I lidhur fuqishëm me Real Madridin si një nga objektivat kryesorë për të forcuar mesfushën në sezonin 2026/27, Vitinha ka qenë në qendër të vëmendjes së mediave.

Megjithatë, klubi madrilen ka marrë së fundmi një përgjigje të prerë nga Parisi.

Gjatë ditëve të fundit, disa media spanjolle kanë raportuar mbi mundësinë që Vitinha të bëhet lojtari i ri i Real Madridit.

Madje, sipas Cadena SER, në rast të një shitjeje të Vinicius Jr gjatë verës, klubi i drejtuar nga Florentino Perez do të ishte i gatshëm të investonte shumën e përfituar për të tentuar transferimin e mesfushorit portugez të Paris Saint-Germain.

Edhe pse të gjithë janë të vetëdijshëm se bëhet fjalë për një operacion tepër të ndërlikuar për shkak të klubeve të përfshira, në kryeqytetin spanjoll duket se ende ekziston besimi për një skenar të tillë.

Tifozët e Real Madridit do ta mirëprisnin me entuziazëm ardhjen e ish-lojtarit të Portos, i cili do të ishte një zgjidhje ideale për problemet e krijimit në mesfushë, sektor ku ekipi i drejtuar nga Xabi Alonso po has vështirësi.

Vitinha nuk do të shkojë te Real Madridi

Megjithatë, Real Madridi ka pësuar një zhgënjim.

Sipas Defensa Central, presidenti i PSG-së, Nasser Al-Khelaifi, ka marrë një qëndrim të qartë, duke bërë të ditur se nuk ka asnjë qëllim të negociojë me Real Madridin.

Përveç faktit që nuk dëshiron të humbasë një nga lojtarët më të rëndësishëm të skuadrës, marrëdhënia mes dy presidentëve është veçanërisht e ftohtë.

Episodet e shumta të lidhura me Kylian Mbappe, si edhe përplasjet mes Real Madridit dhe UEFA-s, institucion ku Al-Khelaifi ka ndikim të madh lidhur me Superligën, kanë përkeqësuar ndjeshëm raportet mes dy palëve.

Vitinha, i shpallur mesfushori më i mirë në ‘Globe Soccer Awards’ të dielën e kaluar, ka kontratë me PSG-në deri në vitin 2029, çka e vendos klubin parisien në një pozicion shumë të fortë negociues.

Si rrjedhojë, duket pothuajse e pamundur që portugezi të ribashkohet me Kylian Mbappe në të ardhmen e afërt, ndërsa klauzola e përfolur prej 90 milionë eurosh, mbetet të paktën për momentin thjesht një fantazi. /Telegrafi/

Juventus po përgatitet të rrisë ofertën për rinovimin e kontratës së Kenan Yildiz, duke propozuar një pagë prej 6 milionë eurosh në sezon plus bonuse, nga 4.5 milionë euro sa ishte oferta e paraqitur disa javë më parë.

Bisedimet janë planifikuar të zhvillohen në janar, në prani të babait të lojtarit, Engin Yildiz.

Talenti 20-vjeçar ka kontratë të vlefshme deri në vitin 2029, por gjatë këtij sezoni është konsoliduar si lider teknik i Juventusit nën drejtimin e trajnerit Luciano Spalletti.

Interesimi për Yildiz është i madh: Real Madridi, Arsenali, Chelsea dhe Liverpooli po e monitorojnë nga afër futbollistin turk, i cili vlerësohet rreth 100 milionë euro.

Megjithatë, drejtuesit e Juventusit mbeten optimistë se do të arrijnë ta sigurojnë të ardhmen e tij afatgjatë në Torino.

Në këtë sezon të Serie A, Yildiz ka regjistruar 3 gola dhe 1 asistim në 7 ndeshje, ndërsa sezonin e kaluar kontribuoi me 7 gola dhe 5 asistime në 35 paraqitje në kampionat me fanellën bardhezi. /Telegrafi/

Manchester City ka arritur marrëveshje personale me sulmuesin e Bournemouth, Antoine Semenyo, ndërsa përfaqësuesit e lojtarit pritet të jenë në Mançester për të finalizuar detajet e transferimit, i cili pritet të kushtojë rreth 65 milionë euro në janar.

Klubi ka hapur negociatat me Bournemouth për klauzolën e lirimit të aktivizuar vetëm deri më 10 janar, duke e bërë Cityn deri më tani kandidatin e vetëm zyrtar për nënshkrim.

