Gjykata Themelore në Prishtinë i ka caktuar masën e paraburgimit prej një muaji ndaj S.R., i cili u arrestua një ditë më parë nën dyshimet për sulm ndaj pjesëtarëve të misionit paqeruajtës të NATO-s në Kosovë, KFOR, dhe të Policisë së Kosovës më 2023.

Gjykata tha se vendimi për paraburgim ishte masë adekuate për shkak të rrezikut se nëse i pandehuri do të lihej në liri, ai do të mund të arratisej, pasi që ka edhe nënshtetësi të Serbisë dhe “në këtë mënyrë do të jetë i pakapshëm për organet e drejtësisë”. Po ashtu, duke argumentuar masën e paraburgimit, Gjykata tha se nëse S.R. do të lihej në liri ai do të mund të asgjësojë apo ndryshojë provat dhe të pengojë hetimet.

Sipas njoftimit, S.R. dyshohet se më 29 maj të vitit 2023, nga ora 06:00 deri në orët e mbrëmjes, në perimetrin e Komunës së Zveçanit, në koordinim me të dyshuar tjerë serbë nga Kosova dhe Serbia, përmes dhunës kanë tentuar që të “pengojnë vendosjen e rendit kushtetues të Republikës së Kosovës në komunat veriore të vendit” dhe përkundër urdhrave të KFOR-it për shpërndarjen e qetë të turmës, ai dhe të tjerët kanë ushtruar dhunë ndaj tyre. Sipas Gjykatës Themelore, i pandehuri dhe serbët e tjerë kanë përdorur mjete të forta, mjete shpërthyese të improvizuara dhe armë zjarri, “nga të cilat janë lënduar të paktën 30 pjesëtarë të forcave paqeruajtëse të KFOR-it, tre nga ta nga predhat e armëve të zjarrit, si dhe duke shkaktuar dëme materiale të konsiderueshme në automjetet e KFOR-it, Policisë së Kosovë, si dhe në veturat e gazetarëve të cilët kanë mbuluar ngjarjet e kësaj dite, të cilat përfshijnë djegien e plotë të disa automjeteve ose dëmtimin fizik në masë të madhe”.

S.R. ka të drejtë që të ankohet për këtë vendim në Gjykatën e Apelit.

Ai u arrestua të mërkurën gjatë një aksioni të prokurorëve dhe hetuesve policorë nga Drejtoria për Krime të Rënda dhe Krim të Organizuar.

“Në vendbanimin e të dyshuarit është zbatuar urdhër kontrolli, ku janë gjetur prova materiale që do të shërbejnë gjatë procedurës penale”, u tha në njoftimin e Prokurorisë Speciale të Kosovës të publikuar më 14 janar.

Ai dyshohet për disa vepra penale, sikurse bashkim për veprimtari kundërkushtetuese, rrezikim të personave nën mbrojtje ndërkombëtare, pjesëmarrje në turmë që kryen vepër penale dhe huliganizëm, si dhe sulm ndaj personit zyrtar.

Më shumë se 90 pjesëtarë të KFOR-it kishin pësuar lëndime – disa prej tyre lëndime të rënda – pas përleshjes me protestuesit serbë në maj të vitit 2023 në Zveçan. Të lënduar kishte edhe në anën e protestuesve.

Dhuna në Zveçan shpërtheu pasi serbët lokalë kundërshtuan hyrjen e kryetarëve të rinj shqiptarë në ndërtesat komunale në Zveçan, Leposaviq dhe Zubin Potok – komuna në veri të Kosovës, të banuara me shumicë serbe – pas zgjedhjeve lokale të mbajtura më herët po atë vit, që u bojkotuan nga serbët lokalë.

Për ngjarjet në Zveçan, janë arrestuar dhe akuzuar dhjetëra persona, dhe disa janë dënuar me burgim pas marrëveshjeve me prokurorinë për pranimin e fajësisë.

Për dhunën në Zveçan, Kosova e ka fajësuar Serbinë, duke thënë se pas dhunës qëndruan “grupe kriminale të afërta me presidentin e Serbisë, Aleksandar Vuçiq.

Por, Beogradi e ka hedhur poshtë këtë akuzë, duke thënë se Qeveria e Kosovës po synonte që të shtynte serbët “drejt një konflikti të ri me NATO-n”.

