Bayern Munich nuk pritet të realizojë asnjë nënshkrim të jashtëm gjatë afatit aktual të transferimeve. Megjithatë, klubi bavarez përgatitet për tre njoftime të rëndësishme gjatë muajit janar, që lidhen me zgjatjen e kontratave të lojtarëve kyç.

Sipas deklarimeve publike të drejtorit sportiv Max Eberl, nuk do të ketë ndryshime të mëdha në përbërjen e skuadrës këtë dimër. I vetmi lojtar që po shqyrtohet seriozisht për largim është mbrojtësi i djathtë Sacha Boey (25). Edhe në rast të shitjes së tij, Bayern nuk pritet të sjellë menjëherë një zëvendësues, me një përforcim të mundshëm vetëm pas gjashtë muajsh.

Prioriteti absolut për drejtuesit e klubit është sigurimi i vazhdimësisë së boshtit të skuadrës. Lajmi i mirë për bavarezët është se ata janë shumë pranë finalizimit të marrëveshjeve të reja me tre lojtarë kryesorë, ku nënshkrimi shihet tashmë si formalitet.

Bëhet fjalë për liderin e mbrojtjes Dayot Upamecano (27), mbrojtësin e djathtë Konrad Laimer (28) dhe sulmuesin Serge Gnabry (30). Një ose dy njoftime zyrtare priten që gjatë muajit janar në Säbener Straße.

Gnabry pritet të rinovojë kontratën me një pagë më të ulët, ndërsa Upamecano mund të përfitojë një rritje të ndjeshme të pagës për shkak të rolit të tij kyç në mbrojtje.

Edhe Laimer është në linjë për një kontratë më fitimprurëse, pas paraqitjeve të shkëlqyera këtë sezon, FT e ka vlerësuar atë si mbrojtësin e dytë më të mirë të Bundesligës në gjysmën e parë të kampionatit.

Vitin e kaluar, Bayern siguroi disa marrëveshje strategjike, duke rinovuar kontratat e Jamal Musiala (deri në 2030), Joshua Kimmich (deri në 2029) dhe Alphonso Davies (deri në 2030).

Një rol të rëndësishëm në këtë stabilitet ka pasur edhe trajneri Vincent Kompany, i cili ka ndikuar që Bayern të luajë jo vetëm futboll tërheqës, por edhe të suksesshëm. /Telegrafi/

Me afatin kalimtar të janarit tashmë të hapur, Real Madrid ka vendosur të qëndrojë jashtë lojës për disa nga emrat më të përfolur të transferimeve.

Ibrahima Konate i Liverpoolit, Dayot Upamecano i Bayernit dhe Ruben Neves i Al Hilalit i janë ofruar klubit madrilen në javët e fundit, por drejtuesit kanë zgjedhur të refuzojnë, duke mos u përfshirë në lëvizje spekulative.

Strategjia e klubit madrilen është e qartë: me merkaton e mbyllur deri në qershor, fokusi është te verë e ardhshme, kur mund të operohet me lojtarë të kontratave afër skadimit, duke shmangur shpenzime të larta dhe presionin mediatik.

Ky model ka shërbyer në vite për të siguruar përforcime cilësore në kushtet më të favorshme, por gjithashtu kërkon durim dhe qetësi për të mos u futur në lojëra spekulative.

Të tre lojtarët e përmendur i përkasin kësaj kategorie: kontratat e tyre skadojnë më 30 qershor, gjë që i bën tërheqës për shumë klube, por Real Madrid refuzon të reagojë thjesht ndaj spekulimeve. Drejtuesit këmbëngulin në heshtje absolute, duke pritur oferta konkrete dhe të qëndrueshme që përputhen me strategjinë afatgjatë të klubit.

Në këtë mënyrë, klubi madrilen ruan stabilitetin e skuadrës dhe synon të operojë me maturi, duke përdorur merkaton e verës për të siguruar lojtarë me cilësi të lartë dhe të përshtatshëm për projektin e tyre. /Telegrafi/

I vendosur për të rritur nivelin e repartit defensiv, Real Madridi ka hartuar një listë kandidatësh ku spikasin emrat e francezit Jeremy Jacquet dhe gjermanit Nico Schlotterbeck.

Një nga objektivat kryesorë të Real Madridit për të ardhmen e afërt është përmbyllja e rinovimit të mbrojtjes.