Interesi i Liverpoolit duket se është ftohur, pasi nuk ka pasur kontakte me Bournemouth ose me lojtarin, pavarësisht lidhjeve të mëparshme së bashku me Arsenalin, Manchester United dhe Tottenham.

Semenyo vetë ka shprehur dëshirën për të luajtur në nivele të larta dhe për të fituar trofe, duke favorizuar projektin e Man Cityt.

Në këtë sezon, Semenyo ka shënuar tashmë nëntë gola dhe ka dhuruar tre asistime në Ligën Premier për Bournemouth. /Telegrafi/

Tifozët e ekipit kombëtar të futbollit të Algjerisë dhanë një shembull të jashtëzakonshëm të kulturës dhe përgjegjësisë civile, duke pastruar të gjithë stadiumin nga mbeturinat e lëna pas fitores së skuadrës së tyre kundër Sudanit.

Siç raportoi një gazetar i televizionit kombëtar, qëndrimi i tifozëve është frymëzim për të gjithë komunitetin global të sportdashësve.

“Shpresojmë që grupet e tjera të tifozëve në mbarë botën të ndjekin shembullin e tyre dhe të pastrojnë hapësirat pas ndeshjeve, duke treguar respekt jo vetëm për stadiumin, por edhe për sportin”, tha reporteri.

Ky veprim u vlerësua gjerësisht nga mediat ndërkombëtare dhe fitoi admirimin e tifozëve dhe organizatorëve të ndeshjeve në mbarë botën.

Në fushën e lojës, Algjeria gjithashtu shfaqi performancë të shkëlqyer.

Në xhiron e parë, ‘Dhelprat e shkretëtirës’ mposhtën Sudanin me rezultatin e thellë 3-0, duke demonstruar dominim të plotë dhe aftësi taktike të lartë.

Në xhiron e dytë, Algjeria triumfoi ndaj Burkina Faso me rezultatin 1-0, duke siguruar kështu vendin e tyre në fazën e dytë të garës.

Ky kombinim i sukseseve sportive dhe përgjegjësisë civile e bën ekipin dhe tifozët algjerianë një shembull për komunitetin global të futbollit. /Telegrafi/

Real Madridi ka finalizuar tashmë largimin e Endrick Felipe, që pritet të jetë lëvizja e vetme e klubit gjatë afatit kalimtar dimëror.

Megjithatë, ekzistonte mundësia që edhe Franco Mastantuono të largohej me huazim.

Mastantuono pati një fillim premtues në Real Madrid pas transferimit të tij nga River Plate gjatë verës, por muajt e fundit ka rënë në disfavor.

Lëndimet kanë luajtur një rol, por realiteti është se Xabi Alonso nuk e sheh më si titullar të rregullt, një situatë e vështirë për të përballuar.

Mesfushori 18-vjeçar kërkon kohë të rregullt lojë për të siguruar vend në ekipin kombëtar të Argjentinës për Kupën e Botës 2026.

Ai mund të ketë vështirësi të marrë minuta të shumta në ‘Bernabeu’, prandaj i ishte ofruar mundësia për të kaluar me huazim në Itali.

Sipas gazetës Marca, Napoli pyeti Real Madrid për mundësinë e huazimit të Mastantuonos për gjysmën e dytë të sezonit, por kërkesa u refuzua kategorikisht.

Zyrtarët e Los Blancos e konsiderojnë atë si një lojtar të rëndësishëm, dhe arsyeja e mungesës së tij të fundit në fushë lidhet me dëmtimin që ende nuk është shëruar plotësisht.

Rikthimi i Rodrygo Goes e ka vënë Mastantuonon në disavantazh për të rikthyer vendin në formacionin titullar të Real Madrid, por me shumë ndeshje në vijim gjatë muajve të ardhshëm, ai do të ketë mundësi për të treguar vlerat e tij.

Mastantuono shihet si një lojtar i së tashmes, një fakt i rëndësishëm duke pasur parasysh moshën e tij vetëm 18-vjeçare.

Real Madridi e ka në plan të llogarisë tek ai, prandaj kërkesa e Napolit u refuzua. /Telegrafi/

Cole Palmer shfaqi qartë frustrim pas zëvendësimit gjatë humbjes 2-1 të Chelseat ndaj Aston Villës në “Stamford Bridge”, duke goditur ulësen në shenjë pakënaqësie ndaj vendimit të trajnerit Enzo Maresca.