NATO-ja vazhdimisht ka kërkuar që autorët e dhunës të mbahen përgjegjës./rel

Gjykata Themelore në Prishtinë, Departamenti Special, ka caktuar masën e paraburgimit ndaj të pandehurit S.R., për shkak të dyshimit për përfshirje në veprat penale: Bashkimi për veprimtari kundër kushtetuese, Rrezikimi i personave nën mbrojtje ndërkombëtare, Sulmi ndaj personit zyrtar, dhe Pjesëmarrja në turmë që kryen vepër penale huliganizmi. Masa e paraburgimit është caktuar për 1 muaj.

Gjyqtari i procedurës paraprake vlerësoi se paraburgimi është masa më adekuate, pasi nëse i pandehuri lihet në liri, ekziston rreziku që ai të arratiset duke pasur nënshtetësi serbe, të ndikojë tek dëshmitarët ose bashkëkryesit e tjerë, apo të asgjësojë prova.

S.R. dyshohet se më 29 maj 2023, së bashku me persona të tjerë nga Kosova dhe Serbia, ka marrë pjesë në dhunë ndaj forcave paqeruajtëse të KFOR-it në perimetrin e komunës së Zveçanit, duke tentuar pengimin e vendosjes së rendit kushtetues. Si rezultat i sulmeve, u lënduan të paktën 30 pjesëtarë të KFOR-it, nga të cilët 3 nga predhat e armëve të zjarrit, dhe u shkaktuan dëme materiale të konsiderueshme, përfshirë djegien e disa automjeteve.

Palët kanë të drejtë të ankohen ndaj këtij aktvendimi në Gjykatën e Apelit, përmes Gjykatës Themelore në Prishtinë./Telegrafi/

Emisari i Bashkimit Evropian për dialogun Kosovë–Serbi, Peter Sorensen, ka qëndruar të mërkurën në Kosovë, në vizitën e tij të parë pas zgjedhjeve të 28 dhjetorit.

Gjatë qëndrimit në Kosovë, Sorensen ka zhvilluar takime me përfaqësues institucionalë, ndërsa ka takuar edhe komandantin e misionit të KFOR-it, gjeneral major Ozkan Ulutaş.

Sipas njoftimit të misionit të NATO-s në Kosovë, në takim është diskutuar bashkëpunimi ndërmjet KFOR-it dhe Bashkimit Evropian, me fokus të veçantë në mbështetjen për dialogun e lehtësuar nga BE-ja ndërmjet Prishtinës dhe Beogradit.

“Gjeneral Major Ulutaş theksoi bashkëpunimin e vazhdueshëm të KFOR-it me misionin e BE-së për Sundimin e Ligjit (EULEX) dhe mbështetjen për dialogun e lehtësuar nga BE-ja për normalizimin e marrëdhënieve midis Prishtinës dhe Beogradit, i cili është çelësi për sigurinë e qëndrueshme në Kosovë dhe për stabilitetin rajonal, për të mirën e të gjitha komuniteteve”, thuhet në njoftim.

Vizita e Sorensenit vjen në një periudhë të ndjeshme politike pas zgjedhjeve, ndërsa dialogu Kosovë–Serbi mbetet një nga proceset kyçe për stabilitetin dhe sigurinë në rajon.

Autoritetet kosovare e kanë arrestuar të mërkurën një burrë nën dyshimet se kishte sulmuar pjesëtarët e misionit paqeruajtës të NATO-s në vend, si dhe të Policisë së Kosovës, gjatë protestave të vitit 2023 në veri të vendit.

Në një njoftim të shkurtër në Facebook, Prokuroria Speciale e Kosovës nuk dha më shumë hollësi për të dyshuarin, duke e identifikuar atë vetëm me inicialet S.R.

Ai u arrestua gjatë një aksioni mes prokurorëve dhe hetuesve policorë nga Drejtoria për Krime të Rënda dhe Krim të Organizuar të mërkurën, sipas njoftimit.

“Në vendbanimin e të dyshuarit është zbatuar urdhër kontrolli, ku janë gjetur prova materiale që do të shërbejnë gjatë procedurës penale”, thuhet në njoftim.

Ai është ndaluar për 48 orë mbi dyshimet për veprat penale si, bashkim për veprimtari kundërkushtetuese, rrezikim të personave nën mbrojtje ndërkombëtare, pjesëmarrje në turmë që kryen vepër penale dhe huliganizëm, si dhe sulm ndaj personit zyrtar.