Pas afrimit të të riut spanjoll Dean Huijsen, klubi madrilen synon të rikthehet në treg për të siguruar edhe një mbrojtës tjetër me garanci të plota.

Ditët e fundit, disa media kanë përmendur emrat e francezëve Dayot Upamecano (Bayern Munich, 27 vjeç) dhe Ibrahima Konate (Liverpool, 26), por realisht asnjëri prej tyre nuk ka shumë gjasa të zbarkojë në “Santiago Bernabeu”.

Sipas burimeve pranë klubit, të cituara nga ESPN, “transferimet e tyre janë praktikisht të përjashtuara”.

As Marc Guehi (Crystal Palace, 25) nuk konsiderohet si një profil plotësisht i përshtatshëm për madrilenët.

Edhe pse lojtari i përfundon kontrata në verë dhe e sheh me sy të mirë një transferim në kryeqytetin spanjoll, “nga Valdebebas nuk ka sinjale se do të bëhet një lëvizje konkrete për të”, thekson i njëjti burim.

Të preferuarit

Me këta emra të lënë mënjanë, në krye të listës së preferencave të klubit aktualisht qëndrojnë francezi Jeremy Jacquet (Rennes, 20 vjeç) dhe gjermani Nico Schlotterbeck (Borussia Dortmund).

Megjithatë, fakti që të dy kanë kontrata aktive e bën të vështirë realizimin e një transferimi në Madrid.

Paralelisht me këto analiza, drejtuesit e Real Madridit po ndjekin nga afër edhe ecurinë e Jacobo Ramon (20), i cili po zhvillohet te Como dhe mund të rikthehet në klub për shumën prej 8 milionë eurosh, të parashikuar në klauzolën e riblerjes.

Po ashtu, drejtoria dhe stafi teknik vazhdojnë të besojnë në progresin e talentit të akademisë, Joan Martinez (18). /Telegrafi/

Derisa transferimi të marrë një epilog përfundimtar, e ardhmja e Dayot Upamecano do të vazhdojë të jetë një temë e nxehtë në mediat e futbollit.

Edhe një herë, një zyrtar i lartë i Bayern Munich ka komentuar situatën aktuale të mbrojtësit francez.

Sipas raportimeve në mediat gjermane, Upamecano ka paraqitur kërkesa të qarta për rinovimin e kontratës së tij, e cila është drejt skadimit: një pagë deri në 18 milionë euro bruto në sezon, një bonus nënshkrimi mbi 20 milionë euro dhe një klauzolë lirimi prej 65 milionë eurosh, e cila do të hynte në fuqi që në vitin e parë të kontratës së re.

Bayern është i gatshëm të përmbushë të paktën dy kërkesat e para, ndërsa pika kryesore e mosmarrëveshjes mbetet klauzola e largimit.

telegrafi.com

Për të përshpejtuar negociatat, në lidhje me këtë çështje ka folur edhe drejtori ekzekutiv i klubit, Jan-Christian Dreesen. Në një intervistë për Abendzeitung, ai konfirmoi dëshirën e Bayernit për ta mbajtur Upamecanon në “Allianz Arena”.

“Është e njohur që ne duam t’ia zgjasim kontratën Upamecano-s dhe besoj se nuk kemi asgjë për të cilën duhet të turpërohemi sa i përket ofertës që i kemi bërë”, u shpreh Dreesen.

Ai theksoi gjithashtu se oferta reflekton paraqitjet e shkëlqyera të mbrojtësit këtë sezon. “Kjo pasqyron performancat e jashtëzakonshme që Upa ka treguar. Në vendime të tilla luajnë rol edhe faktorë të tjerë, jo vetëm aspekti financiar. Nuk duhet të bëhet fjalë për kursimin e çdo euroje të fundit”, shtoi ai.

Dreesen mbetet optimist se Bayern do të arrijë marrëveshje me lojtarin, duke ia lënë procesin drejtuesve sportivë të klubit. /Telegrafi/

Mbrojtësi Dayot Upamecano ka bërë një kërkesë të lartë financiare prej 20 milionë euro për të hedhur firmën në kontratën e re të Bayern Munichut.

Francezit i skadon kontrata në verë ndërsa negociatat me Bayernin ka kohë që kanë ngecur. Gjatë kësaj periudhe PSG-ja dhe Real Madridi kanë shprehur interesim, me “Los Blancos” që thuhet se edhe kanë një marrëveshje në parim.