Sipas gazetarit të brendshëm Kieran Gill, Palmer e vuri në diskutim vendimin me ndihmës-trajnerin Danny Walker në momentin e daljes nga loja, teksa rezultati ishte ende i barabartë në pjesën e dytë.

Irritimi i tij ishte i dukshëm edhe më herët, për shkak të shpërdorimit të rasteve nga bashkëlojtarët.

Ylli i Chelseat ishte rikthyer së fundmi pas një periudhe të gjatë dëmtimi, me Marescan që po menaxhonte minutat e tij me kujdes, një qasje e ngjashme me atë të ndjekur me Reece James.

Megjithatë, Palmer dukej se priste të aktivizohej për të gjithë 90 minutat në një përballje kaq vendimtare.

Chelsea kryesonte në pjesën e parë, por u shemb më pas, duke i lejuar Ollie Watkins të realizonte dy gola që i siguroi Aston Villës fitoren e 11-të radhazi.

Në këtë sezon, Palmer ka regjistruar tre gola në tetë paraqitje me fanellën e Chelseat. /Telegrafi/

Barcelona ka vendosur të mos e blejë Marcus Rashford, duke mos aktivizuar opsionin prej 30 milionë eurosh për shkak të kufizimeve financiare.

Edhe pse paraqitjet e tij janë vlerësuar pozitivisht, klubi katalanas nuk dëshiron të rrezikojë ekuilibrin ekonomik me një investim të tillë.

Ky vendim e detyron Barcelonën të kërkojë një alternativë në repartin ofensiv, me formulën e huazimit si zgjidhjen më të përshtatshme.

Drejtoria sportive synon një lojtar të ri, me ndikim të menjëhershëm dhe potencial zhvillimi, pa shpenzime të mëdha transferimi.

Në këtë kuadër, vëmendja e Barcelonës është përqendruar te Manchester City, një klub me shumë opsione në sulm.

Mendohet se City mund të ofrojë zgjidhje të përshtatshme përmes huazimeve strategjike, duke përfituar edhe vetë nga zhvillimi i lojtarëve të rinj.

Emri që po fiton më shumë mbështetje është Savinho, 21-vjeçari i Man Cityt.

Ai vlerësohet për shpejtësinë, driblimin dhe lojën në krahë, cilësi që përputhen me kërkesat e stafit teknik të Barcelonës.

Për ta bërë marrëveshjen të realizueshme, Barcelona është e gatshme të mbulojë rreth 65% të pagës së Savinhos.

Bisedimet janë ende në fazë fillestare, por klubi katalanas e sheh këtë opsion si një zgjidhje realiste dhe të qëndrueshme financiarisht. /Telegrafi/

Mesfushori i Real Madridit, Dani Ceballos, po kalon një periudhë të vështirë këtë sezon, teksa mungesa e minutave të rëndësishme e ka vendosur atë në një situatë të paqartë për të ardhmen.

Mesfushori spanjoll ishte i lidhur fort me një transferim te Marseille gjatë verës së kaluar, por në fund vendosi të qëndrojë në Madrid.

Megjithatë, ky vendim nuk ka rezultuar i suksesshëm, pasi ai po has vështirësi të mëdha për të fituar besimin e trajnerit Xabi Alonso.

Ish-lojtari i Real Betisit nuk duket të jetë një nga opsionet e preferuara të Alonsos, fakt që pasqyrohet qartë në statistika: Ceballos ka nisur si titullar vetëm në shtatë nga 14 ndeshjet e zhvilluara këtë sezon.

Situata është bërë edhe më e ndërlikuar së fundmi, pasi ai ka mbetur në stol në pesë ndeshjet e fundit radhazi në La Liga, përfshirë edhe fitoren 2-0 ndaj Sevillës fundjavën e kaluar.

Me konkurrencë të fortë në një mesfushë të mbushur me alternativa cilësore, Ceballos e ka gjithnjë e më të vështirë të rikthehet në një rol të rëndësishëm në skuadër.

Nëse kjo situatë vazhdon, e ardhmja e tij pritet të rikthehet sërish në qendër të spekulimeve gjatë verës, pavarësisht faktit se kontrata e tij me Real Madridin skadon në vitin 2027. /Telegrafi/

I vendosur për të rritur nivelin e repartit defensiv, Real Madridi ka hartuar një listë kandidatësh ku spikasin emrat e francezit Jeremy Jacquet dhe gjermanit Nico Schlotterbeck.

