ab./ a.jor.

The post FOKUS – Një në dy të rinj italianë i kërkon IA-së këshilla për probleme sentimentale, shëndeti dhe psikologjike appeared first on Agjencia Telegrafike Shqiptare.

Më 7 shkurt 1863, korveta me avull e Marinës Mbretërore britanike HMS Orpheus u mbyt në hyrje të portit Manukau, në brigjet perëndimore të Oklandit në Zelandën e Re, duke shkaktuar humbjen e 189 jetëve nga 259 persona në bord. Kjo mbetet katastrofa detare me numrin më të madh të viktimave në ujërat e Zelandës së Re.

Anija po transportonte furnizime detare dhe përforcime ushtarake drejt Oklandit gjatë Luftërave të Zelandës së Re. Për të kursyer kohë, komandanti vendosi të hynte në portin Manukau në vend që të ndiqte rrugën më të sigurt drejt Waitematā. Hartat detare që përdorte ishin të vjetruara dhe kanali i hyrjes kishte ndryshuar; sinjalet paralajmëruese nga bregu nuk u kuptuan në kohë.

Pas goditjes në bankinën e rërës, dallgët e fuqishme e përplasën anijen vazhdimisht. Hapat u përmbytën, dritaret u thyen dhe uji nisi të hynte brenda, duke e bërë pothuajse të pamundur braktisjen e sigurt të anijes. Shumë marinarë u ngjitën në direkë për të shpëtuar, por shembja e tyre i hodhi në det; vetëm një varkë e vogël arriti të largohej.

Në mesin e viktimave ishin edhe vetë komandantët e skuadronit, ndërsa shumë prej të mbyturve ishin djem të rinj që shërbenin si marinarë në fillimet e karrierës së tyre. Tragjedia u hetua nga disa komisione, por përgjegjësia mbeti e diskutueshme.

Ngjarja e HMS Orpheus mbeti e gdhendur në kujtesën historike si simbol i rreziqeve të lundrimit dhe i pasojave fatale të gabimeve njerëzore në det, duke u përkujtuar më vonë me pllaka përkujtimore dhe memoriale për viktimat.

Përgatiti: L.Veizi

Më 7 shkurt 1992, në qytetin holandez Maastricht, dymbëdhjetë shtete të Komunitetit Evropian hodhën një hap historik drejt bashkimit politik dhe ekonomik të kontinentit: nënshkrimin e Traktatit për Bashkimin Evropian, i njohur gjerësisht si Traktati i Maastrichtit. Ky akt shënoi fillimin e një etape të re në procesin e integrimit evropian dhe vendosi themelet e Bashkimit Evropian si një strukturë politike e përbashkët.

Traktati u nënshkrua nga Belgjika, Danimarka, Franca, Gjermania, Greqia, Irlanda, Italia, Luksemburgu, Holanda, Portugalia, Spanja dhe Mbretëria e Bashkuar, ndërsa pas ratifikimit në secilin vend hyri në fuqi më 1 nëntor 1993, moment që shënoi zyrtarisht lindjen e Bashkimit Evropian.

Përmbajtja e marrëveshjes ishte thelbësore për të ardhmen e Evropës. Ajo krijoi qytetarinë evropiane, duke u dhënë qytetarëve të vendeve anëtare të drejtën të lëvizin, të jetojnë dhe të marrin pjesë në zgjedhje në çdo shtet të BE-së. Po ashtu, traktati parashikoi ndërtimin e një sistemi bankar qendror dhe të një monedhe të përbashkët – euron – si dhe vendosi politika të përbashkëta në fushën e sigurisë, diplomacisë, drejtësisë dhe çështjeve të brendshme.

Në plan më të gjerë historik, nënshkrimi i Traktatit të Maastrichtit simbolizoi përpjekjen e kombeve të Evropës Perëndimore për të kapërcyer konfliktet e shekujve të mëparshëm dhe për të ndërtuar një hapësirë bashkëpunimi ekonomik, politik dhe shoqëror. Ai vendosi rregulla të qarta për monedhën e përbashkët, politikën e jashtme dhe bashkëpunimin në drejtësi, duke e kthyer integrimin evropian nga një projekt ekonomik në një bashkim me dimension të theksuar politik.