Duke ditur interesimin e dy gjigantëve evropianë, Upamecano duket se po e përdorë paksa situatën për të përfituar financiarisht. Siç raportojnë mediat gjermane, ai i ka kërkuar Bayernit një bonus prej 20 milionë eurove për të rinovuar.

Megjithatë, drejtori sportiv i klubit gjerman Freund beson se Upamecano do të mbetet në “Allianz Arena”.

“Ai ndihet shumë rehat këtu. Nuk ka të bëjë vetëm me paratë. Bisedimet janë duke u zhvilluar, jam optimist se marrëveshja do të arrihet. Nëse ndodhë tani ose më vonë nuk e di, por gjëja më e rëndësishme është të ndodhë”, deklaroi ai.

Ndërkohë, si Reali ashtu edhe PSG-ja e kanë informuar Upamecanon se janë të gatshëm t’ia plotësojnë kërkesat financiare.

Upamecano aktualisht po synon ta fitojë Bundesliga-n me Bayernin si dhe të bëjnë ndonjë befasi në Ligën e Kampionëve./Telegrafi/

Real Madridi dhe PSG-ja janë të gatshëm t’i plotësojnë kërkesat financiare të Dayot Upamecanos, teksa gara për mbrojtësin francez pritet të ndizet gjatë verës.

Sipas gazetarit Santi Aouna, dy gjigantët evropianë – Real Madridi dhe Paris Saint-Germain – e kanë informuar qendërmbrojtësin se janë të gatshëm t’i ofrojnë pagën që ai kërkon, nëse vendos të largohet nga Bayern Munich në fund të sezonit.

Aktualisht, ende nuk ka një marrëveshje mes Bayernit dhe Upamecanos për rinovimin e kontratës. Kjo situatë ka hapur derën për interesimin konkret të klubeve të mëdha, që po ndjekin nga afër zhvillimet rreth të ardhmes së tij.

Real Madridi po e konsideron seriozisht afrimin e një qendërmbrojtësi të fuqishëm gjatë verës, sidomos për shkak të problemeve të shpeshta me lëndime të David Alabas dhe Eder Militaos. Klubi madrilen dëshiron më shumë stabilitet në prapavijë dhe profili i Upamecanos shihet si ideal për kërkesat e tyre.

Sipas Aouna, nuk përjashtohet mundësia që Real Madridi të ketë tashmë një marrëveshje paraprake me mbrojtësin francez edhe pse kjo ende nuk është konfirmuar zyrtarisht. Nga ana tjetër, PSG-ja mbetet një opsion shumë i fortë, duke qenë se dëshiron të forcojë repartin defensiv me një lojtar të nivelit të lartë dhe me përvojë në skenën evropiane.

Nëse Bayern Munich nuk arrin ta bindë Upamecanon të rinovojë kontratën, vera e ardhshme pritet të sjellë një betejë të fortë mes dy gjigantëve për shërbimet e njërit prej mbrojtësve më të kërkuar në Evropë./Telegrafi

Kërkimi i Real Madrid për një mbrojtës që ta sjellin verën e ardhshme po fillon të marrë formë. Me një numër klubesh që janë në kërkim të qendërmbrojtësve dhe me një numër të kufizuar mbrojtësish të nivelit të lartë të lirë, ‘Los Blancos’ duket se po pozicionohen për Dayot Upamecano.

Reprezentuesi francez ka kontratë që skadon vitin e ardhshëm dhe, pavarësisht disa sigurimeve publike nga drejtori sportiv i Bayern, Max Eberl dhe presidenti Herbert Hainer, se janë optimistë për një marrëveshje të re, nuk ka asnjë siguri.

Së fundmi, raportet në Madrid shpjeguan se Upamecano ishte zgjedhja e preferuar në kryeqytetin spanjoll përpara Ibrahima Konate, por ata nuk ishin të sigurt për dëshirën e tij për t’u bashkuar me ta.

Sipas Christian Falk, gazetar i Bayern, ‘Los Blancos’ janë ndër tre klubet që mbeten ende në garë. Liverpool ka dalë jashtë kësaj gare, pasi janë të fokusuar te Marc Guehi.

Dayot Upamecano

Bayern duket qartë se shpreson ta zgjerojë kontratën e tij dhe marrëdhënia e Upamecanos me trajnerin Vincent Kompany mund të jetë vendimtare për vendimin e tij.