Një nga objektivat kryesorë të Real Madridit për të ardhmen e afërt është përmbyllja e rinovimit të mbrojtjes.

Pas afrimit të të riut spanjoll Dean Huijsen, klubi madrilen synon të rikthehet në treg për të siguruar edhe një mbrojtës tjetër me garanci të plota.

Ditët e fundit, disa media kanë përmendur emrat e francezëve Dayot Upamecano (Bayern Munich, 27 vjeç) dhe Ibrahima Konate (Liverpool, 26), por realisht asnjëri prej tyre nuk ka shumë gjasa të zbarkojë në “Santiago Bernabeu”.

Sipas burimeve pranë klubit, të cituara nga ESPN, “transferimet e tyre janë praktikisht të përjashtuara”.

As Marc Guehi (Crystal Palace, 25) nuk konsiderohet si një profil plotësisht i përshtatshëm për madrilenët.

Edhe pse lojtari i përfundon kontrata në verë dhe e sheh me sy të mirë një transferim në kryeqytetin spanjoll, “nga Valdebebas nuk ka sinjale se do të bëhet një lëvizje konkrete për të”, thekson i njëjti burim.

Të preferuarit

Me këta emra të lënë mënjanë, në krye të listës së preferencave të klubit aktualisht qëndrojnë francezi Jeremy Jacquet (Rennes, 20 vjeç) dhe gjermani Nico Schlotterbeck (Borussia Dortmund).

Megjithatë, fakti që të dy kanë kontrata aktive e bën të vështirë realizimin e një transferimi në Madrid.

Paralelisht me këto analiza, drejtuesit e Real Madridit po ndjekin nga afër edhe ecurinë e Jacobo Ramon (20), i cili po zhvillohet te Como dhe mund të rikthehet në klub për shumën prej 8 milionë eurosh, të parashikuar në klauzolën e riblerjes.

Po ashtu, drejtoria dhe stafi teknik vazhdojnë të besojnë në progresin e talentit të akademisë, Joan Martinez (18). /Telegrafi/

Marrëdhëniet mes Paris Saint-Germain dhe Real Madridit nuk janë më të mirat, pas transferimit të Kylian Mbappes, por klubi francez duket i vendosur të ndërmarrë një ofensivë për një prej lojtarëve të skuadrës së Xabi Alonsos që ka gjasa të largohet nga Santiago Bernabeu.

Që kur PSG nisi të kryente transferime milionëshe që e vendosën në qendër të vëmendjes në futbollin evropian dhe synuan Ligën e Kampionëve, marrëdhëniet me Real Madridin kanë pasur ulje-ngritje.

Sipas burimeve, klubi francez tashmë po synon një përforcim në mbrojtjen qendrore të “Los Blancos” për sezonin 2026.

Problemet në mbrojtjen e Real Madrid

Real Madridi ka një skuadër të gjerë, por zhvillimet e fundit kanë treguar se mbrojtja qendrore nuk është planifikuar mjaftueshëm mirë.

Fillimisht, Dean Huijsen dhe Eder Militao ishin parashikuar si titullarë, por performanca e huajit ka rënë në javët e fundit, ndërsa lëndimet kanë penguar brazilianin të mbulojë boshllëqet.

Në këtë situatë, trajneri Xabi Alonso nuk mund të mbështetet te David Alaba, i cili ndjen dhimbje në gjurin e tij kur luan më shumë se tre ndeshje radhazi, ashtu si dhe te Antonio Rudiger, i cili për shkak të artrozës në gjurin e tij nuk mund të rikthehet në formën që e bëri një nga qendërmbrojtësit më të mirë të Evropës në 2024.

Raul Asencio, zgjidhja emergjente

Në mungesë të David Alabas dhe Antonio Rudiger, Raul Asencio po luan një rol kyç, duke u aktivizuar pothuajse në çdo ndeshje dhe në pozicione të ndryshme, qoftë si qendërmbrojtës, qoftë si mbrojtës i djathtë.

Fillimisht, konsiderohej një opsion rezervë, por tani po përfiton nga koha e shtuar e lojës për të treguar potencialin e tij.

PSG në kërkim të Rudigerit

Sipas raportimeve të gazetës ‘El Nacional’, PSG po tenton të bindë Rudiger me një kontratë të majme, duke marrë parasysh se kjo mund të jetë paga e tij e fundit e madhe në karrierë.