Prokuroria tha se do të kërkojë nga gjykata në Prishtinë që i dyshuari të mbahet në paraburgim, teksa hetimet ndaj tij vazhdojnë.

Më shumë se 90 pjesëtarë të KFOR-it kishin pësuar lëndime – disa prej tyre lëndime të rënda – pas përleshjes me protestuesit serbë në maj të vitit 2023 në Zveçan.

Të lënduar nga kjo përplasje pati edhe në anën e protestuesve.

Dhuna në Zveçan shpërtheu pasi serbët lokalë kundërshtuan hyrjen e kryetarëve të rinj shqiptarë në ndërtesat komunale në Zveçan, Leposaviq dhe Zubin Potok – komuna në veri të Kosovës, të banuara me shumicë serbe – pas zgjedhjeve lokale të mbajtura më herët po atë vit, që u bojkotuan nga serbët.

Autoritetet kosovare kanë arrestuar dhe akuzuar dhjetëra të dyshuar për dhunën në Zveçan vitin e fundit. Deri tani, disa persona janë dënuar me burgim pas marrëveshjeve me prokurorinë për pranimin e fajësisë.

Për dhunën në Zveçan, Kosova e ka fajësuar Serbinë, duke thënë se pas dhunës qëndruan “grupe kriminale të afërta me presidentin e Serbisë, Aleksandar Vuçiq.

Por, Beogradi e ka hedhur poshtë këtë akuzë, duke thënë se Qeveria e Kosovës po synonte që të shtynte serbët “drejt një konflikti të ri me NATO-n”. NATO-ja vazhdimisht ka kërkuar që autorët e dhunës të mbahen përgjegjës./REL

The post Nën dyshimin për sulm ndaj pjesëtarëve të KFOR-it dhe të Policisë së Kosovës, arrestohet një person appeared first on Albeu.com.

Autoritetet kosovare e kanë arrestuar të mërkurën një burrë nën dyshimet se kishte sulmuar pjesëtarët e misionit paqeruajtës të NATO-s në vend, si dhe të Policisë së Kosovës, gjatë protestave të vitit 2023 në veri të vendit. Në një njoftim të shkurtër në Facebook, Prokuroria Speciale e Kosovës nuk dha më shumë hollësi për të […]

The post Nën dyshimin për sulm ndaj pjesëtarëve të KFOR-it dhe të Policisë së Kosovës, arrestohet një person appeared first on BoldNews.al.

Ministri nq detyrë i Mbrojtjes, Ejup Maqedonci, ka pritur sot në takim Komandantin e Komandës së Forcave të Përbashkëta Aleate në Napoli, Admiralin George M. Wikoff, si dhe Komandantin e misionit të KFOR-it, Gjeneralmajor Ozkan Ulutaş.

Maqedonci bëri të ditur se gjatë takimit u diskutua për situatën e sigurisë në Kosovë dhe në rajon, zhvillimin e Forcës së Sigurisë së Kosovës (FSK) si dhe bashkëpunimin e vazhdueshëm me KFOR-in.

Ai theksoi përkushtimin institucional për forcimin e kapaciteteve të FSK-së, përmes edukimit dhe trajnimit të oficerëve sipas doktrinës së shteteve perëndimore.

Po ashtu, ai nënvizoi rëndësinë e modernizimit të FSK-së me sisteme të armatimit të prokuruara nga shtetet anëtare të NATO-s, në funksion të rritjes së sigurisë për qytetarët dhe avancimit të aspiratës së Kosovës për anëtarësim në Aleancën Veri-Atlantike.

"Diskutuam për situatën e sigurisë në vend dhe rajon, zhvillimin e FSK-së dhe bashkëpunimin me KFOR-in. Theksova angazhimin për forcimin e kapaciteteve të FSK-së përmes edukimit të oficerëve sipas doktrinës së shteteve perëndimore si dhe modernizimit me sisteme të armatimit të prokuruara nga shtetet anëtare të NATO-s, në funksion të sigurisë së qytetarëve dhe aspiratës për anëtarësim në NATO", ka shkruar Maqedonci. /Telegrafi/

Presidentja e Republikës së Kosovës, Vjosa Osmani, priti në takim Komandantin e Komandës së Forcave të Përbashkëta të NATO-s në Napoli, Admiralin George M. Wikoff, me rastin e marrjes së detyrës së tij në krye të një prej komandave më strategjike të Aleancës Veriatlantike.