Paris Saint-Germain shpreson të shtojë një tjetër francez në radhët e tyre dhe ka ndikimin e vendlindjes së tij, ndërsa Real Madrid përshkruhet si “shumë të interesuar” për Upamecano.

Kur vjen puna te Konate, Liverpool kërkon një vendim nga ai sa më shpejt, pasi mund të shikojnë ta shesin në afatin e janarit për të shmangur humbjen e tij si lojtar i lirë./Telegrafi/

Barcelona thuhet se ka vëzhguar Nico Schlotterbeck të Borussia Dortmund dhe Dayot Upamecano të Bayern Munich në kërkim të një mbrojtësi të ri qendror verën e ardhshme.

Sipas mediumit Mundo Deportivo, të dy lojtarët po rezultojnë të jenë rebelë për vazhdimin e kontratave dhe Barcelona synon ta shfrytëzoj këtë mundësi.

Kontrata e Schlotterbeck skadon në vitin 2027 dhe Dortmund është i etur ta zgjasë qëndrimin e tij.

Megjithatë, qendërmbrojtësi gjerman nuk i është përgjigjur ofertës fitimprurëse të klubit për zgjatje të kontratës, duke nxitur spekulimet për largimin e tij.

Ai mund të jetë i disponueshëm për 40 milionë verën e ardhshme nëse zgjedh të mos e rinovojë.

Nga ana tjetër, Upamecano është një nga lojtarët më të kërkuar pasi kontrata e tij skadon në fund të sezonit.

Bayern ka qenë në negociata për të zgjatur qëndrimin e tij, por deri më tani nuk kanë arritur të gjejnë një gjuhë të përbashkët.

Situata e tij ka tërhequr vëmendjen e klubeve të mëdha si Real Madrid, PSG dhe Liverpool.

27-vjeçari aktualisht po luan në kulmin e fuqisë së tij dhe transferimi i tij si transferim i lirë do të ishte një “vjedhje” e madhe për Barçën. /Telegrafi/

Mbrojtësi francez Dayot Upamecano ka folur për të ardhmen e tij te Bayern Munich, duke theksuar se ndihet i vlerësuar dhe se është “mirë i këshilluar” për hapat e ardhshëm në karrierë.

“E kam thënë gjithmonë se ndihem rehat te Bayern. Kam një trajner të shkëlqyer dhe bashkëlojtarë fantastikë”, ka thënë Upamecano në një intervistë për L’Équipe.

27-vjeçari është nën kontratë me bavarezët deri në vitin 2026 dhe ka falënderuar klubet që kanë treguar interes për të, por njëkohësisht ka rikonfirmuar dëshirën për të vazhduar në Munich.

Nën drejtimin e Vincent Kompany, francezi është bërë një nga shtyllat kryesore të mbrojtjes së Bayernit.

Sipas raportimeve, bisedimet për rinovimin e kontratës pritet të jenë të ndërlikuara, pasi Upamecano kërkon një rritje të ndjeshme page që do të reflektonte rolin e tij të rëndësishëm në skuadër.

Nga ana tjetër, Bayern Munich mbetet i vendosur ta mbajë mbrojtësin, pavarësisht interesimit të klubeve të mëdha evropiane si Manchester United, Barcelona dhe Real Madrid. /Telegrafi/

Bayern Munich po përgatit një ofertë të madhe për të siguruar që Dayot Upamecano të vazhdojë të jetë pjesë e klubit edhe për shumë vite.

Kontrata aktuale e mbrojtësit francez me bavarezët skadon në verën e vitit 2026, por drejtuesit e klubit duan ta blindojnë lojtarin për një periudhë më të gjatë, pavarësisht interesimit të madh që po vjen nga Real Madridi dhe Paris Saint-Germain.

Sipas gazetarit Sacha Tavolieri, Bayern po përgatit një ofertë të re pesëvjeçare që do ta mbajë Upamecanon në “Allianz Arena” deri në vitin 2031, me një pagë vjetore rreth 20 milionë euro.

Në total, oferta do të arrijë në rreth 100 milionë euro, çka do ta vendoste francezin ndër më të paguarit e skuadrës, në nivel me Joshua Kimmich dhe Manuel Neuer.

Nuk dihet ende nëse Bayern do të pranojë edhe kërkesën e kampit të lojtarit për një bonus nënshkrimi prej 17-20 milionë eurosh, por burimet theksojnë se bisedimet po ecin në mënyrë shumë pozitive.