Sot, Traktati i Maastrichtit konsiderohet një nga gurët themeltarë të Evropës moderne. Ai jo vetëm që ndryshoi rrjedhën e historisë së kontinentit, por ndikoi drejtpërdrejt në jetën e përditshme të miliona qytetarëve evropianë, duke hapur rrugën drejt një bashkimi që vazhdon të evoluojë edhe në shekullin XXI.

Përgatiti: L.Veizi

Ditën e sotme vendi ynë do të vijojë të ndikohet nga kushte atmosferike të paqëndrueshme. Sipas Shërbimit Meteorologjik Ushtarak moti parashikohet me vranësira mesatare e të dendura por nuk do të mungojnë dhe alternime të herëpashershme kthjellimi.

Reshjet e shiut të herëpashershme me intensitet të ulët priten të jenë prezente që në orët e para të 24-orëshit deri në mëngjes në pjesën më të madhe të vendit, ndërsa në zonën qendrore reshje shiu me intensitet mesatar.

Gjatë ditës reshjet do të mbeten prezente të herëpashershëm me intensitet të ulët, ndërsa në veriperëndim dhe qendër reshje shiu me intensitet lokalisht deri mesatar në formën e shtrëngatave afatshkurtra. Në zonën e Alpeve dhe në majat e maleve reshje bore me intensitet të ulët.

Era do të fryjë me drejtim kryesor juglindje-jugperëndim me shpejtësi mesatare 6 m/s, përgjatë vijës bregdetare dhe në zonat luginore era me shpejtësi deri në 12 m/s. Valëzimi në det do të jetë forcës 2-4 ballë.

The post Parashikimi i motit për sot, 7 Shkurt 2025 appeared first on 27.

Alba Pollozhani, banorja e edicionit të katërt të “Big Brother VIP Kosova”, ka lënë shtëpinë e famshme.

Lajmi është konfirmuar përmes një njoftimi zyrtar në faqen e Big Brother VIP Kosova në Facebook.

Megjithatë, ende nuk është bërë e ditur arsyeja e largimit të saj nga gara.

Sinjali – aty ku e vërteta flet para lajmit!

/GazetaSinjali/

The post Alba largohet nga shtëpia e BBVK-së appeared first on Sinjali.

Dashi – Kjo ditë kërkon kujdes në vendimmarrje, veçanërisht në aspektin profesional. Mund të lindin diskutime që kërkojnë qetësi dhe maturi. Financat mbeten të qëndrueshme, ndërsa në jetën personale këshillohet më shumë durim dhe komunikim i hapur.

Demi – Dita favorizon çështjet praktike dhe organizimin. Angazhimet e punës mund të sjellin rezultate konkrete, nëse veproni me këmbëngulje. Në marrëdhënie personale, është e rëndësishme të shmangni keqkuptimet dhe të tregoni fleksibilitet.

Binjakët – Komunikimi është pika juaj e fortë gjatë kësaj dite. Mund të merrni lajme apo informacione të rëndësishme për të ardhmen profesionale. Në aspektin emocional, dita kërkon më shumë përkushtim ndaj familjes dhe personave të afërt.

Gaforrja – Fokusi është te çështjet financiare dhe stabiliteti personal. Mund të jetë një moment i mirë për rishikimin e shpenzimeve ose planeve afatgjata. Në marrëdhënie, kërkohet më shumë ndjeshmëri dhe mirëkuptim.

Luani – Kjo është një ditë që ju vendos në qendër të vëmendjes. Mund të merrni përgjegjësi të reja në punë ose të shfaqni aftësitë tuaja drejtuese. Në jetën personale, ruani ekuilibrin mes dëshirës për kontroll dhe nevojës për bashkëpunim.

Virgjëresha – Dita favorizon analizën dhe reflektimin. Është e përshtatshme për të përmbyllur çështje të mbetura pezull dhe për të planifikuar hapat e ardhshëm. Kujdesuni për shëndetin dhe shmangni lodhjen e tepërt mendore.

