TIRANË, 26 dhjetor /ATSH/ Në qytetin e Elbasanit u përurua tregu i ri i fruta-perimeve në rajonin nr. 1, një investim që synon rritjen e cilësisë së shërbimit, garantimin e sigurisë ushqimore dhe përmirësimin e pamjes urbane, në shërbim të qytetarëve dhe fermerëve.

Në ceremoninë e hapjes ishte i pranishëm ministri i Bujqësisë dhe Zhvillimit Rural, Andi Salla, i cili theksoi se ky investim u krijon rreth 35 tregtarëve kushte bashkëkohore pune, me ambiente moderne dhe funksionale, në përputhje me standardet e tregtimit të produkteve ushqimore.

Sipas ministrit, tregu i ri është një hapësirë e mbyllur plotësisht me struktura xhami, e pajisur me ndriçim efikas dhe me kushte optimale për ruajtjen, ekspozimin dhe shitjen e fruta-perimeve, duke garantuar cilësi dhe siguri më të lartë për konsumatorët.

Ministri nënvizoi se zgjerimi dhe modernizimi i tregjeve të shitjes për fermerët përbën një nga shtyllat kryesore të programit të Ministrisë së Bujqësisë dhe Zhvillimit Rural për investime në infrastrukturën bujqësore. Sipas tij, këto tregje krijojnë një lidhje më të drejtpërdrejtë mes prodhuesit dhe konsumatorit, rrisin shitjet dhe të ardhurat për familjet fermere, si dhe kontribuojnë në zhvillimin e ekonomisë lokale.

Hapja e tregut të ri të fruta perimeve në Elbasan vlerësohet si një hap i rëndësishëm drejt formalizimit të tregtimit të produkteve bujqësore dhe përmirësimit të kushteve të punës për tregtarët, duke sjellë njëkohësisht përfitime të drejtpërdrejta për qytetarët dhe komunitetin.

1 nga 6

e.xh/j.p/

The post 35 tregtarë, ambiente funksionale në tregun e ri të fruta-perimeve në Elbasan appeared first on Agjencia Telegrafike Shqiptare.

TIRANË, 24 dhjetor/ATSH/ Ministri i Bujqësisë dhe Zhvillimit Rural, Andis Salla bëri të ditur se me aktin normativ të fundvitit mbështetja për fermerët përmes Skemës Kombëtare 2025 arrin në 6,4 miliardë lekë, duke shënuar një rritje prej 20,8% krahasuar me një vit më parë.

Me këtë akt normativ janë alokuar 2 miliardë lekë shtesë për Skemën Kombëtare, drejtpërdrejt në shërbim të fermerëve.

Sipas Ministrit Salla, kjo mbështetje e shtuar synon uljen e kostove të prodhimit dhe garantimin e vijimësisë së prodhimeve bujqësore dhe blegtorale “Made in Albania”.

Ai theksoi se Skema Kombëtare mbetet një nga instrumentet kryesore të qeverisë për forcimin e prodhimit vendas dhe për mbështetjen konkrete të ekonomisë rurale.

Ministri Salla informoi se deri tani 65 mijë fermerë kanë përfituar nga Skema Kombëtare, ndërsa 49 800 prej tyre janë mbështetur me naftë në masën 100%.

Sipas tij, Akti Normativ garanton pagesën e plotë për çdo fermer të kualifikuar brenda vitit buxhetor, duke siguruar korrektësi dhe transparencë në zbatimin e skemës.

1 nga 2

/a.f/

The post 6,4 miliardë lekë për fermerët përmes Skemës Kombëtare 2025 appeared first on Agjencia Telegrafike Shqiptare.

Ministri i Bujqësisë dhe Zhvillimit Rural, Andis Salla prezantoi sot vizionin dhe hapat konkretë të transformimit të sektorit bujqësor dhe rural në kuadër të procesit të integrimit europian, duke theksuar se anëtarësimi i Shqipërisë në Bashkimin Europian është një proces që kërkon përgatitje, angazhim dhe bashkëpunim të të gjithë aktorëve të zinxhirit bujqësor.

Ministri Salla u ndal te çelja zyrtare e Grupit të Kapitullit 5 në Konferencën e 7-të Ndërqeveritare më 17 nëntor, ku përfshihen Kapitujt 11, 12 dhe 13, që mbulohen nga Ministria e Bujqësisë dhe Zhvillimit Rural. Ai theksoi se këta kapituj janë ndër më dinamikët dhe kërkojnë jo vetëm përafrim të legjislacionit dhe zbatim të standardeve, por edhe transformim të thellë dhe modernizim të sektorit.

Sot jemi këtu për të nisur një dialog mbi rrugëtimin e sektorit bujqësor dhe rural drejt destinacionit tonë të përbashkët në familjen e madhe evropiane. Në Konferencën e 7-të Ndërqeveritare, më 17 Nëntor, u çel zyrtarisht Grupi i Kapitullit 5 ku përfshihen edhe tre kapitujt që mbulon MBZHR.  Kapitujt 11, 12, 13, janë dinamikë që kërkojnë angazhim si në përafrimin e legjislacionit dhe zbatimin e standarteve, por kërkojnë edhe një transformim dhe modernizim të sektorit.  Kjo arrihet me punën që do të bëjë Qeveria por kërkon pjesëmarrjen dhe angazhimin e gjithësecilit prej jush.  Anëtarësimi i vendit në Bashkimin Europian sjell përfitime për fermerët, operatorët e biznesit, konsumatorët dhe ekonominë e vendit.

Nga ana tjetër sjell, gjithashtu, detyrime…

Pra, përfitimi nuk vjen automatikisht, vjen kur të gjithë aktorët janë të përgatitur me investim, dokumentim dhe cilësi në çdo hallkë të zinxhirit.

Në Kapitullin 11, përmes Politikës së Përbashkët Bujqësore, fermeri vendoset në qendër.

Qëllimi është i qartë: një bujqësi më konkurruese, më e qëndrueshme, me më shumë siguri ushqimore, më shumë kujdes për mjedisin dhe ndryshimet klimatike.