Nga ana tjetër, drejtuesit e Real Madridit duket se janë më të gatshëm ta lejojnë largimin e gjermanit sesa ta mbajnë.

Kjo ofertë mund të shërbejë si shtysë për një transferim të mundshëm.

Antonio Rudiger, 32 vjeç, ka luajtur 50 ndeshje me Real Madridin në të gjitha kompeticionet, duke kaluar mbi 4,000 minuta në fushë, me 3 gola të shënuar dhe pa asistime. /Telegrafi/

Marc Cucurella ka konfirmuar në 2025 pozicionin e tij si një nga mbrojtësit më të mirë të majtë në botë, pas një viti të shkëlqyer si në nivel klubi, ashtu edhe në përfaqësuesen e Spanjës.

Pas shpërthimit në Euro 2024 me Spanjën, ish-lojtari i Barcelonës ka bërë një hap më tej në konsolidimin e tij te Chelsea, ku ka arritur të tejkalojë çdo presion të lidhur me shifrën e lartë të transferimit.

Mbrojtësi spanjoll, 27 vjeç, është bërë një element thelbësor për ekipin londinez, duke mbrojtur me siguri krahun e majtë dhe duke kontribuar në sulm me saktësi.

Deri më tani, ai ka luajtur 23 ndeshje këtë sezon, duke regjistruar 2 asistime dhe duke spikatur si për aftësitë mbrojtëse, ashtu edhe për ndikimin e tij në lojën sulmuese.

Me kontratë deri në 2028, Cucurella jo vetëm që siguron vazhdimësinë te Chelsea, por gjithashtu është bërë një element kyç në thirrjet e Luis de la Fuente, duke u konsoliduar si një lojtar diferencial për Spanjën.

Performanca e tij e vendos yllin në elitën e pozicionit, në konkurrencë me figura si Nuno Mendes dhe të tjerë referenca ndërkombëtare.

Rritja e Cucurella duket pa kufi, dhe karriera e tij parashikon ta mbajë ndër mbrojtësit më të mirë të majtë në botë edhe për vitet e ardhshme. /Telegrafi/

Ansu Fati mund të rikthehet në Spanjë më herët nga sa ishte parashikuar, për shkak të problemeve të reja fizike që po e shoqërojnë te Monaco.

Sulmuesi 23-vjeçar, i huazuar nga Barcelona, kishte nisur mirë aventurën në Ligue 1 dhe po rigjente formën dhe besimin, por dëmtimet kanë frenuar sërish progresin e tij.

Kjo situatë ka ngritur dyshime serioze te klubi francez mbi vazhdimësinë e huazimit deri në fund të sezonit.

Monaco po e rishqyrton marrëveshjen, pasi ka nevojë për lojtarë të gatshëm dhe të besueshëm në një sezon me objektiva të larta.

Edhe pse Ansu Fati ka dhënë sinjale pozitive kur ka qenë i shëndetshëm, ndërprerjet e shpeshta e bëjnë të vështirë integrimin e plotë në projektin sportiv.

Për këtë arsye, opsioni i kthimit të tij të parakohshëm te Barcelona po fiton gjithnjë e më shumë terren.

Në rast rikthimi, Barcelona do të përballej me një situatë të ndërlikuar, pasi nuk ka ende një plan të qartë për rolin e Ansu Fatit në ekipin e parë.

Hapësirat janë të kufizuara dhe klubi katalanas po shqyrton mundësinë e një huazimi të ri për t’i garantuar minuta dhe vazhdimësi. Prioriteti mbetet gjetja e një ambienti të qëndrueshëm dhe me presion më të ulët për lojtarin.

Në këtë kontekst, Elche është shfaqur si një opsion i mundshëm.

Klubi spanjoll, me një projekt të konsoliduar dhe filozofi loje ofensive, mund t’i ofrojë Ansu Fatit një rol protagonist.

Trajneri Eder Sarabia beson se në kushtet e duhura, sulmuesi mund të rikthejë versionin e tij më të mirë dhe të bëhet një element kyç për ekipin.

Vendimet që do të merren në javët e ardhshme do të jenë vendimtare për karrierën e tij dhe për përpjekjen për t’u rikthyer në nivelin më të lartë. /Telegrafi/

Ngritja e shpejtë e Sidiki Cherif në Ligue 1 nuk ka kaluar pa u vënë re.