Peshorja – Marrëdhëniet shoqërore dhe bashkëpunimet janë në fokus. Mund të lindin mundësi të reja përmes kontakteve profesionale. Në aspektin sentimental, dita kërkon qartësi dhe sinqeritet.

Akrepi – Çështjet profesionale kërkojnë përqendrim dhe vendosmëri. Mund të përballeni me situata që kërkojnë reagim të matur. Në jetën personale, shmangni tensionet dhe përpiquni të ruani balancën emocionale.

Shigjetari – Dita sjell dëshirë për zgjerim horizontesh dhe ide të reja. Mund të jetë e favorshme për studime, udhëtime ose projekte afatgjata. Në marrëdhënie, kërkohet më shumë vëmendje ndaj nevojave të tjetrit.

Bricjapi – Fokusi është te përgjegjësitë dhe angazhimet serioze. Puna kërkon disiplinë, por mund të sjellë rezultate të qëndrueshme. Në jetën personale, përpiquni të ndani kohë për pushim dhe reflektim.

Ujori – Dita favorizon bashkëpunimin dhe idetë inovative. Mund të përfshiheni në projekte që kërkojnë mendim origjinal. Në aspektin sentimental, dialogu i hapur ndihmon në forcimin e marrëdhënieve.

Peshqit – Ndjeshmëria dhe intuita janë të theksuara. Është një ditë e përshtatshme për çështje krijuese dhe reflektim personal. Në marrëdhënie, tregoni kujdes për të shmangur keqkuptimet dhe për të ruajtur qetësinë emocionale.

Sinjali – aty ku e vërteta flet para lajmit!

/GazetaSinjali/

The post Horoskopi, zbuloni parashikimin e yjeve për shenjën tuaj appeared first on Sinjali.

Gjykata Themelore në Prishtinë ka caktuar datën 16 shkurt 2026 për seancën e radhës në gjykimin për shpërthimin në kanalin e Ibër-Lepencit në Varagë të Zubin-Potokut.

Këtë e ka konfirmuar zëdhënësja e gjykatës, Mirlinda Gashi.

Për këtë sulm akuzohen vëllezërit Dragisha e Jovan Viqentijeviq dhe Igor Dimoviq. Në seancën fillestare më 24 dhjetor 2025, mbrojtësi i Jovan Viqentijeviq, avokati Nebojsha Vllajiq, kishte kërkuar përjashtimin e prokurorit Kodraliu, kërkesë që u mbështet edhe nga mbrojtësit e të akuzuarve të tjerë, duke çuar në ndërprerjen e seancës.

Prokuroria Speciale e Kosovës ngriti aktakuzë më 9 dhjetor 2025 ndaj tre të akuzuarve për sulmin e 29 nëntorit 2024 në kanalin e Ibër-Lepencit në Varagë të Zubin-Potokut.

Sipas aktakuzës, më 29 nëntor 2024, në fshatin Varagë, Komuna e Zubin Potokut, të pandehurit J.V. dhe D.V., së bashku me disa persona të tjerë ende të panjohur, kanë vendosur rreth 20 kilogramë trinitrotoluene (TNT) brenda kanalit “Ibër Lepenc”. Ata e aktivizuan lëndën shpërthyese përmes një çante të lidhur me një shtyllë betoni, duke dëmtuar rëndë strukturën e kanalit, ndërprerë furnizimin me ujë të pijshëm, rrezikuar prodhimin e energjisë elektrike dhe shkaktuar dëm në vlerë prej 376,774.70 eurosh ndërmarrjes “Ibër Lepenc”.

Aktakuzat gjithashtu përfshijnë veprat penale të armëmbajtjes pa leje për tre të pandehurit dhe veprën penale të spiunazhit për J.V., i cili dyshohet se ka vepruar në favor të Shërbimit Informativ Ushtarak të Serbisë, duke mbledhur dokumente dhe informacione të klasifikuara për qëllime të kundërligjshme në territorin e Kosovës.

Sinjali – aty ku e vërteta flet para lajmit!

/GazetaSinjali/

The post Gjykimi për sulmin terrorist në Ibër-Lepenc vazhdon më 16 shkurt appeared first on Sinjali.