Klubi gjerman po shpreson gjithashtu në “efektin Kompany”, pasi nën drejtimin e trajnerit belg, Upamecano ka treguar një rritje të dukshme në paraqitjet e tij.

Deri më tani nuk ka marrëveshje përfundimtare, por të gjitha sinjalet tregojnë se Bayern Munich është e vendosur të mbajë Upamecanon si një shtyllë të mbrojtjes për afat të gjatë. /Telegrafi/

Dayot Upamecano një nga emrat më të nxehtë të merkatos evropiane. Mbrojtësi francez i Bayern-it, i cili ka kontratë deri në qershor të vitit 2026, do të jetë i lirë që nga janari të negociojë me çdo klub që dëshiron dhe kjo ka ndezur garën mes gjigantëve të kontinentit. Upamecano, i lindur në vitin 1998, është një ndër shtyllat e mbrojtjes së skuadrës së Vincent Kompany…

Source

Bayern Munich ka kontaktuar mbrojtësin e Liverpoolit, Ibrahima Konate, për të shqyrtuar një transferim të mundshëm verën e ardhshme, në rast se Dayot Upamecano nuk pranon të rinovojë kontratën, raporton gazeta gjermane “Bild”.

Bisedimet midis përfaqësuesve të Upamecanos dhe klubit bavarez janë duke vazhduar, por pa asnjë marrëveshje deri tani.

27-vjeçari kërkon një shpërblim të lartë për firmën e tij, çka ka detyruar Bayernin të rishikojë ofertën. Megjithatë, gjigantët gjermanë nuk duan ta humbasin mbrojtësin francez dhe po punojnë për ta bindur që të qëndrojë afatgjatë.

Ibrahima Konate

Në të njëjtën kohë, drejtuesit e klubit po përgatiten për çdo skenar, duke e parë Ibrahima Konaten si pasuesin e mundshëm të Upamecanos. Situata e Konates te Liverpool është pothuajse e ngjashme, pasi kontrata e tij skadon verën e ardhshme dhe negociatat për rinovim janë ndalur.

26-vjeçari ka përvojë në Bundesliga, pasi ka luajtur më parë për Leipzig, dhe mund të përshtatet shpejt te Bayern në rast se transferimi realizohet. Megjithatë, Real Madrid është gjithashtu në garë për nënshkrimin e tij.

Ndërkohë, në rast që Konate vendos të largohet, edhe Liverpooli pritet t’i bashkohet garës për Upamecanon./Telegrafi/

Bayern Munich po përpiqet me ngulm të sigurojë të ardhmen e Dayot Upamecanos, por duket se negociatat për rinovimin e kontratës po komplikohen, pasi Real Madridi është futur fuqishëm në garë për qendërmbrojtësin francez.

Bavarezët kanë pasur një nisje të shkëlqyer të sezonit, dhe Upamecano ka qenë një element kyç në suksesin e skuadrës, duke formuar një dyshe solide në mbrojtje me Jonathan Tah.

Megjithatë, kontrata e francezit është drejt skadimit dhe oferta e parë e klubit nuk ka përmbushur pritjet e lojtarit, çka ka vënë në pikëpyetje qëndrimin e tij në Mynih.

Sipas asaj që raporton Fusball Transfer, Upamecano ka arritur tashmë një marrëveshje verbale me Real Madridin mbi kushtet personale të kontratës.

Madrilenët e shohin mbrojtësin si përforcimin ideal për linjën e prapme, madje më të përshtatshëm se Ibrahima Konate i Liverpoolit, i cili gjithashtu është në vitin e fundit të kontratës.

Përveç Real Madridit, interesim për francezin kanë shfaqur edhe Liverpool dhe Chelsea, duke e bërë situatën e tij në treg edhe më të nxehtë. Kjo vendos Bayernin në presion për të reaguar shpejt dhe për të përmirësuar ofertën aktuale, nëse dëshiron ta mbajë një nga mbrojtësit më të rëndësishëm të skuadrës.

Në media janë përmendur edhe spekulime për një klauzolë lirimi, që mund ta lehtësojë largimin e Upamecanos nëse klubet arrijnë një marrëveshje të favorshme në afatin kalimtar të janarit.