Anësori 19-vjeçar i SCO Angers ka qenë një nga zbulimet e sezonit, duke realizuar katër gola në 17 paraqitje dhe duke tërhequr vëmendjen e klubeve më të mëdha të Evropës.

Pas interesimit të shfaqur më herët nga Paris Saint-Germain, një tjetër emër i rëndësishëm i është bashkuar garës.

Sipas Le Parisien, Crystal Palace po monitoron nga afër situatën e talentit francez dhe po shqyrton mundësinë e një oferte zyrtare gjatë afatit kalimtar të dimrit.

Drejtuesit e Angers janë plotësisht të vetëdijshëm për interesin në rritje rreth lojtarit të tyre dhe kanë vendosur tashmë një çmim.

Klubi i Ligue 1 pritet të kërkojë një shifër mes 25 dhe 30 milionë eurove për kartonin e Cherif.

Me interesimin e disa klubeve elitare dhe paraqitjet mbresëlënëse këtë sezon, gjithçka tregon se Sidiki Cherif pritet të jetë një nga emrat më të përfolur të afatit kalimtar dimëror në Francë. /Telegrafi/

Kërkimi i Mario Balotellit për një ekip të ri vazhdon, me interesin nga Lindja e Mesme që po shfaqet si një mundësi konkrete për rikthimin e tij në futbollin profesionist.

Ish-sulmuesi i kombëtares italiane është pa skuadër që prej periudhës së shkurtër dhe zhgënjyese te Genoa, ku aktivizimi i tij u kufizua në vetëm pak minuta përpara se të dilte jashtë planeve të ekipit.

Pavarësisht këtij dështimi, Balotelli ka pritur me durim një tjetër mundësi në Serie A, duke shpresuar për një rikthim të fundit në elitën e futbollit italian.

Ndërkohë, 35-vjeçari ka ruajtur formën fizike larg vëmendjes mediatike, duke u stërvitur me skuadrën Carpenedolo, teksa shqyrton alternativat për të ardhmen.

Në javët e fundit, Balotelli ka tërhequr vëmendje edhe jashtë fushës, pasi publikoi një mesazh në rrjetet sociale pas ndryshimit të trajnerit te Genoa, i interpretuar si një referencë e qartë ndaj marrëdhënies së tensionuar me Patrick Vieira gjatë periudhës së tij në klub.

Edhe pse një rikthim në Itali mbetet prioriteti i tij, një opsion jashtë vendit po merr formë konkrete.

Sipas Calciomercato, klubi nga Emiratet e Bashkuara Arabe, Al Ittifaq, ka shprehur interes dhe është gati t’i ofrojë Balotellit një kontratë afatgjatë deri në vitin 2028.

Kjo ofertë do të përfaqësonte një ndryshim të qartë drejtimi në karrierën e italianit, por edhe një mundësi për të ringjallur karrierën pas një viti të vështirë dhe pothuajse pa aktivizim.

Mbetet për t’u parë nëse Balotelli do të presë një telefonatë nga Serie A apo do të pranojë një aventurë të re jashtë Italisë. /Telegrafi/

Një nga transferimet e verës së kaluar, Franco Mastantuono, ka pasur një sezon me luhatje në Real Madrid, pas largimit të Endrick, tani vëmendja është drejtuar qartë tek i riu sulmues argjentinas.

Muaji i fundit ka qenë veçanërisht i trazuar për ekipin madrilen.

Çdo ndeshje nxjerr në pah diskutime rreth punës së Xabi Alonso, dhe shumë informacione e shohin Superkupën e Spanjës në janar si një moment kritik për klubin.

Në këtë kontekst, çdo vendim merr një dimension strategjik.

Largimi i Endrick te Olympique Lyon, i njoftuar së fundmi, në fakt ishte një operacion i mbyllur që nga fundi i tetorit.

Prandaj, lëvizjet e tjera të klubit do të jenë me një profil më të matur dhe të llogaritur.

Sipas Fabrizio Romano, Franco Mastantuono nuk do të huazohet në afatin kalimtar të janarit.

Sulmuesi 18-vjeçar, që ka shënuar 1 gol në 14 ndeshje dhe ka qenë titullar në muajt e parë të sezonit, vazhdon të jetë i preferuari i trajnerit Xabi Alonso.

"Franco Mastantuono nuk do të huazohet nga Real Madrid në janar. Lojtari po rikuperohet nga një dëmtim inguinal dhe po rikthehet në formën e tij më të mirë. Si klubi, ashtu edhe stafi teknik i besojnë plotësisht", konfirmoi Romano.