Ushtria amerikane thotë se ka goditur një barkë tjetër në pjesën lindore të Oqeanit Paqësor për të cilën pretendon se ishte duke transportuar drogë, duke vrarë dy njerëz të enjten.

Komanda Jugore e ushtrisë amerikane tha se barka po operohej nga grupe që janë në listën e organizatave terroriste dhe po lundronte në rrugë të njohura të narko-trafikimit, raporton televizioni BBC.

Sipas një deklarate të Komandës Jugore në rrjetin X, asnjë pjesëtar i forcave ushtarake amerikane nuk është lënduar gjatë operacionit.

Sulmi i së enjtes është i dyti i këtij lloji në vitin 2026. Ritmi i sulmeve është ulur dukshëm që nga fillimi i janarit, kur forcat amerikane e kapën presidentin venezuelas, Nicolas Maduro, i cili akuzohet nga administrata e Trumpit se kishte punuar me grupe që merren me trafikimin e drogës.

Të paktë 36 sulme të tilla u kryen brenda një periudhe 4-mujore në pjesën e fundit të vitit të kaluar. Sekretari i Mbrojtjes, Pete Hegseth, ka thënë se qëllimi i këtyre sulmeve është që të largohen “narko-terroristët nga hemisfera jonë” dhe që Shtetet e Bashkuara të mbrohen nga “droga që po i vret njerëzit tanë”.

Megjithatë, disa ekspertë ligjorë kanë thënë se këto sulme mund të jenë të paligjshme dhe mund ta shkelin të drejtën ndërkombëtare për shkak të shënjestrimit të civilëve, pa ua ofruar paraprakisht të dyshuarve procesin e duhur të gjykimit.

Sinjali – aty ku e vërteta flet para lajmit!

/GazetaSinjali/

The post Forcat amerikane godasin një barkë të dyshimtë me drogë, vriten dy persona appeared first on Sinjali.

Agjencia e Statistikave të Kosovës (ASK) ka publikuar Statistikat e Hotelerisë për muajin dhjetor 2025, sipas të cilave është shënuar rritje e numrit të vizitorëve në hotele krahasuar me të njëjtën periudhë të vitit paraprak.

Sipas ASK-së, gjatë dhjetorit 2025 në hotelet e Kosovës janë regjistruar gjithsej 68 mijë e 293 vizitorë, prej të cilëve 27 mijë e 776 ishin vizitorë vendorë, ndërsa 40 mijë e 517 vizitorë ishin të huaj.

Krahasuar me dhjetorin e vitit 2024, kur ishin regjistruar 64 mijë e 380 vizitorë, numri i përgjithshëm i vizitorëve është rritur për 6.1 për qind.

Numri i përgjithshëm i net-qëndrimeve ishte 132 mijë e 148, prej të cilave 71 mijë e 624 net-qëndrime (54.2 për qind) u realizuan nga vizitorët e huaj, ndërsa 60 mijë e 524 net-qëndrime (45.8 për qind) nga vizitorët vendorë.

Sa i përket vizitorëve të brendshëm, rajoni i Pejës prin me numrin më të madh të vizitorëve, gjithsej 9 mijë e 655, si dhe me 26 mijë e 550 net-qëndrime. Rritje e theksuar e vizitorëve vendorë është shënuar edhe në rajonin e Prishtinës dhe Prizrenit, ndërsa rënie është vërejtur në disa rajone të tjera.

Ndërkohë, numri i vizitorëve të huaj ka shënuar rritje prej 2.5 për qind krahasuar me dhjetorin e vitit 2024. Në total, gjatë dhjetorit 2025, Kosova është vizituar nga 40 mijë e 517 turistë të huaj, ku numri më i madh i tyre ishte nga Shqipëria, Gjermania, Zvicra dhe Turqia.

Sinjali – aty ku e vërteta flet para lajmit!

/GazetaSinjali/

The post Mbi 40 mijë të huaj vizituan Kosovën në fundvit appeared first on Sinjali.