Për t’i arritur këto, BE parashikon mbështetje financiare konkrete: pagesa direkte, grante për investime dhe masa për të forcuar tregun.

Por kjo mbështetje ka kushtëzime…

Për të përfituar, duhet të zbatohen praktikat e mira bujqësore dhe mjedisore dhe të respektohen kërkesat për menaxhimin e fermës dhe të aktivitetit të saj.

Ne synojmë që nga fondet europiane të përfitojnë rreth 150 mijë fermerë.

Pikërisht për këtë, në dy vitet e ardhshme:

–          Do të përditësojmë regjistrin e fermës dhe regjistrin e blegtorisë;

–          Dhe do të ngremë sistemin e identifikimit të parcelave të tokës, pilotimi i të cilit ka nisur.

Gjithashtu, duke nisur që nga viti i ardhshëm, NE do të përshtasim në mënyrë graduale skemën kombëtare me skemat që aplikohen në vendet e BE-së.

Një sfidë tjetër e rëndësishme për prodhuesit tanë është edhe përmbushja e standardeve të cilësisë dhe të tregtimit të produkteve.

Për këtë arsye, MBZHR po përgatit paketën ligjore dhe do të nisë një proces komunikimi dhe trajnimi me prodhuesit dhe operatorët e tregut.

Dhe në fund, një element që bën diferencën: organizimi i fermerëve në grupe prodhuesish.

Kjo na ndihmon të kapërcejmë problemin e ekonomisë së shkallës dhe, njëkohësisht, është mënyra më efektive për të përthithur fondet europiane në masa të caktuara mbështetjeje.

Në Kapitullin 12, siguria ushqimore bëhet standard pune në të gjithë zinxhirin. Ne jemi të angazhuar për të arritur zbatim të plotë të legjislacionit të BE-së.

Përtej përafrimit ligjor, detyrimi është zbatimi real i këtyre akteve në terren për të arritur standardet nga fermerët tek stabilimentet dhe operatorët e biznesit ushqimor.

Të gjithë bizneset duhet të arrijnë të njëjtat standarde me ato të BE-së. Kjo shoqërohet me kosto por njëkohësisht dhe mundësinë për të tregtuar në tregun e përbashkët.

Ndërveprimi i ngushtë mes institucioneve publike dhe operatorëve është elementi kyç, për efekt të kontrollit zyrtar, por sidomos për ndërtimin e standardeve dhe zbatimin në praktikë.

Në Kapitullin 13, kërkesat janë shumë konkrete: digjitalizim, monitorim, raportim dhe kontroll.

Nga ana jonë, angazhimi është të forcojmë mbledhjen e të dhënave dhe raportimin elektronik me strukturat e BE-së.

Ne e dimë mirë që këto transformime nuk i përballon dot askush vetëm.

Kjo është arsyeja pse sot Ne lancojmë “EuroAgro Albania 2025-2030”, si një mekanizëm praktik që t’ju ndihmojë të përgatiteni hap pas hapi.

Platforma konkretisht do të sjellë:

• Një linjë të dedikuar asistence e quajtur “Numri Blu”
• Platformë digjitale informative dhe asistent virtual në Portalin e Fermerit
• Pika informuese, materiale udhëzuese dhe trajnime

Në të njëjtën kohë, platforma do të shtrihet përmes bashkive, shërbimeve të ekstensionit, dhomave të tregtisë dhe shoqatave profesionale, që informacioni të mbërrijë shpejt dhe i plotë tek të gjithë.

Në mbyllje, ju ftojmë të bëheni pjesë aktive e këtij procesi, të kërkoni orientim, të përdorni mjetet që po vendosim në dispozicion dhe të nisim përgatitjen që sot.

Nga ana jonë, ne do të sigurojmë kushtet dhe mbështetjen e nevojshme për pjesëmarrje.

Nëse bëhemi bashkë në këtë rrugëtim, Bujqësia 2030 do të kthehet në një standard pune dhe treg i ri mundësish.

Faleminderit!

TIRANË, 22 dhjetor /ATSH/  Ministri i Bujqësisë dhe Zhvillimit Rural, Andis Salla prezantoi sot vizionin dhe hapat konkretë të transformimit të sektorit bujqësor dhe rural në kuadër të procesit të integrimit europian, duke theksuar se anëtarësimi i Shqipërisë në Bashkimin Europian është një proces që kërkon përgatitje, angazhim dhe bashkëpunim të të gjithë aktorëve të zinxhirit bujqësor.

Në takimin e organizuar sot me fermerë, Salla u ndal te çelja zyrtare e Grupit të Kapitullit 5 në Konferencën e 7-të Ndërqeveritare më 17 nëntor, ku përfshihen Kapitujt 11, 12 dhe 13, që mbulohen nga Ministria e Bujqësisë dhe Zhvillimit Rural. Ai theksoi se këta kapituj janë ndër më dinamikët dhe kërkojnë jo vetëm përafrim të legjislacionit dhe zbatim të standardeve, por edhe transformim të thellë dhe modernizim të sektorit.

“Anëtarësimi në Bashkimin Europian sjell përfitime për fermerët, bizneset, konsumatorët dhe ekonominë e vendit, por përfitimi nuk vjen automatikisht. Ai vjen vetëm kur të gjithë aktorët janë të përgatitur, me investim, dokumentim dhe cilësi në çdo hallkë të zinxhirit”, u shpreh ai.

Në lidhje me Kapitullin 11 dhe Politikën e Përbashkët Bujqësore, ministri theksoi se fermeri vendoset në qendër të politikave mbështetëse, me synimin për një bujqësi më konkurruese, më të qëndrueshme dhe me më shumë siguri ushqimore. Ai bëri me dije se objektivi është që rreth 150 mijë fermerë të përfitojnë nga fondet europiane, duke nënvizuar se në dy vitet e ardhshme do të përditësohet regjistri i fermës dhe i blegtorisë, si dhe do të ngrihet sistemi i identifikimit të parcelave të tokës.