Mastantuono do të vazhdojë të jetë pjesë e projektit të Real Madridit, me besimin e stafit teknik dhe mundësinë për të treguar vlerat e tij pas një nisjeje të paqëndrueshme të sezonit. /Telegrafi/

Manchester City ka forcuar pozicionin e tij në garën për të nënshkruar me sulmuesin e Bournemouth, Antoine Semenyo, pas tërheqjes së Chelseat, raporton The Telegraph.

25-vjeçari është prej kohësh në vëmendjen e Pep Guardiolas, i cili e ka përshkruar Semenyon si një “lojtar të jashtëzakonshëm”.

City po konsideron një ofertë sapo klauzola e tij e lirimit prej 65 milionë eurosh të aktivizohet në janar.

Liverpooli dhe Manchester United mbeten gjithashtu të interesuar, ndërsa Chelsea, pavarësisht kërkesave të hershme, nuk planifikon të ndjekë më këtë transferim pasi ka ndryshuar fokusin drejt objektivave të tjera.

Semenyo, i cili u transferua te Bournemouth nga Bristol City në 2023, ka shënuar tetë gola këtë sezon dhe pritet gjerësisht të largohet sapo të aktivizohet klauzola e tij.

Bournemouth është i përgatitur për largimin e tij, ndërsa Tottenham nuk duket si destinacion i mundshëm, megjithëse kishte shfaqur interes më parë.

City beson se Semenyo mund të sjellë freski në sulmin e tyre dhe nuk do të kishte probleme për të përmbushur kërkesat e tij financiare, megjithatë çdo lëvizje mund të varet nga largimet e tjera, duke pasur parasysh preferencën e Guardiolas për një skuadër kompakte.

Liverpooli, i cili ka ndjekur sulmuesin prej kohësh, mbetet gjithashtu në garë për shërbimet e tij. /Telegrafi/

Mbrojtësi gjerman, Sebastian Hertner, ka ndërruar jetë pas një aksidenti tragjik gjatë një pushimi dimëror në Mal të Zi.

Ngjarja e rëndë ndodhi në qendrën e skive Savin Kuk, pranë qytetit malor Zabljak, ku 34-vjeçari ra nga një teleferik, duke u rrëzuar nga një lartësi prej rreth 70 metrash.

Bashkëshortja e Hertnerit ndodhej gjithashtu në teleferik në momentin e aksidentit.

Ajo i mbijetoi vdekjes, por pësoi lëndime të rënda, duke u shtruar në spital me thyerje të këmbës, pasi mbeti e bllokuar në karrigen e dëmtuar.

Sebastian Hertner ishte ish-përfaqësues i Gjermanisë U-19 dhe gjatë karrierës së tij ka qenë pjesë e disa klubeve të njohura gjermane, përfshirë Stuttgartin dhe Schalke 04.

Autoritetet lokale kanë nisur hetimet për të zbardhur rrethanat e plota të aksidentit. /Telegrafi/

Disa klube nga Arabia Saudite po shfaqin interes konkret për portierin belg Thibaut Courtois, ndërsa Villarreal ka nisur lëvizjet për të afruar Andriy Lunin.

Edhe pse vëmendja mediatike te Real Madridi zakonisht përqendrohet te emra si Kylian Mbappe, Vinicius Junior, Jude Bellingham, Arda Guler apo Rodrygo Goes, realiteti është se Courtois (33 vjeç) mbetet një nga shtyllat e padiskutueshme të ekipit.

Ndeshje pas ndeshjeje, portieri belg dëshmon se prania e tij është vendimtare për klubin madrilen.

Për këtë arsye, interesimi në rritje nga Arabia Saudite përbën një burim shqetësimi për “Los Blancos”.

Sipas një raportimi të Defensa Central, disa klube të Lindjes së Mesme janë të gatshme t’i ofrojnë Courtois një kontratë trevjeçare me vlerë 30 milionë euro në sezon.

Megjithatë, në parim, Courtois nuk pritet t’i marrë seriozisht këto oferta.

Përveçse nuk ka shqetësime financiare, ai gëzon një pagë të lartë dhe synon të vazhdojë të luajë në nivelin më të lartë.

Aktualisht, kontrata e tij me Real Madridin skadon në qershor 2027, dhe gjithçka tregon se do të vijojë të mbrojë portën e “Santiago Bernabeu” deri atëherë.