Presidenti i SHBA-së, Donald Trump, ka thënë se mund të vendosë tarifa shtesë ndaj vendeve që vazhdojnë të bëjnë tregti me Iranin, përmes një urdhri ekzekutiv të nënshkruar të premten.

Urdhri nuk e specifikon përqindjen që mund të vendoset, por përdor si shembull 25% dhe thotë se do të zbatohet për mallrat e importuara në SHBA nga çdo shtet që “drejtpërdrejt ose tërthorazi blen, importon ose përndryshe siguron mallra apo shërbime nga Irani”, raporton BBC, transmeton Sinjali.

Trump nuk ka komentuar drejtpërdrejt për urdhrin, por ka përsëritur se Irani nuk duhet të ketë armë bërthamore, gjatë një deklarimi nga avioni presidencial Air Force One të premten në mbrëmje.

Kjo ndodh në kohën kur vazhdojnë bisedimet mes zyrtarëve të lartë amerikanë dhe iranianë në Oman, pas disa javësh kërcënimesh nga të dyja palët. Trump kishte kërcënuar më herët këtë vit me një tarifë 25% për vendet që bëjnë biznes me Iranin, përmes një postimi në Truth Social.

Më 12 janar ai kishte shkruar: “Me efekt të menjëhershëm, çdo vend që bën biznes me Republikën Islamike të Iranit do të paguajë një tarifë prej 25% për çdo biznes që zhvillon me Shtetet e Bashkuara të Amerikës.”

Në atë kohë nuk u dhanë detaje të tjera se si do të funksiononin këto tarifa në praktikë.

Shtëpia e Bardhë tha se ky urdhër i fundit ekzekutiv rikonfirmon “gjendjen e vazhdueshme të emergjencës kombëtare në lidhje me Iranin”, duke theksuar se presidenti mund ta ndryshojë atë nëse rrethanat ndryshojnë.

Në deklaratë thuhet: “Presidenti po e mban Iranin përgjegjës për përpjekjet e tij për kapacitete bërthamore, mbështetjen për terrorizmin, zhvillimin e raketave balistike dhe destabilizimin rajonal që rrezikon sigurinë, aleatët dhe interesat amerikane.”

Sinjali – aty ku e vërteta flet para lajmit!

/GazetaSinjali/

The post Trump nënshkruan urdhër ekzekutiv që kërcënon me tarifa vendet që tregtojnë me Iranin appeared first on Sinjali.

Një juri federale në Phoenix urdhëroi të enjten që Uber të paguajë 8.5 milionë dollarë, pasi e gjeti kompaninë përgjegjëse në një padi të ngritur nga një grua që tha se ishte sulmuar seksualisht nga një shofer. Vendimi mund të ndikojë në mijëra raste të ngjashme kundër kompanisë së transportit me aplikacion.

Rasti, i ngritur nga paditësja Jaylynn Dean, ishte gjyqi i parë nga më shumë se 3,000 padi të ngjashme kundër Uber-it që janë bashkuar në gjykatën federale amerikane. Të ashtuquajturat gjyqe “bellwether” përdoren për të testuar teoritë ligjore dhe për të vlerësuar vlerën e kërkesave për zgjidhje të mundshme. Juria konstatoi se shoferi ishte përfaqësues i Uber-it, duke e mbajtur kompaninë përgjegjëse për veprimet e tij, raporton theguardian, transmeton SInjali.

Ata i dhanë Dean-it 8.5 milionë dollarë dëmshpërblim kompensues, por refuzuan të japin dëmshpërblim ndëshkues. Avokatët e Dean-it kishin kërkuar më shumë se 140 milionë dollarë dëmshpërblim.

Në një deklaratë, një zëdhënës i Uber-it theksoi se juria hodhi poshtë pretendimet e tjera të Dean-it, se kompania kishte qenë neglizhente apo se sistemet e saj të sigurisë ishin me defekte, duke shtuar se kompania planifikon të apelojë. “Ky vendim konfirmon se Uber ka vepruar me përgjegjësi dhe ka investuar në mënyrë domethënëse në sigurinë e pasagjerëve”, tha zëdhënësi.