Osmani e uroi Admiralin Wikoff për detyrën e re dhe i dëshiroi suksese në udhëheqjen e komandës, duke shprehur besimin e saj të plotë në lidershipin e tij dhe në rolin kyç që kjo komandë luan për sigurinë euroatlantike, stabilitetin rajonal dhe paqen ndërkombëtare.

Gjatë takimit, Osmani ritheksoi mirënjohjen e Kosovës ndaj NATO-s dhe Shteteve të Bashkuara për kontributin e vazhdueshëm në garantimin e paqes dhe stabilitetit në vend që nga viti 1999.

Ajo shprehu vlerësim të veçantë për misionin e KFOR-it, duke e cilësuar atë si forcë të besueshme parandaluese dhe garantuese të sigurisë për të gjithë qytetarët, pa dallime.

Presidentja gjithashtu konfirmoi përkushtimin e Kosovës për vazhdimin e bashkëpunimit me KFOR-in dhe theksoi se vendi mbetet partner i besueshëm, i aftë dhe kontribuues për sigurinë dhe stabilitetin rajonal, i përkushtuar ndaj vlerave të paqes, demokracisë dhe sundimit të ligjit.

PRISHTINË, 25 dhjetor/ATSH/ Ushtarët italianë nga Komanda Rajonale-Perëndim, pjesë e misionit të KFOR-it, vazhdojnë të zhvillojnë aktivitetet e tyre ditore përgjatë vijës kufitare në Kosovë.

Ata zhvilluan patrulla me qëllim sigurimin e një prezence të dukshme dhe siguruese në terren

Përmes profesionalizmit dhe angazhimit të tyre, ata kontribuojnë në stabilitetin rajonal dhe luajnë një rol kyç në misionin e KFOR-it për të mbajtur një ambient të sigurt.

KFOR-i vazhdon të zbatojë mandatin e tij për të kontribuar në një mjedis të sigurt për të gjithë njerëzit në Kosovë dhe lirinë e lëvizjes, në koordinim të ngushtë me Policinë e Kosovës dhe Misionin për Sundim të Ligjit të Bashkimit Evropian në Kosovë (EULEX), në rolet e tyre përkatëse si reagues të sigurisë.

/KosovaPress/

The post Ushtarët italianë të KFOR-it kryejnë patrullime në Kosovë appeared first on Agjencia Telegrafike Shqiptare.

Ushtarë nga Njësia e Specializuar Shumëkombëshe (MSU) e KFOR, kanë zhvilluar ushtrime të luftimit në ambiente të mbyllura (Close Quarters Battle – CQB) në bazën e MSU-së në Prishtinë.

Sipas njoftimit të KFOR-it, trajnimet e rregullta janë thelbësore për të garantuar gatishmëri të lartë operacionale të trupave dhe aftësinë e tyre për të reaguar shpejt dhe në mënyrë efektive ndaj çdo sfide të mundshme të sigurisë.

Këto ushtrime, sipas KFOR-it, theksojnë bashkëpunimin e fortë dhe ndërveprueshmërinë ndërmjet personelit shumëkombësh, duke mbështetur misionin e vazhdueshëm të KFOR-it për ruajtjen e një mjedisi të sigurt dhe të qetë në gjithë Kosovën.

Në ushtrimin e detyrave të tij, KFOR bashkëpunon ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), secili në përputhje me rolin e vet si reagues i sigurisë.

Komandanti i Forcës së Sigurisë së Kosovës, Gjenerallejtënant Bashkim Jashari ka pritur Shefin e Mbrojtjes së Republikës së Lituanisë, Gjeneral Raimundas Vaikšnoras, i cili është duke realizuar vizitë zyrtare në Republikën e Kosovës.

Fillimisht, gjeneral Jashari i uroi mirëseardhje gjeneralit Vaikšnoras dhe e falënderoi për vizitën në Forcën e Sigurisë së Kosovës, si dhe e vlerësoi lartë kontributin e forcave lituaneze në kuadër të KFOR.