Salla theksoi gjithashtu rëndësinë e përmbushjes së standardeve të cilësisë dhe tregtimit, duke paralajmëruar një paketë ligjore, proces komunikimi dhe trajnime për prodhuesit dhe operatorët e tregut. Sipas tij, organizimi i fermerëve në grupe prodhuesish mbetet elementi kyç për të kapërcyer ekonominë e shkallës dhe për të përthithur në mënyrë efektive fondet europiane.

Në Kapitullin 12, fokusi është siguria ushqimore dhe zbatimi real i legjislacionit të BE-së në të gjithë zinxhirin, ndërsa Kapitulli 13 kërkon digjitalizim, monitorim, raportim dhe kontroll, me forcim të mbledhjes së të dhënave dhe raportimit elektronik me strukturat europiane.

Në këtë kuadër, ministri prezantoi platformën EuroAgro Albania 2025–2030, si një mekanizëm praktik për përgatitjen graduale të fermerëve dhe operatorëve drejt standardeve të Bashkimit Europian. Platforma parashikon një linjë të dedikuar asistence “Numri Blu”, një platformë digjitale informative me asistent virtual në Portalin e Fermerit, si dhe pika informuese, materiale udhëzuese dhe trajnime në terren, në bashkëpunim me bashkitë, shërbimet e ekstensionit dhe shoqatat profesionale.

“Nëse bëhemi bashkë në këtë rrugëtim, ‘Bujqësia 2030’ do të kthehet në një standard pune dhe në një treg të ri mundësish për bujqësinë shqiptare” u shpreh Salla. /e.xh/ /a.g/

The post EuroAgro Albania 2025-2030, platformë e re për asistencën e fermerëve appeared first on Agjencia Telegrafike Shqiptare.

TIRANË, 18 dhjetor /ATSH/ Tregu i ri i gjësë së gjallë dhe vajit të ullirit në Mallakastër është një mbështetje konkrete për fermerët e zonës për nxitjen e tregtimit të prodhimeve bujqësore.

Ministri i Bujqësisë dhe Zhvillimit Rural, Andis Salla, u shpreh se ky treg përfaqëson një hallkë të munguar deri dje dhe një hap të domosdoshëm sot për lidhjen e prodhimit vendas me konsumatorin, në kushte të përshtatshme tregtimi.

Sipas ministrit kjo qendër është një garanci për produktet “Made in Albania”, veçanërisht në prag të festave të fundvitit, duke ofruar mbështetje konkrete për fermerët dhe prodhuesit vendas.

Ai theksoi se iniciativa përçon një sinjal të qartë se me më shumë organizim, mekanizim dhe mbështetje institucionale, prodhimi shqiptar mund të rritet dhe të konkurrojë denjësisht në tregjet europiane.

Fermeri Xhavai Avdia, i angazhuar në rritjen e gjelit të detit, u shpreh se tregu i gjësë së gjallë përbën një ndihmë të madhe për fermerët, pasi siguron kushte dhe standarde të përshtatshme tregtimi.

Nga ana e tij, Ilir Sula, prodhues i vajit të ullirit dhe bimëve mjekësore, vlerësoi rëndësinë e tregut si për tregtimin vendas, ashtu edhe për nxitjen e eksporteve.

Ai theksoi se produktet shqiptare janë të preferuara në tregjet e huaja.

“Para dy vitesh eksportonim në Itali, ndërsa sot eksportojmë në Maqedoninë e Veriut. Nëse mekanizohemi më tej, mund të konkurrojmë në tregjet ndërkombëtare”, tha Sula, duke vlerësuar impaktin pozitiv të tregut të ri për zhvillimin e sektorit bujqësor. e.xh/j.p/

The post Salla: Tregu i ri në Mallakastër lidh prodhimin vendas me konsumatorin appeared first on Agjencia Telegrafike Shqiptare.

TIRANË, 17 dhjetor /ATSH/ Ministri i Bujqësisë dhe Zhvillimit Rural, Andis Salla, ndau sot historinë e Ilirian Trokës nga fshati Shalës, bashkia Cërrik, i cili prej rreth një viti i është përkushtuar blegtorisë, duke ngritur një fermë me 20 krerë lopë.

Ilirian Troka synon zgjerimin e fermës përmes kultivimit të foragjereve, jonxhës dhe drithërave, me qëllim mbulimin e nevojave ushqimore të tufës. Qumështi i prodhuar dorëzohet në baxho, duke kontribuar në forcimin e zinxhirit lokal të prodhimit bujqësor dhe blegtoral.

Ilirjani tregon se ka një vit e gjysmë që ka ngritur fermën e tij. Prodhimin e qumështit ai e tregton në baxhot grumbulluese, ndërsa punojnë familjarisht në kujdesin ndaj kafshëve.

“Synimi im është ta zgjeroj këtë fermë edhe me një tjetër për mbarështimin e të imtave”, tha ai.

Ministria e Bujqësisë dhe Zhvillimit Rural vijon të ketë në fokus hartimin dhe zbatimin e politikave në mbështetje të fermerëve dhe bujqësisë, përmes skemave të mbështetjes së investimeve dhe garancisë sovrane për kreditimin e bujqësisë me interes 2%. Këto masa synojnë të nxisin zhvillimin e mëtejshëm të sektorit, i cili angazhon mbi 45% të popullsisë aktive në vend.

/e.xh/r.e/j.p/

The post Fermeri në Cërrik, kontribut në zinxhirin lokal të prodhimit bujqësor dhe blegtoral appeared first on Agjencia Telegrafike Shqiptare.

TIRANË, 15 dhjetor/ATSH/ Kryeministri Edi Rama, nënvizoi sot se vitet e ardhshme duhet të jenë ato të krijimit të ndërmarrjeve të përbashkëta mes pushtetit vendor dhe fermerëve, të ndërmarrjeve që përpunojnë dhe atyre që sjellin më shumë të ardhura në fushën e bujqësisë.

Gjatë fjalës së tij, në aktivitetin e organizuar në Elbasan, ku të pranishëm ishin fermerë dhe sipërmarrës të shumtë, Rama tha se “kemi ikur nga koha kur pikat e grumbullimit numëroheshin me gishtat e dorës”.