Sarah London, avokate e Dean-it, tha se vendimi “vërteton mijëra të mbijetuar që kanë dalë përpara, me rrezik të madh personal, për të kërkuar përgjegjësi nga Uber për përqendrimin e tij te fitimi mbi sigurinë e pasagjerëve”. Nëse vendimi mbetet në fuqi pas apelit, ai do të përdoret si precedent në procese të tjera gjyqësore kundër Uber-it, tha avokati për dëme personale John Carpenter nga firma Carpenter & Zuckerman, i cili nuk është i përfshirë në proceset kundër Uber-it. Carpenter tha se, megjithëse çdo rast i sulmit seksual vlerësohet sipas rrethanave të veta, vendimi prej 8.5 milionë dollarësh mund të përdoret si pikë reference për raste të tjera të ngjashme.

Dean, banore e Oklahomës, paditi Uber-in në vitin 2023, një muaj pas sulmit të pretenduar në Arizona. Ajo tha se Uber ishte në dijeni për një valë sulmesh seksuale të kryera nga shoferët e tij, por kishte dështuar të ndërmerrte masa bazike për të përmirësuar sigurinë e pasagjerëve. Pretendime të tilla e kanë ndjekur prej kohësh kompaninë, duke tërhequr vëmendjen e mediave dhe shqyrtimin e Kongresit.

Alexandra Walsh, një tjetër avokate e Dean-it, tha gjatë fjalës përmbyllëse në gjyq se Uber e kishte promovuar veten si një opsion të sigurt për gratë që udhëtojnë natën, veçanërisht nëse kishin konsumuar alkool.

“Gratë e dinë se bota është e rrezikshme. Ne e dimë për rrezikun e sulmit seksual”, tha Walsh. “Ata na bënë të besonim se ky ishte një vend i sigurt nga kjo.”

Uber, i cili është përballur me polemika të shumta për sigurinë, përfshirë akuza për verifikim të dobët të shoferëve dhe një kulturë që kritikët thonë se i ka dhënë përparësi rritjes ndaj mbrojtjes së pasagjerëve, ka argumentuar se nuk duhet të mbahet përgjegjës për veprimet kriminale të shoferëve që përdorin platformën e tij, duke thënë se kontrollet e së kaluarës dhe publikimet për sulmet janë të mjaftueshme.

Kompania këmbëngul se shoferët janë kontraktorë të pavarur dhe jo punonjës, dhe se, pavarësisht klasifikimit të tyre, ajo nuk mund të mbahet përgjegjëse për veprime që bien jashtë asaj që mund të konsiderohet në mënyrë të arsyeshme si pjesë e detyrave të tyre.

“Ai nuk kishte histori kriminale. Asnjë,” tha gjatë fjalës përmbyllëse Kim Bueno, avokate e Uber-it, duke folur për shoferin dhe duke theksuar se ai kishte 10,000 udhëtime në aplikacion dhe një vlerësim pothuajse të përsosur nga pasagjerët. “A ishte kjo e parashikueshme për Uber-in? Dhe përgjigjja duhet të jetë jo.”

Sipas padisë së Dean-it, ajo ishte në gjendje të dehur kur kërkoi një shofer Uber për ta dërguar nga shtëpia e të dashurit në hotel. Shoferi i bëri pyetje ngacmuese gjatë udhëtimit, para se të ndalte makinën dhe ta përdhunonte, sipas pretendimeve në padi.

Gjykatësi federal Charles Breyer, i cili zakonisht ushtron detyrën në San Francisko, mbikëqyri rastin e Dean-it në Phoenix. Breyer po menaxhon të gjitha rastet e ngjashme federale kundër Uber-it, të cilat janë përqendruar në gjykatën e tij në San Francisko. Kompania përballet gjithashtu me më shumë se 500 raste në gjykatat shtetërore të Kalifornisë. Në të vetmin prej këtyre rasteve që ka shkuar deri në gjyq deri më tani, një juri në shtator vendosi në favor të Uber-it, duke gjetur se, megjithëse kompania kishte qenë neglizhente me masat e sigurisë, kjo neglizhencë nuk ishte një faktor thelbësor në shkaktimin e dëmit ndaj gruas.