Gjatë takimit, u shkëmbyen pikëpamjet mbi situatën e sigurisë në rajon, duke theksuar nevojën për vazhdimin e bashkëpunimit bilateral në fushën e mbrojtjes, në përballimin e sfidave të sigurisë në kontinentin evropian.

Gjithashtu, të dy gjeneralët theksuan rëndësinë e shkëmbimit të përvojave profesionale dhe vlerësuan lartë marrëdhëniet e shkëlqyera ndërmjet dy institucioneve të mbrojtjes.

Në përfundim të takimit, u theksua domosdoshmëria e thellimit të bashkëpunimit në fusha të ndryshme ushtarake, duke rikonfirmuar përkushtimin e FSK-së për bashkëpunim të vazhdueshëm me partnerët ndërkombëtarë.

Po ashtu, u nënvizua rëndësia e mbështetjes së vazhdueshme të partnerëve, në veçanti të Republikës së Lituanisë, në proceset e zhvillimit, profesionalizimit dhe ngritjes së kapaciteteve operacionale të FSK-së.

PRISHTINË, 18 dhjetor /ATSH/ Trupat amerikane nga Komanda Rajonale e Lindjes (RC-E) e misionit KFOR, po vazhdojnë të zhvillojnë patrulla ditore në të gjithë zonën e përgjegjësisë.

Në një njoftim për media thuhet se aktivitete të tilla sigurojnë prezencë të vazhdueshme në terren dhe kontribuojnë në ruajtjen e një mjedisi të sigurt.

Përmes qasjes së tyre të paanshme dhe të ekuilibruar, trupat e KFOR-it tregojnë përkushtimin e misionit për stabilitet, profesionalizëm dhe respekt për të gjithë banorët e Kosovës.

KFOR-i vazhdon të zbatojë mandatin e tij për të kontribuar në një mjedis të sigurt për të gjithë njerëzit që jetojnë në Kosovë dhe lirinë e lëvizjes, në koordinim me Policinë e Kosovës dhe EULEX-in, në rolet e tyre përkatëse.

1 nga 4

The post KFOR-i amerikan me prezencë të vazhdueshme për sigurinë në terren appeared first on Agjencia Telegrafike Shqiptare.

Trupat amerikane nga Komanda Rajonale e Lindjes (RC-E) e KFOR-it, po vazhdojnë të zhvillojnë patrulla ditore në të gjithë zonën e përgjegjësisë.

Në një njoftim për media thuhet se aktivitete të tilla sigurojnë prezencë të vazhdueshme në terren dhe kontribuojnë në ruajtjen e një mjedisi të sigurt.

Trupat e KFOR-it tregojnë përkushtimin e misionit për stabilitet, profesionalizëm dhe respekt për të gjithë banorët e Kosovës.

KFOR-i vazhdon të zbatojë mandatin e tij për të kontribuar në një mjedis të sigurt për të gjithë njerëzit që jetojnë në Kosovë dhe lirinë e lëvizjes, në koordinim me Policinë e Kosovës dhe EULEX-in, në rolet e tyre përkatëse.

Presidentja e Kosovës, Vjosa Osmani, vlerësoi homologun e saj amerikan, Donald Trump, për mbështetjen e paqes në Ballkanin Perëndimor dhe në rajonin e gjerë të Evropës.

Osmani, duke folur në një intervistë me Bloomberg TV të mërkurën, tha se prania e trupave amerikane në Kosovë ishte "pengesa dhe parandalimi më i madh i një përshkallëzimi në rajon".

Ushtarët amerikanë janë pjesë e forcës paqeruajtëse të udhëhequr nga NATO, që ka qenë në Kosovë që nga fundi i luftës me Serbinë fqinje në vitin 1999, transmeton Telegrafi.

Progresi ekonomik i Kosovës është ngadalësuar nga muaj të tërë të një bllokimi politik, që Osmani tha se shpreson se mund të zgjidhet në zgjedhjet e parakohshme të 28 dhjetorit.

Vendi shkon në një votim të dytë të parakohshëm këtë vit pasi fituesi i zgjedhjeve Albin Kurti nuk arriti të formojë një koalicion shumicë, pasi partitë e shpërfillën stilin e tij të udhëheqjes që ka bezdisur aleatët evropianë dhe amerikanë, shkruan Bloomberg.

Osmani tha se mendon se politikanët kosovarë do të kenë një "qasje më konstruktive" për të punuar së bashku tani.