“Kemi ikur nga koha kur bujqësia funksiononte me lëmosha elektorale, kemi ikur nga koha kur ata që punonin heroikisht dhe prodhonin dhe ndërtonin duke investuar pikën e fundit të djersës ishin komplet të braktisur. Sot, jemi në një kohë tjetër. Por, ndërkohë që ne kemi ecur, ajo bota atje ku ne duam të bëhemi pjesë ka fluturuar. Prandaj duhet të vëmë krahë dhe të fluturojmë duke qenë shumë më ambicioz, duke kërkuar shumë më tepër nga vetja dhe nga njëri-tjetri”, tha Rama.

“Juve, shumica dërrmuese çoheni pa u gdhirë i lini fëmijët në gjumë, dhe kur ktheheni i gjeni në gjumë. Kjo është ajo që ju ka sjellë deri këtu, po kjo nuk mjafton më. Duhet të ndërtojmë aleancat ku secili të bëjë pjesën e vet. Dhe duhet të bëjmë atë që është themelorja, që paraja të mos mungojë për projektet, për investimet, transformimet e nevojshme për fermat tuaja dhe kjo të vijë jo nga një drejtim, por nga të gjitha drejtim që përmenda”, tha Rama, ndërsa nënvizoi paratë që vijnë nga buxheti, nga fondet evropiane, nga linja e financimit të Bankës së Shqipërisë, nga Banka e Re e Zhvillimit dhe nga Agro Crediti.

Por, Rama tha se që të gjitha këto të ardhura të vijnë, duhet kapaciteti i duhur për t’i thithur.

“Unë dua që këto të jenë vitet e krijimit të ndërmarrjeve të përbashkëta mes pushtetit vendor dhe fermerëve, të ndërmarrjeve që përpunojnë dhe atyre që sjellin më shumë të ardhura për ju, jo për ne, jo për qeverinë, dhe as për bashkinë. Kapitali fillestar i një ndërmarrjeje të tillë, do të jetë fare modest, diçka nga ju, nga bashkia dhe gjithë pjesën tjetër e mbulojnë këto instrumente. Kjo që ju të punoni dhe të mendoni si të zhvilloheni, pa menduar si të shlyeni kredinë pa u detyruar të shisni shtëpinë”, tha Rama.

Kreu i ekzekutivit, tha se “kush e do tokën dhe kush di t’i përkëdhelë fidanët e asaj toke, bën sukses”.

Sipas Ramës, kjo vjen për shkak të pozicionit gjeografik që ka vendi ynë, për shkak të kushteve klimaterike, për shkak të shumë gjërave i ka dhënë Zoti apo natyra, mund të synohet cilësi më e lartë.

“Ne nuk konkurrojmë dot me sasi me botën, Evropën, as me disa nga vendet e rajonit, por ne për të gjitha kushtet që ka Shqipëria dhe për të gjitha arsyet e tjera, duhet ta fiksojmë në kokë që të konkurrojmë me cilësi dhe të shesim shtrenjtë në tregun jashtë. Pa gjithë këtyre viteve akumulim eksperience, dije, besimi është koha për të bërë një hop të madh cilësor edhe në këtë sektor”, theksoi Rama.

/e.i/

The post Rama: Krijim i ndërmarrjeve të përbashkëta mes pushtetit vendor dhe fermerëve appeared first on Agjencia Telegrafike Shqiptare.

TIRANË, 15 dhjetor/ATSH/ Ministri i Bujqësisë dhe Zhvillimit Rural, Andis Salla, bëri të ditur sot se deri në fund të vitit do të bëhet e mundur pagesa 100% e mbështetjes për fermerët nga skema kombëtare.

Gjatë një takimi në Elbasan me fermerë dhe sipërmarrës të sektorit, ku mori pjesë edhe Kryeministri Edi Rama, Salla theksoi se gjatë këtyre viteve, Qeveria ka punuar për zhvillimin e sektorit bujqësor dhe rural në Shqipëri.

“Qeveria rriti mbështetjen buxhetore dhe financoi mbi 65 mijë fermerë në gjithë vendin, si dhe financoi ferma, serra, stalla, agroturizëm dhe akuakulturë, rriti investimet në ujitje, kullim dhe mbrojtje nga përmbytjet”, tha ai.

Ministri Salla shtoi se për fermerët që deri më sot janë paguar deri në 50%, është parashikuar në aktin normativ shlyerja e pjesës së mbetur brenda këtij viti buxhetor, duke garantuar që çdo fermer të marrë mbështetjen e plotë që i takon.

Ai vuri në dukje se përveç pagesave direkte, një pjesë e rëndësishme e buxhetit shkon në skemën e investimeve.

“Në thirrjen e fundit u regjistruan mbi 800 aplikime, të cilat do të vazhdojnë të zbatohen edhe në vitin 2026, me një injektim prej së paku 2 miliard lekësh në sektor”, u shpreh Salla.

Ministri vuri në dukje se përveç skemave të mbështetjes dhe granteve, ekzistojnë edhe instrumente financiare për investime më të mëdha, përfshirë Garancinë Sovrane.

“Qeveria shqiptare mbështet fermerët dhe agrobizneset duke u mundësuar marrjen e kredive me mbulim deri në 70% të kolateralit dhe me interes 2%. Kërkesa për akses në financa ka qenë e lartë, dhe deri tani rreth 300 fermerë kanë nisur procesin e aplikimit në banka, ndërsa një pjesë e mirë tashmë ka përfituar kredinë”, u shreh Salla.

Sipas tij, qeveria ka vendosur fokus edhe te fermeri dhe pensioni rural.

“Pensionet do të rriten nga 11,500 lekë sot, në 18,000 lekë deri në vitin 2030. Nga janari i vitit 2026, pensionet do të rriten çdo muaj, pa llogaritur indeksimin vjetor që do të vijojë normalisht vit pas viti”, tha ai. /j.p/

The post Pagesa 100% për fermerët nga Skema kombëtare, deri në fund të vitit appeared first on Agjencia Telegrafike Shqiptare.