Në çdo rast, lojtari ndodhet në një pozicion të shkëlqyer negociues, ndërsa Bayern përballet me rrezikun e humbjes së një tjetër talenti elitar drejt Madridit. /Telegrafi/

Gjigantët e La Ligas, Real Madrid, janë shumë pranë përfundimit të një marrëveshjeje për kushtet personale të kontratës me yllin e Bayern Munich, Dayot Upamecano.

Sipas ekspertit francez të futbollit, Santi Aouna, i cili këtë javë ka dhënë një përditësim mbi situatën, mbrojtësi francez është lidhur prej kohësh me një transferim drejt kryeqytetit spanjoll.

Kjo ndodh ndërkohë që kontrata e 27-vjeçarit me Bayern Munich skadon në verën e vitit 2026.

Në kërkim të përforcimeve në qendër të mbrojtjes, për shkak të largimeve të pritshme të David Alaba dhe Antonio Rüdiger, Real Madrid e ka identifikuar Upamecanon si objektivin kryesor.

Dhe, sipas raportimeve më të fundit të mediave, duket se “Los Blancos” janë shumë afër ta bëjnë të tyrin lojtarin francez.

“Real Madrid dhe Dayot Upamecano janë afër një marrëveshjeje verbale. Real Madrid aktualisht është në pozicionin më të favorshëm për të nënshkruar me përfaqësuesin e Francës”, ka raportuar Aouna.

Kujtojmë se Real Madridi gjithashtu është duke monitoruar me kujdes edhe dyshen Ibrahima Konate dhe Marc Guehi, të cilët po ashtu do të mbesin lojtarë të lirë në fund të sezonit./Telegrafi/

Real Madrid do të përpiqet të nënshkruajë një mbrojtës qendror në verën e vitit 2026 për të zëvendësuar veteranët në plakje, David Alaba dhe Antonio Rudiger, në fund të kontratave të tyre.

Megjithatë, opsionet në treg po fillojnë të pakësohen.

Pavarësisht se e pranoi se një kalim te Real Madrid ishte “shumë joshës”, Ëilliam Saliba i Arsenalit nënshkroi një kontratë të re me klubin në shtator, duke mbyllur praktikisht shanset e Los Blancos për të nënshkruar mbrojtësin që ata e vlerësojnë më shumë.

Një tjetër opsion tërheqës është mbrojtësi francez i Bayern Munich, Dayot Upamecano, i cili përfundon kontratën vitin e ardhshëm dhe pritet të jetë i lirë për t’u nënshkruar brenda pak më shumë se dy muajve.

Megjithatë, Bayern nuk do ta lëshojë lehtë Upamecanon. Tre vjet më parë, Los Blancos nënshkruan me Alaba nga Bayern falas, por bavarezët mbajtën Alphonso Davies në një situatë të ngjashme verën e kaluar.

Dayot Upamecano

Megjithëse Real Madrid nuk ka treguar të njëjtin nivel interesi, Drejtori Sportiv i Bayern, Max Eberl, dha një përditësim mbi bisedimet për kontratën.

“Gjithmonë është e vështirë të bësh parashikime. Ai është shumë i kënaqur në Mynih, megjithatë ka të ngjarë të ketë oferta”, ka thënë Eberl për Sky DE.

Nëse Upamecano rinovon me Bayern, kjo zvogëlon opsionet e Real Madrid në tregun e transferimeve të vitit 2026.

Dy emrat e tjerë të mëdhenj që aktualisht janë të lirë janë Marc Guehi nga Anglia dhe Ibrahima Konate i Liverpoolit./Telegrafi/

Bayern Munich ka nisur negociatat për rinovimin e kontratës së mbrojtësit francez Dayot Upamecano, marrëveshja aktuale e të cilit skadon në vitin 2026.

Lajmin e ka konfirmuar gazetari i njohur Fabrizio Romano, ndërsa drejtori sportiv i bavarezëve, Max Eberl, deklaroi se klubi “do të bëjë gjithçka të mundur” për të mbajtur në skuadër qendërmbrojtësin 25-vjeçar.

Sipas Romanos, bisedimet me përfaqësuesit e Upamecanos janë tashmë në zhvillim e sipër dhe palët pritet të takohen sërish së shpejti për të vazhduar diskutimet.

Megjithatë, e ardhmja e lojtarit nuk është plotësisht e qartë, duke tërhequr interesin e disa klubeve të mëdha evropiane.