Ndryshe paraqitet situata e Andriy Lunin (26 vjeç).

Portieri ukrainas duket gjithnjë e më i lodhur nga roli i dytë pas Courtois dhe nuk përjashton një largim në fund të sezonit.

Mes ofertave që kanë nisur të mbërrijnë, spikat ajo e Villarrealit.

Sipas OK Diario, klubi spanjoll e sheh Lunin si profilin ideal për t’i dhënë stabilitet portës, një repart ku as Luiz Junior dhe as Arnau Tenas nuk kanë arritur të konsolidohen. /Telegrafi/

Edhe pse është i huazuar te Aston Villa, e ardhmja e Jadon Sancho mbetet e paqartë dhe Manchester United nuk përjashton shitjen e tij që në afatin kalimtar të janarit.

Sulmuesi anglez po kalon një sezon pa stabilitet të plotë, ndërsa javët në vazhdim pritet të jenë vendimtare për drejtimin e karrierës së tij, si në Ligën Premier ashtu edhe jashtë saj.

Situata është e ndërlikuar dhe lidhet me interesa të ndryshme.

Aston Villa dëshiron ta mbajë Sanchon deri në fund të sezonit, duke besuar se ai ende mund të jetë i dobishëm në fazën vendimtare të garave.

Në të kundërt, Manchester United nuk dëshiron që një lojtar me vlerë të humbasë peshë në treg pa minuta të rregullta dhe pa rol kryesor.

Për këtë arsye, klubi po shqyrton seriozisht mundësinë e një transferimi të përhershëm në janar.

Në Old Trafford vazhdon të shihet si problem i hapur çështja Sancho.

I transferuar si yll dhe i projektuar për të udhëhequr repartin ofensiv, ai kurrë nuk arriti të përshtatej plotësisht.

Pas konflikteve të brendshme dhe largimit në formë huazimi, drejtuesit e klubit kanë një prioritet të qartë: të shmangin devalvimin e lojtarit dhe rrezikun e largimit falas në verë.

Nëse Aston Villa nuk i garanton vazhdimësi dhe protagonizëm, United është i gatshëm të dëgjojë oferta dhe ta mbyllë shitjen që në janar.

Nga ana e Aston Villas, besimi ekziston, por realiteti në fushë nuk ka qenë bindës.

Borussia Dortmund, Monaco dhe Como kanë shfaqur interes për situatën e Sanchos, duke e parë janarin si një mundësi të artë.

Dortmund mbetet opsioni më emocional, pasi aty lojtari përjetoi vitet më të mira të karrierës dhe mund të rilindë larg presionit të Ligës Premier.

Monaco dhe Como, nga ana tjetër, përfaqësojnë projekte ambicioze që synojnë të rriten dhe e shohin Sanchon si investim strategjik dhe mediatik.

Manchester United dëshiron ta mbyllë këtë çështje sa më shpejt dhe të sigurojë të ardhura, në mënyrë që të mos e humbasë lojtarin pa përfitim financiar në verë, kur i përfundon kontrata.

Për Jadon Sanchon, një ndryshim ambienti shihet si domosdoshmëri për të rikthyer besimin, vazhdimësinë dhe formën që dikur e bënë një nga talentet më të mëdhenj të futbollit evropian. /Telegrafi/

Galatasaray po mendon të paraqesë një ofertë për sulmuesin e AC Milanit, Santiago Gimenez, përpara afatit kalimtar të janarit, sipas raportimeve të fundit.

Sulmuesi i përfaqësueses së Meksikës pritet të mungojë deri në muajin shkurt, pasi iu nënshtrua së fundmi një ndërhyrjeje kirurgjikale në kyçin e këmbës.

Megjithatë, kjo nuk e ka ndalur spekulimin rreth një largimi të mundshëm nga “San Siro”.

AC Milan pritet të përforcojë repartin ofensiv me ardhjen e Niclas Fullkrug në formë huazimi nga West Ham United, çka mund të vërë në pikëpyetje rolin e Gimenez sapo ai të rikthehet nga dëmtimi.

Nga ana tjetër, Galatasaray është në kërkim të një zëvendësuesi për Mauro Icardin, kontrata e të cilit përfundon në fund të sezonit aktual.

Klubi turk po vlerëson me kujdes gjendjen fizike të Gimenez për të përcaktuar nëse ai mund të shërbejë si një alternativë e besueshme në sulm, si mbështetje për Victor Osimhen. /Telegrafi/