TIRANË, 14 dhjetor/ATSH/ Ministri i Bujqësisë dhe Zhvillimit Rural, Andis Salla solli sot në rrjete sociale shembullin e suksesshëm të një të riu, që u kthye nga emigracioni në vendlindjen e tij për të ndërtuar një fermë moderne.

Fatjon Ukaj, 31 vjeç thotë se ka jetuar në shtete të ndryshme të Evropës, por nisur nga thirrja e Kryeministrit Rama për nismën “Paketa e Maleve”, vendosi të rikthehet në fshatin Selixë të Burrelit për t’iu përkushtuar blegtorisë, me synimin që së shpejti të ndërtojë edhe disa bujtina druri.

I riu ka ndërtuar një fermë moderne me rreth 480 dhi autoktone të Hasit dhe synon zgjerimin e tufës deri në 1 000 krerë, si dhe mbylljen e plotë të ciklit të prodhimit, duke besuar te potenciali i zonës malore dhe i vendlindjes së tij.

“Si fillim, gjithçka u nis para katër vitesh nga familja, duke u thyer te pronat e vjetra dhe për të investuar. Jemi marrë brez pas brezi me blegtori dhe synimi jonë është që të arrijmë në 1000 krerë bagëti, ndërsa prodhimin e qumshtit e bëjmë djathë në baxhon tonë”, tha Ukaj.

“Shumicën e viteve kam emigruar në shtete të ndryshme të Evropës, dhe pas kthimit në vendin tonë duke dëgjuar se për të investuar në fshatra në shtëpitë e vjetra vendosëm të kthehemi të dhe të investojmë te ferma jonë”, tha ai.

1 nga 7

/e.i/a.f/

The post Paketa e Maleve, i riu kthehet nga emigrimi dhe investon në fermë e bujtina druri appeared first on Agjencia Telegrafike Shqiptare.

.

TIRANË, 13 dhjetor /ATSH/ Investimet në bujqësi po japin rezultate konkrete, duke rritur të ardhurat e fermerëve dhe duke nxitur përdorimin e modeleve të reja prodhimi.

Një shembull i tillë është Miklovan Petro nga Lushnja, i cili pas 13 vitesh përvojë në vreshtari ka nisur kultivimin e varietetit të rrushit “Red Globe” në një serë prej 4,3 dynymësh. Investimi u realizua me mbështetje 50% nga Skema Kombëtare e Investimeve, duke mundësuar kalimin në një model prodhimi më modern, që garanton rendimente më të larta dhe dalje më të hershme në treg.

Për ministrin e Bujqësisë dhe Zhvillimit Rural, Andis Salla, skemat e mbështetjes po i nxisin fermerët të adoptojnë teknologji dhe praktika bashkëkohore, duke rritur konkurrueshmërinë e prodhimit vendas.

Miklovan Petro u bëri thirrje veçanërisht të rinjve që të investojnë në bujqësi, duke e konsideruar këtë sektor si një mundësi me perspektivë afatgjatë dhe të ardhura të qëndrueshme.

/j.p/

The post Investimet në bujqësi rrisin të ardhurat e fermerëve appeared first on Agjencia Telegrafike Shqiptare.

Tiranë, 12 dhjetor /ATSH/ – Ministri i Bujqësisë dhe Zhvillimit Rural, Andis Salla, inspektoi sot punimet për rehabilitimin e lumit të Borshit në Himarë, një projekt i kërkuar nga Bashkia Himarë dhe i mbështetur nga qeveria, që synon rritjen e sigurisë së komunitetit dhe mbrojtjen afatgjatë të tokave të kultivuara.

Në vizitë, ministri u shoqërua nga kryetari i Bashkisë Himarë, Vangjel Tavo, deputeti Damian Gjiknuri dhe drejtori i Drejtorisë së Ujësjellësit dhe Kanalizimeve në Fier. Projekti përfshin ndërhyrje në 570 metra të shtratit të lumit, duke frenuar erozionin dhe duke mbrojtur 2,7 km² tokë bujqësore dhe zona të banuara përreth.

Salla theksoi se projekti kontribuon në sigurinë e komunitetit dhe zhvillimin afatgjatë të bujqësisë, duke qenë pjesë e strategjisë qeveritare “Bujqësia 2030”. Ai shtoi se rehabilitimi i kanaleve, digave dhe lumenjve është thelbësor për reduktimin e dëmeve nga përmbytjet dhe për krijimin e kushteve më të favorshme për zhvillimin bujqësor.

Kryetari i Bashkisë Himarë, Vangjel Tavo, vuri në dukje se projekti ishte një kërkesë e hershme e komunitetit dhe tani po realizohet falë bashkëpunimit mes pushtetit lokal dhe qendror. Punimet vijojnë dhe pritet të përfundojnë sipas afateve të planifikuara, duke sjellë përfitime të qëndrueshme për zonën dhe bujqësinë lokale.

/e.xh/a.f/r.e/

The post Lumi i Borshit në proces rehabilitimi për sigurinë e zonës appeared first on Agjencia Telegrafike Shqiptare.

TIRANË, 10 dhjetor /ATSH/  Skema Kombëtare e Investimeve po nxit zhvillimin e bujqësisë  duke mbështetur fermerët dhe sipërmarrësit e sektorit privat.

Një shembull i qartë është historia e Kodhel Çalës nga Gramshi, i cili në vitin 2014 vendosi t’i përkushtohej plotësisht bujqësisë dhe të ndërtonte një aktivitet të qëndrueshëm në vendin e tij.

Me mbështetjen e qeverisë dhe përmes Skemës Kombëtare të Investimeve, Kodheli ka përfituar një traktor dhe një pompë spërkatëse, të cilat kanë rritur efikasitetin e punës, kanë ulur lodhjen fizike dhe kostot e prodhimit, duke përmirësuar ndjeshëm proceset ditore në plantacionin e tij prej 5.7 hektarësh ullinjsh.