Ndër to, skuadra nga Liga Premier, La Liga dhe Paris Saint-Germain po ndjekin nga afër situatën.

PSG e konsideron Upamecanon si një opsion të mundshëm për mbrojtjen, por vetëm në rast se ai nuk rinovon me Bayernin.

Klubi parisien, sipas Romanos, po respekton politikën e re të pagave, e cila bazohet në performancë dhe minutat e luajtura, dhe nuk ka ndërmend të ofrojë shifra të fryra, edhe për lojtarët e nivelit të lartë.

Prioriteti i Bayernit mbetet rinovimi i kontratës me Upamecanon, por nëse ai vendos të mos firmosë, drejtuesit mund të orientojnë vëmendjen drejt tregut për një zëvendësues të mundshëm.

Një nga emrat që ndodhet në listën e bavarezëve është mbrojtësi anglez Marc Guehi. /Telegrafi/

Bayern Munich po përpiqet të mbyllë një çështje të rëndësishme brenda klubit, pasi mbrojtësi francez Dayot Upamecano mund të largohet si lojtar i lirë në verën e ardhshme.

Ende pa një marrëveshje të re në tryezë, situata e tij ka ndezur një garë të nxehtë mes tre klubeve të mëdha të Ligës Premier.

Nën drejtimin e Vincent Kompany, skuadra bavareze po synon të mbetet konkurruese në Ligën e Kampionëve, por trajneri belg është i vetëdijshëm për pasigurinë që e rrethon të ardhmen e një prej shtyllave të mbrojtjes.

Upamecano, 27 vjeç, ka hyrë në vitin vendimtar të kontratës dhe kërkesat e tij financiare me rreth 16 milionë euro në sezon, e bëjnë rinovimin të vështirë për Bayernin.

Sipas raportimeve të TBR Football, tre gjigantë anglez, Chelsea, Liverpool dhe Manchester City kanë filluar të përshpejtojnë kontaktet për të siguruar nënshkrimin e francezit.

Të gjitha këto klube e shohin Upamecanon si një përforcim ideal për të forcuar mbrojtjen për sezonet e ardhshme.

Nga ana tjetër, Bayern Munich rrezikon të humbasë një lojtar të rëndësishëm pa asnjë përfitim financiar, nëse nuk arrihet një marrëveshje për rinovim në muajt e ardhshëm.

Upamecano, i cili ka treguar stabilitet dhe përvojë në nivelet më të larta, mund të jetë një nga emrat më të kërkuar të merkatos verore në Ligën Premier. /Telegrafi/

Dayot Upamecano, qendërmbrojtësi francez i Bayern Munchen, po tërheq vëmendjen e futbollit evropian ndërsa kontrata e tij skadon këtë verë.

Lojtari kërkon një pagë prej 16 milionë eurosh në sezon për çdo klub që dëshiron të sigurojë shërbimet e tij, duke vendosur një sfidë për klubet e mëdha si Real Madrid dhe Barcelona.

Upamecano është në muajt e fundit të kontratës dhe nuk ka dhënë sinjale të qarta për rinovim.

Kontaktet me përfaqësuesit e lojtarit kanë qenë të vazhdueshme, por kërkesa prej 16 milionë eurosh në sezon konsiderohet e lartë për strukturën e pagave të klubit.

Real Madrid e ndjek situatën me kujdes, duke e parë Upamecano si një profil të përshtatshëm për strategjinë e blerjeve të fundit: lojtarë të konsoliduar që mund të vijnë falas.

Megjithatë, klubi madrilen nuk është i gatshëm të hyjë në një garë ekonomike për pagën e lojtarit, dhe në listë konsiderohen edhe alternativa si Ibrahima Konate ose Marc Guehi.

Në Barcelonë situata është e ngjashme, drejtoria sportive ka kontaktuar me përfaqësuesit e lojtarit, por realiteti financiar e bën të vështirë një marrëveshje me 16 milionë euro në sezon.

Në moshën 26-vjeçare, Upamecano ndodhet në kulmin e karrierës. Ai është titullar te Bayern Munchen, ka eksperiencë në Ligën e Kampionëve dhe rol udhëheqës në Kombëtaren Franceze.

Bayern Munchen ka frikë se Upamecano mund të zgjedhë të presë dhe të negociojë lirshëm me çdo klub që nga janari.