“Jam shumë, shumë optimiste pasi ne kemi nevojë për institucione në mënyrë që të mund të ecim përpara me projekte të mëdha me Bashkimin Evropian dhe Shtetet e Bashkuara të Amerikës”, tha ajo. /Telegrafi/

Ushtarët gjermanë të vendosur në Komandën Rajonale-Lindje të misionit të KFOR-it, të udhëhequr nga NATO, vazhdojnë patrullimet e tyre të përditshme dhe të natës në disa komuna brenda zonës së përgjegjësisë RC-E.

Sipas njoftimit të KFOR-it, patrullat synojnë të sigurojnë një prani të dukshme dhe të besueshme në terren, të përmirësojnë ndërgjegjësimin situativ dhe të kontribuojnë drejtpërdrejt në stabilitetin rajonal.

“Ata janë pjesë themelore e misionit të vazhdueshëm të KFOR-it për të ofruar një ambient të sigurt për të gjithë njerëzit që jetojnë në Kosovë,” thuhet në njoftim.

Sot, Jan Stoss, sekretar i Ministrisë së Mbrojtjes së Gjermanisë, realizoi një vizitë në Kosovë ku takoi ushtarët gjermanë të angazhuar në këtë mision. Ai u prit fillimisht nga i Ngarkuari me Punë, Christian Böttcher, dhe më pas vizitoi Kampin Film City, ku u prit nga Koloneli Müller, komandanti i kontingjentit gjerman.

KFOR-i vazhdon të zbatojë mandatin e tij, bazuar në Rezolutën 1244 të Këshillit të Sigurimit të OKB-së të vitit 1999, duke kontribuar në krijimin e një mjedisi të sigurt për të gjithë qytetarët e Kosovës dhe duke mbështetur lirinë e lëvizjes.

Misioni operon në koordinim të ngushtë me Policinë e Kosovës dhe Misionin e Sundimit të Ligjit të Bashkimit Evropian (EULEX) në rolet e tyre përkatëse si reagues të sigurisë.

Komandanti i KFOR-it, Ozkan Ulutash ka pritur sot në takim komandantin e Forcës së Sigurisë së Kosovës, Bashkim Jashari.

Në një njoftim për media të misionit të NATO-s në Kosovë theksohet se në takim, dy komandantët kanë folur për situatën e sigurisë në Kosovë.

“Ata shkëmbyen pikëpamje mbi situatën e sigurisë në Kosovë dhe mbi bashkëpunimin e KFOR-it me organizatat e sigurisë në Kosovë, përfshirë FSK-në, të cilën NATO vazhdon ta mbështesë sipas mandatit të saj fillestar”.

“Gjeneral Major Ulutash theksoi rëndësinë e koordinimit të vazhdueshëm dhe të ngushtë, në dobi të sigurisë së qëndrueshme në të gjithë Kosovën dhe stabilitetit rajonal”, theksohet më tej në njoftim.

Ushtarët amerikanë të Komandës Rajonale Lindore në kuadër të misionit paqeruajtës të NATO-s, KFOR, kanë zhvilluar së fundi një trajnim të specializuar për zbulimin, gjurmimin dhe neutralizimin e dronëve – një aftësi gjithnjë e më e domosdoshme në mjedisin aktual të sigurisë.

Pajisjet e përdorura në këtë trajnim funksionojnë duke ndërprerë frekuencat e kontrollit të dronit, duke e detyruar atë të rikthehet tek operatori.

Ato mund të ndërhyjnë gjithashtu në sinjalet GPS/GNSS, duke bërë që droni të qëndrojë pezull, të ulet ose edhe të bie.

Sipas KFOR-it, ushtrimet e tilla rrisin aftësitë teknike të trupave dhe theksojnë rëndësinë e koordinimit, punës ekipore dhe përshtatshmërisë ndaj kërcënimeve të reja ajrore.

Këto kapacitete tashmë janë përdorur edhe në situata operative, duke rritur efektivitetin e misionit përballë sfidave në zhvillim.

Misioni thekson se bashkëpunon ngushtë me Policinë e Kosovës dhe EULEX-in, secili në rolin e vet si përgjegjës për sigurinë./Telegrafi/

PRISHTINË, 11 dhjetor /ATSH/ Komandanti i misionit paqeruajtës të NATO-s në Kosovë, KFOR, gjeneralmajor Ozkan Ulutash, tha se komunikimet e rregullta me ushtrinë serbe janë të rëndësishme për të parandaluar çdo përshkallëzim të mundshëm.