Ministri i Bujqësisë dhe Zhvillimit Rural, Andis Salla së bashku me Kryetarin e Bashkisë së Gramshit, Besjan Ajazi vizituan plantacionin me ullinj, teksa diskutuan me Kodhelin mbi ndikimin e drejtpërdrejtë të skemës në uljen e kostove dhe rritjen e produktivitetit dhe zhvillimin e ekonomisë lokale.

Në fermën me ullinj, Kodheli ka punësuar banorë të zonës, duke krijuar mundësi për familjet lokale dhe duke kontribuar në gjallërimin e ekonomisë së Gramshit.

Plantacioni i tij vazhdon të prodhojë vaj ulliri cilësor “MadeInAlbania”, duke dëshmuar se mbështetja e duhur dhe investimet strategjike mund të shndërrohen në histori suksesi.

1 nga 3

e.xh/j.p/

The post Skema e Investimeve, fermeri në Gramsh pajiset me mekanikë për ullishtarinë appeared first on Agjencia Telegrafike Shqiptare.

Skema Kombëtare e Investimeve po nxit zhvillimin e bujqësisë duke mbështetur fermerët dhe sipërmarrësit e sektorit privat. Një shembull i qartë është historia e Kodhel Çalës nga Gramshi, i cili në vitin 2014 vendosi t’i përkushtohej plotësisht bujqësisë dhe të ndërtonte një aktivitet të qëndrueshëm në vendin e tij. Me mbështetjen e qeverisë dhe përmes Skemës Kombëtare të Investimeve…

Source

TIRANË, 10 dhjetor/ATSH/ Produktet “Made in Albania” po fitojnë gjithnjë e më shumë vend në tregjet ndërkombëtare, falë cilësisë dhe përkushtimit të fermerëve dhe prodhuesve shqiptarë.

Një shembull i këtij angazhimi është SHBB “Bio-Holta” në fshatin Ceruj (Gramsh), ku Shefqet Hysa, agronom i njohur për mjeshtërinë e tij, prodhon raki, verë dhe bimë medicinale që tashmë eksportohen edhe drejt Austrisë.

Ministri i Bujqësisë dhe Zhvillimit Rural, Andis Salla, ishte në Ceruj, ku së bashku me kryetarin e bashkisë, Besian Ajazi, vizituan SHBB “Bio-Holta”, një sipërmarrje model e ngritur me përkushtim nga agronomi Hysa.

“Bio-Holta” është kthyer në një pikë referimi për prodhimin e verës, rakisë dhe bimëve mjekësore, duke ndërthurur mjeshtërinë tradicionale me standardet moderne të kultivimit organik. Shefqet Hysa është i pari në Gramsh që prodhon raki ekskluzivisht nga rrushi organik, ndërsa bashkëpunimi i tij me fermerët e zonës ka siguruar ruajtjen e plotë të zinxhirit të vlerës së produktit.

Falë mbështetjes nga Skema Kombëtare për prodhimin organik, ai ka ulur kostot dhe ka rritur cilësinë, duke forcuar më tej pozitën e markës “Made in Albania” në tregjet europiane, përfshirë edhe Austrinë.

1 nga 12

/r.e/a.f/

The post Salla: Prodhimet organike shqiptare po konsolidojnë praninë në tregjet europiane appeared first on Agjencia Telegrafike Shqiptare.

TIRANË, 9 dhjetor/ATSH/ Në Gramsh, kultivimi dhe përpunimi i ullirit po merr gjithnjë e më shumë rëndësi, duke u shndërruar në një sektor premtues për ekonominë lokale.

Ministri i Bujqësisë dhe Zhvillimit Rural, Andis Salla, zhvilloi sot një vizitë pune në qytetin e Gramshit, ku së bashku me kryetarin e bashkisë, Besion Ajazi, inspektuan aktivitetin e “AralAgro”, fabrikës së parë të përpunimit të vajit të ullirit në zonë.

Investimi, i ndërmarrë nga sipërmarrësi Amir Agolli që prej vitit 2018, është mbështetur nga qeveria për ngritjen e ambienteve të përpunimit. Fabrika siguron lëndën e parë nga bujqit dhe fermerët e zonës, duke krijuar një zinxhir të qëndrueshëm prodhimi dhe duke gjeneruar vlerë të shtuar për komunitetin lokal.

Vaji i ullirit i prodhuar në “AralAgro” është i pranishëm në tregun vendas si produkt cilësor “Made in Albania”.

Gjatë vizitës, Agolli bëri të ditur se synon rritjen e kapaciteteve dhe kalimin në një fazë të re zhvillimi, përfshirë zgjerimin e grumbullimit dhe krijimin e mundësive për eksport, me qëllim fuqizimin e prodhimit vendas në tregjet ndërkombëtare.

Ministri Salla vlerësoi investimin si një shembull pozitiv të bashkëpunimit mes institucioneve dhe sipërmarrjes, duke theksuar se projekte të tilla kontribuojnë në zhvillimin ekonomik të zonës dhe në mbështetjen e fermerëve. /j.p/

1 nga 10

The post Ulliri po kthehet në një nga burimet kryesore të zhvillimit rural në Gramsh appeared first on Agjencia Telegrafike Shqiptare.

PARIS, 8 dhjetor /ATSH-ANSA/ – Telashet e muzeut të Luvrit duket se nuk kanë të sosur.

Muzeu i famshëm parizien, i grabitur nga katër hajdutë që vodhën Xhevahiret e Kurorës Franceze më 19 tetor, pas problemeve strukturore që çuan në mbylljen e një galerie rreth njëzet ditë më parë, tashmë po përballen me përmbytjet në dhomën e Antikiteteve Egjiptiane.

Qindra vepra në bibliotekë janë dëmtuar rëndë.

”Sipas asaj që u zbulua vetëm sot, rrjedhja e ujit nga një tub difektoz ka dëmtuar 300 – 400 vepra”, konfirmoi Francis Steinbock, zëvendës administrator i muzeut.

Uji që rrjedhte nga tubat derdhej në dhomë, duke dëmtuar seriozisht revistat e egjiptologjisë dhe dokumentacionin shkencor të përdorur nga studiuesit.