Kompania rivale Lyft po përballet me padi të ngjashme si në gjykatat shtetërore ashtu edhe në ato federale, megjithëse nuk ka një proces të koordinuar federal për këto pretendime.

Sinjali – aty ku e vërteta flet para lajmit!

/GazetaSinjali/

The post Uber shpallet përgjegjës për sulmin seksual nga një shofer dhe urdhërohet t’i paguajë viktimës 8.5 milionë dollarë appeared first on Sinjali.

Dy shtetas britanikë nga qyteti i Jorkut janë dënuar me burgim të përjetshëm, duke u urdhëruar të kalojnë të paktën 29 vjet në burg për një grabitje të dhunshme që përfundoi me vrasjen e 26-vjeçarit shqiptar, Indrit Mustafaj, raporton TopChannel.

Michael Mulvana, 32 vjeç, dhe Jobie Tyers, 28 vjeç, u shpallën fajtorë për sulmin në një apartament, ku u plagos rëndë edhe një grua. Gjatë incidentit, Mustafaj humbi jetën si pasojë e dhunës së ushtruar nga autorët.

Gjykata e cilësoi rastin si jashtëzakonisht të rëndë, duke vendosur dënimin maksimal për të pandehurit.

Sinjali – aty ku e vërteta flet para lajmit!

/GazetaSinjali/

The post Burgim i përjetshëm për dy anglezë për vrasjen e shqiptarit Indrit Mustafaj appeared first on Sinjali.

Sot parashikohet mot me vranësira dhe intervale kthjellimesh. Herë pas here priten reshje lokale shiu, të cilat në momente të caktuara mund të paraqiten në formë rrebeshi, duke filluar nga orët e para të 24-orëshit deri në pjesën e parë të ditës.

Pasdite priten intervale më të gjata me diell, megjithatë në ndonjë rajon mund të ketë reshje të izoluara.

Era do të fryjë nga drejtimi i perëndimit dhe jugperëndimit, e cila herë pas here pritet të jetë mjaft e fuqishme, respektivisht në zonën jugore dhe jugperëndimore, me shpejtësi prej 10-52 km/h.

Temperaturat do të shënojnë ngritje, me minimale që do të luhaten prej 4 deri në 7°C dhe ato maksimale prej 11 deri në 16°C. 

Sinjali – aty ku e vërteta flet para lajmit!

/GazetaSinjali/

The post Moti sot me vranësira, priten edhe reshje shiu appeared first on Sinjali.

Bitcoin po sillet çuditshëm. Kriptomonedha më e famshme në botë ka rënë 44 për qind që nga muaji tetor, duke shënuar për herë të parë në 15 muaj një nivel nën 70 mijë dollarë të enjten.

Megjithatë, kjo rënie nuk është aspak e pazakonshme. Kriptovalutat njihen për luhatshmërinë e tyre të lartë dhe kanë kaluar më parë nëpër ulje edhe më të mëdha se kjo.

Çfarë është vërtet e çuditshme është se rënia katërmujore e Bitcoin ka ndodhur në një kohë kur, në teori, tregu kishte gjithçka për vete. Për një kohë të gjatë, mbështetësit e kriptovalutave kanë sugjeruar që investitorët ta trajtojnë Bitcoin si “ari digjital”, një investim strehë ku mund të ruajnë fondet në periudha të pasigurta.

Pra, logjikisht, kjo do të ishte një kohë kur një strehë e sigurt pritej të rritej, por duket se realiteti po tregon të kundërtën, shkruan cnn.

Politika ndërkombëtare është bërë më e nxehtë këtë vit. Presidenti amerikan, Donald Trump, ka lëshuar kërcënime serioze kundër Iranit, duke ngritur mundësinë e ndërhyrjes ushtarake, ndërkohë që Shtetet e Bashkuara kanë nisur një operacion ushtarak kundër udhëheqësit të Venezuelës, Nicolás Maduro. Këto veprime kanë shtuar tensionet në tregjet globale dhe në marrëdhëniet ndërkombëtare.