Ulutash i bëri këto deklarata pas vizitës në Serbi, ku u takua me kreun e ushtrisë serbe, gjeneralin Millan Mojsilloviq.

“Komunikimet e rregullta dhe të hapura mes KFOR-it dhe Forcave të Armatosura të Serbisë janë vitale për të adresuar zhvillimet e rëndësishme dhe për të parandaluar çdo rrezik të mundshëm të përshkallëzimit me kohë, në mënyrë të duhur, transparente dhe konstruktive. Në javët dhe muajt në vijim, unë do të bëj pjesën time për t’u siguruar që të vazhdojmë t’i shfrytëzojmë sa më mirë këto komunikime të rregullta”, tha Ulutash përmes një deklarate.

Edhe gjatë mandatit të parë të tij në krye të KFOR-it, Ulutash kishte vizituar Beogradin.

Ulutash e falënderoi për mikpritjen Mojsilloviqin me të cilin, tha se “veçse kam zhvilluar një bashkëpunim të hapur dhe frytdhënës gjatë mandatit tim të parë në krye të KFOR-it. Mezi pres të takohem sërish me të, së shpejti”.

Kreu i KFOR-it tha se misioni është i angazhuar për të ofruar siguri që “mundëson krijimin e kushteve të nevojshme për dialog politik”.

“NATO – përfshirë përmes punës së përditshme të KFOR-it – vazhdon të mbështesë dialogun e lehtësuar nga Bashkimi Evropian mes Prishtinës dhe Beogradit, si kornizë për të adresuar çështjet e mbetura me qëllim që të përfitojnë të gjithë njerëzit”, tha Ulutash.

Sipas gjeneralmajorit Ulutash tha se ky mision për çerekshekulli ka luajtur rol kyç në mirëmbajtjen e paqes dhe duke ofruar siguri për të gjithë qytetarët në Kosovë. Siguria në rajon, sipas gjeneralmajorit turk është e lidhur me sigurinë e Evropës dhe në mbarë zonë euroatlantike.

Gjeneralmajori turk u rikthye në drejtimin e KFOR-it në muajin tetor. Mandati i parë njëvjeçar i Ulutashit në krye të KFOR-it nisi në tetor të vitit 2023 dhe përfundoi në tetor të vitit pasues.

KFOR-i është reaguesi i tretë i sigurisë në Kosovë, pas Policisë së Kosovës dhe misionit të Bashkimit Evropian për sundim të ligjit, EULEX.

KFOR-i, veç tjerash, është përgjegjës për sigurinë në vijën kufitare mes Kosovës dhe Serbisë.

NATO-ja e shtoi praninë e saj në Kosovë gjatë vitit 2023, pas rritjes së tensioneve në veriun e banuar me shumicë serbe.

Në KFOR aktualisht janë mbi 4 mijë paqeruajtës nga vende të ndryshme të botës. /REL/

The post Ulutash: Komunikimet e rregullta me ushtrinë serbe, jetësore për të parandaluar përshkallëzime appeared first on Agjencia Telegrafike Shqiptare.

Ekipi i Bashkëpunimit Civilo-Ushtarak (CIMIC) dhe Ekipi i Monitorimit Ndërlidhës (LMT) i Komandës Rajonale Lindje të misionit KFOR, i udhëhequr nga NATO, mori pjesë në një ceremoni zyrtare për dorëzimin e pajisjeve të reja zjarrfikëse për Departamentin e Zjarrfikësve të Komunës së Prishtinës.

Ky donacion synon të rrisë kapacitetin e zjarrfikësve për t’iu përgjigjur emergjencave në mënyrë të shpejtë dhe efektive, duke përmirësuar sigurinë e tyre gjatë operacioneve të rrezikshme dhe duke mbrojtur qytetarët e Kosovës.

“Donacioni i KFOR-it rrit aftësinë e zjarrfikësve për t’iu përgjigjur emergjencave dhe për të mbrojtur njerëzit që jetojnë në të gjithë Kosovën. Aktivitetet e CIMIC synojnë të promovojnë mirëqenien e të gjithë qytetarëve duke mbështetur institucionet lokale”, thuhet në njoftim.