Të gjitha veprat datojnë që nga fundi i shekullit të 19-të dhe fillimi i shekullit të 20-të. Veprat thuhet se janë dëmtuar, por “humbjet e pariparueshme dhe të përhershme” të koleksioneve janë përjashtuar.

Dokumentet do të lihen të thahen dhe më pas do të dërgohen për t’u lidhur dhe për t’u vendosur përsëri në rafte”, shton Steinbock.

Administrata e muzeut njoftoi se rrjedhja e ujit ndodhi në sistemin hidraulik që furnizon sistemin e ngrohjes dhe ventilimit të bibliotekës në krahun Mollien. /os/

The post PARIS – Luvri sërish në telashe, përmbytet ”Salla e Antikiteteve Egjiptiane” appeared first on Agjencia Telegrafike Shqiptare.

TIRANË, 6 dhjetor /ATSH/ Ministri i Turizmit, Kulturës dhe Sportit, Blendi Gonxhja, dhe ministri i Bujqësisë dhe Zhvillimit Rural, Andis Salla, morën pjesë në aktivitetin e posaçëm “Dita Kulturore Arbëreshe”, zhvilluar në ambientet e Vatikanit, një veprimtari kushtuar promovimit të trashëgimisë së çmuar arbëreshe dhe forcimit të lidhjeve kulturore e ekonomike mes Shqipërisë dhe komuniteteve arbëreshe në Itali.

Aktiviteti u organizua nga Përfaqësia Shqiptare pranë Selisë së Shenjtë në bashkëpunim me Urdhrin Sovran Ushtarak të Maltës dhe mblodhi së bashku kryebashkiakë nga zonat arbëreshe, përfaqësues diplomatikë, akademikë, studiues dhe dashamirës të kulturës shqiptare.

Ministri Gonxhja e konsideroi këtë aktivitet “një nder të veçantë”, duke theksuar se kultura arbëreshe është një dëshmi e fuqishme e identitetit dhe rezistencës shqiptare në Europë.

Ai prezantoi projektet kryesore që po zhvillon Ministria e Turizmit, Kulturës dhe Sportit për forcimin e këtyre lidhjeve, mes tyre: krijimin e Qendrës Kulturore Shqiptare në Itali, dosierin për përfshirjen e “Motit të Madh të Arbëreshëve” në UNESCO dhe themelimin e Muzeut Kombëtar Arbëresh.

Nga ana tjetër, ministri Salla nënvizoi kontributin e jashtëzakonshëm të komuniteteve arbëreshe në ruajtjen e gjuhës, traditës, veshjeve dhe kulturës shqiptare ndër shekuj.

“Ky aktivitet, në mbyllje të vitit jubilar, na kujton se kultura, feja, tradita dhe respekti për tokën, natyrën dhe ushqimin janë vlera thellësisht të lidhura”, u shpreh ministri Salla.

Ministri vuri në dukje se arbëreshët mbeten një prej dëshmive më të forta të identitetit shqiptar që ka jetuar, është zhvilluar dhe është integruar plotësisht në zemër të Europës, pa humbur rrënjët e veta.

Në kuadër të aktivitetit u zhvillua edhe një panair me pjesëmarrjen e 25 kompanive nga Shqipëria, kryesisht prodhues të vajit të ullirit, verërave dhe produkteve tradicionale, me synim krijimin e partneriteteve të reja dhe promovimin e produkteve shqiptare në tregjet ndërkombëtare.

Salla theksoi rëndësinë e bashkëpunimit ekonomik, veçanërisht në sektorë si vreshtaria, ullishtaria, blegtoria, agroturizmi dhe gastronomia.

Ministri nënvizoi angazhimin e Qeverisë shqiptare për forcimin e marrëdhënieve me komunitetet arbëreshe dhe zgjerimin e bashkëpunimit institucional në funksion të zhvillimit rural dhe promovimit të identitetit të përbashkët kulturor.

“Le të jetë kjo një ditë tjetër gur themeli në ndërtimin e një marrëdhënieje edhe më të fortë mes Shqipërisë, Arbëreshëve dhe Italisë, një marrëdhënie ku kultura, bujqësia, tradita dhe solidariteti ecin së bashku”, theksoi ai.

Të dy ministrat theksuan rëndësinë e thellimit të bashkëpunimit me komunitetet arbëreshe, duke e cilësuar këtë event si një gur themeli në marrëdhëniet kulturore dhe ekonomike midis Shqipërisë, Arbëreshëve dhe Italisë.

1 nga 20

The post Gonxhja dhe Salla në Vatikan: Forcim i lidhjeve kulturore dhe ekonomikе me arbëreshët appeared first on Agjencia Telegrafike Shqiptare.

TIRANË, 5 dhjetor/ATSH/ Shqipëria po shënon nivele të larta të prodhimit të vajit të ullirit, pasi fermerët kanë shtuar sipërfaqe e mbjella dhe kanë rritur investimet në teknologjinë e shërbimeve të ullirit.

Ministri i Bujqësisë dhe Zhvillimit Rural, Andis Salla vizitoi fabrikën “Musai Olive Oil” në Vlorë, një prej kapaciteteve më të njohura të përpunimit të vajit të ullirit në vend, e cila njihet për cilësinë dhe prezencën e saj në tregjet europiane.

Gjatë inspektimit, ministri Salla u njoh me proceset e përpunimit dhe teknologjitë moderne që përdoren në fabrikë, të cilat garantojnë prodhimin e vajit të ullirit ekstra të virgjër nga ullinjtë autoktonë të zonës së Vlorës. Ai vlerësoi bashkëpunimin e gjerë me rrjetin e fermerëve të rajonit dhe rolin e kësaj industrie në rritjen e ekonomisë lokale.

Salla theksoi se produktet shqiptare të markës “Made in Albania” po fitojnë një pozicion gjithnjë e më të fortë në tregjet e BE-së, falë standardeve të larta të sigurisë ushqimore dhe investimeve të vazhdueshme në teknologji.