Real Madrid dhe Barcelona po përgatiten me kujdes, ndërsa konkurrenca mund të përfshijë edhe klube të Ligës Premier si Chelsea dhe Liverpool.

Për bavarezët, mbajtja e lojtarit do të siguronte stabilitet në mbrojtje, ndërsa largimi pa kompensim do të ishte një humbje e madhe sportive dhe institucionale.

Destinacioni i ardhshëm i Dayot Upamecano nuk do të ndikojë vetëm te tre gjigantët e Evropës, por edhe te vlerësimi i tregut mbi fuqinë negociuese të futbollistëve të lirë. /Telegrafi/

E ardhmja e Dayot Upamecanos po kthehet në një nga “telenovelat” më të mëdha të afatit të ardhshëm kalimtar të verës. Marrëdhënia e tij me Bayern Munich është bërë gjithnjë e më komplekse.

Megjithëse klubi gjerman synon të rinovojë kontratën me qendërmbrojtësin francez, lojtari nuk duket i gatshëm të pranojë kushtet aktuale.

Ndërkohë, Real Madrid po ndjek me shumë vëmendje çdo lëvizje të tij, i vetëdijshëm se mund të ketë një mundësi unike për të përforcuar mbrojtjen pa shpenzuar asnjë euro për kartonin e lojtarit.

Në Munich dëshirojnë ta mbajnë njërin prej shtyllave të mbrojtjes, por negociatat janë në ngërç.

Bayern do të ishte i gatshëm të rrisë pagën e tij, por jo deri në 20 milionë eurot që kërkon lojtari në total, duke përfshirë rrogën dhe bonuset.

Klubi gjerman beson se një shumë e tillë do të prishte ekuilibrin e strukturës së pagave brenda skuadrës.

Nga ana tjetër, kampi i Upamecanos mban një qëndrim të pandryshuar: nuk do të ketë ulje të kërkesave financiare.

Në Gjermani raportohet se mbrojtësi ndjehet në një pozicion të favorshëm dhe nuk ka frikë të qëndrojë deri në përfundim të kontratës nëse nuk arrin marrëveshjen që dëshiron.

Real Madrid, gjithmonë vigjilent, po e konsideron seriozisht mundësinë e afrimit të Dayot Upamecanos nëse ai bëhet i disponueshëm. Klubi madrilen beson se ardhja e tij do të përputhej në mënyrë perfekte me politikën e fundit të transferimeve, duke ndjekur shembujt e David Alabas dhe Antonio Rudiger, lojtarë të nivelit të lartë që erdhën pa pagesë për kartonin.

Sipas asaj që raporton BILD, “Los Blancos” do të ishin të gatshëm t’i ofronin atij rreth 10 milionë euro neto në sezon, plus një bonus të konsiderueshëm nënshkrimi.

E ardhmja e Dayot Upamecanos te Bayern Munich po bëhet gjithnjë e më e pasigurt, teksa si Barcelona ashtu edhe Real Madrid po e synojnë mbrojtësin francez, i cili mund të largohet si lojtar i lirë.

26-vjeçari ndodhet në vitin e fundit të kontratës së tij, që skadon në qershor të vitit 2026. Bayern ka zhvilluar bisedime për rinovimin prej disa muajsh, por negociatat janë bllokuar për shkak të mosmarrëveshjeve midis klubit dhe përfaqësuesve të lojtarit.

Sipas “Foot Mercato”, gjigantët bavarezë duan të shmangin përsëritjen e rastit të David Alabas, i cili u largua falas drejt Real Madridit, por Upamecano po mban të hapura të gjitha opsionet, përfshirë edhe një largim të mundshëm.

Dayot Upamecano

Spanja shihet aktualisht si destinacioni më i mundshëm, me Realin dhe Barcelonën që po ëndërrojnë këtë afrim falas. “Los Blancos” e shohin francezin si zëvendësues të mundshëm për Antonio Rudiger apo Alaban, ndërsa katalanasit po e ndjekin me interes në kuadër të një ristrukturimi të madh në mbrojtje.

Interesim ekziston edhe nga Liga Premier – veçanërisht nga Manchester United – por gara kryesore pritet të zhvillohet mes dy gjigantëve të kampionatit spanjoll.

Bayern ende shpreson ta bindë Upamecanon të qëndrojë, por gjithçka tregon se “El Clasico”-ja e ardhshme mund të luhet jashtë fushës – në tregun e transferimeve./Telegrafi/