Trump ka pasur gjithashtu përplasje me aleatët kryesorë në Evropë dhe Kanada për çështjen e Grenlandës — duke sugjeruar madje edhe përdorimin e tarifave tregtare si mjet presioni për të ndikuar në fatin e këtij territori arktik. Kjo ka shkaktuar reagime të forta diplomatike dhe ka rritur pasigurinë rreth raporteve transatlantike.

Po ashtu, presidenti ka kërcënuar vende si Koreja e Jugut me tarifa më të larta tregtare në përpjekje për të negociuar marrëveshje më të favorshme për Shtetet e Bashkuara — një qasje që ka shtuar tensionet edhe në Azinë lindore.

Por Bitcoin nuk po ndjek të njëjtin trend si arin apo asetet e tjera të sigurta. Ai ka humbur rreth 20 për qind që nga fillimi i vitit, pavarësisht pasigurisë globale dhe tensioneve gjeopolitike. Sipas Michael Burry — i njohur si njeriu pas filmit “The Big Short” — luhatshmëria ekstreme e arit dhe argjendit kohët e fundit mund të shpjegohet nga mbështetësit e Bitcoin, të cilët po shesin metalet për të kompensuar humbjet e tyre në kriptovaluta, transmeton Telegrafi.

Dështimi i Bitcoin ka shënuar humbjen e asaj që disa e quajnë “boosti i Trump”. Investitorët e kriptomonedhave u gëzuan pas fitores së Donald Trumpit në nëntor 2024, duke çuar Bitcoin dhe monedhat e tjera në rritje, pasi presidenti amerikan përqafoi asetet digjitale që më parë i shmangte dhe premtoi të heqë disa rregullore që sipas tij pengonin zhvillimin e kriptovalutave.

Bitcoin stabilizohet telegrafi.com

Megjithatë, realiteti aktual tregon se kjo rritje ishte e brishtë. Pas rënieve të fundit, shumë investitorë po përballen me dyshimet kryesore: a është Bitcoin me të vërtetë një “ari digjital” — një investim strehë që mund të ruajë vlerën në periudha pasigurie?

Ja një version i rrjedhshëm dhe i integruar i tekstit tuaj të fundit, i përpunuar për të krijuar një narrativë të qëndrueshme:

Ky dimër i ri i kriptovalutave duket se ka sjellë një provë të ashpër për nocionin e Bitcoin si “ari digjital”, duke nxjerrë në pah tensionet midis pritshmërive të mbështetësve dhe realitetit të tregut.

Bitcoin është përfshirë nga sentimenti i “mos marrjes së rrezikut” që po përhapet në treg. Në vend që të ofrojë një mundësi blerjeje, investitorët po e shohin këtë frikë si arsye për të shitur. Divergjenca e vazhdueshme midis arit — i cili ka shënuar një rritje prej 24 për qind që nga tetori — dhe Bitcoinit, i cili ka rënë 44 për qind, vetëm ka forcuar këtë sentiment.

Situata u komplikuar më tej nga Sekretari i Thesarit, Scott Bessent, i cili gjatë dëshmisë së tij të mërkurën para Komitetit të Shërbimeve Financiare të Dhomës së Përfaqësuesve theksoi se Thesari nuk ka autoritet për të stabilizuar tregjet e kriptomonedhave.

Megjithatë, ka arsye për optimizëm. Kjo rënie nuk është një fenomen i ri — tregu i Bitcoin ka kaluar më parë periudha të ngjashme.

Në 2014, çmimet e kriptovalutave ranë pas sulmit ndaj këmbimit Mt. Gox. Kriza më e madhe erdhi në 2018, kur Bitcoin humbi 74 për qind të vlerës së tij, duke u nxitur nga frika se shpërthimi i ofertave fillestare të monedhave (ICO) ishte i tepruar. Kriptovalutat pësojnë rënie të njëpasnjëshme edhe në 2021 dhe 2022, pas presionit rregullator dhe skandalit të FTX, që shkatërroi besimin në treg.

Megjithatë, çdo herë Bitcoin është rikuperuar plotësisht brenda një viti e gjysmë, duke treguar rezistencën e tij afatgjatë dhe aftësinë për t’u rikthyer pas krizave të mëdha. /Telegrafi/