Me një rrjet të gjerë fermerësh lokalë, kjo kompani siguron lëndën e parë, duke përkrahur ekonominë vendase dhe rritur vlerën e produktit. Kompania ofron mundësi punësimi me paga konkurruese dhe kushte cilësore.

Pjesa më e madhe e eksporteve shqiptare të vajit të ullirit shkon drejt Shteteve të Bashkuara të Amerikës dhe tregjeve evropiane, pjesa tjetër në vendet fqinje si në Kosovë dhe Maqedoninë e Veriut.

/a.f/r.e/

The post Salla: Cilësia shqiptare e vajit të ullirit rrit prezencën në tregjet e BE-së appeared first on Agjencia Telegrafike Shqiptare.

TIRANË, 5 dhjetor /ATSH/ Ministri i Bujqësisë dhe Zhvillimit Rural, Andis Salla, ka sjellë në vëmendje sot historinë e Pirro Bulit nga Divjaka, një fermer i cili pas shumë vitesh emigrimi në Greqi është rikthyer në Shqipëri për të investuar në sektorin bujqësor dhe për të ngritur një sipërmarrje bashkëkohore me serra prodhimi.

Sipas ministrit Salla, rikthimi i Bulit dhe nisma e tij për të ndërtuar një aktivitet modern bujqësor janë shembull i qartë i mundësive që po krijohen sot për fermerët nëpërmjet politikave të reja mbështetëse të qeverisë. Përmes Skemës Kombëtare të Investimeve, Buli ka përfituar 50% financim për të blerë mekanikë bujqësore të teknologjisë së fundit, e cila po transformon mënyrën e punës në fermën e tij.

Mekanika e re bujqësore ka zëvendësuar proceset e lodhshme tradicionale, duke reduktuar ndjeshëm kohën dhe koston e punimeve bujqësore. Kjo ka bërë që Pirro Buli të rrisë rendimentin e prodhimit, të ulë shpenzimet dhe të krijojë një bazë solide për të zhvilluar më tej sipërmarrjen e tij.

Salla vuri në dukje se historia e tij nuk është e vetme, por pjesë e një trendi të ri ku shumë të rinj po kthehen nga emigracioni dhe po investojnë në bujqësi, falë programeve të mbështetjes dhe orientimit drejt teknologjisë moderne.

“Pirro Buli është një prej dhjetëra fermerëve që jo vetëm po modernizojnë prodhimin, por po tregojnë se bujqësia mund të jetë një sektor i qëndrueshëm dhe fitimprurës kur ka vizion, përkushtim dhe mbështetje konkrete financiare”, u shpreh ai.

Ministri nënvizoi se mbështetja për fermerët do të vijojë, me synimin që modernizimi i fermave dhe rritja e prodhimit vendas të bëhen një realitet i prekshëm në çdo zonë rurale të vendit.

Fermeri nga Divjaka tregon se kultivon në fermën e tij perime të freskëta. “Mbështetja nga AZHBR për blerjen e teknologjive bujqësore na ka lehtësuar punën dhe ka ndikuar në rritjen e prodhimit”, tha Buli. /j.p/

The post Fermeri nga Divjaka kthehet nga emigracioni, Salla: Shembull i mundësive në bujqësi appeared first on Agjencia Telegrafike Shqiptare.

TIRANË, 4 dhjetor/ATSH/ Ministri i Bujqësisë dhe Zhvillimit Rural, Andis Salla zhvilloi sot një takim pune me drejtorin Rajonal të Praktikës për Planetin në Bankën Botërore, Sameh Naguib Wahba, si dhe me ekipin teknik të institucionit, në kuadër të projektit “Qëndrueshmëria ndaj Klimës dhe Zhvillimi i Bujqësisë” (CRAD).

Gjatë takimit, ministri Salla vlerësoi bashkëpunimin 33-vjeçar ndërmjet Shqipërisë dhe Bankës Botërore, duke theksuar rolin e rëndësishëm të institucionit në mbështetjen e reformave dhe zhvillimit të qëndrueshëm të sektorit bujqësor.

Ai nënvizoi rëndësinë strategjike të projektit CRAD, sidomos në drejtim të bujqësisë inteligjente, rritjes së kapaciteteve laboratorike dhe zhvillimit të klasterit të ullirit.

Ministri vlerësoi gjithashtu progresin e bërë për ngritjen e konsorciumit të vajit të ullirit “Berati 2400 vjet”, një nismë e financuar nga Qeveria Shqiptare dhe e mbështetur teknikisht nga Banka Botërore. Konsorciumi synon bashkimin e 50 fermerëve dhe aktorëve të zinxhirit të vlerës për prodhimin dhe tregtimin e vajit të ullirit me markën “Made in Berat”, duke krijuar një brend të qëndrueshëm për tregun vendas dhe atë ndërkombëtar.

Përveç Beratit, pesë bashki të tjera: Fier, Gjirokastër, Elbasan, Lezhë dhe Vlorë, janë përzgjedhur si zona pilot për ngritjen e konsorciumeve të ngjashme, duke hedhur bazat për një rrjet kombëtar bashkëpunimi në bujqësi dhe duke rritur konkurrueshmërinë e produkteve shqiptare.

Në takim u diskutuan gjithashtu mundësi të mëtejshme bashkëpunimi, përfshirë realizimin e studimit të parafizibilitetit për sigurinë e digave, investimet në sigurinë ushqimore dhe laboratorët, zgjerimin e bujqësisë inteligjente përtej zonës pilot, si dhe vazhdimin e ndërhyrjeve në sistemin ujitës në Lushnjë.

Ministri Salla shprehu angazhimin maksimal për përmbylljen me sukses të Misionit të Vlerësimit të Mesëm që do të zhvillohet brenda muajit dhjetor, si dhe vullnetin për të thelluar bashkëpunimin me Bankën Botërore, në funksion të zhvillimit afatgjatë të sektorit bujqësor dhe rural në vend.

1 nga 7

/j.p/r.e/

The post Salla, takim me përfaqësues të Bankës Botërore për ecurinë e projektit CRAD appeared first on Agjencia Telegrafike Shqiptare.