Ky bashkëpunim përfaqëson një shembull të rëndësishëm të mbështetjes ndërkombëtare për kapacitetet e emergjencave civile në Kosovë dhe thekson angazhimin e KFOR-it për siguri dhe mbrojtje të komuniteteve lokale.

Prokuroria Speciale e Republikës së Kosovës ka ngritur aktakuzë ndaj tre personave – Jovan Viçentijeviq, Dragisha Viçentijeviq dhe Igor Dimoviq, për sulmin terrorist të 29 nëntorit në kanalin “Ibër-Lepenc”, ku një mjet shpërthyes shkaktoi dëme të rënda në infrastrukturën ujore dhe energjetike.

Sipas aktakuzës, të akuzuarit kanë kryer dëmtimin me mjet shpërthyes të kanalit që furnizon me ujë për nevoja industriale dhe energjetike, duke rrezikuar sigurinë publike dhe funksionimin e rrjetit strategjik të ujit.

Përveç sulmit terrorist, Prokuroria ka ngritur aktakuzë të veçantë ndaj Jovan Viçentijeviqit, i cili dyshohet se ka vepruar si agjent i Shërbimit Informativ Ushtarak të Serbisë (VSA), me gradë koloneli.

Sipas dosjes së Prokurorisë, ai ka mbledhur informacione të klasifikuara për strukturat e sigurisë në Kosovë dhe i ka dorëzuar ato tek zyrtarët serbë përmes takimeve të rregullta në Serbi.

Një nga pikat më të ndjeshme të aktakuzës lidhet me vëzhgimin dhe mbledhjen e të dhënave mbi lëvizjet e ushtarëve amerikanë të KFOR-it, të cilat, sipas Prokurorisë, Viçentijeviq i kishte dokumentuar dhe dërguar te shërbimet serbe, duke rrezikuar drejtpërdrejt trupat e aleatit kryesor të sigurisë së Kosovës.

Prokuroria thotë se Jovan Viçentijeviq ka:

Fotografuar bazën e Njësive Speciale të Policisë në Jasenovik të Zubin Potokut;

Vëzhguar dhe regjistruar lëvizjet e forcave amerikane të KFOR-it;

Siguruar një dokument të klasifikuar prej 66 faqesh për operacione në terren;

Krijuar materiale të manipuluara për të paraqitur ekzistencën e një organizate fiktive anti-kosovare, duke përdorur edhe fotografi të ish-eprorëve të UÇK-së.

Sipas Prokurorisë, përmes këtyre aktiviteteve, i pandehuri ka synuar të krijojë një narrativë të dëmshme për Kosovën në raport me partnerët ndërkombëtarë, duke cenuar rëndë sigurinë dhe rendin kushtetues të vendit.

Dëmtimi i kanalit “Ibër-Lepenc” është cilësuar nga autoritetet si sulm ndaj infrastrukturës kritike, me pasoja të mundshme energjetike dhe ujore për veri të vendit dhe objektet industriale që varen nga ky kanal.

Të tre të akuzuarit pritet të dalin para gjykatës për t’u përballur me akuzat për sulm terrorist, ndërsa Jovan Viçentijeviq do të gjykohet edhe për veprën e spiunazhit dhe bashkëpunimit me një shërbim të huaj ushtarak.

Kryeministri në detyrë i Republikës së Kosovës, Albin Kurti, është priturnë zyrat qendrore të KFOR-it në Prishtinë nga Komandanti i misionit, Gjeneral Major Özkan Ulutaş, ku zhvilluan një drekë pune dhe diskutuan mbi zhvillimet aktuale në vend dhe rajon.

Në takim u trajtua situata e sigurisë në Kosovë, me theks të veçantë në rëndësinë e bashkëpunimit mes institucioneve të sigurisë të vendit dhe misionit të NATO-s.

Kurti vlerësoi kontributin e KFOR-it në ruajtjen e paqes dhe stabilitetit dhe shprehu gatishmërinë për forcimin e mëtejshëm të bashkëpunimit me komandantin Ulutaş, i cili është në mandatin e dytë në krye të misionit.

Ai theksoi se marrëdhëniet e ngushta dhe funksionale mes Kosovës dhe KFOR-it mbeten thelbësore për sigurinë e gjithë territorit të vendit.